<a href="https://kyzylorda-news.kz/">Kyzylorda-news.kz</a> 2024 жылы халықты жұмыспен қамту мақсатында «2024 жылға арналған өңірлік жұмыспен қамту жол картасы» бекітілген болатын. Аталған картаға сәйкес жоспарланған 46475 жұмыс орны, жыл қорытындысымен 106,1 пайызға орындалып, 49307 жұмыс орынның құрылды. Жалпы өңірлік картаның әрбір бағыттарының жоспары артығымен орындалды.<blockquote>- Мемлекет басшысының облыс әкімдеріне «10 мың халыққа 100 жаңа жұмыс орнын құру» тапсырмасын 11,4 пайызға артығымен орындап, республика бойынша 2-ші орынға тұрақтадық. Сонымен қатар, «Ұлттық жобалар» шеңберінде ашылған жұмыс орындарының зейнетақы аударымдары және еңбек шартының тіркелімі бойынша өңірлер арасында 1-ші орынға орналастық. Басқарма тарапынан нысаналы топтарға жататын азаматтармен де жұмыстар жүргізіледі. Мүгедектігі бар аймақ тұрғындары жыл ішінде жұмыспен қамтудың әртүрлі шараларымен қамтылды. Яғни, 1280-і жұмыспен қамтылса, 384 әртүрлі біліктілігін арттыру курстарынан өтіп, 193 адам өз кәсібін ашуға мемлекеттік қайтарымсыз грант алды. Мүгедектігі бар адамдарды жұмысқа орналастыру квотасы шеңберінде 78 мекемеде 101 мүгедекті жұмысқа орналастыру жоспары 100 пайызға орындалды. Биыл 64 мекемеге 75 адамды жұмысқа орналастыруды жоспарлап отырмыз,- деді облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев.</blockquote>

Былтыр аймақта 50 мыңға жуық жұмыс орны құрылды

<a href="https://kyzylorda-news.kz/">Kyzylorda-news.kz</a> Қазір есірткіге тәуелділік, интернет-алаяқтық қоғамның дерті. Мұндай індеттің алдын-алу шаралары да жүйелі жүргізілуде. Заңсыз айналымнан зиянды заттардың зертханасы табылып, қызметі толықтай жойылды. Бұл туралы облыстық полиция департаменті бастығының орынбасары Серік Тоқтыбаев пен жергілікті полиция қызметі басқармасының бастығы Ердәулет Жаукеев мәлімдеді.<blockquote>- Департамент өз құзыреті шегінде нашақорлықтың алдын алу және есірткі қылмысына қарсы күресте қажетті шаралар қабылдауда. Департаментпен әлеуметтік желіде мониторинг жүргізу барысында «Киберқадағалау» ақпараттық жүйесіне синтетикалық есірткіні жарнамалайтын 80 сайттың жұмысы тоқтатылды. Департаменттің сыртқы қызмет саласымен қоғамдық тәртіп пен жол қауіпсіздігін қамтамасыз ету бағытында тиісті профилактикалық жұмыстар &nbsp;жүзеге &nbsp;асырылды,- деді Серік Әбдімәуленұлы.</blockquote>Есепті мерзімде есірткі қылмысына қарсы іс–қимыл саласымен 19 құқық бұзушылық анықталды.&nbsp;<blockquote>- &nbsp;Жол қауіпсіздігі бойынша жол көлік оқиғаларына тікелей әсер ететін өрескел құқық бұзушылықтың 7 бағыты бойынша ағымдағы жылдың бір айында &nbsp;барлығы 15894 құқық бұзушылық деректері &nbsp;анықталды. Талдау нәтижесінде жүргізушілердің жолда жүру ережесін сақтамауы жол-көлік оқиғаларының өсуіне әсер етті. Жол қауіпсіздігін қамтамасыз ету бағытында ағымдағы жылдың қаңтар айының 14-16 аралығында «Тасымалдаушы» жедел &nbsp;профилактикалық &nbsp;іс-шарасы ұйымдастырылды,- деді Ердәулет Баянбайұлы.</blockquote><img class="image_resized" style="width:96.58%;" src="https://knadmin.beoblood.kz/uploads/PD_brifing_c6f290ac32.jpg" alt="ПД брифинг.jpg">Фото: Нұрболат НұржаубайӨңірлік коммуникациялар қызметі

