&nbsp;Облыс әкімі Нұрлыбек Нәлібаев Конституция күніне арналған салтанатты жиынға қатысып, жерлестерін мерекемен құттықтады.&nbsp; Сыр өңірі жұртшылығы &nbsp;тәуелсіздік пен тұтастықтың кепілі ретінде ел бірлігін бекемдеген, тұрақтылық пен татулықтың тұтқасы болған Ата Заң қабылданған күнді айрықша атап өтті.Мерекелік шарада Өнер орталығына жиналған 1000 адам Мемлекеттік Әнұранды орындады. Қасиетті Отанымыздың, туған жеріміздің, еңбекпен есейген ерлердің даңқын асқақтатқан Әнұранымыз көкке қалықтады.«Мемлекет басшысы Қасым-Жомарт Кемелұлы: «Бұл – еліміз үшін айрықша маңызды мереке. Ата Заңымыз – мемлекеттігіміздің тұғыры берік болуын қамтамасыз ететін ең басты құжат. Оның әрбір тармағы мүлтіксіз орындалса ғана әділдік пен заң үстемдігі орнығады», – деген болатын.Президентіміздің бастамасымен өткен референдумда халық ауқымды конституциялық реформаға бірауыздан қолдау көрсетті. Ата Заңға маңызды өзгерістер мен толықтырулар енгізілді. Бұл өзгерістер мемлекеттік басқару моделін жаңғыртуға бірден-бір негіз болды. Халқымыздың әл-ауқаты артып, ел экономикасы одан әрі дамыды. «Әділетті Қазақстан» дегеніміз – барлық адамға тең мүмкіндік беру, елдің саяси өміріне белсене араласатын мықты азаматтық қоғамы бар, тиімді әрі өркениетті мемлекет құру.Бүгінде егемен елімізде, сонымен қатар, өңірімізде барлық салада нәтижелі жұмыстар атқарылуда. Президентіміздің қолдауымен облыс, аудан орталықтары қарқынды құрылыс алаңына, өркенді өзгерістер ордасына айналды. Аймақта 187 нысанның &nbsp;құрылысы салынуда. Бұл бастамалар азаматтардың құқықтары мен бостандықтарын қамтамасыз етуге, сапалы білім, қолжетімді медициналық қызмет алуына, жайлы тұрмысқа қажетті игіліктерді пайдалануына бағытталған», – деді аймақ басшысы. &nbsp;Салтанатты іс-шарада өңірдің дамуына үлес қосқан бірқатар азаматқа марапат табысталды.Фото: Қызылорда облысы әкімінің баспасөз қызметі

Қызылордада Конституция күні аталып өтті 

<a href="https://kyzylorda-news.kz/">Kyzylorda-news.kz</a> Конституция – қоғамдық және мемлекеттік құрылыстың негіздерін, мемлекеттік органдар жүйесін, олардың құрылуы мен қызметінің тәртібін, азаматтардың құқықтары мен міндеттерін айқындайтын мемлекеттің негізгі Заңы.1995 жылы 30 тамызда жалпыхалықтық дауыс беру (референдум) нәтижесінде қабылданған ҚР-ның қазіргі қолданыстағы Конституциясы – әрбір қазақстандықтың өміріндегі айтулы әрі маңызды оқиға. Бұл күн мемлекеттік мереке – Қазақстан Республикасының Конституциясы күні.Негізгі Заң жиынтығы біздің өмірімізді, мемлекеттің ұмтылыстары мен мақсаттарын анықтайды, азаматтар мен билік арасындағы қатынастарды реттейді және барлық адамдар үшін ең басты Заң болып табылады. Ол азаматтардың өмір сүру құқығы, жеке бас бостандығы, меншік құқығы, жеке өмірге қол сұғылмаушылық, жеке және отбасылық құпия, ар-намысы мен қадір-қасиетін қорғау және басқалары сияқты негізгі құқықтарын көрсетті &nbsp;Осыған сәйкес, қоғамда әрбір азамат өз құқықтарын біліп, заңды құрметтеуге міндетті.Конституция Қазақстанды демократиялық, құқықтық мемлекет деп жариялады, оның ең қымбат қазынасы – адам және адамның өмірі, құқықтары мен бостандықтары. Бұзылған құқықтар мен бостандықтарды қорғау сотқа тиесілі, сондықтан сот жүйесінің негізгі міндеті адамның конституциялық құқықтарын барынша қамтамасыз ету болып табылады.Осыған сәйкес, Конституцияның қабылдануымен бірыңғай сот жүйесі құрылды, судьялардың тәуелсіздігін қамтамасыз ету жөнінде шешімдер қабылданды. «ҚР сот жүйесі мен судьяларының мәртебесі туралы» Конституциялық Заң қабылданып, оның негізгі міндеті Қазақстандағы сот реформасын жетілдіру болды. Сол себепті де, Қазақстан Республикасының Конституциясы сот билігін мемлекеттің аса маңызды функциясы – сот төрелігін жүзеге асыруға арналған мемлекеттік биліктің дербес тармақтарының бірі ретінде айқындады. Ал, сот төрелігін тек соттың жүзеге асыру принципі – заңдылықтың, азаматтар мен ұйымдардың құқықтары мен заңды мүдделерін қорғаудың басты кепілі. Яғни, Негізгі Заңда Республиканың барлық соттары мен судьялары үшін барлық сот істерін қарау кезінде ортақ және бірыңғай болып табылатын сот төрелігінің қағидаттары тікелей анықталған.Конституция – Қазақстан Республикасының сот жүйесі үшін ғана емес, оның барлық азаматтары үшін айрықша маңызға ие, себебі ол – елдің басты құжаты.Амангелді&nbsp; Қайырбек&nbsp;&nbsp;&nbsp;&nbsp;Қызылорда қалалық сотының жетекші маманыФото: sputnik.kz&nbsp;

