Kyzylorda-news.kz. Британдық ғалымдар чат-боттарға жеке ақпаратты бермеу керек екенін айтты. Бұл туралы Bugin.kz хабарлайды.Оксфорд университетінің (Ұлыбритания) информатика профессоры Майкл Вулдридждің айтуынша, CHatGPT сияқты чат-боттар "өте дәл" және пайдаланушы сұраған сұрауларды орындайды. Осылайша, бот болашақта басқа пайдаланушылардың сұрақтарына жауап беру үшін тұтынушылардың жеке мәліметтерін пайдалана алады.Сондықтан Вулдридж чат-боттардың қауіпті екенін ескертті. Соған сәйкес, қызмет жинаған барлық ақпарат сақталады және чат-боттың келесі буынына беріледі. Оның айтуынша, жүйеге кездейсоқ жүктелген құпия ақпаратты жою мүмкін емес.Фото: Нұрболат Нұржаубай

Ғалымдар чатта не жазу адамға қауіп төндіретінін айтты

Фото: astanatv.kzKyzylorda-news.kz. Әлеуметтік желіде мектеп оқулықтарында Қайрат Нұртас туралы тапсырманың жүргені туралы ақпарат тарады. Бұл жайтқа қатысты министрлік өкілдері Sputnik Қазақстан агенттігінің тілшісіне жауап берген.<blockquote>«Олжас Беркімбай деген кісі өзінің әлеуметтік парақшасында «Қайрат Нұртас мектеп оқулықтарында жүр» деп жариялаған. Қазір ол ақпаратты Олжас Беркімбай алып тастады. Негізі бұл ақпарат – мұғалімнің жеке өзі құрастырған тапсырма», - дейді министрлік.</blockquote>Желі қолданушысы танымал әншінің аты математика пәнінде жүргенін айтқан.<blockquote>«Суретте көрсетілген «Құрылымы күрделі теңдеулер» тақырыбы бойынша берілген тапсырма – мұғалімнің қалыпты бағалауға әзірлеген жеке тапсырмасы. Ал қолданыстағы 3-сыныптың «Математика» оқулығында Қайрат Нұртас туралы тапсырма жоқ», - деп министрлік оқулықтың фотосын жіберді.</blockquote>

«Мектеп оқулығында Қайрат Нұртас жайлы тапсырма берілген» – министрлік түсінік берді

Фото: Дамир ЕрубаевKyzylorda-news.kz. Мәжілістің Халықаралық істер, қорғаныс және қауіпсіздік комитетінің төрайымы Айгүл Құспан Jibek Joly телеарнасына берген сұхбатында әскери қызметтегі ер адамдардың бала күтіміне байланысты демалысқа шығуын ұятсыздыққа балады, &nbsp;деп хабарлады Қазақпарат.&nbsp;<blockquote>«Ер офицерлердің декретке шығуына рұқсат беретін заң 2014 жылы қабылданған болатын. Бірінші жылдары олар ұялды. Үшеу-төртеуі ғана декретке шығатын. Ал қазір 600 ер офицер рахаттанып декретте жүр. Өйткені олардың қызметі жүріп жатады, шені өсе береді. Балаға бәрібір әйелдері қарайды. Одан қалса әжесі, бала күтушілер бар. Ал офицер басқа бір жұмыста істеп жүр. Мысалы, такси айдаса да декрет ақшасымен қосқанда көп ақша табады. Бұл енді кішкене ұятсыздау нәрсе деп ойлаймын. Сондай-ақ, ол қауіпті», — деді Айгүл Құспан.</blockquote>Оның айтуынша, Қорғаныс министрлігі ер офицерлерді бала күтімі бойынша демалысқа жіберуге рұқсат беретін шешімдердің күшін жоюға ынталы.<blockquote>«Қорғаныс министрлігі қазір шырылдап жүр. Мүмкін бұл норманы қайта қарайтын шығар. Бірақ бұл шешім — біздікі емес, халықаралық норма. Халықаралық еңбек ұйымы деген ұйым бар, Женевада отырады. Солар „Ер адам мен әйелдің құқығы бірдей. Баламен отыруға екеуінің де құқығы бар. Әскери адам болсын, жай азамат болсын“ дейді. Қазақ қоғамында бұл кішкене ерсі нәрсе», — деді депутат.</blockquote>

