<a href="https://kyzylorda-news.kz/">Kyzylorda-news.kz</a> Шараның басты мақсаты – қоршаған ортаны қорғау мәселелеріне қоғамның назарын аудару, пластик қалдықтарының зияны туралы түсіндіру және экологиялық мәдениетті қалыптастыру болды. Сонымен қатар, қатысушылар арасында жауапкершілік сезімін арттырып, тұрақты өмір салтын насихаттау көзделді.Шара барысында қатысушылар екі топқа бөлініп, пластикті қолдануды шектеудің артықшылықтары мен кемшіліктерін талқылады. Пікірталас кезінде өз ойларын дәлелдермен жеткізіп, түрлі ұсыныстар айтып, өзара белсенді пікір алмасты. Экологиялық баламалар мен тиімді шешу жолдары да кеңінен қарастырылды.Аталған шараға 20-ға жуық студент қатысып, белсенділік танытты.

«Пластикті қолдануды шектеу тиімді ме?» тақырыбында пікірталас алаңы өтті

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаевтың төрағалығымен Қазақстан Республикасының 2021-2025 жылдарға арналған ұлттық қауіпсіздік стратегиясын жүзеге асыру қорытындысы шығарылды. Бұл туралы Ақорданың баспасөз қызметі хабарлады.&nbsp;Үкімет негізгі көрсеткіштерге қол жеткізу туралы есеп берді. Сондай-ақ бірқатар салалық мемлекеттік орган жетекшілері басты бағыттар бойынша баяндама жасады.Мемлекет басшысы геосаяси ахуалды ескере отырып, қоғамдық, экономикалық, экологиялық, су&nbsp;және азық-түлік қауіпсіздігі мәселелерін пысықтау қажеттігіне назар аударды.Бұдан бөлек, отырыста Қазақстан Республикасының 2026-2030 жылдарға арналған ұлттық қауіпсіздік стратегиясының жобасы қаралды.Мемлекеттік жоспарлау жүйесінің маңызды құрамдас бөлігі саналатын бұл Стратегия алдағы бес жылда болуы ықтимал сын-қатерлерге төтеп берудің негізгі тәсілдерін анықтайды.Жиында Премьер-министрдің орынбасары&nbsp;— Ұлттық экономика министрі Серік Жұманғарин орта мерзімге арналған басымдықтар, мақсатты индикаторлар мен стратегиялық тәуекелдерді басқару механизмдері жөнінде баяндады.Қасым-Жомарт Тоқаевтың айтуынша, жаңа Конституцияны қабылдау арқылы мемлекет дамуындағы жаңа кезеңге қадам басып, Қазақстанның Тәуелсіздігін, егемендігі мен аумақтық тұтастығын сенімді түрде қорғауға мүмкіндік туды.Ал&nbsp;аталған Стратегия конституциялық қағидаттардың мүлтіксіз сақталуын қамтамасыз етіп, еліміздің тұрақты әрі қарқынды дамуына жағдай жасайды.Мемлекет басшысы ұлттық мүддені қорғау міндеттерін сапалы орындаудың маңызына баса мән берді. Оның қатарына, атап айтқанда, қорғаныс қабілетін қамтамасыз ету; азаматтарды, қоршаған ортаны және ақпараттық кеңістікті қорғау деңгейін арттыру; киберқауіпсіздік шараларын күшейту және әлеуметтік-экономикалық саладағы тәуекелдерді азайту мәселелері кіреді.Сонымен қатар Қасым-Жомарт Тоқаев экономика, білім мен технология салаларында сұранысқа ие&nbsp;білікті шетелдік мамандарды тартуға қолайлы жағдай жасайтын бағдарламаны жеделдетіп әзірлеуді тапсырды.&nbsp;Фото: Ақорда

