<a href="https://kyzylorda-news.kz/">Kyzylorda-news.kz</a> Орта салмақта WBO және IBF тұжырымдары бойынша әлем чемпионы Жәнібек Әлімханұлы (15-0, 10 КО) бүгін жаңазеландиялық Андрей Михайловичтен басым түсті. Қазақстандық былғары қолғап шебері қарсыласымен тартысты жекпе-жек өткізді деп хабарлады <a href="https://kaz.inform.kz/news/zhanbek-almhanuli-austriyalik-andrey-mihaylovichten-basim-tust-ee9571/">KAZINFORM</a>12 раундқа жоспарланған кездесуде отандасымыз айқын басымдылық танытты. Бірінші раундта Андрей Михайловичті нокдаунға түсірді. Ал, тоғызыншы раундта төреші жекпе-жекті тоқтатты. Осылайша Жәнібек қарсыласын Сиднейде сан соқтырып, чемпиондық белбеуін сақтап қалды.&nbsp;Айта кетсек, бұл жекпе-жек шілде айында өтуі тиіс болатын. Ол уақытта Жәнібек Әлімханұлы ауруханаға түсті. Бұл жөнінде боксшы кейіннен твиттер парақшасында былай деп жазды:<blockquote>«Қолдауларыңызға рақмет! Менде қазір барлығы дұрыс. Бірнеше апта салып араға қайта қосыламын. Бастысы мен орта салмақта өнер көрсете беремін. Менің бұл жақта бітпеген шаруаларым бар», - деп жазды Әлімханұлы.</blockquote>Бүгінгі бокс кеші Аустралияның Сидней қаласындағы The Star аренасында өтті. 25 жастағы Андрей Михайлович кәсіпқой рингте 21 жекпе-жек өткізіп, бірде-бір рет жеңілмеген. 13 кездесуін нокаутпен аяқтаған 21-0, 13 KO. Қазірде Халықаралық бокс федерациясы (IBF) рейтингінде 3 орында тұр.Фото: No Limit Boxing

Жәнібек Әлімханұлы Сиднейдегі бокс кешінде Андрей Михайловичті нокаутпен жеңді

<a href="https://kyzylorda-news.kz/">Kyzylorda-news.kz</a> Қала күні қарсаңында Сыр елінде бірқатар әлеуметтік нысан ел игілігіне табысталды. Соның бірі – үстел теннисі орталығы.Облыс әкімі Нұрлыбек Нәлібаев жаңа орталықтың салтанатты ашылу рәсіміне қатысып, қала тұрғындарын құттықтады.Мерекелік іс-шараға «Самұрық-Қазына» АҚ басқарушы директоры Ғибрат Ауғанов, жауапты салалардың, құқық қорғау органдарының басшылары, Халықаралық Қарттар күні қарсаңында аймақ басшысының арнайы шақыртуымен барлық ауданнан келген ардагерлер, зиялы қауым өкілдері қатысты.<blockquote>«Бүгін ел игілігіне берілген үстел теннисі орталығы Сыр спортына жаңа серпін әкеліп, жеңімпаздар сыйлайды деп сенеміз. Сүйікті Қызылордамыздың келбетіне көрік қосатын әсем ғимараттардың қатарын толықтырған орталықтың қолданысқа берілуі баршаңызға құтты болсын!Облыстың қарқынды дамуына қажетті әлеуметтік нысандардың салынуына зор үлес қосқан «Самұрық-Қазына» акционерлік қоғамы директорлар кеңесінің мүшесі, басқарма төрағасы Жақыпов Нұрлан Қаршығаұлына және «Самұрық-Қазына Траст» корпортивтік қорының бас директоры Адиева Альфия Дәулетқалиқызына Сыр жұртшылығы атынан ризашылық білдіремін. Сонымен қатар, орталықтың құрылысын сапалы жүргізген «Дәнекер» жауапкершілігі шектеулі серіктестігіне алғыс айтамыз. Еліміздің көк байрағы дүбірлі додаларда биікте желбіреп, спортшыларымыз жеңіс тұғырынан көрінсін!», – деді Нұрлыбек Машбекұлы.</blockquote>Іс-шарада «Самұрық-Қазына» АҚ басқарушы директоры Ғибрат Ауғанов, облыстық үстел теннисі федерациясының төрағасы, Қазақстанның Еңбек Ері Абзал Ералиев, Қызылорда облысының Құрметті азаматы Самұрат Имандосов сөз сөйлеп, игі тілек білдірді. Мердігер «СК Дәнекер» ЖШС құрылысшылары облыс әкімінің Алғыс хатымен марапатталды.Халықтың сұранысына сәйкес үстел теннисі орталығын салуға облыстық бюджеттен 2,5 млрд теңге бөлініп, құрылыс биыл басталды. Оған «Samruk Kazyna Trust» әлеуметтік жобаларды дамыту қоры 900 млн теңге қаржы бөлді. Орталықта 16 үстел теннисі орналасқан ойын алаңы, 350 көрерменге арналған орындар, жаттығу залы мен әкімшілік бөлмелер бар. Мұнда 31 қызметкер жұмыс жасайды.<img src="https://knadmin.beoblood.kz/uploads/tennis_1_50bf1ed36b.jpg" alt="теннис 1.jpg"><img src="https://knadmin.beoblood.kz/uploads/tennis_2_c714c7992e.jpg" alt="теннис 2.jpg"><img src="https://knadmin.beoblood.kz/uploads/tennis_4_21b08af2e2.jpg" alt="теннис 4.jpg"><img src="https://knadmin.beoblood.kz/uploads/tennis_3_7e3a188c8a.jpg" alt="теннис 3.jpg">Фото: Қызылорда облысы әкімінің баспасөз қызметі

