<a href="https://kyzylorda-news.kz/">Kyzylorda-news.kz</a> Республикалық, өңірлік және қалалық коалиция мүшелері Руслан Рүстемов, Гүлшат Мұсаева, Жасұлан Жарасбаев, Жасұлан Алдабергенов және Әліби Басаров «Жастар ресурстық орталығы» ұжымы және белсенді жастармен кездесті. Шараның негізгі мақсаты – жаңа Ата заң жобасының жаңғыру мәнін түсіндіру, азаматтардың құқықтық сауаттылығын арттыру және жастарды мемлекеттік саясатқа белсенді тарту болды.Республикалық коалиция мүшесі Руслан Рүстемов жаңа Конституция жобасының маңыздылығын ерекше атап өтті. Ол мәлімдегендей, жобаны әзірлеуге білікті заңгерлер мен сарапшылар тартылды. Конституциялық комиссия құрамында аймақ басшысы Нұрлыбек Нәлібаев және барлық өңірлердің мәслихат төрағалары белсенді қатысып, халық мүддесін ескере отырып жұмыс істеген. Жаңа заң жобасында азаматтардың құқықтары мен әлеуметтік қауіпсіздігіне баса назар аударылған. Сонымен қатар, шет мемлекеттерде тиімді деп танылған «Миранда» ережесі де енді Қазақстан азаматтарына қолданылады, бұл құқықтық қорғауды күшейтетін маңызды қадам саналады.Жаңа Заң жобасын жасау барысында халықтың пікірі ескерілгені айқын көрінді. Мысалы, Шиелілік тұрғынның гимн сөзін әнұран деп ауыстыру туралы ұсынысы қабылданып, жобада өз көрінісін тапты. Бұл халық пікірінің маңызды әрі заң жобасына әсерлі болғанын көрсетеді.Қалалық коалиция жетекшісінің орынбасары Гүлшат Мұсаева жастарға заң жобасының мазмұнын түсіндіріп қана қоймай, олардың құқықтық сауаттылығын арттыруға, мемлекеттік құжаттарға қызығушылықтарын оятуға бағытталған кездесулердің маңыздылығын ерекше атап өтті.&nbsp;Кездесу барысында жастар заң жобасындағы жаңалықтарға, азаматтардың құқықтарын кеңейтуге және мемлекеттің басқару жүйесін жетілдіруге қатысты сұрақтар қойып, өз пікірлерін ашық айтты. Шара соңында коалиция мүшелері жаңа Конституцияға енгізілген өзгерістердің басым бөлігі елдің болашағы жастар үшін жасалып отырғандығын атап өтіп, елдің басты құжатын қолдауда жастар өкілдері алдыңғы орында болуы қажеттігін жеткізді.

Жаңа Конституция жобасы жастармен талқыланды 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, «Атамекен» ҰКП төралқа төрағасы Қанат Шарлапаев Қызылорда облысының кәсіпкерлерімен кездесуі өтті. Оған бизнес өкілдері, облыстық кәсіпкерлер палатасы өңірлік кеңесінің мүшелері, салалық басқармалар мен мемлекеттік органдардың, қаржы институттарының басшылары қатысып, өңірдегі кәсіпкерлікті қолдау және дамыту мәселелері талқыланды.<blockquote>«Сыр өңірінде өткен Ұлттық құрылтайда Президентіміз «Соңғы жылдары Қызылорда облысы заман талабына сай өсіп-өркендеп жатыр», – деп ерекше атап өтіп, атқарылған жұмыстарға оң бағасын берді. Жыл қорытындысымен облыста негізгі макроэкономикалық көрсеткіштердің өсімі қамтамасыз етілді. Бүгінде кәсіпкерліктің даму қарқыны жоғары, экономикадағы үлесі 20,5 пайыз. Өткен жылы өңір экономикасындағы осы сектордың өнім шығару көлемі 30,5 пайызға артып, республикадағы алғашқы үштікке енді. Мемлекет басшымыз қойған маңызды стратегиялық міндет – толыққанды жаңа инвестициялық кезеңді бастау, өңдеу өнеркәсібі мен кәсіпкерлікті дамыту. Бұл міндетті мемлекет пен бизнес бірге әрекет еткенде ғана орындай алады. Сіздерді экономиканың ұзақ мерзімді өсімін қамтамасыз етуге бағытталған сапалы жобаларды жүзеге асыруға, инвестиция көлемін арттыруға шақырамыз. Ол үшін әкімдік кәсіпкерлер палатасымен бірлесіп, бизнесті қолдау және дамыту бағытындағы маңызды шараларды қабылдауға әрқашан дайын», – деді Нұрлыбек Нәлібаев.</blockquote>Басқосуда Қанат Бисимбайұлы, Ризабек Кәрімұлы, бизнес өкілдері өз ұсыныс-пікірлерін білдірді. Бүгінде аймақта қолайлы инвестициялық ахуал қалыптасып, ірі инвестициялық жобалар табысты жүзеге асуда. Соңғы үш жылда облыс экономикасына шамамен 2 трлн теңге инвестиция тартылды. Өткен жылы құны 300 млрд теңгеден асатын 27 инвестициялық жоба іске асты.Мемлекет басшысының қолдауымен түркиялық инвестор «Акса Энерджи» компаниясы құны 215 млрд теңге болатын, қуаттылығы 240 мегаваттық жаңа жылу электр орталығын салды. Оған бюджет қаражаты есебінен 15 млрд теңгеге 45 шақырым газ құбыры тартылды.Бұдан бөлек, нан өнімдері кешені, кірпіш, айна шығару, күріш және ас тұзын өндіру зауыттары, шағын өнеркәсіптік аймақ, сондай-ақ қуаттылығы 40 мегаваттық күн электр станциясы іске қосылды. Өңір экономикасын әртараптандыру мақсатында 2026-2029 жылдары 48 инвестициялық жобаны жүзеге асыру жоспарланған. Бұл жобалар 10 мыңнан астам жаңа жұмыс орнын ашуға мүмкіндік береді.<img src="https://knadmin.beoblood.kz/uploads/irlik_k_sipkerlikti_damytu_2_a85978e629.jpg" alt="Өңірлік кәсіпкерлікті дамыту 2.jpg">

