Kyzylorda-news.kz Қоғамда әр саланың өзіндік орны мен мәртебесі бар. Әсіресе, еліміздің экономикасына тікелей серпін беретін маңызды саланың бірі – құрылыс саласы.&nbsp;Аталмыш саланың қарқынды дамуының арқасында облыста ірі инвестициялық жобалар жүзеге асырылып, ел игілігіне берілетін небір нысандар бой көтеруде. Ілкімді істердің арқасында өңірдің экономикалық әлеуеті айтарлықтай артып келеді. Қызылорда облысының өңірлік коммуникациялар қызметінің ақпарат алаңында облыстық құрылыс, сәулет және қала құрылысы басқармасының басшысы Ерлан Төрәлиев құрылысшылардың кәсіби мерекесімен құттықтап, ізгі тілегін білдірді.<blockquote>– Сыр өңірінде соңғы жылдары құрылыс саласы қарышты дамып, ауқымды жобалар қолға алынуда. Мәселен, биыл мемлекеттік бюджеттен 72,3 млрд теңге бөлініп, осы қаржығы облыста &nbsp;150 нысанның құрылысы салынып жатыр. Оның ішінде, білім беру саласына – 20 нысан, денсаулық сақтау саласына – 20 нысан, &nbsp;мәдениет және спорт саласына – 20 нысан, инжернерлік сала бойынша &nbsp;– 63 нысанның құрылысы басталып, 26 тұрғын үйдің іргетасы қаланды. Сәйкесінше, І жартыжылдықтың қорытындысымен аймақтағы құрылыс жұмыстарының көлемі 54 пайызға артық орындалып, республикада алдыңғы қатарға шықтық. Жыл соңына дейін 150 нысанның құрылысын толық аяқтап, ел игілігіне пайдалануға беруді жоспарлап отырмыз. Ең бастысы бұл нысандардың сапалы болуы біз үшін өте маңызды. Осы арқылы құрылысшылардың тынымсыз еңбегі көрінеді. Жалпы құрылыс саласы жоғары жауапкершілікті талап ететін болғандықтан әрбір істің нәтижелі болғаны абзал. Қыстың суығы мен жаздың ыстығына қарамай еңбек етіп жүрген құрылысшылардың кәсіби мерекесімен құттықтай отырып, Сыр өңірінің дамуына өз үлесін қосып жүрген барша құрылысшыларға өз алғысымды жеткізгім келеді, - деді басқарма басшысы Ерлан Кәрімбекұлы.</blockquote>

Қызылордада жыл соңына дейін 150 нысанның құрылысы толық аяқталады

Kyzylorda-news.kz. Қазгидромет синоптиктері 13 тамыз, жексенбіге арналған ауа райы болжамын жариялады.Бүгін Солтүстік-батыс антициклоны Қазақстанның батыс жартысындағы ауа райына әсер етеді. Сондықтан онда жауын-шашын болмайды.Ал шығыс жартысына әлі де оңтүстік циклон мен атмосфералық фронттар ықпал етеді.Салдарынан найзағай ойнап, жаңбыр жауады, елдің солтүстік-шығысында, шығысында, оңтүстік-шығысында қатты жаңбыр, бұршақ жауып, дауыл тұрады.Республика бойынша екпінді жел болжанады. ҚР солтүстігінде, солтүстік-батысында түнгі және таңертеңгі сағатта тұман түседі.Күндіз Атырау облысының оңтүстік-батысында 41°С қатты ыстық сақталады.Күндіз Маңғыстау облысында, Батыс Қазақстан облысының оңтүстік-батысында 37-40°С қатты ыстық сақталады.Атырау, Маңғыстау, Жамбыл, Қызылорда облыстарында, оңтүстігінде, Ақтөбе қаласының орталығында, Қостанайдың оңтүстігінде, Қарағанды қаласының орталығында, Алматының солтүстігінде, шығысында, Түркістанның солтүстігінде, батысында, оңтүстігінде, шөлді аудандарында, батысында, оңтүстік-шығысында, Батыс Қазақстан облысының орталығында, Ақмола облысының батысында төтенше өрт қаупі бар.

Жексенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазгидромет Қазақстан аймақтарында 2023 жылғы 12 тамызда болатын қауіпті метеорологиялық құбылыстарға болжау консультациясын жариялады, деп хабарлайды ҚазАқпарат.Қарқынды оңтүстік циклон және сонымен байланысты атмосфералық фронтальды бөлімдердің өтуіне байланысты еліміздің басым бөлігінде әлі де тұрақсыз ауа райы сақталады, найзағайлы жаңбыр, еліміздің солтүстігінде, шығысында, оңтүстік-шығысында, орталығында қатты жаңбыр, бұршақ жауып, дауыл күтіледі. ҚР батыс жартысына антициклон жотасы оз әсерін тигізіп, жауын-шашынсыз ауа рыйы сақталады. Республика бойынша жел күшейеді. ҚР солтүстігінде, солтүстік-батысында, орталығында түнгі және таңертеңгі сағаттарда тұман күтіледі.Күндіз Атырау облысының оңтүстік-батысында 40-42°С өтте қатты ыстық сақталады. Күндіз Маңғыстау облысында, Батыс Қазақстан облысының оңтүстік-батысында 35-40°С қатты ыстық сақаталады.Атырау, Маңғыстау, Жамбыл, Қызылорда облыстарында, Ақтөбе облысының оңтүстігінде, орталығында, Қостанай облысының оңтүстігінде, Қарағанды облысының орталығында, Алматы облысының солтүстігінде, орталығында, Түркістан облысының солтүстігінде, оңтүстігінде, шөлді аудандарында, Абай облысының солтүстігінде, батысында, Жетісу облысының оңтүстігінде төтенше өрт қауіпі сақталады.Батыс Қазақстан облысының басым бөлігінде жоғары өрт қауіпі, батысында, оңтүстік-шығысында төтенше өрт қауіпі сақталады. Солтүстік Қазақстан облысының батысында жоғары өрт қауіпі күтіледі. Ақмола облысының солтүстігінде жоғары өрт қауіпі, облыстың оңтүстік-батысында төтенше өрт қауіпі сақталады. Павлодар облысының оңтүстік-шығысында жоғары өрт қауіпі сақаталады.

