<a href="https://kyzylorda-news.kz/">Kyzylorda-news.kz</a> &nbsp;Облысымызда балық шаруашылығын дамытып, су маржандарынның тіршілігіне қолайлы жағдай жасау мақсатында дәстүрлі “Таза су акциясы” жүргізілуде. Акцияның басты мақсаты облыс көлемінде орналасқан су айдындарының жағалауларын күл қоқыстан, түрлі тұрмыстық қалдықтардан тазарту.15 наурызда басталған акция бүгінде табиғат пайдаланушылармен бірге Қазалы ауданындағы резервтік қорда орналасқан Ащыкөл көлінде жалғасуда. Атап өту керек, ауқымды акцияға Қазалы орман мекемесінің қызметкерлері қатысты.Қызметкерлер көлдің айналасындағы қоқыстарды жинастыру, тазалау жұмыстарын жүргізіп, 2 қытай ауы және 400 кг әртүрлі қоқыс қалдықтарын арнайы қоқыс алаңына шығарды. Іс-шараға 5 адам, 1 техника жұмылдырылды.Фото: Табиғи ресурстар басқармасы Қызылорда

«Таза су айдындары» Қазалы ауданында өтті

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде «Таза Қазақстан» экологиялық жобасы аясында ботаникалық бақ және жылыжай шаруашылығы аумағына мың түп тал егілді.Акцияның ресми ашылуына басқарма төрағасы-ректордың міндетін атқарушы Майнұр Бөрібаева, облыстық табиғи ресурстар және табиғат пайдалануды реттеу басқармасының орынбасары Мәріп Акбар, әлеуметтік және тәрбие жұмыстары жөніндегі проректор Жандос Базартай, облыстық мекеме қызметкерлері, университет ұжымы мен білім алушылары және қала тұрғындары қатысты.<blockquote>«Табиғатты қорғау, оны аялау – әрбір адамның міндеті. Біздің мақсатымыз – қоғамда экологиялық сауаттылықты арттырып, тұрақты даму мақсаттарын назарға ала отырып, қоршаған ортаны қорғауға шақыру. Бүгін әрбір қатысушы тал егу арқылы, болашақ ұрпаққа баға жетпес мұра қалдыруға үлес қосуда. Сондықтан халықты, әсіресе жастарды белсенді болуға, игі бастаманы одан әрі жалғастыруға шақырамын!», – деді Майнұр Бөрібаева.</blockquote>Экологиялық акция Қорқыт ата атындағы Қызылорда универсиетінің ұйымдастыруымен, облыстық табиғи ресурстар және табиғат пайдалануды реттеу басқармасы және «AMANAT» партиясы Қызылорда облыстық филиалының қолдауымен өтті.Әрбір отырғызылған ағаш – келешекке деген үміт пен арманды символиздейді, сондай-ақ, тұрақты дамуға және табиғатпен үйлесімді өмір сүруге деген ұмтылысты білдіреді. Игі шара университеттің белсенді студенттерінің концерттік бағдарламасына жалғасып, қатысушыларға ыстық бауырсақ таратылды. Сонымен қатар, «Eco life» студенттік клубының мүшелері барлық жастарға челлендж жолдады. Наурыз айынан бастап университеттің барлық оқу ғимараттарында тұрақты түрде табиғатты қорғау мақсатында сенбіліктер өтуде.Фото: Қорқыт ата университеті

1000 ағаш – 1000 арман

<a href="https://kyzylorda-news.kz/">Kyzylorda-news.kz</a> Кеше «Ақмешіт-Сырдария» орталық мешітінде Қызылорда облысының Бас имамы Дастан Құрманбаев «Сыр медиа» жауапкершілігі шектеулі серіктестігінің бас директоры Марат Аралбаевты қабылдап, елімізде діни бағытта атқарылып жатқан жұмыстарды, оның ішінде, Қазақстан Мұсылмандары діни басқармасы мен Қызылорда облысы өкілдігінің іс-шараларын насихаттауға қосып келе жатқан зор үлесі үшін алғысын айтып, ризашылығын жеткізді.<blockquote>– Ақпарат саласы – қоғамдық пікір қалыптастыратын маңызды сала, ол – қуатты құрал. Әсіресе, қазіргідей құбылмалы, түрлі технологиялар қарыштап дамыған заманда халыққа дін тақырыбында жан-жақты сарапталған, тексерілген, шынайы ақпаратты ұсыну аса маңызды. Қоғамды адастыратын ақпаратқа жол бермеу үшін өзіңіз басқаратын серіктестік қызметкерлері ұлт мүддесін бәрінен биік қойып, ел қамы үшін қалам тербеп келеді. Бұдан бөлек, сіз – біздің тек ақпараттық қолдаушымыз ғана емес, орталық мешіттің тұрақты жамағатысыз. Мешітте ұйымдастырылып жатқан барлық шараларға белсенді түрде қатысып, үнемі ақыл-кеңесіңізді беріп отырасыз. Ұйымдастыру жұмыстарына да көмек көрсетіп келесіз. Сізге өзімнің ғана емес, өкілдік ұжымының атынан алғыс айтып, ризашылығымызды жеткіземіз. Алла Тағала өзіңізге екі дүниенің бақытын нәсіп етсін! Әрдайым мерейіңіз үстем, мәртебеңіз биік болсын! – деді Дастан Жанасұлы.</blockquote>Кездесу соңында Бас имам Марат Жайылханұлына құрмет көрсетіп, өзінің Алғысын табыстап, сый-сыяпат жасады.ҚМДБ-ның Қызылорда облысы бойынша өкілдігінің баспасөз қызметі

