Сырдарияның атын асқақтатқан бапкер

<a href="https://kyzylorda-news.kz/">Kyzylorda-news.kz.</a> Қармақшы ауданының кәсіпкері Мұратбаев Азаттың жеке кәсібі «Азат» сұлулық салонында кезек көп екенін қашаннан көріп жүрміз. Бірнеше кәсіпті қолға алғысы келген кәсіпкер «Микробизнес-Қызылорда» бағдарламасы шеңберінде 10,0 млн теңге несие алып, қосымша тауық құсын өсірумен айналысуда.&nbsp;Бүгінде ол оның сүйікті хоббиіне ғана емес, нәсібін тауып жүрген кәсібіне айналған. «Кобб-500» тауық тұқымына қызыққан кәсіпкер қыр-сырын лезде үйренген. 40-45 күн толған соң еті жеуге жарамды. Әрі бұның бір ерекшелігі өте етті, дәмді, сосын тез піседі. Бір өзінің салмағы 4,5-5 келіге дейін береді. Инкубатордағы жұмыртқадан 20-25 күнде балапан шығады. Одан бөлек, пеште қақталған «грильді» тұрғындарға тапсырыспен жеткізіп отыр.&nbsp;<blockquote>– Ебін тапсаң, кез келген іс өтімді болатынына кәсіппен айналысу арқылы көзім жетті. Сондықтан тек еңбектеніп, алға ұмтылу керек, – дейді кәсіпкер.</blockquote>Азаттың құс цехында 550 тауық бар. Жылына 2,5 т құс етін шығаруға қуатты. Келешек құс шаруашылығын кеңейтуді ойлайтын ол жақын арада шет елдерден тауықтың түрлі сортының жұмыртқасын алдырмақшы.Сондай-ақ, түрлі кәсіпті түлеткен кәсіпкердің жұбайы Айдана да үйден жайма, кеспе, тәтті нандар мен пирогтарды тапсырыспен жасауда.&nbsp;&nbsp;

Қармақшылық кәсіпкер құс өсірумен айналысуда

<a href="https://kyzylorda-news.kz/">Kyzylorda-news.kz.</a> Еліміздегі ең күрделі және жауапты сала – әлеуметтік сала екені және ол қай кезде де басты назарда екені белгілі. Осы бағытта әлеуметтік саланы реформалау мақсатында 1997 жылы Қазақстан Республикасы Үкіметінің №926 Қаулысымен Республикалық Зейнетақы төлеу жөніндегі мемлекеттік орталық құрылды, ал 1997 жылдың қараша айында Қармақшы аудандық бөлімі құрылып, мекеме басшысы Әділхан Мырзақұловтың басқаруымен жұмысын бастады. 2016 жылы мекеме атауы «Азаматтарға арналған үкімет» мемлекеттік корпорациясы болып атауы өзгерді.&nbsp;Бөлімде штат бойынша 6 қызметкер ұжым аудан халқына сапалы қызмет көрсетуде. Содан бері аудан бойынша әлеуметтік салада өзіндік орны бар аудандық бөлімнің атқарар жұмыстары алуан түрлі. Бөлім басшысы Әділхан Сейітжанұлы басқаратын ұжым ел-жұртқа «зейнетақы төлем орталығы» деген атпен таныс. Қазіргі жаңа атауын мұнда бас сұғып жұмыспен келгендердің бірі білсе, бірі біле бермейді.Бөлімнің негізгі қызметі келіп түскен өтініштерге сәйкес зейнетақы мен жәрдемақы құжаттарын қалыптастырып, уәкілетті орын арқылы бекітілген шешімге сәйкес қажеттілікке қосып, уақытылы кезеңге сәйкес төлем жүргізу. Дүниеге шыр етіп келгеннен бастап қарттық кезеңге дейінгі әлеуметтік &nbsp;жағынан қолдайтын төлем жүргізетін үлкен құрылғы деп те қарауға болады. Әсіресе елімізде пандемияға байланысты төтенше жағдай уақытында да бұл мекеме жұмысын тоқтатпастан әлеуметтік қолдау ретінде қордан төленген 42500 теңге төлемін жүргізді.<blockquote>«Карантин уақытында күн-түн демей 20 мыңға жуық тұрғынға 42500 теңге төлем жасадық. Ол кезде демалу дегенді білмедік. Сенбі, жексенбі күндері де ішке келіп жұмыс істеген кезіміз болды. Іштегі 4 маман өз кәсіби біліктілігін көрсете білді. Әріптестерімнің еңбегін ерлік деп санаймын. Бала-шаға, отбасы дегенді ұмыттық десек те болады. Бірінші орында – халыққа қызмет ету», – дейді бөлім басшысы Әділхан Мырзақұлов.</blockquote>Жыл сайынғы инфляция деңгейіне байланысты Заңдар мен Қаулыға сәйкес зейнетақы мен жәрдемақы мөлшерін қайта қарау жұмыстары жүргізіледі. Ай сайын аудандық бөлімшеден республикалық бюджеттен 13245 төлем алушыға 670,61 млн теңге, Мемлекеттік әлеуметтік сақтандыру қорынан 50,2 млн теңге қаржы төленіп отыр. 2023 жылдың төрт айында 2883 млн теңге төленген, &nbsp; 1544 мемлекеттік қызмет көрсетілсе, оның 1180 электронды түрде түскен. Қазіргі заман талабына сай цифрландыру саясатына байланысты, көрсетілетін мемлекеттік қызметтер де қазір мемлекеттік органдардың базаларын оңтайландыру арқылы электронды проактив арқылы көрсетіліп отыр. &nbsp;Жалпы, еңбек және халықты әлеуметтік қорғау министрлігінің алдында 2025 жылға қарай барлық мемлекеттік қызметтердің 100%-ын электрондық форматқа, оның ішінде кемінде 60%-ын проактивті форматқа көшіру міндеті тұр. &nbsp;Проактивті қызмет түрі – қызметті берушімен алушының байланысын болдырмайды, қызмет көрсету уақытын барынша қысқартады, қағазды құжаттарды жинаудың және уәкілетті органдар қызметкерлерінің қатысу қажеттілігін жояды.&nbsp;Сондай-ақ «Каспий» мен «Халық банк» қосымшалары арқылы әлеуметтік жәрдемақының бірнеше түрін алуға өтініш беру қарастырылды. Мобильді азаматтар базасында тіркелген азаматтар үшін смс-хабарлама арқылы баланың тууын тіркеуге, жәрдемақы рәсімдеуге мүмкіндік беретін проактивті қызмет қарастырылған. Жәрдемақы және әлеуметтік төлемді рәсімдеу үшін осы банктердің бірінің мобильді қосымшасында &nbsp;«мемлекеттік қызметтер» бөлімін тауып, тиісті мемлекеттік қызметті таңдау және дербес деректерді өңдеуге келісім беру қажет. Өтінім жіберілген соң, ол мемлекеттік орган тарапынан қаралып, қызмет алушыға оны қарау нәтижесі және төлемдердің тағайындалған сомасы туралы смс-хабарлама жіберіледі. Қазіргі таңда электронды үкімет порталы арқылы, жұмыспен қамту орталығы, &nbsp;медициналық сараптама орталығы, перзидент аппараты және жеке тұлғаның мемлекеттік мәлімет базасы арқылы – бала туу және бір жасқа толғанға дейінгі жәрдемақы, жұмысынан айырылу жағдайы бойынша жәрдемақы, мүгедектігіне байланысты жәрдемақы, «Алтын алқа», «Күміс алқа» иегері ретінде марапатталған көп балалы аналарға төленетін жәрдемақы және 4 және одан да көп балалы отбасыларға төленетін жәрдемақылар тағайындалып, аудандық бөлім арқылы төлемі жүргізілуде.

