<a href="https://kyzylorda-news.kz/">Kyzylorda-news.kz</a> &nbsp;Қызылорда облысы полиция департаменті есірткі қылмысына қарсы іс-қимыл басқармасы «Қазақстан Халық партиясы» Қызылорда облыстық филиалымен бірлесіп, жастар арасында есірткіге қарсы акциясын ұйымдастырды. Іс-шара барысында тантамареска қолданылды. Есірткіге қарсы бағытталған суретке түсу үшін арнайы фотоаймақ дайындалды. Жастарға – «Біз есірткіге қарсымыз! Бізбен бірге бол!» ұрандатылған, биіктігі адам бойына сәйкес, суретке түсуге арналған стенд ұсынылды. Жастар артқы жағынан кіріп, фотоға түсуге мүмкіндік алу үшін, &nbsp;құрылғының ортасында арнайы кесінді әзірленді. Қазақстан Халық партиясының өкілдері мен полиция қызметкерлері фотоаймақты қолдана біліп, есірткіге қарсы үгіт-насихат атмосферасын орнатып, барлығын суретке түсуге шақырды. Акцияның әрбір қатысушысы фотоаймақта суретке түсіп, нашақорлық мәселесіне қатысты өзінің теріс көзқарасы мен азаматтық ұстанымын көрсетті. Айта кету керек, Қызылорда облысы &nbsp;полиция департаментінің есірткі қылмысына қарсы іс-қимыл басқармасы ұдайы есірткіге қарсы профилактикалық жұмыстар жүргізуде. Мәселен, жыл басынан бері есірткіге қарсы 186 профилактикалық іс-шара өткізілді. Мұндай игі шаралар алдағы уақытта да жалғасын табады.<img src="https://knadmin.beoblood.kz/uploads/fe451dbb_f3db_4c66_8b0a_a047bcb3abf7_5a940e1f2a.jpg" alt="fe451dbb-f3db-4c66-8b0a-a047bcb3abf7.jpg"> &nbsp;

