<a href="https://kyzylorda-news.kz/">Kyzylorda-news.kz.</a> Қазгидромет ел аумағында 20 шілдеде болатын қауіпті метеорологиялық құбылыстарға болжам жасады.Атмосфералық фронтальды бөлімдердің өтуімен елдің көп бөлігінде ауа райының тұрақсыз сипаты сақталады. Елдің солтүстігінде, батысында қатты жаңбыр жауады, найзағай, бұршақ, дауыл күтіледі. Республиканың шығысында ғана жауын-шашынсыз ауа райы болады. Республика бойынша жел күшейеді, елдің оңтүстігінде шаңды дауыл, түнде және таңертең солтүстік-батыста тұман түседі.<blockquote>«Күндіз Жамбыл, Алматы, Шығыс Қазақстан, Жетісу облыстарында, Қарағанды облысының оңтүстігінде, Абай облысында 35-42°с қатты ыстық сақталады.Түркістан, Жамбыл, Алматы, Шығыс Қазақстан, Павлодар, Қарағанды, Оңтүстік, Шығыс Ақмола облыстарының, Ұлытау, Абай, Жетісу облыстарының басым бөлігінде, Маңғыстау облысының солтүстік-батысында, оңтүстікте, орталығында, Солтүстік Қазақстан облысының шығысында, Ақтөбе облысының оңтүстігінде, оңтүстік-шығысында, Қостанай облысының оңтүстігінде, Атырау облысының батысында, Қызылорда облысының шығысында, орталығында төтенше өрт қаупі сақталады», - деп жазды ведомстводан.</blockquote> &nbsp;

20 шілдеге арналған ауа райы болжамы

<a href="https://kyzylorda-news.kz/">Kyzylorda-news.kz.</a> С.Лапин атындағы №261 мектеп директоры, ҚР Білім беру ісінің үздігі Қарлығаш Әбдірахманова Қ.Бітібаева атындағы Республикалық ғылыми орталық ұйымдастырған байқауда Бас жүлдеге ие болып, “Жыл директоры” атанды.Еліміздің барлық аймақтарынан 180-ге жуық білім беру ұйымдарының басшылары қатысқан бұл байқаудың бәсі жоғары екенін ескерсек, Сыр өңірінің білім саласы үшін қанжылғаға түскен осы жетістіктің орыны ерекше.

Қарлығаш Әбдірахманова “Жыл директоры” атанды

<a href="https://kyzylorda-news.kz/">Kyzylorda-news.kz.</a> Жұмыс тобы кеңес мүшесі Қанат Өтегеновтің ұсынысы бойынша «Қызылорда облысындағы радиоактивті қалдықтармен жұмыс жасау (жинау, сұрыптау, залалсыздандыру және жою бойынша) тақырыбын талқылап, кеңес мүшелері тарапынан бірінші кезекте облыс бойынша уран өндірушілердің уран қалдықтарының тигізіп жатқан зиянын зерттеу ұсынылды.Біздің еліміз қазір дүние жүзінде уран өндірісінен бірінші орында келеді. Бұл бағалы байлықтың жер астындағы мол қоры елімізге пайдасы болғанымен сонымен қатыр зияны да тиіп жатқаны кеңінен қозғалды.&nbsp;Қазақстан Республикасы Энергетика министрлігі Атомдық және энергетикалық қадағалау мен бақылау комитетіне облыс бойынша радиоактивті қалдықтардың саны, кімге өткізіп жатыр, қалай жүзеге асып жатыр, иондаушы сәулелену көзі, уран өндіруші мекемелердің 2022 жылға атқарылған есебін алуға сұраныс хат жолданады.&nbsp;Жұмыс тобы отырысының қорытындысы бойынша тамыз айына Атомдық және энергетикалық қадағалау мен бақылау комитетінің аумақтық департаменті, экология департаменті, облыстағы уран өндіруші мекемелер, денсаулық сақтау басқармасы, Санитариялық-эпидемиологиялық бақылау комитеті өкілдерінің қатысуымен кеңейтілген отырыс өткізу жоспарланды.

