<a href="https://kyzylorda-news.kz/">Kyzylorda-news.kz</a> Бүгін Сексеуіл кентінде теміржолшылар күні және Сексеуіл темір жолы мекемелерінің құрылғанына 120 жыл толуына орай шағын фудболдан аудандық турнир өтті.Теміржол саласы – еліміздің әлеуметтік-экономикалық дамуында, өндіріс пен халық арасындағы байланысты нығайтуда аса маңызды рөл атқарып келе жатқан іргелі сала. Осы салада табанды еңбек етіп, күре жолдағы қатынасты дамылсыз қадағалап жүрген теміржолшылар мереке қарсаңында бір сәт салауатты өмір салтын ұстанып, турнир көркін айшықтай түсті.Мемлекет басшысы қоғамда еңбек адамына деген көзқарасты түбегейлі өзгертіп, жұмысшы мамандықтарды дәріптеу керектігін баса айтқаны белгілі. Бұл еліміздің өндірістік және логистикалық әлеуетін нығайту жолында айтарлықтай септігін тигізетін маңызды бастама. Бұл турнир де жұмысшы мамандықтарға деген құрметтің белгісі іспетті.Турнирдің ашылу салтанатына аудан әкімінің орынбасары Н.Бохаев қатысып, сала қызметкерлерін мерекемен құттықтап, тартысты доп додасына сәттілік теледі.<blockquote>– Құрметті теміржолшылар! Баршаңызды алдымен теміржолшылар күні мерекесімен құттықтаймын. Бүгін өздеріңізбен кәсіби мерекеге орай темір жол мекемелерінің қызметкерлері арасында шағын футболдан өткізілгелі тұрған турнирде бас қосудамыз. Темiр жол – ел экономикасының өзегi, мемлекетiмiздiң қуатты жүйесi саналады. Осы орайда, темір жолдың темірдей тәртібіне бағынып, өз міндеттеріне жоғары жауапкершілікпен қарайтын сіздердің еңбектеріңізді әрдайым жоғары бағалаймыз. Темiржолшы мамандығы – ерлiк пен үлкен жауапкершiлiктi талап ететiн кәсiп екені белгілі. Барлық қатысушы командаларға сәттілік тілеймін, – деген Нұрмұхамед Омарұлы болат жол бойындағы барыс-келісті бір сәт көзден таса қылмай, локомативтің кідріссіз әрі сенімді жұмыс жасауына жағдай жасап келе жатқан жандар жұмысшы мамандықтар жылында ескерусіз қалмайтынын айтып, жыл бойы құрмет көрсетуге лайық екенін жеткізді.</blockquote>Теміржолсышлардың кәсіби мерекесі қарсаңында өткен тартысты доп додасына сала мамандарынан құралған 10 команда қатысты. Темір саласында жұмыс істейтін түрлі мекемелерден жасақталған командалар арасында «Сексеуіл локомотив пайдалану депосы» командасы жүлделі І орынды еншілесе, «Қазалы сигнализация және байланыс дистанциясы Сексеуіл бөлімшесі» командасы ІІ орынды қанжығалады. Тартысты турнирдің жүлделі ІІІ орнын «Әсериленген теміржол күзеті ЖШС-нің Сексеуіл атқыштар» командасы иеленді.

Жұмысшы мамандар арасында турнир өтті

<a href="https://kyzylorda-news.kz/">Kyzylorda-news.kz</a> &nbsp;Бүгін Премьер-министрдің орынбасары Қанат Бозымбаев Қазалы ауданына жұмыс сапарымен барды. Облыс әкімі Нұрлыбек Нәлібаевпен бірге Қарашеңгел ауылындағы «РЗА» акционерлік қоғамының жұмысымен танысты.«РЗА» АҚ – 2000 жылы құрылған және су үнемдеу технологияларын енгізген алдыңғы қатарлы ауыл шаруашылығы кәсіпорыны. Негізгі бағыты – ауыл шаруашылығы өнімдерін өндіру және өңдеу. Биыл 4706 гектар жерге егін еккен. Оның 2238 гектары күріш, 419 гектары жүгері, 702 гектары жаңа жоңышқа және 1347 гектары ескі жоңышқа. Шаруашылықта 210 адам тұрақты жұмыспен қамтылған.Ауыл шаруашылығы техникалары да жеткілікті, паркінде 25 трактор, 15 комбайн, 2 шөп шапқыш, 3 тіркеме және 11 экскаватор-погрузчик бар. Климаттың өзгеруі мен су тапшылығына байланысты кәсіпорын 2021 жылдан бері су үнемдеу технологияларын енгізе бастады. Бұл мақсатта 600 миллион теңгеге арнайы жобаны жүзеге асырды. Германиядан дренажды құбырлар мен арнайы соқа сатып алып, Испаниядан әкелінген жаңбырлатып суару жабдығы орнатылды. Жаңа технологиялар суды тиімді пайдалануға, өнімділікті арттыруға, экологиялық тұрақтылыққа айтарлықтай оң ықпал етті.Аудандағы суармалы жер көлемі 31 024,3 гектар, оның 17 445 гектарына ауыл шаруашылығы дақылдары, атап айтқанда дәнді дақылдар 5 881 гектарға, майлы дақылдар 500 гектарға, малазықтық дақылдар 8 900 гектарға, картоп, көкөніс, бақша дақылдары 2 164 гектарға егілді. Күріш көлемі 5 636 гектар. Егін шаруашылығымен 9 шаруашылық айналысады, барлығы күріш егеді.Вегетациялық кезең басталғалы бері жоспардағы 295,03 млн текше метр судың 259,6 млн текше метрі, яғни 88 пайызы жеткізілген.Сапар барысында Қанат Бозымбаев «Басықара» гидроторабының жұмысын тексеріп, шаруашылық жетекшілерімен кездесуде халықаралық келісімдер туралы айтты.Вице-премьердің айтуынша, көрші мемлекеттермен жүргізілген келіссөздердің нәтижесінде вегетациялық кезеңді аяқтауға жеткілікті су көлемін алу жоспарланып отыр. Осы келісімдер аясында 15 тамызға дейін Өзбекстаннан секундына 200 текше метр, ал Қырғызстаннан 150 текше метр су жеткізіледі деп күтілуде.<img src="https://knadmin.beoblood.kz/uploads/Premer_ministrdi_orynbasary_azaly_audanynda_y_agrosektordy_zhaj_k_jimen_tanysty_5c74114a2a.jpg" alt="Премьер-министрдің орынбасары Қазалы ауданындағы агросектордың жай-күйімен танысты.jpg"><img src="https://knadmin.beoblood.kz/uploads/2_Premer_ministrdi_orynbasary_azaly_audanynda_y_agrosektordy_zhaj_k_jimen_tanysty_4e330ebe2c.jpg" alt="2 Премьер-министрдің орынбасары Қазалы ауданындағы агросектордың жай-күйімен танысты.jpg"><img src="https://knadmin.beoblood.kz/uploads/3_Premer_ministrdi_orynbasary_azaly_audanynda_y_agrosektordy_zhaj_k_jimen_tanysty_8f3f108ac1.jpg" alt="3 Премьер-министрдің орынбасары Қазалы ауданындағы агросектордың жай-күйімен танысты.jpg">Фото: Қызылорда облысы әкімінің баспасөз қызметі

