<a href="https://kyzylorda-news.kz/ru">Kyzylorda-news.kz.</a> Алматыда 6-сынып оқушысы дене шынықтыру сабағында соққыға жығылғанын айтты. Баланың айтуынша, мұғалім оған және сыныптастарына қол көтереді. Әлеуметтік желілерде видео тарады, - деп хабарлайды <a href="https://astanatv.kz/ru/">«Астана» телеарнасы.</a>Бала соққыдан қабырғасы мен асқазаны ауырғанын мойындады. Алматы полициясы қызметкерлері тергеу басталғанын айтты.<blockquote>«Қабырғадан ұрды, енді төрт күннен бері барлық қабырғам ауырады, ішім, ішімнің тұсы. Ұрғанда арыздансам «шапалақпен» ұрамын деді. Ол менің форма кимейтін сыныптастарымның қолын қайырып, бәрін осылай қорқытады. Мен мектепке барғым келмейді, өйткені ол маған бірнәрсе істей ме деп қорқамын», - дейді бала.</blockquote>Алматы ПД ресми өкілі Салтанат Әзірбек бұған қатысты пікір білдірді.<blockquote>«Алматы полиция департаменті бұл дерек бойынша Алатау ауданы әкімшілігінің тексеру жүргізіп жатқанын хабарлайды. Қазақстан Республикасының заңнамасына сәйкес шаралар қабылданатын болады», - деді ол.&nbsp;</blockquote>Фото: Нұрболат Нұржаубай

«Қабырғам, ішім ауырады»: Алматыда 6-сынып оқушысы мұғалімнің ұрып-соғатынын айтты

<a href="https://kyzylorda-news.kz/ru">Kyzylorda-news.kz.</a>&nbsp;"Ақ жол" партиясының депутаты Асқар Садықов мәжіліс отырысында мобильді аударымдарды бақылауға алғаннан кейін кәсіпкерлер көп шағымданып жатқанын жеткізді. Депутат қаржы министрі Ерұлан Жамаубаевқа 1 қаңтардан бастап енгізілген мобильді аударымдарды фискалды бақылауға қатысты сауал жолдады. Бұл туралы Stan.kz ақпарат агенттігі хабарлайды.Депутаттың айтуынша, мобильді аударымдарға фискалдық бақылауды енгізу бизнес пен халыққа бірден қиындық туғызған.<blockquote>"Бұрын мобильді аударымдар арқылы төлеген кезде сатушы қолма-қол ақша түбіртегін беруге міндетті еді. Енді онлайн аударымдар арқылы алынған &nbsp;бөлек, кассалық чектер үшін бөлек есептеледі. Тиісінше, салық салудың жеңілдетілген режимінде жұмыс істейтін кәсіпкер бір табыс үшін салықты екі рет төлеуі керек. Бұл шағын бизнес үшін қомақты сома – 3% орнына 6% төлеуге тура келеді. Екінші мәселе – POS-терминалдар арқылы қолма-қол ақшасыз төлемдерді қабылдау үшін банк комиссиялары бар, ол 2,8%-ға дейін жетеді. Нәтижесінде кәсіпкерге түсетін қаржылай жүктеме 3% орнына 8,8%-ға дейін өседі", – деді депутат.</blockquote>Депутаттың пікірінше, бизнесті POS-терминалдармен жұмыс істеуге мәжбүрлеу арқылы салық органдары банктердің мүддесін қорғайды. Ал Ұлттық банк уәде еткен ұлттық төлем жүйесі ешқашан пайдаға аспаған. Асқар Садықов салықшылардың қолма-қол төлемдерді қабылдауға тыйым салу туралы өтініштері "Төлемдер және төлем жүйелері туралы" заңның талаптарын бұзатынын айтты.<blockquote>"Кәсіпкерді қандай да бір нақты төлем түрін жасауға мәжбүрлеу заңсыз. Шағын және микро бизнес – олигархтар емес, шағын дүкендерде тауар сататын немесе шағын қызмет көрсететін қарапайым адамдар. Олар бюджеттен ақша ұрлап, оффшорға шығарып жатқандар емес. Ондай кәсіпкер тіпті 5 мың теңге салықтан жалтарса да, ақшаны елде қалдырады. Мәселен, ұлына бәтеңке алып береді немесе шағын кәсібін сәл де болса кеңейтеді. Түсіндіру барысында салық органдары түрлі адамнан түскен 100 мобильді аударым бақылауға алынғанын атап көрсетеді. Бірақ оның мөлшері анықталмаған. Демек 100-200 теңге көлеміндегі кез келген, азғантай төлемдерді де бақылауға мүмкіндік береді. Онда салық органдарына сұрақ: "Сонымен кімді іздеп жүрсіздер? Жасырын олигархтар мен жемқор шенеуніктерді ме әлде жанын әрең бағып отырғандарды ма?" – деді депутат Асқар Садықов.</blockquote>Депутат мобильді аударымдарды "жайына қалдыруды" сұрады. Кірісі онсыз да орташа жалақыдан төмен такси жүргізушілері, тігіншілер, өзін жұмыспен қамтып отырғандар мен өзге де қазақстандықтар зардап шегіп отырғанын алға тартты.<blockquote>"Сіздер күнін әрең көріп отырғандарға салық салғыларыңыз келеді. Олай болса оларға жұмысын тоқтатып, мемлекеттен әлеуметтік көмек алып отыру әлдеқайда оңайырақ болмақ. Жалпы алғанда мобильді аударымдарға енгізілген толық бақылау жемқорларға әсер етпейді, адал шағын кәсіпкерлікке әсер етеді”, – деді ол.</blockquote>Депутат кәсіпкерлердің де, халықтың да, мемлекеттің де мүддесін ескере отырып, мобильді аударымдарға салық салу тәсілін қайта қарауды талап етті.Фото: Нұрболат Нұржаубай