Офицерлер рахаттанып декретте жүр, ал баласына бәрібір әйелі қарап отыр - депутат

Фото:dalanews.kz.Kyzylorda-news.kz. ҚР Парламенті Мәжілісі депутаттары Бюджет кодексінің талқылауға қатысты бірінші оқылымда Назарбаев Зияткерлік мектебі (НЗМ) мен Назарбаев Университетін (НУ) мемлекет есебінен қаржыландыруды тоқтату ісін қызу талқыланды, – деп хабарлайды Dalanews.kz.Жаңа Бюджет кодексін әзірлеушілер аталған ұйымдарды мемлекеттік мектептер мен университеттермен тең деңгейде қаржыландыруды ұсынған. Ал НЗМ мен НУ өкілдері бөлек қаржыландырудың арқасында жоғары сапалы білім мен тиімділікті қамтамасыз ететінін айтып ақталған.Егер &nbsp;жаңа Бюджет кодексіне енгізілген түзетулер қабылданса 2025 жылдан бастап НЗМ мен Назарбаев Университетіне арнайы артықшылықтар берілмейді.2022 жылы Назарбаев Қорының экс-президенті, бұрынғы Білім министрі Аслан Сәрінжіпов Назарбаев Қорының капиталының, активтері мен кірістерінің бірден-бір бенефициарлары НУ және НЗМ екенін айтқан болатын. Оның айтуынша, қордан басқа ешкім, соның ішінде Нұрсұлтан Назарбаев кіріс ала алмайды, бұл оның жарғысында көрсетілген.«Назарбаев Қорын» құрудың мақсаты мемлекеттік қаржыландыру қысқарған жағдайда НУ және НЗМ қызметін қаржыландыруды қамтамасыз ету болды.<blockquote>– Құрылтайшысы ҚР Тұңғыш Президенті болып табылады және жеке заңды және жеке тұлғалардың қайырмалдықтары арқылы қордың капиталы шамамен 1 миллиард долларды құрады. Алайда, Жарғыға сәйкес, құрылтайшы бірінші президент тұлғасындағы қор тек қамқоршылық кеңес мүшелерін тағайындау құқығымен шектеледі және бенефициар бола алмайды. Олар тек НУ және НЗМ болуы мүмкін, – деген болатын Аслан Сәрінжіпов.</blockquote>

Назарбаев университеті мен мектептерін мемлекет есебінен қаржыландыру тоқтайды

Kyzylorda-news.kz. &nbsp;2023 жыл Сыр мәдениеті үшін толағай табыстарға толы жыл болды. Мәселен, былтыр облыста 2 мәдени нысан ел игілігіне беріліп, өз қызметін бастады. Соның бірі - отбасылық құндылықтарды айшықтайтын, жас ұрпаққа рухани-адамгершілік тәрбие беруге бағытталған "Анаға тағзым" орталығы мен жас жұбайлардың салтанатты неке қидыруына арналған "Отбасы орталығы" ашылды.Бұдан бөлек, аймақ басшысының бастамасымен көпфункционалды 1000 орындық «Өнер» орталығының құрылысы қарқынды жүргізілуде. Бұл орталық та жақын күндері өнер сүйер қауымның игілігіне пайдалануға беріледі. Жыл бойы атқарылған жүйелі жұмыстарды Өңірлік коммуникациялар қызметінің ұйымдастыруымен өткен көшпелі брифингте облыстық мәдениет, архивтер және құжаттама басқармасының басшысы Мира Қазбекова баяндады.<blockquote>- 2023 жылы Сыр мәдениетінің тарихында алтын әріппен жазылатын айтулы оқиғалар көп болды. Аймақ басшысының қолдауымен бірнеше мәдени нысандар ашылып, ел игілігіне берілді. Тағы бір айтулы жаңалық Арқа төрінде &nbsp;Астана қаласының 25 жылдығы мен Қызылорда облысының 85 жылдығына арналған Сыр өлкесінің өнер күндері жоғары деңгейде өтті. Биыл да мәдениет мәртебесін асқақтататын айшықты шаралары мен байырқалы бастамалар жалғасын табады. Жеті ауданда типтік үлгідегі «Руханият» орталықтары салынады және елді мекендерде мәдени-спорттық кешендердің жобасы әзірленуде. Әйтеке бидің 380 жылдығына арналған «Әділ сөздің алдаспаны» атты тұңғыш республикалық командалық айтысы да биыл &nbsp;Сыр өңірінде өткізіледі. Одан бөлек, &nbsp;сәуір айында Алматы қаласында Қызылорда облысының өнер күндері өтеді деп жоспарлануда. «Тұран» облыстық рухани-мәдени, шығармашылық фестивалі және композитор, Қазақстанның еңбек сіңірген қайраткері Рамазан Таймановтың шығармашылығына арналған «Сыр Ана» республикалық әншілер конкурсы басталады. Сондай-ақ, Байқоңыр қаласында мемлекеттік және ұлттық мерекелерді өткізу жоспарымызда бар. Бұдан бөлек, Қазақстанның еңбек сіңірген әртісі Мәдина Ералиеваның 70 жылдығына арналған «Ақбаян» республикалық әншілер конкурсы ұйымдастырылады, - деді басқарма басшысы.</blockquote>

