Қызылорда қаласындағы «Евразия» спорт кешенінде Мемлекет басшысының «Заң мен тәртіп» қағидаты аясында «Адалдық өзіңнен басталады» тақырыбында шағын футболдан облыстық турнир өтті.Спорттық шараның негізгі мақсаты – қоғамда заңдылық пен құқықтық тәртіпті нығайту, азаматтардың құқықтық мәдениетін арттыру, адалдық пен жауапкершілік құндылықтарын кеңінен насихаттау және бұқаралық спортты дамыту.Турнирдің ашылу рәсіміне облыстық қоғамдық даму басқармасы басшысының орынбасары Дәурен Тлеумбетов қатысып, жарысқа қатысушыларға сәттілік тіледі.<img src="https://knadmin.beoblood.kz/uploads/FB_IMG_1788666784367_e507c06ccc.jpg" alt="FB_IMG_1788666784367.jpg">Өз сөзінде басқарма басшысының орынбасары &nbsp;«Заң мен тәртіп» қағидатының қоғамдық тұрақтылық пен қауіпсіздікті қамтамасыз етудегі маңызына тоқталып, заң талаптарын сақтау әр азаматтың күнделікті өміріндегі басты ұстанымдардың бірі болуы қажеттігін атап өтті.<blockquote>– «Заң мен тәртіп – қоғамдық тұрақтылық пен қауіпсіздіктің берік негізі. Бұл қағидатты орнықтыру мемлекеттік органдардың ғана емес, қоғамның әрбір мүшесінің ортақ міндеті. Заң талаптарын сақтау, белгіленген тәртіпті орындау, өзгенің құқықтары мен заңды мүдделерін құрметтеу – азаматтық жауапкершіліктің негізгі көрсеткіштері. Қоғамдық тәртіп адамның өзінен басталады. Әр азамат өз міндетін адал орындап, заң талаптарын сақтап, қоғамдық ортадағы жауапкершілігін сезінген жағдайда ғана ортақ тәртіп қалыптасады. Бүгінгі спорттық дода да осы құндылықтарды дәріптеуге мүмкіндік береді. Жарыс барысында әр команда спорттық әдеп пен өзара құрмет қағидаттарын сақтай отырып, жоғары деңгейде өнер көрсетеді деп сенемін», – деді Дәурен Оңғарбайұлы.</blockquote>Сондай-ақ, ашылу рәсіміне &nbsp;ауыр атлетикадан Қазақстан Республикасының еңбек сіңірген спорт шебері, Әлем чемпионатының екі дүркін күміс жүлдегері Алмас Өтешов те қатысып, турнирдің ашылуымен құттықтады. Танымал спортшы жарысқа қатысушыларға сәттілік тілеп, спорттың адамды тәртіпке, табандылыққа және жауапкершілікке тәрбиелейтінін атап өтті.<img src="https://knadmin.beoblood.kz/uploads/FB_IMG_1788666789763_00646a570b.jpg" alt="FB_IMG_1788666789763.jpg">Облыстық турнирге бұқаралық ақпарат құралдарының өкілдері, үкіметтік емес ұйымдар, мемлекеттік мекемелердің қызметкерлері және «Жастар Рухы» Жастар қанаты Қызылорда облыстық филиалының өкілдерінен құралған 8 команда қатысты.Жарыстың қорытынды марапаттау рәсімінде жеңімпаздар мен жүлдегерлерге дипломдар мен арнайы марапаттар табысталды. Марапаттарды облыстық қоғамдық даму басқармасы басшысының орынбасары Дәурен Тлеумбетов және Қазақстан Республикасы Мемлекеттік қызмет істері агенттігінің Қызылорда облысы бойынша департаменті басшысының орынбасары Нұржан Сүлейменов табыстады.Турнирдің қорытындысы бойынша жүлделі орындар сараланып, «Барыс» командасы I орынды иеленді. II орын «Нұр» командасына бұйырса, «Жастар Рухы» Жастар қанаты Қызылорда облыстық филиалының командасы III орыннан көрінді.<img src="https://knadmin.beoblood.kz/uploads/FB_IMG_1788666786702_14af3e1466.jpg" alt="FB_IMG_1788666786702.jpg">

