<a href="https://kyzylorda-news.kz/">Kyzylorda-news.kz</a> Әлеуметтік медициналық сақтандыру қорына МӘМС жүйесіне қатысты сұрақтардың түсуі жалғасуда. Жиі қойылатын сұрақтарға Қордың Қызылорда облысы бойынша филиалы директорының орынбасары Жұпар Алхожаева жауап берді.Ресми түрде жұмысқа орналасқанмын, жақында жалақысы сақталмайтын ұзақ демалысқа шықтым, осы кезеңде жұмыс беруші мен үшін жарна төлемейді. Менің мәртебем қанша уақыттан кейін «сақтандырылмаған» болады және «сақтандырылған» мәртебесін жоғалтпау үшін не істеуім керек?&nbsp;МӘМС жүйесіндегі мәртебе соңғы жарнадан кейін 3 ай бойы сақталатын болады. Ол одан әрі өзекті болып қалуы үшін өткізіп алған кезең үшін дербес төлеуші ретінде 2025 жылы ай сайын 4&nbsp;250 теңге төлеу қажет болады.МӘМС жарналарын дербес төлеуші ретінде қалай төлеу керек?<ul style="list-style-type:disc;"><li style="text-align:justify;">Төлем жасамас бұрын, мәртебеңізді және соңғы 12 айдағы төлемдердің болуын тексеріңіз.</li><li style="text-align:justify;">Егер сізде бірнеше төленбеген ай болса, олар үшін әлдеқайда аз мөлшерде төлем жасап, мәртебені алу тиімді болады.</li><li style="text-align:justify;">Егер ешқандай төлем болмаған жағдайда, онда төлемді өткен жылға емес, алдағы 12 айға жасаған тиімді.</li><li style="text-align:justify;">Жарналарды ағымдағы айдан бастап төлеу керек.&nbsp;</li><li style="text-align:justify;">Жарналарды әр ай үшін жеке төлеу қажет (2024-2025 ж. ж. 4 250 теңгеден).</li><li style="text-align:justify;">Жарналарды кез келген банкте, АҚ «Қазпошта», төлем терминалдары немесе банктердің мобильді қосымшалары арқылы төлеуге болады</li></ul>Ресми түрде жұмыс істейтін адам 56 күндік ұзақ демалысқа шықты. «Сақтандырылған» мәртебесін сақтап қалу үшін МӘМС-ке жарнаны қалай төлейді?&nbsp;&nbsp;&nbsp;Сіздің жұмыс берушіңіз міндетті медициналық сақтандыру төлемдерін дұрыс бөлуі қажет. Егер демалыс бірнеше кезеңді (бір айдан астам) қамтитын болса, онда міндетті медициналық сақтандыру төлемдерін кезеңдерге бөлуі тиіс.&nbsp;Мысалы, сіз&nbsp;шілде&nbsp;және тамыз айларында демалыста болды делік.&nbsp; Бұл жағдайда есепші төлемдерді бір сомада емес, екі түрлі кезеңге (шілде және&nbsp;тамыз) есептеуі керек.&nbsp;

МӘМС жарналарын дербес төлеуші ретінде қалай төлеу керек?

<a href="https://kyzylorda-news.kz/">Kyzylorda-news.kz</a> Асаба, әзілкеш, Колобок лақап атымен танылған Елдос Кәдірханов әлеуметтік желідегі парақшасында әйелі Таңшолпан Шотаеваның жүктілігіне қатысты дауға пікір білдірді. Бұл туралы ол өзінің әлеуметтік парақшасында <a href="https://www.instagram.com/stories/eldos_kalabok/3673784642486458770/">жариялады.&nbsp;</a><blockquote>"Жақсылық істесең де жақпайды екен. Үндемей отыр едік, болмайды екен. Ертең бәрін айтамыз. Ешкімнің көңіліне, беделіне қарамаймыз. Бізді емдеген дәрігерімізден кешірім сұраймыз, оларға реніш жоқ. Жұмыстан шығып кетіп, қай клиникаға барады, сол клиниканы жарнамалаймын! Себебі олар – өте мықты дәрігер", – деді әзілкеш.</blockquote>Сонымен қатар ол ешкім хабарласып тоқтатпауын айтты.<blockquote>"Бүгінше жылап алайық, ертең ДІҢК ДІҢК деп сөйлегеннің көкесін көрсетеміз. Ешкім звондап тоқтатпай-ақ қойсын, телефонды алмаймыз", – деді ол.</blockquote>Фото: Скриншот

