<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің Студенттер сарайында Қызылорда облысы әкімдігі және Қорқыт Ата атындағы Қызылорда университетінің ұйымдастыруымен «Мұстафа Шоқай мұраларын зерттеудің өзекті мәселелері: тарих, таным және тағылым» халықаралық ғылыми-теориялық конференциясы өтті.Көрнекті мемлекет және қоғам қайраткері, Алаш қозғалысының ірі өкілі, түркі дүниесінің ұлы перзенті Мұстафа Шоқайдың туғанына 135 жылы аясында &nbsp;ұйымдастырылған халықаралық ғылыми-теориялық конференцияға Қазақстан, Түркия, Әзербайжан, Өзбекстан елдерінің ғалымдары мен зерттеушілері, БАҚ өкілдері, қоғамдық ұйым өкілдері, магистранттар мен докторанттар бас қосты. Конференция жұмысы пленарлық және секциялық отырыстар түрінде өтеді.Ғалымдар мен сарапшылар Мұстафа Шоқайдың өмір жолы, саяси-қоғамдық қызметі, публицистикалық және ағартушылық еңбектері, сондай-ақ, оның идеяларының қазіргі кезеңдегі өзектілігі жөнінде баяндамалар жасады.Конференцияның пленарлық мәжілісінің кіріспе сөзі&nbsp;Қызылорда облысы әкімінің орынбасары, педагогика ғылымдарының кандидаты Шермағанбет Мейрамбек Зинабдинұлына берілді.&nbsp;Пленарлық мәжілісте&nbsp;Түркия, Мимар Синан көркем өнер университетінің профессоры, тарих ғылымдарының докторы Әбдіуақап Қара,&nbsp;АҚШ, Мичиган университетінің құрметті профессоры, филология ғылымдарының докторы&nbsp;Тимур Кожаұлы, (Тимур Қожаұлы ағамыз Түркістан халықтары ұлт-азаттық қозғалысының қайраткері, Мұстафа Шоқайдың серіктесі Усман Қожаның немересі), &nbsp;Өзбекстан Халықаралық ислам академиясының профессоры тарих ғылымдарының докторы Саидакбар Саидович Агзамходжаев,&nbsp;Өзбекстан Республикасы Ғылым академиясының Тарих институтының бас ғылыми қызметкері, тарих ғылымдарының докторы, профессор&nbsp;Раджабов Қаһромон,&nbsp;Азербайжан ҰҒА тарих және этнология институтының бөлім меңгерушісі,&nbsp;тарих ғылымдарының докторы, профессор Гюллю Йологлу, ақын, Қазақстан Жазушылар одағы төрағасының орынбасары Қасымхан Бегманов&nbsp;Қазақстан мұсылмандары діни басқармасы жанындағы Ислам ғылыми-зерттеу институтының директоры, филология ғылымының кандидаты, доцент, Төрәлі Еділбайұлы Қыдыр&nbsp;PhD, Қазақстан Жазушылар одағы Балалар мен жасөспірімдер әдеби жанрлық кеңесінің төрағасы Тоқтарбай Елдос Нүсіпұлы, Мұстафа Шоқайтану ғылыми орталығының ғылыми жетекшісі саяси ғылымдарының докторы, профессор Әбдіжәлел Бәкір баяндама жасады.<img src="https://knadmin.beoblood.kz/uploads/2_318b2bd335.jpg" alt="2.jpg">Конференцияның негізгі мақсаты – Мұстафа Шоқайдың саяси-құқықтық, публицистикалық және ағартушылық мұрасын кешенді түрде зерттеу, оның мемлекетшілдік идеяларының қазіргі кезеңдегі өзектілігін айқындау және Мұстафатану ғылымының дамуына жаңадан серпін беру.Бұл басқосу Мұстафатану ғылымының институционалдық негізін нығайтуға, жас зерттеушілердің ғылыми әлеуетін арттыруға және түркі мемлекеттерінің ғылыми байланыстарын кеңейтуге бағытталды.Олардың қатарында белгілі тарихшылар, филологтар, мәдениеттанушылар және архив мамандары бар.2016 жылы университет базасында құрылған «Мұстафа Шоқайтану» ғылыми-зерттеу орталығы бүгінде жүйелі бағытта жұмыс істейді. Ғылыми орталық ҚР Ғылым және жоғары білім министрлігінің қолдауымен бірнеше ғылыми жобаларды жүзеге асырып келеді. Жоба нәтижесінде «Мұстафа Шоқай энциклопедиясы», бірнеше монография, оқу құралдары жарық көрді. Сонымен бірге, 2023 жылдан бастап университеттің тарих мамандығы бағдарламасына «Мұстафа Шоқайдың мемлекетшілдік мұраты» атты 4 кредиттік пән енгізілді.

