<a href="https://kyzylorda-news.kz/">Kyzylorda-news.kz</a>&nbsp; ҚР халық қалаулысы, мәжіліс депутаты Дәулет Мұқаев бір күнде бірнеше тұсаукесерге қатысты. Бұл туралы <a href="https://stan.kz/eki-ayagina-bilezik-tagip-7-ayel-kestik-layla-syltankiz-393343/">Stan.kz</a> ақпарат агенттігі хабарлайды.&nbsp;Мәжілісменді күтіп тіпті жүріп кеткен де балалар бар екен.&nbsp;Бүгінгі тұсаукесерден естелік. Мені күте-күте 6 жасқа толған балалар бар. 50 баланың тұсауын кесіп, жиыны 3600-ге жетті. Бұл – рекорд! Барлық балаға ақ жол тілеймін. Менің тек жақсы қасиеттерім жұғысты болсын”, – деп жазды депутат.&nbsp;Еске салайық, қазақстандықтар іс жүзінде <a href="https://stan.kz/kazakstandiktar-is-zhuzinde-koldamaytin-dasturli-otbasi-412357/">қолдамайтын</a> дәстүрлі отбасылық көзқарастар мен әдет-ғұрыптар анықталғанын жазған едік.&nbsp;Қазақстандық әлеуметтік даму институты (ҚИОР) жүргізген социологиялық зерттеулердің нәтижесі бойынша, бұрын өзгермейтін ақиқат деп саналған ережелерді сақтау қазір&nbsp;барлық отбасы&nbsp;үшін маңызды емес. Еліміздің басқа аймақтарында да сондай нәтиже көрсеткен.Сауалнамаға қатысқан респонденттердің 55,3 пайызы ғана ұлттық салт-дәстүрді сақтау отбасын берекелі етеді деп есептейді. Ал&nbsp;үштен бір бөлігі мұны жақсы бірақ аса маңызды емес деп таныса,&nbsp;11,4%-ы дәстүрлер мен әдет-ғұрыптар отбасының әл-ауқаты үшін қатты маңызды&nbsp;емес деп санайды.&nbsp;Фото: Видеодан скриншот

"Арасында 6 жасқа толғандар бар": Дәулет Мұқаев бір күнде 50 баланың тұсауын кесті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қармақшы ауданына жұмыс сапары барысында Ақай ауылындағы дене шынықтыру- сауықтыру кешенінің ашылуына қатысты. Салтанатты шараға Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, Мұрат Ергешбаев &nbsp;және зиялы қауым өкілдері мен ел ағалары, аудан тұрғындары қатысты.Аймақ басшысы жұртшылықты мерекемен құттықтап, мұндай кешендердің көбейгені халықты спортпен шұғылдануға ынталандыратынын атап өтті.<blockquote>«Президентіміз Қасым-Жомарт Кемелұлы «Бұқаралық спортты дамыту арқылы біз кәсіби спортқа жол ашамыз және ең бастысы, ұлт саулығын жақсартамыз», – деген болатын. Тұрғындар спортты күнделікті өмір салтына айналдыру үшін осындай кешендердің саны артып келеді. Өткен жылы қазан айында Қызылорда қаласында &nbsp;"Үстел теннисі" орталығы пайдалануға берілді. Халықаралық стандарттарға сәйкес келетін 11 мың орындық Орталық стадион мамыр айында ел игілігіне табысталады. Жақын күндері көпбейінді «Қызылорда Арена», &nbsp;дене шынықтыру-сауықтыру кешендерінің құрылысы басталады. Жыл басынан бері Қармақшы ауданының ІІІ Интернационал, Дүр Оңғар елді мекендерінде, Сырдария ауданының Бесарық ауылында жаңа дене шынықтыру-сауықтыру кешендері ашылды. Дәл осындай спорт кешені күні кеше Шиелі ауданының Жақаев ауылында пайдалануға берілсе, ертең Жалағаш ауданында іске қосылады. &nbsp;Ұлыстың ұлы күні қарсаңында Ақай ауылындағы жаңа спорт кешенін табыстауға жиналдық. Халқымызда «Дені саудың – жаны сау» деген жақсы сөз бар. Ауыл жастарының спортпен шұғылданып, байрақты бәсекелерде, дүбірлі додаларда еліміздің, аймағымыздың атын асқақтатуына тілектеспіз. Жаңа спорт ғимараты құтты болсын! Баршаңызды &nbsp;жыл басы - Наурыз мейрамымен шын жүректен тағы да құттықтаймын!», -деді Нұрлыбек Машбекұлы.</blockquote>Рәсімде Қармақшы ауданының әлеуметтік-экономикалық дамуына үлес қосқан азаматтар мен ғимаратты салып, ел игілігіне табыстаған құрылысшылар облыс әкімінің Алғыс хатымен марапатталды. Парламент Мәжілісінің депутаты Мұрат Әбенов құттықтау сөз сөйледі.Фото: Қызылорда облысы әкімінің баспасөз қызметі