«Жастар нашақорлыққа қарсы!»: Қызылордада акция өтті

<a href="https://kyzylorda-news.kz/">Kyzylorda-news.kz</a> &nbsp;Құтқарушы мамандығының ең басты міндеті адам өмірін құтқару, бұл жоғары және жауапты миссия. Халықтың бейбіт өмірі, тұрмыстағы, өндірістегі қауіпсіздігін қамтамасыз етіп, апаттық жағдайға жол бермеуде сала мамандарының басты парызы. Апат айтып келмейді. Тосыннан болған оқыс оқиға кезінде азаматтарға бірінші болып көмекке ұмтылатын төтенше жағдайлар қызметінің құтқарушылары. Оған үлкен жүрек, машық, білім мен білік және тәжірибе керек. Осындай кез келгеннің қолынан келе бермейтін жауапкершілік жүгін арқалаған азаматтардың жұмыс күні қалай өрбейтіні кім-кімді де қызықтырмай қоймайды. Қиын саланың қыр-сырын көзбен көріп, өрт сөндірушінің бір күндік жұмысын оқырманға жеткізу мақсатында Әйтеке би кентіндегі №9 Өрт сөндіру бөліміне бардық.Алдымен бөлім туралы айтсақ, Қазалы ауданының №9 Өрт сөндіру бөлімінің ғимаратында төтенше жағдайлар және өрт сөндіру бөлімі орналасқан. 2008 жылдың 22 маусымында құрылған Төтенше жағдайлар бөлімінде бөлім бастығы азаматтық қорғау подполковнигі Алтынбек Қалиев, бас маман, азаматтық қорғау майоры Шапағат Ермекбаев, аға инженер, азаматтық қорғау капитаны Серікбол Ізімов, аға анықтаушы азаматтық қорғау капитаны Нәбиев Қайрат, инженер азаматтық қорғау аға лейтенанты Бүркіт Сұлтанай жұмыс істейді. Мекеме табиғи және техногендік сипаттағы төтенше жағдайлардың алдын алу және оларды жою, Азаматтық қорғаныс, өрт қауіпсіздік саласындағы жоспарлар мен бағдарламаларды іске асырумен айналысады. Сонымен қатар жылдық жұмыс жоспарына сәйкес тұрғындарға түсіндірме шараларын жүргізіп, қоғаммен тығыз байланыс орнатқан. Қазалы ауданы №9 өрт сөндіру бөлімінің тарихы 1964 жылдан басталады. Сол жылдары кәсіби өрт сөндіру бөлімінің тұрағы Жаңа Қазалы қыстағындағы бұрынғы Большевик көшесіндегі шағын ғимаратта орналасқан. Әр жылдар түрлі өзгерістер болып, бірнеше ғимаратқа көшірілген бөлім қазір Әйтеке би кентіндегі Жанқожа батыр көшесінде орын тепкен. Үш өрт сөндіру автокөлігіне арналған өрт депосы, сондай-ақ Қазалы қаласында екі өрт сөндіру автокөлігіне арналған сөндіру бекеті бар.Қазалы ауданы №9 өрт сөндіру бөлімінде 4 өрт сөндіру автокөлігімен қамтамасыз етілген. Мұнда 57 қызметкер еңбек етеді. Мекеме ғимараты 2011 жылы кеңейтіліп, күрделі жөндеуден өткен. Бөлім бастығы Азамат Жұмағулов.Бұндағы жұмыс күні қызу тірлікпен басталады. Егер белгілі бір жерде тілсіз жаудың ұшқыны шықса, ең бірінші қоңырау дабылы осы мекемеге түседі. Арнайы тұтқада отырған кезекші диспечер оқиға болған орынды анықтап, жақын маңдағы өрт сөндіру көлігін жіберуді жедел қолға алады. Лаулаған оттың көп аймақты шарпымағаны анықталса бір ғана көлік жетіп барады. Себебі, тонналап су тиеген бір көліктің күші жалынның бетін қайтаруға қауқарлы. Үй, қойма, зауыт секілді үлкен ғимараттар мен орманды алқаптар өртене бастаса көптеген көліктер, сонымен қоса өзге де қауіпсіздік техникалары жөнелтіледі. Дабыл қоңырауы түскен жерге бірінші болып жеткен өрт сөндірушілер ең бірінші арнайы құбыршекті жақын маңдағы су ағатын құбырларға болмаса көліктің су сақтайтын бөлігіне қосады. Қызыл жалынның беті қашан қайтатынын ешкім білмейді. От ортасында қалып қойған жандарды құтқару үшін өрт сөндірушілер лаулаған жалынға кіруге тура келеді. Осы тұста өрт сөндіруші болу үшін ең бірінші сіз детектив секілді жұмыс жасай білуге машықтанған маңызды. Қайда бара жатқаныңызды, қандай құжаттарды алу керегін және қандай алғашқы көмектерді жасау керек екенін білу басты міндетіңіз. Бойдағы шыдамдылық пен күш-қайраттың да құтқару шаралары кезінде маңызды рөл атқаратыны анық.Ғимарат ішін аралатып, өрт сөндіру құрылғыларының қызметімен таныстырған бөлім инженері азаматтық қорғау аға лейтенанты Серікбол Ізімов мән-жайды түсіндіріп өтті.<blockquote>– Бұл мамандық иелері мынадай қағидалардан сүрінбей өтуі тиіс. Номативтерді жақсылап тапсыру, шыдамды әрі күшті болғаныңыз дұрыс. Кейде, биік ғимараттардан тек заттар ғана емес адамдарды да түсіруге тура келеді. Сондықтан, қандай күш керектігін бағамдай беріңіз. Арнайы техниканың барлық қыр-сырын меңгеру керек. Алғашқы көмек көрсетудің жолдарын білу маңызды. Өз денсаулығыңыздың үнемі бақылап отыру қажет, – деді Серікбол Ізімов.</blockquote>&nbsp; Қай уақытта болсын, құтқарушы мамандығының мәртебесі биік. Өйткені, олар адам өмірін құтқарумен айналысады. Су тасқыны, өрт, түрлі апаттар, тіпті қарапайым тұрмыстық жағдайларда орын алатын тосын оқиғада ең бірінші құтқарушылардың көмегін сұраймыз. Лаулаған оттың ортасына кіреді, қансыраған адамды құтқарып, қатыгез қыстың аязында қалғандарға қолұшын созады. Алайда, олар мұны ерлік деп есептемейді. Күнделікті қызметіміз деп қарайды.Фото: Нұрболат Нұржаубай

