<a href="https://kyzylorda-news.kz/">Kyzylorda-news.kz</a> Жалағаш ауданындағы Руханият орталығында Спорт күніне орай аудан әкімінің орынбасары Ғани Сүлейменов аудан спортшылары және сала ардагерлерімен кездесіп, аудан әкімінің атынан мерекелерімен құттықтады.<blockquote>«Ауданда бұқаралық спортты дамыту және спорт инфрақұрылымын жаңғырту жұмыстары кезең-кезеңімен жүргізіліп келеді. Өткен жылы «Қазақстан халқына» қорының қаржыландыруымен Аққыр ауылдық округінде жаңа спорт кешені ашылып, ел игілігіне берілді. Сондай-ақ, «Ауыл – Ел бесігі» жобасы аясында аудан орталығында дене шынықтыру-сауықтыру кешені пайдалануға беріліп, орталық стадион қайта жаңғыртылды. Бұл – тұрғындардың спортпен тұрақты айналысуына жасалған мемлекеттік қолдаудың нақты нәтижесі», – деді Ғани Сүлейменов.</blockquote>Сонымен қатар, қабылдауда аудандық ардагерлер кеңесінің төрағасы Садық Әлиев, кент ардагерлері кеңесінің төрағасы Қожатай Құлмахан, «Жалағаш ауданының Құрметті азаматы», спорт саласының ардагері Сұлтан Бекжанов сөз сөйлеп, спорт саласының дамуына қатысты ой-пікірлерін ортаға салып, жас спортшыларға ізгі тілектерін білдірді.Салтанатты жиында спорттық додаларда топ жарып жүрген бір топ спортшы мен сала ардагері марапатталды. Бүгінде 16 мыңға жуық аудан тұрғыны бұқаралық спортпен тұрақты айналысады. Бұл аудан халқының 44 пайызын құрайды.Аудан спортшылары әлем және Азия чемпионаттары мен облыстық жарыстарда 144 медаль жеңіп алып, жоғары нәтижелер көрсетіп келеді.

Спорт күніне орай сала ардагерлері мен спортшылар марапатталды

<a href="https://kyzylorda-news.kz/">Kyzylorda-news.kz</a> Қызылорда облысының Жаңақорған ауданында «Таза Қазақстан» республикалық экологиялық бағдарламасы аясында Жаңақорған–Шалқия автожолы бойында «Таза өлке – ортақ жауапкершілік» атты тазалық акциясы ұйымдастырылды.Акцияның негізгі мақсаты – қоршаған ортаның тазалығын сақтау, экологиялық мәдениетті қалыптастыру, тұрғындардың туған жерге деген жауапкершілігін арттыру және аудан аумағын көркейту.<img src="https://knadmin.beoblood.kz/uploads/Whats_App_Image_2026_08_21_at_17_02_58_7b94eab105.jpeg" alt="Таза Қазақстан.jpeg">Тазалық жұмыстарына 50-ге жуық белсенді жас пен «Жаңарған Жаңақорған жастары» ұйымының мүшелері қатысып, ауданға кіреберіс саналатын Жаңақорған–Шалқия автожолында айналаны ретке келтіру және абаттандыру жұмыстарын жүргізді.Іс-шара барысында жастар тазалық пен тәртіпті сақтау – қоғамның ортақ міндеті екенін атап өтіп, туған өлкенің көркеюіне өз үлестерін қосты. Белсенді жастар қоршаған ортаға жанашырлық танытып, табиғатты қорғауға бағытталған бастамаларға белсенді қатысудың маңыздылығын көрсетті.Мұндай шаралар жастардың экологиялық сауаттылығын арттырып қана қоймай, туған жерге деген сүйіспеншілік пен жауапкершілік сезімін қалыптастыруға ықпал етеді.<img src="https://knadmin.beoblood.kz/uploads/Whats_App_Image_2026_08_21_at_17_02_56_97b46d281d.jpeg" alt="Таза Қазақстан.jpeg">