Өңірдегі кәсіпкерлікті қолдау және дамыту мәселелері талқыланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Атамекен» ҰКП төралқа төрағасы Қанат Шарлапаевпен кездесті. Онда инвестиция тарту мен кәсіпкерлік саласындағы &nbsp;жұмыстар жайы талқыланды.<blockquote>«Мемлекет басшысы шағын және орта бизнесті дамытуға айрықша мән беріп, Үкімет қолдау көрсетуде. Бүгінде өңірімізде кәсіпкерліктің даму қарқыны &nbsp;белсенді, экономикадағы үлесі 20,5 пайыз. Өткен жылы өңір экономикасындағы бұл сектордың өнім шығару көлемі 30,5 пайызға артып, облыс өңірлер арасынан 3-орынды иеленді. Салық түсімдері алдыңғы жылмен салыстырғанда 2,5 есе ұлғайды. Кәсіпкерліктің тұрақты дамуына &nbsp;жүйелі әрі тиімді мемлекеттік қолдау оң ықпал етті. Өңір экономикасын әртараптандыру мақсатында 2026-2029 жылдары 1 трлн. 900 млрд. теңгенің 48 инвестициялық жобасын жүзеге асырып, 10 308 жаңа жұмыс орнын ашу көзделген. &nbsp;Биыл 100 млрд. теңгеге 21 жобаны іске қосу жоспарлануда. Атап өту қажет, Өзіңіздің тікелей көмегіңізбен испандық «Рока групп» компаниясымен жылына 500 мыңға дейін санитарлық-техникалық бұйым шығаратын жоғары технологиялық зауыт салу жөнінде инвестициялық келісімге қол қойылды. Биыл құрылысы басталады. Жеке кәсіпкерлікті қаржылай қолдауға бюджеттен 22 млрд. 700 млн. теңге қарастырылды. Мемлекет басшысының тапсырмасына сәйкес, биыл микро және шағын бизнес үшін «Іскер аймақ» бағдарламасы іске қосылды. Бүгінгі кездесу жаңа жобалар мен бастамаларға жол ашады деп сенеміз», - деді Н.Нәлібаев.</blockquote>Былтыр жеке кәсіпкерліктің 2 929 жобасы барлық қаржы көзі есебінен 61 млрд. 100 млн. теңгеге қаржыландырылды. Мемлекеттік қолдау шаралары өңірдің инвестициялық әлеуетін арттырып, жаңа өндірістер ашуға, жұмыс орындарын құруға мүмкіндік берді. &nbsp;Сонымен бірге 300 млрд. теңгеден астам қаржыға 27 инвестициялық жоба жүзеге асырылды. &nbsp;Түрік инвесторы жаңа жылу электр орталығын салды.&nbsp;Нан өнімдері кешені, кірпіш, айна шығару, күріш және ас тұзын өндіру зауыттары, шағын өнеркәсіптік аймақ және қуаттылығы 40 мегаваттық күн электр станциясы іске қосылды.