Құтқарушы мамандығының мәртебесі биік

<a href="https://kyzylorda-news.kz/">Kyzylorda-news.kz</a> &nbsp;Жақында Қазалы ауданы әкімінің орынбасары, мерзімді әскерге шақыру комиссиясының төрағасы Дәурен Тлеумбетовтің төрағалығымен көктемгі мерзімді әскерге шақыру жұмыстарының барысы туралы жиын өтті. Жиынға Қызылорда облысының қорғаныс істері жөніндегі департаментінің Жұмылдыру, жоспарлау бөлімінің бастығы Ерлан Абуллаев арнайы келіп қатысты.Дәурен Оңғарбайұлы кәмелет жасқа толған жастардың әскери борышын өтеуге жіберу күн тәртібінен түспейтін өзекті мәселелердің бірі екендігін айтты. Сондай-ақ өткен жылғы мерзімді әскерге шақыру жұмыстарында орын алған кемшіліктерге тоқталып, бұл бойынша жауаптыларды қатаң сынға алды. Мұнан соң көктемгі әскерге шақыру кезеңіне дайындық шаралары бойынша аудандық қорғаныс істері жөніндегі бөлімінің бастығы Нұрлан Көлбаев хабарлама жасады.Жиында Ерлан Абуллаев сөз алып, облыстық қорғаныс істері жөніндегі департаментінен берілген тапсырысты өз деңгейінде орындау жөнінде облыс тарапынан тиісті әдістемелік көмек көрсетіп, бірлесе жұмыс жасайтындығын жеткізді.Мәжіліс соңында Дәурен Тлеумбетов тиісті сала басшыларына 2024 жылғы көктемгі мерзімді әскери қызметке шақыру жұмыстарын жоғары деңгейде ұйымдастырып, қатаң бақылауға алу, әскери қызметке шақырылушылардың уақытылы медициналық сараптамадан өтуін қамтамасыз ету, жастарды, әскерден жалтарып жүрген азаматтарды әскерге тарту және әскери қызмет етудің маңыздылығын насихаттау шараларын күшейту жөнінде нақты тапсырмалар берді.

Көктемгі мерзімді әскерге шақыру жұмыстары пысықталды

<a href="https://kyzylorda-news.kz/">Kyzylorda-news.kz</a> &nbsp; Жасөспірімдердің мектептен тыс уақыттағы тәртібі және тыйым салынған жерлерде заңды өкілдерінсіз жүруі күн тәртібіндегі басты мәселенің бірі. Осы орайда Қызылорда қаласы әкімдігі жанынан құрылған мобильді топ кезекті түнгі рейдтік іс-шараларды ұйымдастыруда.Жастар мен жасөпірімдер арасындағы қылмыстың, топтық төбелестердің алдын алу немесе кәмелетке толмағандарға қарсы жасалатын оқыс оқиғаларды болдырмау негізгі мақсат. Сонымен қатар, жасөпірімдерді құмар ойындар мен компьютерлік ойындарға тәуелділігінен қорғауды да ювеналды полиция мамандары назарға алған.Бүгінде жасөспірімдердің түнгі 22.00-ден кейінгі уақытта қала аумағында ата-анасынсыз жүруі белең алып келеді. Мамандардың сөзінше, бұл өз кезегінде олардың тәртіп бұзуына, топтық төбелес ұйымдастыруына, өмірлеріне қауіп төндіруіне әкелуі мүмкін. Соның аясында ұйымдастырылған рейдтік іс-шара тұрақты түрде жүргізіліп отыратын болады.Рейд барысында қала аймағындағы ойын-сауық орталықтары, саябақтар, ойын алаңдары және жастар түнде жиналатын аймақтар назарға алынған. Соның нәтижесінде мобильді топ өкілдерімен 7 жасөсіпірім «Сол жағалау» және «Мерей» мөлтек аудандарында түнгі 23.00-ден кейін заңды өкілдерінің қадағалауынсыз жүргендігі анықталған. Жасөспірімдерге тәртіп сақшылары әкімшілік хаттамалар рәсімдеп, ескертулер берді.

