&nbsp; Маңғыстау облысында әйелін сөзбен қорлап, күш көрсеткен ер адамға қатысты сот қаулысы шықты. Бұл туралы <a href="https://stan.kz/aktauda-ayelimen-zhanzhaldaskan-tyrgin-10-taulikke-kama-399528/">Stan.kz </a>ақпарат агенттігі хабарлайды.Түпқараған аудандық сотында әкімшілік құқықбұзушылық туралы кодекстің 73-2-бабы 1-1-бөлігі бойынша Е есімді азаматқа қатысты әкімшілік құқық бұзушылық (Физикалық ауырлық келтіре отырып ұрып-соғу немесе күш көрсету, бірақ денсаулығына жеңіл зиян келмеген) туралы іс қаралды."Сотта Саин Шапағатов ауылының тұрғыны әйелімен жанжал кезінде оны қорлап, бір қолымен мойнынан ұстап тұрғаны, яғни күш көрсеткені, бірақ денсаулығына жеңіл зиян келтірмегені анықталды", – деп атап өтті Маңғыстау облыстық сотының баспасөз қызметі.Сот ер адамды әкімшілік жауапқа тартып, 10 тәулікке қамауға алу жазасын тағайындады.Қаулы заңды күшіне енді.Айта кетейік, Шымкентте сот мас күйде 9 жастағы қызын зорламақ болған адамға үкім шығарды. Ол 15 жылға бас бостандығынан айырылды.&nbsp;Фото: Нұрболат Нұржаубай

Ақтауда әйелімен жанжалдасқан тұрғын 10 тәулікке қамауға алынды

<a href="https://kyzylorda-news.kz/">Kyzylorda-news.kz</a> Синоптиктер мамыр айында ауа райы қандай болатынын айтты, - деп хабарлайды Tengrinews.kz.Консультативтік болжамға сәйкес, мамырдың бірінші онкүндігінде еліміздің басым бөлігінде ауа райының тұрақсыз сипаты күтіледі, жиі жаңбыр жауады, кейде нөсер жаңбыр, кей күндері найзағай, қатты жел және бұршақ жауады. Онкүндіктің басында және ортасында республиканың солтүстігінде, орталығында,шығысында,оңтүстік-шығыс аудандарының таулы және тау бөктерінде түнде қарға ұласатын жаңбыр болуы мүмкін.Мамырдың бірінші онкүндігінде ауа температурасының ауытқуы күтіледі:<ul><li style="text-align:justify;">елдің солтүстік-батысында, солтүстігінде, орталығында, шығысында түнде -5+3°С-тан +2+10°С-қа дейін, күндіз +5+13°С-тан +20+28°С-қа дейін;</li><li style="text-align:justify;">елдің оңтүстік жартысында - түнде -3+5°С-тан +8+15°С-қа дейін, күндіз +13+23°С-тан +25+30°С-қа дейін.</li><li style="text-align:justify;">елдің батысында түнде +8+18°С-тан -3+7°С-қа дейін, күндіз +18+25°С-тан +8+15°С-қа дейін.</li></ul>Айдың екінші және үшінші онкүндігінде жылы ауа массаларының Иран аудандарынан қарқынды шығарылуымен ауа температурасының біртіндеп жоғарылауы болжанып отыр:<ul><li style="text-align:justify;">республиканың солтүстігінде, орталығында, шығысында түнде +10+18°С дейін, күндіз +25+35°С дейін;</li><li style="text-align:justify;">оңтүстік жартысында түнде +15+23°С дейін, күндіз +30+40°C ыстыққа дейін.</li></ul>Мамыр айының екінші және үшінші онкүндігінің кей күндерінде атмосфералық фронттардың өтуімен найзағайлы жаңбыр жауады, ыстықтың аздап төмендеуі - солтүстікте, орталық және шығыс аймақтарда күндіз +15+25°С дейін, оңтүстікте +20+28°С дейін күтіледі.Мамыр айында орташа айлық ауа температурасы республиканың басым бөлігінде нормадан 1-2° жоғары, еліміздің батыс аймақтарында норма шамасында болады деп күтіліп отыр.Мамыр айында жауын шашын мөлшері республиканың басым бөлігінде норма шамасында, елдің қиыр батысында нормадан көп, Қазақстанның оңтүстік, орталық өңірлерінде нормадан аз болады деп болжанған.Фото: freepik.com

Мамырда ауа райы қандай болады?

<a href="https://kyzylorda-news.kz/">Kyzylorda-news.kz</a>&nbsp; &nbsp;Облыс әкімі Нұрлыбек Нәлібаев Қызылорда қаласының сол жағалауына салынатын жаңа стадионның іргетасын қалау рәсіміне қатысып, қала тұрғындарын Қазақстан халқының бірлігі күнімен және құрылыстың басталуымен құттықтады.«Президентіміз Қасым-Жомарт Кемелұлы «Бәріміз – бір елдің азаматымыз. Тарих тоғыстырған тағдырымыз – бір, сеніммен қадам басатын келешегіміз – бір. Біз біртұтас ұлт ретінде әрдайым бабалар аманатына адал боламыз. Қасиетті қара шаңырағымыз – Қазақстанның жарқын болашағын бірге жасаймыз. Біздің мақсатымыз айқын, бұл – Әділетті Қазақстанды құру» деген болатын.<blockquote>&nbsp;– Аймағымыз үшін айтулы күн, көптен күткен қуанышты сәтте бас қосудамыз. Мереке күні өздеріңізбен бірге халықаралық талаптарға сай келетін, 10 мың орындық жаңа стадионның іргетасын қалаймыз. Өздеріңізге белгілі, Тәуелсіздік жылдары елімізде заманауи екі стадион, яғни «Астана арена» мен «Түркістан арена» ғана салынған. Қызылордадағы Ғани Мұратбаев атындағы орталық стадионның салынғанына 60 жылға жуықтады. Стадион УЕФА талаптарына сәйкес келмейді. Сондықтан, біздің сүйікті командамыз «Қайсардың» жанкүйерлерінің ұсынысымен жаңа стадион салуға шешім қабылдадық. Баршамызға құтты болғай!», – деді аймақ басшысы.</blockquote>Іс-шарада футболдан Қазақстан құрама командасының капитаны, бес дүркін ел чемпионы және Қазақстан кубогының жеңімпазы, екі дүркін Қазақстан кубогіның иегері Асхат Тағыберген жерлестерін құттықтады. Жаңа стадионның іргетасын қалау сәтінде мемлекет және қоғам қайраткері Бақберген Досманбетов бата берді.Айта кетейік, биыл Сыр өңірінде жағымды жаңалықтар мен жарқын жетістіктер жетерлік. Қызылорда қаласында құны 2 млрд 700 млн теңге болатын үстел теннисі орталығының құрылысы қарқынды жүруде. Сырдария өзенінің сол жағалауынан физика-математика мектеп-интернаты, Оқушылар сарайы және музыкалық колледждің жаңа ғимараты салынуда. Халықаралық стандарттарға сай келетін жабық бассейні бар көпсалалы дене шынықтыру-сауықтыру кешенінің құрылысы басталды.Өткен жылы аймағымызда 7 дене шынықтыру-сауықтыру кешені ел игілігіне табысталса, биыл аудандарда 4,7 млрд. теңгеге 12 спорт кешенін пайдалануға беру жоспарлануда.Жыл басынан бері Сыр спортшылары әлемдік ареналарда өнер көрсетіп, облыс қоржынына 6 медаль салса, республикалық чемпионаттар мен кубоктардан 140 жүлде иеленді. Басты жетістік, Қамшыбек Қоңқабаев бокстан, Айдос Сұлтанғали грек-рим күресінен Париж олимпиадасына, қос бірдей спортшы Эрик Қасқабаев пен Шыңғыс Медеуов отырып ойнау волейболынан паралимпиадаға жолдама алды. Дзюдо, парадзюдодан да үміткерлер бар.<img src="https://knadmin.beoblood.kz/uploads/440944321_737236508597596_2901203598629065501_n_dd378d98e0.jpg" alt="440944321_737236508597596_2901203598629065501_n.jpg"><img src="https://knadmin.beoblood.kz/uploads/440948210_737237275264186_7813783384799897766_n_e4d2cde1f3.jpg" alt="440948210_737237275264186_7813783384799897766_n.jpg"><img src="https://knadmin.beoblood.kz/uploads/440952963_737241868597060_4150887514001022998_n_e0e8665d13.jpg" alt="440952963_737241868597060_4150887514001022998_n.jpg"><img src="https://knadmin.beoblood.kz/uploads/440956663_737236621930918_9133784520523220031_n_523746783c.jpg" alt="440956663_737236621930918_9133784520523220031_n.jpg"><img src="https://knadmin.beoblood.kz/uploads/440957603_737242311930349_3360383334669264819_n_99b7d6bd31.jpg" alt="440957603_737242311930349_3360383334669264819_n.jpg"><img src="https://knadmin.beoblood.kz/uploads/440961007_737236588597588_5968583570125482891_n_baf3f87db3.jpg" alt="440961007_737236588597588_5968583570125482891_n.jpg"><img src="https://knadmin.beoblood.kz/uploads/440962478_737236668597580_7622082022966771627_n_e1ee6cbcc7.jpg" alt="440962478_737236668597580_7622082022966771627_n.jpg"><img src="https://knadmin.beoblood.kz/uploads/440972582_737236558597591_2298634666803369264_n_87e03ca518.jpg" alt="440972582_737236558597591_2298634666803369264_n.jpg"><img src="https://knadmin.beoblood.kz/uploads/440975387_737236618597585_9028334256019593553_n_007f5aa62d.jpg" alt="440975387_737236618597585_9028334256019593553_n.jpg">Фото:&nbsp;Қызылорда облысы әкімінің баспасөз қызметі

