<a href="https://kyzylorda-news.kz/">Kyzylorda-news.kz</a>&nbsp; 2025 жылы декреттік демалыстан мерзімінен бұрын жұмысқа шыққан аналар еңбекке жарамды болып саналатындықтан, оларға бала күтіміне байланысты әлеуметтік төлем қарастырылмайды, - деп хабарлайды <a href="https://dauletten.kz/">Dauletten.kz.</a>Ел бойынша бес ана мемлекеттен бала күтімі үшін берілетін жәрдемақыдан айырылған.Қазіргі таңда Таңшолпан Орынтай бала күтіміне байланысты демалыста. Ол тұңғышы үш жасқа толғанға дейін жұмысқа шықпауға бел буған. Себебі табыс тапқан жағдайда мемлекеттен берілетін жәрдемақыдан айырылатынын жақсы біледі.<blockquote>- Мемлекеттік қызметкер болған соң қосымша жұмыс істеуге мүмкіндік жоқ. Жұмыс кестем оған жол бермейді. Қазір күйеуімнің жалғыз табысына қарап отырмыз. Өзім жұмыс істемегендіктен табысым жоқ. Қарыздарым, несием, пәтерақым бар. Сондықтан бұл жүйені әділетсіз деп есептеймін, – дейді Таңшолпан Орынтай.</blockquote>Соңғы уақытта декреттік төлемдерге қатысты мәселелер қоғамда қызу талқыланып келеді. Қолданыстағы сақтандыру ережелеріне сәйкес, бала күтіміне байланысты мемлекеттік төлем бала 1,5 жасқа толғанға дейін жүргізіледі. Бұл кезеңде аналарға жалақысының 40%-ы көлемінде төлем төленеді. Алайда, егер әйел адам декреттік демалыстан ерте шығып, жұмысқа орналасса, онда әлеуметтік төлемдер тоқтатылады.<blockquote>- Бұл норма 2023 жылдан бастап күшіне енген. Егер декреттегі ана қосымша табыс тапқысы келсе, ол бұл туралы 10 жұмыс күні ішінде тиісті органдарға хабарлауы тиіс. Бұл міндеттілік әлеуметтік төлем алушының жауапкершілігінде. Әзірге барлық төлемдер нақты жүйе арқылы бақылауға алынбаған, – дейді Әлеуметтік сақтандыру қоры департаментінің директоры Дина Байегізова.</blockquote>Егер декреттік демалыстағы аналар табысы туралы мәліметті жасырса, бұл заңбұзушылық болып есептеледі. Мұндай жағдайда сақтандыру қоры заңсыз алынған төлемдерді толық көлемде кері қайтаруды талап етуге құқылы.Биыл бес әйел декреттік демалыстан мерзімінен бұрын жұмысқа шыққан соң, оларға төленіп келген әлеуметтік жәрдемақы тоқтатылған. Олар тиісті өтініштерді өз еріктерімен берген. Сарапшылардың айтуынша, өткен жылы 277 мың ата-ана бала күтімі бойынша жәрдемақы алған. Олардың шамамен 9%-ы мемлекеттік төлеммен қатар қосымша табыс көзін иеленген. Әлеуметтік сақтандыру қоры бүгінде барлық төлемдерді бақылауда ұстап отырғанын мәлімдеді.Фото: Нұрболат Нұржаубай

Қазақстанда декреттік демалыстан ерте шыққан аналарға жәрдемақы төленбейді: Нені білу қажет

<a href="https://kyzylorda-news.kz/">Kyzylorda-news.kz</a>&nbsp; Сыр өңіріне келген жұмыс сапарымен келген ҚР Парламенті Мәжілісіндегі «AMANAT» партиясы фракциясың мүшесі Аманжол Әлтай мен «AMANAT» партиясы саяси жұмыстар департаментінің директоры Еркебұлан Жауылбаев «Bir Tolqynda» диалог алаңында өңірдің белсенді жастарымен кездесіп, олардың бастамалары мен ой-пікірлеріне құлақ салды.Кездесу спикерлері ең алдымен «Жастар Рухы» жастар қанатының Қызылорда облыстық филиалының жұмысымен танысып, өңірдегі жастар саясатының жүзеге асырылу барысы мен бастамалары жөнінде ақпарат алды.Мұнан соң «Кітап-AMANAT» орталығының жұмысына шолу жасалып, жастардың білімге, кітап оқуға деген қызығушылығын арттыру бағытында атқарылып жатқан істермен танысты.Іс-шараның маңызды бөлігі – белсенді және өнерлі жастармен еркін форматтағы ашық кездесу болды. Жастар өз пікірлерін ортаға салып, спикерге өз ұсыныстарын жеткізді.Мәжіліс депутаты Аманжол Әлтай жастардың ой-пікірлерін тыңдап, ел дамуы жолындағы белсенділіктерін жоғары бағалады.<blockquote>«Санасы сергек, ойы озық, рухы биік ұрпақ – мемлекеттің мәңгі тірегі. Бүгінгі жастар тек технологиямен емес, ұлттық мәдениетпен де сусындауы тиіс. Домбыраның үні мен Абайдың сөзі жүрегіңізде жаңғырып тұрса – сіз елдің шын азаматысыз. Сіздер – тек ертеңнің емес, бүгінгі рухани тірегіміз. Өнер мен ой қатар жүрсе, өркениет соңыңыздан ілеседі. Армандаудан қорықпаңыздар, ал өнер мен мәдениетті қадірлеуден ешқашан жалықпаңыздар», – деді ҚР Парламенті Мәжілісінің депутаты Аманжол Әлтай.</blockquote>Кездесуде жастар пікір алмасу жүргізіп, спикерлерімізге арнайы жырдан шашу шашты. Жастарға тарту ретінде Аманжол Дүйсенбайұлы да өлеңнен тарту сыйлады.Жиын соңында барлық қатысушылар естелік суретке түсіп, көтеріңкі көңіл күйде тарқасты.Фото: Аманат партиясы