Аймақ басшысы «Атамекен» ҰКП төралқа төрағасымен кездесті

<a href="https://kyzylorda-news.kz/">Kyzylorda-news.kz</a> 15 наурыз күні елімізде Республикалық референдум өткізіледі. Маңызды саяси науқанда азаматтардың дауыс беруіне қолайлы жағдай үшін Қызылорда облысының әкімдігі арнайы платформаларды іске қосты.<img src="https://knadmin.beoblood.kz/uploads/yzylordada_referendum_a_dauys_beretin_azamattar_shin_arnajy_platformalar_iske_osyldy1_ea062ff520.webp" alt="Қызылордада референдумға дауыс беретін азаматтар үшін арнайы платформалар іске қосылды1.webp"><img src="https://knadmin.beoblood.kz/uploads/whatsapp_image_2026_02_26_at_12_03_37_jpeg2_1c635dd26a.webp" alt="whatsapp-image-2026-02-26-at-12.03.37.jpeg2_.webp">Облыс тұрғындары үшін referendum.orda.gov.kz сайты қолжетімді. Азаматтар сайтқа кіріп, ЖСН нөмірін теру арқылы өз учаскесін оңай таба алады. Тұрғындар аталған сайтқа кіру арқылы учаскелік референдум комиссиясының мекен-жайы, байланыс деректері және комиссия мүшелерінің құрамы туралы ақпаратты алады. Сондай-ақ, әрбір азамат яндекс карта арқылы өз учаскесіне баратын жолдың сызбасын да көре алады. Бұл азаматтар үшін өте қолжетімді әрі оңай сервис болмақ. Бұл қызметтер “Smart Qyzylorda” мобильді қосымшасында және телеграм желісінде https://t.me/referendumKzo_bot арнайы бот жұмыс істейді. Мұнда да әрбір дауыс беруші азамат ЖСН теру арқылы қажетті ақпаратты көре алады.Мұнан бөлек, референдум кезінде жергілікті тұрғындар үшін 109 бірыңғай байланыс қызметі жұмыс жасауға дайын. Диспетчерлер тұрғындардың сауалдарына жауап беріп, учаскелердің мекен-жайы туралы ақпарат беретін болады.Сондай-ақ, дауыс беру күні Қызылорда қаласында 5 учаскеде онлайн сервис ашылып, тізімде жоқ азаматтарды тіркеу қызметімен айналысады.

Қызылордада референдумға дауыс беретін азаматтар үшін арнайы платформалар іске қосылды

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы И.В.Панфилов атындағы №5 мектеп-лицейінің оқушыларымен кездесу өткізіп, жасөспірімдер арасындағы құқық бұзушылықтардың алдын алу мәселелерін түсіндірді.Кездесу барысында оқушыларға жасөспірімдер қылмысының себептері мен салдары, буллинг пен кибербуллингтің қаупі, есірткі қылмыстарының зияны мен құқықтық жауапкершілік, топтық төбелеске қатысудың салдары, сталкинг деректері бойынша заң талаптары нақты түсіндірілді.Қатысушыларға әрбір құқық бұзушылықтың жауапкершілікке әкелетіні, оның болашақ өмірге кері әсері болатыны жеткізілді. Сондай-ақ, заңды құрметтеу мен тәртіпті сақтау – табысты және қауіпсіз өмірдің негізі екені ерекше айтылды. Күмәнді жағдайларда дереу ата-аналарға немесе полиция қызметкерлеріне хабарлау қажеттігі де ескертілді.

«Заң мен тәртіп – қауіпсіз балалық шақтың кепілі» жобасы аясында кездесу өтті

<a href="https://kyzylorda-news.kz/">Kyzylorda-news.kz</a> Қызылорда «Болашақ» университетінде «Конституциялық реформа және Қазақстанның ғылыми әлеуетін дамыту» тақырыбында дөңгелек үстел өтті. Жиында жаңа Конституция аясында ғылымның орны мен маңызы талқыланды.Ғылыми жұмыстар және халықаралық қатынастар жөніндегі проректор М.А. Ембергенов мазмұнды баяндама жасап, реформалардың ғылым саласына ықпалын атап өтті. Университеттің ғылыми жетекшісі Б.С. Досманбетов, ректоры Г.Ж. Снасапова және өзге де ғалымдар конституциялық өзгерістердің ғылыми және әлеуметтік салаға әсерін талқылап, елдің ғылыми әлеуетін арттыру жолдары туралы пікір білдірді.