Қызылордада жаңа стадионның іргетасы қаланды

<a href="https://kyzylorda-news.kz/">Kyzylorda-news.kz</a> &nbsp;М.Мәметова атындағы Қызылорда педагогикалық жоғары колледжі ұйымдастыруымен республика көлемінде алғаш рет, білім беру мекемелерінде бұрын-соңды болмаған тың бастама көтеріп, ҚР ҰҚК шекара қызметі Қызылорда облыстық департаментінің «Наурыз» далалық оқу-жаттығу орталығында «Әскердегі бір күн» оқу-жаттығу далалық жиынын өткізді.&nbsp;Мақсаты – жастардың бойында Отанға деген сүйіспеншілікті арттыру, әскери-патриоттық рух қалыптастыру, азаматтарды Отан алдындағы борышын өтеуге шақыру. Адалдық, аға ұрпаққа құрмет, батылдық, моральдық-психологиялық қасиеттерді сіңіріп, салауатты өмір-салтына оң көзқарасты қалыптастыруды және жауынгерлік рухты көтеруді көздейді.Таңғы жаттығудан басталған әскери өмірдің бір күнін жүзге жуық студент жігіт басынан өткеріп, сарбаз сапын толықтырды. 29 сәуір күні басталған далалық жиын кешкі сағат 20-00 де колледж жас сарбаздарымен кездесу кешіне ұласты.&nbsp;Жас сарбаздармен жүздесу алаңына Қарулы күштер ардагерлері кеңесінің төрағасы - Рышауов Мыңділда Сағидуллаұлы, Облыстық Ерлік үйлестіру қоғамдық бірлестік төрағасы – Марат Орынбайұлы, Облыстық «Әкелер кеңесінің» төрағасы – Ержан Іскендірұлы, ҰҚК Шекара қызметінің ардагерлерінің «Застава тарландары» РҚБ-нің Қызылорда облысы бойынша филиалының төрағасы Худояров Асан Беркинбекович, ҚР ҰҚК шекара қызметінің Қызылорда облысы бойынша департаментінің тәрбие идеологиялық және кадрлық жұмыстар бөлімінің аға офицері, майор Аманбаев Өмірбек Аманкелдіұлы, Қызылорда облысы, «Дін мәселелерін зерттеу орталығы» КММ қызметкері - Оспанов Бақтияр Есенгелдіұлы арнайы шақырылып, құрметті қонақ ретінде қатысты.&nbsp;Әскери шара ашық аспан астындағы алау жанында ұйымдастырылып, шара қонақтары ұлтқа қызмет етудің тек білім алумен шектелмейтіні, ер-жігітке жігерлі мінездің маңыздылығын түсіндіре отырып, Отанға қызмет білекпен ғана емес, ең алдымен жүрекпен орындалуы керек екенін түсіндірді. Сондай-ақ, ер-азамат болмысындағы құндылықтар, әскери уақыттың әр жігіт үшін Отан алдындағы борыш ретіндегі маңызы, сарбаз өмірінің қыр-сыры туралы кеңірек әңгіме өрбіді. Жастарға жалынды рух, патриоттық алапат сезім сыйлаған кездесу кешінде әскер күнделігінен әндер орындалып, ескірмеген естеліктер айтылды.&nbsp;Жиын соңында колледж директоры Тоғанова Жақсыгүл Қоханқызы студент жастарға ерекше күш берген, жауынгерлік рухын көтеріп, отансүйгіштік қасиетін арттыратын мағыналы ой бөліскен шара қонақтарына зор ризашылығын білдіріп, алғыс білдірді.&nbsp;Айта кетейік, айтулы шара 30 сәуір күні таңғы жаттығу, әскери оқу-жаттығу шараларына жалғасып, марапаттау рәсімімен қорытындыланды.&nbsp;Қорлан САРЫ