Партия жанындағы экологиялық Кеңес: Уран қалдықтарының тигізіп жатқан зиянын зерттеу ұсынылды

<a href="https://kyzylorda-news.kz/">Kyzylorda-news.kz.</a> Бүгін «Халыққа көмек» партиялық жобасы аясында Қызылорда облыстық мәслихаттағы «AMANAT» партиясы депутаттық фракциясының мүшесі Алмас Рахметов Байқоңыр қаласы, Төретам кенті және Ақай ауылдық округінің тұрғындарын қабылдады.&nbsp;Төретам кентінің ардагері А.Нағыметов, Төретам кенті мен Ақай ауылдық округінде қаңғыбас иттердің санын азайту үшін тиісті шараларды жүргізу туралы өтініш білдірді.Келесі болып қабылдауға кірген Байқоңыр қаласының тұрғыны Ш.Махмудова Төретам кентінің «Билайн» ұялы байланыстың сапалы сигналын қамтамасыз етуіне ықпал етуін сұрады. Қоғамдық қабылдауға жазылған У.Азирбаев кентімізге мал жайылымына жер бөлуіне сонымен қатар жем-шөп мәселелері көтерілді. Қала тұрғыны Ұ.Оразова «Дипломмен ауылға» жобасы бойынша 2023 жылғы өзгерістер мен қарастырылған жеңілдіктер туралы сұрады. Ақай ауылының тұрғыны С.Смаханова жұмыссыз азаматтарға арналған денсаулық сақтандыру қоры туралы қарасытыруын сұрады.Депутаттық фракциясының мүшесі А.Рахметов қоғамдық қабылдауға келген тұрғындардың өтініштерін мұқият тыңдап, тез арада мәселелердің оңтайлы шешілуі үшін тиісті жұмыстардың жүргізілетіндігі туралы жеткізді.

Фракция мүшесі қоғамдық қабылдау өткізді

<a href="https://kyzylorda-news.kz/">Kyzylorda-news.kz.</a> Бұл өмірде адамның бірінші байлығы денсаулық екені сөзсіз. Басымыз ауырып, балтырымыз сыздай қалса, денсаулық саласы мамандарының көмегіне жүгініп, жанымызға сая іздеп жатамыз. Себебі, аталған мамандық иесінің ең негізгі міндеті адам өмірін құтқару болып табылады. Ауырған адамдардан өз жүрегіне ұялаған дәрігердің ең жақсы қаиеттерін сұрағанда олар: жылы сөзін, адамдарды топқа бөлмей бәріне бірдей қарайтын қарапайымдылығын, жауапкершілігін айта бастайды.&nbsp;Осы қасиеттер бойынан табылатын білікті дәрігерлердің бірі – Жалағаш аудандық ауруханасының тәжірибелі травматолог-хирургтарының бірі Жарқынбек Сыздықов. Гипократ антына адалдық танытып жүрген азамат бүгінгі күнге дейін көптеген адамдардың өмірін ажалдан арашалап, үлкен алғысқа бөленіп жүр. Қолы жеңіл хирургтің біліктілігін жоғары бағалайтын көпшілік дертіне дауа іздеген сәтте маманның көмегіне жүгінеді.Қай заманда болсын өзіне міндеттелген талаптардың маңыздылығына сай, дәрігер мамандығы – басқа мамандықтарға қарағанда ең қиын және ең ізгілікті мамандық болып саналады. Денсаулық сақтау саласына келген әрбір маман тек күнкөріс қамы деп емес, адам өмірінің арашасы екенін жете түсініп келуі керек. Аудандық аурухананың травматолог-хирургі Жарқынбек Сыдықов «Бір науқасты емдеп, аман-есен үйіне оралуына көмегім тисе, мен үшін соның өзі – үлкен бақыт» дейді. Кейіпкеріміздің күнделікті қауырт жұмыс арасындағы азын-аулақ әңгімесінен көп ой түйдік. Жарқынбек Алтынбекұлы Қарағанды мемлекеттік медицина университетінде жоғары білім алып, алғашқы еңбек жолын Қарағанды қаласы, Х.Ж.Мақажанов атындағы травматология және ортопедия ауруханасында резидент ординатор болып бастаған. Одан кейін Теміртау қалалық ауруханасында травматолог-хирург, 2019 жылдан бастап аудандық ауруханада травматолог-хирург қызметін атқарып келеді. Жұмыс барысында бас, дене жарақаттарынан бастап күйік, үсік, іріңді жарақаттарға дейін ем-дом жасайтынын айтқан ақ халатты абзал жан сынық жарақаттарын және балаларға да дәрігерлік көмек көрсетеді екен. Жарқынбектің жауапкершілігінің ең қиын тұсы әсіресе адам денесінің барлық бөлігінің сынығын қарау екен. Дегенмен қанша ауыр ота түрлері болса да адам өміріне араша болудың өзі мамандығыңа деген сүйіспеншілігіңді одан ары шыңдай түседі дейді. – Жұмыстың қиындығы да, қызығы да қатар жүреді. Медицина саласына қалауыммен келдім, бала кезгі арманым болатын. Мамандық таңдаудан қателеспедім деп айта аламын. Өйткені қызметім қаншалықты жауапкершілікті талап етсе, менде соншалықты ынта-жігер бар. Сондықтан ерінбеймін, әрқашан табандылық танытуды, ізденуді, білім жетілдіруді назарда ұстаймын. Көптеген ауыр жарақаттарға ота жасаймыз. Кейде ауыр жағдайлар да болып жатады. Бірақ сол отадан аман шығып, өмірге қайта келгендей қуанған әрбір науқастың жанарындағы ризашылықты көргенде, алғысын естігенде марқайып қаласың. Міне, біздің еңбегіміздің еленуі осы жерде деп білемін, – дейді кейіпкеріміз.&nbsp;Жас та болса травматолог-хирург, өз ісінің маманы атанып үлгерген Жарқынбек алдыңғы буын ағаларының біліктіліктері, ота кезіндегі, емдеу уақытындағы ақыл-кеңестері үнемі еңбек жолында үлкен тәжірибе болып келе жатқанын да жасырмады. Осындай қиын да ауыр оталарды өткеретін, дененің түрлі жарақаттарын, сынған бөліктерін қайта қалпына келтіруде дәрігерлік көмек бере алатын медицинаның күрделі саласында еңбек етіп келе жатқан ақ халатты абзал жан үшін адам өмірі ең қымбат, денсаулық ең үлкен байлық. Біз де өз кезегімізде адамзатты аялы алақанымен жылыта алатын маман иелеріне тек қана абырой тілейміз.