«Заң мен тәртіп» қағидаты аясында футболдан шағын турнир өтті 

<a href="https://kyzylorda-news.kz/">Kyzylorda-news.kz</a> Жалағаш ауданындағы Руханият орталығында Спорт күніне орай аудан әкімінің орынбасары Ғани Сүлейменов аудан спортшылары және сала ардагерлерімен кездесіп, аудан әкімінің атынан мерекелерімен құттықтады.<blockquote>«Ауданда бұқаралық спортты дамыту және спорт инфрақұрылымын жаңғырту жұмыстары кезең-кезеңімен жүргізіліп келеді. Өткен жылы «Қазақстан халқына» қорының қаржыландыруымен Аққыр ауылдық округінде жаңа спорт кешені ашылып, ел игілігіне берілді. Сондай-ақ, «Ауыл – Ел бесігі» жобасы аясында аудан орталығында дене шынықтыру-сауықтыру кешені пайдалануға беріліп, орталық стадион қайта жаңғыртылды. Бұл – тұрғындардың спортпен тұрақты айналысуына жасалған мемлекеттік қолдаудың нақты нәтижесі», – деді Ғани Сүлейменов.</blockquote>Сонымен қатар, қабылдауда аудандық ардагерлер кеңесінің төрағасы Садық Әлиев, кент ардагерлері кеңесінің төрағасы Қожатай Құлмахан, «Жалағаш ауданының Құрметті азаматы», спорт саласының ардагері Сұлтан Бекжанов сөз сөйлеп, спорт саласының дамуына қатысты ой-пікірлерін ортаға салып, жас спортшыларға ізгі тілектерін білдірді.Салтанатты жиында спорттық додаларда топ жарып жүрген бір топ спортшы мен сала ардагері марапатталды. Бүгінде 16 мыңға жуық аудан тұрғыны бұқаралық спортпен тұрақты айналысады. Бұл аудан халқының 44 пайызын құрайды.Аудан спортшылары әлем және Азия чемпионаттары мен облыстық жарыстарда 144 медаль жеңіп алып, жоғары нәтижелер көрсетіп келеді.

