<a href="https://kyzylorda-news.kz/">Kyzylorda-news.kz</a> ҚМДБ «Зекет және қайырымдылық» қорының ұйымдастыруымен «Рамазан сыйы» республикалық телемарафоны өтті.Аталған шарада орталық мешіт 100 отбасына азық-түлік таратты.Діни басқарманың 35 жылдығына және Рамазан айының құрметіне орай ұйымдастырылған қайырымдылық марафонында еліміз бойынша 3500 отбасына қажетті азық-түлік себеттері таратылды. Айта кетейік, бір мезетте еліміз бойынша мешіт имамдары, «Зекет және қайырымдылық» қорының қызметкерлері мен еріктілері, дін жанашырлары, демеуші азаматтар атсалысты.Берекелі айда бастау алған бұл жоба жыл бойына жалғасын табатын болады. Жоспар бойынша 35 000 отбасыны қамту көзделген.Фото: Шиелі ауданы әкімінің баспасөз қызметі

«Рамазан сыйы»: Шиелі аудандық орталық мешіті республикалық марафонға үлес қосты

<a href="https://kyzylorda-news.kz/">Kyzylorda-news.kz</a> Қазақстан Мұсылмандары діни басқармасының Қызылорда облысы бойынша өкілдігі Діни басқарманың 35 жылдығына және қасиетті Рамазан айының құрметіне қызылордалық БАҚ өкілдері арасында «Менің алғашқы оразам» атты эссе байқауын жариялайды.Байқаудың мақсаты:Ислам құндылықтарын, асыл дініміз бен ата салтымызды кеңінен насихаттау, исі мұсылман баласы асыға күтетін, он екі айдың сұлтаны болған қасиетті Рамазан айының артықшылықтарын дәріптеу. Тәлімдік, тәрбиелік мәні бар шығармалар жазу арқылы қоғамды ізгілікке, жақсылыққа, қайырымдылыққа шақыру.Байқаудың міндеті:Өңірлік БАҚ өкілдерін ынталандыру,шығармашылық ізденістеріне қолдау білдіру,аймақтық басылымдар арқылы Рамазанның құндылықтарын әрбір оқырманға сезіндіру.Байқау шарттары:<ul><li style="text-align:justify;">Байқау облыстық деңгейде ұйымдастырылады.</li><li style="text-align:justify;">Байқауға Қызылорда облысында тіркелген кез келген БАҚ өкілдері қатыса алады (облыстық, қалалық, аудандық дәстүрлі, мерзімді баспа басылымдары, ақпарат агенттіктері, интернет-сайттар, теле, радио тілшілері).</li><li style="text-align:justify;">Байқауға қатысушыларға жас шектеуі қойылмайды.</li><li style="text-align:justify;">Байқауға тек эссе жанрында және қазақ тілінде жазылған шығармалар ғана қабылданады.</li><li style="text-align:justify;">Байқауға бұрын баспа бетінде жарияланбаған, тек байқау кезеңінде арнайы жазылған материалдар жіберіледі.</li><li style="text-align:justify;">Байқау қатысушыларынан авторлық құқықты сақтау қатаң талап етіледі, әрбір шығарма антиплагиат жүйесі арқылы тексеріледі.</li><li style="text-align:justify;">Байқауға әрбір қатысушы материалын Times New Rоman қарпімен, 14 мөлшерде, 1,0 аралықты сақтай отырып, А4 форматында 5 беттен аспайтын көлемде ұсынуы керек;</li><li style="text-align:justify;">Байқауға қатысушылар материалдарын және өзі туралы ақпаратты №1 қосымшадағы кестеге сәйкес толтырып, aqmeshit.baiqau@gmail.comэлектронды поштасына жолдауы қажет.</li><li style="text-align:justify;">Шығармашылық жұмыстарды қабылдау 2025 жылдың 3 наурызында басталып, 21 наурызда (Астана қаласының уақыты бойынша сағат 18:00-де) аяқталады.</li><li style="text-align:justify;">Байқауға 21 наурыз күні сағат 18:00-ден кейін келіп түскен және жоғарыда көрсетілген тақырыпқа қатысы жоқ, елімізді, тілімізді, дініміздімансұқтайтынматериалдар қабылданбайды.</li><li style="text-align:justify;">Байқау материалдарын сараптау барысында тақырыптың өзектілігі, мазмұнның ашылуы, шынайылығы, сапасы, жанрлық шартқа сәйкестігі,тілінің көркем, шұрайлы болуы және стилінің ұғынықтылығыесепке алынады.</li></ul>Байқау барысы:<ul><li style="text-align:justify;">Байқау жеңімпаздарын кәсіби журналистерден және дін мамандарынан жасақталған қазылар алқасы анықтайды.</li><li style="text-align:justify;">Жеңімпаздар Қадір түнінде (нақты уақыты қосымша хабарланады) марапатталады.</li><li style="text-align:justify;">Жүлде алған шығармалар өңірлік басылымдарда жарияланады.</li></ul>Жүлде қоры:<ul><li style="text-align:justify;">Бірінші орын – 70 000 (жетпіс мың) теңге;</li><li style="text-align:justify;">Екінші орын – 50 000 (елу мың) теңге;</li><li style="text-align:justify;">Үшінші орын – 30 000 (отыз мың) теңге.</li><li style="text-align:justify;">Бұдан бөлек, үздік деп танылған жұмыстарға ынталандыру сыйлықтары беріледі.</li></ul>Қосымша сұрақтар бойынша ақпаратты +7 700 896 96 00 нөміріне хабарласып, алуға болады.БАЙҚАУҒА ӨТІНІМ<figure class="table"><table><tbody><tr><td style="border:1.0pt solid windowtext;height:16.3pt;padding:0cm 5.4pt;vertical-align:top;width:24.8pt;">1</td><td style="border-bottom-style:solid;border-color:windowtext;border-left-style:none;border-right-style:solid;border-top-style:solid;border-width:1.0pt;height:16.3pt;padding:0cm 5.4pt;vertical-align:top;width:181.95pt;">Тегі, аты, әкесінің аты</td><td style="border-bottom-style:solid;border-color:windowtext;border-left-style:none;border-right-style:solid;border-top-style:solid;border-width:1.0pt;height:16.3pt;padding:0cm 5.4pt;vertical-align:top;width:260.5pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:24.8pt;">2</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:181.95pt;">Туған күні, айы, жылы</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:260.5pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:24.8pt;">3</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:181.95pt;">Жұмыс орны, лауазымы</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:260.5pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;height:15.15pt;padding:0cm 5.4pt;vertical-align:top;width:24.8pt;">4</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;height:15.15pt;padding:0cm 5.4pt;vertical-align:top;width:181.95pt;">Тұрғылықты мекен-жайы</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;height:15.15pt;padding:0cm 5.4pt;vertical-align:top;width:260.5pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:24.8pt;" rowspan="2">5</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:181.95pt;" rowspan="2">Байланыс құралдары (ұялы байланыс, e-mail)</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:260.5pt;">&nbsp;</td></tr><tr><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:260.5pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:24.8pt;">6</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:181.95pt;">Шығарманың атауы</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:260.5pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;height:24.15pt;padding:0cm 5.4pt;vertical-align:top;width:24.8pt;">7</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;height:24.15pt;padding:0cm 5.4pt;vertical-align:top;width:181.95pt;">Өтінім толтырылған күн</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;height:24.15pt;padding:0cm 5.4pt;vertical-align:top;width:260.5pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:24.8pt;">8</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:181.95pt;">Қолы</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:260.5pt;">&nbsp;</td></tr></tbody></table></figure>