Ұлт қайраткеріне арналған халықаралық конференция өтті

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев мемлекет және қоғам қайраткері Мұхтар Абрарұлы Құл-Мұхаммедпен кездесті. Қайраткердің Сыр елінің дамуына қосқан үлесін атап өтіп, ізгі тілегін білдірді.<blockquote>«Батыр атамыз Бауыржан Момышұлының «Әр адамға бақыт пен бедел ақылмен, көп ізденіспен, адал еңбекпен келеді» деген ұлағатты сөзі бар. Мәнді де мағыналы ғұмыр кешіп, абыройға, сый-құрметке бөленген аға буын арасында Мұхтар Абрарұлының тұлғалық келбеті, адами болмысы өз алдына бөлек.Сіз Қызылорда облысының әкімі ретінде Сыр өңірінің әлеуметтік-экономикалық дамуына тың серпін бердіңіз. Бір ғана мысал, 2007 жылы облыс бюджеті 36 млрд. теңге болса, бір жарым жылда 90 млрд. теңгеге жетті.Аз уақыттың ішінде аймақ экономикасының сан саласындағы өзекті мәселелерді республикалық деңгейде батыл көтеріп, Қызылорда қаласындағы көпқабатты тұрғын үйлердің проблемаларын шешуге, инженерлік инфрақұрылым жүйелерін жаңғыртуға ықпал еттіңіз. Облыс аумағында 21 мектептің, Жаңақорған ауданында жыл бойы жұмыс жасайтын балалар тынығу лагерінің құрылысы басталды, 1 200 орындық 11 іргелі мектеп салынды. Денсаулық сақтау саласында 11 нысанның құрылысы басталып, Арал, Қазалы аудандарында 100 орындық аурухана, Жаңақорған аудандық орталық ауруханасы ғимараттары бой көтерді.Сізді халқымыз мемлекет және қоғам қайраткері ғана емес, Тәуелсіз Қазақстанның құрылуы мен қалыптасу кезеңінен бүгінге дейінгі дамуына сүбелі үлес қосқан көшбасшы азамат, Алаш арыстарының озық идеяларын жалғастырушы тұлға ретінде айрықша құрметтейді, – деді Нұрлыбек Машбекұлы.</blockquote>Мұхтар Құл-Мұхаммедке аймақтың әлеуметтік-экономикалық дамуына сіңірген еңбегі үшін «Қызылорда облысының құрметті азаматы» атағын беру туралы шешім 2022 жылы қабылданған болатын. Сол шешімнің негізінде берілген атақ және Қызылорда облысының Құрмет грамотасы бүгінгі кездесуде табысталып, Сыр жұртшылығының атынан сый-сияпат көрсетілді.М.Құл-Мұхаммед әр жылдары Парламент Сенатының депутаты, Президенттің Баспасөз хатшысы, кеңесшісі, Президент Әкімшілігі Басшысының орынбасары, Мемлекеттік хатшы қызметтерін атқарған. Екі мәрте Сенат депутаты ретінде Парламентте тұрғындардың өмір сүру сапасының жақсаруына бағытталған заңдардың қабылдануына ықпал етті. Төрт мәрте Мәдениет және ақпарат министрі қызметін атқарған уақытта еліміздің мәдени-рухани дамуына, ұлттық құндылықтардың жаңғыруына жол ашты. 2007-2008 жылдары Қызылорда облысының әкімі ретінде ілкімді істердің бастамашысы болып, өңірдің өсіп-өркендеуіне серпін берген жобаларды жүзеге асырды.Кездесуде қоғам қайраткерлері Жарылқасын Шәріпов, Ибрагим Әбибуллаев, Бекмырза Еламанов, Мәжіліс депутаты Мархабат Жайымбетов құттықтауларын жеткізді.Мұхтар Абрарұлы көрсетілген құрметке алғысын білдіріп, ізгі тілегін айтты.Фото: Қызылорда облысы әкімінің баспасөз қызметі

