<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев ұлт руханиятында жасаған қызметімен қоғам құрметіне ие болған белгілі жазушылар Тынымбай Нұрмағамбетовті мерейлі 80 жасқа, Қуандық Түменбаевты 70 жасқа толуына орай құттықтады. Басқосуға қаламгерлердің замандастары, аймағымыздың зиялы қауым өкілдері қатысты.Облыс әкімі мерейтой иелерінің шығармашылығына тоқталып, құттықтау лебізін жеткізді.<blockquote>«Саналы ғұмырында еселі еңбегімен төрге озған, абырой биігінен көрінген ардақты аға буын қашанда құрметке лайық. Біз елдік іске адалдық танытқан, еліміз бен аймағымыздың әлеуметтік-экономикалық, мәдени-рухани дамуына үлес қосқан, халықтың қошеметіне бөленген азаматтарымызды ардақтап, лайықты құрмет көрсетіп келеміз.Қалам қуатымен еліне адал қызмет еткен салиқалы аға буынның қатарында Тынымбай Нұрмағамбетұлының тұлғалық келбеті, адами болмысы ерекше.Ағамыз 1945 жылы Жаңақорған ауданында дүниеге келген. Қызылордадағы Гоголь атындағы педагогикалық институттың қазақ тілі мен әдебиеті факультетінде, Мәскеудегі Горький атындағы Әдебиет институтында білім алған.Еңбек жолында «Су құрылысшысы» газетінде тілші, бөлім бастығы, Қызылорда облыстық радиокомитетінде аға редактор, Алматыдағы «Жазушы» баспасында редактор, «Қазақ елі» газетінде бас редактордың орынбасары, «Қазақфильм» киностудиясында жауапты қызметтер атқарды.Шығармашылық еңбек жолында 15 кітабы жарық көріп, пьесалары республика театрларында сахналанды. Туындылары орыс, украин, эстон, неміс тілдерінде аударылды.Қазақ әдебиеті – халқымыздың рухани қазығы, елдігіміздің айнасы. Шығармашылықтың төрінде Сіздей шыншыл, терең ойлы жазушылар тұрғанда, ұлтымыздың руханияты өркендей бермек.Халқымыз «Қос тойың қабат болсын» деген. Ұлттық рухты ұлықтап, елге адал еңбек етіп, саналы ғұмырын шығармашылыққа арнаған, журналистика, баспасөз саласында қызмет еткен Түменбаев Қуандық Ералыұлы ағамыз биыл мерейлі 70 жасқа толды.Қуандық Ералыұлы 1955 жылы Шиелі ауданында дүниеге келген. Қазақ Ұлттық университетінің журналистика факультетінде, Мәскеудегі Әдебиет институтында оқыған.Еңбек жолын 1977 жылы баспасөз саласынан бастап, «Лениншіл жас» газетінде тілші, «Жұлдыз» журналы, «Алматы ақшамы» газетінде бас редактордың орынбасары болды. Баспасөз және бұқаралық ақпарат министрлігінің, «Қазақстан» баспасының, «Үркер» роман-газетінің бас редакторы қызметтерін абыроймен атқарған, 30-дан астам кітаптың авторы. Шығармалары ағылшын, араб, орыс, түрік, неміс, кәріс, ұйғыр, қытай тілдеріне аударылған. Ағамыздың еңбектері терең мазмұнымен, көркемдігімен, шынайылығымен ерекше.Құрметті ел ағалары, мерейтойларыңыз құтты болсын! Сіздерге мықты денсаулық, ұзақ ғұмыр, отбасыларыңызға бақ-береке тілейміз!», – деді Н.Нәлібаев.</blockquote>Жиында қос қаламгерге Қызылорда облысының Құрмет грамотасы табысталып, дәстүрге сай шапан жабылды.Әдебиет зерттеушісі, филология ғылымдарының докторы, профессор Құлбек Ергөбек, әдебиет сыншысы, Қазақстан Жазушылар одағының мүшесі Амангелді Мырзабек жазушылардың өмір, шығармашылық жолы туралы айтып, құттықтауын жеткізді. Аймақ басшысы шараға арнайы келген Құлбек Ергөбек пен Амангелді Мырзабекке де сырбойылықтардың атынан сый-құрмет көрсетті.Қызылорда қаласы мен Қармақшы ауданының Құрметті азаматы Сәпен Аңсат, ақын, Қазақстан Жазушылар одағы Қызылорда облыстық филиалының төрайымы Қаршыға Есімсейітова жылы лебіздерін білдірді.Іс-шара соңында мерейтой иелері көрсетілген құрметке ризашылықтарын жеткізді.Фото: Қызылорда облысы әкімінің баспасөз қызметі

