<a href="https://kyzylorda-news.kz/">Kyzylorda-news.kz</a> &nbsp;Рамазан айы наурызда басталады. Қазақстан мұсылмандар діни басқармасы 2025-ші жылғы діни күндердің кестесін бекітті.Оған сай ораза 1-ші наурызда басталып, Қадір түні 26-нан 27-не қараған түнге сәйкес келеді.Ораза айт наурыздың 30-нан басталып, үш күнге созылады.Ал Құрбан айт маусымның алтысы, жетісі және сегізі күндеріне жоспарланып отыр, деп жазады <a href="https://qazaqstan.tv/index.php/news/201064/">qazaqstan.tv.</a>Қазақстан мұсылмандар діни басқармасының мәлімдеуінше, Хижра айының басталуы халықаралық астрономиялық зерттеу орталықтарының мәліметтері негізінде жасалған.Фото: Zakon.kz

ҚМДБ: Рамазан айы наурызда басталады

<a href="https://kyzylorda-news.kz/">Kyzylorda-news.kz</a> Бүгін Қазалы ауданында облыс әкімі Нұрлыбек Нәлібаевтың қатысуымен Әйтеке би Бәйбекұлының 380 жылдығына арналған ғылыми-танымдық конференция өтті. Оған Парламент Сенатының депутаты Наурызбай Байқадамов, облыстың зиялы қауым өкілдері, ғалымдар мен еңбек ардагерлері қатысты.Аймақ басшысы конференция жұмысына сәттілік тілеп, тарихи тұлғаны ұрпақ жадында жаңғыртудың маңызына тоқталды.<blockquote>«Халқымыз батырлары мен сал-серілерін, даңқты дала қаһармандарын дәріптеп, ұлыларын қастерлеп келеді. Баршаңызды қазақ халқының бірлігін нығайтуға үлкен үлес қосқан аса көрнекті мемлекет қайраткері, кемеңгер ойшыл Әйтеке би Бәйбекұлының 380 жылдығымен шын жүректен құттықтаймын!Әйтеке би Бәйбекұлы – қазақ тарихына өзінің жасампаздық қызметімен із қалдырған тұлға. Қазақтың үш ұлы биі, үш даңқты данагөйі – Төле би, Қазыбек би, Әйтеке бидің есімдері ұлт бірлігінің айнымас символы болып бізге жеткен. Қазақ тарихындағы ең күрделі кезең – жоңғар шапқыншылығы уақытында елді бірлікке үндеп, Бұқара мен Самарқанда би болған.Биыл Өзбекстанның Науаи облысында Әйтеке бидің 380 жылдығы кең көлемде тойланды. Мерекелік іс-шараларда Сыр өнерпаздары өнер көрсетіп, үш дүркін «Алтын домбыра» иегері Мұхтар Ниязов айтыстың бас жүлдесін еншілеп қайтты. Наурыз айында Қызылорда қаласында республикалық командалық айтыс ұйымдастырылып, жерлестеріміз топ жарды.Баба есімін ұлықтау мақсатында Ақтөбе облысының бұрынғы Қарабұтақ және Комсомол аудандары біріктіріліп, Әйтеке би ауданы, Жаңақазалы поселкесі Әйтеке би кенті деп аталғаны бәріңізге мәлім. 2000 жылы Қазалы ауданының орталығында Әйтеке бидің құрметіне кесене тұрғызылды. Бас көше бабамыздың атымен аталып, 2019 жылы аудан әкімдігі ғимаратының алдынан 12 метрлік еңселі ескерткіші бой көтерді.Тарих – тағылым. Өткенінен сабақ алмаған ел табысқа жетпейді. Әйтеке бидің ұлағатты өмірін ұлтқа, ұрпаққа кеңінен өнеге етудегі шаралар жалғасын таба берсін. Бүгінгі конференция жұмысына сәттілік тілеймін!», – деді Нұрлыбек Нәлібаев.</blockquote>Конференцияны Қазалы ауданының әкімі Мейрамбек Шермағанбет жүргізді. Іс-шарада Ұлттық Ғылым академиясының академигі, әл-Фараби атындағы Қазақ ұлттық университетінің профессоры, тарих ғылымдарының докторы Берекет Кәрібаев «Әйтеке би және оның заманы», фольклоршы, филология ғылымдарының кандидаты Берік Жүсіпов «Әйтеке би: мұрағат мәліметтерін қайта зерделеу мәселесі» тақырыбында баяндама жасады. Көтерілген тақырыптар бойынша қатысушылар өз ой-пікірлерін ортаға салды.Сонымен қатар, қоғам қайраткері, республикалық Жалаңтөс баһадүр қорының президенті Нажмадин Мұсабаев, тарих ғылымдарының кандидаты Нұрлыбек Мыңжас, Қорқыт Ата атындағы Қызылорда университетінің профессоры, тарих ғылымдарының докторы Өтеубай Қожақов сөз сөйледі.Фото: Қызылорда облысы әкімінің баспасөз қызметі

