«Таза Қазақстан» бағдарламасы аясында «Таза аула» атты ауқымды экологиялық &nbsp;акциясы өтті.Өңірдегі барлық елді мекендерде 147 аула тазартылды. Акцияға 12 266 адам қатысып, 100 тоннадан астам қоқыс шығарылды.Тазалық шарасына мемлекеттік мекеме қызметкерлері, еріктілер, жастар ұйымдары мен жергілікті тұрғындар атсалысты. Аулалардың қоқысы жиналып, айналасы абаттандырылды және көгалдандырылды.Жыл басынан бері тазалық шараларында 46 934 ерікті, қоғам қайраткерлері, бюджет саласы мен кәсіпорын қызметкерлері белсенділік танытқан. &nbsp; 1067 тонна қоқыс қалдықтары жиналып, 156 сквер мен парк, 225 тарихи-мәдени ескерткіш, 791 әлеуметтік, 407 өнеркәсіп және бизнес, 8 су нысаны, &nbsp;843 &nbsp;көше бойы тазартылды. Оған 248 техника жұмылдырылды. Өңірдің климатына жерсінетін 27 450 түп қарағаш, терек, Сыр талы, т.б. көшет егілді. &nbsp; &nbsp; &nbsp;Акция &nbsp;аясында аудандарда да іс-шаралар ұйымдастырылды. &nbsp;Арал ауданының «Келешек мектебіндегі» “Жасыл мұра” шарасында түлектер мектеп ауласына 100-ден астам тал екті. Оқушылар мен ұстаздар табиғатты көркейтуге және ұрпақтар сабақтастығын нығайтуға үлес қосты.Айта кетейік, «Таза Қазақстан» бағдарламасы аясында өңірде тазалық сақтау, елді мекендерді көркейту және тұрғындарға жайлы орта қалыптастыру бағытында жүйелі жұмыстар жүргізілуде.Демеушілер мен бюджет қаражаты есебінен демалыс орындары, ойын және спорт алаңдары жаңартылып, тұрғын үйлер мен әлеуметтік нысандар жөнделді.Қызылорда қаласындағы орталық алаң, мәдени-демалыс паркі және Қорқыт ата сквері қайта жаңғыртылып, халық игілігіне берілді. Президент саябағы жаңадан қайта салынып, қала тұрғындары мен қонақтары ның демалыс орнына айналып келеді.Ауылдарда «Үлгілі елді мекен» конкурсы өтіп, соңғы үш жылда 2 млрд теңгеден астам қаржыға алынған 67 арнайы техника табысталды.&nbsp; Қалдықтарды басқару бағытында 98,7 млрд теңгенің 9 жобасы бар. Жаңақорғандағы сұрыптау кешені іске қосылуға дайын, ал Сырдария ауданында жаңа полигон пайдалануға берілді.<img src="https://knadmin.beoblood.kz/uploads/FB_IMG_1776570669038_661f1fc5c8.jpg" alt="FB_IMG_1776570669038.jpg">

