<a href="https://kyzylorda-news.kz/">Kyzylorda-news.kz.</a> Сырдария ауданындағы &nbsp; №36 Ә.Тәжібаев атындағы мектеп-лицейінде 8-9 сынып оқуышларына арнап «Жас құтқарушы» атты кадет сыныбының салтанатты ашылуы өтті.Іс-шараға Сырдария ауданының әкімі Берік Сәрменбаев, Қызылорда облысы Төтенше жағдайлар департаментінің бастығының орынбасары Жасұлан &nbsp;Түйменов, азаматтық қорғау органының қызметкерлері, ата-аналар мен мектеп ұжымы қатысты.Кадет сыныбын құрудың мақсаты &nbsp;-табиғи және техногендік сипаттағы түрлі төтенше жағдайлар кезінде жедел дұрыс шешім қабылдау білімі мен дағдыларын дамыту, өрт қауіпсіздігі саласындағы алдын алу, зардап шеккендерге алғашқы медициналық көмек көрсету бөлігінде жас ұрпақты патриоттық тәрбиелеу болып табылады.Аудан әкімдігінің қолдауымен кадет 8-9-шы сынып оқушылары үшін құтқарушылардың үлгісі бойынша арнайы 20 нысанды киім және 20 әскери парадқа киетін нысанды киім әзірленіп, тігілді. Сынып кабинеті арнайы стендтермен және өрт-сөндіру және құтқару құрал-жабдықтарымен қамтамасыз етілді.&nbsp;Қызылорда облысының білім басқармасының келісімі бойынша оқушылардың осы санаттағы оқу бағдарламасына азаматтық қорғау, алғашқы әскери даярлық, осы бағыттар бойынша мамандарды, оның ішінде ТЖД &nbsp;қызметкерлерін тарта отырып, алғашқы дәрігерге дейінгі медициналық көмек көрсету саласында қосымша сабақтар мен факультативтік сабақтар енгізілді.Кадет сыныбында оқу оқушылардың үлгерім деңгейіне және жалпы тәртіпке оң әсер етті. Жас кадеттер саптық дайындықпен оңай оқиды және айналысады, мектеп және ведомстволық іс-шараларға белсенді қатысады. Нәтижесінде мұндай сыныптардың танымалдығы артуына ықпал етуі мүмкін.11-сыныпты бітіргенге дейін оларға кураторлық жасау мектептің әскери басшысына жүктелген. &nbsp;

Алғаш рет жас құтқарушылардың кадет сыныбы ашылды 

Фото: Қызылорда облысы кәсіпкерлер палатасы<a href="https://kyzylorda-news.kz/">Kyzylorda-news.kz.</a>&nbsp;Бүгін Атамекен кәсіпкерлер палатасының алаңында палата директоры Пірмұхаммед Сыздық «Мен кәсіпкер» жобасы аясында «Әйел кәсіпкерлігін дамыту» бағыты бойынша оқыған қыз-келіншектерге сертификат табыстады. Сонымен бірге жақында бастаған кәсіптері аясында жетістікке жетіп үлгірген кәсіпкерлер директордың «Алғыс хатымен» марапатталды.Қызылорда облысының кәсіпкерлер палатасы жүзеге асыратын «Мен кәсіпкер» жобасының «Әйелдер кәсіпкерлігін дамыту» бағыты аясында палата кеңесшілері қыз-келіншектерге кеңес беріп, олардың қажеттіліктерін анықтайды. Сонан соң, соған сәйкес оқытады. Арнайы бөлінген тәлімгер кәсібін жүргізуге, дамытуға үлес қосады. Одан кейін кәсібін бағалатып, түрлі қаржы институттарынан қаржы алуды үйретеді. Осы орайда, жобаға қатысушы кәсіпкерлердің біліктілігін арттырып, олардың кәсіптерін алты ай сүйемелдейді. Міне осыдан кейін кәсіпкер әрі қарай кәсібін дөңгелетіп әкетеді.Наталья Мишукова бүгінгі шараға қатысушы қыз-келіншектердің тәлімгері. &nbsp;Жас кәсіпкерлердің сөзінше осы тәлімгерлік оқу олардың өмірлерін түбегейлі өзгертіп, бүгінгі күні жеткен табыстарын айшықтап отыр. Күні кеше кәсіптерін қалай дамытатынын білмей палата көмегіне жүгінген жандар, бүгінгі күні өз кәсіптерін ұршықша иіріп отыр. Олардың бірі қолөнер бұйымдарын жасаса енді бірі тәттілер пісіріп, бірі бал өнімдерін шығарумен, бірі аспаздықпен, енді бірі массаж салонымен айналысады. Ал «SMM» мен психология бойынша арнайы курстар олардың өз-өзін тауып, алға айқын мақсат қоюларына көп септігін тигізген.Кәсіпкерлер палатасында «Мен кәсіпкер» жобасы аясында жұмыс істейтін арнайы кеңесшілер бар. Жобаға қызығушылық танытқан жағдайда Қызылорда облысының кәсіпкерлер палатасына 8 /7242/ 40-09-81 нөмірі бойынша немесе Қорқыт Ата 123 мекен-жайы бойынша хабарласуларыңызға болады.