Қармақшыда төлем алушыларға 1544 мемлекеттік қызмет көрсетілген

<a href="https://kyzylorda-news.kz/">Kyzylorda-news.kz.</a> Зиянды әдеттерден сақтанудың жолдары, нашақорлықтың алдын алу, салауатты өмір қағидаттары жайлы түсіндірме жүргізумен қатар, денсаулықты нығайтуда спорттың пайдасы зор. Осы мақсатта Қармақшы ауданының Жастар денсаулық сақтау орталығы мен Салауатты өмір салтын қалыптастыру кабинетінің мамандары аудандық полиция бөлімімен бірлесіп жақында Т.Көмекбаев атындағы №250 мектеп-лицейде «Жігерлі отбасы» тақырыбында отбасылық спорттық сайыс ұйымдастырды.&nbsp;Оған 6 отбасы қатысып, уақыттарын пайдалы іске арнады. Балаларына үлгі бола отырып, ата-аналар ұжымдық,топтық байланыста жұмыс істеп, физикалық &nbsp;белсенділіктерін арттырды. Жарыс соңында олар арнайы марапаттарға сыйлықтарға ие болды. Шара барысында тақырыпқа сай түсіндірме жүргізіліп, насихаттық үнпарақтар, ұрансөздер ілініп, таратылды.&nbsp;Сондай-ақ аудандық емхана мамандары Әмина Кетебаева, Дариха Құлмырзаева, дәрігер Айткүл Балмахановалар кент орталығында халық көп шоғырланатын жерлерде, ірі сауда үйлерінде, теміржол вокзалы мен &nbsp;такси тұрақтарында, дәріханаларда «Есірткісіз аймақ», «15 мамыр – ЖИТС-тен қайтыс болғандарды еске алу күні», «Темекіден бас тартыңыз!» және «Зиянды әдеттер» тақырыптарында ақпараттық құралдарын таратты. Халықты салауатты өмір салтын ұстануға шақырып, әркім өз денсаулығына жауапкершілікпен қарауы керек екенін айтты. Денсаулыққа деген бейжайлық жыныстық жолмен жұғатын жұқпалы аурулардың тез таралуына, өмірін өкінішті сәттерге әкеп соқтыратыны жайлы жан-жақты ақпараттандырды.

Қармақшыда саламатты өмір салты түсіндірілді

&nbsp;<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың Арал ауданына жұмыс сапары басталды.Сапар барысында аймақ басшысы теміржол арқылы өтетін автожол көпірінің іргетасын қалау рәсіміне қатысты. Сондай-ақ, құқық қорғау органдары басшыларымен бірге тұрғындарды жеке қабылдау өткізеді. Мұнан бөлек, Нұрлыбек Машбекұлы Арал ауданының әлеуметтік-экономикалық дамуы жөніндегі кеңейтілген мәжіліске қатысады. Аудан орталығында салынатын №6 және №5 мөлтек аудандарға инфрақұрылым жүргізу жұмыстарымен танысады.

Облыс әкімінің Арал ауданына жұмыс сапары басталды

<a href="https://kyzylorda-news.kz/">Kyzylorda-news.kz.</a> Қызылорда облысында «Киік» жедел профилактикалық іс-шарасының 30 күнінде 32 құқық бұзушылық анықталды. Табиғат қорғау заңнамасын бұзушылықтарды, браконьерлікті, биологиялық ресурстар объектілерінің заңсыз айналымын анықтау және жолын кесу мақсатында ағымдағы жылдың 15 сəуір-15 мамыр &nbsp;аралығында «Киік» жедел профилактикалық іс-шарасы өткізілуде. 30 күнде табиғат қорғау заңнамаларын бұзушылықтың барлығы 32 дерегі тіркелді. Оның ішінде 7 қылмыстық және 25 әкімшілік құқық бұзушылықтар.Қазақстан Республикасы ӘҚБтК-нің 382-бабымен (жануарлар дүниесiн пайдалану талаптарын және аң аулау қағидаларын бұзу) барлығы 25 құқық бұзушылық анықталды.