«Жастар – елдің ертеңі мен бүгінгі тірегі»

<a href="https://kyzylorda-news.kz/">Kyzylorda-news.kz</a> &nbsp;Кеше Арал аудандық мәдениет үйінде мәдениет және өнер қызметкерлерінің кәсіби мерекесіне орай «Өнер – мәңгілік мұра» атты салтанатты шара өтті. Оған сала қызметкерлері мен ардагерлері және зиялы қауым өкілдері қатысты.Аудан басшысы Аманжол Оңғарбаев жиналған қауымды мерекемен құттықтап, сала жетістіктеріне тоқталды.<blockquote>– «Баршаңызды кәсіби мерекелеріңіз – мәдениет және өнер қызметкерлері күнімен құттықтаймын! Кез келген мемлекеттің дамуы мен өркендеуінің негізі – оның мәдениетінде. Халық даналығында айтылғандай, «Өнер – ұлттың жаны». Расында да, әрбір ел ең алдымен өзінің өнері, мәдениеті арқылы танылады, бағаланады. Қазіргі таңда ауданымызда 350 мәдениет саласының қызметкерлері елдігімізді, ғасырлар бойы мұра болған асыл қазынаны – ұрпаққа жеткізу жолында тер төгіп келеді. Барлық мәдени-көпшілік шаралар, елдің санасын сілкінтуге бағытталған батыл бастамалар мен мазмұнды бағдарламалардың байыппен іске асуына, рухани-танымдық жобалар, концерттер мен спектакльдер, танымдық сағаттар мен көрмелерді ұйымдастыруда – театр, мұражай, қолөнер шеберлері, кітапхана қызметкерлері мен ақын – жазушылардың еңбектері өлшеусіз. Киелі өнер жолында шежірелі Арал өлкесін ел-жұртқа танытып, биік тұғырдан көрінуіне үлес қосып жүрген баршаңызға алғысымды білдіремін», – деді.</blockquote>Сонымен қатар, аудан әкімі Елорда төрінде «Ерен еңбегі үшін» медалімен марапатталған Сыр өңірінің рухани-мәдени дамуына үлес қосқан жыршы-жырау Тәңірбергенов Айбек Жақсанұлының, сондай-ақ облыс әкімінің дәстүрлі «Тұран» сыйлығына иеленген ақын, жазушы Жұмабай Жақыптың жетістіктерін атап өтіп, аудан жұртшылығы атынан құттықтады.Кеш аясында мәдениет пен өнер саласының дамуына сүбелі үлес қосып, шығармашылық ізденісі мен табанды еңбегі арқылы көпшілікке өнеге көрсеткен бірқатар қызметкерлері облыс және аудан әкімінің «Алғыс» хатын иеленіп, құрмет төрінен көрінді.Салтанатты шара одан әрі аудан өнерпаздарының мерекелік концертімен жалғасты.Фото: Арал ауданы әкімдігі

«Өнер – мәңгілік мұра» атты салтанатты шара өтті

<a href="https://kyzylorda-news.kz/">Kyzylorda-news.kz</a> Қазақ музыка өнерінде өшпес ізі бар Батырхан Шөкенов сегіз қырлы, бір сырлы жан болатын. Ол – эстрада әншісі және сазгер. Ол – өзін альт және тенор-саксофон виртуозы ретінде көрсетті. Ол – халықтың сүйіктісі бола білді.Өкініштісі сол, ол нағыз кемелденген тұсында өмірден өтті. Әншінің есімін мәңгі қалдыру мақсатында 2018 жылы 18 мамыр күні туған жері Қызылордада ескерткіш қойылды. Оның есімімен саялы саябақ аталады. Жерлестері және жастар қауымы оның ескерткішіне тағзым жасап, рухы алдында әндерін орындайды.Өздеріңізге белгілі, Батырхан «Арай» ансамблі құрамында, «Алма-Ата Студио», А’Студио топтарында өнер көрсетіп, оның орындауындағы «Белая река», «Стоп, ночь», «Солдат любви», «Эти теплые летние дни», «Нелюбимая» әндері өнер иесін көпке танымал етті. Батырханның этникалық музыкаға оралуы шығармашылықтың шыңына шығарды. Әйгілі әнші «Батыр» жобасымен жүйелі жұмыс жүргізді. Өнерге жаңа леп, мағыналы бейнеклиптер қосты. 2002 жылы әнші «Отан-Ана» атты алғашқы ән жинағын қазақ тілінде шығарды.Таланты мен дарынын құрметтейтін өнердегі әріптестері Батырханды қазақтың ғана әншісі емес, әлемнің әншісі деп бағалаған. 2007 жылдан 2015 жылға дейін Батырхан Шөкенов Қазақстан Республикасы Президентінің мәдениет саласындағы кеңесшісі лауазымын атқарып, 2009 жылы Қазақстандағы ЮНИСЕФ-тің Ұлттық елшісі болды. Оған «Қазақстанға еңбегі сіңген қайраткер» атағы берілген.Фото: Қала әкімдігі

