<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев қала және аудан әкімдерінің қатысуымен арнайы мәжіліс өткізіп, құрылыс нысандарының уақытылы және сапалы салынып, қолданысқа берілуі, күріш орағының барысы туралы мәселелерді талқылады.Сонымен бірге, қоғамдық саяси ахуалдың тұрақтылығын сақтау, елді мекендердің тазалығы, жылу маусымына әзірлік жайы да назардан тыс қалмады. Жиында қаладағы қоғамдық көлік қозғалысы, коммуналдық қызметтің үздіксіз әрі сапалы көрсетілуіне қатысты мәселелер де қозғалды.Аймақ басшысы құрылыс алаңдарындағы жұмыс барысын күнделікті қадағалауды тапсырды. Елді мекендердің тазалығы да ұдайы бақылауда ұсталуы тиіс. Жылу маусымы жақын қалғандықтан, бұл бағыттағы жұмыстардың тиянақты орындалуы маңызды.Нұрлыбек Машбекұлы тұтынушыларға сапалы, талапқа сай қызмет көрсетілуі тиіс екенін атап өтіп, орын алған кемшіліктерді тез арада түзету туралы тапсырмалар жүктеді. Тұрғындар күнделікті тұрмыс-тіршілікте кезігетін мәселелерді жиі көтереді. Бұл ұсыныстар мен түйткілдер жан-жақты сарапталуы керек.Жиында атқарылған жұмыстар баяндалып, тұрғындар қозғаған мәселелерді негізге алып, оларды тиімді шешу жолдары қарастырылды.<img src="https://knadmin.beoblood.kz/uploads/zh_mys_barysy_1_404facc771.jpg" alt="жұмыс барысы 1.jpg"><img src="https://knadmin.beoblood.kz/uploads/zh_mys_barysy_1_f1656a355a.jpg" alt="жұмыс барысы 1.jpg"><img src="https://knadmin.beoblood.kz/uploads/zh_mys_barysy_3_dbed4f9111.jpg" alt="жұмыс барысы 3.jpg">Фото: Қызылорда облысы әкімінің баспасөз қызметі

Аймақ басшысы: Жұмыс барысы күнделікті бақылауда болуы керек

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария ауданы, Тереңөзек кентінде мемлекет және қоғам қайраткері Елеу Көшербаевты еске алуға арналған волейболдан ХХV халықаралық турнирдің салтанатты ашылу рәсіміне қатысты. Іс-шараға ҚР Парламенті Мәжілісінің депутаты Мұрат Ергешбаев, Елеу Көшербаевтың ұрпақтары, мемлекет және қоғам қайраткерлері келді.Жарысқа Өзбекстаннан, Астана, Шымкент қалалары мен Ақтөбе, Алматы, Жамбыл, Түркістан, Шығыс Қазақстан және Қызылорда облыстарынан 25 команда қатысуда.Аймақ басшысы турнир қатысушыларына ізгі тілегін білдірді.<blockquote>«Президентіміз Қасым-Жомарт Кемелұлы Олимпиада ойындарының жүлдегерлерімен кездесуде: «Бұқаралық спортты дамыту арқылы біз кәсіби спортқа жол ашамыз және ең бастысы, ұлт саулығын жақсартамыз», – деген болатын.Мемлекет басшысының, Үкіметтің қолдауымен және кәсіпкерлердің демеушілігімен соңғы жылдары аймағымызда заманауи спорт нысандары көптеп бой көтеруде. Өткен жылы 13 спорт кешені салынып, бүгінде 9-ы ел игілігіне табысталды. Биыл 10 спорт кешенінің құрылысы басталды.Бұдан бөлек, халықаралық стандарттарға сай келетін 10 000 орындық Орталық стадион және жабық бассейні бар көпсалалы денешынықтыру-сауықтыру кешені салынуда. Үстел теннисі орталығының құрылысы аяқталды, жақында пайдалануға беріледі. Құрылысы жоспарланған «Қызылорда Арена» көпбейінді спорт кешенінде 2000 көрерменге арналған арена, олимпиадалық стандартқа сай келетін бассейн және 600 адамдық көрермен залы, жаттығу, конференц және хореография залдары болады. Қазақстан футбол федерациясының «ALAN» бағдарламасымен Ғани Мұратбаев атындағы стадионның қосалқы алаңы күрделі жөндеуден өткізілуде. Осылайша біз жастар мен жасөспірімдердің бос уақытын тиімді ұйымдастырып, спортпен шұғылдануына қолайлы орта қалыптастырудамыз. «Спорт – денсаулық кепілі» десек, нысандарды көпшілікке қолжетімді ету арқылы халық денсаулығын жақсарту біздің басты міндетіміз болып қала бермек», – деді Нұрлыбек Машбекұлы.</blockquote>Салтанатты ашылу рәсімінде мемлекет және қоғам қайраткері, Қызылорда облысының Құрметті азаматы Айтбай Көшербай мен Мәжіліс депутаты Мұрат Ергешбаев сөз сөйледі. Сондай-ақ, іс-шарада турнирді ұйымдастыруға атсалысқан спорт саласының қызметкерлері марапатталды.Е.Көшербаев Тереңөзек, Сырдария аудандық атқару комитеттерінің төрағасы, Қармақшы, Қазалы аудандық партия комитеттерінің бірінші хатшысы, облыстық атқару комитеті төрағасының орынбасары болған. Зейнетке шыққан соң да облыстық ардагерлер кеңесінің төрағасы ретінде игі істер атқарған.<img src="https://knadmin.beoblood.kz/uploads/turnir_1_aaebffff13.jpg" alt="турнир 1.jpg"><img src="https://knadmin.beoblood.kz/uploads/turnir_2_895de29e3b.jpg" alt="турнир 2.jpg"><img src="https://knadmin.beoblood.kz/uploads/turnir_3_aa057f4187.jpg" alt="турнир 3.jpg">Фото: Қызылорда облысы әкімінің баспасөз қызметі