Мемлекет басшысы Қауіпсіздік Кеңесінің отырысын өткізді

<a href="https://kyzylorda-news.kz/">Kyzylorda-news.kz</a> Қазақстанда әлеуметтік маңызы бар азық-түлік тауарлары бағасының өсу қарқыны баяулағаны тіркелді, деп хабарлайды <a href="https://baq.kz/azyq-tulik-arzandady-qazaqstanda-qay-onimderdin-bagasy-tusti-320020530/">BAQ.KZ тілшісі</a>.Әлеуметтік маңызы бар азық-түлік тауарлары бағасының өсуі бірінші тоқсан қорытындысы бойынша үш есеге төмендеді. Бұл туралы азық-түлік бағасын тұрақтандыру мәселелері мен бірінші тоқсанның алдын ала қорытындылары талқыланған ҚР Премьер-министрінің орынбасары – Ұлттық экономика министрі Серік Жұманғариннің төрағалығымен өткен кеңес барысында белгілі болды.Наурыз айында әлеуметтік маңызы бар азық-түлік тауарлары бағасының орташа өсу индексі 0,3%-ды құрады. Бұл өткен жылдың наурыз айымен салыстырғанда (0,9%) үш есе төмен. Жалпы алғанда, бірінші тоқсанда баға өсімі 1,2% болды, бұл да 2025 жылдың осы кезеңіндегі деңгейден (3,8%) үш есе төмен. Бұл динамика баға өсімінің тұрақты баяулауын көрсетеді, – деп атап өтті Сауда және интеграция министрлігіндегілер.Министрліктің мәліметінше, ресми статистика тұтыну бағаларының индексін есептеудің халықаралық әдіснамасы бойынша қалыптасады және 537 тауар мен қызмет түрін қамтиды.Мониторинг бүкіл ел бойынша 12 мыңнан астам сауда нысанында жүргізіледі. Ішкі сауда жүйесіне 760 мыңға жуық кәсіпкерлік субъектісі тартылған, оның 300 мыңнан астамы азық-түлік тауарларын сатумен айналысады.Бағаның негізгі төмендеуі көкөніс өнімдерінде тіркелді:<ul><li style="text-align:justify;">қырыққабат – 1,9%-ға;</li><li style="text-align:justify;">қызанақ – 2,6%-ға;</li><li style="text-align:justify;">пияз – 10,9%-ға;</li><li style="text-align:justify;">қияр – 22,6%-ға (жыл басынан бері қияр бағасы 31,1%-ға арзандады).</li></ul><blockquote>– Қазіргі уақытта министрлік өнеркәсіптік жылыжайлармен қызанақ пен қияр бағасын тұрақтандыру жөнінде меморандумдар жасасу бойынша келіссөздер жүргізуде, - деп хабарлады Айжан Бижанова.</blockquote>Фото: Нұрболат Нұржаубай

Азық-түлік арзандады: Қазақстанда қай өнімдердің бағасы түсті?

<a href="https://kyzylorda-news.kz/">Kyzylorda-news.kz</a> Облыстық кәсіпкерлік және өнеркәсіп басқармасының басшысы Мөлдір Сұлтанбекқызы бірқатар инвестициялық жобалардың іске асырылу барысымен танысты. Нысандарды аралау барысында кәсіпорындардың жұмыс процесі талқыланып, туындаған мәселелер пысықталды.Алдымен «Өндіріс» индустриялық аймағында орналасқан «Ayna Glass» ЖШС-нің айна шығару кешенінің қызметі қаралды. Жобаның инвестиция көлемі 1,5 млрд теңгені құрайды. Кәсіпорын жылына 720 мың шаршы метр айна өндіреді. Өнімдер Қызылорда, Алматы, Шымкент, Тараз, Түркістан, Көкшетау, Ақтау, Жаңаөзен және Қарағанды қалаларына жеткізіледі. Кәсіпорында 55 тұрақты жұмыс орны ашылған. Шикізатпен тұрақты қамтамасыз ету мақсатында «Orda Glass» шыны зауытымен келісімшарт жасалған.Келесі «Марал-Нұр» ЖШС жолаушылар вагондарына техникалық қызмет көрсету және жөндеу депосы. Жоба екі кезеңде жүзеге асырылуда. Жалпы инвестиция көлемі 15,4 млрд теңгені құрайды. Жоба аясында «Нұр-жол Әлем» серіктестігімен бірлескен жұмыс жүргізілуде. Сонымен қатар, «Қазақстан темір жолы» ҰК» АҚ тарапынан жолаушылар вагондарын жөндеуге құқық беретін шартты таңбалау нөмірі берілген. Жоба жақын арада іске қосылады.Одан кейін, «Вега Пром» ЖШС газоблок өндіру зауытының құрылысы қаралды. Жобаның жалпы құны 1 млрд теңгені құрайды. Қазіргі таңда жабдықтар шетелден жеткізіліп, құрылыс-монтаж жұмыстары жүргізілуде. Жобаны биыл іске қосу жоспарланған.Сондай-ақ, оңтүстіккореялық «With You E&amp;C» компаниясының қатысуымен жүзеге асырылып жатқан тұрмыстық қатты қалдықтарды сұрыптау зауытының құрылысы таныстырылды. Жобаның алғашқы кезеңінде 7,5 млрд теңге инвестиция тарту көзделіп отыр. Жоба үш кезеңде жүзеге асырылады.Сұрыпталған қалдықтар кейін басқа өндірістер үшін шикізат көзі ретінде пайдаланылатын болады. Атап айтқанда, пластикалық бұйымдар, қағаз және картон, алюминий өнімдерін өндіруге бағытталады.<img src="https://knadmin.beoblood.kz/uploads/K_sipkerlik_zhobalar_2_e2d6f9e0ea.jpg" alt="Кәсіпкерлік жобалар 2.jpg">