Елдос Кәдірханов: Ешкімнің беделіне қарамаймыз

<a href="https://kyzylorda-news.kz/">Kyzylorda-news.kz</a> Кеше ҚР Парламенті Мәжілісінің депутаттары, «AMANAT» партиясы фракциясының мүшелері Мұрат Абенов пен Мұрат Ергешбаев Қорқыт Ата атындағы Қызылорда университетінің Жасанды интеллект институтының жұмысымен танысты.Жасанды интеллект институты 2023 жылғы 6 қарашада ресми түрде ашылды. Институт Корея Республикасының Білім министрлігі мен Ұлттық зерттеу қорының қолдауымен жүзеге асырылып жатқан «LUPIC» (Leading University Project for International Cooperation) жобасы аясында құрылды.Жоба бойынша негізгі серіктес – Сеул ұлттық ғылым және технология университеті (SeoulTech). Қазақстан Республикасы Ғылым және жоғарғы білім министрлігі қолдауымен.Институттың негізгі мақсаты – Қазақстан мен Орталық Азия өңірі үшін жоғары білікті IT мамандарын даярлау, жасанды интеллект, деректерді талдау, киберқауіпсіздік және бағдарламалау бағыттарында білім мен инновацияны дамыту.Бұнда 4 бірлескен білім беру бағдарламасы іске қосылды, 103 студент 2024–2025 оқу жылында оқып жатыр, оның ішінде министрлік тарапынан арнайы 100 грант бөлінген. 40 гранттық орын қос диплом бағдарламасына бөлінген.Мәжілісмендер онда ғалымдармен пікірлесіп, олардың ғылыми жобаларымен танысты.&nbsp;

Мәжілісмендер жасанды интеллект институтының жұмысымен танысты

<a href="https://kyzylorda-news.kz/">Kyzylorda-news.kz</a>&nbsp; Қазақстанда ұстаздарды қолдау мақсатында «Үздік педагог» байқауы басталды. Жеңімпаздарға 1000 АЕК (3,9 млн теңге) көлемінде мемлекеттік сыйақы қарастырылған,&nbsp;деп хабарлайды<a href="https://el.kz/qazaqstanda-mugalimderge-4-mln-tenge-syyaqy-beriledi_400029482/">&nbsp;El.kz</a>&nbsp;интернет порталы.Оқу-ағарту министрлігінің&nbsp;мәліметінше, байқау аясында мұғалімнің білім саласын дамытуға қосқан үлесі, ұстаз қызметінің тиімділігі мен оның кәсіби шеберлігі ескеріледі.Жарысқа мектепке дейінгі, орта, техникалық және кәсіптік білім беру ұйымдарының педагогтері қатыса алады.Конкурс үш кезеңнен тұрады:<ul><li style="text-align:justify;">1-кезең – аудандық, қалалық деңгей (8-25 шілде);</li><li style="text-align:justify;">2-кезең – облыстық деңгей (28 шілде- 15 тамыз);</li><li style="text-align:justify;">3-кезең – республикалық деңгей (18 тамыз – 18 қыркүйек).</li></ul>Екі кезеңнің қорытындысы бойынша ең жоғары ұпай жинаған педагогтер республикалық деңгейге өтеді. Байқауға қатысуға өтінімдерді қабылдау, тіркеу, конкурс құжаттарын тапсыру, бағалау uzdikustaz-nobd.edu.kz веб-порталында жүзеге асырылады.Айта кетейік, «Үздік педагог» Республикалық конкурсы – 2012 жылдан бері өткізіліп келе жатқан дәстүрлі байқау.«Үздік педагог» атағына білім беру ұйымдарында жұмыс істейтін және құжаттарды тапсыру кезінде кемінде бес жыл үздіксіз педагогикалық өтілі бар педагогтер үміткер бола алады. Олар – балабақша, мектеп, колледж мұғалімдері. Байқауға қатысу туралы қосымша ақпаратпен Оқу-ағарту министрлігінің сайтынан танысуға болады.Фото: Нұрболат Нұржаубай