Жаңа Конституциядағы Қазақстанның ғылыми әлеуеті талқыланды

<a href="https://kyzylorda-news.kz/">Kyzylorda-news.kz</a> «Білімді ұрпақ – ел болашағы» деген сөздің астарында терең мағына жатыр. Қай заманда, қай қоғамда болмасын елдің ертеңі – бүгінгі жас ұрпақтың қолында. Ал сол ұрпақтың сапалы білім алып, саналы тәрбие көруі – мемлекеттің дамуы мен өркендеуінің басты кепілі. Тарихқа көз жүгіртсек, өркениетті елдердің барлығы білім мен ғылымды бірінші орынға қойғанын көреміз. Білімді азаматтары көп ел ғана экономикасын дамытып, мәдениетін байытып, әлемдік аренада өз орнын айқындай алады. Сондықтан да «Білімді ұрпақ – ел болашағы» деген ұғым жай ғана ұран емес, ол – өмірлік қағида.Білім – адамның ең құнды қазынасы. Мал-мүлік, байлық бір күнде жоғалуы мүмкін, ал білім ешқашан сарқылмайды. Керісінше, оны қолданған сайын артып, адамды биік белестерге жетелейді. Білімді жас – ойы озық, дүниетанымы кең, заман талабына бейім тұлға. Ол тек өз пайдасын ғана ойламай, қоғамның дамуына үлес қоса алады. Себебі нағыз білімді адам елінің тағдырына бейжай қарамайды, жауапкершілікті сезінеді. Осындай жастар өсіп шыққанда ғана мемлекетіміздің іргесі берік, болашағы жарқын болады.Қазіргі жаһандану дәуірінде білімнің маңызы бұрынғыдан да арта түсті. Ақпараттық технологиялардың қарыштап дамуы, жаңа мамандықтардың пайда болуы, еңбек нарығындағы бәсекелестіктің күшеюі – барлығы терең білім мен үздіксіз ізденісті талап етеді. Бүгінгі оқушы – ертеңгі ғалым, дәрігер, инженер, мұғалім, кәсіпкер. Егер олар сапалы білім алып шықса, еліміздің экономикасы да, ғылымы да, мәдениеті де дамиды. Ал білімсіздік – артта қалудың басты себебі. Сондықтан әрбір жас уақытын тиімді пайдаланып, өзін-өзі дамытуға күш салуы тиіс.Сонымен қатар білім тек мектеп пен жоғары оқу орнымен шектелмейді. Нағыз білім – өмір бойы жалғасатын үдеріс. Кітап оқу, жаңа дағдыларды меңгеру, тіл үйрену, түрлі курстарға қатысу – мұның бәрі адамның ой-өрісін кеңейтеді. Білімді ұрпақ қалыптастыруда отбасының да, мектептің де, қоғамның да рөлі зор. Ата-ана баласына дұрыс бағыт-бағдар беріп, ұстаз сапалы білім мен өнегелі тәрбие беруі қажет. Ұстаз еңбегі – ерекше құрметке лайық. Себебі ол болашақ ұрпақты тәрбиелейді. Білімді шәкірт – ұстаз еңбегінің жемісі.Елдің болашағы тек экономикалық көрсеткіштермен өлшенбейді. Ол – рухани құндылықтармен, мәдениетпен, ұлттық санамен тығыз байланысты. Білімді ұрпақ өз халқының тарихын, тілін, дәстүрін құрметтейді. Өз тамырынан ажырамаған, бірақ әлемдік білімді игерген жас буын ғана бәсекеге қабілетті болады. Ұлттық құндылық пен заманауи білім үйлесім тапқанда ғана ел дамуы тұрақты болады.Қорытындылай келе, білімді ұрпақ тәрбиелеу – баршамыздың ортақ міндетіміз. Әрбір жас өз болашағы үшін жауапты екенін түсініп, білім алуға ұмтылуы керек. Ал қоғам оларға барлық жағдайды жасап, қолдау көрсетуі тиіс. Себебі бүгінгі білімді жас – ертеңгі ел тізгінін ұстайтын азамат. Демек, білімге салынған инвестиция – елдің жарқын болашағына салынған инвестиция. Білімді ұрпақ бар жерде – үміт бар, даму бар, кемел келешек бар.&nbsp;Аяжан МахамбетәліҚорқыт ата атындағы Қызылорда университетінің 4-курс студентіФото: Егемен Қазақстан