Сәуір айында Алматы қаласында Қызылорда облысының өнер күндері өтеді

Kyzylorda-news.kz. Танымал коуч Роза Әшірбаева ажырасқан әйелдердің жай-күйі туралы айтты , - деп хабарлайды Massaget.kz.Оның сөзінше, қоғамда ажырасқан отбасындағы әйелді ғана сөгуге құмарлар бар.<blockquote>"Біздің қоғамда әйел "ажырасқан" деген атаққа ие болғысы келмейді. Ол туыс пен ортаң үшін өліммен тең. Бұл жүктің ауырлығын тек ажырасқан әйел біледі. Байқасаңыз, ажырасқан еркекті ешкім сөкпейді, ол кінәсіз, оның әйеліне отбасын сақтап қалмады дейді жұрт… Күйеуінен қорлық көріп жүрген әйелдің екі ғана жолы бар:</blockquote>1. Еркектің қорлығына шыдап, түбінде не оның қолынан, не денсаулығының нашарлауынан өлу;2. Ажырасудың жүгінен өліп барып тірілуге тырысу, өзі және туған балалары үшін өмір сүру;Еркектен қорлық көріп жүрген әйелде таңдау аз. Қайда барады ол? Кім оны түсінеді? Кім оны сөкпей қабылдайды? Егер сіз ажырасқан қазақ әйелін көрсеңіз біліңіз, ол жанын сақтап қалу үшін сөгістің аласапыран отына күйді. Оның жүрегі мәңгі жаралы. Ол енді еркекке сенбейді. Қазақ әйелі ажырасқысы келмейді, оны еркек ажырасуға итермелейді…", - деп жазды ол.Желі қолданушылары коучтың пікірін құптады."Толық келісемін, ешкім тұрмысқа ажырасамын деп шықпайды", "Өтеее орынды айтылған. Кейбір Имам-Ұстаздар ажырасқан әйелдер дер астын сызып тұрып, екінші сорт ретінде қарап тек Әйелге ақыл айтады. Соған итермелеген еркексымақты назарларына да ілмейді және әдемілеп ақтап алады. Өкінішке орай...", "Дәл тауып айтылған сөздер", "Дұрыс айтасыз", - дейді олар.

"Ажырасқан еркекті ешкім сөкпейді": Танымал коуч қазақтың дертін ашық сынады

Фото: Egemen.kz.Kyzykorda-news.kz. Байқоңыр қаласында еліміздің білім стандарттарымен жұмыс істейтін бөбекжайлар саны артып келеді. Күні бүгін жұлдызды қалашықта бірден &nbsp;екі балабақша ашылып, &nbsp;ел игілігіне берілді.Бүгінде Байқоңыр қаласында 16 балабақша бар. Оның үшеуі қазақстандық білім стандартына сәйкес келеді. Бүгін міне олардың қатары қайта жаңғыртылған тағы 2 балабақшамен толықты.<figure class="media"><div data-oembed-url="https://youtu.be/ck-2AtCppBw?si=RGubzK6GgS2oclAt"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/ck-2AtCppBw" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Байқоңыр қаласында екі балабақша ашылды