Қызылордада үстел теннисі орталығы ашылды

<a href="https://kyzylorda-news.kz/">Kyzylorda-news.kz</a> 8-13 қыркүйек аралығында Астанада өткен 5-ші Дүниежүзілік көшпенділер ойындарына 89 елден 2500-ден астам спортшы қатысты.Бұл шара Қазақстан үшін ғана емес, бүкіл этноспорт әлемі үшін де жылдың басты оқиғаларының бірі болды.&nbsp;5-ші Дүниежүзілік көшпенділер ойындарын ұйымдастыру дирекциясының басшысы Наиль Нұров бірнеше мәрте атап өткендей, Қазақстанда Ойындарды өткізудің негізгі мақсаты – ұлттық спорт түрлерін дамытып, ұлттық спорттық дәстүрлерді жаңғырту.&nbsp;<blockquote>«Біз бұл мерекені қазақстандықтар мен шетелдік қонақтар үшін ұйымдастырдық. Басты міндетімізге қол жеткіздік – өскелең ұрпақтың ұлттық спорт түрлеріне деген қызығушылығын арттыра алдық және халқымыздың бай мәдениетін көрсеттік. Бүгінде облыстық спорт басқармаларының телефон желілері көкпар, бәйге және басқа да ұлттық спорт түрлеріне қатысуға ниет білдірген балалардың ата-аналарының қоңырауларынан босамай жатыр. Біздің көшпенділер ойындарының чемпиондарын – көкпаршылар мен балуандарды көшеде танитын болды. Олар жастарымызға үлгі боларлық қарапайым, бірақ ел намысын қорғап жүрген спортшылар»,&nbsp;– деді Наиль Нұров.</blockquote>Ойындардан кейін елде балалар мен жастардың ұлттық спорт түрлеріне қызығушылығы күрт өсті. Өңірлерде ұлттық спорт түрлері секцияларына қатысуға ниет білдірушілердің қатары көбейді.&nbsp;<blockquote>«Біздің орталық биылғы мамыр айынан бері жұмыс істейді, бірақ балалардың қызығушылығы дәл Көшпенділер ойындарынан кейін күрт артты. Қыркүйектің өзінде ұлттық спорт секцияларына 50-ден астам адам жазылды. Біз тоғызқұмалақ, құсбегілік, қазақ күресі бойынша қосымша топтар аштық. Қараша айында дәстүрлі садақ ату секциясын іске қосу жоспарымызда»,&nbsp;– деді Алматы қаласындағы клуб жетекшісі Нұрлан Оспанов.</blockquote>Абай облысының «Ұлттық және ат спорты түрлері орталығы» спорт клубының директоры Болат Ақжігітовтің айтуынша, өңірде ұлттық спорт түрлерімен айналысқысы келетіндердің саны күрт өскен. Теңге ілу секциясы ашылған, сондай-ақ, жақында жамбы ату бойынша топ құрылады деп күтілуде. <img src="https://syrboyi.kz/wp-content/uploads/2024/09/1727699823_5.jpg" alt="" srcset="https://syrboyi.kz/wp-content/uploads/2024/09/1727699823_5.jpg 450w, https://syrboyi.kz/wp-content/uploads/2024/09/1727699823_5-300x199.jpg 300w" sizes="(max-width: 450px) 100vw, 450px" width="450" loading="lazy"><blockquote>«Ойындар аяқталғаннан бері екі аптаға жуық уақыт өтті.