<a href="https://kyzylorda-news.kz/ru">Kyzylorda-news.kz.</a> ҚР Премьер-министрі Әлихан Смайыловтың төрағалығымен өткен Үкімет отырысында электр энергетикасын және электронды сауданы дамыту мәселелері қаралды.Облыс әкімі Нұрлыбек Нәлібаев Үкімет басшысына Қызылорда қаласындағы құны 215 млрд. теңге, қуаттылығы 240 мегаватты құрайтын жаңа жылу-электр орталығының құрылысы туралы баяндады.<blockquote>«Жаңа жылу-электр станциясы – тәуелсіздік жылдарындағы инвестор қаржысына салынатын ең ауқымды, теңдессіз жоба. Бу-газ орталығын әлемдік тәжірибесі мол «Акса Энерджи» түрік компаниясы салуда. Бүгінгі күннің өзінде инвестор 70 млрд теңгеден астам инвестиция бағыттады. Негізгі қондырғыларды дайындауға шетелдік компанияларға тапсырыс берілген, осы жылдың мамыр айында құрылыс алаңына жеткізіледі. Әкімшілік ғимараттар мен жұмысшыларға арналған жатақхана құрылысы аяқталып, жаңа жылу орталығы орналасатын жер дайындалуда.Құрылыс алаңында 220-дан астам жұмысшы және 50 ауыр техника жұмыс жасауда. Жазда 800-ден астам жұмысшы жұмылдырылмақ. Орталыққа дейін газ құбырын жеткізудің жоба-сметалық құжаттамасы облыстық бюджет есебінен әзірленіп, қаржы қаралды, мердігер мекеме анықталды», – деді аймақ басшысы.</blockquote>Айта кетейік, нысанды 2025 жылдың тамыз айында іске қосу жоспарлануда.Үкімет отырысынан кейінгі мәжілісте Нұрлыбек Машбекұлы жылу-электр орталығы құрылысына қажетті қосымша жер учаскесін рәсімдеу жұмыстарын аяқтауды тапсырды. «Қызылорда электр тарату тораптары компаниясына» Қызылорда қаласының электр жүйелерін жаңғыртуға 2024 жылға қаралған бюджет қаржысының тиімді игерілуін және жұмыстардың мерзімінде әрі сапалы жүргізілуін қадағалау міндеті жүктелді. «КЕГОК» АҚ Қызылорда өндірістік филиалы жоғары кернеулі электр желілеріндегі ажыратуды болдырмау үшін алдын алу шараларын қабылдауға, ал қала және аудан әкімдері желілердің тозу деңгейін төмендету бағытында жұмыстар атқаруға жауапты болмақ.Күн тәртібіндегі екінші мәселе бойынша облыс әкімі әлемдік экономикалық өсудің жаңа драйвері саналатын электронды сауданы дамыту үшін жергілікті кәсіпкерлерді оқыту қажеттігін атап өтті.Бүгінде облыстағы өңдеу өнеркәсібі саласында 40-қа жуық экспорттаушы кәсіпорын жұмыс жасайды. Аймақта өндірілетін күріш және тұз өнімдері «Алибаба» интернет платформасы арқылы экспортқа ұсынылады. Күріш, ас тұзынан бөлек, цемент, шыны, уран және балық өнімдерінің өндірісі жолға қойылып, экспортталуда. Облыстық кәсіпкерлік және өнеркәсіп басқармасына электронды саудадағы экспорт көлемін арттыру үшін аталған кәсіпорындардың интернет-маркетплейстерге тіркелуін ұйымдастыру тапсырылды.Сондай-ақ, жыл басынан бері іске қосылған электронды ақшаны жедел аударуға бағытталған жаңа төлем жүйесін кеңінен ақпараттандыру керек.<img src="https://knadmin.beoblood.kz/uploads/417569889_676720124649235_5272197828372936704_n_78ecb01cea.jpg" alt="417569889_676720124649235_5272197828372936704_n.jpg">