Премьер-министрдің орынбасары Қазалы ауданындағы агросектордың жай-күйімен танысты

<a href="https://kyzylorda-news.kz/">Kyzylorda-news.kz</a> Сауд Арабиясының Эт-Таиф қаласына жақын орналасқан Хада ауданындағы Green Mountain Park саябағында "360 градус" аттракцион сынып кетті. Бұл туралы <a href="https://stan.kz/">Stan.kz</a> ақпарат агенттігі Oxu.Az Khaleej Times басылымына сілтеме жасап хабарлады.&nbsp;Оқиға салдарынан 23 адам жарақат алған. &nbsp;Оқиға болған сәт видеоға түсіп қалған. Кадрлардан аттракционның дәл ортасынан сынып, адамдар отырған кабинаның жерге құлағаны анық көрінеді. Құлау кезінде адамдардың қорқыныштан айқайлаған дауысы естілген.Жарақат алғандар шұғыл түрде жақын маңдағы ауруханаларға жеткізілді. Зардап шеккендердің жағдайы туралы нақты ақпарат әзірге анықталып жатыр.Видеодан скрин

Аттракцион қақ ортасынан бөлініп кетіп, 23 адам жарақат алды

<a href="https://kyzylorda-news.kz/">Kyzylorda-news.kz</a> Қалалық тұрғын үй инспекциясы бөлімінің басшысы Абзал Рысбек бұқаралық ақпарат құралдарының өкілдеріне І жартыжылдықта салада атқарылған жұмыстар мен алдағы жоспарлар бойынша баспасөз конференциясын өткізді.&nbsp;Қазіргі таңда Қызылорда қаласы бойынша тұрғын үйге мұқтаж адамдардың 6 дара тізімі бойынша 26 016 отбасы кезекке тіркелген. ҚР «Тұрғын үй қатынастары туралы» заңына сәйкес, азаматтарға пәтерлер тек кезек реттілігіне сәйкес беріледі. Жыл басынан бері Жаппасбай батыр, Жетікөл көшелерінен және Сол Жағалау тұрғын ауданынан жаңа үйлер беріліп, кезекте тұрған 255 отбасы баспаналы болды. Жалпы, биыл 1240 пәтер халықтың әлеуметтік жағынан әлсіз топтарына, жетім балалар мен ата-анасының қамқорлығынсыз қалған балалар тобына және 135 пәтер авариялық кезекте тұрған отбасыларға беріледі деп жоспарлануда.&nbsp;Бұдан бөлек, «Отбасы банк» АҚ арқылы Тұрғын үй-коммуналдық инфрақұрылымды дамытудың 2023-2029 жылдарға арналған бағдарламасы аясында жылдық пайыз 2-5 мөлшерлемесімен несиеге кезекте тұрған азаматтарға 470 пәтер пайдалануға берілсе, Сырдария өзенінің сол жағалауынан 7 қабатты 84 пәтерлі ипотекалық 6 тұрғын үйдің құрылысы жүргізіліп, қазір осы 504 үйдің кілттері табысталуда.<blockquote>– Өздеріңізге белгілі, 2024 жылдың 24 қарашасында ҚР «Тұрғын үй қатынастары туралы» Заңына өзгерістер енгізіліп, 2017 жылдан бастап бүгінгі күнге дейін пайдалануға сатып алу құқығынсыз жалға берілген тұрғынжайлар мен жалғыз тұрғын үйі авариялық жағдайда деп танылған азаматтар өз баспаналарын жекешелендіруде. Аталған мемлекеттік қызмет түрі E-Qazyna порталы арқылы жүргізіледі және комиссия шешімімен қаралады. Заң күшіне енген уақыттан бастап, яғни қаңтар-наурыз айлары аралығында 368 азаматтан тұрғынжайды жекешелендіруге өтініші түсіп, бүгінгі күнге 268 азаматтың өтініші қанағаттандырылды. Жекешелендіру келісім шарттары рәсімделді, - деді бөлім басшысы Абзал Рысбек.</blockquote>Айта кету керек, заңға енгізілген өзгерістерге сәйкес, биылғы жылдың 24 мамырынан бастап тұрғындарды тұрғын үй кезегіне қою және үй беру құзыреті жергілікті әкімдіктен «Отбасы банк» АҚ-ға берілді.<img src="https://knadmin.beoblood.kz/uploads/T_r_yn_j_kezegine_oyu_zh_ne_j_beru_Otbasy_bank_a_ar_yly_zh_rgiziledi_13fd3f24f8.jpg" alt="Тұрғын үй кезегіне қою және үй беру «Отбасы банк» ақ арқылы жүргізіледі.jpg">&nbsp;Фото Ru.freepik.com