«Таза аула» ауқымды экологиялық акциясы өтті

<a href="https://kyzylorda-news.kz/">Kyzylorda-news.kz</a> Көптеген қазақстандықтар ломбардтағы қарыздар «есепке алынбайды» және кредит тарихына ешқандай әсер етпейді деп санайды. Алайда, іс жүзінде олай емес. Мұндай қарыздар туралы ақпаратты қаржы ұйымдары ескереді және кредитті немесе ипотеканы рәсімдеу кезінде шешімге әсер етуі мүмкін.Fingramota.kz ломбардтардың кредит тарихына қалай әсер ететінін, бұл қандай жағдайда проблемаға айналуы мүмкін екенін және қарыз алушылардың неге назар аудару керектігін түсіндіреді.Ломбардтағы &nbsp;қарыздар кредит тарихында көріне ме?Ломбардта ресімделген қарыз кредит немесе ипотека алуға тікелей кедергі емес. Алайда, бұл қарыз алушының қаржылық жағдайын бағалау кезінде ескеріледі.Ломбардтар берілген қарыздар туралы ақпаратты кредиттік бюроларға беруге міндетті, себебі банктік кредиттер немесе микроқарыздар сияқты қарыздар да ақылылық, мерзімділік және қайтарымдылық шарттарымен беріледі.Бұл қарыз фактісі кредит тарихында жазылатынын, банктер мен микроқаржы ұйымдарына ақпарат қолжетімді екенін және кредитке өтінімді қарау кезінде деректер ескерілуі мүмкін екенін білдіреді.Ломбардтағы қарыз банктің шешіміне қалай әсер етедіКредитке өтінімді қарау кезінде банктер мен МҚҰ бірден бірнеше факторды:• &nbsp; &nbsp;қарыз алушының кредит тарихын;• &nbsp; &nbsp;кірісінің деңгейін;• &nbsp; &nbsp;ағымдағы борыш жүктемесін;• &nbsp; &nbsp;мерзімі өткен міндеттемелерінің болуын бағалайды.Егер қарыз алушының ломбардта қолданыстағы қарызы болса, ол борыш жүктемесін есептеу кезінде — басқа кредиттермен және микроқарыздармен тең ескеріледі.Төлеу мерзімін кешіктірудің болуы ерекше маңызды. Егер ломбард алдындағы берешек уақытылы өтелмесе, бұл кредитті мақұлдау мүмкіндігін айтарлықтай төмендетуі мүмкін.Түсіну маңызды: әрбір қаржы ұйымы заңнаманы, ішкі кредит саясатын және тәуекелдерді бағалауды ескере отырып, өз бетінше шешім қабылдайды.Егер сіз ломбардтағы қарызды төлемесеңіз, не болады?Ломбард жұмысы тетігінің өзіндік ерекшеліктері бар. Егер қарыз алушы микрокредитті уақытылы өтемесе, ломбард кепілге қойылған мүлікті кемінде 30 күн сақтауға міндетті. Осы кезеңде қарыз алушының қарызды қайтарып алу және өз затын кері қайтарып алу мүмкіндігі сақталады.Егер берешек өтелмесе, онда ломбард кепілді сатуға немесе оны өз меншігіне ресімдеуге құқылы. Демек, қарыз және кепіл шарты өз қолданысын тоқтатады.Міндеттемені жабу фактісі құжатпен расталады – бұл кепілді сату актісі, мүлікті ломбардтың меншігіне айналдыру туралы шешім немесе берешекті өтеу туралы анықтама.Бұл кредит тарихында қалай көрініс табадыҚарыз кепілді сату арқылы жабылғанның өзінде ол туралы ақпарат кредит тарихында сақталады.Бұл жағдайда мынаны ескеру маңызды:• егер міндеттеме кешіктірілмей орындалса, онда әсер барынша аз болады;• &nbsp; &nbsp; егер төлемдер кешіктірілген болса – бұл теріс фактор;• &nbsp; &nbsp; ломбардтарды жиі пайдалану қаржылық тұрақсыздықтың белгісі ретінде қабылдануы мүмкін.1-мысал. Төлеу мерзімін өткізбеуАзамат ломбардта қысқа мерзімге қарыз рәсімдеп, оны уақтылы төледі. Кредит тарихында қарыз фактісі көрсетіледі, бірақ ол кредитордың шешіміне айтарлықтай әсер етпейді. Егер кірісі тұрақты болса, кредит мақұлдануы мүмкін.2-мысал. Төлеу мерзімін өткізуҚарыз алушы борышын уақытылы төлемеді, ал ломбард кепілді сатып жіберді. Міндеттеменің жабылғанына қарамастан, кешіктіру фактісі кредит тарихында жазылады. Кредитке өтініш берген кезде банк немесе МҚҰ мұны тәуекел ретінде қарастырып, бас тарта алады.3-мысал. Бірнеше қарызАдам үнемі ломбард қызметтерін пайдаланады. Кешіктірулер болмаса да, бұл борыш жүктемесінің жоғары немесе қаржылық жағдайдың тұрақсыз екені ретінде қабылдануы мүмкін, бұл ипотека сияқты ірі кредит алу мүмкіндігін азайтады.Қарыз алушылар неге назар аударуы керек?Ломбардтағы қарыз кредит алуға кедергі болмауы үшін бірнеше ережені сақтау маңызды.1. Берешекті уақтылы өтеңіз.&nbsp;Тіпті мерзімін сәл кешіктіру кредит тарихына теріс әсер етуі мүмкін.2. Борыш жүктемесін бақылаңыз.&nbsp;Барлық міндеттемелер, оның ішінде ломбардтар — өтінімді қарау кезінде ескеріледі.3. Кредит тарихын тексеріңіз.&nbsp;Бұл ықтимал проблемаларды алдын-ала анықтауға және өтінім бергенге дейін түзетуге мүмкіндік береді.4. Ломбардтарды тұрақты қаржы көзі ретінде пайдаланбаңыз.&nbsp;Жиі жүгіну қаржылық қиындықтарды білдіруі мүмкін.5. Қарызды жабу туралы құжаттарды сақтаңыз. Актілер, анықтамалар мен растаулар даулы жағдайлар туындаған кезде көмектеседі.Ломбардтағы қарыз – бұл кредит немесе микрокредит сияқты қаржы құралы. Ол кредит тарихында көрініс табады және&nbsp;банк пен МҚҰ шешіміне әсер етуі мүмкін.&nbsp;Ломбардтың өзі кредитке қолжетімділікті шектемейді. Алайда, мерзімін кешіктіру, борыш жүктемесінің жоғары болуы немесе мұндай қарыздарды жиі пайдалану кредитті мақұлдау мүмкіндігін төмендетуі мүмкін.<img src="https://knadmin.beoblood.kz/uploads/infographics_1211_94_4f678ded26.png" alt=" fingramota.kz">Өзіңізге, ақшаңызға мұқият болыңыз және қаржылық сауаттылығыңызды Fingramota.kz-пен бірге арттырыңыз!Фото: fingramota.kz

Ломбард және кредит тарихы: қарыз кредитті мақұлдауға әсер ете ме?