Kyzylorda-news.kz. Облыс әкімінің бастамасымен жуырда Қызылорда облысының 7 ауданында музей, кітапхана, архив, неке қию залы, ардагерлер және аналар, жастар орталықтары сынды бірқатар тарихи-мәдени, рухани ұйымдарды біріктіретін типтік үлгідегі «Руханият» орталықтары салынбақ. Ғимараттың құны шамамен *1,5*-1,8 млрд. теңгені құрайды.Барлық ұйымдарды бір ғимаратқа біріктіру арқылы бюджет қаржысы үнемделеді. Тағы бір пайдалы тұсы – ақсақалдар мен жастар бір-бірімен араласып, бірлескен жобаларды жүзеге асырады, жас буын үлкендердің ақылын тыңдап, тәжірибе алмасады. Мұндай орталықтардың бой көтергені бірнеше нысан салғанға қарағанда әлдеқайда тиімді. Әрқайсысын бөлек салғанда әрбіріне 1 млрд теңгеге жуық қаражат жұмсалады, әрі қарай оны күтіп-ұстауға да шығын кетеді. Бір ғимарат ішінде мәдени-көпшілік шаралар, концерттер, мерекелік кештер өткізу оны тұрғындар жиі келетін мәдениет ошағына айналдырады. Осылайша, Сыр өңірінде қай жағынан да ұтымды, бірегей жоба қолға алынбақ.Еске салсақ, өткен жылы өңірде &nbsp;150 орындық төрт клуб жаңадан салынып пайдалануға берілді. &nbsp;Қызылорда қаласында отбасылық құндылықтар мен салт-дәстүрді дәріптейтін «Анаға тағзым», «Отбасы» орталықтары қызметін бастады. Биыл облыс бойынша *17,0 млрд теңгеге 7000 орындық стадион, 2,7 млрд теңгеге үстел теннисы Орталығы, 6,8 млрд теңгеге Республикалық көпфункционалды спорт орталығы*, 4,8 млрд теңгеге 6 спорт кешені мен 4 ауылдық клуб құрылысы қолға алынады. Құны 3 млрд 700 млн теңгені құрайтын 1000 орындық Өнер орталығы жақын наурыз айында ашылады. Балалар мен жасөспірімдердің шығармашылығын шыңдау мақсатында Қызылорда қаласында «Шығармашылық академиясы» салынады.<img src="https://knadmin.beoblood.kz/uploads/FB_IMG_1705687090834_3b146293b3.jpg" alt="FB_IMG_1705687090834.jpg">

Сыр өңіріндегі 7 ауданда «Руханият» орталықтары салынады

&nbsp;<a href="https://kyzylorda-news.kz/ru">Kyzylorda-news.kz.</a> Ауыл шаруашылығы министрлігі көктемгі егіс, жиын-терім науқанына орай аграрларға берілетін несиені қаржыландыруды бастады. Бюджеттік кредит аясында 15 млрд теңге мөлшеріндегі несие берудің бірінші кезеңін «Аграрлық несие корпорация» АҚ жүзеге асырады, деп жазады <a href="https://egemen.kz/article/356455-dikhandargha-dgenhildetilgen-nesie-beriledi">Egemen.kz.</a>Осы жылы көктемгі егіс және егін жинау жұмыстарын жүргізу мақсатында жеңілдетілген кредит беру үшін бас-аяғы 140 млрд теңге көлемінде қаржы бөлінді. Бұл сумма кем дегенде 2 млн гектар алқапқа егін егуге мүмкіндік береді.Бағдарлама бойынша дихандарға кредит 2025 жылдың 1 наурызына дейін беріледі. Оның ішінде негізгі қарыз бен сыйақы сомасының 50 пайызын 2024 жылғы 1 желтоқсанға дейін, қалған 50 пайызын келер жылдың 1 наурызына дейін рәсімдеуге болады. Аграрларға арналған несие жылдық 5 пайыздан аспайтын мөлшерлеме бойынша беріледі. Несиені өтеу кестесі шаруалардың қарыз шарттарын жасасу кезінде жеке тәртіппен қарастырылады.«Аграрлық несие корпорациясы» АҚ жеңілдетілген несиені өңірлерде екінші деңгейдегі банктер, кредиттік серіктестіктер, микроқаржы ұйымдары және өңірлік инвестициялық орталықтар арқылы жүзеге асырады.<blockquote>«Айта кетейік, бұған дейін Ауыл шаруашылығы министрлігі сыйақы мөлшерлемелерін субсидиялау шарттарына өзгерістер енгізген болатын. Енгізілген өзгеріс қарыз алушы үшін қиындық тудыратын мән-жайлардың басталуына байланысты сыйақы мөлшерлемесін төлеу және (немесе) негізгі борышты өтеу бойынша кейінге қалдыру мерзімін 10 айдан 24 айға дейін ұзартуға мүмкіндік береді. Түзетулер осы жылдың 15 қаңтарында күшіне енді», деп хабарлады министрліктің баспасөз қызметі.</blockquote>«Кең дала» көктемгі дала және егін жинау жұмыстарына кредит беру бойынша жеңілдетілген бағдарламасы бюджеттік кредитті қайта құрылымдайды. Бұл бағдарлама қатысушыларына 2023 жылғы қарыздарын айыппұл санкцияларын қолданбай-ақ төлеу мүмкіндігін береді.&nbsp;Фото: Нұрболат Нұржаубай

