<a href="https://kyzylorda-news.kz/ru">Kyzylorda-news.kz.</a> 2024 жылғы 1 қаңтарда "Ұлттық қор – балаларға" жобасы іске қосылды. Қазақстанның барлық кәмелетке толмаған азаматы Ұлттық қордан өз үлесін алады. Ұлттық қордың инвестициялық табысының 50 проценті балалардың арнайы жинақтаушы шотына түседі. Толығырақ <a href="https://sputnik.kz/">Sputnik Қазақстан</a> материалынан оқыңыз.<h3 style="margin-left:0px;">Бағдарламаға кімдер қатысады</h3>"Ұлттық қор – балалар" бағдарламасына 18 жасқа толмаған, яғни 2006 жылы және одан кейін туған балалар қатысады. Бұл ретте кәмелетке толмаған бала міндетті түрде Қазақстан азаматы болуға тиіс.Ақшаны 18 жасқа толған соң ғана алуға рұқсат етіледі.<h3 style="margin-left:0px;">Егер бала 2024 жылы қаңтарда 18 жасқа толса, оған Ұлттық қордан ақша аударыла ма</h3>Иә, аударылады. 2024 жылы қаңтар айында кәмелет жасына толған балаға 2023 жыл үшін төлем жасалады.Егер бала 2023 жылы 18 жасқа толса, онда "Ұлттық қор – балаларға" жобасына қатыса алмайды. Өйткені бағдарлама 2024 жылы 1 қаңтарда іске қосылып отыр.<h3 style="margin-left:0px;">Балаға шотты қалай ашады</h3>Ұлттық қордан төлем алу үшін банкке арнайы барып, балаға шот ашудың қажеті жоқ. Отбасындағы әрбір балаға арнайы жинақтаушы шот автоматты түрде ашылады.Әйтсе де ата-ана баласының деректерін күні бұрын тексеріп алғаны жөн:баланың жеке басын куәландыратын құжатты (соның ішінде ЖСН) алу;деректердің бар-жоғын және дұрыстығын тексеру: кәмелетке толмаған баланың аты-жөні, туған күні, ЖСН, азаматтығы;eGgov-тағы жеке кабинетке кіріп, "балалар туралы мәліметтер" бөлімінде балалар туралы мәліметтердің бар-жоғын тексеру.Егер eGgov-та "сіздің балаңыз туралы деректер жоқ" деген хабарлама шықса, "Қосу" түймесін басу керек. Одан әрі баланың ЖСН-ы енгізіледі (әрқайсысы кезекпен енгізіледі) және бұл деректер ата-ананың жеке кабинетінде сақталады. Осыдан кейін оны қайта тексеру керек.Балалар туралы мәліметті дәл солай eGov Mobile қосымшасы арқылы да тексеруге болады.Ата-аналар баласы "Ұлттық қор – балаларға" жобасына қосылғанын БЖЗҚ ресми сайтынан және egov.kz порталындағы жеке кабинеттен біле алады.<h3 style="margin-left:0px;">Шотқа алғашқы ақша қашан түседі</h3>Бірыңғай жинақтаушы зейнетақы қоры 15 қаңтарда Ұлттық қордан ақша алатын балалардың тізімін жасайды. 1 ақпанға дейін бір балаға есептік 2023 жыл үшін аударылатын соманы есептейді.Ұлттық қордың табысы балалардың арнайы жинақтаушы шотына 2024 жылғы ақпан айынан түсе бастайды. Ата-аналар egov.kz-та жеке кабинетіне кіріп, шоттағы соманы көре алады. enpf.kz ресми сайтынан да білуге мүмкіндік бар.<h3 style="margin-left:0px;">Баланың шотында қанша ақша жиналады</h3>Ұлттық қордың жыл сайынғы инвестициялық табысының 50 пайызы 18 жасқа толмаған барлық балаға теңдей бөлінеді. Қазір елімізде шамамен 7 млн бала бар.Әр жылдың басында шотқа түсетін сома елдегі бала санына және Ұлттық қордың инвестициялық табысына қарай өзгеруі мүмкін.Алдын ала есептеулер бойынша 18 жыл ішінде баланың арнайы шотында 3,5 – 4 мың доллар жиналады. Ал биыл 18 жасқа толған азаматтардың шотына небәрі 160-170 доллар аударылады деген болжам бар.<h3 style="margin-left:0px;">Жинақ қай валютамен беріледі</h3>Балалардың шотындағы ақша доллармен жиналады және 18 жасқа толған соң доллармен беріледі.<h3 style="margin-left:0px;">Ұлттық қордың ақшасын ай сайын шоттан алып тұруға бола ма</h3>Жоқ. Бала арнайы шоттағы қаражатты кәмелет жасына толған соң ғана ала алады.<h3 style="margin-left:0px;">Ақшаны қайда жұмсауға болады</h3>Бала 18 жасқа толған соң, Ұлттық қордан түсіп тұрған қаржыны екі мақсатқа ғана жұмсай алады: баспана немесе білім.Дәлірек айтқанда:тұрғын үй сатып алу (Қазақстан аумағында ғана сатып алуға рұқсат етіледі);ипотеканы толығымен немесе жартылай мерзімінен бұрын өтеу;ипотекалық қарыз алу, соның ішінде жөндеу жұмыстары үшін бастапқы жарна ретінде енгізу;Отбасы банктегі депозитті толықтыру.Бұдан бөлек шоттағы ақшамен оқу ақысын төлеуге рұқсат етіледі. Отандық жоғары оқу орындарымен қатар шетелдік университеттерде де оқуға мүмкіндік бар.Сондай-ақ жиналған қаражатты Мемлекеттік білім беру жинақтау жүйесіне де аударуға болады.<h3 style="margin-left:0px;">18 жасқа толған азаматтың ақшасы шотта қанша уақыт сақталады</h3>Ұлттық қордан түсіп тұрған ақшаны пайдалануға өтінім 18 жасқа толған соң ғана беріледі. Өтінімді жобаға қатысқан азаматтың өзі береді. Қазақстандық 10 жыл ішінде өтінім беруге құқылы. Өйткені шоттағы ақша 10 жыл бойы сақталады.Егер жиналған қаражат 28 жасқа дейін жұмсалмаса, онда ол әлгі азаматтың ерікті зейнетақы шотына аударылады.<h3 style="margin-left:0px;">Салық салына ма</h3>Ұлттық қордан берілетін жинаққа салық салынбайды.<h3 style="margin-left:0px;">Ұлттық қордан төлем қай кезде тоқтатылады</h3>Егер 18 жасқа толмаған бала шетелге көшіп, Қазақстан азаматтығынан шықса, онда оған Ұлттық қордан ақша төленбейді. Ал егер бала шетелде өмір сүрсе, бірақ Қазақстан азаматтығын өзгертпесе, оның шотына кәмелет жасқа толғанға дейін қаражат аударыла береді.Егер бала азаматтығын өзгертіп, шетелде белгілі бір уақыт тұрып келсе және Қазақстанға оралғаннан кейін республика азаматтығын қайта алса, онда арнайы жинақтаушы шот жаңадан ашылады.<h3 style="margin-left:0px;">2024 жылы 18 жасқа толған балалар не істейді</h3>БЖЗҚ 1 ақпаннан бастап биыл 18 жасқа толған және толатын балаларға нысаналы жинақтаушы шот ашады. Кәмелетке толған қазақстандық осы шотқа түскен ақшаны екінші деңгейлі банктер немесе "Қазпошта" арқылы баспана сатып алуға және оқуға жұмсай алады.Өтінімді кәмелет жасына жеткен баланың өзі немесе заңды өкілі береді.<h3 style="margin-left:0px;">Ұлттық қордың табысы қалай есептеледі</h3>Жыл сайынғы аударымдарды есептеу үшін Ұлттық қордың соңғы 18 жылдағы орташа инвестициялық кірісі есепке алынады. Инвестициялық табыстың 50 пайызы кәмелетке толмаған балалар арасында теңдей бөлінеді.Бала 18 жасқа толғанға дейін жинақталған қаражат Ұлттық қорда сақталады және оны Ұлттық банк түрлі қаржы құралдарына инвестициялайды. Одан түскен инвестициялық табыс та балалардың шотына қосымша түсіп тұрады.Фото: Нұрболат Нұржаубай