<a href="https://kyzylorda-news.kz/">Kyzylorda-news.kz</a> Қазақстанда білім беру жүйесіне жасанды интеллект құралдарын енгізу жөніндегі ұлттық жоба бастау алды. Бастама OpenAI компаниясымен бірлесіп ұйымдастырылып отыр. Оның аясында 165 мың педагог білім беру мақсаттарына арнайы әзірленген ChatGPT-дің нұсқасы – ChatGPT Edu жүйесіне қол жеткізе алады.ChatGPT Edu лицензиялары білім беру жүйесінің барлық деңгейінде, атап айтқанда, мектепке дейінгі ұйымдар, мектептер, колледждер мен жоғары оқу орындарының, сондай-ақ ғылыми-зерттеу институттары мен Astana Hub арасында таратылады. Жоба Жасанды интеллект және цифрлық даму министрлігі, Оқу-ағарту министрлігі, Ғылым және жоғары білім министрліктерінің қатысуымен жүзеге асып отыр.<blockquote>– ЖИ негізіндегі озық технологиялардың көмегімен әр адамның әлеуетін арттыруда білім саласының атқаратын рөлі орасан. Қазақстан мен OpenAI арасындағы серіктестік мемлекеттің педагогтерге пайдалы құралдар ұсынып, практикалық қолдау мен оқуға деген қолжетімділікті арттыру арқылы ЖИ машықтарын меңгерудегі алшақтықты қалай еңсере алатынын көрсетті. Мұндай қадам бүкіл білім беру жүйесінің болашағына ұзақмерзімді ықпал етуге көмектеседі, - дейді OpenAI өкілі Кевин Миллс.</blockquote>Айта кетері, жоба Мемлекет басшысының былтырғы АҚШ-қа сапары кезінде жасалған келісім негізінде, OpenAI, Freedom Holding Corp. және Bilim Group серіктестігі аясында жүзеге асып отыр. Жобаға қатысушылар үшін лицензиялар тегін ұсынылады, ал оларды іске қосу отандық BilimClass платформасы негізінде әзірленген ai.bilimclass.kz арнайы сервисі арқылы жүргізіледі.<blockquote>ChatGPT Edu – тек технологиялық құрал емес, Қазақстанның адами капиталына салынған инвестиция. Жобаның негізгі мақсаты – қазақстандық педагогтерге ЖИ мүмкіндіктерін меңгеруге және оны күнделікті жұмыста тиімді пайдалануға жағдай жасау. Технология педагогтердің жүктемесін азайтып, білім сапасын арттыруға және кәсіби деңгейін шыңдауға септігін тигізеді. Біз ұстаздарға ең маңызды іске – білім алушылармен жұмысқа көбірек уақыт бөлуге мүмкіндік беретін тиімді құрал ұсынып отырмыз, - деп атап өтті Bilim Group IT-холдингінің бас директоры Александр Савченко.</blockquote>ChatGPT Edu – білім беру мекемелері үшін арнайы әзірленген ChatGPT нұсқасы. Бұл жүйе оқу орындарына жасанды интеллекттің озық мүмкіндіктерін пайдалануға жол ашады. Сонымен қатар деректердің қауіпсіздігі мен құпиялығын сақтап, жұмысты тиімді басқаруға мүмкіндік береді.ChatGPT Edu көмегімен педагогтер сабақ жоспарын әзірлеп, тапсырмалар мен тест сұрақтарын дайындауға, сонымен қатар оқу материалдарын әр білім алушының деңгейі мен қажеттілігіне қарай бейімдеуге мүмкіндік алады. Жоба нәтижесінде педагогтердің сабаққа дайындалуға, тапсырмаларды тексеруге, есеп беруге және басқа да бірізді жұмысқа кететін уақыты едәуір қысқармақ.Фото: freepik.com