Жаңбыр, найзағай, бұршақ — Қазақстанның басым бөлігінде күн райы құбылмалы болады

<a href="https://kyzylorda-news.kz/">Kyzylorda-news.kz.</a> Қызылорда облыстық мәслихатының кезекті V сессиясында нақтыланған бюджет 601,3 млрд. теңге көлемінде бекітілді. Сессияға ҚР Парламенті Сенатының депутаттары Руслан Рүстемов пен Ақмарал Әлназарова, Мәжіліс депутаты Мұрат Ергешбаев қатысты.Сессияда сөз сөйлеген облыс әкімі Нұрлыбек Нәлібаев биыл бюджет көлемі 53,9 пайызға артқанын айтып, оның ұлғаюына атсалысқан депутаттар мен сала басшыларына алғыс білдірді.<blockquote>«Өздеріңізге белгілі, облыс бюджетінде айтарлықтай өсім бар. Қазір облыс бюджеті 596,2 млрд. теңгеге жетті. Бұл былтырғы бюджет көлемімен салыстырғанда 208,9 млрд.теңгеге, яғни 53,9 пайызға артық. Бүгінгі сессияда бекітілген жағдайда облыс бюджеті 601,3 млрд. теңгеге жетеді. Бұл өткен жылдың бекітілген бюджетінен 55,3 пайызға көп. Бюджеттің ұлғаюына қызылордалық Парламент депутаттарының және сала басшыларының үлесі зор», - деді аймақ басшысы.</blockquote>Бюджет қаржысының тиімділігін арттыру үшін облыстық мәслихаттың экономика, әлеуметтік және құқықтық мәселелер жөніндегі тұрақты комиссиясы төрағасының басшылығымен құрамына мүдделі облыстық басқармалар өкілдері енген жұмыс тобы құрылды. Жұмыс тобы мамыр айында 2023 жылға білім саласына бөлінген бюджет қаржысына зерделеу жұмыстарын жүргізді. Қорытындысында ауқымды қаржы үнемдеуге мүмкіндік туды.Атап айтқанда, облыстың білім беру ұйымдарына бөлінген қаржының бюджеттік заңнама нормаларына сәйкестігі зерделеніп, нәтижесінде жоспардан тыс қаралған қаржы, яғни, 12,9 млрд. теңге облыстық бюджетке қайтарылды. Бұдан бөлек, балалар мен жасөспірімдерге арналған шығармашылық үйірмелер мен спорт секцияларын жан басына қаржыландыру бағдарламасын іске асыру үшін 2023 жылға 7,1 млрд. теңге бюджетте бекітілді. 2022-2023 жылдары тексеру органдары бағдарлама барысына бақылау жасады. Заңдылықтарға өзгерістер енгізілуіне сәйкес бала саны 35 пайызға дейін қысқарып, 3,8 млрд. теңге бюджетке кері қайтарылды.Үнемделген қаржы аймақтың бірінші кезектегі мәселелерін шешуге жұмсалмақ.Сессияда Парламент депутаттары Ақмарал Әлназарова мен Мұрат Ергешбаев сөз сөйледі.Күн тәртібінде сала басшылары атқарылған жұмыстарын баяндап, бірқатар бағдарламалық құжатқа өзгерістер енгізілді.<figure class="image"><img src="https://knadmin.beoblood.kz/uploads/365165840_592062056448376_880529070856574630_n_19045ba54b.jpg" alt="365165840_592062056448376_880529070856574630_n.jpg"></figure>&nbsp;<figure class="image"><img src="https://knadmin.beoblood.kz/uploads/366822135_591992109788704_5222415604604277776_n_46ab594a19.jpg" alt="366822135_591992109788704_5222415604604277776_n.jpg"></figure>