Зиянды заттар – адам өмірінің басты қаупі

<a href="https://kyzylorda-news.kz/">Kyzylorda-news.kz</a> Шиелі&nbsp;– дауылпаз ақындарды, арқалы әншілерді, марғасқа жыршыларды жалпы мәдениет майталмандарын, шығарған мекен. Дүбірлі додаларда жемісті өнер көрсетіп, ауданның ғана емес түгел Сырдың мақтанышына айналған бұл өлкенің өрендері де жетерлік. Мәдениет саласындағы жетістіктерді аудан әкімі Айтбай Жандарбеков Өңірлік коммуникациялар қызметінің ақпарат алаңында баяндап берді.<blockquote>–&nbsp;Облыстық «Алтын дән-2024» салтанатты шарасында жыл қорытындысымен Шиелі ауданы «Су үнемдеу технологиясын қолдану» бойынша «Озат аудан» номинациясын иеленсе, Сырдария ауданында өткен облыстық «Алтын күз – 2024» ауыл спартакиадасынан ауданымыздың спортшылары спорттың 16 түрінен өткен жарыста жүлделі 1 орынды алды. Сондай-ақ, «Төрлет, еңбек адамы!» тақырыбындағы «Алтын домбыра» айтысында жерлесіміз, айтыстың ақтангері Мейірбек Сұлтанхан топтан озып шығып, «Алтын домбыра» иегері атанды. Жерлесіміз Ысқаққызы Ақкербез Алматы қаласында өткен «Қазақ аруы-2024» байқауының жеңімпазы атанды,- деді Айтбай Насраддинұлы.</blockquote>Биыл Шиелі ауданында шаруашылық құрылымдары 31 мың гектар жерге егін екті. Негізгі дақыл күріштің үлесі - 13 098 гектар, жыл қортындысмен әр гектардан 60 центнерден өнім алып, жалпы 78 588 тонна астық жиналды. Биылғы жылы ауданда 10 мың гектар жерге лазерлік тегістеу жұмыстары жүргізілді. Суды үнемдеу мақсатында тамшылатып суару әдісімен 2050 гектар жерге көкөніс және бау бақша дақылдары егілді.Сондай-ақ, ауданда азық-түлік қауіпсіздігін қамтамасыз ету және импортты азайту мақсатында әр отбасының өзін-өзі әлеуметтік маңызы бар өнімдермен қамтамасыз ету үшін шаруашылық құрылымдарымен 1 550 гектар жер дайындалып, бау-бақша өнімдері егілді.<blockquote>– Ауыл шаруашылығы құрылымдарындағы техника паркі кейінгі 4 жыл көлемінде 63 пайызға жаңа үлгідегі отандық және шетелдік техникалармен жаңартылды. Агроөнеркәсіптік кешенін дамытудың негізгі индикаторларына сәйкес мал шаруашылығын дамыту бағытында төрт түлік мал санында да өсім бар, – деді Айтбай Насраддинұлы.</blockquote>Шиелі ауданының өнеркәсіп өнімдерін өндіруші мекемелері мен кәсіпорындары 2024 жылы 66 млрд теңгеден аса өнеркәсіп өнімдерін өндірді. Ауданда тіркелген шағын және орта кәсіпкерліктің саны 6 363 субъектіге жетіп, жұмыс жасап тұрғаны 96,7 пайызды құрады. 2024 жылы ауданда 7 инвестициялық жобаны іске асыру жоспарланып, жобалар толықтай жүзеге асырылып 127 адам тұрақты жұмыспен қамтылған. Ал биыл қандай инвестициялық жобаларға басымдық беріледі?<blockquote>– 2025 жылы құрылыс жұмыстары басталатын және іске қосылатын жобаларды таныстырып өтсем.&nbsp;Жыл сайын ауданда жүзеге асырылатын инвестициялық жобалардың саны артып келеді. 2025 жылы 9 ірі инвестициялық жобаны іске қосу жоспарлануда. Бұл жобалар іске қосылғанда 233 адам тұрақты жұмыспен қамтылатын болады. Атап айтқанда: «Тесис» ЖШС. Қуаттылығы 40 МВт күн электр станциясы. Жоба іске қосылғанда 10 адам тұрақты жұмыспен қамтылады. «VIGOR Holding» ЖШС. Қуаттылығы 20 МВт күн электр станциясы. «Uranus Wind» ЖШС. Қуаттылығы 50 МВт жел электр станциясы жобасы. «Altyn Dala Energy ltd.» Жеке компаниясы. Қуаттылығы 60 МВт күн электр станциясы. Жоба 2026 жылы іске қосылады және 18 адам жұмыспен қамтылады. «Табиғи тас Қызылорда» ЖШС-нің «Қиыршық тас өндіру заводы» жобасы. «Дом Инвест» ЖШС-ның «Батыс Қытай-Батыс Европа» тас жолының бойынан газ заправкасы мен сервистік қызмет көрсету кешені жобасы. «Ақмая» шаруа қожалығының «Күріш ақтау зауыты» жобасы. Таң ЛТД» ЖШС-ның «Жүгері дақылдарын кептіру және терең өңдеу » жобасы. «Transshipment 1» ЖШС-ның Cұйық реагенттер қоймасы. Аталған жобалар ел игілігіне беріліп, жақында өз жұмыстарын бастайды, –&nbsp;деді Айтбай Насраддинұлы.</blockquote>Фото: Өңірлік коммуникациялар қызметі