Медиахолдинг басшысына ризашылығын білдірді

<a href="https://kyzylorda-news.kz/">Kyzylorda-news.kz</a> Президент тапсырмасына сәйкес және Жұмысшы мамандықтары жылы аясында еліміздің орта білім беру ұйымдарында педагог-кәсіптік бағдар беруші лауазымы ресми түрде бекітілді.Оқу-ағарту министрлігінің баспасөз қызметі мәлім еткендей, бұл бастама оқушыларға мамандық таңдауда ерте бағыт-бағдар беруге, сондай-ақ оқушылар, ата-аналар, педагогтер, колледждер мен жұмыс берушілер арасындағы өзара байланыс пен ынтымақтастықтың тиімділігін арттыруға бағытталған.Педагог-кәсіптік бағдар берушінің негізгі міндеттері:<ul><li style="text-align:justify;">Оқушыларға мамандық пен білім бағытын таңдауда қолдау көрсету;</li><li style="text-align:justify;">Жеке және топтық кәсіби кеңес беру жұмыстарын жүргізу;</li><li style="text-align:justify;">Кәсіптік бағдар беруге арналған іс-шараларды ұйымдастыру;&nbsp;</li><li style="text-align:justify;">Жұмыспен қамту орталықтарымен, колледждермен және кәсіпорындармен байланыс орнату;</li><li style="text-align:justify;">Оқушыларға еңбек нарығындағы сұранысқа ие&nbsp;мамандықтар мен заманауи үрдістер туралы ақпарат беру.</li></ul><blockquote>—&nbsp;Жаңа лауазымның енгізілуі оқушылардың сана­лы әрі дұрыс кәсіптік таңдау жасауына көмектеседі, жұмысшы мамандықтарының беделін арттырып, еңбекке бейім, білікті және бәсекеге қабілетті ұрпақ тәрбиелеуге ықпал етеді,&nbsp;— делінген хабарламада.</blockquote>Фото: Нұрболат Нұржаубай

Алғаш рет мектепте «педагог-профориентатор» лауазымы ресми түрде енгізілді

<a href="https://kyzylorda-news.kz/">Kyzylorda-news.kz</a> Айдарлы ауылында Сырдария ауданының әкімі Берік Сәрменбаевтың қатысуымен қоғам қайраткері, журналист, саясаттану ғылымдарының докторы Әбдіжәлел Қошқарұлының 85 жас мерейтойына арналған облыстық ақындар мүшәйрасы өтті. Жыр додасын аудандық мәслихат төрағасы Ержан Әжікенов, ардагерлер кеңесінің төрағасы Мұса Келдібаев, Қазақстанның еңбек сіңірген қайраткері Әмір-Темір Хұсейін, Қазақ тілі қоғамының төрағасы және ауыл тұрғындары тамашалады.Аудан әкімі мерейтой иесі көрнекті қоғам қайраткері атқанған еңбегін атап, мүшайраға қатысушы ақындарға сәттілік тіледі.<blockquote>— Біз көрнекті қоғам қайраткері, журналист, саясаттану ғылымдарының докторы, ұлт руханияты мен елдің дамуына сүбелі үлес қосып жүрген Әбдіжәлел Бәкір Қошқарұлының 85 жылдық мерейтойына арналған облыстық ақындар мүшәйрасында бас қосып отырмыз. Өздеріңізге белгілі, Әбдіжәлел ағамыз – нағыз ұлтжанды азамат, тіл жанашыры, мемлекеттік басқару, бұқаралық ақпарат, білім салаларында абыройлы қызмет атқарған көрнекті тұлға. Ардақты азамат киелі Сырдың топырағында, Айдарлы ауылында дүниеге келді. Еңбек жолындағы алғашқы қадамдарын Сырдария ауданында ұстаздықтан бастады. Әбдіжәлел Қошқарұлы Қызылорда қалалық комсомол комитеті ұйымдастыру бөлімінің меңгерушісі, бірінші хатшысы, облыстық комсомол комитетінің хатшысы, партия комитетінің бөлім меңгерушісі қызметтерінде жүріп, өңірдің өсіп-өркендеуіне еңбек сіңірді. Екі мәрте Қазақстан Республикасы Парламенті Мәжілісінің депутаты болып сайланып, тіл жанашыры ретінде ана тіліміздің мерейін арттырды. Дана халқымыз «Қаламы қарымдының еңбегі жарқырайды» деп бекер айтпаған. Әбдіжәлел Қошқарұлының қаламынан шыққан 200-ден астам ғылыми мақала, 10 монография мен 2 кітап әлеуметтік маңызын жоғалтпаған ғылыми еңбектердің қатарында. Жыр додасында бақ сынайтын ақындар шабыты мен шеберлігін ортаға салып, ел үшін атқарған еңбегіңізді дәріптейді деп сенемін. Сізді мерейлі мерекеңізбен құттықтай отырып, зор денсаулық, ұзақ ғұмыр, отбасыңызға бақ-береке тілеймін. Мерейтойыңыз құтты болсын! Мүшәйраға қатысушыларға ақындарға сәттілік тілеймін! - деді Берік Әбдіғаппарұлы.</blockquote>Іс-шара барысында аудан басшысы Әбдіжәлел Қошқарұлының мерейтойына арнайы құттықтау табыстап, сый-құрмет көрсетті.Облыстың түпкір-түпкірінен жүйрік ақындар қатысқан жыр додасы екі кезең бойынша өтті. Ақындар тарихи тұлға Мұстафа Шоқай мен Әбдіжәлел Қошқарұлына дайындаған арнауларын оқыды. Сайыс қорытындысы бойынша топтан үздік шаққан ақындар марапатталды. &nbsp;Сонымен қатар, Әбдіжәлел Қошқарұлының құрметіне кітап көрмесі мен фотокөрме ұйымдастырылды.<img src="https://knadmin.beoblood.kz/uploads/bdizh_lel_osh_ar_ly_7a2d3fa944.jpg" alt="Әбдіжәлел Қошқарұлы.jpg">Фото: Сырдария ауданы әкімінің баспасөз қызметі