Әйтеке би Бәйбекұлының 380 жылдығына орай ғылыми-танымдық конференция өтті

<a href="https://kyzylorda-news.kz/">Kyzylorda-news.kz</a> Әлемдік әдебиеттің проза патшалығы мен әңгіме өрнегіне, ұлт құнары ана тілінде ою салған, қарапайым қазақы қарасөздің шебері, қазақи кең пайымды далалық түсініктің білгірі, өз қоғамының өмірін әдеби тұрғыда өлшеуші – Бейімбет Майлинге 130 жыл.20-шы ғасыр басындағы қазақ әдебиеті сол дәуірдің саясатын, алып империя ықпалының құлдырауын, феодалдық үрдістің құлауын, ішкі ықпалдың дүмпуінен күш алған жаңа үкіметтің төңкерісін, жылға жетпеген уақыт ішінде билік басына келген үш үкіметтің алма кезек ауысуын өз қалпында жазумен ерекшеленеді.Бейімбет Майлин шығармаларына Қостанай атырабы, арнасы толған Торғай-Тобылдың тасасы мен ағысы баяу Аят өзені жағалауына қонған жұрттың тіршілігі арқау болды. Осы бір үш өзеннің сағасына жиналған ауыл адамдарының аңғалдығы, сенгіштігі, күнәмшілдігі бүтін қоғамның бейнесі іспетті.Әр қоғамның тұрақты қалыптасқан саяси-әлеуметтік, саяси-экономикалық, мәдени-рухани өмірінің дағдыларына, табиғи құбылыстардан тұратын тағдырына түрлі өзгерістердің енуін, жаңа қоғамның ауытқуы мен толқуларына, заңды қағидаларына, кешегі өткен мен нақ бүгінгі талаптың айырмашылығына, артықшылығына назар салып, айна қатесіз баяндайтын суреткері болары заңдылық. Суреткер, яғни қаламгер – сол дәуірдің қалыпты келбетін, тұрақты не тұрақсыз тұрмысына баға беруші, әдеби өлшеуші, әдеби сарапшы, әдеби зерттеуші, әдеби безендіруші қызметін атқарады. Суреткер – жазушы, ол – Бейімбет Майлин. Суреткер – драматург, ол – Бейімбет Майлин.Бейімбет Майлин 20-шы ғасырдың басындағы терең толқулар мен тартысқа толы төңкерістердің шындығын, тұрмыстың ауырлығын, тағдырдың тауқыметін әдемі тілмен, көркем оймен жаза білді. Қуанышынан қайғысы басым дәуірде жазушылықтың аса маңызды тарауы драматургия болды. Қазақ драматургиясының да бастауы осы ғасырдан тамырланған. Жазушының шынайы кейіпкерлері шын сөз, шын оқиға, тың идеялармен туды.Проза – қазақ әдебиетіндегі көркем тілдің көкжиегі. Бейімбет Майлин прозалық туындыларындағы бейнелердің өміршеңдігі – қоғам мен адамның арасындағы байланыстың бір жүйеде қабысуы. Б.Майлин прозадағы көтерілген тақырыптарға талан-таражға түскен қияңкес қоғам, гуманистік идеяға құрылған оқиғалар, ескіліктің сарқыншағы – құлдық, теңдік, бостандық көріністері арқау болды. Би-аға шығармаларындағы кеңестік &nbsp;натурализм – дәстүрлі және ұжымдық ауыл өмірі арқылы баяндалды.Әдебиеттің қайнар бұлағы – сөз өнері. Сөз әдебиеттің темірқазығы. Би-аға сөз шындығын қиялдан емес, өмір шынайылығынан тудырды. Сол шындығы үлкен суреткерлікке жетеледі. Бейімбет Майлин осы суреткерлік тұжырымға сай қазақ әдебиеті айдынында аянбай еңбек етіп, бағасы құнды, жарасы әр қоғамда талқыға түсетін шығармалар қалдырды. Жазушы-драматург шығармаларындағы кейіпкерлер психологиясы жаңа үрдістің қалыптасуын мойындай алмайтын, іштей тұншыққан жарым жандар мен жаңа кезеңнің тәртібін орнатушылардың арпалысы. Әдебиеттің сан тараулы түрінің бірі – жанрлар: проза, әңгіме, драма, фельетон, сатира, әзіл-сықақ, водевельге тәнтуындылардың табиғатын аша білді. Жазушы өзінің драмалық шығармаларында оқиғаларды байланыстырушы, болған жайтты әдеби құрастырушы, әрі оқиғаларды ғаламат шиленістіруші. Ол – адам табиғатын терең білуші. Адамның ішкі жан дүниесіне үңілуші. Әдеби кейіпкерінің жан сарайына сырлас бола білді. Жалғыз мұңдасы да сол жазушы. Би-аға кейіпкер жыласа жұбатушысы, күлсе қолдаушысы болды. Қатал тағдырдың тауқыметіне таланған, тар жолда кеңдік таппаған кейіпкерінің қорғаушы қызметін қатар алып жүргені әрбір шығармасында сайрап тұр.Суреткер поэзияда сұлу сазды сөз құраушы. Прозада көркем тілді өрнектеуші. Фельетонда фантазияға бай. Сатирада сапырылысқан сөз сайысқа емес, ашық қоғамның ащы шындығын мысқылмен мақұлдап, түйдек оймен түйреп, санаға салып отырды. Би-аға салмақты сатирасында саяси-әлеуметтік кейіпкерлердің ұстанымын, ұтқыр ойларын, екеуара диалогтарын, оқиға құрылысын, қалпы бұзылған қоғамның тынысын келістіре жазды.Би-ағаның тағы бір қасиеті – музыкалық қабілет дарыған дара тұлға. Сөз саптауында, сөз құрау иірімдерінде әдебиетке тән сазды әуен бар. Оның табиғатпен үндесуі, табиғаттың тілін білуі, табиғаттағы құбылмалы кезеңдерді мүлтіксіз тануы әрбір туындыларында анық білінеді. Суреткердің қаламынан шыққан әрбір шығарма ойы терең, тілі таза, бояуы қанық&nbsp;– сөз, дерегі анық – образдар арқылы сол кезеңнің тынысын танытты. Сөз сұлулығын талап ететін, тартымды образдар мен шынайы оқиғаларды көркем тілмен жеткізу мақсатын ұстанған Бейімбет Майлин өз дәуірін сипаттауда ерекше еңбек етті. Бейімбет Майлин елеусіз еңбегінің айғағы ақпаратта да айқын білінеді. Ол өз заманының ақпаратын лезде жариялаушы, таратушы. Қазақтың маңдай алды газеті «Ауылдың» таралымы мен тиражының басым болуына бір «Мырқымбайдың» образы теңдессіз үлес қосты. Ал, жазушының «Ыбырайы» басына қонған не бағы, не соры бұ күнмен үндес кейіпкер. Публицист-жазушы Бейімбеттің Мырқымбай, Ыбырай, Қырымбай әрекеті сол дәуірдің &nbsp;тыныс-тіршілігі мен болмыс-бітімін мүлтіксіз баяндады.