<a href="https://kyzylorda-news.kz/">Kyzylorda-news.kz</a> Сайып келгенде, жақсы адам – &nbsp;жарты ғалам. Ол өзінің игі істері арқылы өмірінде өзгеріс жасайды. Қай кезде болса да, адамға қол ұшын беріп, көмектесіп, жанашырлық танытады. Міне, осындай кеңпейіл жандардың бірі – Шиелінің «Атымтай жомарты» атанған Әбдіманап Шорабаев еді. Халқына адал қызмет етіп қана қоймай, көпшілікке қуаныш сыйлап, қамқорлық көрсететін. Осы тұста жанымызда қатар жүріп, жарты ғасырға ғана жуық ғұмыр кешкен Шиелі ауданының «Құрметті азаматы» Әбдіманап Дүйсенұлының жақсылығын айта кеткеніміз жөн болар. Қазақ елі енді егемендігін алып жатқанда, нар тұлғалы азамат кәсіпкерлікті бастап, елге тұтқа, халқына пана болды. Өз кәсібінен береке тауып, туған жердің гүлденуіне күш-қайратын сарп етті. Ол досқа қайырымды, жақынға бауырмал, айналасына үлгі-өнегесімен шуақ нұрын төккен, жұртшылықты жанына үйіре тартатын ұйымдастырушы, айтулы да арқасүйер нағыз мырза бола білді.Тұлғасы бөлек, тумысы ерек жан, еліміздің абзал азаматы Әбдіманап Дүйсенұлы өзі бар болғанда, биыл 63 жасқа келген болар еді. &nbsp;Көзі тірісінде көмек сұраған адамның қолын қайтармай, иманды істердің ұйытқысы бола білген арда азаматтың есімі ел-жұрттың санасында мәңгі сақтала бермек. &nbsp;РЕСПУБЛИКАЛЫҚ ТУРНИР МӘРЕСІНЕ ЖЕТТІӨздеріңізге белгілі, сәуір айының сегізінші жұлдызында аудандық спорт мектебінде Ә.Шорабаевты еске алуға арналған 2008-2009 жылы туған жасөспірімдер арасында бокстан Х республикалық турнир бастау алды. Ал оның марапаттау рәсімі 10 сәуір күні қорытындыланды. Қолғапты бәсекегеде &nbsp;9 облыстан 250-ге жуық спортшы бақ сынасты. Финалдық бәсекеде кіл мықтылар жарысты. Қарсыластың мүмкіндігін дәл анықтап, оған тойтарыс бере білген, өзі сенімді әрі әдіс-тәсілі жетілген боксшылар жарыс жеңімпазы атанды. Ендеше, тартысты турнир қорытындысына шолу жасап шығайық.&nbsp;Турнир нәтижесінде, қарсыласқа қарсы тұрып, жеңімпаз атанғандардың қатарынан Алихан Зайып (№5 Тасбөгет, 42 кг салмақ), Диас Алпысбай (№5 Тасбөгет, 44 кг салмақ), Мадияр Адрисов (Атырау облысы, 46 кг салмақ), &nbsp;Тәңірберген Абдилдаханұлы (№10 Шиелі, 48 кг салмақ), Сұңқар Әутен (Түркістан облысы, 50 кг салмақ), Ильнус Төремұратов (Сәтбаев қаласы, 52 кг салмақ), Ерасыл Мейрамхан (Түркістан облысы, 54 кг салмақ), Мейіржан Хусайнов (Сарыағаш ауданы, 57 кг салмақ), Оңдасын Асылбеков (Түркістан облысы, 60 кг салмақ), Оразалы Көбей &nbsp;(Жамбыл облысы, 63 кг салмақ), Думан Анарбек (Сарыағаш ауданы, 66 кг салмақ), Фараби Ақылбек (№15 Қармақшы, 70 кг салмақ), Алдияр Рахатұлы (№12 Сырдария, 75 кг салмақ), Мұхамедали Тортай (Қызылорда облысы, спорт-интернаты 80 кг салмақ), Ерасыл Бақытжан &nbsp;(Түркістан облысы, 80+ кг салмақ) көрінді.&nbsp;Жеңімпаз және жүлдегер атанған жас спортшылар салтанатты түрде арнайы дипломмен, медальмен және арнайы сыйлықтармен марапатталды.Осылайша, республикалық турнир жоғары деңгейде мәресіне жетті. Бір қуантарлығы, спорттық шараға еліміздің түкпір-түкпірінен командалар қатысып, жарыстың ұлғайып келе жатқанын көрсетті. Әдемі күн мен тарихи сәтке толы болған жарыс үш күнге созылып нәтижелі аяқталды.&nbsp;ЖАҚСЫ АДАМНЫҢ ШАРАПАТЫ – ӘР ЖҮРЕКТЕӘбдіманап Дүйсенұлының Шиелі ауданы үшін еткен еңбегі ерен. Өйткені ол ауданның орталық базарын республика көлеміндегі алдыңғы қатарлы ірі сауда орындарының біріне айналдырды. Алайда елім деп еміренген ердің ғұмыры қысқа болды. «Жақсы адамның шарапаты&nbsp;– әр жүректе» демекші, оның інісі Әбдіғани Шорабаев 10 сәуір күні «Әбдіманап» орталық базарында ағасына арнап ас берді. Құран бағышталды. Ораза айт мерекесімен тұспа-тұс келген бұл күні ауа-райы жылы болып тұрды.&nbsp;Жүрегі кең, мейірімге толы адам болатын. Сауданың сиқырлы жақтарын тоқып, күндіз-түні әкесінің жанында жүретін. Адамдардың сан қырлы қарым-қатынасын түйіп, жан-жақты аңғарып, әке жолымен алға ұмтылды. Өмірдің өзі бір тіршілік екенін бірден ұғынды.&nbsp;Байқасаңыз, Шиелі жұртшылығының жарты өмірі осы орталық базарда өтеді. Құжынаған халық. Қайнаған өмір. Күйбең тіршілік. Жапырлаған адам. Сауда-саттық. Бәрі осында. Керегіңізді осы жақтан таба аласыз. Ерекшелігі –&nbsp;тап-таза.&nbsp;Базар ішінің тазалығын сақтау – бірінші кезектегі талап. Сатушылардың тұрақтылығы – базардың кені, жергілікті халықтың азығы, &nbsp;салықтың қайнар көзі. Осының бәрін көріп-біліп, байқаған орталық базардың директоры болған Әбдіманап Шорабаевқа қандай сый көрсетсек те жарасады. Халық құрметіне бөленген, ел үшін туған, елім деген &nbsp;абзал азаматтың есімі мәңгі жүректе. Ол туралы көп айтылды, әлі талай айтылады. Тау алыстаған сайын биіктей беретіні сөзсіз.