«Мен кәсіпкер» жобасы аясында қыз-келіншектерге сертификат табысталды

фото: egemen.kz<a href="https://kyzylorda-news.kz/">Kyzylorda-news.kz.</a>&nbsp;Достық үйінде Қызылорда облыстық қоғамдық даму басқармасының «Қоғамдық келісім» КММ ұйымдастыруымен «Интернет алаяқтық және оның алдын алу жолдары» тақырыбында құқықтық оқыту өтті. Оқытуға мекеме қызметкерлері мен этнос өкілдері, «Ассамблея жастар» ұйымының мүшелері қатысып, «Қоғамдық келісім» КММ директоры Бақытжан Камалов модераторлық етті.Құқықтық оқытуды облыстық полиция департаментінің экстремизмге қарсы іс-қимыл басқармасының бөлім бастығы, полиция подполковнигі Шамдәулет Абдукаримов жүргізді.<blockquote>Бүгінгі күні интернет алаяқтықтың тым көбейіп кетуі қоғамдық резонанс тудырып отырғаны белгілі. Қазақстанда бұл қылмыс түрінің ең көп таралған тәсілдерінің бірі – интернеттегі түрлі хабарландырулар бойынша тауар немесе қызмет үшін алдын ала төлем алу. Бүгінде интернет алаяқтықтардың жартысы дәл осындай жолмен жасалған. Екіншісі – микрокредиттік ұйымдардың сайттары арқылы онлайн қарыз рәсімдеу. Жиі қолданылатын үшінші тәсіл – азаматтардың жеке деректеріне қол жеткізгеннен кейін банк шоттарындағы бүкіл қаражатты жымқыру. Өкінішке қарай, қарапайым халық әккілердің тұзағына тез ілігіп қалады. Мәселен, соңғы уақытта өздерін банк қызметкерлері ретінде таныстырып, ауыстырмалы нөмірден қоңырау шалатын алаяқтар көбейді. Әдетте олар өздерін екінші деңгейлі банктің қауіпсіздік қызметіненмін деп таныстырады. Сенімге кірудің тың тәсілін жақсы меңгеріп алған олар азаматтардың есепшотын біреулердің бұзып кірмек болғанын айтып, қауіпсіздік үшін шоттағы қаржыны басқа банк шотына аударуға кеңес береді. Осылайша, бүкіл қаржыны үптеп кететіндер көп, -деді.</blockquote>Интернет алаяқтықтың күн өткен сайын күшейіп бара жатқанын айтқан полиция қызметкері оқытуға қатысушыларға күдікті қоңырау мен хабарламалар алғанда бірден банкке хабарласуға кеңес берді. Егер белгісіз біреулер хабарласып, қандай да бір банктің атын атап банк карточкасы жайлы ақпарат немесе басқа да жеке мәліметтерді сұраса, ең алдымен сол банктің сенім телефондарына қоңырау шалып, ақпараттың рас-өтірігін анықтап алған артықтық етпейтіндігін алға тартты.<img src="https://knadmin.beoblood.kz/uploads/412613103_3637136366605517_8733269710545528731_n_6e94957703.jpg" alt="412613103_3637136366605517_8733269710545528731_n.jpg"><img src="https://knadmin.beoblood.kz/uploads/412574565_3637136339938853_4675681475957053854_n_35bca30328.jpg" alt="412574565_3637136339938853_4675681475957053854_n.jpg">