Қызылордада «Киік» шарасы акциясында 32 құқықбұзушылық анықталды

<a href="https://kyzylorda-news.kz/">Kyzylorda-news.kz.</a> 15 мамыр – Халықаралық отбасы күніне орай «Отбасы – ұлттың тірегі» атты өнерлі отбасылар фестивалі өткізілді.&nbsp;Шараға Қызылорда облысы әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай және Қармақшы ауданы ардагерлер кеңесінің төрағаласы Асқар Мереков пен &nbsp;аудандық мәслихат төрағасы Әділ Қошалақов, жергілікті зиялы қауым өкілдері, мекеме басшылары мен кент тұрғындары қатысты.Мемлекет мерейінің биік болуы қашанда отбасының ынтымақ-бірлігіне тікелей байланысты. Салтанатты шараға бірлігі мен берекесі жарасқан өнерлі отбасылар қатысып, өнерлерін көрсетті.Отбасы ол – әр адамның жылылық пен мейірімге толы киелі бесігі, қасиетті шаңырағы. Біздің Сыр елінде де ғасырлар бойы ұрпақ сабақтастығы жарасымды жалғасын тауып келеді. Ел ішінде құрметке бөленген, ардақты, өнегелі отбасылар баршылық. Қазақ ежелден бала тәрбиесіне ерекше көңіл бөлген. Ұл-қызының қайырымды, көпшіл болып өсуіне мән берген. Сондықтан отбасыға қатысты осындай шаралардың мәні артып келеді. Сонымен қатар, шара барысында еңбек ардагері, көпбалалы ана, іскер әйел, жас отбасыларға үлгі бола білген Шолпан Махмутованың өнегеге толы өмірі жайында тілге тиек етті.