"Ұлттық қор – балаларға": Шотқа алғашқы ақша қашан түседі?

Фото: gov.kz<a href="https://kyzylorda-news.kz/ru">Kyzylorda-news.kz.</a>&nbsp; Ішкі істер министрлігі жаяу жүргіншілерге арналған жаңа ереженің жай-жапсарын түсіндірді. Қазір ашық талқылаудағы өзгерістер қабылданса, онда көшеден өтуді шектейтін норма қарастырылады.Жақында талқыға түскен жаңа ереженің жайы былай: енді бағдаршамның жасыл түсі жанғанның өзінде екі жақтан да көлік тоқтағанына көз жеткізбейінше, жүруге рұқсат жоқ. Ең болмаса сарыға үлгерем деп зуылдап келе жатқан көліктің іркілмей өтіп кетуіне басымдық беріледі. Яғни жаңа ереже қабылданса, жасыл жанды екен деп жаяу жүргіншілердің бірден адымдап кетуі тыйылады, деп хабарлады <a href="https://www.ktk.kz/kz/news/video/2024/01/11/260689/">КТК.</a>Соңғы жылдары жаяу жүргіншілер зардап шеккен апат жиілепті. Бұл өзгеріс сол статистиканы жақсартуға септігін тигізе ме деген үміт бар.<blockquote>"Бағдаршамның рұқсат беру сигналы жанған уақытта жаяу жүргінші өзінің қауіпсіздін қамтамасыз етуі керек. Себебі көп жағдайда жаяу жүргінші бағдаршамның белгіленген жасыл түсі жанған уақытта жан-жағына қарамай жолға шығып кетеді. Ол уақытта қозғалысты бұрын бастаған көлік құралдары маневрды аяқтауына және көз жеткізбестен жолға шығады. Сол себептен біз осы тармаққа түзетулер енгізіп отырмыз", - деп түсіндірді ІІМ ӘПК аға инспекторы Таңат Асылжанов.</blockquote>Жол қозғалысына түзету енгізу былтыр қараша айында басталған. Өкілетті органдар бұл ереженің егжей-тегжейін әлі пысықтап жатыр. Дегенмен кейбір сарапшы "бұл піспеген, шикі заң жобасы" деген пікірде.<blockquote>"Бұл жаңа заң жобасымен адамдарды шатастырамыз. Не істерін білмей қалады. Ал жүргізушілердің, былайша айтқанда, құзіреті кеңейеді. Ешкімді өткізбесем болады деген оймен көлігін жүргізеді. Ең басты мәселе — осы заң жобасын жүргізушілер мен жаяу жүргіншілерге қалай жеткіземіз? Қиын ереже. Ал оны қалай қадағалаймыз? Полицияның басқа да шаруасы жетіп жатыр ғой", - дейді автосарапшы Алексей Алексеев.</blockquote>Ішкі істер министрлігі түзетулердің әлі қабылданбағанын, қоғамдық талқылауда шешім қабылданатынын жеткізді. Жаңа ереже бағдаршамы бар жерге қатысты. Дей тұрғанмен қадағаланбайтын жүргіншілер жолағынан өткенде де абай болған абзал.