Конституция – ел тірегі

&nbsp;<a href="https://kyzylorda-news.kz/">Kyzylorda-news.kz</a> &nbsp;Тәуелсіздіктің мызғымас мұрасы, бағалы құндылығы саналған Ата Заңымыз ел еңсесін тіктеуге, ел іргесін бекітуге айрықша ықпалын тигізді. Еліміздің Ата Заңында бірінші орында адам тұр. Бұл адам құқығының қорғалуына және шағымдануына мүмкіндік бермек. Әр қазақстандық өз құқығын білуге міндетті.Ата заң-құқықтарымыз бен бостандығымыздың кепілі. Еліміздің Ата Заңы жүздеген жылдар бойы қалыптасқан адамзат баласының жалпы құндылықтарын өз бойына сіңірді. Конституциямызда адамдардың табиғи құқықтары мен бостандықтары, &nbsp;билік институттарын демократиялық жолмен қалыптастыру және дамыту, Қазақстанда азаматтық қоғам құру туралыдүниежүзі таныған прогрессивті идеялар бекітілді. Ең жоғарғы заңдық күші бар Қазақстан Конституциясы Республикадағы қолданылатын және қалыптасып жатқан құқықтық жүйесінің нормативтік бастауы бола тұра, қоғамдық және мемелкеттік құрылыстың маңызды жақтарын реттейді. Ол-ел тәуелсіздігінің, мемлекеттігінің негізгі тірегі, саяси-құқықтық төлқұжаты. &nbsp;Қазақстан халқы қолдаған Конституция — еліміз өркендеуінің ерен тетігі бірлік пен еркіндік ұстыны. Мемлекетімізді демократиялық, зайырлы және құқықты ел ретінде айқындайтын басты құжат – Конституция. Ата Заң барлық құжаттардың қайнар көзі, бастауы болып табылады. Бүкіл халықтық референдумда кең байтақ Қазақстанның көп ұлтты халқы өзінің егемендік құқығын барша әлемге паш етіп, көптеген елдермен терезесі тең, іргетасы мықты демократиялық жолмен дамып келе жатқан мемлекет екендігін танытты. Сөйтіп, 1995 жылдың 30 тамызында Қазақстан Республикасының Ата заңы өмірге келді. Тоғыз бөлім мен тоқсан сегіз баптан тұратын Ата заңның алғашқы бабы: «Қазақстан Республикасы өзін демократиялық, зайырлы, құқықтық мемлекет ретінде орнықтырады, оның ең қымбат қазынасы – адам және адамның өмірі, құқықтары мен бостандықтары» – деп басталады. Бұл мемлекетімізде адам мен оның өмірі, құқықтары мен бостандықтарының өте жоғары дәрежедегі құндылық ретінде бағаланатындығының айқын дәлелі. Еліміздің Ата заңы халқымыздың дербес ел болуды армандаған, мүддесін заң тілінде айшықтаған, жер шарына, адамзат ғаламына «Қазақстан» деген мемлекет бар екенін паш еткен ерекше құжат.Ата заңымыздың өміршеңдігі, демократиялық табиғаты туралы қазақстандықтар да, шетел азаматтары да жиі жылы лебіздер айтып, болашағымызға зор сенім білдіріп келеді.Еліміздің Конституциясы –бұл заң қарпінде өрнектелген жалпыұлттық идея. Әрбір азаматы өзін тең сезініп, емін-еркін жайдары өмір сүретін, татулығы жарасқан қазақ елінің, Қазақстан халқының қарымды істері бүгінде әлем жұртшылығы үшін үлгі-өнегеге айналды. Мұні өзі біздің Ата Заңымызда бүкіл адамзаттық құндылықтар мен өркениеттік игіліктердің барлығы қамтылғанын дәлелдейді. Кез келген мемлекеттің, елдің тәуелсіздігін, демократиялық құндылықтарын айқындайтын негізгі құжаты- Конституция. Онда мемлекеттің барлық құрылымдарының, жеке азаматтардың ұлт пен ұлыстардың, әлеуметтік топтардың мақсаттары, міндеттері, құқықтары көрсетіледі. Ал конституция мызғымас мемлекетіміздің алтын қазығы, бірлігі мен ынтымағы жарасқан елдігіміздің бұлжымас бағдары, кемел келешегіміздің кепілі. Ата заң біздің бүкіл жарқын істеріміздің қайнар бастауына айналды. Конституциямызда айтылғандай еліміздің ең басты қазынасы-адам, оның өмірі мен бостандықтары болып табылады. Аталған заңнама осындай ұлан-ғайыр елімізде бірлігіміз жарасып, бір жжеңнен қол, бір жеңнен бас шығарып тату тәтті өмір сүруіміздің кепілдігі мен айқын нышаны болып табылады.Ата Заң – бейбіт­шілік пен ынтымаққа, еркіндік пен теңдікке апаратын даңғыл жол. Тоғыз бөлімнен тұратын Ата Заңда еліміздің азаматтарына толық жағдай жасалған. Екінші бөлімнің 10-бабында “Республиканың азама­тын ешқандай жағдайда азаматты­ғынан, өзінің азаматтығын өзгерту құқығынан айыруға, сондай-ақ оны Қазақстаннан тыс жерлерге алас­та­туға болмайтындығы” көрсетілген. Олардың өмір сүруіне, білім алуы­на, қызмет етуіне және зейнеткер­лікке шығып демалуына барлық мүмкіндіктер жасалған.Ата заңымыздың өзгешелігі Қазақстан Республикасының тәуелсіз дамуының мемлекеттік тұғырын, басқару тәсілін, билік тармақтарын бекітіп, «байырғы қазақ жерінде мемлекет құрылғанын» жария етті. Конституция бізге, адамдық қадір-қасиетімізге қол сұғылмауына, тіліміз бен дініміздің дамуына, ар-ождан бостандығын қорғауға, адал еңбегімізбен тапқан мүлкіміз бен меншігімізді сақтауға кепілдік береді. Сондықтан құқықтық мемлекет, заңның жоғарғы мәртебелілігі, Конституцияның мызғымас беріктігі, ұлттық идеологияның негізі және түп қазығы екенін мойындауымыз керек. Татулық пен бейбітшіліктің мекені болып табылатын кең байтақ елімізде жүздеген ұлттар тұрады. Бүгінде олар достық туын жоғары көтере біліп, Қазақстан мемлекетінің экономикасын өркендетуге орасан еңбек сіңіріп келеді.&nbsp; &nbsp; Мемлекет басшысы Қ.К.