Қазақстанда мұғалімдерге арналған ChatGPT Edu жобасы іске қосылды

<a href="https://kyzylorda-news.kz/">Kyzylorda-news.kz</a> Қызылордада «AMANAT» партиясы облыстық филиалының бастамасымен «AMANAT IDEATHON» хакатоны өтуде. «Цифрландыру және жасанды интеллект жылы» аясында әлеуметтік маңызы бар инновациялық идеяларға арналған іс-шара Қорқыт Ата атындағы Қызылорда университеті мен «Kyzylorda Hub» және «Shik» жарнамалық агенттігінің демеушілігімен жүзеге асырылуда.Жобаның басты мақсаты – мектеп оқушылары мен студенттердің қоғамдағы өзекті мәселелерді шешуге бағытталған бастамаларын қолдау, олардың идеяларын нақты жобаларға айналдыруға жағдай жасау және жас буынның инновациялық әлеуетін дамыту.Хакатонның ашылу салтанатында сөз алған партияның облыстық филиалының төрағасы Жандос Базартай мұндай бастамалардың өңір жастары үшін маңызы зор екенін атап өтті. Оның айтуынша, жаңа идеяларды қолдау – өңірдің зияткерлік әлеуетін арттырып, цифрлық трансформация үдерісін жеделдетуге ықпал етеді.Қатысушылар 5 бағыт бойынша жобаларын ұсынуда. Атап айтқанда, «PropTech &amp; CityTech» бағыты тұрғын үй басқару жүйесінің ашықтығын арттыру мен «ақылды» қалалық шешімдерді енгізуге арналса, «MedTech» бағыты цифрлық денсаулық сақтау саласындағы инновациялық сервистерді дамытуға бағытталған. Сондай-ақ, «LegalTech» бағыты құқықтық көмектің қолжетімділігін арттыруға және бюрократиялық кедергілерді азайтуға басымдық берсе, «EdTech» инклюзивті білім беру мен цифрлық кәсіптік бағдарлау платформаларын әзірлеуге бағытталған. Ал «Community Tech» бағыты әлеуметтік қолдауды күшейтіп, еріктілер мен көмекке мұқтаж азаматтарды байланыстыратын цифрлық шешімдерді ұсынуға мүмкіндік береді.Байқауға Астана қаласы, Ақтөбе және Қарағанды облыстарынан, сондай-ақ Қызылорда қаласы мен барлық аудандардан 100-ге жуық жоба ұсынылып, 200-ге тарта азамат қатысуда.&nbsp;Хакатонға қатысушы Құдайберген Жұбанов атындағы Ақтөбек өңірлік университетінің 4 курс студенті Талап Ермұхан ақ қан ауруымен ауыратын яғни, лейкоз ауруын скринг кезінде ерте анықтайтын дәрігерлерге көмекші болуға тұрарлық жоба әкелген. Оның айтуынша онкологиялық аурулар өңірде үлкен әлеуметтік мәселе. Байқауға әкелген стартап жоба осы мәселені шешудің бірден бір жолы, әрі медицина тарапынан үлкен сұранысқа ие.Атап өтейік, іріктеуден өткен жобалар сарапшылар алдында қорғалып, үздік деп танылған қатысушыға 1 000 000 теңге көлемінде сыйақы табысталады. Егер жоба қатысушысы мектеп оқушысы немесе колледж түлегі болса, Қорқыт ата атындағы Қызылорда университетінің білім гранттары ұсынылады.<img src="https://knadmin.beoblood.kz/uploads/Amanat_startap_zhoba_8fbaa70ceb.jpg" alt="Аманат стартап жоба.jpg">

Қызылордада «AMANAT IDEATHON» хакатоны өтуде

<a href="https://kyzylorda-news.kz/">Kyzylorda-news.kz</a> Шер-шеменді шешіле ақтару кейде жазу арқылы да жүзеге асады. Дүрмегі басым дүниеде адамның өзін-өзі тануына ықпал ететіні де осы. ҚАЖ департаментіне қарасты №68 мекемесінде шаруашылық бөліміне қалдырылған жазасын өтеушілердің рухани-мәдени деңгейін арттыру мақсатында шығарма жазу байқауы ұйымдастырылды.Бағыт-бағдар беруге №6 қалалық орталықтандырылған кітапхананың мамандары Айнұр Тайлыбаева мен Гүлзат Залиева келді. Яғни, шығарма жазудың талабына тоқталып, қажетті нұсқау бергені сөзімізге тұздық. Еркін тақырып ұсынылып, олардың өмірлік ұстанымы, тәубе мен тағылым, отбасының қадірі, болашаққа деген сенім секілді құндылықтар кеңінен қамтылды. Әрбір шығарма автордың ішкі толғанысын, өмірден түйген сабағын және жаңа бастауға деген талпынысын айқын көрсеткені рас.Үздік жұмыс ретінде “Менің отбасым”, “Үміт оты – бостандық”, “Шиелі – киелі мекенім” және “Ата заңым – тұғырым” тақырыптары таңдалып, оң бағаланды. АКАӘПТЖББ-ның бөлім бастығы әділет капитаны Бақдәулет Тулепбергеновтің сөзіне сүйенсек, мұндай ізгі іс-шараларды тұрақты өткізу тоқтамақ емес.&nbsp;

Жазасын өтеушілер арасында шығарма жазу байқауы ұйымдастырылды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың тапсырмасымен елімізде «Таза Қазақстан» экологиялық акциясы бастау алған болатын, осы ретте «AMANAT» партиясы Жалағаш аудандық филиалының ұйымдастыруымен «Таза Қазақстан» партиялық жобасы аясында «Таза бейсенбі» экологиялық акциясы өткізілді.Басты мақсат - қоршаған ортаға саналы көзқарасты қалыптастыру және тазалықты сақтаудың маңыздылығын түсіну. Қоршаған ортаны қорғауға бағытталған шараға «AMANAT» партиясы Жалағаш аудандық филиалының атқарушы хатшысы Қаншагүл Мұстафаева, аудандық мәслихаттағы «AMANAT» партиясы депутаттық фракциясының мүшелері, партия мүшелері, мемлекеттік қызметкерлер қатысты.&nbsp;Бүгінгі ұйымдастырылған акцияға 50-ден астам партияластар белсенділікпен қатысты. Жалағаш кентіндегі Жеңістің 50 жылдығы көшесінің бойында орналасқан І.Қабылов атындағы саябағына тал егу жұмыстары оның ішінде, қураған талдармен шөптерді тазарту, арық қазу жұмыстары жүргізілді.&nbsp;Алдағы уақытта «AMANAT» партиясының атсалысуымен "Таза бейсенбі" экологиялық акциясы аясында тазалық жұмыстары жүргізілетін болады. Экологиялық акцияны қолдап, өңірдің тазалық жұмыстарына атсалысу бәріміздің міндетіміз.<img src="https://knadmin.beoblood.kz/uploads/Amanat_taza_bejsenbi_akcziyasy_2_e28d118b60.jpg" alt="Аманат таза бейсенбі акциясы 2.jpg">