Шиелі: Туған елі арда азаматын еске алды

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp; Жақында «Евразия» мәдени сауықтыру спорт кешенінде халық балуаны Қажымұқан Мұңайтпасұлын еске алуға арналған қазақ күресінен республикалық ашық турнирі басталды. Бұл турнир 3 күнге созылады. Себебі жарысқа еліміздің барлық өңірінен, яғни 14 облыс бойынша 250-ге жуық жас спортшылар қатысады. Жарыс 2004-2006 жылы туған жастар арасында өтеді.Алдымен қазақ күресінің ашылу салатанатында қала әкімі Серік Қожаниязов сөз сөйлеп, спортшыларға сәттілік тіледі.<blockquote>– Бұл турнир 12 жыл бұрын Сырдың бас шаһары – Қызылорда қаласында байрағын көтеріп, бүгінде еліміздегі бірегей жарыстардың қатарына қосылды. Осы жылдар ішінде бабы келісіп, қанат қаққан темірқанат түлектер Азия мен Әлемді мойындатты. Турнир жеңімпаздары Руслан Теміржан жастар арасында әлем чемпионы атанса, Шәріп Серікболсын, Бекзат Шакизаевтар ел чемпионы болды. Демек, дүбірлі доданың келешегі кемел екендігі даусыз.</blockquote>Қазақ күресінің Сыр өңірінде шеберлік мектебі қалыптасқан. Осы үлкен мектептен талай барыстар шықты. Олар – «Қазақстан барысы» турнирінің алғашқы жеңімпазы Ұлан Рысқұлов. Одан кейін жеңісті жолды жалғаған Мақсат Исағабылов. Қос батырдың ізінен ерген Еламан Ерғалиев пен Нұрым Сәлімгереев бүгінгі барыстар бәсекесінің беделділері.Абыройлы ағаларына қарап бой түзеген «Бала барыстарымыз» да жетерлік. Олай дейтініміз, жасөспірімдер арасындағы «Бала барысы» турнирі еліміз бойынша алғаш болып Қызылорда қаласында өтті. Жас балуандар осындай жарыстар арқылы шыңдалады, – деді қала әкімі.Сондай-ақ жарысқа қатысушы споршыларға шынайы бәсекелестік, спорт алаңында жеңіс пен сәттілік тілейтінін жеткізді.Бүгінде 12-ші мәрте өткізіліп жатқан жарысқа қатысушы жастардың басым бөлігі Қызылорда қаласының спортшыларынан құралған.Сонымен қатар ҚР қазақ күресінің мемлекеттік жаттықтырушысы Жеңіс Диқанбайұлы келесі жарыстың қай қалада өтетінің айтып берді.<blockquote>– Бұл турнир 2013 жылдан бастап 6 жылдай облыс деңгейінде өтсе, 2017 жылдан бері 5-ші рет республикалық деңгейде өтті. Жылда турнирге әр облыстың жас балуандары қатысады. Бүгінгі жарысқа қатысушы балалар осы жарыста іріктеуден өтіп, бір жұмадан кейін Түркістан қаласында өтетін Түркі әлемінің астанасы аясында «дала қырандары» атты командалық жарысқа қатысады. Бұл жастардың арасындағы үлкен жарысымыз деп білеміз,&nbsp;– деді Жеңіс Диқанбайұлы.</blockquote>Мұнан бөлек биылғы жылы Индияда өтетін Азия чемпионына қатысуды жоспарлап отқанын жеткізді.Айта кететін жайт бүгінгі қатысушы спортшылар Ақтөбеде қазақ күресінен жарысқа түсіп, іріктелген.&nbsp; – &nbsp; &nbsp;Жарыс жоғары деңгейде өтіп жатыр. Бүгінгі жарыста менің көптеген қарсыластарым бар. Десе де екі айналымды жеңіспен ұттым. Оның ішінде Жетісу мен Абай облыстарының спортшыларымен күрестім. &nbsp;Негізі мен Ақтөбе қаласында өткен жастар арасындағы қазақстан чемпионымын. &nbsp;Ал бүгін 78 келі салмақпен &nbsp;күресудемін, – деді спортшы Жалғас Жоспар.Жалпы жарыс «Qazaq kuresi» Ассоциациясы бекіткен ереже бойынша өтеді. Барлық аймақтан келген жас балуандар әр салмақта 3 спортшыдан, өткізуші аймақтан әр салмақ дәрежесіне 4 спортшыдан жіберіледі. Одан бөлек &nbsp;салмақ бойынша 1 келі жеңілдік қарастырылған.Қазіргі таңда турнирге қатысу үшін 14 облыстан тапсырыстар қабылданған және &nbsp;қабылдау әлі де жалғасуда.