Қызылордада жаңа жылу-электр орталығының құрылысы қарқынды жүргізілуде

Фото автордыкіТолығырақ видеода: <a href="https://www.instagram.com/reel/C2KA10LNTyq/?igsh=MWFrOHdsZXY0YjUxcw==">https://www.instagram.com/reel/C2KA10LNTyq/?igsh=MWFrOHdsZXY0YjUxcw==</a><a href="https://kyzylorda-news.kz/ru">Kyzylorda-news.kz.</a>&nbsp; Қызылорда қаласының сол жағалауындағы көпірдің қақ ортасы 10-15 сантимерге ашылған. Көпірдің екі жерінде 10-15 сантиметрге жуық жарықшақ бар. Бұл тосқауылдан жүргізушілер күнделікті өтеді. Себебі сол жағалауға тікелей шығатын көпірдің қызылордалықтар үшін маңызы зор.&nbsp; Зерттеп қарасақ, дәл осындай жағдаймен алматылықтар да бетбе бет келген.<blockquote>&nbsp;Бұл орайда Алматыдағы әкімдік «визуалды тексеру кезінде ауа райының әсерінен саңылау ұлғайғаны анықталды. Алайда бұл көпірді қолдануға кедергі келтірмейтін, қалыпты жағдай саналады. Қыс мезгілінде бетон конструкциялары сығылғандықтан, саңылау кеңейеді, ал жазда керісінше» деп жауап берген.&nbsp;</blockquote>Сондай-ақ, қауіпсіздік үшін жылдамдықты &nbsp;40 шақырым/сағ ұстануға кеңес берген. Өңірдегі жағдай да осылай өрбуі мүмкін. Дегенмен, жауапты мекеменің жауабы артық етпейді... Оны алдағы уақытта агенттіктің «Тыңдаушы мемлекет» рубрикасында жариялайтын боламыз.Азамат АБИМОЛДА

Қызылорданың сол жағалауында көпірдің ортасы 10 сантиметрге ашылған

&nbsp;<a href="https://kyzylorda-news.kz/ru">Kyzylorda-news.kz.</a> Қызылорда қаласына «Атамның аманаты» қоғамдық бірлестігі 1912 жылы Қызылорда облысында дүниеге келген қазақ жауынгері Мәметов Силанның сүйегін ҚР Қарулы Күштерінің арнайы әскери-көлік ұшағымен туған жеріне жеткізді.Майдангердің мәйітін 2023 жылдың мамыр айында Ресейдің «Эхо войны» іздестіру тобы қазба жұмыстары кезінде тапқан болатын. Белгісіз солдаттың кім екені мойнындағы &nbsp;медальонында жазылған мәліметтер бойынша анықталды.&nbsp;Силан Мәметов 144-ші атқыштар дивизиясының 785-ші атқыштар полкінің сапында соғысқан. 1941 жылы 7 қарашада Мәскеу түбіндегі Апалщино селосы үшін шайқаста қаза тапқан екен. Сүйегі Мәскеу облысы Руза ауданы Ново-Горбово селосындағы бауырластар зиратынан 300 метр қашықтықта табылған. Силан соғысқа дейін Қызылорда &nbsp;облысында тұрған, үйленген. Өкінішке орай, тікелей ұрпағы мен туыстары табылмады.&nbsp;Дегенмен, елі үшін жанын қиған жауынгердің сүйегін туған жері Қазалы ауданының әкімдігі барлық жөн-жоралғысымен жерледі.&nbsp; Сондай-ақ, шара барысында «Атамның аманаты» ҚБ облыстық өлкетану музейіне С.Мәметовтың жеке заттары – солдат каскасы мен медальонын да табыс етті.<img src="https://knadmin.beoblood.kz/uploads/df7865fb_f6d4_4b0e_96fc_4fcae38893b8_0bc088bbca.jpg" alt="df7865fb-f6d4-4b0e-96fc-4fcae38893b8.jpg"><img src="https://knadmin.beoblood.kz/uploads/e4bdebf9_3455_44b5_bc7f_78ff84bde2c8_f0156a9f0f.jpg" alt="e4bdebf9-3455-44b5-bc7f-78ff84bde2c8.jpg"><img src="https://knadmin.beoblood.kz/uploads/Spustya_80_let_v_Kyzylordinskuyu_oblast_dostavili_ostanki_voina_soldata_2_f73d578dd8.jpg" alt="Спустя 80 лет в Кызылординскую область доставили останки воина-солдата 2.jpg">