Бейімбет десек, әдебиеттен есімізге Қырымбай қырсықтығы, Мұқыш, Ыбырай, Мырқымбай маңғаздығы оралады. Бейімбет десек, кино экраннан қол мерген батыр Амангелдінің мергендігі, театр сахнасынан хас батыр Жалбырдың ерлігі оралады. Бейімбет Майлин қазақтың театр өнері мен кино саласының өркендеуіне сүбелі үлес қосқан драматург. Би-аға театрға арналған көптеген пьеса-либретто жазды. Әдебиетке тән жанрлардың біразын қамтыған Бейімбет драмасы табиғи, сатирасы саяси, әжуасы әсерлі пьесалары кейінгі жылдары театр сахналарынан бой көрсетпей келеді.Жалпы, бізге жеткен пьесасы 23, оның ішінде ізденіс пен зерттеулер арқылы табылғаны 16 пьеса.Бейімбет шығармашылығын қызыл қырғыннан соң қайта табыстырған, мақалаларына, әңгімелеріне талдау жасап, еңбектерін ғылыми зерттеп, жоғын түгендеген жазушы, профессор, ғалым, гуманитарлық ғылымдарының академигі Тоқтар Бейісқұлов екенін еске түсірген артық емес.Сахнаның өлшеміне дөп түсер Досан, Есімбек, Сарымсақ, Жалбыр, Елемес, Жамақ, Таңсық, Жамантік, Талтаңбай, Сейпен, Тұтқыш, Жамал, Пүліш, Шермек образдары бүгінгі біз іздеп жүрген тақырыптың шешуін түбінен қозғар кейіпкерлер. Тынысы кең, тіршілігі тар тағдыры шерге толы кейіпкерлері осы күні арамызданда табылады. Бұл драмаға тиесілі тәсіл ғасырлар үндестігі, әрі жазушының үлестіре білгенінде. Пьесалардағы көтерілген мәселелер – адамның өмірі, адамның күресі. Бейімбет Майлин драмаларындағы басты шиеленіс, ол – адамның тебіренісін оятқан теңдік пен құлдық, еркіндік пен бостандық, бақ пен тақ, бағыну мен бағыныштылық, сатқындық пен адалдық көріністері. Би-аға өзінің драмаларында зарлы әйелдің запыран сөзін, долы келіннің ащы зарын, адуынды ененің кесел мінезін, сұлу қыздың сымбатын сөз әрекетіне сай суреттеген. Еркектің мінезін – барына қанағат, жоғына сабыр ететін жұмсақ мінез иесі етсе, кейде байдың батырмасына көндіккен кедейге араша болған, батырақтың балағына жармасқанды арқасынан сабаған өр көкірек образдар мен саналы ойда болатын, ескі мен жаңаны саралайтын парасатты &nbsp;кейіпкерлері арқылы жеткізді.Осы күні саны көп, сапасы айтарлық, көркемдік деңгейі санасуға тұрарлық сахналық шығармаларының көпшілігі қазақ театрлары сағасында сығалаған күйі қалып барады. Десекте, қазақ драматургиясының алтын қорынан орын алған Бейімбет Майлиннің шығармаларын бұл күнде қазақ театрлары сахналамауының себеп сыры неде екен? Тәуелсіздік жылдарынан бері Майлиннің санаулы пьесалары сахналанды. Осы біздер, әсіресе сахнагерлер Би-ағаның пьесаларын сахнаға сыйдара алмай жүрміз бе, әлде сыйдыртпай жүрміз бе? Қазақ театр өнеріне кеңдік жасаған, алып бәйтерек Би-аға драматургиясына кемдік жасап жатқан жоқпыз ба?...Театр кітабына бірінші жазғаным «Неке қияр», «Жат сабақ» дегендер еді. «Жат сабақты» артынан өзгертіп, «Шаншар молда» деп атадым... деген Би-ағаның адам психологиясына тән қыңыр мінез, ашакөзді пенде қылығын талғам тәсілімен жазған салмақты сатирасы, халықтық театрлар мен халықтың сағымына айналған «Тамаша» ойын-сауық отауларында жылт еткені болмаса, кең көлемді театр сахналарынан жарқ етпеді.&nbsp; &nbsp; &nbsp; &nbsp; &nbsp;Жазушы-драматург Бейімбет Майлин өзі жазған «Жалбыр» пьесасы туралы былай деп жазады: ...«Мен пьесада 1916 жылдың таптық көтерiлiсiнiң сырын ашуға тырыстым, езiлген, қанауда келген кедей, батырақ көпшiлiгiнiң қол ұстасып патшалыққа, патшаға арқа сүйеген бай-болыстарға қарсы шын ашынып, майданға түскенiн суреттемек болдым. Жалбыр дейтiн кiсi бұрынғы Қостанай уезi Дамбар болысындағы кедей едi. 1916 жылғы көтерiлiсте осы кiсi бастап атқа мiндi. Қостанай уезiнiң бiрнеше болыстары бiрiгiп, Торғай уезiндегi Амангелдi көтерiлiсiне атсалыспақшы болды... деп, пьесаға арқау болған шынайы батырдың өжеттілігін, өзіне сенімділігін, өзгені өзегінен тептірмейтін тік мінезін, халықтық биіктікке жеткізіп «Жалбыр» шығармасын жазды. Өз дәуірінде теңдесіз бұл туындыны осы күндері іздеп жатқан сахнагерді көре алмадық. Асылында, жай күндері жазушының шығармашылығын насихаттау баяу жүреді де, мерейлі тойы қарсаңында аста-төк тойдың жоспарлары құрылып, артынан жоспарлардың аяқсыз қалғанын түсінбей жатамыз. Мерейлі той аясында Би-аға туралы 45 сериалды деректі фильм түсіру, кітапханаға атын беру, музей құру, шығарамаларын сахналау мәселелері айтылады. Орындалғандары – әңгімелерінен екі кино түсірілді («Қыр әңгімелері» режиссері Д.Манабаев, 1974 ж,Д.Саламаттың «Талақ» фильмі 2024 ж.) әңгімелер желісінен «Кім кінәлі» (әзірлеген С.Тұрсынбекұлы 2016 ж)сахналық нұсқасы әзірленді, Би-ағаның өмірі мен қызметіне арналған «Қаламгер»(режиссері Ә.Баймахан 2019 ж)спектаклі сахналанды. Қостанай облысының бұрынғы Таран ауданы, қазір Б.Майлин ауданы деп өзгертілді. Қостанай облысы әкімдігінің мәдениет басқармасының «Б. Майлин атындағы тарихи-өлкетану музейі» осы аудан орталығында 1991 жылдан бері үздіксіз жұмыс істеп келеді. Бұл атқарылған жұмыстар көп пе, әлде аз ба?Ұлт үшін қайраңдаған қайықтай күн кешкен қазақтың үш бәйтерегі – Бейімбет Майлиннің «Жалбыр», «Майдан», «Шұға», Ілияс Жансүгіровтің «Кек», «Түрксіб», «Исатай-Махамбет», Сәкен Сейфуллиннің «Қызыл сұңқарлар», «Бақыт жолында» пьесалары 130 жылдық мерей тойында сахналанбаса, қай мерей тойында сахналаймыз.Алтаев Самат, Ө.Жәнібеков атындағыОңтүстік Қазақстан университетіПедагогика және психология магистрі