Бағдаршамның жасыл түсі жанды деп жолға жүгіріп шығуға болмайды – жаңа ереже

Фото: облыстық ПД<a href="https://kyzylorda-news.kz/ru">Kyzylorda-news.kz.</a> Еліміздің тыныштығы мен қауіпсіздігін қамтамасыз ету жолында аянбай тер төккен ардақты ардагерлерді әрдайым үлкен ілтипатпен атап, оларға құрмет көрсету қалыптасқан игі дәстүр.Осы орайда бүгін Қызылорда облысы полиция департаментінің бастығы полиция генерал-майоры Махсудхан Аблазимов &nbsp;өскелең ұрпаққа өнегелі ардагер отставкадағы полиция полковнигі Қызылорда облысы Полиция департаментінің Ардагерлер Кеңесінің төрағасы Тұңғышбай Серікбол Қуатбайұлын &nbsp; 65 жас мерейтойымен құттықтады.<blockquote>«Сізді Қызылорда облысы Полиция департаментінің басшылығы, жеке құрамы және жеке өз атымнан 65 жасқа толу мерейтойыңызбен шын жүректен құттықтаймыз!Сізді өмірден тоқығаны мол, кемел ойлы тұлға ретінде жақсы білеміз. Терең білім, берік ұстаным, іскерлік қабілет және үлкен азаматтық қасиеттер Сізді қатардағы құқықтанушыдан Сыр елінің белгілі де беделді заңгері, қоғам жанашыры деңгейіне көтерді.Атыңызға затыңыз сай ұлағатты ұстаз ардагерсіз. Сіздің өрелі істеріңізді айтқанда ауыз толады, өйткені Сіздің өміріңіз нағыз майталман маманның, ардагер әкенің еліміздің абзал азаматының өнегесі. Отанымыздың өркендеуі және халқымыздың игілігі жолында әлі де талай мәнді істерді атқаратыныңызға кәміл сенімдіміз.Бүгінгі мерейтойыңызда Сізге және отбасыңызға зор денсаулық, ұзақ ғұмыр, еңбекте тың табыстар мен өмірдің асқақ абыройын тілейміз. Шаңырағыңызда береке – бірлік, ырыс – ынтымақ бола берсін! Бақытыңыз баянды, сау –саламат жүргейсіз!» деп Махсудхан Нұғманұлы лебізін білдірді.</blockquote>Департамент басшысы ардақты азаматтың көпжылдық еңбегіне лайықты сый-сияпат ретінде «Алғыс хат» табыстап, халқымыздың игі дәстүрі бойынша иығына шапан жапты.Мерейлі мереке күні бедел мен құрметке ие болған Серікбол Қуатбайұлы Департамент бастығы мен барша қызметкерлерге шынайы ризашылығын білдіріп, алғысын жеткізді.Айта кетейік, Серікбол Қуатбайұлы ішкі істер органдары қызметінде кәсіби шеберлігі мен зор беделінің арқасында халық алдында өлшеусіз еңбек етіп, сүбелі үлесін қосқан ардақты ардагер. Өзінің еңбек жолын &nbsp;1980 жылдың қараша айында Қызылорда қалалық ішкі істер бөлімінің № 2 арнайы комендатурасының милиционері – кезекшісі лауазымынан бастаған.1983 жылы КСРО ІІМ-нің Брянск арнаулы орта мектебіне оқуға түсіп, оны бітіргеннен кейін Қызылорда қалалық ішкі істер бөлімінің қылмысты іздестіру бөлімшесінің жедел уәкілі, аға жедел уәкілі, осы бөлімше бастығының орынбасары, бастығы лауазымдарында қызмет атқарған. Қызметте жүріп 1994 жылы Қазақстан Республикасы ІІМ-нің Алматы жоғары мектебін бітірген.1993 жылдың наурыз айында Қызылорда қалалық ішкі істер бөлімі бастығының оперативтік жұмыстары жөніндегі орынбасары болса, 1995 жылдан бастап осы бөлімнің бастығы қызметін атқарған.1997-2000 жылдары Қызылорда облысының ішкі істер басқармасының криминалды полиция қызметінің бастығы, содан кейін 2007 жылдың наурыз айына дейін Қызылорда облысының ішкі істер департаменті бастығының орынбасары лауазымында қызмет атқарған. 2008 жылдың ақпан айында «полиция полковнигі» арнаулы атағымен зейнеткерлікке шықты.«Құқық тәртібін қамтамасыз етуде үздік шыққаны үшін», «Ішкі істер органдарының ардагері», І,ІІ,ІІІ дәрежелі «Мінсіз қызметі үшін» медальдарымен, «ІІМ-нің еңбегі сіңген қызметкері, «Үздік қызметі үшін», «Байқоңыр милициясына 40 жыл», «Қазақстан полициясына 15 жыл» төсбелгілерімен наградталып, бірнеше рет ҚР ІІМ-нің, ОІІБ-ның, ОІІД-нің Құрмет грамоталары, Грамоталарымен марапатталған.2016 жылдың қазан айынан бастап Ардагерлер кеңесінің төрағасы қызметін атқарып келеді. Қазіргі уақытта да алған бағытынан танбай, жас қызметкерлерге бағдар беріп, тәртіп сақшыларының қызметін жақсарту жолында бар күш-жігері мен қабілетін сарп етуде. &nbsp;<img src="https://knadmin.beoblood.kz/uploads/image_12_01_24_02_36_74f43244e8.jpeg" alt="image-12-01-24-02-36.jpeg">