Қоғам қайраткеріне құрмет көрсетті

<a href="https://kyzylorda-news.kz/">Kyzylorda-news.kz</a> Күн жылып, жердің тоңы жібіген кезде басталатын жыл сайынғы көктемгі егіс дала жұмыстары Арал өңірінде биыл да қарқын алды. Ауыл шаруашылығы дақылдарының егіс алқаптарының құрылымын әртараптандыруға сәйкес, биыл егістік көлемін 1000 гектарға орналастыру жоспарланып отыр. Оның 6,5 гектары картоп, 58 гектары көкөніс, 312,5 гектары бақша, 237 гектары жаңа жоңышқа және 386 гектары ескі жоңышқа мал азықтық дақылдары.Ағымдағы жылы көктемгі дала жұмыстары бойынша Ақирек ауылдық округіндегі «Асхат-1», «Шеру» және «Дидар» шаруа қожалықтары және Аманөткел ауылдық округіндегі жеке кәсіпкер Е.Төреханов алғашқылардың бірі болып жер жырту жұмыстарын жүргізді.Бүгінгі күнге, «Асхат-1» шаруа қожалығы бақшалық дақылдар үшін 4 гектар, «Шеру» шаруа қожалығы 3 гектар, «Дидар» шаруа қожалығы 4 гектар жерді, ал Аманөткел ауылдық округіндегі жеке кәсіпкер Е. Төреханов 8 гектар жер жыртып, егістік жердің қоршауларын толық жүргізуді қолға алуда.Аталмыш, «Асхат-1» шаруа қожалығы жыртылған жердің 3 гектарына, жеке кәсіпкер Е. Төреханов 8 гектар жерге су үнемдеу технологиясын пайдалана отырып, тамшылатып суару және подпленка әдісімен бақша егуді жоспарлап отыр.Бұл бағыттағы тиімді әрі ерте басталатын жұмыстардың бірі – жылыжай кешенін іске қосу болатын. Өткен жылы Сексеуіл кентінің жеке кәсіпкері Ахметжан Боханов шағын жылыжай кешеніне көкөніс өнімдерін оның ішінде қияр, қызанақ егіп, өнімдерін аудан тұрғындарына нарықтағы бағадан 10-15 пайыз төмен бағамен сатылымға шығарған болатын.Кент тұрғыны Ахметжан Боханов биыл да жылыжай кешеніне қиярдың Авелла-1 сортының көшеттерін отырғыза бастады. Одан бөлек кенттің Құмсай өңірінен 7 гектар жерге бақшалық дақылдар егу үшін қарбыздың (ницца, атаман, холор, блэйд, китано сорттары) және қауынның (күләбі, әміре, красная москва, торпедо, сорттарын), сорттарын алып, екпе көшеттерін алдымен жылыжай кешеніне отырғызуды қолға алды.<img src="https://knadmin.beoblood.kz/uploads/Eginge_dajyndy_zh_mystary_bastaldy_2_8439529229.jpg" alt="Егінге дайындық жұмыстары басталды 2.jpg">Фото: Арал ауданының әкімдігі

Егінге дайындық жұмыстары басталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қызылорда қаласындағы құрылыс нысандарын аралап, ондағы жұмыс барысын тексерді.Алдымен &nbsp;«Қызылорда Арена» көпфункционалды кешенін салу белгіленген жерге барып, &nbsp;дайындық жұмыстарын көрді.Төрт қабатты ғимарат &nbsp;Бейбарыс сұлтан көшесіне орналасады деп жоспарлануда. &nbsp;Спорт нысанында әмбебап және шағын спорт залдары, бассейн, тренажер, сондай-ақ төрешілер, жаттықтырушыларға арналған киім ауыстыратын, тағы басқа қосалқы бөлмелер, душ, конференц-зал болады. Еркін және классикалық күрес, &nbsp;бокс, теннис, таэквандо, самбо мен дзю-доға арналған залдар қарастырылған."Қызылорда-Арена" оқу-жаттығуға, жарыстар өткізуге мамандандырылған кешен болады деп күтілуде. Аймақ басшысы құрылыс барысында сапаға баса мән беруді, бекітілген мерзімде бастап, уақытылы аяқтауды тапсырды. Одан кейін Тәуелсіздікке 25 жыл даңғылын қайта жаңғырту барысын көріп шықты.Өткен жылдан бері &nbsp; осы даңғылдың Бейбарыс сұлтан көшесінен Әбілқайыр хан көшесіне дейінгі Сырдария өзенінің қорғаныш бөгеті нығайтылып, 6,7 шақырымы қайта жаңғыртылуда.Мердігер «УАД» ЖШС бұған дейін 1,2 шақырым кеңейтілетін аумаққа жол салып, асфальт төседі. &nbsp;Сырдария өзенінің жиегіндегі қорғаныс бөгеті тазаланып, 2,6 шақырымға жуық дамба нығайтылды, 1,4 шақырым тіреу қабырға, 820 метр жиек тұрғызылды.Даңғылдың жалғасы ретінде Әбілқайыр хан көшесінен Саламатов көшесіне дейінгі &nbsp;қорғаныс бөгетін нығайту мен 2,9 шақырым автомобиль жолын салу жоспарланған. Облыс әкімі &nbsp;жолды сапалы салып, уақытылы аяқтауды тапсырды.<img src="https://knadmin.beoblood.kz/uploads/Ajma_basshysy_rylys_nysandaryn_aralau_2_fd77bb64a8.jpg" alt="Аймақ басшысы құрылыс нысандарын аралау 2.jpg"><img src="https://knadmin.beoblood.kz/uploads/Ajma_basshysy_rylys_nysandaryn_aralau_3_3db983fb97.jpg" alt="Аймақ басшысы құрылыс нысандарын аралау 3.jpg"><hr><img src="https://knadmin.beoblood.kz/uploads/Ajma_basshysy_rylys_nysandaryn_aralau_4_06a4543f24.jpg" alt="Аймақ басшысы құрылыс нысандарын аралау 4.jpg">Фото: Қызылорда облысы әкімінің баспасөз қызметі

