<a href="https://kyzylorda-news.kz/">Kyzylorda-news.kz</a> Биыл облыс мәдениетінде жемісті жетістіктер, толағай табыстар көп. Оған қолдау да жеткілікті. Бір жыл бедеріндегі аймақтың мәдениет саласында айтулы оқиғалар мен жаңалықтар көп болды. Жыл басында Шымкент қаласында өткен республикалық айтыста Бексұлтан Орынбасаров «Күміс домбыраны» иеленсе, қазақ мәдениеті мен әдебиетінің көрнекті өкілі Міржақып Дулатұлының 140 жылдығына орай өткізілген республикалық айтыста ІІІ дүркін «Алтын домбыра» иегері Мұхтар Ниязов бас жүлдені, Н.Тілендиевтің 100 жылдығына арналған халықаралық айтыста ақын, «Алтын домбыра» иегері Мейірбек Сұлтанхан бас жүлдені, Астанада өткен «Алтын домбыра – 2025» сөз бәйгесінде айтыскер ақын Бексұлтан Орынбасар І орын иегері атанды.&nbsp;Жалпы, 2025 жылдың 11 айында облыстық мәдениет үйлері мен клуб кәсіпорындарында 14 мыңға жуық мәдени шара өткізіліп, оған 1 млн-нан аса көрермен қамтылды. Алыс-жақын шетелдер мен еліміздің өзге өңірлерінде өткен халықаралық, республикалық конкурстарға аймағымыздан 500-ге жуық өнерпаз қатысып, 72 бас жүлдені, 140 жүлделі орындарға ие болды. Саладағы сан қилы жұмыстарды облыстық мәдениет, архивтер және құжаттама басқармасының басшысы Жанмұрат Сейілов Өңірлік коммуникациялар қызметінің ұйымдастыруымен өткен көшпелі брифингте мәлімдеді.<blockquote>- Н.Бекежанов атындағы қазақ академиялық музыкалық драма театры 2025 жылы 3 халықаралық, 1 республикалық фестивальге қатысып,3 бас жүлде мен І орынды иеленді. Сондай-ақ, облыстық филармониясында 217 мәдени іс-шара көрермен қауымға ұсынылды. Мемлекет басшысының Ұлттық құрылтайда Наурыз мерекесін кең көлемде атап өту тапсырмасына сәйкес облыс әкімінің қолдауымен Сыр өнерпаздарының қатысуымен2025 жылдың наурыз айында Еуропаның Финляндия, Эстония, Испания елдерінің Хельсинки, Таллин, Мадрид қалаларында еліміздің салт-дәстүрлерін халықаралық деңгейде насихаттап, Өнер күндері өткізілді. Қазанның 23-24 күндері Республика күніне және Қызылорда қаласының Қазақ АКСР-нің астанасы болғанына 100 жыл толуына орай, Швейцарияның Женева, Берн қалаларында Сыр өнерпаздарының концерті өтті. Осы жылдың 20-21 қыркүйек күндері Ұлы Абайдың 180 жылдығы мерейтойы құрметіне орай Абай және Шығыс Қазақстан облыстарында Қызылорда облысының Өнер күндері өткізілді. Алаштың анасы атанған Сыр өңірінің бай мәдениеті мен әдебиетінен, тарихы мен өнерінен ақпар беретін қайталанбас құнды жәдігерлерден «Сыр өңірі – Түркі өркениетінің алтын бесігі» тақырыбында көшпелі көрме ұйымдастырылды. Мәдениет саласындағы маңызды жұмыстар одан әрі жалғасын таба бермек,- деді Жанмұрат Жақсымұратұлы.</blockquote>

