<a href="https://kyzylorda-news.kz/">Kyzylorda-news.kz.</a> Қазалы қаласындағы аграрлы-техникалық колледжінде 15 мамыр – Халықаралық отбасы күніне орай есірткі және нашақорлықтың алдын алу профилактикалық шараларының іс-шара жоспарына сәйкес дене тәрбиесі пәні оқытушыларының және «Студенттік парламент» ұйымы «Салауатты өмір салты» фракциясының ұйымдастыруымен отбасының адам өміріндегі маңыздылығын түсіндіріп, студенттер мен ата-аналар арасында салауатты өмір салтын қалыптастыру мақсатында «Әкем, шешем және мен» атты эстафеталық жарыс өткізілді.&nbsp;Аталмыш шара барысында студенттер отбасы ұғымының мағынасын терең түсініп, ондағы әке мен шеше рөлінің маңыздылығына тоқталды.&nbsp;Спорттық жарыс кезінде ауызбіршілік пен ептілікке, шапшаңдық пен ұйымшылдыққа ұмтылды. Бес кезеңнен тұратын жарыс нәтижесі бойынша жүлделі бірінші орынды №22-1 «Есептеу техникасы және бағдарламалық қамтамасыз ету» оқу тобының студенті Кемал Динараның «Базаровтар» отбасы, екінші орынды №21-6 «Ауылшаруашылығын механикаландыру» оқу тобының студенті Тоқтамұрат Ерқанаттың «Тоқтамұратовтар» отбасы және үшінші орынды №21-4 «Автокөліктерге техникалық қызмет көрсету және жөндеу шебері» оқу тобының студенті «Әбдінәбиевтер» отбасы иеленді. Жарсқа қатысушыларға І, ІІ, ІІІ дәрежелі дипломдар табыстылап, естелік сыйлықтар берілді.