Жауынгердің сүйегі туған жеріне жеткізілді

<a href="https://kyzylorda-news.kz/ru">Kyzylorda-news.kz.</a>&nbsp;“Шетелдегі қазақ балалары” жобасының авторы, журналист Жанар Байсемізова шетелге бала сатуға ат салысқан кейбір танымал тұлғалардың есімін атады. Бұл туралы <a href="https://stan.kz/sara-nazarbaevanin-bala-satkani-ras-pa-zhurnalist-zhana-393847/">Stan.kz </a>ақпарат агенттігі Abay Live youtube арнасына сілтеме жасап хабарлайды.&nbsp;Журналистің айтуынша, экс-президенттің жұбайы Сара Назарбаеваның балаларды шетелде демалдыратын арнайы бағдарламасы болған.<blockquote>“Испанияда бір қызбен жолықтық. Маған бағдарламаға психолог керек болды. Елшіліктегі адамдарға өтініш жасап едім, олар маған тауып берді. Сөйтсем ол қазақ қызы екен. Заң бойынша 1999 жылдан бастап шетелге кете бастады деп айтылады. Бірақ ол қыз одан бұрын кеткен. Ол қыз көпбалалы отбасынан шыққан. Ата-анасы қайтыс болып кеткен. Сол кезде жетім балаларды шетелдегі отбасыларға қонаққа жіберетін секілді бағдарлама болған. Жазғы демалысты сол жаққа барып, өткізіп келеді. Сондай бағдарламамен Испанияға барып, бір отбасында демалып келеді. Келгеннен кейін испаниялық отбасымен хат жазысып тұрған. Кейін қызды өздерімен бірге алып кеткен. Ол кезде Испанияда қазақ елшілігі құрылмаған кез еді. Елшілік болмағасын шетелге кеткен қазақ балаларының статистикасында тіркелмейді. Ресей арқылы өткен. 2022 жылы сондай оқиға ашылды”, – дейді бағдарлама авторы.</blockquote>Сонымен қатар ол Сара Алпысқызының да шетелге бала сатуға қатысты ойын айтты.<blockquote>“Испаниядағы қазақ қызы Сара Алпысқызының бағдарламасымен кеткен. Кейін сіңлісін де испаниялықтар асырап алған. Бауыры ғана осында қалған. Ғинаят деген ағасы бар екен. Соған жылап тұрып, сәлем жолдады. Бірақ мен Сара Алпысқызы барлық баланы сатты дегім келмейді. Логика тұрғысынан да миға сыймайтын әңгіме сияқты. Бала сатып ақша табатындай мұқтаж емес еді ғой. Бала сату бизнесінен бөлек байлығы жетеді. Мен жамандық ойлағым келмейді. Біздің еліміздің экономикалық жағдайын көріп, сол балаларға жақсылық ниетпен де жасаған шығар. Ізгілік ниетте басталған дүние сияқты. Балаларға мүмкіндік бергісі келген болар. Одан кейін түрлі дүние шыққан болуы керек”, – дейді журналист.</blockquote>Сонымен қатар бағдарлама авторы балалардың қанша теңгеге сатылғанын да жасырмады.<blockquote>“1990 жылдың аяғы мен 2000 жылдың басында-ақ 50 мың АҚШ долларына сатқан. Ол кезде бұл өте көп ақша еді. Таразға шетелдік 10 шақты отбасы келіп, әр баланы 50 мың АҚШ долларына сатып алып кеткен. Заңсыз кеткен біраз баламен таныстым. Оларды айта алмаймын”, – дейді Жанар Байсеміз.</blockquote>Фото: Нұрболат Нұржаубай

"Әр баланы 50 мың долларға сатқан": Журналист Жанар Байсемізова шетелдегі қазақ балалары туралы айтты