&nbsp;Соған қарамастан біз әлі де қазақстандықтар мен шетелдік қатысушылардан кері байланыс алып жатырмыз.&nbsp;5-ші Дүниежүзілік көшпенділер ойындары көшпенділер өркениетінің бай мұрасын көрсетіп қана қоймай, шетелдік қонақтарды қазақ мәдениеті, ұлттық тағамдары және ұлттық спорт түрлерімен таныстыруға мүмкіндік берді. Мұндай іс-шаралар Қазақстан үшін ұлттық болмысымызды сақтауға және дұрыс ұлттық идеологияны қалыптастыруға қажет»,&nbsp;– деп атап өтті Наиль Нұров.</blockquote>Қазақстан Республикасы Туризм және спорт министрлігінің мәліметінше, Ойындар кезінде тек Астананың өзінде eQonaq жүйесі арқылы 12,5 мың шетелдік турист тіркелген. Қазіргі уақытта Дүниежүзілік көшпенділер ойындары еліміздің экономикасына шамамен 300 миллион теңге кіріс әкелді. Дегенмен, нақты сандарды шағын және орта кәсіпорындар салық есептерін тапсырғаннан кейін білуге болады.&nbsp;«Алдын ала болжам жасағанамыздай,&nbsp;5-ші Дүниежүзілік көшпенділер ойындарына Қазақстаннан, жақын және алыс шетелден 100 000-ға жуық турист қатысады деп күткен едік. Алайда, жарыстар мен этноауыл аумағын және ғылыми конференцияны 250 000-нан астам елорда тұрғындары мен қонақтары тамашалады.&nbsp;Әлеуметтік-мәдени жобаны ұйымдастыру кезінде біз қаржылық жағын естен шығармадық, бірақ басты мақсатымыз ол емес еді. Біз бұл тұрғыда да күткенімізден асып түстік.&nbsp;Қазірге түскен қаржы туралы айтуға ерте. Дегенмен, үлкен туристік ағын шағын және орта бизнеске қолдау көрсетті.&nbsp;Қаланың барлық қонақүйлері толып, мейрамханалар мен кафелер қонақтарға лық толды, барлық мерч, кәдесыйлар және ұлттық киімдер сатылып кетті, ең танымал жарыстарға билеттер толықтай сатылды.&nbsp;Айта кетерлігі, этноауыл аумағындағы сауда орындары тегін негізде ұйымдастырылды. Іріктеу кезінде басты талап – жоғары сапа болды. Сондай-ақ, Дүниежүзілік көшпенділер ойындарын Қазақстанда өткізу ұзақ мерзімді инвестиция екенін атап өткім келеді. Қазақстан бюджеттік қаражат есебінен көшпенділер ойындарына қатысқан шетелдік спортшылардың шығындарын өтеді. Енді, өз кезегінде, қазақстандық спортшылар алдағы Дүниежүзілік көшпенділер ойындарына тегін қатысатын болады»,&nbsp;– деді Дирекция басшысы.&nbsp;5-ші Дүниежүзілік көшпенділер ойындарының арқасында жүз мыңнан астам турист Қазақстан мен оның бірегей мәдениетімен танысып, жылдың ең маңызды оқиғасының бір бөлшегіне айналып үлгерді.<img src="https://knadmin.beoblood.kz/uploads/1727699823_5_07880a26c7.jpg" alt="1727699823_5.jpg">Фото: ашық дереккөз

