<a href="https://kyzylorda-news.kz/">Kyzylorda-news.kz.</a> Кеше ел болып Ұстаздар мерекесін алғаш рет 5 қазанда атап өттік. Осындай айтулы мерекеде оқушыларын білім нәрімен сусындатып жүрген ұлағатты жандар жайында қанша айтсаң да, жазсаң да аз болар. Бала тәрбиесінде ер адамның да орны ерек. Мектепте сабақ беретін ұстаздардың арасында ер азаматтардың бары рас. Сондай азаматтың бірі &nbsp;– Бекболат Жекенов.Ол Жалағаш ауданы, Бұхарбай батыр аулында дүниеге келген. №33 орта мектепті &nbsp;тәмамдаған соң Тараз қаласындағы М.Х.Дулати атындағы Тараз Мемлекеттік Университетіне “Жеңіл өнеркәсіп тауарлары мен бұйымдарының технологиясы” мамандығы бойынша оқуға түсіп, оны 2010 жылы қызыл дипломмен бітіріп шығады. Сол Университетке “Қаржы” мамандығы бойынша қайта оқуға түсіп, оны 2012 жылы тәмамдайды. 2011 жылы қаңтар айында Қызылорда қаласындағы М.Ықсанов атындағы Қызылорда политехникалық колледжіне жұмысқа тұрады. Одан соң Қызылорда қаласындағы Болашақ Университетіне «Алғашқы әскери дайындық» мамандығы бойынша білімін шыңдайды. 2014 жылы Қызылорда қаласындағы Т.Есетов атындағы №264 мектеп-лицейіне директордың тәрбие ісі жөніндегі орынбасары қызметіне тағайындалады. 2018 жылы мамыр айында осы мектепте Алғашқы әскери және технологиялық дайындық пәнінің оқытушы-ұйымдастырушысы қызметіне ауысқан. Содан бері осы қызмет бойынша жұмыс атқарып келеді.<blockquote>«Мұғалім – мамандық болса, ұстаздық адам бойындағы ұлы қасиет. Ұстаз мәртебесінің артуы ең алдымен ұстаз деген есімге қаншалықты лайық болуына байланысты. Бүгінгі жаңа дәуірдің, жаңарған білімнің мұғалімге қояр талабының жүгі ауыр, олар үлгі боларлық бар жақсылық атаулының ең биігінен көрінуі тиіс. Шәкірт тәрбиелеуде ұстаздардың орны ерекше, еңбегі елеулі. Барша мамандық иелерін кәсіби мерекесімен құттықтаймын» дейді ол.</blockquote>

Ізгілік пен ізденіс иесі

<a href="https://kyzylorda-news.kz/">Kyzylorda-news.kz.</a> Шиелі және Сырдария аудандары әкімінің сайлауы 5 қараша күні өтеді. Бүгінде 2 аудандағы аумақтық сайлау комиссиялары аудан әкімі болуға ниетті кандидаттардан ұсыным құжаттарын қабылдауды аяқтады.&nbsp;Кандидаттардың ұсынылған құжаттары тексеруден өткеннен кейін тіркеу процесі жүргізіледі. Айта кетейік, кандидаттар партия атынан және өзін-өзі ұсынуға мүмкіндігі бар. Әрі қарай кандидаттар үшін үгіт кезеңі басталады. Бұл сайлауда үміткерлердің өз сайлау қорлары болмайды. Сайлаушылармен үгіт кезеңінде Қызылорда облысында әрбір кандидатқа 420 мың теңге белгіленді. Ол бұқаралық ақпарат құралдарына шығуға, үгіт материалдарын шығаруға және көліктік шығыстарды пайдалануға бағытталған.&nbsp;Еске салайық, екі ауданда сайлау өткізуге жауапты аумақтық сайлау комиссиясы төрағаларының 20 жылдан аса тәжірибесі бар. Бүгінде Сырдарияда 18, Шиеліде 40 учаскелік комиссия жұмыс істейді. Оларда 388 комиссия мүшесі қызмет атқаратын болады.&nbsp; &nbsp;