Жаңақорған ауданында «Таза Қазақстан» аясында тазалық акциясы өтті

<a href="https://kyzylorda-news.kz/">Kyzylorda-news.kz</a> Өңірде бірқатар маңызды жоба қолға алынғаны белгілі. Осыған орай, «Мемсараптама» РМК бас директоры Тимур Қарағойшиннің төрағалығымен өткен жиынға облыс әкімі Мұрат Ергешбаев тікелей байланыс арқылы қатысты.Жиында алдағы уақытта жүзеге асырылатын жаңа жобалардың жоба-сметалық құжаттамаларын әзірлеу, мемлекеттік сараптамадан өткізу және құрылыс жұмыстарын ұйымдастыру барысы қаралды.Ірі жобаның бірі – Қызылорда қаласындағы Тоқтыбаев көшесінен Сырдария өзені арқылы өтетін жаңа автомобиль көпірі. Жаңа көпір қаланың көлік инфрақұрылымын дамытуға, жол қозғалысын реттеуге және шаһардың екі бөлігін байланыстыруға мүмкіндік береді.Жобалық шешімге сәйкес, &nbsp;жалпы ұзындығы 338,5 метр, төрт жолақты. Қазіргі уақытта жоба-сметалық құжаттаманы «Тека Проект» ЖШС &nbsp;демеушілік қаражат есебінен әзірлеп, мемлекеттік сараптамаға жіберді. Оң қорытындыны алдағы қыркүйек айында алу көзделіп отыр. Тағы бір жоба – Президент саябағы аумағында салынып жатқан жаңа драма театрдың құрылысы.&nbsp;Айта кетейік, Мемлекет басшысы Ұлттық құрылтайдың бесінші отырысында Қызылорда қаласында жаңа драма театр салуды тапсырды. Осы жылдың сәуір айында театрдың іргетасы қаланды.Жаңа ғимарттың жалпы аумағы 4 мың шаршы метрден асады, 520 көрерменге арналған. Мұнда репетициялық залдар, студиялар, шығармашылық кеңістіктер мен әкімшілік кабинеттер қарастырылған. Сонымен қатар, театр заманауи сахналық техникамен, қуатты дыбыс жүйесімен және соңғы үлгідегі жабдықтармен қамтамасыз етіледі. Бұл өз кезегінде түрлі жанрдағы қойылымдарды жоғары кәсіби деңгейде сахналауға мүмкіндік береді.Жиын қорытындысы бойынша аталған жобалар жан-жақты талқыланып, ұсыныс-пікірлер ортаға салынды.&nbsp;

Аймақты дамытуға бағытталған жаңа жобалар талқыланды

<a href="https://kyzylorda-news.kz/">Kyzylorda-news.kz</a> Қызылордада жазасын өтеп жатқан әйелдерге психологиялық қолдау көрсету мақсатында арт-терапия тренингі ұйымдастырылды.Арт-терапия – адамның ішкі жан дүниесін шығармашылық арқылы ашуға мүмкіндік беретін психологиялық әдістердің бірі. Әсіресе сурет салу техникасы адамның эмоцияларын сыртқа шығарып, ішкі сезімдерін еркін жеткізуіне ықпал етеді.&nbsp;Осы бағыттағы тренингке Қылмыстық атқару жүйесі департаментінің №37 мекемесінде жазасын өтеп жатқан әйелдер қатысты. Іс-шара барысында орталық мамандары қатысушыларға түрлі шығармашылық тапсырмалар ұсынып, сурет салу арқылы өз көңіл-күйі мен ішкі сезімдерін бейнелеуге мүмкіндік берді. Қатысушылар түрлі түстер мен бейнелеу элементтерін пайдалана отырып, өмірге деген көзқарасын, көңіл күйін және жан дүниесіндегі сезімдерін қағаз бетіне түсірді.&nbsp;Мамандардың айтуынша, арт-терапия әдісі әйелдердің өз эмоцияларын жақсырақ тануына, ішкі күйзелісті жеңілдетуіне және еркін қарым-қатынас орнатуына оң әсер етеді. Сонымен қатар тренинг барысында жазасын өтеуші әйелдер арасында ашық диалог ұйымдастырылып, қатысушылар өз ойлары мен сезімдерімен еркін бөлісті.<blockquote>– Сурет салу арқылы ішкі жан дүниемдегі сезімдерімді жеткіздім. Арт-терапия ойымды тыныштандырып, жақсы нәрселерге көңіл бөлуге көмектесті, – деді сотталған әйелдердің бірі.</blockquote>