<a href="https://kyzylorda-news.kz/ru">Kyzylorda-news.kz.</a>&nbsp; Белсенділер Қазақстанда донорлық туралы заңды өзгертуді сұрады. Бұл туралы <a href="https://www.ktk.kz/ru/news/video/2024/01/15/260948/">КТК</a> арнасы хабарлайды.Бүгінде донорлық ағзаға мұқтаж мыңдаған жан шетелден келетін ағза трансплантациясына ғана үміттенеді. Себебі ол елдерде қайтыс болған адамдардың мүшесін алу үшін туыстарының рұқсаты талап етілмейді.<blockquote>“Дәрігерлер қордан ақша алғанша, заңды елімізде донорлық дамитындай етіп өзгерту керек дейді. Тиісті конференция өткізілді. Денсаулық сақтау министрлігімен бірге үкіметті де, қоғамды да трансплантация және мәйіт донорлығы туралы заңды өзгертуге шақыру мақсатында осы конференцияға қатыстық”, – деді "Қазақстан халқына" қорының басқарма төрағасы Болат Жәмішев.</blockquote> Шетелдегі органдарды сатып алу туралы өтініштерді "Қазақстан халқына" қоры қабылдайды. Бұл өте қымбат болғандықтан, көптің қалтасы көтермейді.Елімізде қайтыс болған азаматтардың ағзасын туыстарының рұқсатынсыз алуға заң рұқсат етсе, мыңдаған адамның өмірін сақтап қалар еді. Қазір Қазақстанда 4 мыңға жуық адам органға мұқтаж, оның 90-ы бала. Халықтың басым бөлігі бұған қарсы болғандықтан, көбі кезекке жетпей, көз жұмады.Фото: Нұрболат Нұржаубай

Қазақстанда қайтыс болғандардың ағзасын туыстарының рұқсатынсыз алу ұсынылды

<a href="https://kyzylorda-news.kz/ru">Kyzylorda-news.kz.</a>&nbsp; Толассыз жауған қарға байланысты Күршім ауданында табиғи сипаттағы төтенше жағдай жарияланды, - деп хабарлайды Massaget.kz.Қаңтар айының 7-нен бастап Күршім ауданында қар мен боран тоқтамай тұр. Кей жерлерде қалыңдығы 1.8-2 метрге жетті. Марқакөл және Тосқайын ауылдық округтерінің елді мекендерінде көлік жүруден қалды.Қардың шектен тыс көп жауып, көліктердің жүрмеуі ескеріліп, Күршім ауданының әкімдігі табиғи сипаттағы төтенше жағдай жариялады. ШҚО көлік және автомобиль жолдары басқармасының деректеріне сәйкес, жол жүруді қамтамасыз ету үшін қосымша техника жөнелтілді. Қазіргі уақытта арнайы техниканың 24 бірлігі жұмылдырылған.Марқакөл және Тосқайын ауылдық округтері мектептерінің оқушылары 8 қаңтардан бастап қашықтан оқыту форматына ауыстырылды. Қолайлы ауа-райы жағдайлары белгіленген соң, 16-шы қаңтарда ауылдық округтердің тұрғындарына қажетті азық-түлік пен дәрілік заттарды жеткізу үшін тікұшақ жіберілді. &nbsp;Фото: Нұрболат Нұржаубай

ШҚО-да төтенше жағдай: ауыл тұрғындарына азық-түлік пен дәрі-дәрмек тікұшақпен жеткізілді  