Аймақ басшысы мемлекет және қоғам қайраткері Мұхтар Құл-Мұхаммедпен кездесті

<a href="https://kyzylorda-news.kz/">Kyzylorda-news.kz</a> &nbsp;Арал аудандық мәдениет үйінде «Толқын» газетінің 95 жылдық мерейтойына арналған салтанатты мерекелік шара өткізілді. Бұл – ғасырлық межеге таяған аудан айнасының өткені мен бүгінін бағамдаған, рухани мазмұны терең, әсерлі кеш болды.Шараға қатысушылар, алдымен газет тарихынан сыр шертетін көрмемен танысты.Мерекелік кешке аудан басшысы А.Оңғарбаев қатысып, өз құттықтау сөзінде басылымның тарихына тоқталып, ел өміріндегі айрықша рөлін атап өтті:<blockquote>– «Халықтың үні мен құлағы болған үнжария әуелде «Екпінді балықшы» аталып, алғашқы санына филология ғылымының докторы, профессор Әуелбек Қоңыратбаев қол қойғаны тарихтан белгілі. Биыл айтулы қаламгердің 120 жылдық мерейтойы қатар тойлануда. Газет қай кезде де өз бағытынан айнымай елдің тәрбие құралына айналды. Атағы жаһанға таныс Аралдың әр перзентін елін сүюге баулып, көптеген сала мақтаныштарын халыққа паш етті. Араға жылдар салып, «Социалистік Арал», артынша «Толқын» болып тулаған басылым талай таланттың екінші тынысын ашты, жас буынды тәрбиелеудің көркем үлгісін көрсетті. Бүгінде, ақсақалдық жастың асуына иек артқан аудан шежіресі үлкен-кішінің рухани қолдаушысы бола беретіні анық. Әрдайым осы биіктен көрініп, бейнелі сөзбен әдебиет көгінде жарқырай берсін!», – деді Аманжол Сақыпұлы.</blockquote>Кеш барысында газеттің алғашқы редакторы, профессор Әуелбек Қоңыратбаевтың ұлы, филология ғылымдарының докторы, профессор Тынысбек Әуелбекұлы сахна төріне шақырылып, оған аудан әкімінің құттықтау хаты табысталып, қазақы дәстүрмен иығына шапан жауып, құрмет көрсетілді. Сонымен бірге, жергілікті суретші, Қазақстан Суретшілер одағының мүшесі Берік Бөкешовтің сурет туындысы берілді.Мұнан соң аудандық «Толқын» газетінің бас редакторы Айдар Сайлауов бастаған шығармашылық ұжымға Қызылорда облысы мен аудан әкімдерінің құттықтау хаттары мен естелік сыйлықтары тапсырылды.Мерейтой аясында басылымда ұзақ жыл еңбек етіп, өз қолтаңбасын қалдырған ардагерлер мен қызметкерлер облыс және аудан әкімдерінің «Алғыс хаттарымен» марапатталды.Кеш барысында профессор Тынысбек Қоңыратбаев сөз алып, толғанысқа толы лебізін жеткізді.Мерекелік шарада айтыскер ақын Ержеңіс Әбді «Толқын» газетінің мерейтойына арнауын оқып, көрерменнің ыстық ықыласына бөленді.Сондай-ақ, кеш көркін «Ақтолқын» би тобының өнері, жас орындаушылардың әндері мен күйі, №260 мектеп оқушыларының «Қағазға түскен тағдырлар» атты сахналық көрінісі аша түсті. Шара аудан өнерпаздарының мерекелік концертіне ұласты.<img src="https://knadmin.beoblood.kz/uploads/1_Tol_yn_tarih_tarazysy_cb550242a7.jpg" alt="1Толқын - тарих таразысы.jpg">&nbsp;

Толқын - тарих таразысы

<a href="https://kyzylorda-news.kz/">Kyzylorda-news.kz</a> &nbsp;Арал өңірінде бүгінгі ұрпаққа өнеге, кейінгіге аманат болған қос үлкен мерейтой – «Толқын» газетінің 95 жылдығы мен қазақ әдебиетінің көрнекті өкілі, ғалым, ұстаз Әуелбек Қоңыратбаевтың 120 жылдығына арналған ақындар мүшәйрасы өтті.Жарыстың ашылу салтанатына аудандық мәдениет және тілдерді дамыту бөлімінің басшысы Б.Махатов қатысып, құттықтау сөз сөйледі:<blockquote>– «Ақындар мүшәйрасы — рух пен парасаттың, қара сөз бен жырдың үндестігін паш ететін ерекше жиын. Ақын – елдің айнасы, халықтың жүрегінен төгілген сәуле. Сіздер сөзді саралап, ойды өрнектеп, елдік рухты жыр жолына қосып келесіздер. Қадірлі қалам иелері! Қара сөз бен жырдың жарасымы, шабыт пен жүректің тоғысы осы мерейтойдың мәнін айқындай түсуде. Қаламдарыңыз мұқалмай, жырларыңыз жұртыңыздың жүрегін тербетіп, ел мен жердің мерейін үстей берсін! Баршаңызға шығармашылық шабыт, жаңа табыстар мен жарқын жетістіктер тілеймін! Мерейлі мереке құтты болсын!», -деді.</blockquote>Мүшәйраға 11 ақын қатысып, шығармалары арқылы көрермен жүрегіне жол тартты. Жыр додасында «Толқын» газетінің 95 жылдығына және басылымның тұңғыш редакторы Әуелбек Қоңыратбаевтың 120 жылдығына арналған арнаулар асқақ үнмен өрілді.Сөз маржанын теріп, додаға түскен ақындар арасынан бас жүлде аралдық Дархан Аманжолұлының еншісіне бұйырды.І орынды Қазалы ауданынан келген Ақжол Түменбай иеленсе, ІІ орынның жүлдесі қызылордалық ақындар Аружан Оралбай мен Нұргүл Төлеубайға табысталса, ІІІ орынды Оңталап Жолдасов, Алтынбек Қыстаубаев және Ұлықбек Бекұзақұлы иеленді. Сонымен қатар Зейнолла Шүкіров атындағы арнайы жүлдені шиелілік Бекжан Ержігіт өз қанжығасына байлады.Шараға белсене қатысып, жүлделі орын алған ақындарға қаржылай сыйлықтар мен дипломдар табысталды.<img src="https://knadmin.beoblood.kz/uploads/1_Tol_yn_tarihy_men_uelbek_o_yratbaev_ta_ylymy_ly_taldy_ab005fb86c.jpg" alt="1“Толқын” тарихы мен Әуелбек Қоңыратбаев тағылымы ұлықталды.jpg"><img src="https://knadmin.beoblood.kz/uploads/3_Tol_yn_tarihy_men_uelbek_o_yratbaev_ta_ylymy_ly_taldy_c5212c3e0a.jpg" alt="3“Толқын” тарихы мен Әуелбек Қоңыратбаев тағылымы ұлықталды.jpg"><img src="https://knadmin.beoblood.kz/uploads/2_Tol_yn_tarihy_men_uelbek_o_yratbaev_ta_ylymy_ly_taldy_a742aea290.jpg" alt="2“Толқын” тарихы мен Әуелбек Қоңыратбаев тағылымы ұлықталды.jpg">