Тоқаев: «Халқымыздың заң үстемдігіне, адамдардың негізігі құқықтары мен бостандықтарын қамтамасыз етуге ұмытылысы төл тарихымызда айқын көрініс тапқан. Озық әлемдік тәжірибені, тарихи және ұлттық дәстүрлерді арқау еткен Қазақстан Конституциясы халқымыздың бірлігі мен мемлекет заңнамасында бекітілген жеке тұлғаның құқығын жүзеге асыру мен қорғаудың тиімді механизмін құруды болжайды. Адам құқығы, оны сақтау мен кепілдік беру бүгінгі таңдағы маңызды мəселелердің бірі.&nbsp;Адам құқықтарын сақтаудың шындық жағдайы – демократияның маңызды көрсеткіші, оның кемеліне келуі мен руханилығының белгісі.&nbsp; «Адам бостандығына» қарағанда «адам құқығы» терминінің аясында адам қызметінің нақты бағыты бекітіледі. Мемлекет заңда көрсетілген салада адамның іс-əрекеттерінің заңдылығын қамтамасыз етуге жəне қорғауға міндеттеме қабылдайды.&nbsp; &nbsp;Ата За­ңы­мыз егеменді ел тарихы үлесін­дегі аз уақытта үлкен сындардан сү­рінбей өтіп, өзінің құқықтық құн­дылығын жоғары дәрежеде дә­лелдей білді. Конституциялық заңнамаларға сәйкес барлық азаматтар тең құ­қы­лы. Егер олармен заң бұзушылық жіберілген жағдайда жауапкерші­лік­ке тартылып, жалпыға бірдей тәр­тіпте шартты жазасын алады. Қазақстан Республикасы Консти­ту­циясының 4-бабында Ата Заңның ең жоғары заң күші бар және рес­публиканың барлық аумақтарына тікелей қызмет етеді деп айқын жа­зылған. Басқа да шығарылып жат­қан нормативтік-құқықтық актілер, халықаралық келісім-шарттар елі­міздің ең басты құжатына қайшы келмеуі тиіс. Ал 74-баптың 1-тар­ма­ғында Қазақстан Конститу­ция­сына сәйкес емес деп танылған заң­дар мен халықаралық келісім-шарт­тарға қол қойылмайды делін­ген. Демек, Ата Заңымызда адам құ­қығы және бостандығының жо­ғары құндылығы құқықтық мем­лекеттің негізгі қағидасы ретінде реттеледі. &nbsp; &nbsp;&nbsp; &nbsp;Адам құқықтары мен бостандықтары тек қана бір мемлекеттің ісі емес, бүкіл халықаралық бірлестіктің субъектісі болып табылады. Адам құқығы саласындағы жалпы танылған халықаралық нормалар қазір ұлттық заңдарды қалыптастырудың негізі болып табылады. Сондықтан да мемлекет ішіндегі адам құқығын қорғау механизмі, халықаралық құқық нысандарымен қамтамасыз етілуімен тығыз байланысты. Адам құқығын қорғау жөнінде нормалар қабылдаған халықаралық ұйымдар, адам құқығының бұзылмауына жол бермеуге нақты механизмдер қарастырды.Конституцияның қабылдануымен мемлекет пен азаматтық қоғам институттары қалыптасып, адамның құқығы мен бостандығының кепілдік берілді, елдің экономикалық, әлеуметтік және мәдени әлеуеті қарқынды дамыды. Шекарасы шегеленіп, алдағы күнге батыл жоспар құрған мемлекетте сот жүйесін жандандыру мәселесі де ұмыт қалған жоқ. &nbsp;Үшінші биліктің матереиалдық жақтан мінсіз болуы, судьялардың талапқа сай қызметі уақыт өз шешімін тапты.&nbsp; Кез келген мемлекеттің, елдің тәуелсіздігін, демократиялық құндылықтарын айқындайтын негізгі құжат – Конституция. Онда мемлекеттің барлық құрылымдарының, жеке азаматтардың, ұлт пен ұлыстардың, әлеуметтік топтардың мақсаттары, міндеттері, құқықтары көрсетіледі.&nbsp; Ата Заңымызды бұлжытпай орындаудың нәтижесінде Отанымыздың бірлігі нығайып, елдегі тұрақтылық пен татулық орнықты.&nbsp;Сот үш биліктің біреуі. Конституцияның 7-бөлігі соттар және сот төрелігіне қатысты, онда Қазақстан Республикасында сот төрелігін тек сот қана жүзеге асырады және Сот билігі Қазақстан Республикасының атынан жүзеге асырылады және өзіне азаматтар мен ұйымдардың құқықтарын, бостандықтары мен заңды мүдделерін қорғауды, Республиканың Конституциясының, заңдарының, өзге де нормативтік құқықтық актілерінің, халықаралық шарттарының орындалуын қамтамасыз етуді мақсат етіп қояды делінген.&nbsp; Біздің Конституциямыз мемлекеттік биліктің біртұтастығын бекіте отырып, оны шашыраңқы күйден, біртұтас, жұмылған жұдырықтай жүйеге айналдырды. Мемлекеттік билік органдарының халық алдындағы жауапкершілігін күшейтті. Ең бастысы, Ата Заңымыз Қазақстан мемлекеттігінің нығаюына, еліміздің дамуына, халқымыздың өсіп-өркендеуіне негіз қалап берді. Конституцияның тарихы тереңде. Дала заңынан бастау алған бұл құжат мемлекеттегі ең қымбат қазынасы адам және оның құқығы мен бостандығы деуімен де жанымызға жақын. Ата заңда адам өмірі мемлекеттің негізгі байлығы саналған соң елдегі заңнамалардың да ең алдымен азаматтардың мүддесіне бағытталып, халықтың игілігі үшін жасалатыны түсінікті.&nbsp;Мемлекетіміздегі әр адам Ата Заңның шеңберінде өмір сүргенде ғана біз өзімізге тән ұлттық құқық­тық жүйемізді жетілдіретін бола­мыз. Сондықтан ең басты міндет заңды және жеке тұлғалардың, қоғамдық құрылымдар мен азамат­тардың Ата Заңға деген құрметін барынша дәріптеу болып табылады&nbsp; Ата Заңымыз анық­тап берген демократиялық, зайырлы, құқықтық және әлеумет­тік мемлекетімізде татулық пен бірлік, бейбітшілік пен тұрақтылық, құт-береке болсын, көк байрағы­мыз ашық аспан астында желбірей берсін.Т.ТілепҚызылорда қаласының мамандандырылған тергеу сотының судьясыФото: inbusiness.kz