Интернет алаяқтық көбейіп барады

Фото: қала әкімдігінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласының 2024 жылға арналған бюджеті 58,2 млрд.теңге болып бекітілді. Ол 2023 жылға қарағанда 11 пайызға ұлғайған. Бұл туралы қала әкімі Асылбек Шаменов қалалық мәслихаттың VIII сессиясында айтты.<blockquote>«Қалада аяқ су мәселесі өз шешімін табады. Бұл мақсатта облыс әкімінің тікелей қолдауымен «Жасыл- Қызылорда» коммуналдық мемлекеттік мекемесі құрылды. Ол мекеме қаладағы жасыл желекті баптап, аяқ судың жүретін жолдарын аршып, қажетті шараларды жүзеге асырады. Аталған мекемеге қалалық бюджеттен гүлдер, талдар, тыңайтқыштар, құрал-жабдықтар сатып алуға және жұмысшылардың айлық жалақысына барлығы 579,9 млн. теңге бөлінді»- деді Асылбек Өмірбекұлы.</blockquote><img src="https://knadmin.beoblood.kz/uploads/412353913_3502714479995285_9202059866672786905_n_c56abda9df.jpg" alt="412353913_3502714479995285_9202059866672786905_n.jpg">Мәслихат сессиясында тұрғындардың талап-тілегіне орай, кезекте тұрған көпқабатты 21 тұрғын үйдің қайта жаңғыртудан өткізілетіндігі айтылды. Сондай-ақ қаладағы, шет аймақтардағы жолдарды орташа жөндеуге, қайта жаңғыртуға, көше құрылыстарына республикалық және облыстық бюджеттен 5 млрд. теңге берілді. «Ауыл-ел бесігі» бағдарламасымен бөлінген 1 млрд. 234 млн. теңгеге қалаға қарасты ауылдардың жолдарын жөндеумен қатар, электр желілері жаңартылады.Айта кету керек, биыл бастау алған нәтижелі жобалар келер жылы да жалғасын табады.