Болмысы бөлек Батырхан

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен Үкімет отырысында талқыланған оқу жылының аяқталуы, каникул кезінде оқушылардың сауықтыру демалысын, бос уақытын және еңбекпен қамтылуын ұйымдастыру мәселелері бойынша жиын өтті.Аймақ басшысы жауапты сала басшыларына тапсырмалар жүктеді.<blockquote>«Үкімет басшысы мәселенің маңыздылығын ерекше атап өтіп, осы бағыттағы жұмысты сапалы ұйымдастыруды тапсырды.Білім басқармасының алдында тұрған маңызды міндеттердің бірі – оқу жылын сәтті аяқтау, қауіпсіздікті қамтамасыз етіп, балалардың жазғы демалысын сапалы ұйымдастыру. Бұдан бөлек, бітіруші түлектерге арналған салтанатты шара жоғары деңгейде ұйымдастырылуы керек. Іс-шарада оқушылардың жыл бойғы жетістіктері мен қоғамдық белсенділігі кеңінен насихатталып, марапатталуы қажет.Дегенмен, ысырапшылыққа, даңғазалыққа жол берілмеуі тиіс. Жас жеткіншектерімізді бүгіннен бастап ұқыптылыққа, қарапайымдылыққа, мәдениеттілікке тәрбиелеуіміз керек. Білім саласында сапаны қамтамасыз ету департаментіне облыстық білім басқармасымен бірлесіп, аниматор, мерекелік агенттік, жеке студия тарту, мерекелік дастархан ұйымдастыру, мектеп әкімшілігі мен ұжымына сыйлыққа қаражат жинау сияқты ысырыпшылықты болдырмау үшін қатаң шаралар қабылдауды тапсырамын.Облыстық полиция департаменті соңғы қоңырау, аттестат табыстау өтетін күндері білім беру ұйымдары аумағында тұрақты кезекшілік ұйымдастырып, қоғамдық қауіпсіздікті сақтау шараларын күшейтіңіздер. Оқушылардың жалға берілетін автокөлікпен экскурсия, кортеж ұйымдастыруының алдын алу қажет. Бұл жұмыстарға қала, аудан әкімдері де жауапты. Жұмысты бірлесіп ұйымдастырыңыздар. Балалардың қауіпсіздігін сақтау – біздің негізгі міндетіміз», – деді Н.Нәлібаев.</blockquote>Ұлттық бірыңғай тестілеу 16 мамыр мен 4 шілде аралығында Қызылорда қаласы, Арал, Қазалы, Жаңақорған аудандарындағы тестілеу пункттерінде өтеді.Облыс әкімі осы күндері тест тапсырушылардың ата-аналары, туған-туыстары орталыққа көптеп баратындықтан, дайындықты алдын-ала ескеруді жүктеді. Шатыр тігіп, биотуалет орнатып, тұрғындарға жайлы жағдай жасау керек.Облыстық төтенше жағдайлар департаментіне соңғы қоңырау, аттестат табыстау, тестілеу өтетін күндері төтенше жағдай, оқыс оқиға орын алмауын қамтамасыз ету тапсырылды.Денешынықтыру және спорт, мәдениет басқармаларына, қала, аудан әкімдіктерімен бірлесіп, өңіріміздегі спорт ұйымдарында, денешынықтыру-сауықтыру кешендерінде, театр, музей, өнер мектептерінде балалардың бос уақытын тиімді өткізудің жоспарын әзірлеп, тиісті шаралар ұйымдастыру міндеттелді.Балалардың жазғы лагерін ұйымдастыру бойынша да жұмыстар айқындалды. «Жазғы демалыспен қамтылатын балалардың жолдағы қауіпсіздігін қатаң бақылауда ұстау қажет. Балаларды жеткізу кезінде міндетті түрде жол-патрульдік полиция қызметкерлері сүйемелдеуі тиіс. Жауапты инспекторларды бекітіңіздер», – деді Н.Нәлібаев.Жиын соңында балалардың су айдындарындағы қауіпсіздігін қатаң бақылауда ұстау бойынша да тапсырма берілді.<img src="https://knadmin.beoblood.kz/uploads/lys_kimi_Balalardy_auipsizdigin_sa_tau_bizdi_negizgi_mindetimiz_1_7cd7e05d6f.jpg" alt="лыс әкімі Балалардың қауіпсіздігін сақтау – біздің негізгі міндетіміз 1.jpg"><img src="https://knadmin.beoblood.kz/uploads/lys_kimi_Balalardy_auipsizdigin_sa_tau_bizdi_negizgi_mindetimiz_2_27ff563f33.jpg" alt="лыс әкімі Балалардың қауіпсіздігін сақтау – біздің негізгі міндетіміз 2.jpg">Фото: Қызылорда облысы әкімінің баспасөз қызметі

