<a href="https://kyzylorda-news.kz/">Kyzylorda-news.kz</a> &nbsp;Бұл туралы Орталық сайлау комиссиясы хабарлады.Сондай-ақ, біздің елден тыс жерде орналасқан 16 шет мемлекетте 19 сайлау учаскесінде дауыс беру басталды.Осылайша ел тарихындағы алғашқы Құрылтай сайлауы басталды.Сайлаушылар тізімдеріне 12 605 788 адам енгізілген.<img src="https://knadmin.beoblood.kz/uploads/Sajlau_2bab6535da.jpeg" alt="Сайлау.jpeg">Сурет: ҚР ОСК

Қазақстан бойынша 10 363 сайлау учаскесі жұмыс істеп тұр

<a href="https://kyzylorda-news.kz/">Kyzylorda-news.kz</a> Сайлау күні Төретам кентінде сайлау учаскесінде азаматтарға көтеріңкі көңіл-күй сыйлаған ерекше сәттер орын алды.Алғаш рет дауыс беруге келген жастарға, туған күнін сайлау күнімен қатар атап өткен азаматтарға, ең жасы үлкен сайлаушыларға, балаларымен бірге келген отбасыларға және өзге де ерекше санаттағы тұрғындарға естелік сыйлықтар табысталды.Алғаш рет дауыс берген жастар үшін бұл күн ерекше естелікке айналды. Өйткені олардың алғашқы азаматтық таңдауы естелік сыйлықпен және жылы лебізбен қатар жүрді. Ал туған күнін сайлау күнімен бірге атап өткен тұрғындар үшін бұл күннің орны тіпті бөлек болды.Ең жасы үлкен сайлаушыларға құрмет көрсету де ерекше мәнге ие. Өмірдің талай белесін көрген аға буын өкілдерінің сайлауға қатысуы – кейінгі ұрпаққа азаматтық белсенділіктің үлгісі.Балаларымен бірге келген ата-аналарға да назар аударылып, оларға естелік сыйлықтар табысталды. Мұндай бастама отбасылық құндылықтарды дәріптеп, балаларға ел өміріндегі маңызды оқиғалардың мәнін түсіндіруге мүмкіндік береді.Сайлау учаскелеріндегі осындай жылы әрі есте қаларлық сәттер тұрғындардың көңіл-күйін көтеріп, маңызды күннің ерекше атмосферасын қалыптастырды.<img class="image_resized" style="width:46.36%;" src="https://knadmin.beoblood.kz/uploads/vybory2_506ce620b6.jpeg" alt="выборы2.jpeg">

Сайлау күні алғаш дауыс бергендер мен ерекше күн иелеріне естелік сыйлықтар табысталды

<a href="https://kyzylorda-news.kz/">Kyzylorda-news.kz</a> 23 тамыз – Құрылтай сайлауы күні Қызылорда қаласында қоғамдық көлік тұрғындар үшін тегін қызмет көрсетеді.Бұл – қала тұрғындарының сайлау учаскелеріне кедергісіз барып, азаматтық құқықтарын жүзеге асыруына жасалған мүмкіндік. Қала бойынша тұрғындарға қызмет көрсететін 260 автобус сайлау күні қалыпты режимде жұмыс істейді.Сайлау күні әр азаматтың өз таңдауын жасап, ел болашағына қатысты маңызды шешімге қатысуы маңызды. Қоғамдық көліктің тегін жүруі тұрғындардың сайлау учаскесіне баруына қолайлы жағдай қалыптастыруда.Сурет: Нұрболат Нұржаубай