Шиелі: Ауқымды жобалар жүзеге асырылуда

<a href="https://kyzylorda-news.kz/">Kyzylorda-news.kz</a> Бүгін Ақсуат ауылдық округінің әкімі Нұрболат Бақытов бұқаралық ақпарат құралдарының өкілдеріне өткен жылы ауылдық округ көлемінде атқарылған жұмыстар мен алдағы жоспарлар бойынша баспасөз конференциясын өткізді.<blockquote>- Өткен жылы ауылдық округтің инфрақұрылымын дамыту мақсатында ауқымды жұмыстар атқарылды. Ұзындығы 22,5 шақырым болатын 32 көшеге электр желісін тарту жұмыстары басталды. 4 көше жарықтандырылып, 7 көшеге асфальт төселді, ал қазір ұзындығы 7,4 шақырым болатын 4 көшеде құрылыс жұмыстары жалғасуда. Сондай-ақ, 3 спорт ойын алаңына ағымдағы жөндеу жұмыстары жүргізіліп, Е. Адранова мен Қ. Жұмаев көшесінің қиылысына спорт-жаттығу алаңы салынды. Бұл жұмыстар биыл да жалғасын таппақ. Атап айтсақ, 4 көшеге түнгі жарық бағаналарын орнату, 18 көшені жөндеуден өткізу жоспарлануда. Сонымен қатар, 10 көшеге түнгі жарық бағаналарын орнатуға және 4 көшені қайта жаңғырту үшін жоба-сметалық құжаттары әзірленіп, бюджетке өтінім ұсынылды, - деді ауылдық округ әкімі Нұрболат Бақытұлы.</blockquote>Мемлекеттің шағын және орта кәсіпкерлікті қолдауының нәтижесінде ауылдық округ бойынша 602 кәсіпкерлік субъекті жұмыс істеуде, оның 153 кәсіпкерлік субьектісі 2024 жылы тіркелген. Кәсіпкерлікті дамытудың түрлі мемлекеттік бағдарламалары аясында ұсынылған 44 жоба мақұлданып, 246,9 млн. теңгеге қаржыландырылды. Кәсіпкерлердің демеушілігімен ауыл орталығында орналасқан Тағзым алаңының кіре берісіне арка салынды. Н.Төребаев көшесінің бойына екі қатар 500 дана ағаш көшеті егіліп, қоршау жұмыстары жүргізілді.

Ақсуат ауылдық округі: 2024 жылы атқарылған жұмыстар және алдағы міндеттер талқыланды

