<a href="https://kyzylorda-news.kz/">Kyzylorda-news.kz.</a> Сырдария ауданының әкімі Мұрат Ергешбаев Шіркейлі ауылының тұрғындарымен кездесті.Кездесуге арнайы облыс әкімінің бірінші орынбасары Серік Қожаниязов, облыстық құқық қорғау органдарының өкілдері, қоғамдық ұйымдар, тиісті басқармалардың басшылары мен аудандық дербес бөлімдер, коммуналдық сала басшылары қатысты.Кездесу барысында аудан әкімі Мұрат Нәлхожаұлы аймақтағы соңғы жаңалықтар мен атқаралып жатқан жұмыстарға тоқталып, аудан көлеміндегі жүргізіліп жатқан жұмыстармен таныстырды. Сонымен қатар, биылғы жылы атқарылатын аудан көлеміндегі жоспарларға тоқталды. Биыл аудан бойынша 11,6 млрд теңгенің 75 жобасы республикалық және облыстық бюджетке ұсынылып, қазіргі таңда 7,7 млрд теңгенің жобаларына тиісті қаржылық қолдаулар көрсетілді. Алдағы бюджеттік нақтылауларда қалған жобаларға қаржы алу мақсатында тиісті жұмыстар жүргізілуде.Оның ішінде, Шіркейлі ауылы бойынша биыл ауылдық фельдшерлік-акушерлік бекетке күрделі жөндеу жүргізіліп, аяқталуға жақын тұр. Ауылдағы Қ.Қожамжаров және Бейбітшілік көшелеріне жөндеу жұмыстары жүргізіледі. Бүгінде тиісті мемлекеттік сатып алу жұмыстары жасалуда.Ауылдық округ бойынша 136 кәсіпкерлік субъектілері тіркелген. Қазіргі уақытта жұмыс істеп тұрғаны 131, оның ішінде: жеке кәсіпкерлер - 100, шаруа қожалықтары - 30 және жауапкершілігі шектеулі серіктестігі - 1. &nbsp;Аграрлық несие корпарациясы арқылы «Іскер» бағдарламасы бойынша 8 кәсіпкер 27 млн теңге несие алып жұмыс жасауда.«Микробизнес-Қызылорда» бағдарламасы бойынша 2 кәсіпкер мал бордақылау бағытында &nbsp;6 млн.теңге несие алған.&nbsp;2021-2025 жылдарға арналған кәсіпкерлікті қолдаудың ұлттық жобасы аясында &nbsp;жаңа бизнес-идеяларды іске асыруға арналған мемлекеттік грант 1 225 200 теңге бойынша ауылдық округтен &nbsp;34 адам грант алып, жұмыс жасауда.Кездесу барысында үлескерлер арасында соңғы уақытта көтеріліп жүрген «Мәді қажы» ЖШС-нің төрағасын ауыстыру мәселесі де көтерілді. Бүгінгі жиынға арнайы келген облыс әкімінің бірінші орынбасары Серік Салауатұлы Қожаниязов тиісті заңнамалық тұрғыда түсіндірме берді. Шаруашылық және үлескерлер арасындағы мәселені зерделей келе, халықтың ұсынысымен заңды тұрғыда тиісті нормаларды сақтай отырып, шаруашылық төрағасын жалпы жиналыс өткізу арқылы сайлауға келісімге келді. Заң талаптарына сәйкес, алдын ала хабарлама беріліп, күні белгіленетін болады.<figure class="image"><img src="https://knadmin.beoblood.kz/uploads/329873535_962637871383712_6417180184881595016_n_937eec21ce.jpg" alt="329873535_962637871383712_6417180184881595016_n.jpg"></figure>

Шіркейлі ауылындағы мәселе шешімін тапты ма?