Алғаш рет облыста республикалық  «Әскердегі бір күн» жиыны өтті

<a href="https://kyzylorda-news.kz/">Kyzylorda-news.kz</a> Аудан әкімі Берік Сәрменбаевтың қатысуымен 1 мамыр – Қазақстан халқының бірлігі күні мерекесіне орай кездесу өтті. Кездесуде аудан басшысы татулық пен тұрақтылық ел егемендігінің темірқазығы екенін атап өтті.<blockquote>– Мемлекет басшысы Қасым-Жомарт Кемелұлы Тоқаев Қазақстан халқы Ассамблеясының «Бірлік. Жасампаздық. Өрлеу» атты ХХХІІІ сессиясында барша халқымыздың стратегиялық бағдарының түпкі мәнін осы үш ұғым дәл әрі нақты білдіретінін, бірлік пен ынтымақ басты құндылығымыз және мемлекеттік саясаттың бұлжымас бағдары болып қала беретінін атап өтті. Елімізде ұлттардың тұтастығы мен халықтар достығының арқасында бүгінде экономикамыз өркендеп, ілгері басып келетінін жеткізді. «Дамудың сыры – бірлікте, табыстың сыры – тірлікте» демекші, ауданда бүгінде этнос өкілдері тату-тәтті өмір сүріп, егемендікті баянды, Тәуелсіздікті тұғырлы ету жолында еңбек етуде. Бірлік пен ынтымақтың мекеніне айналған ауданымыз жыл өткен сайын көркейіп, кемелденуде, экономикасы өрге басып келеді. Барлық маңызды бағыттар бойынша жоғарғы көрсеткіштерге қол жеткізілуде. Осы жетістіктердің бәрінде аудан тұрғындарының татулық пен бірлікке бағытталған қажырлы еңбегі мен ақ ниеті бар. &nbsp;Халқымыз әркез қиналғанда бір-біріне қолдау көрсетіп келеді. Елімізде орын алған су тасқынында жерлестеріміз бір жағадан бас, бір жеңнен қол шығарып, қайырымдылық көмектер көрсетуде. Бір ел, бір халық болып жұмылып, қиындықтарды еңсеруге атсалысты. Осындай игі іске аудан халқы, қайырымды жандар, шаруашылық құрылымдарының төрағалары мен меценаттар, ерікті жастар қолдау білдіріп, су алған өңірлерге азық-түлік, киім-кешек және басқа да қажетті заттармен көмек көрсетілді. Сонымен қатар, ауданнан су тасқынының алдын алуға арнайы техникалар жіберіліп, бүгінгі таңда зардап шеккен аймақтарда жұмыстар атқаруда. Сондықтан жомарттық танытып, қайрымдылық көрсеткен жандарға шынайы алғысымды білдіремін. Қиын кезеңдерде бір-бірімізге жанашырлық танытайық. Біздің күшіміз – бірлікте! – деді Берік Әбдіғаппарұлы.</blockquote>Мұнан соң аудан басшысы Ел Президенті Қасым-Жомарт Кемелұлы Тоқаевтың тапсырмасымен, облыс әкімі Нұрлыбек Машбекұлы Нәлібаевтың қолдауымен Сыр өңірінде ауқымды жобалар жүзеге асырылып жатқанын жеткізді.Өткен жылы аймағымызға арнайы жұмыс сапарымен келген Мемлекет басшысы көптің көкейіндегі «Батыс Еуропа – Батыс Қытай» халықаралық дәлізінің Қызылорда қаласынан Ақтөбе қаласына дейінгі аумағын төрт жолақтыға айналдыруға қатысты шешім қабылдаған болатын. Тарихи шешімге түрткі болған жоба биыл басталады. Сонымен қатар, 424 шақырым «Қызылорда-Жезқазған» автомобиль жолын қайта жаңғырту жұмыстары жүргізілуде. Республикалық маңызы бар жолдың біздің облысымыз арқылы өтетін 216 шақырымын жөндеу жұмыстарының жалпы құны 108,5 млрд теңгені құрайды. Одан бөлек, Қызылорда қаласын ыстық сумен қамту жобасы Үкіметтен қолдау тапты.Биыл облыс бюджеті еселеніп, 650 млрд. теңгеден асты. Бюджеттің басым бөлігі әлеуметтік салаға бағытталған. Мемлекет басшысының бастамасымен қолға алынған «Жайлы мектеп» ұлттық жобасы аясында облыста 12 300 орындық 21 мектеп салынуда. Өткен жылы 10 мектептің құрылысы басталса, биыл 11-нің құрылысы жүргізіледі. Бүгінде «Білімді қолдау қоры» есебінен 7 млрд. 900 млн теңгеге 300 орындық жатақханасы бар 400 орындық физика-математика мектеп-интернатының құрылысы қарқынды жүргізілуде. Облыс орталығында «ҚазГерМұнай» компаниясының демеушілігімен 350 орындық заманауи үлгідегі Оқушылар сарайы бой көтеруде. «Саутс Ойл» компаниясының демеушілігімен Сырдария өзенінің сол жағалауынан музыкалық колледждің жаңа ғимаратының құрылысы басталды.Биыл «Сыр елі – жыр елі» атанған қасиетті өңірде «Руханият жылы» жарияланды. Атаулы жылдың басталуында Қызылорда қаласында 1000 орындық «Өнер орталығы» ашылды. Қызылордада 650 орындық музыкалық колледж ғимаратының құрылысы жүруде. Өңірдегі барлық мәдениет үйі жанында «Адал адам» орталықтары жұмыс жасауда. Балалар мен жасөспірімдерді шығармашылыққа баулып, өнерін өрістететін «Шығармашылық академиясы» салынуда. Жалпы құны 11 млрд. 500 млн. теңгені құрайтын тәулік бойына жұмыс істейтін кітапханасы бар «Руханият» орталықтары барлық аудан орталықтарында салынуда.«Ауылдық денсаулық сақтауды жаңғырту» ұлттық жобасы аясында құны 11 млрд. теңгені құрайтын 27 нысан салынуда. Өткен жылы елді мекендерде 15 жаңа дәрігерлік амбулатория, 1 медициналық бекет ел игілігіне табысталды. Биыл қалған 11 нысан және 1 ауылдық аурухана салынады. Қызылорда қаласында 36 млрд 400 млн теңгеге бір ауысымда 100 келушіге арналған емхана және онкологиялық бөлімшесі бар 300 орындық көпбейінді аурухананың құрылысы басталды. Құны 2 млрд. 900 млн. теңгені құрайтын Қан орталығы пайдалануға беріледі.«Болат Өтемұратов» қорының қолдауымен 17 млрд. теңгеге жуық қаржыға «Қорқыт Ата» әуежайының жаңа терминалы халықаралық талаптарға сай етіп салынды. Ғимарат жақын арада пайдалануға берілмек. Облыс орталығындағы жаңа автовокзал халықтың талап-тілегі мен сұранысына сай бюджет қаржысы есебінен 975 млн. теңгеге салынды. Жаңа стадионның да құрылысы жүргізілуде.Кездесуде аудандық мәслихат төрағасы Е.Әжікенов, аудандық ардагерлер кеңесінің төрағасы М.Келдібаев, Сырдария ауданы әйелдер кеңесінің төрайымы Ұ.Жанәлиева және Ассамблея мүшесі З.Князева мерекелік лебіздерін білдіріп, елдің ауызбірлігімен жасампаз жұмыстарды жалғастыра беруге шақырды.Іс-шарада су тасқынынан зардап шеккендерге қайырымдылық көмек көрсетуге атсалысқан бірқатар сырдариялық аудан әкімінің «Алғыс хатымен» марапатталды.