Аудан әкімдерінің сайлауы: үгіт кезеңінде әрбір кандидатқа 420 мың теңге белгіленді

<a href="https://kyzylorda-news.kz/">Kyzylorda-news.kz.</a>&nbsp; Заңсыз бөлінген немесе пайдаланылмай жатқан жер мен жайылымды мемлекет меншігіне қайтару – партияның өңірлік сайлауалды бағдарламасындағы басым бағыттың бірі.Осыған орай партияның «Жер аманаты» комиссиясы &nbsp;жыл соңына дейін 21,3 мың гектар жерді қайтару үшін белсенді жұмыстар жүргізілуде.«AMANAT»-тың басты міндеттерінің бірі – қайтарылған жердің халық арасында әділ бөлінуіне бақылауды қамтамасыз ету, жер қатынастары мәселесінде заңдылық пен әділдікті қайтару. &nbsp;Осы орайда есепті кезеңде аймақтық «Жер аманаты» комиссиясының барлығы 6 отырысы өтті, оның 5-еуі көшпелі форматта ұйымдастырылды. Комиссиясы отырыстарының қорытындысы бойынша жергілікті атқарушы органдарға 8 ұсыныс жолданып, оның барлығы шешімін тапты. Сондай-ақ биыл азаматтардан аймақтық комиссияға 21 өтініш келіп түсіп, оның барлығы бойынша қолданыстағы заңнамаларға сәйкес түсіндірме жұмыстары жүргізілді.Жыл басынан бері &nbsp;«Жер аманаты» аймақтық комиссиясының тікелей қатысуымен 178,7мың гектар жайылымдық жер мемлекет меншігіне қайтарылды. Оның 155,8 мың гектары жайылымдық жерлер, 1,1 мың га егістік жерлер болса 21,8 мың га басқа алқаптар. (Арал ауданы – 18933 га, Қазалы ауданы – 31489 га, Қармақшы ауданы – 20880 га, Жалағаш ауданы – 14573 га, Сырдария ауданы – 29411,3 га, Шиелі ауданы – 14345,5 га, Жаңақорған ауданы – 6190 га, Қызылорда қаласы - 2029,5 га.).2022 жылы 150 мың гектар жерді қайтару жоспарланып, жыл соңына нақты 157,9 мың га қайтарылған болатын. Ондағы 19,8 мың га ауыл шаруашылығы айналымына қайта алынып, &nbsp;шаруашылық жүргізу мақсатында берілді. 19,2мың га ағымдағы жыл соңына дейін конкурсқа шығару жоспарлануда, 18,9 мың га елді мекеннің жайылымы үшін бекітіп берілуде, қалған 100,0 мың га арнайы жер қорына өтті.Еске сала кетейік, қазақстандықтар жер мәселесін жедел шешу үшін «AMANAT» партиясының «жедел желісіне» 8 800 080 44 41 телефон нөміріне арқылы барлық заң бұзушылық фактілері туралы хабарлай алады. Өтінімдер WhatsApp арқылы да +7 700 800 44 41 нөмір бойынша қабылданады.

«Жер аманаты» жобасы жемісті нәтиже беруде

Фото: olympic.kz<a href="https://kyzylorda-news.kz/">Kyzylorda-news.kz.</a> Азиада ойындарында 60 келі салмақта еліміздің намысын қорғаған каратеші Қайсар Алпысбай финалда Кувейт елінің спортшысы Абдулла Шаабахты жеңіп, ел қоржынына тоғызыншы алтын жүлдені салды.Енді Қазақстан қоржынында 66 медаль бар.&nbsp;

