<a href="https://kyzylorda-news.kz/">Kyzylorda-news.kz</a> Құрметті бауырлар! Ардақты ағайын!Қасиетті Қадір кеші мүбәрак болсын! Алла Тағала ұстаған оразаларыңызды, жасаған құлшылық-ғибадаттарыңызды қабыл еткей.Алла Тағала Құранда: «Біз шынында, Құранды Қадір түнінде түсірдік. Қадір түнінің не екенін білесің бе? Қадір түні (қасиет және сауап жағынан) мың айдан да қайырлы. Сол түнде періштілер және Жәбірейіл Алланың әмірімен (жер бетіне Алла тағдыр еткен) барлық істерді атқару үшін түседі. Сол бір түн, ағарып таң атқанға дейін амандық-тыныштық түні болады» («Қадір» сүресі, 1-5-аяттар) деп баяндайды.Расында, Рамазан айының қасиетті болуының ұлы ерекшеліктерінің бірі – Қадір түнінде тағдырдың жазылуы. Ал Қадір түнінің қасиетті болуының мәні – адамзат баласын екі дүние бақытына жетелеуші қасиетті кітабымыз Құранның түсуі. Бұған тұтастай осы қасиетті түнге қатысты баяндалған «Қадір» сүресі дәлел болады.Айша анамыз (оған Алла разы болсын): «Рамазанның соңғы он түні кірген кезде Пайғамбар білегін сыбанып, түнін құлшылықпен тірілткен және отбасын да құлшылыққа оятқан» дейді. Бұл түні намаз бен Құран оқудың сауабы мол. Сонымен қатар Алладан көбірек кешірім сұрап, дұға жасауды ұмытпайық.Бірде Айша анамыз (оған Алла разы болсын) ардақты Пайғамбарымыз Мұхаммедтен (оған Алланың салауаты мен сәлемі болсын): «Уа, Алланың Елшісі, Қадір түнінде қандай дұға тілейін?» деп сұрайды. Сонда Пайғамбарымыз (оған Алланың салауаты мен сәлемі болсын): «Алла, расында, Сен кешірімдісің және кешіргенді жақсы көресің. Мені кешіре көрші» деп айтасың» деп жауап берген. Хадистердің бірінде: «Кімде кім Қадір түні иманмен және сауабын үміт етіп құлшылық етсе, оның алдыңғы күнәлары кешіріледі» делінген.Алла Тағала баршамыздың қате-кемшілігімізді кешіріп, өз мейіріміне бөлегей. Раббымыз Қадір кешінде шынайы иманмен жасаған дұғаларымызды, намаздарымызды, берген садақаларымызды, оқыған Құранымызды қабыл етіп, сауабын еселеп жазғай. Баршаңызды ел игілігі мен бірлігі үшін дұға жасауға шақырамын.Еліміз аман, жеріміз тыныш, тәуелсіздігіміз баянды болғай! Әмин!НАУРЫЗБАЙ ҚАЖЫ ТАҒАНҰЛЫҚМДБ төрағасы, Бас мүфти