Бірқатар инвестициялық жоба жұмыстарын көрді

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов аудандық мәслихаттың төрағасы Ғазиз Әлішпен бірге аймақтық «Тұран Қазалы» және аудандық «Қазалы» газеттеріне барып, басылымдардың жұмысымен танысты.Аудан басшысы алдымен аймақтық «Тұран Қазалы» газетінің баспаханасында болып, басылымды шығару барысын көзбен көрді. «Тұран–Қазалы» ЖШС директоры Нұрбол Әлмәмбетов пен газеттің бас редакторы Раушанбек Сейтенов баспаханадағы техникалармен таныстырып, олардың атқаратын қызметтері туралы айтып берді. «Тұран Қазалы» газеті 11 мыңнан астам таралыммен облыс аумағына таралатын басылым.Қазіргі таңда редакцияда ардагер журналист, бас редактор Раушанбек Сейтенов бастаған шығармашылық ұжым еңбек етуде. Аймақтың қоғамдық-мәдени өмірінен сыр шертетін маңызды басылым 2003 жылдан бері жұмыс жасап келеді.Мұнан кейін аудан әкімі облыстық «Сыр медиа» ЖШС-ға қарасты «Қазалы» газетінің жұмысымен танысты. Аудандық газеттің бас редакторы Есет Табынбаев аудан басшысына редакция жұмысын таныстырды. «Қазалы» газеті – бүгінде еліміздің ақпарат кеңістігінде өзіндік орны бар қоғамдық-саяси басылым. Таралымы 4353 дананы құрайтын газет аптасына екі рет шығады. Қазіргі таңда газет жанынан «Қазалы» газетінің электронды нұсқасы да жұмыс істеп, жергілікті оқырмандар арасында кеңінен танымал болып отыр. Газетте бүгінде 10 қызметкер еңбек етеді.Аудан тұрғындарын жедел ақпарат, мазмұнды сұхбаттар, танымдық және сараптамалық материалдармен қамтамасыз етіп жүрген журналистермен жүздескен аудан басшысы алдағы уақытта да халық сүйіп оқитын сапалы мақалалар көп болуына тілектестік білдіріп, ұжым қызметкерлеріне сәттілік тіледі.Аудан әкімі аудандағы екі басылымның да ғимараттары аумағында көктемгі санитарлық-тазалық жұмыстарын жүргізу керектігін айтып, ғимараттардың аулаларын таза ұстауды тапсырды.<img src="https://knadmin.beoblood.kz/uploads/azaly_kim_gazet_zh_mysymen_tanysty_2_8af2515afd.jpg" alt="Қазалы әкім газет жұмысымен танысты 2.jpg">