Аймақ басшысы жазушылар Тынымбай Нұрмағамбетов пен Қуандық Түменбаевты мерейтойымен құттықтады

<a href="https://kyzylorda-news.kz/">Kyzylorda-news.kz</a> Абай атындағы үш тілде оқытатын дарынды балаларға арналған мамандандырылған сыныптары бар мектепте Республика күніне орай "Әже сөзі – ғасыр нұры" атты өнер фестивалі өтті.Фестивальдің мақсаты – ұлттық мәдениетті сақтау арқылы оқушыларды рухани-адамгершілікке тәрбилеу және де ата-ана жауапкершілігін арттыру.Байқауға әжелер бастауыш сыныпта оқитын немерелерімен қатысып, әже мен немере арасындағы әдемі байланысты керемет көрсете білді. Екі кезеңнен тұратын сайыста қатысушылар өз өнерлерін көрсетті. Атап айтар болсақ, бірінші кезеңде қатысушы әжелер мен немерелері өздерін таныстырса, екінші кезеңде әжесі немересіне тәрбиелік мәні бар ертегі айтып, қойылым көрсетті.Қойылым барысында қатысушылар "Жалқау", "Жақсылық пен жамандық", "Тәртіпті түлкі", "Қазақ елшісі", "Ер Төстік", "Аң патшасы арыстанның шипасы", "Алтын балта" сынды мәні бар ертегілердің ұрпақ тәрбиесі жолында ерекше рөл атқаратынын түсіндіріп, көрермендердің ыстық ықыласына бөленді.Жалпы, бала тәрбиесіне әженің қосатын үлесі мол. Баланың дүниетанымын кеңейтіп, бойына адамгершілік пен ізгілік қасиеттерді сіңіретін де, салт-дәстүрімізбен таныстырып, аңыз, жыр, ертегі айтып, рухани азықпен байытатын да – әже.&nbsp;Байқауды тамашалаған көрермен әже мен немеренің жүрек лүпілін естігендей болды. Әже мен немеренің сахнада бір-бірін толықтырып, қолдау көрсетуі, әжесі немересіне ыммен өзін қалай ұстау керектігін түсіндіруі, бәрі-бәрі балалық шаққа деген сағынышты оятып, тамашалап отырған жұрттың көңілін толқытып жіберді.Байқау қорытындысы бойынша мектеп директоры Айгүл Өткелбаева барлық қатысушы әжелер мен немерелеріне сый-сыяпат жасап, алғыс айтып, ризашылығын білдірді.Іс-шара соңында ардагерлер мектеп ұжымына тарту жасап, аулаға бірнеше көшет отырғызды.

 Әже сөзі – ғасыр нұры

«AMANAT» партиясының облыстық филиалының атқарушы хатшысы Ләйлә Төрешова, әйелдер қанаты өкілдерімен бірге партияның облыстық филиалы жанындағы Әйелдердің құқықтары мен мүмкіндіктерін кеңейту мәселелері жөніндегі кеңесшісі Алтынай Молжанова басшылық ететін «Анаға тағзым» орталығының ұйымдастыруымен өткен «Сreative caravan» облыстық креатив көрмесіне қатысты.Бұл көрме қазан айының басынан бері жүзеге асырып келеді. Жалағаш ауданынан бастау алған көшпелі керуен Сырдария, Шиелі, Жаңақорған аудандарында болып, 100-ге жуық кәсіпкер пайдалы дәрістер және шеберлік сағаттарымен қамтылған болатын.Партияның «Ұлттық мұра» жобасымен ұштасқан жоба мақсаты – ауылдық жердегі қолөнер шеберлерін оқыту әрі шабыттандыру, кәсібін дамыту бағытында тиісті сала мамандарының дәрісін ұйымдастырып, уақыт талабына сай әлеуметтік желіде жеке бренд қалыптастыруға үлес қосу.Креатив көрме «Анаға тағзым» орталығында жарасымды жалғасын тауып, қала кәсіпкерлері мен жеті аудан қолөнер шеберлерінің басын қосып, өзара тәжірибе алмасуға, көпшілікке өнімдерін жарнамалап, ерекше туынды авторларына құрмет көрсетуге бағытталды.Фото: Amanat Қызылорда облысы