Қайсар Алпысбай Қазақстанға тоғызыншы алтын жүлдені алып берді

<a href="https://kyzylorda-news.kz/">Kyzylorda-news.kz.</a> Бұқаралық спортпен халықтың шұғылдануын арттыру, спорт саласының жандануына тұрақты жағдай жасау Мемлекет басшысы жүктеген маңызды тапсырмаларының бірі.Осы орайда, Бүгін М.Нәлібаев елді мекенінде «Ауыл – Ел бесігі» бағдарламасы аясында салынған №7 олимпиадалық резервтік мамандандырылған балалар мен жасөспірімдер спорт мектебі филиалының ашылу салтанаты өтті.Еңселі ғимарат Қызылорда облысының 85 жылдығы және Жаңақорған ауданының құрылғанына 95 жыл толуы қарсаңында ауыл тұрғындарына тарту етілді.Іс шараға облыстық мәслихат төрағасы Наурызбай Сейтқалиұлы Байқадамов, аудан әкімі Мұрат Жолкелдіұлы Тілеуімбетов, облыстық және ауданның зиялы қауым өкілдері қатысты.Спорт кешенінің салтанатты түрде лентасы қиылып, нысанның ішкі жұмысы таныстырылды.<img src="https://knadmin.beoblood.kz/uploads/385089315_3518864015028603_3887968388034487422_n_160b4a9e08.jpg" alt="385089315_3518864015028603_3887968388034487422_n.jpg">

Жаңақорған ауданында жаңа спорт кешені ашылды

<a href="https://kyzylorda-news.kz/">Kyzylorda-news.kz.</a> Ханчжоуда өтіп жатқан Азия ойындарында қазақстандық каратэші Лаура Әліқұл күміс медаль&nbsp;иеленді. 68 кг&nbsp;дейінгі салмақ дәрежесінде өнер көрсеткен отандасымыз финалда қытайлық Цяоцяо Лиге 0:4 есебімен ұтылды.Сонымен қатар 57 келіде бақ сынаған боксшы Карина Ибрагимова күміс жүлде жеңіп алды. Ол&nbsp;финалда&nbsp;Тайбэй спортшысы екі дүркін әлем чемпионы&nbsp;Ю Тин Лиге есе жіберді.&nbsp;Грек-рим күресінен 29 жастағы Әлімхан Сыздықов 130 келі салмақта қола жүлде үшін белдесуде Түрікменстан палуаны Айбегшазада Курраевтан 5:1 есебімен басым түсіп, қола жүлдеге қол жеткізді.Джиу-джитсудан 69 келідегі Алдияр Серік Сингапурден келген қарсыласы Ноа Тян Рун Лиманы 2:0 есебімен жеңді.62 келіде сынға түскен джитсер Мансұр Хабибулла 3-орын үшін өткен бәсекеде Марк Александер Лимді (Филиппин) 6:2 есебімен ұтты.

Азия ойындары: Қазақстандық спортшылар тағы екі күміс, үш қола медаль жеңіп алды

<a href="https://kyzylorda-news.kz/">Kyzylorda-news.kz.</a> Қызылорда облысының экономикалық әлеуеті тікелей суға байланысты болғандықтан тіршілік нәрінің тапшылығы өзекті мәселенің бірі болып саналады. Осыған орай, Су ресурстары және ирригация министрі Нұржан Нұржігітов Қызылорда облысына алғашқы сапарын жасады. Сапар барысында министр өңірді аралап, өзекті мәселелердің тізімін жасады.Сондай-ақ, ол іссапардың бірінші күнінде Қызылорда су торабына, "Арал" СЖКБД филиалына, Арал-Сырдария бассейндік инспекциясына, "Қазсушар" РМК Қызылорда филиалы барып, су тапшылығына байланысты жүргізіліп жатқан жұмыстармен танысты. Өз кезегінде министр өңірдегі су мәселесіне қатысты бірқатар ұсыныстарды тыңдап, су мамандарымен пікірлесті.Жалпы, су мәселесі біздің елді ғана емес, бүкіл әлемді алаңдатып отыр. Климаттың өзгеруі барлық аймақта байқалуда. Одан бөлек, адамзаттың күнделікті тіршілік барысындағы іс-әрекеті су тапшылығын туындатуда.Айта кетейік, Су ресурстары және ирригация министрінің жұмыс сапары облысқа қарасты бірқатар аудандарда жалғасатын болады.