«Ауыл-ел бесігі»: Жол жөнделіп, электр желілері жаңартылады

Фото: fingramota.kz<a href="https://kyzylorda-news.kz/">Kyzylorda-news.kz.</a> WhatsApp мессенджері – күн сайын миллиондаған адамдар бүкіл әлем бойынша ақпарат алмасу және бөлісу үшін пайдаланатын ең танымал мессенджер. Бұл мессенджердің халық арасындағы танымалдығы алаяқтардың назарынан тыс қалған жоқ.Бұл материалда Fingramota.kz-пен бірге азаматтардың аккаунттарын бұзудың және қадағалаудың ең кең таралған тәсілдерін қарастырамыз, сонымен қатар алаяқтардың айла-амалдарынан қорғану үшін практикалық кеңестер береміз.&nbsp;Әлемдік компаниялардың ІТ-қауіпсіздік қызметі қаншалықты белсенді жұмыс істесе де, алаяқтар әлі де адамдардың WhatsApp-тағы есептік жазбасын бұзудың және оны қадағалап отырудың жолдарын табуда. Мессенджер әзірлеушілері пайдаланушылардың деректерін шифрлау жүйесін жетілдіру бойынша күнделікті жұмыс істейді, бұл алаяқтардың жұмысын қиындатады, дегенмен хакерлер өздерінің жеке мақсаттарын жүзеге асырудың түрлі амалдарын табады. &nbsp;&nbsp;Телефонда WhatsApp-тағы есептік жазбаны бұзу үшін құрылғыға кіру қажет. Ең қарапайым әдістердің бірі – телефонға шпиондық бағдарлама орнату. Бүгінгі күні оның құрылғыдағы белсенділігін қадағалауға және бақылауға мүмкіндік беретін көптеген осындай қосымшалар бар. &nbsp;Мұндай қосымшалар көптеген елдерде заңсыз деп танылады және бұғатталады. Мысалы, алаяқтар азаматтарды алдаудың фишинг немесе вишинг сияқты танымал әдістерін белсенді түрде қолданады. Қажетті ақпаратты алу үшін алаяқтар пайдаланушыларға қоңырау шалады немесе сілтемелер жіберуі мүмкін.Бір реттік код арқылы WhatsApр-ты қалай бұзуға болатыны туралы бірнеше сценарийді қарастырайық.1.&nbsp;WhatsApр мессенджерін бір реттік код арқылы бұзу.&nbsp;Сіздің телефоныңызға алаяқтар WhatsApр-ты авторизациялайтын коды бар SMS жібереді. Әрі қарай мессенджер арқылы таныс адамнан ол өз шотына кірген кезде кездейсоқ енгізген осы кодты қайта жіберуді сұрайтын хабарлама келеді.Әдетте, бұл жағдайда олар сіздің досыңыздың аккаунты арқылы жазады, ол қазірдің өзінде бұзылған. Бірақ бұл WhatsApp-ты бұзудың жалғыз жолы емес.2. &nbsp;WhatsApр мессенджері арқылы кездесуге шақыру.&nbsp;WhatsApp арқылы алаяқ сіздің танысыңыздан/досыңыздан кездесуге шақыру жібереді. Әрі қарай, алаяқ кафеге/мейрамханаға тапсырыс беру үшін нөмір иесі көрсетілгенін айтып, бронь кодын жіберуді сұрайды.Егер сіз осы кодты жіберетін болсаңыз, онда алаяқтар сіздің есептік жазбаңызға автоматты түрде қол жеткізеді.&nbsp;3.&nbsp;WhatsApр&nbsp;мессенджері арқылы қарызға ақша алу. «Сәлем, қарызға N...сомада ақша бере тұрасың ба. Менің карточкам үйде қалып кетіпті, ақшаны жұбайымның/досымның +7............ нөміріне жібер, кешке қайтарамын».Соңғы уақытта мұндай хабарлар көпшілік сипатқа ие болып отыр, хакерлер пайдаланушының WhatsApp желісін бұзып, оның атынан достарына, әріптестеріне немесе туыстарына белгілі бір ақша сомасын қарызға сұрап хабарлар таратады. Мұндай қулықты түсінбей, көп адам ақша жібереді, ал барлығы әшкере болған уақытта ештеңе істей алмайды. Толығырақ "<a href="https://fingramota.kz/kk/post/tanymal-whatsapp-messendzheri-aryly-alayaty-shemalar">Абайлаңыз, алаяқтар</a>" бөлімінен оқыңыздар&nbsp;