Ұлттық спорт түрлеріне қызығушылықты арттыру мақсатымыз орындалды

<a href="https://kyzylorda-news.kz/">Kyzylorda-news.kz</a> Қызылордалық ауыр атлет Ерасыл Сәулебеков Испанияның Леон қаласында өтіп жатқан жастар арасындағы әлем чемпионатында жүлдегер атанды.81 келіге дейінгі салмақта Сәулебеков қоссайыста (154+190) 344 келі нәтижемен өнер көрсетті. Осы нәтиженің арқасында Ерасыл серпе көтеруде күміс, құрама сайыста қола медальді жеңіп алды.Айта кетейік, қызылордалық спортшы 73 келі салмақта 17 жасқа дейінгілер арасында екі дүркін әлем чемпионы атанды.Фото: Instagram/wf_rk<img src="https://knadmin.beoblood.kz/uploads/ajdar2_29c3d7c251.jpeg" alt="айдар2.jpeg">

Қызылордалық спортшы ауыр атлетикадан әлем чемпионатында қола жүлде алды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария ауданы, Тереңөзек кентінде мемлекет және қоғам қайраткері Елеу Көшербаевты еске алуға арналған волейболдан ХХV халықаралық турнирдің салтанатты ашылу рәсіміне қатысты. Іс-шараға ҚР Парламенті Мәжілісінің депутаты Мұрат Ергешбаев, Елеу Көшербаевтың ұрпақтары, мемлекет және қоғам қайраткерлері келді.Жарысқа Өзбекстаннан, Астана, Шымкент қалалары мен Ақтөбе, Алматы, Жамбыл, Түркістан, Шығыс Қазақстан және Қызылорда облыстарынан 25 команда қатысуда.Аймақ басшысы турнир қатысушыларына ізгі тілегін білдірді.<blockquote>«Президентіміз Қасым-Жомарт Кемелұлы Олимпиада ойындарының жүлдегерлерімен кездесуде: «Бұқаралық спортты дамыту арқылы біз кәсіби спортқа жол ашамыз және ең бастысы, ұлт саулығын жақсартамыз», – деген болатын.Мемлекет басшысының, Үкіметтің қолдауымен және кәсіпкерлердің демеушілігімен соңғы жылдары аймағымызда заманауи спорт нысандары көптеп бой көтеруде. Өткен жылы 13 спорт кешені салынып, бүгінде 9-ы ел игілігіне табысталды. Биыл 10 спорт кешенінің құрылысы басталды.Бұдан бөлек, халықаралық стандарттарға сай келетін 10 000 орындық Орталық стадион және жабық бассейні бар көпсалалы денешынықтыру-сауықтыру кешені салынуда. Үстел теннисі орталығының құрылысы аяқталды, жақында пайдалануға беріледі. Құрылысы жоспарланған «Қызылорда Арена» көпбейінді спорт кешенінде 2000 көрерменге арналған арена, олимпиадалық стандартқа сай келетін бассейн және 600 адамдық көрермен залы, жаттығу, конференц және хореография залдары болады. Қазақстан футбол федерациясының «ALAN» бағдарламасымен Ғани Мұратбаев атындағы стадионның қосалқы алаңы күрделі жөндеуден өткізілуде. Осылайша біз жастар мен жасөспірімдердің бос уақытын тиімді ұйымдастырып, спортпен шұғылдануына қолайлы орта қалыптастырудамыз. «Спорт – денсаулық кепілі» десек, нысандарды көпшілікке қолжетімді ету арқылы халық денсаулығын жақсарту біздің басты міндетіміз болып қала бермек», – деді Нұрлыбек Машбекұлы.</blockquote>Салтанатты ашылу рәсімінде мемлекет және қоғам қайраткері, Қызылорда облысының Құрметті азаматы Айтбай Көшербай мен Мәжіліс депутаты Мұрат Ергешбаев сөз сөйледі. Сондай-ақ, іс-шарада турнирді ұйымдастыруға атсалысқан спорт саласының қызметкерлері марапатталды.Е.Көшербаев Тереңөзек, Сырдария аудандық атқару комитеттерінің төрағасы, Қармақшы, Қазалы аудандық партия комитеттерінің бірінші хатшысы, облыстық атқару комитеті төрағасының орынбасары болған. Зейнетке шыққан соң да облыстық ардагерлер кеңесінің төрағасы ретінде игі істер атқарған.<img src="https://knadmin.beoblood.kz/uploads/turnir_1_aaebffff13.jpg" alt="турнир 1.jpg"><img src="https://knadmin.beoblood.kz/uploads/turnir_2_895de29e3b.jpg" alt="турнир 2.jpg"><img src="https://knadmin.beoblood.kz/uploads/turnir_3_aa057f4187.jpg" alt="турнир 3.jpg">Фото: Қызылорда облысы әкімінің баспасөз қызметі