Татулық пен тұрақтылық – ел тұтастығының темірқазығы

<a href="https://kyzylorda-news.kz/">Kyzylorda-news.kz</a> Қармақшы ауданы Ақжар ауылындағы С.Бөртебайұлы атындағы клуб үйінде аналар кеңесінің жоспарына сай, «Еңбектегі ерлігі үшін» төсбелгісінің иегері, еңбек ардагері Шынар Кәдірқызын еске алуға арналған «Қалдырған ізің мәңгілік» атты жыршы-термешілердің фестивалі өткізілді. Аймақтық фестивальді ауыл әкімі Нұржамал Бектайқызы ашып, кеш қонақтарына кезек берді.Шынар Кәдірқызымен бірге еңбек еткен ардагер-ұстаз Рая Қайырқызы, сол кездегі жас маман №28 орта мектептің үлгілі ұстазы, «Ақ әжелер» ансамблінің белсенді мүшесі Сара Өсерқызы, шәкірттері Сәрсенкүл Оспанова, Зағира Таубаева, Қайрат Жарылқасынов, Сағат Шоқбаров, Света Бедебаева, Әлиша Балмахановалар ұстаздарының бойындағы асыл қасиеттерін, өнегесін сағына сөз етсе, туған-туыстары, балаларының атынан Шара, Аман аналарының өмірде орны бөлек, жүрегі мейірімге толы болғанын жеткізе білді. Кеште жыршы-термешілер Руслан Өтегенов, Әлішер Мырзағалиев, Алмат Азаматов, Ақсұңқар Бүркітбай, Балтабай Бедебаев «Текті сөздің төресі – терме» дегендей, нұсқалы сөздің тізбегіндей болған, халықтық дәстүр негізіндегі терме өнерінің жаңғырып, кең құлаш жаюына үлес қосып келе жатқандарын көрсетті.Көшеней Рүстембеков атындағы үйірменің жетекшісі Балтабай Хасенұлының шәкірттері, жас термешілер Нұрсезім Сағатова, Талант Балтабайұлы көпшіліктің ықыласына бөленді. Бұл жыршы-термешілер фестивалінен көрермен қауым ән-жыр тыңдап, рухани демалды. Осындай «Ауылдың асыл тұлғалары» жобасына үн қосқан 1984 жылғы түлектердің игі ісі өзгелерге үлгі боларлық іс-шара болды. &nbsp;

Ақжар ауылында аймақтық жыршы-термешілер фестивалі өтті

<a href="https://kyzylorda-news.kz/">Kyzylorda-news.kz</a>&nbsp; Облыстық мемлекеттік архивінде Қазақстан халқының бірлігі күніне арналған «Достық, береке, бірлік – тәуелсіздік тірегі» тақырыбында дөңгелек үстел өткізілді. Архив басшысы Жанат Абзалиева жиынға қатысушыларды &nbsp;мерекемен құттықтап, елдің ынтымағы мен бірлігі тақырыбында емен-жарқын әңгімелесуге шақырды.Дөңгелек үстелде облыстық ҚХА төрағасының қоғамдық негіздегі орынбасары, облыстық татар этномәдени бірлестігінің төрағасы Г.Гизатуллина, «Вайнах» шешен этномәдени бірлестігінің төрағасы М.Гичиев, бірлестік мүшесі С.Хаджиев, «Қазақстандағы орыс қауымдастығы» қоғамдық бірлестігі облыстағы филиалының директоры Н.Мишукова, «Қоғамдық келісім» мекемесі директорының орынбасары Д.Омаров және БАҚ өкілдері қатысты.Ең алдымен «Ел бірлігі – достықтың бастауы» атты тарихи-құжаттық көрмені тамашалаған жиын қонақтары өз Отанынан еріксіз көшірілген өзге ұлттардың Қазақ еліне, оның ішінде Сыр өңіріне алғаш қоныстануы кезіндегі көптеген құнды деректермен танысты.Облыстық ҚХА төрағасының қоғамдық негіздегі орынбасары, облыстық татар этномәдени бірлестігінің төрағасы Г.Гизатуллина мемлекетімізді мекендейтін халықтар достығы, осыған мүдделі ұлттық мәдени орталықтардың құрылу тарихы, бүгінгі жүргізіліп жатқан жүйелі жұмыстары жайында әңгімеледі. Өз кезегінде «Вайнах» шешен этномәдени бірлестігінің төрағасы М.Гичиев:<blockquote>– Тағдыр жазуымен осы топырақта өмір сүріп, өсіп-өндік. Сондықтан Қазақ елі – біздің тарихи Отанымыз, Сыр өлкесі – сүйікті мекеніміз, – деді.</blockquote>«Қазақстандағы орыс қауымдастығы» қоғамдық бірлестігі Қызылорда филиалының директоры Н.Мишукова сонау жылдары тағдыр тәлкегімен Қазақ еліне келіп, Арал жеріне қоныстанған арғы аталары туралы айтты. Ұлттар бірлігі мен татулығын нығайтуда Қазақстан халқы Ассамблеясының атқарып отырған қызметіне тоқталып өтті. Облыстық архивтің архивисі А.Елемесова қор құжаттарынан дайындалған «Тағдыр табыстырған ұлттар ордасы» тақырыбында баяндама оқыды. Ал «Қоғамдық келісім» мекемесі директорының орынбасары Д.Омаров елімізде қалыптасқан ұлттардың тұтастығы мен халықтар достығы мемлекетіміздің әлеуметтік-экономикалық дамуына өзіндік септігін тигізіп отырғанын айтты.<blockquote>– Қоғамда тұрақтылық пен тыныштықтың сақталуы – Қазақстанды мекендеген халықтардың достық қарым-қатынасының жемісі. Осынау ымырасыз ынтымақ, берекелі бірлігіміз баянды болуына баршамыз үлкен жауапкершілікпен қызмет етуіміз керек, – деді Д.Омаров.</blockquote>Мерекелік іс-шара барысында Т.Есетов атындағы №264 мектеп-лицейі жанындағы қосымша білім беру орталығының мүшелері өнер көрсетті.&nbsp;