WhatsApp мессенджері арқылы жасалатын алаяқтық схемалар 

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаевтың төрағалығымен облыс әкімдігі жанындағы сыбайлас жемқорлыққа қарсы іс-қимыл комиссиясының кезекті отырысы өтті. Онда денсаулық сақтау саласында сыбайлас жемқорлық тәуекелдерін болдырмау және алдын алу мәселелері қаралды.Аймақ басшысы халыққа қызмет көрсететін мемлекеттік орган қызметкерлері міндетін адал атқаруы керектігін атап өтті.<blockquote>«Президентіміз мемлекеттік қызметте ашықтық әрі қолжетімділік қағидалары бірінші кезекте екенін баса айтуда. Әлеуметтік салада сыбайлас жемқорлық тәуекелдерінің алдын алып, өрескел заң бұзушылықтарға жол бермеуіміз керек. Шын мәнінде, денсаулық сақтау – ең ауқымды сала. Осы кезге дейінгі нәтижелі жұмыстардың арқасында салада оң динамика бар. Өткен жылмен салыстырғанда өлім-жітім көрсеткіші 4,8 пайыз, ана өлімі жағдайы 79, сәби өлімі 1,2, туберкулезден аурушаңдық 8,5 және одан өлім-жітім көрсеткіші 14,2 пайыз төмендеген. Дегенмен, жүрек қан-тамыр ауруларынан болатын өлім-жітім көрсеткіші өткен жылдың осы кезеңімен салыстырғанда 6,3 пайыз, қатерлі ісіктерден болатын аурушаңдық көрсеткіші 8,7, қатерлі ісіктерден болатын өлім-жітім 16,4 пайыз өскен. Жасыратыны жоқ, қоғамда медициналық қызмет алуға қатысты сын-ескертпелер аз емес», – деді Нұрлыбек Машбекұлы.</blockquote>Сыбайлас жемқорлыққа қарсы іс-қимыл агенттігі Қызылорда облысы бойынша департаменті басшысының бірінші орынбасары Асылхан Ашиков облыстық медициналық мекемелерге жүргізген сыртқы талдау нәтижелерін таныстырып, тәуекелдерге тоқталды. Мұнан бөлек, облыстық денсаулық сақтау басқармасының басшысы Олжас Искаков сыбайлас жемқорлықты жою және алдын алу бойынша атқарған жұмыстарын баяндады.Жиын барысында анықталған кемшіліктер талқыланып, оларды жою қадамдары белгіленді.Комиссия отырысын қорытындылай келе, аймақ басшысы әрбір тұрғын сапалы медициналық көмек алып, мемлекет ұсынған игілікті пайдалануы керек екенін атап өтті. Осыған орай, басқарма жетекшілік ететін мекемелерінде жемқорлық фактілерін анықтап, тәуекелдерді болдырмау үшін қажетті шараларды қолға алуы тиіс. Жиында бюджет қаражатын жоспарлау мен игеруге, мемлекеттік сатып алуға, медициналық қызмет көрсетуге жасалған сыртқы талдаудан соң анықталған фактілерге орай нақты шешімдер қабылдау тапсырылды.<figure class="image"><img src="https://knadmin.beoblood.kz/uploads/411499294_662066962781218_1817234005660181144_n_bbe59af29f.jpg" alt="411499294_662066962781218_1817234005660181144_n.jpg"></figure>

Медицина саласындағы сыбайлас жемқорлықпен күрес мәселелері талқыланды

Фото: egemen.kz<a href="https://kyzylorda-news.kz/">Kyzylorda-news.kz.</a> Электронды үкімет платформасында кейбір балалардың цифрлық құжаттары жоқ екендігі анықталды. Бұл туралы Әділет министрлігінің ресми өкілі Талғат Уәли мәлім етті, деп хабарлайды <a href="https://kaz.inform.kz/">Kazinform.</a><blockquote>«Мемлекет басшысының Жарлығына сәйкес, 1 қаңтардан бастап, «Ұлттық қор – балаларға» жобасы аясында балаларға төлем төлеу күшіне енеді. Осыған байланысты көптеген отандасымыздың <a href="https://egov.kz/cms/ru">eGov</a> платформасынан балаларының цифрлық құжаттарын тексеруі кезінде кейбір деректердің жаппай жоқ екендігі анықталды. Бұл қандай да бір қателіктен, не болмаса кемшіліктен, техникалық ақаудан емес. 2008 жылдан бастап туған балалардың құжаттары ғана цифрлық форматқа өткен болатын», – деді Талғат Уәли агенттік тілшісінің сауалына орай.</blockquote>Осы ретте министрлік өкілі балаларды eGov платформасына тіркеу жолдарын атады.<blockquote>«Егер балаңыздың деректері eGov-та жоқ болса, онда платформада «баланы қосу» деген батырма бар. Соны басып, баланың ЖСН нөмірін енгізу арқылы тіркелей аласыз. Егер сол тіркеу кезінде ақпараттар шықпай жатса, онда «түзету» батырмасына өтіп, өз құжатыңызды, балаларыңыздың туу туралы куәлігін енгізесіз», – деді ол.</blockquote>

Ұлттық қордан ақша аударылады: eGov-тан балаңызды таппасаңыз не істеу керек?