Байқоңырда отбасы күні аталып өтілді

<a href="https://kyzylorda-news.kz/">Kyzylorda-news.kz.</a> Қазалы бекетінен оңтүстікке қарай 12 шақырым жерде Сырдарияның оң жағына орналасқан Қазалы қаласы ең алғаш рет 1847 жылы Қазалы форты болып негізін қалады. 1853 жылы №1 форт деп аталатын әскери бекініс құрылды. Патшалық Ресейдің шенеуніктері жергілікті халықтың арасынан шыққан өте беделді, артынан елді ерте алатын, сауатты, оқыған адамдарды осы бекініс-қалалардың құрылысына кеңінен қатыстырған.&nbsp;Жергілікті оқығандар қала салуға қай жердің ыңғайлы екенін, патша шенеуніктеріне қарағанда жақсы білген. Орыс тілін жақсы білетін, суретші, Зауряд-хорунжий Сердалы Бекшоринді, би Рахмет Айтов, би, әрі хорунжи Үмбет Молдағалиұлы, жақайым руының биі Жетес Қыстаубаевтарды Қазалы қаласының құрылысына пайдаланған. №1 форттың жобасы әскери құрылыс инженері Богдановтың жобасы бойынша жасалып, 1853 жылдың күзінде құрылыс жұмыстары жүргізіле бастайды. Форттағы әскери горнизонды, башқұрт жұмысшыларын, инженерлерді азық-түлікпен қамтамасыз етуді патша үкіметі арнайы реттеп отырған. Қазалы №1 форт болып құрылғаннан кейiн оның алғашқы тұрғындары Райым бекiнiсiнен қоныс аударғандар, Орынбор казактары, Арал флотының матростары, солдаттары болды. Кейiннен мұнда Орал казактары, қырғыздар, өзбектер, татарлар қоныстанды. Ресейдің Бұқара, Ташкент, Хиуа қалаларымен сауда байланысының дамуынан керуен жолы өтедi. Бiрте-бiрте Қазалы 1867 жылы iрi уездік қала болды. Орал казактарының көшiп келуiнен балықшылық пен қолөнер кәсiбi дами бастайды. Қалада 650-дей күйдiрiлген кiрпiштен салынған үй, уездік мекеме, почта-телеграф, қалалық училище, бастауыш мектептер, қоғамдық кiтапхана, монша, шiркеу, мешiт болған. Қала тұрғындары 12 мың адам. Өнеркәсiптiк өндiрiстен iрi сыра дайындайтын зауыт жылына 60 мың кiрiс әкелдi. Қалада жел диiрмен, ұсақ сабын қайнататын зауыт болды. Қала маңына бау-бақша егiлдi. Кейін келе аядай Қазалы үлкейе бастаған. Көптеген әдемі үйлер, мешіттер салынған. Шаһар Сырдарияға өте жақын болғандықтан бау-бақшаға бөленіп, сол төңіректегі көрікті жерлердің біріне айналған. Қаланың шет жағында патша ұлықтарының демалатын орны – жергілікті халықтың айтуынша – Ояз бағы болған көрінеді. Онда діңіне құшақ жетпес қара ағаштар, теректер бой сылаған.1867 жылы 11 маусымда Түркістан генерал-губернаторлығы құрылғаннан кейін, №1 форт атауы өзгертіліп, Қазалы қаласы Сырдария облысының құрамына кірді. Қазалы уезінде 1868 жылғы 1сәуірден бастап 6 болыс құрылады. Олар: Қарақұм, Райым, Қостам, Сарытоғай, Қарабастоғай және Заңғар. Қазалы уез басшысы Қаракөл, Қостам, Сарытоғай болыстарында адам санының өскеніне байланысты тағы да 3 болыс құру керектігін, тіпті уездегі 7 болыстан 14 болыс құруға болатынын, оның әрбір болысында 1000-1600-дей үй бар екенін хабарлайды.Қазалы уезі Сырдария облысының солтүстiк-батыс бөлiгiне орналасты. Солтүстiк-батысында Торғай облысымен, оңтүстiкте – Әмудария бөлiмiмен, оңтүстiк-шығыста – Перовск уезiмен, батыс және солтүстiгiнде – Арал теңiзiнiң жағалауларымен шектестi. Уездің жер көлемi 87020 шаршы шақырымды алды. 1909 жылы 1 қаңтарда 179000 адам қоныстанды. Негiзiнен тұрғындар қазақтар болды. Уездің халқы мал шаруашылығымен, суармалы егiншiлiкпен айналысады. Астық, бақша, техникалық дақылдар егiстiктiң 22000 десятина жерiн алған. Балық аулау шаруашылығы дамыған.Уездің тұрғындарын негiзiнен Кiшi жүз қазақтарының әлiмұлы тайпасы мен оның шектi, қаракесек, төртқара, шөмекей және қарасақал рулары құрады. Арал теңiзiнiң жағалауында шектiлер, Сырдария жағалауында қалған рулардың қыстақтары орналасты. Қазалы қазақтары жазда көшiп Ырғыз уезiнiң жерлерiне, Егiзқара тауларына, Бұратал, Ашыбұлақ, Үшқамты, Жарбұлақ, Қандай өзендерiне дейiн барған. Шектi руы Мұғаджар таулары мен Ембiге дейiн көшiп қонып жүрген.1867 жылғы әкімшілік реформадан кейiн Сырдария облысы әскери губернаторы Қазалы уездік басқармасына капитан Соболевке ұйымдастыру комиссиясын құру туралы 1867 жылы 23 желтоқсанда Ташкеннен хат жiбередi. Ұйымдастыру комиссиясының төрағасына – уездің басшысын, құрамына Новокрещенов, титулдық кеңесшi Карловты енгiзiп, тапсырманы нақты орындау керектiгi және ұйымдастыру комиссиясы қай күнi бекiтiлсе, сол күнi жұмысқа кiрiсуi қажет екенiн ескертедi. Комиссия жұмысы кезiнде, Қазалы уезін басқару №1 форт коменданты майор Юнийге тапсырылады. Осыған орай Қазалы уезінің бастығы болыстар мен ауылдар құру жөнінде ұйымдастыру комиссиясының жұмыстар жүргiзiп жатқандығы туралы, Сырдария облысының әскери губернаторына 1868 жылы 2 сәуiрде мәлімдеме жолдайды. Уездік басқарушылар генерал-губернатордың бұйрығымен тағайындалды.Қазалыға келген уездік басшылардың көпшiлiгi қызметтiк дәрежесiн өсiруге үмiттенген уақытша қонақтар едi. Сондықтан олар уездің әлеуметтік-экономикалық дамуы мен стратегиялық маңызына еш көңіл бөлген жоқ. Көне көз қариялардың айтуынша, Қазалыдағы уездік басқарушылардың арасында тек Леонид Николаевич Соболев пен Степан Романович Путинцев ғана өз iсiне берiлген, жақсы жақтарымен көрiнген. 1867 жылғы әкімшілік реформадан кейін Қазалы уездік қала болып қалалық басқарма құрылса, ал уезде болыстар құрылды. Уезді басқару мен уезд басшыларының қызметі осы реформаның ережелеріне сай жүргізілді. Уездік қалаға сай ссудный касса, почта арнайы ережемен жұмыс істеді.Қазалы уезi құрылғаннан кейiн 1898 жылы қалада арнайы базарлар ашылды. 1. Аққыр және Қалымбас болыстарының көшпендiлерi үшiн Мұзбел және Манасбай-Сор жерiнен, 2. Райым болысы үшiн Заузан жерiнен, 3. Қаракөл және Қаратөбе болыстары үшiн Қамышлыбас және Көлқұдық жерiнен, 4. Қалымбас болысы үшiн Қуандарияның жағалауынан базарлар ашылды. Қалған болыстардағы халықтарға базарлар қажет болмады.Қорыта айтқанда, Қазақстанның оңтүстігінде Сырдарияның төменгі ағысындағы терең тарихы бар қалалардың бірі Қазалы қаласы. 1928 жылы сәуір пленумының шешіміне сәйкес Қазақстан әкімшілік-аймақтың бөлінісіне байланысты Қызылорда және Қазалы уездері таратылып, бұрынғы екі уездің негізінде Қызылорда округі құрылды. Округтік комитеттің Қазалы және Қызылорда уездерін аудандастыру жөніндегі қаулысы бойынша 1928 жылғы 12 мамырда Республикада алғашқылардың бірі болып Қазалы ауданы құрылды. Алпыс бір жыл бойы уез орталығы болған Қазалы енді аудан болды.

Қазалы уезi қалай құрылды?