Қызылордада қазақ күресінен жарыс өтуде 

<a href="https://kyzylorda-news.kz/">Kyzylorda-news.kz</a> &nbsp;Қызылордалық «Қайсар» биылғы біріншілікті сәтсіз бастады. Алғашқы үш турда бірде-бір ұпайға қол жеткізе алған жоқ. Әрине, бұл жергілікті жанкүйерлердің көңілінен шықпай отыр. Десе де доп додасы енді басталғанын ескеру керек.Былтыр да қызылордалық команда алғашқы екі турда қарсыластарына есе жіберіп қойғаны белгілі. Одан кейін ғана команда тартысты ойын көрсете бастаған еді. Бас жүлдеден үмітті болған «Қайрат» және «Тобыл» секілді клубтарды сырт алаңда сүріндіріп, ұпай қорын молайта түсті. Мұның өзі спорттың сиқырын көрсетеді.<blockquote>– Жанкүйерлер ренішін түсінеміз. Олар командадан әрдайым жеңіс күтеді. Алғашқы екі ойында команда құрамын жасақтауда қиындық кездесті. Түркиядағы оқу-жаттығу жиынына қатысқан кейбір футболшылар виза мәселесіне байланысты Қызылордаға уақытында келе алған жоқ. Сондай-ақ команданың дайындығына кешірек қосылған ойыншылар бар. Айналып келгенде, ол команда біріншіліктің алғашқы екі турында футболшылардың өзара түсінісіп ойнауына кері әсерін тигізді. Ал «Елімай» кездесуде қарсылас ұжымға тегеурінді қарсылық көрсете алдық. Ойын тағдырын бір ғана гол шешіп кетті. Кейбір сәттерде төреші тарапынан бұра тарту жағдайы кездесті. Оны жанкүйерлер де көрген шығар. Бұған дейінгі жіберген қателіктен тиісті сабақ алдық. Алдағы ойындарда жанкүйерлерді жеңіспен қуантамыз деген сенімдеміз, – деді команданың спорттық директоры Мақсат Байжанов.</blockquote>Рас, биыл «Қайсардың» құрамына шетелдік және отандық тәжірибелі ойыншылар қосылды. Олардың қатарында Тоқтар Жаңғылышбай, Айбар Жақсылықов, Думан Нәрзілдаев, Руслан Юденков, Валерий Громыко, Шохнозар Норбеков, Йован Пайович бар. Олардың кейбірі еліміздің ұлттық құрама сапында түрлі жарыстарға қатысып жүр. Шетелдіктер арасында өз елінің құрамасына шақырту алып жүргені де бар. Демек олар осал ойыншылар болмағаны.<blockquote>– Былтыр бірінші лигадан шыққанына қарамастан «Қайсар» маусым біткенде алтыншы орынға табан тіреді. Шәкірттерім осылайша жергілікті жанкүйерлердің сенімін ақтады. Талай мықты қарсыласпен терезесі тең деңгейде ойын көрсеттік. Бұған байланысты көптің ризашылығын да естідік. Команда жігіттері аянып қалып жатқан жоқ. Жеңістің жақын екеніне сенемін, – деді бас бапкер Виктор Кумыков.</blockquote>«Қайсардың» капитаны Руслан Сақалбаев командада барлығы қалыпты, өзара түсіністік бар екенін айтты.– Жанкүйерлерді алдағы матчтарға шақырамыз. Біз әрбір кездесуге жауапкершілікпен қараймыз. Мықты ұжымдарға да лайықты қарсылық көрсете аламыз. Алдағы біріншілік ойындары мен Қазақстан кубогы бар. Солардың барлығында жергілікті жұртшылықты желпіндіретін ойын көрсетуге тырысамыз, – деді ол. &nbsp;Фото: Сыр бойы&nbsp;