Бас мүфти Қазақстан мұсылмандарын Қадір түнімен құттықтады

<a href="https://kyzylorda-news.kz/">Kyzylorda-news.kz</a> Бүгін «Ақмешіт-Сырдария» орталық мешітінде Қазақстан мұсылмандары діни басқармасының Қызылорда облысы өкілдігі Діни басқарманың 35 жылдығына және қасиетті Рамазан айының құрметіне қызылордалық БАҚ өкілдері арасында ұйымдастырған «Менің алғашқы оразам» атты эсселер байқауының жеңімпаздарын марапаттау салтанаты өтті.Салтанатты шараны ашқан облыстың Бас имамы Дастан Жанасұлы байқаудың алдына қойған мақсат-мұратына тоқталып, қатысқан бұқаралық ақпарат құралдарының өкілдеріне өз алғысын жеткізді.<blockquote>– Бұл байқаудың басты мақсаты – Ислам құндылықтарын, асыл дініміз бен ата салтымызды кеңінен насихаттау, исі мұсылман баласы асыға күтетін, он екі айдың сұлтаны болған қасиетті Рамазан айының артықшылықтарын дәріптеу. Тәлімдік, тәрбиелік мәні бар шығармалар жазу арқылы қоғамды ізгілікке, жақсылыққа, қайырымдылыққа шақыру. Сондай-ақ, осы байқау арқылы өңірлік БАҚ өкілдерін ынталандырып, шығармашылық ізденістеріне қолдау білдіру, аймақтық басылымдар арқылы Рамазанның құндылықтарын әрбір оқырманға сезіндіру. Байқаудың әділқазы алқасының мүшелері аймағымызға танымал журналистер мен белгілі дін мамандарынан жасақталды. Сондықтан, шын жүйріктер анықталғандығына кәміл сенімдіміз. Барлық қатысушыларға айтар алғысым шексіз! Қаламдарыңыз мұқалмасын! Баршаңызға шығармашылық шабыт, толағай табыс тілеймін! – деді облыстың Бас имамы.</blockquote>Байқауға барлығы 48 өтінім келіп түсті. Әділқазы алқасы оларды сараптау барысында тақырыптың өзектілігі, мазмұнның ашылуы, шынайылығы, сапасы, жанрлық шартқа сәйкестігі, тілінің көркем, шұрайлы болуына және стилінің ұғынықтылығына баса мән берді.Эссе байқауының қорытындысы бойынша жүлделі І орынды «Қармақшы таңы» газетінің тілшісі Ақнұр Сағынтай еншілесе, ІІ орынды «Ақмешіт апталығы» газетінің тілшісі Ақтолқын Нұрлыбайқызы, ІІІ орынды «Өскен өңір» газеті бас редакторының орынбасары Гүлнәр Дүйсебаева иеленді.<img src="https://knadmin.beoblood.kz/uploads/2_Esse_baj_auyny_zhe_impazdary_marapattaldy_6f66083acb.jpg" alt="2 Эссе байқауының жеңімпаздары марапатталды.jpg"><img src="https://knadmin.beoblood.kz/uploads/3_Esse_baj_auyny_zhe_impazdary_marapattaldy_4b89e2f030.jpg" alt="3 Эссе байқауының жеңімпаздары марапатталды.jpg"><img src="https://knadmin.beoblood.kz/uploads/4_Esse_baj_auyny_zhe_impazdary_marapattaldy_c649afee6f.jpg" alt="4 Эссе байқауының жеңімпаздары марапатталды.jpg">Бұдан бөлек, үздік деп танылған 10 жұмысқа ынталандыру сыйлықтары берілді. Атап айтқанда, оған облыстық «Сыр бойы» газетінің тілшісі Шынар Бекбан, «Ақмешіт жастары» газеті бас редакторының орынбасары Айдана Жұмадинова, «Тіршілік тынысы» газетінің бас редакторы Аружан Мұханбетқали, «Ақмешіт жастары» газетінің тілшісі Гүлдана Жұмадинова, «Жаңақорған тынысы» газетінің бөлім меңгерушісі Мақпал Марқабайқызы, «Kyzylorda-news.kz» ақпарат агенттігінің тілшісі Мөлдір Кенжеғұлова, «Damu.qaz» консалтинг компаниясының баспасөз хатшысы Әбдісамат Әбдіш, Қызылорда облысының тілдерді оқыту орталығының баспасөз хатшысы Нұрбике Құдайбергенова, Қызылорда облыстық жастар ресурстық орталығының баспасөз хатшысы Аида Абилхан, «Өңірлік коммуникациялар қызметі» КММ-нің тілшісі Мұхаммедшах Каюп ие болды.Барлық жеңімпаздарды Қызылорда облысының Бас имамы Дастан Құрманбаев марапаттап, дипломдар мен қаржылай сыйлықтарды табыс етті.Айта кетейік, аталған байқау Рамазан айының алғашқы күні басталып, 21 наурызға дейін жалғасты. Оның шарты бойынша байқауға Қызылорда облысында тіркелген кез келген БАҚ өкілдері қатысуға (облыстық, қалалық, аудандық дәстүрлі, мерзімді баспа басылымдары, ақпарат агенттіктері, интернет-сайттар, теле, радио тілшілері) мүмкіндік алды. Қатысушыларға жас шектеуі қойылмады. Сайысқа тек эссе жанрында және қазақ тілінде жазылған шығармалар ғана қабылданды.Барлық жүлдегерлердің шығармалары өңірлік басылымдарда жарияланатын болады.<img src="https://knadmin.beoblood.kz/uploads/1_Esse_baj_auyny_zhe_impazdary_marapattaldy_d3b8f22d18.jpg" alt="1 Эссе байқауының жеңімпаздары марапатталды.jpg">Фото: ҚМДБ-ның Қызылорда облысы бойынша өкілдігінің баспасөз қызметі