Қызылорда облысының бюджеті 600 млрд. теңгеден асты

<a href="https://kyzylorda-news.kz/">Kyzylorda-news.kz.</a> Сыр өңірінің қарқынды дамуы жолында әлемдегі озық тәжірибелер терең зерттеліп, жан-жақпен әріптестік байланыс кеңейтілуде. Бұл туралы облыс әкімі Нұрлыбек Нәлібаев Қызылорда облыстық мәслихатының кезекті V сессиясында хабарлады.<blockquote>«Өнеркәсіп өндірісінің 70%-ға жуық үлесін алатын тау-кен секторында 2013 жылдан бері мұнай өндіру 6,5 млн. тоннаға азайғаны белгілі. Суланған және сарқылған ұңғымаларда мұнай өндіру көлемін арттыру бойынша жаңа технологиялар жасайтын қытайлық «Джепетто» компаниясымен бірлескен жұмыстар басталды. Аталған компанияның өкілдігі Қызылорда қаласында ашылды. Мамандардың мәліметіне қарағанда, жаңа технологиялардың көмегімен мұнай өндіру көлемін 20 пайызға дейін арттыруға болады», - деді аймақ басшысы.</blockquote>Өткен айда Қытай Халық Республикасына жұмыс сапары кезінде облыс әкімі мамандарды тегін оқыту бойынша Меморандумға қол қойды. Мұнан бөлек, мамыр айында облыс делегациясы Корея Республикасының Сеул, Тэджон қалаларына және Чоллабук-до провинциясына барды. Осы сапарда Кореяның жетекші жоғарғы оқу орындарының Президенттері және өңір басшыларымен екіжақты ынтымақтастықты дамыту туралы Меморандумдар жасалды.Өткен жылы жұмысын бастаған Қызылорда шыны зауыты айналасына шағын және орта кәсіпкерлік белдеуін құру мақсаты айқындалған. Осы ретте «Хорн» неміс компаниясының технологияларын тарта отырып, қуаттылығы жылына 120 млн. дана шыны бұйымдарын шығаратын зауыт жобасы жүзеге асырылмақ. Импортты алмастыру бағытындағы жоба шеңберінде халықаралық стандарттарға сай түрлі шыны ыдыстар өндіру, шыны бұйымдарын ТМД елдеріне кеңінен экспорттау көзделуде. Қазір зауыт өнімдері отандық нарықта сатылып, Өзбекстан, Қырғызстан, Тәжікстан және Ресейге экспортталуда.<figure class="image"><img src="https://knadmin.beoblood.kz/uploads/364800869_591978446456737_7241246410198144760_n_af30a761c0.jpg" alt="364800869_591978446456737_7241246410198144760_n.jpg"></figure>&nbsp;<figure class="image"><img src="https://knadmin.beoblood.kz/uploads/364808661_591978396456742_2155425936265428699_n_b693fcbc7f.jpg" alt="364808661_591978396456742_2155425936265428699_n.jpg"></figure>

Жан-жақты әріптестікке кең жол ашылды

<a href="https://kyzylorda-news.kz/">Kyzylorda-news.kz.</a>&nbsp; Mycar.kz енді Қызылордада ашылмақ. Франшизаны ұсыну құқығы Prim Motors тобына кіретін Turan Auto Kz компаниясына берілді. Автокөлік нарығында 10 жылдық тәжірибесі бар бұл компания Қызылордадағы Chery, Haval, Tank және Changan брендтерін ұсынған Astana Motors-тың серіктесі.Mycar франшизалық автоорталығының ресми ашылуы 2023 жылдың қараша айына жоспарланып отыр. Қазір құрылыс жұмыстары жүргізілуде.Бұл серіктестіктің арқасында клиенттер Mycar.kz экожүйесінің барлық қызметтеріне жүгіне алады. Мәселен, мұнда заңды және техникалық жағынан тексеріліп, сату алдындағы дайындықтан өткенжүрілген автокөліктерін тиімді сатуға немесе сатып алуға, айырбастауға, сондай-ақ автокредит алуға мүмкіндіктер қарастырылған.Франшизалық орталықтың негізгі бизнес бағыты толыққанды автоорталықты іске қосып, Mycar.kz экожүйесінің барлық өнімдерін қамтуды көздейді. Атап айтқанда,жүрілген автокөліктерді қабылдау және сату, қызметкерлерді оқыту, маркетингтік ілгерілету, Mycar Finance қаржылық өнімдеріне, Mycar Pro-ға қолжеткізу, автокөлік орталығының барлық ішкі процестерін автоматтандыру сияқты дәлелденген бизнес-процестерді жүзеге асыра алады.Одан бөлек, алдын ала мақұлдауға мүмкіндік беретін Mycredit платформасында әртүрлі автокредиттік ұсыныстарды онлайн салыстыру және ең жақсы нұсқаны таңдау мүмкіндігі тағы бар.<img src="https://knadmin.beoblood.kz/uploads/Whats_App_Image_2023_08_14_at_15_27_43_1_5db084580d.jpeg" alt="WhatsApp Image 2023-08-14 at 15.27.43 (1).jpeg"><blockquote>«Қазақстандық компаниямен үшінші франшизалық келісімге қол қойып, біз үшін нарығы маңызды Қызылорда облысына келіп жатырмыз. Прогрессивтілік пен тұтынушыға бағдар беру әрқашан Mycar.kz-тің өзекті әрі ерекше қасиеті болып қала береді. Қызылордадағы Mycar.kz франшизасы жұмысының арқасында жүрілген автокөліктерді сатып алу әлдеқайда жылдам, ыңғайлы және қауіпсіз болмақ. Бұл жүрілгенавтокөліктер нарығының ашық болуына мүмкіндік беретініне сенімдіміз», - деді Mycar.kz бизнесті дамыту жөніндегі директоры Тимур Григорьев.</blockquote><figure class="image"><img src="https://knadmin.beoblood.kz/uploads/8ff1b8bb_223e_4567_8f39_b1025659d48a_acba347d15.jpg" alt="8ff1b8bb-223e-4567-8f39-b1025659d48a.jpg"></figure>Бүгінде Қазақстанда Mycar.kz-тің алты автоорталығы табысты жұмыс істейді. (Оның екеуі Алматыда, бір-бірден Астана мен Шымкент, ал Орал мен Ақтау қалаларында франшиза бойынша жұмыс істейді).Mycar.kz қосымшасында барлық бренд өнімдері онлайн режимінде қолжетімді. Мұнда сіз ресми автоорталықтан немесе жеке тұлғалардың хабарландырулары арасынан нарықтағы автокөлікті таңдай аласыз. &nbsp;Сондай-ақ сервистік қызметке жазыла аласыз және автокөлікті классифайд (онлайн жарнама витринасы) арқылы сата аласыз. Одан бөлек, Mycredit платформасының арқасында автокредитке алдын ала мақұлдауды да алуға болады.Бір ғана өтініш беру арқылы клиент платформаға қосылған барлық банктер мен микроқаржы ұйымдарынан автокредит бойынша түрлі нұсқаларды таңдай алады. Сол себептен ұсыныстарды салыстыруға және кредитке автокөлік сатып алудың ең жақсы шарттарын таңдауға мүмкіндік бар.Бүгінде Mycredit платформасында ірі қаржы институттары Halyk Bank, Банк ЦентрКредит, Freedom Bank, Еуразиялық банктен сондай-ақ Mycar Finance және Sapa Digital Finance микрокредиттікқаржы ұйымдарынан автокредит алуға болады. Бұл серіктестердің тізімі алдағы уақытта әлі де кеңейіп, жаңа мүшелермен толықтырылады.<blockquote>«Біз жүрілген автокөліктерді сатудың қаншалықты қарқынды дамып келе жатқанын көріп отырмыз және Mycar.kz-пен ынтымақтастығымыз қолданыстағы қызметтерге тамаша қосымша болады. Сондықтан клиенттеріміз үшін автокөліктерді сатып алуды одан да қолайлы және тиімді ететініне сенеміз», - деді «TURAN AUTO KZ» ЖШС директоры Ернар Пірім.&nbsp;</blockquote><img src="https://knadmin.beoblood.kz/uploads/Whats_App_Image_2023_08_14_at_15_27_44_1_bb1aee1c5d.jpeg" alt="WhatsApp Image 2023-08-14 at 15.27.44 (1).jpeg">Толық ақпарат алу үшін қосымшаны жүктеп алыңыз немесе&nbsp;<a href="https://mycar.kz/?utm_source=media&amp;utm_campaign=kyzylordanews">Mycar.kz</a> сілтемесі бойынша өтіңіз.Ал өзіңіздің автоорталығыңызды ашуға <a href="https://mycar.kz/franchise?utm_source=media&amp;utm_campaign=kyzylordanews">сілтеме</a> &nbsp;бойынша өтініш бере аласыз.