Елеу Көшербаевты еске алуға арналған халықаралық турнир басталды

<a href="https://kyzylorda-news.kz/">Kyzylorda-news.kz</a> Санаулы күн бұрын V Дүниежүзілік көшпенділер ойындары да өз мәресіне жетті. Әлемнің 85-тен астам елінен 2 000-ға жуық спортшы қатысқан дүбірлі додада Қазақстан құрамасы жалпы нәтиже бойынша 43 алтын, 34 күміс, 37 қола медальмен көш бастады.Ұлттық құраманың сапында болып, ел намысын жоғарғы деңгейде қорғаған жерлестеріміз Өңірлік коммуникациялар қызметінің ақпарат алаңында қонақ болып, БАҚ өкілдеріне сұхбат берді.<blockquote>– V Дүниежүзілік көшпенділер ойындарында тоғызқұмалақ бойынша 40-қа жуық мемлекеттен спортшылар бақ сынады. Бұл сайыс біздің елімізде өтіп жатқандықтан мен үшін жауапкершілік жүгі екі есе ауыр болды. Әрбір адам жарысқа қатысарда басты жүлдеден үмітті болады ғой. Сол сияқты менде де жеңіске жетсем екен деген арман болды. Тақта үстіндегі сайыста сегіз ойын өткіздім. Барлығында да жеңіске жетіп, жалпы есепте 8 ұпай жинап жекелей сында да, жалпыкомандалық есепте де жеңімпаз болып, алтыннан алқа тақтым. Ендігі мақсатым, қараша айында Түркия елінде өтетін Әлем чемпионатында да осы жеңісімді қайталасам деймін. Осы орайды пайдаланып әлеуметтік желі арқылы маған қолдау білдірген барша жанкүйерлеріме, жерлестеріме алғысымды айтамын, – деді V Дүниежүзілік көшпенділер ойындарының жеңімпазы Бексұлтан Бостандықов.</blockquote>Көшпенділер ойындарының бағдарламасына енген спорт түрлерінен облысымыз бойынша 4 спортшы Ұлттық құрама командаға шақырту алып, жарыстарға қатысты.<blockquote>– Спортпен айналысып жүргеніме 12 жыл уақыты болды. Осы жылдар аралығында көптеген байрақты бәсекелерде өнер көрсеттім. Бірақ осы көшпенділер ойынының алар орны ерекше болды. Олай деуімізге себеп көп. Әлемнің 89 мемлекетінен спортшылар келді. Олармен лайықты бәсеке көрсетуге біз де дайын болдық. Жауапкершілікті сезіне алдық. Жарысқа қай спортшы болсын, жеңіс үшін барады. Қоланы қанағат тұттық. Алдағы уақытта да елдің абыройын асқақтатып, туымызды биіктен желбіреткім келеді. Қолдаған жерлестеріме шынайы алғысымды білдіремін, – деді V Дүниежүзілік көшпенділер ойындарының жүлдегері Назерке Әбілтаева.</blockquote>Ат спортын ел арасында насихаттап жүрген спортшыларымыздың қатарында көкбөрі жарысынан Ұлттық құрамада өнер көрсеткен Нұрлыбек Асқаров та бар.<blockquote>– Жарыстың оңайға соқпайтынын алдын-ала білдік. Тыңғылықты дайындалдық. Мен қырғыздардың ұлттық ойыны көкбөрі деп аталатын спорт түрінен сынға түстім. Алтыннан дәмелі едік. Дегенмен, көпшілік көз тіккен спорт додасында күмісті олжаладық. Финалда қырғыз ағайындармен болған ойын өте қиын әрі қызық болды. Елдің намысын абыроймен қорғай алдық деп ойлаймын, – деді V Дүниежүзілік көшпенділер ойындарының жүлдегері Нұрлыбек Асқаров.</blockquote>Фото: Өңірлік коммуникациялар қызметі