Бейімбет Майлин және театр өнері

Әлем әдебиетінің Әбдіжәмілі 

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаевтың төрағалығымен мұнай саласының еңбек сіңірген ардагері, «Құрмет» орденінің иегері Көшербаев Болат Елеуұлын зейнет демалысына шығарып салу рәсімі өтті. Жиынға «ҚазМұнайГаз» ұлттық компаниясы басқарма төрағасының орынбасары Серікқали Брекешев, мұнай-газ саласының мамандары, облыстың зиялы қауымы, ардагерлер қатысты.Аймақ басшысы еңбек адамдарын құрметтеу бұрыннан қалыптасқан дәстүрдің жалғасы екенін айтып, Болат Елеуұлына құттықтау лебізін жеткізді.<blockquote>– Президентіміз Қасым-Жомарт Кемелұлы: «Адал еңбек етіп, адал табыс тапқан адам жетістікке жетеді, құрметке ие болады. Әділетті Қазақстан және Адал азамат ұғымдары ел тірегі болатын егіз құндылық ретінде әрдайым қатар тұруға тиіс» деген болатын.Біз адал қызмет атқарған, саналы ғұмырын аймағымыздың әлеуметтік-экономикалық, мәдени-рухани дамуына арнаған, елдің қошеметіне бөленген азаматтарды ардақтап, лайықты құрмет көрсетуді дәстүрге айналдырдық.Болат Елеуұлы ел экономикасының локомотиві саналатын мұнай-газ саласында 40 жылға жуық өнімді еңбек етіп, оның ішінде аймақтағы «Торғай Петролеум», «ПетроҚазақстан Құмкөл Ресорсиз» компанияларында басшылық қызметте болып, Сыр өңіріндегі мұнай өндірісінің өркендеуіне өз үлесін қосты.«ПетроҚазақстан Құмкөл Ресорсиз» компаниясымен бірегей жобаларды іске асырып, бизнестің әлеуметтік жауапкершілігін жоғары деңгейге көтерді. Облыстың әлеуметтік-экономикалық дамуында өзіндік орны бар компания қайырымдылық шараларына да белсене қатысып, соңғы 5 жылда 800 млн теңгеге жуық қайырымдылық көмек көрсеткен.Шетелдердің жоғары оқу орындарында білім алған аймақ түлектерінің оқу ақысы стипендиялық бағдарлама аясында компания демеушілігі есебінен қаржыландырылды. Бағдарламамен 115 жас түлек жоғары білім алды.Осындай игі істердің басында жүріп, аймақтың мұнай-газ саласын өркендетуге қосқан үлесіңіз жоғары бағаланып, бірқатар мемлекеттік наградамен марапатталдыңыз. Мұның бәрі қажырлы еңбегіңіздің жемісі әрі жарқын көрінісі деп білеміз. Сізді Сыр жұртшылығының атынан құрметті зейнет демалысына шығуыңызбен шын жүректен құттықтаймыз! – деді облыс әкімі.</blockquote>Басқосуда Көшербаев Болат Елеуұлына Сыр өңірінің дамуына қосқан ерекше үлесі үшін облыстың ең жоғары марапаты – Қызылорда облысының Құрмет грамотасы табысталды.Іс-шарада мұнай саласының ардагерін «ҚазМұнайГаз» ұлттық компаниясы басқарма төрағасының орынбасары Серікқали Брекешев, Қызылорда облысының Құрметті азаматы Самұрат Имандосов, Шиелі ауданының Құрметті азаматы Дәулет Барғанаев, Қарулы Күштер саласының ардагері, генерал-майор Әлімжан Ерниязов, сала ардагерлері Айтбай Көшербаев, Имамадин Оңғарбаев құттықтады.