«Сreative caravan» облыстық креатив көрмесі өтті

<a href="https://kyzylorda-news.kz/">Kyzylorda-news.kz</a> 1 қазан – Халықаралық қарттар күніне орай облыс әкімдігінің ұйымдастыруымен түрлі салада абыройлы қызмет атқарып, аймақ дамуына сүбелі үлес қосқан ардагерлер шаһардың жаңадан бой көтерген, құрылысы қайта жанданған нысандарын аралады.Шара аясында ардагерлердің алғашқы аялдамасы – жуырда ашылған «Сыр жұлдыздары» шығармашылық академиясы болды. Мұнда олар жас дарындардың өнерімен танысып, академияның заманауи жабдықталған оқу сыныптары мен шығармашылық залдарын аралап көрді.Қариясын сыйлағанға қасиет қонар Одан кейін ардагерлер облыс орталығында жаңадан іске қосылған нан зауытына барды. Бұл да өңір үшін маңызды жаңа нысанның бірі саналады. Зауыттың жұмысымен танысу барысында аға буын өкілдеріне заманауи технологиялар арқылы нан және кондитерлік өнімдердің қалай дайындалатыны көрсетілді. Ардагерлер сапасы жоғары өнім шығаруға бағытталған бұл кәсіпорынның аймақ халқын отандық өніммен қамтамасыз етуде зор рөл атқаратынын атап өтті.Келесі нысанда ардагерлер қайта жаңғыртудан өткен қалалық мәдениет және демалыс саябағын тамашалады.Жаңарған саябақта демалушыларға қолайлы жағдай жасалып, серуен аймақтары, балаларға арналған ойын алаңдары мен спорттық жаттығу орындары абаттандырылған. Ардагерлер саябақтың көркейген келбетін жоғары бағалап, тұрғындар үшін осындай жайлы ортаның жасалғанына ризашылықтарын білдірді.Фото: Өңірлік коммуникациялар қызметі