Аймақ басшысы құрылыс нысандарын аралады

<a href="https://kyzylorda-news.kz/">Kyzylorda-news.kz</a> Қызылорда облысының Финляндия, Эстония мемлекеттерінде өткен өнер күндері одан әрі Испанияның Мадрид қаласында жалғасып, Ұлыстың ұлы күніне арналған концертпен қорытындыланды. Облыс әкімі Нұрлыбек Нәлібаевтың қолдауымен ұйымдастырылған осы өнер сапары барысында Еуропа жұртшылығы Наурыз мерекесінің тарихи және мәдени маңызы туралы мол ақпаратқа қанықты. Сапардың мақсаты да осы, яғни қазақ халқының ұлттық мұрасын әлем жұртшылығына таныстыру, шығармашылық ұжымдармен тәжірибе алмасу болатын.«NAURYZ – CELEBRATION OF SPRING» атауымен өткен концертке көрермен көп жиналды. Онда Қазақстанның Испания Корольдігіндегі төтенше және өкілетті елшісі Данат Мұсаев пен Леганэс қаласы әкімінің орынбасары Дэльгадо Карлос сөз сөйлеп, Сыр елінің өнерпаздарына алғыс білдірді.Бай мәдениеті, тарихы және тамаша табиғатымен әйгілі Испания елі өзінің тамыры терең өнерін, ғажайып сәулетін мақтаныш етеді. Қазақтың дәстүрлі музыкасы мен ұлттық өнерінен үндестік тапқандықтан, көрермен қауым сахнада шырқалған ән-жырға, жалпы концерттік бағдарламаға зор қызығушылық танытты.Қызылорда облыстық филармониясының өнерпаздары күн мен түннің теңелетін, күллі тіршілік қайта түлейтін табиғат мерекесінің бар бояуын жарқыратып ұсынды. «Жарапазан» айтылып, қазақтың игі дәстүрімен шашу шашылды. Наурыз- думанның басталғанын «Тойбастар» әнімен көрсетіп, қала тұрғындары мен қонақтарына, диаспора мүшелеріне, қазақстандық және шетелдік студенттерге ұлт қазынасының мол мұрасы туралы мағлұмат берді.Концертке «Ақмешіт» фольклорлық ансамблі (жетекшісі – Нұрғиса Нұрбай), Руслан Ахметов, Шолпан Бимбетова, Самал Байсейтова, Ақмарал Ноғайбаева, Марат Сүгірбай, Мұхтар Ниязов, Бағдәулет Қарғабаев, Сымбат Тасбергенова, Мағжан Аманжолов, Ақылбек Табынбаев, Тоқтар Ағыраев, Ақнұр Аманбаева, Сәбит Ділдабаев, Алмас Әлжанов, Заманбек Нысанбаев, Арман Төлеш қатысып, өнер көрсетті.Гастрольдік сапарда көрерменге концерттік бағдарламамен қатар, қазақ халқының ұлттық тағамдары ұсынылды. Ұлттық нақышпен безендірілген сый-сияпат та таратылды.<img src="https://knadmin.beoblood.kz/uploads/yzylorda_oblysyny_Europada_y_ner_k_nderi_2_14ca4bb68d.jpg" alt="Қызылорда облысының Еуропадағы өнер күндері 2.jpg"><img src="https://knadmin.beoblood.kz/uploads/yzylorda_oblysyny_Europada_y_ner_k_nderi_3_d9e6c74672.jpg" alt="Қызылорда облысының Еуропадағы өнер күндері 3.jpg">Фото: Қызылорда облысы әкімінің баспасөз қызметі

Қызылорда облысының Еуропадағы өнер күндері Испанияда қорытындыланды

Бүгін бірқатар өңірлерде шығып қалған мәслихаттардың депутаттарының орнына сайлау өтеді. Қызылорда облысы бойынша науқан Сырдария ауданында ұйымдастырылуда.№4 бірмандаттық аумақтық сайлау округі бойынша 2 сайлау учаскесінде дауыс беру қызу жүруде.&nbsp; Учаскеге таңмен таласа алғаш келген азаматтарға арнайы сыйлықтар берілуде.Учаскелерде сайлауға қатысатын 15 мүгедектігі бар азамат бар. Көру қабілеті қиын сайлаушылар үшін дауыс беру бюллетеньдерін толтыру ережесі көрсетілген аудиоматериалдар берілді.Саяси науқанда 82 азамат тасымалдан жәшік арқылы дауыс беруге өтініш жазған. Оның 64-і А.Тоқмағанбетов ауылдық округіне қарасты елді мекендер мен саяжайлар, 18-і №154, №158 сайлау учаскесінің аумағында тұратын сайлаушылар.Еске салайық, шығып қалған мәслихат депутаттарының сайлауында 1893 сайлаушы дауыс беру құқығына ие.