«Менің алғашқы оразам»: БАҚ өкілдері арасында эссе байқауы өтпек

<a href="https://kyzylorda-news.kz/">Kyzylorda-news.kz</a> 8 наурыз – Халықаралық әйелдер күніне орай «AMANAT» партиясы Қызылорда облыстық филиалының алаңында түрлі салаларда ерлермен иық тірестіре еңбек етіп жүрген әйелдер қауымымен кездесу өтті.Мерекелік іс – шарада партияның облыстық филиалының төрағасы Алмасбек Есмаханов егемен елдің өркендеуі жолында әйелдер қауымының алар орны ерекше екенін айтып, игі тілегін жеткізді.<blockquote>«Тәуелсіз еліміздің бүгінгі күнге нығайып, әлем таныған абыройға жетуі мен Сыр өлкесінің қол жеткен жетістіктерінің барлығында бір қолымен бесік, екінші қолымен әлемді тербеткен әйелдер қауымының қолтаңбасы бар. Сіздер отбасының күнбе-күнгі шаруасын, бала тәрбиесін және қоғамдық жұмыстарды қоса атқара жүріп, қоғамдағы тұрақтылық пен ел бірлігін сақтау мәселесінде шешуші рөл атқарып келесіздер. Қазіргі елімізде әйел тек отбасының береке-бірлігін ойлайтын тұлға ғана емес, ол мемлекеттің - өмірге және саяси мәселелерге белсене араласатын қоғам мүшесі ретінде әлеуметтік қорғалу мен өмір сүру деңгейін арттыруға айрықша маңыз беріліп отыр.Соңғы жылдары Президент бастамаларының арқасында елімізде гендерлік теңдікті қамтамасыз ету бағытында маңызды өзгерістер енгізген саяси реформалар жүзеге асырылды. Бақытты ана мен балалар өмірін жақсарту бойынша жүйелі реформалар Мемлекет басшысының Жолдауларында және оның сайлауалды бағдарламасында, «AMANAT» партиясының сайлауалды бағдарламасында қаматылған. Қазір көпбалалы аналарға арналған жәрдемақы мөлшері ұлғайтылды, барлық бастауыш сынып оқушылары тегін тамақпен қамтамасыз етілді. Осы жылдың басында «Ұлттық қор – балаларға» бағдарламасы іске қосылды, оның аясында әр бала инвестициялық табыстан ақша алу мүмкіндігіне ие болды. Өз кезегінде, «AMANAT» партиясы да әйелдердің құқығын барынша қолдап келеді. Мәселен, партияның Әйелдер қанатының тікелей қатысуымен әйелдер мен балаларға қатысты зорлық-зомбылықтың алдын алу туралы заң әзірленді, партиялық тізімдерде гендерлік квоталар енгізілді. «Tomiris» жобасы аясында әйелдердің саяси көшбасшылын дамытуға арналған оқыту курстары ұйымдастырылуда. «Балаңа уақыт арна!», «Қарызсыз қоғам», «Ауыл аманаты» секілді көптеген партиялық бастамалар мен жобалар әйелдердің мүддесін қорғауға бағытталған. Алыптың да анадан туатынын ескерсек, нәзік жандыларға деген құрмет те, қошемет те, қолдау мен қорғау да мемлекеттік тұрғыда күн тәртібінен түспейтін маңызды мәселе болып қала береді»-деді құттықтау сөзінде Алмасбек Есмаханов.</blockquote>Бүгінгі таңда «AMANAT» партиясының Қызылорда облысы бойынша бойынша 46 мыңнан астам партия мүшесі бар болса, оның 60 пайыздан астамын әйелдер қауымы құрайды. Облыстағы барлық деңгейдегі мәслихаттардағы «AMANAT» партиясының 125 мандатының 23-і әйелдер үлесінде. Олар партияның облыстық филиалы жанындағы түрлі кеңестерге, фракция жұмысына белсене араласып, беделді еңбек етіп келеді.&nbsp;<img src="https://knadmin.beoblood.kz/uploads/1_T_rli_salada_e_bek_etip_zh_rgen_arular_a_rmet_k_rsetildi_e3c5114169.jpg" alt="1Түрлі салада еңбек етіп жүрген аруларға құрмет көрсетілді.jpg">

