<a href="https://kyzylorda-news.kz/">Kyzylorda-news.kz</a> Қасым-Жомарт Тоқаевқа «Qazaqstan» жеңіл атлетика кешенінде орналасқан Аккредиттеу орталығының жұмысы, Көшпенділер ойынына қатысатын ұлттық құраманың киім үлгісі таныстырылды. Халықаралық іс-шараға 1500 ерікті тартылады.Спорт және туризм министрі Ермек Маржықпаев Ұлттық құраманың әзірлігі жөнінде баяндады.Оның айтуынша, осы уақытқа дейін халықаралық және республикалық деңгейде 42 оқу-жаттығу жиыны өткен. Сондай-ақ спортшылар 7 халықаралық және 25 республикалық турнирге қатысқан.Жалпы V Дүниежүзілік көшпенділер ойындарына әлемнің 89 елінен 2800 қатысушы мен ресми делегация мүшелері келеді. Сайыстың 21 түрінен 97 медаль сарапқа салынады. Негізгі жарыстар «Астана-арена» стадионы, «Қазанат» ипподромы, «Алау» мұз сарайы, Жақсылық Үшкемпіров атындағы Жекпе-жек сарайы, «Думан» қонақ үй-спорт кешенінде өтеді. Ал жамбы ату мен теңге ілуге арнайы алаң жасақталған.Халықаралық дода аясында 150-ден астам мәдени іс-шара жоспарланған. Мәселен, Этноауылда Көшпенділер мәдениеті музейі, қолөнершілер және мүсіндер көрмесі, ал Ұлттық музейде «Көшпенді халық: тарих, таным, тағылым» атты халықаралық ғылыми-практикалық конференция ұйымдастырылады.Алдын ала болжамға сәйкес, осы күндері елордаға 100 мыңға жуық турист келуі мүмкін. Осыған орай 20-дан астам қонақ үйдің, сондай-ақ туристер жиі баратын орындардың дайындығы пысықталып, қала көшелерін абаттандыру, безендіру жұмыстары қарқынды жүргізіліп жатыр.<img src="https://knadmin.beoblood.kz/uploads/bb015dbe_040c_4cac_8162_02c05cda139a_14576ac388.jpg" alt="bb015dbe-040c-4cac-8162-02c05cda139a.jpg"><img src="https://knadmin.beoblood.kz/uploads/0afc5a60_fed4_4672_b438_b2e2da3ac850_b6ea4fe2d0.jpg" alt="0afc5a60-fed4-4672-b438-b2e2da3ac850.jpg"><img src="https://knadmin.beoblood.kz/uploads/835dc32d_6303_4307_89ae_856e7362ed21_b620338cd7.jpg" alt="835dc32d-6303-4307-89ae-856e7362ed21.jpg"><img src="https://knadmin.beoblood.kz/uploads/74639998_daed_428f_af30_4f35a1313c68_f27fe6627a.jpg" alt="74639998-daed-428f-af30-4f35a1313c68.jpg"><img src="https://knadmin.beoblood.kz/uploads/ba806e28_caef_4045_92d6_27841f785985_d97079aa6e.jpg" alt="ba806e28-caef-4045-92d6-27841f785985.jpg">

 Қасым-Жомарт Тоқаевқа ұлттық құраманың киім үлгісі таныстырылды

<a href="https://kyzylorda-news.kz/">Kyzylorda-news.kz</a> &nbsp;Кеше орталық алаңда партияның қалалық филиалы мен «Жастар рухы» Жастар қанатының және қалалық дене тәрбиесі, спорт және туризм бөлімінің бірлесіп ұйымдастыруымен «Ұлттық мұра» партиялық жобасы аясында «Спорт күніне» орай асық атудан сайыс өтті.Шараға партияның облыстық филиалының төрағасы Алмасбек Есмаханов,Атқарушы хатшы Ләйлә Төрешова қатысып, қатысушыларға жылы лебіздерін білдірді.<blockquote>«Асық ату - ұлтымыздың төл ойынының бірі. Осы орайда партияның «Ұлттық мұра» жобасы аясында ұйымдастырылып отырған сайысымызда өздеріңізді көргеніме қуаныштымын. Бұндай сайыстар алдағы уақытта да ұйымдастырылатын болады. Бүгінді додаға қатысушыларға сәттілік тілеймін»,-деді партия филиалының төрағасы.</blockquote>Қазақ халқының ұлттық ойындарының көбі табиғи заттармен ойнауға негізделген. Күн көрісі мал шаруашылығына негізделгендіктен қазақ халқының ұлттық ойындары да осыған икемделген. Сондықтан асық ойындары ұлт ойындарының ішіндегі арыдан келе жатқан көнелерінің бірі болып табылады. Асық ойыны адамның жүйке жүйелерін шыңдап, оларды дәлдікке, ептілікке, ұстамдылыққа тәрбиелейді.Шарада оқ бойы оза шапқан спортшыларды партияның қалалық филиалының Атқарушы хатшысы Гүлшат Исақызы мен «Қажымұқан» спорт клубының директоры Марат Тілеуұлы марапаттап, бағалы сыйлықтар, «Алғыс хат», медальдар табыстады.