Қызылорда облысының бас полицейі ардагерді 65 жас мерейтойымен құттықтады

<a href="https://kyzylorda-news.kz/ru">Kyzylorda-news.kz.</a>&nbsp; Павлодар облысының білім беру басқармасы бюджеттік өтінімдері құру барысында мектептегі тамақтану құнының есебіне қосымша құн салығы ставкасын (12%) енгізбеген. Салдарынан кәсіпкерлерге әр оқушы үшін 450 теңгенің орнына 402 теңгеден төленіп келген, деп хабарлайды <a href="https://kaz.inform.kz/news/blm-baskarmasi-kaspkerlerd-90-mln-tenge-shiginga-ushiratti-790e65/">Kazinform.</a>Өңірлік прокуратура жақында жергілікті мектептерде тамақтандыруды ұйымдастыру жөніндегі шарттардың орындалуына талдау жүргізе келіп, кәсіпкерлерді шығынға ұшыратқан жағдайды тіркеді. Білім беру басқармасы бюджеттік өтінімдерді ұсыну кезінде қосымша құн салығын назарға алмаған. Сөйтіп тамақтану сомаларын есептеу кезінде Кәсіпкерлік кодексінің, тамақтануды ұйымдастыру ережелерінің, салық және бюджет заңнамасының талаптарын өрескел бұзған.<blockquote>«Білім беру басқармасы тамақтануды ұйымдастырғаны үшін төлемді салықты шегере отырып жүргізген, яғни, бір оқушыға 450 теңгенің орнына 402 теңге төлеген. Аталған мән-жайлар қоғамдық тамақтандыру саласындағы қызметті жүзеге асыратын 33 шаруашылық субъектінің құқықтарының бұзылуына әкеп соқтырды», - деп хабарланды облыстық прокуратурадан.</blockquote>Прокурорлардың пәрменімен қадағалау актісі бойынша бюджеттік өтінімдерді қалыптастыру практикасы қайта қаралып, жалпы сомасы 90 млн теңге көлемінде негізсіз ұсталған қосымша құн салығы кәсіпкерлерге қайтарып берілді.Жіберілген кемшіліктер үшін облыстың білім беру басқармасы басшысының орынбасары тәртіптік жауапкершілікке тартылды.Фото: Нұрболат Нұржаубай

Білім басқармасы кәсіпкерлерді 90 млн теңге шығынға ұшыратты

<a href="https://kyzylorda-news.kz/ru">Kyzylorda-news.kz.</a> &nbsp;Бурабай аудандық сотында Щучьедегі студентке қатысты өзін өзі өлтіруге дейін жеткізу ісі қаралып жатыр. Тергеу барысында 11 айыпталушы анықталды, деп хабарлайды <a href="https://stan.kz/shhuchedegi-student-olimi-11-ayiptalushinin-isi-zhabik-393696/">Stan.kz</a> ақпарат агенттігі.Ақмола облысы Бурабай аудандық соты БАҚ өкілдеріне брифинг өткізді. Брифингте сот төрағасы Әсел Әбімұратова бопсалау, бұзақылық және кәмелетке толмаған баланы өз өзіне қол жұмсауға дейін жеткізу бойынша айып тағылып отырған 11 сотталушыға қатысты атышулы қылмыстық іс бойынша тергеу барысын айтты.Әсел Әбімұратова айыпталушыларға қандай айып тағылғанын, іс бойынша сот отырыстары қалай өтетінін, сот отырысы кезінде кәмелетке толмаған процеске қатысушылардың құқығы мен мүддесі қалай қорғалатынын түсіндірді.<blockquote>"Қылмыстық іс жүргізу кодексінің 29-бабына сәйкес кәмелетке толмағандардың қылмыстық құқық бұзушылықтары туралы істер бойынша, сондай-ақ жәбірленушінің, куәның немесе іске қатысатын басқа да адамдардың, сондай-ақ олардың отбасы мүшелерінің немесе жақын туыстарының қауіпсіздік мүдделері талап етілген жағдайларда жабық сот талқылауына жол беріледі", – делінген хабарламада.</blockquote>Бурабай аудандық соты Қылмыстық іс жүргізу кодексінің 532-бабы ережелеріне сәйкес қылмыстық іс жүргізудің барлық сатысында кәмелетке толмаған сотталушының құпиялылық құқығын сақтауды көздейтінін айтады.Сот өкілі үкім жарияланып, көпшілікке түсіндірілетінін мәлімдеді.Еске салсақ, &nbsp;7 қазанда Ақмола облысында теміржол рельстерінен студенттің мәйіті табылған еді. Роман Бодаговтың денесі Бурабай-Жамантұз курорты аралығындағы теміржол жолдарынан табылған. Ол жоғары техникалық колледждің 4-курсында оқыған.&nbsp;Фото: Нұрболат Нұржаубай