Қоғамдық көлік тегін жүруде

<a href="https://kyzylorda-news.kz/">Kyzylorda-news.kz</a> Құрылтай сайлауына белсенді қатысқан азаматтардың қатарында Қазақстан Республикасының оқу-ағарту саласының үздігі, Жалағаш ауданының Құрметті азаматы Ұлданай Тоқпанбетова да бар.Білім саласында ұзақ жылдар бойы абыройлы еңбек етіп, жас ұрпақтың сапалы білім мен саналы тәрбие алуына үлес қосқан ел азаматы Жалағаш кентіндегі №131 сайлау учаскесіне барып, Құрылтай сайлауында өз таңдауын жасады.<img src="https://knadmin.beoblood.kz/uploads/Whats_App_Image_2026_08_23_at_07_19_36_570205f9d7.jpeg" alt="Дауыс беру Жалағаш.jpeg"><blockquote>«Ел болашағы – білімді ұрпақтың қолында. Білім саласында еңбек еткен жылдарымда жас ұрпақтың тәрбиесі мен сапалы білім алуына әрдайым басымдық беріп келдім. Бүгінгі таңда елдің дамуына қатысты маңызды шешімдерге азаматтардың белсенді қатысуы – ортақ жауапкершілігіміз», – деді Ұлданай Тоқпанбетова.</blockquote>Елдің білім саласына елеулі үлес қосқан, саналы ғұмырын жас ұрпақ тәрбиесіне арнаған Ұлданай Тоқпанбетованың бүгінгі таңдауы – азаматтық белсенділіктің және ел болашағына деген жанашырлықтың көрінісі.Құрылтай сайлауына қатысу арқылы әр азамат өз елінің ертеңіне деген көзқарасын білдіріп, қоғамның дамуына өзіндік үлесін қоса алады. Ел болашағының кемел болуы – білімді ұрпақпен қатар, белсенді әрі жауапты азаматтардың ортақ ұстанымына байланысты.

Оқу-ағарту саласының үздігі Ұлданай Тоқпанбетова өз таңдауын жасады

<a href="https://kyzylorda-news.kz/">Kyzylorda-news.kz</a> Сырдария ауданы, №156 сайлау учаскесінде тоғызқұмалақтан Қазақстан Республикасының еңбек сіңірген жаттықтырушысы, халықаралық және республикалық жарыстардың чемпиондары мен жүлдегерлерін тәрбиелеген Елеусин Білімжан Мектепханұлы дауыс берді.Ұлттық спортты дамытуға және жас ұрпақты тәрбиелеуге елеулі үлес қосып жүрген тәжірибелі жаттықтырушы өз таңдауын жасап, азаматтық міндетін орындады.Дауыс беру рәсімінен кейін журналистерге қысқаша сұхбат берген Елеусин Білімжан Мектепханұлы ел өміріндегі маңызды сәттерде әр азаматтың белсенділік танытып, өз таңдауын жасауы қажет екенін атап өтті.<blockquote>– Әр азаматтың дауысы маңызды. Бүгін өз таңдауымды жасап, азаматтық борышымды орындадым. Елдің болашағы жарқын болсын, – деді Елеусин Білімжан.</blockquote>Тоғызқұмалақтан шәкірт тәрбиелеп, ұлттық спорттың дамуына үлес қосып жүрген белгілі жаттықтырушының азаматтық ұстанымы көпшілікке үлгі.

Тоғызқұмалақ тарланы Елеусин Білімжан дауыс берді

<a href="https://kyzylorda-news.kz/">Kyzylorda-news.kz</a> Бүгін – Құрылтай сайлауы! Таңғы сағат 7.00-де Қызылорда өңіріндегі барлық сайлау учаскелері ашылып, өз жұмысын бастады.Комиссия мүшелері сайлау процесін ашық әрі заңнама талаптарына сай өткізуге дайын. Аймақта 386 сайлау учаскесі бар. Оның 132-ы Қызылорда қаласында, 254-і аудандарда орналасқан.Учаскелердің 27-і азаматтардың уақытша болу орындары яғни жабық учаскелер қатарында. Бұл учаскелерде тізімге енген азаматтар толық дауыс беріп болса, дауыс беру уақыты ерте аяқталуы мүмкін.Айта кетейік, өңірде 500591 азамат дауыс беруге құқылы. Тұрғындар кешкі 20.00-ге дейін өз аумағындағы учаскелерге келіп дауыс бере алады.<img src="https://knadmin.beoblood.kz/uploads/Whats_App_Image_2026_08_23_at_07_08_21_1_f37f59f3c9.jpeg" alt="Дауыс беру.jpeg">

Құрылтай сайлауы: Қызылорда облысының 386 учаскесінде дауыс беру басталды

<a href="https://kyzylorda-news.kz/">Kyzylorda-news.kz</a> Бүгін – Құрылтай сайлауы! Науқан кезінде Қызылорда өңірінде 386 учаске жұмыс жасайды.&nbsp; Вахталық әдіспен жұмыс істейтін мекемелер мен әскери бөлімшелердегі 6 учаскеде дауыс беру таңғы 6.00-де басталды. Оның 5-і кен орны, 1-і әскери бөлім. &nbsp;Бұл учаскелерде &nbsp;4627 азамат дауыс беруге құқылы.&nbsp;Науқанда «Құмкөл» кенішіндегі ауысыммен еңбек етіп жатқан азаматтар таңмен таласа келісіп, өз дауыстарын берді. Ауысыммен жұмыс істейтін мұнайшылар бір мезетте өз таңдауын жасап, азаматтық белсенділігін таныта білді. Маңызды науқанда учаскелерде 2720 комиссия мүшесі қызмет атқарады. Тұрғындар кешкі 20.00-ге дейін өз аумағындағы учаскелерге келіп дауыс бере алады.