<a href="https://kyzylorda-news.kz/ru">Kyzylorda-news.kz.</a>&nbsp; Соңғы жылдары еліміз мемлекеттік қызметті реформалауда айтарлықтай жетістіктерге қол жеткізді. Заң жүйесі жасалды, мемлекеттік қызметкерлердің құқығы, міндеттері және мәртебесі айқындалды, мемлекеттік органдардың уәкілеттілігі белгіленді.&nbsp;Қоғамның дамуы халықтың өмір сүру жағдайын тиімді және сапалы ету мақсатында мемлекет пен азаматтардың арасындағы қарым-қатынастарды өзгерту мүмкіндіктерін қарастыруды талап етіп отыр.Бұл бағытта тынымсыз жұмыстар жүргізілуде. 2021 жылдың 1 шілдесінен бастап Қазақстан Республикасының Әкімшілік рәсімдік-процестік кодексі (бұдан әрі – Кодекс) қолданысқа енгізілді.&nbsp;Аталған Кодекс мемлекеттік органдардың ішкі әкімшілік рәсімдерін, оларды жүзеге асыруға байланысты қатынастарды, сондай-ақ әкімшілік сот ісін жүргізу тәртібін, сонымен қатар жеке және заңды тұлғалардың жолданымдарын қарау тәртібін реттейді.&nbsp; Кодексте арыз иесінің әкімшілік актіге немесе әкімшілік әрекетке шағым беру құқықтары айқындалған. Яғни, арыз иесінің сотқа дейінгі тәртіпті сақтай отырып, мемлекеттік органдардың жауабына немесе әкімшілік әрекетіне шағым беру құқығы атап өтілген. Кодекстің 91-бабының 4-бөлігіне сәйкес арыз иесінің шағымы әкімшілік актісіне, әкімшілік әрекетіне (әрекетсіздігіне) шағым жасалатын әкімшілік органға беріледі.Мемлекеттік орган шағыммен келіспеген жағдайда, оны келіп түскен күннен бастап үш жұмыс күнінен кешіктірмей шағымды қарайтын органға жіберуге міндетті.Дегенмен, аталған талаптарды білмеу себебінен, 37 азаматтар мен заңды тұлғалар шағымдарын Департаменттің қарауына жолдауда. Бұл ретте, шағымда көрсетілген көптеген мәселелер Департаменттің құзыреттілігіне кірмейтіндіктен, азматтардың шағымдары құзыреттілігі бойынша уәкілетті органдарға жолданып, оларды қарау барысында бос әуре-сарсаңдыққа салу әрекеттерінің туындауы ықтимал. Осыған байланысты, Қазақстан Республикасының Мемлекеттік қызмет істері агенттігінің Қызылорда облысы бойынша департаментімен (әрі қарай - Департамент) 2023 жылдың қорытындысы бойынша қаралған жолданымдарға (арыз, шағымдар) және оларды қарау барысында туындайтын сұрақтарға талдау жүргізілді.Департаментке 2023 жылы жеке және заңды тұлғалардан барлығы – 270 жолданым түскен. Сонымен қатар, жеке сұрақтарымен – 73 азамат қабылданып, оларға ауызша түсіндірмелер берілді.Департаменттің негізгі бағытына кіретін мемлекеттік қызмет заңнамасы талаптарының бұзылуы бойынша 44 жолданым түсіп, оның 30-ы бойынша түсіндірмелер берілсе, 14-і бойынша тексерулер жүргізіліп, тиісті шешімдер қабылданған.Бұл бағытта жиі көтерілген сұрақтарға бос лауазымдарға конкурс өткізу тәртібін бұзуы (10), тәртіптік жаза қолдану (7), мемлекеттік қызметшілердің әдеп нормаларын сақтамауы (8) және 29 басқа мәселелерді жатқызуға болады. Мемлекеттік көрсетілетін &nbsp;қызметтердің сапасына қатысты 56 жолданым келіп түсіп, оның 18-і бойынша тиісті шешім қабылданды. Қызмет алушылардың тарапынан жиі көтерілген мәселелер жер қатынастары (11), жұмыспен қамту және әлеуметтік бағдарламалар (3), сәулет және қала құрылыс (2) және басқа да болып отыр.Жолданымдарды саралап қарайтын болсақ, түскен 270 өтініштің 126-ы немесе 46,7% басқа органдарға жолданған. Құзыреттілік шегінде тек 144 немесе 51,6% қаралған. Бұдан басқа 20 жолданым тоқтатылған. Статистикалық мәліметтерден байқалғандай, департаментке келіп түскен жолданымдардың жартысына жуығы басқа органдарға жолданған.Атап айтқанда, бұл жолданымдарды қарау департаменттің құзырына жатпайды. Департаментпен өтініштердің басқа органдарға осылай жиі жолдану себептеріне де талдау жүргізілді. Оның нәтижесі келесідей. Ең көп орын алған себептердің бірі - бұл жолданымда көрсетілген мемлекеттік сатып алу негізінде жасалған шарттардың орындалу мәселесі.Мемлекеттік сатып алу және шарттардың орындалуы бойынша мәселелер ҚР «Мемлекеттік сатып алу туралы» заңнамасымен және ҚР Азаматтық кодексімен қаралады және бұл шағымдар бойынша тиісті уәкілетті органға немесе сотқа жүгіну қажет. Келесі себеп, шағымда көтерілген мәселелердің Департаменттің құзыретіне кірмейтіні және көрсетілген тұлғалардың мемлекеттік қызметші болып табылмауы.Мысалы, арыз берушілер квазимемлекеттік органдардың қызметкерлеріне (білім саласындағы ұйымдардың қызметкерлері, коммуналдық ұйымдардың қызметкерлері) шағымданады. Олар азаматтық қызметшілер санатына жатқызылған. Аталған қызметшілердің жауаптылығы еңбек заңнамасымен қаралады және бұл шағымдар сол мемлекеттік органның басшысына тікелей жолдануы тиіс.Бұдан бөлек, шағымда көтерілген мәселелердің мемлекеттік көрсетілетін қызметтер тізілімінде болмауы (22). Мемлекеттік органның барлық функциясын мемлекеттік көрсетілетін қызметтерге жатқызуға болмайды. Қандай қызметтер тізілімінде бар екенін білу үшін Қазақстан Республикасының цифрлық даму, инновациялар және аэроғарыш өнеркәсібі министрінің міндетін атқарушысының 2020 жылғы 31 қаңтардағы №39/НК бұйрығымен бекітілген тізілімнен қарауға болады.Айта кететін мәселе, біраз өтініш иелері жолданымда көтерілетін мәселенің қаралуы департаменттің құзырына жатпайтынын біле тұрса да, «Сіздер арқылы өтінішті жолдасақ онда бақылау болады» деген пікірде. Әрине, біз бұны департаментке деген сенім білдірушілік деп қабылдаймыз. Дегенмен де, жолданымдардың қарау тәртібін реттейтін нормативтік-құқықтық актілердің нормаларына жүгінгеніміз, оны сақтағанымыз әлдеқайда тиімдірек.Талдау қорытындысы көрсеткендей, департамент мемлекеттік органдардың кез келген әрекетіне, қабылдаған шешіміне қатысты түскен жолданымдарды қарай бермейді.Осыған орай, жеке және заңды тұлғаларға арыз және шағымдарыңызды департаментке жолдамас бұрын, ондағы көтерілген мәселені қандай орган қарауы тиіс екенін нақтылап алғанды орынды деп санаймыз. Бұл жолданымдардың мемлекеттік органдар арасында жүріп қалмауына, бюрократтыққа салынбай, керісінше тез әрі сапалы қаралуына өз септігін тигізеді.Жолданымдарға немесе департаменттің қызметіне қатысты басқа да сұрақтар болған жағдайда департаменттің «Facebook» және «Instagram»әлеуметтік желілеріндегі ресми парақшалары арқылы, сонымен бірге департаменттің 8 (7242) 70-00-40 сенім телефоны арқылы білуге болады.Т.Нуртаев,ҚР Мемлекеттік қызмет істер агенттігінің Қызылорда облысы бойынша департаментінің&nbsp;Мемлекеттік қызмет саласындағы бақылау басқармасының басшысы&nbsp;Фото: Нұрболат Нұржаубай

