<a href="https://kyzylorda-news.kz/">Kyzylorda-news.kz.</a>&nbsp; «Тұлпар мініп, ту алған!» байқауының Жаңақорған аудандық кезеңі басталды.
«Ордакент» ардагерлер, жастар ресурстық орталығында өтіп жатқан байқауда Жаңақорған ауданы мектептері бойынша 120-дан астам оқушы бақ сынауда.
Іс-шарада сөз сөйлеген Жаңақорған ауданы әкімінің кеңесшісі Қаныбек Әбдуов байқаудың маңыздылығына тоқталып, талапкерлерге сәттілік тіледі.
Байқауға Жаңақорған аудандық мәслихатының «Nur Otan» партиясы фракция жетекшісі Әсемкүл Тілеубергенова, «Qazaq Epos» қоғамдық қорының өкілі Нұрсұлтан Қаражан, Жаңақорған аудадық білім бөлімі тәрбие ісі жөніндегі бас инспекторы Мира Жандарбекова, аудандық мәдениет бөлімінің басшысы Нұрымжан Бұлдырықов, Жаңақорған ауданы әкімінің кеңесшісі Қаныбек Әбдуов, айтыскер ақын Әбілқайыр Сыздықов және Жаңақорған аграрлы-техникалық колледжі директоры Жомарт Шауенов қазылық етуде.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда.
<img src="https://kyzylorda-news.kz/wp-content/uploads/2021/10/48107bae-65df-41fa-a68d-c5de225b1d4d.jpg" alt="" />

Жаңақорғандық 123 оқушы «Едіге батыр» жырын жатқа айтудан жарысуда

<a href="https://kyzylorda-news.kz/ru/obshestvo/">Kyzylorda-news.kz</a>. «Тұлпар мініп, ту алған!» байқауының Қызылорда қалалық кезеңі бойынша жеңімпаздар анықталды. Қорқыт ата атындағы Қызылорда университетінің Студенттер сарайында өткен байқауда Қызылорда қаласы мектептері бойынша 100-ге жуық оқушы бақ сынады.
Жоба барысында «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов сөз сөйлеп, байқаудың маңыздылығына тоқталды.
<blockquote>
 «Қазіргідей бала санасының әр талшығын бүкілғаламдық тор шеңгелдеп тұрып шырмап алған кезеңде оның тарихи, көркем, пәлсапалық маңызын ұмыттырмай, бабалар аманаттап кеткен жәдігердің әр жолын көздің қарашығынай сақтап, бойға сіңіру өте маңызды. Тегеурінді технологияның тасасында қалып бара жатқан ауыз әдебиетінің інжу-маржаны ендігі жерде ешкімге де қажет емес деп қарайтындар бар. Ендеше эпостық жырға, батырлар жырына құрметті арттыру үшін ынталандырып жаттатудың, қызықтырып оқытудың әдіс-амалдары қарастырылғаны жөн. «Тұлпар мініп, ту алған» ұлттық жобасы осындай мақсатпен қолға алынған.&nbsp; Жобаның қалалық және аудандық кезеңдері 25-29 қазан аралығында өтеді. Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда», – деді Шәріп Әкбарұлы.
</blockquote>
Сондай-ақ, қалалық білім бөлімінің басшысы Динара Баймырзаева талапкерлерге сәттілік тіледі.
<blockquote>
 «ҚР Білім министрлігінің “Оқуға құштар мектеп” жобасы барлық мектептерде жүргізіліп келеді. Жоба аясында балалар өлеңдерді жатқа оқып, қосымша әдебиеттермнн танысып жатыр. Көптеген іс-шаралар өтуде. Мектептердің кітапханадарында буккросингтер әзірленді. Бұл жұмыстар балаларды кітап оқуға ынталандыру үшін жасалып жатқан жұмыстар. Бүгінгі байқауға қатысып жатқан 93 баланың барлығы да біз үшін жеңімпаздар. Сіздерге сәттілік тілеймін», – деді ол.
</blockquote>
Байқауға «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов, балалар ақыны Рахат Наурызбаева, жыршы, Тұрмағамбет атындағы өнер мектебінің директоры Берік Саймағамбетов, әлеуметтанушы Нұрсұлтан Қаражанов, «Сыр дидары» газетінің бас редакторы Сәкен Алдашбаев, А.Тоқмағамбетов атындағы мәдениет үйі жанындағы «Қауырсын» жас ақындар үйірмесінің жетекшісі Мамыр Байдәулетов, жыршы Серік Жақсығұлов қазылық етті.
Байқаудың қорытындысы бойынша, қазылар шешімімен, Қызылорда қаласы бойынша келесі оқушылар жеңімпаз атанды:
1 орын(150 мың теңге) – №271 орта мектептің&nbsp; 7-сынып оқушысы Жаннұр Аман, дайындаған мұғалімі Гайнегул Аймыратова; 
2 орын(100 мың теңге) – №187 мектептің&nbsp; 8-сынып оқушысы Жансая Төлеп, дайындаған мұғалімі Баян Мұрынбаева; 
3 орын(50 мың теңге) – №189&nbsp; мектеп гимназиясының 8-сынып оқушысы Аяулым Мұханбетжан, дайындаған мұғалімі Анар Баймаханова.
Байқау жеңімпаздарына жүлделерін қала әкімінің орынбасары Бектас Нуридинов табыстады. 
Барлық қатысушылар дипломдармен марапатталып, үздік үштіктен көрінген қатысушылар байқаудың облыстық кезеңіне жолдама алды.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда. Ертең, яғни, 26 қазан күні жоба Жаңақорған және Шиелі аудандарында жалғасады.
<img src="https://kyzylorda-news.kz/wp-content/uploads/2021/10/28c1bec7-0c92-4ae8-ad90-60979a1eaf33.jpg" alt="" />
<img src="https://kyzylorda-news.kz/wp-content/uploads/2021/10/e0f38050-ec06-4f40-b433-1dcdca3caaeb.jpg" alt="" />
<img src="https://kyzylorda-news.kz/wp-content/uploads/2021/10/f99ae5d9-55a5-40ce-a766-010aea545a15.jpg" alt="" />