Елеу Көшербаевты еске алуға арналған халықаралық турнир басталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен «Ауыл аманаты» және «Артспорт»&nbsp;бағдарламаларының өңірде жүзеге асырылуы талқыланған мәжіліс өтті.Аймақ басшысы аталған бағдарламалар бойынша жұмысты күшейтуді тапсырды.<blockquote>«Ауыл аманаты» бағдарламасы біздің өңірде былтыр бастау алды. Өткен жылы республикалық бюджеттен 3 млрд. теңге қаржы бөлінсе, биыл 4 млрд. 600 млн. теңге қаралды. Қазіргі таңда нақты 1 млрд. теңге қаржы бөлінді. Қызылорда қаласы мен аудандарда 125 жобаны іске асыру жоспарланған, бүгінде 512 млн. теңгенің 68 жобасы қолдау тапқан. Аудандардан ұсынылған жоба өте көп. Бірақ, құжат қабылдау, портал жұмысының баяулығы жұмысқа кедергі келтіруде. Өткен жылы несие алған азаматтар салық және міндетті әлеуметтік төлемдерді дұрыс төлемеген. Бағдарламаны тиімді және мақсатты пайдаланып, ауыл халқының табысын арттыруда жоғары көрсеткіштерге қол жеткізуіміз қажет. Әрбір жоба және оны сүйемелдеу жұмыстарының барысы жеке-жеке сұралатын болады», – деді Нұрлыбек Машбекұлы.</blockquote>Жиында аудан әкімдері бағдарлама аясында атқарылған жұмыстар мен алдағы уақытта жоспарланған шараларды баяндады.Қызылорда қаласы мен аудан әкімдеріне облыстық ауыл шаруашылығы және жер қатынастары басқармасымен бірлесіп, өткен жылы несие алғандарға толыққанды талдау және мониторинг жасау тапсырылды. Анықталған ақпаратты басқармаға ұсынып, елді мекендердегі кәсіп бастаймын деген ынталы азаматтардың бағдарламаға қатысуын қамтамасыз ету, сүйемелдеу керек.Сондай-ақ, аталған басқарма «Байқоңыр» әлеуметтік-кәсіпкерлік корпорациясымен бірлесіп, «Ауыл аманаты» бағдарламасына қаралған қаражаттың тиімді әрі уақытылы игерілуін қамтамасыз етуі тиіс. Облыстық жұмыспен қамтуды үйлестіру және әлеуметтік бағдарламалар басқармасы несие иеленгендер арасынан атаулы әлеуметтік көмек алушыларды анықтап, отбасының цифрлық картасы негізінде міндетті әлеуметтік төлемдер және оның категориялары бөлінісіндегі ақпаратты ұсынуға жауапты. Ал облыстық денсаулық сақтау басқармасына міндетті әлеуметтік-медициналық сақтандыру қорына аударым жасаған несие алушыларға талдау жүргізу жөнінде тапсырма берілді.Мұнан бөлек, облыс әкімі «Артспорт» бағдарламасы аясында балалар мен жасөспірімдерге арналған cпорттық тапсырысты орындайтын кәсіпкерлер жұмысын әлі де зерделеу қажет екенін ескертті. Бюджеттің әрбір тиыны бақылауда болуы тиіс. Сондықтан мониторингтік топ жұмысын тұрақты түрде жалғастыру қажет.<img src="https://knadmin.beoblood.kz/uploads/oblys_kimi_1_fc3b95bc4a.jpg" alt="облыс әкімі 1.jpg"><img src="https://knadmin.beoblood.kz/uploads/oblys_kimi_2_06a4d22dd6.jpg" alt="облыс әкімі 2.jpg"><img src="https://knadmin.beoblood.kz/uploads/oblys_kimi_3_fabf0ff9ae.jpg" alt="облыс әкімі 3.jpg">Фото: Қызылорда облысы әкімінің баспасөз қызметі