Үздік мұғалімдерге 4 млн теңге сыйақы беріледі

<a href="https://kyzylorda-news.kz/">Kyzylorda-news.kz</a> Қызылорда облысында жол қозғалысы қауіпсіздігін қамтамасыз ету және жол-көлік оқиғаларының алдын алу бағытында нақты шаралар қабылданып, жүйелі жұмыстар атқарылуда. Бұл туралы Өңірлік коммуникациялар қызметінің ақпарат алаңында облыстық полиция департаменті жергілікті полиция қызметі басқармасы бастығының орынбасары Рауан Әлдешов мәлімдеді.<blockquote>– Жол қозғалысы қауіпсіздігін қамтамасыз ету – қоғамдағы маңызды міндеттердің бірі. Өкінішке қарай, жол-көлік оқиғалары көбіне жүргізушілердің өз міндетіне немқұрайлы қарауынан туындайды. Жолда маневр жасау ережесін бұзу, қарсы бағытқа шығу, жаяу жүргіншілерге жол бермеу, жылдамдықты арттыру және ұялы телефон қолдану сынды жауапсыз әрекеттер жиі тіркелуде. Осы тәртіпсіздіктердің жолын кесу мақсатында рейдтік және профилактикалық шаралар тұрақты түрде ұйымдастырылып келеді. Қызылорда - Ақтөбе бағытындағы республикалық маңызы бар жол тәулігіне он мыңға жуық автокөлікті қабылдайды. Ал соңғы жылдары көлік саны айтарлықтай өсіп отыр. Жолдың екінші санатта болуы мен транзиттік көліктер ағыны жол қозғалысының қауіпсіздігіне қосымша қауіп төндіруде. Жолдағы әрбір тәртіп бұзу - адам өміріне төнген қауіп. Сондықтан біз тек айыппұлмен емес, заманауи бақылау құралдары арқылы да тәртіпті қадағалауды қолға алдық. Соның бірі - ұшқышсыз ұшу аппараттары. Қазірдің өзінде осы құрылғылардың көмегімен жол ережесін өрескел бұзған ондаған жүргізуші анықталып, жауапкершілікке тартылды. Жолдағы әрбір сапардың мақсаты - аман-есен жету. Сондықтан барша азаматтарды жол ережесін сақтап, тәртіп пен жауапкершілікті күшейтуге шақырамын. Өз өміріміз де, өзгенің өмірі де - аманат,- деді Рауан Қырымұлы.</blockquote><img src="https://knadmin.beoblood.kz/uploads/Usileny_mery_po_predotvrashheniyu_dorozhno_transportnyh_proisshestvij_596f4fb529.jpg" alt="Усилены меры по предотвращению дорожно-транспортных происшествий.jpg">Фото: Нұрболат Нұржаубай