Колледжде «Әкем, шешем және мен» эстафеталық сайысы өтті

<a href="https://kyzylorda-news.kz/">Kyzylorda-news.kz.</a> Осыдан алты жыл бұрын Әйтеке би кентінің шығыс жағында тұрғындардың өтінішімен іргетасы қаланған 300 орындық білім ордасы бүгінде оқушыларға сапалы білім мен саналы тәрбие беріп келеді.&nbsp;Талапқа сай жабдықталған ғимарат 2018 жылы ашылды. Сол тұста облыс әкімінің орынбасары Серік Қожаниязов мектеп директоры Мейрамбек Жұмашовқа білім ордасының кілтін табыстады. Осы жылы 1 қыркүйек – Білім күніне орай аудан әкімі М.Ергешбаевтың қатысуымен «Сыңғырла күміс қоңырау» атты салтанатты жиын өтіп, білім ордасының табалдырығын 316 бала аттады.&nbsp;Жаңа мектепке облыс әкімдігі тарапынан бір, аудан әкімдігі тарапынан да бір және аудандық білім бөлімінің атынан үш интерактивті тақтаны сыйға берді. Мектептің оқу-әдістемелік кеңесі жанынан жаңартылған білім мазмұны бойынша І-ІІІ деңгей оқыған мұғалімдер арасында тәжірибе алмасу мақсатында «Сенім көкжиегі» атты қауымдастық құрылып, пән мұғалімдерінен жасақталған 5 әдістемелік бірлестікке 5 интерактивті тақта қолдануға берілді. Оқу ордасында 18 пән кабинеті, 2 информатика, 1 лингофон, қыз және ер балаларға арналған 2 шеберхана, 521 шаршы метрді құрайтын спорт зал, спорт алаңы, кітапхана, АКТ залы, 100 орындықтан тұратын асхана және жаратылыстану-математика бағытына сәйкес химия, биология, физика пәндерінің зертханалық кабинеттері толықтай қажетті құралдармен жабдықталған. Қазіргі таңда 447 оқушымен толықты.<blockquote>«Білім беру жүйесінің мақсаты – бәсекеге қабілетті маман дайындау. Мектеп – үйрететін орта болса, оның жүрегі – мұғалім. Ізденімпаз мұғалімнің шығармашылығындағы ерекше тұс – оның сабақты түрлендіріп, тұлғаның жүрегіне жол таба білуі. Ұстаз атану, оны қадір тұту, қастерлеу, арындай таза ұстау – әр мұғалімнің борышы. Ол өз кәсібін, пәнін, барлық шәкіртін, мектебін шексіз сүйетін жан. Міне, мектебімізде осындай қасиетті бойына сіңірген 61 педагог, оның ішінде 5 магистр маманы жұмыс жасайды. Басым көпшілігі жас мамандар. Алғашқы оқу жылында 61 педагогтің ішінде жоғарғы және педагог-зерттеуші 4, педагог-сарапшы маман 17, модератор 24. Ұжым мүшелерінің тыңғылықты жұмыс жасауының, дұрыс бағыт-бағдардың, оқу-әдістемелік жұмысқа жұдырықтай жұмыла білудің нәтижесінде білім ордамыз аудан бойынша үшінші орыннан көрінуде», – дейді мектеп директоры Мейрамбек Жұмашов.&nbsp;</blockquote>Ұстаз жетістігі – мектеп мәртебесіОқушыларды түрлі білім додаларына баулу, жан-жақты етіп тәрбиелеу, республикалық, халықаралық деңгейдегі сайыстарға даярлауда ұстаздар аянбай тер төгіп келеді. Бес жыл ішінде білікті мұғалімдер жетістіктерге жетіп, мектеп мәртебесін асырып келеді. Халықаралық А.Жұмаділдаев атындағы математикалық олимпиададан математика пәнінің мұғалімі Құдайберген Төлепберген жүлделі үшінші орын иеленді.Республика көлеміндегі сайыстардан да сүрінбей, жеңімпаз атанғандар жетерлік. 2023 жылы гоеграфия пәнінің мұғалімі Гүлшахар Әймішоваға Қазақстан Республикасының Оқу-ағарту министрі Ғани Бисенбаев мырзаның арнайы «Алғыс хаты» табысталды. «Үздік жас математик маман» байқауынан математика пәнінің мұғалімі Құдайберген Төлепберген жүлделі І орын, қазақ тілі мен әдебиеті пәнінің мұғалімі Сая Утепова «Мәңгілік ел ұстаздары – 2020» атты республикалық байқауда 1000 педагогтің арасынан екінші бағыт бойынша 62 мұғалім іріктеліп, «Үздік педагог» медалімен, куәлікпен және Диплом марапатталды. Тарих пәнінің мұғалімі Бағдат Орымбас Қазақстан Республикасының Президенті Қ.К.Тоқаевтың «Құрмет грамотасы» және Ы.Алтынсарин атындағы төсбелгі иегері атанды. Математика пәнінің мұғалімі Айдана Алшоразова Қазақстандық салалық білім және ғылым қызметкерлерінің кәсіподағы төрағасының «Құрмет грамотасымен», «Абай әлемі» бағыты бойынша буктрейлер сайысында ағылшын пәнінің мұғалімі Әнел Әбдіраш І және бастауыш сынып мұғалімі Ақсұлу Құрман ІІІ орын алды. 2020 жылы «Ұлттық мектеп лигасы» асық ойынынан 7-8 сынып оқушылары арасында ІІ орын (жетекшісі: Құрманбайұлы Ақжол), 2021 жылы Талдықорған қаласында өткен «Ұлттық мектеп лигасы» гандболдан 9-11 сынып қыз балалар ІІ, 2022 жылы 11 республикалық мектеп оқушыларының жазғы гимназиядасында І, 2023 жылы Астана қаласында өткізілген гандболдан 9-11 сынып оқушылары арасында ер балалар ІІІ, қыз балалар ІІ иеленді. Спорт сүйер шәкірттерді шыңдаған жетекшісі Нұркен Жұбатқан.Облыстық жарыстарта ағылшын тілі пәнінің мұғалімі Әнел Әбдіраш «Үздік жас маман – 2019» байқауында бақ сынап, «Үздік ашық сабақ» бағамымен және «Тіл дарын» сайысында ІІ орын иеленді. Жаңақорған ауданында өткен білім қызметкерлерінің спартакиадасында дене тәрбиесі пәнінің мұғалімдері Нұркен Жұбатқан мен Таңшолпан Қаниева аудан намысын қорғап ІІ орын, Таңшолпан Қаниева Білім және ғылым қызметкерлері кәсіподағының облыстық комитетінің «Құрмет» грамотасын алды. «Ұлы даланың жеті қыры – ұлттық тарихи құндылықтарымыз» облыстық семинарына қазақ тілі мен әдебиеті пәнінің мұғалімі Сая Утепова мен орыс тілі пәнінің мұғалімі Алима Асқарова ашық сабақ көрсетіп, оларға арнайы сертификатқа берілді. «Үздік бастауыш сынып мұғалімі – 2020» тақырыбында облыстық байқауда бастауыш сынып мұғалімі Ақгүл Танабергенова «Алғыс хат», «Абай әлемі» атауымен буктрейлер сайысында ағылшын пәнінің мұғалімі Әнел Әбдіраш ІІ, бастауыш сынып мұғалімі Ақсұлу Құрман ІІІ орынға лайық деп танылды. Сондай-ақ жан-жақты, ізденімпаз ұстаз Әнел Әбдіраш Қазақстандағы Фулбрайт ұйымы мен АҚШ елшілігі бірлесе ұйымдастырған ағылшын тілі пән мұғалімдеріне арналған семинарында І орынды жеңіп алды. Тарих пәнінің мұғалімі Раушан Қазбаева мен бастауыш сынып мұғалімі Эльмира Көшербай облыстық кәсіподақ комитетінің Алғыс хатымен, дене тәрбиесі пәнінің мұғалімі Ақжол Құрманбайұлы «Нұр Отан» партиясы Қызылорда облыстық филиалы төрағасының бірінші орынбасарының «Алғыс хатымен», Сыр өңірінің тұрғындарының цифрлық сауаттылығын арттырудағы кәсіби маман ретінде көрсете білгені үшін Ғабит Ақшатау облыс әкімінің орынбасары Н.Байқадамовтың «Алғыс хатымен», облыстық білім басқармасының басшысы А.Қасымованың «Құрмет грамотасымен», облыстық буктрейлер сайысында қазақ тілі мен әдебиеті пәнінің мұғалімі Сая Утепова «Мәриям Хәкімжанованың 115 жылдығы» бағыты бойынша және бастауыш сынып мұғалімі Құрман Ақсұлу «Қажымұқан Мұңайтпасовтың 150 жылдығы» бағыты бойынша І орын берілді.«Үздік сандық білім беру ресурсы – 2021» байқауында тарих пәнінің мұғалімі Алдияр Жамет ІІ, бастауыш сынып мұғалімдеріне арналған «Алтын тұғыр» математикалық олимпиадасында бастауыш сынып мұғалімі Айгүл Досанова ІІІ орын алса, білім беру ұйымдарының директордың оқу-ісі жөніндегі орынбасарларына арналған «Халықаралық зерттеулер бойынша үздік мектеп үйлестіруші – 2022» сайысында оқу-ісі жөніндегі орынбасары Гүлшахар Әймішоваға да үшінші орын берілді. Жалпы білім беру мекемелерінде дене шынықтыру пәні мұғалімдерінің арасында өткізілген «Үздік жас маман – 2022» сайысында Нұркен Жұбатқан оқып бойы оза шауып, бірінші орынды жеңіп алды.Талапшыл мұғалім танымал шәкір тәрбиелейдіМұғалімдері майталман мектептің шәкірттері де білім шыңдары мен өнер белестерін бағындыруда. Республикалық «Қазақтың қара өлеңі – құдіретім» атты Мұқағали Мақатаев шығармашылығына арналған көркемсөз оқу байқауында Ғазиз Жүсіпбек бас жүлде, Елжан Бисенов, Ғазиза Жүсіпбек І дәрежелі, Самұрат Тәңірберген, Амира Нысанжан ІІ дәрежелі дипломдарымен марапатталды. Жетекшілері Анар Бакенова мен Ақгүл Танабергенова. Тараз қаласында өткен ұшқыр доп ұлттық лигасында Әсет Сәдуақас пен Арсен Еркінұлы ІІ орын иеленді. Қазақстан Республикасының Тәуелсіздігі күніне арналған «Мен – репортермін» байқауында 7 сынып оқушысы Балнұр Жаңабай ІІІ орын алды.&nbsp;«Менің кішкентай Отаным» атты республикалық зияткерлік байқауының облыстық кезеңінде 9-сынып оқушысы Бекарыс Әбдіқани ІІ орынға қол жеткізді. Жетекшісі Мейрамбек Жұмашов. «Orda junior – 2018» ғылыми жоба байқауында 3 сынып оқушысы Жансерік Өтеміс пен жетекшісі Гүлмира Сүлеймен ІІІ орын, 5 сынып оқушысы Айнұр Қылышбаева және ұстазы жетекшісі Сая Утепова «Дипломмен марапатталды. 7 сынып оқушысы Фариза Қылышбаева өзін-өзі тану пәнінен жоба қорғап, «Алғыс хат»иеленді. Фаризаның жетекшісі Шаттық Тотанов.&nbsp;1-6 сынып оқушылары арасында өткізілген «Елдік пен ерлік мекені» тқырыбында жас суретшілер байқауында 6 сынып оқушысы Айтұмар Болсын ІІІ орын алды. Өнерлі өреннің жетекшісі Аян Арзы. Пәндік олимпиадада тарих пәні бойынша 6 сынып оқушысы Ерасыл Жеткерген ІІ орын (жетекшісі: Қазбаева Раушан), «Сыр қойнауы» бағдарламасы аясында «Рухани жаңғыру» орталығы мен «Өрлеу» педагогикалық қызметкерлердің біліктілігін арттыру орталығының ұйымдастыруымен «Біздің отбасының құнды жәдігерлері» атты жас зерттеушілер сайысында 10-сынып оқушысы Ақерке Қолдасбай І орын (жетекшісі: Шатуова Бағдат), 9 сынып оқушысы Аяулым Замадинова (жетекшісі: Утепова Сая) ІІ орын иеленді.&nbsp;«Ұстазым, менің ұстазым...» шығармалар байқауында 9 сынып оқушысы Аяулым Абдіқаниева ІІ орын, «Менің ұстазым» эссе байқауынан Фариза Қылышбаева мен Аяулым Абдіқаниева «Алғыс хат», «Қарттарым – асыл қазынам» сурет байқауынан Жабай Дінмұхаммед ІІ орын, 1-4 сынып оқушыларына арналған «Менің отбасым» тақырыбындағы сурет байқауында Ақбота Маханғали І орын, Ямшит Гүлсезім мен Нысанжан Амира ІІ орын, Жеткерген Батырхан ІІІ орынға лайық болды. Бұл оқушыларға бағыт-бағдар беріп жүрген жетекшілері Сая Утепова, Эльвира Өмірзақова, Гүлзат Бақытжановалардың еңбеігі ерекше. &nbsp;<blockquote>«Сонымен қатар, мектеп оқушылары мен педагогтері түрлі қашықтық олимпиадалардың (КИО, «Ақбота» интелектуалды марафон, «Пони», «Тарих ата», «Кенгуру» т.б.) жүлдегерлері. Республикалық «Qaztest» сайтының ұйымдастырумен өткізілген байқауда «Үздік ұжым» кубогімен марапатталдық. 21 мектеп ұстазының мақалалары мен үлгілі сабақ жоспарлары «Тағылым» республикалық ғылыми-әдістемелік журналына жарияланып, арнайы І және ІІ дәрежелі Дипломдар иеленді. Аудан көлемінде, 9 желтоқсан – Халықаралық сыбайлас жемқорлықпен күрес күні «Таңдауымыз – таза қоғам» акциясы аясында өткізілген эстафеталық жарыста ІІ, «Туған жерім – тұнған шежіре» тақырыбындағы аудандық бейнеролик байқауында ІІІ орын, гүлдер мерекесінде «Үздік аула гүлдері» бағамына ие болдық. Әр уақытта бала білімін алға қоюшы ұстаз үлкен көрсеткішке қол жеткізу жолында талмай талаптанып, шаршамай еңбектенеді. Сол кезде ғана еліміз көкке шарықтап, басқа елге елді танытады. Елді өсіретін де, елді төмен түсіретін де – білім. Сондықтан қолда бар амалдарды тиімді пайдана білу біздің басты мақсатымыз», – дейді мектеп басшысы Мейрамбек Мырзағалиұлы.</blockquote>