<a href="https://kyzylorda-news.kz/">Kyzylorda-news.kz.</a> Синоптиктер бүгін бірқатар өңірде күн райы бұзылатынын ескертті, деп хабарлайды Қазгидромет.Атмосфералық процестердің шиеленісуіне және фронттардың ел аймағында жүріп өтуіне байланысты Қазақстанның басым бөлігінде ауа райының тұрақсыз сипаты сақталады. Қар жауып, жаяу бұрқасын соғады.&nbsp;Оңтүстікте, шығыста кей уақытта қатты қар жауады. Елдің оңтүстік-шығысында кейде жаңбыр, кей жерлерде қар түрінде қатты жауын-шашын жауады. Тек Қазақстанның батысында ғана жауын-шашынсыз ауа райы күтіледі. Республика бойынша жел күшейіп, тұман түседі, оңтүстік-шығыста көктайғақ болады.&nbsp;

10 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Нұрлыбек Нәлібаевтың төрағалығымен құқық бұзушылық профилактикасы жөніндегі ведомствоаралық комиссия отырысы өтті.Жиында кәмелетке толмағандармен және оларға қарсы жасалған қылмыстардың, отбасы тұрмыстық қарым-қатынастағы құқық бұзушылықтардың алдын алу шаралары талқыланды.Аймақ басшысы кәмелетке толмағандардың арасындағы құқық бұзушылықтар проблемасы қазіргі уақытта қоғамдағы өзекті мәселелердің бірі екенін атап өтті.<blockquote>«Президентіміз Қасым-Жомарт Кемелұлы Өз жолдауында кәмелетке толмағандар арасындағы құқық бұзушылықтардың алдын алуды күшейтуді тапсырып, жасөспірімдер арасындағы құқықтық сана мен құқықтық мәдениетті қалыптастыруды міндеттеді. 2022 жылдың қорытындысымен республика бойынша кәмелет жасына толмағандармен жасалған қылмыстар 14%-ға өсім алса, оларға қарсы жасалған қылмыстар 4%-ға төмендеген. Өңірімізде, кәмелет жасына толмағандармен жасалған қылмыстар 44%-ға, оларға қарсы жасалған қылмыстар 31%-ға төмендеген. Дегенмен, қылмыс саны азайды деп бұл бағыттағы жұмыстарды әлсіретуге болмайды», - деді облыс әкімі.</blockquote>Аймақ басшысы кәмелет жасына толмаған жасөспірімдер арасында суицид, құқық бұзушылық орын алған жағдайда сол бала білім алатын оқу орны басшысының қызметіне қатысты жауапкершілігі қаралатындығын ескертті.<blockquote>«Дені сау, білімді, тәрбиелі ұрпақ өсіру баршамыздың ортақ міндетіміз. Баланың теріс іс-әрекетіне тек полиция немесе білім ұйымдары емес, ата-ана, бүкіл қоғам жауапты», - деді аймақ басшысы.</blockquote>Күн тәртібіндегі екінші мәселеге қатысты Нұрлыбек Машбекұлы соңғы жылдары аймақта отбасылық зорлық-зомбылық қылмыс оқиғалары жиілегенін атап өтіп, тұрмыстық зорлық-зомбылықтан зардап шеккен жанұялардың жағдайына тұрақты түрде мониторинг жүргізу қажеттігін ескертті.Комиссия отырысында облыстық полиция департаменті бастығының міндетін атқарушы Шамшидин Амитов пен облыстық білім, жұмыспен қамтуды үйлестіру және әлеуметтік бағдарламалар басқармаларының басшылары өңірде құқық бұзушылық пен зорлық-зомбылықтың алдын алу бойынша атқарылған жұмыстарды баяндады.Жиын қорытындысымен жауапты мекеме басшылары мен қала, аудан әкімдеріне аталған мәселелерді қатаң бақылауға алып, профилактикалық жұмыстарды күшейту тапсырылды.<figure class="image"><img src="https://knadmin.beoblood.kz/uploads/330130230_3422470974679295_7510151629477660003_n_ef35bb5e31.jpg" alt="330130230_3422470974679295_7510151629477660003_n.jpg"></figure>

Нұрлыбек Нәлібаев: Баланың теріс іс-әрекетіне бүкіл қоғам жауапты

<a href="https://kyzylorda-news.kz/">Kyzylorda-news.kz.</a> Қазақстанның бірқатар аймақтарында дауылды ескерту жарияланды, деп хабарлайды Қазгидромет.Қызылорда облысының орталығында көктайғақ, бұрқасын күтіледі. Жел солтүстік-батыстан, солтүстіктен соғады. Қызылорда қаласында түнде және таңертең көктайғақ күтіледі. Күндіз солтүстіктен желдің екпіні 17 м/с болады. &nbsp;

Бейсенбі күнге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев қаржы саласының үздігі, Жаңақорған ауданы және Қызылорда қаласының құрметті азаматы, Қазақстанның еңбек сіңірген қайраткері, «Парасат» орденінің иегері Қалқазбек Әжібековты 75 жас мерейтойымен құттықтады.Аймақ басшысы 48 жылдық еңбек жолының 32 жылын қаржы саласына арнаған ардагерге алғыс айтып, өңірге сіңірген зор еңбегін атап өтті.<blockquote>«Құрметті Қалқазбек Әжібекұлы, Сіздің нәтижелі жұмысыңыздың арқасында облыстағы төлем мәселесін дұрыстау үшін республикада алғашқы болып вексельдер мен есеп айырылысу чектері шығарылып жұмыс жасады. Сонымен қатар, қалаға газ жүргізу үшін 1996 жылы республикада екінші болып 100 млн.теңгеге «Инвест газ» заемын шығарудағы еңбегіңіз ерекше. Қызылорда қаласында арнайы экономикалық аймақ құру нәтижесінде бұрын республикалық бюджетке түсетін кірістер облыс бюджетіне толық түсірілсе, Қалқазбек Әжібекұлының облыстық қаржы басқармасын басқарған уақытында облыс бюджеті 1999 жылға «профицитпен» бекітілген. Осы жолыңызды жалғастырып, қаржыгерлердің атқарған жұмыстарының нәтижесінде облысымыздың бюджеті қазіргі таңда 520 млрд.теңгеге жетіп, 45 пайызға ұлғайды. Аталған қаржы халыққа бірінші кезекте қажет жобаларға, яғни, инженерлік-инфрақұрылымдарға, әлеуметтік нысандар құрылысына бағытталуда», - деді облыс әкімі.</blockquote>Сыр елінің дамуына қосқан ерекше үлесі үшін Қалқазбек Әжібековке Қызылорда облысының «Құрмет» грамотасы табысталды.Мерейтой иесін облыстық ардагерлер кеңесінің төрағасы Серік Дүйсенбаев, облыстық «Аманат» партиясының төрағасы Наурызбай Байқадамов, «Құрмет» орденінің иегері, салық қызметінің II рангілі Мемлекеттік кеңесшісі атағының иегері Дайрабай Ысқақұлы және құқық қорғау саласының ардагері Тастемір Рахымов құттықтады.Шара соңында Қалқазбек Әжібекұлы жерлестеріне ізгі тілектері үшін ризашылығын білдірді.Қ. Әжібеков облыс экономикасын көтеруде, қаржы саласының жұмысын нығайтуда қажымай еңбек етіп, көптеген білікті кадр тәрбиелеуге айтарлықтай үлес қосты. Оның бастамасымен Арал өңірінің жағдайын жақсартуға арналған Заң қабылданып, соның нәтижесінде осы күнге дейін айлық жалақыға 30-50 пайыз қосымша төлемдер төленуде. Қаржыгердің ықпалымен 2001-2003 жылдары облыстағы ауылдардың экономикасын көтеруге бағытталған «Ауыл келбеті» бағдарламасы және ауылға мамандарды тұрақтандыру, ауылдан тұрғындардың үдере көшуін тежеу мақсатында ондағы мамандарды тұрғын үймен қамтамасыз ету үшін «1000 тұрғын үй салу» бағдарламасы қабылданып, нәтижелі жүзеге асырылды.<figure class="image"><img src="https://knadmin.beoblood.kz/uploads/329193125_1628121330964609_4757785618119652217_n_4feb1fda8d.jpg" alt="329193125_1628121330964609_4757785618119652217_n.jpg"></figure>&nbsp;<figure class="image"><img src="https://knadmin.beoblood.kz/uploads/329604709_726374925596780_3858723152249606998_n_0dc791fd99.jpg" alt="329604709_726374925596780_3858723152249606998_n.jpg"></figure>&nbsp;<figure class="image"><img src="https://knadmin.beoblood.kz/uploads/329594835_3394233770864219_5311812145878693284_n_1ac954c479.jpg" alt="329594835_3394233770864219_5311812145878693284_n.jpg"></figure>&nbsp;<figure class="image"><img src="https://knadmin.beoblood.kz/uploads/329263208_1143067956359939_3225275070705162389_n_a98a9b3d99.jpg" alt="329263208_1143067956359939_3225275070705162389_n.jpg"></figure>

Қаржы саласының үздігі Қалқазбек Әжібеков 75 жаста

<a href="https://kyzylorda-news.kz/">Kyzylorda-news.kz.</a>&nbsp; Белгілі журналист Нұрбек Бекбау Түркияға көмек ретінде киіз үй жіберу бастамасын көтерді. Журналист қазіргі таңда 5 млн. теңгеден астам қаржы жиналғанын хабарлаған. Аталған игі іске қызылордалық меценат Сәрсенбаевтар да атсалысуда.&nbsp;«Абай-Дәулет» ЖШС директорының орынбасары Марат Сәрсенбаев елдің атынан баратын көмек болғандықтан жаңа киіз үй салып жіберуді шешкенін айтты.<blockquote>«Түрік бауырларға өзіміздің атымыздан жаңа қараша үй жөнелтуді жөн санап отырмыз. Ішінде барлық жасауымен жабдықталған. Жылыту құрылғылары да бар. Қазіргі таңда Астана қаласына тапсырыс беріп жатырмын. Сенбі күні елордадан жүк көлігі шығады, біз өз қараша үйімізді сол көлікке тиеп жіберсек деген ойдамыз. Егер Қызылорда облысынан тағы да киіз үйлер жіберілетін болса, осы жақтан да жіберуге болады. Алайда әзірге ешкім ұйымдастырып жатқан жоқ сияқты», - дейді Марат Сәрсенбаев.&nbsp;</blockquote>Айта кетейік, меценат Сәрсенбаевтар түрік еліне 8 қанатты киіз үй жібереді.&nbsp;<figure class="media"><div data-oembed-url="https://www.youtube.com/watch?v=w0wqo6x6s0g"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/w0wqo6x6s0g" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Қызылордалық кәсіпкер Түркияға киіз үй жөнелтеді (ВИДЕО)

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Қызылорда облысына жұмыс сапарымен келген «ҚазМұнайГаз» ҰК» АҚ Басқарма төрағасы Мағзұм Мырзағалиевпен бірге өңірдегі мұнай кен орындарын аралады.Нұрлыбек Нәлібаев пен Мағзұм Мырзағалиев Ақшабұлақ кен орнында болып, «Торғай-Палеозой» жобасының жүзеге асырылу барысымен танысты. Еске салсақ, «Торғай Палеозой» барлау алаңында 5 мың метрден астам тереңдікте көмірсутек шикізатына геологиялық барлау жұмыстарын жүргізу жоспарлануда. Қазіргі таңда Қызылорда облысында мұнай өндіру технологияларын жетілдіру және жаңа кен орындарын барлау-іздестіру жұмыстары қолға алынбақ.Республикалық бюджет есебінен Шу-Сарысу және Арал бассейндерінде геологиялық-геофизикалық зерттеу жұмыстары жүргізілуде, Сырдария шөгінді бассейнді зерттеуге республикалық бюджеттен қаражат бөлу сұратылды.«ҚазМұнайГаз» ҰК» АҚ Басқарма төрағасы Мағзұм Мырзағалиев мұнай компанияларындағы жұмысшылардың әлеуметтік жағдайы мен жаңа кен орындарын барлау бойынша өңірде атқарылып жатқан жұмыстарға оң бағасын берді.Әрі қарай облыс әкімі мен ұлттық компания басшысы Құмкөл кен орнындағы мұнай барлау жұмыстарының негізін салған қайраткер Мұрат Саламатовтың ескерткіш бюстіне гүл шоқтарын қойып, кен орнындағы өндірістік нысандардың жұмысымен танысты.Айта кетейік, өңірдегі жұмыс сапары аясында Мағзұм Мырзағалиев Т.Есетов атындағы №264 мектеп-лицейінде Қызылорда облысының мектептеріне «National Geographic» журналына жазылуға сертификаттар табыстады. Ғылым әлемінде танымал басылым география, табиғат, тарих, ғылым және мәдениет туралы ақпараттық-танымдық материалдарды қамтиды және оқушылардың ақыл-ой қабілеттерін дамытуға әрі жалпы эрудициясын арттыруға мүмкіндік береді.<figure class="image"><img src="https://knadmin.beoblood.kz/uploads/329296182_715679033390576_6719550867621761068_n_2abcf3958f.jpg" alt="329296182_715679033390576_6719550867621761068_n.jpg"></figure>&nbsp;<figure class="image"><img src="https://knadmin.beoblood.kz/uploads/327122604_1231590737772991_8381135226011524423_n_5f2b713ce0.jpg" alt="327122604_1231590737772991_8381135226011524423_n.jpg"></figure>&nbsp;<figure class="image"><img src="https://knadmin.beoblood.kz/uploads/329723799_6021905301260013_2704314766106984551_n_2c839ec727.jpg" alt="329723799_6021905301260013_2704314766106984551_n.jpg"></figure>

Қызылорда облысында жаңа кен орындарын барлау-іздестіру жұмыстары жүргізіледі

<a href="https://kyzylorda-news.kz/">Kyzylorda-news.kz.</a>&nbsp;Республикамыздың басым бөлігі әлі де антициклон және онымен байланысты атмосфералық фронталды бөліктердің ықпалында болғандықтан, ауа райы құбылмалы болады, деп хабарлайды Қазгидромет.Еліміздің солтүстік жартысында қар жауып жаяу бұрқасын болады, оңтүстікте жаңбыр мен қар түрінде жауын-шашын, күндіз Түркістан облысының таулы аудандарында жаңбыр түрінде жауын-шашын болжанды. Республика бойынша желдің күшеюі, тұман, оңтүстік-батыста – көктайғақ, күндіз оңтүстікте, батыста, Түркістан облысының таулы және тау бөктеріндегі аудандарында найзағай болжанды.

8 ақпанда елдің басым бөлігінде жауын-шашын болады

<a href="https://kyzylorda-news.kz/">Kyzylorda-news.kz.</a> ҚР Үкіметі Аппараты Басшысының &nbsp;бірінші орынбасары Ғабит Сыздықбеков &nbsp;Қызылорда облысына жұмыс сапарымен келіп, облыс әкімі Нұрлыбек Нәлібаевпен бірге өңірдегі «Қызылорда-Жезқазған» автожолын қайта жаңғырту жұмыстары және Сырдария өзенінің жағдайымен танысты. Делегация құрамында ҚР ЭТРМ Су ресурстары комитеті төрағасының орынбасары Досбол Бекмағанбетов, «ҚазАвтоЖол» ҰК» АҚ басқарма төрағасы, директорлар кеңесінің мүшесі Мейрхат Қасымбаев және «ҚазАвтоЖол» ҰК» АҚ сыртқы займдар департамент директоры Марат Махамбетов бар.Алдымен аймақ басшысы Ғабит Әбдімәжітұлына Қызылорда су торабының қайта жаңғырту жұмыстарымен таныстырды. Нысан 1956 жылы салынған. &nbsp;Қазіргі таңда ол 110,0 мың.га суармалы және 250 мың.га жайылымдық жерлерді аяқ сумен қамтиды. Мұнда 2020 жылы басталған қайта жаңғырту жұмыстары барысында сол жағалаудағы шлюз-реттегіш, жаңа су торабы, су бекеттері мен трансформаторлық қосалқы станция салынып, торап аймағы абаттандырылатын болады. Жобаның бас мердігері жұмысты биыл аяқтамақ.Әрі қарай делегация мүшелері «Қызылорда-Жезқазған» автожолын қайта жаңғырту барысымен танысып, жол құрылысына қажетті битумды сақтайтын қоймаларды аралады. Еске салсақ, аталған автокөлік жолын қалпына келтіру мәселесі көптеген жылдар бойы шешімін таппай келді. 2021 жылы Қызылорда облысындағы 204 шақырым бойынша 6 лотқа бөлініп, мемлекеттік сатып алу конкурсы өткізілді. Өткен жылы мердігер мекемелер «Қытай азаматтық инженерлік-құрылыс корпорациясы» ЖШҚ, «Қыран» ЖШС, «Гуйчжоу жол-инженерлік корпорациясы» ЖШҚ, және «Stecol Corporation» құрылысқа қажетті құжаттарды әзірлеп, дайындық жұмыстарын жүргізді.Биыл мердігер мекемелер жолдың 100 шақырымнан астам бөлігін аяқтауды жоспарлауда, құрылыс материалдарының басым бөлігі қоймаға жеткізілді.<blockquote>«Қызылорда-Жезқазған жолы Президенттің тікелей бақылауындағы үлкен жоба. Халықтың да біршама уақыттан бері көтеріп жүрген мәселесі. Сондықтан жолдың сапалы салынуы, мерзімінде аяқталуы өте маңызды. Бұл жоба жол бойы логистикасын дамытып, жол қатынасын едәуір жеңілдетуге сеп болмақ», - деді танысу барысында Ғабит Әбдімәжітұлы.</blockquote><blockquote>«Расымен халық бұл жаңалықты ұзақ күтті. Ел Президенті Қасым-Жомарт Кемелұлының бастамасымен жоба басталды. Біз өзіміздің аймақтан өтетін жолдың сапалы салынуына атсалысатын боламыз», - деді облыс әкімі Нұрлыбек Нәлібаев.</blockquote>Түстен кейін Ғабит Сыздықбеков аймақ басшысымен бірге Жаңақорған және Шиелі аудандарына тікұшақпен барып, Сырдария өзеніндегі су деңгейін көріп, жағдаймен танысты. Айта кетейік, қазіргі таңда облыста 29 су басу қауіпі бар аймақ анықталып, оған 366 арнайы техника бірлігі және 1137 адамы бар 138 жауапты мекеме бекітілді. Облыстың барлық аумағында өзен бойында тәулік бойы кезекшілік ұйымдастырылуда. Дариядағы жағдай қалыпты, барлық қажетті материалдар мен техника қамтамасыз етілген.Сапар соңында ҚР Үкіметі Аппараты Басшысының &nbsp;бірінші орынбасары өңірдегі жүргізілген жұмыстар табысты аяқталуына тілектестік білдірді. Ғабит Әбдімәжітұлының жұмыс сапары Түркістан облысында жалғасатын болады.<figure class="image"><img src="https://knadmin.beoblood.kz/uploads/329533254_740463844029274_2001454943487115764_n_3e4f0b77e5.jpg" alt="329533254_740463844029274_2001454943487115764_n.jpg"></figure><figure class="image image_resized" style="width:100%;"><img src="https://knadmin.beoblood.kz/uploads/329586113_1878315859177063_3168556457254692514_n_5c36daeaf4.jpg" alt="329586113_1878315859177063_3168556457254692514_n.jpg"></figure><figure class="image"><img src="https://knadmin.beoblood.kz/uploads/329594968_2134590650057701_7319882050292124576_n_cd00024938.jpg" alt="329594968_2134590650057701_7319882050292124576_n.jpg"></figure>

Қызылорда-Жезқазған автожолының биыл 100 шақырымнан астамы аяқталады

<a href="https://kyzylorda-news.kz/">Kyzylorda-news.kz.</a> Еліміздің басым бөлігі әлі де, антициклон және онымен байланысты атмосфералық фронталды бөліктердің ықпалында болады. Сондықтан бүгін тұрақсыз ауа райы сақталады, деп хабарлайды Қазгидромет.&nbsp;Еліміздің солтүстік жартысында - қар жауып, жаяу бұрқасын, оңтүстікте жаңбыр мен қар түрінде жауын-шашын болады. Республика бойынша желдің күшеюі, тұман, оңтүстік-батыста, оңтүстік-шығыста – көктайғақ, түнде Түркістан облысының таулы және тау бөктеріндегі аудандарында найзағай күтіледі.

7 ақпанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қызылорда облысында «Казспекторстрой» ЖШС екі қызметкері жұмыс орнында уланып көз жұмды, деп хабарлайды <a href="https://opennews.kz/society/11538-yzylordada-mekeme-zhmysshylary-belgisiz-zattan-ulanyp-ajtys-boldy.html?fbclid=IwAR2vv7U27aJpCCCTIxpJSmcymuA8vioItA5kW79xeclOA_2L5JCOuRobp1A">Opennews.kz</a>.Оқиға 3 ақпанда Қызылорда облысында «Саутс-ойл» ЖШС қосалқы мердігері «Казспекторстрой» ЖШС-де болды.<blockquote>«Серіктестікте еңбек ететін екі қызметкер алдын ала мәліметтерге сәйкес «белгісіз заттан улану салдарынан туындаған жүрек жетіспеушілігі» салдарынан қайтыс болды деген диагноз қойылды. Қаза болу дерегі бойынша ҚР Қылмыстық кодексінің 304-бабымен қылмыстық іс тіркелді. Онда санитариялық қағидаларды немесе гигиеналық нормативтерді бұзу жағдайы көрсетілген. Бұл бойынша сотқа дейінгі тергеп-тексеру әрекеттері басталды», - деп мәлім етті Қызылорда облыстық полиция департаментінен.</blockquote>Ведомство мәліметінше, тиісті сапартамалар тағайындалған. Оқиғаның мән-жайын анықтауға бағытталған кешенді тексеру жұмыстары жүргізілуде.

Қызылордада мекеме жұмысшылары уланып қайтыс болды

<a href="https://kyzylorda-news.kz/">Kyzylorda-news.kz.</a> «Қазгидромет» РМКҚ бүгін еліміздің басым бөлігінде тұрақсыз ауа райы сақталатынын мәлімдеді.<blockquote>«Синоптиктердің Қазақстан аймақтарында 6 ақпанда болатын қауіпті метеорологиялық құбылыстарға болжамы мынадай: Республикамыздың басым бөлігі әлі де, антициклон және онымен байланысты атмосфералық фронталды бөліктердің ықпалында болады. Сондықтан тұрақсыз ауа райы сақталады, еліміздің солтүстік жартысында қар жауып, жаяу бұрқасын соғуы мүмкін. Ал, онтүстікте жауын-шашын (жаңбыр, қар түрінде), желдің күшеюі, көктайғақ, тұман күтіледі», - деп жазды ведомстводан.</blockquote>

Қазақстан және Қызылорда облысының басты жаңалықтары