Мәдениет саласындағы мәйекті жұмыс

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен мәжіліс өтіп, су тапшылығы жағдайында алдағы егін егу маусымына дайындық барысы жан-жақты талқыланды. Мәжіліске «Қызылорда крахмал-сірне зауыты» ЖШС директоры Шухрат Құрбанов және шаруа қожалықтары құрылымдарының жетекшілері қатысты.Аудан басшысы суармалы сумен қамтамасыз ету, алдағы маусымда су тапшылығының болатынын ескерте отырып, егіс құрылымын қайта қарау мәселелерін атап өтті. Атап айтқанда, күріш алқаптарын қысқартып, су аз қажет ететін жүгері, мақсары және өзге де балама дақылдарға кезең-кезеңімен көшу бағыттарына тоқталды. Бұл жұмыстар аграрлық саланың тұрақтылығын сақтауға және су ресурстарын тиімді пайдалануға мүмкіндік беретінін айтты. Осы бағытта ауданда жүгері дақылын терең өңдейтін зауыт құрылысы салынатынын, қазір жұмыстар басталғанын жеткізді.Мәжіліс барысында “Қызылорда крахмал-сірне зауыты” серіктестігінің директоры Ш.Құрбанов “Жүгері дақылын терең өңдеу зауытын салу” жобасы туралы түсіндіріп өтті. Жобаның жалпы құны - 40 миллиард теңге. Жоба толық іске қосылған кезде 500 жаңа жұмыс орны ашылады деп күтілуде. Өндіріс орны суды аз қажет ететін жүгері дақылын еккен шаруашылықтардың өнімін толық қабылдайтын болады. Бұл ауыл шаруашылығы өнімдерінің өңделу деңгейін арттырып, отандық өнім көлемін көбейтуге және экспорттық әлеуетті нығайтуға мүмкіндік береді.Мәжіліс барысында шаруашылық құрылымдарының өкілдері өз ұсыныс-пікірлерін жеткізді.Аудан әкімі бірлесе жұмыс жасауды, алдағы егін маусымына дайындықты сапалы жүргізу керектігін атады.Фото: Сырдария ауданы әкімінің баспасөз қызметі

Сырдария: Егін егу маусымына дайындық барысы пысықталды

<a href="https://kyzylorda-news.kz/">Kyzylorda-news.kz</a> &nbsp;Биыл Қызылорда облысының мемлекеттік сәулет-құрылыс бақылауы басқармасына заңды тұлғалардан 893 өтініш түскен. Олардың дені құрылыс-монтаж жұмыстарына рұқсат алу және нысандардың пайдалануға берілуіне қатысты болған. Сәулет-құрылыс саласындағы заңнама талаптарын бұзған тұлғаларға қатысты 525 әкімшілік құқық бұзушылық туралы әкімшілік іс қозғалып, оларға тиісті айыппұл салу жазасы қолданылды. Бұл көрсеткіш өткен жылдың 11 айымен салыстырғанда 3 есе артқан.&nbsp;Мемлекеттік бюджет және жеке инвестициялар есебінен салынатын нысандарда құрылыс-монтаждау жұмыстарының басталғаны туралы түскен 2522хабарламаның заңдылығы тексеріліп, оның 1455-і тізілімге енгізілсе, 1067-і заңнама талаптарына сәйкес болмағандықтан кері қайтарылды. Бұл туралы облыстық мемлекеттік сәулет-құрылыс бақылау басқармасы басшысының орынбасары Мәди Әліп баяндады.<blockquote>- Биыл 2369 объектіні пайдалануға қабылдау туралы актінің 823-не оң қорытынды берілсе, 1546 актіге теріс қорытынды берілді. Сол сияқты, 214 аккредиттелген техникалық қадағалау ұйымдарынан «Е-Qurylys» жүйесіне 3401 айлық есептері түсіп, оның 3269-ы қабылданса, 132-і ескертпемен қабылданды. Есепті мерзімде басқармамен көрсетілетін 5 түрлі мемлекеттік қызметті алуға «Е-лицензирование» порталы арқылы 1971 өтініш түсті. Биыл басқарманың бақылауымен 81 тексеру жұмыстары өтті. Атап айтқанда: «Арнау Палас»мейрамханасы бойынша құрылыс жұмыстарын тоқтатып, бұрынғы қалпына келтіруге немесе нысанды заңдастыруға нұсқама берілді. Қалған, «Қызылорда қонақ үйі», «Айзада Плаза» сауда орталығы, Талғат базарының заңсыз дүңгіршектері және Әйтеке би көшесінде орналасқан 3 қабатты сауда үйінің жобадан ауытқыған бөліктері бұздырылды. Алдағы уақытта осы бағыттағы тиісті бақылау жұмыстары өз жалғасын тауып, заңсыз салынған құрылыс нысандарына мониторинг жұмыстары тұрақты түрде жүргізіледі,- деді Мәди Раманқұлұлы.</blockquote>