Ынтымақ күніне орай дөңгелек үстел өтті

<a href="https://kyzylorda-news.kz/">Kyzylorda-news.kz</a>&nbsp; Ассамблея отырысында еліміздің бірнеше аймағындағы табиғи апат салдарын еңсеру үшін жүргізіліп жатқан жұмыстар талқыланып, су тасқыны жағдайында Қазақстан халқы Ассамблеясының бір жеңнен қол, бір жағадан бас шығарып, еңбек етіп жатқаны айтылды.Президент қандай жағдай болмасын еліміз стратегиялық мақсат-міндеттерінен айны¬май¬тынына ерекше тоқталды. Оның айтуынша, аз уақыт ішінде жүргізілген саяси реформалар нәтижесінде биліктің барлық тармағы адам¬ның заңды мүддесін, құқығы мен еркіндігін қорғауға және оны дамытуға негізделген жаңа жүйе бойынша жұмыс істей бастады. Ендігі міндет – әділдік, инклюзивтілік, прагматизм қағидаларына негізделген және халықтың әл-ауқатын арттыруды көздейтін жаңа экономика үлгісіне көшу.Осы орайда Қасым-Жомарт Тоқаев Ассам¬блеяның бүгінгі сессиясы «Бірлік. Жасампаздық. Өрлеу» деп аталғанын, барша халқымыздың стратегиялық бағдарының түпкі мәнін осы үш ұғым дәл әрі нақты білдіретінін, бірлік пен ынтымақ басты құндылығымыз және мемлекеттік саясаттың бұлжымас бағдары болып қала беретінін айтып, осы мақсатқа жету үшін орындалуға тиіс бірнеше өзекті міндетке арнайы тоқталды.Сонымен қатар Президент бүгінде жаһандық катаклизм белең алып, түрлі мемлекеттер арасында әскери-саяси, сауда-экономикалық текетірес, тіпті мәдени-гуманитарлық тартыс күшейіп бара жатқанын, оған қарсы тұруға қоғамда ұлтына қарай ерекшеленуге, оқшаулануға ұмтылған кез келген әрекетке, әсіресе азаматтарды тіліне, ұлтына, дініне немесе мәдениетіне бола арандатуға, немесе кемсітуге мүлде жол бермейтін орта қалыптастыру маңызды екенін айтты.Ел президенті Ассамблеяның институцио¬налдық әлеуетін нығайту мәселесіне арнайы тоқталып, ұйымның мемлекеттік органдармен, парламентпен және мәслихаттармен қарым-қатынасын нығайта түсуі керек екенін атап өтті. Бұл ретте Қасым-Жомарт Тоқаев Ассамблея жетекшілеріне мемлекеттік шешім қабылдау үдерісіне және реформаларды ілгерілету ісіне белсене қатысу, этно-әлеуметтік шиеленіс ошақтарын анықтау және ондай оқиғалардың алдын алуға баса мән беру, Ассамблеяны әлеуметтік тұтастық пен отаншылдықты дәріптейтін институт ретінде нығайту міндеттерін жүктеді.Қорытындылай келе, еліміз соңғы жылдары күрделі сынақтардың тағы бір тарихи кезеңін бастан өткеріп жатқанын айтып, бірлік пен ынтымақтың арқасында бұл қиындықтың бәрін жеңетінімізге, шынығып, ширап, бұрынғыдан да мықты болып қалыптасатынымызға сенім білдірді.Салтанатты шара барысында Қазақстан Республикасы Президентінің Жарлығымен халық арасында бейбiтшiлiктi, достық пен ынтымақтастықты нығайтуға, мемлекеттік тілді дамытуға сiңiрген еңбегi үшiн бірқатар азаматтарға мемлекеттік наградалар табысталды.Фото: Қазақстан халқы Ассамблеясы &nbsp;

Бірлік пен жасампаздық  – ел бағдары

<a href="https://kyzylorda-news.kz/">Kyzylorda-news.kz</a>&nbsp; Қазір&nbsp;қоғамдағы&nbsp;қастандық&nbsp;пен&nbsp;қатігездік&nbsp;туралы&nbsp;көп&nbsp;естиміз.&nbsp;Алайда қайырымды жандардың көп екені, адамдар арасындағы сенім мен жанашырлықтың мығым екеніне кейінгі жағдайлар куә. Бүгінде қазақ жерінде 124 этнос өкілі қоныстанған. Ұлты өзге болса да, ниеті оң, тілегі бір. Осы орайда жас болса да, жетімін шеттетпей, жесірін жылатпаған қазақ халқының қасиеттерін бойына сіңіріп өскен волонтер, тіл жанашыры Ділшат Ибрагимовпен сұхбаттастық.&nbsp;– Қазақ пен өзбек достығы ажырамаған, бауырлас ұлттар. Өзіңіз өсіп- өнген қазақ елінің тілін үйрену қиындық тудырмаған болар? Білуімізше, одан бөлек өзбек, орыс, татар тілдерін білесіз. Көп тіл меңгеруге не әсер етті?<blockquote>– Қазір заман ағымына сай бірнеше тіл білсең де, басқаларды таңғалдыру қиын. Ал тіл білмесең, қол-аяғың байлаулы. Шынымды айтсам, арнайы курсқа қатысып, сабақ алып үйренген емеспін. Балалық шағымнан-ақ жаңа дүниені үйренуге бейім болдым. Ұлтым өзбек болса да, қазақ жерінде дүниеге келдім. Сол себепті тілді меңгеру үшін айтарлықтай мотивацияның да қажеті болмады. Қалада орыс мектебінде білім алдым. Сол жақта орыс тілін, әдебиеті мен тарихын біліп шықтым. Сондай-ақ достарымның барлығы түрлі этнос өкілдерінен құралғандықтан өзге тілді үйрену жеңіл болды.</blockquote>– Естуімізше, Қызылорда облыстық «Достық» үйі ұйымдастырған іс-шараларға белсенді араласасыз. Сондай-ақ волонтер ретінде өзгелерге көмек қолын созасыз. Ерікті болу сізге нендей сезімдер сыйлайды?<blockquote>– Жақсылық жасау ұлтқа бөлінбейді. Біз үшін бастысы – адами қасиеттерді сақтап қалу. Оларға қариялардың ауласын сыпыру, мұқтаж жанға көмек беру, жығылғанға демеу болу жатады. Бұл жер бетіндегі барлық адамзаттың парызы емес пе? Санамызға сіңіп қалған пікірді адамзатқа деген махаббатпен толтырғанымыз абзал. Бұл – адамгершіліктің алғышарты.Елімізде кейінгі бір айда орын алған тілсіз жау – су тасқынынан көп адам зардап шекті. Гуманитарлық көмек көрсету үшін қаржылай да, қажетті заттармен де қамтамасыз ету жұмыстары жүргізіліп жатыр. «Достық» үйінің жанынан құралған ассамблея жастары болып, зардап шеккен аймақтарға қажетті заттарды жеткіздік. Ел басына қатер төнгенде ұйымшылдық танытып, игі іс атқарғанымыз жадымда мәңгі қала бермек. Бұл мен үшін үлкен тәжірибе болды.</blockquote>– Волонтерлықтан бөлек қандай хоббиіңіз бар?<blockquote>– Бос уақытымда ән айтамын, сондай- ақ тағам дайындағанды жақсы көремін. Осыған орай бизнес те аштым. І курс оқып жүргенімде оқу орнының студент кәсіпкерлерге берген мүмкіндіктерін қолданып, кофейня ашып, бизнес саласына қадам жасадым. Қазір тапсырыс алып тұрамын, сонымен қатар өзге де табыс көздерін іздестірудемін. Межелеген жерден тоқтап қалған ұнамайды. Себебі өзгеруге, болашаққа тәуекел етіп, қадам басуға қорықпаймын.</blockquote>– Сұхбатыңызға рақмет!&nbsp;Әңгімелескен Нұршат НЫШАНОВА&nbsp;