Облыс әкімі: Балалардың қауіпсіздігін сақтау – біздің негізгі міндетіміз

<a href="https://kyzylorda-news.kz/">Kyzylorda-news.kz</a> 1965 жылы Қызылорда қаласына қарасты Тасбөгет кентіндегі №11 А.Тыныбаев атындағы мектеп-лицейін аяқтаған түлектер үшін биылғы жыл ерекше есте қалады. Арада тура 60жыл өткенде,сол бір алтын ұядан ұшып шыққан шәкірттер қайта қауышып,мектеп қабырғасындағы жастық шақтарын еске алды.Жетпістен асқан аяулы жандардың жүзінен қуаныш пен толқыныс лебі сезіледі. Кездесу барысында сағыныш пен сырға толы әңгімелер айтылып,мұғалімдердің еңбегі зор алғыспен еске алынды. Бұл тек &nbsp;кездесу емес, бұл–уақытты тоқтатып, жүректегі естеліктерді тірілткен рухани сапар. Алпыс жыл бұрынғы бала кездің аңғал күлкісі мен арман толы көзқарастар қайта жаңғырды.&nbsp;Бұл кездесудің басты мақсаты – жай отырып қайту емес,өткенді саралап,бас қосып, ұмытылған естеліктерді жаңғырту. Қанша уақыттан бері көріспеген достардың бір-бірімен көрісу сәті. Бойда жиналған сағыныш сазын паш ету. Сондай-ақ ұрпақтар сабақтастығын қалыптастыру.Іс-шарада Алматы, Тараз, Қызылорда сынды қалалардан жиналған шәкірттер бас қосып, сағыныштарын басты. Кездесу барысында естеліктермен бөлісу, фотоальбомдар ақтару, арнаулы дастархан басында шынайы тілектер мен сағынышқа толы әңгімелер айтылды. Бір кезде қатар отырған парталастар бүгінде үлкен бір дәуірдің куәсі, елдің ардақты азаматтары болып отыр.Тасбөгет кентінің тұрғыны,зейнеткер,ардагерлер ұйымының төрағасының орынбасары, қоғамдық кеңес мүшесі – Олжабай Жүсіпұлы шара туралы өз ойымен бөлісті.<blockquote>– Мен негізі 1966 жылы мектепті бітірдім. Дегенмен бүгінгі түлектермен замандас болып, бірге өсіп, бірге жұмыс атқардық. &nbsp;Сондықтан қонақ ретінде бүгінгі жиынға арнайы шақырды. Кезінде бірге оқып,көптеген жұмыс атқарған азамттардың барлығын жақсы танимыз, бүгінде бәрімізде ақсақал болып, немере, шөбере сүйіп отырған жайымыз бар. Келешек ұрпақтарға осы жолымыз өнеге болсын деймін. Өмір–ағып жатқан өзен секілі.Сол өзеннің бойында бізден қалып кеткен кісілерде бар. Оған барынша сабыр етіп, &nbsp;шыдаймызжәне сағына еске аламыз. Алдағы уақытта осындай мерекелерді төрт көзіміз түгел қарсы алу бұйырсын деп тілейммін. Осы уақыттағы мектеп бітіруші түлектерге үлкен үміт артамыз және бар білім кітапта екенін ұмытпаулары керек. Кітап оқу арқылы ғана ой биігіне жете алатынын ескерулері тиіс. Ең алдымен мұғалімнің сөзін тыңдап,әрдайым құрметпен қарауды үйренсе деймін. Сонда ғана жастарға болашақты сенім тапсыра аламыз, – деді Олжабай Жүсіпұлы</blockquote>Осы шарадағы түлектердің бірі – Танабай Әбділдаұлы ұлағатты ұстаздардың өнегелі жолын айтты.<blockquote>– Осы №11 мектептің 1965жылы бітірген түлектерінің бірімін. Сол уақыттары бізге сабақ берген Раманқұл Сүлейменов, Тағыберген Жанишев сынды ұстаздарымыз болатын. Мектептің директорлары Қатипа Бисенбаева, Әмина Мағдиеваапайлардың берген тәрбиелерін әлі күнге дейін ұлықтап, ұрпақтарымызға айтып отрамыз. Бүгінгі бас қосуымыз – өткен күндерді жаңғыртып, басқан ізімізге баға беру. Мектепті бітіргеннен кейін 1965 жылы оқуға түстік, артынан әскерге шақырту алып, 3жыл Отан алдындағы борышымды өтедім. Келгеннен кейін оқуымды аяқтап, Қызылорда политехникумында механизация мамандығын бітірдім. Аудандық ауылшаруашылық басқармасында әртүрлі қызметте істедім. Абай совхозында бас инженер болдым. Біздің әрбір жетістігіміздің артында мектебімсіз тұр. Бұл мектептің тарихы терең. Тек мен ғана емес менің бауырларым да және олардың ұрпақтары да осы мектептен біліп алып шыққан. Мектептен, ұстаздан алған тәрбие ешқашан ұмытылмайды. Міне бүгін сол мектептен бірге түлеген түлектермен бас қосып жатырмыз. Сондай ерекше толқыныс бар.Қаншама уақыттан бері көрмеген жолдастарымызды көріп марқайып қалдық. Алдағы уақытта мүмкіндігінше көп кездесіп тұрсақ деймін, – деді Танабай ағамыз ағынан жарылып.<img src="https://knadmin.beoblood.kz/uploads/60_zhyldy_2b1d44b1d5.png" alt="60 жылдық.png"></blockquote>Көркем ТӨЛЕБАЙҚорқыт ата университетінің 1-курс студентіФото: Балтабай Тұрарұлы/Kyzylorda-news.kz" ақпараттық агенттігі