«Таза бейсенбі» экологиялық акциясы өтті

<a href="https://kyzylorda-news.kz/">Kyzylorda-news.kz</a> Көктемгі мерзімді әскери қызметке шақыру науқаны аясында қала әкімдігі, Жастар ресурстық орталығы және Қорғаныс істері жөніндегі басқарма бірлесіп, Абылайхан атындағы жоғары колледжінде студенттермен кездесу өткізді.Кездесу барысында жастарға әскери қызметтің маңызы, әскерге шақыру тәртібі мен талаптары түсіндіріліп, оның беретін мүмкіндіктері айтылды. Мамандар студенттердің сұрақтарына жауап беріп, пікір алмасты. Аталған бағыттағы жұмыстар алдағы уақытта да жалғасады.Бұл маңызды науқан жергілікті әскери басқару органдарының бастамасымен және барлық атқарушы органдардың бірлескен қатысуымен жүзеге асырылуда.&nbsp;Ақпараттық-түсіндіру жұмыстарының нәтижесінде әскер қатарына баруға ниет білдірушілер саны көбейген.&nbsp;Фото: gov.kz

Көктемгі әскери қызметке шақыру науқаны жалғасуда

<a href="https://kyzylorda-news.kz/">Kyzylorda-news.kz</a> Кейде адамдар кредит туралы оны ресімдеу кезінде емес, берешек туралы хабарламалар келе бастаған кезде біледі. Мұндай жағдайларда қарызды ресімдеу туралы олардың білмейтіні анықталады. Себептер әр түрлі болуы мүмкін: жоғалған құжаттар, дербес деректердің жария болуы, бұзылған аккаунт немесе жеке ақпаратқа қол жеткізген алаяқтармен сөйлесу.Азаматтарды осындай жағдайлардан қорғау үшін Қазақстанда өз атына қарыздарды ресімдеуге алдын ала тыйым салуға мүмкіндік беретін арнайы қорғау тетігі – «Стоп-кредит» сервисі енгізілді. «Бірінші кредиттік бюро» АҚ деректері бойынша, бүгінгі күні 5,1 млн азамат банктік кредиттер мен микроқарыздарды ресімдеуден ерікті түрде тыйым салуға өтінім бере отырып, осы мүмкіндікті өз бетінше пайдаланды.&nbsp;Бұл сервис қалай жұмыс істейтіні және оның неліктен қаржылық алаяқтықтан қорғаудың ең тиімді құралдарының біріне айналғаны туралы &nbsp;<a href="https://fingramota.kz/kk/news/post/5-millionnan-astam-azastandy-stop-kreditti-iske-osty-servis-alayaty-aryzdardan-oraua-alaj-kmektesedi">Fingramota.kz</a>. айтып береді.Мынадай жағдайды елестетіп көріңіз: адам жұмысқа орналасу, пәтер жалдау немесе акцияға қатысу үшін жеке куәліктің көшірмесін тапсырды, ал біраз уақыттан кейін оның атына кредит ресімдеу әрекеті туралы хабарлама алады. Басқа сценарий болуы мүмкін, алаяқтар қоңырау шалып, өздерін банк қызметкерлері деп таныстырады, «күдікті операциямен» қорқытады және әрекеттерді шұғыл түрде растауға сендіреді, содан кейін олар алынған деректерді кредиттік өтінім беру үшін пайдаланады.&nbsp;Дәл осындай жағдайларда «Стоп-кредит» сервисі қосымша қорғау құралы бола алады. Егер дербес деректер алаяқтардың қолына түссе немесе адамға қысым көрсетуге тырысса да, егер ерікті тыйым салынған болса, жүйе оның атына жаңа кредит немесе микроқарыз алуға мүмкіндік бермейді&nbsp;«Стоп-кредит» дегеніміз не«Стоп-кредит» – бұл &nbsp;банктік қарыздар мен микрокредиттер алудан ерікті түрде бас тартудың мемлекеттік қызметі. Ол азаматқа өз атына жаңа кредиттер беруге өз бетінше тыйым салуға мүмкіндік береді. Сервис eGov.kz порталыеда және eGov Mobile қосымшасында қолжетімді. Шектеу мерзімсіз әрекет етеді және оны тек деректер иесінің өзі алып тастайды.Сервистің басты құндылығы – ол салдарды жоймайды, проблеманы алдын ала болдырмауға көмектеседі. Кредитті алаяқтар жасағанын дәлелдеудің орнына, адам оны өз атына алу мүмкіндігін алдын ала болдырмайды.Тетік қалай жұмыс істейдіҚызметті қосқаннан кейін ерікті бас тарту туралы ақпарат кредиттік тарихта көрсетіледі және қарыз алушыны тексеру кезінде қаржы ұйымдары үшін көрінетін болады. Егер тыйым салынған болса, кредитке өтінім автоматты түрде қабылданбауы тиіс.Бұл сервис тек классикалық кредиттік алаяқтықтан ғана емес, сонымен қатар адам қысым арқылы қарыз алуға мәжбүр болған жағдайлардан, мысалы, «қауіпсіздікті тексеру», «ақшаны құтқару» немесе «уақытша көмек» деген атпен қорғайды дегенді білдіреді.«Стоп-кредитті» қалай қосу керек?Қызметті бірнеше минут ішінде қосуға болады. eGov Mobile арқылы немесе eGov.kz порталында авторизацияланып, «Банктік қарыздарды, микрокредиттерді алудан ерікті түрде бас тарту» қызметін таңдап, өтінімді толтырып, оған ЭЦҚ көмегімен қол қою қажет. Нәтижесі жеке кабинетте көрсетіледі. Қажет болған жағдайда тыйым салуды электрондық қолтаңбамен растай отырып, сол бөлімнен алып тастауға болады.Азаматтарды қорғауды күшейтетін маңызды норма&nbsp;2024 жылғы 1 қыркүйектен бастап Қазақстанда маңызды түзету қолданылады: егер алаяқтық кредит ерікті бас тарту кезеңінде ресімделген болса, банк немесе МҚҰ мұндай берешекті есептен шығаруға міндетті. Басқаша айтқанда, егер қаржы ұйымы қолданыстағы тыйым салуды елемесе, ол үшін жауапкершілік азаматқа емес, кредиторға жүктеледі.Бұл сервисті формальды шектеу ғана емес, құқықтық және қаржылық қорғаудың толыққанды құралына айналдырады.&nbsp;Назар аударыңыз! Алаяқтар азаматтарды алдау үшін сол сервистің тақырыбын пайдалануда&nbsp;«Стоп-кредиттің» танымалдығы жаңа схемалардың пайда болуына да алып келді. Алаяқтар азаматтарға банктің немесе «қауіпсіздік қызметінің» атынан қоңырау шалып, олардың атына кредиттік өтінім берілгенін хабарлайды, содан кейін шұғыл түрде қорғауды қосуды ұсынады және сілтеме жібереді. Шын мәнінде, мұндай сілтемелер фишингтік беттерге әкелуі мүмкін, онда жәбірленушілер дербес деректерді, деректемелерді және құрылғыға қолжетімділікті жинайды.БІЛУ МАҢЫЗДЫ! Сервисті тек қана eGov.kz ресми порталы және eGov Mobile қосымшасы арқылы қосуға немесе өшіруге болады. Бірде-бір банк осы қызметті белсендіру үшін бөгде сілтемелерді жібермейді.<img src="https://knadmin.beoblood.kz/uploads/Fingramota_stop_kredit_531a5c64d3.png" alt="Финграмота стоп-кредит.png">Фото: fingramota.kz