«Тұлпар мініп, ту алған!»: Қызылорда қаласы бойынша жеңімпаздар анықталды

<a href="https://kyzylorda-news.kz/ru/obshestvo/">Kyzylorda-news.kz</a>. «Тұлпар мініп, ту алған!» байқауының Қызылорда қалалық кезеңі басталды. Қорқыт ата атындағы Қызылорда университетінің Студенттер сарайында өтіп жатқан байқауда Қызылорда қаласы мектептері бойынша 100-ге жуық оқушы бақ сынауда.
Жобаның мақсаты – оқушылар арасында кітап оқуды, оның ішінде қазақ халқының батырлық эпостарын насихаттау, өскелең ұрпақтың шығармашылық және зияткерлік қабілетін дамытуға жағдай жасау, оқушыларды халық поэзиясына, асыл мұраға деген сүйіспеншілікке және патриотизмге тәрбиелеу, намысшылдық, қайсарлық қасиеттерге баулу, қазақ тілі мен әдебиеті пәні мұғалімдерінің беделін көтеру.
Жоба барысында «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов сөз сөйлеп, талапкерлерге сәттілік тіледі.
<blockquote>
 – Қазіргідей бала санасының әр талшығын бүкілғаламдық тор шеңгелдеп тұрып шырмап алған кезеңде оның тарихи, көркем, пәлсапалық маңызын ұмыттырмай, бабалар аманаттап кеткен жәдігердің әр жолын көздің қарашығынай сақтап, бойға сіңіру өте маңызды. Тегеурінді технологияның тасасында қалып бара жатқан ауыз әдебиетінің інжу-маржаны ендігі жерде ешкімге де қажет емес деп қарайтындар бар. Ендеше эпостық жырға, батырлар жырына құрметті арттыру үшін ынталандырып жаттатудың, қызықтырып оқытудың әдіс-амалдары қарастырылғаны жөн. «Тұлпар мініп, ту алған» ұлттық жобасы осындай мақсатпен қолға алынған. Жобаның қалалық және аудандық кезеңдері 25-29 қазан аралығында өтеді. Байқауды «Qazaq Epos» қоғамдық қоры «Nur Otan» партиясы облыстық филиалы, облыстық білім басқармасы және «Дарын» қосымша білім беру орталығымен бірлесе отырып ұйымдастыруда, – деді Шәріп Әкбарұлы.
</blockquote>
Байқауға «Nur Otan» партиясы Қызылорда қалалық филиалы төрағасының бірінші орынбасары Шәріп Әбдірахманов, балалар ақыны Рахат Наурызбаева, жыршы, Тұрмағамбет атындағы өнер мектебінің директоры Берік Саймағамбетов, әлеуметтанушы Нұрсұлтан Қаражанов, «Сыр дидары» газетінің бас редакторы Сәкен Алдашбаев, А.Тоқмағамбетов атындағы мәдениет үйі жанындағы «Қауырсын» жас ақындар үйірмесінің жетекшісі Мамыр Байдәулетов, жыршы Серік Жақсығұлов қазылық етуде.
Айта кетейік, Қазақстан Республикасы Тәуелсіздігінің 30 жылдығына орай «Nur Otan» партиясы, ҚР Білім және ғылым министрлігі және «Qazaq Epos» қоғамдық қоры бірлесе отырып «Тұлпар мініп, ту алған!» байқауын жариялаған болатын.
Байқау 6-10 сынып оқушылары арасында «Едіге батыр» жырын жатқа айтудан өтеді. Қатысушылар қосымша Алтын Орда мемлекетінің тарихи оқиғаларына қатысты сұрақтарға жауап беруі тиіс.
Байқауға облыс бойынша 662 мұғалім дайындаған 713 оқушы қатысуда. Ертең, яғни, 26 қазан күні жоба Жаңақорған және Шиелі аудандарында жалғасады.
<img src="https://kyzylorda-news.kz/wp-content/uploads/2021/10/745eae3d-59dc-47d2-9197-a3ad706b8926.jpg" alt="" />
<img src="https://kyzylorda-news.kz/wp-content/uploads/2021/10/6001e71d-b8db-414c-8d4c-7724e333dd10.jpg" alt="" />
<img src="https://kyzylorda-news.kz/wp-content/uploads/2021/10/aca69fdb-59b2-478c-987a-afed696b5d29.jpg" alt="" />

Қызылорда қаласы: Жүзге жуық оқушы «Едіге батыр» жырын жатқа айтудан жарысуда

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстан Республикасы Мәдениет және спорт министрлігінің қолдауымен Ұлттық академиялық кітапханада Жамбыл Жабаевтың 175 жылдық мерейтойы аясында мемлекеттік тапсырыс арқылы жарық көрген 10 томдық жинақтың тұсаукесері өтті.
Ұлы жыраудың соңында қалған соқталы шығармаларын ұлттың рухани игілігіне жаратып, келер ұрпаққа жеткізу үшін ұлағатты парыз, асыл аманат. Мерейтойлық жылы ақын шығармаларын насихаттап, халыққа жеткізуде республика көлемінде көптеген мәдени іс-шаралар жүзеге асырылуда. Солардың бірі Мемлекеттік комиссия қабылдаған шешімнің аясында жарық көрген осы көптомдықтар.
Аталған 10 томдыққа Жамбыл Жабаевтың өткен ғасырдың басынан бастап дүние салғанға дейінгі барша өлеңдері мен айтыстары, жүз жасаған ұлы ақын жайлы көз көргендердің естеліктеріатап айтқанда, академик-жазушы М. Әуезов, С. Мұқанов, Ғ. Мүсірепов бастаған алғашқы жамбылтанушы ақын-жазушылардың, ұлы жыршының өмірі мен шығармашылық ғұмырнамасын жан-жақты қарастырып, толымды зерттеулер жүргізіп, толыққанды еңбек жазған екі зерттеуші – Сапарғали Бегалин мен Нысанбек Төреқұловтың еңбектері енді.
Сонымен қатар тәуелсіздік кезеңіндегі жамбылтанудың жаңа бағытын қалыптастыруға мүмкіндік ашқан әдебиетші ғалымдардың еңбектері топтастырылды. Бұдан бөлек, ақынның томдыққа орыс тіліндегі аудармалары менжамбылтанушылардың зерттеу еңбектерітоптастырылса, жыршының библиографиясы тұңғыш рет толымды басылым ретінде томдыққа еніп жарыққа шығарылып отыр.
Бұл жинақ жамбылтанушылар үшін құнды дүние, халқымыз үшін рухани қазына.
Аталған шараға Жамбыл Жабаевтың 175 жылдық мерейтойын дайындау және өткізу жөніндегі мемлекеттік комиссия төрағасы – Қазақстан Республикасының Мемлекеттік хатшысы, Қазақстан Республикасы Парламенті Сенаты және Мәжіліс депутаттары, белгілі қоғам қайраткерлері, танымал ғалымдар мен зиялы қауым өкілдері қатысып, сөз сөйледі.
<img src="https://kyzylorda-news.kz/wp-content/uploads/2021/10/245234622_439150530964644_410842039213369902_n.jpg" alt="" />
<img src="https://kyzylorda-news.kz/wp-content/uploads/2021/10/245896156_439150177631346_3076081794611212345_n.jpg" alt="" />