Фото: Polisia.kz Август Макаров<a href="https://kyzylorda-news.kz/">Kyzylorda-news.kz.</a>&nbsp; Қазақстанда көші-қон ресурстары порталы –&nbsp;<a href="http://migration.enbek.kz/main">migration.enbek.kz</a>&nbsp;іске қосылды, деп хабарлайды&nbsp;<a href="https://kaz.inform.kz/">Кazinform.</a>Migration порталы – бизнес-процестерді реинжинирингілеу және көші-қон саласындағы мемлекеттік органдардың ақпараттық жүйелерінің өзара іс-қимылын дамыту жолымен құрылған инновациялық платформа.<blockquote>«Шетел азаматтары туралы ақпаратты орталықтандыру және біріздендіру көші-қон процестерінің әртүрлі кезеңдерін синхрондауға, деректерді тиімдірек басқаруға, оларды өңдеу мерзімдері мен шығындарын қысқартуға мүмкіндік береді.Порталда көші-қон саласындағы мемлекеттік қызметтердің кең спектрі бар. Мысалы: «Қандас» мәртебесін беру, қоныс аударушылар мен қандастарды қабылдаудың өңірлік квотасына енгізу, «Ата жолы» картасын беру, пана іздеуші адам куәлігін алу және тағы басқасы», - делінген Еңбек және халықты әлеуметтік қорғау министрлігінің <a href="https://www.gov.kz/memleket/entities/enbek/press/news/details/674745?lang=kk">мәліметінде.&nbsp;</a></blockquote>

Қазақстанда мигранттарға арналған портал іске қосылды

Фото: қала әкімдігінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Ұлы Отан соғысының ардагері, шаһар тұрғыны Төлеген Жүнісов 100 жасқа толды. Сұрапыл соғыста жан аямаған майдангер қартты мерейтойымен құттықтау үшін қала әкімі Асылбек Шаменов, қалалық мәслихат төрағасы Ибадулла Құттықожаев, облыстық ардагерлер кеңесінің төрағасы Серік Дүйсенбаев және қалалық ардагерлер кеңесінің төрағасы Сұлтанбек Тәуіпбаев шаңырағына барды.Шаһар басшысы қазыналы қарияның Тәуелсіздік жолындағы қажырлы күресі мен өңірді дамытудағы елеулі еңбектеріне тоқталып, бүгінгі жас ұрпаққа өмір жолы өнеге екенін айтты.<blockquote>«Көпті көрген ардақты ардагерлердің, қазыналы қариялардың ерен еңбектері ел жадында. Бүгінгі жарқын жетістіктерімізде Өзіңіздің тыным таппай, жан аямай атқарған жұмыстарыңыздың үлесі зор. Осы ретте, Сіздің ел болашағы үшін тер төккен игі істеріңізге алғыс айтып, басымызды иеміз» - деген қала әкімі Асылбек Шаменов мерейтойы иесінің деніне саулық, әулетіне амандық тілеп, аймақ басшысының құттықтауын жеткізіп, сый-құрмет көрсетті.</blockquote>100 жастың биігіне шыққан Төлеген Жүнісов өз кезегінде аймақ, қала басшыларының сый-құрметіне ризашылығын жеткізіп, ел іргесінің бүтіндігін, болашақтың жарқын болуын ақ батасына қосты.&nbsp;<figure class="image"><img src="https://knadmin.beoblood.kz/uploads/412272436_3502741136659286_6944278174583818659_n_47b17baaba.jpg" alt="412272436_3502741136659286_6944278174583818659_n.jpg"></figure>Фото: қала әкімдігінің баспасөз қызметі