Қызылордада жасөспірімдер қауіпсіздігі үшін түнгі рейд жүргізілуде

<a href="https://kyzylorda-news.kz/">Kyzylorda-news.kz</a>&nbsp; Өткен жылға өкпе жоқ. Өйткені, өңірдегі полиция қызметкерлері біраз істің тінін тарқатты. Соның нәтижесінде аймақта криминогендік ахуал тұрақталып, жалпы қылмыс саны 6 пайызға төмендеген. Ендеше, оқыс оқиғалардың ортасынан табылып, қауіп-қатерге қарсы келген Сыр сақшыларының 2023 жылы атқарған жұмысын саралап көрелік.Профилактикалық шаралардың нәтижесі барТәртіп сақшыларына қойылатын талап әркез жоғары.&nbsp;Қоғамдық тұрақтылықты берік ұстау – сала мамандарының бұлжымас борышы. Бүгінде, аймақта 2 мыңнан аса тәртіп сақшысы антына адалдық танытып, қоғам тыныштығын сақтап жүр. Қызметкерлердің қалтқысыз қызметтің арқасында өткен жылы өңірде қылмыстық оқиғалар 6 пайызға азайған. Бұл дер кезінде қабылданған профилактикалық шаралар нәтижесі.<blockquote>–&nbsp;&nbsp;&nbsp;&nbsp;&nbsp;&nbsp; Қабылданған шаралардың нәтижесімен жалпы тіркелген қылмыстар 6 пайызға төмендеді. Сондай-ақ, қоғамдық орында, көшеде, топпен, қару қолдану арқылы жасалған қылмыстар саны азайды. Ауыр және аса ауыр, ауырлығы орташа және онша ауыр емес қылмыстардың, пәтер ұрлығы, мал ұрлығының ашылу көрсеткіші жақсарды. Облыс көлемінде қылмыстардың тіркелуі 2778-ден 2614-ке төмендеді,– дейді ОПД бастығының орынбасары Ілияс Жұмағұлов.</blockquote>Иә, қоғам тыныштығын бұзатындардың бірі топ-топ болып жүретін тентектер. Ұйымдасқан қылмыстық топтар жанжалдың тұтануына түрткі болып тұрады. Сондықтан Ішкі істер министрлігімен бекітілген рейдтік шаралар жиі ұйымдастырылады.<blockquote>–&nbsp;&nbsp;&nbsp;&nbsp;&nbsp;&nbsp; Есепте тұрған тұлғаларға қатысты рецидив қылмыстарының алдын алу бағытындағы түсіндірме жұмыстары жүргізіліп, тиісті қызмет салаларымен бірлескен түрде қылмыстық құқық бұзушылықтың алдын алу бағытында «Құқықтық тәртіп», «Бродяга», «Түнгі қала», «Бұзақы» атты жедел профилактикалық іс-шаралары жүргізілді, – дейді полиция полковнигі Ж.Байжұманұлы.</blockquote>Рейдтік шаралардың нәтижесінде облыс көлемінде орын алған аса ауыр қылмыстар ашылды. Мәселен,&nbsp;Қызылорда қаласында орналасқан дәмханалардың бірінің алдында 27 жастағы қала тұрғыны үшкір затпен дене жарақатын алып, облыстық аурухананың жансақтау бөліміне түскен. Жедел іздестіру барысында аса ауыр қылмыс жасаған 22 жастағы күдікті анықталып, қамауға алынды. Аталған дерек бойынша сотқа дейінгі тергеп-тексеру әрекеттері жүргізілген.Алаяқтарға тұсау салындыҚоғамда айлакерлердің адамды алдап, арбап, ақшасын жымқыратын алаяқтық фактілері көбейіп кетті.&nbsp;Жылдам әрі жеңіл ақша табамын деп бармақ тістеп қалғандардың шығындары да шаш етектен.&nbsp;Өткен жылы 579 азамат айлакердің арбауына түскен. Оның 171-і ғаламтор арқылы онлайн алданған. Тұрғындардың өз мәліметтеріне салғырттығы мен шамадан тыс аңғалдығы интернет желісінде алаяқтықтың жылдам тарауына сеп болып отыр. Орын алған интернет алаяқтық қылмыстарды ашу мақсатында жедел жұмыстар атқарылып, күдікті тұлғалар анықталды. Мысал ретінде айтсақ, 2022-2023 жылдары аралығында Whatsapp және Telegram әлеуметтік желілерінде жәбірленушілерге өзінің танысының атын жамылып, алаяқтық қылмысын жасаған 22 жастағы қала тұрғыны анықталды. Тергеу барысында аталған азаматтың 21 қылмыстық іске қатысы бары белгі болды. Ол жәбірленушілерге бас-аяғы 11 млн. теңге шығын келтірген. Іс сотқа жолданып, нәтижесінде күдіктіге қатысты үш жарым жыл мерзімге бас бостандығынан айыру жазасы тағайындалды.