Алпыс жылдан кейінгі кездесу

<a href="https://kyzylorda-news.kz/">Kyzylorda-news.kz</a> Бүгін Сыр елінде облыс әкімі Нұрлыбек Нәлібаевтың қатысуымен мемлекет және қоғам қайраткері Қырымбек Елеуұлы Көшербаевтың 70 жасқа толуына орай арнайы басқосу өтті.Оған Парламент Сенатының депутаты Наурызбай Байқадамов, көрнекті мемлекет және қоғам қайраткерлері Қуаныш Сұлтанов, Гүлшара Әбдіқалықова, Қазақстанның Еңбек Ерлері Ұзақбай Қарабалин, Юрий Пя, композитор, Қазақстан Республикасының еңбек сіңірген қайраткері Төлеген Мұхамеджанов, зиялы қауым өкілдері, ел ағалары, мерейтой иесінің әріптес-достары, басқа өңірлерден келген қонақтар қатысты.Алдымен Қырымбек Көшербаевқа Президент Қасым-Жомарт Кемелұлының арнайы құттықтау хаты табысталды.Аймақ басшысы мерейтой иесін «Қызылорда облысының әлеуметтік-экономикалық дамуына қосқан үлесі үшін» медалімен марапаттап, халқымыздың игі дәстүріне сай сый-құрмет көрсетті.<img src="https://knadmin.beoblood.kz/uploads/Memleket_zh_ne_o_am_ajratkeri_yrymbek_K_sherbaev_70_zhasta_1_fa46bbfec4.jpg" alt="Мемлекет және қоғам қайраткері Қырымбек Көшербаев 70 жаста 1.jpg"><blockquote>«Мәнді де мағыналы ғұмыр кешіп, абыройға, сый-құрметке бөленген аға буын ішінде Қырымбек Елеуұлының тұлғалық келбеті, адами болмысының ерекшелігі өз алдына бөлек. Ел аманатын арқалап, халық құрметіне кенелген ардақты ағаларымыздың ғибратты ғұмырын өскелең ұрпаққа үлгі ету, лайықты құрмет көрсету – біздің басты парызымыз.Қырымбек Елеуұлы ел Тәуелсіздігінің елең-алаң кезеңінен бастап табанды қызмет етіп, ел дамуына сүбелі үлес қосты. Қазақ елінің бірлігін нығайтуға, ұлт руханияты мен мәдениетін дамытуға сіңірген еңбегі елге белгілі. Қызмет барысында әркез байыпты бастамаларды іске асырды.Сыр өңірін басқарған уақытта елдің еңсесін тіктеуде ауқымды жұмыс атқарды. Мемлекет ісі мен ғылымды қатар ұштастырған өмір жолында, сан-салалы қызметте жинаған мол тәжірибесі кейінгі ұрпақ үшін үлгі-өнеге.Сізді жерлестеріміздің, өзімнің атымнан мерейлі 70 жасыңызбен шын жүректен құттықтаймын», – деді Н.Нәлібаев.</blockquote>Салтанатты жиында Қуаныш Сұлтанов, Наурызбай Байқадамов, Ұзақбай Қарабалин, Юрий Пя, Батыс Қазақстан облысы әкімінің орынбасары Қалияр Айтмұхамбетов, Маңғыстау облысы әкімінің бірінші орынбасары Ербол Ізбергенов, Қазақстанның Еңбек Ері Имамзада Шағыртаев, ҚР Президенті Әкімшілігі Қауіпсіздік Кеңесінің сарапшысы Еламан Меңдіқұл мерейтой иесінің еңбек жолына тоқталып, ізгі лебіздерін жеткізді.Қырымбек Елеуұлы қызмет барысындағы естеліктерді айтып, көрсетілген құрметке ризашылығын білдірді.<img src="https://knadmin.beoblood.kz/uploads/Memleket_zh_ne_o_am_ajratkeri_yrymbek_K_sherbaev_70_zhasta_2_f41f000197.jpg" alt="Мемлекет және қоғам қайраткері Қырымбек Көшербаев 70 жаста 2.jpg">Өнегелі істердің ұйытқысы болып, халықтың ықыласына бөленген, Тәуелсіз Қазақстанның дамуына алғашқы күндерден бастап атсалысқан мемлекет және қоғам қайраткері Қырымбек Елеуұлы Көшербаев Білім және ғылым, мәдениет, денсаулық сақтау, спорт министрі, Батыс Қазақстан, Маңғыстау, Қызылорда облыстарының әкімі, Қазақстанның Ресейдегі елшісі, Премьер-министрдің орынбасары, Президент Әкімшілігінің басшысы, Қазақстан Республикасының Мемлекеттік хатшысы болған.Елге жасаған еңбегі үшін І және ІІ дәрежелі «Барыс», «Парасат» ордендерімен марапатталған.Фото: Қызылорда облысы әкімінің баспасөз қызметі