Ұлы Отан соғысының ардагері Төлеген Жүнісов 100 жасқа толды

Фото: Zakon.kz<a href="https://kyzylorda-news.kz/">Kyzylorda-news.kz.</a>&nbsp; 2023 жыл да аяқталуға жақын. МӘМС жүйесінде сақтандырылып үлгермеген азаматтар бұл мүмкіндікті қалт жіберіп алмау керек. Олар желтоқсан айының соңына дейін жарна төлесе, жаңа жылмен салыстырғанда 9 000 теңге кем төлейді. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.2023 жылы ең төменгі жалақы мөлшері 70 000 теңгені құрайды, яғни дербес төлеушілер ай сайын 3 500 теңге жарна төлейді (1 ЕТЖ-ның 5%) - немесе жылына 42 000 теңге. Банктер осы соманы ағымдағы жылдың соңына дейін алдағы 12 айға жарналар ретінде қабылдайды. 1 қаңтардан бастап ең төменгі жалақы 85 000 теңгеге дейін өсетіндіктен, бұл төлем 51 000 теңгеге дейін ұлғаяды.<blockquote>«Сақтандыру мәртебесін алу үшін өткен немесе алдағы 12 айларға төлем болу керек. Екінші жағдайда төлеушілер алдағы жылға мәртебе алады. Яғни, қазір алдағы бір жылға сақтандырылу үшін 2024 жылдың қаңтарынан желтоқсанға дейінгі аралыққа жарналар төлеп шығу керек», - деді Бақыт Исмаханбетов.&nbsp;</blockquote>Осылайша, 2023 жылдың желтоқсан айында сақтандырылған мәртебесін алған дербес төлеушілер 9 000 теңге үнемдей алады. Қазақстандықтар үшін МӘМС жарналары мен аударымдарының мөлшері туралы толығырақ мына жерден біле аласыз.Сақтандыру мәртебесін келесі жолдармен тексеруге болады:• &nbsp; &nbsp; &nbsp; &nbsp; Qoldau 24/7 мобильді қосымшасы • &nbsp; &nbsp; &nbsp; &nbsp; fms.kz ресми сайты • &nbsp; &nbsp; &nbsp; &nbsp; Telegram-дағы @SaqtandyrýBot • &nbsp; &nbsp; &nbsp; &nbsp; 1414 байланыс орталығы • &nbsp; &nbsp; &nbsp; &nbsp; Damumed мобильді қосымшасы • &nbsp; &nbsp; &nbsp; &nbsp; Halyk мобильді қосымшасы • &nbsp; &nbsp; &nbsp; &nbsp; BCC.KZ мобильді қосымшасы • &nbsp; &nbsp; &nbsp; &nbsp; Kaspi.kz мобильді қосымшасы • &nbsp; &nbsp; &nbsp; &nbsp; egov.kz электрондық үкімет сайты – «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударымдардың және (немесе) жарналардың аударылған сомалары туралы ақпарат беру» мемлекеттік қызметі арқылы.&nbsp;

Ақша үнемдей отырып 2024 жылға қалай сақтандырылуға болады?

Фото: Мәдениет және ақпарат министрлігі<a href="https://kyzylorda-news.kz/">Kyzylorda-news.kz.</a> &nbsp;Астанада бизнес, ғылым, мәдениет, медиа және ақпараттық технологиялар саласындағы үздік 30 жобаның авторына "Тәуелсіздік ұрпақтары" гранты табысталды.Салтанатты шараға ҚР Мәдениет және ақпарат министрі Аида Балаева, Парламент Мәжілісінің депутаттары, ҚР Президенті жанындағы жастар саясаты кеңесінің өкілдері, көрнекті қайраткерлер қатысты.&nbsp;&nbsp;&nbsp;&nbsp;&nbsp;Айта кетейік, Мемлекет басшысы 2021 жылы "Тәуелсіздік ұрпақтары" грантын жас қазақстандықтардың жаңа және қолданыстағы бастамаларын қолдау мақсатында тағайындаған болатын. Грант аясында 63 адам өз жобасын Қазақстанда ғана емес шетелде де түрлі салаларда табысты жүзеге асыруда.Аида Балаева салтанатты рәсімге қатысушыларды құттықтады.<blockquote>"Президент оқып, жаңа білімді игеруге, Отанымыздың игілігі үшін қажырлы еңбек етуге бел буған жастарды қуана қолдай отырып оларға ерекше құрмет көрсетеді. Елдің болашағы біртұтас халқымыздың дәстүрлі менталитеті мен өмір салтын бұзатын кез келген нәрсеге бой алдырмайтын парасатты жастардың қолында екенін ұдайы атап өтеді.Заманауи өмірдің ағынына емін-еркін бойұсына кететін жастар туралы сөз қозғайтын болсақ, олар кез келген ортаға тез бейімделеді. Құр ашу мен діни фанатизмге бой алдырып, ұшып-қонған әртістердің алдында саналы тәрбие жетегіне еретін прогрессивті деп сипаттауға болады.Біздің үмітіміз - еңбекқор, білімді, тәртіпті, сыпайылық жолымен жүретін жастарда, адамның қадір-қасиетінің мағынасын және ата-баба дәстүрлерін құрметтеуді терең түсінетін жандарда", - деп атап өтті министр.</blockquote>Үздік жобалардың 30 авторына әрқайсысы 3 миллион теңгеге гранттар табысталды.Биыл конкурсқа қатысу үшін 5 бағыт бойынша 3000-нан астам өтінім түсті. Олардың қатарында Қазақстанның мәдени мұрасын насихаттауға, халықтық мәдени дәстүрлер мен өнерді ілгерілетуге, IT саласындағы ғылыми зерттеулерді, стартаптар мен жобаларды, экономиканың негізгі секторларындағы креативті бизнес идеяларды іске асыруға бағытталған жобалар бар.Елімізде 1992 жылдан бастап дәстүрлі түрде ғылыми, шығармашылық, креативті қызметпен айналысатын, сондай-ақ спорт саласында жетістіктері бар жастарға "Дарын" мемлекеттік жастар сыйлығы беріледі. Сонымен қатар қазақстандық жас жазушылар мен ақындар Президенттік арнаулы әдеби сыйлықтың иегері атанса, дарынды ғалымдар Д.А. Қонаев атындағы сыйлықтар мен ғылыми стипендиялар алады.