Спорт күніне орай асық атудан сайыс ұйымдастырылды

Фото: nur.kz<a href="https://kyzylorda-news.kz/">Kyzylorda-news.kz</a>&nbsp; Қазақстандық зілтемірші Илья Ильин Рахим Ошақбаевқа берген <a href="https://www.youtube.com/watch?v=errLIn5sndE">сұхбатында</a> &nbsp;олимпиадалық медальдарды тартып алған сәті жайлы айтып берді.<blockquote>"28 жасымда олимпиадалық медальдарды тартып алған кезде не істерімді білмедім. Мұндай оқиға бірінші рет болып тұр. Сөйтіп федерациядан заңгер сұрадым. Әрі қарай күрескім келді. Олар қаржыландыруды ұзақ күтті, кейін заңгерлермен көмектесті. Негізі аяғына шейін бармадым, күреспедім. Өзімді құрбан ретінде көрсетіп, аянышты болғым келмейді. Бірақ сол кезде қасымда бағыт беретін мықты адам болмады. Өкінішке орай, жалғыз қалдым. Бәрі де бірауыздан "ой, шыда" дегеннен басқа ештеңе айтпады. Швейцариядағы заңгерлерге де бардым. Бірақ ештеңе істей алмайтынын айтты. Әр күн сайын олимпиадалық медальдарымды қайтарып алудың жолдарын ойлаймын. Жеңілсем де өмір бойы күресіп өтетін шығармын", - деді ол.&nbsp;</blockquote>

«Медальдарымды қайтарып алуды ойлаймын»: Илья Ильин өмір бойы күресетінін айтты

<a href="https://kyzylorda-news.kz/">Kyzylorda-news.kz</a>&nbsp; &nbsp;Қармақшы ауданының әкімі Жандос Еркінбек спортшылар күніне орай спорт саласының ардагерлерін, сала майталмандарын, чемпионаттар мен ел біріншіліктерінде жүлделі орындарды иеленген жастар мен жасөспірімдерді қабылдады.Жиында сөз алған аудан әкімі «Спорт – денсаулық кепілі десек, спорттағы жетістіктер – ел мерейін өсіретін, азаматтық намыс пен жігерін шыңдап, даңқын арттыратын тынымсыз еңбек пен төккен тердің жемісі. Қармақшы ауданында партия комитеті тарапынан 1964 жылы бұқаралық спортты жолға қоюға бағытталған жұмыстар қолға алынды. Жоғарыда аталған жұмыстардың басында Омаров Сұлтанбек, Құндақбаев Жарболсын және Қаражанов Қуаныш ағаларымыз болса, Еркін Атабаев, Әлжан Төремаханов, Шәріпбек Асанов, Әділбек Серікбаев және Бауыржан Абенғалиев ағаларымыз ауданда бұқаралық спортты дамытуға және спорттық резервті қалыптастыру бағытында ауқымды жұмыстарды атқарды.Тәуелсіздік жылдары ауданымыздың спортшылары толағай табыстарға қол жеткізді. Осы уақыт аралығында аудан спортшылары 100-ден аса «Қазақстан Республикасының спорт шеберлері» мен 10-нан аса «Қазақстан Республикасының Халықаралық дәрежедегі спорт шеберлері» атақтарын иеленді.Биылғы жылыда толағай табыстарға қол жеткіздік. Спортшы қыздарымыз Ақтау қаласында өткен самбодан Азия чемпионатында Рүстемова Әсемай жеңімпаз атанса, Сейілова Ұлтай қола жүлдегері атанды. Сондай ақ, Тайван қаласында гір тасын көтеруден Азия Чемпионатында Кәжденбек Еркебұлан жеңімпаз атанды.Ағымдағы жылдың 7-8 тамыз күндері Қызылорда қаласында қазақ күресінен XV облыстық «Алтын белбеу» жарысы өткізілді. Жерлестеріміз жоғарғы жетістіктерден көрініп, Еламан Ерғалиев «Сыр барысы» атанса, Мақсат Исағабылов «Сыр арланы» атанып екінші орынды иеленді. Қос палуан республикалық «Қазақстан Барысы» турнирінде аймағымыздың абыройын қорғайтын болады.Өткен жылы Жосалы кентінде денешынықтыру – сауықтыру кешенінің құрылысы аяқталып ел игілігіне берілсе, бүгінгі күні Ақай, Дүр Оңғар, ІІІ Интернационал ауылдық округтерінде дене шынықтыру – сауықтыру кешендерінің құрылыстары аяқталуға жақын. Қасиетті Қармақшы өңірінің абыройын асқақтату жолындағы спорт саласында жеткен жетістіктеріңізге алғысымды білдіремін. Алдағы уақытта да спорт саласының сан қырлы сырларын меңгеріп, жеңіс туын әрдайым биіктен желбіретуге тілектеспін»,- деді. Кездесуде аудандық мәслихат төрағасы Ә.Қошалақов, қоғамдық кеңес төрағасы Ә.Құлдүйсенов, сала ардагері Е.Атабаевтар сөз сөйлеп, жас спортшыларға жоғары көрсеткіштерге жетуде өздерінің тілектестіктерін жеткізді.Кездесу соңында аудан әкімі Ж.Еркінбек үздіктер сапынан көрінген жас спортшыларға алғыс хаттар табыстап, сый-құрмет көрсетті.Айта кетейік, жыл басынан бері аудан спортшылары Қазақстан Республикасының чемпионаттары мен Кубоктарында 7-алтын, 12 – күміс, 16 – қола медальды иеленсе, Азия чемпионатында 3-алтын, 1- күміс және 1- қола медаль иеленді.Фото: Қармақшы ауданының әкімдігі

Спорт саласының өкілдеріне құрмет көрсетті

<a href="https://kyzylorda-news.kz/">Kyzylorda-news.kz</a> &nbsp;Қайрат Сәтжанов бокстан Қазақстан құрамасының жаңа бас бапкері болып тағайындалды, деп хабарлайды<a href="http://inbusiness.kz/">&nbsp;inbusiness.kz</a>&nbsp;сайты.Фото: 1bol.kzҚайрат Тұрсұнқанұлы Сәтжанов - 54 жаста, Қазақстан Республикасының бокстан еңбек сіңірген жаттықтырушысы, Қазақстан Республикасының дене шынықтыру және спорт үздігі.Бапкерлік еңбек өтілі - 34 жыл. 2021-2022 жылдары Қазақстан ұлттық құрамасының бас бапкері қызметін атқарған. 2024 жылдан Қазақстан жастар құрамасының аға бапкері. Сәтжановтың жетекшілігімен 2021 жылы Қазақстан құрамасы әлем чемпионатында (Сербия) II командалық орын (2 алтын, 2 күміс, 1 қола медаль) алды.2022 жылы Азия чемпионатында (Иордания) ІІ командалық орын (3 алтын, 6 күміс, 3 қола) еншілеген. 2024 жылы Астанада өткен жастар арасындағы Азия чемпионатында Қазақстан командасы I командалық орын (5 алтын, 1 күміс, 3 қола) алды. Қайрат Сәтжанов жаттықтырушы ретінде 7 әлем чемпионын, 43 Азия чемпионын дайындаған.Еске салайық, Мырзағали Айтжанов бастаған бокстан ерлер командасының бапкерлік құрамы толығымен жұмыстан шеттетілген еді.&nbsp;

Бокстан Қазақстан құрамасына жаңа бас бапкер тағайындалды

&nbsp;<a href="https://kyzylorda-news.kz/">Kyzylorda-news.kz</a>&nbsp; Алдағы қыркүйекте Астанада өтетін 5-ші Дүниежүзілік көшпенділер ойындары қарсаңында қазақстандық көкпаршылар Алматы облысында көкпар және көкбөрі ойындары бойынша оқу-жаттығу жиындарын өткізіп жатыр.<blockquote>«ДКО аясында көкпар және көкбөрі ойындары өтеді. Қазір спортшылардың дайындықтары жақсы. Басты қарсылас ретінде Қырғызстан мен Өзбекстанды айтар едім. Егер біз көкпардан жеңісімізге сенімді болсақ, көкбөрі ойынынан мүмкіндіктеріміз тең дәрежеде. Біраз жылдан бері көкбөрі ойнаған жоқпыз. Десе де жеңіс үшін барлық мүмкіндігімізді пайдаланамыз» - , деді көкпардан ұлттық құраманың бас бапкері Ақылбай Манкеев.</blockquote>Көкпардан ұлттық құрама мүшесі Наурызбай Қалтаев байрақты бәсекеге дайындық жайлы және көкпар мен көкбөрінің айыырмашылықтары турасында айтып берді.<blockquote>«5-ші Дүниежүзілік көшпенділер ойындарына деген дайындығымыз жоғары деңгейде өтіп жатыр. Екі спорттың айырмашылығы тайм санында – көкбөріде үш тайм ойналады, ал көкпарда екеу. Көкбөріде қазандыққа, ал көкпар жерге сызылған шеңберде ойналады», - деп атап өтті Наурызбай Қалтаев.</blockquote>Көкбөрі сайысы бойынша әр командадан 12 қатысушы болады. Спортшылардың дайындығы үшін Көкпар федерациясы тәжірбиелі кеңесшілерді тартқан. Оқу-жаттығу жиындары ҚР Туризм және спорт министрлігінің Ұлттық және ат спорты түрлері орталығының қолдауымен ұйымдастырылып отыр.Еске сала кетейік, Республикалық «Көкпар» федерациясы Қазақстан Республикасы Ұлттық спорт қауымдастығының құрамына кіреді. &nbsp;Қауымдастық құрамында бұдан өзге «Аударыспақ», «Бәйге», «Теңге ілу», «Садақ ату», «Жамбы ату», «Құсбегілік», «Асық ату», «JORYQ» ат спорты және т.б. федерациялар бар. ҚР Ұлттық спорт қауымдастығын Исламбек Салжанов басқарады.Айта кетерлігі, 8-13 қыркүйекте Астана қаласында 5-ші Дүниежүзілік көшпенділер ойындары өтеді. Іс-шараға 89 елден 2000-нан астам спортшы қатысады деп жоспарлануда. 5-ші Дүниежүзілік көшпенділер ойындарының Бас демеушісі - ALAGEUM ELECTRIC, Ойындардың Бас серіктесі - Halyk Bank. Астанада өтетін Дүниежүзілік көшпенділер ойындарында барлығы 21 спорт түрінен 97 медаль жиынтығы сарапқа салынады.<img src="https://knadmin.beoblood.kz/uploads/3e633b12_620c_4c23_901a_2a361081163c_917ea7f48f.jpg" alt="3e633b12-620c-4c23-901a-2a361081163c.jpg"><img src="https://knadmin.beoblood.kz/uploads/857fa665_2e0a_4ea3_b517_d97d438ffa0e_fcb968b901.jpg" alt="857fa665-2e0a-4ea3-b517-d97d438ffa0e.jpg"><img src="https://knadmin.beoblood.kz/uploads/dfd96b81_f63d_4a68_b3b1_ed474abba458_546bd7e684.jpg" alt="dfd96b81-f63d-4a68-b3b1-ed474abba458.jpg">

Қазақстандық көкпаршылар көкбөрі ойынына дайындалып жатыр

Фото: Instagram/kaz_judoteam&nbsp;<a href="https://kyzylorda-news.kz/">Kyzylorda-news.kz</a> Париждегі Олимпиада жүлдегерлері үшін ең үлкен сыйақы берілетін елдер тізімі белгілі болды, деп хабарлайды Zakon.kz.CNBC ақпаратынша, жазғы Олимпиададағы жетістіктері үшін спортшыларға ең үлкен сыйақыны Гонконг ұсынды: билік алтын медаль үшін 768 мың доллар төледі. Айта кетейік, Гонконг қоржынында екі "алтын" және "екі қола" бар.Екінші орында алтын үшін 745 мың доллар ұсынған Сингапур билігі тұр. Тек, өкінішке орай сингапурлықтар Олимпидадан небәрі екі "қоламен" оралды. Оларға билік 186 мың доллар төледі.Үздік үштікте сыйақы мөлшерін Токиодағы Олимпиадамен салыстырғанда екі есе азайтқанына қарамастан Индонезия алып тұр. Атап айтқанда, 746 мың доллардан 300 мың долларға дейін.Ал, Қазақстанға келетін болсақ, Олимпиада ойындарында өздерін үздіктер қатарынан көрсете алмаса да, сыйақы төлеуден 5-ші орынды иеленді. Біздің ел "алтын" үшін 250 мың доллар төлесе, "күміс" медальға 150 мың доллар, "қолаға" 75 мың доллар ұсынды.<img class="image_resized" style="width:544.987px;" src="https://kaz.zakon.kz/pbi/WEBP/2024-08-14/file-f9b0d55d-8f0c-4a7d-a19f-3f52a068fd0e/800x624.webp" alt="Қазақстан жазғы Олимпиада жүлдегерлеріне сыйақы төлеуден үздік бестікке кірді, сурет - Zakon.kz жаңалық 14.08.2024 11:04" loading="lazy">Сурет: cnbcМәселен, Панфилов ауданының баспасөз хатшысы, блогер Нұрбол Ханағаттың <a href="https://www.facebook.com/reel/438589065828520">жазуынша</a>, Олимпиада ойындарының күміс жүлдегері Демеу Жадыраевқа Панфилов ауданы Toyota Land 300 және 50 000 доллар, Талғар қаласынан 2 бөлмелі пәтер, екі бапкері Жұмахан Тұрғанбеков пен Қоңыратов Боранбекке Haval машинасы, анасына облыс әкімі Жаркент қаласынан 4 бөлмелі үй сыйлады. Одан бөлек жерлестері де ықылас қолдауларын көрсетуде.Айта кетейік, Париж Олимпиадасының қортындысы бойынша еліміздің спортшылары 7 медальді (1 алтын, 3 күміс, 3 қола) қанжығаларына байлады.

Қазақстан жазғы Олимпиада жүлдегерлеріне сыйақы төлеуден үздік бестікке кірді

<a href="https://kyzylorda-news.kz/">Kyzylorda-news.kz</a> Қазақстан бокс федерациясының ресми парақшасында федерацияның вице-президенті Әзиз Қожамбетов пен бокстан бапкерлер құрамын жұмыстан босату туралы жазба жарияланып, бірден өшірілді. Бұл жайтқа қатысты бокс федерациясының өкілдері пікір білдірді, деп хабарлайды KAZ.NUR.KZ.&nbsp;"Бокстан Қазақстан ерлер ұлттық құрамасының Париждегі Олимпиада ойындарындағы төмен нәтижесіне байланысты келесі мамандардың қызметінен босатылғанын хабарлаймыз:&nbsp;Қазақстан бокс федерациясының вице-президенті – Әзиз Қожамбетов;&nbsp;Бас бапкер – Мырзағали Айтжанов; Аға жаттықтырушы – Марат Жакиев;&nbsp;Жаттықтырушылар – Нүркен Андасов, Нұржан Насанов, Ғани Әшкеев, Ермек Ертаев, Талғатбек Жақпеков, Зәкір Сафиулин, Азамат Мақажанов, Жәміл Жүсіп; Жаттықтырушы-кеңесші – Донатас Янусевичус", - діленген ресми жазбада.&nbsp;Алайда аталмыш жазба бірер минуттан соң желіден өшірілді. Федерация парақшасындағы бұл ақпарат бірден қызу талқыға түсті. Федерация өкілдері тарап жатқан ақпараттың шындыққа жанастпайтынын айтты.<blockquote>&nbsp;"Бұл ақпарат шындыққа сай келмейді. Қазақстан боксында жақында өзгерістер болады. Ол туралы алдағы күндері ресми түрде хабарлаймыз", - делінген ресми хабарламада.&nbsp;</blockquote><img src="https://knadmin.beoblood.kz/uploads/14_33f4bcc730.webp" alt="14.webp">&nbsp;

Бокстан бапкерлік құрам толық қызметінен босатылғаны рас па: федерация жауап берді

<a href="https://kyzylorda-news.kz/">Kyzylorda-news.kz</a> Париждегі Олимпиада ойындары аяқталады. Қазақстан қоржынында жеті жүлде бар. Біздің біршама спортшымыз жүлдеге қол созым жерден тоқтады. Осы орайда <a href="https://smartnews.kz/news/13072-parizh-olimpiadasynda-uzdik-ondykka-engen-otandyk-sportshylar-kimder">Olympic.kz</a> үздік ондыққа енген спортшылар тізімін жасады. &nbsp;&nbsp;Дзюдодан әйелдер арасындағы бәсекеде Абиба Әбужақынованың Олимпиада жүлдесін алатын мүмкіндігі жоғары болды. Алайда, қола медаль үшін өткен белдесуде Абиба швециялық Тара Бабулфаттан жеңіліп, жарысты бесінші орынмен аяқтады.Сондай-ақ гимнаст Милад Карими бесінші орын алды. Спортшы еркін жаттығудан Олимпиаданың финалында &nbsp;өнер көрсеткен болатын. Ақтық сында ол өз жаттығуы &nbsp;үшін 14.500 ұпай алып, алғашқы бестікке енді.&nbsp;Спорттық құзға өрмелеу шебері Әмір Маймұратовтың да көрсеткіші жаман емес. Жылдамдық бойынша сынға түскен ол Олимпиаданың ширек финалына жетіп, жазғы ойындардан бесінші орын алды.&nbsp;Нысана көздеу шебері Александра Ле алғашқы ондыққа кірді. Ол пневматикалық винтовкамен 10 метрге нысана көздеуден финалға шығып, жалпы есепте алтыншы орыннан көрінді. Айта кетелік, Александраның еншісінде аралас командалық сындағы қола медаль бар.&nbsp;Олимпиадаға &nbsp;алғаш рет қатысқан Данил Мұсабаев батуттағы гимнастикадан финалға бір қадам қалғанда тоқтады. Ол бірінші іріктеуден соң 8-орыннан көрінген. Алайда, екінші іріктеуде тоғызыншы орынға түсіп қалды. Финалға алғашқы сегіздік жолдама алды.&nbsp;3000 метрге кедергілер арқылы жүгіруден Қазақстан намысын Нора Джеруто қорғады. Ол жарыста 9-орын иеленді. Қазақстанға әлем чемпионатының алтынын сыйлаған спортшы жақында ғана декреттік демалыстан оралған.&nbsp;Шпагамен семсерлесуден Қазақстан командасы Олимпиадада алғашқы алтылыққа енді. Ширек финалда біздің спортшылар Венгрияға жол беріп, кейін Египетті жеңді.&nbsp;Ал бесінші орынға таласта Италия құрамасынан жеңіліп, Париж ойындарын алтыншы &nbsp;орынмен тәмамдады.&nbsp;Командалық сында Қазақстан намысын Руслан Курбанов, Ерлік Сертай, Эльмир Алимжанов пен Вадим Шарлаимов қорғады. Біздің нояндар &nbsp;алғаш рет командалық сын бойынша Олимпиадаға қатысып отыр. Сонымен қатар шпагамен семсерлесуден жекелей сында қазақстандық Руслан Курбанов алтыншы &nbsp;орын алды. Бұл да отандық семсерлесу &nbsp;тарихындағы үздік нәтиже. Курбанов ширек финалға &nbsp;дейін жетіп, болашақ Олимпиада чемпионына ғана есе жіберген болатын.&nbsp;Олимпиада ойындары садақ ату шеберлері де сынға түсті. Командалық жарыста Ильфат Абдуллин, Александр Еременко және Дәулеткелді Жаңбырбай 1/8 айналымға жетіп, Италиядан бір ұпай айырмасымен жеңілді. Жалпы есепте 9-орынға табан тіреді.&nbsp;Брейкингтен Амир Закиров сегізінші орын алды. Ол топтық сындағы екі баттлда жеңіске жетіп, ширек финалға жолдама алған. Алайда, америкалық VICTOR-дан ұтылып, жартылай финалға өте алмады. Айта кетелік, брейкинг Олимпиада бағдарламасына алғаш еніп отыр. Кирилл Герасименко үстел &nbsp;теннисінне 1/8 финалға жетті. Үш Олимпиадаға қатысқан спортшымыз бұлжолы &nbsp;тарихи нәтиже тіркеді. Бұған дейін &nbsp;аталған спорт түріндегі өкілдеріміз алғашқы ондыққа енбеген.Сондай-ақ, бокстан Қазақстан командасының мүшелері де алғашқы ондыққа кірді. Нұрбек Оралбай күміс медаль алса, Сәкен Бибосынов (51 келі), Мұхаммедсабыр Базарбайұлы (63,5 келі) және Айбек Оралбай (92 келі) бесінші &nbsp;орын иеленді.&nbsp;Махмұд Сабырхан (57 келі) мен Қамшыбек Қоңқабаев (92 келі) тоғызыншы орында. Грек-рим күресінің шеберлері Нұрсұлтан Тұрсынов (87 келі) пен Әлімхан Сыздықов (130 келі) тиісінше жетінші және сегізінші орын алды.&nbsp;Еркін күрес шебері Әлішер Ерғали (97 келі) да жетінші орында.

Париж олимпиадасында үздік ондыққа енген отандық спортшылар кімдер? 

Фото: blog.joinfightcamp.com<a href="https://kyzylorda-news.kz/">Kyzylorda-news.kz</a> &nbsp;Халықаралық олимпиада комитеті IBA құрамына кірген боксшыларды 2028 жылғы олимпиада ойындарына қатыстырмайды. Бұл туралы Stan.kz ақпарат агенттігі хабарлайды.Халықаралық олимпиада комитеті Халықаралық бокс қауымдастығының құрамында болған елдерді 2028 жылы Лос-Анджелесте өтетін олимпиада ойындарына қатыстырмайтынын мәлімдеді. Оған басты себеп IBA президенті Умар Кремлевтің олимпиадада орын алған боксшыларға ақшалай сыйақы тағайындауы болды. ХОК бұл қаржының қайдан келгені мүлдем түсініксіз екенін айтып, сол себепті де IBA-ны мойындамайтынын жеткізді. Қазақстан құрамасы IBA-ның құрамына кіргендік келесі олимпиада ойындарына қатыса алмауы мүмкін. Барлық мемлекет Халықаралық бокс қауымдастығының құрамынынан шыққан кезде ғана олимпиадаға қатысу мүмкіндігіне ие болады.Айта кетейік, IBA жұмысының ашық еместігіне байланысты қазіргі уақытта бокс 2028 жылғы Олимпиада бағдарламасына қосылмаған.

Бокс 2028 жылғы Олимпиада бағдарламасына қосылмаған

<a href="https://kyzylorda-news.kz/">Kyzylorda-news.kz</a> ХХХІІІ Олимпиада ойындарының жабылу салтанаты аясында Олимпиада туы 2028 жылы ойындарды қабылдайтын қалаға табыс етілді, деп хабарлайды КазИнформ.2024 жылғы Олимпиаданы ұйымдастыру комитетінің басшысы Тони Эстанге мен Халықаралық Олимпиада комитетінің президенті Томас Бах сөз сөйлегеннен кейін Олимпиада әнұраны шырқалды.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-08-11/d85812ea-6a0e-47df-9956-4b2e1640460c.jpeg" alt="олимпиада" loading="eager">Фото: видеодан кадр<img class="image_resized" style="width:560px;" src="https://img.inform.kz/kazinform-photobank/media/2024-08-11/1cea304c-bf5d-4ecc-972d-702e7fd79e14.jpeg" alt="олимпиада" loading="eager">Фото: видеодан кадрОдан кейін Олимпиада туын тапсыру рәсімі өтті.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-08-11/ae6c9543-dcec-48da-9078-cb467cdb13fd.jpeg" alt="олимпиада" loading="eager">Фото: видеодан кадрОлимпиада туының тапсырылуы жабылу салтанатындағы символикалық сәт болып есептеледі. Лос-Анджелес келесі Олимпиада ойындарын қабылдайтын қала болды.Париж мэрі Анн Идальго мен Лос-Анджелес мэрі Карен Басс, Халықаралық Олимпиада комитетінің (ХОК) президенті Томас Бах сахнаға шықты.Осыдан кейін Анн Идальго Олимпиада туын Томас Бахқа тапсырды, ал ол Карен Бассқа тапсырды.Содан кейін H.E.R сахналық атымен танымал америкалық әнші Габриэлла Сармьенто Уилсон АҚШ әнұранын орындады.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-08-11/dd5d0163-1140-441b-b230-1933834e6234.jpeg" alt="олимпиада" loading="eager">Фото: видеодан кадр

Олимпиада туы Лос-Анджелеске табыс етілді

<a href="https://kyzylorda-news.kz/">Kyzylorda-news.kz</a>&nbsp; Франция астанасы Париж қаласында өткен Жазғы Олимпиада мәресіне жетті. Дәл қазір салтанатты жабылу рәсімі аяқталды. Халықаралық Олимпиада комитетінің (ХОК) президенті Томас Бах 2024 жылы Парижде өткен Олимпиада ойындарын жабық деп жариялады.Содан кейін Олимпиада алауы сөндірілді.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-08-11/6f92c7e2-534e-4f19-8165-cd78bef76142.jpeg" alt="париж" loading="eager">Фото: видеодан кадр<blockquote>«Дәстүрге сәйкес, мен бүкіл әлем жастарын төрт жылдан кейін Америка Құрама Штаттарының Лос-Анджелес қаласында жиналып, бізбен бірге ХХХIV Олимпиада ойындарын атап өтуге шақырамын», - деді Томас Бах.</blockquote>Бұл шара халықаралық шоу жұлдыздарының ән шашуымен басталды. «Стад де Франс» стадионы үлкен театрға айналды. Шоу әуеде алтын костюм киген адамның шатырдан түсуімен басталды, содан кейін оған Олимпиада ойындарының отаны Грекияның туы <a href="https://kaz.inform.kz/news/olimpiadanin-zhabilu-saltanatinda-erekshe-shou-boldi-1e99d8/">табысталды.&nbsp;</a><img class="image_resized" style="width:560px;" src="https://img.inform.kz/kazinform-photobank/media/2024-08-11/31cf44ef-885c-453b-b499-632bffcf342b.jpeg" alt="париж" loading="eager">Фото: Сали Сабиров, Владислав Семенов/ҰОКӘйелдер арасындағы марафон жеңімпаздары 2024 жылғы Олимпиада ойындарының жабылу салтанатында марапатталды. Париж Олимпиадасында Қазақстан құрамасы 1 алтын, 3 күміс, 3 қола медальға қол жеткізді.&nbsp;<img class="image_resized" style="width:560px;" src="https://img.inform.kz/kazinform-photobank/media/2024-08-11/c82b645c-dcfd-4975-aebf-37378fa09fa2.jpeg" alt="париж" loading="eager">Фото: Сали Сабиров, Владислав Семенов/ҰОКҚазақстандық спортшылар Олимпиада ойындарында спорттың 25 түрінен сынға түсті. Еліміздің атынан 80 спортшы 92 жолдама жеңіп алған болатын.&nbsp;Қазақстандық спортшылар бокс, дзюдо, спорттық гимнастика, жеңіл атлетика, байдарка мен каноэде есу, оқпен ату, семсерлесу, грек-рим күресі, еркін күрес, садақ ату, стендтік ату, теннистен сынға түсті.Сондай-ақ олар велошоссе, жүзу, заманауи бессайыс, таеквондо, велотрек, батут гимнастикасы, бадминтон, академиялық есу, көркем гимнастика, триатлон, үстел теннисі, құзға шығу және брейкингтен жарыс жолына шықты.Алтын жүлдені Олимпиаданың алғашқы күні ел қоржынына дзюдодан Елдос Сметов (60 келі) салды. Қазақстандық балуан осылайша ел құрамасынан Олимпиадада үш мәрте медаль алған спортшы болды. Ол 2016 жылы Рио Олимпиадасында күміске қол жеткізсе, 2020 жылы Токио Олимпиадасында қола алды.Ал күміс жүлдені спорттық гимнастикадан Нариман Құрбанов, грек-рим күресінен Демеу Жадыаев (77 келі) және бокстан Нұрбек Оралбай (80 келі) қоржынға салды.Сондай-ақ нысана көздеуден командалық жарыста Ислам Сатпаев пен Александра Ле (тапаншамен 10 метрден ату), дзюдодан Ғұсман Қырғызбаев (66 келі) және әйелдер боксынан Назым Қызайбай (51 келі) қола медаль жеңіп алды.Қазақстандық спортшылар Жазғы Олимпиада ойындарына 1996 жылдан бері тәуелсіз мемлекет құрамасы сапында қатысуға мүмкіндік алды. Содан бергі уақытта олар барлығы 78 медаль алып қайтты. Оның ішінде 26-ы былғары қолғап шеберлерінің еншісіне тиеді. Қазақстандық боксшылар 7 алтын, 8 күміс, 11 қола медаль алды.Салтанатты шара Олимпиада алауын 2028 жылы келесі ойындарды қабылдайтын Лос-Анджелес (АҚШ) қаласының мэріне тапсырумен аяқталды.

Қазақстан және Қызылорда облысының жаңалықтары: Спорт