«Қайсар» қайта қайратына мінбек

<a href="https://kyzylorda-news.kz/">Kyzylorda-news.kz</a> &nbsp;Бүгін Сыр елінің бас қаласында халық балуаны Қажымұқан Мұңайтпасұлын еске алуға арналған қазақ күресінен 2004-2006 жылы туылған жастар арасында өтетін дәстүрлі республикалық турнир 12 мәрте байрағын көтерді.Жарыстың ашылу салатанатында қала әкімі Серік Қожаниязов сөз сөйлеп, спортшыларға сәттілік тіледі.<blockquote>- Бұл турнир 12 жыл бұрын Сырдың бас шаһары – Қызылорда қаласында байрағын көтеріп, бүгінде еліміздегі бірегей жарыстардың қатарына қосылды. Осы жылдар ішінде бабы келісіп, қанат қаққан темірқанат түлектер Азия мен Әлемді мойындатты. Турнир жеңімпаздары Руслан Теміржан жастар арасында әлем чемпионы атанса, Шәріп Серікболсын, Бекзат Шакизаевтар ел чемпионы болды. Демек, дүбірлі доданың келешегі кемел екендігі даусыз.</blockquote>Қазақ күресінің Сыр өңірінде шеберлік мектебі қалыптасқан. Осы үлкен мектептен талай барыстар шықты. Олар - "Қазақстан барысы" турнирінің алғашқы жеңімпазы Ұлан Рысқұлов. Одан кейін жеңісті жолды жалғаған Мақсат Исағабылов. Қос батырдың ізінен ерген Еламан Ерғалиев пен Нұрым Сәлімгереев бүгінгі барыстар бәсекесінің беделділері.Абыройлы ағаларына қарап бой түзеген «Бала барыстарымыз» да жетерлік. Олай дейтініміз, жасөспірімдер арасындағы «Бала барысы» турнирі еліміз бойынша алғаш болып Қызылорда қаласында өтті. Жас балуандар осындай жарыстар арқылы шыңдалып, жасын ойнатады.Бүгінгі жарысқа қатысушыларға шынайы бәсекелестік, спорт алаңында жеңіс пен сәттілік тілеймін, - деді шаһар басшысы.Турнирге еліміздің әр өңірінен келген 14 команда, 250-ге жуық спортшы қатыуда. Жеңімпаздарға ҚР-ның спорт шеберіне кандидат атағы беріледі. Сондай ақ, қала әкімінің арнайы дипломдары мен медальдары және қаржылай сыйақылары табысталады.

Дәстүрлі дода дүбірі

&nbsp;<a href="https://kyzylorda-news.kz/">Kyzylorda-news.kz</a> &nbsp;Қазіргі қоғамдағы маңызды мәселелердің бірі – пробация есебіндегі азаматтарды әлеуметтік бейімдеу, олардың уақытын тиімді пайдаланып түрлі мәдени-спорттық іс-шараларға қатыстыру, сонымен қатар қоғамға сіңіп кетуі болып табылады. Осы ретте, Сырдария аудандық жастар ресурстық орталығы пробация есебіндегі жастар арасында кіші футболдан турнир өткізді. Турнирде 5 команда бақ сынады.<blockquote>– Спорттық іс-шараның негізгі мақсаты – жастар арасында саламатты өмір салтын қалыптастыру, бос уақыттарын тиімді пайдалану және қылмыс пен құқықбұзушылыққа жол бермеу. Кіші футболдан өткен турнирде пробация есебіндегі жастар тартысты ойын көрсетті. Пробация есебінде тұрған азаматтардың арасында спорттық іс-шаралар жиі ұйымдастырылады, – деді орталықтың директоры Айгүл Ахметова.</blockquote>Турнир қорытындысы бойынша&nbsp;І орынды &nbsp;"Атлас" командасы, ІІ орынды "Қайсар" командасы, ІІІ орынды &nbsp;"Оқжетпес" командасы, IV-V орынды &nbsp;"Шаған" және "Арафат" командалары еншіледі. Жеңімпаздарға "Мирас" жастар ұйымы қоғамдық бірлестігінің арнайы дипломдары мен бағалы сыйлықтары табысталды.Жарыс соңында қатысқан жастар ұйымдастырушыларға алғыстарын білдірді.