Тұрғын үй кезегіне қою және үй беру «Отбасы банк» арқылы жүргізіледі

<a href="https://kyzylorda-news.kz/">Kyzylorda-news.kz</a> Егер картаңыз бұғатталса, не істеу керек? Қандай жағдайларда банк мұны істеуге құқылы және не істеу керек - толығырақ Fingramota.kz-пен бірге қарастырайық.Картаны бұғаттау дегеніміз не?Қазақстан заңнамасының шеңберінде «бұғаттау» деген ұғым төлем карточкаларына қатысты ғана қолданылатынынан бастайық. Бұғаттау деп төлем карточкасын пайдалана отырып операцияларды жүзеге асыруға, оның ішінде тауарларға ақы төлеуге, ақша аударымдарына және қолма-қол ақшаны алуға тыйым салу түсініледі.Айтпақшы, еліміздің заңнамасында «карточкалық шот» деген жеке түсінік жоқ, ал төлем карточкасы оны ұстаушының қарапайым банктік шотына қол жеткізуге мүмкіндік беретін құрал болып табылады.Банк қандай жағдайларда картаны бұғаттай алады?Егер қате ПИН-код бірнеше рет енгізілсеКейбір банктерде банкоматқа ПИН-кодты 3 рет, кейбірінде 5 рет қате енгізілсе болды, карта автоматты түрде бұғатталады. Банктер әдетте клиенттерге бұл туралы хабарлайды және қосымша ақпарат алу үшін өздерінің байланыс орталығына хабарласуға кеңес береді.Карта қанша уақытқа бұғатталады?&nbsp;Бұғаттау мерзімі құрылғының түріне байланысты. Картаны банкомат ұстап қалған жағдайда, оны тиесілі банк бөлімшесінен алуға болады. Кейбір жағдайларда картаны қайта шығару қажет болуы мүмкін. Егер мобильді қосымша арқылы бұғатталса, жеке басын тексергеннен немесе PIN-код жіберілгеннен кейін бұғаттан босатылады.Не істеу керек? ПИН-кодты енгізу есептегішін нөлге келтіру керек. Мұны банктің мобильді қосымшасында «Теңшеу» бөлімінде жасауға немесе банктің сall-орталығына немесе бөлімшесіне хабарласуға болады.Егер банк үшін транзакция күмәнді болып көрінсеҚазақстанның банктерінде күдікті транзакцияларға ерекше көңіл аударылады. Қолма-қол ақшасыз төлемдердің өсуімен қаржылық алаяқтықтың да саны артып келеді. Сондықтан банктер карточкамен жүргізілетін алаяқтық операциялардың алдын алу үшін қолдан келгеннің бәрін жасайды. Егер банктің пікірінше, операция күмәнді болып көрінсе, банк оны болдырмай тастап, карточкамен жүргізілетін транзакциялардың жекелеген түрлеріне жүйелік шектеулер қоя алады. Нәтижесінде карточка мен ол байланыстырылған банктік шот бұғатталады. Содан кейін банк картаны шығару туралы шартта келісілген тәсілмен: SMS, электрондық пошта немесе телефон нөмірі арқылы клиентке хабарласады.Карта қанша уақытқа бұғатталады? Әдетте, карта мән-жәй анықталғанға дейін бұғатталады. Ішкі тексеруге және клиентпен өзара іс-қимылға байланысты бірнеше күннен бірнеше аптаға дейін созылуы мүмкін.Не істеу керек? Барлық мән-жайды анықтау үшін ең дұрысы – банкіңіздің ең жақын бөлімшесіне бару немесе байланыс орталығына хабарласу. Егер операция заңды болса, банк сізге жіберілген қосымша код арқылы операцияны растауды, өзіңіздің келуіңізді немесе тіпті растайтын құжаттарды сұрай алады.Егер банк КЖ/ТҚҚ туралы заңның ықтимал бұзылу белгілерін байқасаБұл жерде біз «Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы» ҚР Заңы туралы айтып отырмыз. Банк, егер операцияны күдікті деп санаса, атап айтқанда, оны жасау үшін пайдаланылатын ақша қылмыстық қызметтен түсетін табыс болып табылады, не операцияның өзі, мысалы, терроризмді немесе өзге де қылмыстық қызметті қаржыландыруға бағытталған деп санаса, карточка мен шотты бұғаттайды. Банктерде өздері басшылыққа алатын осындай операциялардың өз тізбесі бар.Карта қанша уақытқа бұғатталады? Картаны банктің ішкі тексерісі аяқталғанға дейін бұғаттауға болады: әдетте 3-тен 30 жұмыс күніне дейін. Егер іс құқық қорғау органдарына берілсе, онда белгісіз мерзімге бұғатталады.Не істеу керек? Мән-жайды анықтау үшін банкке жүгіну керек, себебі сіз КЖ/ТҚҚ туралы заңды бұзатын клиенттердің «қара тізіміне» түсесіз, яғни сізге тәуекелдердің қауіпті деңгейі беріледі. Банкке қандай төлем жасағаныңыз және не үшін жасағаныңыз туралы түсініктеме беріңіз.Тағы қандай жағдайларда банк карта мен шотты бұғаттай алады?