6 учаскеде дауыс беру таңғы 6-да басталды

«Құзыреттілік орталығында» «Мерейлі отбасы – 2026» ұлттық байқауының облыстық кезеңін қорытындылауға арналған салтанатты шара өтті. Оған облыс әкімі Мұрат Ергешбаев, облыстық мәслихат төрағасы Мұрат Тлеумбетов, зиялы қауым өкілдері мен қоғамдық ұйымдардың белсенділері қатысты.Аймақ басшысы &nbsp;отбасы – қоғамның алтын діңгегі, ұлттың рухани тірегі екенін атап өтіп, қатысушыларға ризашылығын білдірді.<blockquote>«Баршаңызды отбасы құндылығын ұлықтап, шаңырақтың шырайын, ұрпақ тәрбиесінің өнегесін дәріптейтін «Мерейлі отбасы» ұлттық байқауының облыстық кезеңінің қорытындысымен шын жүректен құттықтаймын! Жыл сайын әр аймақтан өнегелі отбасылар байқауға белсене қатысып, құрметке ие болып келеді. Биыл қала, аудандардан 220 отбасы қатысып, 16 отбасы үздік деп танылды. Осындай үлгілі әулеттер ұрпақ сабақтастығын сақтап, құндылықтарды насихаттауға негіз қалайды. &nbsp;Президентіміз Қасым Жомарт Кемелұлы: «Отбасы институты еңбекқорлық, білімпаздық, тілектестік сынды «Адал азаматқа» тән қасиеттерді қоғамда жан-жақты дәріптеу арқылы ұлттың жаңа сапасын қалыптастыруға өлшеусіз үлес қосады», - деп атап өтті. Халықтық Конституциямызда отбасы мен ұрпақ тәрбиесінің қоғам өміріндегі орны айқын көрініс тапқан. Сондықтан отбасының мәртебесін көтеру, ата-ананың бала тәрбиесіндегі жауапкершілігін арттыру, балалардың құқықтары мен мүдделерін қорғау – баршамызға ортақ міндет. Шаңырақтың беріктігін сақтап, сыйластық пен мейірімділікті өмірінің өзегіне айналдырған барша отбасыларға шынайы ризашылығымды білдіремін. Әрбір шаңыраққа баянды бақыт, амандық пен бақ-береке тілеймін!», - деді Мұрат Нәлқожаұлы.</blockquote><ul><li style="text-align:justify;">«Мерейлі отбасы» ұлттық конкурсы облыстық кезеңінің жеңімпазы Құтмамбетовтер отбасы болып (Арал ауданы), бас жүлдені иеленді.</li><li style="text-align:justify;">Шиелілік Бәкіровтер отбасына І орын, қазалылық Досхожаевтар отбасына ІІ орын, қызылордалық Бимұратовтар отбасына ІІІ орын берілді.</li><li style="text-align:justify;">Мұнан бөлек, «Ұлағатты отбасы» номинациясы Жұмағалиевтер отбасына (Арал ауданы)&nbsp;</li><li style="text-align:justify;">«Берекелі отбасы» номинациясы Шахмарановтар отбасына &nbsp;(Қазалы ауданы),</li><li style="text-align:justify;">«Бәйтерек отбасы» номинациясы Тортаевтар отбасына (Қармақшы ауданы),</li><li style="text-align:justify;">«Кемел отбасы» номинациясы Қиясовтар отбасына &nbsp;(Қармақшы ауданы),</li><li style="text-align:justify;">«Жігерлі отбасы» номинациясы Түлековтер отбасына (Жалағаш ауданы),</li><li style="text-align:justify;">«Ынтымақты отбасы» номинациясы Ахметовтер отбасына (Жалағаш ауданы),</li><li style="text-align:justify;">«Еңбекқор отбасы» номинациясы Бисеновтер отбасына (Сырдария ауданы),</li><li style="text-align:justify;">«Өнегелі отбасы» номинациясы Бұрхановтар отбасына (Сырдария ауданы),</li><li style="text-align:justify;">«Мәуелі отбасы» номинациясы Әбішовтер отбасына (Шиелі ауданы),&nbsp;</li><li style="text-align:justify;">«Үлгілі отбасы» номинациясы Ақылбековтер отбасына (Жаңақорған ауданы),</li><li style="text-align:justify;">«Өнерлі отбасы» номинациясы Әуелбековтер отбасына (Жаңақорған ауданы),</li><li style="text-align:justify;">«Шуақты отбасы» номинациясы Бодановтар отбасына (Қызылорда қаласы) табысталды.&nbsp;</li></ul><img src="https://knadmin.beoblood.kz/uploads/FB_IMG_1787412856231_f936360c96.jpg" alt="FB_IMG_1787412856231.jpg">Жеңімпаздар сыйлықтар және қаржылай сертификаттармен марапатталды. Шара соңы мерекелік бағдарламаға ұласты.Өңірде әр отбасының әлеуметтік тұрақтылығын қамтамасыз етуге ерекше мән берілуде. Бүгінде облыста 17 500-ге жуық &nbsp;көпбалалы отбасы мемлекет тарапынан тұрақты қолдауға ие.Соңғы төрт жылда тұрғын үй кезегіндегі азаматтарға 8 мыңға жуық пәтер кілті беріліп, 30 мыңнан аса жерлесіміз баспаналы &nbsp;болды. 2026-2027 жылдары 6200-ден астам пәтер ел игілігіне табысталып, 25 мыңға жуық тұрғынның баспана мәселесін шешу жоспарлануда.&nbsp;Отбасы құндылығын дәріптеу, ұрпақ тәрбиесіне ерекше мән беру бағытында «Анаға тағзым», «Отбасы орталығы» жүйелі жұмыс жүргізеді. Аудандардағы «Руханият орталықтары» жас отбасыларға қолдау көрсетіп, маңызды бастамаларды жүзеге асырып келеді.<img src="https://knadmin.beoblood.kz/uploads/FB_IMG_1787412859059_1dc0be8077.jpg" alt="FB_IMG_1787412859059.jpg">