<a href="https://kyzylorda-news.kz/">Kyzylorda-news.kz.</a> Кеше Сырдария ауданында ҚР еңбек сіңірген жаттықтырушысы, КСРО спорт шебері, Сырдария ауданының Құрметті азаматы Қобландин Сұлтанбек Ибрагимұлын еске алуға арналған республикалық турнирінің ашылу салтанаты өтті.Турнирдің ашылу салтанатына аудан әкімі Б.Сәрменбаев, аудандық мәслихат төрағасы Е.Әжікенов, ҚР Хоккей федерациясының президенті Б.Сексенбаев және аудан ардагерлері мен спортшылар қатысты.Турнир басталмас бұрын аудандық тарихи-өлкетану музейінің ұйымдасты-руымен көрме көрсетілді. Көрмеге С.Қобландиннің жеке мұрағатынан алынған заттар, жетістіктерін айшықтайтын медальдар, суреттер қойылды. Мұнан соң аудан әкімі жиналғандарды турнирдің басталуымен құттықтап, жарысқа қатысушыларға сәттілік тіледі.<blockquote>– Спорттың бұқаралық сипатын дамыту бағытында ауданда ауқымды жұ-мыстар атқарылып жатыр. Оның қатарында жасөспірімдерді спортқа бейім-деу үшін түрлі деңгейдегі жарыстар тұрақты ұйымдастырылып келеді. Соның айғағы ретінде бүгін ауданымызда өткізіліп отырған осы спорттық іс-шараны айтуға толық негіз бар. Бүгін Қазақстан Республикасының еңбек сіңірген жаттықтырушысы, КСРО спорт шебері, Сырдария ауданының құрметті азаматы Қобландин Сұлтанбек Ибрагимұлын еске алуға арналған көгалдағы хоккейден республикалық ашық турнир жалауын көтерді. Көгалдағы хоккейдің шебері болған Сұлтанбек Ибрагимұлы – ел спортының дамуына сүбелі үлес қосқан азамат. Ол жастайынан спортқа бейім болып, КСРО чемпионатының қола және күміс жүлдегері атанған. Көптеген елдерде өткізілген байрақты бәсекелерде топ жарып, өз мықтылығын дәлелдеген азамат еді.</blockquote>Соның бір айғағы 2001 жылы көгалдағы хоккейден Қазақстан Республикасына еңбегі сіңген жаттықтырушы атағы берілді. 1986 жылдан бастап Қызылорда облысының көгалдағы хоккейден ерлер-әйелдер құрама командасының аға бапкері, Қазақстан Республикасы ерлер құрама команда-сының аға бапкері сынды қызметтерді абыроймен атқарды. Абыройлы еңбегі үшін 2020 жылы «Сырдария ауданының Құрметті азаматы» атағы берілді. Еңбек жолында 125 спорт шеберін және 5 «Халықаралық дәрежедегі спорт шеберін» дайындап шықты. Сұлтанбек Ибрагимұлы арамызда болғанда бұл көрсеткіштер еселенері сөзсіз еді. Дегенмен, жақсының ісін ұлы мен шәкірттері жалғастырып, ауданымызда көгалдағы хоккейді дамытуға өз үлесін қосып келеді. Сұлтанбек Ибрагимұлының жарқын бейнесі өңір спортының дамуына ерекше үлес қосқан азамат ретінде әріптестерінің есінде мәңгі сақталатыны анық. Биыл бірінші рет жалауын көтергелі отырған Сұлтанбек Ибрагимұлын еске алуға арналған көгалдағы хоккейден республикалық ашық турнир соның бір дәлелі. Бүгінгі айтулы спорттық бәсекеге жиналған спортшыларға сәттілік тілеймін, – деді Берік Әбдіғаппарұлы.Содан соң ҚР Хоккей федерациясының президенті Б.Сексенбаев пен Қызылорда облыстық хоккей федерациясының президенті М.Текетаев сөз сөйлеп, көгалдағы хоккей спортын дамыту мақсатында атқарылып жатқан жұмыстар жөнінде айтты. Сондай-ақ С.Қобландиннің еңбегін жоғары бағалап, оның ізбасар шәкірттеріне әркез қолдау көрсетілетінін жеткізді. Ал әулет атынан С.Қобландиннің жеңгесі Б.Маханова сөз сөйлеп, турнирді ұйымдастырушыларға шынайы риза¬шылығын білдірді.– Бүгін біздің әулетіміз үшін өте маңызды тарихи күн. Әулетіміздің аяулы азаматы Сұлтанбекті жоғалтқанымызға бүгін бес айдың жүзі болыпты. Жүректі сыздатқан жан жарамыз жазылмай, орны бөлек, бірімізге адал жар, бірімізге қамқор бауыр, бірімізге қимас дос болған, ал мен үшін тіптен орны бөлек Сұлтанбекті жоқтаудамыз. Жасынан елгезек, бауырмал, өжет, өзіне де, өзгеге де талап қоя білетін Сұлтанбектің өмірі көз алдымыздан өтіп жатыр. Ол көп балалы отбасының перзенті еді. Жақсы оқушы, озат студент, қамқор бауыр, адал дос, ата-анасының, елінің мақтанышы бола білді. Оның көгалдағы хоккейдегі жеткен жетістіктері мен марапаттары бүгінде бәріміз үшін зор мақтаныш. Бапкер болу үлкен біліктілікті, төзімділікті, қабілетті қажет етеді десек, осы керемет қасиеттер Сұлтанбектің бойынан табылатын. Ардақты азаматтың Қазақстан спортына сіңірген еңбегін ескеріп, бүгін турнир ұйымдастырып жатқан барлық азаматтарға әулетіміздің атынан алғыс айтамыз, – деді Бибімария Маханова.Айта кету керек, 8 командаға топтасқан 200-ге жуық спортшы қатысып жатқан турнир бірнеше күнге созылмақ. Жеңімпаздарға «Қайсар» хоккей клубының, ҚР Хоккей федерациясының және Қобландиндер әулетінің атынан арнайы марапаттар беріледі.&nbsp;