Қариясын сыйлағанға қасиет қонар

<a href="https://kyzylorda-news.kz/">Kyzylorda-news.kz</a> 1 қазан – Халықаралық қарттар күніне орай облыс ардагерлері өндірістік және инфрақұрылымдық жобалармен, іске қосылған нысандар жұмысымен танысты.Алдымен «Сыр жұлдыздары» шығармашылық-инновациялық академиясына барды. Заманауи орталық бір мезетте 500, тәулігіне 3 мыңға дейін оқушы қабылдай алады. Мұнда бассейн, фитнес және гимнастика залдары, үстел теннисі, жекпе-жек және үстел ойындарына арналған бөлмелер бар. Сонымен қатар, кескіндеме, сурет, сәндік-қолданбалы өнер, робототехника, жасанды интеллект, биотехнология, 3D модельдеу, киберспорт және математика кабинеттері жұмыс істейді.<img src="https://knadmin.beoblood.kz/uploads/2_arttar_k_ni_arsa_ynda_ardagerler_alada_y_nysandarmen_tanysty_434587ef4f.jpg" alt="2Қарттар күні қарсаңында ардагерлер қаладағы нысандармен танысты.jpg">Келесі нысан – «Қызылорда-Нан» ЖШС-ның нан-тоқаш, кондитерлік және макарон өнімдерін өндіру кешені. Қазіргі таңда үш өндірістік цех іске қосылған, алдағы уақытта печенье цехы жұмысын бастайды. Өнімнің 30%-ы кәсіпорынның жеке сауда желісі арқылы сатылады, қалғаны қала мен ауылдарға жеткізіледі. Жобаға 5 гектар жер беріліп, инфрақұрылым тартылды. «Қазақстан Халық банкінен» алынған 1,2 млрд теңге жеңілдетілген несиенің пайыздық мөлшерлемесі мемлекет тарапынан субсидиялануда. Бүгінде мұнда 120 адам еңбек етсе, болашақта олардың саны 150-ге жетпек.<img src="https://knadmin.beoblood.kz/uploads/4_arttar_k_ni_arsa_ynda_ardagerler_alada_y_nysandarmen_tanysty_81a29ee6f2.jpg" alt="4Қарттар күні қарсаңында ардагерлер қаладағы нысандармен танысты.jpg">Одан кейін ардагерлер жаңа жылу-электр орталығының құрылыс барысымен танысты. «Aksa Energy» түрік компаниясымен бірлескен жоба аясында қуаттылығы 240 МВт болатын нысан салынуда. Орталыққа General Electric (АҚШ), Doosan Skoda (Чехия), AC BOILERS (Италия), Mimsan (Түркия) компанияларының қондырғылары жеткізілген. Құрылыс жұмыстарының 80%-ы аяқталып, газ тарату станциясы мен 45 шақырым газ құбыры салынды. Биыл алғашқы газ турбиналық қондырғы мен екі жылу қазандығы іске қосылса, қалғаны 2026 жылы пайдалануға беріледі.Ардагерлер қалалық мәдениет және демалыс паркін, Президент саябағын қайта жаңғырту жұмыстарында көрді. Жаңа коммуналдық базарды, «Қызылорда САЗ-М» кірпіш зауытын, музыкалық колледждің жаңа ғимаратын, физика-математика мектеп-интернатын және 11 мың орындық жаңа стадионды аралап шықты.<img src="https://knadmin.beoblood.kz/uploads/5_arttar_k_ni_arsa_ynda_ardagerler_alada_y_nysandarmen_tanysty_c44d104471.jpg" alt="5Қарттар күні қарсаңында ардагерлер қаладағы нысандармен танысты.jpg">Мерекеге орай қала мен аудандардан келген ардагерлердің басын қосқан салтанатты шара ұйымдастырылды. Аймақ басшысы Нұрлыбек Нәлібаев ел ағалары мен ақ жаулықты аналарды мерейлі мерекемен құттықтап, ізгі лебізін білдірді.«Мемлекет басшымыз Қасым-Жомарт Кемелұлы «Азаматтардың әл-ауқатын арттырудың басым міндеті – зейнетақы жүйесін жетілдіру. Қажырлы ардагерлердің қоғамға үлесін ынталандыру маңызды. Халықтың орташа өмір сүру жасы 75-тен асты, бұл – әлеуметтік саясаттың жетістігі» – деген болатын.Өңірімізде қазыналы қарияларды жан-жақты әлеуметтік қолдау, медициналық қызмет көрсету сапасын арттыру бағытында ауқымды жұмыс атқарылуда. Соңғы үш жылда жылына бір рет төленетін әлеуметтік көмектің көлемі Ұлы Отан соғысының ардагерлеріне 1,5 млн. теңгеден 5 млн. теңгеге, оларға теңестірілгендер мен тыл ардагерлеріне 90 мыңнан 196 мың теңгеге ұлғайды. Биыл 1 700-ге жуық ардагерге 322 млн. теңге көлемінде бір реттік әлеуметтік көмек көрсетілді. Облыста бірнеше жылдан бері «Сыр мейірімі» жобасы жүзеге асуда. Жоба аясында көмекке мұқтаж 225 жалғызбасты қарт мен мүгедектер, аз қамтылған отбасылар түскі аспен қамтамасыз етіліп келеді.Қазақ халқы «Қарты бар үйдің – қазынасы бар» деген. Бұл – халықтың ғасырлар бойғы құрметінің айқын көрінісі. Сіздердің даналықтарыңыз, өмірлік тәжірибелеріңіз бізге – кейінгі буынға жол көрсетер бағдаршам. Ел ішінің татулығы мен бірлігін сақтауда, ұлттың рухын биік ұстауда ардақты ардагерлеріміздің рөлі ерекше.Мерейлі мерекеде баршаңыздың дендеріңізге саулық, отбасыларыңызға амандық, бақ-береке тілеймін», – деді Нұрлыбек Машбекұлы.<img src="https://knadmin.beoblood.kz/uploads/1_arttar_k_ni_arsa_ynda_ardagerler_alada_y_nysandarmen_tanysty_ef451a25b8.jpg" alt="1Қарттар күні қарсаңында ардагерлер қаладағы нысандармен танысты.jpg">Фото: Қызылорда облысы әкімінің баспасөз қызметі