5 миллионнан астам қазақстандық «Стоп-кредитті» іске қосты: сервис алаяқтық қарыздардан қорғауға қалай көмектеседі?

<a href="https://kyzylorda-news.kz/">Kyzylorda-news.kz</a> Сырдария ауданы әкімдігінің мәжіліс залында мемлекеттік қызмет саласындағы заң талаптарын сақтау, сыбайлас жемқорлықтың алдын алу және әдеп нормаларын нығайту мәселелеріне арналған семинар-кеңес өтті.&nbsp;Семинарға Қазақстан Республикасы Мемлекеттік қызмет істері агенттігінің Қызылорда облысы бойынша департаменті басшысының орынбасары, Әдеп жөніндегі кеңес хатшылығының меңгерушісі Мейрамкүл Бибітова, Адам құқықтары жөніндегі уәкілдің облыс бойынша өкілі Берікбол Байхожаев және облыс әкімі аппаратының Әдеп жөніндегі уәкілі Бағдат Әбдіқадыр, сондай-ақ мекеме басшылары қатысты.&nbsp;Мәжіліс барысында аудан әкімінің орынбасары Р.Еспенбетов мемлекеттік қызметтің сапасын арттыруда заңдылықты сақтау мен әдеп қағидаттарының маңыздылығын атап өтті.<blockquote>– Мемлекеттік қызметші – халық пен билік арасындағы негізгі байланыстырушы буын. Сондықтан әрбір қызметкер өзіне жүктелген міндетті жоғары жауапкершілікпен атқарып, заң талаптарын бұлжытпай орындауы тиіс. Азаматтардың билікке деген сенімі біздің әрбір әрекетімізге, қабылдаған шешімімізге, қызметтік әдебімізге тікелей байланысты. Сондықтан кез келген немқұрайдылық үлкен сенімсіздікке әкелуі мүмкін екенін ұмытпауымыз қажет, – деді аудан әкімінің орындасары Роллан Манарбекұлы.</blockquote>Баяндамашылар мемлекеттік қызметшілер арасында қолданыстағы заңнама талаптарын сақтау, құқық бұзушылықтардың алдын алу, сыбайлас жемқорлыққа жол бермеу, қызметтік тәртіпті күшейту, сондай-ақ қоғам тарапынан мемлекеттік аппаратқа деген сенімді арттыру мәселелері бойынша кеңінен мағлұмат берді. Сонымен қатар, Қазақстан Республикасының мемлекеттік қызмет саласындағы Әдеп кодексіндегі мемлекеттік қызметшілердің мінез-құлқына, қызметтік қарым-қатынасына және қоғаммен байланысына қойылатын негізгі талаптар түсіндірілді.Сондай-ақ, мемлекеттік қызмет өткеру кезінде заң талаптарын қатаң сақтау, қызметтік өкілеттіктерді жеке мақсатта пайдалануға жол бермеу, азаматтармен және әріптестермен қарым-қатынаста әдептілік пен ашықтық қағидаттарын ұстану мәселелері жан-жақты қамтылды.Семинардан соң мемлекеттік қызметшілерден сауалнама алынып, жеке қабылдау өткізілді.