Ата Заң – алтын тұғырымыз!

Қазақстандық кәсіпқой боксшы Жанқош Тұраровтан зорлық көрдім деген Әнару Құрманәлінің адвокаты <a href="https://www.facebook.com/share/p/Y67G9GBBUYx4639L/?mibextid=oFDknk">Ләззат Ахатова</a> мәлімдеме жасады, - деп хабарлайды <a href="https://massaget.kz/">Massaget.kz</a>.<blockquote>"Жылдың басында адвокаттық қызметімді уақытша тоқтатып едім. Екі күн бұрын қайта жаңғыртып, адвокаттық өкілеттігімді жалғастыруға тура келді. Жанқош Тұраровқа қатысты іс бойынша жәбірленуші Әнару Қалдыбекқызының ресми қорғаушысымын. Қазір Алматыдамын. Іс бойынша шиеленіскен жайттар өте көп", - деді ол.</blockquote>Адвокаттың сөзінше, Әнаруға бұндай қадамға бару оңайға соқпаған. Қыз қатты күйзелісте жүргендіктен, сұқбатта ойын жинақтай алмай, көп нәрсені айта алмаған.<blockquote>"Өзіне бүкіл әлем түсінбей, қарсы болатындай, тіпті суицид жасардың алдында айтып кетем деген ой болған сияқты. Дегенмен мықты екен. Буллингке қарсы тұрудың өзі мықтылық қой. Қазір Сіздердің қолдауларыңызды сезініп, өзіне келе бастады. Көңіл-күйі де жақсарып, ашыла бастады. Ал 2018 жылдан бері неге арыз бермеген деп, пәлен-түген, отбасылы еркекпен байланысарда ойланбай ма, бірдеңе деп жатқандар төмендегі мәліметтерге назараударуларыңызды сұраймын: Әнару Жанқош Тұраровтың үстінен 2018 жылы Алмалы аудандық полиция бөліміне арыз берген екен. Бір күн қамауда ұстап, арызын қабылдамай, жіберген. Ол жолы оперлар ұрып-соқпаған, (!) қамап, босатып жіберген. Куә болған құрбысы бар. Қажет болса, тергеуге де, сотқа да барып, куәлік ете алам деп отыр. Бұл - бір. Екінші рет, 2023 жылы жәбірленуші Тұраровқа қарым-қатынасты тоқтататынын айтып, енді жайына қалдырмаса, үстінен арыз жазатынын айтқан. Артынша көшеде Әнаруды полицейлер ұстап, көлікке салып, Жетісу аудандық полиция бөлімшесіне алып келіп, бірнеше сағат ұрып-соғып, электрошокермен күйдіріп, қинаған. Себеп-салдарын айтпаған. Не болғанын да түсінбеген Әнару Қалдыбекқызы ұрып-соққан полиция қызметкерінің үстінен арыз түсірген. Іс сол күйі жабылып кеткен. (!) Қайта арызданамыз. Қаңтарда үтікпен күйдірген, қайнаған су құйып азаптаған жасаған полицияға қыз балаға бұндай жауыздық жасау түк тұрмаса керек. Үйреншікті әдістері ғой. Екі оқиғаның бір-біріне қатысы бар ма, әлде кездейсоқтық па, нақты дәлеліміз жоқ..Бірақ ішкі түйсікке бұл оқиғалардың бәрінің бір-біріне байланысы бардай сезіледі..(төменде Әнарудың арызы мен көгала қойдай денесінің фотоларын салдым)", - деп жазды Ләззат Ахатова.</blockquote><img src="https://knadmin.beoblood.kz/uploads/FB_IMG_1724957188920_c648f187e1.jpg" alt="FB_IMG_1724957188920.jpg"><img src="https://knadmin.beoblood.kz/uploads/FB_IMG_1724957190763_1aaaecb96b.jpg" alt="FB_IMG_1724957190763.jpg"><img src="https://knadmin.beoblood.kz/uploads/FB_IMG_1724957193374_1e60f5065a.jpg" alt="FB_IMG_1724957193374.jpg"><img src="https://knadmin.beoblood.kz/uploads/FB_IMG_1724957195498_73e4dff0b9.jpg" alt="FB_IMG_1724957195498.jpg"><img src="https://knadmin.beoblood.kz/uploads/FB_IMG_1724957197950_71b2a35bec.jpg" alt="FB_IMG_1724957197950.jpg"><img src="https://knadmin.beoblood.kz/uploads/FB_IMG_1724957199966_fb35cbde4a.jpg" alt="FB_IMG_1724957199966.jpg">