Қарттар күні қарсаңында ардагерлер қаладағы нысандармен танысты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қазалы аудандық ардагерлер кеңесінің төрағасы, "Құрмет" орденінің иегері Оразғали Бекпановты 85 жас мерейтойымен құттықтады. Жиынға облыстық мәслихаттың төрағасы, ардагерлер, құқық қорғау органдарының басшылары, зиялы қауым өкілдері қатысты.Аймақ басшысы еңбекті елеу, азаматқа лайықты құрмет көрсету, халық болып ризашылық таныту елдіктің белгісі екенін атап өтіп, мерейтой иесіне құттықтауын жеткізді.<blockquote>«Сыр өңірі – құт-береке дарыған, бабалар дәстүрі ұрпақтан-ұрпаққа жалғасып, сабақтастығы үзілмеген қасиетті мекен. Еңбегімен елге сыйлы, өмір жолы жас ұрпаққа өнеге болған еңбек адамдарынан кенде емес. Туған жер алдындағы азаматтық парызын адал атқарған жандардың ерен еңбегі, қалтқысыз адал қызметі бізге қашанда үлгі.Биыл ел ағасы, Қазалы аудандық ардагерлер кеңесінің төрағасы Бекпанов Оразғали Достанұлы 85 жасқа толды. Ол еңбек жолын 1959 жылы вагон депосында қарапайым слесарь болып бастаған. Теміржол училищесінде шебер, директордың орынбасары, директоры, Жаңақазалы поселкелік кеңес атқару комитетінің төрағасы, Әйтеке би кентінің әкімі лауазымдарында болды. Кент әкімі кезінде аудан орталығының әлеуметтік-экономикалық өсіп-өркендеуіне өз үлесін қосты.Оразғали Достанұлы зейнетке шықса да, қоғамдық өмірге белсене араласып, Қазалы аудандық ардагерлер кеңесінің төрағасы қызметінде елді бірлікке үндеп, жас ұрпаққа тәлім-тәрбие көрсетіп келеді.Сыр жұртшылығы аймақтың дамуына үлес қосқан, елдің ыстық ықыласына бөленген өздеріңіздей жерлестерімен мақтанады. Тілеулес азаматтардың атынан мерейтойыңызбен шын жүректен тағы да құттықтаймыз! Жастарға жол көрсетіп, әрқашан игі істердің басында жүргейсіз. Мерейлі сәтте Өзіңізге мықты денсаулық, жақындарыңызға амандық, отбасыңызға бақ-береке тілеймін,» – деді Нұрлыбек Машбекұлы.</blockquote>Жиында облыс әкімі мерейтой иесіне Қызылорда облысының Құрмет грамотасын табыстап, дәстүрге сай құрмет көрсетті. Облыстық ардагерлер кеңесінің төрағасы Серік Дүйсенбаев, Қазалы ауданының құрметті азаматы, «Құрмет» орденінің иегері Әлімбай Қасқырбай құттықтау сөз сөйлеп, ақжарма тілектерін білдірді.Фото: Қызылорда облысы әкімінің баспасөз қызметі

Аймақ басшысы ел ағасы Оразғали Бекпановты 85 жас мерейтойымен құттықтады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың Қазақстан халқына арнаған Жолдауында туризмді дамыту – экономиканың жаңа драйвері ретінде айқындалды. Кейбір елдер туризмді табысты сала ретінде мойындап, экономиканың қуатты тетігіне айналдырды. Табиғат берген әсем байлықты сырт көзге ұсынып, алыс-жақын елдерден қонақ тарту, тарихи жер-су мен киелі мекендерді көрсетуді ұйымдастыру арқылы да әлемнің алдыңғы мемлекеттеріне айналуға болады. Бұл бүгінгі күннің бұлжымас ақиқатына айналып отыр. Әлемдік тәжірибе де солай.Аралды да әлем таниды десек болады. Турист тартып, табыс табудың тетігін табу бағытында істеліп жатқан жұмыстар бар. Солардың бірі – «GEOPARK ARAL» жобасы.Ұлттық геопаркті құру бастамасы Арал әлеміне жол ашып, бір кездердегі теңіз астындағы тіршіліктің қазіргі көрінісін көз алдыңызға әкелмек.Геопарктер тек табиғи және мәдени мұраны сақтауға ғана емес, тұрақты туризмді, экологиялық білім беруді және жергілікті қауымдастықтардың дамуын қолдайды. Олар адамның табиғатпен қарым-қатынасын зерттеуге арналған алаңдар болып табылады және табиғатты қорғауды қоғамның қажеттіліктерімен қалай теңестіруге болатынын көрсетеді.Арал геопаркі осы халықаралық желінің бір бөлігі болуды мақсат етіп отырған, біздің планетамыздың табиғи және адам әрекетінің нәтижесінде болған ауқымды өзгерістерінің тірі куәсі болып табылады. Біздің алдымызда тек табиғатты сақтау ғана емес, онымен үйлесімді өмір сүруді үйрену міндеті тұр.Бұл салада серпін бар. Айталық 2025 жылдың 8 айының қорытындысы бойынша өңірге 5 мыңға жуық ішкі турист және 400-ден астам шетелдік турист келді. Бұл көрсеткіш өткен жылдың сәйкес кезеңімен салыстырғанда шамамен 20 пайызға жоғары.Бүгінде қала мен ауылдарда 18 қонақ үй, 6 туристік нысан бар. Қамыстыбас көлі жағажайы, Ақеспе ыстық су бұрқағы, Шижаға құмдары, Көкарал бөгеті, Арыстан баб кесенесі, Бегім ана кесенесі және 50-ден астам қоғамдық тамақтану орны қызмет көрсетуде.Бұл жұмыстардың барлығы Арал өңірінің халықаралық деңгейдегі туристік тартымдылығын арттыруға мүмкіндік берері сөзсіз.Арал ауданы әкімінің баспасөз қызметі