Қызылордада жазасын өтеушілер арт-терапия тренингіне қатысты

<a href="https://kyzylorda-news.kz/">Kyzylorda-news.kz</a> Қызылорда облысының Полиция департаментінде жеке құрамның қатысуымен гарнизондық жиын өтті. Гарнизондық жиынды Департамент&nbsp;бастығы полиция полковнигі Ергешов Серік Жүрсінбайұлы өткізді.Жиын барысында облыс аумағында қоғамдық тәртіпті сақтау, азаматтардың қауіпсіздігін қамтамасыз ету және құқық бұзушылықтардың алдын алу бағытындағы қызметтің негізгі міндеттері пысықталды.Қазіргі уақытта республика көлемінде өткізіліп жатқан «Құқықтық тәртіп» жедел-профилактикалық іс-шарасы аясында полиция қызметкерлері күшейтілген режимде қызмет атқаруда. Іс-шараның негізгі мақсаты – қоғамдық тәртіпті нығайту, құқық бұзушылықтардың алдын алу және жол қауіпсіздігін қамтамасыз ету.Осы бағытта полиция қызметкерлері облыс көлемінде құқық бұзушылықтардың алдын алу, қоғамдық орындардағы тәртіпті сақтау, жол қозғалысы ережелерінің бұзылуына жол бермеу және азаматтардың қауіпсіздігін қамтамасыз ету бойынша кешенді профилактикалық жұмыстар жүргізуде.<img src="https://knadmin.beoblood.kz/uploads/Garnizondy_zhiyn_3_c5721d8088.webp" alt="Гарнизондық жиын 3.webp">Гарнизондық жиын барысында Департамент басшылығы тарапынан жеке құрамға қызметтік міндеттерін орындау кезінде заңдылық талаптарын қатаң сақтау, азаматтармен сыпайы әрі мұқият қарым-қатынас жасау және қызметтік әдеп нормаларын басшылыққа алу қажеттігі атап өтілді.Сонымен қатар жол-көлік оқиғаларының алдын алу, жол қозғалысы қауіпсіздігін қамтамасыз ету, қоғамдық тәртіпті бұзуға жол бермеу және орын алған құқық бұзушылықтарға уақтылы ден қою бойынша нақты тапсырмалар берілді.<blockquote>«Алдымызда тұрған негізгі міндет – облыс аумағында қоғамдық тәртіпті қамтамасыз етіп, азаматтардың қауіпсіздігін қамтамасыз ету. Әрбір қызметкер өзіне жүктелген міндетті нақты түсініп, кез – келген жағдайға жедел әрі кәсіби түрде ден қоюы тиіс. Қызмет барысында заңдылықты сақтау мен азаматтардың құқықтарын қорғау басты орында болуы керек, – деді Департамент бастығы полиция полковнигі Ергешов Серік.</blockquote>Гарнизондық жиыннан соң полиция қызметкерлері қоғамдық тәртіп пен азаматтардың қауіпсіздігін қамтамасыз ету бойынша қызметтеріне кірісті.<img src="https://knadmin.beoblood.kz/uploads/Garnizondy_zhiyn_2_d0570cda08.webp" alt="Гарнизондық жиын 2.webp">