Әнару Құрманәлінің адвокаты жантүршігерлік кадрлар жариялады

2024 жылғы 28 тамызда «АДАЛ АЗАМАТ – БЕЛСЕНДІ ҚОҒАМ» азаматтық қоғамды дамыту ұлттық орталығының қызметін ұйымдастыру» жобасын іске асыру шеңберінде Қазақстан Республикасының Конституция күніне орай, Қызылорда облысының үкіметтік емес ұйымдарының альянсы Қазақстанның Азаматтық Альянсы, Қызылорда облысының Әділет департаменті және Қызылорда облысының Қоғамдық Даму басқармасының қолдауымен үкіметтік емес ұйымдар өкілдері, Қызылорда қаласының тұрғындары үшін «Ашық Есік Күні» өтті. Азаматтарға тегін заң көмегін көрсетуге арналған қызметтер аясында адвокаттар, заң консультанттары, мемлекеттік және жеке сот орындаушылар мен нотариустар, Әділет департаменті қызметкерлері Қызылорда облысының ҮЕҰ альянсының кеңсесінде жеке қабылдаулар ұйымдастырды. Жыл аяғына дейін тегін кеңес беру бойынша қабылдаулар Азаматтық Альянстың базасында орналасқан "Азаматтық қоғамды дамыту" орталығында әр жұма күні сағат 11-00 ден 13-00 ге дейін ұйымдастырылатын болады. Қазақстан Республикасының Конситуциясында бекітілген әр азаматтың білікті заң көмегін алу құқығын іске асыруды қамтамасыз етуге бағытталған жоба барлық аймақтарда азаматтық қоғам институттарының белсенді қатысуымен жүргізіледі. Жобаның мақсаты - ҮЕҰ секторы мен Азаматтық бастамаларды қолдай және дамыта отырып, жүргізіліп жатқан реформалар төңірегінде қоғамды жұмылдыру және шоғырландыру үшін институционалдық алаң құру. Аймақтарда ашылған Азаматтық қоғамды дамыту Орталықтары ҮЕҰ мен мемлекеттік органдар арасында өзара тиімді әріптестік құруға ықпал етіп, үшінші сектордың әлеуетін дамыту мен нығайтуға бағытталған. Орталықтар өз қызметі шеңберінде Әділетті Қазақстанды құруға және әрбір азаматтар мен жастардың қоғамдық процесcтерге белсенді қатысуына ықпал етеді.&nbsp;

Конституция күніне орай "Ашық есік күні" өтті 

&nbsp;<a href="https://kyzylorda-news.kz/">Kyzylorda-news.kz</a> &nbsp;Партияның қалалық филиалының жанындағы Партиялық бақылау комиссиясы «Ардагерлерді ардақтайық» жобасы аясында «№ 1 Қызылорда арнаулы әлеуметтік қызметтер көрсету орталығының» жұмысымен танысты.Аталған орталық денсаулығының &nbsp;жай-күйі бойынша азаматтардың тұрақты күтіміне және медициналық көмекке мұқтаж &nbsp;зейнеткерлер мен &nbsp;I, II топ&nbsp;мүгедектігі бар адамдардың&nbsp;тұрақты тұруына арналған коммуналдық мемлекеттік мекеме. &nbsp; &nbsp;&nbsp;Стационарлық жағдайда кәзіргі уақытта &nbsp;165 қызмет алушы бар. Оның &nbsp;5-і тыл ардагерлері. Ең қарт қызмет алушы 90 жаста.Орталықтың және №3 қалалық емхана дәрігерлерімен бірлесіп қызмет алушылар толық медициналық профилактикалық тексеруден &nbsp;өткізілді. Жыл басынан бері 52 қызмет алушы стационарлық ем қабылдады. Сонымен қатар дәрігердің нұсқауы бойынша орталық қызмет алушылары күнделікті физиоемдеу, массаж, парафин, тұзбен емдеу шахтасында емдік процедуралар қабылдауда.Бақылау барысында комиссия төрағасы Мейрамбек Есжанов зейнеткерлерге көрсетілетін қызмет түрлерінің сапалы болуын қамтамасыз етіп, жайлы жағдай жасау жұмыстарын жалғастыру қажеттілігін жеткізді.