Студент өлімі: 11 айыпталушының ісі жабық қаралып жатыр

Фото: time.kzStorytelling<a href="https://kyzylorda-news.kz/ru">Kyzylorda-news.kz.</a> Бауыржан Мырзабаев – әлемге әйгілі шабандоздардың бірі. Еуропада 1 жылда 100 мәрте топ жарған. Ат құлағында ойнау қанымызда екенін дәлелдеген шабандозбен тілдескен едік.<img src="https://knadmin.beoblood.kz/uploads/R0_KFEQ_0_P708_f56dde97c0.jpg" alt="R0KFEQ0P708.jpg">Дамыған елдерде жокей мектебі қалыптасқан, бізде инвестиция салар адам жоқ Жетісу облысында дүниеге келдім. Ауылда өскендіктен кішкентай кезімізден жылқыға жақын болдық. Әкем де ат баптап, жылқы жүгіртетін. Жеті жасымнан аламанға қызықтым. 2007 жылы Алматы қаласындағы ипподромда бәйгелерге қатыстым. Сол уақыттан бері атбегілікке назар ауды. Кинодан шетелдің жокейлерін көріп, сондай болсам деп қиялдайтынмын. Алматы ипподромының директоры болған Нұрлан Тілеулесовтің &nbsp;көмегі көп болды. Арманымның орындалуына үлкен ықпал еткен сол кісі. Негізі Англияға кетуім керек болған. Бірақ құжат реттелмей, бара алмадым. Осылайша, 2009 жылы Чехияға қоныс аудардым. Ат спорты дамыған елдерде жокей мектебінде оқуға қызығатындардың қарасы көп. Ол – біздің елдегі колледждің дәрежесіндегі оқу орын. Онда 9-сыныптан кейін оқуға қабылдайды, үш жыл оқытады. Үш жыл бойы ат шабыстардың түрі, деңгейі, жарыс жолында шабандозға қойылатын талап, ат шабыс ережелері үйретіледі. Тек атқа шабу ғана емес, жылқылардың селекциясы, ветеринария, яғни осы саланың толыққанды маманы болуға қажет білім толық беріледі.&nbsp; Жапонияда жокей мектебіне жылына 600-700 бала жазылады, бірақ оның алтауы ғана оқуға қабылданады.&nbsp;Қазақстанда да осы саланы дамытуға қызығып жүрген ынталы жастар бар. Алайда мәселенің барлығы қаржыға тіреледі. Өйткені біздің елде бәс тігуге заңмен тыйым салынған. Оның үстіне қаржы &nbsp;қоры қажет. Оны көтеретін ешкім жоқ.<img src="https://knadmin.beoblood.kz/uploads/Bauyrzhan_M_3_4a1113f866.jpeg" alt="Bauyrzhan-M.3.jpeg">Германияның төрт дүркін чемпионы болдым Өзім Чехиядағы мектепте үш жыл оқып, жокей лицензиясын алдым. Бірақ бапкерім жокей болғанымды қаламай, көп мүмкіндік бермеді. Өзінің көмекшісі болғанымды қалап, қара жұмыс істеткісі келді. Бірақ берілмедім, жарысқа қатысуды ұйғардым. 2013, 2014, 2015 жылдары Чехия чемпионы атандым. Негізі төрт мәрте жеңімпаз атанар едім, бірақ ол чемпионатта екінші ұпайым жетпей қалды. Одан бөлек, жокейшілердің Еуропа чемпионатында бақ сынадым. Қазақстан атынан қатысуға рұқсат алған мен 2016 және 2018 жылдары сол сайыста чемпион атандым. Бұл жарыстардан бөлек, дербиде топ жардым.&nbsp; Уақыт өте Германияға көштім. Бірінші жылы 46 жарыста ұтып, чемпионатта он үшінші орынға тұрақтадым. &nbsp;Содан соң төрт жыл қатарынан чемпион атанып, жыл соңында төрт рет жеңіс тұғырына көтерілдім. 2022 жылы Гамбургте өткен дербиде бірінші орынды иелендім. Германия чемпионатын ұтып алған жеңімпаз Жапонияға жолдама алатынын айта кетейін. Жапонияда да жолда қалмадым, 21 бәйгеде топ жардым. Осында жүргенімде француз бапкер ұсыныс айтты. Францияда қомақты қаржы қаралатынын ескеріп, осы елге көштім. Мұнда бір жылға 280 млн еуро тігілсе, ал Германиядағы жылдық жүлде 14 млн еуроны құрайды. Бұдан бөлек, Германияда бәйге тек сенбі, жексенбіде ғана өтсе, Францияда күн құрғатпай жарыс өткізеді. Бәсеке бар жерде өсу бар. Сондықтан әзір осы елге тұрақтап отырмын.Аш миллионер де болады Жокей болу қалтаны қампайтқанмен, талабы соған сай. Жанкештілікті қажет ететін спорт күніне бір алмаға қанағат тұтуды үйретті. Күніне алты бәйгеге қатысамын.&nbsp; Ал салмақ тастау үшін тәулігіне 10 шақырым жүгіремін. Қазір &nbsp;55 келі салмақ дәрежесінде өнер көрсетемін, сол үшін рационымда нан атымен жоқ. Үш мезгіл тамақ ішпеймін. Калорийі аз тағамды місе тұтамын.&nbsp; Бұған қоса уақытымның көп бөлігі жолда өтеді. Кейде ұшаққа билет болмаса көлікпен жарыс болатын жерге тартып отырамын. Шамамен жылына 100 мың шақырымды артқа тастайды екенмін. Бұған қоса менің жоспарымды құратын агентім бар.&nbsp; Бәйге &nbsp;адреналин әкеледі. Сексен мың адам тесіле қарап тұрған кезде мәре сызығын бірінші болып кескендегі атмосфераны, сол кездегі эмоциямды ештеңе сипаттай алмайды.<img src="https://knadmin.beoblood.kz/uploads/640efbbd88d07845680020_7ba1efae77.jpg" alt="640efbbd88d07845680020.jpg">Қазақтар шабандозды малшыға теңейді Бір ғана мысал, өзге елдерде жылқыға деген көзқарас басқаша. Жылқы малына бізден он есе артық қарайды.. Арнайы мамандар жиырма төрт сағат қас-қабағын бағады. Әр қорада бақылау камералары бар. Ал, елдегі жағдай белгілі. Біздегі ат спорты көзіңе жас келетін дәрежеде. Бәйгелер бар, онда 3-4 сынып оқитын балаларды бәйгеге шаптырады. Оған ат иелері 5-10 тиынын беріп баланы атқа елітіп, қызықтырады. Бала 3-4 жыл бәйгеге шабады. Содан кейін салмағы өсіп кетеді. Соның арасында мектебі жайына қалады. 15-16 жасқа келгенде ол бала ешкімге керек болмай қалады. Бірен-саран бала аламан бәйге жаттықтырушысы болады, бірақ болашағы жоқ. Тағы бір айтқым келетіні, біздегі бәйге өтетін алаңқайлардың жағдайы мәз емес. Тесік-шұқыры көп алаңға екі жағына жалаушалар қойып, жарыстырады. Аянышты... Менің Қазақстаннан кетіп қалған себебім сол. Оның үстіне бұл ең әділ спорт екенін, маңызын жоғалтпайтынын білемін. Ат спорты Англия, Франция, Жапония экономикасына пайда әкеліп отыр. Ол елдің байлары жиған-тергенін банкте сақтағаннан гөрі ат сатып алуды құп көреді. Оның үстіне мұнда жылқылардың селекциясына баса мән беріледі. Күллі әлем ағылшын тұқымдас жылқыны ғана жарысқа қатыстырады. Одан жүйрік жылқы жоқ. Қазақ, араб аттары ағылшын тұқымдастарды басып оза алмайды.&nbsp; Қазақстан бұл мәселеде &nbsp;артта қалған әлдеқашан. Мәселен, Еуропада бұл спорт түрін қаржыландыру &nbsp;жолға қойылған. Мұнда букмекерлік компаниялар арқылы бәс тігуге заң жүзінде рұқсат етілген. Әлемнің қай түкпірінде отырсаңыз да интернет арқылы ойынға бәс тіге аласыз. Ал, осы букмекерлерден түскен қаржы келесі ойынды қаржыландыруда көмек. Сонымен қатар әр сайыста демеушілер болады. Ауыл шаруашылығын дамыту мақсатында үкімет те қаржы бөледі. Өйткені ат спорты саласының өзі қаншама адамға жұмыс беріп отыр.&nbsp; Ал біздікілер әлі шабандозды малшыға теңейді. Бәйгені қабылдамайды. Дегенмен шабандоздың табысы футболшыдан кем емес.&nbsp;М.СНАДИН&nbsp; &nbsp;