Эссе байқауының жеңімпаздары марапатталды

<a href="https://kyzylorda-news.kz/">Kyzylorda-news.kz</a> 2025 жылы Қадір түні 26-нан 27-наурызға қараған түні өтеді. Бұл – Рамазан айының 27-ші түні, мұсылмандар үшін қасиетті түн.Қадір түні әрбір мұсылман үшін ерекше мүмкіндік. Бұл түнді қалай өткізген дұрыс? Бұл туралы Нұрлан имам көпшілікке келешек тағдырыңды реттейтін дұға туралы айтты.<blockquote>Қасиетті қадір түні барлық періштелер жерге түседі. Бірақ Қадір түнінің нақты қай түні екенін Алла біледі. Дегенмен ғалымдар қадір түні Рамазан айының соңғы он түндігіндегі тақ күндерінің бірінде екенін айтады. Сондықтан Қадір түні кез келген тілде дұға жасауға болады. Барлық арман, мақсаттарыңызды Алладан сұрап, қол жайып тілек тілеңіздер. Бұл түн тағдыр түні, құдірет түні, Алламен сырласатын түн. Десе де пайғамбарымыздың (с.ғ.с) өзі «Иә, Алла! Жаратушы ием! Сен кешірімдісің, жомартсың, кешіргенді жақсы көресің. Ендеше, мені кешірші» деген дұғаны үйреткен. Сондықтан баршамыз осы дұғаны айтсақ бұл дұға келесі жылғы тағдырыңызды реттейтін дұға, - дейді Нұрлан имам.</blockquote>Фото: freepik.com

"Тағдырыңызды реттейтін дұға". Қадір түні қандай дұға оқу керек?

«Ақмешіт-Сырдария» орталық мешітінде Қызылорда облысының бас имамы Дастан Жанасұлы өңірдегі бірқатар бұқаралық ақпарат құралдарының бас редакторларымен кездесіп, пікір алмасты.– Өздеріңізбен қасиетті Рамазан айында, оның ішінде, мың айдан да қайырлы Қадір түнінің қарсаңында кездесіп отырғаныма қуаныштымын. Сіздермен кездесудегі мақсат-мұратымыз біреу. Ол – өздеріңізге елімізде діни бағытта атқарылып жатқан жұмыстарды, оның ішінде, Қазақстан Мұсылмандары діни басқармасы мен Қызылорда облысы өкілдігінің іс-шараларын насихаттауға қосып келе жатқан зор үлестеріңіз үшін алғысымызды айтып, ризашылығымызды білдіру. Ақпарат саласы – қоғамдық пікір қалыптастыратын маңызды сала, ал журналист – мәртебелі мамандық екендігі баршаға белгілі. Бұқаралық ақпарат құралдарының өкілдері – ақиқат сөздің, өткір ой мен шынайы пікірдің және әділ істің жақтаушысы. Бұдан бір ғасырға жуық уақыт бұрын ұлт ұстазы Ахмет Байтұрсынұлы «Газет – халықтың көзі, құлағы һәм тілі» деп баға берген еді. Бұл ұлағатты сөзді қазір тек басылымдарға ғана емес, барлық электронды ақпарат құралдарына, ақпарат агенттіктеріне қатысты қолдануға болады. Сондықтан біз медиа саласының мамандарына әрдайым зор құрметпен қараймыз. Түптеп келгенде, дін өкілдері де, журналист те ұлт үшін қызмет етеді, ел тағдырына әркез алаңдап отырады. Өйткені ұлт баспасөзі мен ұлт мүддесі қай кезде де өзектес болған, – деді облыстың бас имамы.Дастан Жанасұлы одан әрі өз сөзінде бүгінгідей құбылмалы кезеңде дін тақырыбында қалам тарту асқан жауапкершілік пен кәсіби шеберлікті талап ететіндігіне айрықша тоқталып, сала мамандарына жанкешті еңбектері үшін өз алғысын жеткізді.– Ақпарат – қуатты құрал. Әсіресе, қазіргідей құбылмалы, түрлі технологиялар қарыштап дамыған заманда халыққа дін тақырыбында жан-жақты сарапталған, тексерілген, шынайы ақпаратты ұсыну аса маңызды. Қоғамды адастыратын ақпаратқа жол бермеу үшін сіздер қашанда ұлт мүддесін бәрінен биік қойып, ел қамы үшін қалам тербеп келесіздер. Ұлттық құндылықтарды дәріптеп, жасампаздық пен жақсылықтың жаршысы болып жүрсіздер. Медиа саласының білікті басшыларына осы жолдағы қажырлы еңбектері үшін шынайы ризашылығымды білдіремін. Алла Тағала өз кәсібінің майталманы болған сіздерге екі дүниенің бақытын нәсіп етсін! Жағымды жаңалықтармен жұртшылықты қуанта беріңіздер! Баршаңызға шығармашылық шабыт, толағай табыс тілеймін! Әрдайым мерейлеріңіз үстем, мәртебелеріңіз биік болсын! – деді ол.Жүздесуге республикалық «Ақмешіт ақшамы» газетінің бас редакторы Сәрсенкүл Бихожаева, облыстық «Сыр бойы» газеті бас редакторының орынбасары Гүлжазира Жалғасова, «QYZYLORDA» телеарнасының редакторы Қозы-Көрпеш Жасаралұлы, «ҚоғамТВ» телеарнасының бас редакторы Баян Құлтанова, «Кызылординские вести» газетінің бас редакторы Ботагөз Ажарбаева, «Degdar-news» ақпарат агенттігінің бас редакторы Үйтолған Жарекеева, «Kyzylorda-news.kz» ақпарат агенттігінің бас редакторы Азиз Батырбеков, қалалық «Ақмешіт апталығы» газетінің бас редакторы Гүлмира Ділдәбекова, «Ақмешіт жастары» газетінің бас редакторы Абзал Жолтерек қатысып, ой-пікірлерін ортаға салды.Кездесу соңында бас редакторларға құрмет көрсетіліп, Бас имам Дастан Құрманбаевтың Алғысы мен сый-сыяпат табысталды.Айта кетейік, Дастан Жанасұлының арнайы марапаты алдағы күндері аудандық басылымдардың бас редакторларына да табыс етілетін болады.ҚМДБ-ның Қызылорда облысы бойынша өкілдігінің баспасөз қызметі