Білімді ұрпақ – ел болашағы

<a href="https://kyzylorda-news.kz/">Kyzylorda-news.kz</a> Парламент Мәжілісінің депутаты Асхат Аймағамбетов Жаңа Конституция жобасына қатысты қоғамда жиі талқыланып жүрген әлеуметтік мәселелерге тоқталды.Оның айтуынша, «Әділетті және Прогрессивті Қазақстанның Халықтық Конституциясы үшін!» жалпыұлттық коалициясы 16 ақпаннан бастап өңірлерді аралап, халықпен кездесулер өткізіп келеді. Қысқа уақыт ішінде коалиция мүшелері тоғыз өңірде болып, мыңдаған азаматпен жүздескен.Депутат соңғы жеті жыл ішінде еліміз іргелі саяси өзгерістерді бастан өткергенін атап өтті. Президент бастамасымен төрт саяси реформалар пакеті жүзеге асырылды, 2022 жылы конституциялық реформа қабылданды. Дегенмен, жаһандық геосаяси өзгерістер мен жасанды интеллект дәуірінің басталуы мемлекеттік басқару жүйесін жаңа деңгейде қарастыруды талап етеді.Кездесулер барысында халықты алаңдатқан басты тақырыптардың бірі – білім беру мен денсаулық сақтау саласындағы тегін қызмет көрсету мәселесі.Асхат Аймағамбетов бұл бағытта тарап жатқан «әлеуметтік қызметтер енді толықтай ақылы болады» деген ақпараттың шындыққа жанаспайтынын нақты айтты.Қазақстан әлеуметтік мемлекет болған және болып қала береді. Бұл қағида Жаңа Конституция жобасында айқын көрсетілген. Бүгінде мемлекеттік бюджеттің шамамен 40 пайызы әлеуметтік салаға бағытталады.Жоба мәтінінде білім мен медицина қызметтері азаматтар үшін ақысыз екені нақты жазылған. Бұл қызметтер бұрын да мемлекеттік бюджет есебінен қаржыландырылып келді және алдағы уақытта да солай жалғасады.Сондай-ақ қолданыстағы Конституциядағы «мемлекеттік жоғары оқу орындары» деген тіркесті алып тастау ұсынылған. Депутаттың айтуынша, бұл – қазіргі тәжірибеге сай шешім. Бүгінде мемлекеттік грант иегерлері тек мемлекеттік емес, жекеменшік университеттерде де тегін білім ала алады. Бұл – студенттердің таңдау мүмкіндігін кеңейтеді.Осылайша, ұсынылып отырған өзгерістер әлеуметтік кепілдіктерді қысқартуға емес, оларды нақты әрі заманауи түрде бекітуге бағытталған.