“Толқын” тарихы мен Әуелбек Қоңыратбаев тағылымы ұлықталды

<a href="https://kyzylorda-news.kz/">Kyzylorda-news.kz</a> &nbsp;Алматы қаласында өткен “Өнерлі елдің өресі биік” атты республикалық ата-апалар өнер байқауында Жалағаш ауданының атынан қатысқан “Ұлағатты аналар” ансамблі зор жетістікке қол жеткізді. Байқауға еліміздің әр өңірінен өнерлі аналар мен ата-апалар ұжымдары қатысты.Республикалық деңгейдегі байқауда “Хормен ән салу”, “Бата беру”, “Сән көрсету”номинациялары бойынша өнер көрсеткен жалағаштық аналар жоғары орындаушылық шеберлігімен ерекше көзге түсіп, қазылар алқасының жоғары бағасына ие болды.Өнер мен руханиятты ұлықтап, ұлттық мәдениетті ұрпаққа үлгі ету жолында еңбек етіп жүрген “Ұлағатты аналар” ұжымы облысымыздың намысын абыроймен қорғап, бас жүлдені жеңіп алды.Айта кетейік, “Ұлағатты аналарымыз” 2026 жылдың 3 мамырында Республика сарайында өтетін концертке шақырту алды.

Жалағаштық “Ұлағатты аналар” республикалық байқауда бас жүлдені иеленді

<a href="https://kyzylorda-news.kz/">Kyzylorda-news.kz</a> Сырдария ауданында әлеуметтік қызметшілер күніне арналған салтанатты іс-шара өтті. Шара барысында әлеуметтік сала ардагерлері мен қызметкерлері кәсіби мерекелерімен құттықталып, олардың еңбегі жоғары бағаланды.Іс-шараға Сырдария ауданының әкімі Сәрменбаев Берік Әбдіғаппарұлы және облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Мыңбаев Азамат Амантайұлы қатысып, әлеуметтік сала қызметкерлеріне арналған құттықтау сөз сөйлеп, мерекеге орай бірқатар қызметкерлерді марапаттады.Аудан басшысы Берік Әбдіғаппарұлы әлеуметтік қорғау саласында көп жылдық тәжірибесі бар және өз ісіне адалдық танытып жүрген мамандарға алғыс хаттар табыстап, олардың кәсіби еңбегіне жоғары баға берді.Мерекелік жиында сондай-ақ әлеуметтік салада ұзақ жылдар бойы еңбек еткен ардагерлер мен үздік қызметкерлер марапатқа ие болды. Облыс көлемінде жоғары нәтижелерге қол жеткізгені үшін Сырдария аудандық жұмыспен қамту және әлеуметтік бағдарламалар бөлімі «Үздік бөлім» атағына ие болды.Бүгінде ауданда 40-тан астам әлеуметтік қызметкер тұрғындарға сапалы қызмет көрсетіп, түрлі өмірлік қиындықтарға тап болған азаматтарға көмек көрсетіп келеді. Олардың еңбегі – халықтың әлеуметтік қорғалуы мен өмір сапасын жақсартуға бағытталған маңызды үлес болып табылады.

Сырдария ауданында әлеуметтік қызметшілер күні салтанатты түрде атап өтілді

<a href="https://kyzylorda-news.kz/">Kyzylorda-news.kz</a> Баспа, радио, интернет-журналистика саласындағы «ҮРКЕР» — 2025 Ұлттық сыйлығының номинанттары анықталды.Биыл ұлттық бәйге 11 номинация бойынша өткізілді. Байқауға журналистерден 400-ден астам өтінім келіп түсті. Үміткерлер арасынан үздік жұмыстарды анықтау үшін тәжірибелі журналистер мен медиа-менеджерлерден құралған тәуелсіз қазылар алқасы жұмылды. Нәтижесінде шорт-листке 44 номинант енді.Қазақстандық «ҮРКЕР» ұлттық сыйлығы баспа, радио, интернет-журналистика саласындағы жетістіктері үшін беріледі. Сыйлық талантты журналистер мен шығармашылық ұжымдарды анықтау, олардың кәсіби журналистиканы дамытуға қосқан үлесін мойындау және олардың шығармашылығына қоғамның назарын аудару мақсатында 2017 жылы тағайындалған.