Партиялық бақылау жүргізілді

<a href="https://kyzylorda-news.kz/">Kyzylorda-news.kz</a> Алматы қаласының қылмыстық істер жөніндегі сотында Гүлмира Сатыбалды мен оның жүргізушісі Мәди Батыршаевқа үкім шығарды, деп хабарлайды <a href="http://ulysmedia.kz./">Ulysmedia.kz.</a>ҮкімСот Гүлмира Сатыбалдыны заңсыз бас бостандығынан айыру, аса ірі мөлшерде бопсалағаны, өзінше билік еткені үшін кінәлі деп тапты. Ол 12 жылға сотталды.Кәсіпкерді заңсыз бас бостандығынан айырғаны үшін жүргізуші 9 жылға сотталды.Еске сала кетейік, 26 тамызда Гүлмира Сатыбалдының ісі бойынша сот жарыссөзі жалғасуы тиіс еді, алайда ол “аллергиям қозды” деп&nbsp;ауырып қалды, сондықтан отырысты кейінге қалдыруды сұрады. Оның адвокаты сотталушының бүйрегі ауыратынын айтқан еді.Гүлмира Сатыбалды деген кім52 жастағы Гүлмира Сатыбалды – Қазақстанның экс-президенті Нұрсұлтан Назарбаевтың немере інісі Қайрат Сатыбалдының бұрынғы әйелі. 2005 жылға дейін Қайрат Сатыбалдымен некеде тұрған. Мамандығы – мұғалім. Екеуінің ортақ үш баласы бар (ұлы Бауыржан және екі қызы: Аружан мен Дария).Қазақстанның сыбайлас жемқорлыққа қарсы қызметі Қайрат Сатыбалдыны қамауға алғаннан кейін арада бірнеше күн өткенде Гүлмира Сатыбалды бизнесті рейдерлік басып алды деген күдікпен ұсталды. Прокурордың айтуынша, тергеу барысында ол Қазақстаннан қашуға тырысқан.Кейінірек ведомство іс рейдерліктен басқа, Шымкент Жолаушылар көлігі және автомобиль жолдары басқармасының нақты орындалмаған құрылыс-монтаж жұмыстары үшін төленген 741 млн бюджет қаражатын ұрлау бойынша өтіп жатқанын айтты. Гүлмира Сатыбалды бұл іс бойынша мемлекетке келтірілген залалды өтеген.

Гүлмира Сатыбалдыға үкім шықты

Фото: m24.ru<a href="https://kyzylorda-news.kz/">Kyzylorda-news.kz</a> Telegram негізін қалаушы Павел Дуровтың өзін үш баласының анасымын деп атаған Ирина Болгар кәсіпкердің ата-аналық құқығынан айырылғанын мәлімдеді. Бұл туралы Stan.kz ақпарат агенттігі хабарлайды.Әйел бұл жөнінде өзінің Instagram парақшасында (Ресейде тыйым салынған әлеуметтік желі. Экстремистік ұйым деп танылған және Ресей Федерациясында тыйым салынған Meta компаниясына тиесілі) жария етті.<blockquote>"Балалар мен ересектерді қорғау трибуналы Женеваның қорғаншылық органдары жүргізген тергеуді бастады. Осылайша Дуровты үш балаға қатысты ата-аналық құқығынан айыру туралы шешім қабылдады", – деді Дуровтың құрбысы.</blockquote>Болгардың айтуынша, 2022 жылдың соңында кәсіпкер оған балаларымен бірге БАӘ-ге көшуге мәжбүрлеу үшін шарт қойған. Ол Дуровтың оның банк карталарына қол жеткізуіне тыйым салғанын, сонымен қатар медицина, білім және жол жүру шығындарын төлеуді тоқтатқанын түсіндірді.<blockquote>"Мен өз құқықтарым мен балаларымның құқықтарын заң саласында қорғайтынымды айтқан кезде, ол біздің еуропалық иммиграциялық құжаттарымызды жаңарту және жаңа құжаттарды беру туралы келісімге қол қоюдан бас тартты. Әрине, бізге Еуропада қалуға мүмкіндік бермеу үшін істеді", – деп жазды Болгар.</blockquote>Айта кетейік, осы шілдеде Болгар Telegram негізін қалаушының үш баласының анасы екенін мәлімдеді. Қазір Швейцарияда тұратын әйелдің айтуынша, балалары одан бұл ақпаратты жария етуді сұраған. Ол сондай-ақ журналистерге Дуровтың әке болуды мойындағанын дәлелдеді. Көп ұзамай кәсіпкер өзінің шәует доноры және 100-ден астам баланың биологиялық әкесі екенін жария етті.Павел Дуров үш баласының анасы Ирина Болгар Швейцария сотына шағымданғаннан кейін ата-ана құқығынан айырылды. Бұған дейін Болгардың Дуровқа қарсы Швейцария сотына шағым түсіргені белгілі болған. Ол 2021 жылдан 2022 жылға дейін кіші ұлына бірнеше рет физикалық зорлық көрсеткенін айтты.