Асхат Аймағамбетов: Білім мен медицина тегін болып қала береді

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен кеңейтілген мәжіліс өтіп, күн тәртібіндегі өзекті деген бірнеше мәселе қаралды.Жиынға Үкімет отырысында көтерілген көктемгі дала жұмыстарына дайындық мәселесі арқау болып, шаруашылықтың негізгі бағытына айналған аграрлық саланы дамыту бойынша бірнеше мәселе пысықталды.Бұл жөнінде аудандық ауыл шаруашылығы және жер қатынастары бөлімінің басшысы Ж.Жұбанов мәлімет беріп, көктемгі егіс жұмыстарына әзірлігін баяндады.Аудан басшысы егін егу науқанында су үнемдеу технологиясын пайдалануды басты назарда ұстау керектігін айтты. Мұнан өзге «Ауыл аманаты» бағдарламасының аудан көлемінде орындалу барысы әлі де көңіл көншітпейтінін сынға алып, жобаны қарқынды жүргізу бойынша жауапты тұлғаларға тапсырма жүктеді.Мәжілістің күн тәртібіндегі келесі мәселе, ауданның әлеуметтік-экономикалық дамуына тікелей әсер ететін маңызды салалардың бірі – құрылыс, автомобиль жолдары, Арал қаласы бойынша атқарылған жұмыстар мен алдағы міндеттер және аудан бойынша жұмыспен қамту жөнінде баяндамалар тыңдалып, кемшіліктер бойынша бірқатар жауапты тұлғаларға тапсырмалар берілді.Алдымен аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Ж.Құдайберген баяндама жасады.Аудан әкімі Аманжол Сақыпұлы аталған салада әлі де қордаланған мәселелер бар екенін ортаға салып, қоғам талқысындағы сынға ұшыраған кемшіліктерді қысқа мерзімде қалпына келтіру жөнінде бірқатар тапсырма жүктеді. Әсіресе жол құрылысы мен жол белгілеріне қатысты сыни ескертпелер айтылып, қоғамдық көліктер мен тұрғын үй кезектілігіне қатысты мәселелерге басты назар аударды.Мұнан соң аудандағы құрылыс саласы бойынша атқарылып жатқан жұмыстар жөнінде аудандық құрылыс, сәулет және қала құрылысы бөлімі басшысының міндетін атқарушы Н.Қонысбаев хабарлама жасады.Аудан басшысы өткен жылы және жыл басында ел игілігіне берілген түрлі әлеуметтік нысандарды күтіп ұстауға қатысты тоқталып, қазіргі таңда пайдалануға берілген әлеуметтік нысандардағы анықталған кемшіліктерге тоқталып, немқұрайлылық танытқан жауапты басшылардың жұмысын сынға алды. Тұрғындарды электр энергиясымен қамтамасыз ету мәселесінің де маңызды екені жиында көтеріліп, бұл бағыттағы жұмыстарды жандандыру керектігі айтылды.Жиын барысында Арал қаласы бойынша атқарылатын жұмыстар жөнінде Арал қаласының әкімі Б.Ұзақов хабарлама жасады. Қала аумағында атқарылған санитарлық тазалық және көгалдандыру жұмыстары баяндамада кеңінен айтылып, бірқатар алдағы міндеттер пысықталды.Аудан басшысы қаланың жұмысы тазалық немесе көгалдандырумен ғана шектелмейтінін жеткізіп, инвестициялық жобаларға қаржы көздерін тарту, демеушілік арқылы іске асырылуы тиіс өзге де жұмыстар мен жобалардың өз мәнінде орындалмай отырғанын атап өтті.Мұнан соң халықты жұмыспен қамту шаралары қаралып, бұл мәселе бойынша аудандық «Мансап» орталығының директоры Ж.Алдашев хабарлама жасады.Аудан әкімі қоғамның әлсіз тобына қолдау көрсету мемлекеттің міндеті, ал оны іске асыру жергілікті атқарушы органдардың жауапкершілігі екенін атап өтіп, халық талабынан жиі туындайтын жұмыссыздық мәселесін реттеуде заңдылық аясында жұмыс жүргізу керектігін жеткізді. Сондай-ақ кәсіп істеуге ниетті жұмыссыз азаматтарға қолдау көрсетіп, тиімді шарттар ұсынатын бағдарламалар арқылы өз-өзін жұмыспен қамтуға бейімдеу қажеттігін атап өтті.Жиын қорытындысымен жұмысты өз мәнінде үйлестіре алмаған, орындаушылық тәртіпті көп жағдайда назардан тыс қалдырған кейбір әкімдер мен бөлім басшыларына тәртіптік шара қолданылды.Фото: Аудан әкімінің баспасөз қызметі

Мәжіліс мінберінде өзекті мәселелер талқыланды

<a href="https://kyzylorda-news.kz/">Kyzylorda-news.kz</a> Адамзат баласы жаратылғалы бері табиғатпен тығыз байланыста өмір сүріп келеді. Сол табиғаттың ең қастерлі де қасиетті байлығы – су. «Су – тіршілік көзі» деп бекер айтылмаған, өйткені жер бетіндегі барлық жанды мен жансыз табиғаттың тіршілігі сумен тығыз байланысты. Су болмаса, тіршілік те болмас еді. Адам ағзасының басым бөлігі судан тұрады, өсімдіктер мен жануарлар да сусыз өмір сүре алмайды. Сондықтан су – өмірдің негізі, табиғаттың жүрегі іспетті.Жер шарының көп бөлігін су алып жатқанына қарамастан, ішуге жарамды тұщы су қоры өте аз. Мұхиттар мен теңіздердегі ащы суды адам тікелей пайдалана алмайды. Ал өзен-көлдер мен жер асты сулары – тіршіліктің басты қайнар көзі. Ежелден адамдар қоныстарын өзен-көлдердің маңына салған. Өйткені су бар жерде өмір бар, береке бар, еңбек бар. Су егіншілікті дамытты, мал шаруашылығын өркендетті, өндірістің алға басуына ықпал етті. Қазіргі заманда да су энергетика, ауыл шаруашылығы, өнеркәсіп салалары үшін аса маңызды ресурс.Қазақстан жеріндегі ірі су айдындарының бірі – Каспий теңізі. Сонымен қатар Арал теңізі тағдыры – суды дұрыс пайдаланбаудың ащы сабағы. Бір кездері айдынды шалқар көл болған Аралдың тартылуы табиғатқа да, адамға да үлкен зиян келтірді. Бұл жағдай су ресурстарын үнемдеп, ұқыпты пайдалану керектігін дәлелдейді. Табиғаттың берген байлығын бей-берекет жұмсау болашақ ұрпақ алдындағы жауапсыздық болып саналады.Су – тазалықтың, пәктіктің белгісі. Қазақ халқы суды ерекше қадірлеген, «Судың да сұрауы бар» деп ысырапшылдыққа жол бермеген. Су тек тәнді ғана емес, жанды да тазартады деп сенген. Көктемде таситын өзендер мен мөлдір бұлақтар адамға қуат пен шабыт сыйлайды. Табиғат аясында сылдырап аққан судың дыбысын тыңдау жанға тыныштық береді. Су – табиғаттың әсем әуені, тіршіліктің мәңгілік қозғалысы.Бүгінгі таңда әлемде ауыз су тапшылығы мәселесі өзекті болып отыр. Халық санының көбеюі, өндірістің дамуы, қоршаған ортаның ластануы су қорына кері әсерін тигізуде. Сондықтан әрбір адам суды үнемдеуді өзінің азаматтық борышы деп түсінуі керек. Кранды босқа ағызбау, өзен-көлдерді ластамау, табиғатты қорғау – баршамыздың ортақ міндетіміз. Су – баға жетпес байлық, оны қорғау – болашақты қорғау.Қорыта айтқанда, су – тіршіліктің тірегі, табиғаттың асыл қазынасы. Ол болмаса, жер бетінде өмір де, өркениет те болмас еді. Су – адамзатқа аманат етілген қасиетті сый. Сондықтан біз оны қадірлеп, қорғап, келер ұрпаққа таза күйінде жеткізуге тиіспіз. «Су – тіршілік көзі» деген сөздің мәні де, маңызы да осында.&nbsp;Аяжан МахамбетәліҚорқыт ата атындағы Қызылорда университетінің 4-курс студентіФото: freepik.com

Су – тіршілік көзі

<a href="https://kyzylorda-news.kz/">Kyzylorda-news.kz</a> Әлеуметтік желі біздің күнделікті өміріміздің ажырамас бөлігіне айналды. Олар адамдарға ақпарат алмасуға, пікір білдіруге, жаңа таныстар табуға және кәсіптік байланыстарды дамытуға мүмкіндік береді. Бір жағынан, әлеуметтік желілер білім алу, жаңалықтарды білу және шығармашылықты дамыту сияқты жағымды әсерлер береді.&nbsp;Мысалы, студенттер мен зерттеушілер үшін түрлі платформалар арқылы ғылыми мақалалармен, оқулықтармен және тәжірибелік мысалдармен танысу ыңғайлы. Сонымен қатар, әлеуметтік желілердің арқасында адамдар өздерінің өнерін, хоббиін немесе кәсіптік жетістіктерін кең аудиторияға көрсету мүмкіндігіне ие болады. Бұл жаңа идеяларды таратуға, жобаларды жүзеге асыруға және кәсіби тұрғыда өздерін танытуға жол ашады. Әлеуметтік желілер сонымен қатар адамдар арасындағы байланыстарды күшейтеді, отбасылық және достық қарым-қатынастарды сақтауға көмектеседі, ал алыстағы туыстармен немесе дос-жаранмен байланыста болу оңай болады.Дегенмен, әлеуметтік желілердің зиянды жақтары да бар. Бірінші кезекте, олар адамның психологиялық жағдайына әсер етуі мүмкін. Мысалы, үздіксіз жаңалықтар лентасын қарау кезінде адамның көңіл-күйі түсіп,&nbsp;күйзеліс немесе мазасыздық сезімдері пайда болуы мүмкін. Кейбір адамдар әлеуметтік желідегі басқа адамдардың өмірін өз өмірімен салыстыра отырып, өзін төмен сезінуі мүмкін. Бұл әсіресе жасөспірімдер мен жастар арасында өзіндік сенімділіктің төмендеуіне, психологиялық қысым мен депрессияның пайда болуына әкелуі мүмкін. Екінші жағынан, әлеуметтік желілер уақыты тиімді пайдалануға кедергі келтіруі мүмкін. Күнделікті өмірде немесе жұмыс барысында ұзақ уақыт бойы бейне, мәтін немесе ойындарға назар аудару өнімділіктің төмендеуіне әкеледі. Сонымен қатар, жеке мәліметтердің қорғалмауы да маңызды&nbsp;мәселе. Кейде адамдар әлеуметтік желілерде өздері туралы тым көп ақпарат бөліседі, бұл алаяқтыққа немесе жеке өмірге қатысты қауіптерге әкелуі мүмкін. Ақпараттың шынайылығын тексермеу, жалған жаңалықтар мен спам материалдарға сену де қоғамға зиян тигізетін жағымды емес әсерлердің бірі.Әлеуметтік желілердің тағы бір теріс жағы&nbsp;–кибербуллинг және интернеттегі теріс мінез-құлық. Жастар мен балалар арасында дөрекі пікірлер, қорлау немесе қоғамнан оқшаулану жағдайлары жиі кездеседі. Бұл тек жеке адамға ғана емес, жалпы қоғамға да кері әсерін тигізеді, өйткені адамдар арасындағы сенім мен әлеуметтік қатынас әлсірейді. Сонымен қатар, әлеуметтік желілер кейде адамның ой-өрісін шектейді, себебі алгоритмдер адамға тек оның қызығушылығына сай контент көрсету арқылы оның түрлі көзқарастардан хабардар болуына кедергі жасайды. Бұл ақпараттық қараңғылыққа және біржақты ойлау қалыптасуына әкелуі мүмкін.Қорытындылай келе, әлеуметтік желілердің пайдасы мен зияны әрдайым қатар жүреді. Олар адамға байланыс, білім алу, шығармашылықты дамыту және кәсіби жетістікке жету мүмкіндігін берсе, сонымен қатар психологиялық қысым, уақытты жоғалту, жалған ақпарат және жеке өмір қауіптері сияқты теріс салдары да бар. Сондықтан әлеуметтік желілерді пайдалануда өз уақытын дұрыс басқару, ақпаратты сыни тұрғыдан бағалау және жеке мәліметтердің қауіпсіздігіне мән беру маңызды. Тиімді пайдалану арқылы әлеуметтік желілерді адам өміріне пайда әкелетін құрал ретінде қолдануға болады, ал абайсыз қолдану оның зиянды әсерлерін күшейтеді.Аяжан МахамбетәліҚорқыт ата атындағы Қызылорда университетінің 4-курс студентіФото: freepik