Жамбыл Жабаевтың 175 жылдық мерейтойына орай 10 томдық жинақ жарық көрді

Kyzylorda-news.kz. Тамыры терең, тарихы кенен Тәуелсіз мемлекетіміздің осы күнге оңай қол жеткізбегені белгілі. Оны біз мұрағаттарда шаң басқан тарихи деректерден, зерттеуші ғалымдардың еңбектерінен, сонымен қатар халық ауыз әдебиетінде сақталған аңыз-әпсаналар мен жыр-толғаулардан естіп, біліп жүрміз. Халық ауыз әдебиетінің бай үлгілерімен танысу арқылы бойымызда ғаламат қозғалыс, ерекше тербеліс пайда болады. Себебі ол біздің ұлттық таным-түсінігіміз бен арман-қиялдарымыздың шындықпен ұштасқандағы нәтижесі екені хақ.
Едіге батыр жыры біз ойлағаннан да ауқымды, құндылығы мол шығарма. Оны қазақ әдебиетінде ғана емес, басқа да түркі халықтарында да бірнеше нұсқасы бар екенін ескере отырып байқауға болады. Оқушылар арасында мұндай байқау ұйымдастыру елдігімізге, тарихымызға, рухани құндылықтарымыз бен бай мұраларымызға ерекше құрмет деп білемін. Жырды жаттау арқылы балалар бойына батырлық рухты, отансүйгіштікті сіңіре алады деген үміттемін. Сөз дегеніміз тірі зат. Санаға сіңген сөз, мейлі ол жаттанды түрде болсын, өз әсерін бермей қоймайды. Оны қаншама ғалымдар да дәлелдеп отыр. Қазақта оны “жақсы сөз – жарым ырыс” дейді.
Сондықтан алдымызда жоспарланып отырған байқау “рухани жаңғыруға” жақсы бастама болмақ. Сайысты ұйымдастырушыларға және қатысушы балаларға сәттілік тілеймін! 
Ахан Кенжебаев, 
Жалағаш аудандық маслихаттағы «Nur Otan» партиясы депутаттық фракциясы жетекшісінің орынбасары

Ахан Кенжебаев: Едіге батыр жыры біз ойлағаннан да ауқымды шығарма

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова Ел Тәуелсіздігінің 30 жылдығы қарсаңында ұйымдастырылған «Қолөнер – асыл қазына» көрме-фестивалінің ашылу рәсіміне қатысты.
Теміржол саябағында ұйымдастырылған көрмеге облыс орталығы мен аудандардан келген шеберлер көрермендердің назарына ерекше туындыларын ұсынды. Іс-шарада түрлі кәдесый өнімдері, ағаш бұйымдары, киіз үй жабдықтары, түкті кілемдер, құрақ көрпелер мен ұлттық аспаптар көрсетіліп, ұсталардың шеберлік сыныптары өткізілді.
Аймақ басшысы көрме-фестивальге қатысушыларды құттықтап, Сыр елі ежелден тарихи-мәдени мұралар мен көне жәдігерлерге бай өңір екенін атап өтті.
<blockquote>
 «Біз қолөнерімізді дамыту арқылы ұлттық рухымызды көтереміз, ұлттық кодымызды сақтаймыз. Мемлекет басшысы Қасым-Жомарт Кемелұлы Тоқаев 2020 жылғы 1 қыркүйектегі Жолдауында жастарымыздың қолөнер және шығармашылықтың бастапқы негіздерімен танысу мақсатында «Балалар үйірмесі» қызметін қайта қалпына келтіруді тапсырған болатын. Биыл өңірде 62 балалар үйірмесі ашылып, оның ішінде 6-ы қолөнерге баулып келеді. Алдағы уақытта бұл балалар да Сіздер секілді Сыр өңірінің киелі өнерін дәріптейтін болады. Осындай керемет шарада барлық қолөнер шеберлеріне шығармашылық табыс, шалқар шабыт тілеймін», – деді облыс әкімі.
</blockquote>
Шара барысында бірқатар қолөнер шеберлері аймақ басшысынан марапат алды. Атап айтқанда, қызылордалық «Qoloner» кәдесый дүкенінің иесі Аида Керімқұлова, ұлттық бұйымдар авторы Қарлығаш Ілиясова, аралдық ағаш бұйымдар ұстасы Алнұр Жарқынбаев, қазалылық шебер Динара Сыздықова, қармақшылық тігін өнер шебері Бақытгүл Раймбаева, жалағаштық ұлттық бұйым жасаушы Жылбек Қуаныш, сырдариялық түкті кілем тоқушы Роза Әлибатырова, шиелілік киіз үй жабдықтарын жасаушы Майя Қалжанова және жаңақорғандық ұлттық аспаптар шығарушы Оспанхан Мұсаев облыс әкімінің Алғыс хатымен марапатталды.
Айта кетейік, қызылордалық қолөнершілердің бұйымдары республикалық және халықаралық деңгейдегі көрме, фестивальдерде көрсетілуде.
<img src="https://kyzylorda-news.kz/wp-content/uploads/2021/09/bek_6688-scaled.jpg" alt="" />
<img src="https://kyzylorda-news.kz/wp-content/uploads/2021/09/243321805_3757273394375702_3175242956540385243_n-1.jpg" alt="" />