Пробация есебіндегі жастар арасында кіші футболдан турнир өтті

&nbsp;<a href="https://kyzylorda-news.kz/">Kyzylorda-news.kz</a> Көшоқы кентінде орналасқан футбол алаңында Қазақстан Республикасы Чемпионатының екінші лигасында өнер көрсететін Қайсар-Шиелі және Оңтүстік Академия командалары ойын көрсетті. Ойынға жергілікті команданы қолдап келген жанкүйерлердің қарасы қалың болды. Сондай-ақ, ойынды тамашалау үшін арнайы аудан әкімі Нұржан Ахатов, облыстық дене шынықтыру, спорт және туризм басқармасының басшысы Жанмұрат Сейілов, Қазақстан Республикасының Еңбек сіңірген жаттықтырушысы Садық Мұстафа және т.б спорт саласының ардагерлері келіп қатысты. Ысқырық шалынған сәттен бастап қос ұжым кезек-кезек қарымта шабуылдар жасаумен болды. Дегенмен екі ұжымның да сұрмергендері қақпаның кілтін таба алмай, алғашқы 45 минуттық 0-0 есебімен аяқталды. Үзілістен кейін қайта оралған команда ойыншылары алдымен Қайсар-Шиелі командасының қақпасына орнығып, бірнеше қауыпты шабуылдар жасаса, соңғы 10 минутта Қайсар-Шиелі командасы есеп ашатын бірнеше мүмкіндікке ие болды. Алайда, қақпашылар қырағылық танытып, таблода есеп өзгеріссіз қалды. Яғни қос команда бір-бір ұпайдан еншілеп, 0-0 есебімен тең тарқасты. Айта кетейік, бұл ойын QFL Екінші лигасының маусымашар ойыны болатын. Алдағы уақытта да жергілікті ұжым бірнеше ойындарды осы алаңда өткізетін болады. Сондықтан баршаңызды жерлестерімізді қолдауға шақырамыз! &nbsp;

Қайсар-Шиелі мен Оңтүстік академия командалары арасындағы ойын тең аяқталды

Қармақшы ауданының спортында серпін бар

<a href="https://kyzylorda-news.kz/">Kyzylorda-news.kz</a> Ел дегенде еміреніп, жұрт дегенде жүгініп қызмет етіп, Шиелі ауданының экономикасы мен кәсіпкерлік саласын дамытуға өз үлесін қосқан арда азамат Әбдіманап Шорабаев тірі болғанда биыл зейнет жасы 63-ке толар еді. Оның есімі көзі тірісінде көмек сұраған адамның қолын қайтармай, атымтай жомарт жан ретінде танылып, игілікті істерге қолдау білдіргені үшін халық жадында сақтаулы тұр. «Жақсының аты, ғалымның хаты өлмейді» демекші, көзі тірісінде мешіт салып, жетімжесірге қол ұшын созып, аз ғұмырында көпке үлгі боларлық із қалдырған Әбдіманап Шорабаевты халық арасында «атымтай жомарт еді» деп еске алады.Кеше сәуір айының сегізінші жұлдызы, аудандық спорт мектебінде Шиелі ауданының «Құрметті азаматы», Ә.Шорабаевты еске алуға арналған 2008-2009 жылы туған жасөспірімдер арасында бокстан Х республикалық турнир бастау алды.&nbsp;Жыл сайын дәстүрлі түрде өтетін турнирдің ашылу салтанатына Шиелі ауданы әкімінің орынбасары Болат Ысмағұлов бастаған зиялы қауым өкілдері, жас спортшылар мен БАҚ өкілдері қатысты.&nbsp;Салтанатты шарада сөз алған Болат Ысмағұлов:&nbsp;<blockquote>– Құрметті спортсүйер қауым, турнирге қатысушы жас спортшылар. Елінің елеулісі болған, ауданның «Құрметті азаматы» Әбдіманап Дүйсенұлын еске алуға арналған республикалық турнирге қош келдіңіздер. Бүгінгі республикалық турнир биылғы жылы 10-шы рет ұйымдастырылып отыр. Бір қуантарлығы, спорттық шараға еліміздің түкпір-түкпірінен командалар қатысып, жарыстың кеңейіп келе жатқанын көрсетті. Киелі мекен саналатын шежірелі Шиеліге ат басын бұрып келулеріңізді – елге құрмет деп білеміз. Бүгінгі байрақты бәсекеде оза шапқан спортшыларымыз елдің ертеңіне айналып, әлем елдері алдында байрағымызды көкке желбіретеді деп сенеміз, – деді.&nbsp;</blockquote>Ә.Шорабаевтың үлкен әпкесі Әтіркүл Шорабаева мен ағасы Оразәлі Байділдаев естелік сөз сөйлеп, қатысушыларға сәттілік тіледі.&nbsp;Иә, жыл өткен сайын құлашын кеңге жайып келе жатқан турнирге биыл 9 облыстан 250-ге жуық спортшы қатысуда. Жоспарланған жарыс үш күнге созылып, марапаттау рәсімі 10 сәуір күні өтеді.