Жалағаштық білікті дәрігер, білгір хирург           

<a href="https://kyzylorda-news.kz/">Kyzylorda-news.kz.</a>&nbsp;&nbsp;Кеше қазақтың данқты күйшісі, халық композиторы Құрманғазы Сағырбайұлының туғанына 200 жыл толуына орай «Күмбірле домбыра» &nbsp;тақырыбында аудандық күйшілер байқауы өткізілген болатын.&nbsp;Аталған байқауға Сырдария аудандық мәдениет үйіне қарасты 4 мәдениет үйі және 2 клуб үйінен 9 өнерпаз қатысты. Байқау барысында күмбірлеті күй тартқан күйшілер өзара кіл мықтыны анықтады. Өз кезегінде әділ қазылардың шешімімен үздік өнер көрсеткен шіркейлілік &nbsp;Айдарбек Жарқынбек бас жүлдені иеленді. Сонымен қатар асқарлық Азиз Темірбек І орынды, сәкендік Нұрсат Кеңесбай ІІ орынды, шағандық Раушан Ерболатова мен асқарлық Ақәділ Пернебаев ІІІ орынды жеңіп алды.&nbsp;<blockquote>&nbsp;Бүгінгі аудандық байқау жоғары дәрежеде өткізілді. Менің қос оқушым жүлделі орын алып, үздіктер қатарынан көрінді. Бұл ретте, «Арт спорт» бағдарламасы шеңберінде жүзеге асып жатқан үйірме жұмыстары балалардың қабілетін ашуға барлық жағдай жасауда. Мәселен, менің оқушыларым «Сұлу-ай» шығармашылық өнер орталығына қарасты «Домбыра» үйірмесіне қатысып келеді. Жалпы, аудандық облыстық, республикалық деңгейдегі байқаулар баланы барынша шыңдай түседі. Сырдария ауданы бойынша мықты күйшілер тәрбиеленіп келе жатқандығын анық аңғардық, – дейді «Домбыра» үйірмесінің жетекшісі Гүлназ Сералиева.</blockquote>Бұл ретте, жоғарғы нәтиже көрсеткен өнерпаздарға арнайы диплом мен бағалы сыйлық тапсырылды.

Сырдарияда Құрманғазы Сағырбайұлының туғанына 200 жылдығына арналған күйшілер байқауы өтті