Қазақстан Республикасының заңнамасында белгіленген бірқатар жағдайларда банк клиенттің шотына қолжетімділікті уақытша шектеуге және төлем картасын бұғаттауға құқылы. Мұндай әрекеттер клиенттің немесе банктің бастамасымен де, мемлекеттік органдар талаптарының салдары да болуы мүмкін.Қолданыстағы нормаларға сәйкес эмитент (картаны шығарған банк) төлем карточкасын:сот шешімімен;сот орындаушысының қаулысы негізінде;алимент, салық, айыппұлдар немесе үшінші тұлғалар алдындағы міндеттемелер бойынша қарыздар болған кезде бұғаттай алады.Банк мұндай өкімдерді заңнама шеңберінде орындауға міндетті.Карта қанша уақытқа бұғатталады? Міндеттемелер орындалғанға дейін немесе негіз болған шешімнің күші жойылғанға дейін. Мысалы: егер карта сот орындаушысының қаулысы бойынша бұғатталған болса, онда берешек өтелгеннен кейін немесе сот немесе орындаушы бұғаттан босатқаннан кейін ғана бұғаттан босатуға болады. Салық берешегі болған жағдайда оны төлегеннен кейін және Мемлекеттік кірістер комитетін хабардар еткеннен кейін бұғаттан босатуға болады.Жалақы картасы бұғатталуы мүмкін бе?Иә, себебі ол әдеттегі төлем карточкасымен бірдей. Осыған байланысты жалақыға арналған төлем карточкасын бұғаттау оны шығару туралы шартта белгіленген төлем карточкасын бұғаттау талаптарына сәйкес жүзеге асырылуы мүмкін. &nbsp; &nbsp; &nbsp; &nbsp; &nbsp; Нені бұғаттауға болмайды?Арнайы шоттар бұғаттаудан, тыйым салудан және есептен шығарудан қорғалған. Бұл:мемлекеттік жәрдемақылар мен әлеуметтік төлемдер алуға;алимент есептеуге;мүгедектігі бойынша төлемдерге, бала туған кездегі біржолғы жәрдемақыларға және басқа да әлеуметтік трансферттер алуға;білім беру жинақтау салымдарында қаражатты сақтауға арналған шоттар;жылжымайтын мүлікті сатып алуға қаражат жинауға арналған тұрғын үй жинақ шоттары.Мұндай арнайы шоттарға тыйым салуға, инкассалық тапсырмалар бойынша қаражатты есептен шығаруға, сондай-ақ банктер мен басқа ұйымдардың талаптары бойынша өндіріп алуға жол берілмейді. Егер сіз мемлекеттен төлемдер алатын болсаңыз, алдын-ала арнайы шот ашып, бұл туралы тиісті органдарға хабарлауға кеңес береміз. Бұл әлеуметтік қаражатты ықтимал бұғаттаудан қорғауға мүмкіндік береді.Банктердің барлық клиенті төлем карточкасының неге «бұғатталғаны» не банк шоты бойынша шығыс операцияларын тоқтатыла тұрғаны туралы түсініктеме алуға құқылы. Ол үшін сіз өзіңіздің қаржы институтыңызға жүгінуіңіз керек, ал банктің іс-әрекеттерінің заңдылығына күмән туындаған жағдайда, қаржылық қызметтерді тұтынушылар өз құқықтары мен мүдделерін қорғау үшін ҚР Қаржы нарығын реттеу және дамыту агенттігіне жүгіне алады. &nbsp;<img src="https://knadmin.beoblood.kz/uploads/0204_infographics_rus_25_067a8d6dfe.png" alt="0204-infographics-rus-25.png">Назар аударыңыз! Картаны ешкімге бермеңіз!Естеріңізге сала кетейік, соңғы уақытта банктік карта алаяқтық жолмен алынған қаражатты аудару үшін пайдаланылатын дропперлік жағдайлары жиілеп кетті. Мұндай операциялар туралы толығырақ Fingramota.kz сайтынан оқи аласыз. Картаңызды немесе шотыңызды ешкімге бермеңіз немесе аударым жасамаңыз, тіпті уәде етілген сыйақы үшін де қолма-қол ақша алмаңыз.Тіпті дропперлікке қатысқаныңыз үшін де сіз қылмыстық істің &nbsp;қатысушысы боласыз және картаңыз бен шотыңыз арқылы алынған қаражатты өтеуге міндетті боласыз.Сонымен бірге сізге банктен картаңыз бұғатталып, оны бұғаттан босату үшін сілтемеге шұғыл өту керек деген хабарлама да келуі мүмкін. Өзін «банк қызметкері» деп таныстырған &nbsp;бейтаныс адам қоңырау шалып, алаяқтық шабуылдарға байланысты картаны бұғаттау қажеттігін хабарлайды, сол арқылы психологиялық қысым көрсетіп, картаның сырт жағындағы үш таңбалы кодты, сондай-ақ SMS арқылы келген кодты хабарлауды өтінеді. Сенбеңіз – бұл алаяқтар! Олар бұрыннан банктер мен басқа ұйымдардың ресми нөмірлерін қолдан жасауды үйренген. Абайсызда әрекет жасамау үшін банкіңіздің Call-орталығына өзіңіз қоңырау шалып, сіздің картаңыз бен шоттарыңызда бәрі дұрыс екеніне көз жеткізіңіз. Оларға қаскүнемдердің сізге жасаған шабуылдары туралы айтуды ұмытпаңыз.Қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Банк қандай жағдайларда картаны бұғаттай алады?