Депутат мобильді аударым мәселесін қайта қарауды талап етті

<a href="https://kyzylorda-news.kz/ru">Kyzylorda-news.kz.</a> 2025 жылы білім беру ұйымдарының педагог емес қызметкерлерінің жалақысы 100%-ға артады.Бұл жайында Оқу-ағарту министрлігі мәлім етті:<blockquote>«Осылайша, білім беру ұйымдарының әкімшілік және қосалқы персонал қызметкерлерінің жалақысы 2024 жылы 71 пайызға өсті. Аталған санаттағы қызметкерлердің жалақысын 2025 жылы 100 пайызға арттыру жоспарланған», – деді министрлікте.</blockquote>Фото: Нұрболат Нұржаубай

Келесі жылы кімдердің жалақысы 100 пайызға өседі?

Фото: <a href="https://ru6.kazatomprom.kz/kk/photorep/uran-ondirisi-katko-bk-zhshs">ru6.kazatomprom.kz</a><a href="https://kyzylorda-news.kz/ru">Kyzylorda-news.kz.</a> Бүгін облыс әкімі Нұрлыбек Нәлібаев «ҚазАтомӨнеркәсіп» ҰАК» АҚ Басқарма төрағасы Мейіржан Юсуповпен кездесіп, Қызылорда облысында жүзеге асырылатын жобаларды талқылады.Аймақ басшысы уран өндіруге қатысты бірнеше өзекті мәселеге тоқталды. Бүгінде компанияның 4 еншілес ірі кәсіпорны («Байкен-U», «Хорасан-U», «Семізбай-U», «РУ-6» серіктестіктері) осы жұмыспен айналысып келеді.<blockquote>«Біріншіден, әлеуметтік жауапкершілікті арттыруды ұсынамыз. Жалпы еліміздегі уранның шамамен 20%-ы Қызылорда облысында өндіріледі. Аймақтағы уран өндіруші компаниялардың «Самрұқ Қазына» қорына жыл сайын төлейтін дивидендтері шамамен 44 млрд.теңгені құрайды. Ал, қайырымдылыққа небәрі 88 млн. теңге немесе дивиденд сомасының 0,2%-ын береді. «Қазатомөнеркәсіп» қайырымдылық мақсаттарына 1 млрд теңгеге жуық қаражат бөлуде.Қазіргі уақытта облыста қаржыландыруды күткен бірқатар әлеуметтік жобалар бар. Салыстырмалы түрде айтсақ, мұнай өндіру компаниялары соңғы 10 жылда 15,7 млрд. теңгесін қайырымдылыққа жұмсаған. Ауыл шаруашылығымен айналысатын «Абзал и К» компаниясы Н.Ілиясов ауылында жыл сайын әлеуметтік нысандар салады. Ал, уран өндіруші компаниялар негізгі қызметін жүргізетін Байкенже ауылында тек қара жолды жөндеумен, мерекелерде азық-түлік бөлумен шектеледі. Осыны ескеріп, облыстың әлеуметтік маңызы бар объектілері құрылысын қаржыландыруды ұсынамыз», – деді Нұрлыбек Машбекұлы.</blockquote>Облыс әкімі Шиелі ауданы Еңбекші ауылдық округіне «Батыс Еуропа – Батыс Қытай» жолы арқылы көпір салу, 2015 жылдан бері «КАП логистикс» серіктестігіне 10 жылға өтеусіз пайдалануға берілген «Самара-Шымкент-Еңбекші» жолының 6 шақырымын күрделі жөндеу қажеттігіне тоқталды. Қуаттылығы жылына 500 мың тонна күкірт қышқылын өңдейтін «СКЗ-U» зауытын кеңейту немесе жаңа зауытты Қызылорда облысына салу мүмкіндігін қарастыру туралы айтты. Мұнан бөлек, Нұрлыбек Машбекұлы 65% іске қосылған «Байкен-U» серіктестігін толық қуаттылықпен жұмыс істеуге көшіруді ұсынды.Өз кезегінде, «ҚазАтомӨнеркәсіп» компаниясының басшысы аталған жобаларды жүзеге асыру мүмкіндігі қарастырылатынын жеткізді.Айта кетейік, Сыр өңіріне жұмыс сапары кезінде Мейіржан Юсупов «ҚазАтомӨнеркәсіп» ҰАК» АҚ-на қарасты өндірістік нысандарды аралап, жұмысымен танысады.