Қармақшы ауданында тағы бір Дене шынықтыру сауықтыру -  кешені іске қосылды

<a href="https://kyzylorda-news.kz/">Kyzylorda-news.kz</a> Ұлыстың Ұлы күні – Наурыз мейрамы қарсаңында аймақ басшысы Нұрлыбек Нәлібаевтың қатысуымен Қазалы ауданының Ақтан батыр ауылын табиғи газға қосу рәсімі өтті. Оған Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, &nbsp;Мұрат Ергешбаев және зиялы қауым өкілдері мен ел ағалары қатысты.Облыс әкімі тұрғындарды Наурыз мейрамымен, көптен күткен қуаныш – ауылға "көгілдір отын" келуімен құттықтады.<blockquote>«Ұлыстың Ұлы күні Сыр жеріне толайым жаңалықтарымен жетті!&nbsp; Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ &nbsp; жұртшылығының мерейін асқақтатты.&nbsp; Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті.&nbsp; Бұл – біз үшін зор мәртебе, Президентіміздің Сыр өңіріндегі атқарылып жатқан жұмыстарға берген оң бағасы.&nbsp; Президентіміздің, Үкіметтің ерекше қолдауымен қолға алынған, іске асқан байыпты бастамаларымыз бен жасампаз жобаларымыздың игілігін халық көруде. Өткен жылы облыс бюджеті 750 млрд теңгеден асып, &nbsp;екі жарым жыл бұрынғы көрсеткіштің өсімін 206 пайызға жеткіздік. Президентіміздің қолдауымен бүгінде Қызылорда қаласы ыстық сумен қамтамасыз етілуде. Алдағы жылу беру маусымында &nbsp;көпқабатты тұрғын үйлерге ыстық су толық қосылады. Газдандыру жобаларына 30 млрд теңгеден астам қаржы бағытталды, 330 шақырым газ желілері салынды. Халықты газбен жабдықтау көрсеткіші 78 пайызға өссе, жыл соңына дейін 82 пайызға жеткіземіз. Өздеріңізбен бірге Ақтан батыр ауылын табиғи газға қосамыз. Елдің дамуы &nbsp;ауылдан, ауылдың гүлденуінен басталады. Ауылдарыңызға келген "көгілдір отын" халықтың тұрмыс сапасын арттырып, ауылдың әлеуметтік жағдайын жақсартуға оң ықпалын тигізеді деп сенеміз. Мереке барша отбасына бақыт пен шаттық әкелсін!», - деді Н.Нәлібаев.</blockquote>Салтанатты шарада ауданның әлеуметтік-экономикалық дамуына үлес қосқан алдыңғы буын ағалар мен бірқатар азаматтар облыс әкімінің Алғыс хатымен марапатталып, &nbsp;Парламент Мәжілісінің депутаты Мұрат Ергешбаев құттықтауын жеткізді.Биыл облыс аумағындағы барлық елді мекен орталықтандырылған ауыз сумен 100 пайыз қамтамасыз етіледі. Тұрғындарды электр энергиясымен қамту бағытында &nbsp;11 млрд теңгеге 38 жоба жүзеге асырылуда.Өткен жылы аймағымыздың жол құрылысын дамытуға 44 млрд 703 млн теңге бөлініп, 300 шақырымнан астам жол жөндеуден өтті. Нәтижесінде жақсы жағдайдағы жолдардың үлесі 92 пайызға жетті. Биыл 329 шақырым жол жөнделіп, жақсы жағдайдағы жолдардың үлесі 95 пайызға жетеді. Республикалық маңызы бар «Қызылорда-Жезқазған» автомобиль жолын қайта жаңғырту жұмыстары жалғасуда. Облыс аумағындағы 216 шақырымның 151 шақырымы аяқталып, ел игілігіне пайдалануға берілді. Қосымша 30 шақырымына екі қабатты асфальт жабындысы төселді. Жоба биыл толық аяқталады. Көлік-логистика саласында да жетістіктер көп. Мемлекет басшысының қолдауымен "Қорқыт Ата әуежайының" жаңа терминалы ашылды. Жобаны іске асыруға Президентіміздің тікелей тапсырмасына сәйкес "Болат Өтемұратов қоры" 16 млрд 600 млн теңге инвестиция салды. Жергілікті бюджеттен инженерлік-коммуникациялық инфрақұрылымға 4 млрд 300 млн теңгеден астам қаражат бөлінді. «Қазақстан Темір Жолы» компаниясы және жергілікті кәсіпкерлер демеушілігімен теміржол вокзалы күрделі жөндеуден өтті. Қызылорда қаласында заманауи үлгідегі автовокзал &nbsp;пайдалануға берілді.Мемлекет басшысының, Үкіметтің қолдауымен аймақ қарқынды құрылыс алаңына айналды. Облыста 126 млрд. 809 млн теңгеге 180 жобаның құрылысы жүруде.Фото: Қызылорда облысы әкімінің баспасөз қызметі