Шиеліде 9 облыс бас қосты

<a href="https://kyzylorda-news.kz/">Kyzylorda-news.kz</a> &nbsp; &nbsp;«Жақсы мұғалім – мектептің жүрегі» деген Ы.Алтынсариннің осынау қанантты сөзі ұстаздың &nbsp;мектепте, оқушылар өмірінде қандай маңызға ие екенін аңғартып тұрғандай. &nbsp; Бұл – бұлжымас қағида. Себебі мектепке керегі – білімді, өз мамандығын жетік меңгерген шебер мұғалім. Ұстаз Ержан Жанбосынов еңбек жолын №131 орта мектепте бастап, 21 жылдан бері дене тәрбиесі пәнінен сабақ беріп келеді. Тәжірибелі ұстаз әрбір сабағын ұлттық құндылықтармен толықтырып, ерекше әдіс пайдалануды дәстүрге айналдырған.Білім ошағында оқушыларға эстетикалық тәрбиенің негізі – дене тәрбиесі сабағында қаланады. Бұл сабақты бас­тауыш сыныптан бастап жоғарғы сынып оқушыларының барлығы дерлік жақсы көретіні анық. Өйткені еркіндікті, қозғалысты қалайтын жас буын 45 минуттың ішінде соның бәрінен өтеді десек артық айтқандық болмас. Сондықтан әрбір сабағына жіті дайындықпен келуді мақсат еткен ұстаз оқушымен өткізетін әрбір минутын тиімді әрі бала денсаулығына пайдалы етуге күш салады.<blockquote>– Дене тәрбиесі сабағында өсіп ке­ле жатқан жеткіншектердің қимыл-қозға­лысын дамытумен қатар, еңбекке деген жұмыс істеу қабілетін арттыруға көңіл бөлеміз. Негізінен дене тәрбиесі ұғымы – дене мәдениеті дегенді білдіреді. Біз­дің де мақсатымыз – мәдениетті, еңбек­сүйгіш ұрпақты тәрбиелеу. Күнұзақ компьютерге немесе ұялы телефонға байланып отыруға бейім келетін оқушыларды сабақ кезінде серпілтіп, спортқа деген қызығушылығын арттыруға тырысамыз. Ауыл балалары ұлттық ойын десе ішкен асын жерге қояды. Ұлдар асық ойнаса, қыздар бесасықты шебер ойнауға машықтанып келеді. Арқан тартысты да қызыға ойнайды. Қазір осы бірнеше ұлттық ойын түрлері сабақ бағдарламасына енген. Үздік оқушыларды түрлі жарыстарға шығарамыз. Ал спортқа жақын баланың бойын­да патриоттық сезім, эстетикалық тал­ғам болады. Мұғалім ретінде дене жаттығу­ларын жасауды, күн тәртібіне бағынуды, спорттық үйірмелерге қатысуды талап етеміз, – дейді тәжірибелі ұстаз Ержан Жанбосынов.</blockquote>Ұлағатты ұстаз дене тәрбиесі мен спорттың маңызын арттыруда қазақтың ұлттық ойындарындағы қимылдарды пайдалану арқылы баланың дене қимыл сапасын және қабілетін жан-жақты дамытуды көздейді. Бұл оқушылардың шыдамдылық, төзімділік, бір топта жұмыс істеу дағдысын қалыптастырады.Мұғалім мамандығын жүрек қалауы­мен таңдап, оқушыларға білім мен тәрбие беруде жетістіктерге жеткен ұлағатты ұстазды әріптестері мақтаудан гөрі онымен мақтануды жөн көреді. Мектеп басшылығы жас та болса кәсіби шеберлігі мықты ұстаздың ізденімпаздығына дән риза.<blockquote>– Еліміздің болашағы бүгінгі мектеп қабырғасындағы ұрпақ екені даусыз. Бүгінде білім саласындағы өзгерістерге ілесу – ұстаздарымыздың біліміне, кәсіби шеберлігіне көп байланысты. Жас та болса тәжірибелі ұстаз атанған Ержан мектепте оқып жүрген кезінде-ақ өзінің білімге құштар екенін дәлелдеген. Үздік аттестат иегері ретінде педагогикалық мамандықты таңдап, жоғарғы білімді маман ретінде біздің мектепте алғашқы еңбек жолын бастады. Ізденімпаз мұғалім түрлі сайыстарда, халықаралық турнирде, спартакиадаларда жүлдегер атанып, біліктілігі мен тәжірибесі артты. Қазіргі кезде оқушыларды ұлттық спортқа баулуда жетістіктерге жетіп келеді, – дейді мектеп директоры А.Әлиева.</blockquote>Спорт шеберлігіне үміткер дәрежесі бар ұстаз соңғы 3-4 жылдың көлемінде көптеген жетістікке жетті. Мәселен, 2019 жылы асық ату спортынан Қазақстан Респуб­ликасы чемпионатында, 2021 жылы халықаралық турнирде үшінші орын, 2023 жылы Тараз қаласында ұстаз­дар арасында өткен спартакиадада асық атудан екінші орын, 2024 жылы Атырау қаласында осы спорт түрінен өткен турнирде бірінші орын алып, ұстаз мерейі үстем болды. Білікті педагог 2023 жылы облыстық білім басқармасының «Құрмет грамотасын» алды. Өз пәнінің үздігі атанған ұстаз оқушыларды спортқа баулып, облыстық, аудандық сайыстарға қатыстырып, жүлделі орын алғаны үшін диплом, алғыс хатпен марапатталды. Оқушысы Ғибрат Зайдағали облыстық спартакиадада асық ату спортынан екінші орын алып, мектеп, ұстаз абыройын асқақтатты.<blockquote>– Бала кезімізде күнұзақ асық ойнап, ләңгі тебетінбіз. Футболды да ойнаймыз. Сол дағдымыздан әлі күнге дейін алшақтаған емеспіз. Қазір оқу бағ­дарламасына ұлттық ойындар енгі­зілуде. Қазақтың баласы асық атпаса, қыздар бесасық ойнамаса ұлттық құндылығымыздың дәрежесі қандай бол­мақ?! Жалпы балалардың арасында ұлттық ойынға деген қызығушылық бар. Сондықтан ұлттық спортқа баулуды дене тәрбиесі сабағы кезінде тиімді пайдаланамыз, – дейді Ержан Жанбосынов.</blockquote>Шебер мұғалімнің бүгінгі ізденісіне көз сүйсінеді. Ол кәсіби шеберлігін арттыруда қазіргі заман талабына сай жаңашылдыққа ұлттық құндылықты дәріп­теу арқылы келді. Оның талпынысы мен үздіксіз ізденісі дәрежесін арттырды.Ержан Самыратұлы ұлағатты ұстаз болумен қатар жұбайы Нұргүлмен бірге бес бала тәрбиелеп отырған бақытты отбасы.&nbsp;