Мемлекеттік сәулет-бақылау басқармасы заңсыз құрылыстарға тоқтау салды

<a href="https://kyzylorda-news.kz/">Kyzylorda-news.kz</a> &nbsp;Облыс әкімінің бірінші орынбасары Данияр Жаналиновтың төрағалығымен облыс әкімдігі жанындағы терроризмге қарсы облыстық комиссия отырысы өтті.Онда білім басқармасы басшысының орынбасары кәмелетке толмағандар арасында экстремизм мен терроризмнің алдын алуға арналған жол картасының орындалуы туралы баяндады.Облыстық дене шынықтыру, спорт және туризм басқармасының басшысы Бақтияр Артаев өзі басқаратын салада экстремизм мен терроризмнің алдын алудың жол картасына сәйкес атқарылған жұмыстар туралы хабарлама жасады.Облыстық дін істері басқармасының басшысы Мира Қазбекова, облыстық қылмыстық атқару жүйесі департаментінің басқарма бастығы Бахыт Наурызбаев діни экстремизм мен терроризм профилактикасының тиімділігін арттыру шараларын атап өтті.​Данияр Еренғалиұлы жауапты тұлғаларға нақты тапсырмалар беріп, бірқатар міндет жүктеді.Фото: Қызылорда облысы әкімінің баспасөз қызметі

Облыс әкімдігі жанындағы терроризмге қарсы облыстық комиссия отырысы өтті

<a href="https://kyzylorda-news.kz/">Kyzylorda-news.kz</a> &nbsp;Өзбекстан Республикасының Нүкіс қаласында Бердақ атындағы Қарақалпақ мемлекеттік университетінің ұйымдастыруымен өткен «Қазіргі қарақалпақ филологиясының маңызды мәселелері» атты халықаралық ғылыми-теориялық конференцияға Қорқыт ата атындағы Қызылорда университетінің атынан философия докторы (PhD), Қазақ тілі мен әдебиеті және журналистика білім беру бағдарламасының жетекшісі Серікхан Жүзеев қатысты.Қарақалпақ тілі мен әдебиеті мамандығының 90 жылдық мерейтойына арналған бұл халықаралық шараға Орталық Азия елдері мен шетелдік беделді жоғары оқу орындарының жетекші ғалымдары, тілтану және әдебиеттану саласының мамандары жиналып, аймақтық тіл ғылымының өзекті мәселелерін талқылады. Конференция барысында филология ғылымдарының қазіргі даму бағыттары, түркологиядағы жаңа ғылыми әдіснамалар, әдеби мұраларды заманауи тұрғыдан зерделеу, тіл мен мәдениеттің жаһандану үдерістеріндегі орны сияқты маңызды ғылыми тақырыптар бойынша мазмұнды баяндамалар ұсынылды.Серікхан Әлханұлы ғылыми конференция барысында мазмұнды баяндама жасап, әртүрлі елдердің ғалымдарымен тәжірибе алмасып, зерттеулер бағытында университетаралық әріптестікті кеңейтуге бағытталған тығыз ғылыми байланыстар орнату мәселелерін көтерді.