Түрлі салада еңбек етіп жүрген аруларға құрмет көрсетілді

<a href="https://kyzylorda-news.kz/">Kyzylorda-news.kz</a> Қызылордада Қазақстан халқы Ассамблеясының 30 жылдығына орай Достық үйінде “Ұлттық киімді ұлықтайық” атты мерекелік іс-шара ұйымдастырылды. Бұл тағылымы мол шараны «Қызылорда облысы бойынша әйелдер күші альянсы» қоғамдық бірлестігі, «Қазақстандағы орыс қауымдастығы» Қызылорда облыстық филиалы және «Ассамблея жастары» ұйымы бірлесіп өткізді.Шараның ашылуында «Қызылорда облысы бойынша әйелдер күші альянсы» қоғамдық бірлестігінің төрағасы, ҚХА ардагері Рахима Ахметова мен облыстық қоғамдық даму басқармасының “Қоғамдық келісім” мекемесінің директоры Бақытжан Камалов сөз алып, ұлттық киімдердің мән-маңызын, оның әр халықтың мәдениетінің ажырамас бөлшегі екенін және ұлттық киім тек сыртқы көрінісіміз ғана емес, оның астарында біздің тарихымыз бен болмысымыз жатқандығын атап өтті.«Қазақстандағы орыс қауымдастығы» Қызылорда облыстық филиалының төрағасы Наталья Мишукова және «Ассамблея жастары» ұйымының төрағасы Елена Пак та бүгінгі мерекелік шеруде сөз сөйлеп, ұлттық киім – ұлттық болмыстың көрінісі. Ұлт киімі арқылы сол ұлттың тарихы, мәдениеті сыр шертеді деп атап өтті.Мерекелік шараның көрігін «Қуаныш» әжелер ансамблі әсем әндерімен әрлеп, көпшілікке ерекше көңіл-күй сыйлады. Кейін ұлттық киімдер шеруі басталып, қазақтың ұлттық киімін киген әжелер мен немерелер ұрпақ сабақтастығының үлгісін көрсетіп, көпшіліктің құрметіне бөленді. Шара барысында «Ассамблея жастары» ұйымының белсенділері әртүрлі этностардың ұлттық киімдерінде өздерінің ерекше топтамаларымен көрермендерді таң қалдырды. Ал «Ботақан» балабақшасының бүлдіршіндері қазақтың киімдерінде сән көрсетілімін жасады.Бұл мерекеде елге танымал дизайнерлер Айман Абди мен Светлана Цойдың ұлттық киімдер топтамасы да ерекше орын алды. Шара соңында белсенді қатысушылар Бақытжан Камаловтың алғысымен марапатталды.Ұлттық киім – біздің мәдениетіміздің, тарихымыз бен болмысымыздың жарқын көрінісі. Мұндай іс-шаралар ұрпақтар сабақтастығын сақтап, еліміздің бірлігін арттыра түспек.<img src="https://knadmin.beoblood.kz/uploads/ltty_kiimdi_ly_tajy_merekelik_sharasy_tti_1_f5929604ea.jpg" alt="“Ұлттық киімді ұлықтайық” мерекелік шарасы өтті 1.jpg">

“Ұлттық киімді ұлықтайық” мерекелік шарасы өтті

<a href="https://kyzylorda-news.kz/">Kyzylorda-news.kz</a> «AMANAT» партиясының «Бақытты отбасы», «Ұлттық мұра» жобалары аясында партияның Байқоңыр филиалына қарасты «Мәметова» бастауыш партия ұйымының ұйымдастыруымен отбасы институтын нығайту және балаларды рухани-адамгершілікке тәрбиелеу мақсатында «Анам және мен» тақырыбында шара өтті.Іс-шара қыз баласының бойына ананың жақсы қасиеттерін сіңіру, аналарынан үйренгенін күнделікті өмірде қолдана білуге дағдыландыру, ата-анаға деген құрмет, сүйіспеншілік, мақтаныш сезімін ұялатуға тәрбиелеу бағытында өткізілді.Танымдық шарада өз ана тілін, мәдениетін, салт-дәстүрін, ұлттық ән, би өнерлерін меңгерте отырып, қазақ қызына тән қасиеттермен сусындатты.<blockquote>«Мәметова» бастауыш партия ұйымының төрағасы Гүлнұр Қайнарбаеваның айтуынша бүгінгідей балаларымыздың түрлі гаджеттерге телмірген тұсында бала тәрбиесі - баршаға ортақ.«Отбасы институтын нығайту және оның қоғамдағы рөлін арттыру – «AMANAT» партиясының Саяси тұғырнамасындағы негізгі басымдықтардың бірі. Өткен жылы партияның Әйелдер қанаты ата-аналар балаға көбірек көңіл бөлуі үшін «Балаңа уақыт арна!» акциясын жариялады. Біз балабақша базасына келіп, ондағы балғындар мен олардың аналарын бірге қосып, шара өткізіп отырмыз. Бұл бір жағынан балабақшадағы тәрбиеші мен ата-ананың ынтымақтастығын арттырса, екінші жағынан тәжірибені өмірде қолдана білу мүмкіндігін қалыптастырады.&nbsp;Әрбіріміз баламызға уақыт бөлуді ұмтыпайық»,-деді Гүлнұр Қайнарбаева.</blockquote>