Ержан Жанбосынов: Ұлттық спортқа баулуды дене тәрбиесі сабағы кезінде тиімді пайдаланамыз 

<a href="https://kyzylorda-news.kz/">Kyzylorda-news.kz</a> Елдің дамуы үшін білімді болуымен қатар, дені сау болуы маңызды. Дені сау ұрпақ – ұлт болашағы. Балалар мен жасөспірімдердің оқумен бірге, спортпен шұғылданып, өзін түрлі қырыннан дамытуға қолайлы жағдай жасау – мемлекеттің міндеті. Осы орайда Мемлекет басшысы Қасым-Жомарт Тоқаев өзінің Жолдауларында бұқаралық спортты дамыту мәселесіне баса назар аударып келеді. Жолдау жүктеген міндеттерді әр өңір тиісінше атқаруда.Ауылдағы бұқаралық көпшілік спортты дамытуда былтыр ауданға қарасты екі ауылда спорт кешенінің құрылысы басталған-ды. Соның бірі – Қармақшы ауданы, ІІІ Интернационал ауылдық округінде салынуда. Былтыр басталған жоба келер жылға өтпелі кезең бойынша биыл жалғасып, нысан таяуда ел игілігіне берілмек. Бүгінде құрылысты жүргізіп жатқан мекеме «Астана сервис LTD» жауапкершілігі шектеулі серіктестігі. Жобаның келісім-шарттағы құны – 364,087 млн теңге.Ауылдық округте спорт кешенінің жабық ғимараты алғаш рет бой көтеріп отыр. Спорттық кешен заманауи қондырғылармен қамтылып, спортшылардың жаттығуы үшін барлық жағдай жасалмақ. Қазіргі таңда құрылыс нысанының 75 пайызы орындалып тұр. Ендігі кезекте сыртқы жұмыстары қарқын алған. Мердігер мекеменің бригадирі жұмысты жүйелі ұйымдастырып, уақытында бітіретінін жеткізді.<blockquote>– Ғимараттың сыртын қаптау мен терезелерін салу секілді &nbsp;жұмыстары аяқталды. Қазір ішкі жағында бірінші және екінші қабатында әрлеу-сырлау жұмыстары жүріп жатыр. Одан бөлек, жолдарды тегістеп, асфальт төсеуге дайындап жатырмыз. Көп кешікпей жарықтандыру бойынша да жұмыстар атқарылады. Спорт кешенінің құрылысын жүргізуге жергілікті тұрғындар да жұмыспен қамтылуда, – дейді бригадир маман Нұрдәулет Бақытжанұлы.</blockquote>Бүгінде құрылыс нысаны «AMANAT» партиясының бақылауында. Халық қалаулысы Дильфура Байрақтарова халық игілігі үшін салынып жатқан спорт кешенінің жұмыс сапасын жиі бақылап, уақытында аяқталуын жіті назарға алған. Ал ауыл әкімі Нұрлыбек Сайымов ауылдық ақсақалдар кеңесімен бірлесіп жұмыстың жүйелілігін қадағалауда.<blockquote>– Халықтың денсаулығын жақсарту мен саламатты өмір салтын қалыптастыруға мемлекет көп көңіл бөлуде. Ауылымызда бой көтерген игі қуаныштың құрылысын «Астана сервис LTD» жауапкершілігі шектеулі серіктестігі өз қолына алып, жұмысы қарқынды жүруде. Былтыр басталған жоба биыл аяқталып, ел игілігіне беріледі деген сенімдеміз. Құрылыс жағында қалыс жоқ, ауыл ақсақалдарымен бірлесіп айына үш-төрт рет тексеру жүргізіп отырмыз. Бұйырса, осы кешенде жастарымыз, ауыл тұрғындары шынығып, спорттан елді мекеннің атын шығаратын саңлақтарымыз шығады деген үміттеміз, – дейді ауыл әкімі.</blockquote>Қармақшы ауданы бойынша 142 спорттық нысан бар болса, соңғысы былтыр Жосалы кентінде дене шынықтыру-сауықтыру кешенінің құрылысы аяқталып, ғимарат аудандық дене тәрбиесі, спорт және туризм бөлімінің «Спорт клуб» КММ-нің теңгеріміне беріліп, қазіргі таңда қолданыста. Кешенде спорттың баскетбол, футбол, гандбол, волейбол және президенттік көпсайыс спорт түрлерінен үйірмелер ашылса, сондай-ақ №15 аудандық олимпиадалық резервтің мамандандырылған балалар-жасөспірімдер мектебінің ауыр атлетика бөлімі жұмыс істеуде. &nbsp;