Газет басылымдарының жұмысымен танысты

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалы жанындағы «Отбасы және халықты әлеуметтік қорғау» мәселелері жөніндегі аймақтық кеңестің отырысы өтті.Жиында 2025 жылы әлеуметтік қорғау саласы бойынша атқарылған жұмыстар қорытындысы және 2026 жылға арналған міндеттері кеңінен талқыланды.Кеңес отырысында күн тәртібіндегі мәселе бойынша облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Даулетбаева кеңінен ақпарат берді.<img src="https://knadmin.beoblood.kz/uploads/Amanat_leumettik_oldau_2_9fedb912bc.jpg" alt="Аманат әлеуметтік қолдау 2.jpg"><blockquote>«2025 жылы әлеуметтік қорғау саласында ауқымды жұмыстар атқарылып, 29,8 млрд теңге толық игерілді. 46 мыңнан астам адам жұмыспен қамтылып, жұмыссыздық деңгейі 4,6%-ға дейін төмендеді. Халықтың әлжуаз топтарына қолдау күшейтіліп, атаулы әлеуметтік көмек, тұрғын үй көмегі және қайырымдылық шаралары жүйелі түрде жүргізілді. Мүгедектігі бар азаматтарды оңалту, жұмыспен қамту және әлеуметтік инфрақұрылымды бейімдеу бағытында нақты нәтижелерге қол жеткізілді. Ал 2026 жылға негізгі міндеттер – жаңа жұмыс орындарын құру, әлеуметтік көмекті нақты мұқтаждарға жеткізу, жұмыссыздық деңгейін тұрақты ұстап тұру және әлеуметтік қызметтердің сапасын арттыру болып айқындалды»-деді Жанар Дәулетбаева.&nbsp;</blockquote>Жиында кеңес төрағасы Райкүл Байназарова халықты әлеуметтік қорғау жүйесі халықпен етене жұмыс атқаратын сала екендігін атап өтіп, кеңес мүшелерін аймақ тұрғындарының, оның ішінде әлеуметтік қолдауды қажет ететін азаматтарға тиісті көмектердің уақытылы жүйелі түрде көрсетілуіне жұмылып жұмыс жасау қажеттін айтты. Кеңес қорытындысымен жұмысты жетілдіруге қатысты айтылған ұсыныстар хаттамаға енгізілді.<img src="https://knadmin.beoblood.kz/uploads/Amanat_leumettik_oldau_3_e2b3f58193.jpg" alt="Аманат әлеуметтік қолдау 3.jpg">

Партия алаңында маңызды мәселелер талқыланды

<a href="https://kyzylorda-news.kz/">Kyzylorda-news.kz</a> Қызылорда облысының оқу орындары арасында есірткіге қарсы пантомима челлендж-байқауы ұйымдастырылып, жастар арасында салауатты өмір салтын насихаттауға бағытталған маңызды тәрбиелік іс-шаралардың бірі болды.Іс-шараны Қызылорда облысы Полиция департаментінің Есірткі қылмысына қарсы іс-қимыл басқармасы ұйымдастырды. Байқаудың негізгі мақсаты — жасөспірімдер мен жастардың есірткіге қатысты теріс көзқарасын қалыптастыру, олардың шығармашылық қабілеттерін дамыту және қоғамда қауіпсіз өмір салтын дәріптеу.Сайысқа облыстың қала және аудан мектептері мен колледждерінің оқушылары белсенді түрде қатысты. Қатысушылар қысқа бейнероликтер дайындап, пантомима және қол қимылдары арқылы есірткіге қарсы үндеулер мен ұрандарды әсерлі түрде жеткізді. Фон жасап тұрған қатысушылар қара түсті киім киіп, ал ақ қолғап киген қолдар негізгі есірткіге қарсы сөздерді бейнелеп көрсетті. Мұндай ерекше формат көрерменге ойды визуалды түрде жеткізіп, қатысушылардың шығармашылық және көркемдік қабілеттерін бағалауға мүмкіндік берді.Байқау қорытындысы бойынша жеңімпаздар:І орын:№113 орта мектеп (Қармақшы ауданы) №40 және №41 орта мектептер (Шиелі ауданы) №125 орта мектеп (Жаңақорған ауданы) №10 мектеп-лицей (Қызылорда қаласы)ІІ орын:№34 орта мектеп (Жалағаш ауданы) №147 орта мектеп (Сырдария ауданы) №48 мектеп-лицей (Шиелі ауданы) №175 орта мектеп (Қызылорда қаласы)ІІІ орын:№156 және №50 орта мектептер Оқушылар үйі (Шиелі ауданы)Аталған байқау жастардың шығармашылық ойлау қабілетін дамытуға, салауатты өмір салтының маңыздылығын түсінуге және есірткіге қарсы профилактикалық іс-шараларға белсенді қатысуына оң әсерін тигізеді. Сонымен қатар мұндай бастамалар жас ұрпақтың қоғам алдындағы жауапкершілігін арттыруға ықпал етеді.Ұйымдастырушылар барлық қатысушылар мен педагогтарға белсенділігі мен шығармашылығы үшін алғыс білдіріп, алдағы уақытта да осындай тәрбиелік маңызы зор іс-шаралар жалғасын табатынын атап өтті.Фото: Полиция департаменті