Қазалы ауданындағы Ақтан батыр ауылы газға қосылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың қатысуымен Қазалы ауданының Жанқожа батыр ауылында «Жайлы мектеп» ұлттық жобасымен салынған 300 орындық жаңа мектептің салтанатты ашылу рәсімі өтті. Оған &nbsp;Парламент Сенаты мен Мәжілісінің депутаттары Руслан Рүстемов, &nbsp;Мұрат Әбенов, Мархабат Жайымбетов, &nbsp;Мұрат Ергешбаев &nbsp;және &nbsp;зиялы қауым өкілдері мен ел ағалары қатысты.Аймақ басшысы ауыл тұрғындарын Наурыз мейрамымен және жайлы мектептің ашылуымен құттықтады.<blockquote>«Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты.&nbsp; Біз қоғамда ұстаз беделін, ұрпақ білімін арттыруға әркез мүдделіміз. Тұрақты қолдаудың арқасында өңіріміздің білім саласы толағай табысқа жетті. &nbsp;Сәулеті мен келбеті келіскен жаңа мектептер бой көтерді. Биыл білім саласының бюджеті &nbsp;308 млрд 134 млн теңгені құрап, өткен жылмен салыстырғанда 16,9 пайызға артты. Өткен жылы аймағымызда 6 мектеп бой көтеріп, 5 мектепке қосымша ғимарат салынып ел игілігіне табысталды. Нәтижесінде Арал ауданы Тоқабай ауылындағы №248, Шиелі кентіндегі №252 және Жансейіт ауылындағы №133 апатты мектептердің мәселесі шешілді. Жаңа мектептердің ашылуы – бұл жәй ғана ғимараттардың салынуы емес, &nbsp;жаңа дәуірде білім алатын озат оқушыларға жаңа мүмкіндіктер сыйлау. Мемлекет басшысының бастамасымен жүзеге асқан «Жайлы мектеп» ұлттық жобасы аясында өңірде 6 900 орынға арналған 10 мектептің құрылысы басталып, оның алғашқы 900 оқушыға арналған мектебін облыс орталығынан өткен жылы қазан айында табыстадық. Жыл басында Жаңақорған ауданында 300 және 600 орындық екі, Арал қаласында 300 орындық және Қызылорда қаласында 600 орындық жайлы мектептерді пайдалануға бердік. Жыл көлемінде тағы 4 жайлы мектептің құрылысын аяқтаймыз. Міне, Қазалы ауданына қарасты Жанқожа батыр ауылында «Самұрық-Қазына» акционерлік қоғамының үйлестіруімен жүзеге асқан, құны 2,6 млрд. теңге болатын 300 орындық жайлы мектепті табыстауға жиналдық. Жаңа нысанды салу арқылы апатты жағдайда деп танылған №94 орта мектептің мәселесін толығымен шештік. Енді жасампаз істердің жаршысы болар балаларымыз қолайлы әрі қауіпсіз, заманауи жабдықталған, кең әрі жайлы мектепте білім алады. Бұның барлығы жас ұрпақтың игілігі үшін жасалуда. Ел іргесі биік, Тәуелсіздігіміз тұғырлы болғай!», - деді Н.Нәлібаев.</blockquote>Салтанатты шарада &nbsp;тынымсыз еңбегімен ауданның әлеуметтік-экономикалық дамуына, заманауи мектептің құрылысын салуға үлес қосқан азаматтар облыс әкімінің Алғыс хатымен марапатталды.Парламент Мәжілісінің депутаты Мұрат Әбенов жиналған қауымды құттықтап, Қызылорда облысының құрметті азаматы Самұрат Имандосов ақ батасын берді.Биыл «Білім беру инфрақұрылымын қолдау қоры» есебінен Арал ауданының Жалаңаш ауылынан 150 орындық мектеп салынады.Былтыр 3 млрд 100 млн теңгеге 8 мектеп ғимаратына күрделі жөндеу жүргізілді. Мемлекет басшысының 1 300 мектепті жаңғырту тапсырмасына сәйкес алдағы 3 жыл ішінде облыстағы 51 мектеп, оның ішінде, биыл 9 мектеп күрделі жөндеуден өтеді.Фото: Қызылорда облысы әкімінің баспасөз қызметі