Қоғамдық қауіпсіздікке басымдық: Қызылордада гарнизондық жиын өтті

<a href="https://kyzylorda-news.kz/">Kyzylorda-news.kz</a> Қызылорда облысының қоғамдық даму басқармасының ұйымдастыруымен өткен «Жарнама – тіл тазалығының көрінісі» атты облыстық байқаудың жүлдегерлері &nbsp;марапатталды.Байқаудың негізгі мақсаты – мемлекеттік тілдегі жарнама мәтінін сауатты ресімдеу жолдарын насихаттау, «Қазақстан Республикасындағы тіл туралы» Заңы талаптарының орындалуын қадағалау және осы бағытта белсенділік танытып жүрген азаматтарды ынталандыру.Басқарма басшысы Р. Каюпов кіріспе сөз сөйлеп, бүгінгі таңда қоғамдық орындардағы көрнекі ақпарат – еліміздің келбеті мен мәдени деңгейінің айнасы. Жарнама – қоғаммен тікелей байланыс орнататын, көпшілікке ой салатын маңызды ақпарат құралы. Сондықтан жарнама мәтінінің сауатты, түсінікті, әсерлі әрі қазақ тілінің табиғи заңдылықтарына сай болуы – баршамызға ортақ жауапкершілік екенін атап өтті.Байқауға Қызылорда қаласы мен аудандардан бірқатар жеке азаматтар мен кәсіпкерлік нысан иелері өз жұмыстарын ұсынды.&nbsp;Қатысушылардың материалдарын Қорқыт Ата атындағы Қызылорда университетінің доценті, филология ғылымдарының кандидаты, &nbsp;қазылар алқасының төрағасы А. Әбілов бастаған қазылар алқасы бағалады.&nbsp;Сараптау алқасының төрағасы Алдажар Әбдрасуллеұлы тауар өндіруші кәсіпкерлер мен осы бағытта белсенділік танытып жүрген азаматтардан келіп түскен жұмыстардың деңгейі туралы өз пікірін ортаға салды.Байқау қорытындысымен &nbsp;I орынға «Қазалы өндірістік цехы» кәсіпкерлік нысанының басшысы Р.Бөлекбаев, II орынға &nbsp;Арал ауданынан Н. Ақылбекова, III орынды «Әділет» кәсіпкерлік нысанының басшысы Д. Ізбасарұлы иеленсе, ал ынталандыру сыйлықтары «Бауырдақ», «Маракеш» отбасылық мейрамханаларына табысталды.Байқау жүлдегерлері басқарма басшысының Алғыс хатымен және &nbsp;сыйлықтармен марапатталды. Байқау жеңімпазы республикалық кезеңге жолдама алып, келесі кезеңде Қызылорда облысының намысын қорғап, өз бағын сынайтын болады.<img src="https://knadmin.beoblood.kz/uploads/Baj_au_b464401b52.jpg" alt="Байқау.jpg">