Еуропада топ жарған қазақ жокейі кім?

<a href="https://kyzylorda-news.kz/ru">Kyzylorda-news.kz.</a> Ғылыми-зерттеу саласында нәтижелі еңбек етіп жүрген жас жетерлік. Олар алда үлкен жауапкершілік тұрғанын сезінеді. Сондықтан білім жетілдіріп, тәжірибелерде тәуекелге бел буу – басты мақсаты. Жерлесіміз, дәрігер Мұхит Құлмағанбетовтың жаңашылдыққа деген құлшынысы соған дәлел. Мұхит Қызылорда облысында өскен. Қалжан ахун ауылында, кейін Тереңөзек кентінде білім алған. Осылайша арманына қанат байлаған жас С.Ж.Асфендияров атындағы Қазақ Ұлттық медицина университетінің жалпы медицина факультетіне оқуға түседі.Ауылдан Ұлыбританияға дейінАуылдан шыққан қазақтың қара баласы бұл қадамнан соң Еуропаның жоғары оқу орындарының бірінде лекция оқитын деңгейге жеткен. Жалпы хирургия мамандығын тәмамдаған соң Қазақ көз аурулары ғылыми-зерттеу институтында офтальмолог болсам деген мақсат қойыпты. Сол уақытта Ұлыбританияға жолы түсіп, ғылыми конференцияға қатысқан. Осы сәттен бастап білімді жастың жоспары күрт өзгереді. Мұхитқа Кардифф университетінің профессорлары бірге жұмыс істеуге ұсыныс білдіреді.<blockquote> – Әлем мойындаған, офталь­мологияның алдыңғы қатардағы ғалымдарының өздері ұсыныс айтқанда қуанышымда шек болмады. Тез арада жобаның жоспарын талқылап, қаражат іздей бастадық. 3 айдан кейін тәуекелге бел буып, Кардифф университеті және Британия кеңесі (British Council) ұйымдастырған жарысқа қатыстық. Дүниежүзінен қатысқан 680 үміткердің арасынан 7 жеңімпаз әртүрлі мамандық бойынша PhD докторантураға оқуға мүмкіндік алдық. Сол жерде офтальмология, оптика, анатомия және клиникалық диагностика пәндерінен сабақ бердім. Кардифф университеті көз зерттеулері бойынша Еуропаның алдыңғы қатарында тұрса, Ұлыбританияда мінсіз көшбасшы. Сондықтан таңдауым осы елге түскен еді, – дейді жас ғалым.</blockquote>Үлкен академиялық атағы бар университеттер грант, демеуші немесе қолдаушы іздеп әуреге түспейді. Керісінше, сол жердегі мамандарға сұраныс жоғары. Сол себепті қаражат мәселесі, оның ішінде зерттеу шығындары қолбайлау емес. Сондықтан болар, кейіпкерімізге «ақша жоқ, зерттеуіңді арзан түрде жаса» деп қысым көрсетілмеген көрінеді.Туабітті көз ауруын емдеуге боладыСоның нәтижесінде Мұхит «Көздің торлы қабығының нейродегенеративті ауруларын оптикалық когерентті томографияны және жасанды интеллектті пайдалана отырып ерте анықтау» тақырыбына терең бойлаған. Аталған ауруларға глаукома, жасқа байланысты макулярлы дегенерация (ЖМД) және Альцгеймер аурулары жатады. Бұл аурулардың ортақ ерекшелігінің бірі – радикалды емнің жоқтығы. Бұған қоса глаукома және ЖМД соқырлықтың негізгі себебі.<blockquote> – Зерттеу үш сатылы эксперименттен тұрды. Ол – химиялық, жануарларға эксперимент жасау және клиникалық жұмыс. Бірінші сатысында көздің торлы қабығының жасанды оптикалық фантомдарын органикалық және бейорганикалық химикаттардан жасап, кейін оптикалық когерентті томографиямен түсірдім. Бұрын химия пәнін жақсы көргеннен кейін осы зерттеу ойдағыдай шықты. Екінші бөлікте жануарлар, оның ішінде тышқан мен егеуқұйрықтың көзін зерттедім. Эксперимент барысында кеміргіштердің көзіне ауру моделін жасап, кейін диссекцияладық. Сол әдіс арқылы торлы қабықтың ганглиозды жасушаларының апоптозын зерттедік. Сонымен қатар 3xTg тышқан моделінің көзін ОКТ-ға түсірдік, бұл тышқандарда Альцгеймер ауруының сипаттары бар. Кейін биологиялық өзгерістердің математикалық есебін шығардық. Осы орайда машинамен оқыту әдісін пайдаландық. Зерттеудің үшінші, әрі ең маңызды сатысы – клиникалық жұмыс. Бұл кезеңде глаукома және ЖМД бар науқастардың көзін томографияға түсірдім. Кейін скандардың барлығын жинап болған соң, жасанды интеллект әдісін пайдаланып, аурулардың ерте диагнос­тикасымен айна­лысамыз. Тіпті кванттық техногологиямен туабітті көз ауруын емдеуге болады, – дейді ол.</blockquote> Жас ғалымның бұл ізденісі ғылыми ортаға жылдам тараған. Уэльсте Қазақстаннан келген студент оптикалық жүйе жасаумен айналысып жүр дегенді естіген Канададағы Уатерлоу университеті институтының физиктері маман қажеттігін айтып, хабарласқан.<blockquote> – Олар Уатерлоу университетіне баруыма немесе Гонконгта енді құрыла бастаған кванттық офтальмология бойынша зертханаға жетекшілік ету туралы ұсыныс тастады. Мен докторантураны бітіргім келетінін және электроника, инженерияны меңгергенмен, кванттық физиканы білмейтінімді айттым. Келісім аясында ғалымдарға оқу мерзімі аяқталғанға дейін кванттық физиканы меңгеруге уәде еттім. Олар да қолдау көрсетті. Осылайша, Гонконг зертханасында жұмыс істеу өз еліме ғылымның жаңа технологиялық жаңалықтарын жеткізуге берілген зор мүмкіндік деп білемін, – дейді Мұхит.</blockquote>Қазақстан үшін үшінші микроскоп жасағым келедіБүгінде Гонконг зертханасында АҚШ, Ұлыбритания, Канада, Үндістан, Гонконг, Сербия, Ресей, Қазақстаннан барған жеті ғалым жұмыс істейді. Топтың кураторы – канадалық-америкалық профессор, Массачусетс технологиялық институтының ең мықты кванттық физигі Дэвид Кори. Ал ғалым-әріптестер құрған Structured Light Tomography компаниясының басшысы – Мұхит Құлмағанбетов. Олардың жұмысына тіпті Нобель сыйлығының лауреаттары қызығушылық танытып отыр екен. Мұхиттің айтуынша, әлемдік медицинада глаукома, диабеттік ретинопатия, макулярлы дегенерацияның емі табылған жоқ. Әлеуметтік салдары күрделі осындай ауруларды емдеу, алдын алу уақыт еншісінде. Ғалымдар қазіргі кезде микроскопты миниатюризирлеу және толық­қанды цикл бойынша жұмыстар істеп жатыр. Өндірісті аяқтау мерзімі келер жылдың ортасына қарай болжанған. Мұндай жағдайда Мұхит Гонконг зертханасымен үш жылға жасалған келісімшартты ұзартуы мүмкін. Ал сынақтан өткен аппараттар нарыққа шыққаннан кейін әлем офтольмологтері үшін үлкен жаңалыққа айналатыны анық. Гонконг зертханасындағы жұмыс Мұхитқа жаңа тәсілдер үйренуде де сеп болған. Себебі, ғылыми ізденістен бөлек коммерцияландыру, мақала жариялауға болады. Қазіргі кезде екі ел арасында жиі қатынайтын кейіпкеріміз Канадада профессорлардың үлкен зертханасында науқастарды қабылдап, кванттық физика, офтальмология тұрғысынан ауру түрлерін анықтауға атсалысып жатыр. Сонымен қатар Алматыдағы Көз аурулары ғылыми-зерттеу институтында 2014 жылдан бері ғылыми сарапшы ретінде қашықтан жұмыс істеп келеді. Бүгінде аталған институтпен Кардифф университеті арасында білім, ақпарат, технология алмасу бойынша меморандумға қол қойылған. Сондай-ақ ол аэроғарыш медицинасы бойынша NASA-дағы әріптестерімен бірлескен жоба жасап жатыр. Жан-жақты ғалым «Қашан елге келіп, еңбек етесіз?» деген сауалға былай жауап берді.<blockquote> – Медицина, әсіресе ғылыммен айналысатын мамандар тапшы кезде Қазақстанға оралу – ел мүддесіне де қажет стратегиялық қадам. Бірақ мүмкін болса, сыртта жүрген жас ғалымдарды шақырып, оларға жайлы жағдай жасаған дұрыс деп ойлаймын. Болашақта Қазақстан үшін үшінші микроскоп жасағым келеді. Сонда біз глаукоманы, ЖҚА және басқа да ауруларды ерте кезеңде анықтай аламыз. Мен қазір елімізге ғана емес, бүкіл әлемге көмектесетін ғылыммен айналысып жатырмын деп санаймын, – деп түйіндеді әңгімесін ғалым.</blockquote> Мөлдір СНАДИН