Мемлекеттік қызметтегі заңдылық пен әдеп нормаларын сақтау мәселелері қаралды

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалында ел дамуына өлшеусіз үлес қосқан, саналы ғұмырын халыққа қызмет етуге арнаған қоғам қайраткері, партия ардагері Сайлаубай Әбішұлы Әбішевпен кездесу өтті.Кездесуді партияның облыстық филиалының төрағасы Жандос Базартай &nbsp;жүргізді. Жиын барысында Сайлаубай Әбішұлының өмір жолы, еңбек тәжірибесі мен елге сіңірген қызметі жайлы кеңінен әңгіме өрбіді. Қатысушылар тарапынан сұрақтар қойылып, мазмұнды пікір алмасу болды.Партияның облыстық филиалының төрағасы Жандос Базартай «Ардагерлерді ардақтайық» партиялық жоба аясында қолға алынып отырған «AMANAT: TULGAлар» атты жаңа бастаманы таныстырды.<blockquote>«AMANAT» партиясы «Ардагерлерді ардақтайық» жобасы аясында қазыналы қариялардың денсаулығынан бастап, үй шаруасына дейінгі көмек көрсету бағытында түрлі іс-шараларды өткізіп келеді. Бүгінгі «AMANAT:TULGAлар» атты бастама түрлі салада жетістікке жеткен тұлғалардың, соның ішінде партия мүшелерінің өмір жолын, ел дамуына қосқан, қосып жатқан үлесін ұлықтауға арналып отыр. Мұндай кездесу партия алаңында тоқсанына бір рет тұрақты түрде ұйымдастырылып, ұрпақтар сабақтастығын нығайтып, өмірлік тәжірибе мен ұлттық құндылықтарды кейінгі буынға жеткізудің маңызды алаңына айналатын болады», -деді Жандос Базартай.</blockquote>Сайлаубай Әбішұлы Әбішев 1946 жылы Қызылорда облысы, Арал ауданында дүниеге келген. Жоғары білімді маман еңбек жолын мұғалім болып бастап, кейін комсомол, партия, ауыл шаруашылығы, мәдениет салалары мен мемлекеттік қызметте жауапты қызметтер атқарған. Ол ұзақ жылдар бойы елдің әлеуметтік-экономикалық дамуына және қоғамдық-саяси өміріне белсенді араласып, өңірдің өркендеуіне елеулі үлес қосты. Қазіргі уақытта да &nbsp;қоғам өмірінен шет қалмай, тәлімгерлік бағытта, қоғамдық кеңестер аясында белсенді қызмет атқарып келеді. Қызылорда қаласы мен Арал ауданының «Құрметті азаматы», ҚР ауыл шаруашылығы саласының «Құрметті ардагері», «Қазақстан Республикасына еңбегі сіңген ардагері», Қазақстан Республикасының «Алтын жұлдызы» төсбелгісінің &nbsp;иегері.Биыл ардақты азаматтың 80 жылдық мерейтойы облыс көлемінде аталып өтуде. Кездесу барысында &nbsp;Жандос Базартай партия ардагеріне құрмет көрсетіп, партияның Атқарушы хатшысы Дәулет Жамаубайұлы Кәрібектің мерейтой иесіне арналған арнайы құттықтауын табыс етті. &nbsp;