Облыстық байқаудың жүлдегерлері марапатталды

<a href="https://kyzylorda-news.kz/">Kyzylorda-news.kz</a> Қызылорда облысында салауатты өмір салтын қалыптастыруға бағытталған бастамалар кеңінен қолдау тауып келеді. Қоғамдық тыныштықты сақтап, ұрпақ болашағын ойлаған ауыл тұрғындары «Заң мен тәртіп» қағидатын берік ұстанып, көпшілікке үлгі көрсетуде. Солардың қатарында – Қызылорда қаласына қарасты Талдыарал және Баймұрат ауылы. &nbsp;Екі ауылға бір учаскелік полиция инспекторы қызмет көрсетеді. Соған қарамастан елді мекендерде қоғамдық тәртіпті сақтау мен құқық бұзушылықтың алдын алу жұмыстары жүйелі жолға қойылған.Мұнда «ішімдіксіз орта» ұстануға бағытталған ауқымды бастама қолға алынып, бүгінде өз нәтижесін беруде. Учаскелік полиция инспекторы полиция майоры Сарбалаев Жасұлан Ахметұлының мәліметінше соңғы екі жыл ішінде ауылдарда бірде бір қылмыс тіркелмеген. Бұл – ауылдағы қоғамдық тәртіптің тұрақты деңгейде екенін және тұрғындардың қауіпсіздік талаптарын сақтауға жауапкершілікпен қарайтынын көрсетеді.Қазіргі таңда бұл ауылдарда 3200 тұрғын тұрады. Елді мекенде екі мектеп, медициналық пункт және күнделікті тұрмысқа қажетті тауарлар сатылатын төрт дүкен жұмыс істейді. Ауыл дүкендерінде алкоголь өнімдері, оның ішінде арақ сатылмайды. Бұл – тұрғындардың салауатты өмір салтын таңдауға деген ұмтылысы мен ортақ бастаманың нақты нәтижелерінің бірі.Талдыарал және Баймұрат ауылдары – еңбекті қадірлейтін, бірлігі бекем ауыл. Ауыл ақсақалдары жастарға өнеге айтып, татулық пен өзара сыйластықты үнемі насихаттап отырады. Осындай бауырмалдық пен ортақ жауапкершілік арқасында мұнда дау-жанжал да, ұрыс-керіс те жоқ.Айта кетейік, Қызылорда облысында «Ішімдіксіз ауыл» бастамасы кезең-кезеңімен жүзеге асырылып, бүгінде кең ауқымға ие болып келеді. Қазіргі таңда өңірде алкоголь өнімдерін тұтыну мен сатудан толықтай бас тартқан 37 елді мекен бар. Ауыл тұрғындарының салауатты өмір салтын ұстануына, қоғамдық тәртіпті нығайтуға және өскелең ұрпаққа қолайлы орта қалыптастыруға бағытталған.Сурет: ChatGPT