"Үркер" - 2025: Лауреаттарды марапаттау рәсімі басталды 

<a href="https://kyzylorda-news.kz/">Kyzylorda-news.kz</a> А.Тоқмағамбетов атындағы мәдениет үйінде «Еңбек мерейі – ел құрметі» тақырыбында мерекелік кеш өтті. Түрлі сала қызметкерлерін марапаттау салтанатына арналған &nbsp;шараға қала әкімі Нұржан Ахатов, қалалық мәслихат төрағасы Ибадулла Құттықожаев қатысты.Кеште шаһар басшысы Нұржан Сәбитұлы &nbsp;Мемлекет басшысының Қызылорда облысына жасаған жұмыс сапарындағы іс-шараларды ұйымдастыруға және «Таза Қазақстан» республикалық экологиялық акциясына белсенді атсалысқан азаматтарға облыс әкімі Нұрлыбек Нәлібаевтың алғысын жеткізді.<blockquote>«Өткен аптада Мемлекет басшысы Қасым-Жомарт Кемелұлы өңірімізге жұмыс сапарымен келіп, ел игілігіне бағытталған ірі инвестициялық, инфрақұрылымдық және өндірістік жобалардың жүзеге асырылу барысымен танысты. Ел Президенті облыс әкімі Нұрлыбек Машбекұлының аймақтың әлеуметтік-экономикалық дамуы мен мәдени-рухани өрлеуінің мол мүмкіндігін ашқан қажырлы қызметіне, Сыр еліндегі байыпты бастамаларға жоғары бағасын берді. Облыстың жарқын болашағына сенім білдірді. Өз кезегінде аймақ басшысы да Қызылорда облысының өсіп-өркендеуіне, халқымыздың әл-ауқатының артуына атсалысқан, ортақ іске жұмыла білген азаматтарды лайықты бағалайды. Бұл еңбекке деген мәртебелі құрмет. Бүгінгі арнайы шарада Нұрлыбек Машбекұлы Сіздерге ыстық ықыласын арнап, облыстың ең жоғары марапаты – «Құрмет грамоталары» мен алғыс хаттарын табыстауды тапсырды», – деді Нұржан Сәбитұлы.</blockquote>Салтанатты кеште түрлі салада еселі еңбек етіп жүрген, Мемлекет басшысының жұмыс сапарындағы іс-шаралардың жоғары деңгейде өтуіне атсалысқан және республикалық «Таза Қазақстан» экологиялық бағдарламасында белсенділік көрсеткен майталман мамандарды марапаттап, құрмет төріне шығарды.Дайындалған концерттік бағдарламада әннен шашу шашылып, көптің көңілі көтерілді.Айта кету керек, соңғы жылдары аймақ басшысының қолдауымен және тың бастамаларымен Сыр шаһары қарқынды дамыды. Қала бюджеті еселеп артып, халыққа ең қажетті әлеуметтік нысандар бой түзеді. Тұрғын үй кезегіндегі отбасылар баспана бақытына кенеліп, инфрақұрылымдық жобалар сәтті жүзеге асты.Республикалық «Таза Қазақстан» экологиялық бағдарламасы бойынша Қызылорда - еліміздегі ең таза қалалардың көшін бастады. Дәстүрге берік, үлгісі озық қызылордалықтар жасампаз ісімен жарқын жолынан жаңылмайды.