Жеңіс тұғырынан көрінген жерлестер

<a href="https://kyzylorda-news.kz/">Kyzylorda-news.kz</a>&nbsp; Арал ауданының әкімі Аманжол Оңғарбаев ел намысы сарапқа салынар байрақты бәсекелерде үздіктер қатарынан көрініп, Азия және Әлем чемпионаттарында жүлдегер атанған чемпиондар және олардың бапкерлерімен жүздесіп, құрмет көрсетті.Аудан әкімі тартысты додаларда табандылық көрсетіп, жүлдегер атанған спортшыларды ел мақтаныш ететінін жеткізді.<blockquote>– Құрметті жиынға қатысушылар, &nbsp;жарқын жеңістің үлгісін көрсетіп, ел мақтанышына айналған жас чемпиондар және олардың бабын келістіріп, бағын оздырған бапкерлермен жүздесіп отырмыз. Ең алдымен түрлі жарыста табандылық көрсетіп, жетістікке жеткен Сіздерге ерекше алғысымды білдіремін! Бүгінде ауданда өз кәсібінің мақтаныштарына айналған жеңімпаздардың шоғыры қалыптасып келе жатқаны көңілге қуаныш ұялатады. Сіздердің жетістіктеріңізді біз ұдайы мақтанышпен айтып жүреміз. Мұның барлығы соңғы жылдары спорт саласына көрсетілген айрықша қолдаудың нәтижесі деп білеміз, – деген аудан басшысы сала бойынша аудан көлемінде атқарылып жатқан жұмыстардың бірқатарына тоқталып өтті.</blockquote>Мұнан соң Азия және Әлем чемпионаттарында жоғары жетістікке жеткен ел мақтаныштарына аудан әкімінің Алғысы мен қаржылай және бағалы сыйлықтар табысталды. Олардың бапкерлеріне де ерекше құрмет көрсетілді.Кездесу барысында осы салада еңбек етіп, жас спортшылардың бабын келістіріп, бағын ашып жүрген алдыңғы аға буын спорт жанашырлары өздерінің ерекше ықыластарын білдірді. Сондай-ақ спортшылардың еңбегін бағалап, алдағы сайыстарға жігерлендірген аудан әкімдігіне ерекше ризашылықтарын жеткізді. Жас чемпиондарды болашақта Олимпиада ойындарына баруға дайындау үшін қолдау көрсетілсе деген ұсыныстарын да ортаға салды.Жиын соңында аудан әкімі А.Оңғарбаев бүгінгі жас спортшы ертең елдің мақтанышына айналуы әбден мүмкін екенін атап өтіп, талабы бар баланы әркез қолдауға дайын екенін жеткізді.