Қызылордада қылмыс тіркелмеген елді мекендер қатары артуда

<a href="https://kyzylorda-news.kz/">Kyzylorda-news.kz</a> Қазалы ауданында спорт күніне арналған салтанатты шара өтті. &nbsp;Әйтеке би кенттік мәдениет үйінде өткен мерекелік шараға аудан әкімі Алмасбек Есмаханов қатысып, аудан спортшыларын кәсіби мерекелерімен құттықтады. Спорт саласында атқарылып жатқан жұмыстарды атап өтіп, спортшылардың жарқын жетістіктері үшін аудан жұртшылығы атынан алғысын жеткізді.&nbsp;<blockquote>«Президентіміздің, Үкіметтің және аймақ басшысының қолдауымен ауданымызда спорт саласында ауқымды жобалар іске асырылып, жүйелі жұмыстар жүргізіліп келеді. Мемлекет басшымыз Қасым-Жомарт Кемелұлы «Қазақстан – спорт державасы болуға тиіс. Сол үшін біз маңызды спорт нысандарын салып жатырмыз. Халықтың спортқа деген қызығушылығын арттыру – біздің ортақ міндетіміз» - деп, спорт инфрақұрылымын, соның ішінде стадиондар мен спорт кешендерін салуға тапсырма берген болатын. Соңғы 4 жылда Қазалы ауданында Қ.Пірімов, Ү.Түктібаев ауылдарынан бұқаралық спортты дамыту мақсатында заманауи спорт кешендері, бірқатар елді мекендерде спорт алаңдары мен ойын алаңдары салынып, пайдалануға берілді. Биылғы жылы «Ауыл – Ел бесігі» бағдарламасы аясында Бекарыстан би ауылында құны 398,5 млн. теңгені құрайтын жаңа спорт кешені пайдалануға берлісе, жуық арада ғана облыс әкімі Мұрат Нәлқожаұлының қатысуымен 628,7 млн. теңге ге аудан орталығы - Әйтеке би кентінде және 537,1 млн. теңге ге Қожабақы ауылында заманауи спорт кешендері ел игілігіне пайдалануға берілді. 1 маусым – Халықаралық балаларды қорғау күні мерекесі аясында Әйтеке би кентінде 2 спорт алаңы ашылды. Алдағы уақытта Қазалы қаласында да жаңа спорт кешенін салу жоспарланып отыр. Қазіргі таңда ауданымызда 35 мыңнан астам тұрғын &nbsp;спортпен жүйелі түрде шұғылданады. Бұл - &nbsp;аудан халқының 45 пайызы. Спортшының жолы – жеңіс пен жеңілістен, қуаныш пен толғаныстан тұрады. Нағыз спортшы үшін ең бастысы – мәреге жету ғана емес, сол жолда тоқтамау. Өйткені бүгінгі кішкентай жеңіс – ертеңгі үлкен жетістіктің бастауы. Сіздерге сарқылмас күш-қуат, отбастарыңызға құт-береке, дендеріңізге саулық тілеймін», - деді Алмасбек Әбілқасымұлы.&nbsp;</blockquote><img src="https://knadmin.beoblood.kz/uploads/azaly_sport_k_ni_is_shara_2_4dfaf4f006.jpg" alt="Қазалы спорт күні іс-шара 2.jpg">Салтанатты шарада ауданның спорт саласының дамуына сүбелі үлес қосқан бірқатар азаматтар Қазақстан Республикасы Туризм және спорт министрлігінің, облыс әкімінің, облыс әкімі орынбасарының және аудан әкімі мен облыстық дене шынықтыру және спорт басқармасының Алғыс хаттарымен марапатталды.Мерекелік шара аудан өнерпаздарының мерекелік концертіне жалғасып, ардагер спортшыларға аудан әкімінің мерекелік сыйлықтары табысталды.Айта кетейік, Қазыналы ауданның спортшылары әлемдік додалар мен ел біріншіліктерінде әрдайым жеңіс тұғырынан көрініп, еліміздің атын әлемге танытуда. Бүгінде халықаралық аренада көк туымызды көкке көтерген қазалылық спортшылар жыл басынан бері Халықаралық турнирлерде 11 алтын, 16 күміс, 8 қола медальдарын иеленсе, Қазақстан Республикасының чемпионаттарында 14 алтын, 19 күміс, 27 қола медаль иеленді. Өткен жылы Хорватия астанасы Загреб қаласында ересектер арасындағы грек-рим күресінен өткен Әлем чемпионатында жерлесіміз Айдос Сұлтанғали көк туымызды көкке көтеріп, халқымызға тарихи алтын медаль сыйлады. Биыл шілде айында Индонезияның астанасы Джакарта қаласында өткен бокстан жастар арасындағы Азия чемпионатында 80 келіден жоғары салмақ дәрежесінде сынға түскен жерлесіміз Толыбай Зарина алтын медалін жеңіп алып, Азия чемпионы атанды. Наурыз айында Тараз қаласында қол күресінен өткен Қазақстан Республикасының чемпионатында Қашмұрат Дәурен, Спасов Игорь алтын медаль иеленсе, Ибрашов Әділбек қола медаль иеленіп Азия чемпионатына жолдама алды. Қырғызстан Республикасында маусым айында қол күрестен өткен Азия чемпионатында Қашмұрат Дәурен жастар арасында Азия чемпионы атанған болатын.<img src="https://knadmin.beoblood.kz/uploads/azaly_sport_k_ni_is_shara_3_debac892b8.jpg" alt="Қазалы спорт күні іс-шара 3.jpg">

Қазалыда спорт күніне орай мерекелік іс-шара өтті

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев аудандық мәслихат төрағасы Ержан Әжікеновпен бірге елді мекендердегі әлеуметтік нысандардың алдағы жылу маусымына дайындық барысын көрді.Аудан басшысы Тереңөзек кенті, Іңкәрдария, Асқар Тоқмағанбетов, Сәкен Сейфуллин, Қалжан ахун ауылдарындағы әлеуметтік нысандардың жылу жүйелері мен қазандықтарына, нысандардың жылу маусымына әзірлігі мен техникалық жағдайына назар аударды.<blockquote>— Алдағы жылу маусымын тұрақты әрі қауіпсіз өткізу үшін дайындық жұмыстары сапалы жүргізілуі қажет. Қазандықтар мен жылу жүйелерінің техникалық жағдайын толық тексеріп, анықталған кемшіліктерді дер кезінде жою керек. Әлеуметтік нысандардың жылу маусымына дайындығын толық қамтамасыз ету керекпіз, – деді Берік Әбдіғаппарұлы.</blockquote>Жауапты сала басшыларына анықталған мәселелерді жою және әлеуметтік нысандардың жылу маусымына дайындық паспорттарын 1 қыркүекке дейін алу жөнінде нақты тапсырмалар берілді.<img src="https://knadmin.beoblood.kz/uploads/Syrdariya_leumettik_nysandar_2_1dc066ebb4.jpg" alt="Сырдария әлеуметтік нысандар 2.jpg">