"Зорлық көрсеткені үшін": Дуров ата-ана құқығынан айырылды

<a href="https://kyzylorda-news.kz/">Kyzylorda-news.kz</a> &nbsp;Пайдаланылмаған ақшаны қайтаруға бола ма, неге МӘМС жүйесі жинақтаушы емес, жеке клиникада МӘМС есебінен қалай емделуге болады? Халықтың осы және басқа да жиі кездесетін сұрақтарына Әлеуметтік медициналық сақтандыру қорының Қызылорда облысы бойынша филиалының директоры Жақсылық Абдусаметов жауап берді.1. Мен «жұмыс істемейтін жүкті әйелдер» жеңілдік санатына кіремін, бірақ тіркелген жеке кәсібім бар. Жеңілдік санатына кіретіндер жарна төлеуден босатылады деп естідім. Жеке кәсібім үшін жүргізілген төлемдерді қайтарып ала аламын ба?«Міндетті әлеуметтік медициналық сақтандыру туралы» Заңға сәйкес, жұмыс істемейтін тұлғалар үшін МӘМС жарналарын мемлекет төлейді. Егер жүкті әйел еш жерде жұмыс істемесе, жеңілдік санатына кіретін еді. Алайда, ЖК ретінде тіркелгендіктен (оның қызметі ресми тоқтатылмаған болса), барлық тиісті төлемдерді (зейнетақы, әлеуметтік, кіріс салығы) жүргізіп отырғандықтан, жұмыс істейтіндер қатарына кіреді. Яғни жеңілдік санатынан шығып қалады. Сақтандырылған мәртебесін сақтау үшін жеке кәсібі үшін МӘМС жарналарын төлеу қажет. Сондықтан, жеке кәсібі үшін жүргізілген төлемдерді қайтарып ала алмайды.2. Егер МӘМС есебінен медициналық қызметтерді алмасам, пайдаланбаған ақшаны қайтарып ала аламын ба?МӘМС-ке енгізген төлемдерді қайтаруға немесе оларды басқа адамға беруге болмайды, себебі жүйе қаражатты дербес бөлуді қарастырмайды. Барлық жарналар мен аударымдар Ұлттық банктегі шотта жинақталады және ол жерден барлық сақтандырылған тұтынушылардың медициналық қызметтерін төлеуге бағытталады.3. Мен жұмыс істемейтін болсам мәртебені қалай аламын?Сізде екі таңдау бар. Біріншісі – дербес төлеуші ретінде жарна төлеуіңізге болады. Екіншісі – жұмыспен қамту орталығына хабарласып, жұмыссыз ретінде тіркеле аласыз. Бұл жағдайда сіз жеңілдік санатына кіресіз және сіз үшін жарналарды мемлекет төлейді.4. Жеке клиникада МӘМС бойынша тексерілуден өтуге бола ма?Медициналық көрсеткіштер болған жағдайда Қормен шартқа отырған жеке клиникаларда консультациялық-диагностикалық қызметтерді алуға болады. Ол үшін өз емханаңыздан жолдама қажет. Медициналық қызмет көрсетушілердің тізімімен Қор сайтына кіріп, «МӘМС-гид», ары қарай «Пациенттер үшін», содан кейін «Клиниканы таңдау» батырмасын басу арқылы танысуға болады (https://fms.kz/osms-guide/patient/vybrat-kliniku/).5. МӘМС үшін қате төленген жарналарды қалай қайтаруға болады?Қате рәсімделген (мысалы, басқа кезең көрсетілген) төлемдерді қайтару үшін «Азаматтарға арналған үкімет» Мемлекеттік корпорация» КЕАҚ-та белгіленген нысан бойынша өтініш жазу қажет және төлемді растайтын құжаттарды қоса ұсыну қажет (нысан fms.kz сайтында «ОСМС-гид» бөлімінде жарияланған). Өтінішті https://eotinish.kz/ электронды платформасы арқылы беруге болады. 6. Мен студентпін, МӘМС-ке төлем жасауым қажет пе?Күндізгі оқу бөлімінің студенттері МӘМС-ке жарна төлемейді, себебі жеңілдік санатына кіреді. Сондай-ақ жұмыс берушілер күндізгі оқу бөлімінде оқитын студенттер үшін МӘМС-ке аударымдар жасаудан босатылған.7. Мұғалімнің шаруа қожалығы болса, МӘМС-ке төлемді қалай жүргізеді?Салық заңнамасына сәйкес шаруа қожалығы қандай да бір басқа нысанда рәсімделмеген болса, ол ЖК ретінде қарастырылады. Егер ЖК қызметін тоқтатпаған болса, ол өзі үшін 1,4 ЕТЖ-ның 5 % төлейді.Осы ретте негізгі жұмысында да жарналар төлеп, мұғалім қызметкері үшін аударымдар жасауы керек. Яғни барлық кіріс көздерінен төлем жүргізіледі.8. Мен мерзімдік қызметімді өтеп жатқан сарбазбын, жарна төлемеймін, бірақ сақтандырылғанмын. Менің сақтандырылған мәртебем қанша уақытқа сақталады?Сіз мерзімдік қызметіңізді атқарып жатқан уақытта жарна төлеуден босатыласыз. Әскердегі қызметіңіз аяқталған соң сізге сақтандырылған мәртебесін сақтау үшін МӘМС-ке тұрақты түрде жарна төлеу қажет.Сақтандыру мәртебесін келесі жолдармен тексеруге болады:• Qoldau 24/7 мобильді қосымшасы • fms.kz ресми сайты • Telegram-дағы @SaqtandyrýBot • 1414 байланыс орталығы • Damumed мобильді қосымшасы • Halyk мобильді қосымшасы • BCC.KZ мобильді қосымшасы • Kaspi.kz мобильді қосымшасы • Еgov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік қызметі арқылы. &nbsp;

Сақтандыру қорындағы пайдаланылмаған ақшаны қайтаруға бола ма?