 Н.Нәлібаев: Маңызды бағдарламаларды іркіліссіз іске асыру қажет

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаевтың төрағалығымен өткен мәжілісте автогаз құю бекеттері арқылы сұйытылған мұнай газын сату мәселесі талқыланды.Аймақ басшысы операторлардан сатылым лимитін алып тастауды талап етіп, газ тапшылығын қолдан жасауға тыйым салды.«Энергетика министрлігінің 26 маусымдағы №233 бұйрығына сәйкес сұйытылған газдың бағасы 1 шілдеден бастап өсті. Нақтырақ айтқанда, өңірімізде шекті бөлшек сауда бағасы 1 литр үшін – 70 теңге, ал, облыс орталығынан 200 шақырымнан астам қашықта орналасқан шалғай аудандарда 1 литрі – 75 теңге.Жаз айларында Түркістан облысы мен Шымкент қаласында газ тапшылығы байқалды. Ұлытау облысында баға біздің өңірмен салыстырғанда едәуір көтерілген, 1 литрі 84-89 теңге, бұрын 76-81 теңге еді.Операторлардың газды не үшін талонмен сататыны белгілі. Жеке және заңды тұлғалармен келісімге келіп, оларды газбен толық қамтамасыз етуге жұмыс жасайды. Әлеуметтік газды тек халыққа сату керектігі былтыр да қатаң ескертілді.Бұл мәселеде мен халықты қолдаймын, қарапайым тұрғындар газ тапшылығынан зардап шекпеуі керек. Автобекеттерде кезек болмауын қадағалаңыздар. Қазіргі қойылған лимитті алып тастаңыздар», – деп тапсырды Нұрлыбек Машбекұлы.Облыстық кәсіпкерлік және өнеркәсіп басқармасының басшысы Бекболат Шәріпбеков аталған мәселеге орай хабарлама жасады. Облыс аумағында 25 оператор 210 автогаз құю бекеті арқылы сұйытылған мұнай газын сатады. Қыркүйек айына аймаққа 7 184 тонна газ бөлінді.Облыс әкімі операторларға коммерциялық газды өз қаражатына алу керектігін ескертті. Ал әлеуметтік газды жоғары бағамен сатқандар жауапкершілікке тартылады.Жиын қорытындысында жауапты басшыларға газдың басқа өңірлерге тасымалданбауы үшін Түркістан және Ұлытау, Ақтөбе облыстарының шекарасына тәулік бойы кезекшілік қою тапсырылды. Бәсекелестікті қорғау және дамыту департаменті Қызылорда қаласы және аудан әкімдерімен бірлесіп, барлық оператордың газ қорына мониторинг жүргізіп, талонмен сатуға және оның бағасына зерделеу жүргізеді. Егер заңнама талаптары бұзылса, нақты шара қабылдау қажет.Бұл жұмыстарды бақылау облыс әкімінің орынбасары Ардақ Зебешевке жүктелді.<img src="https://knadmin.beoblood.kz/uploads/gaz_1_6a7482eea0.jpg" alt="газ 1.jpg"><img src="https://knadmin.beoblood.kz/uploads/gaz_2_9bf4d4cb72.jpg" alt="газ 2.jpg"><img src="https://knadmin.beoblood.kz/uploads/gaz_fedbbfe36f.jpg" alt="газ.jpg">Фото: Қызылорда облысы әкімінің баспасөз қызметі