<a href="https://kyzylorda-news.kz/">Kyzylorda-news.kz.</a>&nbsp; Бүгін Қазалы ауданының әкімі Мұхтар Оразбаев Қарақұм беткейдегі Шәкен ауылына арнайы барып, елді мекен тұрғындарымен кездесті.&nbsp;Қазалы ауданы әкімінің баспасөз қызметінің хабарлауынша, аудан әкімі алдымен жыл басынан бері ауданда атқарылып келе жатқан жұмыстарды айтып өтті. Сонымен қатар «Ауыл аманаты» жобасының тиімді тұстарына тоқталды. Мұнан соң жылу маусымына дайындық мәселелерін пысықтап, тұрғындар тарапынан қойылған сауалдарға жауап берді.&nbsp;Басқосуда Шәкендегі жұртшылық жол мен трансформатор жайын көтерді.&nbsp;Тұрғындар жеткізген мәселелерге байланысты аудан басшысы жауап беріп, айтылған ұсыныстарды шешу үшін жүйелі жұмыс жүргізілетіндігін тілге тиек етті.Шәкен ауылына сапар кезінде аудан әкімі Мұхтар Оразбаев №134 мектептің жұмысымен танысып, білім ордасының жаңа оқу жылына дайындығымен танысты. Сондай-ақ, мектеп жанындағы интернатты аралап, ондағы жатын орын, оқу кабинеттерін көрген аудан басшысы мектеп басшылығына ғимаратқа ұқыптылықпен қарауды тапсырды.&nbsp;Мұнан кейін аудан басшысы Шәкен ауылдық округіне қарасты Шилі елді мекеніне жол тартты. Ауылдағы білім ордасының ауласында тұрғындармен кездескен аудан басшысы ел ішіндегі жұмыстарға тоқталып болған соң, ұсыныс-пікірлерге құлақ түрді.Шиліліктердің айтуынша, қазіргі күні ұялы байланыс желісінің сапасын жоғарылату мен аяқсу мәселесі өзекті болып тұр. Одан бөлек, мемлекет тарапынан берілетін жеңілдетілген несиені иеленгісі келетін тұрғындар гранттың қалай алуға болатынын сұрады.&nbsp; Әрбір сауалға жеке-жеке тоқталып, шешу жолдарын түсіндіріп берген аудан басшысы ауылдағы №259 негізгі мектептің жаңа оқу жылына дайындығынан хабар алды.&nbsp;Кездесулерде аудандық қоғамдық кеңестің төрағасы Талайлы Бөріқұлақов сөз сөйлеп, елді ауызбіршілікке шақырды.