Жобалар аясында танымдық – тәрбиелік шара өтті

<a href="https://kyzylorda-news.kz/">Kyzylorda-news.kz</a> Кәсіби дағдылар мен тәжірибені қажет ететін өндіріс, құрылыс, ауыл шаруашылығы, қызмет көрсету және басқа да көптеген салаларда сұранысқа ие жұмысшы мамандар – кез келген елдің экономикасының негізі. Жұмысшы кадрларсыз зауыттар мен фабрикалар дамымайды. Осындай мамандардың көмегімен жұмысы алға басып жатқан «Абай Дәулет» ЖШС көп салалы кәсіпорын.&nbsp;Серіктестікте 180-нен астам өз саласының жоғары білікті мамандары жұмыс істейді. Солардың бірі – күріш ақтау зауытында зертхана жетекшісі Сәуле Шакенова. Оның айтуынша мамандығы бойынша жұмыс істеп жүргеніне 40 жыл болған. 1985 жылы Алматы қаласынан оқу бітірген Сәуле Сағатқызы жолдамамен «Астық өнімдері» комбинатына жұмысқа орналасады. Содан бері сыр салысының тұтынушыларға сапалы әрі зиянсыз жетуі үшін тер төгіп келеді. Бүгін өңірлік коммуникациялар қызметінің ақпарат алаңына келген зертхана жетекшісі күріш өндірісіндегі жұмыс тәжірибесімен бөлісті.<blockquote>«Сыр елінің брендіне айналған күріш өсіру, өңдеу саласында жұмыс істеп келе жатқаныма биыл 40 жыл болды. «Диқан», «Абзал и К» зауыттарында да жұмыс істедім. Бүгінгі жұмысым «Абай Дәулет» серіктестігінде. Сырдария ауданындағы Бесарық ауылында орналасқан серіктестік мыңдаған гектар жерге күріш егеді. Олар шығаратын «Лидер» және «Янтарь» бүгінгі таңда ең танымал күріш сорттары. Өсіру кезінде жоғары сапалы тыңайтқыштар пайдаланылады. Бұл халықты экологиялық таза, сапалы өніммен қамтамасыз етуге мүмкіндік береді. Шикізатты өңдеу заманауи күріш зауыттарында жүзеге асырылады. Зауыттардың бірегейлігі – күріш қауызын ұнтақтайтын қондырғылар орнатылған. Осылайша, мұнда қалдықсыз өндіріс жолға қойылды. Күріш қалдықтары малға құнарлы жемге айналады. Компания өндіретін өнімнің сапасы мен қауіпсіздігі ҚР СТ ИСО сапа менеджменті жүйесіне, тамақ өнімдерінің қауіпсіздігі менеджментіне сәйкестік сертификаттарымен расталады. Салмағы 5 кг, 10 кг, 25 кг заманауи қаптамадағы «SYR DANI» сауда маркасымен күріш ішкі нарықта сатылып, көрші мемлекеттерге де экспортталады. Менің жұмысым зертханада халық сұранысына сай тағамдардың қауіпсіздігін бақылап, еліміздің және халықаралық стандарттарға сәйкес өнім дайындау. Сыр салысын өңдеу саласына қызығушылық танытқан жастарға мүмкіндік көп. Біздің жұмысшылар тұрақты біліктілігін арттырып, маман ретінде тәжірибелерен өтіп тұрады. Жаңа технологияларды игеріп, саланың дамуына үлес қосуда, – деді Сәуле Шакенова.</blockquote>

Сыр салысының сапасын саралайтын маман

<a href="https://kyzylorda-news.kz/">Kyzylorda-news.kz</a>&nbsp; Қазақта «Адамды істі қалай бaстағанына қарап емес, қалай аяқтағанына қарап бағала» деген сөз бар. Ондай кісілердің қашан да шоқтығы биік тұрады. Солардың бірі – Серік Қалменов десек жаңылмаймыз.Өзі ақпанның алғашқы аязды күні дүниеге келген соң қандай қиыншылықты да жеңуге болатынын біледі. Оның пікірінше, қатал қыс қамсыз отырғанды ғана сынайды. Қай шаруа да ұқыптылықты сүйеді. Бұған дейін ірі мекемелерде прораб, бөлім басшысы секілді жауапты қызметтер атқарған Серік 2010 жылдан бері қалалық мәдениет және тілдерді дамыту бөлімі базасында бас инженер болып қызмет істеп келеді. Сенім мен жауапкершілікке мығым кісі өткен жылы еңбек зейнетіне шықса да оны ұжым демалысқа жібергісі жоқ. Өйткені ол бесаспап маман.<blockquote>– Мәдениет саласы тоқтаусыз тірлік кешетін конвейерге ұқсайды. Түрлі шараларға дайындық жүргізеді, қаланың мәдени өмірін дамытуға атсалысады, әйтеуір әрекеті мен берекеті мол. Бірде көлік жүргізу, бірде жылу жүйесін қадағалау, бірде сахнаның сәнін келтіру секілді қат-қабат шаруаға араласуға тура келеді. Мен үшін істің нәтижелі болғаны үлкен табыс, – дейді Серік Қалменов. Жалпы, жұмыстың жеңілі жоқ. Оның үстіне істің адамы тірлік десе тағат таппайды. Осындайда Серіктің мол тәжірибесі, кәсіби шеберлігі сала қызметін жандандыруға дәнекер болып, дем беріп келеді.</blockquote>