Гүлшара Әбдіқалықова қолөнершілермен кездесті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Облыс әкімі Гүлшара Әбдіқалықова филология ғылымдарының докторы, профессор, Қорқыт ата атындағы Қызылорда университетінің «Қорқыттану және өлке тарихы» ғылыми-зерттеу институтының директоры, Қазақстанның еңбек сіңірген қайраткері Бағдат Кәрібозұлымен кездесті. Жиынға облыс әкімінің орынбасары Серік Ахмет, облыстық мәдениет, архивтер және құжаттама басқармасының басшысы Асқарбек Есжанов қатысты.
Басқосуда Бағдат Кәрібозұлы “Сыр өңірінің фольклорлық антологиясын” шығарудағы негізгі ұстаным мен құнды еңбектің ерекшелігін тілге тиек етіп, антологияның бірінші томы «Жанқожа батыр» жинағын таныстырды.
<img src="https://kyzylorda-news.kz/wp-content/uploads/2021/09/243006212_3748159831953725_4861815949508769221_n.jpg" alt="" />
Айту керек, антология Тұңғыш Президент Н.Ә.Назарбаевтың «Ұлы даланың жеті қыры» мақаласының «Дала фольклоры мен музыкасының мың жылы» жобасын жүзеге асыру мақсатында қолға алынды. Яғни халық ауыз әдебиетінің таңдаулы үлгілері – Сыр бойындағы аңыз әңгімелер, шежіре, батырлар жыры, қисса-дастандардың ел аузындағы нұсқалары жинақталып, «Сыр өңірінің фольклорлық антологиясы» атты үш томдық жинағын шығару идеясынан туындады.
Жиында облыс әкімі Гүлшара Әбдіқалықова құнды еңбек рухани-мәдени бағыттағы іргелі ізденісті одан әрі дамытып, жастардың ұлттық өнерді бойына сіңіре отырып, танып білуіне зор ықпалын тигізетініне сенім білдірді.
<blockquote>
 «Жинаққа Жанқожа батыр туралы тың тарихи деректер мен батырға арналған тарихи жырлардың, оның ішінде Мұсабай жырау, Лұқпан Кенжеғұлұлы, Қарман Сұлтанұлы, Жекей Шаңғытбайұлы, Орнықбай Сұлтановтардың бұрын баспа бетінде жарияланбаған жыр нұсқаларының енуі үлкен құнды еңбек ретінде тарихта қалады. Сондықтан да аталған батырлар жырының халыққа, келер ұрпаққа ел тарихын танып-білуде маңыздылығы ерекше деп ойлаймын. Бұл ел тарихындағы айтулы жыл – ел Тәуелсіздігінің 30 жылдығына арналған үлкен тарту болып отыр. Елдің еңсесін көтеріп, ұлттық рух беретін құнды жинақтың шығуы Сыр халқы үшін үлкен мерей, зор қуаныш және рухани үлкен қазына, құнды мұра болары сөзсіз. Аталған жинақты барша оқырман қауым ыстық ықыласпен қабылдайды деп санаймын», – деді Гүлшара Әбдіқалықова.
</blockquote>
Келер аптада «Жанқожа батыр» жинағының тұсаукесері өтеді. Мың данамен шығарылған кітап облыстағы 239 кітапханаға таратылатын болады.
Профессор алдағы уақытта антологияның екінші томына Сыр елі туралы аңыз-әңгімелер мен түрлі оқиғалар жинақталса, үшінші томына дастандар мен қиссалар топтастырылатынын жеткізді.
Жиын соңында аймақ басшысы өңірдің фольклорлық мұраларын жинақтау бағытындағы бұл жобаның маңызы ерекше екенін алға тартып, жинақтың ІІ және ІІІ томының жарыққа шығуына қолдау көрсетілетінін жеткізді.
<img src="https://kyzylorda-news.kz/wp-content/uploads/2021/09/243200805_3748159805287061_4403303090354954058_n.jpg" alt="" />

«Сыр өңірінің фольклорлық антологиясының»: «Жанқожа батыр» кітабы жарыққа шықты

Kyzylorda-news.kz. «Сыр өңірінің фольклорлық антологиясының» І томы «Жанқожа батыр» кітабы аймақ басшысының қолдауымен жарыққа шықты. Аталған антологияны әзірлеу үшін үш кезең бойынша жұмыстар жүргізілген. 2019 жылы зерттеулер басталып, әдебиетшілерден құралған фольклорлық экспедиция ауыл-ауылдарды аралаған. Бұл туралы бүгін Өңірлік коммуникациялар қызметінде өткен баспасөз конференциясында облыс әкімінің орынбасары Серік Ахмет мәлімдеді.
Өңірімізде жүзеге асырылып жатқан «Сыр елі» мега жобасына енген антология ел Тәуелсіздігінің 30 жылдығына арналған үлкен тарту, әдебиет пен өнер зерттеушілері үшін құнды дерек болмақ. Келер аптада «Жанқожа батыр» жинағының тұсаукесері өтеді. Мың данамен шығарылған кітап облыстағы 239 кітапханаға таратылатын болады. 
Брифингте Серік Әбжәліұлы кітаптың мазмұнына кеңінен тоқталып «Ұлы дала төсіндегі фольклорлық мұраларды жинақтап, оны ғылыми негізде зерттеу фольклортанушы ғалымдардың назарынан түскен емес. Жаңа жинаққа Жанқожа батыр туралы тың тарихи деректер мен батырға арналған тарихи жырлардың оның ішінде Мұсабай жырау, Лұқпан Кенжеғұлұлы, Қарман Сұлтанұлы, Жекей Шаңғытбайұлы, Орнықбай Сұлтановтардың бұрын баспа бетінде жарияланбаған жыр нұсқалары топтастырылған. Сондықтан да аталған батырлар жырының халыққа, келер ұрпаққа ел тарихын танып-білуде маңыздылығы ерекше», – деді.
Қазақстанның еңбек сіңірген қайраткері, филология ғылымдарының докторы, профессор Бағдат Кәрібозұлының айтуынша І томда толық эпостық шығармалар жинақталған. Жанқожа – тарихи тұлға. Ол әулие, данышпан, көреген жан. Ұлт үшін жан берер батырдың тарихи ерліктері жайында ұрпақтары білуі керек деген профессор кітап өз бастауын халықтық эпос «Көрұғлыдан» алатындығын атап өтті.
Айта кету керек «Сыр өңірінің фольклорлық антологиясы» жобасы кезең кезеңімен жүзеге асырылатын болады. Антологияның ІІ томына ел ішіндегі көне көз қариялардан жазылып алынған Сыр өңірінде өмір сүрген ахундар мен ишандар туралы деректер, құнды мәліметтер мен аңыз-әңгімелер басылады. Ал ІІІ томға Сыр сүлейлері жырлаған, сирек орындалатын қисса-дастандар енгізілмек.