Нұрлыбек Нәлібаев: Еліміздегі уранның 20%-ы Қызылорда облысында өндіріледі

<a href="https://kyzylorda-news.kz/ru">Kyzylorda-news.kz.</a> Математика, физика және информатика мұғалімдері мен жаттықтырушылары арасында өткен IMPACT Olympiad VI Халықаралық ашық шығармашылық байқауында Қызылорда қаласындағы Назарбаев Зияткерлік мектебінің мұғалімі Баймен Сәбит 2-орын иеленді.Еліміздің және шет елдер мектептерінің педагогтері қатысқан додада ұстаздар математикалық есептерді шығарудан жарысып, әдістемелік шеберліктерін шыңдады.Айта кетейік Баймен Сәбит бұл олимпиаданың жыл сайынғы қатысушысы. Өткен жылы да асығы алшысынан түсіп, олжалы болды.

Қызылордалық мұғалім халықаралық олимпиадада жүлдегер атанды

Фото: aikyn.kz<a href="https://kyzylorda-news.kz/ru">Kyzylorda-news.kz.</a>&nbsp; Бүгін - бельгиялықтар асырап қазақтың баласы Эдди Жанның туған күні. Туған кезде Жәнібек деген есім алған жігіт әлеуметтік желіде жантебірентер жазба жариялады, - деп хабарлайды <a href="https://massaget.kz/basty-zhaalytar-438/99293/">Massaget.kz тілшісі.</a>Оның сөзінше, бұл күн өзімен ауысып кеткен баланың да туған күні болуы мүмкін.<blockquote>"Достар, 17 қаңтар- менің туған күнім! Әлде мен туғанда менің орныма ауысқан баланың туған күні ме?.. 17 қаңтар құжат бойынша менің туған күнім, иә... туған күнім сияқты! 22 жасқа толдым! 22! Бұл менің сүйікті саным, Құдай маған кереметке, жаңалыққа толы жыл сыйлайды деп сенемін. Менің болашақ жоспарларымның бастысы - замандастарымның биологиялық ата-анасын табуға мүмкіндік берсе екен деймін. Бүгінгі туған күнімде өзіме де, сіздерге де арман-мақсатымыз орындалып, өзіміз қалағандай өмір сүруді тіледім. Қазақстан халқы! Осыншама жылдардан кейін туған анасын іздеп, туған жерін аңсап келген маған жылу сыйлап, мейірім көрсеткендеріңіз үшін рақмет!" - деп жазды ол.</blockquote>&nbsp;&nbsp;

"Менің орныма ауысқан баланың туған күні ме?.." Бельгиялықтар асырап алған бала жантебірентер жазба жариялады  

Фото: «Байқоңыр» ӘКК<a href="https://kyzylorda-news.kz/ru">Kyzylorda-news.kz.</a> Әлеуметтік маңызы бар азық-түлік тауарларының бағасын тұрақтандыру мақсатында «Байқоңыр» әлеуметтік - кәсіпкерлік корпорациясы мен «РЗА-СҮТ» ЖШС арасында қарыз шарты жасалды.<blockquote>«Қарыз шарты негізінде жергілікті тауар өндіруші «РЗА-СҮТ» ЖШС 171 тонна пастерленген сүт (2,5%), 171 тонна айран (2,5%), 17 тонна сары май, 17 тонна сүзбені 2024 жылдың аяғына дейін қаламыздағы 35 әлеуметтік дүкен мен 10 ірі сауда үйіндегі әлеуметтік бұрыштарға жеткізеді. Осы орайда тұрғындарға 2,5% сүт - 360 теңгеден, 2,5% айран – 420 теңгеден және 5-9% сүзбе – 1760 теңгеден, ал 82,5% сары май – 3550 теңгеден сатылатын болады», делінген «Байқоңыр» әлеуметтік-кәсіпкерлік корпорациясының баспасөз қызметінің хабарламасында.</blockquote>