Дихандарға жеңілдетілген несие беріледі

<a href="https://kyzylorda-news.kz/ru">Kyzylorda-news.kz.</a> &nbsp; Әлеуметтік желіде «Ақтөбе» ӘКК» АҚ басқарма төрағасының бірінші орынбасары Руслан Әжниязов конверт беріп, облыс әкімінің орынбасары Ғалымжан Елеуовтің көмекшісі деген адамның оны алып жатқан видеосы тарап кетті. Қазір осы оқиғаға байланысты қызметтік тексеру жүріп жатыр, - деп хабарлайды <a href="https://kaz.inform.kz/news/konvert-daui-aktobede-kizmettk-tekseru-zhurp-zhatir-eef5b8/">kaz.inform.kz</a>Видеодан «Ақтөбе» ӘКК» АҚ басқарма төрағасының бірінші орынбасары Руслан Әжниязовтің конверт секілді затты беріп жатқаны, ал Ғалымжан Елеуовтің көмекшісі деп жазылған адамның оны алып, қойнына жасырғанын көруге болады.Қазіргі кезде «Ақтөбе» ӘКК» АҚ-да қызметтік тексеру басталды.<blockquote>- Видео әлеуметтік желіге тарап кетті. Біз де көрдік. Қазіргі кезде қызметтік тексеру басталды. Барлығы жан-жақты тексерілген соң қорытындысын хабарлаймыз. Видеодағы адам - «Ақтөбе» ӘКК» АҚ басқарма төрағасының бірінші орынбасары Руслан Әжниязов. Сонымен бірге ол жерде облыс әкімінің орынбасары Ғалымжан Елеуовтің көмекшісі деп жазылған. Тұрақтандыру қоры мен тұрғын үй-коммуналдық шаруашылықты жаңғыртуға жауапты Руслан Әжниязов қазір жиналыста. Бұл жерде қызметте жүргеніне екі ай болды. Тексеруді «Ақтөбе» ӘКК» АҚ-ның кадр бөлімі жүргізеді, - деді «Ақтөбе» ӘКК» АҚ басқарма төрағасының орынбасары Нарек Гегамян.</blockquote>Ол қызметкерлердің сыйақысы қанша екенін білмейді, бірақ жыл соңында сыйақы берілгенін жасырмады. «Ақтөбе» ӘКК» АҚ-да барлығы 80 адам еңбек етеді.Мән-жайды Ақтөбе облысының әкімдігі де түсіндірді.<blockquote>- Ақтөбе облысы әкімінің орынбасары Ғалымжан Елеуовтің қатысы бар ма, жоқ па, ол жағын білмейміз. Қазір ішкі тексеру жұмысы жүріп жатыр. Сол кезде анықталады. Содан кейін ғана шешімін хабарлаймыз. Видеодағының бірі «Ақтөбе» ӘКК» АҚ-ы басқарма төрағасының бірінші орынбасары Руслан Әжниязов, екіншісі бұрын облыс әкімдігінде жұмыс істеген. Біз оны ара-тұра көретінбіз, бірақ әкімдікте қызметкер емес. Ал Ақтөбе облысы әкімінің орынбасары Ғалымжан Елеуов жұмыста, жиналыста, - деді Ақтөбе облысы әкімінің баспасөз хатшысы Гүлбағда Көбеева.</blockquote>Айта кетейік, қызметтік тексеру нәтижесі 10 күн ішінде шығарылады.&nbsp;Фото: Нұрболат Нұржаубай