Сырдарияда даңқты бапкерге арналған турнир басталды 

<a href="https://kyzylorda-news.kz/">Kyzylorda-news.kz.</a> Киелі қармақшы жері жыраулық өнерімен елдің қошеметін иеленсе, спортымен де көпті таңқалдыруда. Боз кілемде белдесіп, жеңіс туын желбіретіп жүрген балуандар мен мақтан тұтар спортшылар жетерлік. Осындай жас өрендерге қандай жағдай жасалған, олардан қандай үміт күтеміз деген сұрақтармен аудандық дене шынықтыру және спорт бөлімінің басшысы Нұрбол Мырзабаевпен тілдескен едік.– Нұрбол Төлендіұлы, алғашқы сұрақты өзіңізден бастасақ. Сіз спортқа қалай келдіңіз? Бала кезден спортқа құмарттыңыз ба? Кім болсам деп армандадыңыз?– Осы ауданда 6-7 жасымда спорт мектебінің күрес бөлімшесіне қабылдандым. Ол уақытта күрестен жаттықтырушы қазіргі спорт мектебінің басшысы Алмат Қодаров еді. Осы кісінің алғашқы тобының құрамында болдым. Қазақ, самбо, дзюдо күресімен шұғылдандық. Біздің бала күнімізде де Әлжан Төремаханов жетекшілік ететін спорт мектебінің жетістігі мол еді. Жеңіс тұғырынан көрінген спортшыларға еліктеп, оларға деген құрметіміз артып, қызығушылығымыз өмірлік мақсатымызға айналды. Мектепті бітірген соң, Қорқыт ата атындағы Қызылорда мемлекеттік университетінде дене шынықтыру және спорт мамандығы бойынша білім алдым. Еңбек жолымды Ү.Томанов атындағы мектепте мұғалім болудан бастадым. Кейіннен аудандық спорт бөлімінде жетекші маман болып мемлекеттік қызметке қабылдандым. Мұнан соң, облыстық дене шынықтыру және спорт басқармасында бас маман, 2020 жылдан бері аудандық дене шынықтыру және спорт бөлімінің басшысы қызметін атқарып келемін. «Тал-дарақ бір жерде көгереді» деген бар емес пе? Осы қағиданы ұстанып ержеттік. Сол себепті өзім тізгінін ұстаған бір салада жүріп, тәжірибе жинақтап, бүгінгі күнге жеткен жайым бар.– Жалпы аудан халқының бұқаралық спортқа көзқарасы қандай? Көпшілік халықты спортқа баулу үшін қандай іс-шаралар қажет деп ойлайсыз?– Иә, бұл біздің бақылауымыздағы дүние. Ауданда спортпен шұғылданып, саламатты өмір салтын ұстанғысы келетіндер жетерлік. Алайда оларды толықтай қамтитын спорттық нысандар жеткіліксіз. Мәселен, аудан орталығында бір ғана денешынықтыру-сауықтыру кешені бар. Мұндай кешен 2018 жылы Төретам кентінде салынды. Одан бөлек, біз бұқаралық спортты дамыту үшін жалпы білім беретін мектептердің спортзалдарын пайдаланамыз. №250, №183, №26, №121 мектептің директорларымен келісіп, кешкі уақытта ересектердің спорттық ойындар ойнауына мүмкіндік алып отырмыз. Осындай олқылықтың алдын алу үшін кентімізде «Ауыл – ел бесігі» бағдарламасымен денешынықтыру-сауықтыру кешені салынуда. Биыл бұл кешеннің құрылысы аяқталып, пайдалануға берілмек. Ақай ауылдық округінде де дәл осындай кешен бой көтеруде. Бұл кешендерде бір мезгілде 400-ге жуық жасөспірім өзін шынықтырса, кешкі уақытта осынша ересек адам бұл кешенге келе алады.– Жасөспірімдердің спортқа құлшынысы қандай?– Жалпы алғанда спортқа құлшынысы жақсы. Екі спорт мектебінде, спорт клубында 2217 жасөспірім спорт түрлерімен шұғылданады. Статистикалық есебімізге келетін болсақ, бұл аудан жасөспірімдерінің 17,6 процентін құрайды. Алдағы уақытта екі құрылыс нысаны пайдалануға берілсе, спортпен шұғылданушы жастардың қатары артатыны анық. Осы ретте айта кеткен жөн, қазіргі уақытта спортты көп ата-аналар екінші, үшінші сатыға қояды. Бірінші білім алу керек, ағылшын тілін меңгеру керек, математика, тағы басқаны білуі тиіс дейді де бала дүбәраланып, тілі шұбарланып, спорт пен өнерге баруға уақыты жоқ болып қалады. Алайда, өсе келе елімізді, жерімізді кім қорғайды? Бүгінгі балалар тым әлжуаз, жүйкесі де әлсіз. Спортпен шұғылданбаған бала шыдамсыз болады. Мәселен, бір жаттығуға келген бала бір сағат, екі сағат жүгіреді, бір әдіске жаттығу үшін оң иық және сол иықпен әрқайсысын 20-30 рет қайталауың керек, мұның бәрі еңбекпен, шыдамдылықпен келеді. Таңнан кешке дейін смартфонда ғана отырған бала тек дайын нәрсеге үйреніп қалмай ма? Ол миына, көзіне зиян. Смартфонның өзі алақандай ғана нәрсе ғой, миы да, ойлау қабілеті де сондай қысқа болып шектеліп қалады. Сондықтан балалар міндетті түрде спортпен шұғылдану керек. Бұл дегеніңіз, әрқайсысы міндетті түрде әлем чемпионы болып кету үшін емес, өзінің саулығы үшін, жетілуі үшін керек. Тәні сау адамның ақыл-ойы сау. Баланың патриоттық сезімін, намысын осылай ояту қажет.– Балалардың жазғы демалысына орай спорт үйірмелеріне келушілердің қатары арта ма?