Сырдарияда мәслихат депутатының сайлауы өтуде

&nbsp;Солтүстік Қазақстан облысы әкімдігінің мәдениет, тілдерді дамыту және архив ісі басқармасы биыл Идеологиялық ескірген атауларды қайта атау орынды екені туралы ақпараттандыру және түсіндіру, тарихи атауларды танымал ету мақсатында "Жеріңнің аты – еліңнің хаты" іс-шаралар кешенін ұйымдастырмақ. Бұған бюджеттен 3 миллионға жуық қаржы бөлінген. Сонымен қатар 2025 жылы облыста жалпы 51 көшенің атауы өзгертілмек. Бұл туралы <a href="https://stan.kz/">Stan.kz</a> ақпарат агенттігі хабарлайды.Басқарманың сауалымызға берген жауабында бүгінде өңірде идеологиялық тұрғыдан ескірген 13 ауылдық округ, 33 ауыл, 300 көше атаулары бар екені айтылған. Дегенмен қазір мәдениет және ақпарат министрлігінің тапсырмасы негізінде елді мекендерге атау беру және қайта атау бойынша ұсыныстардың қаралуы уақытша тоқтатылған көрінеді.Бұдан бөлек басқарма биыл бюджеттен бөлінген 2 767 857 теңге қаражатқа "Жеріңнің аты – еліңнің хаты" іс-шаралар кешенін ұйымдастырмақ.<blockquote>"Идеологиялық ескірген атауларды қайта атаудың орындылығы туралы ақпараттандыру және түсіндіру, халықтың пікірі мен ұсынысымен танысу, тарихи атауларды танымал ету мақсатында өңірімізде "Жеріңнің аты – еліңнің хаты" іс-шаралар кешені аясында "Ономастикалық кеңестікті реттеу жолдары" іс-шараларын іске асыру жоспарланып отыр. Осыған орай, облыстың барлық ауданында, облыс орталығында тұрғындармен кездесулер ұйымдастырылады. Осы жұмысқа республикадағы танымал саясаткер, қоғам қайраткерлері тартылады. Елді мекеннің атауы және оның жері туралы архивтік деректер, карталар, басқа да тарихи құжаттар дайындалады", –&nbsp;деп жауап берді тиісті басқарма.</blockquote>Қазір&nbsp;атауларды беру және қайта атау жұмыстары Президент Әкімшілігімен келісілген 2025 жылға арналған Жол картасы негізінде жүзеге асып жатыр. Соған сай бір жылда облыста 51 көшенің атауы өзгертілмек. Олардың ең негізгісі – атауы жоқ көшелер мен жаңа мекенжайлар.<blockquote>"Аталған Жол картасы аясында ең әуелі атауы жоқ көшелердің атауларына басымдық беріледі. 2025 жылы облыс бойынша 51 көшенің атауын өзгерту жоспарланып отыр. Петропавл қаласы бойынша "Бірлік" шағын ауданына және оның жаңа 28 көшесіне, "Орман" шағын ауданындағы 7 жаңа көшеге атаулар беру жұмысы жүргізіледі", –&nbsp;деп хабарлады Солтүстік Қазақстан облысы әкімдігінің мәдениет, тілдерді дамыту және архив ісі басқармасы.</blockquote>Ономастикалық жұмыстар "Қазақстандағы тіл туралы" заңның 25-1-бабы 1-тармағының 1-тармақшасына сай,&nbsp;"Қазақстандағы ономастикалық жұмыстарды ұйымдастыратын әдістемелік ұсынымдарды", сонымен қатар Республикалық ономастика комиссиясы отырыстарында мақұлдаған "Тарихи тұлғалар", "Дәстүрлі атаулар" және "Тарихи жер-су атаулары" тізімдерін басшылыққа ала&nbsp;жүзеге асады.Фото: Pkzsk.info