Енді Қызылордада тексерілген автокөліктерді сатып алу мүмкіндігі бар

<a href="https://kyzylorda-news.kz/">Kyzylorda-news.kz.</a>&nbsp; Жастар – елдің ертеңі, ұлттың үкілеген үміті. Сондықтан жастар саясатына тың өзгерістер мен жаңаша ұғым қалыптасып, түрлі қолдау қажет. Дәстүрлі түрде «12 тамыз – Халықаралық жастар күні» мерекесі биыл да облыс көлемінде түрлі бағытта аталып өтеді. Осы орайда, облыстық жастар орталығының ұйымдастыруымен «Жастармен бірге Open Air» мерекелік кеші өткізілді. Аталған шараға облыстық қоғамдық даму басқармасының басшысы Алмасбек Есмаханов қатысып, сырбойылық жастарды мерекесімен құттықтады.<blockquote>- Жастар – қашанда асқақ арман мен үміт, биік ар мен өр намыстың символы. Қай елдің болмасын басты капиталы халқы десек, соның ішінде жастар – қоғамның жетекші күші ретінде еліміздің дамуы үшін жауапты екені сөзсіз. Сыр елінің жастары қашан да қайсарлығымен, белсенділігі мен жарқын болашаққа ұмтылуға құштарлығы арқылы артылған сенім үдесінен шығып келеді. Қазір елімізде жастар саясатына қатысты барлық мүмкіндік қарастырылған. Оның бір дәлелі – биыл Мемлекеттік жастар саясаты туралы Заңға өзгерістер енгізіліп, жастар санаты 35 жасқа дейін ұзартылды. Сондай-ақ, жергілікті мемлекеттік органдарды бағалау көрсеткішіне «Жастардың даму индексі» қосылып отыр. Мемлекет басшысының «Бізге ешкім сырттан келіп, ештеңе жасап бермейтіні анық, бәрі өз қолымызда» деген сөзі бар. Жастық жалындарыңыз бен күш-жігерлеріңізді аймақтың дамуына, өсіп-өркендеуіне жұмсайтындырыңызға сенемін, - деді Алмасбек Әбілқасымұлы.</blockquote>«Жасында жалықпасаң, қартайғанда тарықпайсың» деген қазақта қанатты сөз бар. Еліміздің керегесі берік, шаңырағы мәңгі болуы үшін қанатын қомдап, туған жерінде еселі еңбек етіп келе жатқан жастар қауымы жетерлік. Іс-шара барысында жаспын деп жасқанбай, кедергілерге қарамай табысты еңбек етіп, жастар саясатына үлес қосқандарға ҚР Қоғамдық және ақпараттық даму министрлігі мен Қызылорда облысы әкімінің алғыс хаттары табысталды.Сондай-ақ, гала-концертте өңірдің өрендері өнер көрсетіп, көрермен көзайымына айналды. Бұған қоса, спорттық сайыстар, «Қарбыз Fest», қыз-келіншектердің кондитерлік өнімдері және жас кәсіпкерлер көрмесі ұйымдастырылды. Іс-шара соңында қаламыздың белгілі жұлдыздары өнер көрсетіп, мерекелік от-шашумен салтанатты кеш қорытындыланды.<figure class="image"><img src="https://knadmin.beoblood.kz/uploads/366965598_1839353293126841_359636423396618707_n_b845d6ef65.jpg" alt="366965598_1839353293126841_359636423396618707_n.jpg"></figure>&nbsp;<figure class="image"><img src="https://knadmin.beoblood.kz/uploads/366977240_1839353303126840_1791333594428431390_n_66ca6e8cdd.jpg" alt="366977240_1839353303126840_1791333594428431390_n.jpg"></figure>&nbsp;<figure class="image"><img src="https://knadmin.beoblood.kz/uploads/366339765_1839353356460168_7863576860264664962_n_536c050c14.jpg" alt="366339765_1839353356460168_7863576860264664962_n.jpg"></figure>