 Аймақ басшысы Болат Көшербаевты зейнет демалысына шығарып салды

<a href="https://kyzylorda-news.kz/">Kyzylorda-news.kz</a>&nbsp;Әлемдік және дәстүрлі діндер лидерлері съезі хатшылығының XXІІ отырысында Ізгі ниет елшілері институты құрылды, деп хабарлайды&nbsp;<a href="https://egemen.kz/">Egemen.kz</a>.Астанада өтіп жатқан Әлемдік және дәстүрлі діндер көшбасшылары съезі хатшылығының ХХІІ отырысында Ізгі ниет елшісі лауазымына 5 адам ұсынылған.Қазақстан атынан танымал әнші, мәдениет саласының өкілі Димаш Құдайбергеннің кандидатурасы ұсынылды.Айта кетерлігі, хатшылық отырысында қатысушылар бейбітшілікті сақтап, диалог пен өзара құрмет мәдениетін нығайту үшін барлық діни және халықаралық ұйымдардың күш-жігерін ортақ мүддеге жұмылдырудың маңызды екеніне тоқталған.&nbsp;Фото: Ашық дереккөз

Димаш Құдайберген Ізгі ниет елшісі болып тағайындалды

<a href="https://kyzylorda-news.kz/">Kyzylorda-news.kz</a> Еңбек күні қарсаңында ұйымдастырылған «Адал азамат – Адал еңбек» атты салтанатты іс-шарада облыс әкімі Нұрлыбек Нәлібаев ұзақ жылдар бойы адал жұмыс істеген мамандарға құрмет көрсетті. Мерекелік жиынға Парламент депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев, Қазақстанның Еңбек Ері Имамзада Шағыртаев және еңбек адамдары қатысты.Аймақ басшысы жерлестерін айтулы мерекемен құттықтап, ізгі тілегін білдірді.<blockquote>«Бұл мереке – адал еңбегімен, маңдай терімен ел дамуына өлшеусіз үлес қосқан сіздерге деген құрметтің көрінісі. Мемлекет басшысы Қасым-Жомарт Кемелұлы Ұлттық құрылтайда, халыққа арнаған Жолдауларында кәсібилік пен еңбекқорлық қоғамымызда ең жоғары орында тұруы, еңбекқор адам, кәсіби маман ең сыйлы адам болуы тиіс екендігін әрдайым айтып келеді. Биылғы Жолдауында 2025 жылды «Жұмысшы мамандықтары жылы» деп жариялады. Алдағы уақытта техникалық және кәсіптік білім берудің маңызы арта түсері сөзсіз. Өйткені, экономиканы өркендетуге білікті мамандар қажет. Аймақтың еңбек нарығында сұранысқа ие мамандықтардың ұзақ мерзімді болжамын анықтау үшін мамандықтар атласы әзірленуде. Менің тапсырмам бойынша Қорқыт ата атындағы Қызылорда университеті осы мақсатта 20 қызметкерді арнайы оқудан өткізді. Ел Президентінің жұмысшы және орта буын мамандықтар бойынша білім алуға ниетті жастарды 100 пайыз тегін кәсіптік біліммен қамту тапсырмасына орай келесі жылы бюджет есебінен 5 308 орынға мемлекеттік тапсырыс бөлінуде. Осылайша біз жұмысшы мамандықтарын дәріптеу арқылы қоғамда білікті мамандарды қалыптастыра аламыз», – деді Нұрлыбек Машбекұлы.</blockquote>Іс-шарада Қызылорда облысының құрметті азаматы, Қазақстанның еңбек сіңірген қайраткері, «Құрмет» орденінің иегері Қорғанбек Қайруллаев, Мәжіліс депутаты Мұрат Әбенов облыс тұрғындарын мерекемен құттықтады. Сондай-ақ, Қазақстанның Еңбек Ері Имамзада Шағыртаев сөз сөйлеп, жерлестерін қажырлы еңбек етуге, үздіксіз дамуға шақырды.Іс-шара соңында еселі еңбек етіп, ел алғысына бөленген азаматтарға облыс әкімінің Алғыс хаты мен ақшалай сыйлықтар табысталды. Біліктілігімен, өз ісіне жоғары жауапкершілігімен сый-құрметке бөленген 10 азаматқа 400 мың теңгелік сертификат, тағы 10 азаматқа шипажайға жолдама берілді.Марапатталғандардың атынан «Қызылорда тазалығы» ЖШС жұмысшысы Жанар Тайшаева мен «Көлжан» ЖШС «Солтүстік-Батыс Қызылқия» кен орнын пайдалану шебері Жанболат Жармұхамбетов пікір білдірді. Жанар Шарапатқызының еңбек өтілі 40 жыл, оның 10 жылында «Қызылорда тазалығы» ЖШС-де жұмыс жасап келеді. Қызылорда қаласы әкімдігінің, кәсіпорын басшылығының Алғыс хаттармен марапатталған. Ал, Жанболат Жармұхамбетов «Көлжан» ЖШС-де 2010 жылдан бері қызмет атқарады. Олар бүгінгі сый-құрметке адал еңбектің арқасында жеткенін айтып, облыс басшылығына көрсеткен қолдауы үшін ризашылығын жеткізді.<img src="https://knadmin.beoblood.kz/uploads/enbek_adamdary_2_1643f75d13.jpg" alt="енбек адамдары 2.jpg"><img src="https://knadmin.beoblood.kz/uploads/enbek_adamdary_3_8358a5be24.jpg" alt="енбек адамдары 3.jpg"><img src="https://knadmin.beoblood.kz/uploads/e_bek_adamdary_1_cd7097d7b0.jpg" alt="еңбек адамдары 1.jpg"><img src="https://knadmin.beoblood.kz/uploads/ebek_adamdary_98b1f651bb.jpg" alt="ебек адамдары.jpg">Фото: Қызылорда облысы әкімінің баспасөз қызметі