Туризм – экономиканың жаңа дрейвері

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев денсаулық сақтау саласының ардагері Бисенкүл Өтегенқызы Кәрібаеваны 70 жас мерейтойымен құттықтады. Басқосуға зиялы қауым өкілдері, денсаулық сақтау саласының ардагерлері, қызметкерлері қатысты.Аймақ басшысы туған жер алдындағы азаматтық парызын адал атқарған ел ағалары мен ақ жаулықты аналарымыздың ерен еңбегін құрметтеу қасиетті парыз екенін айтып, мерейтой иесіне құттықтауын жеткізді.<blockquote>«Өңірімізде медицина саласының өркендеуіне, халықтың денсаулығын сақтауға ерекше еңбек сіңірген ардақты аға-апаларымыз аз емес. Сол кісілердің ізін басып, ел игілігі үшін атқарған абыройлы қызметтерін жалғаған дәрігерлеріміздің қатарында бүгінде мерейлі 70 жасқа толған Бисенкүл Өтегенқызын ерекше атап өтуіміз керек.Ол 1955 жылы Қызылорда қаласында дүниеге келген. Алматы мемлекеттік медицина институтының «Емдеу ісі» факультетінде білім алған.Еңбек жолын 1979 жылы №2 Қызылорда қалалық емханасында дәрігер болып бастап, бас дәрігердің орынбасары, бас дәрігер қызметтерін атқарды. №5 қалалық емханада, иммунтапшылығы синдромымен күрес орталығында бас дәрігер болған кезінде білікті маман әрі ұйымдастырушы ретінде халықтың ризашылығына бөленді.Құрметті зейнет демалысына шыққаннан кейін медицина орталығында қызметін жалғастырып, жас мамандарға саланың қыр-сырын үйретумен айналысып келеді.Бисенкүл Өтегенқызының еңбегі бағаланып, «Денсаулық сақтау ісінің үздігі» төсбелгісімен, «Ерен еңбегі үшін» медалімен марапатталды.Сізді Сыр жұртшылығының атынан мерейтойыңызбен шын жүректен құттықтаймыз!», – деді Н.Нәлібаев.</blockquote>Жиында облыс әкімі мерейтой иесіне Қызылорда облысының Құрмет грамотасын табыстап, дәстүрге сай құрмет көрсетті. Облыстық ардагерлер кеңесінің төрағасы Серік Дүйсенбаев, Қызылорда облысының құрметті азаматы Абдулла Шүленбаев, Денсаулық сақтау ісінің үздігі Қаракөз Балабекова сөз сөйлеп, ізгі тілектерін білдірді.Фото: Қызылорда облысы әкімінің баспасөз қызметі

Аймақ басшысы Денсаулық сақтау саласының ардагері Бисенкүл Кәрібаеваны 70 жас мерейтойымен құттықтады

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласындағы Достық үйінің мәжіліс залында облыстық Қазақстан халқы Ассамблеясы жанындағы Ақсақалдар кеңесінің үшінші отырысы өтті. Отырыста қоғам үшін маңызды мәселелер талқыланып, оларды шешуге қатысты нақты ұсыныстар қабылданды. Басқосуды кеңес төрағасы Нұрмұрат Ерманов жүргізді.Жиынға облыстық, қалалық, аудандық Ақсақалдар кеңестерінің төрағалары мен мүшелері, «Қоғамдық келісім» КММ қызметкерлері, этномәдени бірлестік өкілдері қатысты. Сондай-ақ Қызылорда облысы кәсіпкерлік және өнеркәсіп басқармасының, кәсіпкерлер палатасының, Жалағаш аудандық қоғамдық даму бөлімінің мамандары шақырылды.<img src="https://knadmin.beoblood.kz/uploads/552993459_4186342671684881_463562988539515378_n_1092fcffb6.jpg" alt="552993459_4186342671684881_463562988539515378_n.jpg">Кеңестің күн тәртібінде екі негізгі мәселе қаралды. Оның алғашқысы – бизнесті заңсыз әкімшілік қысым мен қылмыстық қудалау қатерінен қорғау жайы. Бұл тақырып бойынша Қызылорда облысы кәсіпкерлер палатасы директорының орынбасары Салават Құлмахан баяндама жасады. Ол өз сөзінде кәсіпкерлік саласындағы түйткілдер мен бизнестің дамуына кедергі келтіретін жайттарға тоқталып, оларды шешудің тетіктерін атап өтті.Күн тәртібіндегі екінші мәселе – Жалағаш ауданындағы этносаралық қатынастардың қазіргі жағдайына арналды. Бұл бағытта аудандық қоғамдық даму бөлімінің басшысы Жасұлан Еспенбет аймақтың әлеуметтік ахуалына талдау жасады.Жиында кеңес мүшелері ұсыныс-пікірлерін білдіріп, кәсіпкерлікті қолдау мен қоғамдық келісімді сақтау жөнінде өз ойларын ортаға салды.Қорытынды сөз сөйлеген кеңес төрағасы Нұрмұрат Ерманов баяндамашыларға алғыс айтып, алдағы уақытта айтылған ұсыныстардың тиісті мекемелерге ресми түрде жолданатынын жеткізді.