Қызылордада «Жастармен бірге Open Air» мерекелік кеші өткізілді

<a href="https://kyzylorda-news.kz/">Kyzylorda-news.kz.</a> Қазгидромет синоптиктері 11 тамызға арналған ауа райы болжамын жариялап, бірнеше өңірде ескерту жариялады, деп хабарлайды ҚазАқпарат.Синоптиктердің болжамы бойынша, 11 тамызда Түркістан облысының тауларында найзағай жарқылдайды. Солтүстік-батыстан жел соғады, облыстың таулы аудандарында күші 15-20 м/с болады. Облыстың солтүстігінде, оңтүстігінде, шөлді аудандарында төтенше өрт қаупі сақталады.Астана қаласында Солтүстіктен, солтүстік-батыстан жел соғады, найзағай кезінде екпіні 15-18 м/с болады. Жоғары өрт қаупі бар.Қызылорда облысында жел солтүстік-батыстан, солтүстіктен соғады. Облыстың орталығында күші 15-20 м/с болуы мүмкін. 11-13 тамызда облыстың басым бөлігінде төтенше өрт қаупі сақталады. Қызылорда қаласында 11-13 тамызда төтенше өрт қаупі сақталады.11 тамызда түнде Абай облысының солтүстігінде, орталығында, күндіз облыстың басым бөлігінде кей уақыттарда қатты жаңбыр, найзағай күтіледі. Күндіз облыстың батысында, оңтүстігінде бұршақ, дауыл тұрады. Оңтүстік-батыстан соғатын жел солтүстік-батысқа ауысады. Облыстың солтүстігінде, батысында, оңтүстігінде 15-20, күндіз екпіні 25 м/с болады. Төтенше өрт қаупі сақталады.Семей қаласында найзағай ойнайды. Жел солтүстік-батыстан соғады, найзағай кезінде екпіні 15-18 м/с болады. Семей қаласында 11 тамызда төтенше өрт қаупі сақталады.Шығыс Қазақстан облысының солтүстігінде, шығысында, күндіз облыстың басым бөлігінде кей уақыттарда қатты жаңбыр жауып, найзағай жарқылдайды. Күндіз облыстың солтүстігінде, шығысында, орталығында бұршақ жауып, дауыл тұрады. Жел оңтүстік-батыстан соғады, облыстың солтүстігінде, орталығында 15-20, күндіз екпіні 23 м/с. Облыстың батысында, солтүстігінде төтенше өрт қауіпі сақталады.Өскемен қаласында найзағай жарқылдайды. Жел оңтүстік-батыстан соғады, найзағай кезінде екпіні 15-18 м/с болады. Өскемен қаласында төтенше өрт қаупі сақталады.Маңғыстау облысының басым бөлігінде 38-39 градус қатты ыстық сақталады. Төтенше өрт қаупі бар. Ақтау қаласында төтенше өрт қаупі сақталады.Батыс Қазақстан облысының оңтүстік-батысында 37 градус қатты ыстық сақталады. Облыстың басым бөлігінде жоғары өрт қаупі бар. Облыстың батысында, оңтүстік-шығысында төтенше өрт қаупі күтіледі. Орал қаласында күндіз жоғары өрт қаупі сақталады.Ұлытау облысының шығысында найзағай күтіледі. Солтүстіктен жел соғады, күндіз облыстың шығысында екпіні 15-20 м/с күтіледі.Қарағанды облысының оңтүстігінде, шығысында қатты жаңбыр күтіледі. Облыстың басым бөлігінде найзағай ойнайды. Күндіз облыстың солтүстігінде, шығысында, оңтүстігінде бұршақ, дауыл тұрады. Қарағанды қаласында найзағай жарқылдайды.Атырау облысының оңтүстік-батысында 40-42 градус өте қатты ыстық сақталады. Облыстың басым бөлігінде төтенше өрт қаупі бар.Ақтөбе облысында желдің бағыты солтүстік-батыстан солтүстік-шығысқа ауысады. Түнде облыстың оңтүстігінде, шығысында, күндіз облыстың оңтүстігінде, орталығында екпіні 15-20 м/с болады. Күндіз облыстың оңтүстігінде, батысында 35 градус қатты ыстық күтіледі. 11 тамызда облыстың оңтүстігінде, орталығында төтенше өрт қаупі сақталады.Жетісу облысының оңтүстігінде, шығысында, таулы аудандарында найзағай, күндіз бұршақ, дауыл күтіледі. Батыстан жел соғады, найзағай кезінде екпіңі 15-20, кей уақытта 25 м/с болады. Облыстың басым бөлігінде төтенше өрт қаупі сақталады. Талдықорған қаласында күндіз найзағай ойнайды. Батыстан жел соғады, найзағай кезінде екпіні 15-20 м/с болады. Төтенше өрт қаупі сақталады.Солтүстік Қазақстан облысының оңтүстігінде, күндіз солтүстігінде, шығысында, оңтүстігінде найзағай ойнайды. Күндіз облыстың солтүстігінде, шығысында, оңтүстігінде бұршақ, дауыл күтіледі. Солтүстіктен, солтүстік-батыстан жел соғады, түнде облыстың оңтүстігінде екпіні 15-20 м/с болады. Күндіз облыстың басым бөлігінде 15-20, облыстың оңтүстігінде, шығысында кей уақытта екпіні 23-28 м/с болады. Облыстың батысында жоғары өрт қаупі сақталады. Петропавл қаласында күндіз найзағай, бұршақ күтіледі. Солтүстіктен, солтүстік-батыстан жел соғады күндіз екпіні 15-20 м/с болады.Костанай облысының шығысында, оңтүстігінде найзағай, облыстың батысында тұман түседі. Солтүстіктен жел соғады, облыстың солтүстігінде, оңтүстігінде, шығысында екпіні 15-20 м/с болады. 11 тамызда облыстың оңтүстігінде төтенше өрт қауіпі сақталады. Қостанай қаласында солтүстіктен жел соғады, күндіз екпіні 15-20 м/с болады.Ақмола облысының басым бөлігінде, күндіз солтүстігінде, оңтүстігінде, шығысында найзағай жарқылдайды. Күндіз облыстың солтүстігінде, оңтүстігінде, шығысында бұршақ жауады. Солтүстіктен, солтүстік-батыстан жел соғады, найзағай кезінде екпіні 15-20, кей уақыттарда 23 м/с болады. 11 тамызда облыстың басым бөлігінде жоғары өрт қаупі, облыстың оңтүстігінде, батысында төтенше өрт қаупі сақталады.Павлодар облысының оңтүстік-шығысында қатты жаңбыр, облыстың оңтүстігінде, шығысында найзағай ойнайды. Солтүстіктен жел соғады, найзағай кезінде екпіні 15-20 м/с болады. 11 тамызда облысының оңтүстік-шығысында жоғары өрт қаупі сақталады. Павлодар қаласында түнде және таңертең найзағай жарқылдайды. Солтүстіктен жел соғады, найзағай кезінде екпіні 15-20 м/с болады.Алматы облысының тау етегіндегі және таулы аудандарда кей уақытта қатты жаңбыр жауады. Солтүстік-батыстан соғатын желдің бағыты солтүстік-шығысқа ауысады. Облыстың солтүстігінде, оңтүстігінде, таулы аудандарда 15-20, кей уақытта екпіні 23-28 м/с болады. 11 тамызда Алматы облысының солтүстігінде, орталығында төтенше өрт қаупі сақталады. Алматы қаласында күндіз кей уақытта қатты жаңбыр, бұршақ жауады, найзағай жарқылдайды. Солтүстік-батыстан жел соғады, найзағай кезінде екпіні 15-20 м/с болады.