«Мерейлі отбасы» ұлттық байқауы облыстық кезеңінің жеңімпаздары марапатталды 

Облыс әкімі Мұрат Ергешбаевтың қатысуымен сол жағалаудағы екі көпқабатты тұрғын үйдің 90 пәтері әлеуметтік жағынан осал топтағы отбасыларға табысталды.&nbsp;Салтанатты шараға облыстық мәслихат төрағасы Мұрат Тлеумбетов, зиялы қауым өкілдері мен ел ағалары және қала тұрғындары қатысты.Аймақ басшысы жаңа қоныс иелерін құттықтап, ізгі тілегін жеткізді.«Баршаңызға көптен күткен жаңа қоныс құтты болсын! Президентіміз Қасым-Жомарт Кемелұлы: «Қолжетімді баспана – арман емес, біздің азаматтарымыздың алдындағы міндетіміз», - деген болатын. Бұл бағытта Сыр өңірінде байыпты бастамалар сәтті жүзеге асуда. Тұрғындардың әл-ауқатын арттыру үшін жайлы баспанамен, әлеуметтік нысандармен қамту жүйелі жолға қойылған. Бүгін &nbsp;кезекте тұрған жерлестерімізге аумағы 7 мың шаршы метрден асатын 90 пәтердің кілтін салтанатты түрде табыстаудамыз. Алдағы уақытта да шаһардың ажарын айшықтайтын заманауи үлгідегі тұрғын үйлер бой көтереді. Жаңа қоныс құтты, шаңырақтарыңыз биік, босағасы берік болсын, іші береке мен мерекеге толсын!&nbsp; Әр отаудан бүлдіршіндердің күлкісі естіліп, татулық салтанат құра берсін!», - деді Мұрат Нәлқожаұлы.Рәсімде ел ағасы Бақберген Досманбетов сөз сөйлеп, тұрғын үйді салған құрылысшылар облыс әкімінің Алғыс хатымен марапатталды.Мемлекет басшысының, Үкіметтің қолдауымен соңғы төрт жылда&nbsp; тұрғын үй кезегіндегі азаматтарға 8 мыңға жуық пәтер беріліп, 30 мыңнан астам жерлесіміз баспаналы болды.&nbsp;2026-2027 жылдары 6200-ден астам пәтер табысталып, 25 мыңға жуық тұрғынның баспана мәселесін шешу жоспарлануда.&nbsp;Бүгінде &nbsp;сол жағалауда бой көтерген 169 нысанның &nbsp;136-сы - көпқабатты тұрғын үй. Жаңа шағын аудан &nbsp;тұрғындарының &nbsp;саны 25 мыңнан асты.Халыққа жайлы орта қалыптастыру мақсатында 20 әлеуметтік, 13 ірі бизнес нысаны бой түзеп, ел игілігіне қызмет етуде.&nbsp;Қазіргі уақытта тағы 48 ғимарат салынып жатыр. Сондай-ақ И.Тоқтыбаев көшесінен сол жағалауға өтетін төрт жолақты жаңа көпір құрылысы жоспарланған.<img src="https://knadmin.beoblood.kz/uploads/FB_IMG_1787412503225_ec19033162.jpg" alt="FB_IMG_1787412503225.jpg">