<blockquote>–&nbsp;&nbsp;&nbsp;&nbsp;&nbsp;&nbsp; Алаяқтық қылмысының тіркелуі 609-дан 549-ға азайған және қылмыстың ашылуы 71,7-ден 89,1 пайызға дейін жоғарылаған. Алаяқтық қылмысымен 219 тұлға ұсталып, 393 қылмыстық іске шешім қабылданған. Облыс көлемінде 89 қылмыскерге іздеу жарияланып, оның 55-і ұсталған. Қалған қылмыскерлерді ұстау бағытында жедел жұмыстар ұйымдастырылып, бағыт-бағдар берілді. Есепті мерзімде 108 хабар-ошарсыз кеткендердің 62-нің жүрген жерлері анықталып, үйлеріне қайтарылды,– дейді ОПД бастығының орынбасары Ілияс Жұмағұлов.</blockquote>Сақтықта қорлық жоқ. Бейтаныс нөмір хабарласып, «телефоныңызға смс-код барады, соны маған қазір айтыңыз» деп мазаласа, stop! Дәл осы сәтке жеткенде телефон тұтқасын тастай салыңыз. Қателікке бой алдырып, өзге білмеуі тиіс өзіңіздің жеке мәліметіңізді жариялап қоймаңыз. Бұл – өрескел қателік. Жеке деректеріңіз бен мәліметтеріңізге мұқият болып, әркез назарда ұстасаңыз, алаяққа алданбасыңыз анық!Жасөспірімдердің тәртібі назардаЖасөспірімдерді түнгі уақытта тентіретіп қою тыйылмай тұр. 18 жасқа толмаған балалар беймезгіл уақытта бұрыш-бұрышта білгенін істеп жүр.&nbsp;Ал, ата-аналары одан бейхабар. Өткен жылы жасөспірімдердің қатысуымен 54 қылмыс тіркеліп, 68 жасөспірім қылмыстық жауапкершілікке тартылды. Оның ішінде, 23-і мектеп оқушысы, 38-і колледж студенті, 7-уі жұмыссыз. 7427 құқық бұзушы ішкі істер органдарына жеткізілсе, оның ішінде түнгі уақытта заңды өкілінсіз тұрғын жайдан тыс жерде жүрген 5663 кәмелетке толмағандардың заңды өкілдері әкімшілік жауапкершілік арқалады.<blockquote>–&nbsp;&nbsp;&nbsp;&nbsp;&nbsp;&nbsp; Рейдтік шаралар барысында түнгі уақытта ойын-сауық мекемелерінде болуына жол берген 131 кәсіпкер, жасөспірімге алкоголь өнімін сатқаны үшін 10 сатушы анықталды. Полиция есебіне 175 жасөспірім, 119 қолайсыз отбасы алынды. Алдын алу мақсатында «Жасөспірім»,«Түнгі қаладағы балалар»,«Бала-Заң-Қауіпсіздік», «Мектеп», «Маргинал», «Құқықтық тәртіп» профилактикалық іс-шаралары мен «Мен және менің полицейім»,«Абайлаңыз балалар» атты акциялары өткізілді, – дейді мамандар.</blockquote>Иә, байқағанымыз беймезгіл уақытта жүрген өрімдей өрендердің өмірлері әр түрлі өрілген. Бірі тәртіпке бағынғысы келмейді. Енді бірі бұл талапты білмегеннен түнделетіп жүр. Алайда, олардың ата-аналары бағыт-бағдар беріп, баланың қадамын бақылап отырса, мұндай жағдай болмас еді. Сондықтан ең алдымен балаға бақылау, содан соң сақтық керек.Есірткі де ескеріліп, қылмыстың беті ашылдыНашақорлықтың да жолын кесу мақсатында кешенді жұмыстар жүргізілген. Соның нәтижесінде өткен жылы есірткі қылмысы тіркелген. Оның ішінде 63 азамат өсірумен айналысса, 20-сы сату бойынша қолға түскен. Сондай ақ, 21-і тұрғын жаайында аса ірі көлемде сақтаса, біреуі жарнама жасаған. Ал, қалған 106-сы түрлі әрекеттері мен теріс қылықтары үшін жауапқа тартылған. Жалпы, 2023 жылы айналымнан 108 грамм «мефедрон», «ПиВиПи» синтетикалық есірткі заты тәркіленген. Сондай-ақ, 2 тонна 280 кг. есірткі заты алынған, оның ішінде 92 кг. марихуана. Есірткі қылмысын жасағаны үшін барлығы 154 адам қылмыстық жауапкершілікке тартылған.Түйін.&nbsp;Атқарылған жұмыстар ауқымды. Түрлі қылмыстың тіні ағытылған. Полиция қызметкерлерінің жауапкершілігі жыл өткен сайын күшейіп келеді. Себебі, басты мақсат – қоғам тыныштығын қадағалап, тұрғындардың қауіпсіздігін қамтамасыз ету. Сыр сақшылары бұл ретте өз міндетін мүлтіксіз орындап келеді. Ал, отбасы, қоғам әлі толық дайын емес. Себебі, жоғарыдағы қылмыстар оны анық айқындап тұр…&nbsp;Фото: Нұрболат Нұржаубай