Әлеуметтік нысандардың жылу маусымына дайындығын көрді

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев Сексеуіл кентіне жұмыс сапарымен барып, бірқатар әлеуметтік және инфрақұрылымдық нысандардың жұмысымен танысты.Алдымен кенттегі емхана ғимаратында болып, медициналық нысанның қазіргі жағдайын көрді. Бүгінде емханада 70-тен астам қызметкер еңбек етіп, тұрғындарға тиісті медициналық қызмет көрсетуде. Нысанның материалдық-техникалық жағдайы мен халыққа көрсетілетін медициналық көмектің сапасы назарға алынды.Бұдан кейін аудан басшысы республикалық маңызы бар «Бейнеу–Сексеуіл» автомобиль жолының құрылыс жұмыстарымен танысты.Жалпы ұзындығы 800 шақырымды құрайтын автожолдың құрылысы қарқынды жүргізілуде. Бас мердігер – «Integra Construction KZ» ЖШС. Қазіргі таңда 490-530 шақырым аралығындағы учаскеде қосалқы мердігер «UNO DISTRIBUTION» ЖШС тарапынан ұзындығы 1 шақырым, ені 35 метр жол бөлігінің беткі қабатын тазарту, астыңғы қабатын тегістеу, нығыздау және жол төсемін көтеру жұмыстары атқарылуда. Құрылыс жұмыстарына 46 техника жұмылдырылған.Жұмыс сапары барысында аудан әкімі Аманжол Сақыпұлы «Қазақстан темір жолы» ұлттық компаниясының демеушілігімен салынып жатқан 100 орындық Оқушылар үйі мен 50 орындық Өнер мектебінің құрылысы жұмыстарын бақылады.Қазіргі таңда нысанда 30-ға жуық құрылысшы еңбек етуде. Ғимарат қабырғалары қаланып, бірінші және екінші қабаттарда ішкі әрлеу жұмыстары, су, кәріз және электр желілерін тарту жұмыстары атқарылуда. Сонымен қатар төбе жабу жұмыстары жүргізілуде. Ғимараттың сыртқы қаптау жұмыстары келер айда басталады деп жоспарлануда. Мердігер мекеме "Иман" ЖШС-гі өкілдерінің мәліметінше, құрылыс жұмыстарын келер айдың соңына қарай шамамен 90 пайызға аяқтау көзделуде.Сондай-ақ аудан әкімі кентте жаңадан салынып, пайдалануға берілген теміржол вокзалының жұмысымен танысты.Заманауи талаптарға сай салынған жаңа вокзал тәулігіне 281 жолаушыға қызмет көрсетуге қауқарлы. Жолаушыларға қолайлы жағдай жасау мақсатында ғимаратта ана мен бала бөлмесі, медициналық пункт, жүк сақтау қоймасы, күту залы және санитарлық-тұрмыстық орындар қарастырылған. Нысан қажетті заманауи жабдықтармен толық қамтамасыз етілген.Жұмыс сапары барысында аудан әкімі Аманжол Сақыпұлы нысандардағы құрылыс жұмыстарының сапасы мен белгіленген мерзімдердің сақталуына баса мән беріп, тиісті сала басшылары мен жауапты тұлғаларға нақты тапсырмалар берді.<img src="https://knadmin.beoblood.kz/uploads/Aral_leumettik_nysandardy_aralau_2_7e012a1214.jpg" alt="Арал әлеуметтік нысандарды аралау 2.jpg">