Қазақстандағы алғаш кванттық офтальмолог Қызылордадан шықты

<a href="https://kyzylorda-news.kz/">Kyzylorda-news.kz.</a> &nbsp;Бұл туралы Еңбек және халықты әлеуметтік қорғау министрлігінің баспасөз қызметі айтты, деп хабарлайды <a href="https://kaz.caravan.kz/zhangalyqtar/endi-qazaqstandyqtar-ongtustik-koreyada-zangdy-turde-zhumys-istejj-alady-352610/?fbclid=IwAR1GfXb9S7gydnaeN_I9agwcOG5QX8G31FZ7LGLtYs1gGFcDrgZgaLrbuhM">Caravan.kz </a>медиа порталы.<blockquote>«Корея Республикасы Еңбек және жұмыспен қамту министрлігінің өкілдерімен онлайн-форматта келіссөздер жүргізіліп, Қазақстанды Оңтүстік Кореяның «Employment permit System» жүйесіне енгізу мәселесі талқыланды. Бұл қазақстандықтарға Оңтүстік Кореяда заңды түрде жұмысқа орналасуға, сондай-ақ оларға тең еңбек жағдайлары мен құқықтарды қорғауды қамтамасыз етуге мүмкіндік береді»,—делінген хабарламада.</blockquote>Кездесуге министрліктің Көші-қон комитетінің төрағасы Асқарбек Ертаев қатысып, EPS жүйесі шеңберінде кореялық дайындық орталығын ашу бойынша жүргізіліп жатқан жұмыстар туралы айтты. Ол Қазақстанда EPS орталығын ашу мүмкіндігін талқылай отырып, тараптар жемісті және сындарлы өзара іс-қимылға, сондай-ақ еңбек көші-қоны шеңберінде екіжақты ынтымақтастықты кеңейтуге дайын екенін білдірді.Фото: Нұрболат Нұржаубай