Су ресурстары және ирригация министрі сыр өңіріне жұмыс сапарымен келді

<a href="https://kyzylorda-news.kz/">Kyzylorda-news.kz.</a> Жол мәселесі тұрғындар үшін әрдайым өзекті. Алайда, бүгінде аудан мен ауданды, ауыл мен ауылды жалғап жатқан жолдардың тақтайдай тегіс болғанымен кейбірі сын көтермейді.Дей тұрғанмен атқарылып жатқан жұмыстар да жетер­лік. Қармақшы ауданының әкімі Жандос Еркінбекұлы Жосалы-Жалағаш автожолының 3242-3341 шақырымы аралығында өткен жылғы су шайып кеткен аумақтарының күрделі жөндеу жұмыстарының барысымен танысты. Аталмыш жол аралығындағы аяқталып қалған жұмыстардың бірқатар кемшіліктерін атап өтті.Келесі жол айрығы Қызылтамға кіре беріс жолдың жайымен танысқан аудан әкімінің тапсырмасы негізінде алдағы жылдары бұл ауылға да асфальт төселіп, ел игілігіне ұсынылатын болады.

Былтыр су шайып кеткен аумақтардың күрделі жөндеу жұмысы аяқталуға жақын

Фото: gov.kz<a href="https://kyzylorda-news.kz/">Kyzylorda-news.kz.</a>&nbsp; 2023 жылғы 5 қазанда Ұлттық қауіпсіздік комитеті полиция органдарымен бірлесе және Бас прокуратураның үйлестіруімен бір мезгілде Жетісу, Жамбыл және Түркістан облыстарында арнайы операция жүргізді. Бұл туралы ҚР Ұлттық қауіпсіздік комитетінің баспасөз қызметі хабарлайды.Баспасөз қызметінің мәліметтеріне өқарағанда, операция барысында қару мен есірткіні заңсыз сақтауға, бопсалауға, заңсыз көші-қон арналарын ұйымдастыруға және өзге де ауыр қылмыстар жасауға күдікті топтардың 72 мүшесі тергеу амалдарын жүргізу үшін жеткізілді.Топтар өз әрекеттерін Қытаймен («Қорғас» ХШЫО), Өзбекстанмен («Жібек жолы» өткізу пункті) және Қырғызстанмен («Қордай автомобильдік» өткізу пункті) шекаралас учаскелерде жүзеге асырған.Тінту барысында атыс қаруы оқ-дәрілерімен, ірі ақша қаражаттары, есірткі, сондай-ақ өзге де заттай дәлелдемелер тәркіленді.Тергеу іс-шаралары жүргізілуде.<blockquote>«Қылмыстық-процестік кодекстің 201-бабының 1-бөлігіне сәйкес өзге ақпараттар жария етуге жатпайды»,-делінген ҰҚК баспасөз қызметі таратқан ақпаратта.</blockquote><figure class="media"><div data-oembed-url="https://www.youtube.com/watch?v=wFC8tKnyWl4&amp;t=3s"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/wFC8tKnyWl4?start=3" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>&nbsp;

Қазақстанда ұйымдасқан қылмыстық топтың 72 мүшесі ұсталды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Сыр өңіріне жұмыс сапарымен келген ҚР Су ресурстары және ирригация министрі Нұржан Нұржігітовпен кездесіп, аймақтағы су шаруашылығы мәселелерін талқылады.Кездесуде суармалы су қорын үнемдеу жолдары талқыланды.Айта кетейік, ведомство басшысы аймаққа сапары кезінде «Қызылорда су торабының» жөндеу жұмыстарын көрді.Мұнан әрі министр Қызылорда облысының су шаруашылығы нысандарын аралап, «Өңірлік дамыту және Арал теңізінің солтүстік бөлігін қалпына келтіру» жобасын жүзеге асыру барысымен танысады.