Жол-көлік оқиғаларының алдын-алу шаралары күшейтілді

<a href="https://kyzylorda-news.kz/">Kyzylorda-news.kz</a>&nbsp; Сыр өңірінде құрылыс саласы қарқынды даму үстінде. Мемлекет тарапынан көрсетіліп жатқан қолдаудың нәтижесінде аймақта ауқымды жобалар жүзеге асуда. Бұл туралы Өңірлік коммуникациялар қызметінің ақпарат алаңында облыстық құрылыс, сәулет және қала құрылысы басқармасының басшысы Ерлан Төрәлиев мәлімдеді.<blockquote>– Құрылыс – өңір экономикасының негізгі тіректерінің бірі. Қазіргі таңда Сыр өңірінде бұл сала қарқынды дамып келеді. Мемлекет тарапынан көрсетіліп жатқан қолдаудың нәтижесінде тұрғын үй құрылысы мен инфрақұрылымдық жобалар ауқымды түрде жүзеге асуда. Бұл - тек экономикалық көрсеткіштердің артуы ғана емес, халықтың өмір сүру сапасын жақсартуға бағытталған нақты жұмыстардың жемісі. Биылғы жылдың алғашқы алты айының қорытындысы бойынша құрылыс жұмыстарының көлемі 111,9 млрд теңгеге жетіп, бұл өткен жылдың сәйкес кезеңімен салыстырғанда 144,6 пайызға орындалды. Сонымен қатар, пайдалануға берілген тұрғын үй көлемі 350 мың шаршы метрді құрап, 106 пайыздық көрсеткішке жетті. Жыл соңына дейін 870 мың шаршы метр тұрғын үйді пайдалануға беру жоспарда бар. Бұл - өңір халқын баспанамен қамту деңгейін арттырумен қатар, құрылыс саласына жаңа серпін беретін маңызды көрсеткіш. Алдағы уақытта да бұл бағыттағы жұмыстар жүйелі түрде жалғасын табатын болады, - деді Ерлан Кәрімбекұлы.</blockquote>Сыр өңірінде «Жайлы мектеп» ұлттық жобасы аясындағы жұмыстар қарқынды жүзеге асуда. Бірқатар жаңа білім беру нысандары пайдалануға беріліп, қалған мектептерді жыл соңына дейін аяқтау жоспарланып отыр.<blockquote>– «Жайлы мектеп» ұлттық жобасы шеңберінде өңірде 6900 орынға арналған 10 мектептің құрылысы жоспарланған болатын. Облыс әкімдігі тарапынан аталған мектептерге инженерлік инфрақұрылым жеткізу, абаттандыру және жол салу жұмыстары толық орындалып, бүгінде барлық қажетті жағдайлар жасалды. Қазіргі таңда Сырдария өзенінің сол жағалауында 900 орындық мектеп, Арал қаласында 300 орындық мектеп, Жаңақорған ауданы Жаңарық елді мекенінде 300 орындық мектеп, Жаңақорған кентінің Саяжай мөлтек ауданында 600 орындық мектеп, Қызылорда қаласының КБИ мөлтек ауданында 600 орындық мектеп және Қазалы ауданы Жанқожа ауылында 300 орындық мектеп құрылысы толық аяқталып, ел игілігіне табысталды. Қалған 4 мектепті биылғы жылдың соңына дейін пайдалануға беру көзделіп отыр. Сонымен қатар, сол жағалаудағы физика-математикалық мектеп, музыкалық колледж және шығармашылық-инновациялық орталықтың құрылысы да аяқталып, пайдалануға берілді. Қазіргі таңда Арал ауданы Жалаңаш ауылында 150 орындық мектептің, Шиелі ауданында 200 орындық Оқушылар үйі мен 50 орындық Өнер мектебінің құрылысы қарқынды жүргізілуде. Аталған нысандарды жыл соңына дейін аяқтап, ел игілігіне тапсыру жоспарда тұр, - деді басқарма басшысы.</blockquote>Сыр өңірінде жылдар бойы аяқталмай келген әлеуметтік маңызы бар нысандардың құрылысы толық аяқталып, пайдалануға берілді. Облыс әкімінің тапсырмасына сәйкес қолға алынған нақты шаралар нәтижесінде бүгінде басқарма тапсырысындағы құрылыс нысандары толығымен жойылды.<blockquote>- Бұған дейін өңірде құрылысы ұзаққа созылған, әлеуметтік маңызы жоғары 5 нысан болған еді. Облыс әкімінің нақты тапсырмасына сәйкес, бұл мәселе күн тәртібінен түспей, ерекше бақылауға алынды. Нәтижесінде басқарманың тікелей тапсырысындағы барлық нысандардың құрылыс жұмыстары толық аяқталып, пайдалануға қабылданды. Бүгінгі таңда басқарма тарапынан құрылысы ұзаққа созылып келе жатқан бірде-бір нысан жоқ. Бұл – саладағы жүйелі жоспарлау мен нақты бақылаудың нәтижесі. Әлеуметтік маңызды жобалардың уақытылы іске асырылуы тұрғындар үшін қолайлы жағдай жасауға және инфрақұрылымды дамытуға бағытталған маңызды қадам, - деді Ерлан Кәрімбекұлы.</blockquote><img src="https://knadmin.beoblood.kz/uploads/Ajma_ta_y_rylys_ar_yny_damudy_na_ty_k_rinisi_7e0f88d109.jpg" alt="Аймақтағы құрылыс қарқыны - дамудың нақты көрінісі.jpg">Фото: Қызылорда облысының Өңірлік коммуникациялар қызметі