Қазалы ауданы: Білім ордасындағы бес жылдық белес

<a href="https://kyzylorda-news.kz/">Kyzylorda-news.kz.</a>&nbsp; Жақында &nbsp;«Тағзым алаңыда» Сырдария ауданы бойынша білім бөлімінің, аудандық қорғаныс істері жөніндегі бөлімінің ұйымдастыруымен және аудандық кәсіподақ комитетінің қолдауымен АӘТД пәні мұғалімдері арасында әскери-қолданбалы спорт түрлері арасында аудандық жарыс өткізілді. &nbsp;Аудандық жарысқа аудан әкімі Берік Сәрменбаев қатысып, сөз сөйледі.<blockquote>Біз ер мұғалімдердің мәртебесін биіктетуге бар мүмкіндікті жасауымыз керек. Олардың &nbsp;шәкірттерін тәрбиелеу жолында &nbsp;аянбай етіп келеді. Асылында, білім саласындағы негізгі бағыттардың бірі ойқушыларды әскери өмірге дайындау, Отан қорғауға бейімдеу болып табылады. Осы жолда біздің ұстаздарымыз барын салуда. Бүгінгі байқаудың маңыздылығы жоғары. Себебі, болашақ Отан қорғаушыларды тәрбиелеп келе жатқан ұстаздарымыз өз мықтылықтарын танытады. Өзара үздікті анықтайды, – деді аудан әкімі.</blockquote>Негізінен, аталған жарыстың мақсаты – әскери-қолданбалы спорт түрлері арқылы мұғалімдерді салауатты өмір салтын насихаттау. Мұғалімдер арасында облыстық, республикалық жарыстарға құрама жасақтау болып табылады. &nbsp;АК-74 оқу қаруын толық емес бөлшектеп жинақтау сайысы бойынша жүлделі І орын №44 орта мектептің АӘТД пәнінің мұғалімі Н.Коспаков ІІ орынды №139 орта мектептің АӘТД пәні мұғалімі А.Базаров, ІІІ орын N126 орта мектептің АӘТД пәні мұғалімі М.Бөдеев еншіледі. АК-74 оқу қаруының оқжатарын патрондармен жарақтау сайысы бойынша жүлделі І орынды №132 орта мектептің АӘТД пәні мұғалімі С.Есжанов, ІІ орынды № 42 мектеп-лицейдің АӘТД пәні мұғалімі Ж.Кұлымбетов, ІІІ орынды №130 орта мектептің АӘТД пәні мұғалімі Г.Караев қанжығасына байлады. &nbsp;ИЖ-38 пневматикалық винтовкасынан нысанаға ату сайсы бойынша жүлделі І орынды &nbsp;№ 36 мектеп-лицейдің АӘТД пәні мұғалімі Ж.Жарасов, ІІ орынды №137 орта мектептің АӘТД пәні мұғалімі Р.Зейнуллаев, ІІІ орынды №44 орта мектептің АӘТД пәні мұғалімі Ж.Қасымов жеңіп алды. &nbsp;ЖҚЖ-ны плащ түрінде және жарақтарды кию сайысы бойынша жүлделі І орынды №210 орта мектептің АӘТД пәні мұғалімі Е.Садықов, ІІ орынды №135 орта мектептің АӘТД пәні мұғалімі Ғ.Бағдатов,ІІІ орынды №131 орта мектептің АӘТД пәні мұғалімі Ж.Кеукенов иеленді.Жалпы сайыстардың қорытындысы бойынша жүлделі І орын №210 орта мектептің АӘТД пәні мұғалімі Е.Садықов, ІІ орын №135 орта мектептің АӘТД пәні мұғалімі Ғ.Бағдатов, ІІІ орынды №42 мектеп-лицейдің АӘТД пәні мұғалімі Ж.Кулымбетов иеленді. Барлық АӘТД пәні мұғалімдері аудандық білім бөлімі және аудандық кәсіподақ комитетінің дипломдарымен және бағалы сыйлықтарымен марапатталды.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

Сырдарияда үздік АӘТД пәнінің мұғалімі анықталды

Жаңақорғандықтар «Хусамуддин ас-Сығнақи мұрасы» конференциясына үлкен дайындықпен қатысты

<a href="https://kyzylorda-news.kz/">Kyzylorda-news.kz.</a>&nbsp;Жақында Қызылорда облыстық денсаулық сақтау басқармасына жаңа басшы келгені белгілі. Жауапкершілік жүгі ауыр салаға кім келді десеңіз, жас болса да өз ісінің білікті әрі мықты маманы келді. Алдымен бас дәрігердің еңбек жолы мен алдағы атқарылар жоспарымен бөліссек…Ысқақов Олжас Ермекұлы – қызметте сатылап өскен білікті маман. Аймақтың денсаулық сақтау саласымен жақсы таныс, өзекті мәселелердің оңтайлы шешімін табуға әлеуеті жеткілікті, білікті кадр. Ол 1988 жылы Қызылорда қаласында дүниеге келген.Санжар Асфендияров атындағы Қазақ Ұлттық медицина университетін «Емдеу ісі», Қарағанды университетін «Экономика саласындағы құқықтық реттеу» мамандықтары бойынша бітірген. Денсаулық сақтау саласындағы менеджмент магистрі. Бүгінгі күні Алматы менеджмент университетінде докторантура бойынша өз білімін жетілдіруде.Еңбек жолын 2013 жылы №3 қалалық емханада учаскелік дәрігер болып бастап, 2018 жылға дейін осы емханада бөлім меңгерушісі, бас дәрігердің емдеу ісі жөніндегі орынбасары қызметтерін атқарған. 2018-2021 жылдар аралығында Қызылорда облысы денсаулық сақтау басқармасының бөлім басшысы, басқарма басшысының орынбасары болып жұмыс істеді. 2021 жылдан осы кезге дейін Денсаулық сақтау министрлігінде Ана мен бала денсаулығын сақтау департаментінің медициналық-әлеуметтік оңалту басқармасының басқарма басшысы, департамент директорының орынбасары қызметтерін атқарған.Бір айдан кейін…Бүгінде аймақтың бас дәрігерінің медицина саласын тізгіндегелі 1 ай толып отыр. Бір ай денсаулық саласындағы мәселелерді зерттеп, тұрғындардың арыз-шағымын азайту және оның алдын алу мақсатында тұрғындардың медициналық көмекке қанағаттану деңгейін арттыру, хирургия және нефрологиялық қызметін дамыту бойынша жол карталары әзірленуде.Тыңдаулар нәтижесінде облыс халқына көрсетілетін медициналық көмекті жетілдіру мақсатында 2023-2028 жылдарға арналған стратегиялық даму жоспары әзірленуде.Созылмалы бүйрек жетіспеушілігі бар науқастарға көрсетілетін медициналық көмекті талдау мақсатында «B.B.NURA» және «DIAVERUM» амбулаторлы гемодиализ орталықтарының басшылары, мемлекеттік органдар және МӘМСҚ КЕАҚ филиалы өкілдерімен бірге аталған орталықтар тарапынан бүйрек жетіспеушілігі бар науқастарға медициналық көмек сапасын жақсарту және анықталған кемшіліктерді жоюға 1 шілдеге дейін уақыт берілді.Облыстағы бүйрегі ауыстырылған тұрғындар қанындағы такролимус кон-центрациясын анықтау мақсатында облыстық қан орталығында такролимус концентрациясын анықтайтын аппаратқа реагент және орталық қалалық емханаға иммунохимиялық анализатор аппаратын сатып алу жұмыстарын үйлестіріп, осы жылдың мамыр айының ортасында аталған қондырғы іске қосылатын болады.Алматы және Жамбыл облыстарындағы (Еңбекші қазақ және Мерке аудандарында) үздік тәжірибе орталықтарының тәжірибесін енгізу мақсатында Шиелі ауданаралық ауруханасы және №6 қалалық емханасы мамандарын тәжірибе алмасу және озық тәжірибені тиімді енгізу үшін осы айда облыс мамандарын жолдау министрлікпен пысықталды.Облыс әкімінің қолдауымен облыстық перинаталдық орталығының жүктемесін азайту мақсатында көпбейінді облыстық ауруханасының жанынан 70 төсектік перинаталдық орталығы, 150 төсекке арналған көпбейінді қалалық балалар ауруханасы, 0-3 жас аралығындағы балаларға ерте араласу орталығы, Арал ауданынан балаларға арналған ауданаралық оңалту орталығын құру жоспарланып отыр.Бүгінгі күнге дейін тар буынды дәрігер мамандарды дайындауға облыс әкімінің 20 гранты бөлінсе, биыл 30 грант бөлініп, аймаққа да аса қажетті мамандар тізімі жасақталды.Ана мен бала денсаулығын қорғау басты мақсатымыз екенін ескеріп, биыл біліктілікті арттыруға жергілікті бюджет қаражаты есебінен дәрігерлерге 18 тақырып, орта буын қызметкерлеріне 22 тақырып бойынша оқыту жоспарланды.Соңғы айда Н.Д.Батпенов атындағы травматология ғылыми орталығының &nbsp;жоғары санатты травматолог ортопед дәрігері облыс тұрғындарына күрделі 8 ота жасаса, облыстық көпбейінді балалар ауруханасының базасында ҚР Денсаулық сақтау министрлігінің бас балалар ревматологі Зәуре Серікбайқызы «Балалар жасындағы аутоиммунды патологияны ерте диагностикалау» тақырыбында ЖТД, ревматолог, педиатр мамандарына семинар өткізіп, 46 науқасқа кеңес берілумен қатар 4 балаға буынішілік глюкокортикоидттардың енгізілу тәжірибесін көрсетті.&nbsp;Оған қоса, ҚР Денсаулық сақтау министрлігінің бас неонатальды хирургы Асылжан Ерекешов «Туабітті өт шығару жолдарының даму ақауы», «Туабітті асқазан ішек жолдарының даму ақауы» тақырыптарында шеберлік сағатын өткізді. Бұл бағыттағы жұмыстар жалғасын таппақ.Кезекті сессия отырысында орфанды сирек кездесетін ауру түрлерімен сырқаттанатын облыс тұрғындарына жергілікті бюджеттен қосымша 100 млн теңгеге қаражат бөлінді. Одан бөлек, басқармамен «Қазақстан халқына» қорынан 34 млн теңгеге 3 науқасты керекті «Цинрайз», «Рисдиплам» препараттармен қамтамасыз ету үшін сұраныс беріліп, қолдау тапты.Міне, бұл жаңа басшының бір айдағы біршама жұмысы. Денсаулық саласының игі істері алдағы уақытта да өңір халқының игілігіне айнала бермек.