Мемлекеттік қызмет: Шағымдану тәртібін білесіз бе?

<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облысында биыл 8285 түлек мектеп бітіреді. Оның 7340-ы қаңтар айындағы ҰБТ-ға қатысады.Тестілеу электронды форматта 4 кезеңде өткізіледі. Қаңтар айындағы бірінші кезеңдегі ҰБТ-ға өтініштерді қабылдау 2023 жылғы 29 желтоқсан мен 2024 жылғы 11 қаңтарға дейін Ұлттық тестілеу орталығының app.testcenter.kz сайтында немесе UTO қосымшасы арқылы жүргізілді. Бұл кезеңде талапкер ЖОО-на ақылы негізде қабылдану үшін шектік 50 баллдан жоғары ұпай жинауы тиіс. Тестілеудің өзі 2024 жылғы 16 қаңтар мен 10 ақпан аралығында өтеді.Тіркелу кезінде тест тапсырушылар емтихан орнын, күнін және уақытын өздері таңдайды.&nbsp;Айта кету керек, 2024 жылғы ҰБТ-да тестілеу форматына өзгерістер енгізілді. Қазақстан тарихы бойынша тестілеуге қатысушылар 20 тапсырманы, оқу сауаттылығы – 10, математикалық сауаттылық – 10 және екі бейіндік пән бойынша 40 тапсырманы орындайды. Барлығы – 120 сұрақ. Ең жоғары балл – 140. Тестілеудің жалпы уақыты – 4 сағат (240 минут). Сондай-ақ, ерекше білім беру қажеттіліктері бар балалар үшін қосымша 40 минуттық уақыт сақталады.Тестілеу кезінде калькулятор, Менделеев және тұздар ерігіштігі кестелері барлық талапкер үшін компьютер экрандарында қолжетімді болады. Сондай-ақ ҰБТ қатысушыларына өздерімен қалам, су және шоколад алып келуге рұқсат етіледі.Жалпы ҰБТ-ны өткізу ҚР Ғылым және жоғары білім министрлігінің Ұлттық тестілеу орталығына бекітілген.Фото: Нұрболат Нұржаубай