Университет ғалымы Қарақалпақстанда өткен халықаралық конференцияға қатысты

<a href="https://kyzylorda-news.kz/">Kyzylorda-news.kz</a> &nbsp;Жамбыл облысы әкімдігінің Ақпарат және қоғамдық даму басқармасының «Қоғамдық келісім» КММ директоры Жинақбаева Мүбарак Қасымқызы мен Қызылорда облысы қоғамдық даму басқармасының «Қоғамдық келісім» КММ директоры Камалов Бақытжан Жарылқасынұлы жұмыс сапарымен Жалағаш ауданына келді.Сапар аясында қонақтар аудандық Руханият орталығының қызметімен танысты. Олар орталықтағы музей, Аналар бөлмесі, Ардагерлер бөлмесі, кітапхана және Қоғамдық келісім бөлмесін аралап көріп, заманауи тынысымен танысты.Сонымен қатар, Жинақбаева Мүбарак Қасымқызы мен Камалов Бақытжан Жарылқасынұлы аудандық Қазақстан халқы Ассамблеясы жанындағы Аналар кеңесі мен Ассамблея мүшелерімен кездесу өткізіп, бірлестіктің этносаралық келісім мен қоғамдық бірлікті нығайту бағытындағы тәжірибелерімен танысты. Кездесу барысында алдағы жоспарлар мен ынтымақтастық бағыттары да жан-жақты талқыланды.Бұл сапар өңірлер арасындағы тәжірибе алмасуды кеңейтуге, қоғамдық келісім мен ұлттық бірлікті нығайтуға бағытталған маңызды қадам болып отыр.

Аймақаралық тәжірибе алмасу күнi

<a href="https://kyzylorda-news.kz/">Kyzylorda-news.kz</a> &nbsp;Бүгін «AMANAT» партиясы облыстық филиалының төрағасы Жандос Базартай Шиелі ауданында арнайы жұмыс сапармен болды.Төраға ең алдымен аудан әкімі Айтбай Жандарбековпен кездесіп, ауданда партияның жобалары мен сайлауалды бағдарламасының орындалуы және жақында «AMANAT» партиясының ұйымдастыруымен өткен ауыл әкімдерінің диалог-платформасында Президент жүктеген міндеттерді іске асыру мәселелерін талқылады.Аудан басшысы Айтбай Жандарбеков әкімдікке «AMANAT» партиясынан ұсынылған. Ол кездесу барысында өзінің және партияның сайлауалды бағдарламасының аудан көлемінде орындалу деңгейі туралы кеңінен ақпарат берді.<blockquote>«Ауданда «AMANAT» партиясының «Қарызсыз қоғам», «Жер аманаты», «Ауыл аманаты» жобалары қарқынды жүзеге асырылуда. Мәселен, «Ауыл аманаты» жобасы аясында ағымдағы жылдың ақпан айында жалпы соммасы 259,7 млн.теңгені құрайтын 38 жоба қаржыландырылды. Қыркүйек айында 16 жоба ұсынылып, 10-ы қолдау тапты. Сонымен қатар, қазан айында комиссияға 26 жоба ұсынылып, 20 жоба мақұлданып отыр. Бүгінгі күні жобаларға қаражат аудару жұмыстары толығымен аяқталды. «Жер аманаты» жобасы шеңберінде биылға жоспарланған 4000 гектар артығымен, яғни 6900 гектар жер мемлекет меншігіне қайтарылды. Сайлауалды бағдарламада жоспарланған 54 іс-шараның 40 орындалды. Қалғаны орындалу үстінде. Жоспарға сәйкес орындалмау қауіпі бар шаралар жоқ», - деді Айтбай Жандарбеков.</blockquote>Келелі кездесуде төраға Жандос Базартай партияның мақсат – міндеттері туралы айтып, алдағы жоспарларымен бөлісті.

«AMANAT» партиясы облыстық филиалының төрағасы Шиелі ауданының әкімімен кездесті 

<a href="https://kyzylorda-news.kz/">Kyzylorda-news.kz</a> “AMANAT” партиясының “Кедергісіз келешек” жобасы аясында Арал ауданында қала аумағындағы әлеуметтік және қоғамдық нысандардың қолжетімділігіне мониторинг жүргізілді.Мониторинг тобы пандустардың техникалық талаптарға сәйкестігін, биіктік деңгейін, қауіпсіздік тұтқаларының орнатылуын және кіру-шығу алаңдарының жағдайын тексерді.Тексеру нәтижесінде бірқатар нысандарда талаптарға сай инфрақұрылым орнатылғаны анықталды. Сонымен қатар, кей мекемелерде стандартқа сәйкес келмейтін пандустар, бағыттаушы белгілердің және қауіпсіздік элементтерінің жеткіліксіздігі тіркелді.Анықталған кемшіліктер бойынша тиісті мекемелерге ескертулер беріліп, оларды жою жөнінде ұсыныстар жолданды. Партия филиалы бұл мәселелердің орындалуын бақылауда ұстайды.Жоба аясындағы жұмыстар азаматтардың тең қолжетімділігін қамтамасыз етуге бағытталған және жүйелі түрде жалғасады.

Ерекше жандарға қолайлы инфрақұрылым жасау партияның басты назарында

<a href="https://kyzylorda-news.kz/">Kyzylorda-news.kz</a> &nbsp;Бүгін облыстық мәслихат төрағасы Мұрат Тлеумбетов депутаттармен қала аумағындағы бірқатар құрылыс нысандарын аралады.Алдымен «Көрме орталығы» құрылыс алаңындағы жұмыс барысы тексерілді. Бұл көпфункционалды ғимаратта көрме, жәрмеңке, конференция және концерт өткізуге мүмкіндік бар. Экспозициялық кеңістігі кең және ашық форматта жобаланған, қажетіне қарай көрме құрылымдарын жылдам орнату және ауыстыруға жағдай жасалған. Нысан бір уақытта 215 адамды қабылдай алады.«Достық үйі» жақын арада пайдалануға берілмек. Ғимарат күннен қорғайтын сәндік панельдермен қапталған. Екінші және үшінші қабаттарда кеңселер, сондай-ақ холл, фойе, ресепшн, гардероб, 200 орындық үлкен зал, 60 орындық кофейня орналасады. Конференц-зал заманауи техникалармен жабдықталады.<img src="https://knadmin.beoblood.kz/uploads/2_rylys_ala_darynda_y_zh_mys_barysy_tekserildi_fd131679bf.jpg" alt="2Құрылыс алаңдарындағы жұмыс барысы тексерілді.jpg">Цокольді қабатта би студиясы, музыка және вокал кабинеттері, клуб, қоймалар, архив және қосалқы бөлмелер қарастырылған. Бүгінде ішкі әрлеу және дизайнерлік безендіру, сондай-ақ сыртқы абаттандыру жүргізілуде. Жұмыстың 95%-ы біткен. Құрылыс алаңында 7 техника және 135 жұмысшы еңбек етуде.<img src="https://knadmin.beoblood.kz/uploads/1_rylys_ala_darynda_y_zh_mys_barysy_tekserildi_0dc3df2049.jpg" alt="1Құрылыс алаңдарындағы жұмыс барысы тексерілді.jpg">Сондай-ақ, спорт инфрақұрылымын дамыту бағытындағы жобалардың бірі – сол жағалауда бой көтерген жаңа дене шынықтыру-сауықтыру кешені. Құрылысына 2,9 млрд теңге қаралған нысан «Қазақстан халқына» қорының қолдауымен салынуда. Кешенде бір мезетте 131 спортшы жаттыға алады. Бірінші қабатта волейбол, екінші қабатта күрес және басқа да залдар орналасады.Фото: Қызылорда облысы әкімінің баспасөз қызметі

Құрылыс алаңдарындағы жұмыс барысы тексерілді

<a href="https://kyzylorda-news.kz/">Kyzylorda-news.kz</a> &nbsp;Интерактивті RasInfo ресурсы – ғалымдар, аналитиктер, киберқауіпсіздік және медиасауаттылық саласының мамандарынан құралған команданың үш жыл бойы жүргізген жұмысының нәтижесі. Оның мақсаты – пайдаланушыларға цифрлық сауаттылықты арттыруға және дұрыс емес ақпарат индикаторларын анықтауға көмек көрсету, деп хабарлайды <a href="https://egemen.kz/">Egemen.kz.</a>Жоба нәтижелері 25-ші Орталық Азия медиа конференциясында Ташкентте, «Аудиторияны тарту: медиасауаттылық – дезинформацияға алдыңғы қатардағы жауап» сессиясы аясында ұсынылды.Жобаның жетекшісі, ҚазҰПУ профессоры Гүлмира Сұлтанбаева айтып өткендей, Еуропадағы Қауіпсіздік пен Ынтымақтастық Ұйымы өкілдері ұсынылған зерттеулердің медиасауаттылықты арттыру тұрғысынан өзектілігін жоғары бағалады. Конференцияда цифрлық тұрақтылық пен сыни ойлау қабілетін дамыту арқылы дезинформация мен дипфейктерге қарсы күресу бүгінгі таңда бүкіл әлем үшін маңызды екені айтылды.Сонымен қатар, RasInfo қолданбасы, оның кітапханасы және зерттеу базасы БАҚ еркіндігі мен киберқауіпсіздік саласының мамандары тарапынан қолдау тапты. Авторлық ұжым жобаның нәтижелерін Венаның ЕҚЫҰ кеңсесінде таныстыруды жоспарлап отыр.Гүлмира Сұлтанбаеваның айтуынша, жоба аясында үлкен ғылыми-зерттеу жұмысы жүргізілді. Соның ішінде «Қазақстандағы дұрыс емес ақпарат индикаторлары» атты коллективтік монография және «Цифрлық сауаттылық көрсеткіштері: Қазақстандағы ақпараттық мәдениетті дамыту жүйесі» атты әдістемелік нұсқаулық дайындалған.RasInfo ең кең аудиторияға бағытталған: мектеп оқушылары мен олардың ата-аналарынан бастап журналистер мен мемлекеттік қызметкерлерге дейін. Қолданба бес оқыту модулінен, сертификаттау жүйесінен, ашық деректер базалары каталогынан және ғылыми жариялымдар кітапханасынан тұрады. Айта кететін жайт, алғаш рет отандық тәжірибеде бағдарламаға фактчек жасау және дезинформацияны тануға арнайы үйретілген ЖИ енгізілді. Қолданба Қазақстан ақпарат алаңында болған жалған жаңалықтардың нақты кейстерімен жұмыс істейді. Әр фейк қысқаша мазмұны, пайда болу көзі, қолданылған құралдар, дезинформация түрі мен категориясы және пайдаланушыға арналған практикалық қорытынды арқылы талданады.Бұл формат фейк қалай пайда болатынын және оны қалай тануға болатынын нақты көрсетеді. Бес модуль біртіндеп цифрлық сауаттылық, медиақауіпсіздік және сыни ойлау дағдыларын қамтиды. Курс соңында QR-кодпен сертификат беріледі, бұл оқушылар мен жас мамандар үшін қосымша ынталандыру болып саналады.Қолданбада БҰҰ-дан бастап Дүниежүзілік банкке дейін шамамен 100 деректер базасы жинақталған. Әрбір базаның қысқаша сипаттамасы беріліп, пайдаланушы сілтеме арқылы тікелей бастапқы дереккөзге өтеді.Қолданба әзірше тест режимінде жұмыс істеп жатыр, бірақ желтоқсанда оның кең көлемде таныстырылуы жоспарланған. Гүлмира Сұлтанбаеваның айтуынша, жоба командасы Оқу-ағарту министрлігіне мен Ғылым және жоғары білім министрлігіне жүгініп, қолданбаны мектептерде, колледждерде және университеттерде пайдалану мүмкіндігін қамтамасыз етуді жоспарлап отыр.Профессордың айтуынша, жобаның практикалық маңызы – Қазақстан ғалымдарының жасаған ең басты құндылығы – адамға ақпараттық ортада бағдарлануға және манипуляциядан қорғануға көмектесетін қолжетімді әрі ғылыми тұрғыда негізделген құрал жасау.<blockquote>«Бұл коммерциялық қолданба немесе формальды оқу құралы емес. Бұл үш жылдық фундаменталды зерттеудің нәтижесі, мемлекеттік сараптамадан өткен, ғылыми қоғамдастық пен халықаралық апробациядан өткен өнім. Қолданба тез жұмыс істейді, әркімге қолжетімді және Қазақстан тұрғындары кезігетін нақты ақпараттық қауіптерді есепке алады», дейді Гүлмира Сұлтанбаева.</blockquote> Ол қазіргі ақпарат кең таралып, барлық салада цифрлық қарқын дамып жатқан кезеңде осындай мобильді ресурс ұлттық цифрлық қауіпсіздіктің маңызды элементі бола алатынын атап өтті.

Отандық ғалымдар дезинформацияға қарсы мобильді ресурс жасады

<a href="https://kyzylorda-news.kz/">Kyzylorda-news.kz</a> Қызылорда қаласында 2024 жылды жаңа әлеуметтік маңызы бар жоба — ЖОО және колледж студенттері үшін 350 төсек-орынға арналған жатақхана іске қосылды. Жоба жеке кәсіпкердің бастамасымен және мемлекеттік тапсырысты орналастыру тетігі арқылы жүзеге асырылды, бұл пайдалануға берілгеннен кейін объектіні тұрақты қаржыландыруды қамтамасыз етуге мүмкіндік береді.Жатақхана құрылысы кәсіпкердің өз қаражаты есебінен жүзеге асырылды, содан кейін мемлекет шығындарды 6 жыл ішінде өтей бастайды.Өтемақы мөлшері бекітілген нормативтер негізінде есептеледі: -құрылыс кезінде 1 орын үшін өтемақы — 195 АЕК (шамамен 767 мың теңге) құрайды;төлемдер ай сайын және нақты тұратын студенттер үшін ғана жүргізіледі.Жатақхана қауіпсіздік пен жайлылықтың өзекті талаптарына сай және тұрғын үй-жайлары, санитарлық-гигиеналық жабдықтары, демалыс аймақтары және оқу орындары бар заманауи ғимарат. Қолжетімділікке және жыл бойы тұру үшін жағдайлар жасауға ерекше назар аударылған.Мемлекеттік тапсырыс арқылы қаржыландыру бизнесті әлеуметтік міндеттерді шешуге тартудың негізгі тетігі болып табылады. Бұл тәсіл ашықтықты қамтамасыз етеді, кәсіпкерлерге мемлекеттен тұратын әрбір студент үшін кепілдендірілген төлемдерді алуға мүмкіндік береді.Қызылорда облысында алдағы 350 орындық жатақхана құрылысы өңірлік білім беру инфрақұрылымын дамытуға маңызды үлес болып табылады.Жобаны іске асыру оқытудың қолжетімділігін кеңейтуге, келген студенттерге жағдай жасауға және өңірдің білім беру мекемелерінің тартымдылығын арттыруға мүмкіндік береді. Бұл жоба мемлекет пен кәсіпкерлердің басым әлеуметтік міндеттерді шешудегі табысты өзара іс-қимылының кезекті үлгісі болды.