Биыл Солтүстік Қазақстан облысында 51 көшенің атауы өзгертілмек

<a href="https://kyzylorda-news.kz/">Kyzylorda-news.kz</a> Интернет-сауданың дамуымен алаяқтар сенгіш сатып алушыларды алдаудың жаңа жолдарын табуда. Олар пайдаланушылардың ақшасы мен жеке деректерін алдау үшін психологиялық трюктерді, жалған сайттарды және тіпті жасанды интеллектті пайдаланады.Интернет-дүкендердегі ең көп таралған алаяқтық схемалар туралы, сондай-ақ өзіңізді және жақындарыңызды алаяқтардың айла-амалдарынан қалай қорғауға болады Fingramota.kz Datastar басқарушы директоры, QAZTECH Альянсының ақпараттық қауіпсіздік комитетінің төрағасы Евгений Питолин айтты.Интернет-дүкендердегі алаяқтықтың ең көп таралған түрлеріКеремет жеңілдіктерМысалы, жаңа iPhone шыққаннан кейін бірден 50% жеңілдікпен ұсыныстар пайда болады, бірақ «тек бүгін және қазір» хабары бар. Алаяқтар мерекелерді де белсенді пайдаланады: 8 наурызда олар Dyson-ды жарты бағамен, ал ерлер мерекелерінде - үлкен жеңілдіктері бар гаджеттер ұсынады. Сенімді азаматтар жалған хаттың сілтемесі бойынша, мыс базардан келіп, карта деректерін енгізеді, ал ақша есептен шығарылады, бірақ сатып алушылар күткен жерге емес. Оның үстіне, бұл бірден бола бермеуі мүмкін, өйткені алаяқтар 3DSecure арқылы растаусыз есептен шығаруға болатын сомаларды сынап жатыр. Кейде бұл күдік тудырмайтын шағын сомалар, бірақ сіз бәрібір ақша жоғалтасыз.Платформаның ішіндегі алдауБұған жалған курьерлер мен жеткізу қызметтері кіреді. Мысалы, сізге жеткізу реттеліп қойғанын айтып, SMS-тен кодты жіберуді сұрайды. Бұл код платформадағы шотыңыздан немесе банкіңізден болуы мүмкін. Кодты бергеннен кейін сіз деректеріңізге қол жеткізе алмайсыз және сіздің атыңызға несие алу қаупі бар. Тағы бір жолы: мессенджерлерге арналған интернет-дүкен платформасын қалдыру. Алаяқтар платформаның комиссиясын айналып өтіп, «ақшаны үнемдеуді» және тікелей келіссөздер жүргізуді ұсынады. Жеңілдік беруге уәде беріп, картаға ақша аударуды сұрайды, содан кейін жоғалады.Жалған техникалық қолдауАлаяқтар: «Тыңдаңыз, сіз қате жібердіңіз, біз кездейсоқ ақшаны есептен шығардық, қазір бәрін қайтарамыз, маған кодты жіберіңіз» деп жазады. Немесе: «Олар сіздің парольдеріңізді ұрлады, міне хат, құпия сөзіңізді тез өзгертіңіз, әйтпесе барлығын ұрлайды, мына сілтеме, маған кодты жіберіңіз». Мұндай хабарламаларды алған кезде ешқандай қолдау қызметі сізбен әлеуметтік желілерде немесе мессенджерлерде хабарласпайды, ешқандай жағдайда әңгімені жалғастырмаңыз, өйткені сіз алаяқтармен айналысасыз.Шоттарды бұзуПайдаланушылар нарықтан жалған электрондық хаттарды алады және мәселе адамдар әрқашан мекенжайларға мұқият қарай бермейді. Евгений Питолиннің айтуынша, соңғы екі айда жаңа схема пайда болды: қазақстандықтар Ozon.kz сияқты банктермен ынтымақтасатын базарлардан жалған хаттар алуда. Алаяқтар мұны пайдаланып, былай деп жазады: «Сіздің нарықта шотыңыз бар, біздің банктен карта алуға өтініш жасағыңыз келе ме? «Тамаша жеңілдіктер, ең жақсы баға, жылдам төлем».Маркетплейстердегі жалған жұмыс орындарыАлаяқтар адамдарға білімсіз оңай ақшаны уәде ететін жұмыс ұсыныстарын жібереді. Алаяқтардың болашақ құрбандары тек тіркеліп, SMS жіберуі керек, содан кейін кірісті бастау үшін шағын салымды жасаңыз. Әрине, жәбірленушілер жұмысты да, ақшаны да көрмейді.«Алаяқтықтың техникалық схемалары да бар. Мысалы, Apple өнімдерінің қайталама нарығында сұраныс жоғары. Менің досымның Apple құрылғыларын сатумен тарихы болды. Схема әрқашан қарапайым: қылмыскер аңғал адамды қосады және құрылғының жұмыс істейтінін түсінбейтінін айтады және тексеру үшін өз құрылғысына Apple идентификаторын енгізуді сұрайды. Көптеген адамдар мәселенің не екенін түсінбейді және деректерді енгізеді. Apple ID идентификаторын енгізгеннен кейін, сіздің құрылғыңыз енді сізге тиесілі емес. Бір секундтан кейін&nbsp;«телефоныңыз құлыптаулы, құлпын ашу үшін осында жазыңыз»&nbsp;деген хабарлама пайда болады және бопсалау басталады»,&nbsp;- деп түсіндірді Евгений Питолин. &nbsp;Сарапшы: сіз мүмкіндігінше қырағы болуыңыз керек, өйткені алаяқтық сценарийлерінің саны артып келеді. Киберқылмыскерлер жасанды интеллектті игерді және оны алаяқтық схемалар жасау үшін пайдаланады. Барлық қызықты сценарийлердің 50% - дан астамы жасанды интеллект арқылы алаяқтарға арналған.