Облыстың бас имамы БАҚ өкілдеріне құрмет көрсетті

<a href="https://kyzylorda-news.kz/">Kyzylorda-news.kz</a> Сыр мешіттерінде Наурыз мейрамы жоғары деңгейде аталып өтті.Нақтырақ айтар болсақ, облыс көлеміндегі мешіттерде ауызашарға жиылған жамағатқа наурыз дәмі ұсынылып, дін мен дәстүр сабақтастығы жайлы насихат айтылды, спорттық жарыстар өтті, ұлттық құндылықтарымыз дәріптелді.Қалалық “Хазірет Осман” мешітінде ұйымдастырылған Наурыз тойына облыстың бас имамы Дастан Жанасұлы бастаған қала мешіттерінің имамдары мен жамағаты қатысты. &nbsp;Шарада “асық ату”, “арқан тарту”, “ләңгі тебу”, “қол күрес”, “гір тасын көтеру” секілді спорттық сайыстар өткізіліп, 200 адамға ауызашар дастарқаны жайылды, наурыз көже таратылды.Сондай-ақ Бас имам Дастан Жанасұлы аталмыш мешітте “Намаз оқудың сауабы мен дәрежесі” тақырыбында тарауық уағызын айтып, жамағатпен бірге тарауық намазын оқыды.ҚМДБ-ның Қызылорда облысы бойынша өкілдігінің баспасөз қызметі

Сыр мешіттерінде Наурыз тойланды

<a href="https://kyzylorda-news.kz/">Kyzylorda-news.kz</a> Қазақстандық шеберлер небәрі бір сағат ішінде 500 дәстүрлі тақия тігіп, Қазақстанның рекордтар кітабына енді. Бұл туралы <a href="https://stan.kz/1-sagatta-500-takiya-kazakstandik-kolonershiler-zhana-r-415447/">Stan.kz</a> ақпарат агенттігі 24.kz арнасына сілтеме жасап хабарлайды.Мәліметтерге сенсек, әр өңірден келген 100 қолөнер шебері қатысқан бұл перформанста ең жас ісмер небәрі 9 жаста болды.Бұл тігін саласындағы алғашқы рекорд емес. Өткен жылдың қыркүйегінде V Дүниежүзілік көшпенділер ойындары аясында 450 шебер 11 мың шаршы метрден асатын құрақ көрпе тігіп, әлемдік рекорд орнатқан еді.Қазақстан рекордтар кітабының ресми өкілі Қуаныш Құдайбергенов бұл жетістіктің маңыздылығын атап өтті.<blockquote>"500 тақия тігу – үлкен көрсеткіш. Бірақ басты қиындық – шектеулі уақыт. Қолөнершілер тек жылдамдықты ғана емес, тігіннің барлық техникалық талаптарын да сақтауы керек болды. Бұл коммерциялық емес, әлеуметтік жоба. Сондықтан біз мұндай бастамаларды әрдайым қолдаймыз", –&nbsp;деді Қуаныш Құдайбергенов.</blockquote>Рекорд елордадағы "Конгресс-орталықта" орнатылды. Сонымен қатар шара аясында ұлттық сән көрсетілімі, этникалық әшекейлер, киімдер мен суреттер көрмесі ұйымдастырылды.Фото: видеодан скрин