Н.Нәлібаев: «Газ тапшылығын қолдан жасауға жол берілмейді»

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Шиелі ауданына жұмыс сапары кезінде №252 мектеп-гимназияның 375 орындық қосымша оқу ғимаратының құрылысымен танысты.Аудан орталығындағы мектеп-гимназия 1967 жылы салынған, екі қабатты, газбен жылытылады. Наурыз айында 375 орындық, үш қабатты қосымша оқу ғимаратының құрылысы басталған. Бас мердігер «Ахат+ГС» ЖШС, жоба құны – 625,6 млн. теңге. Аймақ басшысы құрылысты сапалы әрі жылдам жүргізуді тапсырды.Айта кетейік, жаңа оқу жылында Шиелі ауданының «Жансейіт» елді мекенінде 100 орындық жаңа мектеп ел игілігіне берілді. Аудан орталығында 200 орындық оқушылар үйі мен 50 орындық өнер мектебінің құрылысы жақын арада басталмақ. Мемлекет басшысының бастамасымен қолға алынған «Жайлы мектеп» ұлттық жобасы аясында 900 орындық мектеп салынады.Шиелі кентінде 30 төсектік жұқпалы аурулар бөлімшесі мен көпбейінді орталық аудандық ауруханаға қосымша ғимарат қосылып, қайта жаңғырту жұмыстары басталды. Өткен жылы Бала би, Досбол датқа, «Бұланбай бауы» елді мекендерінде медициналық амбулаториялар пайдалануға берілді. Биыл облыс аумағында қолға алынған 11 дәрігерлік амбулаторияның 5-уі «Алмалы», Тәжібаев, «Ортақшыл», «Тартоғай», «Бестам» ауылдарында бой көтермек.Шиеліде «Руханият» орталығының құрылысы қарқын алды. Атап өту қажет, дәл осындай ғимараттар өңірдің барлық ауданында салынуда. Орталықтар жыл соңына дейін қолданысқа беріледі.<img src="https://knadmin.beoblood.kz/uploads/Shieli_bilim_m_alim_453e71c3fe.jpg" alt="Шиелі білім мұғалім.jpg"><img src="https://knadmin.beoblood.kz/uploads/Shieli_bilim_o_ushylar_a26e1330db.jpg" alt="Шиелі білім оқушылар.jpg"><img src="https://knadmin.beoblood.kz/uploads/Shieli_o_ushylar_2f93df0cf5.jpg" alt="Шиелі оқушылар.jpg">Фото: Қызылорда облысы әкімінің баспасөз қызметі