Қазалы ауданының Жанқожа батыр ауылында 300 орындық жайлы мектеп ашылды

Жол активтері сапасы ұлттық орталығының оңтүстік аймақтарындағы филиал ұжымдары биыл Ұлыстың ұлы күнін Қасқасу тау бөктерінде ерекше атап өтті. Әсем табиғат аясындағы дүбірлі тойға Қызылорда, Жамбыл, Түркістан облыстары мен Шымкент қаласының жолшылары жиылды. Жер бетіндегі тіршілік атаулы оянып, жаңару мен жаңғыру айы, ұлтымыздың ұлық мерекесі әз-наурыз әр өңірден келген әріптестердің жыл сайын асыға күтетін мейрамы. Мән-маңызы зор ауқымды шараға «ЖАСҰО» РМК бас директорының орынбасары Арман Мерекеұлы арнайы қатысып, барша әріптестерді ұлыстың ұлы күнімен құттықтап, ізгі тілегін жеткізді.&nbsp; Ашық аспан астындағы наурыз-думанда жолшылар ұлтымыздың болмысын айшықтайтын ескі әдет-ғұрпты жаңғыртып, салт-дәстүрін дәріптеп, ұлттық спорт түрлерінен сайысқа түсті. Әсіресе, қазақылықтың қаймағы бұзылмаған Сыр өңірінің жолшылары өзгелерден оза шауып, қай сыннан да сүрінбей өтіп, көпке үлгі көрсетті. Филиал директоры Мақсат Асхатұлы бастаған ұжым спорт пен өнерден алдына жан салмады. Сөзімізге тұздық, асық ату жарысында мергендігімен көзге түскен Нұржан Бегжігітов оңтүстікте өзіне тең келер ешкім жоқ екенін дәлелдеп, жеңімпаз атанды. Ал ләңгі тебуден алпыстың белесін бағындырған ардагеріміз Жахан аға жастардан қалыспай екінші орыннан көрінсе, Ғалымжан Төремұратов жүлделі үштікті түйіндеді. Арқан тарту бәсекесінде де жігіттер намысты қолдан бермей, қол жүлдегер атанды. Ал ең басты ер азаматтың күш-жігері сыналатын қошқар көтеру сайысында қызылордалық жас маман Әділет Айтмағанбет 70 рет шімірікпестен көтеріп, ең мықты жолшы атанды. Жігіттер спорттан олжалы болса, қыздар жағы көркімен көпті баурап алды. Ең әсем ұлттық киім номинациясында Аида Үрістембекова 1-орын иеленді. Мерекелік кешке жайылған ақ дастархан басында қызылордалықтар сәлемдесу мен арнау айту байқауынан да елді тамсандырып, әріптестердің ыстық ықыласына бөленді.&nbsp; Осылайша, Сыр өңірінің ұжымы Қасқасу баурайындағы наурыз тойының көркін қыздырып, көпті өнерімен тәнті етті.

Оңтүстік өңірлердің жолшылары Наурыз мерекесін тойлады

Бүгін облыс әкімі Нұрлыбек Нәлібаев Қазалы ауданына жұмыс сапарымен барып, Ұлыстың ұлы күніне арналған мерекелік іс-шараға қатысты.Әйтеке би кентінің Орталық алаңында өткен шараға Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, &nbsp;Мұрат Ергешбаев және &nbsp;зиялы қауым өкілдері мен ел ағалары қатысты.Аймақ басшысы жиналған қауымды Наурыз мерекесімен құттықтап, өңірдің элеуметтік-экономикалық дамуындағы жетістіктерге тоқталды.«Баршаңызды жер-жаһанға шуақ нұрын шашып келген, жақсылықтың жаршысы, игі істердің бастауы Ұлыстың ұлы күнімен шын жүректен құттықтаймын!&nbsp; Наурыз мерекесі Сыр жеріне толайым жаңалықтарымен келді! Биыл елімізде, өңірімізде мерейтойлар жылы десе де болады.&nbsp; Қазақтың бас ақыны Абай Құнанбайұлының туғанына 180 жыл, Қызылорданың Қазақ елінің астанасы болғанына 100 жыл, Ұлы Жеңістің 80 жылдығы, Байқоңыр ғарыш айлағының ашылғанына 70 жыл, Қазақстан халқы Ассамблеясының 30 жылдығы кең көлемде аталып өтеді. Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты.&nbsp; Президентіміздің, Үкіметтің ерекше қолдауымен Сыр өңірінде байыпты бастамалар қолға алынып, жасампаз жобалар жүзеге асуда. Өткен жылы облысымыздың бюджетін 750 млрд теңгеден асырдық. Осыдан екі жарым жыл бұрын аймақ бюджеті 364 млрд теңге болса, атқарылған ауқымды жұмыстың нәтижесінде өсімді 206 пайызға жеткіздік. Бұл ауқымды қаражат өңірдегі ең өзекті деген мәселелерді шешуге, тұрғындардың өмір сүру сапасын жақсартуға және ауқымды инфрақұрылымдық жобаларды іске асыруға бағытталды. Былтыр Қазалы ауданы үшін де табысты жыл болды. Аудан бюджеті артып, тұрғындарды ауыз сумен, электр энергиясымен, "көгілдір отынмен", тұрғын үймен қамтамасыз ету, жол жөндеу және абаттандыру мәселелері рет-ретімен шешілуде. Баршаңызды тіршілік жаңарып, табиғат түлеген мерекемен құттықтаймын! &nbsp;Ұлыс оң, ақ мол болсын!», - деді Н.Нәлібаев.Наурыз мейрамына арналған көпшілік іс-шарада аудан дамуына үлес қосқан &nbsp;белсенді азаматтар облыс әкімінің Алғыс хатымен марапатталды. Сонымен қатар &nbsp;Парламент Мәжілісінің депутаты Мархабат Жайымбетов жұртшылықты құттықтады.Ұлыстың Ұлы күнінде сәлем салу, тұсаукесер, ашамайға мінгізу және беташар дәстүрлері дәріптеліп, ұлттық ойындар ұйымдастырылды. Ұлттық тағамдар әзірленіп, тал егілді.Фото: Қызылорда облысы әкімінің баспасөз қызметі