«Сыр өңірінің фольклорлық антологиясы» жарыққа шықты

Kyzylorda-news.kz. Алғашқы жартыжылдықта өңірімізге 42 236 адам турист ретінде келген. Бұл өткен жылмен салыстырғанда 2,2 пайызға ұлғайғанын білдіреді. Өңірлік коммуникациялар қызметінде өткен брифингте облыстық кәсіпкерлік және туризм басқармасы басшысының міндетін атқарушы Мұрат Тасқараев туризм саласындағы атқарылып жатқан жұмыстарды баяндады.
Жергілікті туризмді дамыту және Сыр өлкесінің тарихы мен мәдениетін насихаттау мақсатында “Қазақстанның киелі жерлерінің географиясы” жобасы ұйымдастырылып келеді. Бұл жобаның аясында 31 тарихи-танымдық экскурсия мен 3 тарихи экспедиция өткізілген. Жалпы облыста 4 жағажай, 12 демалыс орны және 13 туристік фирма жұмыс істейді.
<blockquote>
 «Бүгінгі күні 6 нысанды іске қосып, 120 жаңа жұмыс орнын құруды жоспарлап отырмыз. Биылғы жылы өңіріміздің туристік әлеуетін дамыту мақсатында облыстық бюджеттен тиісті қаржы қаралып, “Қолөнер-асыл қазына” жобасын ұйымдастыру қолға алынды. Көрме 30 қыркүйек күні облыс әкімінің қатысуымен өтеді деп жоспарлануда. Шараның басты мақсаты − халқымыз қастерлеген ұлттық өнеріміздің жас ұрпақтарға үлгі боларлық тәрбиелік маңызын айқындау», – деді Мұрат Тасқараев.
</blockquote>
Ежелгі қалалар мен тарихи ескерткіштердің дені Сыр өлкесінде шоғырланған. Тарихы терең өлкеде 545 тарихи-мәдени ескерткіштер мемлекет қорғауына алынған. Тағы бір айта кетерлігі Сыр бойында экстремалды туризмді дамыту үшін Қарақұм және Қызылқұм сияқты шөлді аймақтар шет елдік туристердің қызығушылығын арттырып келеді. Бүгінгі болған баспасөз конференциясында облыстық тарихи және мәдени ескерткіштерді қорғау жөніндегі КММ басшысының міндетін атқарушы Ғалымжан Садықов тарихи нысандардың қазіргі әл ауқатын саралады.
<blockquote>
 “Елбасының “Болашаққа бағдар: рухани жаңғыру” атты бағдарламалық мақаласының аясында Қазақстанның киелі жерлерінің географиясы жобасы қарқынды жүзеге асырылды. Сол арқылы “Қасиетті Қазақстан энциклопедиясының” 3-ші томына облыс бойынша 12 ескерткіш енгізілді. Сондай-ақ “Өңірлік қасиетті нысандар” жобасында 60 нысан бар. Облыс бойынша арнайы жобалар бекітіліп, онда 41 тарихи-мәдени мұра нысандары қамтылған. Олар Арал ауданынан басталып Жаңақорған ауданына дейінгі аумақты қамтып өтеді. Онда Аралдың кепкен табанындағы Араласар қалашығы, Кердері кесенесі, Жент, Жаркент, Сығанақ қалашықтары және басқа да ерекше кесенелер мен мұнаралар бар.
 Ескерткіштердің инфрақұрылымын жетілдіруге де үлкен мән беріліп жатыр. Атап айтсақ, Сығанақ, Жанкент қалашықтары қорғау аймақтары бойынша қоршалып, стелалар бой көтерді. Облыс көлемінде тарихи және мәдени ескерткіштерін қорғау мен насихаттау және сақтау мақсатындағы жұмыстар жүйелі жалғасын табуда”, – деді Ғалымжан Жақсылықұлы.
</blockquote>

Қызылордадағы 12 ескерткіш  &#8220;Қасиетті Қазақстан энциклопедиясына&#8221; енгізілді

Kyzylorda-news.kz. Ел Тәуелсіздігінің 30 жылдық мерейтойы аясында ұйымдастырылған, Сыр сүлейі Кете Жүсіп Ешниязұлының 150 жылдығына арналған «Жырлансын, Тәуелсіздік жыр бұлағы» атты республикалық жыршы-жыраулар байқауы өз мәресіне жетті.
Салтанатты шарада облыс әкімінің орынбасары Серік Ахмет жыр додасының жеңімпаздарын құттықтап, жауһар өнерді дәріптейтін байқаудың Сыр елінде бастау алуы рухани сабақтастықты жалғап отырғанын жеткізді.
<blockquote>
 Бабаларымыздың таңдайында тат баспаған асыл сөздерін бүгінге жеткізіп, қастерлеп жүрген белгілі жырау Алмас Алматов пен оның дарабоз шәкірттерінің халық қазынасын дәріптеп келе жатқан еңбегі бүгін тағы бір биіктен көрінді. 
 Мәресіне жетіп отырған жыр додасы – осы сөзіміздің айғағы. Жыраулық дәстүр – қазақтың рухын көтеретін, рухани кемелдігін көрсететін бекзат өнер. Сол өнерді өр үнімен асқақататып, жан-дүниемізге ізгілік пен тазалық тарту еткен бүгінгі байқау қатысушыларына барша тыңдарман атынан алғыс білдіремін. Сонымен қатар, мәртебелі өнерді өз дәрежесінде әділ бағалап, өрен жүйріктерді анықтаған қазылар алқасы мүшелеріне де шын жүректен рахмет айтамын,-деді Серік Ахмет.
</blockquote>
Жыр додаға 13 жыр жүйрігі қатысып, бақтарын сынады. Белгілі жырау Алмас Алматов төрағалық еткен қазылар алқасының шешімімен бас жүлде Арал ауданынының тумасы, атақты жыршы-жырау Айбек Тәңірбергеновке табысталды. Бас жүлде иегерін облыс әкімінің орынбасары марапаттады.
Байқаудың жүлделі І орны қызылордалық Серік Жақсығұловқа берілсе, ІІ орынды ақтөбелік Демеубай Жолымбетов жеңіп алды. ІІІ орынды Павлодар қаласынан Бөкен Жігер, Қызылорда қаласынан Жақсан Жәнібек және Арал ауданынан Бексұлтан Орынбасар өзара бөлісті. Ал, қалған 7 қатысушыға ынталандыру сыйлығы бұйырды. 
Айта кету керек, бас жүлде иесіне 500 мың. теңге табысталды. Ал, І орынға 300 мың, ІІ орынға 200 мың және ІІІ орын иелеріне 100 мың теңгеден берілді.
<img src="https://kyzylorda-news.kz/wp-content/uploads/2021/09/fb_img_1632537492197.jpg" alt="" />
<hr />