Қызылордада  үй кезегінде тұрған тұрғындарға 90 пәтердің кілті табысталды 

<a href="https://kyzylorda-news.kz/">Kyzylorda-news.kz</a> Жыл басынан бері Арал ауданында денсаулық сақтау сала бойынша бірқатар жұмыстар атқарылуда. Солардың ішінде орталық аурухана жанынан 17 төсектік нейро-инсульт, 35 төсектік кардиология бөлімшелеріне арналған жапсаржай құрылысы аяқталғанын айтуға болады.Жыл соңына дейін аталған орталықты МРТ және ангиограф қондырғыларымен жабдықтау жоспарлануда. Сонымен қатар тозығы жеткен жұқпалы аурулар бөлімшесінің де жаңа ғимараты толықтай салынып, осы жылдың басында пайдалануға берілді.&nbsp;Оған қоса, Арал қаласының Шанхай, Жаңауыл мөлтек аудандарынан тәулігіне 250 келушіге арналған емхана құрылысының жоба-сметалық құжаттамасы әзірленіп, мемлекеттік сараптамадан өткізілді.&nbsp;Жобаны қаржыландыру бойынша тиісті салалық министрліктермен келісім жасалды. Қазіргі да аталған жоба қолдау тауып, мемлекеттік сатып алу жұмыстары жүргізілуде.&nbsp;Сурет: Нұрболат Нұржаубай

Арал: Денсаулық сақтау саласында бірқатар жұмыстар атқарылуда

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев азаматтарды жеке мәселелері бойынша қабылдады. Жеке қабылдау барысында аудан басшысы тұрғындардың арыз-шағымдары мен өтініштерін тыңдап, сауалдарына жауап берді.Қабылдауға келген азаматтар жұмыспен қамту және тұрғын үй мәселесі бойынша жүгінді. Аудан әкімі өтініш берушілердің барлық ұсыныстарын мұқият тыңдап, тиісті сала басшыларына қолданыстағы заңнаманың шеңберінде мәселелерді шешуге жұмыс жасауды тапсырды.