Найзағай, жел: Бірнеше өңірде ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Биыл облыс әкімінің қолдауымен 2023-2024 оқу жылына арналған 100 оқу гранты бөлінді. Атап айтқанда, білім беру саласына – 49, денсаулық сақтау саласына – 15, су шаруашылығына – 8, ауыл шаруашылығы саласына – 8, инженер саласына – 4, электр энергетика саласына – 4, хореография – 3, құрылыс, жерге орналастыру, ақпараттық технологиялар және дін саласына – 2 грант, ал азық-түлік өнімдерін өндіруге – 1 оқу гранты тағайындалды. Облыс әкімінің оқу грантына әлеуметтік жағдайы төмен және халықтың осал топтарынан шыққан талапкерлер ғана үміткер бола алады. Бұл жөнінде Қызылорда облысының өңірлік коммуникациялар қызметінде өткен брифингте облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев хабарлады.<blockquote>– Өздеріңізге белгілі, мемлекеттік грант конкурсына өтінім қабылдау шілде айында аяқталған болатын. Конкурс нәтижесі тамыз айының басында жарияланды. Осы мемлекеттік грантқа іліге алмай қалған әлеуметтік жағдайы төмен және халықтың осал топтарынан шыққан талапкерлер облыс әкімінің арнайы грантына үміткер бола алады. Биыл өңірге қажетті мамандықтардың тізімі жинақталып, нәтижесінде 146 мамандыққа сұраныс бар екені анықталды. Сондай-ақ, жыл басынан бері облыс әкімінің грантын бөлуге тек Қорқыт ата атындағы Қызылорда университетінен ұсыныс келіп түскен болатын. Дегенмен, 2021-2023 жылдарға жасалған облыстың еңбек ресурстарының балансына сәйкес, маман тапшылығын алдын алу және алдағы уақытта өңірде жүзеге асырылатын бірқатар инвестициялық жобаларды ескеріп, осы жылы жүз оқу гранты бөлінді. Оның 83 гранты – Қорқыт ата атындағы Қызылорда университетіне, 15 грант – С.Ж. Асфендияров атындағы Қазақ Ұлттық медицина университетіне, 2 грант – Нұр-Мүбарак Египит Ислам мәдениеті университетіне берілді. Ал қала және аудандар бойынша Арал ауданына– 10, Қазалы ауданына – 8, Қармақшы ауданына – 12, Жалағаш ауданына – 4, Сырдария ауданына – 9, Шиелі ауданына – 8, Жаңақорған ауданына – 9, Қызылорда қаласына – 40 грант. Оқуға құжаттарды қабылдау қалалық және аудандық жұмыспен қамту орталығындағы тіркеу бөлімдерінде тамыз айының 10 нан бастап жүргізіледі, – деді басқарма басшысы Ғабит Жаңабаев.</blockquote>Айта кетейік, соңғы он жылда еліміздің жоғары оқу орындарында білім алу үшін 1 303 студент облыс әкімінің грантын иеленген болатын. Оның 881-і оқуды бітіріп, 406-і жұмыспен қамтылған, Биыл облыс әкімінің 100 оқу грантына облыстық бюджеттен 85,2 млн.теңге қаражат бөлініп, қала және аудан бюджеттеріне аударылды.&nbsp;&nbsp;&nbsp;