Аудан әкімі Шәкен ауылына барды

<a href="https://kyzylorda-news.kz/">Kyzylorda-news.kz.</a>&nbsp; Мемлекет басшысы Қасым-Жомарт Кемелұлы Тоқаевтың кезекті Жолдауынан туындайтын мәселелерді және бағдарламаларды іске асыру негізінде, ауылдың әлеуметтік-экономикалық &nbsp;дамуына, білім берудің, денсаулық &nbsp;сақтаудың, ауыл шаруашылығын дамыту мемлекеттік бағдарламалардың орындалуы басты назарда екені анық. Осы тұста ауыл әкімдерінің құзіреттілігін нығайту үшін жергілікті өзін-өзі басқару және ауылдық аймақтарды дамыту бағыттары бойынша ауылдық округі әкімінің аппараты жергілікті мекеме басшыларымен және қауымдастық кеңестерімен яғни ауыл тұрғындарымен бірлесіп түрлі сала бойынша халыққа қызмет көрсетіп келеді.Бүгінде Арал ауданы орталығынан 120 шақырымда орналасқан Қосаман ауылдық округі түрлі сала бойынша дамып келеді. 2005 жылы бой көтерген ауылдық округте қазіргі кезде 722 халық тұрады. Сонымен бірге атаулы ауылдық округке Қосаман және Ақеспе елді мекендері қарайды.Экономикалық белсенді &nbsp;халық саны – 328, өзін-өзі жұмыспен қамтығандар саны – 142 адам, &nbsp;жалдамалы қызметкерлер – 180, зейнеткерлер – 44, батыр аналар (алтын, күміс алқа) – 30, жұмыссыздар саны – 6. Осы 2023 жыл басынан жаңадан жұмыспен қамтылғандар саны – 5.Әлеуметтік нысандар – ауыл көркіӘлеуметтік нысандар бойынша округте 1 орта және &nbsp; &nbsp; &nbsp; 1 негізгі мектеп бар. Білім ордаларында жалпы 51 мұғалім жұмыс істейді. Мектепте 149 оқушы білім алады. Бұдан бөлек, 2 ФАП, 2 ауылдық клуб, 1 ветпунк, 2 кітапхана және «Нұра топтық су құбыры» РМК «Арал» СЖКБД филиалының №1 су айдау станциясы жұмыс жасайды.Негізгі кәсіп – шаруа қожалығыҚосаман ауылдық округінде 8 шаруа қожалығы және 41 жеке кәсіпкер тіркелген. Қазіргі таңда, округте кәсіпкерлікті дамыту бағытында қосымша шаралар қолға алынып, жұмыстар жасалып келеді. Ауылдық округ бойынша 2 азық-түлік дүкені, 1 қоғамдық монша жұмыс жасауда.Ел экономикасы басты назардаҚазіргі таңда округте барлығы 41 кәсіпкер тіркелген. &nbsp;Сонымен бірге, округ &nbsp;бойынша жыл басынан түрлі қаржы ұйымдарына жобалар ұсынылып, қолдау күтілуде. &nbsp; 2023 жылы округте кәсіпкерлікті дамыту мақсатында «Бастау-Бизнес» бағдарламасымен &nbsp;3 азамат(ша) оқып, қайтарымсыз қаржы алуға тиісті жұмыстар жүргізілуде. Бүгінде &nbsp;кәсіп ашуға ниетті азаматтар тізімі жасақталды. Сонымен бірге алдағы уақытта «Ауыл аманаты» жобасына аясында төмендетілген пайызбен несие алуға ниетті азаматтарға құжат тапсыруға сүйемелдеу жұмыстары жүргізілуде.Ауыл шаруашылығы – мемлекетті дамытатын салаАуылдық округ бойынша 2023 жылдың 1 шілдесіне түсетін мал басының саны МІҚ – 852 бас, уақ мал – 1 271 бас, жылқы – 2 679 бас, &nbsp; &nbsp;түйе – 2 081 басты құрайды. Биылғы жылдың тиісті мезгілдерінде мал басын бірдейлендіру жұмыстары толық жүргізіліп, тиісті дерекқорларға енгізілді. Сонымен қатар мүйізді ірі қара тұқымын асылдандыру бойынша жұмыстар күн тәртібінен түскен емес. Осы орайда биылғы жылы 2 бас бұқа алынды.&nbsp; Бұдан бөлек, Ақеспе елді мекенінде 2 балық қабылдайтын тоңазытқыш цехы жұмыс жасауда.Атқарылған жұмыс көпҮстіміздегі жылы аудандық &nbsp;бюджеттен Ақеспе елді мекенінде электр желісін жаңарту мақсатында 6 миллион 272 мың теңгеге тиісті жұмыстар атқарылған.Қазіргі уақытта округ халқының саны артып келеді. Осыған байланысты, округте балабақша ашу бойынша сұраныс бар екен. Ауыл халқынының сұранысына орай, үстіміздегі жылы &nbsp;Қосаман елді мекенінде жеке кәсіпкердің бастамасымен 40 орындық балабақша ашу жоспарланған.&nbsp;Округке қарасты Ақеспе елді мекенінде халық арасында «Ыстық су» аталған демалыс орны қызмет жасауда. Жүргізілген зерттеулер нәтижесінде арнайы экспедиция көмегімен 1986 жылы ашылған аталмыш бұлақтан -62˚ су шыққан. Қазіргі таңда бұл шипалы суға елдің түкпір-түкпірінен ем қабылдауға адамдар ағылып келуде. Бүгінгі күні ыстық бұлақ маңында арнайы демалыс орны қызмет етіп, демалыс аймағын заман талабына сай жабдықтау және тынығушыларға сапалы қызмет көрсету бойынша жоғары талап қойылған. Осы орынның туристтік әлеуетін арттыру басты мақсаттың бірі болып отыр. Қазіргі таңда аталмыш аймақта электр желісі мен ауыз су жүргізілген болса, ендігі маңызды мәселе – жол қатынасы болып тұр. Осыған орай, аудандық бюджеттен Ақеспе елді мекеніне кіре-беріс және елді мекендегі «Ыстық су» бұлағына барар автомобиль жолының құрылысының ЖСҚ әзірлуге тиісті қаржы қаралып, жұмыстар жүргізілуде. Сонымен қатар аталмыш демалыс орнында кәсіп жасауға ниетті азаматтарға тиісті қолдаулар берілуде. Үстіміздегі жылы «Ыстық су» маңына тынығушыларға қызмет көрсету мақсатында &nbsp;арнайы ЖК «Сақтағанов» жоба әзірлеуде. Бұл дегеніміз – елді мекенде кәсіпкерлік жиегі кеңейіп, халық жағдайын арттыруға септігін тигізері сөзсіз.&nbsp;«Төртеу түгел болса, төбедегі келеді» деген қанатты қағидаға сүйеніп, ауыл ақсақалдарының ақыл-кеңесін алып, ауылдың ауызбіршілігі мен ынтымағын артыру мақсатында тұрғындар тарапынан да жұмыстар атқарылған. Соның бірі – Қосаман ауылының тұрғыны, &nbsp;мүмкіндігі шектеулі жанға алыс-жақындағы ағайын болып тұрғын үй тұрғызып, пайдалануға берілді. Бұл ауылдағы жұмыла атқарылған жұмыстардың бірі.

Қосаман ауылында халық саны артып келеді

<a href="https://kyzylorda-news.kz/">Kyzylorda-news.kz.</a> Шексіз бұралаңға толы өмір жолында талай адамдармен бетпе-бет кезігетінін рас. Ал денсаулығымыз сыр беріп қалар болса, мамандықтың асылы саналатын ақ халатты абзал жандардың көмегіне жүгінетініміз белгілі. Олардың көмегімен тоқтаған жүрек қайта соғып, үзілген үміттер жалғанады. Жас пен кәріге, жалпы адамзаттың бәріне көмек қолын созып, жанын қоярға жер таптырмай азаптаған ауруынан айықтырып, жанына – дауа, тәніне – шипа болардай ем беріп, сөзінің тәттісімен, көзінің жақсысымен науқастың көңілін көтеріп, өмірге деген құштарлығын арттырып, ертелі-кеш ерінбей, ел үшін еңбек етіп, халықтың алғыс-сауабын арқалайтын абзал жандарды «нағыз ержүректердің» қатарына қоссақ, артық емес.Халқымыз қашаннан: «Бірінші байлық – денсаулық», – деп денсаулықты дүниедегі байлық атаулының барлығынан жоғары қойса, Ата заңымызда: «Мемлекеттің ең басты қазынасы – халық және оның денсаулығы», – деп айқын көрсетілген. Азаматтардың рухани дүниесі мен денінің саулығы – мемлекетіміздің басымдық беріп отырған маңызды міндеттерінің бірі.&nbsp; Дәрігер – адам жанының арашашысы. Сондықтан антқа адалдықты талап ететін жауабы мен сауабы мол сала. – Білікті дәрігерлердің жолымен мен де дәрігерлікті таңдадым. Әрине өте ауыр жұмыс. Себебі соңғы үмітін өзіңнен күтіп, жәудіреген жанары жасқа толып, ажалмен арпалысқан адамды өлімнен құтқарып, қайта оған жарық сәуле сыйлау қандай бақыт десеңізші?! Ол – әрине дәрігердің өзіне ғана аян, үлкен бақыт, дейді дәрігер. Бүгінде Дәуреннің мықтылығы қандай қиындық болса да, қасқайып қарсы тұруға бекінген қай¬сарлығы мен өжеттігі жұмысында жемісін беріп келеді. Сырдария ауданына қарасты Ақжарма ауылында 1991 жылы дүниеге келген біздің кейіпкеріміз Дәурен Сүйіндіков ауылдағы №130 Абай атындағы орта мектепті 2009 жылы бітірген бойда Астанадағы медициналық университеттің хирургия бөліміне оқуға түседі. 2016 жылы хирург мамандығын алып шығып, Жалағаш аудандық ауру-ханасына жолдамамен келіп, жұмысқа орналасады. Әкесі Жаңаберген Сүйіндік, анасы Ұлбала Нұрғалиқызы ұлдарының дәрігер болуын құптап, ақ батасын береді. Осылайша ата-ананың, халықтың батасымен жемісті еңбек етіп жатқан дәрігердің мамандыққа деген адалдығы, жұмысына деген жауаптылығы оны үнемі шыңдарға көтеріп, қанаттандырып келеді.&nbsp;Бүгін де кезекті ота. Түнгі сағат 3-те телефоны безектей жөнелді. Түн баласы ұйықтамай, сергек жатуды әдетке айналдырғанына да алты жыл өтіпті. Тұтқаны көтергені сол еді. «Дәурен тезірек жет. 9 жасар қыз соқырішекпен түсті. Дәл қазір шұғыл ота жасау керек» деді тұтқаның әр жағынан. Әріптесінің бірі екені айдан анық. Негізінен мұндай шақыртулар уақыт таңдамайды, бір жағынан кейіпкеріміз үшін қалыпты жағдайға айналғаны әлдеқашан. «Біздікі құс ұйқы ғой» деп күлімсіреді дә-рігер бізбен әңгімесінде. Біз дәрігермен әңгімелесудің сәтін бірнеше күн күтіп, әрең дегенде кезекті отадан шыққанда орайын таптық.&nbsp;– Апа, өзіңіз көріп отырғандай, менде бос уақыт жоқ десе де болады. Бүгіннің өзінде 3 ота жасадым. Қауіпті кездер де болады. Аллаға сыйынып, дереу іске кірісеміз. Бізде кейін жасаймын, ертең деген жоқ. Хирург болу үшін бірінші жүректілік, біліктілік, ептілік, төзімділік керек. Өзімнің қалаған мамандығым болған соң қандай қиындық болса да төзіп, тәжірибе жинап келемін. Алғашқы жұмысқа тұрған жылдары мен көп жұмыстың құпиясын хирург, білікті дәрігер Мұрат Оспановтан үйрендім. Ол кісі мені өзімен бірге бірнеше оталарға алып барып, білім мен білігімді шыңдады. Қазір жоспарлы, шұғыл оталарды жасаймын.&nbsp; Өмір болған соң әртүрлі жағдайлар кездеседі. Кейбіреулер, көбінде балалар байқамай тиын, қыл, шеге тағы басқа заттарды жұтып қояды. Ота жасауда қазіргі заманауи технологияның бірі эндоскопияны пайдаланамыз. Асқазан жарасын емдеп, өттегі тасты &nbsp;лазермен аламыз. Әйтеуір айта берсек, аурудың түрі көп қой. Хирург болған соң кез келген ота қолымыздан өтеді. Адамның өмірі болған соң одан мүлт кетуге болмайды. Аса сақтық керек. Басқа мамандық иелері қателессе, оған ке-шіріммен қарауға болады. Ал адамды ажалдан арашалайтын дәрігер, әсіресе хирург қателессе, өте өкінішті. Сондықтан көп ізденіп, алған білімімізді ғаламтормен ұш-тастырып, білімімізді курстарда жетілдіріп, жаңалықтарды жіті бақылап отырамыз.&nbsp; Медициналық жаңа құрылғылармен жұмыс жасауды да жетілдіріп келемін. Ең бастысы, саған сенген науқастың үмітін өшірмеу, қолда бар мүмкіндікпен оған көмек¬тесу. Отбасыма оралғанда кішкене өзіме рухани жағынан нәр беру үшін, көңіл толқынын тербеу үшін домбырамен күй тартамын. Сол кезде рухани қуатым артып, жүйкем тыныштанады. Қазақтың күйі деген керемет, жан дүниеңді жадыратады ғой. Менің арпалысқан ішкі әлемімнің дәруі – күй құдыреті, – дейді дәрігер ағынан жарылып.&nbsp;Иә, Дәуреннің жан жары Арайлым Мұстафа да терапевт дәрігер. Ақ халатты арманына балаған жұптар Диас атты перзентті тәрбиелеп отыр. Дәурен бізбен болған әңгімеден кейін шұғыл отаға шақырту алып, тағы бір адамды өмірмен қайта қауыш-тыруға кетіп барады. Алла қадамын сәтті, қолын жеңіл қылғай!