Қызылорданың бас дәрігері тұрғындардың арыз-шағымын азайтуды көздейді

<a href="https://bilim-all.kz/article/8759-Arqar">ФОТО</a><a href="https://kyzylorda-news.kz/">Kyzylorda-news.kz.</a> Жаңақорған топырағын жайлаған қарт қаратаудың бөктерінде арқар азайып кеткені мәлім. Биылғы жылы табиғат түрленіп, «Құралай салқынының» да самалын сезіндік. Бұл табиғи құбылыс киік пен арқардың төлдейтін науқанынан хабар береді. Біз осы тұста, Қарт Қаратаудың баурайындағы арқарлардың жайкүйін білмекке тауды бетке алдық. Қорықшылар мен жергілікті халықпенсұхбаттасып, биологтардың зерттеу жұмысымен таныстық. Қатпарлы Қаратаудың бір қырын ашып, сырына терең үңіліп, ой түйіп қайтқан едік.Арқардың қасиетін білеміз бе?«Арқар өрген жер ырыс дарытар киелі мекенге саналып, оны кездестірген адамның жолы болады» деп басталатын әпсананың түбінде қазақтың ұғымындағы тау киесінің қасиеті жатыр. Бекет Атаның аңыз әңгімелеріне құлақ түрсек, жамбасы тиген жерді белгілерде арқарлар үйіріліп, табан ізімен бейіттің бейнесін түзіпті. Міне, сол бабаның бейітіне дұға етіп, шын ниет етіп барған жанға бабаның рухы арқар бейнесінде көрінеді. Көңілін кір басқанға бейіт маңынан жыландар қаптап, ысылдап жолын кескестейді. Тау рухына балаған арқарлардың киесі жайлы аңыздың халық ұмытылып бара жатқаны жанымызға батады. Қазақ ықылым заманнан арқарлардың қасиетін білген. Дала заңдылыған сай көшіпқонарда жер таңдарда арқарлардың ізіне мән берген. Арқар тұяғы тиген маңайда шатыр құрып, берекелі күн кешкен. Сақ мәдениетіне мән берсек, жауынгерлердің киімінде арқар бейнесі кездеседі. Қаратаудағы 200-ден астам таңбалы тастағы петроглифте арқар бейнесі қашалуы да байырғы халықтың арқар киесін ұққанын аңғартады. Жергілікті альпинист Жандарбек Ақыбидің мұнартау басында алып арқарлардың бас сүйегімен түскен суреті әлемнің назарын аударған еді. Оның пайымдауынша, әлемде 4 түрлі арқар бар. Оның ең ірісі –Қаратау арқары. Құлжасының салмағы орташа есепте 80 келі келеді. Андров дәуірінде де арқарды шаруаға пайдалана бастағаны білінеді. Ғалымдар мұның қазақы қоймен етене жақын екенін меңзейді. Патшалар мен пайтшайымдардың киімінде негізгі ою-өрнек ретінде қолдануында үлкен мән бар. Арқар – тазалықтың, сұлулықтың және киенің үлгісі деп таныған. Баланы батырлыққа баулыған шақта ептілігін сынап арқар аулатқан екен. Аңға шыққан ұлы арқар аулап оралса оны ерекше ықыласпен қабылдап, содан кейін ғана соғыс өнеріне баулыған немесе үйлендірген деседі.Қорықтағы қамқорлықЖер бетінен жойылып кетуге шақ қалған өсімдіктер мен жануарлар әлемін сақтап отырған «Қаратау мемлекеттік табиғи қорығы» Кентау қаласының маңындағы Хантағы деп аталатын биік таудың етегінде 34 мың гектарды алып жатыр. Осы аумақта, өсімдіктің 700-ден аса түрі, аң-құстың 118-ден аса түрі қамқорлыққа алыныпты. Біз осы сұлу табиғат аясындағы сапарымызда арқарлар ландшабының мәселесіне мән беруге тырыстық. Сапарымызды ең бірінші Кентау қаласының маңында орналасқан қорықты мекендеген жануарлар мен өсімдіктер дүниесін зертейтін арнайы ғылыми-танымдық кешеннен бастадық. Мұнда табиғаттағы әрбір тіршілік иесін зерттеуге, тәжірибе жасауға әрі еліміздегі мықты ғалымдардың еңбегімен танысуға, ғалымдардың басқосуына мүмкіндіктер қарастырылған. Онда табиғат сақшылары еліміздегі зоология, ботаника институты және жас ғалымдармен бірлесіп жұмыс атқарады. Саяхатшыларға арнайы танымдық туристік бағыт та қарастырылған. Қысқасы, бұл кешенде қорық қамқорлығындағы өсімдіктер мен жануарлар дүниесі жайлы кең ақпарат алып қана қоймай, қорықшылардың күнделікті қызметі жайында бейнеақпараттарды тамашалауға болады.<blockquote>«Біздің жұмысымыздың қауіпқатерін көпшілік біле бермейді. Браконьерлермен бетпе-бет келіп, өмір мен өлім арасында арпалыс та болады. Мұндайда қосымша топтарды қалай іске асырамыз? Сондықтан орталық оператормен әр қадамымызды баяндап отырамыз. Әрбір сәтті бейнеге жазып, оны осы орталықта арнайы сақтаймыз», – дейді қорықшы Айдос Әлішеров.</blockquote>«Қызыл кітапқа» енген Қаратау арқарының жойылуға шақ қалғанда бір отарын «Қаратау мемлекеттік табиғи қорығы» қамқорлыққа алып, көбейту жұмысын бастапты. Олар мекендейтін тау жоталарында әлемде өте сирек кездесетін дәрілік қасиеті мол өсімдіктер де өседі. «Қаратау» мемлекеттік табиғи қорығында бас қосқан еліміздің орманшылары мен ғылыми қызметкерлері эндемдік өсімдіктер мен жануарлар әлемін молайтуды жолға қойыпты. Тарихта Хан тағы атауымен белгілі жотаға жол бастап шыққан қорықшы Айдос Әлішеров үшін Қаратаудың әрбір тасы қымбат. Өйткені оның балалық шағы осы жерлермен астасып жатыр. Соңғы жылдары қорық аумағында аң-құстың саны артқан. Бұл жетістікке сұғанақтыққа тосқауыл қою арқылы қол жеткізгендігін айтады.<blockquote>«Күзгі санақта арқар 1336 басқа жеткен. Әлі алдымызда төл күтіп отырмыз, құдай қаласа, нақты саны күзгі санақта белгілі болады. Қалың қыста бұларға биотехнологиялық іс-шара бойынша тұз себіледі, жем-шөп шашылады. Қосымша күзеттің арқасында таудың арқары қазір көзге көрінеді», – дейді.</blockquote>Соңғы бес жылда Қаратау арқары қатаң күзетіліп, ерекше күтімге алынудың арқасында көбейе бастады. Халықтың көзқарасын табиғатты аялауға, аңқұстарға деген қамқорлықты қалыптастыруға бұруға жұмыстар жүргізілуде. Бұл туралы қорықтың нұсқаушысы Үсен Жапаров:– Ғылымдық таным кешенінен Хан тағы тауына дейін жаяу және атты серуен жолға қойылған. Ашылғалы бері қаншама сала жұмыс істеп, талды көбейтіп, табиғатты сүюге, экологияны жаңартуға атсалысып келеміз. Мақсатымыз, туған өлкенің табиғатына халықтың жанашырлық қасиетін оятып, әрбір тас пен өсімдікті жүрегімен сезінсе деген арманымыз бар, – деді.Жаяу және аттылы азаматтарға табиғат аясында экскурсия жасауға арналған жолда жол белгілерімен бірге әр таудың аталу тарихы, осы өңірге ғана тән жануарлар мен өсімдіктердің қасиеті жайында ақпараттар арнайы тақтайшаларда жазылып тұр. Қорықшылар туристерді қызықтыру үшін арнайы QR код қоюды жоспарлауда. Қаратау тәжіне баланған Кентау қаласында бас қосқан еліміздің орман қорықшылары табиғат байлығын молайтып, оны болашаққа жеткізу жайын жиі талқылайды. Қаратау бөктерінде құстың 118-ден астам түрі болса, оның 12-сі Қазақстанның қызыл кітабына енгізілген. Бұл аумақта өсімдіктің 700-дей түрі болса, оның 40-қа жуығы дәрілік шөптер. «Қаратау» мемлекеттік табиғи қорығының директоры Жасар Әділбаев: – Эндем – белгілі бір жерде өсетін өсімдіктердің түрі. «Қаратау» мемлекеттік табиғи қорығының аумағында ғана өсетін шөптер бар. Алғашқыда осындай өсімдіктің 86 түрі бар болса, қазір оны 88-ге жеткіздік. Бұл – біздің 20 жыл ішіндегі жеткен жетістіктеріміздің бірі, – дейді өз сөзінде.Арқар кәсібін дамытқан елдерЭкономикасы озық елдердің тіршілігіне зер салсақ, арқардың етінен консервіленген өнім, мүйізінен дәрі-дәрмек, сүйегінен асыл бұйым жасап жатқан елдер көп. Соның бірі – Жапония. Мұнда арқар сүйегін өртеп, арнайы әдіс-тәсіл арқылы қызыл бриллянт өндіріп отырған шағын шеберханалар көп. Ал Тайландта арқар тұяғынан әлемде ең аз кездесетін жасушаларды бөліп алып, оны халық еміне кәдеге жаратып отыр. Ал, біздің елімізде өткен ғасырдың 30-50 жылдары Қазақстанда құлжаларды жерсіндіріп, қазақы қойлармен будандастырып, суыққа төзімді, етті әрі жүнді қой түрін дамытқан еді. Ауылшаруашылығы ғалымдарының селекциялық жұмысы жемісті болып, ел экономикасына серпін берген елеулі жоба болды. Қазіргі таңда осы бағытқа көңіл бөлінбей тұрғанын шаруалар да сөз етеді. Біз осы бағытты қолға алған жергілікті фермер Асқар Мамырханның шаруа қожалығында болып, «Мамыр» қойынның ерекшелігін көзбен көруді жөн санадық. Шағын фермада 50 шақты қой бар. Бұл қой түрінің қалай пайда болғанын сұрағанымызда:<blockquote>«Таулы аймақ болған соң, арқардың ізін, жүрер жолын жақсы білемін. Өзіміздің Арқар бұлақтың маңында қойларымды жиі жайып, өзім ұзақтан көз тастап, бақылап жүрдім. Отарыма құлжалар кіргенін жиі көретінмін. Алғашқы қозылардан-ақ ерекшелік байқалды. Қар үстінде туылған қозылар әп-сәтте аяққа тұрып, тез жетіледі. Еттілігі жағынан тиімді, марқасынан 40 келіден көп ет алып отырмын», – деді.</blockquote>Шағын фермердің қойына халық арасында сұраныс артқан. Қошқарын сұрап, хабарласатындар қатары артқан. Осы бағытта арнайы ғалымдармен кеңесіп, шаруасын кеңетпек ниеті де бар.ТҮЙІН. Қарт Қаратаудың баурайын бойлай киелі мекендердің үстімен өтіп, тау киесі жайында ойға шомып кетіппін. Зообақтарда темір торға қамалған арқардың жанарындағы мұңын ұққандаймын. Кең дала төсінде тұяғын тарпи жортқысы келіп, табаны тау-тасты сағынған секілді. Ортекедей ойнақтап, асыр салуды армандайтыны айқын. Мөлдір көзіндегі мұңға мән берсек, ай мүйізі күн сәулесімен нұрланып, тік жартасқа оқталып, тау киесі екенін көрсеткісі келетіндей. Құтты, халықтың өр рухындай!