Майталман мамандар марапат төрінде

<a href="https://kyzylorda-news.kz/">Kyzylorda-news.kz</a> Кең байтақ қазақ даласының төсінде ғасырлар бойы ұрпақтан ұрпаққа жалғасып, ұлт рухының алтын арқауына айналған ең қымбат қазына бар. Ол – тіл. Тіл – тарихты сөйлететін, мәдениетті өрнектейтін, халықтың жан дүниесін айнадай көрсететін рухани құндылық. Әрбір сөздің астарында елдің тағдыры, әрбір дыбыстың түбінде ғасырлар шежіресі жатыр.Қазақ халқы ежелден сөзге тоқтаған, тілдің қадірін төрге оздырған халық. «Өнер алды – қызыл тіл» деп, асыл сөзді биікке көтеріп, ұрпағына аманат еткен. Ұлы Абай «Сөз түзелді, тыңдаушы, сен де түзел» деп, тілдің адам өміріндегі тәрбиелік рөліне назар аударса, Ахмет Байтұрсынұлы: «Ұлттың сақталуына да, жоғалуына да себеп болатын нәрсенің ең қуаттысы – тіл» деп, оның ұлт тағдырындағы орнын айрықша атап өтті. Белгілі ғалым Әлкей Марғұлан: «Тіл – халықтың тарихи жиегі, оны қорғау – ұлттың мәңгілігі» деп, тіл мен тарихтың, тіл мен ұлттық бірегейліктің ажырамас байланысын көрсетті.Тіл – жай ғана қатынас құралы емес, ол – ұлттық ойлаудың, дүниетанымның, өмір сүру салтының көрінісі. Тілсіз ұлт болмайды, ал ұлттық тілінің мәртебесі биік елдің еңсесі әрдайым тік.<h2 style="text-align:center;">Жаңа кезеңдегі тіл саясаты</h2>Тәуелсіз Қазақстанда мемлекеттік тіл саясаты ел дамуының стратегиялық бағыттарының бірі ретінде жүзеге асырылып келеді. Соның айқын дәлелі – 2023–2029 жылдарға арналған тіл саясатын дамыту тұжырымдамасының қабылдануы. Бұл құжат мемлекеттік тілдің қолданылу аясын кеңейтуге, оны қоғамдық өмірдің барлық саласында толыққанды пайдалануға бағытталған.Тұжырымдамада мемлекеттік тілді білім беру жүйесінде, ғылымда, мәдениетте, ақпараттық кеңістікте және цифрлық технологияларда кеңінен қолдану көзделген. Қазақ тілін үйретудің заманауи әдістемелері енгізіліп, онлайн-платформалар мен мультимедиалық ресурстар әзірленеді. Жаңа буын оқулықтары мен оқу құралдары жасалып, сөздіктер мен анықтамалықтар жаңартылады. Осы бағыттағы Қызылорда облысының қоғамдық даму басқармасының «Қызылорда облысының тілдерді оқыту орталығы» КММ-і біршама &nbsp;жұмыстар атқарып келеді. 2022 жылы «Тыңда! Түсін! Тіл үйрен!», 2023 жылы «Кинофильмдер арқылы қазақ тілін оқыту», 2024 жылы «Сөз және сөйлеу мәдениеті» атты оқу-әдістемелік құралдары қолдау тауып, республика деңгейінде таратылды. Орталық қызметкерлері А.Байтұрсынұлы атындағы дәстүрлі «Үздік оқытушы» республикалық байқауында топ жарып, жүлделі орындардың (бас жүлде, 1-орын) иегері атанып келеді. Мемлекеттік, орыс және ағылшын тілдерінен курстар ұйымдастырылып, курс тыңдаушыларын түрлі мақсаттағы шараларға тарту жұмыстары үздіксіз жүргізіледі. Сондай-ақ, мемлекеттік тіл саясатын насихаттауға бағытталған «Жүзден жүйрік», «Полиготтар», «Этноquiz» интеллектуалды байқаулары мен «Тіл – қылыштан да өткір» жайдарманшылар сайысының мән-маңызы ерекше болып отыр. Орталықтың әлеуметтік желі парақшаларында 6000-ға жуық оқырманы бар. Осы ретте, «Трендтегі сленгтер», «Сөз орамдары», «Атадан жеткен сөз мұра», «Дұрыс аударып жүрсіз бе?» атты ақпараттық айдарлары желі оқырмандарының ұлттық мәдениеті мен танымын, тілдік сауаттылығын арттыруға арналған.Ақпараттық кеңістікте мемлекеттік тілдегі сапалы контент көлемі ұлғаяды. Бұқаралық ақпарат құралдарында, интернет порталдарында, телеарналар мен радиоэфирлерде қазақ тілінің үлесі артады. Сондай-ақ жасанды интеллектке негізделген «Айсана» виртуалды көмекшісі және KazLLM тілдік моделі енгізіледі. Бұл жобалар қазақ тілін жаңа технологиялық деңгейге көтеріп, оның заманауи қолданысын арттыруға жол ашады. Тұжырымдамада қазақ тілінің ұлттық корпусын толықтыру, терминологиялық қорды жаңарту және ғылыми айналымға енгізу міндеті де айқын белгіленген. Бұл – мемлекеттік тілдің ғылым мен техника тіліне айналуына ықпал ететін маңызды қадам.<h2 style="text-align:center;">Ұлттық бірегейліктің өзегі</h2>Тіл саясаты – тек тіл мамандарының немесе мемлекеттік органдардың ісі емес, ол – бүкіл елдің, әр азаматтың ортақ міндеті. Тіл – ұлтты ұйыстыратын, елді бір мақсатқа жұмылдыратын күш. Тарихта өз тілін сақтаған халық қана өзінің болмысын, мәдениетін, дәстүрін жоғалтпай, келешекке нық қадам баса алған. Санасын сақпен, ғұмырын ғұнмен жалғаған исі қазақтың әрбірі ұлттық тілін тұғырлы етуге жауапты. Тал бесікте айтылар әлди&nbsp;әні, құлақ құрышын қандыратын әженің ертегісі, қиялыңа шабыт қосатын аңыз-жырлар ана тілі арқылы санаға сіңіп, зейін-зердеге орнықты. Халық қаһарманы Б.Момышұлы: «Ертексіз өскен бала – рухани мүгедек» деген болатын. Ұлтының болмысы мен тынысын айқындайтын ұлттық мұраны меңгермейінше ана тілінің қадіріне жетіп, киесін ұғынуы да екіталай. &nbsp;Осы ретте, ел Президенті Қ.Тоқаевтың мемлекеттік тіл мәселесін күн тәртібінен түсірмей, өзекті етуі де ана тілінің өркендеп, кең құлаш сермеуіне үлесті болып отыр.Мемлекеттік тілдің ғылым, білім, мәдениет және технология тіліне айналуы – Қазақстанның бәсекеге қабілеттілігін арттырады. Жасанды интеллект өзегі – тіл. &nbsp;Бұл – жаһандану дәуірінде ұлттық бірегейлікті сақтау мен нығайтудың басты кепілі. Тілдің мәртебесін көтеру – ұлттық қауіпсіздіктің де маңызды бөлігі.<h2 style="text-align:center;">Мемлекеттік тіл саясаты – ұлттық бірегейлікті сақтаудың кепілі</h2>Тіл – халықтың рухани қазынасы, елдіктің айнасы. Ғасырлар бойы ұрпаққа мұра болып келген тілдің тағдыры – елдің тағдыры. Бүгінде мемлекеттік саясаттың басты бағыттарының бірі – осы аманатты сақтау, дамыту және ұрпақ санасына сіңіру. Ғұламалардың өсиеті мен бүгінгі заман талабына сай жүргізіліп отырған тіл саясаты – қазақ тілінің болашағын баянды етіп, оны ұлттық бірегейліктің мызғымас іргетасына айналдырады. Халық пен тілдің біртұтастығы – мемлекеттің мәңгілігінің кепілі.Қазақ тілінің қоғамдағы орны мен мәртебесін нығайту – ел бірлігін, ұлттық тұтастықты қамтамасыз етудің басты тетігі. Тіл саясатының тиімді жүзеге асуы – мемлекет дамуының, қоғам тұрақтылығының және ұлттық қауіпсіздіктің маңызды құрамдас бөлігі. Тіл – ұлттың рухани өзегі, өткен мен бүгінді, дәстүр мен жаңашылдықты сабақтастыратын алтын көпір. Сондықтан тіл саясаты тек тілдік нормаларды реттеу емес, сонымен қатар ұлттың болашағын айқындайтын стратегиялық бағыт болып табылады. Мемлекеттік тілдің қоғамның барлық саласында еркін қолданылуы ұлттық бірегейлікті күшейтіп, азаматтардың ортақ құндылықтар төңірегінде топтасуына мүмкіндік береді.Қорытындылай келе, тіл саясатының табысты жүзеге асуы – Қазақстан халқының бірлігі мен тұрақтылығының басты кепілі. Тілді құрметтеу – елді құрметтеу, ал тілдің дамуы – ұлттың дамуының айғағы.Қазиева Нүрбике ҚазиқызыОблыстық тілдерді оқыту орталығыныңғылыми-әдістемелік бөлімінің аға сарапшысы