Дертпен күрескен Дәурен дәрігер

<a href="https://kyzylorda-news.kz/">Kyzylorda-news.kz.</a>&nbsp; Сыр өңірінде «Қуатты өңірлер – ел дамуының драйвері» ұлттық жобасы аясында биыл барлық қаржыландырудың есебінен 692 300 шаршы метр тұрғын үй пайдалануға беріледі деп жоспарлануда.&nbsp;Сәйкесінше, 6 айдың ішінде 318 мың шаршы метр тұрғын үйдің құрылысы аяқталып, тұрғындардың игілігіне берілді. Жалпы облыста 27 көпқабатты тұрғын үйдің құрылысы қарқынды жүруде. Оның тоғызы аудандарда салынып жатыр. Ал қалған 17 тұрғын үй Қызылорда қаласында орналасқан. Бүгін Өңірлік коммуникациялар қызметінің ұйымдастыруымен өткен баспасөз турында БАҚ өкілдері құрылысы жүріп жатқан көпқабатты тұрғын үйлердің жұмысымен танысты.<blockquote>– Қазіргі таңда шаһарымыздың сол жағалауында 16 тұрғын үйдің құрылысы салынып жатыр. Оның ішінде 6 тұрғын үй жеті қабатты болса, қалғаны 5 қабатты үйлер. Бұл тұрғын үйлердің барлығы заманауи бағытта және жаңа технологиялардың көмегімен салынуда. Құрылысы жүріп жатқан 7 қабатты тұрғын үй - 84 пәтерлі болса, 5 қабатты үйлерде - 470 пәтер қамтылмақ. Осы тұрғын үйлердің құрылысы 2024 жылы аяқталып, ел игілігіне беріледі деп күтілуде. Бұдан бөлек, республикалық бюджеттен мың пәтер әлеуметтік осал топтағы азаматтарға сатып алу құқығынсыз берілетін болады, – деді облыстық құрылыс, сәулет және қала құрылысы басқармасы басшысының міндетін атқарушы Мәди Әліп.</blockquote>Қаланың сол жақ жағалауында салынып жатқан көпқабатты тұрғын үйлердің жалпы ауданы – 37 284 шаршы метр болса, бір тұрғын үйдің ауданы – 6 213,9 шаршы метрді құрайды.&nbsp;<blockquote>– Көпқабатты тұрғын үйлердің құрылысы сәуір айында басталған болатын. Қазіргі таңда бригадалық топ құрылыс жұмыстарын жүргізуде. Жеті қабатты тұрғын үйлердің жауапты мердігері - «Аман Құрылыс» ЖШС. Осы тұрғын кварталдың инженерлік желілеріне жобалық-сметалық құжаттамасы толық әзірленіп, сараптаманың оң қорытындысы алынды, – деді қала құрылысы бөлімінің маманы Мәулен Бөбетаев</blockquote>