 Қызылорда: Облыс әкімінің 100 гранты бөлінді

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев Қазалы ауданына жұмыс сапары кезінде Абай ауылын газдандыру және ауданның автокөлік жолдарын салу жұмыстарымен танысты.Абай күнінде ұлы ақын атындағы ауылға арнайы барған аймақ басшысы тұрғындарды атаулы күнмен құттықтады. Бұл ауыл жақын күндері табиғи газға қосылады.Биыл Абай ауылындағы газ құбыры құрылысын бастауға аудандық бюджеттен қаржы бөлініп, мемлекеттік сатып алу конкурсының қорытындысымен «Ремстрой» ЖШС жеңімпаз атанды. Жалпы ұзындығы 15,090 шақырымды құрайтын газ құбыры арқылы 193 тұрғын үй және 8 әлеуметтік нысан "көгілдір отынға" қосылмақ.Мұнан бөлек, Ғ.Мұратбаев ауылынан жаңадан ашылған кварталда салынатын тұрғын үйлерді инженерлік инфрақұрылыммен қамтамасыз ету (ауыз сумен, газбен және электрмен жабдықтау) жобасы жүзеге асуда. Құрылыс жұмыстары сәуір айында басталып, 6 ай бойы жалғасады. Тұрғындар 15,3 шақырым ауыз су, 7 шақырым газ, 8,7 шақырым электр желілерімен, бәрін қоса алғанда 270 жер учаскесі инженерлік желілермен қамтылады.Аймақ басшысы сапар барысында "Әйтеке би-Қазалы" аудандық маңызы бар автокөлік жолындағы қайта жаңғырту жұмыстарын көрді. Бас мердігер - «Стандарт Ойл КЗО» ЖШС жолды 4 жолақ етіп кеңейтіп, 2 темірбетон көпір мен 2 су өткізгіш құбырды қайта жаңартады. Мұнан бөлек, жол бойына жарықшамдар мен аялдамалар орнатады. Бұл жұмыстар 2020 жылдың тамыз айында басталып, өткен жылы аяқталуы тиіс болатын. Уақытында бітпеуіне байланысты сот шешімі шығып, қазір мердігер мекемеге мәжбүрлеп орындау міндеттелді. Нұрлыбек Машбекұлы жұмыс сапасын қадағалауды, тез арада аяқтауды тапсырды.Айта кетейік, биыл Қазалыдағы аудандық маңызы бар 4 автокөлік жолын орташа жөндеуге және 1 жолды қайта жаңғыртуға бюджеттен 1,2 млрд. теңге қаржы қаралған. Әйтеке би мен Қазалы қаласы аралығындағы қайта жаңғырту жұмыстары биыл аяқталады деп жоспарлануда. Әйтеке би кентіндегі Жанқожа батыр және Әйтеке би көшелерін қайта жаңғыртуды бастауға мемлекеттік сатып алу конкурстары өткізіліп, мердігер мекемемен келісім-шарт жасалды. Мұнан бөлек, Әйтеке би кентінің 14 көшесі, Қазалы қаласының 15 көшесі, Ү.Түктібаев елді мекенінің 6 көшесі және Ғ.Мұратбаев ауылының 1 көшесін жөндеу жұмыстарына қаражат бөлінді.<figure class="image"><img src="https://knadmin.beoblood.kz/uploads/366310316_591465776508004_3835060119054482781_n_9161aab183.jpg" alt="366310316_591465776508004_3835060119054482781_n.jpg"></figure>&nbsp;<figure class="image"><img src="https://knadmin.beoblood.kz/uploads/366330287_591465919841323_4099333893016442842_n_f64cb0d852.jpg" alt="366330287_591465919841323_4099333893016442842_n.jpg"></figure>

Аймақ басшысы Қазалы ауданының инфрақұрылымдық жобаларымен танысты

<a href="https://kyzylorda-news.kz/">Kyzylorda-news.kz.</a> Қазгидромет Қазақстан аймақтарында 2023 жылғы 10 тамызда болатын қауіпті метеорологиялық құбылыстарға болжау консультациясын жариялады, деп хабарлайды ҚазАқпарат.Оңтүстік циклонмен атмосфералық фронтальды бөлімдердің өтуіне байланысты еліміздің басым бөлігінде тұрақсыз ауа райы сақталады: еліміздің солтүстігінде, шығысында, орталығында найзағай ойнап, жаңбыр жауып, бұршақ түседі, дауыл соғады.ҚР батысында, оңтүстік-батысында, солтүстік-шығысында жауын-шашынсыз ауа рыйы күтіледі. Республика бойынша екпінді жел күтіледі. Батыста түнде және таңертең тұман күтіледі.Күндіз Алматы, Атырау, Маңғыстау облыстарында, Батыс Қазақстан облысының оңтүстік-батысында 35-42°С қатты ыстық сақталады.Ақмола, Атырау, Батыс Қазақстан облыстарында, Павлодар облысының оңтүстік-шығысында, Солтүстік Қазақстан облысының оңтүстігінде жоғары өрт қаупі сақаталады.Маңғыстау, Жамбыл, Қызылорда, Жетісу, Абай облыстарында, Түркістан облысының солтүстігінде, батысында, шөлді аудандарында, Шығыс Қазақстан облысының батысында, солтүстігінде, Алматы облысының солтүстігінде, орталығында, Ақтобе облысының орталығында, оңтүстігінде, Атырау, Қостанай, Қарағанды, Ұлытау облыстарының оңтүстігінде, Ақмола облысының оңтүстігінде, батысында төтенше өрт қауіпі сақталады.