Спорт күніне орай сала ардагерлері мен спортшылар марапатталды

<a href="https://kyzylorda-news.kz/">Kyzylorda-news.kz</a> Қазалы ауданында спорт күніне арналған салтанатты шара өтті. &nbsp;Әйтеке би кенттік мәдениет үйінде өткен мерекелік шараға аудан әкімі Алмасбек Есмаханов қатысып, аудан спортшыларын кәсіби мерекелерімен құттықтады. Спорт саласында атқарылып жатқан жұмыстарды атап өтіп, спортшылардың жарқын жетістіктері үшін аудан жұртшылығы атынан алғысын жеткізді.&nbsp;<blockquote>«Президентіміздің, Үкіметтің және аймақ басшысының қолдауымен ауданымызда спорт саласында ауқымды жобалар іске асырылып, жүйелі жұмыстар жүргізіліп келеді. Мемлекет басшымыз Қасым-Жомарт Кемелұлы «Қазақстан – спорт державасы болуға тиіс. Сол үшін біз маңызды спорт нысандарын салып жатырмыз. Халықтың спортқа деген қызығушылығын арттыру – біздің ортақ міндетіміз» - деп, спорт инфрақұрылымын, соның ішінде стадиондар мен спорт кешендерін салуға тапсырма берген болатын. Соңғы 4 жылда Қазалы ауданында Қ.Пірімов, Ү.Түктібаев ауылдарынан бұқаралық спортты дамыту мақсатында заманауи спорт кешендері, бірқатар елді мекендерде спорт алаңдары мен ойын алаңдары салынып, пайдалануға берілді. Биылғы жылы «Ауыл – Ел бесігі» бағдарламасы аясында Бекарыстан би ауылында құны 398,5 млн. теңгені құрайтын жаңа спорт кешені пайдалануға берлісе, жуық арада ғана облыс әкімі Мұрат Нәлқожаұлының қатысуымен 628,7 млн. теңге ге аудан орталығы - Әйтеке би кентінде және 537,1 млн. теңге ге Қожабақы ауылында заманауи спорт кешендері ел игілігіне пайдалануға берілді. 1 маусым – Халықаралық балаларды қорғау күні мерекесі аясында Әйтеке би кентінде 2 спорт алаңы ашылды. Алдағы уақытта Қазалы қаласында да жаңа спорт кешенін салу жоспарланып отыр. Қазіргі таңда ауданымызда 35 мыңнан астам тұрғын &nbsp;спортпен жүйелі түрде шұғылданады. Бұл - &nbsp;аудан халқының 45 пайызы. Спортшының жолы – жеңіс пен жеңілістен, қуаныш пен толғаныстан тұрады. Нағыз спортшы үшін ең бастысы – мәреге жету ғана емес, сол жолда тоқтамау. Өйткені бүгінгі кішкентай жеңіс – ертеңгі үлкен жетістіктің бастауы. Сіздерге сарқылмас күш-қуат, отбастарыңызға құт-береке, дендеріңізге саулық тілеймін», - деді Алмасбек Әбілқасымұлы.&nbsp;</blockquote><img src="https://knadmin.beoblood.kz/uploads/azaly_sport_k_ni_is_shara_2_4dfaf4f006.jpg" alt="Қазалы спорт күні іс-шара 2.jpg">Салтанатты шарада ауданның спорт саласының дамуына сүбелі үлес қосқан бірқатар азаматтар Қазақстан Республикасы Туризм және спорт министрлігінің, облыс әкімінің, облыс әкімі орынбасарының және аудан әкімі мен облыстық дене шынықтыру және спорт басқармасының Алғыс хаттарымен марапатталды.Мерекелік шара аудан өнерпаздарының мерекелік концертіне жалғасып, ардагер спортшыларға аудан әкімінің мерекелік сыйлықтары табысталды.Айта кетейік, Қазыналы ауданның спортшылары әлемдік додалар мен ел біріншіліктерінде әрдайым жеңіс тұғырынан көрініп, еліміздің атын әлемге танытуда. Бүгінде халықаралық аренада көк туымызды көкке көтерген қазалылық спортшылар жыл басынан бері Халықаралық турнирлерде 11 алтын, 16 күміс, 8 қола медальдарын иеленсе, Қазақстан Республикасының чемпионаттарында 14 алтын, 19 күміс, 27 қола медаль иеленді. Өткен жылы Хорватия астанасы Загреб қаласында ересектер арасындағы грек-рим күресінен өткен Әлем чемпионатында жерлесіміз Айдос Сұлтанғали көк туымызды көкке көтеріп, халқымызға тарихи алтын медаль сыйлады. Биыл шілде айында Индонезияның астанасы Джакарта қаласында өткен бокстан жастар арасындағы Азия чемпионатында 80 келіден жоғары салмақ дәрежесінде сынға түскен жерлесіміз Толыбай Зарина алтын медалін жеңіп алып, Азия чемпионы атанды. Наурыз айында Тараз қаласында қол күресінен өткен Қазақстан Республикасының чемпионатында Қашмұрат Дәурен, Спасов Игорь алтын медаль иеленсе, Ибрашов Әділбек қола медаль иеленіп Азия чемпионатына жолдама алды. Қырғызстан Республикасында маусым айында қол күрестен өткен Азия чемпионатында Қашмұрат Дәурен жастар арасында Азия чемпионы атанған болатын.<img src="https://knadmin.beoblood.kz/uploads/azaly_sport_k_ni_is_shara_3_debac892b8.jpg" alt="Қазалы спорт күні іс-шара 3.jpg">