Арал: Әлеуметтік және инфрақұрылымдық нысандардың жай-күйін тексерді

<a href="https://kyzylorda-news.kz/">Kyzylorda-news.kz</a> Қызылорда облысы бойынша Қылмыстық-атқару жүйесі департаментіне қарасты №68 мекемесінде жеке құрам қызметкерлерінің қатысуымен жедел кеңес өтті.Кеңеске Қызылорда облысы Полиция департаменті Өзіндік қауіпсіздік басқармасы бастығының орынбасары, полиция полковнигі Жапаров Серік Исақожаұлы және ҚАЖ департаментінің Өзіндік қауіпсіздік тобының бас маманы, әділет подполковнигі Жоламанов Серік қатысты.Жедел кеңестің негізгі мақсаты – жеке құрам арасында қызметтік тәртіпті, заңдылықты сақтау, сыбайлас жемқорлықтың алдын алу және қызметтік міндеттерді жауапкершілікпен орындау мәселелерін түсіндіру.Күн тәртібінде бірқатар маңызды мәселелер қаралды. Атап айтқанда, Қазақстан Республикасы ІІМ-нің ішкі істер органдарындағы тәртіптің, заң үстемдігі мен сыбайлас жемқорлыққа қарсы іс-қимылдың жай-күйі бойынша шолу жасалып, қызметкерлерге тиісті түсіндірмелер берілді.Сонымен қатар ішкі істер органдарындағы қызметтік тәртіп пен заңдылықты сақтау, жол қозғалысы ережелерін бұзудың алдын алу және қауіпсіздік талаптарын қатаң сақтау мәселелері талқыланды.Үшінші мәселе бойынша Қазақстан Республикасының қылмыстық және қылмыстық-атқару заңнамасына енгізілген өзгерістер мен толықтырулар таныстырылып, олардың қызметтік міндеттерді атқару барысында маңызын түсіндірді.Кеңес барысында жеке құрамға заң талаптарын қатаң сақтау, қызметтік әдеп нормаларын бұзбау, сыбайлас жемқорлық көріністеріне жол бермеу және әрбір қызметкердің өз міндетіне жоғары жауапкершілікпен қарауы қажеттігі ескертілді.Жиын соңында қызметкерлер тарапынан қойылған сұрақтарға жауаптар беріліп, құқықтық сауаттылықты арттыру және қызметтік тәртіпті нығайту бағытында тиісті түсіндіру жұмыстары жүргізілді.

ҚАЖ: Жеке құрам қызметкерлеріне жедел кеңес өткізілді

<a href="https://kyzylorda-news.kz/">Kyzylorda-news.kz</a> Қызылорда қаласындағы №290 Келешек мектебінің OtAI командасы Қытай Халық Республикасының Бейжің қаласында өткен FIRST LEGO League Asia Open Championship 2026 халықаралық чемпионатында Coding Award номинациясының жеңімпазы атанды.13–16 тамыз аралығында ұйымдастырылған беделді додаға әлемнің 25 елінен 350-ден астам команда қатысып, робототехника, инженерия, бағдарламалау және командалық жұмыс бойынша бақ сынады.Бұл – Қызылорда облысы оқушыларының халықаралық деңгейдегі екінші жыл қатарынан қол жеткізген жетістігі. 2025 жылы Макаода өткен аталған чемпионатта OtAI командасы Challenge Solution Award арнайы жүлдесіне ие болған еді.Халықаралық деңгейдегі бұл жетістік – өңірдегі білім беру жүйесінде STEM бағытындағы жұмыстардың, инженерлік және цифрлық құзыреттерді дамытуға бағытталған жүйелі еңбектің нәтижесі.<img src="https://knadmin.beoblood.kz/uploads/Kyzylordinskie_shkolniki_stali_pobeditelyami_mezhdunarodnogo_chempionata1_779d5f8235.jpg" alt="Кызылординские школьники стали победителями международного чемпионата1.jpg">

Қазақстан және Қызылорда облысының жаңалықтары