Сүт өнімдерін белгіленген бағада сату мақсатында шарт жасалды 

<a href="https://kyzylorda-news.kz/ru">Kyzylorda-news.kz.</a> Еліміздің мемлекеттік мектептерінде 2 817 педагог жетіспейді. Бұл туралы Оқу-ағарту министрлігінен мәлім етті, деп хабарлайды Қазақпарат.<blockquote>«Бүгінгі таңда мемлекеттік мектеп педагогтеріне қажеттілік 2 817 адамды құрайды. Оның ішінде математика, орыс тілі мен әдебиеті, физика, бастауыш сыныптар, химия, ағылшын тілі, музыка, информатика, тарих, құқық негіздері, көркем еңбек, география, биология, қазақ тілі мен әдебиеті, бастапқы әскери және технологиялық дайындық педагогтеріне сұраныс бар», - деп атап өтеді министрліктен агенттіктің ресми сауалына орай.</blockquote>Фото: Нұрболат Нұржаубай

Елімізде қай пән мұғалімдеріне сұраныс бар?

Фото: syrboyi.kz<a href="https://kyzylorda-news.kz/ru">Kyzylorda-news.kz.</a>&nbsp; Өткен жылы Қызылорда облысында көлік инфрақұрылымын дамытуға айрықша көңіл бөлінді. Атап айтқанда, былтыр қаланың сол жағалауында жаңа автовокзалдың іргетасы қаланып, бүгінде нысанның құрылысы қарқынды жүргізілуде.&nbsp;Болат Өтемұратов қорының демеушілігімен «Қорқыт ата» әуежайының жаңа терминалы салынуда. Қазіргі таңда жаңа нысанның құрылысы 87,4 пайызға орындалды. Аталмыш нысан осы жылдың мамыр айында ел игілігіне пайдалануға берілмек. Одан бөлек, былтыр Қызылорда қаласындағы теміржол вокзалы қайта жаңғыртудан өтіп, халыққа қолайлы жағдай жасалды. Осы жайында Өңірлік коммуникациялар қызметінде өткен брифингте облыстық жолаушылар көлігі және автомобиль жолдары басқармасының басшысы Жәнібек Сыздықов хабарлады.<blockquote>&nbsp;Бүгінде облыс аумағында 212 елді мекенді аудан және облыс орталығымен байланыстыратын 205 автобус маршруты ұйымдастырылған. Сонымен қатар, Ташкент қаласына халықаралық бір бағыт және Астана, Алматы, Шымкент, Жезқазған, Түркістан, Сарыағаш, Ақтөбе және тағы басқа қалаларға облысаралық 13 автобус маршруты жүреді. 2023 жылдың қорытындысымен аталмыш бағыттарға 22,8 млн жолаушы тасымалданды. Бұл 2022 жылмен салыстырғанда 53,4 пайызға жоғары. Сондай-ақ, «Қорқыт Ата» әуежайы арқылы аптасына 26 тұрақты рейс ұйымдастырылады. Өткен жылдың қорытындысымен әуежайдан барлығы 152,8 мың жолаушы жөнелтілді. Бұл 2022 жылмен салыстырғанда 15,5 пайызға артық. Ал Қызылорда облысынан өтетін магистральдық темір жол желісінің жалпы ұзындығы - 1051,7 км құрайды. Жалпы өңірде 8 темір жол вокзалы мен 2 қызмет көрсету пункті бар. Облыс аумағынан барлығы 14 жұп жолаушы пойызы өтеді. Оның ішінде облыс орталығынан Петропавловск, Павлодар, Көкшетау, Семей және Түркістан қалаларына 5 жұп жолаушы пойызы ұйымдастырылған. 2023 жылдың қорытындысымен теміржол вокзалдары арқылы 19,2 млн. жолаушы діттеген жеріне жөнелтілді, - деді басқарма басшысы Жәнібек Сыздықов.</blockquote>