Аймақ басшысы Қазалы жұртшылығын Наурыз мерекесімен құттықтады

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Қармақшыда «Төрлет, Наурыз!» атты мерекелік шара өтті. Жиынға &nbsp;Парламент Сенаты мен Мәжілісінің депутаттары Руслан Рүстемов, Мұрат Әбенов, Мархабат Жайымбетов, Мұрат Ергешбаев &nbsp;және Қазақстанның еңбек сіңірген қайраткері Алмас Алматов, зиялы қауым өкілдері, ел ағалары, аудан тұрғындары қатысты.&nbsp;Орталық&nbsp;алаңға қолөнер және тарихи жәдігерлер көрмесі қойылып, ұлттық ойындардан сайыстар, қыз бен жігіт айтысы ұйымдастырылды. Аймақ басшысы тұрғындарды Ұлыстың ұлы күнімен құттықтады.<blockquote>«Биыл - &nbsp;еліміз, өңіріміз үшін мерейтойлар жылы! Қазақтың бас ақыны Абай Құнанбайұлының туғанына 180 жыл, Қызылорданың Қазақ елінің астанасы болғанына 100 жыл, Ұлы Жеңістің 80 жылдығы, Байқоңыр ғарыш айлағының ашылғанына 70 жыл, Қазақстан халқы Ассамблеясының 30 жылдығы кең көлемде аталып өтеді. Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті. Бұл – біз үшін зор мәртебе, Президентіміздің Сыр өңіріндегі атқарылып жатқан жұмыстарға берген оң бағасы. Ұлыстың ұлы күніндегі игі тілектеріңіз қабыл болсын! Істеріңіз жемісті, еліміз тыныш, Тәуелсіздігіміз мәңгі болғай! Әр шаңыраққа бақ-береке, шаттық, қуаныш орнасын! Ұлыс оң болсын, ақ мол болсын! Әз Наурыз құтты болсын!», - деді Нұрлыбек Машбекұлы.</blockquote>Аймақ басшысы өңірдің әлеуметтік-экономикалық дамуындағы көрсеткіштерге, алда атқарылатын ауқымды жұмыстарға тоқталып өтті.&nbsp;Қармақшылықтардың Табиғат-ана түлеп, тіршілік түрленген кезеңдегі барлық бастамаларына сәттілік тіледі.&nbsp; Жиында ауданның дамуына үлес қосқан белсенді азаматтар облыс әкімінің Алғыс хатымен марапатталып, Парламент Сенатының депутаты Руслан Рүстемов сөз сөйлеп, халықты мерекемен құттықтады.&nbsp;<img src="https://knadmin.beoblood.kz/uploads/Whats_App_Image_2025_03_21_at_14_37_40_de7005e8ae.jpeg" alt="Қармақшы наурыз.jpeg"><img src="https://knadmin.beoblood.kz/uploads/arma_shy_nauryz_2_2b705f423a.jpeg" alt="Қармақшы наурыз 2.jpeg">Фото: Қызылорда облысы әкімінің баспасөз қызметі

Қармақшыда «Төрлет, Наурыз!» атты мерекелік шара өтті

<a href="https://kyzylorda-news.kz/">Kyzylorda-news.kz</a>&nbsp; Биыл Наурызнама елімізде 14-23 наурыз аралығында тойланады. Әр күннің өз тақырыптық бағыты, дәстүрі мен мәні бар.Наурызнамада 20 наурыз – Ұлттық спорт күні деп белгіленген. Әрбір ұлттың әдебиетімен, мәдениетімен, салт-дәстүрімен бірге жасасып келе жатқан құндылықтардың бірі – ұлттық спорт.Бүгін "Ұлттық мұра" партиялық жобасы аясында "AMANAT" партиясы Байқоңыр филиалына қарасты бастауыш партия ұйымдарының арасында қол күресі, гір көтеру, ләңгі тебу, арқан тартыс ұлттық ойындар түрлерінен спорттық сайыс өткізілді.БПҰ мүшелері сайыс барысында бір-біріне дес бермей, жеңімпаз атану үшін барын салып, ойынның көркін қыздырды.Тартысты өткен жарыс нәтижесінде жеңімпаздарға арнайы кубок, бағалы сыйлықтар мен дипломдар табысталды.Спорттық шараға қатысқан БПҰ мүшелері ұйымдастырушыларға алғыстарын жеткізіп, ризашылықтарын білдірді.Жарысты қорытындылай келе, "AMANAT" партиясы Байқоңыр филиалының Атқарушы хатшысы Мақсат Есбенбетов халқымыздың қайсар рухы мен қажыр-қайраты осы ұлттық спорт түрлерінде жарқын көрініс табады. Тереңнен тамыр тартқан, бабаларымыздың өмір-салтымен біте қайнасқан төл өнеріміз еліміз егемендік алған тұстан бастап қарқынды дамып келеді деп атап өтті.