Қызылордада еңбек адамдарына ақшалай сертификаттар мен шипажайға жолдама табысталды

<a href="https://kyzylorda-news.kz/">Kyzylorda-news.kz</a> Бүгін Қарауылтөбе ауылдық клубында Отбасы күні аясында «Отбасым тірегім, соғып тұрған жүрегім» атты жас отбасылар мен тұрғындар арасында отбасы құндылықтарын насихаттауға арналған шара өтті.Аталған шараға қалалық әйелдер кеңесінің мүшесі&nbsp;Г.Тілесова мен клуб үйі жанынан құрылған «Ақ әже» ансамбілінің мүшесі, қолөнер үйірмесінің жетекшісі Ж.Қазанғапова отбасы құндылықтары жөнінде түсіндірме жүргізді.Шара барысында отбасы құндылығы бала тәрбиесінен бастап ересек отбасы мүшелерінің қолдауы мен құрметіне дейінгі барлық дүниеден көрінетіні және отбасылық құндылықтарды сақтау мен дамытуды тек қана мемлекеттік бағдарламаларға сүйенбей, ұлтық мүддені биік қоятын әрбір отбасы, әрбір азамат өзінің парызы ретінде санауы керек екені айтылды. Сонымен қатар тәрбиелі, білімді ұрпақ елдің ертеңгі өмірінің қандай болатынының кепілі-екенін атап өтті.

«Отбасым тірегім, соғып тұрған жүрегім» атты іс-шара өтті

<a href="https://kyzylorda-news.kz/">Kyzylorda-news.kz</a> Күні кеше Мемлекет басшысы Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм»атты Қазақстан халқына Жолдауында 6 қазандаАЭС салу бойынша жалпыұлттықреферендумөткізілетіндігін жеткізді.Біз, Қызылорда халықаралық «Невада – Семей» қозғалысының облыстық бірлестігінің мүшелері Президентіміздің референдум өткізу бойынша ұсынысын қолдаймыз және Атом электр станциясын салу қазіргі жағдайда еліміз үшін өте маңызды деп білеміз!!!Бүгінде Атом энергетикасы тұрақты және экологиялық таза энергиямен қамтамасыз етуде шешуші рөл атқарады. Жаһандық жылыну және дәстүрлі энергетикалық ресурстардың сарқылуы жағдайында атом электр станциялары көміртегі шығындарын азайтудың және сенімді энергетикалық инфрақұрылымды қамтамасыз етудің тиімді әдісін ұсынады.Ресурстары мол және электр энергиясына қажеттілігі артып келе жатқан Қазақстан үшін атом электр станциясын салу стратегиялық маңызды қадам.Біз, Семей ядролық полигонында әскери борышын өтеген «Атом солдаттары», әскери мақсаттағы атом мен бейбіт атомның аражігін жақсы түсінеміз және бүгінгі таңда атом электр станциясының құрылысы елдің тұрақты дамуы мен энергетикалық тәуелсіздігін қамтамасыз ету қажеттілігі ретінде қабылдаймыз.Біз, атом электр станциялары қазба энергия көздеріне тәуелділікті азайтып ғана қоймай, жаңа технологияларды дамытуға және жаңа жұмыс орындарын құруға ықпал ететіндігіне сенеміз.Біз, ядролық апатқа қарсы қозғалысының мүшелері елімізде атом энергетикасын дамытудағылыми зерттеулер мен технологиялық инновациялардың әлеуеті жоғары екеніне сенеміз.Біз, елімізде атом электр станциясының салынуын қолдау, бұл тұрақты болашаққа деген ұмтылыс пен энергетикалық және экологиялық шешімдердің заманауи жолы деп білеміз.Біз, ядролық апатқа қарсы халықаралық «Невада – Семей» қозғалысының облыстық бірлестігінің мүшелері елімізде Атом электр станциясын салуды қолдаймыз!!!<img src="https://knadmin.beoblood.kz/uploads/5_379c972b45.jpg" alt="5.jpg"><img src="https://knadmin.beoblood.kz/uploads/6_3d156002ba.jpg" alt="6.jpg"><img src="https://knadmin.beoblood.kz/uploads/7_1462e3aa91.jpg" alt="7.jpg"><img src="https://knadmin.beoblood.kz/uploads/9_9508651af6.jpg" alt="9.jpg">Қызылорда облысы бойынша&nbsp;«Қызылорда «Невада-Семей» қоғамдық бірлестігінің төрағасы&nbsp;С.Ы. Әбіш және «Атом солдаттары»Қызылорда,3 қыркүйек, 2024 жыл.