– Әрине. Сонымен қатар жаз мезгілінде жасөспірімдерге арналған іс-шаралар да көптеп өткізіледі. Бұл жөнінде «Төретам жастары» қоғамдық бірлестігі әлеуметтік серіктестік бойынша жеңімпаз атанған. Сол бойынша іс-шаралар өткізілуде, сондай-ақ оның әрбірі әлеуметтік желілерде жариялануда. Мұның барлығы жазғы демалыс уақытында балалардың бос уақытын тиімді пайдалану үшін жасалуда. Онан бөлек, қазіргі уақытта 4 заңды тұлға «Чемпион», «Жалын» секілді үйірмелерді қолға алып, 600-ге жуық баланы қамтып отыр. Оның екеуі Дүр Оңғар және Ақтөбе ауылдарында.– Соңғы уақытта түрлі додадан топ жарып, аудан мерейін асырып жүрген спортшылардың қатары көбеюде. Осы жөнінде айта кетсеңіз…– Бұл жерде жеке жаттықтырушының және спортшының өз еңбегі. Жаттықтырушы деген мамандық иесі уақытпен санаспайды, еңбек демалысы деген болмайды. Мәселен, екі дүркін Әлем чемпионы Ерасыл Сәулебек алда өтетін жарыстарға дайындық үстінде. Жоспарлы жарыстарға баратын спортшы мен жаттықтырушы керісінше дайындықты күшейтеді. Мұндай кезде жаттықтырушыда еңбек демалысы, балада каникул деген болмайды. Себебі барлық жеңістің астарында көзге көрінбес еңбек пен төгілген тер, мықты ерік-жігер бар.– Алға қойған жоспарыңыз қандай?– Спорт мектептері мен жаттықтырушылар жеке спортшының жеңісін мақсат тұтса, біздің бөлімнің діттегені – жалпы халықты бұқаралық спорт түріне тарту, оларға мүмкіндік жасау.Аудан 2023 жылдың жұмыс жоспарна сәйкес барлығы 282 спорттық іс-шара өткізу жоспарланған. Қазіргі таңда барлығы 67 спорттық іс-шара өткізіліп, оған 6 614 спортшы қатысқан. Атап айтар болсақ: ауқымды шараларға Наурыз мейрамы қарсаңында, «Нашақорлыққа жол-ЖОҚ!» атты аудандық мектеп оқушылары арасындағы «Көңілді старт» жарысы, ұлттық спорт түрлеріне, ойын түрлерінен және жекпе жек спорт түрлерінен іс-шаралар өткізілді.Қармақшы аудандық дене шынықтыру және спорт бөлімінің &nbsp; 2023 жылға арналған жұмыс жоспарында партияның «Бақытты Отбасы» жобасын іске асыру, отбасының рөлін арттыратын және отбасылық құндылықтарды нығайтатын 23 спортық іс-шара бекітіліп, бүгінгі күнге дейін аталған жоба аясында 4 спорттық іс- шара өткізіліп, оған &nbsp; &nbsp;64 &nbsp;спортшы қатысқан. Аудан спортшылары спорт түрлерінен жасөспірімдер, жастар және ересектер арасындағы Қазақстан Республикасының чемпионаттары мен Кубоктарында &nbsp;6 алтын, 8 күміс, 6 қола медальды жеңсе, Әлем біріншілігінде 3 алтын, Европа Кубогында 1 күміс медальді жеңіп алды. І разряд нормативін 8 спортшы, Қазақстан Республикасынына спорт шеберлігіне үміткер – 40, &nbsp;«Қазақстан Республикасынына спорт шебері» атағын 4 спортшы Р.Келманов, Ә.Рүстемова, А.Алимов, Н.Пернебай, «Қазақстан Республикасының халықаралық дәрежедегі спорт шебері» атағын 2 спортшы Еламан Ерғалиев, Ерасыл Сәулебековтер &nbsp;иеленді. 17-18 наурыз аралығында Рига қаласында (Латвия) өткен дзюдодан Европа Кубогында жерлесіміз Еламан Ерғалиев 100 кг жоғары салмақ дәрежесінде ІІ орынды иеленсе, 25 наурыз – 2 сәуір аралығында Албания мемлекетінің Дуррес қаласында өткен ауыр атлетикадан 17 жасқа дейінгі жасөспірімдер арасындағы Әлем чемпионатында Ерасыл Сәулебеков екінші мәрте Әлем чемпионы атанды.– Жанұяңыз жөнінде айта кетсеңіз, «ат тұяғын тай басар» демекші, ізіңізді жалғап, өзіңіз секілді спортшы болатын ізбасарыңыз бар шығар…– Иә, бар. Алла аманат еткен 5 балам бар. Үлкен ұлым қол күреспен шұғылданады. Екі мәрте Қазақстан біріншілігінен, өткен жылы Самарқантта Азия чемпионатына қатысып, жүлдегер атанды. Бүгінде әлем чемпионатына қатысуды жоспарлап отыр. Мұнан бөлек, ауыл жасөспірімдерінің спорт ойындары өтеді. Соған дайындық үстінде. Ол әрі қарай да өмірін спортпен жалғап, әке жолын қумақ ниетте.– Сіз қазақ спортының болашағын қалай елестетер едіңіз? Өмірлік ұстанымыңыз қандай?– Негізінен қазақ спортының келешегі жарқын. Олимпиадалардың жоғары шыңдарын бағындыруда ел спортшыларының әлеуеті жетерлік. Бір ғана біздің өлкеден онға жуық әлем чемпионы шығып отыр. Біз қарап отырсақ, республикаға қарасты бір ғана ауданбыз. Сондықтан әрі қарай есептей беріңіз. Сонымен қатар, кешегі Мақсаттың «Қазақстан барысы» атануының өзі халықтың күрес спортына тартылуына, Ерасылдың ауыр атлетикадағы үлкен жеңісі қатарластарының өміріне үлкен әсер қалдырды. Олар өздеріне ғана жеңіс сыйлап қойған жоқ, олар спортты насихаттады. Табанды тер төгіп, спортпен шұғылдансаң, осындай дәрежеге жетіп, биік шыңдарды бағындыруға болатынына айқын дәлел болды. Ерасылдың себебімен жаздың ыстық күніне қарамастан ауыр атлетикаға келушілердің де қатары артқан. Өмірлік ұстанымым – әрдайым қозғалыста, ізденісте болып, саламатты өмір салтын ұстану. Ал отбасында әкенің рөлі маңызды. Әрбір жанұяда әкенің сөзі, оның тәрбиесі бірінші орында тұруы тиіс. Сонда ғана елін сүйетін ерлер, жеңіс туын желбіретер жігерлі жастардың қатары артады.– Уақыт бөліп, әңгімелсекеніңізге рақмет!