Қызылордада оқу орындары арасында есірткіге қарсы пантомима челлендж-байқауы өтті

<a href="https://kyzylorda-news.kz/">Kyzylorda-news.kz</a> Халықаралық қалдықсыз күн аясында Қазақстан Республикасының Экология және табиғи ресурстар министрлігі Қазақстан Республикасында қалдықтарды тұрақты басқаруға көшу және қайта өңдеу инфрақұрылымын дамыту маңыздылығын атап өтеді.Қазақстан Республикасы Президенті Қасым-Жомарт Тоқаевтың бастамасымен жүзеге асырылып жатқан «Таза Қазақстан» жалпыұлттық бастамасы аясында Экология және табиғи ресурстар министрлігі қалдықтарды басқару саласын жүйелі түрде реформалауды жүргізуде.Маңызды кезеңдердің бірі 2025 жылғы 31 желтоқсанда Қазақстан Республикасы Үкіметінің қаулысымен 2026-2030 жылдарға арналған барлық қалдық түрлерін басқару тұжырымдамасының бекітілуі болды. Бұл құжат сала дамуының тұтас әрі кешенді моделін қалыптастыратын алғашқы стратегиялық құжат болып табылады.Реформаның негізгі элементі ретінде «Жасыл даму» АҚ базасында Ұлттық қалдықтарды басқару орталығын құру жоспарлануда. Жаңа орталық бүкіл жүйенің үйлестірушісі болып, ведомствоаралық өзара іс-қимылды, бірыңғай стандарттарды және ұлттық деңгейде бақылауды қамтамасыз етеді.Негізгі бағыттардың бірі қалдықтардың түзілуінен бастап кәдеге жаратылуына дейінгі барлық кезеңдерде есепке алу мен мониторингтің цифрлық жүйесін енгізу болып табылады. Бұл қалдық ағындарының ашықтығын қамтамасыз етуге, есептіліктің сенімділігін арттыруға және көлеңкелі айналымды азайта отырып мемлекеттік бақылауды күшейтуге мүмкіндік береді.Тұжырымдама саладағы жинақталған проблемаларды шешуге бағытталған. Олардың қатарында қатты тұрмыстық қалдықтарды қайта өңдеу деңгейінің төмендігі, қалдықтарды көму үлесінің басымдығы, инфрақұрылымның жеткіліксіз дамуы, сондай-ақ өндірістік және қауіпті қалдықтардың едәуір көлемінің жинақталуы бар.Реформа аясында сұрыптау және қайта өңдеу инфрақұрылымын дамыту, қайталама ресурстар нарығын қалыптастыру, тарихи жинақталған қалдықтар мәселесін шешу және қауіпті әрі медициналық қалдықтарға бақылауды күшейту көзделген.Сонымен қатар, бұрын жүйелі инфрақұрылым болмаған ауылдық елді мекендерде қатты тұрмыстық қалдықтарды шығару қызметтерін кеңейтуге ерекше назар аударылады. Бұл ретте рұқсат етілмеген қоқыс орындарын азайтуға және өңірлердің экологиялық қауіпсіздігін арттыруға мүмкіндік береді.Тұжырымдама қалдықтарды ресурс ретінде қарастыратын айналымды экономика моделіне көшуді де көздейді. Ол қайта өңдеуді және қайта пайдалануды ынталандыруды, инвестиция тартуды және заманауи кәдеге жарату технологияларын енгізуді қамтиды.Ұсынылған шараларды іске асыру қалдықтарды басқарудың заманауи әрі ашық жүйесін қалыптастыруға, қайта өңдеу деңгейін арттыруға және экологиялық тәуекелдерді төмендетуге мүмкіндік береді. Бұл өз кезегінде халықтың өмір сүру сапасын жақсартуға ықпал етеді.Қалдықтарды тұрақты басқаруға көшу және қайта өңдеу инфрақұрылымын дамыту бағыттағы негізгі құралдардың бірі - EcoQolday бағдарламасы. Бағдарлама тиімді қалдықтарды жинау және қайта өңдеу жүйесін қалыптастыруға, сондай-ақ ел бойынша қайта өңдеуші кәсіпорындарды қолдауға бағытталған.