Әлеуметтік желінің пайдасы мен зияны

<a href="https://kyzylorda-news.kz/">Kyzylorda-news.kz</a> &nbsp;1 наурыз – әлем бойынша халықтың қауіпсіздігін қамтамасыз етуге бағытталған маңызды дата. Бұл күні азаматтық қорғаныс жүйесінің рөлі кеңінен насихатталып, төтенше жағдайлардың алдын алу мен оған дайындық мәселелері қоғам назарында болады. Азаматтық қорғаныс күнінің тарихы 1972 жылдың 1 наурызынан бастау алады. Дәл осы күні Халықаралық азаматтық қорғаныс ұйымы құрылып, қауіп-қатерге қарсы халықаралық ынтымақтастықтың берік негізі қаланды. Содан бері азаматтық қорғаныс саласы жаһандық деңгейде дамып, мемлекеттердің табиғи және техногендік апаттарға бірлесе әрекет етуіне жол ашты. Атаулы күн қарсаңында облыстық ТЖД бастығының орынбасары Бекболат Әбдіқадыров маңызды күннің мәнін кеңін насихаттап, атқарылған жұмыстармен бөлісті.<blockquote>– Биылғы жылы Дүниежүзілік азаматтық қорғаныс күні «Тұрақты және қауіпсіз болашақ үшін экологиялық тәуекелдерді басқару» ұранымен өтуде. Дүниежүзілік Азаматтық қорғаныс күні – халықты төтенше жағдайлардан қорғау жүйесінің маңызын арттыруға, қауіпсіздік мәдениетін қалыптастыруға және азаматтардың дайындық деңгейін жетілдіруге бағытталған. Қазіргі таңда су тасқыны, орман өрттері, құрғақшылық, өндірістік апаттар сияқты қауіп-қатерлердің алдын алу үшін алдын ала жоспарлау, мониторинг және халықты оқыту жұмыстары күшейтілуде. Осы ретте тұрғындардың төтенше жағдай кезіндегі іс-қимыл алгоритмін білуі, алғашқы көмек көрсету дағдыларын меңгеруі және жеке қауіпсіздік ережелерін сақтауы – басты талаптардың бірі. Айтулы күн аясында өңірлерде оқу-жаттығулар ұйымдастырылады. Мұның барлығы қоғамның төтенше жағдайларға төзімділігін арттыруға және қауіпсіз өмір салтын қалыптастыруға бағытталған,- Бекболат Қайырбекұлы.</blockquote><img src="https://knadmin.beoblood.kz/uploads/D_niezh_zilik_azamatty_or_anys_k_ni_auipsizdik_basty_nazarda_22d5a35c98.jpg" alt="Дүниежүзілік азаматтық қорғаныс күні қауіпсіздік – басты назарда.jpg">&nbsp;Фото: gov.kz

Қазақстан және Қызылорда облысының жаңалықтары