Аймақтағы құрылыс қарқыны – дамудың нақты көрінісі 

<a href="https://kyzylorda-news.kz/">Kyzylorda-news.kz</a> Мемлекет басшысы Alemcloud Ұлттық суперкомпьютер орталығына барып, NVIDIA H200 графикалық процессорлары базасында жасақталған суперкомпьютерді іске қосу рәсіміне қатысты.Жаңа дата-орталықтағы жүйені Цифрлық даму, инновациялар және аэроғарыш өнеркәсібі министрлігі халықаралық серіктестермен бірге орнатып, пайдалануға берді.Жаңа суперкомпьютер кластері FP8 форматында есептеу әдістемесі бойынша 2 экзафлопсқа дейінгі өнімділікті қамтамасыз ете алады. Есептеу қуаты жағынан Орталық Азия өңіріндегі ең үздігі саналады.Қасым-Жомарт Тоқаев суперкомпьютердің іске қосылуы еліміздегі негізгі салаларды цифрландыратын маңызды қадам екенін атап өтті. Бұл Қазақстанның цифрлық технологияларды дамытуда айтарлықтай өркендеуіне ықпал етеді.Суперкомпьютердің есептеу қуатын нейрожелі шешімдерін әзірлеумен айналысатын стартаптар, университеттер мен ғылыми орталықтар, сондай-ақ мемлекеттік мекемелер мен жеке компаниялар пайдалана алады.<a href="https://t.me/s/aqorda_resmi">t.me/aqorda_resmi</a>

Қасым-Жомарт Тоқаев суперкомпьютерді іске қосу рәсіміне қатысты

<a href="https://kyzylorda-news.kz/">Kyzylorda-news.kz</a> Қызылорда қаласында шағын және орта өнеркәсіп өндірістерінің ауқымы кеңейіп келеді. Соның ішінде тамақ өнеркәсібінің алатын орны ерекше. Бірнеше жоба іске қосылса жаңа мамандарға тұрақты жұмыс орындары ашылып, ішкі нарықта өзіміздің өнімдер сатылымға шықпақ.Соның негізінде, бүгін ҚР Парламенті Мәжілісінің депутаттары, «AMANAT» партиясының фракция мүшелері Мұрат Абенов пен Мұрат Ергешбаев нан-тоқаш өнімдерін өндіру кешенінің жұмысымен танысты. Жобаға «Бірыңғай индустрияландыру картасы» аясында оңтүстік өндіріс аймағынан 5 га жер телімі берілген. Жобаның жалпы құны 3,8 млрд. теңге. Кешенде нан-тоқаш өнімдерінен бөлек кондитерлік және макарон өнімдері өндірілмек.Нысанның ауданы 6166 шаршы метрді құрайды. Кондитерлік цехта нан-тоқаш өнімдерінің 100-ден астам түрін, сондай-ақ жылына 2520 тонна кондитерлік өнімдерді шығару жоспарлануда. Макарон өндірісінде жыл сайын 1152 тонна шығарылатын өнімнің кем дегенде 15 түрі болады. Іске қосылса 67 жаңа жұмыс орны құрылады деп күтілуде. Қазіргі таңда құрылыс және абаттандыру жұмыстары толығымен аяқталған. Алдағы уақытта кешен ел игілігіне жұмыс жасайды.