Тәжірибелі маманның ісі тындырымды

<a href="https://kyzylorda-news.kz/">Kyzylorda-news.kz</a> Қызылорда қалалық орталық «Нұр» мешітінде ақсақалдар арасында «Батамен ел көгерер» атты облыстық бата беру сайысы өтті. Оған аталған жарыстың аудандық және қалалық іріктеу кезеңінің жеңімпазы атанған 10 батагөй қария қатысып, өзара сынға түсті.Байқауға Қызылорда облысының бас имамы Дастан Құрманбаев арнайы қатысып, барлық қатысушыларға өз алғысын жеткізді.<blockquote>– Бата – дана халқымыздың ғасырлар бойы сақталып келе жатқан айрықша дәстүрлерінің бірі. «Жаңбырменен жер көгерер,Батаменен ел көгерер», «Қарғыс алма, алғыс ал», «Ақсақалдан бата алған,Құдайдың рақметіне жолығар» деген бабаларымыз батаның адам өміріндегі ерекше орнын кейінгі ұрпаққа дәріптеп, ұғындырып отырған. Оның маңыздылығын Мұхаммед пайғамбарымыздың (с.ғ.с.) хадистерінен де көреміз.Мысалы, Әнәс сахабаны (р.а.) анасы жас кезінде Пайғамбарымызға (с.ғ.с.) алып келіп, оған ұлыныңқызмет жасауын қалап, бата сұраған. Сонда Пайғамбарымыз (с.ғ.с.): «Уа, Алла, оның малына, өміріне, береке бер», деп бата жасайды. Сол батаның шарапатынан Әнәс сахаба өте дәулетті және ұрпағы көп болып, ұзақ өмір сүрген. Бұл дәстүр біздің халқымызда да бар. Кезінде ата-әжелеріміз кішкентай немерелерін жетектеп жүріп, ауызы дуалы, көпті көрген қариялардан бата сұраған. Біз Зере әжеміздіңҚұнанбайдыКеңгірбай биге апарып бата сұрағандығын, Төле бидің Жетес биден, Әнет бабадан, Әйтеке бидің Қосуақ биден бата алғандығын жақсы білеміз. Ал асыл дінімізде батаны «дұға» деп атайтыны баршаға аян. Алла Тағала мен құлының арасындағы байланысдұға арқылы орнайды. Дұға – мұсылманның қаруы, ғибадаттың негізі, діннің тірегі. Бата беру – дұға ету деген сөз. «Баталы құл арымас, батасыз құл жарымас» деген сөздің өзі қазақтың дүние танымында оныңтәрбиелік маңызы зор екендігін көрсетеді. Игі дәстүрімізді ардақтап, бата беру дәстүрін жаңғыртып келе жақан бүгінгі ақсақалдарымызға Алланың нұры жаусын, – деді Дастан Жанасұлы.</blockquote>Байқау екі кезеңнен тұрды.Ақсақалдар бірінші кезекте қазақтың салт-дәстүрлерінебайланысты сұрақтарға жауап берсе, екінші кезеңде бата беруденжүйрікті анықтады. Онда алдымен би-шешендердің, танымал тұлғалардың батасын айтуға тиіс болса, екіншісінде өздері шығарған батаны беру шарты қойылды.Бата сайысына қоғам қайраткері, «Айтыстың ақтаңгері» атанған ақын Серік Ыдырысов пен Қазақстан Журналистер одағы сыйлығының лауреаты, Ақпарат саласының үздігі Нұрсұлтан Мықтыбай қазылық етіп, баға беру барысында қариялардың сөз саптауы, батаның мағынасы, ұйқасы, жатқа айтуы, киім үлгісі мен сұрақтарға толық жауап беруіне баса мән берді.Ерекше атап өтерлігі, байқауға қатысушылардың ең үлкені 90 жаста болды.Сайыс қорытындысымен жалағаштық Берікбай Айназаров жеңімпаз атанса, қалған екінші, үшінші орындарға қазалылық Қадырбек Бекет, қызылордалық қос қария Серіәлихан Ахметұлы мен Оразбай Жакешов лайықты деп танылды. Жеңімпаздар мен барлық қатысушыларға арнайы дипломдар, қаржылай сыйлықтар табысталды.Айта кетейік, аталған байқау Қазақстан мұсылмандары діни басқармасының 35 жылдық мерейтойы аясында ұйымдастырылды. Жеңімпаз атанған Берікбай Айназаров алдағы уақытта Астана қаласында өтетін «Ақсақалдар арасындағы ІІ республикалық бата беру байқауында» облыс намысын қорғайтын болады.

«Батамен ел көгерер» атты сайыс өтті

<a href="https://kyzylorda-news.kz/">Kyzylorda-news.kz</a> Рамазан – жақсылық пен мейірімге толы ерекше ай. Күллі мұсылман күтетін қасиетті рамазан айы 1-29 наурыз аралығында өтеді. Ал, ораза айт мерекесі 30 наурызға тура келеді. Қасиетті Қадір түні 26-нан 27-не қараған түні өтеді. Бұл туралы бүгін «Ақмешіт-Сырдария» мешітінің бас имамы Дастан Құрманбаев айтты.&nbsp;<blockquote>– Баршаңызды мұсылмандар үшін қасиетті болып саналатын Рамазан айының келуімен құттықтаймын! Бұл айда қайырымдылық пен жанашырлық, ізеттілік пен имандылық сияқты қасиеттерді дәріптейтін ерекше кезең. Биыл Рамазан айы 1-і наурызда басталады. Ал наурыз айының 26-нан 27-не қараған түн – қасиетті Қадір түні. 30-ы наурыз – ораза айт мерекесі. Биыл Рамазан айында 29 күн ораза ұстаймыз. Сонымен қатар, Қазақстан мұсылмандары діни басқармасының Төралқа мәжілісінде биылғы пітір садақасының мөлшері 655 теңге болып белгіленді. Пітір садақаның мөлшері еліміз бойынша 2 келі ұнның орташа бағасымен есептелді. Ал ұнның бағасы ҚМДБ-ның қала және облыс өкілдіктерінің берген мәліметі негізінде анықталды. Пітір садақасын құрма, мейіз бағасымен де беруге болады. Сонымен қатар “Рамазан қоржыны”, “Мұқтаждарға 35 мың азық-түлік себет” республикалық телемарафоны, “Құран сыйла Уақып ет”, “Рамазанда бір тал ек”, “Рамазан сыйы” сынды қайырымдылық акцияларын және түрлі форматтағы іс-шаралар мен жарыстар өткізу жоспарлануда,-деді, Дастан Жанасұлы.</blockquote><img src="https://knadmin.beoblood.kz/uploads/Ramazan_bereke_men_mejirimge_toly_asietti_aj_dbef4e2dce.jpg" alt="Рамазан – береке мен мейірімге толы қасиетті ай.jpg">Фото: Freepik