Аймақ басшысы Шиелі ауданындағы мектеп құрылысымен танысты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен аймақтың құрылыс саласындағы өзекті мәселелері талқыланған мәжіліс өтті.&nbsp;Жиынға өңірде тұрғын үй мен әлеуметтік нысандарды салатын құрылыс компаниялардың басшылары шақырылды.Жауапты тұлғалар елді мекендерде әлеуметтік нысандар мен тұрғын үй салу барысын баяндады.Айта кетейік, облыс орталығы бүгінде қарқынды құрылыс алаңына, өркенді өзгерістердің ордасына айналды. Биыл 187 құрылыс салынуда. Мемлекеттік қолдау мен ұлттық жобалар аясында қаржыландырудың барлық көзінен өңірімізде 869 мың 300 шаршы метр тұрғын үй пайдалануға беріледі. Соңғы 2 жылда 4 мыңға жуық пәтер табысталып, 17 мың тұрғынның баспана мәселесі шешілді. Осылайша, тұрғын үй құрылысы көлемі 126 пайызға өсті.Мемлекеттік бюджеттен бөлінген 34 млрд. 100 млн. теңгеге 2,5 мыңнан астам пәтер пайдалануға беріледі. Өңірде жыл басынан бері 750-ден астам отбасы қоныс тойын тойлады.Жыл басынан бері 1000 орындық Өнер орталығы, заманауи үлгідегі жаңа автовокзал ғимараты пайдалануға берілді. "Қорқыт ата әуежайының" жаңа терминалы - жерлестеріміз үшін өте маңызды жоба. Жаңа нысан жақын күндері ел игілігіне табысталады.Мемлекет басшысының тікелей қолдауымен Қызылорда қаласында қуаттылығы 240 мегаватты құрайтын жаңа жылу-электр орталығының құрылысы қарқынды жүруде. Орталық 2025 жылы тамыз айында пайдалануға берілмек. Сондай-ақ,Қызылорда қаласын ыстық сумен қамту жобасы шеңберінде 623 көпқабатты тұрғын үйге ыстық су жеткізіледі.Биыл «Білімді қолдау қоры» есебінен физика-математика мектеп-интернаты, «Жайлы мектеп» ұлттық жобасы аясында 10 мектеп ел игілігіне табысталады. Облыс орталығында Шығармашылық академиясының, көпбейінді аурухананың құрылысы салынуда. Қан орталығы пайдалануға берілді. «Ауылдық денсаулық сақтауды жаңғырту» ұлттық жобасы аясында салынатын 27 нысанның өткен жылы 16-сы ел игілігіне табысталды.Жыл соңына дейін 11 медициналық нысан пайдалануға беріледі.Сол жағалауда Үстел теннисі орталығының, Орталық стадионның құрылысы қарқынды жүруде.Барлық ауданда неке қию залы, кітапхана, музей, архив, жастар сарайы, ардагерлер мен аналар үйін біріктіретін «Руханият» орталықтары, сол жағалауда жаңа өлкетану музейінің құрылысы бой көтеруде.Қала тұрғындары мен қонақтарының сүйікті демалыс орнына айналған Орталық алаң демеушілер есебінен жаңғыртудан өтті.Алдағы уақытта елдің игілігі мен балалардың болашағы үшін жасалатын ауқымды жобалар жалғасын табады. Аймақ басшысы барлық жобаларды тиянақты жүзеге асырып, мерзімінде аяқтауды тапсырды.Сондай-ақ, жиында алдағы жылу беру маусымына дайындық барысы талқыланды. Жауапты мекемелерге жөндеу жұмыстарын уақытылы аяқтап, барлық нысанның дайындығын қатаң қадағалау тапсырылды.<img src="https://knadmin.beoblood.kz/uploads/akimat_rylys_1_d2304f0426.jpg" alt="акимат құрылыс 1.jpg">Фото: Қызылорда облысы әкімінің баспасөз қызметі

Құрылыс саласындағы өзекті мәселелер талқыланды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Сыр өңіріне арнайы жұмыс сапарымен келген "Қазақстан Темір Жолы" ҰК" АҚ Басқарма төрағасы Нұрлан Сауранбаевпен бірге жаңғыртылған теміржол вокзалының жұмысымен танысты.Өткен жылы "ҚТЖ" компаниясының және жергілікті кәсіпкерлердің демеушілігімен 577 млн. теңгеге вокзалдың 1905 және 1969 жылдары салынған екі ғимараты жаңғыртылды. Қасбеті қапталып, кіреберістері ауыстырылды және шатыры жөнделді. Сумен, электрмен жабдықтау, жылыту және өрт дабылы жүйелеріне жөндеу жүргізілді. Ішкі бөлмелер әрленіп, есік-терезелер қалпына келтірілді, плитка төселді. Перрон мен жолаушылар платформасына асфальт төселіп, баспалдақтар мен пандустар монтаждалды. Вокзал маңы және ғимарат іші жарықтандырылды.​Қызылорда вокзалы арқылы 28 пойыз өтеді. Жолаушылар ағыны тәулігіне шамамен 3900 адамды құрайды.<img src="https://knadmin.beoblood.kz/uploads/Predsedatel_Pravleniya_AO_NK_KT_Zh_posetil_Kyzylordu_1_935f0a696b.jpg" alt="Председатель Правления АО «НК «КТЖ» посетил Кызылорду 1.jpg"><img src="https://knadmin.beoblood.kz/uploads/Predsedatel_Pravleniya_AO_NK_KT_Zh_posetil_Kyzylordu_2_1baebe9e4c.jpg" alt="Председатель Правления АО «НК «КТЖ» посетил Кызылорду 2.jpg">Фото: Қызылорда облысы әкімінің баспасөз қызметі