Халықаралық «Невада – Семей» қозғалысының облыстық бірлестігі мүшелерінің ҮНДЕУІ

&nbsp; &nbsp;Отбасы – өнегенің өзі, тәрбиенің көзі.Оттың басында бойыңа сіңген тәлім-тәрбие бүкіл бітім-болмысыңды айшықтайды. Адамның ала жібін аттамау, кісінің сөзін бөлмеу, үлкеннің алдын кесіп өтпеу тағысын тағы сол сықылды жағдаяттар балдырған сәт, бала күннен жадымызға сіңді. Қазақтың тәрбиесі қалпыңды қалыптастырмаса, қадіріңді қашырмайтыны анық. Ақылдың кені болған ақсақалдар мен тәлімнің тетігі болған аналарымыздан үлгі-өнеге жұғым етсек ісіміз ілгерілеп, тіршілігіміз татымды болары хақ. “Бесікте жатқаныңда-ақ берген білім” дегендей тәрбиенің түп тамыры шаңырақта. 2013 жылы қыркүйек айының екінші жексенбісі отбасы күні болып бекітілген болатын. Содан бері бұл мереке 10 жылға жуық дәстүрлі сипатта атап өтіліп келеді. Мереке қарсаңында өңірлік коммуникациялар қызметінің ұйымдастыруымен өткен көшпелі брифингте облыс әкімінің орынбасары Шахмардан Байманов отбасы күнінің мән-маңызын айшықтап, өткізілетін шаралар легіне тоқталып өтті.Биылғы жылы «Отбасы күні» мерекесі елімізде жаңаша форматта аталып өтіледі.Атап айтсақ, ҚР Мәдениет және ақпарат министрлігімен арнайы тұжырымдама бекітіліп, 2-8 қыркүйек аралығында әр күнге тақырыптық бағыттар қойылды.2 қыркүйек – «Отбасылық дәстүрлер: тарихымызды сақтаймыз, болашақты құрамыз»;3 қыркүйек – «Отбасын жоспарлау»;4 қыркүйек – «Саналы түрде ата-ана болу»;5 қыркүйек – «Дені сау ұрпақ»;6 қыркүйек – «Мықты отбасы&nbsp;– мықты мемлекеттің кепілі»;7 қыркүйек – «Отбасылық әл-ауқат»;8 қыркүйек – «Отбасылық демалыс: бақытты болашаққа инвестиция».Отбасы күнін кеңінен атап өту отбасы мен некені дәріптеуге, отбасы құндылықтарын насихаттауға, ата-аналардың бала тәрбиесіндегі жауапкершілігін арттыруға, балалардың қарт ата-аналарына қамқорлық көрсетуіне, жинақталған тәжірибені жастарға ұсынуға бағытталды.<blockquote>– Ұлттық тәрбиенің, адамгершілік пен имандылықтың, ізеттілік пен парасаттылықтың бастау бұлағы – отбасы. Елімізде отбасы институтына&nbsp;қамқорлық пен көмек үздіксіз көрсетіліп келеді. Ана мен баланы қорғауға арналған қаржы, көпбалалы отбасыларына берілетін мемлекеттік жәрдемақылар көлемі жыл сайын өсуде. Бір қолымен бесікті, бір қолымен әлемді тербеткен» алтын құрсақты аналарымыздың 17 мыңға жуығы&nbsp;«Алтын алқа» мен «Күміс алқа» иелері, 34 мыңға жуығы көп балалы отбасылар. Отбасыларды мемлекеттік қолдау мақсатында, оның ішінде жас отбасылардың тұрғын үй мәселесін шешуге көмек көрсету аясында облысымызда «Сыр жастары» өңірлік тұрғын үй бағдарламасы»&nbsp;қабылданды. Нәтижесінде ағымдағы жыл басында 60 жас отбасы қоныс тойын тойлады, жыл соңына дейін 40 жас отбасыға пәтер кілттері табысталып, қоныс тойларын тойлайды. Өздеріңіз білетіндей, өткен аптада, облыстық «Мерейлі отбасы – 2024» Ұлттық конкурсы облыстық кезеңінің жеңімпаздарын салтанатты құттықтау шарасы өтіп, 11 бала, 47 немере, 66 шөбере, 2 шөпшек тәрбиелеп отырған Бектаевтар отбасы бас жүлдені иеленді.&nbsp;Ендігі кезекте, Бектаевтар отбасы 6 қыркүйек күні Астана қаласында өтетін республикалық «Мерейлі отбасы» конкурсында Қызылорда облысының атынан лауреат атанады. Республикалық кезеңнің жеңімпазы болатынына сеніміміз зор. Бектаевтар отбасына елдік додада сәттілік тілейміз. Дана халқымыздың «Отбасы&nbsp;– тәлім мен тәрбиенің бұлағы» деген өсиет сөзін жадымызда ұстап, отбасындағы асқар әкелер, абзал аналар, балғын балаларымыз аман болсын деген тілікпен, Сіздерді Отбасы күнімен құттықтаймын”, – деді Шахмардан Асқарұлы.</blockquote>