Арал ауданының әкімі үздік спортшыларды қабылдады

<a href="https://kyzylorda-news.kz/">Kyzylorda-news.kz</a>&nbsp; Көшпелілер ойындары аясында «Құсбегілік» спорт түрі бойынша екі күн қатарынан өткен жарыс мәресіне жетті. Тартысты додада отандастарымыз 2 алтын, 1 күміс, 3 қола медаль еншіледі, деп жазады&nbsp;<a href="https://egemen.kz/">Egemen.kz</a>.«Бүркіт салу» сайысында бірінші орынды ұлттық құрама мүшесі Серікбек Күнтуған «Алғыр» құсымен иеленді. 2 жаттығу бойынша өткен тартысты бәсекеде екінші орынды «Заңғар» атты құсымен Ерзат Байқадамов жеңді. Ал қола медальді құсбегі Арман Қошқаров «Нарын» атты бүркітімен түйіндеді.«Қаршыға салу» санаты бойынша «алтынды» «Найзатұяқ» құсымен астаналық Құдайберген Рауилұлы жеңіп алса, Қырғызстан спортшысы – Адильбек Құдайбердиев «Қарамоншақ» құсымен күміспен күптелді. &nbsp;Осы сында тағы бір отандасымыз Бағдат Кеуенов «Сомбалақ» қаршығасымен қола медальға қол жеткізді.«Ителгі салу» сынында жүлделі екі орынды қырғыз спортшылары Бакыт Шамуратулы және Түгелбай Абдыкадыров өзара бөліссе, қола медаль – ұлттық құрама мүшесі Бақдәулет Бабажанға бұйырды.Q4 Tulpar Auto компаниясының қолдауымен Құсбегілік федерациясы «бүркіт салу» санатында жеңімпаз атанған Серікбек Күнтуғанға жаңа автокөлік табыстады.Бұдан бөлек, V Дүниежүзілік көшпелілер ойындары дирекциясының атынан жеке спорт түрлерінде жеңімпаз атанғандарға бірінші орын үшін - 500 мың теңге, екінші орын иеленгендерге - 300 мың теңге, қола жүлдегерге - 200 мың теңгеге арнайы сертификат берілді.Фото: Ерлан ОМАР, «ЕQ»

Бүркіт салу сайысының жеңімпазына автокөлік табысталды

<a href="https://kyzylorda-news.kz/">Kyzylorda-news.kz</a>&nbsp; Бүгін 5-ші Дүниежүзілік көшпелілер ойындары мәресіне жетті. Нәтижесінде ұлттық құрама 44 алтын, 33 күміс, 37 қола медальмен жалпы командалық есепте бірінші орынға жайғасты, деп хабарлайды&nbsp;<a href="https://egemen.kz/">Egemen.kz</a>.Айта кетейік, Дүниежүзілік көшпелілер ойындарының соңғы жарыс күні отандастарымыз 12 алтын, 9 күміс, 10 қола жүлде еншіледі. Осылайша жалпы есепте Қазақстан құрамасы 44 алтын, 33 күміс, 37 (114) қола жүлдемен командалық есепте топ жарды.Қырғызстан құрамасы 18 алтын, 21 күміс, 25 (64) қола медаль жеңіп&nbsp; алып, екінші орынға жайғасты.Ал үшінші орынды Өзбекстан құрамасы иеленді. Олардың еншісінде 11 алтын, 12 күміс, 11 (34) қола медаль бар.Төртінші орын 11 алтын, 10 күміс, 25 қола медаль жеңіп алған Ресей құрамасына бұйырды.Бестікті 2 алтын, 2 күміс, 2 қола медальмен Түркия құрамасы еншіледі.Еске сала кетейік, дүбірлі додаға 89 елден келген 2 430-ға жуық спортшы қатысып, 21 спорт түрінен жүлделерді сарапқа салған еді.Фото:qazsport.qaztrkkz

Көшпелілер ойындары: Қазақстан жалпы командалық есепте топ жарды

<a href="https://kyzylorda-news.kz/">Kyzylorda-news.kz</a> Бүгін Астанада өтіп жатқан V Дүниежүзілік көшпелілер ойындарының салтанатты жабылу рәсімі өтеді. Ұйымдастырушылар аталған іс-шараға көрермендер үшін билет сатылмайтынын ескертті, деп хабарлайды&nbsp;<a href="https://egemen.kz/">Egemen.kz</a>.Бүгін, 13 қыркүйек күні V Дүниежүзілік көшпелілер ойындары мәресіне жетеді. Осы жылдың көктемінде бюджеттің қысқаруына байланысты дүбірлі доданың жабылу рәсімі хаттамалық форматта әрі көрермендерсіз өтеді. Алайда айтулы іс-шараны отандық телеарналардың тікелей эфирінен тамашалауға болады.<blockquote>«Көшпелілер ойындардың жабылу салтанатына билет сатылып жатқаны туралы ақпарат тарап жүр. Кез келген жалған ақпарат алаяқтық болып саналады. Ел азаматтары мен шетелден келген қонақтарды абай болуға шақырамыз. Күмәнді ұсыныстарға алданып қалмаңыздар. Ойындардың жабылу рәсіміне тек спортшылар қатысады», дейді ұйымдастырушылар.</blockquote>Фото: Ерлан Омар