Рамазан – береке мен мейірімге толы қасиетті ай 

<a href="https://kyzylorda-news.kz/">Kyzylorda-news.kz</a> Наурыз айындағы мерекелер тек табиғаттың жаңаруы мен көктемнің келуін атап өтумен шектелмейді. Бұл мерекелер халық арасында достықты, сыйластықты және бірлікті нығайтуға, еліміздің мәдени мұрасын сақтауға бағытталған. Наурыз айында өткізілетін әрбір мереке өзінше маңызды және терең мағынаға ие. Ал бұл мерекелерді өңірде кең көлемде атап өту мақсатында түрлі іс-шаралар жоспары бекітілді. Бұл туралы облыс әкімінің орынбасары Шахмардан Байманов брифингте баяндады.Көктемнің алғашқы мерекесі Алғыс айту күні - биыл Қазақстан халқы Ассамблеясының құрылғанына 30 жыл толуымен қатар келіп отыр.<blockquote>- «Бірлік пен ынтымақтастыққа 30 жыл» айдарымен біз қазақылықтың қаймағы бұзылмаған Сыр өңірінің мызғымас бірлігі мен әрбір азаматтың Отанға деген мәңгілік сүйіспеншілігін одан әрі ұлықтауымыз қажет. Мерекелік іс-шаралар 25 ақпан – 2 наурыз аралығында ұйымдастырылады. Апта көлемінде облыс бойынша 200-ге жуық кешенді іс-шаралар облыс орталығымен қатар, аудандарда және барлық елді мекендерде өткізіледі. Негізгі іс-шаралар 1 наурыз күні Достық үйінде Қазақстан халқы Ассамблеясының 30 жылдығына арналған тақтаның ашылу салтанатынан бастау алады. Одан әрі аймақ басшысының қатысуымен салатанатты іс-шара, гүл шоқтарын қою рәсімі, «Қайырымдылық қоржыны» акциясы ұйымдастырылады, - деді облыс әкімінің орынбасары.</blockquote>8-наурыз Халықаралық әйелдер күнін мерекелеудің қалыптасқан дәстүрі аясында облыс көлемінде 173 іс-шара өткізілмек. Жұмысшы мамандықтарға басымдық беріле отырып, барлығы 50-ге жуық нәзік жандар қатысатын аймақ басшысының мерекелік қабылдауы 7 наурызға белгіленген.Былтырдан бері елімізде «Наурыз мейрамын атап өтудің тұжырымдамасы» қабылданған. Соған сәйкес Наурызнама онкүндігі 14-23 наурыз аралығында өтеді.<blockquote>- Биыл да Наурызнама онкүдігінде әр күнге арнайы тақырыптар бекітілді. Осы бағытта облыс көлемінде 103 іс-шара жоспарланса, оның 38-і облыстық деңгейде өткізіледі. 14 наурыз – «Көрісу күні - Амал мерекесі» атап өтуден «Наурыз» мейрамын тойлау бастау алады. 15 наурыз – «Қайырымдылық күні», 16 наурыз – «Мәдениет және ұлттық салт-дәстүр күні», 17 наурыз – «Шаңырақ күні», 18 наурыз – «Ұлттық киім күні», 19 наурыз – «Жаңару күні», 20 наурыз – «Ұлттық спорт күні», 21 наурыз – «Ынтымақ күні», 22 наурыз – «Жыл басы», 23 наурыз – «Тазару күні» наурызнаманың қорытынды күні жалпыұлттық экологиялық акция ұйымдастырылып, «Тазалық эстафетасы» басталады, - деді облыс әкімінің орынбасары.</blockquote><img src="https://knadmin.beoblood.kz/uploads/Nauryz_601c612cfa.jpg" alt="Наурыз.jpg">Фото: Нұрболат Нұржаубай&nbsp;

Наурыз айындағы мерекелер Қызылордада қалай тойланады?