<a href="https://kyzylorda-news.kz/">Kyzylorda-news.kz</a> Бүгінгі таңда жасанды интеллект (ЖИ) көз ілеспейтін қарқынмен дамуда, оның өнімдерінің ішіндегі ең қауіптісі дипфейк&nbsp;–&nbsp;ол жасанды бейнелер, аудио және бейне жазбаларды қолдан жасау арқылы адамдарды жаңылыстырып, алдау дегенді білдіреді. Дипфейктер күннен күнге жетілдіріліп, шынайыдан ажырата алмайтындар дәрежеге жетті, оны алаяқтар азаматтарды алдау үшін әккі пайдалануда. &nbsp;Оларды жасау жолдары және өзіңізді және жақындарыңызды диджитал-алаяқтықтан қалай қорғауға болатыны жөнінде &nbsp;Fingramota.kz-пен бірге қарап көрелік.«Дипфейк» ұғымы «deep learning» деген сөздерден, яғни «терең зерделеу» және «fake» - «жалған» деген сөзден шыққан. «Дипфейк» – нейрондық желілерге негізделген технология, ол шынайы адамдардың бейнесіне ұқсастырып, жалған бейнелер, аудио және бейнежазбалар жасауға мүмкіндік береді. Заманауи дипфейктердің &nbsp;шынайы бейнелерге ұқсастығы соншалықты, ол жөнінде хабары адамдар жалғанды түпнұсқадан ажырата алмай жатады.Дипфейктердің негізгі түрлері1. Бейне – бейнероликтерде адамдардың жалған бет келбетін жасау, жалған сұхбаттар мен үндеулер жасау.2. Аудио – адамның дауысын жасау, туыстардан немесе басшылардан жалған қоңыраулар жасау.3. Кескіндер – жоқ адамдардың фотосуреттен жасау немесе шынайы суреттерді өзгерту.Алаяқтар дипфейктерді қалай қолданады?«Анашым, көмектес!» – «туысқандардан» қоңырауларАлаяқтар әлеуметтік желілерден немесе телефон қоңырауларынан адамдардың дауыстық жазбаларын жинайды, содан кейін жасанды интеллект көмегімен дипфейк-аудио жасайды. Әрі қарай олар «жәбірленушінің атынан» туыстарына қоңырау шалып, мысалы: «Анашым, мен апатқа ұшырадым, шұғыл ақша керек!» деген сияқты және басқа да қорқынышты дауыстық хабарлар арқылы жедел түрде ақша аударуды сұрайды. Олар көбінесе түнгі уақытта, жәбірленушінің алаңсыз отырған кезінде қоңырау шалады, көп жағдайда адамдар ойланбастан ақшаны аударып жібереді.Өзіңізді қалай қорғауға болады?&nbsp;Қоңырау сіз білетін нөмірден келсе де, оған бірден сене салмаңыз. Алаяқтар басқа адамдардың дауыстарын ғана емес, телефон нөмірлерін де қолдан жасауды үйреніп алған. Байланысты бірден үзіңіз және жақын адамның нөміріне өзіңіз қоңырау шалыңыз. Сондай-ақ, сіз және сіздің жақын туысыңыз ғана білетін код сөзін қолданыңыз.«Сіздің бастығыңыз ақша аударсын деп жатыр» &nbsp;Алаяқтар көбінесе компания басшысының атын жамылып, дипфейк-бейнежазбаны немесе аудионы пайдаланады. Олар қызметкерлерге ақша аударуға немесе конфиденциалды деректерді беруге шұғыл тапсырмалар жібереді. Біз бұл схеманы Fake Boss материалында егжей-тегжейлі сипаттап береміз.Өзіңізді қалай қорғауға болады? &nbsp;Ақша аударуды немесе конфиденциалды ақпарат беруді сұраған кезде әрқашан басшының өзімен хабарласып оның шынайы екендігін тексеріңіз. Сондай-ақ, кез келген қаржылық операцияларды бірнеше байланыс арналары арқылы растаңыз. Сонымен қатар, кез келген қаржылық операциялар үшін «қосарлы тексеру» ережесін енгізуді ұсынамыз.«Мен сені әшкерелеймін!» деп қорқытып, бопсалауАлаяқтар дипфейк арқылы жалған бейне жазбалар жасайды, онда өзін құрбан ретінде көрсетіп отырған адам бопсалайтын, ойдан туындаған нәрселер айтады. Содан кейін олар оны «жария етпеу» үшін ақша талап етіп, адамды бопсалайды, олардың талабы орындалмаған жағдайда өздері ойдан шығарған айыптайтын ақпаратты жария етеміз немесе осы бейнені желіде жариялаймыз деп қорқытады.Олардан қалай қорғануға болады?&nbsp;Ешқашан бопсалаушыларға ақша жібермеңіз. Қауіп төнген жағдайда дереу құқық қорғау органдарына және киберқауіпсіздік мамандарына хабарласыңыз.«Мен құқық қорғау органының өкілімін...» деп полиция қызметкерлері атын жамылған адамның бейне қоңырауларыАлаяқтар жәбірленуші туралы ақпаратты жинайды (мысалы, әлеуметтік желілер, деректердің жария болуы және т.б.) және құқық қорғау органдарының қызметкеріне ұқсайтын дипфейк бейнесін жасайды. Әрі қарай, олар құқық қорғау органдарының қызметкерімін деп өздерін таныстыра отырып, бейнеқоңырау жасауды бастайды және ықтимал жәбірленушіге оның қылмыстық іске қатысы бар екенін хабарлайды. Алаяқтар жасалған ауыр қылмыс туралы айтады және қылмыстық қудалауды болдырмау үшін айыппұл төлеу арқылы жағдайды «реттеуді» ұсынады. Алаяқтар өз сөздерін растау үшін жалған құжаттарды немесе жалған дәлелдерді қолдана алады.Қалай қорғану керек?&nbsp;Егер сізге құқық қорғау органдарынан қоңырау шалса еш жағдайда қорықпаңыз. Сізге қандай бап бойынша айыптап тұрғанын, іс-әрекет қашан орын алғанын және қандай полиция бөлімшесіне бару керек екенін сұраңыз. &nbsp;Сондай-ақ, сізге қоңырау шалған ұйымның: ҚР ІІМ немесе аудандық полиция бөлімшесінің жедел желісіне өз бетіңізбен қоңырау шалуыңыз қажет. &nbsp;Дипфейкті қалап ажырата білуге болады?Технологиялардың қарыштап дамыуына қарамастан, дипфейктерді ажырата білу әлі де мүмкін емес. Жасанды мимика мен бет-әлпетінің қимыл-қозғалысына назар аударыңыз – олар жиі резеңке тәріздес болады. Интернеттегі кейбір сервистер сапасы аса жақсы болмаса да, бір суреттің немесе бірнеше секундтық дыбыстық жазбаның көмегімен ғана дипфейк-бейнежазбаны немесе аудионы жасап бере алады. Адамның көзін жұмып-ашуы бір түрлі болуы мүмкін немесе тіпті болмауы мүмкін, сөздері аузының қимылына сәйкес келмеуі мүмкін, аздаған кекештену немесе робот секілді дауыс ырғағы сіздің назарыңызды өзіне аударту қажет. Сізге жасанды болып көрінетін тұстарға сіз күмәнмен қарауыңыз қажет. &nbsp;Әйгілі адамдар қысқа уақыт ішінде адам сенгісіз қыруар ақша табуды ұсынатын және салынған қаражаттың пайызбен қайтарылуына кепілдік беретін бейнежазбадан аса сақ болу керек. Алаяқтар ғана «таусылмас қазынаны» уәде етеді, ал шын мәнінде өз құрбандарына қиянат жасап кетеді. &nbsp;<img src="https://knadmin.beoblood.kz/uploads/internet_0ffaa9e353.jpeg" alt="интернет.jpeg">Дипфейк-алаяқтықтан қалай қорғанамыз? &nbsp;Скептик болыңыз:&nbsp;егер біреу дереу ақшаны аударуды немесе күдікті тапсырманы орындауды сұраса – ақпаратты қайта тексеріңіз. &nbsp;Деректің шығу көздерін тексеріңіз:&nbsp;расталмаған шулы бейнежазбаларға немесе дыбыстық хабарларға сенбеңіз.Код сөздерін белгілеңіз:&nbsp;жақын адамдарыңызбен адамды тануға көмектесетін құпия сөз ойлап табыңыздар. &nbsp;Қызметкерлеріңізді оқытыңыз:&nbsp;егер сіз ірі ұйымның бастығы болсаңыз немесе бизнесіңіз болса, дипфейктерден қорғану үрдістерін енгізіңіз, мысалы қаржылық сұрау салуларды екіфакторлы тексеру. &nbsp;Технологияларды қолданыңыз:&nbsp;дипфейктерді айқындауға көмектесетін бағдарламалар,&nbsp;мысалы&nbsp;Deepware Scanner&nbsp;немесе&nbsp;Microsoft Video Authenticator.Тағы бір маңызды ереже – өз дербес деректеріңізге сақ болу. Құжаттарыңыз бен банк карталарыңыздың суреттерін мессенджерлер арқылы еш уақытта жібермеңіз. Туыстар мен жақын достардың арасында да деректердің сыртқа кету қаупі болуы мүмкін. &nbsp;Өзіңізді және жақындарыңызды қорғаңыз және <a href="https://www.fingramota.kz/kk/post/meni-masatym-any-seni-aldau-alayatar-azamattardy-aldau-shin-dipfejkti-alaj-pajdalanady">Fingramota.kz</a>-пен бірге қаржылық сауаттылығыңызды арттырыңыз!Фото: fingramota.kz