Ұлттық спорт түрлерінен жарыс ұйымдастырылды 

<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаевтың қатысуымен Жаңақорғанда «Армысың, Әз Наурыз» атты мерекелік шара өтті. Жиынға Қазақстан Республикасы Парламенті Сенаты жанындағы Сенаторлар Кеңесінің мүшесі Мұрат Бақтиярұлы, облыстық мәслихат төрағасы Мұрат Тлеумбетов, аудан тұрғындары, аймақ ардагерлері қатысты. Кенттегі «Prime Park» орталық саябағына ұлттық қолөнер бұйымдары көрмесі қойылып, ұлттық ойындардан сайыстар ұйымдастырылды. Салт-дәстүрлердің тағылымы суреттелген қойылымдар көрсетілді. Іс-шара қонақтары бүлдіршіндердің тұсауын кесіп, игі тілек айтты. Аймақ басшысы тұрғындарды Наурыз мерекесімен құттықтап, атқарылған жұмыстарға тоқталды.<blockquote>«Мемлекет басшысы Қасым-Жомарт Кемелұлы «Ұлыстың ұлы күнінде ұрпақтар сабақтастығы, достық қарым-қатынастар мен қонақжайлық салты дәріптеледі.Тереңнен тамыр тартатын құндылықтарымыз, үлкенге құрмет, кішіге ізет көрсету дәстүрі ерекше салтанат құрады», – деген болатын. Президентіміздің бастамасымен өткен жылдан бері елімізде Наурыз мейрамы 10 күн бойы тойлануда. Ұлыстың Ұлы күні Сыр жеріне толайым жаңалықтарымен келді! Биыл – еліміз, өңіріміз үшін мерейтойлар жылы! Қазақтың бас ақыны Абай Құнанбайұлының туғанына 180 жыл, Қызылорданың Қазақ елінің астанасы болғанына 100 жыл, Ұлы Жеңістің 80 жылдығы, Байқоңыр ғарыш айлағының ашылғанына 70 жыл, Қазақстан халқы Ассамблеясының 30 жылдығы кең көлемде аталып өтеді. Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиынды Сыр елінде өткізу туралы қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті. Бұл – біз үшін зор мәртебе, Президентіміздің Сыр өңіріндегі атқарылып жатқан жұмыстарға берген оң бағасы.Ұлттық құндылықтарымызды ұлықтаған Наурыз мейрамы тәуелсіз елімізге, туған жерімізге игіліктерімен, жаңалықтарымен келсін! Жеріміздің тынысы кең, еліміздің мерейі үстем, халқымыздың келешегі кемел болсын деп тілеймін! Әрбір шаңыраққа бақ-береке, шаттық, қуаныш орнасын! Ұлыс оң болсын, ақ мол болсын! Әз Наурыз құтты болсын!», - деді Нұрлыбек Машбекұлы.</blockquote>Мерекелік жиында Жаңақорған ауданының дамуына үлес қосқан белсенді азаматтар облыс әкімінің Алғыс хатымен марапатталып, Қызылорда облысының құрметті азаматы Бекмырза Еламанов батасын берді.Іс-шара соңы мерекелік концертке ұласты.<img src="https://knadmin.beoblood.kz/uploads/1_Zha_a_or_anda_Armysy_z_nauryz_atty_merekelik_shara_tti_86492e8ee8.jpg" alt="1 Жаңақорғанда «Армысың, Әз наурыз!» атты мерекелік шара өтті.jpg"><img src="https://knadmin.beoblood.kz/uploads/2_Zha_a_or_anda_Armysy_z_nauryz_atty_merekelik_shara_tti_8b8477a859.jpg" alt="2 Жаңақорғанда «Армысың, Әз наурыз!» атты мерекелік шара өтті.jpg"><img src="https://knadmin.beoblood.kz/uploads/3_Zha_a_or_anda_Armysy_z_nauryz_atty_merekelik_shara_tti_7e56bf9464.jpg" alt="3 Жаңақорғанда «Армысың, Әз наурыз!» атты мерекелік шара өтті.jpg"><img src="https://knadmin.beoblood.kz/uploads/4_Zha_a_or_anda_Armysy_z_nauryz_atty_merekelik_shara_tti_f4b46f0027.jpg" alt="4 Жаңақорғанда «Армысың, Әз наурыз!» атты мерекелік шара өтті.jpg">Фото: Қызылорда облысы әкімінің баспасөз қызметі

Жаңақорғанда «Армысың, Әз наурыз!» атты мерекелік шара өтті 

<a href="https://kyzylorda-news.kz/">Kyzylorda-news.kz</a>&nbsp; ҚМДБ «Зекет және қайырымдылық» қорының Қызылорда облысы бойынша өкілдігі кезекті 100 отбасына қуаныш сыйлады.Қайырымдылық шарасында Сыр өңірінің бас имамы Дастан Жанасұлы мүмкіндігі шектеулі жандарды берекелі аймен және ұлттық мейрам келуімен құттықтап, «Рамазан сыйын» табыстады.Айта кетейік, Діни басқарманың 35 жылдығына және Рамазан айының құрметіне орай Бас мүфти Наурызбай қажы Тағанұлының тапсырмасымен 35 000 отбасына азық-түлік тарату марафоны бастау алған болатын. Рамазан айында басталған жоба жыл бойы жалғасын табады. Аймақтағы көмекке мұқтаж адамдар тізімі облыстық «Отбасын қорғау» орталығынан алынуда.Фото: ҚМДБ-ның Қызылорда облысы бойынша өкілдігінің баспасөз қызметі

Рамазан сыйы – 2025: Кезекті 100 отбасына қуаныш сыйлады

"Менің алғашқы оразам" байқауына<a href="https://kyzylorda-news.kz/">Kyzylorda-news.kz</a>&nbsp; &nbsp; Ораза ұстау &nbsp;парыз. Міне, осы сөздің мағынасын терең түсінгендер қатары бүгінде артып келеді. Қуантарлығы, жастар арасында да ауыз бекітіп, ораза ұстаушылар көбейді.&nbsp; Мен де алғашқы оразаны мектеп қабырғасында бастағанмын. Ең алғашқы ораза болған соң білмей істеген қателіктер болады. Бірақ уақыт өте келе тәжірибе жинақтап, істеуге болатын, болмайтын нәрселерді үйрендім. Қазір ғаламтордың дамыған заманы. Кез келген сұрақтың жауабы ғаламторда тұр. Оның үстіне инстаграм әлеуметтік желісінде имамдардың парақшасына жазылып, күнделікті тың бір ақпаратты үйреніп алуға мүмкіндік бар.&nbsp;Қазіргі таңда танымал имам Нұрлан Байжігітұлы күнде сәресіде тікелей эфирде отырады. Оның оқырмандары көп екені айтпаса да белгілі. Оқырмандарынан келген кез келген сұраққа жеп-жеңіл, жастардың тілінде, қабылдауына оңай етіп жауап береді. "30 күн оразада мен сіздермен бірге боламын. Егер сәресі ішуге қасыңызда серік болмаса, менің тікелей көрсетілімімді қосып қойыңыз. Оразаға қатысты сұрағыңызға жауап алып, біліміңізді әрі қарай дамытасыз" дейді. Ораза ұстау үшін шешім қабылдау оңай. Бастысы – ниет қана. Ал білмей істелген қателікті Алланың өзі кешіреді.&nbsp; &nbsp;Биыл 20-сыншы рет ауызбекітіппін. Бұл мен үшін мақтаныш емес, қуантарлық іс.&nbsp; &nbsp;Анам бастапқыда "Мектеп оқып жүргенде ауыз бекіту қиын болады келер жылы ұстайсың" деді. Бірақ анамның келісімін алып, ниет етіп, ауыз бекіттім. Ең алғашқы ұстаған ораза болған соң, білмей істелген қателіктер көп болды. Бірте-бірте үйрене бастадым. Рұқсат етілген нәрселерді, тиым салынғандарды іздеп, оқып зерттедім. Ол кезде әлі баласың, дұрыс-бұрысты үйреніп кету оңай емес. Біреуі "анау болмайды, мынау болмайды" деп жүрді, солай үйрендім. Бастысы, ораза тек азаннан-кешке дейін тамақ ішпей жүру емес екенін түсіндім. Оразада Алла өзі күш-қуат береді дейді. Бұл сөзге анық көзім жетті. Себебі ораза кезінде қарның ашпайды, тамақ іздеп, шыдамсызданбайсың. 30 күнде астан ғана емес, жаман әдеттен, біреуді жамандап, ғайбаттаудан тиыласың. Бір сөзбен айтқанда, &nbsp;рухани тазарасың. Сауапты іс-әрекет жасауға, әр жұма сайын садақа беруді бойға сіңіреді екенсің. Қазір ораза ұстағандар қатары көбейіп келеді. Бұл мені айтарлықтай қуантады. Тарауих намазға баратын жастар да көбейді. "Қосшыңырау ауылдық округінің" мешітінде күнде кешке жиналғандар қарас көп. Оқушылардың да шын көңілмен ниет етіп, мешітке қарай қуана-қуана барғанын көру, ниетін сезіну адамға ерекше қуаныш сыйлайды екен. Мешіт – құлшылық жасалатын орын. Ол жерге барудағы мақсат – Аллаға құлшылық ету, парыз етілген үкімдерді орындау. Мұны жастар жақсы түсініп келеді.&nbsp; Ораза сөзінің араб тіліндегі баламасы – "саум". Бұл – барлық нәрседен тыйылу деген мағынаны білдіреді. &nbsp;Ораза – Алла Тағала Құранда: "Уа, иман келтіргендер! Өздеріңнен бұрынғыларға парыз етілгендей сендерге де ораза ұстау парыз етілді. Бәлкім, сол арқылы (асау нәпсіні тізгіндеп) күнә атаулыдан сақтанып, тақуалыққа жетерсіңдер", – дейді. Бұл аят оразаның Мұхаммедтің (оған Алланың салауаты мен сәлемі болсын!) үмбетінен басқа қауымдарға да жалпылама міндеттелгеніне дәлел болады. Ораза – адамды игілікке бастап, Алланың рақымына жетелейтін игі құлшылық. Сондықтан да Хақ Тағала аятта: "Бәлкім, тақуалыққа жетерсіңдер", – деп үміт ұшқынын жағады.Ораза пендені көптеген жаман әдеттерден сақтайды. Тәнді аурудан, жанды құмарлықтан, ақыл-ойды азғындықтан тыяды.&nbsp; &nbsp; Демек, оразаның адамға тигізер пайдасы, сауабы көп. Сондай-ақ адам ағзасына тигізер 10 пайдасы бар екен. Мәселен, жасушалар жаңарып, ескілері жойылады. Қант ауруына тосқауыл болады. Артық салмақтан арылуға әсер етеді, тері ауруларына пайдалы. Тұз байлану ауруына әсері бар. Қан қоюлануының алдын алады, адам ағзасын улы заттардан тазартады. Сондай-ақ ас қорыту жүйесі демалады, жағымсыз тәуелділіктерден арылтады. Қан қысымын түсіреді, бас ауруына пайдасы бар. Яғни ораза адам денсаулығын жақсартады.<blockquote>– Рамазан – он екі айдың сұлтаны, берекелі де кешірімі мол ай. Қасиетті айда адам баласы көбірек жақсылық жасап, ізгі амалдар атқаруға тырысады. Ораза пендені тақуалыққа тәрбиелейді. Рамазан – Алланың мейірімі төгіліп, жұмақтың есігі айқара ашылатын, иманды күшейтуге мүмкіндік берілген берекелі ай. Бұл – Жаратушы Иеміздің ұлы сыйы әрі нығметі. Рамазан – он бір ай бойы кір шалып, тот басуға аз қалған рух пен жүректің қайта тазарып, кемелденуі үшін Алла Тағаланың арнайы бекіткен киелі бағдарламасы, – дейді ҚМДБ төрағасы, Бас мүфти Наурызбай қажы Тағанұлы инстаграм әлеуметтік желідегі парақшасында.</blockquote>&nbsp;Ғұламалардың айтуынша, Рамазанның алғашқы он күні – мейірім, екінші он күні – кешірім және соңғы он күні – тозақ отынан азаттық. Ораза ұстауға сауапты іс істеуге, жұма сайын садақа беруге асығайық!&nbsp;Мөлдір САБЫРЖАНФото: freepik.com