Мемлекет және қоғам қайраткері Қырымбек Көшербаев 70 жаста

<a href="https://kyzylorda-news.kz/">Kyzylorda-news.kz</a> &nbsp;Мәдениет және өнер қызметкерлерінің кәсіби мерекесі қарсаңында Ақордада салтанатты жиын өтті. Президент ұлтымыздың болмыс-бітімін сақтауға, халқымыздың руханиятын байытуға зор үлес қосып жүрген сала қызметкерлеріне ризашылығын білдірді.<blockquote>– Мәдениет – ұлттың төлқұжаты. Жаһан жұрты елімізді, ең алдымен, өнеріміз арқылы танып біледі. Біз – Ұлы далада тамыр жайған бірегей мәдениеттің заңды мұрагеріміз. Қазақ жерінен шыққан қайталанбас өнер иелерінің теңдессіз туындылары тұтас ұлтты тәрбиеледі. Қазір төл мәдениетіміз дүние жүзіне танылып жатыр. Талантты музыканттарымыз әлемдік сахналарда табысты өнер көрсетіп жүр. Қазақ киногерлері түрлі халықаралық байқауларға қатысып, сарапшылардың жоғары бағасына ие болуда. Елордамызда Дүниежүзілік көшпенділер ойындары табысты өтті. Ақтау қаласы түркі әлемінің мәдени астанасы болып жарияланды. Рухани мұраларымыз цифрлық форматқа көшіріле бастады. Таяуда ұлтымыздың бір жарым мың ән-күйі мен фольклорлық мұрасы ең танымал халықаралық платформаларға салынды. Төл өнеріміз креативті индустрия арқылы барынша насихатталуда, – деді Президент.</blockquote>Қасым-Жомарт Тоқаевтың айтуынша, мемлекет өнер саласын өркендетуге әрдайым ерекше мән береді. Өйткені мәдениеті озық елдің рухы биік болады.<img src="https://knadmin.beoblood.kz/uploads/Glava_gosudarstva_vystupil_na_czeremonii_nagrazhdeniya_rabotnikov_kultury_i_iskusstva_1_7bf2bd17dd.jpg" alt="Глава государства выступил на церемонии награждения работников культуры и искусства 1.jpg"><blockquote>– Былтырдың өзінде 45 жаңа мәдениет нысаны салынды. Бұл жұмыс болашақта да жалғасын табады. Театр – руханиятымыздың негізгі тірегінің бірі. Ұлттық құрылтайдың Бурабайда өткен отырысында аймақтағы театрларды дамыту туралы нақты тапсырма берілді. Театрлардың көпшілігі толық жаңғыртуды қажет етеді. Кейбіріне жаңа ғимарат керек. Осы жұмысқа кәсіпкерлер мен меценаттарды жұмылдырған абзал. Бұл – әлемде кең таралған тәжірибе. Мұндай жобаларға инвестиция салуға дайын азаматтар аз емес. Мен бизнес өкілдерін руханиятымызды дамыту ісіне атсалысуға шақырамын, – деді Мемлекет басшысы.</blockquote>Президент елімізде іргелі мәдениет ошақтары көп екеніне назар аударып, олар талай жылдан бері көрермен қауымға тағылымды қойылымдар ұсынып келе жатқанын жеткізді.<blockquote>– Осы орайда Бикен Римова атындағы қазақ драма театрына, Алматы қаласындағы Мемлекеттік қуыршақ театрына және Ғарифолла Құрманғалиев атындағы филармонияға академиялық мәртебе беру қажет деп санаймын. Бұл қадам мәдениет мекемелерінің жұмысына тың серпін берері сөзсіз, – деді Мемлекет басшысы.</blockquote>Сонымен қатар Қасым-Жомарт Тоқаев музейлер тарихымыз бен мәдениетіміздің асыл қазынасы екенін атап өтіп, мемлекет олардың дамуына ерекше мән беріп отырғанын айтты.<blockquote>– Осыған дейін еліміздің жетекші үш музейі ұлттық мәртебеге ие болды. Бұл олардың қызметіне орасан зор серпін берді. Ғылыми-зерттеу саласында, тарихи және мәдени ескерткіштерімізді зерделеу ісінде музейлердің әлеуетін толық пайдалану маңызды. Сарайшық қалашығы зерттеушілердің ерекше қызығушылығын тудырады. Оған жаңғырту жұмыстарын жүргізу қажет. Сонымен қатар Орталық Азия елдерінің тарихи-мәдени мұрасына арналған бірыңғай цифрлық платформа құру туралы бастаманың берері мол,– деді Президент.</blockquote>Мемлекет басшысының айтуынша, төл тарихымыз бен мәдениетімізді насихаттауда ЮНЕСКО-мен өзара ықпалдастық ерекше рөл атқарады. Бұл ретте Президент Бүкіләлемдік мұралар тізіміне еліміздің тарихи және мәдениет ескерткіштерін енгізу үшін күш-жігер жұмсалып жатқанына тоқталды. Бұдан бөлек, «Әлем жады» тізбесіне құжат күйіндегі мұраларымызды енгізу ісі қолға алынды.<blockquote>– Биыл әйгілі композитор Нұрғиса Тілендиевтің 100 жылдығын ЮНЕСКО деңгейінде атап өтеміз. Мерейлі даталарға орай өтетін іс-шаралар мазмұнды, тағылымды болуы керек. Халық руханиятының тағы бір маңызды қыры – сәулет өнері. Қалалар мен елді мекендер келбеті – ұлт мәдениетінің айнасы. Ұлттық архитектура, түптеп келгенде, ұлттық санаға ықпалын тигізеді. Елімізде сәулет өнерін жетік меңгерген, оны ұлттық нақышқа бейімдей алған мамандардың тұтас буыны өсіп келеді. Мұндай дарын иелеріне мейлінше қолдау көрсету қажет. Осы орайда жас сәулетшілердің арнайы байқауын ұйымдастырып, Ұлттық сыйлық тағайындауға болады, – деді Қасым-Жомарт Тоқаев.</blockquote>Мемлекет басшысы елімізді көркейту – баршаға ортақ міндет екенін атап өтіп, «Таза Қазақстан» жалпыұлттық акциясының мақсаты да осыған негізделгенін айтты.<blockquote>– Жалпы, тазалық пен мәдениет – егіз ұғым. Мәдениеті жоғары қоғамның табиғаты да, таным-түсінігі де таза болары анық. Ұлтты өрге бастайтын қасиеттің бірі – білімге, оқуға деген құштарлық. Шерхан Мұртазаның «Мәдениеттің мәйегі – кітап» деген сөзі бар. Біз озық ойлы ел боламыз десек, ең алдымен, кітап оқитын ел болуымыз керек. Әрине, қазіргі ғаламтордың үстемдігі кезінде бұл мақсатқа қол жеткізу оңай емес, күрделі, бірақ бәріміз соған жетуіміз керек. Қазір бұл бағытта нақты жұмыс жасалып жатыр. Жас қаламгерлерге арнайы Президент сыйлығы беріле бастады. Биыл алғаш рет «Ұлттық кітап күнін» атап өттік. Халқымыз осы маңызды бастамаға барынша қолдау білдірді. Әсіресе, жастарымыз ерекше белсенді. Осындай игі істер алдағы уақытта да жалғаса береді, – деді Президент.</blockquote>Мемлекет басшысы елімізде соңғы жылдары ауқымды реформалар жүзеге асырылғанын еске салып, бұл үдеріс саясат пен экономикадан бастап, барлық салаға әсерін тигізгеніне тоқталды.<blockquote>– Ұлттық болмысымыз заманға сай өзгере бастады. Мұны реформаның тағы бір маңызды нәтижесі деуге болады. Мәдениет пен өнердің ағартушылық әлеуеті орасан зор. Бұл сала ұлт санасын жаңғыртуға ерекше ықпал етеді. Өскелең ұрпақ сіздердің туындыларыңыздан тәлім-тәрбие алады. Қоғамда жаңа этика мен құндылықтар қалыптасады. Өнер-білім арқылы жастарымыз жасампаз, жаңашыл әрі еңбекқор болып өседі. Сонда біз шын мәнінде Әділетті, Қауіпсіз, Таза және Өркениетті мемлекет боламыз. Мәдениет және өнер қызметкерлері осы маңызды жұмысқа зор үлес қоса береді деп сенемін, – деді Қасым-Жомарт Тоқаев.</blockquote>Президент сөзін қорытындылай келе, мемлекет алдағы уақытта да мәдениет өкілдеріне жан-жақты қолдау көрсете беретінін атап өтті.<blockquote>– Бүгін ұлттық өнердің майталманы Қайрат Байбосыновқа «Қазақстанның Еңбек Ері» атағы беріледі. Халқымыздың жан-дүниесін айшықтай көрсететін халық өнері әрдайым төрде болуы керек. Бұл марапат – әйгілі әншінің өлшеусіз еңбегі мен ұлттық өнерімізге деген ерекше құрметтің белгісі, – деді Қасым-Жомарт Тоқаев.</blockquote>Бұдан бөлек, ұлттық мәдениетті дамытуға және насихаттауға қосқан айрықша үлесі, мәдениет саласындағы аса үздік жетістіктері үшін бір топ азамат<a href="https://akorda.kz/kz/prezident-kazakstan-respublikasynyn-memlekettik-nagradalarymen-marapattau-turaly-zharlykka-kol-koydy-2044337">&nbsp;мемлекеттік наградалармен марапатталды.</a>Фото: Ақорда