Қызылорда облысының әкімі су ресурстары және ирригация министрімен кездесті 

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаев Мұғалімдер күніне орай педагогтерді төл мерекемен құттықтап, оларға аймақ дамуына, өскелең ұрпақ тәрбиесіне қосқан үлестері үшін алғыс білдірді.Мерекелік іс-шарада ардагер ұстаз Әлима Әбдіқалықова Қызылорда облысының Құрметті азаматы атанып, «Орта білім беретін үздік ұйым» облыстық байқауының жеңімпазы Ә.Мүсілімов атындағы № 101 мектеп-лицейге 34 млн. теңге табысталды.<blockquote>«Мемлекет басшысы Қасым-Жомарт Кемелұлы өз Жолдауында «Болашаққа жол сілтейтін мұғалімнің еңбегін лайықты бағалау – маңызды міндет» деп ерекше атап өтті. Бүгінгідей өзгерістерге қадам басқан уақытта жас ұрпаққа сапалы білім беріп, тәрбиелеуде ұстаздардың еңбегі ерекше, мәртебесі биік. Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 100 млрд. теңгеге &nbsp;12 300 орындық 21 мектеп салынуда. «Білімді қолдау қоры» есебінен &nbsp;7,9 млрд. теңгеге физика-математика бағытындағы мектеп-интернат құрылысы қарқынды жүргізілуде. Жаңа оқу жылында Қызылорда қаласындағы 4 іргелі мектептің жанынан қосымша ғимараттар пайдалануға берілсе, «Бәйтерек» шағын ауданы тұрғындары асыға күткен 600 орындық жаңа мектеп бүгін салтанатты түрде ашылып, ел игілігіне табысталды», – деді Н.Нәлібаев.</blockquote>Мерекеде Сыр елінің үлгілі ұстаздары ҚР Оқу-ағарту министрлігі мен облыс әкімінің &nbsp;марапаттарына ие болды. Е.Әуелбеков атындағы дарынды балаларға арналған № 4 облыстық мектеп-интернатының мұғалімі Әсемкүл Жақсылықова «Қазақстанның еңбек сіңірген ұстазы» құрметті атағымен марапатталса, педагогтердің бірқатары ҚР Оқу-ағарту министрлігінің «Еңбек ардагері», «Білім беру ісінің құрметті қызметкері» құрметті атағын, Құрмет грамотасын, «Орта білім беру ісінің үздігі» құрмет дипломын, облыс әкімінің Алғыс хатын алды.Салтанатты кеш жергілікті өнерпаздардың концертіне ұласты.<img src="https://knadmin.beoblood.kz/uploads/369258851_620735376914377_6579784906488221450_n_216876c578.jpg" alt="369258851_620735376914377_6579784906488221450_n.jpg"><img src="https://knadmin.beoblood.kz/uploads/385733832_620735323581049_650749442395932941_n_3a90204ee1.jpg" alt="385733832_620735323581049_650749442395932941_n.jpg"><img src="https://knadmin.beoblood.kz/uploads/385775199_620735706914344_937972653105933318_n_207b0301ec.jpg" alt="385775199_620735706914344_937972653105933318_n.jpg">

Нұрлыбек Нәлібаев: Өңірімізде 100 млрд. теңгеге  21 мектеп салынуда

<a href="https://kyzylorda-news.kz/">Kyzylorda-news.kz.</a> 6 қазан күні фронталды бөліктердің өтуімен Қазақстанның батысында, солтүстік-батысында, оңтүстігі мен оңтүстік-шығысында найзағай ойнап, жаңбыр жауады, деп хабарлайды Қазгидромет.&nbsp;Ел аумағының қалған бөлігіне антициклон жотасы әсер етіп, жауын-шашынсыз күн райы сақталады. Барлық өңірде тұман күтіледі, оңтүстікте және оңтүстік-шығыста екпінді жел тұрады.Атап айтқанда, Ақмола облысының орталығы мен шығысында түнде топырақ бетінде 3 градус үсік жүреді.Түркістан облысының солтүстігінде, шөлді аумағында, орталығында, шығысы мен оңтүстігінде аса жоғары өрт қаупі сақталады.Жамбыл, Маңғыстау облыстарында, Атырау облысының оңтүстігі мен шығысында өрт шығу қаупі жоғары.

Қазақстан және Қызылорда облысының жаңалықтары