Қызылордада Ақсақалдар кеңесінің үшінші отырысы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев мемлекет және қоғам қайраткері Бақберген Сәрсенұлы Досманбетовты 80 жасқа толу мерейтойымен құттықтады. Басқосуға зиялы қауым өкілдері, мерейтой иесімен қызметтес болған замандастары қатысты.Аймақ басшысы Бақберген Сәрсенұлының еңбек жолына тоқталып, ізгі тілегін жеткізді.<blockquote>«Ресми жиынымыз адал еңбегімен халықтың ықыласына бөленген, өнегелі істердің ұйытқысы болған ардақты ағамыздың құрметіне арналады. Өңірдің дамуына елеулі еңбек сіңірген, есімі Сыр жұртына етене таныс Бақберген Досманбетов ағамыз 80 жасқа толды.Бақберген Сәрсенұлы 1945 жылы Қармақшы ауданында дүниеге келген. Мәскеу басқару институтының құрылыс және қала шаруашылығы факультетінде білім алған.Еңбек жолын теміржолда қарапайым жұмысшы ретінде бастап, әр жылдары бұрынғы Н.В.Гоголь атындағы Қызылорда педагогикалық институты, қазіргі Қорқыт ата атындағы университетте комсомол комитетінің хатшысы, аға оқытушы, кафедра меңгерушісі, проректор, ректор, Қызылорда қаласының әкімі қызметтерін атқарған.Экономика саласын зерттеп, 9 монография, 60 ғылыми мақала жазған.Қала әкімі болған тұста өңіріміздің тіршілігіне серпіліс әкеліп, жұмыс орындарының жандануына мүмкіндік жасады.Парламент Сенатының II, III, IV шақырылымының депутаты ретінде халықтың әл-ауқатын жақсартуға бағытталған бастамалар көтеріп, ел игілігін көздейтін заңдардың қабылдануына елеулі үлес қосты.Тәуелсіздіктің қалыптасу жылдарында елде жұмыссыздық белең алып, айлап-жылдап еңбекақы, зейнетақы берілмеді. Электр энергиясы жетіспей, көгілдір отын арман болып, арбалап ағаш тасығанымыз да көз алдымызда. Сондай заманда елді бірлікке үндеп, сабыр мен төзімнің үлгісін көрсеткен осындағы аға буын Сіздердің еңбектеріңіз ерен.Ерекше атап өтуіміз қажет, қаламыздың сол жағалауында орналасқан, көркі мен сәулеті келіскен «Болашақ» университетінің құрылғанына да 30 жыл толды.Бүгінде университеттен өңіріміз бен еліміздің еңбек нарығына қажетті мамандар білім алып, ел дамуына өлшеусіз үлес қосып келеді. Бұл – Бақберген Сәрсенұлы ағамыздың білім мен ғылымға деген құрметінің нақты көрінісі.Сыр жұртшылығының атынан Сізді мерейтойыңызбен шын жүректен құттықтаймыз! Ұзақ ғұмыр, деніңізге саулық, отбасыңызға бақ-береке тілейміз!», – деді Н.Нәлібаев.</blockquote>Басқосуда облыс әкімі мерейтой иесіне Қызылорда облысының Құрмет грамотасын табыстап, дәстүрге сай иығына шапан жапты. Ел ағалары Ибрагим Әбибуллаев, Бекмырза Еламанов, Нажмадин Мұсабаев, Сәпен Аңсат, Қылышбай Бисенов сөз сөйлеп, Бақберген Сәрсенұлының елге жасаған елеулі еңбегін атап өтті.Бақберген Сәрсенұлы Досманбетов экономика ғылымдарының докторы, «Болашақ», Қорқыт ата атындағы Қызылорда, Гумилев атындағы Еуразия ұлттық университеттерінің профессоры, Қазақстан Республикасы Жоғары мектебі Ғылым академиясының академигі, «Құрмет», «Парасат», ІІ дәрежелі «Барыс» ордендерімен марапатталған, Қызылорда облысының құрметті азаматы.Жиын соңында мерейтой иесі көрсетілген құрметке алғаусыз алғысын білдірді.Фото: Қызылорда облысы әкімінің баспасөз қызметі