1 сағатта 500 тақия: Қазақстандық қолөнершілер жаңа рекорд орнатты

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Қызылорда қаласында Ұлыстың Ұлы күніне арналған «Наурыз – берекем, Наурыз – мерекем!» &nbsp;атты мәдени-көпшілік шара өтті.Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, Мұрат Ергешбаев, &nbsp;зиялы қауым өкілдері мен ел ағалары және қала тұрғындары қатысты.Ұлыстың ұлы күні қарсаңында Қызылорда қаласы Наурыз нақыштарымен безендіріліп, көктемнің барлық бояуымен ерекше түрленді. Мереке өтетін орынға киіз үйлер тігіліп, берекелі дастархан жайылды. Халықтың көтеріңкі көңіл-күйі, ағайынның бір-біріне айтқан ақ тілегі, шашуын шашқан ақ жаулықты аналар, ақ батасын жаудырған ақсақалдар мереке ажарын аша түсті. &nbsp; &nbsp; &nbsp;Аймақ басшысы жұртшылықты Наурыз мерекесімен құттықтап, Сыр өңірінің даму жолындағы жаңашылдықтар мен алдағы жоспарларға тоқталды.<blockquote>«Баршаңызды береке мен бірліктің бастауы болған Ұлыстың ұлы күні – Наурыз мейрамымен шын жүректен құттықтаймын! Бұл күні Сырдан Сарыарқаға дейінгі, Алтайдан Атырауға дейінгі ұлан-байтақ даламыз ақ тілектермен көмкеріліп, ақ дастархан жайылып, үлкендеріміз жас ұрпаққа ақ батасын береді. Жақсылықтың, оң өзгерістердің, игі істердің, жаңару мен жаңғырудың символына айналған Әз Наурызымыз байтақ елімізге, туған жеріміз Сыр өңіріне ырыс-несібе, берекесімен келгей! Наурыз мейрамы Сыр жеріне толайым жаңалықтарымен жетті! Биыл – еліміз, өңіріміз үшін мерейтойлар жылы! Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты. Президентіміздің, Үкіметтің ерекше қолдауымен жаңа бастамаларды қолға алдық, әлеуметтік-экономикалық даму көрсеткіштерімізде айтарлықтай өсім қалыптасты. Өткен жылы облысымыздың бюджетін 750 млрд теңгеден асырдық. Жергілікті кәсіпкерлер, меценаттар да туған жерді түлетуге, көркейтуге үлес қосып келеді. Ұлыстың ұлы күнінде тілеген игі тілектеріңіз қабыл болсын, істеріңіз жемісті, еліміз тыныш, Тәуелсіздігіміз мәңгілік болғай!», – деді Н.Нәлібаев.</blockquote>Наурыз мерекесіне орай тігілген киіз үйлер алдында көрмелер мен салт-дәстүр қойылымдары қойылды. Қызылорда қаласының Қазақ АКСР-ның астанасы болғанына 100 жыл толуына арналған «Жауһар жәдігер» атты облыстық қолөнер шеберлерінің көрме-байқауы да келушілерге ұсынылды.Аймақ басшысы Айбарша, Айбике, Айбибі есімді үшемнің тұсауын кесіп, бүлдіршіндердің жаңа өмірге тәй-тәй басқан қадамына ізгі тілегін білдірді. &nbsp;Сонымен қатар «Түйе палуан» сайысы және ұлттық спорттың басқа да түрлерінен жарыстар болды.Мерекелік басқосу отандық эстрада жұлдыздарының және жергілікті өнерпаздардың мерекелік концертіне ұласты. Фото: Қызылорда облысы әкімінің баспасөз қызметі