<a href="https://kyzylorda-news.kz/">Kyzylorda-news.kz</a> Қазақтың заңғар ақыны Мағжан Жұмабаевтың: «Жас бала – жас бір шыбық, жас күнінде қай күйде иіп тастасаң, есейгенде сол иілген күйінде қатып қалмақ», – деген сөзі бар. Бала – ізімізді жалғар болашағымыз. Халқымызда &nbsp;«адам ұрпағымен мың жасайды» деген тәмсіл бар. &nbsp;«Тәрбие басы – тал бесік» деген бабаларымыз ұрпақ мәселесіне ерекше көңіл бөлген. Бесікте жатқанында құндақтағы баласын бесік жырымен өсірген. Одан өсе келе халықтық ертегілер мен аңыз-әпсаналарды айтып, &nbsp;небір батырлар жырлары арқылы еркіндік пен әділдікті сүйетін қазақы рухты бойларына сіңірген. Дала мектебінен тәлім алған ата-бабаларымыз болашақта ізін жалғар, тұяғын басар ұл-қыздарына осылайша тәрбие беріп отырған. Қазірше? «Ұлым – ізгі арманым, қызым – қызғалдағым» дейтін қазақы тәрбиенің бүгінгі көрінісі қандай?..БЕСІК ЖЫРЫН АЙТАТЫН АНАЛАР ҚАЙДА КЕШЕГІ?Тәрбие туралы сөз қозғағанда ойымызға бірден «Тәрбие басы – тал бесік» – деген бабадан қалған асыл сөз оралады. Осы сөздің астарында ұғынған адамға көп мағына жатыр. Мақаланы әзірлегенде көпбалалы ана, ақ жаулықты әже Оспанкүл Тағарованы сөзге тартқан едік. Жасы 80-нен асқан ана бесік жырының бала тәрбиесіндегі мәні зор екенін айтты. – Бұл дүниеден мүлдем бейхабар келетін баланың ойы үнемі далада болады. Өйткені, ананы білсем, мынаны көрсем деген ниетпен сәби қолына түскеннің барлығын аузына сала береді. Тіпті, қайдан табатыны &nbsp;белгісіз әйтеуір қолына бесікте жатса да қыл-қыбырды жинап алатын да балалар болады. &nbsp;Айналаны көзбен көріп, қолмен ұстап, иіскеп не дәмін татып зерттейтін бүлдіршіндер үшін бесіктегі тәрбиенің мәні зор. Себебі, сәби өмірге келгеннен кейін не бары бір аптаның ішінде естіп, көріп, анасын танитын көрінеді. Естіп отырған балаға тек жақсы сөздерді айтудың қаншалықты маңызды екенін түсінген аналарымыз бесік жырын айтудан жалыққан емес, – дейді О.Тағарова. Қазір бала туыла салысымен аналары ұйықтату үшін ұялы телефондардың әуендерін қосып қояды. Қосқанда да бесігіне алып барып, бас жағына жастығының астына сәбидің құлағына естілетіндей етіп қояды. Күнде анасының махаббатқа толы нәзік үнін емес, ұялы телефондардағы даңғыраған музыканы естиді. «Балам үшін қазақша ән қосамын» дейтіндер де бар. Мұндайда, еріксіз бесік жырын айтатын, аналар қайда кешегі? деген сауал туындайды екен. Бала үшін анасының үнінен артық ештеңе жоқ екенін ұмытуға болмайды. Оның үстіне ұялы телефондар ересек адамдардың өзіне зиянын тигізіп жатады. Баласының көңілі далада болса да, анасының көңілі балада болуы керектігін бабаларымыз әлдеқашан айтып кеткен. Балаға ана сүтімен бірге ана тілі дарып, бойына ұлттық тәрбие мен салт-сана даритыны дәлелдеуді қажет етпейтін аксиома. Сол себепті, тәрбие мәселесіне келгенде ананың сүті мен тілі, жылылыққа толы құшағы, махаббатқа толы үні басты орында болып табылады.&nbsp;БАЛАҢЫЗ ҚАНДАЙ МУЛЬТФИЛЬМ КӨРЕДІ?Күллі әлемді мойындатқан ғұлама ұстаз Әл-Фараби бабамыз: «Балаға бірінші тәрбие, сонан соң барып білім берілуі керек» – деп айтқан екен. Ал, тәрбие берудің жолы көп. Соның бірден-бірі ретінде баланы жаман әдеттерден аулақ етіп, әрбір қадамын қадағалау деп айтар едік. Сәрсен Білтебаев есімді жасы 70-ке таяған азамат бала тәрбиесінде ойынның да алар орны зор екенін жеткізді. – &nbsp;Бала күнімізде ләңгі теуіп жүрсек те, асық атып ойнасақ та үнемі үлкендердің көз алдында болушы едік. Кімнің ауласына барсақ, сол үйдегі үлкендер сырттай бақылайтын. Көшеде ойнағанның өзінде бір-бірімен қауқылдасып отыратын шал-кемпірлер тәртібімізді қадағалап отыратын. Ойын ойнап жүрсек те назар салып, үлкен тәрбие беретін жандардың ортасында болатынбыз. Қазіргілер бұрынғының балалары сияқты көшеде ләңгі теуіп, шеңбер сызып асық атып жатпайды. Тіпті, кейбір балалар үшін бұл ойындар ертегі мен аңыз секілді болып қалды, – деді С.Білтабаев ағынан жарылып.&nbsp; «Ауруын жасырған өледінің» кейпін кимей, &nbsp;заманға тіке қарайтын уақыт жетті. «Қаланың баласы ондай, қаланың баласы мұндай» деп әңгіме айтатын кез әлдеқайда қалған. Себебі, қаланың да, ауылдың да баласының көрген-баққаны компьютердегі ойындар мен теледидардағы &nbsp;мультфильмдер.&nbsp; Алдымен, компьютердегі ойындардан бастайық. Балаңыздың қандай ойынмен әлек болып жүргенін білесіз бе? Білмесеңіз көңіл бөлгеніңіз жөн. Өйткені, қазіргі ойынның басым бөлігі қырып-жоюға арналған. Жатқан атыс-шабыс. Бірінде террористермен атысса, енді бірінде көшені кезіп білгенін жасап жүреді. Мұндай ойындарда балалар адамды қалай өлтіру қажет, ол үшін қандай қарулар қолданатынын жадыларына әбден тоқиды. Бұл дегенің масқара ғой. Осындай ойындарды ойнап жүрген баламызды бақылауда ұстаймын не болмаса қазақы тәрбие беремін деу бекершілік сияқты. Үнемі теледидардың алдында отыратын балаларымызға да ерекше назар аудармасақ болмайды. Олардың қандай мультфильм көретінін ата-аналар білуі қажет. Себебі, кейбір мультипликациялық &nbsp;фильмдердің маңызы мен мағынасы болмайды. Әйтеуір жатқан далсаса. Мысал ретінде «Губка Бобты» алайық. Басты &nbsp;кейіпкер адам да емес, жануар да емес губка. Оған тағы «Боб» деген есім беріп қойған. Мультсериалдағы оқиғалар тізбегі теңіздің астында өрбиді. Бір күні осы мультфильмді көріп отырған балам: «әке, судың астында да өмір сүруге болады екен ғой» – демесі бар ма. Балама суда адам баласы өмір сүре алмайтынын, оған тек арнайы құрылғылар арқылы түсу қажеттігін түсіндіргендей болдым. Құдай сақтасын, бірақ, осындай оймен суға түсіп кетсе, қандай жағдай орын алатынын өзіңіз де сезетін шығарсыз? Осы типті мультфильмдерде кейіпкерлердің өзі жағымды бола тұра ылғи жаман әдеттерге әуес болады. Сол үшін бір уақыт болса да «осы біздің баламыз не көріп жүр өзі» деп назар аударғанымыз абзал. Біз бұл ойымызбен шетелдің балаларға арналған мультфильмдерін көрсетпеу керек деуден аулақпыз. Олардың ішінде де балаға ақ пен қараны үйрететін көңіл көншітерлік дүниелер жеткілікті. Балалардың барлығы білетін «Саяхатшы Дарада» бүлдіршіндерге санауды, бірге ойнауды, жұмбақтарды шешу үшін ойлануды үйретеді. &nbsp; Қазір құдайға шүкір, отандық телеарналардан қараған адам сүйсінетін, беретін тәрбиесі мол тәлімді мультфильмдер көрсетілуде. Әсіресе, тарихымызбен сабақтасатын, салт-дәстүрімізбен үндесетін мультфильмдердің саны артып келеді. Мәселен, «Балапан» арнасынан берілетін «Әли мен Айя», «Данышпан қарға» секілді мультипликациялық &nbsp;фильмдер балалардың таным-түсінігін кеңейтсе, «Батырлар», «Қазақ елі» сияқты мультфильмдерден тарихын танып біледі.СӨЗ СОҢЫ:Бала тәрбиесіне келгенде босаңсуға болмайды. Бір қытайдан келген қандас бауырымыз «қазақтар балалары қарапайым кесені сындырып қойса жер-жебіріне жетіп ұрсады, қытайлар керісінше ештеңе етпейді, сен осы елдің болашағы үшін еңбек етенін ұлы ғұлама боласың деп өсіреді», – дегенді айтып еді. Мұны естігенде қатты таңдандым. Абай хәкім айтпақшы: «болмасаң да ұқсап бақ» дегенді баламыздың санасына құя бергеніміз дұрыс-ау шамасы. Себебі, жақсылыққа ұмтылғандардың жамандыққа бой алдырғанын көрмеппін.&nbsp;Әзиз ЖұмаділдәұлыФото: Нұрболат Нұржаубай