30 наурыз – Халықаралық қалдықсыз күн

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен құқық бұзушылық профилактикасы жөніндегі ведомствоаралық комиссияның отырысы өтті. Жиынға құқық қорғау органдарының өкілдері, мемлекеттік мекемелердің басшылары, комиссия мүшелері және &nbsp;барлық ауылдық округ әкімдері қатысты.Күн тәртібі бойынша «алаяқтық қылмысының, оның ішінде интернет алаяқтық қылмыстардың алдын алу шаралары туралы» (аудандық полиция бөлімінің криминалдық полиция бөлімшесінің жедел уәкілі Е.Зайдағалиұлы), «жол-көлік оқиғаларын болдырмау және алдын алу бағытында атқарылған жұмыстар туралы» (баяндамашы аудандық полиция бөлімінің әкімшілік полиция тобының бастығы С.Кеукенов), «суицид профилактикасы, «тәуекел тобындағы» балалар мен жасөспірімдерге көмек көрсетудің бірлескен жұмыстары туралы» (аудандық полиция бөлімінің қоғамдық қауіпсіздік бөлімшесі бастығының м.а. А.Спатаев, аудан бойынша білім бөлімінің басшысы Е.Жақып, аудандық аурухана бас дәрігері Ж.Жұмабаева) үш бірдей мәселе қозғалды.<blockquote>– Бүгінгі күнде елімізде қарқынды белең алып келе жатқан «Интернет алаяқтық» қылмыстарының өсім алуы бәрімізді қатты алаңдатады. Былтырғы жылы аймақ басшысының төрағалығымен өткен облыс әкімдігі жанындағы құқық бұзушылық профилактикасы жөніндегі ведомствоаралық комиссия отырысында алаяқтыққа, оның ішінде қаржы пирамидалары мен интернет алаяқтығына қатысты құқық қорғау органдарына кешенді әрі нақты шараларды әзірлеуді тапсырған болатын. Себебі Елімізде қазір интернет алаяқтығына тыйым болмай тұр. Сонымен қатар, қазіргі өзекті мәселенің бірі жол қауіпсіздігіне байланысты жағдайлар алаңдатуда. Оның ішінде: жол-көлік оқиғасының салдарынан адам өлу, ауыр дене жарақатын алу, мал қағу және тағы басқа деректер жиі орын алуда. Сондықтан жол-көлік оқиғаларын алдын алу бағытындағы профилактикалық іс-шаралар күшейту керек. Сондай ақ, бүгінгі күннің басты мәселелерінің бірі – кәмелетке толмағандардың арасындағы суицид, яғни, өз-өзіне қол жұмсауы. Бұл мәселе кімді болсада алаңдатпай қоймайтыны анық. Жасөспірім шақта кездесетін қиындықтарды көтере алмау, айналасындағылармен тіл табыса алмау, психологияның толық қалыптаспағандығы, осы және тағы да басқа себептерден өскелең ұрпақ арасында суицид мәселесі артып отыр. Суицидтің алдын алу үшін ата-аналар, мұғалімдер психологтармен бірлесе отырып жұмыс атқару керек, – деді Берік Әбдіғаппарұлы.</blockquote>Комиссия отырысының қорытындысы бойынша аудан әкімі құқық қорғау органдары мен тиісті сала басшыларына тапсырмалар беріп, тиісті шаралар қабылдау жөнінде шешімдер қабылданды.