Енді қазақстандықтар Оңтүстік Кореяда заңды түрде жұмыс істей алады 

Фото: azattyq-ruhy.kz<a href="https://kyzylorda-news.kz/">Kyzylorda-news.kz.</a> Мемлекет басшысының «Қарызсыз қоғам» жобасының тәжірибесін тарату жөніндегі тапсырмасына сәйкес, халықтың қаржылық сауаттылығын оқыту еліміздің барлық өңірлерінде және Республикалық маңызы бар қалаларда жүргізілетін болады.«AMANAT» партиясы жанындағы жобаның Орталық жобалау кеңсесі халықты оқытуды жүргізу үшін қаржы сарапшыларын жалдау туралы хабарлайды.Өтініш берушілерге қойылатын талаптар:- қаржы және экономика саласында жоғары білімнің болуы; - бизнес-жаттықтырушы ретінде кемінде 3 жыл жұмыс тәжірибесі; - Excel-де қаржылық модельдер құра білу; - қазақ және орыс тілдерін еркін білу; - ауыл тұрғындары үшін тренингтер өткізу тәжірибесі кемінде 1 жыл; - екі ұсыныс хат.Өтінімдерді қабылдау 2024 жылғы 8-19 қаңтар аралығында өтеді. Барлық құжаттарды емайлға жіберіңіздер: bekmurzaeva_akmaral@mail.ru &nbsp;

«Қарызсыз қоғам» жобасына өтініш берушілерге қандай талап қойылады? 

Фото: primeminister.kz<a href="https://kyzylorda-news.kz/">Kyzylorda-news.kz.</a> &nbsp;Ғылым және жоғары білім министрі Саясат Нұрбек Ұлттық бірыңғай тестілеуге қатысты пікір білдірді, деп хабарлайды <a href="https://bugin.kz/34672-sayasat-nurbek-ubt-2024-ke-qatysty-malimdeme-dgasady">Bugin.kz</a> порталы.<blockquote>"Сіздер үшін ҰБТ-2024 өзгеріссіз қалатындығын қуана хабарлаймын. Тестілеуде сіздер тек екі пән тапсырасыздар: Қазақстан тарихы (20 тапсырма, шекті балл – 5) және Оқу сауаттылығы (10 тапсырма, шекті балл – 3). Тапсырмаларды орындау уақыты – 70 минут. Ал шығармашылық емтихандар жоғары оқу орындарында өтеді", - деп жазды министр өзінің telegram-дағы парақшасында.</blockquote>Минстрдің айтуынша, бұл шешім талапкерлердің қалауы мен бейінді ведомстволардың сараптамалық пікірі негізінде қабылданды.<blockquote>"Қорытындылай келе, өткен жылы ҚР Ғылым және жоғары білім министрлігі негізгі ҰБТ-ны екі рет тапсырып, үздік нәтижемен грант тағайындау конкурсына қатысу мүмкіндігін ресми түрде бекіткенін еске саламын", - деді ведомство басшысы.</blockquote>Сондай-ақ ақылы оқуға түсу үшін ҰБТ тапсырудың үш мүмкіндігі (қаңтар, наурыз, тамыз) бар екені еске салынды. Тиісінше 2024 жылғы талапкерлер тестілеуден бес рет өте алады.

Саясат Нұрбек  мәлімдеме жасады

Көпбалалы аналар 2024 жылы қандай жеңілдіктерге ие болады?

Фото: azattyq-ruhy.kz&nbsp;<a href="https://kyzylorda-news.kz/">Kyzylorda-news.kz.</a> «Қарызсыз қоғам» жобасы аясында қаржылық сауаттылық бойынша оқуға шақырады. Жобаны Қазақстан Республикасының Үкіметі «AMANAT» партиясымен бірлесіп іске асыруда. Өткен жылы еліміздің сегіз өңірінде 65 000 адам оқудан өтті. Біз жоба қатысушыларының жоғары бағасын алдық.Өтінімдерді қабылдау 2024 жылғы 8-29 қаңтар аралығында өтеді. Халықты оқыту 2024 жылдың 5 ақпанында басталады. Өтінімді тіркелген жері бойынша ауылдық әкімдікке немесе «AMANAT» партиясының кеңселеріне хабарласу арқылы беруге болады.Оқыту бес күнге созылады. Осы уақытішіндеСізотбасылықбюджеттіжүргізуді, шығындарыңызды басқаруды, несиелік қарыздарды мерзімінен бұрын өтеу бойынша ұсыныстар алуды, өзіңізге тиімді шарттармен несие таңдауды үйренуді, депозиттердің әртүрлі шарттарымен танысуды, ірі сатып алуларды жоспарлауды үйренуді және т. б. үйренесіз.Сондай-ақ оқыту шеңберінде қаржы сарапшылары жеке консультациялар өткізетін болады, ал қатысушылардың қалауы бойынша өз бизнесін ашу үшін мемлекеттік гранттық және кредиттік бағдарламаларға бизнес-жоспар жазуға көмектеседі. Жоба аясында сіз білікті заңкөмегін ала аласыз, егерСіздіңшоттарыңызғатыйымсалынғанболса, Сіздіңқарызыңызколлекторлықкомпанияғасатылған болса, Сізге несиелік қарызды қайта құрылымдау қажет және т. б.Барлық құжаттарды емайл-ға жіберіңіздер: bekmurzaeva_akmaral@mail.ru &nbsp;

Қазақстан және Қызылорда облысының жаңалықтары