Жақсылыққа ұмтылғандар жамандыққа бой алдырмайды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев еңбек ардагерлері Хұсейін Әмір-Темір, Сәдуақас Аңсат және Мұхит Әбдікәрімовті мерейтойымен құттықтады.«Мемлекет басшысы Қасым-Жомарт Кемелұлы Ұлттық құрылтайда: «Адал еңбек етіп, адал табыс тапқан адам жетістікке жетеді, құрметке ие болады. Нағыз еңбек адамы бұл – істің адамы, яғни әр ісіне, әр қадамына жауапкершілікпен қарайтын адал азамат. Әділетті Қазақстан және Адал азамат ұғымдары ел тірегі болатын егіз құндылық ретінде әрдайым қатар тұруға тиіс», – деген болатын.Біз, елдік істе адал қызмет атқарып, саналы ғұмырын аймағымыздың әлеуметтік-экономикалық, мәдени-рухани дамуына арнаған, елдің қошеметіне бөленген азаматтарды ардақтап, лайықты құрмет көрсетуді дәстүрге айналдырдық.<blockquote>– Бүгін Н.Бекежанов атындағы өнер ордасындағы жарты ғасырға жуық қызметімен қоғам құрметіне кенелген Қазақстанның еңбек сіңірген қайраткері, «Құрмет» орденінің, «Ерен еңбегі үшін», «Еңбек ардагері» медальдарының иегері, Қызылорда облысының Құрметті азаматы Хұсейін Жүсіпұлы Әмір-Темір ағамыздың мерейлі 85 жасқа, «Халықаралық «Қазақ тілі» қоғамы» қоғамдық бірлестігі Қызылорда облыстық филиалының төрағасы және республикалық «Тіл сақшысы» ақпараттық-танымдық газетінің бас редакторы, мемлекеттік тіліміздің жанашыры, Қармақшы ауданы мен Қызылорда қаласының Құрметті азаматы, «Парасат» орденінің иегері Сәдуақас Аңсат ағамыздың 80 жасқа және Қызылорда қаласының Құрметті азаматы, Қазақстанның еңбек сіңірген қайраткері Мұхит Әбдікәрімов ағамыздың мерейлі 70 жасқа толуына орай арнайы бас қосудамыз. Құрметті ел ағалары, мерейтойларыңыз құтты болсын! Сыр жұртшылығы сіздердің қазақ театр өнерінің өркендеуіне, ана тіліміздің жаңғыруына қосқан елеулі еңбектеріңізді құрметтейді. Абыздық асқақ мерейге, кемеңгерлік кезеңге жетіп, ел ағасы ретінде халықты бірлікке шақырып, туған елдің тұғырын нықтауға бағытталған өрелі істеріңіз кейінгі ұрпаққа әрдайым өнеге болып қала береді! Сіздерді бүгінгі мерейлі жастарыңызбен құттықтап, дендеріңізге саулық, отбасыларыңызға амандық тілеймін. Тойларыңыз тойға ұлассын!», – деді аймақ басшысы.</blockquote>Жиында мерейтой иелеріне Қызылорда облысының Құрмет грамотасы табысталып, халқымыздың игі дәстүріне сай сый-сияпат көрсетілді.Сонымен қатар, Рауан Кенжеханұлы Сәдуақас Аңсатты Ахмет Байтұрсынұлы атындағы төсбелгімен марапаттады.Парламент Сенатының депутаты Наурызбай Байқадамов, халықаралық «Қазақ тілі» қоғамының президенті, Ұлттық құрылтайдың мүшесі Рауан Кенжеханұлы, Ұлттық Ғылым Академиясының академигі, профессор, Қызылорда облысының Құрметті азаматы, Бақберген Досмамбетов, облыстық ардагерлер кеңесінің төрағасы Серік Дүйсенбаев, облыстық қоғамдық кеңес төрағасы Әріп Хожбанов, Қазақстанның еңбек сіңірген қайраткері, Қызылорда облысының Құрметті азаматы, Қазақ ұлттық өнер университетінің профессоры Алмасбек Алматов, Жаңақорған, Шиелі, Сырдария аудандары мен Қызылорда қаласының Құрметті азаматы Ибрагим Әбибуллаев, құттықтау лебіздерін жеткізді.Жиын соңында мерейтой иелері көрсетілген құрметке алғысын айтты. Сыр еліндегі әлеуметтік-экономикалық, мәдени-рухани жетістіктерді атап өтіп, игілікті істердің жалғасын табуына тілектестік білдірді.Фото: Қызылорда облысы әкімінің баспасө қызметі

Қазақстан және Қызылорда облысының жаңалықтары: Руханият