"ҚТЖ" АҚ басқарма төрағасы Н.Сауранбаев Сыр өңіріне жұмыс сапарымен келді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте балалар мен жасөспірімдердің шығармашылық және спорттық үйірмелерін жан басына қаржыландыру бағдарламасы аясында мемлекеттік тапсырысты орындау мәселелері қаралды.Аймақ басшысы мемлекет қаражатын тиімді жұмсауды ескертіп, облыстық деңгейде арнайы мониторингтік топ құрылғанын атап өтті.«2021-2024 жылдары балалар мен жасөспірімдердің шығармашылық және спорттық үйірмелерін жан басына қаржыландыру бағдарламасына облыстық бюджеттен 19,2 млрд.теңге бөлінді. Аталған бағдарламаға 2023 жылы 7,1 млрд. теңге жоспарланып, мониторинг жүргізілген соң 3,8 млрд. теңгесі бюджетке қайтарылды.Бюджет қаражатын талан-таражға салуға жол берілмейді, ол үшін мониторинг ұдайы жүргізілуі тиіс. Осы мақсатта адамның бет-әлпеті арқылы жеке басын анықтайтын биометриялық технологияны, яғни Face ID мобильді қосымшасын жедел орнатуды тапсырғанмын. Алайда, әлі күнге дейін нақты нәтиже жоқ! Кәсіп иелерімен келісім толық жасалмады. Бұл мәселе бойынша менің тапсырмаммен облыстық деңгейде арнайы мобильді мониторингтік топ құрылды. Топ жедел әрекет етуі үшін Қызылорда қаласы мен аудан әкімдері де тиісті сала мамандарын оның құрамына енгізіп, жұмыс ауқымын кеңейтуі керек. Құрамына СЭС, полиция, салық, төтенше жағдай мамандарын, мәслихат депутаттарын, қала және аудандардағы білім, мәдениет, спорт бөлімдерінің басшыларын, қоғам белсенділерін, үкіметтік емес ұйымдарды, бала құқықтары бойынша уәкілді, тағы басқа қызметкерлерді кеңінен тарту қажет. Топ ертең толық жасақталып, жұмысқа кіріссін», – деді Нұрлыбек Машбекұлы.Мониторингтік топ сабақ өткізетін үй-жайда ыстық және суық су, дәретхана, кәріз жүйесі болуын, санитариялық талаптардың сақталуын, балалардың жеке гигиена құралдарымен қамтылуын қадағалайды. Топтағы бала санының рұқсат етілген шегінен кем болмауын, жеке шкафтармен жабдықталуын, бейнемұрағаты кемінде 30 күн сақталатын бейнебақылау камерасымен, өрт қауіпсіздігі жүйесімен қамтамасыз етілуін тексеретін болады. Барлық мониторингтік жұмыс осы айдың соңында аяқталуы тиіс.Мониторингтік топ жұмысын бақылау облыс әкімінің орынбасары Шахмардан Баймановқа тапсырылды.<img src="https://knadmin.beoblood.kz/uploads/Monitoring_uchebnyh_kabinetov_provedut_v_Kyzylorde_1_a9a6e8da7c.jpg" alt="Мониторинг учебных кабинетов проведут в Кызылорде 1.jpg"><img src="https://knadmin.beoblood.kz/uploads/Monitoring_uchebnyh_kabinetov_provedut_v_Kyzylorde_13ad5eacd6.jpg" alt="Мониторинг учебных кабинетов проведут в Кызылорде.jpg">Фото: Қызылорда облысы әкімінің баспасөз қызметі