Интернет-дүкеннің шынайы екенін қалай түсінуге боладыӨкінішке орай, алаяқтарды танудың 100% кепілдендірілген әдісі жоқ және тек параметрлер жиынтығы көмектеседі. Назар аударатын бірінші нәрсе-ассортименттің бағасы. Егер барлық сатушылар үшін жаңа iPhone миллион теңге, ал "сұр" сатушылар үшін — 850 мың болса, мұны негізінен түсінуге болады. Бірақ егер барлық дүкендерде жаңа iPhone 850 мың теңге, ал нақты сатушыда — 500 теңге болса, онда смартфон бұзылған немесе сіз алаяқтарға тап болдыңыз.Екіншісі-пікірлерді қадағалаңыз. Егер сіз бір күнде тауарға немесе сатушыға бірдей тілде жазылған 50 шолуды көрсеңіз,бұл боттар. Егер сатушы кері байланыс үшін боттарды қолданса, онда ол алаяқ немесе қабілетсіз. Сондай — ақ, әртүрлі пікірлер айтатын адамдар бар, бірақ олардың барлығы оң-содан кейін түсіну керек: егер бірде-бір жаман пікір болмаса, бұл жалған, ал алаяқтар жаман пікірлерді алып тастауы мүмкін. Ең жақсы нұсқа-50-ден 50-ге дейінгі комбинация, мұнда 40% жаман пікірлер бар, мысалы, кеш жеткізу немесе дөрекілік. Бұл кем дегенде түсінікті нәрсе, егер дүкен жауап берсе және қателерді түзетсе, бұл барабар процесс.Үшіншісі - заңды тұлға туралы мәліметтерді тексеру. Жалқау болмаңыз, сатушының атын іздеу жүйесіне енгізіп, не жазғанын көріңіз. Әдетте алғашқы сілтемелерде мемлекеттік көздерден алынған мәліметтер болады. Егер сіз арнайы қызметтерде тексеру үшін ақы төлегіңіз келмесе де, ақысыз нұсқада сатушыға қатысты сот иск немесе қылмыстық істер бар-жоғын көруге болады. Сондай-ақ, әлеуметтік желілерге назар аударған жөн. Егер сатушының әлеуметтік желілерде тиісті өкілі болмаса, онда ол кез-келген уақытта жоғалып кетуі мүмкін.Өзіңізді және жақындарыңызды алаяқтардан қалай қорғауға боладыӨзіңізді қорғаудың жалғыз жолы-сыни тұрғыдан ойлау, бәріне сенімсіздік қалыптастыру. Мұның бәрі тек өзімізге байланысты. Осылайша, қауіпсіздіктің негізгі компоненттері сыни тұрғыдан ойлау, максималды күдік және барлық келіп түскен ақпаратты тексеру болып табылады. Сонымен қатар, сіз оқып, ойыңызды кеңейтіп, біліміңізбен бөлісуіңіз керек: көбінесе адамдар алданып қалғаны туралы айтуға ұялады және бұл басқалардың да алаяқтардың құрбаны болуына әкеледі.Евгений Питолин ешқандай қаржылық және құқықтық мәселелер телефон арқылы немесе мессенджерлерде шешілмейтінін атап өтті — банктер мен мемлекеттік органдардың өздерінің ресми алгоритмдері бар. Егер сізге көмектесу үшін полиция қызметкері қоңырау шалса, бұл тек күмән тудыруы керек, өйткені құқық қорғау органдарының нақты өкілдері сізге қоңырау шалудың орнына келеді. Мемлекет сіздің қайда екеніңізді біледі, егер сізге қажет болса, ол сізді табады.Сонымен қатар, алаяқтардан тамаша қорғаныс сандық іздің қысқаруы болады. Мысалы, форумдарда, адалдық қызметтерінде және т.б. тіркелу үшін бөлек e-mail орнатыңыз. Сондай-ақ, сіз осы платформаларда бүркеншік атты пайдалана аласыз және оның арқасында сіз алаяқтардың сізге қоңырау шалып жатқанын түсінесіз. Егер сізге қоңырау келіп түссе және сымның сол жағындағы адам: «Сәлеметсіз бе, Гүлсум» десе, сіз олардың алаяқтар екенін бірден түсінесіз, өйткені қарапайым адамдар сіздің Әлия екеніңізді біледі. Бұл деректердің қай жерде бұзылғанын және құпия сөзді қай жерде өзгерту керектігін түсінуге көмектеседі.Әрі қарай, интернет-дүкендер, курьерлер, жеткізу және Форумдар үшін бөлек SIM картасын алыңыз. Егер сіз курьер күтпесеңіз, онда сіз бейтаныс нөмірден телефонды көтермейсіз, алаяқтар сізге жетіп, алдай алмайды.Қорғаудың тағы бір жақсы тәсілі-виртуалды карта, оны құлыптау және өзгерту оңай. Ол сіздің негізгі банкіңізде болмауы керек және сіз жоғалтқаныңызға өкінбейтіндей көп ақша салуыңыз керек. Оны онлайн сатып алу үшін пайдаланыңыз және жинақтарыңыз үшін алаңдамаңыз.«Стоп кредит» қызметін қосыңыз eGov.kz. ол сізді бұзылған жағдайда да алаяқтардан қорғайды. Егер сіз осы қызметті белсендірсеңіз және алаяқтар сіздің атыңызға банктік қарызды немесе микрокредитті заңсыз ресімдеген болса, онда банк немесе МҚҰ оны есептен шығаруға міндетті болады. &nbsp;<blockquote>«Соңғы кеңес: дауыстық хабарламаларды жазбауға тырысыңыз. Сіз көлік жүргізетін және жазуға ыңғайсыз жағдайлар бар, бірақ бұл сирек кездеседі. Кез келген нейрондық желі Сіздің атыңыздан сапалы аудио терең фейк жасау үшін он хабарлама жеткілікті. Содан кейін сіздің шотыңызды бұзғаннан кейін алаяқтар достарыңызға қоңырау шалып, ақша сұрай алады», - деп түйіндеді Евгений Питолин.</blockquote>Фото: fingramota.kz