Сыр елінде «Наурыз – берекем, Наурыз – мерекем!»  атты көпшілік-мәдени шара өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Жалағаш ауданынына жұмыс сапары барысында дене шынықтыру-сауықтыру кешенінің ашылу рәсіміне қатысты. Рәсімде Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, Мұрат Ергешбаев &nbsp;және зиялы қауым өкілдері мен ел ағалары, аудан тұрғындары болды.Аймақ басшысы жалағаштықтарды Ұлыстың ұлы күнімен және &nbsp;жаңа нысанның ашылуымен құттықтады. Өңірдің әлеуметтік-экономикалық дамуындағы жетістіктерге, құрылыс, спорт салаларындағы жаңалықтарға тоқталды.<blockquote>«Президентіміз Қасым-Жомарт Кемелұлы «Бұқаралық спортты дамыту арқылы біз кәсіби спортқа жол ашамыз және ең бастысы, ұлт саулығын жақсартамыз» деген болатын.&nbsp;Тұрғындар спортты өмір салтына айналдыру үшін осындай кешендер қолжетімді болуы керек. Ал спорт адамның денсаулығын, күш-жігерін шыңдайды.&nbsp; Өткен жылы қазан айында Қызылорда қаласында «Үстел теннисі» орталығы пайдалануға берілгені белгілі. Халықаралық стандарттарға сәйкес келетін 11 мың орындық Орталық стадион алдағы мамыр айында ел игілігіне табысталмақ. Жақын күндері көпбейінді «Қызылорда Арена», дене шынықтыру-сауықтыру кешендерінің құрылысы басталады.&nbsp;Жыл басынан бері Қармақшы ауданының ІІІ Интернационал, Дүр Оңғар, Сырдария ауданының Бесарық ауылдарында жаңа кешендер іске қосылған еді. Наурыз мерекесі қарсаңында дәл осындай спорт кешені күні кеше Қармақшы ауданының Ақай ауылында және Шиелі ауданының Жақаев ауылында ашылды. Бүгін Ұлыстың ұлы күнінде Жалағаш ауданындағы жаңа спорт кешенін ел игілігіне табыстаудамыз.Баршаңызды жаңа нысанның ашылуымен шын жүректен құттықтаймын! Осы жерде шыныққан жеткіншектер болашақта дүбірлі додаларда еліміздің, аймағымыздың намысын қорғап, көк байрағымызды биікте желбіретсін! Ұлыс оң, ақ мол болсын!», – Нұрлыбек Машбекұлы.</blockquote>Рәсімде Жалағаш ауданының әлеуметтік-экономикалық дамуына үлес қосқан азаматтар мен ғимаратты салған мердігер мекеме қызметкерлері облыс әкімінің Алғыс хатымен марапатталды. Парламент Мәжілісінің депутаты Мұрат Әбенов жиылған халықты жаңа нысанның ашылуымен құттықтады.Фото: Қызылорда облысы әкімінің баспасөз қызметі

Жалағашта Дене шынықтыру-сауықтыру кешені ашылды

<a href="https://kyzylorda-news.kz/">Kyzylorda-news.kz</a> Жалағаш ауданында облыс әкімі Нұрлыбек Нәлібаевтың қатысуымен Ұлыстың ұлы күніне арналған «Нұр себеле, Әз Наурыз!» атты &nbsp;мерекелік шара өтті. Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, Мұрат Ергешбаев &nbsp;және Қазақстанның Еңбек Ері Имамзада Шағыртаев, зиялы қауым өкілдері мен ел ағалары, аудан тұрғындары қатысты.&nbsp;Мереке қонақ күткен ауылдың қарбалас сәтін, үлкен-кіші бас қосқан жиынның, өнерпаз қыз-жігіттердің көш-керуенін бейнелеген театрландырылған қойылыммен басталды. &nbsp; –Ақ қар кетті, қыс өтіп, Шырайлы шуақ жаз жетіп, Шаруаның бұл кенелген, Күн мейрамы ежелден, Құтты болсын, Наурыз! Көтер туын Наурыздың, Желбіресін көгімде, Береке мен бақ қонсын, Жалағаштай еліме!– деп ауылдың үлкені берген батаға жұртшылық түгелдей әумин десті.&nbsp;Аймақ басшысы жалағаштықтарды Ұлыстың ұлы күнімен құттықтап, биылғы жылдың ерекшеліктеріне, атқарылатын жұмыстарға тоқталып өтті. &nbsp;Хәкім Абайдың 180, Қызылорданың Қазақ елінің астанасы болғанының 100, Ұлы Жеңістің 80, Байқоңыр ғарыш айлағының 70, Қазақстан халқы Ассамблеясының 30 жылдығы сияқты маңызды мерейтойларды тағылымы ел жадында жатталатындай етіп өткізу өте маңызды &nbsp;екенін айтты.<blockquote>«Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды.Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті.&nbsp;Бұл – біз үшін зор мәртебе, Президентіміздің Сыр өңіріндегі атқарылып жатқан жұмыстарға берген оң бағасы.&nbsp; Баршаңызды Ұлыстың ұлы күні – жыл басы Наурыз мейрамымен шын жүректен тағы да құттықтаймын! Ұлыс оң болсын! Ақ мол болсын!» – деді Нұрлыбек Машбекұлы.</blockquote>Мерекеде Жалағаш ауданының әлеуметтік-экономикалық дамуына қосқан үлесі үшін бірқатар азамат облыс әкімінің Алғыс хатымен марапатталып, Парламент Сенатының депутаты Руслан Рүстемов аудан тұрғындарын мерекемен құттықтады.Фото: Қызылорда облысы әкімінің баспасөз қызметі