Ділшат Ибрагимов: Ұлтым өзбек болса да, қазақ жерінде дүниеге келдім

<a href="https://kyzylorda-news.kz/">Kyzylorda-news.kz</a>&nbsp; Кең иықты, сом білекті жігіттер айналысатын гір көтеру – халық арасында кең тараған спорт түрі. Шойыннан құйылған гір тасын көтеру үшін спортшыға білектің күші мен темірдей төзімділікті ұштастыра білу керек. Осы орайда гір көтеруден байрақты бәсекелерде жеңіс тұғырынан көрініп жүрген спортшы Азамат Ақылбековтен сұхбат алуды жөн көрдік.– Гір көтеру спортымен қай кезден бастап шұғылдандыңыз?<blockquote>– Бұл спорт түрімен 2011 жылы, яғни 8 сынып оқып жүрген уақыттан бастап айналыстым. Жасөспірім шақтан бастап бастап талмай еңбектеніп, жақсы нәтиже көрсетуге тырыстым.</blockquote>– Гір көтеру спортын халық көбіне наурыз секілді ұлттық мерекелерде ғана көретіні жасырын емес. Бұл спорт түріне мемлекет тарапынан қолдау бар ма? Халықтың қызығушылығы қандай?<blockquote>– Иә, бұл спорт түрін халық тек қана наурыз мерекесінде ғана көретіні жасырын емес. Жалпы гір көтеру спортынан облыстық жарыстар жиі болып тұрады. Бірақ ол жайлы тек осы спортпен айналысатындар ғана біледі. Ал жастар арасында қиындығына шыдамай, орта жолдан тастап кететіндер көп.</blockquote>– Гір көтеруді жас өрендер қай жастан бастағаны дұрыс?<blockquote>– Жас ерекшелігіне келетін болсақ 7-8 сыныптан, яғни 13-14 жастан бастап айналысса болады.&nbsp;Қазіргі уақытта білікті бапкерлер жас шәкірттерді машықтандыру үстінде. Әр спортшы деңгейіне сәйкес спорт құралдарымен де қамтылған. Ең бастысы, гір көтеру – табандылық пен шыдамдылықты қатты талап ететін спорт түрі екендігін ұмытпау қажет.</blockquote>– Сіз қатысқан ең үлкен жарыс пен жоғарғы рекордыңыз жайлы айтып берсеңіз…<blockquote>– Өзім бақ сынаған ең үлкен жарыс 2013 жылы Украинаның Керчь қаласында өткен жасөспірімдер арасындағы әлем чемпионаты болатын. Сол сайыста «жұлқа көтеру» кезеңі бойынша қатысып, 24 келі салмақты 150 рет көтеріп, 16 жасымда Әлем чемпионы атандым. Жеке рекордыма кел- сек, облыстық жарыстарда 24 келі кір тасын 170 мәрте, 32 келіні 100 рет көтерген едім. Дайындық барысында 16 келілік кір тасын 500 рет көтерген сәтім бар. Жастар арасында 2 дүркін Азия чемпионы болдым. Қазақстан Республикасы чемпионатында 2 күміс, 2 қола жүлде иелендім.</blockquote>– Осы спорттағы үздіктер деп кімдерді атай аласыз?<blockquote>– Гір көтеру спортынан Қызылорда облысы бойынша үздіктер деп, Оразбек Медетбаев, Жеңісбек Төлеген, Абдулхасан Сейтенов, Қайсар Төлеген, Жандәулет Өндрей секілді спорт- шыларды айта аламын.</blockquote>– Бұл спорттың дамуы үшін не істеу керек?<blockquote>– Бұл спортты дамыту үшін спортшыларға қолдауды арттырып, гір көтеру жарыста- рын көбейтіп, жан-жақты жарнаманы арттыру қажет деп ойлаймын. Халық кеңінен ақпараттанса, гір көтеруге қызығушылардың да саны артады деп сенемін.</blockquote>– Сұхбатыңыз үшін рақмет!&nbsp;Сұхбаттасқан М.Қосымбаев

16 келі гір тасын 500 рет көтерген сырбойылық спортшы

<a href="https://kyzylorda-news.kz/">Kyzylorda-news.kz</a>&nbsp; Қазақ тілінің бүгінде абыройы асқақ. Ұлты өзге болса да, мемлекеттік тілді жетік біліп, ана тіліндей құрметтейтін жандар аз емес. Осы орайда өзі орыс ұлтынан болса да, қазақ тілінің болашағына үлкен сеніммен қарайтын Любовь Нестеровамен тілдескен едік.– Любовь, сіздің әдебиетке жақын екеніңізді естідік. Хакім Абайдың өлеңдері мен қара сөзін жатқа білесіз. Өзіңіз де шығармашылықпен айналысасыз ба?<blockquote>– Ең алдымен барша қазақстандықтарды 1 мамыр Қазақстан халқының бірлігі күні мерекесімен шын жүректен құттықтаймын! Қиын-қыстау заманда бір-бірімізге қолдау білдіріп, азаттықтың ақ таңында бас қосып, бейбіт өмір сүріп келеміз. Тарихтың тоқырау жылдарына көз жүгіртіп, өткенге көз тастасақ, қазақ халқының көптеген қиындықты еңсергенін байқаймыз. Алайда ата- бабаның асқақ арманы шындыққа айналып, алты Алаштың басы бірігіп, бүгінде қазақ елі азат өмір кешуде. Ес білгелі оқитыным да, үлгі тұтатыным да – Абай Құнанбайұлы. Абай атамыз «біліңдер» деген дүниенің діңгегіне үңіліп, әрқашан оқуға бейім болдым.Абай Құнанбайұлы – қазақ жазба әдебиеті мен әдеби тілінің негізін қалаған ойшыл. Әрбір қазақ Абайды таниды, сонымен қатар ол қалдырған асыл мұраның мәні мен мағынасына үңілуі керек. Хакімнің жалынды сөздері әрбіріміздің жадымызда жаңғырып тұруы тиіс. Менің де сол кісідей нар тұлға, қаламы қарымды, сөздері арынды, еліне елеулі азамат болғым келеді. Абай атамыздың жолын жалғастырып, келелі болашаққа кемел өзгеріс әкелгім келетіні сөзсіз.</blockquote>– Қазақ тілін түсіну қиындық тудырмай ма?<blockquote>– Бұл сұрақ бәрінің қызығушылығын тудыратын «актуалды сауал» десем болады. Қазақ тілі әлемдегі қиын тілдер қатарында болғанымен, оны үйрену, түсіну аса қиындық тудырмайды. Тіл білу – бүгінгі өмірдің маңызды аспектілерінің бірі. Мен қазақ жерінде туып, осы елдің барлық құндылығын бойыма сіңіріп өстім. Өзім әдебиетке жақын болған соң, қазақ әдебиетінің майталманы атанып кеткен көптеген ақын-жазушының туындыларын сүйіп оқимын. Халқымыздың ұлы тұлғалары, қазақ әдебиеті мен тіл ғылымының аса көрнекті өкілдері қазіргі ұлттық жазба әдеби тілдің негізін қалауға, оны қалыптастыруға айрықша үлес қосқанына ешкімнің таласы жоқ. Сол себепті оқу – менің басты құралым. Ізденіс үстінде жүріп, білім алған адам үшін тілді меңгеру еш қиындық тудырмайды. Сондай-ақ қазақ тілінің халықаралық деңгейге көтеріліп, әлемдік дәрежеде болатынына сенемін.</blockquote>– Қазір қазақ тілін үйретіп жүрген өзге ұлт өкілдері бар. Сіздің ойыңызша қазақ тілін дамыту үшін не істеу қажет? Болашақта қазақ тілін үйретуге өзіңіздің де атсалысқыңыз келе ме?<blockquote>– Қазақ тілі Кеңес Одағының кезінде жоғалып кетуге шақ қалса да, өзінің құндылығынан айырылған жоқ. Тәуелсіздіктің тұғырлы жылдары бастау ала салысымен тілді дәріптеу үшін мемлекет қыруар қаражат бөліп, әрбір аймақта мыңдаған іс-шара атқарылуда. Қазақ тілінің болашағы зор. Қазір бұл тілді үйренгісі келетін өзге ұлт өкілдері де аз емес. Алайда медиа саласында беткеұстар азаматтар тілді білмегендіктен бе, әлде өзге тілді аудиторияның көптігінен бе, қазақша сөйлеуге құмартпайды. Менің ойымша, бұл тілге деген құрметтің аздығынан. Ол кісілерді үлгі тұтатындардың саны миллионнан асады. Айтпағым, ең алдымен тілдің ел алдындағы абыройын көтеруге сол кісілер себепкер болуы керек. Әрине, мен де қазақ тілінің жанашырымын. Отбасымызда барлығымыз қазақша сөйлейміз. Болашақта өз отбасымды құрып, ана атансам, балаларымды да қазақша сөйлеуге дағдыландырып, қазақ мектебіне беретін едім.</blockquote>– Жалпы қазақ халқы сізге несімен ұнайды? Нендей салт-дәстүр, әдет-ғұрыпты тәрбиелік маңызы бар, дұрыс деп санайсыз?<blockquote>– Әуелгі сөзді қазақ халқының қонақжай халық екендігінен бастаған жөн болар. Жер бетінде қаншама ұлт болса да, қазақтан асқан қонақжай халық жоқ дер едім. Олардың ерекшелігі, атадан қалған салт-дәстүрді қай кезеңде болсын дәріптеп жатыр. Бүгінгі жас ұрпаққа насихаттауында. Кіндік қаным тамған Отанымның әрбір құндылығына құрметпен қарау – менің адам ретіндегі парызым.Әсіресе маған әрбір қыздың жанұясынан сән-салтанатымен ұзап шығатын салты ұнайды. Бұл отбасының қаншалықты құнды, маңызды екенін айқындай түседі. Ата-ана мен бала арасындағы сыйластық пен махаббатты күшейтеді. Өзге отбасыға қадам басып, бөлек «мемлекет» құрып кетсек те, өз ата-анамызға деген құрметті арттыра түседі деп есептеймін.</blockquote>– Әсерлі әңгімеңізге рақмет!&nbsp;Сұхбаттасқан Қорлан САРЫ