Қазалыда спорт күніне орай мерекелік іс-шара өтті

<a href="https://kyzylorda-news.kz/">Kyzylorda-news.kz</a>&nbsp; Қазалы ауданының әкімі Алмасбек Есмаханов Индонезияның Джакарта қаласында өткен бокстан жастар мен жасөспірімдер арасындағы Азия чемпионатында алтын медаль жеңіп алған жерлес спортшы Зарина Толыбай мен оның бапкері Руслан Жолбарысовты қабылдап, құрмет көрсетті.Кездесу барысында аудан әкімі чемпионды жарқын жеңісімен құттықтап, бұл жетістік Қазалы ауданының ғана емес, Сыр өңірі мен Қазақстанның мерейін асқақтататын маңызды жеңіс екенін атап өтті. Сондай-ақ спортшының жетістігіне үлес қосқан ата-анасы мен жаттықтырушыларына алғыс білдіріп, алдағы халықаралық додаларда да табыс тіледі.Салтанатты қабылдауда Зарина Толыбайға аудан әкімінің Құттықтауы және 300 мың теңгенің сертификаты, ал бапкері Руслан Жолбарысовқа Алғыс хат пен 100 мың теңгенің сертификаты табысталды.<figure class="image"><img src="https://knadmin.beoblood.kz/uploads/azaly_sport_93354b37c4.jpg" alt="қазалы спорт.jpg"></figure>Шара барысында ауданның құрметті азаматтары мен спорт ардагерлері сөз сөйлеп, Азия чемпионына ізгі тілектерін жеткізді. Өз кезегінде Зарина Толыбай мен Руслан Жолбарысов көрсетілген құрмет үшін қазалылықтарға алғыс айтты.Айта кетейік, Қазалы ауданында соңғы үш жылда алты спорт кешені мен бірнеше спорт алаңы пайдалануға берілді.&nbsp;

Қазалы ауданының әкімі Азия чемпионы Зарина Толыбайды қабылдады

<a href="https://kyzylorda-news.kz/">Kyzylorda-news.kz</a> «Заң мен тәртіп» қағидатын іске асыру мақсатында Жаңақорған аудандық пробация қызметі мен Жаңақорған аудандық Жастар ресурстық орталығының ұйымдастыруымен пробация есебінде тұрған азаматтардың бос уақытын тиімді ұйымдастыруға, салауатты өмір салтын насихаттауға және әлеуметтік бейімделуіне қолдау көрсету мақсатында дойбыдан өзара жарыс өткізілді.Аталған іс-шараның басты мақсаты – есепте тұрған азаматтардың логикалық ойлау қабілетін дамыту, қоғамға бейімделуіне оң ықпал ету болды. Жарыс барысында қатысушылар іс-шараға белсенділік танытып, тартысты әрі қызықты ойын өрнегін көрсетті.&nbsp;Жарыс қорытындысы бойынша үздік нәтиже көрсеткен қатысушыларға алғыс хаттар табысталды.&nbsp;Іс-шара барысында Жаңақорған аудандық пробация қызметінің инспекторы Самат Құрымбетов қатысушыларға мұндай тәрбиелік маңызы зор шаралардың алдағы уақытта да тұрақты түрде жалғасатынын атап өтті.&nbsp;<blockquote>– Пробация қызметінің негізгі міндеттерінің бірі – есепте тұрған азаматтардың қайта құқық бұзушылыққа жол бермеуіне ықпал ету және олардың қоғамға бейімделуіне жағдай жасау. Осындай спорттық іс-шаралар азаматтардың бос уақытын тиімді өткізуіне, жауапкершілік сезімін қалыптастыруына және заңға құрметпен қарауына оң әсер етеді. «Заң мен тәртіп» қағидатын жүзеге асыру – баршамыздың ортақ міндетіміз, – деді Самат Құрымбетов.</blockquote>Сурет: Polisia.kz