Сырдария: Тұрғындарды жеке қабылдап, мәселелерін тыңдады

Құрметті отандастар!Алдағы жексенбі күні елімізде жаңа бірпалаталы Құрылтайдың алғашқы сайлауы өтеді. Бұл – ұлт тағдырына тікелей әсер ететін тарихи оқиға.Еліміз соңғы жылдары ауқымды реформаларды жүзеге асырып, жарқын болашаққа батыл қадам басып келеді. Біз бірлік пен келісімнің және ынтымақтың арқасында Әділетті Қазақстанды құру ісінде зор жетістікке жеттік. Халық Конституциясы күшіне енді, еліміздің даму бағдары өзгерді. Дегенмен атқаратын жұмыс әлі де көп.Бұл сайлау халқымыздың игілігіне қызмет ететін тың реформаларға бастау болып, қазіргі Қазақстан жылнамасындағы жаңа кезеңге жол ашады.Мен партиялардың барлығы дайындық жұмыстарын тиісті деңгейде жүргізуі үшін Құрылтай сайлауы өтетін уақытты ертерек хабарладым.Сондықтан Құрылтайдың алғашқы сайлау науқаны мазмұнды, ашық, бәсекеге толы әрі өркениетті сипатта өтті. Ел азаматтарының сайлау туралы пікірі осындай болды.Бұл сайлау ел тарихындағы ең тартысты науқандардың бірі ретінде есте қалатыны анық. Партиялар сайлаушылармен кездесу кезінде, сондай-ақ ақпараттағы үгіт-насихат, жалпыұлттық теледебаттар, әлеуметтік желідегі пікірталастар барысында өз бағдарламаларын кеңінен әрі дәйекті түрде таныстырды.Бір сөзбен, азаматтарымыз партиялардың ел болашағына қатысты ұстанымын мұқият зерделеуге мүмкіндік алды. Саяси ұйымдардың экономикадан бастап мәдениет саласына дейін қамтыған бастамаларын бағалап-бағамдады.Сайлауалды науқан еліміздегі қоғамдық күн тәртібі өзгергенін, жасампаздық пен өркендеу идеясы мемлекет саясатының арқауына айналғанын айқын көрсетті. Жұрт алдына жаңа тұлғалар шықты, ұтымды ұсыныстар айтыла бастады. Бұл – түбегейлі саяси жаңғырумен қатар, ұлтымыздың қайта жанданған пассионарлық қуатын танытатын маңызды нышан.Қоғамдық пікірталасқа жастарымыз, кәсіби қауымдастық өкілдері мен кәсіпкерлер де белсенді қатысты. Мемлекет басшысы ретінде баршаңызға зор ризашылығымды білдіремін.Жалпы, халқымыздың саяси мәдениеті артып, жұртымыз мемлекеттік басқару ісіне атсалыса бастады. Бұл біз бір ел болып жүргізген реформалардың тікелей нәтижесі екені сөзсіз.Азаматтарымыз қастерлі Отанымыздың тағдырына шынайы жанашырлық танытып, еліміздің келешегіне жауапты екенін терең сезінуге тиіс. Сонда ғана Қазақстан одан әрі қарыштап дамиды.Сайлау науқаны отандық және халықаралық байқаушылардың жіті назарында болды. Олар дауыс беру күні де учаскелерде болады.Біз «Заң мен Тәртіп» қағидаты үстемдік құратын, халық үніне құлақ асатын, саяси және қоғамдық институттары тиімді жұмыс істейтін мемлекет құрып жатырмыз.Жалпыхалықтық дауыс берудің қорытындысы бойынша Құрылтайға кәсіби мамандар мен отаншыл азаматтар сайланады деп кәміл сенемін.Құрылтай әралуан көзқарас пен ұлт келешегі жолындағы ұмтылыстар тоғысатын біртұтас алаң болуға тиіс. Осылайша, Құрылтай ел жаңғыруына тың серпін беретін құрылымға айналмақ.Біз геосаяси шиеленіс ширығып, жаһандық сын-қатерлер күшейе түскен кезеңде бет алған бағытымыздан таймай, тек алға қарай жүруіміз қажет. Қазақстанды әлемдегі нағыз озық мемлекеттердің қатарына қосу үшін ауқымды жұмыс атқаруымыз керек, яғни ұлттық стратегиямызды табысты жүзеге асыруымыз қажет.Адамдар көп жағдайда қабылданған маңызды шешімдердің шынайы құндылығын жылдар өткен соң ғана түсінеді. Алдағы жексенбі ел тағдыры үшін дәл осындай бетбұрысты сәт болады.Біз Қазақстан тарихындағы жаңа кезеңге қадам басамыз. Осындай тағдыршешті сәтте әр адамның дауысы маңызды екені сөзсіз.Құрметті отандастар, еліміздің келешегі әр азаматтың саналы таңдауына байланысты болмақ. Сайлауға қатысу дегеніміз – халықтың өз ықтиярын білдіру, ел тағдырына бей-жай қарамай, азаматтық жауапкершілік таныту, ел игілігі үшін өнегелі іс жасау деген сөз. Дүние жүзінде миллиондаған адам өз сайлау құқы үшін күресуде.Қазақта «Келісіп пішкен тон келте болмас» деген мақал бар. Азаматтарды, әсіресе, жастарды сайлауға келіп, өз таңдауын жасауға, яғни Қазақстанның табысты дамуына үлес қосуға шақырамын.Халқымыздың дауысы қастерлі Отанымыздың тұғырын бекемдеуге, нағыз озық ел болуымызға тікелей ықпал етері анық.Баршаңызға амандық және табыс тілеймін!Отанымыз – Қазақстан Республикасы жасасын!akorda.kz

Қазақстан және Қызылорда облысының жаңалықтары