Республикалық жыршы-жыраулар байқауында Айбек Тәңірбергенов бас жүлде алды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; ҚР Тәуелсіздігінің 30 жылдығына орай Сыр сүлейі Кете Жүсіп Ешниязұлының 150 жылдығына арналған «Жырлансын, Тәуелсіздік жыр бұлағы» атты республикалық жыршы-жыраулар байқауы өтеді. Ұлттық мұра – жыраулық өнерді насихаттауға арналған шара 24 қыркүйек күні болады. Бұл туралы Өңірлік коммуникациялар қызметінде өткен баспасөз конференциясында облыстық мәдениет, архивтер және құжаттама басқармасының басшысы Асқарбек Есжанов мәлімдеді.
<blockquote>
 «Даңқты өнер иесінің мол мұрасын бүгінге ұрпаққа аманаттау мақсатында өткелі отырған байқауға Ақтөбе қаласынан белгілі жыр жампозы Демеубай Жолымбетов және Маңғыстау жерінен қазыналы қарт жырау Амангелді Сәңкібаев, Кереку топырағынан Бөкен Жігер, Алматы қаласынан Бақыт Тоғжановалар келді. Сондай-ақ Сыр елінің дәстүрлі өнерін республикалық деңгейде паш етіп жүрген жыр жүйріктері Айбек Тәңірбергенов, Серік Жақсығұлов, Күнсұлу Түрікпен, Марат Сүгірбай, Болат Баймұратов, Әділхан Қуаңбаевтар мен қатар жас жыршыларымыз барлығы 15 талапкер байқауда бақ сынамақ. Байқау барысында Жүсіп Ешниязұлының бұрын соңды көп орындалмай жүрген айтыстары, термелері және «Шәһзада», «Сұрмерген», «Мекер қатын» дастандарымен қатар Ел Тәуелсіздігінің 30 жылдығына арналған арнау жырлар орындалады», – деді Асқарбек Темірбекұлы.
</blockquote>
Жыр додасында өңіріміздегі дәстүрлі өнердің әлемдік деңгейде насихатталуына және талантты өнерпаздардың кәсіби білім алуына аянбай еңбек етіп жүрген жырау Алмас Алматов төрағалық жасайды. Сонымен бірге байқауда жырау, Қазақстанның еңбек сіңірген қайраткері, өнертану ғылымдарының кандидаты, Қазақ Ұлттық Өнер университетінің профессоры Эльмира Жаңабергенова, Қазақстанның еңбек сіңірген қайраткері, филология ғылымдарының кандидаты, Құрманғазы атындағы Қазақ Ұлттық консерваториясының аға оқытушысы Ұлжан Байбосынова, қоғам қайраткері, өнер жанашыры Рзақұл Нұртаев, жыршы-жырау Майра Сарсенбаева қазылық етеді. Байқау 2 кезең бойынша өткізіледі. Бір ерекшелігі – уақытқа шектеу қойылмайды. Сахнаға шыққан жыраулар сағаттап жыр айтуға мүмкіндігі бар.
Брифингте Қазақстанның еңбек сіңірген қайраткері, жырау Алмас Алматов та республикалық байқау туралы пікірін білдірді.
<blockquote>
 «Өнер – мұрагер ұрпақтары арқылы дәстүрлі сипатқа айналады. Ал, мұрагері жоқ өнер жойылады, өледі не жоғалады. Иә, әрбір ұлт өзінің тілі, діні, ділімен безбенделетін болса, қазақ өнерінің түпқазығы осы жыр өнері. Ол адамның ақыл, ес, жад, зерде көзіменен төрттағандалып, мың жылдықтардың мұрасын миллиондаған жол жыр күйінде осы бір сана арқылы бізге жеткізді. Мұның құндылығы да сол. Ал бүгінде ұрпақты сол баба мәдениетіне, аталардың мұрасына қарай бейімдеп, тәрбиелеу ұйымдастырылайын деп отырған шараның басты мақсаты», – деді Алмас Алматов.
</blockquote>
Одан әрі облыстық халық шығармашылығын дамыту және мәдени-продюсерлік орталығының директоры Жанат Құрамысова байқаудың басты мақсаты – өңірдің брэнді болып саналатын жыраулық, шайырлық, ақындық өнерді дамыту, ұлы тұлғалардың өнерін ұлықтау екенін айтып, шараның маңыздылығына тағы бір мәрте тоқталды.
Айта кету керек, Жүсіп Ешниязұлы қазіргі Қызылорда облысы, Қармақшы ауданы, Тұрмағамбет ауылында 1871 жылы дүниеге келіп, 1927 жылы дүниеден өткен. Жастайынан әкесі Ешнияздан тәлім алған ол халық арасында кеңінен танымал болумен қатар, ел билігіне араласып болыс болған. 1898 жылдардан бастап ақын шығармалары ауыз әдебиеті нұсқаларын зерттеушілердің назарына ілініп, жинақтала бастайды.