Менің мақсатым анық – сені алдау: алаяқтар азаматтарды алдау үшін дипфейкті қалай пайдаланады 

<a href="https://kyzylorda-news.kz/">Kyzylorda-news.kz</a> Дін халық мә­дениетінің рухани негізі. Оның қоғамда алатын орны қашанда ерекше. Сол себепті жас ұрпаққа діндер тарихы мен оның құн­ды­лықтары, рухани астары туралы мәлімет беру өмір талабы. Бүгінде аймақтағы діни ахуалды тұрақты деп сипаттауға болады.<blockquote>- Қазіргі уақытта Қызылорда облысында 7 конфессия өкілдері қызмет жасауда. Олардың қатарында 189 мешіт, 15 шіркеу, 2 миссионер діни қызмет атқарады. Есепті кезеңде ақпараттық түсіндіру тобымен 12 736шара өткізіліп, оған 169 562 адам қамтылды. Дін мәселелерін зерттеу орталығының парақшаларында қарсы насихаттық материалдар жариялануда. 2024 жылы 10 281 материал жарияланды. Әлеуметтік желілерге жүргізілген Мониторинг нәтижесімен күмәнді деп танылған 20 сілтеме Мәдениет және ақпарат министрлігінің Дін істері комитетіне сараптамаға жолданды. Екеуі «оң», он алтысына «теріс» қорытынды берілсе, екеуі сараптама объектісіне жатпайды деп танылды. Сонымен қатар, 2024 жылы басқарма және орталық мамандарымен «Киберқадағалау» ақпараттық жүйесіне күмәнді деп танылған 1 729 сілтеме енгізілді. Қазіргі уақытта «Ғылыми сарапшылық кеңес», «Діни бірлестіктер клубтары» бар. Құрамына ғалымдарды жинақтаған сарапшылық кеңеспен жыл басынан бері 2 шара өткізілсе, діни бірлестік басшыларының клубымен 8 шара ұйымдастырылды. Бұл шаралардың негізгі мақсаты аймақта конфессияаралық келісімді одан әрі нығайту,- деді Өңірлік коммуникациялар қызметіне берген ақпаратында облыстық дін істері басқармасының басшысы Дінмұхамед Ермеков.</blockquote>Фото: Өңірлік коммуникациялар қызметі