«Ардагерлерді ардақтайық»: Партия ардагерімен кездесу өтті

<a href="https://kyzylorda-news.kz/">Kyzylorda-news.kz</a> Премьер-министр Мемлекет басшысының Ұлттық құрылтайдың V отырысында алға қойған міндеттері аясында «Деректерді өңдеу орталықтарының алқабы» жобасының қазіргі жағдайы жөнінде кеңес өткізді.Жиында атқарылып жатқан жұмыстар туралы &nbsp;Премьер-министрдің орынбасары – жасанды интеллект және цифрлық даму министрі Жаслан Мәдиев, энергетика министрі Ерлан Ақкенженов, Павлодар облысының әкімі Асайын Байханов, «Қазақтелеком» АҚ басқарма төрағасы Бағдат Мусин баяндады.Павлодар облысының Екібастұз қаласында «Деректерді өңдеу орталықтары алқабы» жобасын жүзеге асыру шеңберінде жер учаскелері айқындалып, негізгі келісімдер жасалды, сондай-ақ қуаты 215 МВт болатын қосалқы станса сатып алынды. Аталған шаралар жобаның энергетикалық инфрақұрылымының негізін қалыптастырады.Кеңес барысында инвесторлар үшін одан әрі қажетті жағдай қалыптастыру аясында энергиямен жабдықтаудың жеңілдетілген тарифтік моделі бекітіліп, тиісті инвестициялық және салықтық преференциялар белгіленді.Бағдат Мусин халықаралық технологиялық және инвестициялық компанияларды тарту бағытында жұмыстар жүргізіліп жатқанын баяндады. АҚШ, Қытай және Үндістан елдерінен «бұлтты» есептеу, үлкен деректерді өңдеу және ЖИ салаларында жұмыс істейтін 20-дан астам hyperscale-компаниялармен келіссөздер жүргізілді.Келіссөздер қорытындысы бойынша 100 МВт-тан жоғары қуатқа алдын ала сұраныс қалыптастырылды. Сонымен қатар «Деректерді өңдеу орталықтары алқабы» жобасының жалпы әлеуеті 1 ГВт-қа дейін жетеді және ірі «зәкірлік» клиенттерді орналастыруға есептелген.Жалпы алғанда, «ДӨО алқабы» жобасын жүзеге асыру Қазақстанда ірі өңірлік цифрлық хабты қалыптастыруға және әлемдік жетекші технологиялық компанияларды тартуға бағытталған.Премьер-министр қажетті нормативтік шешімдер қабылдауды жеделдетуді және жобаның барлық кезеңінің белгіленген мерзімде орындалуын қамтамасыз етуді тапсырды.

Олжас Бектенов Президент тапсырмаларын орындау аясында кеңес өткізді

<a href="https://kyzylorda-news.kz/">Kyzylorda-news.kz</a> Қызылорда қаласындағы Абай атындағы мектеп базасында су ресурстарын үнемдеу мен басқару тақырыбына арналған ауқымды өңірлік дебат турнирінің финалдық кезеңі өтті. Іріктеу кезеңінен өткен 10 үздік команда жеңіс үшін бақ сынады.Іріктеу кезеңі сәуір айының басында басталып, өңірдегі 55 мектепті қамтыды. Жарыстар 10 пилоттық білім беру ұйымының базасында өтіп, қатысушыларға пікір алмасуға және экологиялық мәселелерді терең талдауға мүмкіндік берді. Нәтижесінде финалға тек шешендік шеберлігімен ғана емес, су шаруашылығының ерекшеліктерін жақсы меңгерген 10 команда жолдама алды.Турнирдің басты мақсаты – суды Қазақстан үшін стратегиялық ресурс ретінде түсінетін саналы көзқарасты қалыптастыру және жастардың экологиялық ойлауын дамыту. Жоба «Адал азамат: табиғатты аялау және суға құрмет» бағдарламасын жүзеге асыру аясында ұйымдастырылып отыр. Аталған бастама Қазақстан мен Өзбекстандағы (Арал теңізі бассейні) балалар мен жастар арасында су ресурстарын ұқыпты пайдалануға тәрбиелеуге бағытталған «Су және білім» жобасының бір бөлігі болып табылады.&nbsp;Жоба ЮНИСЕФ, Француз дамыту агенттігі, Қазақстан Республикасы Су ресурстары және ирригация министрлігі мен Қазақстан Республикасы Оқу-ағарту министрлігінің қолдауымен, сондай-ақ, халықаралық Аралды құтқару атқарушы комитетімен ынтымақтастықта жүзеге асырылуда.Іс-шара елдің экологиялық қауіпсіздігіне нақты шешімдер ұсына алатын жауапты ұрпақты тәрбиелеуге бағытталған. Финалға шыққан қатысушылар келесі маңызды тақырыптар бойынша өз ұстанымдарын қорғады: ● Азаматтық жауапкершілік пе, әлде мемлекеттік бақылау ма: су үнемдеу әр азаматтың міндеті ме, әлде тек билік органдарының құзыретіне жата ма? ● АӨК және өнімділік: су үнемдеу ауыл шаруашылығы тиімділігін арттырудың негізгі тетігі бола ала ма? ● Инновациялар: «сұр су» (grey water) технологияларын тұрмыста және өндірісте қолдану қаншалықты экологиялық тұрғыдан тиімді? ● Өңірлік даму: су ресурстарын ұтымды пайдалану экономикалық өсім мен тұрақтылыққа қалай әсер етеді?<img src="https://knadmin.beoblood.kz/uploads/V_Kyzylorde_proshel_final_regionalnogo_debatnogo_turnira_po_voprosam_vodosberezheniya_7de7a04fd1.jpg" alt="В Кызылорде прошел финал регионального дебатного турнира по вопросам водосбережения.jpg">

Қазақстан және Қызылорда облысының жаңалықтары