Қызылордада республикалық жыршы-жыраулар байқауы өтеді

Kyzylorda-news.kz. ҚР Мемлекеттік хатшысы, ҚР Президентінің жанындағы Қоғамдық сананы жаңғырту бағдарламасын іске асыру жөніндегі ұлттық комиссияның төрағасы Қырымбек Көшербаев Ұлттық комиссияның кеңейтілген мәжілісіне қатысты. Онда «Рухани жаңғыру: болашаққа бағдар» бағдарламасы арқылы жарық көрген «Жаңа гуманитарлық білім. Қазақ тіліндегі 100 жаңа оқулық» жобасының таныстырылымы өтті.
Қырымбек Көшербаев өз сөзінде ҚР Тұңғыш Президенті – Елбасы Н.Ә.Назарбаевтың бастамасымен өмірге келген «Рухани жаңғыру: болашаққа бағдар» бағдарламасының қоғам үшін аса маңызды, кешенді бастама екенін айтты. Бағдарлама аясында бірнеше ауқымды жоба іске асты. Олар еліміздегі ғылым мен білімді, қоғамдық сананы жаңа деңгейге көтеруге септігін тигізуде. Осы мақсатта Қазақстанның интеллектуалдық тарихында бұрын-соңды болмаған көлемді де күрделі ғылыми аударма жобасы жасалды.
Сондай маңызы зор, қоғамға берері мол жобалардың бірі&nbsp; «Ұлттық аударма бюросы» атқарған «Жаңа гуманитарлық білім. Қазақ тіліндегі 100 жаңа оқулық» жобасы. Бүгін таныстырылған 100 оқулықтың әрқайсысы 10 мың данамен басып шығарылды, қазақ тіліне аударылған кітаптар барлық оқу орындарына, соның ішінде жеке меншік университеттерге де таратылды.
<blockquote>
 – Дүниедегі ең озық оқу орындарының бағдарламасына кірген ғылыми әдебиет, академиялық бестселлер еңбектер қазақ тіліне аударылды. Олар бұған дейін әлемнің ондаған тіліне аударылып, ілгері дамыған қоғамдарда миллиондаған тиражбен тараған. Біздің де оқытушылар мен студенттердің осындай мазмұнға қол жеткізуі үлкен олжа. Бұл, қажет десеңіздер, «Болашақ» бағдарламасының ауқымы кең жалғасы. «Болашақ» бағдарламасының арқасында біздің 20 мыңдай студентіміз әлемнің алдыңғы қатарлы университеттерінен білім алды. Ал енді өз елімізде оқитын жарты миллион қазақстандық студент сол Кембридж, Оксфордтың, Гарвардтың үздік оқулықтарымен қазақ тілінде білім алуға мүмкіндік алды, – деді Мемлекеттік хатшы.
</blockquote>
Қырымбек Көшербаев ауқымы кең, мемлекет пен қоғам алдындағы жауапкершілігі зіл батпан осындай жобаны жоғары деңгейде атқарып шыққан «Ұлттық аударма бюросына» ризашылығын білдірді.&nbsp;
100 жаңа оқулықтың арқасында біз қоғамдық сана үшін аса маңызды бірқатар гуманитарлық білім саласының мазмұнын түбегейлі түрде жаңарттық. Көп жағдайда әлі де таптық, формациялық, идеологиялық сипатта баяндалып келген философия, тарих, әлеуметтану, саясаттану, заң мен құқықтану, журналистика, мәдениет және өнертану, тіл білімі, шығыстану, әдебиет теориясы, педагогика және психология секілді ғылымдар пәнаралық, өркениеттік және гуманистік бағыттағы жаңа мазмұнға ие болды.
Сонымен бірге, осы жобаның арқасында біз қазақ тілінде әлі дами қоймаған бірқатар мүлде жаңа салаларды аштық. Экономикс, микро және макроэкономика, менеджмент және маркетинг, қаржылық сауаттылық, ағылшын заңы, статистика, сандық және сапалық зерттеу әдістері, этика мен эстетика, антропология, интернет психологиясы, медиа этика, өнер тарихы, театр және кинотану, сценаристика секілді тұтас жаңа бағыттар пайда болды.
<blockquote>
 – Аударма арқылы өзге тілден жаңа мазмұн алу өте маңызды. Сонымен қатар, өз ерекшелігімізді, қазақ&nbsp; мәдениетін, руханиятын басқа тілдерде таныстыру, әлемге насихаттау да аса маңызды. Бұл алыс-беріс екіжақты болғаны дұрыс. Бұл бағытта да «Ұлттық аударма бюросы» арқылы бірнеше көлемді, сәтті жобалар іске асты. Атап айтсақ, 60 қазақстандық ақын-жазушылардың таңдаулы шығармалары Біріккен Ұлттар Ұйымының 6 ресми тіліне аударылып, осы 6 тілде сөйлейтін 90 елдің кітапханаларына таратылды. Өткен жылы Мемлекет басшысы Қасым-Жомарт Кемелұлы Тоқаевтың тапсырмасымен Абайдың 175 жылдығына орай ұлы ақынның жинақтары әлемнің 10 тіліне аударылып, таратылды, – деді Қырымбек Көшербаев.
</blockquote>
Аталған жұмыстарға Кембридж университетінің баспасы, Сервантес институты, Араб мемлекеттері лигасының Білім, ғылым және мәдениет ұйымы, Қытайдың Ұлттар баспасы, Мәскеу мемлекеттік университетінің баспасы және басқа да беделді халықаралық әріптестер қатысты.
Мемлекеттік хатшы аталған жұмыстардың жалғасуы керек екенін, жоба аясында оқулықтар және көркем әдебиетпен ғана шектелуге болмайтынын атап өтті.
Бүгінде 100 оқулық негізінде қазақ және орыс тілдерінде 200 онлайн курс дайындалып, 5 мыңнан аса видео-лекция жазылған. Бұл жұмысқа Қазақстанның алдыңғы қатарлы ұстаздары атсалысты. Осы оқу материалдары келешекте Қазақстан ашық университетінің негізін қалай алады. Бұл да заман талабына сай, қашықтан оқу технологияларын дамыту, білім беру саласын цифрландыру бағытындағы жақсы бастама, технологиялық болашаққа жасалған үлкен қадам болмақ.
<blockquote>
 – 100 жаңа оқулық жобасы арқылы біз әлемдегі ең жақсы деген оқу құралдарын, ең танымал ғалымдардың идеялары мен еңбектерін Қазақстанның әр студентіне жеткіздік. Олар кітап түрінде, онлайн курс ретінде ашық және қолжетімді. Мұның барлығы оқимын, білім аламын деген жастарға жасалған жағдай, мемлекеттің қамқорлығы, – деді Мемлекеттік хатшы.
</blockquote>
Жиында Қырымбек Көшербаев Ұлттық комиссия атынан бірқатар тапсырма берді.
Біріншіден, «Рухани жаңғыру» бағдарламасы аясында, мемлекеттік қолдаумен шыққан барлық шығармашылық туындылардың қоғамдық игілік ретінде еркін тарауы қамтамасыз етілуі, Мемлекеттік органдар мен жекелеген ұйымдар оған иелік етпеуі тиіс.
Екіншіден, «Жаңа гуманитарлық білім. Қазақ тіліндегі 100 жаңа оқулық» жобасы бойынша аударылып шыққан оқулықтар мен ғылыми әдебиеттің оқу бағдарламаларына енгізіліп, тиімді қолданылуы қамтамасыз етілуі керек.
Үшіншіден, Қазақстан Республикасының «Білім туралы» заңына қашықтан оқытуды және қашықтан білім беретін оқу орындарын заңдастыратын және онлайн оқыту қызметін реттейтін толықтыру қажет.&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Төртіншіден, «Ұлттық аударма бюросы» негізінде жинақталған тәжірибе мен мамандардың потенциалын жоғалтпау маңызды. Қазіргі сұраныс пен қажеттілікті ескере отырып, балалар және жасөспірімдер әдебиеті, гуманитарлық және техникалық оқулықтар мен әдебиет,&nbsp; іскерлік әдебиет және басқа да өзекті аударма бағыттарын қамтитын тұрақты жұмыс жоспары жасалып, іске асырылғаны жөн.
Бесіншіден, «Ұлттық аударма бюросы» және Оксфорд университетінің баспасы дайындаған «Қазақ-ағылшын», «ағылшын-қазақ» Оксфорд сөздігі (Qazaq Oxford Dictionary) басылып, барлық орта және жоғары оқу орындарының кітапханаларына жеткізілуі шарт.&nbsp;&nbsp;&nbsp;
Алтыншыдан, латын графикасына кезең-кезеңмен өту жоспары аясында аударылған 100 оқулықтың электронды мәтіндері Қазақстандық ашық университет негізінде жаңа алфавитте жариялануы керек. Сонымен бірге, мектеп бағдарламасына кірген қазақ әдебиетінің классикалық туындылары Kitap.kz – Қазақстанның ашық кітапханасы негізінде латын графикасына көшірілуі тиіс.
<blockquote>
 – Бүгін таныстырылған 100 оқулық пен басқа да сөз еткен іс-шаралардың бір ғана мақсаты бар, ол – жастарымыздың елге тірек, қоғамға тұтқа болатын мықты тұлға болып өсуіне, білікті маман болуына жағдай жасау, – деді Қырымбек Көшербаев.
</blockquote>
Ұлттық комиссияның кеңейтілген мәжілісінде Ақпарат және қоғамдық даму министрі Аида Балаева, Білім және ғылым министрі Асхат Аймағамбетов, «Ұлттық аударма бюросы» қоғамдық қорының директоры Рауан Кенжеханұлы, ғылым докторы, Алматы менеджмент университетің деканы Молдияр Ергебеков, Қазақ қыздар педагогикалық университетінің ректоры Қанай Гүлмира Әмірханқызы, Ұлыбританиядағы Кембридж университеті баспасының білім реформасына жауапты директоры Джейн Манн сөз сөйледі.