Дін – ұлттың негізі

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев адал еңбектің үлгісін көрсетіп, халықтың ықыласына бөленген ардақты ардагерлерді мерейтойларымен құттықтады. Осы жолғы басқосу құрылыс саласының ардагері, Қызылорда қаласының Құрметті азаматы, Қазақстанның Құрметті құрылысшысы Жәнәбіл Нұрқыштың 90 жасқа, Жалағаш аудандық ардагерлер кеңесінің төрағасы, Жалағаш ауданының Құрметті азаматы, «Құрмет» орденінің иегері Садық Әлиевтың 85 жасқа және Арал, Қазалы, Жаңақорған аудандары мен Қызылорда қаласының Құрметті азаматы, Қазақстанның Құрметті құрылысшысы, «Құрмет», «Парасат» ордендерінің иегері Нәжмедин Мұсабаевтың 75 жасқа толған мерейтойларының құрметіне арналды.Аймақ басшысы Сыр жұртшылығы атынан құттықтау лебізін жеткізді.«Біз Сырдың қасиетті топырағында дүниеге келіп, елге қалтқысыз қызмет еткен аға буын өкілдерін ұлықтауды, олардың жүріп өткен жолын өскелең ұрпаққа үлгі-өнеге етуді дәстүрге айналдырдық.Үлкендеріміз ел іргесінің сөгілмеуін, өскелең ұрпақ жолының ашық болуын тілеп, тұтас қауымды бірлікке үндеп келеді. Ағаларымыз Тәуелсіздіктің алғашқы жылдарында аймағымыздың әлеуметтік-экономикалық дамуына зор үлес қосты.Сіздердің парасат-пайымдарыңыз, тәжірибелеріңіз, ақыл-кеңестеріңіз қазіргі жастар үшін құнды! Құрметті ел ағалары, мерейтойларыңыз құтты болсын!», – деді Н.Нәлібаев.Жәнәбіл Нұрқыш еңбек жолын 1955 жылы Оңтүстік Қазақстан облысы, Сайрам аудандық су шаруашылығы басқармасында бастаған. Әр жылдары «Қызылорда құрылыс» тресінде, Тасбөгет кентіндегі темір-бетон зауытында, Қазалы ауданының ПМК мекемесінде, «Агропромстрой» тресінде басшылық қызметтер атқарған. Қазалы аудандық кеңесінің депутаты, партия комитетінің пленум мүшесі болып сайланған. Қазалы ауданында қызмет еткен жылдары әлеуметтік нысандар мен тұрғын үйлердің салынуына және ауданның әлеуметтік-экономикалық дамуына зор үлесін қосқан.Садық Әлиевтің еңбек жолы 1961 жылы Қызылорда қаласындағы «Авто трактор деталь» зауытында басталған. Жалағаш аудандық кәсіптік-техникалық училищесінде, аудандық комсомол комитетінде, «Каз сельхоз техника» бірлестігінде, аудандық ауыл шаруашылығы басқармасында басшылық қызметтер атқарған. Жалағаш ауданында кеңес төрағасының бірінші орынбасары, аудан әкімінің бірінші орынбасары, «Қазақстан күріші» акционерлік қоғамының бірінші вице-президенті қызметтерін абыроймен атқарған. Жалағаш аудандық кеңесінің және облыстық кеңестің депутаты болып сайланған. Садық Әлиұлы зейнетке шықса да, ауданның қоғамдық өміріне белсене араласып, бүгінде Жалағаш аудандық ардагерлер кеңесінің төрағасы қызметінде елді бірлікке үндеп келеді.​Нәжмедин Мұсабаевтың 1971 жылы ғылыми қызметкерліктен басталған еңбек жолы «Қызылорда жөндеу су құрылыс» тресінде жалғасты. Қазақстан Компартиясының Қазалы аудандық комитетінде, Қазалы аудандық Халық депутаттары кеңесінің атқару комитетінде жауапты қызметте болған. Әр жылдары Қызылорда қаласы әкімінің бірінші орынбасары, Қазалы, Жаңақорған және Арал аудандарының әкімі, облыстық экономика басқармасының басшысы, Қызылорда облысы әкімінің бірінші орынбасары қызметтерін абыроймен атқарған.Басқосуда Сыр өңірінің дамуына қосқан үлестері үшін мерейтой иелеріне облыстың ең жоғары марапаты – Қызылорда облысының Құрмет грамотасы табысталып, халқымыздың игі дәстүріне сай шапан жабылды.Жәнәбіл Нұрқышұлы «Қызылорда облысының дамуына қосқан үлесі үшін» медалімен марапатталды. Бұл марапат бұған дейін Садық Әлиұлы мен Нәжмедин Түрікбенұлына берілген болатын.Мерекелік жиында еңбек ардагері Жақай Бодықбаев, ауыл шаруашылығы саласы ардагерлері кеңесінің төрағасы Нұрлыбай Ұлықпанұлы, Жамбыл облыстық ардагерлер кеңесінің төрағасы Оңласын Есіркепов, Ақтөбе облыстық ардагерлер кеңесінің төрағасы Серік Шаңғұтов мерейтой иелерінің еңбек жолына тоқталып, құттықтау лебіздерін жеткізді.<img src="https://knadmin.beoblood.kz/uploads/Oblys_kimi_e_bek_ardagerlerin_tty_tady_1_180b4902ad.jpg" alt="Облыс әкімі еңбек ардагерлерін құттықтады 1.jpg">Фото: Қызылорда облысы әкімінің баспасөз қызметі

Облыс әкімі еңбек ардагерлерін құттықтады

<a href="https://kyzylorda-news.kz/">Kyzylorda-news.kz</a> Бүгін Арал ауданы әкімдігінің мәжіліс залында Арал ауданы әкімі Аманжол Оңғарбаевтың төрағалығымен актив отырысы өтіп, Үкімет отырысында көтерілген мәселеге қатысты бірқатар міндеттер нақтыланды.Аудан басшысы алдымен ауданда орын алған кадрлық өзгеріске тоқталды. Аудан әкімінің 2025 жылғы 4 ақпандағы өкімімен Арал аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы лауазымына Құдайберген Жанқожа тағайындалғанын жетікізіп, қызмет жолына қысқаша тоқталып өтті.Атқарылар жұмыс ауқымды екенін алға тартқан аудан әкімі ең алдымен Арал жұртшылығы көптен күткен аспалы көпірдің құрылысы мерзімінде әрі сапалы аяқталуы қажет екенін жеткізді.Сонымен қатар, автожолдарды жөндеу мен олардың сапасын арттыру бағытында қордаланған мәселелерді шешу күн тәртібінде тұр. Басшылық қызметке келіп жатқан Арал аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Құдайберген Жанқожа алдағы уақытта осы және өзге де жұмыстармен жан-жақты айналысатын болады.Аудан әкімі атқарылуы тиіс өзге де жұмыстарға қысқаша тоқталып, аудан дамуында әрбір мәселеге тиянақты әрі уақытылы мән беру керектігін жауаптыларға міндеттеді.Фото: Арал ауданы