<a href="https://kyzylorda-news.kz/">Kyzylorda-news.kz</a> Париж олимпиадасының чемпионы Елдос Сметов бұл туралы <a href="https://qazaqstan.tv/news/198457/">Qazaqstan</a> телеарнасына берген сұхбатында айтты.Дзюдошы спорттық жолы жастарға мотивация береді деп сенеді.– Негізі кино түсіру ойда бар. Өйткені тарихи жеңіс. Басымнан өткен оқиғаларды көп адам біле бермейді. Айтатын дүнием көп. Кішкентай балам қалай олимпиада чемпионы болды? Осы басымнан өткен дүниелерді кино етіп шығару жоспарда бар. Оны көрген бала мотивация ала алатындай ауқымды кино болатын болса, мен оған қуанамын. Бұл әңгіме өзіміз бір жүрген жақын бауырларымның арасында қозғалған. 2020 жылы олимпиада ойындарында қола алған сәтімнен бастап айтылып келе жатқан дүние. Сондай ойлар болған. Сол кезде Париж олимпиадасына дайындалып, алтын алып келейін, мансабымды әдемі аяқтайын, сосын әдемі кино түсірерміз дегенмін, – дейді Сметов.Еске салайық, Елдос Сметов 2016 жылғы Рио-де-Жанейро олимпиадасында күміс, 2020 жылғы Токио олимпиадасында қола, 2024 жылғы Париж олимпиадасында алтын медаль алып, чемпион атанған болатын.<span style="background-color:rgb(255,255,255);color:rgb(102,102,102);font-family:-apple-system, BlinkMacSystemFont, &quot;Segoe UI&quot;, Roboto, &quot;Helvetica Neue&quot;, Arial, &quot;Noto Sans&quot;, sans-serif, &quot;Apple Color Emoji&quot;, &quot;Segoe UI Emoji&quot;, &quot;Segoe UI Symbol&quot;, &quot;Noto Color Emoji&quot;;">Фото: Olympic.kz

Елдос Сметов өзі жайлы фильм түсірмек

&nbsp;<a href="https://kyzylorda-news.kz/">Kyzylorda-news.kz</a> &nbsp;Конституция және Білім күні қарсаңында облыс әкімі Нұрлыбек Нәлібаев Жаңақорған ауданының "Байкенже" ауылындағы 150 орындық мектептің ашылу рәсіміне қатысты.Аймақ басшысы жұртшылыққа ізгі тілегін білдіріп, ауыл тұрғындарының игілігіне арналған жаңа ғимараттың пайдалануға берілуімен құттықтады.<blockquote>«Бүгін, қос мереке қарсаңында жаңа білім ошағының салтанатты ашылу рәсіміне жиналдық. Президентіміздің, Үкіметтің Сыр өңірін ерекше қолдауының арқасында соңғы жылдары білім саласында маңызды жобалар жүзеге асырылып, заманауи жаңа білім ошақтары көптеп бой көтеруде. Екі жыл бұрын облыс бюджеті 364 млрд. теңге болса, бүгінде 733 млрд. теңгеге жетті. Бұл қаражат ірі инфрақұрылымдық жобаларға, жол салуға, ауыз су, электр, газ желілерін жеткізуге, ескілерін жаңартуға, сөйтіп тұрғындардың өмір сүру сапасын жақсартуға бағытталды. Әлеуметтік жобалар да назардан тыс қалмай, мектептер, қосымша білім және тәрбие беру орталықтары, емдеу мекемелері, мәдениет нысандары салынуда. Биыл білім саласына бөлінген қаржы 262 млрд. 100 млн. теңгеге жетіп, облыс бюджетінің 35,8 пайызын құрады. Президент бастамасымен қолға алынған «Жайлы мектеп» ұлттық жобасы аясында салынатын 21 мектептің 10-ының құрылысы биыл аяқталады, тағы 11 мектеп келер жылы пайдалануға беріледі. Оның 2-еуі Жаңақорған ауданында бой көтереді. Бүгін пайдалануға берілетін мектеп құрылысы былтыр басталған. Бұл жұмыстарға облыстық бюджеттен 936 млн. теңге қаралды», – деді аймақ басшысы.</blockquote>Салтанатты іс-шарада қоғам қайраткері Сұлтанбек Тәуіпбаев ауыл тұрғындарын құттықтап, ардагерлер ұйымының төрағасы Балтабай Серкінбайұлы бата берді.Іс-шара соңында қонақтар жаңа ғимаратты аралап көрді.Рәсімінен кейін аймақ басшысы жиналған жұртшылықтың ұсыныс-пікірлеріне кезек беріп, мәселелерін тыңдады. Аймақтың, ауданның әлеуметтік-экономикалық көрсеткіштерінен мысал келтіріп, алдағы жоспарлар туралы айтты.<img src="https://knadmin.beoblood.kz/uploads/11_616d026818.jpg" alt="11.jpg"><img src="https://knadmin.beoblood.kz/uploads/12_9e17d9794c.jpg" alt="12.jpg"><img src="https://knadmin.beoblood.kz/uploads/13_3d72ee89e3.jpg" alt="13.jpg"><img src="https://knadmin.beoblood.kz/uploads/14_c0fde6ff93.jpg" alt="14.jpg"><img src="https://knadmin.beoblood.kz/uploads/15_282cb3def8.jpg" alt="15.jpg">Фото: Қызылорда облысы әкімінің баспасөз қызметі

Жаңақорған: "Байкенже" ауылында 150 орындық мектеп ашылды

&nbsp;<a href="https://kyzylorda-news.kz/">Kyzylorda-news.kz</a> &nbsp;Президент Тоқаев 2 қыркүйекте Қазақстан халқына Жолдау жасайды, - деп хабарлайды <a href="https://massaget.kz/">Massaget.kz</a> тілшісі.2 қыркүйек күні Мемлекет басшысы Қасым-Жомарт Тоқаев Парламент палаталарының бірлескен отырысында Қазақстан халқына Жолдауын жариялайды.▪️Жиынға Сенат пен Мәжіліс депутаттары, орталық мемлекеттік органдардың басшылары, Ұлттық құрылтай, Адам құқықтары жөніндегі комиссия, Әйелдер істері және отбасылық-демографиялық саясат жөніндегі ұлттық комиссия мүшелері, қоғам өкілдері және еңбек ұжымдары қатысады.▪️Президент Жолдауында еліміздің саяси және әлеуметтік-экономикалық даму перспективаларына қатысты мәселелер қамтылады.

Қазақстан және Қызылорда облысының жаңалықтары