Құқық бұзушылықтың алдын алу мәселесі бойынша комиссия отырысы өтті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен өткен мәжілісте халықты тұрғын үймен қамтамасыз етудегі мәселелер жан-жақты талқыланды.Жиында қала аумағындағы тұрғын үй құрылысының қарқыны, кезекте тұрған азаматтардың жағдайы, тұрғын үй инфрақұрылымын дамыту мәселелері қаралды.Аймақ басшысы тұрғын үйлерді белгіленген мерзімде әрі сапалы етіп салуды, мердігер мекемелер жұмысын тұрақты бақылауды міндеттеді.Сондай-ақ, үй кезегінде тұрған азаматтардың деректерін нақтылап, ашықтықты қамтамасыз ету, әлеуметтік жағынан осал топтарға басымдық беру қажеттігін атап өтті. Инженерлік-коммуникациялық желілерді уақытылы жүргізуді, жаңа тұрғын үйлерді пайдалануға беру мерзімін кешіктірмеуді қатаң тапсырды.<blockquote>«Құрылыс жұмыстары жоспар бойынша жүруі керек. Барлық жоба белгіленген мерзімде аяқталып, қаражат мақсатты жұмсалуы тиіс», – деді Нұрлыбек Машбекұлы.</blockquote>Еске салайық, тұрғын үй кезегінде тұрған азаматтарға 8 мыңға жуық пәтер, кейінгі 3 жылда барлық ауданда алғаш рет жаңадан 1800-ге жуық пәтер табысталды.Өткен жылы 2 477 пәтерлік тұрғын үй салуға бюджеттен 36 млрд. теңге қаралса, биыл кезекте тұрған азаматтарға 2 400 пәтер табыстау үшін 55 млрд. 600 млн. теңге жоспарланған.Соңғы жылдары қаламызда заманауи жаңа дизайнмен жеті, тоғыз және он екі қабатты тұрғын үйлер бой көтеруде.Фото: Қызылорда облысы әкімінің баспасөз қызметі

Тұрғын үй құрылысына қатысты мәселелер талқыланды

<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінде қос дипломды және бірлескен білім беру бағдарламаларын әзірлеуге арналған әдістемелік воркшоп өтті. Шараның негізгі мақсаты – халықаралық ынтымақтастықты дамыту, білім беру бағдарламаларын сапалы жобалау және оларды тиімді іске асыру жолдарын талқылау.Іс-шараны Басқарма төрағасы – Ректор Наурызбай Байқадамов ашып, воркшоптың маңыздылығына тоқталды. Наурызбай Сейтқалиұлы қазіргі таңда халықаралық деңгейде бәсекеге қабілетті мамандар даярлауда қос дипломды және бірлескен білім беру бағдарламаларының рөлі ерекше екенін атап өтті. Сонымен қатар, мұндай бағдарламалар университеттің академиялық әлеуетін арттырып, білім беру сапасын жаңа деңгейге көтеруге мүмкіндік беретінін жеткізді.Воркшоптың модераторы Академиялық мәселелер жөніндегі проректор Дана Абдрашева болды. Шараға университеттің басшылық құрамы, профессор-оқытушылар құрамы және білім беру бағдарламаларының жетекшілері қатысты.Воркшоп барысында қатысушыларға қос дипломды және бірлескен білім беру бағдарламаларын әзірлеудің теориялық және практикалық негіздері таныстырылды. Сонымен қатар, бағдарламаларды тиімді жоспарлау мен іске асыру дағдыларын қалыптастыру, халықаралық серіктестік аясында білім беру бағдарламаларын үйлестіру бойынша кәсіби құзыреттерді дамыту мәселелері қарастырылды.Білім беру бағдарламаларын үйлестіру және оқу үдерісін жоспарлау басқармасының басшысы Ақмарал Бұхарбаева «Қос дипломды, бірлескен білім беру және Minor, микроквалификация әзірлеу тәртібі» тақырыбында баяндама жасады. Ол өз сөзінде бағдарламаларды әзірлеудің негізгі кезеңдері мен талаптарын түсіндіріп, тәжірибелік ұсыныстарымен бөлісті.Әдістемелік воркшоп жоғары оқу орындарының халықаралық ынтымақтастығын дамытуға, білім беру бағдарламаларын сапалы жобалауға және үйлестіруге бағытталды. Қатысушылар бағдарламаларды әзірлеудің заманауи тәсілдерімен, нормативтік талаптармен және үздік тәжірибелермен танысты. Бұл өз кезегінде бағдарламалардың сапасын арттыруға, еңбек нарығына сәйкестігін қамтамасыз етуге және университеттің институционалдық әлеуетін нығайтуға мүмкіндік береді.Шара соңында пікір алмасу сұрақ-жауап форматында жалғасып, қатысушылар өздерін қызықтырған сұрақтарын қойып, ұсыныстарын ортаға салды.