Жалағашта «Нұр себеле, Әз Наурыз!» мерекелік іс-шарасы өтті

<a href="https://kyzylorda-news.kz/">Kyzylorda-news.kz</a> Бүгін Сырдария ауданында облыс әкімі Нұрлыбек Нәлібаевтың қатысуымен «Армысың, әз Наурыз!» атты мерекелік шара өтті. Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, Мұрат Ергешбаев &nbsp;және Қазақстанның Еңбек Ері Абзал Ералиев, зиялы қауым өкілдері мен ел ағалары, аудан тұрғындары қатысты.Аймақ басшысы жиналған жұртшылықты Наурыз мерекесімен құттықтап, атқарылған жұмыстарға тоқталды.​<blockquote>«Өздеріңізге белгілі, өткен жылы Үкімет басшысы Олжас Абайұлы Бектенов облысқа жұмыс сапарымен келіп, әлеуметтік нысандардың жұмысымен танысты. Сырдария ауданына қарасты Бесарық ауылындағы «Ауыл аманаты» жобасының нәтижелеріне, аймақ дамуына оң бағасын берді. Бұл – бәрімізге ортақ жетістік. Өңіріміздегі ауылдарды дамыту бағытындағы жұмыстардың озық тәжірибесін кеңінен тарату мақсатында Нағи Ілиясов ауылында республикалық семинар-кеңес өтті. Семинарға Ауыл шаруашылығы министрі, еліміздің барлық өңірінен облыс әкімдерінің орынбасарлары, ірі шаруашылық құрылымдарының басшылары қатысты. Кеңесте аграрлық саладағы мәселелер талқыланып, өңір жетістіктері өзге аймақтарға үлгі етілді. Негізінен аудан халқы 100 пайыз орталықтандырылған ауыз сумен қамтамасыз етілген. Тереңөзек кенті, Шаған, Қоғалыкөл, Аманкелді ауылдарында 14,5 шақырым ауыз су құбыры қайта жаңғыртудан өтті. Мұнан бөлек, тұрғындарды электр энергиясымен қамту бағытында да біршама жұмыс атқарылды. Сәкен Сейфуллин және Асқар Тоқмағанбетов ауылдары газдандырылып, аудан халқын табиғи газбен қамту деңгейі 45 пайызға жетті. Әрине, бұл – өткен жылы атқарылған және биылға жоспарланған жұмыстардың бір бөлігі ғана.Осы жылы да өздеріңіздің қолдауларыңызбен аудан халқының игілігіне бағытталған бастамалар іске асады. Бастысы – елдің тыныштығы мен береке-бірлігі. Істеріңіз жемісті, еліміз тыныш, Тәуелсіздігіміз мәңгі болғай! Әр шаңыраққа бақ-береке, шаттық, қуаныш орнасын! Ұлыс оң болсын, ақ мол болсын!», – деді Н.Нәлібаев.</blockquote>Мерекелік шарада &nbsp;ауданның әлеуметтік-экономикалық дамуына қосқан үлесі үшін бірқатар азамат облыс әкімінің Алғыс хатымен марапатталды. Парламент Мәжілісінің депутаты Мұрат Ергешбаев құттықтау лебізін жеткізді. Қазақстанның еңбек сіңірген қайраткері, Сырдария ауданының құрметті азаматы Жеңіс Ысқақова, «Қазақстан дауысы» мегажобасының жеңімпазы Құралай Мейрамбек ән шырқады. Фото: Қызылорда облысы әкімінің баспасөз қызметі