Қызылордада мемлекеттік тапсырыс аясында жаңа студенттік жатақхана іске қосылды

<a href="https://kyzylorda-news.kz/">Kyzylorda-news.kz</a> &nbsp;Қызылорда облысында ұзындығы 16,1 мың шақырымды құрайтын суару жүйелері бар. Оның ішінде 2,3 мың шақырым магистралды және шаруашылықаралық каналдар республикалық меншікте, 1,3 мың шақырым каналдар - Арна коммуналдық мемлекеттік мекемесі теңгерімінде, ал 12,5 мың шақырым ішкі шаруашылық каналдар аудан және қала әкімдіктерінің қарауында.Самарқанд қаласында өткен Мемлекетаралық су шаруашылығын үйлестіру комиссиясының отырысында Шардара су қоймасына вегетациялық кезеңде 3,7 млрд текше метр су түсетіні келісілгенімен, нақты 2,5 млрд текше метр ғана түсіп, жоспар 67,6 пайыз орындалған. , Осы жағдайға байланысты биыл облыс бойынша вегетациялық кезең күрделі өтті. Бұл туралы облыстық табиғи ресурстар және табиғат пайдалануды реттеу басқармасының басшысы Ғалымжан Еркебай мәлімдеді.<blockquote>- Мемлекет басшысы Жолдауында «ирригация жүйелері мен жалпы су шаруашылығы мәселесіне мұқият көңіл бөлу, көктемгі қарғын суды жинап, диқандар қажетіне жарату үшін гидрологиялық бекеттерді жөндеп, жаңғырту» қажеттігін тапсырған болатын. Осы бағытта облыста бірқатар жұмыстар атқарылуда. Су саласын дамытудың 2024-2028 жылдарға арналған кешенді жоспарына облыстан 112 жоба ұсынылды. Сонымен қатар, Ислам даму банкі қаржысы есебінен бірінші кезекте күрделі жөндеуді талап ететін 8 жоба жолданды. Биыл облыстық деңгейде 100 мың гектар алқапқа сексеуіл егу көзделген. Оның ішінде 15 мың гектарға көшет отырғызу, 85 мың гектарға 357 тонна галофитті тұқым араластырып себу жоспарланған. Қазіргі уақытта 15 мың гектарға 4,5 млн дана сексеуіл көшеті отырғызылды. Сондай-ақ 85 мың гектар алқапқа қажетті 71,4 тонна сексеуіл тұқымы толық жиналып, олар Республикалық орман селекциялық-тұқым өсіру орталығының Оңтүстік-батыс аймақтық филиалында өну сапасына тексерістен өтті,- деді Ғалымжан Бақтығалиұлы.</blockquote>Биыл орман шаруашылығы мекемелері мемлекеттік қызмет көрсету аясында ағаш кесу және орман билеттерін беру бойынша 605 жеке және заңды тұлғаға рұқсат оформлеп, облыстық бюджетке 17,2 млн теңге түсірді. Сонымен қатар, балық шаруашылығында да оң динамика байқалады. Басқармасы басшысы балық шаруашылығында атқарылған жұмыстарды да тізбектеп берді.<blockquote>- 2025 жылдың 11 айында 2 028,7 тонна балық өнімі 8 шет мемлекетке экспортталды. Бүгінде облыста 11 балық өңдеу зауыты жұмыс істейді, оның 4-еуінде Еуропалық Одаққа экспорттауға мүмкіндік беретін «Еврокод» нөмірлері бар. Экспортталатын негізгі балық түрлері: тыран, торта, алабұға, шортан, көксерке. 15 ақпаннан бастап 2026 жылдың 15 ақпанына дейінгі кезеңге Экология және табиғи ресурстар министрлігі Қызылорда облысына 107 390 дана жануарлар дүниесін пайдалану лимитін бекітті. Оның ішінде жануарлардың 6 түріне - 28 518 дана, құстардың 7 түріне - 78 872 дана бойынша аң аулауға рұқсат берілген, - деді Ғалымжан Бақтығалиұлы.</blockquote>

Қазақстан және Қызылорда облысының жаңалықтары