Қызылордада нан-тоқаш өндіру кешені ашылмақ

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Жаңақорған ауданында теміржол арқылы өтетін аспалы көпір ашылды. Оған Парламент Мәжілісінің депутаттары Мұрат Ергешбаев, Мұрат Әбенов, зиялы қауым өкілдері мен аудан тұрғындары қатысты.<img src="https://knadmin.beoblood.kz/uploads/Zha_a_k_pir_Zha_a_or_an_4_701676eb6d.jpg" alt="Жаңа көпір Жаңақорған 4.jpg">Аймақ басшысы жаңақорғандықтарды жаңа көпірдің ашылуымен құттықтап, өңірдегі жол инфрақұрылымын дамыту жұмыстарына тоқталды.<blockquote>“Мемлекет басшысы Қасым-Жомарт Кемелұлы: «Жер көлемі жөнінен әлемде тоғызыншы орын алатын еліміздің көлік-транзит саласында зор мүмкіндіктері бар. Бұл – айрықша назар аударуды талап ететін стратегиялық бағыт», - деген болатын. 2023-2025 жылдары аймағымыздың 1 232 шақырым автомобиль жолдары мен көшелерін, 18 көпір өткелін салуға, күрделі жөндеуге 121 млрд. 500 млн. теңге бөлінді. Нәтижесінде жақсы жағдайдағы жолдардың үлесі 92 пайызға жетті. Биыл 329 шақырым жол жөнделіп, жақсы жағдайдағы жолдардың үлесі 95 пайыз болмақ. Республикалық маңызы бар «Қызылорда-Жезқазған» автомобиль жолын қайта жаңғырту жұмыстары биыл аяқталады. Қызылорда қаласындағы теміржол асты автожолының құрылысы қарқынды жүруде. Бұл қаладағы көлік қатынасының жүктемесін біршама төмендетеді. Мамыр айында Арал қаласында &nbsp;940 метрлік аспалы көпір ел игілігіне табысталды. Жақын күндері Қармақшы ауданының Жосалы кентінде дәл осындай аспалы көпір құрылысын бастаймыз. Жаңа көпір Жаңақорғанның болашағына жол ашатын, ел игілігіне қызмет ететін алтын көпірге айналсын! Баршаңызға амандық, жасампаз істерімізге толағай табыс тілеймін!”, - деді Нұрлыбек Машбекұлы.</blockquote><img src="https://knadmin.beoblood.kz/uploads/Zha_a_k_pir_Zha_a_or_an_365e6fc366.jpg" alt="Жаңа көпір Жаңақорған.jpg">Рәсімде Мәжіліс депутаты Мұрат Әбенов, ел ағасы Нәжмәдин Мұсабаев құттықтау сөз сөйледі.Жаңақорған ауданының құрметті азаматы Серхожа Ыдырысов батасын берді. Сондай-ақ, аспалы көпірді салған мердігер мекеме қызметкерлері мен ауданның дамуына үлес қосқан бірқатар азаматтар облыс әкімінің Алғыс хатымен марапатталды.Айта кетейік, &nbsp;Жаңақорған ауданының бюджеті сонғы 2 жылда 12,7 млрд теңгеден 22 млрд теңгеге артты Үш жылда 200 млрд теңгеге жуық инвестиция тартылды. Ауыз су мәселесі толық шешілді, 4 елді мекеннің су желілері жаңартылып, аудан халқы 100% таза ауыз сумен қамтылды.<img src="https://knadmin.beoblood.kz/uploads/Zha_a_k_pir_akimat_a58020001e.jpg" alt="Жаңа көпір акимат.jpg">Бүгінде тұрғындардың 52%-ы "көгілдір отын" тұтынуда. Тағы 8 елді мекенді газдандыруға 7,3 млрд теңге бөлініп, жұмыс биыл аяқталады.«Жайлы мектеп» ұлттық жобасы аясындағы 10 мектептің екеуі Жаңақорғанда салынды. Сонымен бірге 3 жаңа амбулатория және Төменарықта 15 орындық аурухана пайдалануға берілді. Жақында 972 млн теңгеге аудандық ауруханаға қосымша ғимарат салынып, қазан айында қолданысқа беріледі.&nbsp;

Жаңақорғанда теміржол арқылы өтетін аспалы көпір пайдалануға берілді

<a href="https://kyzylorda-news.kz/">Kyzylorda-news.kz</a> Мемлекет басшысының «Таза Қазақстан» жалпыұлттық бастамасы аясында партия қолға алған «Таза бейсенбі» экологиялық акциясы бүгін аманаттықтармен Шиелі ауданында ұйымдастырылды.&nbsp;Акция шеңберінде Шиелі ауданы, Бәйгеқұм ауылдық округіне қарасты, Ханқожа көлінің жағалауына тазалық жұмыстарын жүргізді.&nbsp;Тазалық акциясына аудандық партия филиалының консультанттары, бастауыш партия ұйымдарының мүшелері, Жастар рухының еріктілері мен белсенді жастар қатысты.<blockquote>"Тазалық - баршаға ортақ іс. Туған өлкеміздің тазалығы өзімізге тығыз байланысты. Осыған орай акция басталған уақытта бері ауданымызда ауқымды жұмыстар жасалып жатыр. Алайда апта сайын жүргізіліп жатқан жұмыстарға қарамастан, артынша қоқыстар пайда болып жатады. Біз осындай акциялар арқылы тазалық жұмыстарын жүргізіп қана қоймай, тұрғындарды экологиялық мәдениетті қалыптастыруға шақырамыз" - дейді партияның аудандық филиалының консультанты Нұрсұлтан Сапарбаев.&nbsp;</blockquote>Экологиялық мәдениетті қалыптастыруға бағытталған акцияға 30 - дан астам адам қатысып, нәтижесінде 15 қап көлемінде қоқыс шығарылды. Тазалық шарасы алдағы уақытта тұрақты ұйымдастырылатын болады.<img class="image_resized" style="width:100%;" src="https://knadmin.beoblood.kz/uploads/Taza_bejsenbi_2_847239937b.jpg" alt="Таза бейсенбі 2.jpg">