 Менің алғашқы оразам

<a href="https://kyzylorda-news.kz/">Kyzylorda-news.kz</a> Кеше Aray city mall ойын-сауық орталығында дәстүрге айналған “Ұлттық киімді ұлықтайық” этно фестивалі Ұлыстың ұлы күні, әз-Наурыз мерекесіне арналып, ерекше атмосферада өтті.Фестивальге облыстағы барлық этномәдени бірлестіктер, олардың шығармашылық ұжымдары, “Ассамблея жастар” ұйымының белсенділері, “Қуаныш” әжелер ансамблі және қала тұрғындары мен БАҚ өкілдері қатысты.Ұлттық құндылықтар дәріптелген шараны Қызылорда облыстық қоғамдық даму басқармасының «Қоғамдық келісім» КММ директоры Бақытжан Камалов және «Қызылорда облысы бойынша әйелдер күші Альянсы» қоғамдық бірлестігінің төрағасы Рахима Ахметова ашып, барша жиналған қауымды Ұлыстың ұлы күнімен құттықтады. Көрермендер этностардың ән, күй және билерін тамашалап, қазақтың дәстүрлі әндерін тыңдады.Сондай-ақ, өңірлік этномәдени бірлестіктердің шығармашылық ұжымдары керемет қойылымдарымен өнер көрсетті. Фестиваль соңында барша қатысушылар ұлттық киімдер шеруін ұйымдастырып, оны әуезді әнмен сүйемелдеді. Ұлттық нақыштағы киімдер мерекенің сәнін келтіріп, барлық қонақтарға ерекше көңіл-күй сыйлады.Наурыз мерекесін сезінген әрбір қатысушы үшін бұл фестиваль ұмытылмас әсер қалдырды. Жас ұрпаққа ұлттық мұраны ұлықтау мақсатында өткен шара, этносаралық келісім мен бірлікті нығайтуға зор үлесін қосты.

Қазақстан және Қызылорда облысының жаңалықтары: Руханият