Көшпелілер ойындарының жабылу рәсімі көрермендерсіз өтеді

Ұшқыр бәйгеден барлық жүлдені қазақтар алды.Ұшқыр бәйгеден 2400 метр және 3200 метр қашықтықтағы жарыстың жеңімпаздары анықталды. Бұл жолы да барлық жүлде қазақстандық жүйріктерге бұйырды, – деп хабарлайды <a href="https://aikyn.kz/">Aikyn.kz</a>.&nbsp;Ұшқыр бәйгеден 2400 метрлік аралықта шапқан 5 дөненнің (3 жасқа дейінгі) арасында желтұяғы анықталды.&nbsp;2400 метрге шапқан сәйгүліктер арасында да алғашқы үштікті Қазақстан жүйріктері иеленді. Мәре сызығын алғашқы болып «Берил Рэйсер» келсе, екінші орынды «Адай» иеленді. Ал үздік үштікті «Роузлайн» түйіндеді.&nbsp;1-орын: Берил Рэйсер, жокей әрі бапкері – Асланбек Байкенов, ат иесі – Бахтияр Байзақов (Қазақстан).&nbsp;2-орын: Адай, жокей – Мырзабек Каппушев, бапкері – Нұржігіт Табылдиев, ат иесі – Тлек Муканбеткалиев, (Қазақстан);3-орын: Роузлайн, жокей әрі бапкері – Дәурен Жүсіпов, ат иесі – Қарабай КФХ (Қазақстан).Ұшқыр бәйгеден 3200 метрлік жарыс жолына шыққан дөненнен жоғары жастағы (4 жасар және одан жоғары) аттардың арасында жүйрік анықталды.&nbsp;3200 метр қашықтықта сынға түскен 7 сәйгүлік арасында алғашқы үштікті тағы да Қазақстан жүйріктері ұтты.Мәре сызығын бірінші болып «Лайф’с Э Бриз» кессе, екінші орынды «Уэст Кост Найт» иеленсе, үздік үштікті «Аляска Тайгер» түйіндеді.&nbsp;1-орын: Лайф’с Э Бриз, жокей – Мырзабек Каппушев, бапкері және ат иесі – Нұржігіт Табылдиев (Қазақстан);&nbsp;2-орын: Уэст Кост Найт, бапкері – Жусупов Даурен, ат иесі Жусупов Даурен ат иесі Карабай КФХ,(Қазақстан);3-орын: Аляска Тайгер, жокей әрі бапкері – Рамазан Табылдиев, ат иесі – Нұржігіт Табылдиев (Қазақстан).Бұған дейін <a href="https://aikyn.kz/272673/272669/koshpendiler-oyyndary--b-ygeden-barlyk--zhuldeni-k-azak-tar-aldy">ұшқыр бәйгеден</a>&nbsp;1600 метр жеңімпаздары анықталғаны туралы хабарлаған едік.&nbsp;

Ұшқыр бәйге: 2400 және 3200 метрлік жарыстарда қазақстандық жүйріктер үздік атанды

<a href="https://kyzylorda-news.kz/">Kyzylorda-news.kz</a> Бүгін финалдық кездесу өтті, деп жазады&nbsp;<a href="https://egemen.kz/">Egemen.kz</a>.Қазақстан садақшылары финалдық бәсекеде Аустралия командасымен тартысты. Аталған ел бірінші орын алып, алтын жүлде жеңіп алса, күміс жүлде Қазақстан қоржынына түсті.V Дүниежүзілік көшпелілер ойындарының дәстүрлі садақ атудан командалық сайыстарына 16 елдің құрамасы қатысты.Фото: Turizm jane sport ministrligi

Қазақстан және Қызылорда облысының жаңалықтары: Спорт