Қызылорда қаласында 7 қабатты тұрғын үйлердің құрылысы жүріп жатыр

<a href="https://kyzylorda-news.kz/">Kyzylorda-news.kz.</a>&nbsp;&nbsp; Бүгін аудан әкімі Берік Сәрменбаев Іңкәрдария ауылындағы №191 мектептің жаңа оқу жылына дайындығымен танысып, одан әрі ауыл ақсақалдарымен кездесті.Іңкәрдария ауылы - аудан орталығынан шалғай жатқан ауылдардың бірі. Ауылда мектеп, шағын орталық, емхана, ауылдық клуб үйі, кітапхана, ветеринарлық станция, қазпошта байланыс бөлімшесі халыққа қызмет көрсетеді. Әлеуметтік нысандардың жай-күйімен танысу жұмыстарын аудан басшысы №191 мектептен бастап, мектептің жаңа оқу жылына ағымдағы жөндеуден өтуі және жылу беру маусымына дайындығын көріп шықты. Жаңа оқу жылына еш кедергісіз мектептің іске қосылуын ауыл әкімі мен мектеп директорына қатаң тапсырды.<blockquote>- «Жаздың әр күні қысқа азық» деген бар. Жігіттер жайбарақат жүретін уақыт емес. Тез арада ағымдағы жөндеуді аяқтап, қысқы жылу беру маусымына тексеріс жұмыстарын жүргізіңіздер. Отын-суды осы бастан әзірлеп, балалар 1- қыркүйекте жаңа оқу жылын еш кедергісіз қосылуы керек,- деді аудан әкімі Берік Әбдіғаппарұлы.</blockquote>Ауыл ақсақалдарымен өткен кездесуде ауылдағы негізгі проблемалармен танысып, алдағы жоспарлармен бөлісті. Кездесу соңында ауылдық клубтың үйірмелері ұсынған «Сағындым әке өзіңді» атты ауыл тұрғндарына арналған концерттік бағдарламаға қатысты.

Берік Сәрменбаев: Оқушылар жаңа оқу жылына еш кедергісіз қосылуы керек

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданына қарасты Тереңөзек кентіндегі спорт клуб ғимаратында жүргізіліп жатқан күрделі жөндеу жұмыстарының барысымен аудан әкімі Берік Сәрменбаев танысты. Өз кезегінде құрылыс жұмыстарының барысын аудан басшысына аудан әкімінің орынбасары Димаш Байдушев, аудандық мәдениет жәнее спорт бөлімі басшысының міндетін атқарушы Жеңісбек Төрәлиев, аудандық спорт клубының директоры Диас Әлжанов айтып берді.Аталған ғимарат 1976 жылы салынған. Сол уақыттан бері ішінара жөндеу көрсе де қайта жаңғырту жұмыстары жүргізілмеген. Биыл облыстық бюджеттен тиісті қаржы қарастырылып, күрделі жөндеу жұмыстары басталып кетті. Мердігер «Жылу - ХХІ» ЖШС-і, жоба құны 89 млн.теңге. Жөндеу жұмыстарының аяқталу мерзімі ағымдағы жылдың қыркүйек айы деп күтілуде.<blockquote>– Бұл ғимараттың негізгі құрылысының сапасы өте жоғары. Соған сай күрделі жөндеу жұмыстарын да сапалы жүргізілуі қажет. Бұған дейін кабинеттердің жетіспеушілігі, спортшыларға арналған жуыну бөлмесінің болмауы секілді мәселелер көтерілген. Қазір ғимараттың жөндеу жобасына қажетті кабинеттер мен спорт үйірмелеріне арналған барлық қажеттіліктерді қосып отырмыз. Негізгі көтерілген мәселелер бойынша техникалық кеңесте өткізілді. Аудан орталығындағы тұрғындарға арналған ең қажетті нысан болады деген жоспарымыз бар. Негізінен, спорт клуб ұжымы балаларды спортқа баулып, жоғары жетістіктерге қол жеткізеді деген сенім басым, – деді аудан басшысы.</blockquote>Жалпы аудандық спорт клубта 13 жаттықтырушы жұмыс істейді. Олар аудан бойынша 800-ден аса жасөспірімді спортқа баулуда. Бүгінде ауыр атлетика, жеңіл атлетика, ережесіз жекпе-жек, қол күрес, гір көтеру, тоғызқұмалақ, волейбол секілді спорт түрлерінен жасөспірімдер жаттығып, түрлі жарыстарға қатысуда.

Қазақстан және Қызылорда облысының жаңалықтары