Любовь Нестерова: Ес білгелі оқитыным да, үлгі тұтатыным да – Абай Құнанбайұлы

<a href="https://kyzylorda-news.kz/">Kyzylorda-news.kz</a>&nbsp; Қорқыт ата атындағы Қызылорда университетінде еңбек еткен уақытта жүзі жылы, қашан көрсең мейірімді қалпымен әпкеңдей тіл қататын Гульчин апайды жиі көретінмін. Кейін білдім, Гульчин Гейдарова 2004 жылдан бері облыстағы түрік этномәдени орталығының жетекшісі болып қызмет атқарады екен. Ізгілікке, жақсы іске үлес қосуға әрдайым әзір жерлесімізге 30 жасында-ақ бұл жауапкершілігі мол жұмыс сеніп тапсырылыпты.<blockquote>– 1944 жылы ата-әжелерім Қазақстанға депортацияланғанда, әкем 2 жаста екен. Қараша айы болғасын келушілердің көбі күннің суықтығы, жағдайдың жоқтығынан көп қиындық көріпті. Сонда ауылдағы ағайын барымен бөлісіп, қолынан келгенше көмек көрсеткен. Тіпті аяқ киімнің жоқтығынан мал терісін орап, жан сақтапты.&nbsp;Қазақтар өз үйлеріне келушілерді бөліп алып, кейін жаңа үй соғып, бөлек шыққанда екі сиыры болса, соның бірін берген. Ұйымшылдық біріктірген ауылда бәрі бір-біріне мейірімді болатын, – дейді ол.</blockquote>Мектеп бітіріп, жоғары білім алғаннан кейін де Гульчин апай жолдасымен бірге Қызылордада тұруды қалапты. Бүгінде мектепті үздікке аяқтаған екі ұлы да қазақ тілінде өткен байқаулардың жүлдегері.<blockquote>– Бала күнінде кіші ұлым үйге «мен қазақпын ба, әлде түрікпін бе?» деп келетін. Себебі қазақы ортада өсіп, салт-дәстүрін, қазақ тілін меңгерді. Кейін орыс мектепте білім алса да, қазақша аңыздар мен мақал-мәтелдерді жетік білетін. Ал үйде түрікше сөйлесеміз. Қазақы әдет-ғұрыптармен қатар түрік дәстүрлерін де ұмытпағанбыз, – деді Гульчин Әнсерқызы.</blockquote>Бүгінде облыста 1200-ден астам түрік ұлтының өкілі бар. Осы жылдың желтоқсан айында түрік этномәдени бірлестігінің қазақ жерінде құрылғанына да 20 жыл толмақ.<blockquote>– 1995 жылы 1 мамыр – Қазақстан халқының бірлігі күні деп жарияланды. Елдің мықты болуы өзара татулық пен ынтымаққа тікелей байланысты. Тәуелсіздік алған 33 жыл ішінде халқымыз бірлігінің берік екенін көрсетті. 1944 жылы дүниеге келді деген балалардың өзі бүгінде 80- ге толды. Ауылдағы үлкендердің де қатары сиреді. Сол қысылтаяң күндерден бері қанша уақыт өткенін осыдан-ақ көруге болады. Ата-әжеміз қазақтардың жақсылығын үнемі еске алып, алғыс айтып отыратын. Әрдайым берекеміз артып, бірлігіміз берік болсын, – деді Гульчин Әнсерқызы.</blockquote>Басты құндылығымыз – бірлік. Бұл – қазақ халқы ұстанатын басты қағида. Өзіне жетпей жатса да, өзгені ойлайтын, көңілге қарап сөйлеп, ұлтына, тіліне қарамастан адамды бауырындай жақын тартатын қазақтың пейіліне осы ұлан-ғайыр дала бұйырған секілді.«Бетеге кетсе – бел қалар, бектер кетсе – ел қалар, берекең кетсе нең қалар?» деген бабаларымыз татулық болса, тыныштық та болатынын өсиет еткен. Жылда бірлік күні қарсаңында тарихқа шолу жасайтынымыз рас. Ешкімді бөліп-жармай, сан ұлтқа төрінен орын берген қазақтың сол кездегі ниетін естіп, білгенде қазіргі ауызбіршіліктің қадірін ұғына түсесің. Сәуір айының жиырма бесінде Мемлекет басшысы Қасым-Жомарт Тоқаевтың төрағалығымен Қазақстан халқы Ассамблеясының «Бірлік. Жасампаздық. Өрлеу » атты ХХХІІІ сессиясы өтті. Ел Президенті тасқын судан зардап шеккен халыққа көмек көрсету кезінде еліміздің мызғымас бірлігі айқын көрінгенін атап айтып, Ассамблеяның маңыздылығына тоқталды.Президент тасқын басталғаннан бері Қазақстан халқы Ассамблеясы белсенді әрі үйлесімді жұмыс істеп жатқанына да тоқталды. Жұртқа жан-жақты көмек беру үшін дереу Ассамблеяның республикалық және аймақтық штабтары құрылды. «Жүректен – жүрекке!» ауқымды акциясы жүргізіліп жатыр. Апат аймақтарына 1500 тоннадан астам азық-түлік және ең қажетті тауарлар жолданды. Оның жалпы сомасы шамамен 770 миллион теңге болды.<blockquote>– Су тасқынымен күреске этномәдени бірлестіктердің 12 мыңға жуық өкілі қосылды. Олар қайырымдылық және гуманитарлық көмек жинауға жұмылды. Сондай-ақ жұртты қатерден хабардар етуге және қауіпсіз жерге көшіруге атсалысты. Мұның бәрі – өзара жанашыр және тілеулес болудың айқын көрінісі.