Сыр сақшылары қылмыстық көрсеткішті азайтуда

&nbsp; <a href="https://kyzylorda-news.kz/">Kyzylorda-news.kz</a> &nbsp; Сыбайлас жемқорлыққа қарсы агеттігі спортты қаржыландыру саласындағы жемқорлық тәуекелдерін жою мәселелері бойынша ведомствоаралық мәжіліс өткізді. Бұл туралы <a href="https://stan.kz/sport-salasinda-zhuyeli-zhemkorlik-aniktaldi-397948/">Stan.kz </a>ақпарат агенттігі сыбайлас жемқорлыққа қарсы агеттігінің баспасөз қызметіне сілтеме жасап хабарлайды.Елімізде спортты дамытуға бөлінетін мемлекеттік қаражаттың ұтымсыз және тиімсіз жұмсалуына әкеп соқтыратын елеулі жемқорлық тәуекелдері мен факторларының болуын көрсеткен сыртқы талдау нәтижелері талқыланып, &nbsp;сыбайлас жемқорлыққа қарсы агеттігі ағымдағы жылдың басынан бері спорт саласында 39 жемқорлық қылмысын тіркеген. Ұлт денсаулығын нығайту және бұқаралық, әсіресе балалар спортын дамыту мәселелеріне мемлекет басшысы ерекше көңіл бөлінгендіктен, тек&nbsp;соңғы 6 жылда осы саладағы бюджет 2 есеге өсіп, 1,4 трлн теңгені құрады.&nbsp;Алайда, Қазақстанның әлемдік спорттағы рейтингі төмендеуде. Осы сала бюджетінің 90%-ы жұмсалатын "жоғары жетістіктер" және "бұқаралық" спортты қаржыландыру арасында теңгерімсіздік байқалады.Мәжілісте Қазақстандағы спортшыларды натурализациялау, кәсіби клубтардың бюджеттерін қалыптастыру және легионерлерге төлемдерді қаржыландыру мәселелері талқыланды. Ел Президентінің бюджет пен жалақы мөлшерін шектеу жөніндегі тапсырмасына қарамастан, еліміздің футбол кәсіподақ клубтары соңғы 3 жыл ішінде 30 млрд теңгеден астам үстеме ақы төледі. Сонымен қатар, өзінің спорттық инфрақұрылымын дамытудың орнына бюджет қаражаты легионерлерге төлем жасауға және спорт нысандарын жалға алуға жұмсалды.Талдау қорытындысы бойынша Агенттік салалық министрліктің атына жемқорлық тәуекелдерін жою бойынша ұсынымдар енгізді.Ведомстволық бақылауды күшейту және дискрециялық өкілеттіктерді қысқарту, қаражатты бөлу процестерін нақты нормативтік және құқықтық регламенттеуді белгілеу және бұзушылықтар үшін жауапкершілікті дербестендіру, сондай-ақ бірыңғай цифрлық платформа құру туралы сұрақтар қойылды.Фото: Олимпиада комитеті