Шахмардан Асқарұлы: Жыл соңына дейін 40 жас отбасыға пәтер кілті табысталады

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев Қармақшы ауданына жұмыс сапары кезінде Жосалы кентіндегі әлеуметтік осал топтағы отбасыларға бюджет есебінен сатып алынған 50 пәтердің кілтін табыстады. Салтанатты іс-шараға ҚР Парламенті Сенатының депутаттары Руслан Рүстемов, Наурызбай Байқадамов және Мәжіліс депутаттары Мархабат Жайымбетов, Мұрат Ергешбаев қатысты.Аймақ басшысы баспаналы болған азаматтарға игі тілегін білдірді.<blockquote>«Өңірде соңғы екі жылда 4 мыңға жуық пәтер табысталып, 17 мың тұрғынның баспана мәселесі шешілді. Биыл тұрғын үй құрылысына және дайын пәтерлер сатып алуға 34,1 млрд теңге бөлінген. Бұл арқылы 2,5 мыңнан астам пәтерді пайдалануға беруге мүмкіндік жасалмақ. Жыл басынан бері 600-ден астам отбасы қоныс тойын тойлады. Бүгін өздеріңізбен бірге тағы 50 отбасының баспана қуанышын еселемекпіз. Шаңырақтарыңыз жылулық пен мейірімге, балалардың шат күлкісіне толсын», – деді Нұрлыбек Нәлібаев.</blockquote>Салтанатты шарада қоғам қайраткері, Қызылорда облысының құрметті азаматы, Биғали Қаюпов пен Мәжіліс депутаты Мархабат Жайымбетов жерлестерін құттықтады. Қоныстой иелері атынан Айгүл Ахметова қуанышын жеткізіп, қоғам қайраткері Бекмырза Еламанов ақ батасын берді.Тұрғын үйлерді салған мердігер мекеме қызметкерлеріне облыс әкімнің Алғыс хаты табысталды.Әрі қарай қатысушылар көпбалалы ана Мейрамгүл Нұрмаханованың үйіне кіріп, ізгі тілек білдіріп, естелік сыйлық табыстады.Айта кетейік, пәтер кілтін алғандар арасында көп балалы, толық емес отбасылар, жетім, ата анасының қамқорлығынсыз қалған балалар, Ауған соғысының ардагері, І-ІІ топ мүгедегі және өзге де әлеуметтік топ өкілдері бар.Үш бөлмелі, 70-80 шаршы метрлік пәтерлерді сатып алуға 1463,9 млн теңге қаржы бөлінген.Кілт табыстау рәсімінен кейін аймақ басшысы тұрғындармен кездесіп, ауданның әлеуметтік-экономикалық даму перспективаларын талқылады. Биыл Дүр Оңғар ауылына, Жосалы кентінің жаңадан ашылған «Тәуелсіздік» шағын ауданына газ жеткізіледі. Көмекбаев, "Ақтөбе" ауылдарының электр желілері қайта жаңғыртылуда, 2 млрд. 958 млн. теңгеге 46,3 шақырым көшелер жөндеуден өтті. «Ауыл – ел бесігі» бағдарламасымен Дүр Оңғар, "ІІІ Интернационал" және "Ақай" ауылдарында дене шынықтыру кешендері салынуда. «Білімді қолдау қорына» Тұрмағамбет ауылындағы №29 орта мектептің 250 орынға арналған құрылысы туралы 1,9 млрд. теңгеге бюджеттік өтінім жолданып, 2025 жылы жаңадан салынатын нысандар тізіміне енгізілген.<img src="https://knadmin.beoblood.kz/uploads/2_999a1d6f5a.jpg" alt="2.jpg"><img src="https://knadmin.beoblood.kz/uploads/3_7856904f73.jpg" alt="3.jpg"><img src="https://knadmin.beoblood.kz/uploads/4_51913e64ca.jpg" alt="4.jpg"><img src="https://knadmin.beoblood.kz/uploads/5_9104739b49.jpg" alt="5.jpg"><img src="https://knadmin.beoblood.kz/uploads/6_d7100a99fc.jpg" alt="6.jpg"><img src="https://knadmin.beoblood.kz/uploads/7_44b6fe2771.jpg" alt="7.jpg">Фото: Қызылорда облысы әкімінің баспасөз қызметі

Қармақшы ауданында 50 отбасы баспаналы болды

<a href="https://kyzylorda-news.kz/">Kyzylorda-news.kz</a> &nbsp; «Ардагерлерді ардақтайық» жобасы аясында аға ұрпаққа қамқорлық көрсету - «AMANAT» партиясының басым бағыттарының бірі. Жоба арқылы партияластарымыз үлкенге құрмет көрсетіп, қарттардың хал-ахуалына тұрақты түрде көңіл бөлуді өзгелерге үлгі етуде.«AMANAT» партиясы облыстық филиалының төрағасы Алмасбек Есмаханов, облыстық «Невада-Семей» қоғамдық бірлестігінің төрағасы Әбіш Сәбит ауылшаруашылығы саласының ардагері, Кеңес одағы тұсында «Социалистік жарыстың» жеңімпазы, 1979 жылы Алматы қаласында Қазақстан Компартиясы Орталық Комитетінің бірінші хатшысы Д.А. Қонаевтың табыстауымен «Победитель Соцсоревнования» төсбелгісінің иегері Ауғанбай Айғараевтың құтты шаңырағында болып, еңбек адамын 90 жасқа толған мерейлі мерекесімен құттықтады.Облыстық филиал төрағасы Алмасбек Әбілқасымұлы еңбек ардагеріне туған жердің елжанды азаматы ретінде Отан алдындағы азаматтық міндетіне адалдық танытып, күллі адамзат баласына зор қауіп төндірген Семей ядролық полигоны зардаптарын болдырмау бағытында қажырлы еңбек сіңіргені үшін ерекше алғыс білдіріп, алдағы уақытта да атамекеннің адал перзенті ретінде елдің бірлігі мен берекесіне, ынтымағы мен ырысына өз ықпалын тигізіп, қоғам өрісіне айрықша атсалыса беруіне тілектестік білдірді.Сонымен қатар ардагерге арнайы алғыс хат табысталып, иығына шапан жабылды. Мұнан бөлек «Невада-Семей» антиядролық қозғалысының құрылғанына 35 жыл толуына орай мерекелік төс белгі тағылды.

Қазақстан және Қызылорда облысының жаңалықтары: Руханият