Мен Батыс Қазақстан, Солтүстік Қазақстан, Қостанай облыстарына арнайы бардым. Кездесу кезінде жұртшылық Ассамблея мүшелеріне зор ризашылық білдірді. Ассамблея – кейбір адамдар айтып жүргендей, жасанды ұйым емес.Ассамблея – ел бірлігін іс жүзінде орнықтыра түсетін тиімді құрылым. Бүгінде бұл – конституциялық мәртебесі бар маңызды қоғамдық орган. Ассамблея өте ауқымды қайырымдылық шараларын дер кезінде және жедел ұйымдастырып келеді. Мұның бәрі көпжылдық жүйелі жұмыстың нәтижесі екені сөзсіз, – деді ел Президенті.</blockquote>Ұлттық статистика бюросы ұсынған кейінгі деректерге көз жүгіртсек, Қазақстан халқының саны – 20075271 адам. Оның ішінде 71 пайызға жуығы қазақ ұлты болса, 29 пайызы – өзге этнос өкілдері.Ел әлеуетінің мықты болуына ең әуелі ішкі бірлік, түрлі этнос өкілінің өзара жанашырлығы мен татулығы ықпал ететіні рас.<h2 style="text-align:justify;">Тарихты не үшін айта береміз?</h2>Жуырда журналист Руслан Меделбек Қазақстан мен Қырғызстанда туып-өсіп, Германияға көшіп кеткен немістерге қонаққа барып, солардың өміріне куә болғаны туралы жазба қалдырды.<blockquote>– Ұлты неміс Роза апа «әлі қазақша рошкиімізді пысырамыз» дегенде көзіме анамның етпен кішкене сорпасы бар «бермешелі» елестеп кеткені. Роза апаның жолдасы Яша атаның «қой, сиырды кезектесіп жайғанмын, қазақтар мені неміс деп бөлмеді» дегенде сүйсіндім. Роза апа Ақсуат (Абай облысындағы) ауылында өсірген сиыр, жылқыларын суретке түсіріп алып, Германиядағы үйінде тоңазытқышқа жапсырып қойғанын шын жүректен айтқаны, тіпті «сағынасың, сағынасың» деп күрсінгені де сағыныш деген сезімнің ұлылығын көрсетіп берді. «Қазақтарымыз ас ішкенде «бісіміллә» деп бастайды» дегенде, адал ас пен дастарқанның қасиетін сезгендей болдым.Қазақстанда туған Елена Қаражорға мен Қамажайға билегенде көзі жайнап, Германиядағы мерекенің гүлі мен сәніне айналып шыға келгенін де көрдік, – дейді ол.</blockquote>Ауылдағы жұрттың ақ көңілі мен көмегін ұмытпаған немістердің сағынышы жүректі елжіреткені рас.Кейде «неліктен тарихты еске ала береміз?» деген де ой келетіні бар. Бұл туралы ҚР Президенті жанындағы әйелдер ісі және отбасылық-демографиялық саясат бойынша Ұлттық комиссия мүшесі, ҚХА Аналар кеңесі төрағасы Назипа Шанаи «Ана тілі» газетіне берген сұхбатында жақсы пікір білдіріпті.<blockquote>– Ассамблеяның сессиясы – ұлттық тәрбие сағаты. Бұл – қазаққа рақмет айту арқылы өскелең ұрпақтың тарихи санасын қалыптастыру, ұлтына қарамастан елге еңбегі сіңген азаматтарды үлгі ретінде таныту, қоғамымыздың жақсылығын паш ету, ортақ Отанға қызмет істеуге ұйыстыру шарасы.Әр сессияда сөз сөйлейтін өзге ұлт өкілдері міндетті түрде қазақ жеріне келген тарихына тоқтайды. Көп адамдар таң қалады, «неге осыны қайталай береді» деп. Қайталау қажет, себебі кешегі қиыншылықты бірлесе еңсерген ұрпақ азайып барады. Ал тәуелсіз елде еркелеп өскен жастар ол тарихты білмейді, білмегендіктен бүгінгі қоғамдағы ауызбіршілікті бағалай алмай қалуы мүмкін деген қауіп бар, – дейді ол.</blockquote>Расымен, өткеннен өнеге алғанда ғана бейбітшіліктің бағасын білеміз.Бүгінде Қазақстан халқы Ассамблеясы – еліміздегі тұтастықты нығайтуда маңызды рөл атқаруда. Бұл ұйымның қажеттілігін халықаралық ұйымдар да, дамыған мемлекеттер де мойындады. Назипа Ыдырысқызының айтуынша, Еуропадағы қауіпсіздік және ынтымақтасу ұйымы (ОБСЕ) Ассамблеяның қызметін зерттеп, зерделеп, өзінің құрамындағы 56 елдің тіліне аударып, таратқан.&nbsp;А. НұртайқызыФото: Қазақстан халқы Ассамблеясы

Қазақстан және Қызылорда облысының жаңалықтары

Ақтауда әйелімен жанжалдасқан тұрғын 10 тәулікке қамауға алынды

Мамырда ауа райы қандай болады?

Қызылордада жаңа стадионның іргетасы қаланды

Алғаш рет облыста республикалық «Әскердегі бір күн» жиыны өтті

Татулық пен тұрақтылық – ел тұтастығының темірқазығы

Ақжар ауылында аймақтық жыршы-термешілер фестивалі өтті

Ынтымақ күніне орай дөңгелек үстел өтті

Бірлік пен жасампаздық – ел бағдары

Ділшат Ибрагимов: Ұлтым өзбек болса да, қазақ жерінде дүниеге келдім

16 келі гір тасын 500 рет көтерген сырбойылық спортшы

Любовь Нестерова: Ес білгелі оқитыным да, үлгі тұтатыным да – Абай Құнанбайұлы

Гульчин Гейдарова: Ұйымшылдық біріктірген ауылда бәрі бір-біріне мейірімді болатын