Бітіруші түлектер ҰБТ тапсырып жатыр 

<a href="https://kyzylorda-news.kz/ru">Kyzylorda-news.kz.</a> Жалпыға бірдей декларацияны ұсынбаған жеке тұлғаға алғашында ескерту жасалынады. Тағы заңбұзушылық анықталса, 15 айлық есеп көрсеткіші көлемінде, яғни 55 380 теңге айыппұл салынады, деп хабарлайды <a href="https://www.ktk.kz/kz/news/video/2024/01/15/260918/">КТК.</a>Биылдан бастап елімізде жалпыға бірдей декларациялаудың үшінші кезеңі басталды Бұл жолы кәсіпкерлер, жауапкершілігі шектеулі серіктестік басшылары, заңды тұлғалар мен олардың жұбайына декларация тапсыру міндеттеледі. Олар елдегі және шет мемлекеттегі жылжымайтын мүлкін жария етуге тиіс. 35 миллионға жуық қолма-қол ақша мен құны 3 миллионнан асатын құнды дүниесін де тіркеуі қажет.Салық маманы, зергерлік бұйымдар, асыл тұқымды жануарлардың да жалпыға бірдей декларациялауға жататынын айтты. Декларацияны e-salyq­azamat, "салық төлеуші кабинеті", "электрондық үкімет" мобильді қосымшалары арқылы тапсыруға болады. Жеке қағаз түрінде де, электронды түрде де 2024 жылдың 15 қыркүйегіне дейін тапсыруы қажет.Айта кетейік, жалпыға бірдей декларациялаудың бірінші кезеңі 2021 жылы басталды. Екінші кезеңі 2023 жылы өтіп, оған дәрігерлер, мұғалімдер, мәдениет және спорт саласында жұмыс істейтін азаматтар мен мен олардың жұбайы кірді. Енді 2025 жылы қалған санаттағы азаматтар тапсырады.<blockquote>"Егер уақытында декларациясын көрсетпесе, біріншісінде айыппұл төленбейді. Одан босатылады. Бірақ қайталанған жағдайда 15 АЕК көлемінде айыппұл салынады. Декларацияны тапсыру кезінде жеке кабинеті бар салық төлеушінің және де e-salyq­azamat қосымшасы арқылы тапсыруға болады. Және де поштамен немесе бізге келсе де болады. Біз бәрін егжей-тегжей түсіндіруге дайынбыз", - дейді Бостандық ауданы Мемлекеттік кірістер басқарма басшысының орынбасары Айжан Албаева.</blockquote><span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото: freepik.webp

Жалпыға бірдей декларацияны ұсынбаған жеке тұлғаға айыппұл салына ма?

<a href="https://kyzylorda-news.kz/ru">Kyzylorda-news.kz.</a> Қызылорда облысы әкімдігіне қарасты екі басқарманың лауазымды тұлғалары «Прокуратура туралы» Конституциялық заңның талаптарын бұзғандары үшін әкімшілік жауапқа тартылды.Облыс прокуратурасы мал жаюға арналған жайылымдардың жетіспеушілігіне талдау жасап, нәтижесінде мал санының статистикасын қалыптастыру барысында бұзушылықтарға жол берілгенін анықтады.<blockquote>«Аталған дерек бойынша прокуратура облыстың ауыл шаруашылығы және жер қатынастары басқармасына ұсыну енгізді. Дегенмен осы басқарманың басшысымен қадағалау актісіне уақытылы жауап берілмегендіктен, ол сотпен ҚР ӘҚБтК-нің 664-бабымен әкімшілік айыппұл түріндегі жауаптылыққа тартылды.Өзге жағдайда Қызылорда облысының Табиғи ресурстар және табиғат пайдалануды реттеу басқармасы Табиғат қорғау прокуратурасының тексеруге қажетті құжаттарды ұсыну туралы талабына немқұрайлылықпен қарап, прокурордың заңды талабын орындамаған», - делінген облыс прокуратурасының таратқан хабарламасында.&nbsp;</blockquote>Аталған әрекет үшін басшысы сот қаулысымен ҚР ӘҚБтК-нің 665-бабының 2-бөлігімен әкімшілік жауаптылыққа тартылып, оған 172 мың теңге айыппұл салынды.Фото: Нұрболат Нұржаубай