Мемлекет басшысы Қасым-Жомарт Тоқаев мәдениет және өнер қызметкерлерін марапаттау рәсімінде сөз сөйледі

<a href="https://kyzylorda-news.kz/">Kyzylorda-news.kz</a>&nbsp; Елімізде «Қорқыт Ата» жаңа арнайы экономикалық аймағы (АЭА) құрылды. Тиісті қаулыға Премьер-министр Олжас Бектенов қол қойды. Бұл туралы Үкіметтің баспасөз қызметі <a href="https://kaz.inform.kz/news/ukmet-elmzde-korkit-ata-zhana-arnayi-ekonomikalik-aymagin-ashti-7fbca2/">хабарлады</a>.Құжатқа сәйкес, АЭА Қызылорда облысында «Батыс Еуропа – Батыс Қытай» халықаралық көлік дәлізіне жақын 550 гектар аумақта орналасады. Арнайы экономикалық аймақ аумағында заманауи өнімділігі жоғары, бәсекеге қабілетті өндірістерді жедел дамыту, қызмет көрсетудің сапалы жаңа деңгейін қалыптастыру, инвестиция тарту, экономика саласында жаңа технологиялар енгізу, сондай-ақ халықты жұмыспен қамтуды арттыру үшін мүмкіндіктер жасау жоспарланып отыр.АЭА-ның «Батыс Еуропа – Батыс Қытай» халықаралық көлік дәлізіне жақындығы Қазақстан мен Орталық Азия нарықтарында өнімді тиімді өткізуге мүмкіндік береді. АЭА аумағында салықтық және кедендік жеңілдіктер ұсына отырып, арнайы құқықтық режим әрекет ететін болады.<img src="https://knadmin.beoblood.kz/uploads/1_9_4e9b8451ab.webp" alt="1-9.webp">2049 жылға қарай АЭА-ға салынатын инвестицияның жалпы көлемін 150 млрд теңгеге, шетелдік салымдарды – 80 млрд теңгеге дейін жеткізу жоспарланып отыр. Тауарлар өндіру мен қызмет көрсету көлемі 500 млрд теңге деңгейінде болжанып отыр.Қазақстандық қамту үлесі – 90%-ға дейін жетеді. 25 жыл ішінде АЭА кәсіпорындарында 3 366 жаңа жұмыс орнын ашу көзделген, қатысушы компаниялардың саны 39-ға жеткізіледі.Сондай-ақ мультимодальды әуе хабтарын құру жөніндегі іс-шараларды іске асыру шеңберінде және кеден заңнамасының талаптарына сәйкес, аталған қаулымен «Оңтүстік», «Астана – Технополис», «Сарыарқа», «Alatau» және «Ақтөбе» АЭА-ға порт аймақтары мәртебесі берілді.Арнайы экономикалық аймақтар институты әлі күнге дейін тиісті деңгейде дамымай отыр. Бұл туралы Үкімет отырысында Премьер-Министр Олжас Бектенов айтқан еді.Фото: primeminister.kz

«Қорқыт Ата» жаңа арнайы экономикалық аймағы құрылды

<a href="https://kyzylorda-news.kz/">Kyzylorda-news.kz</a>&nbsp; &nbsp;Сыр елінің рухани байлығы мен тарихи жадына айналған тұлғалардың өнегелі өмір жолын ұлықтау - елдік пен ерлікке тағзым етудің көрінісі.Қызылордада мемлекет және қоғам қайраткері, Ұлы Отан соғысының ардагері Ыдырыс Қалиевтің 100 жылдығына орай ауқымды шаралар қолға алынды. Оның өнегесін жас ұрпаққа үлгі ету үшін елге сіңірген еңбегі терең зерделенді. Қызылорда облысының әкімі Нұрлыбек Нәлібаевтың тікелей тапсырмасымен қайраткердің ғасырлық мерейтойын жыл көлемінде жоғары деңгейде атап өту мақсатында арнайы облыстық іс-шаралар жоспары бекітілген.Бүгінгі ғылыми-танымдық конференцияда ардақты тұлғаның азаматтық бейнесі, ел алдындағы адал қызметі, ұрпаққа қалдырған тағылымды мұрасы туралы айтылды. Қатысушылар ардагердің еңбекпен өрілген өмірінен сыр шертетін арнайы бейнебаянды тамашалады. Конференцияны Қызылорда облысы әкімінің орынбасары Шахмардан Байманов жүргізіп, аймақ басшысы Нұрлыбек Нәлібаевтың лебізін жеткізді.&nbsp;Жиын барысында жасалған мазмұнды баяндамаларға Ыдырыс Қалиевтің ел дамуы жолындағы ерен еңбегі арқау болды. Атап айтқанда, академик Бақберген Досманбетов, республикалық «Жалаңтөс баһадүр» қорының президенті Нажмадин Мұсабаев, облыстық «Ұрпақтан ұрпаққа» қоғамдық бірлестіктің төрағасы Сайлаубай Әбішұлы, Қорқыт Ата атындағы Қызылорда университетінің профессоры Айтжан Оразбақов оның тұлғалық болмысы, іскерлігі мен туған өлкенің дамуына қосқан үлесі туралы мазмұнды деректер мен естеліктерді бөлісті.Конференцияға зиялы қауым өкілдері, ардагерлер, мемлекеттік және қоғамдық ұйымдардың мүшелері, Қорқыт Ата атындағы Қызылорда университетінің оқытушылары, мәслихат депутаттары, БАҚ өкілдері, Ыдырыс Қалиұлының ұрпақтары және замандастары қатысты. Соңында қайраткердің ұлы Серік Қалиев барша қатысушыларға жүрекжарды алғысын білдірді. Іс-шарадан кейін ас беріліп, Қызылорда облыстық мәслихатының төрағасы Мұрат Тілеуімбетов аймақ басшысының лебізін жеткізді.&nbsp;Мұнан соң марқұмның рухына құран бағышталып, дұға оқылды.