Қармақшылық спортшылар әлем чемпионы атануда 

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасына 7 кәсіпкер жүгінді. Оларға 82,8 млн. теңге айыппұл салынған. Бұдан бөлек өңірде тағы 77 кәсіпкерге айыппұл салынған, тек көлемі әзірге белгісіз.Қызылордада сауда саласында қызмет көрсететін кәсіпкерлер қосылған құн салығын төлеуші ретінде уақытылы тіркелмегендіктен көлемді айыппұл төлеуге мәжбүр.Мемлекеттік кірістер органынан ескертпе хабарламасын алғандардың бірі жеке кәсіпкер Рәзия Шаймағамбетова.<blockquote>«Мен алтын бұйымдарын қарызға алып сатамын. Былтыр желтоқсанда 4,3 млн. теңге айыппұл салды. Ол ақшаны жедел несие алып, жаптым. Енді биыл сәуірде 920 мың теңгеге және қосымша 27 млн. теңгеге хабарлама келіп тұр. Оны төлеуге үш ай мерзім ғана беріп отыр. Оны қалай жабамын? Мұндай көлемде маған несие де бермейді ғой», – деді Рәзия Шаймағанбетова Кәсіпкерлер палатасына жазған өтінішінде.</blockquote>Осындай проблеманы Қармақшы ауданының кәсіпкері Бағила Несіпбаева да айтты. Ол Кәсіпкерлер палатасының алаңында мемлекеттік кірістер органы мамандарының қатысуымен өткен ашық есік күніне онлайн қосылды.<blockquote>«Жолдасым екеуміз саудамен айналысамыз. Шүкір, салық және өзге де міндеттемелерді уақытылы төлеп келеміз. 2021 жылы қарашада салықтың маманы шақырып алып, айналым қаражаты межеге жетіп қалғанын ескертіп, үш құрамдасты интеграцияланған жүйеге (ТИС) өтуге кеңес берді. Өттік. Соңғы екі жылда осы жүйе бойынша барлық міндеттемені өтеп келеміз. Салықтың мамандары биыл қаңтарда қайта шақырып, қосымша құн салығын төлеуші ретінде тіркелуімізді сұрады және соңғы екі жылға 25,7 млн теңге айыппұл салды. Біз маман емеспіз. Бухгалтер ұстап отыруға жағдайымыз келе бермейді. Сол үшін салықтың мамандарымен кеңесіп отырамыз. Ал нәтижесі мынадай? Ол ақшаны қайдан аламыз? Осы оқиғадан кейін жолдасым ауруханада жатыр», – деді шарада Бағила Несіпбаева.</blockquote>Қызылорда қаласы бойынша мемлекеттік кірістер басқармасының бөлім басшысы Салтанат Ержанова бүгінге дейін 84 кәсіпкерге осындай мотивпен айыппұл салынғанын атап өтті.Шарада Өңірлік кеңес мүшесі Бейбітәлі Тілеулиев айыппұл салынған кәсіпкерлердің басым бөлігі сауда саласындағы кіші бизнес өкілдері екенін айтып, олардың білікті маман ұстауға мүмкіндігі жоғын алға тартты.<blockquote>«Халық арасында салық мәдениетін қалыптастыру үшін ескертпе-хабарлама беру тәсілін де оңайлату керек. Бухгалтері жоқ шағын кәсіпкерлер тоқсандық, жылдық есептерін бір реттік қызмет көрсететін мамандарға тапсыртады. Жеке кабинетін ашып отырмайды. Сол үшін салынған айыппұл немесе орын алуы мүмкін заңсыздықтар туралы хабарламалар SMS арқылы жіберілуі керек», – дедікәсіпкер Бейбітәлі Тілеулиев.</blockquote>Статискаға сүйенсек, Қызылорда облысында 67 мыңнан астам кәсіпкерлік субъекті тұрақты жұмыс істеп тұр. Оның ішінде сауда саласында тіркелгендері – 21 814.<blockquote>«Өңірде жұмыспен қамтылғандардың 17,5 пайызы сауда саласында жұмыс істейді. Бізге арыз жазған 7 кәсіпкер 23 адамды қамтып отыр. Айыппұл салынғандардың саны 84 екенін ескерсек, бұл проблеманың әлеуметтік жағы да көрінеді. Сол үшін мәселе Үкіметтік деңгейде шешілуі керек», – дейді Кәсіпкерлер палатасының директоры Пірмұхаммед Сыздықов.</blockquote>Айта кетейік, бұл мәселе осы жылдың ақпанында облыс әкімінің бірінші орынбасары Серік Қожаниязовтың төрағалығымен өткен жұмыс тобында да қаралды. Сол шарада Қызылорда облысы бойынша мемлекеттік кірістер департаментінің басшысы Ғани Аманов бұл проблема республика көлемінде 2 мың кәсіпкердің басында бар екенін жеткізді.&nbsp;<img src="https://knadmin.beoblood.kz/uploads/baldyrgan_0301bd3802.jpg" alt="балдырган.jpg">

Қызылордада Кәсіпкерлер палатасынан 7 кәсіпкер көмек сұрады

<a href="https://kyzylorda-news.kz/">Kyzylorda-news.kz.</a> Оңтүстік циклон жырасының және онымен байланысты атмосфералық фронталды бөлімдердің әсерінен еліміздің басым бөлігінде күн райы құбылмалы болады, деп хабарлайды Қазгидромет.Жаңбыр жауып, найзағай ойнайды, түнде облыстың оңтүстік-батысында қатты жаңбыр жауады. Қазақстанның оңтүстік-батысында, оңтүстігінде, орталығында бұршақ жаууы мүмкін. Республиканың солтүстігінде, шығысында, оңтүстік-шығысында солтүстік-батыс антициклонының әсерінен күн жауын-шашынсыз болады. Республика бойынша жел күшейіп, солтүстікте, шығыста тұман түседі, оңтүстікте шаңды дауыл тұрады.Қызылорда облысында, Түркістан облысының солтүстігінде, орталығында, Ақтөбе, Ұлытау облыстарының оңтүстігінде, Алматы облысының солтүстік-батысында төтенше өрт қаупі сақталады.

Қазақстан және Қызылорда облысының жаңалықтары