Жаңақорғанның тауында арқар 1336 басқа жеткен

Ержан Кенжеев: Кино түсіру – әлсіздерге арналмаған

<a href="https://kyzylorda-news.kz/">Kyzylorda-news.kz.</a>&nbsp;Ұлы Жеңіс күні қарсаңында Қызылорда қаласындағы Зияткерлік мектеп қауымдастығы аймақтағы ҰОС ардагерлерінің шаңырағында болып, мерекемен құттықтады.Бүгінде Қызылорда облысында көзі тірі небәрі 6 соғыс ардагері қалды. Соның бірі - Төлеген Жүнісов. Майдан даласында атқыштар полкінде шайқасып, оқ пен оттың арасынан аман қалған қаhaрманмен тілдесу - оқушылар үшін тарихи ұмытылмас сәт болды. Жас зияткерлер ардагерге өз алғыстарын білдіріп,сый-құрмет жасады.<blockquote>«Осындай бейбіт өміріміз бен бақытты болашағымыз үшін ардагерлерімізге алғысымызды білдіреміз. Отан қорғаушылардың ерліктері мәңгілік есте қалады. Және ұрпақтан ұрпаққа үлгі-өнеге болып жалғаса береді. Батырларымызға мықты денсаулық, ұзақ ғұмыр тілейміз», - деп тілегін жеткізді 9 «В» сыныбының оқушысы Айым Тәуекел.</blockquote>Отты жылдардың бел ортасында болып, соғысты басынан өткерген тағы бір тарихи тұлға - Әбдірахман Байтиков. Курск түбіндегі шайқаста көрсеткен ерлігі үшін Ұлы Отан соғысы Батыры атағына ие болған майдангерге оқушылар шапан жауып, мектеп директорының Алғыс хатын жеткізді.«Ардагерлерді ардақтайық» акциясы аясында мектеп қауымдастығы аймақтағы барлық ардагерлердің шаңырағына барып, сый-құрмет көрсетті. Өз кезегінде майдангерлер ризашылықтарын білдіріп, ақ батасын берді.