Бірқатар міндеттер нақтыланды

<a href="https://kyzylorda-news.kz/">Kyzylorda-news.kz</a> 2025 жылдың наурыз айында Қазақстанда екі мемлекеттік мереке 8 наурыз –&nbsp;Халықаралық әйелдер күні және Наурыз мейрамы тойланады. Бұл туралы <a href="https://stan.kz/kazakstandiktar-biil-naurizda-kansha-kun-demalatini-bel-413323/">Stan.kz</a> ақпарат агенттігі хабарлайды.8 наурыз – Халықаралық әйелдер күні:&nbsp;<ul><li>Бес күн&nbsp;жұмыс істейтіндер&nbsp;үш күн демалады: 8, 9 және 10 наурыз (сенбі, жексенбі, дүйсенбі);&nbsp;</li><li>Алты күн&nbsp;жұмыс істейтіндер&nbsp;екі күн демалады: 8 және 9 наурыз (сенбі, жексенбі).</li></ul>Наурыз мейрамы:&nbsp;<ul><li>Бес күн&nbsp;жұмыс істейтіндер&nbsp;бес күн демалады: 21, 22, 23, 24 және 25 наурыз (жұма, сенбі, жексенбі, дүйсенбі, сейсенбі);&nbsp;</li><li>Алты күн&nbsp;жұмыс істейтіндер&nbsp;төрт күн демалады: 21, 22, 23 және 24 наурыз (жұма, сенбі, жексенбі, дүйсенбі).</li></ul>Жалпы алғанда, наурыз айында аптасына бес күн&nbsp;жұмыс&nbsp;істейтіндер&nbsp;8 күн демалыс алады, ал алты күн&nbsp;жұмысқа баратындар&nbsp;6 күн демалады.Еске салайық, бұған дейін&nbsp;2025 жылы қазақстандықтарды Жаңа жыл мен <a href="https://stan.kz/news-407424/">Наурыз мерекелерінде </a>ұзақ демалыс күтіп тұр. Қаңтардың бірінші аптасында бес күннің тек біреуі ғана жұмыс күні болса, ал наурызда қатарынан бес күн демалыс беріледі.Фото: Нұрболат Нұржаубай

Қазақстандықтар наурыз айында қанша күн демалатыны белгілі болды 

<a href="https://kyzylorda-news.kz/">Kyzylorda-news.kz</a>&nbsp; Денсаулық сақтау министрлігі еліміздегі мектептердегі мәзірге түбегейлі өзгеріс жасайтын жобаны әзірледі. Газдалған тәтті сусындардың орнына&nbsp;хош иісті итмұрын шырыны, майлы тұздықтардың орнына-жеңіл қаймақ, жылқы еті мен көкөніс салаттары ұсынылады. Бұл туралы <a href="https://stan.kz/">Stan.kz</a> ақпарат агенттігі&nbsp;<a href="https://24.kz/ru/news/top-news/item/693004-novoe-menyu-dlya-shkolnikov-razrabotal-minzdrav">"24KZ"</a> порталына сілтеме жасап хабарлайды.Енді мектептерде мәзірді әзірлеуде майы аз сүт пайдаланылады. Қант пен тұздың мөлшері азайтылады.Газдалған тәтті сусынның орнына хош иісті итмұрын шырыны, майлы тұздықтардың орны жеңіл қаймақпен алмастырылады. Оқушылар брокколи мен бұршақ салаттарын таңдай алады. Жылқы еті мен сиыр етінен жасалған тағамдар, пробиотикалық йогурттар, тіпті жент сияқты дәстүрлі тағамдар да ұсынылады. Бұл стандарттар Дүниежүзілік денсаулық сақтау ұйымының ұсыныстарына негізделген.<blockquote>“Бірінші кезекте бұл Қазақстанда жүргізіліп жатқан зерттеулерге байланысты жасалды. Мұнда 6 мен 10 жас аралығындағы әрбір бесінші бала артық салмақ пен семіздікке шалдыққан. Бұл өте көп&nbsp;және сандар әлі де өсуде. Мұның негізігі себебі&nbsp;қант, май, транс майлары бар жоғары калориялы, тағамдарды үнемі тұтыну”, –&nbsp;деді ЮНИСЕФ Қазақстан ұлттық тамақтану жөніндегі консультанты Ақкүміс Салханова.</blockquote>Өткен жылдың соңында Денсаулық сақтау министрлігі мектеп оқушыларының диетасына өзгерістер қажет екенін айтты. Мектептегі түскі ас кезінде қант пен тұз деңгейі үш есе төмендеді. Бұл семіздік, қант диабеті және жүрек ауруы сияқты аурулардың қаупін азайту үшін жасалып отыр.<blockquote>“Қанттың адам ағзасындағы тәуліктік мөлшері 4,5 миллиграмнан аспауы тиіс. Егер көрсеткіш қалыптыдан жоғары болса, бұл ұйқы безінің дұрыс жұмыс істемеуіне әкеліп соғады. Бұл жағдайда ағзадағы қант деңгейі жоғарылайды және қант диабетінің алғашқы белгілері пайда болады. Қанттың ғана емес, тұздың да нормасын сақтау керек. Егер денеде тұз жеткіліксіз болса, бұл су балансының бұзылуына әкеледі. Бұлшықеттің жиырылуы, жүйке спазмы, буындар мен сіңірлердің құрысуы сияқты белгілер пайда болуы мүмкін”, –&nbsp;деді&nbsp;нутрициолог Бағай Назарбайұлы.</blockquote>Сондай-ақ, мектептегі түскі астардың сапасын бақылау үшін Қазақ тағамтану академиясы ЮНИСЕФ-пен бірлесіп әзірлеген арнайы онлайн-ресурс құрылды. Бұл тағамдардағы ақуыздарды, майларды және көмірсуларды тексеруге мүмкіндік береді. Мұндай құрал аспазшылардан бастап ата-аналарға дейін барлығына қол жетімді.Мектептерде ата-аналар құрған бракераждық комиссиялар жұмыс істейді. Олар тағамдардың сапасын тексеріп тұрады.<blockquote>“Біз бір ай ішінде екі рет, ата-аналардан қандай да бір ескертулер болған кезде үш-төрт&nbsp;рет апта сайын тексереміз. Ата-аналар комитетінің чаты бар. Онда ескертулер болса, барып тексереміз. Алдымен мөлшерін, кейін дәмін тексереміз. Компот, желе сияқты&nbsp;тым тәтті немесе тым дәмсіз болған кезде де қараймыз”, –&nbsp;деді бракераж комиссиясының мүшесі Анаргүл Өтепбергенова.</blockquote>Денсаулық сақтау министрлігінің мәліметінше, жаңа стандартты&nbsp;ақпан айының басында енгізу жоспарлануда.Фото:&nbsp;pixabay.com