10 тамызға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев, ҚР Парламенті Сенатының депутаттары Ақмарал Әлназарова мен Руслан Рүстемов, Мәжіліс депутаты Мұрат Ергешбаев Арал ауданына жұмыс сапарымен барып, бірқатар әлеуметтік нысандардың құрылысымен танысты.Аймақ басшысы М-32 «Самара- Шымкент» республикалық маңызы бар автомобиль жолының 1248-1555 шақырымындағы орташа жөндеу жұмыстарын көрді. Ұзындығы 11 километрден астам автожолды «Қыран» ЖШС қалпына келтіруде. Оған республикалық бюджеттен 1 005,760 млн теңге бөлінген. Жөндеу жұмыстары биыл қазан айында аяқталады. Нәтижесінде жол жамылғысының ақаулары қайта қалпына келтіріліп, көлік қозғалысының қауіпсіздігі қамтамасыз етіледі деп күтілуде.Әрі қарай Нұрлыбек Машбекұлы «Қуатты өңірлер - ел дамуының драйвері» ұлттық жобасы аясында сатып алынатын пәтерлерді көрді. Биыл бағдарлама аясында Арал қаласынан 84 пәтерлік 42 үйдің құрылысы жүргізілуде. Баспана қараша айында пайдалануға берілмек.Еске салсақ, биыл аталған ұлттық жоба аясында облыста 1346 пәтерлік 26 тұрғын үй құрылысы жүргізілуде. Оның ішінде сатып алу құқығынсыз жалға берілетін 322 пәтерлік 9 тұрғын үй және 1024 пәтерлік 17 несиелік тұрғын үй бар. Ал 842 пәтерлік 20 тұрғын үйді жыл соңына дейін пайдалануға беру жоспарланған. Мұнан бөлек, Қызылорда қаласында жалғыз тұрғын жайы Қазақстан Республикасының заңнамасында айқындалған тәртіппен апаттық жағдайда деп танылған азаматтарға пәтер сатып алуға облыстық бюджеттен 6 млрд.теңге қаралып 34 пәтер, халықтың әлеуметтік осал топтарына 1000 пәтер сатып алуға республикалық бюджеттен 9,6 млрд. теңге бөлінді.Облыс әкімі аудан орталығындағы А. Сатаев және Төле би көшелерін жөндеу жұмыстарымен де танысты. Мердігер мекеме - «Арал құрылысы» ЖШС көшелердің астыңғы қабатын көтеріп, жарықтандыру жұмыстарын жүргізуде. Айта кетейік, «Моно және шағын қалаларды дамыту» бағдарламасы аясында 772,3 млн. теңгеге Арал қаласындағы 7 көшенің жолдары жөнделуде. Олардың жалпы ұзындығы 5,5 шақырымды құрайды.Әрі қарай аймақ басшысы Арал қаласындағы теміржол арқылы өтетін автожол көпірінің құрылыс алаңына барып, жұмыс барысын көрді. Аспалы көпірдің құрылысын «РИТМ» ЖШС жүргізуде, ұзындығы - 940 метр. Құрылыс жұмыстары наурыз айында басталды, нысан 2025 жылы пайдалануға беріледі. Қазір қажетті заттар және техникалар тасымалданып, нысан басы тегістелді, құрылыс-монтаж жұмыстары жүргізілуде. Бүгінде аудан орталығындағы көліктер бір ғана теміржол өткелі арқылы қатынайды. Өткел жабылғанда 2-2,5 шақырымға дейін автокөлік кептелісі пайда болып, жедел жәрдем, өрт сөндіру, құқық қорғау органдары сияқты кезек күттірмейтін қызметтермен қоса, тұрғындарға да кедергі келтіреді. Көпір пайдалануға берілген соң осы мәселе түпкілікті шешімін табады деп күтілуде.Айта кетейік, биыл Арал ауданының автомобиль жолдарын жақсартуға 7,2 млрд. теңге бөлініп, жалпы 30 жоба іске асуда.<figure class="image"><img src="https://knadmin.beoblood.kz/uploads/363778974_590891919898723_8263506356150569250_n_d7596f4b99.jpg" alt="363778974_590891919898723_8263506356150569250_n.jpg"></figure>&nbsp;<figure class="image"><img src="https://knadmin.beoblood.kz/uploads/363446797_590891943232054_2523081919308769442_n_6bfbedd9ea.jpg" alt="363446797_590891943232054_2523081919308769442_n.jpg"></figure>&nbsp;<figure class="image"><img src="https://knadmin.beoblood.kz/uploads/363818722_590892003232048_1611203735457158403_n_5d84939dde.jpg" alt="363818722_590892003232048_1611203735457158403_n.jpg"></figure>

Қазақстан және Қызылорда облысының басты жаңалықтары