Қызылорда облысы әкімдігінің қызметкерлері жазаланды

Фото: өңірлік коммуникациялар қызметі<a href="https://kyzylorda-news.kz/ru">Kyzylorda-news.kz.</a> 2023 жылы Қызылорда облысы бойынша барлығы 33 687 сот ісі тіркелген. Оның ішінде 17 435-і азаматтық іске байланысты қозғалған. Қалған сот істері өз мерзімінде шешіліп, толық аяқталды. Бұл жөнінде Өңірлік коммуникациялар қызметінің ақпарат алаңында ҚР Сот әкімшілігінің Қызылорда облысы бойынша департаментінің басшысы Елтай Бөрібаев хабарлады.<blockquote>Департаменттің негізгі бағыты – статистикалық деректер мен сот істерінің жай-күйін толық талдау болып табылады. Бұл ретте біздің жұмыс жүйеміз жанданып, оңтайландырылып келеді. Сонымен қатар, аяқталған істердің 96 пайызы электронды нұсқада сақталған. Соңғы бес жыл көлемінде шешілген сот істері туралы мәліметтерді осы электронды нұсқаға көшірдік. Бұдан бөлек, былтыр 12 мониторинг пен сот істеріне қатысты 24 талдау жұмыстары жасалды, - деді Елтай Бөрібаев.</blockquote>Брифинг барысында ҚР Сот әкімшілігінің Қызылорда облысы бойынша департаменті басшысының орынбасары Мөлдір Асанова жыл көлемінде Әдеп жөніндегі уәкіл бойынша атқарылған жұмыстар мен мемлекеттік қызметтің оң имиджін қалыптастыру бағытындағы жұмыстарды атап өтті.<blockquote>-Мемлекеттік қызметші – мемлекеттік жүйені дамытудың негізгі айнасы іспеттес. Сол себепті мемлекеттік қызметшілердің оң имиджін қалыптастыру, олардың қызметін халыққа дұрыс насихаттау аса маңызды болып табылады. Бұл ретте Әдеп жөніндегі уәкілдің қызметі жүйелі жүргізіліп келеді. Былтыр осы Әдеп жөніндегі уәкілдің жылдық жоспарына сәйкес, мемлекеттік қызметшілерге арналған әр түрлі семинар-тренингтер, жиындар, мәдени-спорттық сайыстар ұйымдастырылды. Сондай-ақ, жарты жылда бір рет мемлекеттік қызметшілерден арнайы сауалнама алынады, - деді Мөлдір Асанова.</blockquote>Одан әрі қалалық соты әкімшісінің басшысы Нұрила Дүйсенова «Сот кабинеті» электронды сервисі туралы толығырақ баяндап өтті.<blockquote>-Өздеріңіз білетіндей, Қызылорда қалалық соты жергілікті азаматтардың мәселелері бойынша істермен айналысады. Атап айтқанда, неке және отбасына қатысты даулар, мұрагерлік істер, жер қатынастары, жеке азаматтардың еңбек даулары сынды мәселелер қарастырылады. Қаралатын сот істері «Сот кабинеті» электронды сервисі арқылы жүзеге асырылады. Тиісінше, әрбір азамат электронды цифрлы қолтаңбаны алып, сот кабинетіне тіркелгеннен кейін үйде отырып-ақ аталмыш сот ісі туралы мәліметтерге қол жеткізе алады, - деді Нұрила Дүйсенова.</blockquote>

Сот ісінің 96 пайызы электронды нұсқада сақталған

<a href="https://kyzylorda-news.kz/ru">Kyzylorda-news.kz.</a> Еліміздің басым бөлігі антициклон ықпалында болмақ. Сондықтан бүгін, 16 қаңтарда ауа райы жауын-шашынсыз болады.&nbsp;«Қазгидромет» РМК мәліметі бойынша, тек батыста, оңтүстікте, оңтүстік-шығыста атмосфералық фронттардың өтуіне байланысты ауа райы құбылмалы болады. Қар жауып, боран соғады. Оңтүстіктің таулы жерлерінде қалың қар жауады.Синоптиктердің болжамына сүйенсек, республика бойынша тұман түсіп, екпінді жел соғады, оңтүстік-шығыста көктайғақ болады.Фото: Нұрболат Нұржаубай

Қазақстан және Қызылорда облысының жаңалықтары