Спорт саласында жүйелі жемқорлық анықталды

<a href="https://kyzylorda-news.kz/">Kyzylorda-news.kz</a>&nbsp;&nbsp; Алматыда жігітті соққыға жыққан күдікті ұсталды. ІІМ баспасөз қызметінің мәліметінше, зорлық-зомбылықпен өзінше билік ету фактісі бойынша қылмыстық іс қозғалды. &nbsp;Бұл туралы <a href="https://turkystan.kz/article/241707-s-tsiz-konkurstar-za-zh-ne-shuly-sot-procesteri-auruhanalar-men-zha-a-mektepter-salu-a-m-mkindik-bermeydi-deputat">turkystan.kz</a> &nbsp;хабарлады.&nbsp;Күдікті ұсталып, уақытша ұстау изоляторына қамалды. Сонымен қатар қылмысқа қатысқаны үшін видеоға түсірген екінші адам да ұсталып, уақытша ұстау изоляторына қамалды.Тергеу жалғасып жатыр.Фото: turkystan.kz &nbsp;

Алматыда жас жігітті аяусыз соққыға жыққан ер адам ұсталды

&nbsp;<a href="https://kyzylorda-news.kz/">Kyzylorda-news.kz</a>&nbsp; Сырдария ауданы, А.Тоқмағанбетов ауылына қарасты «Елтай» каналының қасында,&nbsp; қылмыстық әрекетін жасыру мақсатында, жыңғыл мен шеңгелдерді қисайтып, сыммен байлап, олардың астына сора өсімдігін егіп, күнделікті баптап, әрбір сора өсімдігінің түбін қарықтап суарған азамат құрықталып, сот алдында жауап берді.1970 жылы туылған азамат А.Тоқмағанбетов ауылына қарасты «Елтай» каналының қасынан егістік алқабын сатып алып, сол жерге фазендалық үй салып, мал ұстап, егін егумен айналысып жүріп, сора өсімдігін еккен. Оның заңсыз егістік алқабынан 17 кг 440 грамм құраған, барлығы құрамында есірткі заты бар өсіруге тиым салынған 35 түп сора өсімдіктермен аңшы мылтығы анықталған. Сотталушы өз кінәсін мойындап, әрекетіне шын жүректен өкінетінін айтқан.Сот, сотталушының жасаған қылмысының сипаты мен қоғамдық қауіптілік дәрежесін, есірткінің заңсыз айналымы мәселесінің өзектілігін, бұрыңғы соттылықтары жойылғанымен қасақана қылмыс жасағаны үшін екі рет бас бостандығынан айыру жазасына сотталғанын ескеріп, оған қылмыстық-атқару жүйесінің қауіпсіздігі барынша жоғары мекемеде 4 (төрт) жыл мерзімге бас бостандығынан айыру жазасын тағайындады.Сонымен қатар, сотталған азаматтан&nbsp; мемлекет пайдасына жетпіс төрт мың тоғыз жүз үш теңге процестік шығыны мен жәбірленушілер өтемақы қорына алпыс тоғыз мың теңге мәжбүрлі төлем өндіріледі.Фото: Нұрболат Нұржаубай