Қызылордадағы NIS оқушылары ардагерлерге құрмет көрсетті

Қармақшыда 21 көшеге жөндеу жұмыстары жүргізіледі

<a href="https://kyzylorda-news.kz/">Kyzylorda-news.kz.</a> Бүгінгіні бағалау мұрат болса, ертеңгі күнің – жарқын болашағың, ал кешегің – тарих. Әсілінде өткенді ұмытпау – парызың. Өткеннен жеткен асыл құндылықтар қайда сақталады? Әрине музейде. Жүздеген жәдігер мен тарих сырын сақтаған мұражайдан сан ғасырдан бері сақталып келе жатқан баға жетпес дүниелерді табасыз. Соның бірі – біздің өңірде орналасқан. Бүгінгі сұқбатымыз өлкенің рухани және материалдық құндылықтары жайлы Қызылорда облысының тарихи-өлкетану музейі КМҚК-ның аудандық тарихи-өлкетану музейі филиалының меңгерушісі Тимур Леденёвпен өрбімек.– Қайсыбір жылдары ауданымызда өлкетану музейінің болмауы кәдімгідей руханиятымызға әсер етіп тұратын еді. Қазір шүкір, сол ойықтың орны толып, сырттан келген қонаққа да, өзіміздің жерлестеріміз бен жас ұрпаққа да шежіре-дастанымызды марқая көрсете алатын дәрежеге жетіп отырмыз. Сөзіңізді өзіңіз басшылық етіп отырған шежіре мекеннің тарихынан бастасаңыз?– Музей ауданның өткен тарихынан қалған мұраны сақтап, ел өмірін паш етуде кеше мен бүгін арасындағы байланыстың айқын бедерін танытатын киелі қарашаңырақ саналады. Іргетасы 2015 жылы қаланған музейдің алғашқы экспозициясы келер жылдың желтоқсанында жүргізілді. Сол жасалған экспозиция негізінде музейде екі зал жасақталды. Үлкен зал – «Өлке тарихы», кіші зал – «Тәуелсіз Қазақстан» деп аталды. Екеуінде де өлкенің тарихы хронологиялық шеңбері бойынша ауданның құрылған уақытынан бастап қазіргі кезеңіне дейін қамтылып, тарихы рет-ретімен баяндалады. Мекеме 2015 жылы аудандық тарихи-өлкетану музейі мемлекеттік коммуналдық қазыналық кәсіпорны болып құрылған. Бүгінде ұжымда 20 қызметкер жұмыс істеуде. Ашылған күнінен бастап музейдің ғылыми қызметкерлері жергілікті тұрғындардың қолында сақталған құнды этнографиялық экспонаттарды, салт-дәстүрге байланысты фольклорлық жәдігерлерді жинақтау жұмыстарын жүргізіп келеді. Тарихи құнды жәдігерлерді сатып алу үшін оларды суретке түсіріп тізімін жасақтап, аудандық архивтен тарихи маңызы бар материалдар жинақтайды. Кент орталығындағы тұрғындармен қатар ауылдық округтерге де жол тартып, ауыл тұрғындарынан жәдігерлер жинап, музей қорына тапсырып отыруды да назарда ұстаймыз. Музей ашылғалы бері қорымызда 5432 дана экспонатты құрады. Оның 4208-і негізгі қор, ал 1224-і көмекші қорға біріктірілді. Сонымен қатар экскурсия жүргізу, экспонат жинақтаумен қатар музейдің негізгі жұмыстарының бірі көрме, тақырыптық дәріс, ғылыми-практикалық конференция, музейлік басылымдар шығару, мерекелік іс-шаралар өткізу де жұмысымыздың бір парасы. Бізде қор, ғылыми жұмыс, жалпы курс және әдістемелік бөлімдері жұмыс істейді. Олардың әрқайсысының өз жоспары, бағыты бар. 2021 жылдан бастап ішкі туризмді жүйелі түрде дамытып, көпшілікке жергілікті тарихи-мәдени нысандарды таныстыруда «Ескерткіш – тарих куәсі», ауданға танымал тұлғалардың өмір жолы мен қызметін өскелең ұрпаққа мұра етуде «Игі жолды таңдаған», «Бұл үйде кім тұрған?» және «Жас өлкетанушы» музейлік жобалары белсенді жүзеге асуда. Тағы бір ауыз толтырып айтарлық жаңалығымыз – 2022 жылдың сәуірінен бастап С.Есқараев атындағы №27 орта мектеп оқушыларынан жасақталған «Жас өлкетанушы» үйірмесі музей жанынан құрылып, өз жұмысын бастады.– Қандай бағытта жұмыс істеп жатсыздар?– Музей – заттық және рухани құндылықтарды танытуда, ғылыми тұрғыда зерттеп, оның нәтижесін насихаттау мен тәлім-тәрбие беруде маңызды рөл атқарады. Бағытына келетін болсақ, бірнешеге бағытқа бөлінеді. Атап айтқанда тарихи, көркемөнер, жаратылыстану, техникалық, мемориалды және кешенді музейлер болып келеді. Сондай-ақ музей мұраларын жинау, есепке алу, сақтау, жүйелеу, жәдігерлерді қайта қалпына келтіру, консервациялау, зерттеу – бұл да басты жұмысымыздың бірі. Өзінің бағыт-бағдарын қалыптастырған осынау құнды мәдени орталығымыз үшін 18 мамыр – Халықаралық музейлер күні ерекше саналады. Осы күні «Музей түні» іс- шарасы ұйымдастырылып, азаннан түнгі сағат 12.00-ге дейін "Ашық есік" акциясы өткізіледі. Яғни қызметкерлеріміз келушілерге тегін қызмет көрсетеді. «Музей түні» тек мұнымен тоқтап қалмай түрлі ойын ойнатылып, концерттік бағдарлама мен көрмелер көрініс табады. Айтулы мереке жыл сайын тойланады. Әсіресе биыл ұйымдастырылған «Музей түні» ерекше форматта өтті. «Музей – мәдени құндылықтар мекені» деген атпен өткізілген мерекелік шара барысында музей жанынан Көркемсурет галереясы ашылды.– Қармақшы – тарихқа бай өлке екенімен қастерленеді. Осы ретте музейдегі құнды жәдігерлердің бірқатарын атап өтсеңіз?– Музейде Ұлы Отан соғысында қаза тапқан жерлесіміз Мырзахмет Досқалбаевтың каскасы сақталған. 2014 жылы Жеңіс мерекесі қарсаңында өлкемізден майданға аттанған сарбаздың жерленген жері табылған болатын. Оның туыстары сол жерде болып, жергілікті іздеушілер тапқан жауынгердің жеке заттарын әкеліп тапсырды. Енді бұл каска – музейдің мақтанышы және қармақшылық жауынгерлердің ерлік символы іспеттес. Сонымен қатар экспозицияға туған жердің тумалары Камал Ормантаев, Құланбай Көпішев, Мәди Қайыңбаев, Мағираш Сарикова сияқты белгілі ғалым, жазушылардың суреттері қойылған. Кеңес Одағының Батыры Тәйімбет Көмекбаевтың, Социалистік Еңбек Ерлері Сәлима Жұмабекова, Қасымтай Ізтілеуов, Цай Ден Хак, Пак Чен Ир және Әділбек Хайруллаев сынды ерлеріміздің де суреттері экспозиция төрінен орын алған. Музейде Шірік-Рабат, Бәбіш мола, Баланды қалалары туралы, ортағасырлық ескерткіштер – Сырлытам, Марал ишан, Қалқай ишан кесенелері, Еламан мұнарасы, Қорқыт ата атындағы мемориалды кешені туралы мәліметтер бар. Сырдариядан 50 шақырым жерде, Байқоңыр қаласы мен Жосалы кентінің арасында Жетіасар деп аталатын қалашықтар тобының қирандылары сақталған. Музейде тарихи құжаттар, археология және этнография заттары, нумизматика, мүсін, сәндік және қолданбалы өнер бұйымдары, зергерлік әшекейлер, фотосуреттер, сирек кездесетін кітаптар коллекциясы да бар. Өлкентану музейі болғасын жергілікті жердің табиғаты мен онда мекен ететін жан-жануарлардың да маңызы жоғары. Бұл тұрғыда «Жануарлар әлемі» экспозициясының орны айрықша. Мұнда қасқыр, түлкі, борсық, қоян тұлыптары орналастырылған. Тағы бір тарихи экспонат – 1900 жылдардың басында Жосалы теміржолшылары қолданған шойын шам. Оның жанында сол уақыттағы жұмыс құралдары, үтіктер, ыдыс-аяқтар бар. Музейдегі тағы екі құнды экспонат – бұл «Зенит» камерасы және «Ятрань» баспа машинасы – нағыз сирек кездесетін заттар. «Зенит» фотоаппараты – Красногорск механикалық зауытында шығарылған алғашқы Кеңестік шағын форматы, бір линзалы айналы фотоаппарат. Ал «Ятрань» – электромеханикалық жазу машинасы, сол кезеңнің бренді деуге болады.– Тарихқа көз жүгіртсек ауданымызда әуежайдың болғаны белгілі.– Сөзіңіздің жаны бар. Әуежай тарихы туралы тың деректерді музейден табуға болады. Оның орны Жосалы кентінің солтүстік шетінде орналасқан, Орта Азиядағы ең көне әуежайлардың бірі деп есептелінеді. 1920-жылдары Қызылорда әуежайына қарағанда әлде қайда ертерек құрылған. Қазіргі Жезқазған және Қарсақпай қалалары маңындағы мыс кен орындарын игеру жұмысы 1930-жылдардың басында дамыды. 1936 жылы мұнда «Жосалы – Қарсақпай» тұрақты әуежелісі жұмыс істеді. 1949 жылы «Мәскеу – Ташкент» рейсі «Люберцы» Мәскеу әуежайынан күніне үш рет Ақтөбе, Жосалы әуежайларында аралық қонумен орындалып отырған. Бұдан басқа Жосалы арқылы Мәскеуден Фрунзе, Ленинабад, Сталинабад, сондай-ақ «Ленинград – Ташкент», «Симферополь – Ташкент», «Свердловск – Ташкент» бағыттарына рейстер өткен. Осынау тарихы бар Жосалы әуежайы туралы құнды мәліметтер музейдің алтын қорында сақтаулы.– Тағы басқа да музей қонақтарын селт еткізетін мұралар бар ма?– «Өлке тарихы» залында белгілі шайыр, аудармашы Тұрмағамбет Ізтілеуовтің жеке заттары, шығармалары қойылған. 1983 жылы Тұрмағамбеттің 100 жылдығына арналған салтанатты жиналыстың фотосуреттері қамтылған альбомды көруге болады. Оны 2017 жылы Қармақшы ауданының құрметті азаматы Тұрсынбек Бекпанов ағамыз музейге сыйға тапсырғанды. Одан бөлек музейде 1896 жылы жасалып бүгінге дейін сақталып келген, бірде-бір шеге қағылмаған, яғни шегесіз жасалған кебежені де тамашалауға болады. Көне әлемнің керемет мекеніне ене берсеңіз тарлан тарихтың небір таңғажайып болмысына куә бола береріңіз анық.– Енді археологиялық, этнографиялық байлықтарымызды сөйлетсеңіз?– Археологиялық топтамаға аудан аумағында орналасқан ежелгі Шірік-Рабат, Бәбіш мола, ортағасырлық Сортөбе қалашығынан табылған 1712 экспонат кіреді. Бәбіш моладан табылған үлкен көлемді қыш ыдыстар – хұмдардың бірнеше түрі бар қорымызда. Сортөбеден табылған керамикалық ыдыстардың көптеген түрі және кездеседі. Сонымен бірге қорымызда 290 дана этнографиялық экспонат коллекциясы – қазақ халқының сан ғасырлар бойы қалыптасқан тұрмысы мен дүниетанымдық көзқарастарынан, бай рухани және материалдық мәдениетінен сыр шертеді. Онда қолданбалы өнер бұйымдары, қазақ халқының киім-кешектері мен кілем тоқу өнері, ұстаның көрігі, ат әбзелдері, ұлтымыздың зергерлік бұйымдары музей қонақтарын өзіне баурайтын ерекше бұйымдар. Музей қызметкерлері аудан аумағында орналасқан ежелгі және ортағасырлық көне ескерткіштерге жүргізілетін археологиялық кешенді қазба жұмыстарына әркез қатысып келеді. Мысалы Әлкей Марғұлан атындағы археология институтының археологтарымен және Қорқыт ата атындағы Қызылорда университетінің ғылыми-зерттеу орталығының археологтарымен бірлесе отырып аудан аумағында орналасқан қазба жұмыстарына қатысып, табылған көне жәдігерлерді мұра есебінде сақтау және көпшілікке насихаттау мақсатында музей қорына қабылдап, жәдігерлер қатарын толықтырып тұруда еселі еңбек етуде.– Өткен тарихыңды білмей, болашағыңды болжау қиын. Қазақ елі, оның ішінде Сырдың бойы өзінің бай тарихымен, мол мұрасымен көзге түссе, сол тарихты танып-білу біз бен сіздің, келер ұрпақтың міндеті.– Пікіріңіз өте орынды. Десе де сол тарихты оқып, білумен қатар көзбен көру өзгеше әсерлі дүние. Біз өткенге құрметпен қарап, тарихи құндылықтарымызды көздің қарашығындай сақтауға міндеттіміз. Себебі бұл ұлтымыздың өткені мен бүгінін, болашаққа игі мұраттарын сабақтастыратын баға жетпес құндылығымыз. Ұрпақ рухани байлық пен ұлттық жәдігерлерді танып-білу арқылы өзіне сабақ алады, өмірлік бағыт-бағдар ұстанады, елінің жарқын игіліктерін таниды. Ал осындай ұлы қазыналарды жинап, ұқсатып, тарихқа тіл бітіріп, елдік мүддеге айналдыруды жүзеге асыратын музей қызметкерлері қай кезде де өзіне жүктелген міндетін абыроймен атқара береді.– Уақыт бөліп, әңгімелескеніңізге рақмет!