Оқу кабинеттеріне мониторинг жүргізілмек

&nbsp;<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов Ішкі істер министрінің, облыстар мен Астана, Алматы, Шымкент қалалары әкімдерінің, сондай-ақ Қаржы мониторингі, Қаржы нарығын реттеу және дамыту агенттіктері төрағаларының қатысуымен ҚР Үкіметі жанындағы Құқық бұзушылықтың алдын алу жөніндегі ведомствоаралық комиссияның отырысын өткізді.&nbsp;Облыс әкімі Нұрлыбек Нәлібаев комиссия отырысына селекторлық байланыс арқылы қатысты.Жиында интернет-алаяқтыққа қарсы күрес, қаржы пирамидаларының алдын алу, қоғамдық құқықтық тәртіпті қамтамасыз ету, кәмелетке толмағандар арасындағы құқық бұзушылықтардың алдын алу мәселелері қаралды.Ішкі істер министрі Ержан Саденов алаяқтыққа қарсы іс-қимыл шеңберінде «Киберпол» арнайы топтары 2,5 мыңнан астам қылмысты ашқанын, нәтижесінде 962 млн теңге көлеміндегі шығын өтелгенін баяндады. Сонымен қатар, 914 қылмыскер ұсталды, жалған нөмірлерден түскен 58 млн қоңырау бұғатталды. Еліміздің 5 қаласында 19 SIM-бокс және 6 мыңнан астам тіркелмеген SIM-карталары анықталды. «Антифрод-орталық» жұмысы аясында шетелге шығару сатысында тұрған 400 млн теңге бұғатталды. Шараларды күшейту үшін несие беруден ерікті түрде бас тарту, сондай-ақ жәбірленушінің қатысуынсыз ресімделген несиелерді есептен шығару бойынша бірқатар заңнамалық түзету пысықталуда.Үкімет басшысы қауіпсіздікті қамтамасыз ету үшін ең ұсақ құқық бұзушылықтарға да әдістемелік реакциялар қажет екенін атап өтті. Көшелердегі, қоғамдық орындардағы жалпы тәртіп шешуші рөл атқарады, қылмыс пен құқық бұзушылықтың жалпы деңгейіне әсер етеді. Премьер-министр өңірлердегі жұмысты күшейтуді тапсырды.Күн тәртібінде кәмелетке толмағандар арасындағы құқық бұзушылықтың алдын алу мәселесі қаралып, қылмыс деңгейін одан әрі төмендету бойынша қосымша шаралар кешенін әзірлеу міндеті жүктелді. Қолдауға мұқтаж отбасыларды анықтау шараларын күшейту үшін отбасының цифрлық картасының функционалдығын кеңейту керек. Сондай-ақ, балаларға қатысты зорлық-зомбылық және суицид көріністерін анықтаудың жаңа тәсілдерін әзірлеп, оқу орындарының психологиялық қызметінің жұмысын күшейту қажет. Қаржы министрлігіне кәмелетке толмағандарға алкоголь және темекі өнімдерін сатуға жол бермеу жөніндегі жұмысты жандандыру тапсырылды. Бұдан басқа, баланың психологиялық және физикалық дамуына зиян келтіретін құқыққа қарсы мазмұнға қол жеткізуді шектеуді көздейтін қосымшаны әзірлеу мәселесі пысықталатын болады.Мемлекет басшысының халыққа арнаған Жолдауында азаматтардың қауіпсіздігін қамтамасыз ету стратегиялық басымдық ретінде айқындалған. Отырыста Ішкі істер министрлігіне күш-жігерді шоғырландыру бойынша жаңа тәсілдерді іске асыру және құқық бұзушылықтардың алдын алудың жаңа әрі тиімді жүйесін құру тапсырылды.<img src="https://knadmin.beoblood.kz/uploads/10_6e5ff4e335.jpg" alt="10.jpg"><img src="https://knadmin.beoblood.kz/uploads/11_c0bbff0d52.jpg" alt="11.jpg">Фото: Қызылорда облысы әкімінің баспасөз қызметі

Құқық бұзушылықтың алдын алу жөніндегі ведомствоаралық комиссияның отырысы өтті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен өткен мәжілісте жылу беру маусымына дайындық барысы қаралды.<blockquote>«Өздеріңізге белгілі, жылу беру маусымына әзірлік Мемлекет басшысы мен Үкіметтің тікелей бақылауында. Биыл жылу көздері мен желілерін жаңғыртуға республикалық және жергілікті бюджеттен 12 млрд.теңге қаржы бөлінді. Осы қаржыны тиімді игеріп, жұмысты уақытылы және сапалы жүргізу қажет. Нысандардың барлығы 1 қазанда дайын болу керек. Облыс тұрғындарын көмірмен қамтамасыз етудегі түйткілдер де түгелімен шешім табуы, алдағы жылу беру маусымында ешқандай мәселе туындамауы тиіс», – деді Нұрлыбек Машбекұлы.</blockquote>Өткен мәжілісте қала және аудан әкімдеріне тұрғындарға қажетті көмір қорын жасақтау тапсырылды. Алайда, бүгінгі күнге теміржол арқылы жеткізілген көмірдің көлемі жеткіліксіз. Аудан әкімдері операторлармен, «Қазақстан Темір жолымен» тығыз жұмыс жасауы қажет.Осыған дейін коммуналдық мекеме басшыларына қарыздарды толық өтеу ескертілген болатын. Дегенмен, бүгінде ЖЭО-ның «ҚазақГаз» алдындағы қарызы 38 млн. теңгеге жеткен, ал КРЭК-тің ЖЭО-ға берешегі 521 млн.теңге. «Энергосервис» КРЭК-ке 138 млн.теңге, «Қызылорда су жүйесі» ЖЭО-ға 137 млн.теңге, КРЭК-ке 87 млн.теңге, «Энергосервиске» 185 млн.теңге қарыз.Аталған мекеме басшыларына коммуналдық қарыздарды қысқа мерзімде толық өтеу міндеті қойылды.Фото:depositphotos.com

Коммуналдық қарыздар толық өтелуі тиіс

<a href="https://kyzylorda-news.kz/">Kyzylorda-news.kz</a> &nbsp;6 қазан – Референдум! Бірақ Сіз әлі қай учаскеден дауыс беретініңізді білмейсіз бе? Сіз үшін 4 арнайы платформаның қызметі бар.&nbsp; 1. referendum.orda.gov.kz сайтына кіріп, ЖСН теру арқылы өз учаскеңізді анықтап, оған баратын жолдың сызбасын көре аласыз. 2. referendum.orda.gov.kz телеграм бот арқылы да бұл қызмет қолжетімді. &nbsp; 3. «Smart Qyzylorda» мобильді қосымшасын жүктеп, осы қызметтерді еркін пайдалана аласыз. 4. 109 бірыңғай байланыс орталығына хабарласу арқылы диспетчерлердің көмегіне жүгіне аласыз.Еске салайық, егер дауыс берушілердің тізімінде болмасаңыз мына 5 учаскеге келіп, уақытша тіркеле аласыз!<img src="https://knadmin.beoblood.kz/uploads/9_e373039ac6.jpg" alt="9.jpg">

Өзіңді дауыс беруші азаматтар тізімінен тексер

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Жаппасбай батыр көшесіне барып, Қорқыт ата көшесінен көлік жолайрығына дейінгі бөлікті жаңғырту жұмыстарының барысымен танысты.Жобаның мердігері – «УАД», техникалық қадағалаушы – «Тараз-Технопроект» серіктестіктері. Төрт жолақты жолдың ұзындығы – 3,3 шақырым. Жобада жаяу жүргіншілер жолын және жарықшамдар орнату қарастырылған.Жаппасбай батыр көшесі – қаладағы магистральды көшенің бірі. Жақын күндері мұндағы көлік қозғалысы қайта жанданады, яғни жаңғырту жұмыстарынан кейін көше ашылады.Еске салсақ, биыл қаланың жол-көлік инфрақұрылымын дамытуға34,8 млрд. теңге бөлінген, 97 көшені салу, қайта жаңғырту, күрделі және орташа жөндеу жұмыстары жүргізілуде. Сондай-ақ, 54 көшеге жаяу жүргінші жолы салынып, 81 көше жарықтандырылуда. Мұнан бөлек, әуежайдан Бейбарыс сұлтан көшесіне дейінгі аралық, Шиеліден кіреберіс жол, Яссауи, Жаппасбай батыр көшелері, Тәуелсіздіктің 25 жылдығы даңғылы кеңейтілуде. Ал, «ҚазАвтоЖол» ұлттық компаниясы «Қызылорда-Құмкөл» автомобиль жолын қайта жаңғыртады.<img src="https://knadmin.beoblood.kz/uploads/2_3a704ed50e.jpg" alt="2.jpg"><img src="https://knadmin.beoblood.kz/uploads/3_307dccc45b.jpg" alt="3.jpg"><img src="https://knadmin.beoblood.kz/uploads/4_4aa78e8bb1.jpg" alt="4.jpg"><img src="https://knadmin.beoblood.kz/uploads/5_58f7af1aff.jpg" alt="5.jpg">Фото: Қызылорда облысы әкімінің баспасөз қызметі

Қазақстан және Қызылорда облысының басты жаңалықтары