Қорқыт ата университетінде білім беру бағдарламаларын жетілдіруге арналған воркшоп өтті

<a href="https://kyzylorda-news.kz/">Kyzylorda-news.kz</a> &nbsp;Қазіргі қоғамда жастардың рөлі ерекше. Себебі бүгінгі жас — ертеңгі елдің тірегі, мемлекеттің болашағы. Уақыт өзгерген сайын жастардың өмір салты, көзқарасы, қызығушылығы да өзгеріп келеді. Бүгінгі таңда жастар білімге, технологияға, жаңа мүмкіндіктерге жақын. Бұл — заман талабы. Алайда тек заманауи құралдарды пайдалану жеткіліксіз. Ең бастысы — сол мүмкіндіктерді дұрыс бағытта қолдана білу.Қазір жастар үшін білім алуға барлық жағдай жасалған. Интернет арқылы әлемнің кез келген ақпаратын алуға болады, шетелдік оқу орындарында білім алуға мүмкіндік бар, түрлі жобалар мен бағдарламалар ұйымдастырылуда. Осындай мүмкіндіктерді тиімді пайдаланған жас қана болашақта өз орнын таба алады. Білімді ұрпақ — елдің дамуына үлес қосатын басты күш.Сонымен қатар қазіргі жастардың бос уақытын қалай өткізетіні де маңызды мәселе. Кейбір жастар уақытын пайдалы іске жұмсаса, енді бірі әлеуметтік желіге тәуелді болып барады. Әлеуметтік желінің пайдасымен қатар зияны да бар. Ол адамның уақытын алады, шынайы қарым-қатынасты азайтады. Сондықтан әр жас өз уақытының қадірін білуі керек.Ұлы ақын Абай Құнанбайұлы: «Пайда ойлама, ар ойла, талап қыл артық білуге» деп жастарды білімге, ізденіске шақырған. Бұл сөз бүгінгі күні де өз маңызын жоғалтқан жоқ. Адам тек материалдық дүниені емес, рухани байлықты да қатар дамытуы қажет.Жастар арасында мамандық таңдауда қателік жіберіп жататындар да кездеседі. Кейбірі өз қызығушылығына емес, өзгенің таңдауына еріп кетеді. Нәтижесінде сүймейтін мамандықта жұмыс істеп, өз қабілетін толық аша алмай жатады. Сондықтан әр адам өз болашағына жауапкершілікпен қарап, саналы шешім қабылдауы тиіс.Елдің болашағы — саналы, білімді, тәрбиелі жастардың қолында. Жастар өз мақсатын айқындап, еңбектенуден қорықпаса, кез келген биікті бағындыра алады. Әрбір жас өзіне сеніп, арманына қарай қадам басса, еліміздің де болашағы жарқын болмақ.Назым Әбілхай,Қорқыт ата атындағы Қызылорда университетінің 4-курс студентіФото: pexels.webp

Қазақстан және Қызылорда облысының жаңалықтары