Тимур Леденёв: Қармақшыдағы музейде 5432 экспонат бар

<a href="https://kyzylorda-news.kz/">Kyzylorda-news.kz.</a> Әлем жұртшылығы асқақ арман мен үміттің, биік ар мен өр намыстың иесі жастар екенін мойындап, олармен санасады. Өйткені жастар қай қоғамда да белсенді буын өкілдері. Олардың жаңа белестерге деген ұмтылысы жаңа идеялардың туындауына себепші болады. Ал жаңа идея қазақ елінің жаңаруына бағыт алып, мәңгілік ел болуына нық қадам бастайды.&nbsp;Біз табан тіреген білім ошағындамұғалімінің мерейін асырып, мектебіне мақтаныш болған оқушылар баршылық. Олардың әрқайсысы баға үшін емес, болашақ үшін, қоғамға пайдалы азамат пен азаматша болу үшін ұстаз еңбегін еш қылмайтынын айтады. Кейіпкеріміз биыл мектеп бітіреді. Оның ұстаздары осыған дейін қазақ тілі мен әдебиеті пәніне деген қызығыушылығы жоғары болғанын айтады. Тіпті мәнерлеп оқуда, поэзия кештерінде дараланған Ұлжан Қайрат мұндай жарыстарда бірнеше рет жүлдегерлер қатарынан табылған. Мектеп түлегі биыл ұлттық бірыңғай тестілеуге қатысуға талаптанып отыр. Бүгінде Ұлжан үлкен дайындық үстінде. Сабақ уақытында қолы қалт етсе, кітапхана барады. Баланың бүгінде ізденісі жоғары.&nbsp;<blockquote>«Өзім көпбалалы отбасынан шыққанмын. Алдымдағы аға-апаларым мұғалім, дәрігер болып жұмыс жасауда. Мен де болашақта соларлың жолын жалғап, бір мамандықтың иесі болып, елдің дамуына өз үлесімді қосқым келеді. Оқу жылының түгесілуіне де де аз уақыт қалды. Ұлттық бірыңғай тестілеуге дайындықты қыркүйек айынан бастап кеттік. Әзірге нәтиже жаман емес. Ал нақты нәтиже алдағы уақыттың еншісінде», – дейді мектеп түлегі.</blockquote>Сынып жетекшісі Индира Жамшиева Ұлжанның дайындық барысында жинаған баллында айтарлықтай өсім қалыптасқанын айтады. Осыған дейін қазақ тілі мен әдебиеті пәніне қызығыушылығы басым болған оқушының бүгінде алға қойған мақсаты мүлде басқа. Ұлжан Қайрат бүгінде екі пәнді таңдап отыр. Оның бірі география болса, енді бірі – математика. Ол алдағы уақытта Асқар Жұмаділдаев секілді математик болып, елдің ертеңіне елеулі еңбек сіңіруді көздейді.&nbsp;<blockquote>«Болашақта Алматы қаласындағы Қазақ Ұттық университетіне оқуға түскім келеді. Осылайша экономист мамандығын игеріп, қаржы саласында қажырлы еңбек еткім келеді. Әзірге дайындық барысындағы көрсеткішім жаман емес. Бірақ оған тоқмейілсуге тағы болмайды. Түстен кейін ұлттық бірыңғай тестілеуге дайындаламын. Көбінесе уақытымды кітапханада өткі-земін. Олай етпесек, тағы болмайды. Алдағы уақытта білім шыңын бағындыру үшін осылай еңбек етуге тура келеді. Ұстаздарым да дайындықты күшейтуде. Енді соның нәтижесін көрсек болғаны», – дейді қарындасымыз.&nbsp;</blockquote>Ұлжанның бүгінде үлкен ізденіс үстінде жүргенін бағамдау қиын емес. Мәселен, ол ұлттық бірыңғай тестілеуге дайындық кезінде күз айларында 69-70 балл жинаса, кешегінаурыз айындағы тест нәтижесімен 101 баллға ие болған. Осыдан-ақ оның білімге құштарлығын, ізденімпаздығын бі¬луге болады.&nbsp;<blockquote>«Алтыншы және жетінші сыныптарда оқитын кезімде мүшәйраларға, поэзия кештеріне қатысатынмын. Бұл пән бойынша ұйымдастырылған жарыстарда да жеңіс тұғырынан көрінген кездерім болды. Сегізінші сыныпта бір рет математика пәнінен олимпиадада бақ сынадым. Аудандық кезеңде екінші орын алып, облыстық кезеңге өте алмай қалғаным бар. бүгінде таңдау пәнімнен дайындық барысында 30-37 балл жинап жатырмын. Ұлағатты ұстаздарым дайындық қарқынын арттыруда. Біз де оларға ілесуіміз керек. себебі бұл оқу жылының да бітуіне аз уақыт қалды. Енді бір аттасақ, ұлттық бірыңғай тестілеуге де келіп жетеміз. Сондықтан «Әлі уақыт бар ғой» деген түсініктен арылу керек», – дейді мектеп түлегі.</blockquote>Жалпы, жалағаштық түлектер өзге аудандарға қарағанда ұлттық бірыңғай тестілеуде жоғары баллға қол жеткізуімен дара. Ауданда аталған саланың серпін алуында оқушылдардың да өзіндік үлесі бар. Түрлі деңгейдегі олимпадаларда топ жарып, мемлекеттік грантпен жоғары оқу орындарында білім алуға аудан түлектерінің қол жеткізуі бұл сөзімізді қуаттайды. Ұлжан Қайрат та алдағы аға-апаларының ізін жалғап, мектеп мерейін үстем еткісі келеді. Ізденімпаздығымен дараланған оқушыға ұстаздары да үлкен үміт артып отыр. Қазір қарындасымыз сенімді ақтаудың қамына кірісіп кетті. Әр сабақтан кейінгі үзілістерде оны залдан емес, кітапханадан табасыз. Бастысы, мұның бәрі өз жемісін беріп жатыр.&nbsp;<blockquote>«Былтыр да біршама түлек мемлекеттік грантпен ЖОО-ға оқуға түсті. Биыл да жақсы жетістікке жетеміз деген үміт бар. Әсіресе осы қызыма үлкен үміт артамын. Ұлжан үнемі ізденіс үстінде жүреді. Дайындық барысында жинаған баллы да жоғарылауда. Осының өзі оның тыңғылықты дайындық үстінде екенін аңғартса керек. Жалпы, бұл оқушымның барлық пәннен үлгерімі жақсы. Сондықтан алдағы уақытта оның болашағы жарқын боларына сенемін», – дейді сынып жетекшісі И.Жамшиева.</blockquote>Білімге құштар қарындасымыз артында ата-анасы, ұстаздары үлкен үміт артып отырғанын жақсы біледі. Оның үстіне мықты экономист болуды мақсат еткен адамға мұндай ізденіс керек те. Міне, оның бүгінде бос уақытын тиімді пайдалануға тырысатыны да сондықтан. Ұлжанның алдағы уақытта қалаған мамандығын игеріп, егемен елдің ертеңіне саналы ғұмырын арнайтынына біз де сенеміз.

Болашақ жастардың қолында

<a href="https://kyzylorda-news.kz/">Kyzylorda-news.kz.</a> Қай &nbsp;қоғамда &nbsp;болмасын &nbsp;адамзат &nbsp;үшін &nbsp;ең &nbsp;қажетті &nbsp;мамандықтың &nbsp;бірі &nbsp;– &nbsp;ол &nbsp;ұстаздық. &nbsp;Білікті &nbsp;ұстаз бүгінгі &nbsp;заманның &nbsp;талабы. &nbsp;Тәлім-тәрбие &nbsp;мен &nbsp;қоса, &nbsp;оқу-білімді &nbsp;де &nbsp;қатар &nbsp;үйрететін &nbsp;де &nbsp;ұстаз. &nbsp;Білімді &nbsp;ұрпақ &nbsp;елдің &nbsp;ертеңі, ұлт &nbsp;айнасы &nbsp;десек &nbsp;те &nbsp;болады. &nbsp;Ұрпақ &nbsp;білімді &nbsp;болса, &nbsp;мемлекетіміз &nbsp;әлемнің &nbsp;алпауыт &nbsp;елдерімен &nbsp;иық &nbsp;тіресіп, &nbsp;бәсекеге қабілеті &nbsp;жоғарылай &nbsp;түседі. &nbsp;Осындай &nbsp;саналы &nbsp;ұрпақты &nbsp;тәрбиелейтін &nbsp;сіздердің &nbsp;еңбектеріңіз &nbsp;ұшан-теңіз. &nbsp; &nbsp;Ғалымжан Сейтжановтың кент орталығындағы №246 орта мектепте технология пәнінен сабақ беріп келе жатқанына 30 жылға жуықтапты. Бастысы, осынша уақытта ұлағатты ұстаздан тәлім алған оқушылар бүгінде республикалық жарыстарда топ жарып келеді. Мұғалімнің кабинетіне өзіміз де сәл аялдағанды жөн көрдік. Қажетті құрал-саймандар жетерлік, тіпті ұстаз бен шәкірттер әзірлеген бірнеше бұйым да кабинеттің бір бұрышын бүтіндеп тұр. Жалпы, технология сабағы баланы өнертапқыштыққа, еңбек-сүйгіштікке тәрбиелейтінін жақсы білеміз. Әлбетте ол үшін алдымен бұл пәннен білікті әрі қолынан іс келетін мұғалім дәріс бергені дұрыс. Бұл жағынан Шекер Ермағанбетова атындағы білім ошағы білікті мұғалімге зәру емес. Себебі салада 26 жылдық тәжірбиесі бар Ғалымжан Абатұлының жұмысы бүгінде шәкірттерімен көрініп отыр.&nbsp;Иә, Ғалекеңнің білікті маман екеніне таласымыз жоқ. балаларды еңбекке баулып, оларды өнертапқыштықұқа үндеп жүргеніне ұзақ уақыт болды. сол уақыттан бері оның бірнеше шәкірті салада биік белестерді бағындырып үлгерген. Тамерлан Алдамжаровты ұстаздары мектептегі әмбебап оқушы деп атап кеткен. Бұл айдардың оған тағылуының да өзіндік себебі бар. Өйткені Тамерланның барлық сабақтан үлгерімі жоғары екен. Ұстаздарының оның болашағынан үлкен үміт күтетіні де сондықтан. Тамерланның ұстазы Ғалымжан Сейтжановпен бірге түрлі байқауларда топ жарып жүргеніне бірнеше жыл болыпты. 2017 жылы күннен және желден энергия алатын қондырғылардың макетін жасап келген өнертапқыш ұстазы екеуі 2019 жылдан бастап республикалық байқауларда топ жарып келеді.&nbsp;Ғалымжан мен Тамерланның бірге жасаған бұйымдары осыған дейін облыстық және аудандық байқауларда тек бас бәйгені еншілепті. Бірге жасағанда Ғалекеңдікі тек бағыт қой, ал істі үйлестіруде басымдық баланың өзіне беріледі. Не керек, осылайша 2019-2020 жылдары ұстаз бен оқушы жасаған бұйымдар екі мәрте республикалық байқаудан жүлделі орынмен оралған.&nbsp;<blockquote>«Оқушыларымның барлығы оқуда озат, өнертапқыш балаларым да жоқ емес, солардың бірі – Тамерлан Алдамжаров. Бұған дейін үлкен додаларда шәкіртім жасаған бұйымдар жүлдесіз қайтқан емес. алдағы уақытта да осы бағытта бірге жұмыс жасаймыз. Тағы бір оқушым Бақдәулет Кәрісбек түрлі бұйымдар жасауда жаңа қырынан көрініп келеді. Ол да түрлі байқауларда топ жарды. Қазір оқушыларым жасаған 100-ден астам бұйым қоры бар. негізінен олардың саны 500-ге жуықтаған. Келген меймандар қызығушылық танытып жатады. Олардың көңілін қимай сыйға тартамыз. Алдағы уақытта да түрлі жарыстарға қатысу жоспарда бар, нәтижесін көре жатарсыздар», – дейді Ғалымжан Абатұлы.</blockquote>Айта кетейік, 2019 жылдан бері Тамерлан Алдамжаров Ғалекеңнің жетекшілігімен «Ұлы өнертапқыштыққа алғашқы қадам» атты республикалық иновациялық жобаға қатысып келеді. Жоба шеңберінде Тамерлан кеме жасап шығарған. Кейін ол кемені аудандағы көлдердің бірінде сынақтан өткізеді. Онлайн өткен сайыста Тамерланның жасаған кемесі қазылар алқасының қызығушылығын арттырған.&nbsp;10 сынып оқушысы басқа да қолөнер бұйымдарын жасауда қаражаяу емес екен. Бүгінде Ғалекең мен шәкірті Тамерлан тағы бір республикалық байқауға қатысып жатыр. Шартына келсек, ағаштан, тастан және сазбалшықтан 5 түрлі бұйым жасау қажет. Бүгінде тамерланның жасаған бұйымдары қазылар алқасына жолданды. Нәтижесі 15 мамырда белгілі болады. Мектеп мақтанышы алдағы уақытта дәрігер болғысы келеді. Мұғалімдері оның барлық сабақтан үлегірім жоғары екенін жоққа шығармады. Келер жылы мектеп бітіріп, медицина саласында білім алған соң, Тамерлан білікті дәрігерлердің сапынан табылуды мақсат етіп отыр.&nbsp;<blockquote>«Бұған дейін Ғалымжан ағайыммен бірге түрлі сайыстарға қатыстым. Алдағы уақытта бірге жұмыс жасай береміз. Бұл бір жағынан адамның ой-өрісін дамытуға үлкен қолғабыс екен. Ертең тағы бір жарыстың нәтижесін күтіп отырмыз. Болашақта дәрігер болғым келеді. Бала күннен арманым сол және сол мақсатыма жететініме сенемін», – дейді озат оқушы.</blockquote>Ғалымжан Абатұлы шәкірттерімен мақтанады, өзі де осыдан үш жыл бұрын «Үздік көркем еңбек пәні мұғалімі» байқауында үшінші орынға тұрақтаған. «Білім айнасы» ғылыми-техникалық газеті мен журналында материал жарияладым арнайы ғылыми бағыттағы материалы жарық көрген. «Ұлы өнертапқыштыққа алғашқы қадам» жобасының аудандық кезеңінде шәкірті Ұзақбай Диас 4 мәрте жеңіс тұғырынан көрінген. Оның біреуінде үздік үштікті түйіндесе, үшеуінде бас бәйгені еншілепті. Білікті мұғалімнің әлі талай додаларда шәкірттері биік белестерді бағындарытына сенім мол.

Қазақстан және Қызылорда облысының жаңалықтары