Конверт дауы: Мемлекеттік қызметкерлерге қызметтік тексеру жүріп жатыр

<a href="https://kyzylorda-news.kz/ru">Kyzylorda-news.kz.</a> 2024 жылғы 1 қаңтардан бастап 31 наурызға дейін үкіметтік емес ұйымдардың қызметі туралы мәліметтерді «ҮЕҰ Дерекқорына» ұсыну басталды.ҮЕҰ Дерекқорына мәлімет ұсыну мемлекеттік әлеуметтік тапсырыс және мемлекеттік гранттар шеңберінде әлеуметтік бағдарламаларды және (немесе) әлеуметтік жобаларды іске асыруға, сондай-ақ ҮЕҰ үшін сыйлық алуға арналған конкурсқа қатысу үшін керек (міндетті түрде).Сіз өз ұйымыңыздың қызметі туралы мәліметтерді ҮЕҰ Дерекқорының https://infonpo.gov.kz/ интернет-порталы арқылы жібере аласыз (интернет-порталда авторизациядан өту ХҚКО-да алынған заңды тұлғаның ЭЦҚ кілтінің көмегімен мүмкін болады).ҮЕҰ Дерекқорына мәліметтерді ұсынбау, уақытылы ұсынбау және анық емес немесе жалған мәліметтер ұсынылған жағдайда Қазақстан Республикасының заңнамасына сәйкес жауапкершілік көзделген.Қосымша сұрақтарды Азаматтық қоғам істері комитетінің 740428@mail.ru электрондық поштасына жолдауға болады.Жедел желі қызметі: 8 (7172( 74-04-28 8 (7172) 74-04-47 8 (7172) 74-05-43Фото: Нұрболат Нұржаубай&nbsp; <img src="https://knadmin.beoblood.kz/uploads/337862062_235299508884714_3096209619250432319_n_57b34b416c.jpg" alt="337862062_235299508884714_3096209619250432319_n.jpg">

ҮЕҰ дерекқорына мәліметтер тапсыру 31 наурызға дейін жүргізіледі

<a href="https://kyzylorda-news.kz/ru">Kyzylorda-news.kz.</a> &nbsp;Облыс орталығының бірқатар көшелеріне өткен жылы жөндеу жұмыстары жүргізілді. Содан бері өңірдегі жолдың сапасы едәуір жақсарып келеді. 2023 жылдың қорытындысымен облыстық және аудандық маңызы бар автомобиль жолдарының жақсы және қанағаттанарлық индикаторлық көрсеткішінің үлесі 87,5 пайызға жеткізілді. Сондай-ақ, жол мен материалдар сапасына сараптама жүргізу мақсатында аймақ бойынша 242 нысанға ішінара тексеу жүргізілді. Бұл туралы Өңірлік коммуникациялар қызметінің ақпарат алаңында “Жол активтерінің ұлттық сапа орталығы” РМК ҚОФ бөлім басшысы Ержан Усманов хабарлады.<blockquote>Республикалық маңыздағы жолдар бойынша 14 нысанға ішінара тексеу жұмыстарын жүргізілді. Ал филиал мамандары тарапынан 295 рет жолға шығу тіркеліп, алынған 807 сынамадан 128 сынама алынды. Сонымен қатар, аспаптық тексеру барысында 64 ақау анықталған. Тапсырыс берушілерге анықталған кемшіліктерді жолдай отырып, нәтижесінде 186 273 млн теңгеге қайта қалпына келтіру жұмыстары жүргізілді. Ал жергілікті жолдар бойынша 228 нысанға ішінара тексеру жүргізіліп, филиал мамандары тарапынан 470 рет жолға шығу тіркелді. Нәтижесінде 2040 сынама алынған. Сонымен қатар, аспаптық тексеру барысында 230 ақау анықталған. Тапсырыс берушілерге анықталған кемшіліктерді жолдай отырып, нәтижесінде 32,5 млн теңгеге қалпына келтіру жүргізілді, - деді Ерболат Көштаев.</blockquote>Фото: Нұрболат Нұржаубай

Қазақстан және Қызылорда облысының жаңалықтары