Қызылорда облысында есептегі сотталғандар арасында дойбыдан жарыс ұйымдастырылды  

<a href="https://kyzylorda-news.kz/">Kyzylorda-news.kz</a>&nbsp; Қызылордадағы «Қайсар Арена» стадионы ресми түрде УЕФА-ның ең жоғары-төртінші санатына ие болды.Еске сала кетейік, осы жылдың сәуір айында аренаға УЕФА-ның стадиондар инфрақұрылымы жөніндегі өкілі Скотт Струзерс инспекциялық сапармен келген. Сарапшы нысанмен егжей-тегжейлі танысып, стадионның УЕФА-ның стадиондар инфрақұрылымы жөніндегі регламентіне сәйкестігін бағалады.Тексеру нәтижесі мен есептерді талдау қорытындысы бойынша УЕФА «Қайсар Аренаға» ең жоғары төртінші санат берді. Енді Қызылорда стадионы ең жоғары деңгейдегі халықаралық матчтарды, соның ішінде Қазақстан ұлттық құрамасының Еуропа чемпионатының іріктеу кезеңіндегі және Ұлттар лигасындағы ойындарын, сондай-ақ еурокубок турнирлері – Чемпиондар лигасы, Еуропа лигасы және Конференция лигасының іріктеу әрі негізгі кезеңдерін қабылдауға толық дайын. Бұл санатты алу аймақтың спорттық инфрақұрылымын дамытудағы және еліміздегі халықаралық футбол кездесулерінің географиясын кеңейтудегі маңызды қадам болды.

Қызылордадағы «Қайсар Арена» стадионы УЕФА-ның ең жоғары-төртінші санатын алды

<a href="https://kyzylorda-news.kz/">Kyzylorda-news.kz</a> Қазалы ауданында пробация есебіндегі азаматтар арасында шағын футболдан жарыс өтті. «Заң мен тәртіп» қағидасы аясында ұйымдастырылған спорттық шараның мақсаты – салауатты өмір салтын насихаттап, бұқаралық спортты дамыту.Жарысқа үш команда қатысып, тартысты ойын өрнегін көрсетті. Нәтижесінде «Барыс» командасы І орын, «Реал» ІІ орын, «Құлагер» ІІІ орынды иеленді. Сонымен қатар үздік ойыншылар арнайы номинациялар мен қаржылай сыйақыларға ие болды.Жеңімпаздар мен жүлдегерлерді Қазалы аудандық прокуратурасы, пробация қызметі және жұмыспен қамту және әлеуметтік бағдарламалар бөлімінің өкілдері дипломдармен, медальдармен және қаржылай сыйақылармен марапаттады.Айта кетейік, жарыс «Бас бостандығынан айыру орындарынан босатылғандар мен пробация есебінде тұрған азаматтарды қайта әлеуметтендіру және әлеуметтік бейімдеу» әлеуметтік жобасы аясында өткізілді.Сурет: Polisia.kz

Пробация есебіндегі азаматтар арасында шағын футболдан жарыс өтті

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев, облыстық мәслихат төрағасы Мұрат Тлеумбетов пен ел ағалары Қазалы ауданы Қожабақы ауылындағы жаңа дене шынықтыру-сауықтыру кешенінің ашылу рәсіміне қатысты.Салтанатты шарада аймақ басшысы &nbsp;тұрғындарды құттықтап, елді мекендерде кәсіби және бұқаралық спортты дамытудың маңыздылығын атап өтті.&nbsp;<blockquote>«Баршаңызды спорт кешенінің ашылуымен шын жүректен құттықтаймын!&nbsp;Мемлекет басшысы Қасым-Жомарт Кемелұлы: «Ауыл – біздің алтын бесігіміз. Ауылдағы тіршілік сапасын жақсартпай, жалпыұлттық дамуды елестету мүмкін емес» деген болатын.&nbsp;Бүгін Өздеріңізбен бірге «Ауыл – ел бесігі» бағдарламасы аясында Қожабақы ауылында салынған жаңа дене шынықтыру-сауықтыру кешенін ашуға жиналдық. Бір күнде 100 адамды қабылдауға қауқарлы заманауи &nbsp;кешенде бокс, грек-рим күресі, волейбол, футбол және баскетбол &nbsp;сынды спорт түрлерімен айналысуға болады. Бұл ауыл жастарының бұқаралық спортпен тұрақты шұғылдануына, салауатты өмір салтын қалыптастыруға, болашақ чемпиондарды тәрбиелеуге жол ашады деп сенемін.&nbsp;Алдағы уақытта да халқымыздың игілігіне, тұрғындарымыздың жайлы тұрмыс-тіршілігіне, жастарымыздың жарқын болашағына бағытталған жаңа жобаларымыз жалғаса береді», - деді облыс әкімі.&nbsp;</blockquote><figure class="image"><img src="https://knadmin.beoblood.kz/uploads/akimat_982973aebd.jpg" alt="акимат.jpg"></figure>Шарада еңбек ардагері Тілек Махамаш сөз сөйлеп, ауданның әлеуметтік-экономикалық дамуына үлес қосқан азаматтар және спорт кешенін сапалы етіп салған мердігер мекеме өкілдері облыс әкімінің Алғыс хатымен марапатталды.&nbsp;Айта кетейік, Мемлекет басшысының, Үкіметтің қолдауымен 2022 жылдан бері өңірде 200-ден астам әлеуметтік нысан бой көтерді. Оның &nbsp;27-сі - спорт кешені, &nbsp;бүгінде ел игілігіне айналды. &nbsp;Бұдан бөлек, Қызылорда қаласында 11 мың орындық «Қайсар Арена» стадионы, «Теннис орталығы» , Инклюзивті спорт кешені пайдалануға берілді. «Қазақстан халқына» қоғамдық қорының қолдауымен Шиелі, Жалағаш аудандарында жаңа спорт кешендері ашылды.&nbsp;<figure class="image"><img src="https://knadmin.beoblood.kz/uploads/750893018_1027602806548505_626794873791664405_n_e01a527ec2.jpg" alt="акимат"></figure>Жергілікті кәсіпкерлердің демеушілігімен 80 спорт-ойын алаңы салынды.&nbsp;Бүгінде облыс орталығында «Қызылорда Арена» көпбейінді спорт кешенінің, «Қайсар» футбол клубы академиясының құрылысы қарқын алды.&nbsp;<figure class="image"><img src="https://knadmin.beoblood.kz/uploads/akimat_797f73dd2c.jpg" alt="акимат.jpg"></figure>

Қожабақы ауылында дене шынықтыру-сауықтыру кешені ашылды 

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Мұрат Ергешбаев, облыстық мәслихат төрағасы Мұрат Тлеумбетов, зиялы қауым өкілдері мен ел ағалары Қазалы ауданына жұмыс сапары кезінде Ақтан батыр, Жанқожа батыр, Бекарыстан би, Майдакөл және Ү.Түктібаев елді мекендерінің тұрғындарымен кездесті.Кездесуге жиналған жұртшылық ұсыныс-пікірлерін айтып, әлеуметтік, инфрақұрылымдық жобалар туралы сауалдарын қойды.&nbsp;Бұдан кейін аймақ басшысы Әйтеке би кентінде бой көтерген жаңа дене шынықтыру-сауықтыру кешенінің ашылу рәсіміне қатысты.<figure class="image"><img src="https://knadmin.beoblood.kz/uploads/750582946_1336926835295224_4743684168221927971_n_ca71fb9750.jpg" alt="акимат "></figure><blockquote>«Бүгінде өңірімізде Мемлекет басшысының қолдауымен ауылды дамыту, аймақтардың әлеуетін арттыру, тұрғындардың өмір сапасын жақсарту, кәсіби және бұқаралық спортты дамыту бағытында ауқымды жұмыстар атқарылып келеді. Міне, Өздеріңізбен бірге «Ауыл – ел бесігі» бағдарламасы аясында салынған Әйтеке би кентіндегі кезекті дене шынықтыру-сауықтыру кешенінің ашылу рәсіміне куә болудамыз.&nbsp;Мұнда &nbsp;қазақ күресі, үстел теннисі, волейбол, футбол, гандбол, баскетбол, дзюдо сынды спорт түрлерімен айналысуға барлық жағдай жасалған. Нысанда бір күнде 150 спортшы жаттыға алады.&nbsp;Жаңа спорт кешені дені сау ұлтты қалыптастыруға қызмет етіп, осында жаттығушылар арасынан әлемдік ареналарда Тәуелсіз Қазақстанның көк Туын көкте желбірететін чемпиондар шығады деп сенеміз», - деді аймақ басшысы.&nbsp;</blockquote><figure class="image"><img src="https://knadmin.beoblood.kz/uploads/akimat_d32434ec1e.jpg" alt="акимат.jpg"></figure>Шарада ҚР спорт шебері, бокстан жастар мен жасөспірімдер арасындағы Азия чемпионы Зарина Толыбай, еңбек ардагері Әлімбай Қасқырбай сөз сөйлеп, ел ағасы Самұрат Имандосов бата берді. Ауданның әлеуметтік-экономикалық дамуына үлес қосқан азаматтар, спорт кешенін салған мердігер мекеме өкілдері облыс әкімінің Алғыс хатымен марапатталды.&nbsp;Жыл басында Қазалы ауданының &nbsp;Бекарыстан би ауылында да дене шынықтыру-сауықтыру кешені ашылған болатын. Жалпы ауданда &nbsp;спортпен шұғылданушылар саны 35 мыңнан асты.&nbsp;Спортшылар халықаралық турнирлерден 3 алтын, 7 күміс, 6 қола медаль, Қазақстан чемпионаттарынан 14 алтын, 19 күміс, 27 қола жүлде &nbsp;иеленді.<figure class="image"><img src="https://knadmin.beoblood.kz/uploads/akimat_61c75ddfe1.jpg" alt="акимат.jpg"></figure>

Әйтеке би кентінде заманауи спорт кешені ел игілігіне берілді

<a href="https://kyzylorda-news.kz/">Kyzylorda-news.kz</a> Спорт - денсаулықтың кепілі ғана емес, ұлт болашағына салынған инвестиция. Осы бағытта Байқоңыр қаласында бұқаралық спортты дамытуға және тұрғындардың салауатты өмір салтын ұстануына қолайлы жағдай жасауға басымдық берілуде. Жаңа спорт нысандарының салынуы қаладағы спорт инфрақұрылымын кеңейтіп, жас ұрпақтың спортқа деген қызығушылығын арттыруға мүмкіндік беруде. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай мәлімдеді.<blockquote>-Қала тұрғындарының бұқаралық спортпен тұрақты айналысуына жағдай жасау - біздің басым бағыттарымыздың бірі. Соңғы жылдары спортпен шұғылданушылар санының артуына байланысты қолданыстағы спорт нысандарына түсетін жүктеме көбейді. Осыған сәйкес, спорт инфрақұрылымын кеңейту жөнінде шешім қабылданды. Жүргізілген жүйелі жұмыстың нәтижесінде 2025 жылы дене шынықтыру-сауықтыру кешенінің құрылысы басталып, оның базасында қазақстандық балалар мен жасөспірімдер спорт мектебін ашу жоспарланды. Қазіргі таңда спорт кешенінің құрылысы аяқталуға жақын. Нысанды жақын күндері пайдалануға беру жоспарланып отыр. Бұл жоба қала тұрғындарына, әсіресе балалар мен жастарға сапалы спорттық инфрақұрылымға қол жеткізуге мүмкіндік беріп, бұқаралық спортты дамытуға тың серпін береді,- деді Қайрат Ырзақұлұлы.</blockquote>

Байқоңырда спорт инфрақұрылымы жаңа нысанмен толығады

<a href="https://kyzylorda-news.kz/">Kyzylorda-news.kz</a> Ел мерейін үстем етіп, халықаралық және республикалық жарыстарда жоғары нәтиже көрсеткен аралдық жас спортшылар туған жерге жеңіспен оралып, жерлестерінің ыстық ықыласына бөленді.Салтанатты қарсы алу рәсімінде спортшыларды туған-туыстары, жаттықтырушылары, спорт саласы мамандары мен аудан тұрғындары қарсы алып, ел абыройын асқақтатқан жеңістерімен құттықтады.Айта кетейік, Тайланд елінің Паттайя қаласында өткен грек-рим күресінен U20 жастар арасындағы Азия чемпионатында 60 келі салмақ дәрежесінде Алпамыс Болатұлы, 55 келіде Әмірмұхаммед Кабулов қола жүлдеге ие болған еді. &nbsp;Сонымен қатар, U15 жасөспірімдер арасындағы Азия чемпионатында 46 келіге дейінгі салмақ дәрежесінде Раян Жамсапқызы Азия чемпионатының қола жүлдегері атанды.Сондай-ақ, 3х3 баскетболдан Қазақстан Республикасының чемпионатында 14 жасқа дейінгі қыздар арасында Айерке Батырбекқызы чемпион атанып, І орынды жеңіп алса, 18 жасқа дейінгі қыздар арасында Мейірім Жанұзаққызы үздік үштіктен көрініп, қола жүлдені иеленді.Жас спортшылардың бұл жеңістері табанды еңбек пен тынымсыз дайындықтың, білікті бапкерлердің кәсіби еңбегінің және спортқа көрсетіліп жатқан қолдаудың жарқын жемісі.

Жеңіспен оралған жас спортшыларға құрмет көрсетілді

<a href="https://kyzylorda-news.kz/">Kyzylorda-news.kz</a> 28 маусым – Бұқаралық ақпарат құралдары қызметкерлерінің кәсіби мерекесі қарсаңында ауданға қарасты Аққұмшық жағажайында өңірлік бұқаралық ақпарат құралдары өкілдері арасында жағажай футболынан облыстық турнир ұйымдастырылды.БАҚ саласы қызметкерлері арасында салауатты өмір салтын насихаттау, әріптестік байланысты нығайту және кәсіби мерекені лайықты атап өту мақсатында ұйымдастырылған тартысқа толы додаға облыстың әр өңірінен келген 5 команда қатысып, өзара үздіктерді анықтады.&nbsp;Қызықты әрі тартысты өткен турнир қорытындысы бойынша І орын «Меншікті тілшілер» командасына бұйырса, ІІ орынды «Qyzylorda» телеарнасы командасы еншіледі. Ал жүлделі ІІІ орын жергілікті «Толқын» командасына бұйырды.Тартысты турнирге куә болған аудан әкімі Аманжол Оңғарбаев өрнекті ойын үлгісін көрсеткен жеңімпаз командаларды құттықтап, арнайы дипломдар, кубоктар мен бағалы сыйлықтарды табыстады.Сонымен қатар, жарыс барысында жоғары ойын өрнегін көрсетіп, ерекше шеберлігімен көзге түскен ойыншылар түрлі номинациялар бойынша марапатталды.Спорттық шара достық пен ұйымшылдықтың, бұқаралық ақпарат құралдары өкілдері арасындағы ынтымақтастықтың жарқын көрінісіне айналып, қатысушыларға ерекше әсер мен көтеріңкі көңіл күй сыйлады.

Қазақстан және Қызылорда облысының жаңалықтары: Спорт