"Жылқы еті, брокколи салаты, қаймақ пен жент": Денсаулық сақтау министрлігі оқушыларға арналған жаңа мәзір әзірледі

<a href="https://kyzylorda-news.kz/">Kyzylorda-news.kz</a> Бүгін облыс әкімінің мәжілісінен кейін қала әкімі Нұржан Ахатов арнайы жиын өткізіп, жол сапасына қатысты мәселелерге талқылау жасады.<blockquote>- Өздеріңізге белгілі, өткен жылы аймақ басшысының қолдауымен қаладағы жол-көлік инфрақұрылымы қарқынды дамыды. Бөлінген қаражаттарға жол құрылыстары жүргізіліп, қайта жаңғыртылды. Көшелер күрделі және орташа жөндеуден өтті. Осылайша тұрғындарымыздың қолайлы өмір сүруіне қажетті жағдай жасалды. Биыл да бұл жұмыстар жалғасын табады. Біздің міндет – салынған және алдағы уақытта жөнделетін жолдарымыздың сапасын қатаң бақылауға алуымыз қажет, – деді Нұржан Сәбитұлы.</blockquote>Жиында шаһар басшысы жоспарланған және алдағы уақытта құрылысы басталатын жобалардың сапалы жүргізілуіне бақылауды күшейтуді тиісті сала жетекшілеріне қатаң тапсырды.<img src="https://knadmin.beoblood.kz/uploads/Zhol_sapasyna_erekshe_zhauapkershilik_zh_kteledi_1_88a82537c6.jpg" alt="Жол сапасына ерекше жауапкершілік жүктеледі 1.jpg"><img src="https://knadmin.beoblood.kz/uploads/Zhol_sapasyna_erekshe_zhauapkershilik_zh_kteledi_2_1cde21c2ad.jpg" alt="Жол сапасына ерекше жауапкершілік жүктеледі 2.jpg">

Жол сапасына ерекше жауапкершілік жүктеледі

<a href="https://kyzylorda-news.kz/">Kyzylorda-news.kz</a> &nbsp;Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде автожол саласын дамыту және салаға цифрлық технологияларды енгізу мәселесі қаралды. Жиынға облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысының төрағалығымен өткен мәжілісте мәселелер кеңінен талқыланып, қала, аудан әкімдері мен сала жетекшілеріне тапсырма жүктелді.<blockquote>«Биылғы меже – жақсы жағдайдағы жолдардың үлесін 95 пайызға жеткізу. Өткен жылы жөндеуден өткен жолдардан анықталған кемшіліктерді шұғыл қалпына келтіріп, қаржының толық игерілуін қамтамасыз етіңіздер. Автомобиль жолдары мен көшелерді салу, жөндеу жұмыстарының сапасын қатаң бақылауға алыңыздар. Жобалардың мерзімінде аяқталуын басты назарда ұстаңыздар», – деді Нұрлыбек Машбекұлы.</blockquote>Айта кетейік, облыс аумағынан 3545 шақырым жергілікті маңызы бар автомобиль жолдарыы өтеді, оның 1024,5 шақырымы –республикалық, 555 шақырымы – облыстық, 1965,5 шақырымы –аудандық маңызы бар автомобиль жолдары.Өткен жылы мемлекеттік бағдарламалар аясында жол инфрақұрылымын дамытуға 44 млрд. 700 млн. теңге бөлініп, 300 шақырымнан асатын автомобиль жолдары, елді мекен көшелері мен көпір өткелдері жөндеуден өтті. Бұл арқылы жақсы және қанағаттанарлық жағдайдағы жолдардың үлесі 92 пайыздан асты.Биыл жергілікті жол инфрақұрылымын дамытуға бюджеттен 33 млрд. 500 млн. теңге бөлінді. Оған 329 шақырым жол жөнделіп, көрсеткіш 95 пайызға жеткізілмек.<img src="https://knadmin.beoblood.kz/uploads/avtozhol_1_5e428c998b.jpg" alt="автожол 1.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары