Олимпиада чемпионы болдым, енді осыдан кейін ешнәрсе жазбайтын шығар деп ойлап едімДзюдодан Париж Олимпиадасының чемпионы Елдос Сметов өзін сынағандарға жауап берді. Оның анасымен бірге жүргені жұртқа жақпай қалған еді, деп хабарлайды <a href="https://kyn.kz/36055/endi-men-alay-shy-ayyn-eldos-smetov-zin-syna-andar-a-zhauap-berdi">KYN.KZ </a>агенттігі.Бұл туралы спортшы Жамбыл облысының Өңірлік комуникациялары қызметіне берген сұхбатында айтты.«Әлеуметтік желіні қарамайын десем де, қарап қоямын. Қазір Олимпиада чемпионы болдым, енді осыдан кейін ешнәрсе жазбайтын шығар деп ойлап едім. Бірақ тоқтайтын емес, әлі де жазып жатыр. Менің жүріс-тұрысым, келіншегім алда келе жатыр ма, артта келе жатыр ма, жанында анасы келе жатыр ма, әлде басқасы. Енді мен қалай шығайын, не қалай шықпайын, ол менің қуанышым!» – дейді ол.Айта кетсек, көпшілікке Елдос Сметов елге келгеннен бері оның жанынан әйелі емес, анасының қолтықтап жүргені жақпай қалған болатын.Сурет: orda.kz

“Енді мен қалай шығайын”: Елдос Сметов өзін сынағандарға жауап берді

<a href="https://kyzylorda-news.kz/">Kyzylorda-news.kz</a> &nbsp;Отандық танымал журналист, экс-сенатор Дана Нұржігіт Олимпиадаға кеткен спортшылар мен бапкерлерге қатысты пікір білдірді. Бұл туралы <a href="https://stan.kz/keshirim-syratkandi-koyu-kerek-dana-nyrzhigit-parizh-ol-404535/">Stan.kz </a>ақпарат агенттігі хабарлайды.Тележүргізуші олардың жарыс жолында жеңіліп қалғаны үшін кешірім сұрауына түбегейлі қарсы екенін жеткізді.<blockquote>“Сыртта жүріп, қолдан келгенше еңбек еткен азаматтардың үлкен басын кішірейтіп, кешірім сұратуды қою керек. Бұл –&nbsp;популизм. Елге оралғанда кеткен қатені іскерлік ортада сауатты талқылау деген болады. Мынау өз азаматтарымызды тұқырту, жігерін құм қылу! Мұндайға қарсымын”, –&nbsp;деп жазды журналист.</blockquote>Еске салайық, бокстан Қазақстанның бас бапкері Париждегі сәтсіз нәтиже үшін халықтан кешірім сұраған еді.<blockquote>"Түсінемін, елдің, жанкүйерлердің біздің жекпе-жектерге көңілі толған жоқ. Сол үшін кешірім сұраймыз. Жалпы ешкім ұтыламын деп келген жоқ. Жігіттердің бәрі барын салып жұдырықтасты. Жақсы дайындықпен келді. Бірақ бір сәттілік жетпеді деп ойлаймын. Бізді жақтады, қорғамады демеймін. Мен ондайға үйренген емеспін. Біз бәрін өзімізден көреміз. Бұйырмай тұр, кем-кетік бар шығар. Сол себепті жеңіске жетпеген шығармыз", – деген болатын&nbsp;бас бапкер.</blockquote>Одан кейін,&nbsp;Париж олимпиадасында&nbsp;жарыс алаңына шыққан еркін күрес шеберлері&nbsp;Азамат Дәулетбеков пен Мейрамбек Қартбай алғашқы белдесуінде жеңілген еді.Айта кетейік, бұған дейін денсаулығының сыр бергеніне байланысты Париж олимпиадасына қатысудан бас тартқан қазақстандық теннисші Елена Рыбакина кешірім сұраған еді.&nbsp;Фото:&nbsp;https://www.instagram.com/dana_nurzhigit/

"Кешірім сұратқанды қою керек": Дана Нұржігіт Париж Олимпиадасында жеңілген спортшыларға қолдау білдірді

<a href="https://kyzylorda-news.kz/">Kyzylorda-news.kz</a>&nbsp; Дзюдодан Париж Олимпидасының чемпионы Елдос Сметов&nbsp;өзіне берілген су жаңа көлікті&nbsp;алғашқы бапкеріне сыйға тартты. Бұл туралы <a href="https://stan.kz/eldos-smetov-ozine-berilgen-su-zhana-kolikti-algashki-b-404517/">Stan.kz</a> ақпарат агенттігі&nbsp;хабарлайды.Елдос Сметов туған жері Тұрар Рысқұлов ауданына барды. Жерлестері&nbsp;чемпионды&nbsp;сән-салтанатпен күтіп алған. Халық спортшыға жылы лебіздерін білдіріп,&nbsp;тарихи жеңісімен құттықтады.Аудан әкімдігі Елдос Сметовке шапан жауып, су жаңа “Haval” көлігін сыйлаған. Ал Сметов бұл көлікті&nbsp;өзінің алғашқы бапкеріне тарту етті.<blockquote>“Нағыз Олимпиада чемпионы! Үлкен алғысымды айтамын бұл кісіге. Қандай көлік мінгізсек те аздық етеді! Қазақтың тарихын бес рет жаңарту бастамасын ашып берген кісі –&nbsp;Ахмет Жұмағұлов атамыз”, –&nbsp;деді Елдос Сметов.</blockquote>Еске салсақ, бұған дейін блогер Роза Әшірбаева Елдос Сметовтің анасымен қол ұстасып жүргенін сынағаны туралы жазған едік.Фото видеодан алынған

Елдос Сметов өзіне берілген су жаңа көлікті алғашқы бапкеріне сыйлады

<a href="https://kyzylorda-news.kz/">Kyzylorda-news.kz</a>&nbsp; Жетісу жұрты тік тұрып қарсы алғалы жатқан шығар..&nbsp;Белгілі айтыскер ақын Айнұр Тұрсынбаева Париж Олимпиадасының күміс жүлдегері Демеу Жадыраевтың туған ауылын көрсетті, деп хабарлайды <a href="http://skifnews.kz/">Skifnews.kz</a> ақпарат порталы.<blockquote>“Демеудің туған жері Үшарал халқының махаббатын қараңыздаршы?! "Баласы атқа шапса анасы тақымын қысады" деген осы... Бүкіл әлем көз тігіп отырған жарыста екінші болу үлкен мәртебе!&nbsp;Күміс құтты болсын!”&nbsp;– деп жазды айтыскер ақын.&nbsp;</blockquote>Өнер иесі чемпионның туған жері мен үйін көрсетіп, үндеу жасады.&nbsp;<blockquote>“Демеу бауырымыздың жарысын бәріміз күттік қой. Олимпиаданың күмісі бұйырған екен, құтты болсын! Үшарал халқы алаңға шығып осы жарысты тамашалаған екен... Чемпион ұлдардың&nbsp;ауылына жасалған жағдай бізге де жасала ма деген үміт те бар еді ғой...&nbsp;Осындай батыр ұлдың ауылына да асфальт төсеп, Жетісу жұрты тік тұрып қарсы алғалы жатқан шығар... Медаль құтты болсын қазақ елі”, – деді суырыпсалма ақын қыз.&nbsp;</blockquote>Фото: aidyn_nury

«Ауылына асфальт төселсе болды»: Айнұр Тұрсынбаева Демеу Жадыраевтың жерлестеріне үндеу жасады

<a href="https://kyzylorda-news.kz/">Kyzylorda-news.kz</a> &nbsp;Екі күнге созылған қазақ күресінен XV облыстық «Алтын белбеу» жарысы мәресіне жетті. Дүниежүзілік көшпенділер ойыны аясында ұйымдастырылған кіші жасөспірімдер, жасөспірімдер, жастар және ересектер сайысында барлығы 36 салмақ бойынша белдесулер өтті.«Евразия» спорт кешеніндегі тартысты сайысты тамашалауға келген көрермендер әр салмақтағы белдесулерден соң түйе палуандардың бәсекесіне куә болды. 12 спортшы бақ сынаған додада ІІІ орын Айбек Серікбаевқа бұйырып, «Сыр сұңқары» атанды.Ал Еламан Ерғалиев пен Мақсат Исағабыловтың арасындағы ақтық сында, жеңіс – Еламан Ерғалиевтің қанжығасында кетті. Осылайша, «Алтын белбеу » жарысының қорытындысымен 2024 жылдың «Сыр барысы» атағын Еламан Ерғалиев иеленді. Ал күміс жүлде иегері – Мақсат Исағабылов «Сыр арланы» деп танылды. Аталған қос спортшы алдағы өтетін «Қазақстан барысы» додасында аймақ намысын қорғайтын болады.Белдесулерден соң марапаттау рәсімі өтіп, әр салмақтағы жеңімпаздар мен жүлдегерлерге қаржылай сыйлықтар үйлестірілді. Ал түйе палуандардың жеңімпазы мен жүлдегерлеріне алтын белбеу тағылып, иықтарына шапан жабылып, арнайы дайындалған ақшалай сыйлықтар үйлестірілді.

«Алтын белбеу» жарысы мәресіне жетті

<a href="https://kyzylorda-news.kz/">Kyzylorda-news.kz</a>&nbsp; &nbsp;Кеше өңірімізде жыл сайын дәстүрлі түрде ұйымдастырылатын қазақ күресінен облыстық «Алтын белбеу» жарысының ашылу салтанаты өтті.<blockquote>“Евразия” спорт кешенінде өткен шараны облыс әкімінің орынбасары Шахмардан Байманов ашып, қатысушы палуандарға сәттілік тіледі. Мұнан соң ҚР Еңбек сіңірген жаттықтырушысы, “Парасат”, “Құрмет” ордендерінің иегері, облыстық мәслихат депутаты Мұстафа Садық сөз алып, палуандарға деген лебізін жеткізді.</blockquote>Бозкілем батырларының күресін тамашалаған спорт ардагері, спорт шебері Жағыппар Махамбетов спортшылардың топ жаруына тілекші екенін білдірді.Дүниежүзілік көшпенділер ойыны аясында биыл 15-ші мәрте ұйымдастырылған бәсеке аймақ басшысы Н.Нәлібаевтың қолдауымен өтуде. Сайыста қала мен аудандардан &nbsp;250-ге жуық спортшы төбе көрсетеді. Олар бүгін әр салмақ бойынша іріктеу сынынан өтіп, ертең ақтық сында күресіп, &nbsp;биылғы жылдың «Алтын белбеу» иегерлері анықталады. Ал спортшылардың бәсекесіне 11 төреші қазылық етеді.Сондай-ақ, «Түйе палуан» атанған спортшы «Сыр Барысы» атағын иеленсе, ІІ орын иегері «Сыр Арланы» болмақ. Ал ІІІ орын алған спортшыға «Сыр Сұңқары» атағы беріледі.Айта кетейік, жүлдегерлер мен жеңімпаздар қаржылай және естелік сыйлықтармен марапатталады.

Алтын белбеу: Балуандар бәсекесі

<a href="https://kyzylorda-news.kz/">Kyzylorda-news.kz</a>&nbsp; &nbsp;Франциялық спортшы Алис Фино Париж Олимпиадасында сайысқа түскеннен кейін жігітіне үйленуге ұсыныс жасады. Бұл туралы<a href="https://stan.kz/parizh-olimpiadasinda-zhenil-atlet-zhigitine-uylenuge-y-404457/"> Stan.kz</a> ақпарат агенттігі Le Figaro басылымына сілтеме жасап хабарлайды.Жеңіл атлет 3000 метрге кедергіден жүгіруден төртінші орын алды. Фино бұл қашықтықты 8 минут 58,67 секундта өтіп, Еуропаның рекордын жаңартты.Мәреге жеткеннен кейін ол көрермен отыратын жердегі&nbsp;сүйіктісіне барды. Ол&nbsp;тізерлеп тұрып, жігітіне үйленуге&nbsp;ұсыныс жасады. Спортшының жігіті келісті, содан кейін олар көрерменнің қошеметіне бөленді.Сөзінше, 9 жігітінің сүйікті саны екен.<blockquote>"Біз тоғыз жыл біргеміз. Егер тоғыз минуттан тез жетсем, жігітіме ұсыныс жасаймын деп өзіме айттым. Мен басқалар сияқты болғанды ұнатпаймын. Ол маған&nbsp;әлі ұсыныс жасамағандықтан, "Мұны өзім істеуім керек" деп ойладым, –&nbsp;деді франциялық жеңіл атлет.</blockquote>Олимпиадада қазақстандық атқыш Константин Малиновский де&nbsp;ұлттық құрамадағы әріптесі Арина Алтуховаға ұсыныс жасады.Константин Парижден 300 шақырым жерде орналасқан Шату қаласында жарысқа қатысты.Арина Алтухова мен Константин Малиновский 3 жыл қыз бен жігіт боп жүрген екен. Константин өз туған күнінде жарыста жүріп сүйіктісіне тұрмысқа шығуға ұсыныс жасады.<blockquote>"Алғаш рет Олимпиадада ел намысын қорғаған Константин Малиновский өзінің туған күнінде сүйіктісі Арина Алтуховаға ұсыныс жасады, әрине, Арина “иә” деді”, –&nbsp;деп жазды спортты дамыту дирекциясы.</blockquote>

Париж Олимпиадасында жеңіл атлет жігітіне үйленуге ұсыныс жасады

<a href="https://kyzylorda-news.kz/">Kyzylorda-news.kz</a>&nbsp; Парижде өтіп жатқан Олимпиада ойындарында Нұрбек Оралбай финалда украиналық қарсыласын ұтылып, күміс медальге ие болды. Бұл туралы <a href="https://stan.kz/nyrbek-oralbay-bokstan-olimpiada-oyindarinin-kumis-zhul-404455/">Stan.kz </a>ақпарат агенттігі хабарлайды.Париж Олимпиадасында 80 келі салмақта ел&nbsp;намысын қорғаған отандасымыз финалда украиналық Александр Хижнякпен алтынға таласты.Аса тартысты өткен жекпе-жек қорытындысы бойынша төрешілер шешімімен Хижняк жеңімпаз деп танылды.&nbsp;Осылайша украиналық боксшы Париж Олимпиадасының чемпионы атанса, қазақ боксшысы Нұрбек Оралбай күміс жүлдегер атанды.Естеріңізге сала кетейік, Париж Олимпиадасына жеті боксшы барған болатын.&nbsp;Өкінішке қарай, оның алтауы жарысты ерте аяқтап, көрермен қатарына қосылды.Ал&nbsp;әйелдер боксынан лицензия жеңіп алған үш боксшының екеуі алғашқы жекпе-жекектерінде жарыс жолын аяқтаса, тек олардың арасынан 50 келі салмақта Назым Қызайбай ғана ел&nbsp;үмітін ақтады.Айта кетсек, Қазақстан екінші олимпиада қатарынан бокстан алтын медалсіз қалды. Еліміз&nbsp;Олимпиада ойындарынан&nbsp;1996 жылдан бері алтын медальсіз оралмаған. 2021 жылы&nbsp;Токиода өткен Олимпиадада алтын алмау дәстүрі бұзылып, тек екі қола медаль ғана еншілеген едік.&nbsp;1996 жалдан бергі олимпиада чемпиондары:<ul><li>Атланта 1996 - Василий Жиров</li><li>Сидней 2000 - Бекзат Саттарханов пен Ермахан Ибраимов</li><li>Афины 2004 - Бақтияр Артаев</li><li>Бейжің 2008 - Бақыт Сәрсекбаев</li><li>Лондон 2012 - Серік Сәпиев</li><li>Рио 2016 - Данияр Елеусінов</li></ul>

Жалғыз финалист: Нұрбек Оралбай бокстан Олимпиада ойындарында күміс жүлдеге ие болды

<a href="https://kyzylorda-news.kz/">Kyzylorda-news.kz</a>&nbsp; &nbsp;Демеу Жадыраев грек-рим күресінен Париж олимпиадасының күміс жүлдегері атанды. Бұл туралы&nbsp;<a href="https://stan.kz/demeu-zhadiraev-parizh-olimpiadasinin-kumis-zhuldegeri-404454/">Stan.kz</a>&nbsp;ақпарат агенттігі хабарлайды.Демеу Жадыраев Париждегі олимпиада ойындарының финалында ұтылып, күміс жүлдегер атанды. 77 келі салмақта сынға түскен балуанымыз&nbsp;финалда жапондық балуан Нао Кусакамен белдесіп, 5:2 есебімен ұтылып қалды.&nbsp;Осылайша Жадыраев Қазақстан құрамасына екінші күміс жүлдені салды. Демеу Париж олимпиадасының алғашқы айналымда колумбиялық Хаир Куэроны айқын басымдықпен ұтса, ширек финалында жарыстың басты фавориті, қырғызстандық&nbsp;әлем чемпионы Ақжол Махмұдовпен белдесіп, 3:1 есебімен басым түсті. Ал жартылай финалда&nbsp;екі дүркін әлем чемпионатының күміс жүлдегері, әзірбайжандық Санан Сулеймановті 6:1 есебімен ұтты. Сөйтіп, Демеу грек-рим күресінен Қазақстан құрамасындағы жүлде алған жалғыз балуан атанды.Айта кетейік, бұған дейін 87 келіде сынға түскен Нұрсұлтан Тұрсынов ширек финалда Жан Беленюктен ұтылып, жарыс жолынан шығып қалған еді.Фото: ҰОК

Демеу Жадыраев Париж олимпиадасының күміс жүлдегері атанды

<a href="https://kyzylorda-news.kz/">Kyzylorda-news.kz</a> Айтыскер ақын Сара Тоқтамысова Париж Олимпиадасында топ жарған боксшы Назым Қызайбайды жеңісімен құттықтады. Бұл туралы <a href="https://stan.kz/auilina-asfalt-salip-bersin-sara-toktamisova-boksshi-na-404409/">Stan.kz</a> ақпарат агенттігі хабарлайды.Айта кетейік, боксшы Париж Олимпиадасының қола медалін иеленді.<blockquote>“Назым, сен – мықтысың! Қазақтың қоржынын қоламен толықтырдың!&nbsp; Үйіңнің алдына ғана емес, ауылыңа қарай асфальт салып берсе де жарасады Шынын айтсам қыздардың боксын көре алмайды екенмін. Өте ауыр спорт түрі екен”, – деп жазды айтыскер ақын.</blockquote>Еске салайық,&nbsp;5 тамыз күні Париж Олимпиадасының чемпионы Елдос Сметов Қазақстанға оралып, Таразға ат басын тіреді. Елге оралуына байланысты жергілікті әкімшілік атақты спортшы тұратын көшені абаттандыру шараларын қолға алған.Желіде жергілікті журналист Исламбек Дастан түсірген видео жарияланды. Кадрлардан Елдос тұратын көшеге жаңа асфальт төселгенін көруге болады. Видеода Олимпиада чемпионының елге оралуына байланысты&nbsp;жолдың арнайы&nbsp;жасалғаны айтылған еді.&nbsp;Фото: Видеодан скриншот

"Ауылыңа асфальт салып берсін": Сара Тоқтамысова боксшы Назым Қызайбайға қолдау білдірді

<a href="https://kyzylorda-news.kz/">Kyzylorda-news.kz</a> &nbsp;Отандық шоу-бизнес өкілі, әнші Төреғали Төреәлі Париж Олимпиадасының чемпионы Елдос Сметовке қалай қолдау білдіргенін айтып берді. Бұл туралы <a href="https://stan.kz/menin-404403/">Stan.kz </a>ақпарат агенттігі хабарлайды.Өнер иесі спортшының күтіп алу үшін Ташкент сапарынан да бас тартқан көрінеді.<blockquote>“Ташкентке бармаған себебімді айтайын. Еліміз үшін тарихи сәт. Әрі ол менің досым. Алтын медальдан қанша жыл үміт үзбей дайындалып жүргеніне куәмін. Алматыда дайындықта жүргенде біраз уақыт бірге жүріп, сол арманы менің де арманым болып кетіп еді. Тіпті дұғамнан тастамай жүрдім. Ал алтынды қоржынымызға түсірген уақытта бізді дос еткен елімізге деген қызмет және осындай қуанышты барша қазаққа сыйласақ деген ниетіміз түзу екенін түсіндім”, – деп жазды әнші.</blockquote>Эстрада жұлдызының айтуынша, спортшыға рух берген өзі орындайтын әндері көрінеді.<blockquote>“Таразға жолда келе жатып, толғанып келдім. Халқы үшін өз өмірін, жылдарын сарп еткен нағыз азамат.Әлемді мойындатқан палуанымыздың қуанышы күллі қазақ бірлігінің көрсеткіші. Неге десеңіз "Жаяудың шаңы, жалғыздың үні шықпайды" дейін. Қаншама халықтың қолдауы үлкен рөл атқарады. Енді мен де сол қазағымның қуанышына ат басын бұрып келдім. Бір қызығы, досым менің әндерімді тыңдап, жаттығу жасайтын көрінеді. Бәлкім, менің әндерім рух берген шығар", –&nbsp;деп жазды Төреғали.</blockquote>Еске салайық, спортшыға әнші асылтұқымды ат мінгізгенін жазған едік.&nbsp;Фото:&nbsp;https://www.instagram.com/toregalitoreali/

"Менің әндерім рух берді": Төреғали Төреәлі дзюдошы Елдос Сметовке қалай қолдау білдіргенін айтты

<a href="https://kyzylorda-news.kz/">Kyzylorda-news.kz</a> Франция астанасы Париж қаласында өтіп жатқан Олимпиада ойындарында грек-рим күресінен 77 келі салмақта Демеу Жадыраев жартылай финалда қарсыласын ұтып, <a href="https://kaz.inform.kz/news/grek-rim-kures-demeu-zhadiraev-olimpiadanin-finalina-shikti-72f193/">финалға шықты</a>.Ол жартылай финалда әзербайжан жігіті Санан Сулеймановпен кездесті. Нәтжесінде қазақ балуаны қарсыласын 6:1 есебімен айқын ұтты. Осылайша Демеу Жадыраев париж олимпиадасының финалына шықты.27 жастағы Сулейманов 2022, 2023 жылдардағы әлем чемпионатының күміс жүлдегері, 2020 жылғы Еуропа чемпионатының жеңімпазы.Ал Демеу биыл 34 жаста. 2017 жылғы әлем чемпионатының күміс жүлдегері. Азия чемпионатында бірнеше мәрте жүлдегер атанған спортшы. Былтырғы әлем чемпионатында Санан Демеуден 5:1 есебімен басым түскен еді. Міне, енді оған Париж төрінде есе қайтарды.Естеріңізге сала кетейік, Демеу Жадыраев ширек финалда екі дүркін әлем чемпионы, Токио ойындарының күміс жүлдегері қырғызстандық Ақжол Махмудовпен белдесіп, 3:1 есебімен&nbsp;<a href="https://kaz.inform.kz/news/demeu-zhadiraev-parizh-olimpiadasinin-zhartilay-finalina-shikti-e99aba/">басым түсті</a>. Осылайша Демеу Жадыраев Олимпиада ойындарының жартылай финалына шықты.Финалдық кездесулер 7 тамызға жоспарланған.Айта кетсек, грек-рим күресінен ел құрамасында Демеуден басқа Айдос Сұлтанғали (60 келі), Әлімжан Сыздықов (130 келі), Нұрсұлтан Тұрсынов (87 келі) бар.5 тамызда Айдос Сұлтанғали алғашқы белдесуінде Қырғызстан мықтысы Жоламан Шаршанбековке есе жіберді.Ал Әлімжан Сыздықов алдымен румыниялық Алин Алексус-Циурариуден басым түсіп, одан кейін әзербайжандық Сабах Шариатиден ұтылды.Сондай-ақ, Париж Олимпиадасында еркін күрестен Азамат Дәулетбеков (86 келі), Әлішер Ерғали (97 келі) және Юсуп Батырмырзаев (125 келі) ел намысын қорғайды.Күрес түрлерінен жарыстар 5-11 тамыз аралығында өтеді.Фото: Olympic.kz

Қазақстан және Қызылорда облысының жаңалықтары: Спорт