<a href="https://kyzylorda-news.kz/">Kyzylorda-news.kz</a>&nbsp; &nbsp;Маусым айындағы зерттеу&nbsp;ел дамуына қатысты бағалардың тұрақты екенін көрсетіп отыр. Бұл – таңдалған бағытқа қатысты қоғамда консенсус сақталып отырғанын және әлеуметтік көңіл-күйдің орнықты болып отырғанын көрсетеді.&nbsp;Респонденттердің басым бөлігі (79,4%)&nbsp;ел дұрыс бағытта дамып келе жатыр&nbsp;деп санайды.Пікірлердің оң серпіні әлеуметтік-экономикалық жағдайға қатысты да байқалады.&nbsp;Маусым айында респонденттердің 73,6%-ы бұл жағдайға оң баға берген.&nbsp;Бұл үрдіс халықтың қазіргі ахуалды қабылдауында тұрақтану үдерісі жүріп жатқанын көрсетеді.Саяси жағдай да негізінен оң бағаланады:&nbsp;респонденттердің 76,2%-ы қазіргі жағдайға қанағаттанатындарын білдірген.Қоғам тарапынан берілген жоғары оң бағалар көбіне саяси, әлеуметтік-экономикалық және психологиялық факторлардың жиынтығына байланысты. Олардың қатарында ЖІӨ-нің 6%-ға өсуі, жаңа инфрақұрылымдық және әлеуметтік нысандардың салынуы мен іске қосылуы, ТКШ және көлік инфрақұрылымын жөндеу мен жаңғырту жұмыстары бар.Аталған социологиялық зерттеуді Қоғамдық саясат институты 2025 жылы 18 маусым мен 4 шілде аралығында жүргізді. Сауалнамаға 18 жастан асқан 2000 қазақстандық қатысты. Сауалнама ұлттық репрезентативті іріктеме бойынша жүргізілді. Іріктеменің қателік мөлшері ±2,2%-дан аспайды.@socioexpert_01Фото:yandex.kz

Зерттеу нәтижесі: Респонденттердің 79,4%-ы елдің даму бағытын оң бағалады

<a href="https://kyzylorda-news.kz/">Kyzylorda-news.kz</a> Қызылорда облысы Сырдария ауданына қарасты Бесарық ауылында былтыр шағын өндіріс орталығы ашылды. Аумағы 1 мың шаршы шақырымды құрайды. Бүгінде орталықта оннан астам кәсіпкер кәсібін жүргізуде. Орталықта кәсібін ашқан ауыл тұрғындарының бірі Сәрсенкүл Аралбаева екі жылдан бері шұлық шығарып, оны пайдалы кәсіп түріне айналдыруға бар күшін салуда.Көпбалалы ана 2012 жылдан бері кәсіпкерлікпен айналысады. Сауда-саттық саласындағы тәжірибесі он жылдан асады. Уақыт өте кәсіптің жаңа бағытын игеруді ойластырады.<blockquote>"Біз отбасымызбен Қызылорда қаласының жанындағы Махамбет ауылында тұрамыз. Жолдасым, бала-шағаммен ойласа келе өндірістік бағытта бақ сынап көрмек болып, шұлық шығаруды қолға алдық. Алғашында 2 станокпен күніне 250 дана шұлық шығарып жүрдік. Бағасы нарықтағы құннан төмен, әрі өніміміз сапалы болған соң сұраныс арта түсті. Кәсібімізді кеңейту үшін қосымша қаржы іздеп, "Қызылорда" Өңірлік орталығына келдік. Орталық кәсібіміздің әлеуетін көріп, қолдап, 6 пайызбен 15 млн теңге несие берді", - дейді қызылордалық кәсіпкер.</blockquote>Бұл қаржыға қосымша құрал-жабдықтар алады. Нәтижесінде өнім өндіру көлемі 4-5 есеге дейін артқан. Бүгінде кәсіпкер &nbsp;тәулігіне 1000-1200 данаға дейін шұлық шығарып жатыр. &nbsp;6 адамды жұмыспен қамтыған.Тұтынушылардың басым бөлігі облыс тұрғындары екен. Қазір тауарды маркетплейстер арқылы сатуды жолға қою шараларын қолға алған. Кәсіпкердің сөзінше, өзге өңірлерден түсетін тапсырыстар легі күн сайын артып жатыр.<img src="https://knadmin.beoblood.kz/uploads/1_yzylordada_auyl_k_sipkeri_sh_ly_shy_aryp_zhatyr_b67320b331.jpg" alt="1 Қызылордада ауыл кәсіпкері шұлық шығарып жатыр.jpg"><img src="https://knadmin.beoblood.kz/uploads/2_yzylordada_auyl_k_sipkeri_sh_ly_shy_aryp_zhatyr_886bfeadce.jpg" alt="2 Қызылордада ауыл кәсіпкері шұлық шығарып жатыр.jpg"><img src="https://knadmin.beoblood.kz/uploads/3_yzylordada_auyl_k_sipkeri_sh_ly_shy_aryp_zhatyr_b7ce1a570f.jpg" alt="3 Қызылордада ауыл кәсіпкері шұлық шығарып жатыр.jpg">Фото:&nbsp;«Қызылорда» Өңірлік инвестициялық орталығының баспасөз қызметі

Қызылорданың шұлығына сұраныс көп

<a href="https://kyzylorda-news.kz/">Kyzylorda-news.kz</a>&nbsp; &nbsp;Кеше сағат 15:15 шамасында күн райының күрт бұзылып, бұршақ аралас нөсер жаңбыр жауып, екпінді жел тұруы салдарынан Арал қаласы көлемінде әлеуметтік нысандар мен кәсіпкерлік ғимараттарға және тұрғын үйлерге және тағы да басқа қоғамдық аумақтарға зақым келді. Қаланың орталық көшелерін су басып, көліктер мен жаяу жүргіншілердің қозғалысына қиындық келтіруде.Табиғаттың тосын мінезінен орын алғын қолайсыздықтарды қалпына келтіру мақсатында төтенше жағдайлардың алдын алу және оларды жою жөніндегі аудандық комиссия отырысы өтті. Комиссия төрағасы, аудан әкімінің орынбасары Е.Әбішев қала бойынша ахуалды тұрақты бақылауға алып, барлық мекеме басшыларына жағдайды қалыпқа келтіруге күш салу керектігін жеткізді.Қазіргі таңда аудан әкімдігі, ауданның барлық коммуналдық қызметі, төтенше жағдай бөлімі мен барлық дербес бөлімдер күшейтілген режимдегі жұмыс кестесіне көшті. Орын алған ақауларды анықтап, қалпына келтіру жұмыстары үздіксіз жүргізілетін болады.Фото: Арал ауданының әкімінің баспасөз қызметі

Төтенше жағдайларды жою жұмыстары жүргізілуде

<a href="https://kyzylorda-news.kz/">Kyzylorda-news.kz</a>&nbsp; Премьер-министрдің орынбасары Қанат Бозымбаев Қызылорда облысына жұмыс сапарымен келді. Вице-премьер облыс әкімі Нұрлыбек Нәлібаевпен бірге Сырдария ауданына қарасты Нағи Ілиясов ауылындағы «Мағжан и К» шаруа қожалығының жұмысымен танысты. Шаруашылықта бүгінде 360 адам еңбек етеді. Егін алқаптарына 2985 гектар күріш, 780 гектар бидай, 769 гектар ескі жоңышқа егіліп, 2000 гектар жерге лазерлік тегістеу жұмыстары жүргізілді.Шардара су қоймасы мен Көксарай су реттегішінің 2025 жылдың вегетацияаралық кезеңінің жұмыс режиміне сәйкес, биылғы 1 сәуірге дейін осы қоймаларға 6,7 млрд. текше метр су жинау жоспарланған. (Шардара - 5,2 млрд., Көксарай - 1,5 млрд.) Алайда небәрі 5,9 млрд. текше метр су, яғни жоспарланған көлемнен 737 млн. текше метр кем жиналды.Шілденің 30-ы күнгі мәлімет бойынша Шардара су қоймасына жоғарыдан түскен су көлемі секундына 158,1 текше метр, қоймадағы нақты су көлемі 571 млн. текше метр. Бұл жоспардағыдан 1 529 млн. текше метрге кем. Мемлекетаралық су шаруашылығын үйлестіру комиссиясы отырысында қоймада 2 268 млн. текше метр болады деп белгіленген.Су тапшылығына байланысты қалыптасқан жағдайға тұрақты мониторинг және түсіндірме жұмыстарын жүргізу үшін барлық ауданда арнайы жұмысшы топтары құрылды.Қазіргі таңда, барлық каналдан су алу кестесі бекітіліп, су кезекпен берілуде. Қашыртқыдағы суды екінші мәрте пайдалану бағытында облыста 324 насос қондырғысы іске қосылған.Сондай-ақ, 5 магистральді және 3 шаруашылықаралық канал арқылы кезектестіріп су беру кестесінің жоспары әзірленіп, соған сәйкес су жұмыс атқарылуда. Жалпы егілген егістің 98%-ы кезекпен суарылуда. Күріштің өсу фазасына сәйкес толық пісіп-жетілу уақыты 115-125 тәулік.&nbsp;Жедел ақпаратқа қарағанда, егілген күріштің 8,8 мың гектары түтікке шығу, 37,1 мың гектары масақтану, 30,3 мың гектары гүлдеу, 4,7 мың гектары сүтті пісу фазасында.Премьер-министрдің орынбасары вегетациялық кезеңнің күрделі жағдайда өтуіне байланысты атқарылған жұмыстарға тоқталды.Бүгін Өзбекстан тарапы 200 текше метр, Қырғызстаннан 150 текше метр, шамамен 300 текше метрден астам су 15 тамызға дейін жіберілетін болып шешім қабылданды. Жүргізілген келіссөздер нәтижесінде алдағы уақытта су көлемі жеткілікті болады деп күтілуде», - деді Қ.Бозымбаев.&nbsp;Фото: Қызылорда облысы әкімінің баспасөз қызметі

Премьер-министрдің орынбасары "Мағжан и К" шаруа қожалығының жұмысымен танысты

<a href="https://kyzylorda-news.kz/">Kyzylorda-news.kz</a> Олжас Бектенов Қызылорда облысына жұмыс сапары барысында Президенттің аграрлық секторға су үнемдеу технологияларын енгізу жөніндегі тапсырмаларының орындалуын тексерді және өңірдің су шаруашылығы инфрақұрылымының жай-күйімен танысты.Премьер-министр заманауи су үнемдеу технологияларын іске қосқан Шиелі ауданындағы «Ақмая» шаруа қожалығының егіс алқаптарында болды. Шаруашылықта күріш, күздік бидай және жоңышқа өсіріледі, ал суару үшін суды ұтымды тұтыну жүйелері қолданылады. Қолданылған шешімдердің тиімділігі осы жылдың вегетациялық кезеңінің мысалында көрсетілді.Олжас Бектенов өңірдің негізгі гидротехникалық нысандарының жұмысымен танысты. Атап айтқанда, Сырдария ауданында орналасқан «Әйтек» су торабының жұмысын тексерді. Су торабы 2004 жылы САРАТС жобасы аясында пайдалануға берілген. «Әйтек» арқылы 13 мың гектар егіс алқабы мен 3 319 гектар көл жүйесі, сондай-ақ 120,8 мың гектар шабындық және жайылымдық жерлер сумен қамтамасыз етіледі.Премьер-министр Қызылорда қаласы, Қызылөзек ауылдық округіне қарасты 120 мың гектардан астам аумақтағы көл жүйесі мен жайылымдық жерлерді сумен қамтамасыз ететін Қараөзек арнасына әуеден шолу жасады.Қызылорда су торабын аралау барысында су ресурстары және ирригация министрі Нұржан Нұржігітов пен облыс әкімінің орынбасары Бақыт Жақанов өңірдегі су шаруашылығы жағдайы мен қазіргі қабылданып жатқан шаралар туралы баяндады. Қызылорда су торабы 1956 жылы пайдалануға берілген және 120 мың гектар аумақты суаруды қамтамасыз етеді.Сапар барысында Премьер-министр Мемлекет басшысының су үнемдеу технологияларын қарқынды түрде енгізу жөніндегі алға қойған міндетіне назар аудартты. Бұл қазіргі гидрологиялық жағдайда өте өзекті. Осыған байланысты Үкіметтің баса көңіл бөліп отырғаны – ауыл шаруашылығы өндірушілерін тұрақты сумен қамту, соның ішінде оларды суды тиімді пайдаланудың заманауи технологияларына кезең-кезеңімен көшіру. Осы тұрғыда 2024 жылы Су және ирригация министрлігі Ауыл шаруашылығы министрлігімен бірлесіп инвестициялық субсидиялау және суармалы су ережелеріне тиісті өзгерістер енгізген болатын. Соған сәйкес тамшылатып және жаңбырлатып суаруды енгізген шаруашылықтармен суды пайдалануға арналған келісімшарттар басымдық беру тәртібімен жасалады. Қалғандары қалдық су көлемі және суды үнемдейтін шешімдерге көшу міндеттемесі болған жағдайда ғана су ресурстарын ала алады.Егістік құрылымын әртараптандыру жұмыстары жүйелі жүргізілуде. АӨК-ті дамытудың 2030 жылға дейінгі тұжырымдамасына сәйкес ылғалсүйгіш дақылдардың алқаптарын қысқарту көзделіп отыр. Атап айтқанда, күріш пен мақта алқабы 41 мың гектарға, оның ішінде күріш алқабы 10 мың гектарға азайтылмақ. Сонымен бірге жүгері мен жем-шөп дақылдарының өндірісі кеңейіп, ауыл шаруашылығы өнімдерін терең өңдеу саласы дамуда. Бұл шаралар суармалы жерлердегі су тұтынудың үлесін кем дегенде 20%-ға төмендетуге бағытталған. Өңірде су балансының тұрақтылығын қамтамасыз ету үшін мелиорация бойынша шаралар енгізілуде. Мәселен, Түркістан және Қызылорда облыстарында 118 тік дренаж жүйесі және 243 сорғы агрегаты іске қосылды. Коллекторлық-дренажды суды қайта пайдалану жүзеге асырылады және кезектестіре әрі түнгі суару жүйесі тәжірибеден өтуде.Сапар қорытындысы бойынша Олжас Бектенов суды тиімді пайдалану тәжірибесін кеңейту және шаруаларды суарудың заманауи әдістеріне көшуге ынталандыру қажеттігін атап өтті. Жалпы алғанда, Үкімет бұл бағыттағы жұмысты өңірлермен, жауапты министрліктермен және су пайдаланушылармен үйлестіре отырып жалғастыратын болады.