Интернет-дүкендердегі алаяқтық: Өзіңізді және жақындарыңызды қалай қорғауға болады?

<a href="https://kyzylorda-news.kz/">Kyzylorda-news.kz</a> QR төлемдері - қолма-қол ақшасыз төлем әдісі, онда ақша аудару үшін QR коды немесе Quick Response code қолданылады, бұл "жылдам жауап беру коды"дегенді білдіреді. Қазақстанда бұл технология кеңінен қолданылады-адамдар ыңғайлылық пен жылдамдыққа байланысты QR арқылы тауарлар мен қызметтерге ақы төлеуді жөн көреді. Алайда, мұндай алаяқтардан қорғалған төлем әдісі де 100% қауіпсіздік кепілдігін бермейді. Fingramоta.kz бұл технологияның не екенін және оны пайдалану кезінде зиянкестердің өздерін алдауына жол бермеуді түсінеді.QR төлемдері қалай өтедіБірінші қадам: сатушы төлем туралы ақпаратты-сатып алушының сомасы мен деректемелерін қамтитын бірегей QR кодын жасайды. Айта кету керек, QR-статикалық болуы мүмкін (барлық төлемдер үшін бірдей, оларды үйдегі дүкендер жиі пайдаланады) және динамикалық (әр транзакцияға ғана тән, олар кафелерде, бутиктерде, ірі дүкендерде және т.б. қолданылады).Екінші қадам: Сатып алушы QR кодын смартфон камерасы мен банктік қосымшаның көмегімен сканерлейді.Үшінші қадам: сканерлеуден кейін Сатып алушы төлемді тиісті қосымшада растайды және қаражат сатушының шотына аударылады.QR төлемдерінің оң және теріс жақтарыКөріп отырғаныңыздай, бұл технология өте жылдам және ыңғайлы, бірақ, өкінішке орай, оның оң және теріс жақтары бар. QR төлемдерінің артықшылықтары кемшіліктерге қарағанда әлдеқайда көп екенін ескеріңіз.Артықшылықтары:ақша бірден сатушының шотына түседі-картамен Төлегенге қарағанда әлдеқайда жылдам; қауіпсіз, өйткені қолма-қол ақшаны немесе карталарды алып жүрудің қажеті жоқ және Қолданба оңай бұзылмайтын пин-кодпен қорғалған;&nbsp; төлем Басқа төлем әдістерімен салыстырғанда төмен; асығыс және тауарды бірден сатып алғысы келетін немесе қызмет алғысы келетін сатып алушылар үшін ыңғайлы;&nbsp; төлемдер рұқсатсыз кіруден сенімді қорғалған; қателерді болдырмайды-қолмен жасалатын әдіске қарағанда, QR төлемдері кезінде барлық деректер автоматты түрде толтырылады Кемшіліктері:интернет немесе байланыс болмаған жағдайда тауар мен қызметке ақы төлеу мүмкін болмайды, ал банктердің қосымшасында техникалық ақаулар орын алады, бұл төлемдердің сапасына да әсер етеді;&nbsp; кэшбек есептелмейді;&nbsp; алаяқтар сіздің сенімділігіңізді пайдаланып, кодты ауыстыра алады. Қазақстанда QR-төлемдердің қауіпсіздігін қалай қамтамасыз етеді Ол үшін елімізде өзінің тиімділігін дәлелдеген бірқатар шаралар қабылдануда – бұл төлемдердің халық арасында танымалдығы өзі үшін айтылады.Қауіпсіздік шаралары:деректерді шифрлау-QR кодындағы ақпарат шифрланған, бұл деректерге рұқсатсыз кіруге жол бермейді.;пайдаланушының аутентификациясы-банктік қосымшалар төлем жасамас бұрын пайдаланушының жеке басын растауды талап етеді, бұл алаяқтық қаупін азайтады;транзакцияны қадағалау-барлық QR төлем операциялары жазылады және қадағаланады, бұл төлемдердің ашықтығы мен бақылауын қамтамасыз етеді. Ал алаяқтық жағдайында оны оңай дәлелдеуге болады. QR төлемдері бойынша алаяқтықтың жалпы схемаларыҚазір QR-төлемдер әрбір қазақстандықтың күнделікті өмірінің ажырамас бөлігі болып табылады, алайда олардың танымалдығы алаяқтықтың түрлі схемаларының пайда болуына әкелді. Олардың ішіндегі ең танымалын қарастырайық.Қоғамдық орындардағы жалған QR кодтары: алаяқтар өздерінің кодтарын кафелерде, дүкендерде немесе паркоматтарда түпнұсқалардың үстіне қояды. Мұндай кодты сканерлеу кезінде пайдаланушы фишингтік сайтқа бағытталады, онда ол жеке деректерді енгізеді немесе шабуылдаушыларға түсетін төлемді жасайды.Электрондық пошта және әлеуметтік медиа арқылы Фишинг: шабуылдаушылар деректерді растау немесе акциялар мен сатылымдарға қатысу үшін ресми сайттарға апаратын QR кодтары бар хабарламалар жібереді. Мұндай кодтарды сканерлеу зиянды бағдарламаны орнатуға, жеке ақпарат пен ақшаны ұрлауға, сондай – ақ Сізге үлкен несие, кейде бірнеше несие алуға әкелуі мүмкін.Cryptocurrency инвестициялық алаяқтық: мүмкін, біздің әрқайсымыз ерік-жігерімізбен сауатты инвестициялаудың болашағы туралы естіген шығармыз. Мұны жарнама, әлеуметтік желілер және тіпті тікелей әңгіме арқылы пайдалы инвестицияларды ұсынатын алаяқтар бірден пайдаланды. Әрі қарай, алаяқтар қаражат аудару үшін QR кодын жібереді, ал төлем жасалғаннан кейін "компаниямен" немесе "инвестормен" байланыс жоғалады және ақша жоғалады деп күтілуде.Жоқ сәлемдемелерді қайтару арқылы алдау: маркетплейстер мен жеткізу дәуірінде алаяқтар алаяқтықтың стандартты емес түрін игерді. Олар жәбірленушіге тапсырыс бермеген затты жеткізеді және оны қайтару үшін QR коды бар нұсқаулықты қоса береді. Кодты сканерлеу құпия деректерді жинайтын және ақша ұрлайтын фишингтік сайтқа әкеледі.&nbsp;QR төлемдеріндегі алаяқтықтан қалай қорғануға боладыӘдеттегідей, ұсыныстар мүмкіндігінше қарапайым, бірақ күнделікті өмірде біз, өкінішке орай, кейде қырағылықты жоғалтамыз. Сондықтан біз сізге негізгі ережелерді еске саламыз.Сканерлеуден бұрын QR кодтарын мұқият тексеріңіз - кодтың екіншісінің үстіне жабыстырылмағанына және қауіпсіз жерге қойылғанына көз жеткізіңіз.Антивирустық бағдарламаларды қолданыңыз, себебі олар зиянды сілтемелерді анықтауға және банктік қосымшасы бар құрылғыны инфекциядан қорғауға көмектеседі.Белгісіз жіберушілерден сақ болыңыз және күмәнді электрондық пошталардан немесе хабарламалардан QR кодтарын сканерлемеңіз, әсіресе олар жеке деректерді енгізуді қажет етсе.Күдікті есептен шығаруға дереу жауап беріңіз - Егер рұқсат етілмеген транзакциялар анықталса, шотты бұғаттау үшін Банкке дереу хабарласыңыз және оқиға туралы полицияға хабарлаңыз.Төлемді растамас бұрын телефон экранындағы сандарды нақты сатып алу бағасымен тексеріңіз.Қоғамдық Wi-Fi желісіне қосылмаңыз, өйткені зиянкестер олар сізді сол жерде "күзетіп", деректеріңізді ұстап алады.Пин-кодты немесе банк картасының нөмірін енгізбеңіз - QR-төлемдер кезінде олар қажет емес, тек алаяқтар сізден сұрай алады.Банк қолданбасын үнемі жаңартып отырыңыз, құпия сөздерді өзгертіңіз және смартфонды қараусыз қалдырмаңыз. Қаржылық сауаттылығыңызды бірге арттырыңыз Fingramota.kz!Фото: fingramota.kz

Қазақстан және Қызылорда облысының жаңалықтары