Ыдырыс Қалиевтің 100 жылдығына арналған ғылыми-танымдық конференция өтті

<a href="https://kyzylorda-news.kz/">Kyzylorda-news.kz</a> Отбасы - өнегенің өзі, тәрбиенің көзі. Оттың басында бойыңа сіңген тәлім-тәрбие бүкіл бітім-болмысыңды айшықтайды. Адамның ала жібін аттамау, кісінің сөзін бөлмеу, үлкеннің алдын кесіп өтпеу тағысын тағы сол сықылды жағдаяттар балдырған сәт, бала күннен оттың басында жадымызға сіңді. 1993 жылы 20 қыркүйекте БҰҰ Ассамблеясымен 15 мамыр - Халықаралық отбасы күні болып белгіленді. Содан бері 32 жыл көлемінде бұл мереке дәстүрлі сипатта аталып келеді. Жыл сайын аймақта Отбасы күнін атап өтуге байланысты шаралар өтеді. Биыл да жоспарға сәйкес 600-ге жуық шара өткізіледі. Бұл туралы облыс әкімінің орынбасары Шахмардан Байманов мәлімдеді.<blockquote>- Отбасы күніне байланысты өмірлік қиын жағдайдағы отбасылар үшін қайырымдылық акциялары, «Мерейлі отбасы-2025» ұлттық байқауы басталатын Отбасы ағашы» акциясы, «Атамекен» отбасы үлгісіндегі балалар ауылындағы балалармен «Толағай» спорттық сайысы, психологтарды тарта отырып білім беру мекемелерінде ата-аналармен кездесулер өткізу сынды көлемді шаралар ұйымдастырылуда. Бүгінде облысымызда отбасыларға қамқорлық пен көмек үздіксіз көрсетіліп келеді. Ана мен баланы қорғауға арналған қаржы, көпбалалы отбасыларына берілетін мемлекеттік жәрдемақылар көлемі жыл сайын өсуде. Қазіргі таңда облысымызда 17 мыңнан астам жуық «Алтын алқа» мен «Күміс алқа» иелері және 48 мың көп балалы отбасы бар. Отбасы құндылықтары мен киелі шаңырақ қасиетін жас ұрпақ санасына сіңіру, рухани-адамгершілік тәрбиені дәріптеу мақсатында барлық ауданда ішінде неке қию залы, кітапхана, музей, мұрағат, жастар орталығы, ардагерлер мен аналар үйі бар «Руханият орталықтары» ашылды. Бүгінгі күні орталықтарда күнделікті мәдени-рухани шаралар ұйымдастырылуда. Халықаралық отбасы күнімен баршаңызды құттықтаймын ,- деді Шахмардан Асқарұлы.</blockquote><img src="https://knadmin.beoblood.kz/uploads/Biyl_ajma_ta_otbasy_k_nine_bajlanysty_600_ge_zhuy_is_shara_tedi_1_9d385d8df6.jpg" alt="Биыл аймақта отбасы күніне байланысты 600-ге жуық іс-шара өтеді 1.jpg">

Биыл аймақта отбасы күніне байланысты 600-ге жуық іс-шара өтеді

<a href="https://kyzylorda-news.kz/">Kyzylorda-news.kz</a> 15 мамыр – Халықаралық отбасы күніне орай Қызылорда облысында «Отбасы – бақыт мекені» атты мерекелік іс-шара өтті. Атаулы күннің негізгі мақсаты – отбасылық құндылықтарды дәріптеп, қоғамда оның мәртебесін арттыру, ұрпақтар арасындағы рухани сабақтастықты нығайту.Мерекелік шара аясында отбасы құндылықтары, ата-ана мен бала арасындағы қарым-қатынас, әке мен ананың тәрбиедегі рөлі, ұрпақтар сабақтастығы сынды өзекті тақырыптар кеңінен қозғалды. Іс-шара қонақтары отбасы институтының қоғамдағы орны мен маңыздылығы жөнінде пайымды пікірлерімен бөлісті, тереңінен ой өрбітті.Іс-шараның ең әсерлі тұсы – 50 жыл бойы бір шаңырақ астында өмір сүріп, өмірдің ыстық-суығына бірге шыдаған ардақты қариялардың құрмет төріне шығуы болды. Оларға салтанатты түрде «Алтын той» неке куәлігі табысталып, шынайы ықылас пен құрмет көрсетілді. Бұл – жас отбасылар үшін үлкен өнеге, ұлағатты үлгі болды.Сондай-ақ, бүгінгідей ерекше күнде үлкен өмірге қадам басып, Мұхаммедәли мен Айсұлу заңды түрде жас-жұбайлар атанды. Жастардың айтуынша, бұл дата кездейсоқ таңдалмаған. Бір жыл бұрын олар танысып, &nbsp;өмірлік жолды бірге бастауға шешім қабылдаған екен. «Алтын той» иелері жас жұбайларға неке куәлігін өз қолдарымен табыстап, ақ тілектерін арнады. Бұл – ұрпақтар арасындағы рухани байланыс пен дәстүр сабақтастығының тағы бір жарқын көрінісі.Айта кету керек, жыл басынан бері Қызылорда облысының өзінде&nbsp;1111 жаңа отбасы тіркелді. Бұл – өңіріміздің реттік нөмірі 11-мен үндесіп, ерекше мәнге ие болып отыр.

Қазақстан және Қызылорда облысының жаңалықтары: Руханият