Мемлекет және қоғам қайраткері Бақберген Досманбетов 80 жаста

Қиясы биік қаламгер

<a href="https://kyzylorda-news.kz/">Kyzylorda-news.kz</a> &nbsp;Отбасы – өнегенің өзі,тәрбиенің көзі.Оттың басында бойыңа сіңген тәлім-тәрбие бүкіл бітім-болмысыңды айшықтайды. Қазақтың тәрбиесі қалпыңды қалыптастырмаса, қадіріңді қашырмайтыны анық. Ақылдың кені болған ақсақалдар мен тәлімнің тетігі болған аналарымыздан үлгі-өнеге жұғым еткеннің ісі ілгерілеп, тіршілігі татымды болары хақ. “Бесікте жатқаныңда-ақ берген білім” дегендей тәрбиенің түп тамыры шаңырақта. Ал “Мерейлі отбасы” байқауы берекесі ұйысқан шаңырақтарды насихаттауға бағытталған. Биыл 11-ші рет өткізілгелі жатқан байқаудың тамыры тереңде. Ұлттық байқаудың облыс кезеңінің жеңімпаздары анықталды. Шараға облыс әкімінің орынбасары Мейрамбек Шермағанбет қатысып, отбасылық құндылықтың маңызы мен тәрбиелік тағылымы туралы орамды ойын жеткізді. Сондай-ақ республикалық кезеңге жолдама алған отбасыларды марапаттады.<blockquote>– Отбасы – ұрпақтар сабақтастығы мен адам бойындағы рухани-адамгершіліктің бастауы. Тек берік отбасылық дәстүрге орныққан ел ғана мызғымас мемлекет бола алады. Елдің бірлігі мен ынтымағы ең алдымен отбасыдан бастау алады. Әке – шаңырақ иесі, ана – отбасының жүрегі, бала – ертеңгі болашағымыз. Осы үштаған бірлікте болса, мемлекетіміз қуатты, қоғамымыз тұрақты болады. Ұлт қайраткері Мағжан Жұмабаевтың«Ата-аналар баланы тәрбиелегенде дәл өзіндей етіп тәрбиелеуге тырыспау керек, олар баланы өзінен күшті етіп тәрбиелеуі тиіс. Өйткені олардың заманы ата-аналарының өмір сүріп отырған заманына қарағанда анағұрлым күрделі, талабы жоғары болатынын ұмытпаған жөн» – деген тағылымды сөзі бар. Сіздер өнегелі ұрпақ тәрбиелеу арқылы еліміздің дамуы мен өркендеуіне өлшеусіз үлес қосып келесіздер. Барлығыңыз да шынайы құрмет пен мәртебелі мадаққа лайықтысыздар. Өңірлік комиссияның шешімімен Республикалық конкурста Жақсылық Дүйсенбайұлы Әбсадықовтың отбасы облысымыздың мерейін үстем етеді. Бүгінгі мерейлі күнде шаңырағында ізгі қарым-қатынас, игі дәстүрлер сақталып, өзара сыйластық салтанат құрған барлық отбасыға ризашылығымызды білдіреміз. Салтанатты сәтте әрбір отбасына жарасымдылық, шаттық, амандық пен бақ-береке тілеймін! Ата жолын жалғастырар мерейлі ұрпақ көбейе бергей,- деді Мейрамбек Зинабдинұлы.</blockquote>Конкурс қорытындысымен «Мерейлі отбасы» ұлттық конкурсы облыстық кезеңінің жеңімпазы болып Әбсадықовтар отбасы (Сырдария ауданы) танылып, бас жүлде иеленді. Аралдық Жақыповтар отбасына І орын, қармақшылық Әбілтаевтар әулетіне ІІ орын, қызылордалық Арысбаевтар отбасына ІІІ орын берілді.

Қазақстан және Қызылорда облысының жаңалықтары: Руханият