ІІІ Интернационал ауылындағы спорт кешенінің құрылысы аяқталуға жақын

<a href="https://kyzylorda-news.kz/">Kyzylorda-news.kz</a>&nbsp; Елордада самбо күресінен өткен "Sambo liga" турнирінен ағайынды жас спортшылар жүлдемен оралды. Мықтылық пен ептілік сыналатын сайыста Рамазан Кәрімханов ІІ орын, Азамат Кәрімханов ІІІ орын иеленді.&nbsp;Спортшылардың кішісі Рамазан Қызылжарма ауылындағы №144 мектептің 4-сыныбында білім алса, үлкені Азамат "Орда" колледжінде денешынықтыру мамандығында оқиды. Екеуін де самбо күресінен жоғары дәрежедегі жаттықтырушы Әйгерім Жалғасова 5 жасынан бастап спортқа баулыған.&nbsp;<blockquote>– Самбо көптеген ұлттық күрес түрлерінің әдіс-тәсілі жинақталған спорттың бірі. Мұнда шабуыл жасау мен қорғанудың мыңдаған әдісі бар. Күрестің бұл түріне інім екеуміз бала кезден қызықтық. Алғашында дзюдоға қатысқаныммен, кейін самбомен айналысуды жөн көрдім. Қазіргі уақытта елімізде өтетін чемпионатқа іріктеу жұмыстары жүргізілуде, – деді Азамат Кәрімханов.</blockquote>Бүгінде ағайындылар ҚР спорт шеберлігіне үміткерлікке құжат тапсырды. Спорт биігіне ұмтылған жастардың бағындырар белесі көп деген сенімдеміз.Айта кету керек, Қызылорда облысында балалар мен жасөсіпірімдердің спортпен айналысуына барынша жағдай жасалған. "Балалар жылы" аясында 80 балалар және спорт алаңы пайдалануға берілді. Өткен жылы республикалық және облыстық бюджеттерден&nbsp; 5 458,1 млн. теңгеге 13 спорт кешенінің құрылысы жүргізіліп, 9 кешен қолданысқа берілді. Ал сол жағалаудан халықаралық талапқа сай келетін, жүзу бассейні бар дене шынықтыру-сауықтыру кешенінің, осы жылы үстел теннисі орталығының құрылысы басталды.

Ағайындылар жүлдегер атанды

<a href="https://kyzylorda-news.kz/">Kyzylorda-news.kz</a> &nbsp;Қазақ халқының дәстүрлі, ұлттық ойыны – асық ату. Ұсақ малдың (қой, ешкі) асықты жілігінен алынған жұмыр сүйек – асықтай ойналады. Иіргенде түскен алпына қарай асық – алшы, тәйке, бүк, шік деп, ал атуға арналған арнайы қорғасын құйылып жасалғаны – сақа, оң қолмен атуға ыңғайлысы – оңқы асық аталады. Асық ойынының құмар, тәйке, омпы, алшы, хан, қақпақыл деген түрлері бар.2024 жылы ұлттық спорт түрі асық ату және бес асықтан Қазақстан Республикасының чемпионаты өтті.Үстіміздегі жылдың 12-15 ақпан айында асық ату мен бес асықтан өткізілген облыстық іріктеу кезеңінен Қазақстан чемпионатына жолдама алған жерлестеріміз Ақтау қаласында 2008-2010 жылы туылған жасөспірімдер арасында өткізілген Қазақстан чемпионатында чемпион атанды.Асық атудан жарысы бойынша Мырзахмет Аңсар – №165 орта мектебінің оқушысы чемпион атанып, Қазақстан Республикасының ұлттық құрама сапына енді.Бес асықтан Тұрсынбай Аяна – №134 орта мектебінің оқушысы чемпион атанып, Қазақстан Республикасының ұлттық құрама сапына енді. Сонымен қатар, Наурызбай Дана – №97 орта мектебінің оқушысы екінші орын иеленсе, Әзілхан Нұрсая – №134 орта мектебінің оқушысы екінші орынды қанжығалады. Топтан оза шабуына үлкен ықпал тигізген жаттықтырушылары: Набиев Пайзулла – Қазалы спорт клубы, Үсентай Мұратбек – №165 орта мектебі, Өмірзақов Нұрлыбек – №134 орта мектебі, Қожақметов Болатбек – №97 орта мектебі.

Қазақстан және Қызылорда облысының жаңалықтары: Спорт