Астанада "Тәуелсіздік ұрпақтары" гранты табысталды

<a href="https://kyzylorda-news.kz/">Kyzylorda-news.kz.</a> &nbsp;М.Мәметова атындағы педогогикалық жоғары колледжінде әкелер кеңесінің қатысуымен әсерлі кездесу өтті.Студенттермен кездесуге партияның облыстық филиалының Атқарушы хатшысының орынбасары А.Жарылқасынов, облыстық мәслихаттағы "AMANAT" партиясы фракциясының мүшесі, әкелер кеңесінің төрағасы Е.Искендер қатысып, жас ұрпақ тәрбиесіндегі бетбұрыс,, отбасындағы әкенің рөлі, жастар арасында құқық бұзушылықтың алдын алу шараларын ұйымдастырудағы қоғамның белсенділігі жайында әңгімелер айтылды.<blockquote>"Жалғыз сүйеніш, жалғыз үміт – оқуда. Теңдікке жетсек те, жұрттығымызды сақтасақ та, дүниеден сыбағалы орын алсақ та, бір оқудың арқасында аламыз. Жақсылыққа бастайтын жарқын жұлдыз – оқу. Надан жұрттың күні – қараң, келешегі – тұман» деп Міржақып Дулатұлы айтқандай, заманауи, қарқынды дамып келе жатқан әлемде бәсекеге қабілетті ұрпақ тәрбиелесек, үлкен жетістіктерге жетеріміз хақ! Ең басты міндет – егемендік жылдары қол жеткізгеннің барлығын сақтай отырып, қазақ елінің болашағына адал қызмет ететін, ар-намысы биік, парасатты ұрпақ тәрбиелесек, елдің дамуына қосқан нақты үлесіміз болмақ." -деді Атқарушы хатшының орынбасары Алтынбек Жарылқасынов.</blockquote>Сондай-ақ жиын барысында облыстық әкелер кеңесінің төрағасы Ержан Искендер студенттерге тәлім-тәрбиесі мол, рухани байлыққа толы бірнеше кітаптар мен қажетті құрал-жабдықтар алу үшін арнайы сертификаттар сыйға тартты.<img src="https://knadmin.beoblood.kz/uploads/411699101_760838992748406_4526765517749593665_n_5753d22f2e.jpg" alt="411699101_760838992748406_4526765517749593665_n.jpg"><img src="https://knadmin.beoblood.kz/uploads/410279868_760838799415092_8305481399768637582_n_d2b4165c5d.jpg" alt="410279868_760838799415092_8305481399768637582_n.jpg">

Қазақстан және Қызылорда облысының жаңалықтары