Шиелі ауданында "Таза бейсенбі" акциясы өтті

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мәжіліс өтті. Онда салық базасын ұлғайту, елді мекендерді көркейту-көгалдандыру жұмыстары және қосымша бірқатар мәселелер қаралды.<blockquote>«Елді мекендердің тазалығы мен абаттандырылуы – әрбір әкімнің тікелей жауапкершілігі. Сондықтан әрбір ауыл әкімі өзіне сеніп тапсырылған аумақтың санитарлық тазалығы мен абаттандырылуын үнемі бақылауда ұстауы тиіс. Бұл – науқандық шаруа емес, күнделікті, жүйелі түрде жүргізілуі керек», – деді А.Ибраимов.</blockquote>Көркейту-көгалдандыру бағытында аудандық тұрғын үй-коммуналдық шаруашылық, жолаушылар көлігі және автомобиль жолдары бөліміне ауылдық округтердегі атқарылған жұмыстар мен биыл отырғызылған ағаштар есебі және олардың шығымдылығы туралы баяндалды.Сонымен қатар, елді мекен аумақтарында абаттандыру қағидаларын бұзу, жасыл екпелерді бүлдіру, рұқсат етілмеген жерлерге қалдық тастау фактілері бойынша рейдтік жұмыстар ұйымдастыру тапсырылды.Мәжіліс барысында тіркелген кәсіпкерлік субъектілерінің санын арттыру, салық базасын ұлғайту және көктемгі мерзімді әскери қызметке шақыру бойынша берілген тапсырмалардың орындалу барысы да қаралды.Жиын қорытындысы бойынша аудан әкімі күн тәртібінде көтерілген мәселелерге орай тиісті сала басшыларына, кент және ауылдық округ әкімдеріне нақты тапсырмалар беріп, олардың орындалуын бақылауда ұстауды тапсырды.

Салық базасын ұлғайту және ауылдарды абаттандыру мәселесі қаралды

<a href="https://kyzylorda-news.kz/">Kyzylorda-news.kz</a> Қызылорда облысының денсаулық сақтау басқармасының ұйымдастыруымен кешенді медициналық көмек Шиелі аудандық көлігімен Қызылорда облысы бойынша ҚАЖД-нің №60 мекемесінде жазасын өтеп жатқан азаматтардың денсаулық жағдайы бойынша кешенді тексеріс жұмыстарын жүргізді.Сотталған азаматтарға алты ай сайын туберкулез ауруының алдын алу мақсатында флюорографиялық тексеру жұмыстары жүргізілуде. Көпбейінді облыстық ауруханасының нейрохирург, проктолог, офтальмолог, гематолог дәрігерлері жазасын өтеуші азаматтар арасында жеке қабылдау өткізді.№60 мекемесінің бастығы әділет подполковнигі Мақсұт Өтегенұлы жазасын өтеуші азаматтардың денсаулығы аса маңызды екенін және алдағы уақытта тағы да осындай тексеру жұмыстары болатынын атап өтті.Кешенді тексеру барысында мамандар 100-ге жуық сотталған азаматтарды қабылдап, 20-ға жуық жазасын өтеушілілерге тиісті медициналық ем ұсынды.Сонымен қатар жылжымалы кешеннің көмегімен ультрадыбыстық зерттеу жүргізіліп және флюорографиялық тексеруден өтті.“№3 қалалық емхана” ШЖҚ КМК-ны сотталған азаматтардың денсаулығын қадағалау мақсатында бірлесіп ұйымдастырылып жатқан іс-шаралар үшін №60 мекемесінің бастығы әділет подполковнигі Мақсұт Өтегенұлына және режим бөлімінің қызметкерлеріне алғыс айтты.

Қазақстан және Қызылорда облысының жаңалықтары