Тіл саясаты және ұлттық бірегейлік

<a href="https://kyzylorda-news.kz/">Kyzylorda-news.kz</a> «AMANAT» партиясының «Ұлттық мұра» жобасы аясында Сырдария ауданында Ұлы Отан соғысының ардагері, майдангер ұстаз Шарапат Жансымақовты еске алуға арналған аудандық жыр мүшәйрасы өтті.&nbsp;Сайыстың ұйымдастырылуына партияның аудандық филиалы мен «Білім», «Қалжан ахун» бастауыш партия ұйымы және майдангердің ұрпақтары қолдау білдірді.Жыр мүшәйрасының ашылуында партия ардагерлері сөз сөйлеп, жеңісті жақындатуға үлес қосқан батыр майдангердің өмірі мен еңбек жолы туралы кеңінен айтып өтті.&nbsp;Мүшәйраға аудан мектептерінен 15 мұғалім қатысып, бірінші кезеңде майдангер ұстазға арнау өлең оқыса, екінші кезеңде еркін тақырыптағы жырларын ұсынды.<img class="image_resized" style="width:93.73%;" src="https://knadmin.beoblood.kz/uploads/Zhyr_m_sh_rasy_f5dc07dcd9.jpg" alt="Жыр мүшәрасы.jpg">Мәдени іс-шарада Қазақстан Жазушылар одағының Қызылорда облыстық филиалының төрайымы, халықаралық «Алаш» әдеби сыйлығының иегері, Сырдария, Шиелі аудандарының Құрметті азаматы Қаршыға Есімсейітова, «AMANAT» партиясы Сырдария аудандық филиалының Атқарушы хатшысы, фракция жетекшісі, ақын Ақтөре Ибрагимұлы, аудандық «Тіршілік тынысы» газеті бас редакторының орынбасары, Қазақстан Журналистер одағының мүшесі Балтабай Аябекұлы қазылық жасап, ақындардың шығармашылығын бағалады.Нәтижесінде жүлделі І орынды Айдарлы ауылындағы №139 орта мектебінің мұғалімі Салтанат Торғаева иеленді. ІІ орынды Қоғалыкөл ауылындағы №44 орта мектебінің мұғалімі Алмат Доспенбетов жеңіп алса, ІІІ орынды С.Сейфуллин ауылындағы №137 орта мектебінің мұғалімі Гүлсім Жоламановаға бұйырды. Қалжан ахун ауыындағы №126 орта мектебінің мұғалімі Мұхамеджан Мансұров пен Шіркейлідегі №129 Ә.Жәмішев атындағы мектеп-лицейінің мұғалімі Биболат Опабеков арнайы жүлде еншіледі. Қалған ақындарға ынталандыру сыйлықтары берілді. Жеңімпаздар мен жүлдегерлерге қаржылай сыйлықтар, дипломдар табысталды.

Мұғалімдер арасында жыр мүшәйрасы өтті

Бүгін Қызылордадағы Мемлекеттік Рәміздер аллеясында облыс әкімі Нұрлыбек Нәлібаевтың қатысуымен Ұлттық мереке - Республика күніне және Қазақстанның Егемендік туралы декларациясының 35 жыл толуына орай Мемлекеттік Ту көтеру рәсімі өтті.Елдік рухты асқақтатып, ұлттық бірегейлікті, тәуелсіздік құндылықтарын және ұлттың мәңгілік мұратын айшықтайтын бұл рәсімге құқық қорғау органдарының, басқарма, департаменттердің басшылары, облыстық мәслихат депутаттары, зиялы қауым өкілдері мен күштік құрылымдар мамандары қатысты. Мемлекеттік Ту көтеру сәтінде әскери хор Мемлекеттік Гимнді орындады.&nbsp; Мерекелік салтанатты шара «Чемпионмен бірге жүгір» марафонына ұласты.Фото: Қызылорда облысының баспасөз қызметі

Қызылордада Республика күніне орай Мемлекеттік Ту көтеру рәсімі өтті

Кеше облыс әкімі Нұрлыбек Нәлібаевтың қатысуымен «Өнер орталығында» Республика күніне арналған мерекелік салтанатты шара өтті. Оған басқарма, департамент, құқық қорғау органдарының басшылары, Қызылорда қаласы мен аудан әкімдері, зиялы қауым өкілдері қатысты.Аймақ басшысы жиналған жұртшылықты Ұлттық мереке – Республика күнімен құттықтап, өңірде атқарылған, жоспарланған жұмыстардың бағыт-бағдарына тоқталды.– Республика күні – халқымыздың рухын көтеріп, елдігімізді нығайтатын, бірлігімізді бекемдеп, ынтымағымызды арттыратын маңызды мереке.Президентіміз Қасым-Жомарт Кемелұлы «Бұл – қазақтың мемле­кеттілік дәстүрі қайта жаңғырған тарихи күн. Көк түріктер дәуірінен, Алтын Орда, Қазақ хандығы заманынан келе жатқан елдігіміз тамырын тапқан күн. Бұл – Алаш арыстарының азаттық жолындағы арпалысы ақталған күн» – деген болатын.Рухы биік бабаларымыздың арманы болған азаттықты аялау, халқымыздың татулығын сақтау – біздің басты парызымыз.Бүгінгі мерейлі сәтті аймағымыз толайым табыстармен, жарқын жетіс­тіктермен, ерекше көңіл-күймен қарсы алуда. Өңіріміздің негізгі макро­экономикалық көрсеткіштерінің өсімі қамтамасыз етіліп, республикада алдыңғы қатардамыз.Биыл облыстың жалпы өңірлік өнім көлемі 3 трлн теңгеден асады. Соңғы үш жылда аймақ экономикасына 1 триллион 600 млрд теңге инвестиция құйылса, осы жылы 720 млрд теңгеден астам инвестиция тартылады. 2025-2028 жылдары құны 2 трлн теңгеден асатын 89 инвестициялық жоба аясында 11 мыңнан астам жаңа жұмыс орны ашылады.Президентіміздің, Үкіметтің ерек­ше қолдауымен облыс бюджеті 851 млрд 300 млн теңгеге жетіп, 2022 жылдан бері 233 пайызға өсті. Оның 56 пайызы әлеуметтік салаға бағытталды. Даму бюджетінің көлемі 2021 жылы 47 млрд теңге болса, биыл 207 млрд теңгеге жетіп, 4,5 есе артты.Бұл қаражат аймағымыздың ең өзекті деген мәселелерін шешуге, тұрғындардың өмір сүру сапасын жақсартуға, жаңа инфрақұрылымдық жобаларды іске асыруға бағытталды.<h2 style="margin-left:0px;text-align:justify;">Дана халқымыз «Бірлік бар жерде тірлік бар» деген. Ата-бабамыздан мирас болған мәдениетіміз бен ұлттық дәстүрлерімізді сақтаған, ана тілімізді биік тұғырға қондырған халқымыз бекем бірлігімен жасай бергей! – деді облыс әкімі.</h2>Сыр өңірінде 2022 жылдан бері 200-ге жуық халыққа қажетті әлеу­меттік нысан салынып, тұрғындар игілігіне берілген. Сондай-ақ 1600 шақырым автомобиль жолы мен 30 көпір өткелін салуға, күрделі жөндеуден өткізуге 144 млрд 775 млн теңге бөлінді. Биыл жақсы жағдайдағы жолдың үлесі 95 пайызға жетеді. Қызылорда қаласында 270 көше қайта жаңғыртылды.Мемлекет басшысының тапсыр­масына сәйкес, барлық елді мекен 100 пайыз орталықтандырылған сапалы ауызсумен қамтамасыз етілді. 2021 жылдың соңында газдандыру деңгейі 67 пайыз болса, бүгінде бұл көрсеткіш 83 пайызға жетті.Кейінгі жылдары тұрғын үй кезегінде тұрған азаматтарға 5 мыңнан аса пәтер табысталды. Аудандарда алғаш рет бір жарым мыңға жуық жаңа пәтер жерлестерімізге берілді. Биыл 3600 пәтерлік тұрғын үй салуға бюджеттен 58 млрд 785 млн теңге бөлінген.Республика күніне арналған салтанатта еліміздің әлеуметтік-гума­нитарлық дамуындағы аса үздік жетістіктері, белсенді қоғамдық қыз­меті, мемлекеттік және қоғамдық қызметтегі сіңірген еңбегі, халықтар арасындағы достық пен ынты­мақ­тастықты нығайтуға қосқан елеулі үлесі үшін бірқатар азаматқа мем­лекеттік наградалар табысталды.Мерекелік іс-шара облыс өнерпаз­дарының концертіне ұласты.

Қазақстан және Қызылорда облысының жаңалықтары: Руханият