Премьер-министр Олжас Бектенов Қызылорда облысында Президенттің сумен жабдықтау және су үнемдеу технологияларын енгізу бойынша берген тапсырмаларының орындалу барысын тексерді

<a href="https://kyzylorda-news.kz/">Kyzylorda-news.kz</a> Ағымдағы жылдың қаңтар-маусым айларында Қызылорда облысында әлеуметтік-экономикалық дамудың негізгі көрсеткіштері бойынша оң динамика қалыптасты. Бұл туралы Өңірлік коммуникациялар қызметінің ақпарат алаңында облыстық экономика және қаржы басқармасының басшысы Сәкен Мырзабек мәлімдеді.<blockquote>- 2025 жылдың алғашқы жартыжылдығында облысымызда өнеркәсіп, инвестиция, құрылыс, ауыл шаруашылығы және кәсіпкерлік салаларында тұрақты өсім байқалды. Облыс кәсіпорындарымен өндірілген өнім көлемі артып, өңдеу өнеркәсібінде 17 пайызға жуық өсім тіркелді. Бұл - металлургия, тамақ және жеңіл өнеркәсіп өнімдерінің ұлғаюымен байланысты. Біз жыл соңына дейін 20-дан астам жобаны жүзеге асырып, 500-ден астам адамды жұмыспен қамтуды жоспарлап отырмыз. Бұл тек жаңа жұмыс орындары емес, сонымен қатар экономиканың сапалы әрі орнықты дамуына қосылған нақты үлес. Сонымен қатар, құрылыс жұмыстары мен тұрғын үй тапсыру көлемі артты. Ауыл шаруашылығында да оң көрсеткіштер бар. Ет, сүт, жұмыртқа өндірісі артып, ішкі нарықпен қатар сыртқы нарыққа да бағытталып жатыр. Қазіргі таңда өңірде 60 мыңнан астам шағын және орта бизнес субъектісі жұмыс істеп тұр. Алты айда 18 мыңға жуық жаңа жұмыс орны ашылып, соның 6 мыңнан астамы - тұрақты. Бұл - халықтың табысын арттырып, тұрмыс сапасын жақсартуға бағытталған нақты қадамдар. Біз осы бағыттағы жұмыстарды одан әрі жалғастырамыз,- деді Сәкен Салхадинұлы.</blockquote>

Экономиканың барлық бағыты бойынша оң серпін бар

<a href="https://kyzylorda-news.kz/">Kyzylorda-news.kz</a>&nbsp;Қалалық сәулет және қала құрылысы бөлімінің басшысы Дінмұхамбет Сырлыбаев бұқаралық ақпарат құралдарының өкілдеріне І жартыжылдықта салада атқарылған жұмыстар мен алдағы жоспарлар бойынша баспасөз конференциясын өткізді.Биыл бас жоспардың қолдану мерзімі аяқталады. Соған байланысты жоспарды жаңалау мақсатында өткен жылы әзірлік шаралары басталды. Сызба жұмыстарын ашық конкурс арқылы жеңімпаз атанған Алматы қаласының «Казгипроград» 1 жобалау институты» ЖШС жүргізуде. Жобаның 1 кезеңінде жоспардың концепциясы жасақталса, бүгінде жобаның 2 кезеңі басталып, жобалаушы мекеме тарапынан Бас жоспарды әзірлеу жұмыстары жүргізілуде. Бұдан бөлек, Тасбөгет кенті, Қызылжарма ауылдық округі, Досан ауылының Бас жоспарын әзірлеу қолға алынды.<blockquote>- Аймақ басшысының тапсырмасына сәйкес, қала аумағындағы ғимараттардың сыртқы келбетін ретке келтіру, абаттандыру, жерді мақсатсыз пайдалану және заңсыз құрылыс жұмыстарын болдырмау мақсатында қала әкімдігі жанынан құрылған арнайы жұмысшы топ бақылау шараларын жүргізуде. Есепті кезеңде 158 нысанда заңбұзушылық анықталды. Атап айтқанда, «Айзада Плаза» СҮ-нің қосымша құрылысы және «Қызылорда» қонақ үйінің екінші қабатынан салынған терасса құрылысы, Астана даңғылы мен А.Иманов көшесінің қиылысындағы артық қоршау және Н.Ілиясов көшесінің бойындағы жазғы кафе бұздырылды. Ал, мемлекеттік меншіктегі жер телімдерін заңсыз иелену фактілері бойынша жер қатынастары саласындағы уәкілетті органмен бірлесе отырып, 77 құқықбұзушылық анықталды. Мәселен, тиісті рұқсат қағаздарын рәсімдемей И.Журба көшесінің бойындағы қызыл сызықпен қабаттаса салынған көлік жуу ғимараты мен Иса Тоқтыбаев көшесі бойындағы сауда нысаны соттың шешімі негізінде бұзылды,- деді бөлім басшысы.</blockquote>Бұдан бөлек, Әкімшілік құқық бұзушылық туралы кодекске және аббатандыру қағидаларына сәйкес, заңсыз мемлекет жерін иеленген, мемлекет мүлкіне зиян келтірген, өз бетінше құрылыс жұмыстарын жүргізген, ортақ пайдалану аймағын ластаған тұлғаларға қатысты 954 хаттама рәсімделген.

Қазақстан және Қызылорда облысының жаңалықтары