Сырдариялықтар «Армысың, Әз Наурыз!» атты мерекелік іс-шарада бас қосты

<a href="https://kyzylorda-news.kz/">Kyzylorda-news.kz</a> Бүгін Ұлыстың Ұлы күнінде облыс әкімі Нұрлыбек Нәлібаевтың қатысуымен Қызылорда қаласы Титов мөлтек ауданындағы 135 пəтерлік тұрғын үйдің кілтін табыстау рәсімі өтті. Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, Мұрат Ергешбаев және зиялы қауым өкілдері мен ел ағалары арнайы қатысты.Аймақ басшысы тұрғындарды Наурыз мерекесімен және қоныс тоймен құттықтады.<blockquote>«Баршаңызды береке мен бірліктің бастауы болған Ұлыстың ұлы күнімен шын жүректен құттықтаймын! Жақсылықтың, оң өзгерістердің, игі істердің, жаңару мен жаңғырудың символына айналған Әз Наурызымыз байтақ елімізге, туған жеріміз Сыр өңіріне ырыс-несібе, берекесімен келгей! Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті. Бұл – біз үшін зор мәртебе, Президентіміздің Сыр өңіріндегі атқарылып жатқан жұмыстарға берген оң бағасы. Президентіміздің, Үкіметтің ерекше қолдауымен Сыр өңірінде сәулеті мен сәні келіскен жаңа ғимараттар бой көтеріп, ел игілігіне табысталуда. Тұрғын үйлерді пайдалануға беру көрсеткіші бойынша өткен жылы республикада үздіктер қатарынан көріндік. Алдағы уақытта да бекем бірлігіміз бен тату тірлігіміздің арқасында елдің игілігі мен балаларымыздың болашағы үшін жасалатын ауқымды жобалар жалғасын табады. Жеріміздің тынысы кең, еліміздің мерейі үстем, халқымыздың келешегі кемел болсын деп тілейміз! Ұлыс оң, ақ мол болсын! », – деді Н.Нәлібаев.</blockquote>Рәсімде қаланың әлеуметтік-экономикалық дамуына үлес қосқан тұрғындар, пәтер иелеріне қуаныш сыйлаған мердігер мекеменің қызметкерлері облыс әкімінің Алғыс хатымен марапатталды. Парламент Мәжілісінің депутаты Мархабат Жайымбетов құттықтауын жеткізіп, мемлекет және қоғам қайраткері Бақберген Досмамбетов бата берді.Айта кетейік, өткен жылы мемлекеттік бюджеттен бөлінген қаражатқа 2,5 мыңнан астам пәтер берілді. &nbsp;Осылайша тұрғын үй құрылысының көлемі 126 пайызға өсті.Биыл халықты баспанамен қамту үшін 292 пәтер сатып алуға қаражат бөлінді. Қосымша 3300-ден астам пәтер сатып алуға өтінім жолданды. Амал күні Жаппасбай батыр көшесіндегі 60 пәтерлік тұрғын үйдің кілті иелеріне табысталды. Бүгін баспанасы апатты деп танылған 135 отбасы жаңа пәтерге ие болды. Фото: Қызылорда облысы әкімінің баспасөз қызметі

Ұлыстың Ұлы күні Қызылордада 135 отбасы баспаналы болды

<a href="https://kyzylorda-news.kz/">Kyzylorda-news.kz</a>&nbsp; «Кітап AMANAT» рухани орталығында белгілі журналист, «Анаға тағзым» орталығының басшысы, «AMANAT» партиясы жанындағы Әйелдер қанатының төрайымы Алтынай Молжановамен жастардың кездесуі өтті.Келелі кездесуде отбасы құндылықтары, кітап оқудың маңыздылығы және рухани даму тақырыптары кеңінен талқыланды.Алтынай Молжанова өз өмірлік тәжірибесімен бөлісіп, кітаптың адам санасын дамытудағы рөліне ерекше тоқталды. Сондай-ақ, оқырмандық мәдениетті қалыптастырудың жолдары, ұрпақ тәрбиесінде әдебиеттің маңызы жайлы құнды ойлармен бөлісті.<blockquote>«Кітап – рухани қазына, баға жетпес құндылық. Олай болса, құндылыққа жақын болу, оған сүйіспеншілік таныту, кітапты тұрақты серік ету – адами қасиеттің бір қырына айналғаны абзал. Білімге ұмтылыс, оқып-үйренуге құштарлық ізсіз кетпейді. Тұрақты түрде оқитын адамның бәсі биік. Қашанда қай ортада болсын айтары бар, білімі терең, көңілге түйгені мол адамның біліктілігі, бәсекеге қабілеттілігі басым болады»-деді орталықтың қонағы Алтынай Молжанова.</blockquote>

Қазақстан және Қызылорда облысының жаңалықтары: Руханият