Көлік инфрақұрылымы – экономиканың қозғаушы күші

Фото: skcn.kz<a href="https://kyzylorda-news.kz/ru">Kyzylorda-news.kz.</a>&nbsp; "Қадірлі қала тұрғындары! Аймақ басшысы үлкен сенім артып, Қызылорда қаласының әкімі ретінде қызметімді бастағанымды білесіздер. Әрине, әр азаматтың туған жеріне адал қызмет етуі - перзенттік парызы. Сондықтан қаламыздың әлеуметтік-экономикалық, мәдени-рухани дамуы жолында Сіздердің қолдауларыңызбен аянбай еңбек етуге бар күш-жігерімді &nbsp;арнаймын. Барша тілеулес, ниеттес азаматтардың құттықтауларына және сеніміне алғысымды білдіремін. «Facebook» әлеуметтік желісінде жаңа өз аккаунтымды аша отырып, бұл платформа арқылы Өздеріңіздің әрбір ұсыныс-пікірлеріңізді ескеретін боламын", - деп жазды Серік Қожаниязов фейсбук парақшасында.

Қала әкімі: Әрбір ұсыныс-пікірді ескеруге дайынмын

Фото: Polisia.kz<a href="https://kyzylorda-news.kz/ru">Kyzylorda-news.kz.</a>&nbsp; Қызылорда облысы криминалдық полиция басқармасының қызметкерлері күдіктіні кезекті пәтер ұрлығын жасау кезінде ұстады.Үй иелерінің жоқтығын пайдаланған ер адам терезелерді күштеп ашу арқылы жеке үйлерге заңсыз кіріп, әшекей бұйымдарын алып кеткен. Ұсталған 26 жастағы Түркістан облысының тұрғыны болып шықты.Айғақты зат ретінде жәбірленушілерге тиесілі алтын бұйымдар мен басқа да заттай айғақтар алынды. Тергеу барысында, күдіктінің облыс аумағында 25 пәтер ұрлығын жасап, сол арқылы жәбірленушілерге жалпы сомасы 19 миллион теңге материалдық шығын келтіргені анықталды. Полицейлер ұрының осыған ұқсас басқа да қылмыстарға қатысы бар-жоғын тексеруде. Тергеу жалғасып жатыр. Күдікті қамауға алынды, - делінген хабарламада.

Қызылордада 25 пәтерді тонаған ұры ұсталды

Фото: newsroom.kz<a href="https://kyzylorda-news.kz/ru">Kyzylorda-news.kz.</a> Тележүргізуші бұл ақпаратты өзінің әлеуметтік желідегі парақшасында мәлімдеді, деп хабарлайды<a href="https://kaz.caravan.kz/zhangalyqtar/endi-ne-koremiz-dina-tolepbergen-astarly-aqiqat-baghdarlamasy-zhabylatynyn-ajjtty-352887/?fbclid=IwAR0TFgpd0o1VNtEfVARDf9Rlfd7HW3BQaALw7qpc5_d3M0YTxVda6Z7YhZ8"> Caravan.kz</a> медиа порталы.<blockquote>"Студияда 1500 сағат, 600 бағдарлама, 13 жыл өмір. Осымен Астарлы ақиқатты жүргізуді тоқтатып жатқанымды жеткіземін. Мен сепарация туралы жиі айтамын. Бұл тек балаларымызға ғана емес, туындыларымызға да қатысты. Тұла бойы тұңғышыма айналған Астарлы ақиқат өз анасын күлімсіретті, көкке көтерді, кейді күрсіндірді де. Бастысы - біз екеуміз жылағанның жасын сүрттік, құлағынды қолтығынан демедік, тарпаң тағдырдан тарыққандарға жол ашуға тырыстық. Әр нәрсенің өз орны, өз уақыты болады. Осыдан тура 13 жыл бұрын 2011 жылдың 18-қыркүйегінде 27 жастағы Динаға эфир тізгіні бұйырғанда, мен бағдарламаға жан бітіріп, жалпыұлтттық деңгейге жеткіземін деп ойламаған едім. Бірақ, сіздер мені өз отбасыңыздың мүшесі ретінде қабылдап, күнде кешкісін менімен бірге болдыңыздар. Рақмет, сіздерге! Эфирмен қоштасуымды қарыштауға қадам деп, тілекші болыңыз", - деді Дина Төлепберген.</blockquote>Желі қолданушылары журналистің бұл жаңалығын үлкен таңданыспен қабылдауда.<blockquote>"Неге тоқтатасыз?", "Енді не көреміз, Динажан", "Неге, одан да қосылайық жабылсын да", "Аман болыңыз", "Неге, сіз керемет жүргізесіз", "Ең жақсы жүргізуші", "Астарлы ақиқат жабылып жатыр ма", "Енді не көреміз біз", "Халыққа керек жоба еді", - деп жазды олар.</blockquote>

Қазақстан және Қызылорда облысының жаңалықтары