Қазақстан және Қызылорда облысының жаңалықтары: Руханият

Жаңақорғандық 123 оқушы «Едіге батыр» жырын жатқа айтудан жарысуда

«Тұлпар мініп, ту алған!»: Қызылорда қаласы бойынша жеңімпаздар анықталды

Қызылорда қаласы: Жүзге жуық оқушы «Едіге батыр» жырын жатқа айтудан жарысуда

Жамбыл Жабаевтың 175 жылдық мерейтойына орай 10 томдық жинақ жарық көрді

Ахан Кенжебаев: Едіге батыр жыры біз ойлағаннан да ауқымды шығарма

Гүлшара Әбдіқалықова қолөнершілермен кездесті

«Сыр өңірінің фольклорлық антологиясының»: «Жанқожа батыр» кітабы жарыққа шықты

«Сыр өңірінің фольклорлық антологиясы» жарыққа шықты

Қызылордадағы 12 ескерткіш “Қасиетті Қазақстан энциклопедиясына” енгізілді

Республикалық жыршы-жыраулар байқауында Айбек Тәңірбергенов бас жүлде алды

Қызылордада республикалық жыршы-жыраулар байқауы өтеді

Қырымбек Көшербаев «Жаңа гуманитарлық білім. Қазақ тіліндегі 100 жаңа оқулық» жобасының таныстырылымына қатысты

Қазақстан және Қызылорда облысының жаңалықтары: Руханият

Жаңақорғандық 123 оқушы «Едіге батыр» жырын жатқа айтудан жарысуда

«Тұлпар мініп, ту алған!»: Қызылорда қаласы бойынша жеңімпаздар анықталды

Қызылорда қаласы: Жүзге жуық оқушы «Едіге батыр» жырын жатқа айтудан жарысуда

Жамбыл Жабаевтың 175 жылдық мерейтойына орай 10 томдық жинақ жарық көрді

Ахан Кенжебаев: Едіге батыр жыры біз ойлағаннан да ауқымды шығарма

Гүлшара Әбдіқалықова қолөнершілермен кездесті

«Сыр өңірінің фольклорлық антологиясының»: «Жанқожа батыр» кітабы жарыққа шықты

«Сыр өңірінің фольклорлық антологиясы» жарыққа шықты

Қызылордадағы 12 ескерткіш &#8220;Қасиетті Қазақстан энциклопедиясына&#8221; енгізілді

Республикалық жыршы-жыраулар байқауында Айбек Тәңірбергенов бас жүлде алды

Қызылордада республикалық жыршы-жыраулар байқауы өтеді

Қырымбек Көшербаев «Жаңа гуманитарлық білім. Қазақ тіліндегі 100 жаңа оқулық» жобасының таныстырылымына қатысты

Қызылордадағы 12 ескерткіш “Қасиетті Қазақстан энциклопедиясына” енгізілді