Заңсыз сора егуші сотталды

&nbsp;<a href="https://kyzylorda-news.kz/">Kyzylorda-news.kz</a>&nbsp;Қызылорда облысында полиция есірткі зертханасын жойды. Қызылорда облысы полиция департаменті есірткі қылмысына қарсы іс-қимыл басқармасының қызметкерлері бұл бағытта жедел-іздестіру іс-шараларын жүргізді.Іс-шара барысында заңсыз есірткі қылмысымен айналысқан 52 жастағы жергілікті тұрғын ұсталды.<blockquote>«Тексеру барысында оның тұрғылықты мекенжайынан ішінде арнайы фито-зертханасы бар жылыжай анықталды. Бөлменің қабырғасы пластик фольгамен қапталған. Өсімдіктерді өсіруге арналған жарықдиодты жарықтандыру құрылғысы және суаруға арналған құрал-саймандар тәркіленді. Полиция қызметкерлері зертхана ішінен 214 түп қарасораны заттай дәлелдеме ретінде тәркіледі. Сараптама қорытындысына сәйкес тәркіленген есірткінің жалпы салмағы 4 келіге жуық екені анықталды. Одан бөлек тұрғылықты жері бойынша сарай ішінен 8 газет қиындысына, 6 полиэтилен пакетке және пластикалық бөтелкеге салынған өзіне тән ерекше хош иісі бар кептірілген шөп тәріздес заттар алынды», – деп мәлім етті Қызылорда облыстық полиция департаментінен.</blockquote>Ведомство мәліметінше. сараптама қорытындысына сәйкес осы тәркіленген заттар жалпы салмағы 5,4 келі кептірілген марихуана, 4,65 грамм гашиш болып шықты.&nbsp;

Қызылордалық полицейлер есірткі зертханасын жойды

<a href="https://kyzylorda-news.kz/">Kyzylorda-news.kz</a>&nbsp;Қызылорда қаласында полицейлер көшеге жалғыз шығып, үйінен адасып алған 4 жастағы баланы аман-есен тапты.&nbsp;Оқиға, 31 наурызда сағат 14:30 шамасында болған. Жергілікті тұрғын Қызылорда қалалық Полиция басқармасына 4 жасар ұлының жоғалып кеткені туралы арызданған.<blockquote>«Аталған дерек бойынша іздеу шаралары дереу ұйымдастырылды. Қызылорда қалалық Полиция басқармасының барлық жеке құрамы дабыл бойынша көтеріліп, баланы іздеуге бағытталды. Баланы барлық жерден іздеген полицейлер, үй маңайындағы барлық жерді тінтіп шыққан. Отбасының жақында тұрғылықты мекен-жайын өзгерткені белгілі болды. Ювеналдық және криминалдық полиция қызметкерлері, учаскелік полиция инспекторлары мен патрульдік полиция батальоны қызметкерлерінің іс-әрекетінің нәтижесінде кәмелетке толмаған бала табылды. Ол анасына аман-есен тапсырылды», - деп мәлім етті Қызылорда облыстық полиция департаментінен.</blockquote>Фото: Нұрболат Нұржаубай

Қызылордада үйінен адасып қалған 4 жасар бала аман-есен табылды

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасы Қылмыстық Кодексінің 189-бабының 4-бөлігінің 2-тармағымен «сеніп тапсырылған бөтен мүлікті иемденіп алу немесе талан-таражға салу» дерегі бойынша 27.11.1973 жылы туған Султанов Сейткамал Абзалович іздестірілуде.«Мади-Қажы» жауапкершілігі шектеулі серіктестігінің бұрынғы директоры. Іздеуде жүрген күдіктіге қатысты қандай да бір мәлімет берген жағдайда анонимдік сақталып, ақшалай сыйақы қарастырылғандығы хабарланды.Бас шарасы:«қамауға алу» Байланыс телефондар «102» 8-(7242) 29-57-07, 29-50-08, 29-70-10, сенім телефондар 8-(7242)-29-57-07, 8-701-369-55-35.

Қызылордада серіктестіктің бұрынғы директоры іздестірілуде 

<a href="https://kyzylorda-news.kz/">Kyzylorda-news.kz</a> &nbsp;Қазақстан Республикасы Ішкі істер министрінің және Қызылорда облысы Полиция департаменті бастығының тапсырмасына сәйкес наурыз айының 21-31 аралығында облыс көлемінде &nbsp;"Құқықтық тәртіп» жедел профилактикалық іс-шарасы өткізілуде.Іс-шараның мақсаты – әкімшілік аймақты &nbsp;аралау, &nbsp;есепте тұрған адамдарды тексеру, темекі өнімдерін заңсыз сату, белгіленген уақытта алкоголь өнімін сату бойынша дүкен иелеріне түсіндірме жұмыстарын жүргізу, &nbsp;уақытша тіркеуде тұрған шетел азаматтарын тексеру, құқық &nbsp;бұзушылықтардың алдын алу &nbsp;болып табылады. &nbsp;Іс –шара басталғалы 1508 әкімшілік құқықбұзушылық дерегі анықталды, &nbsp; оның ішінде, спирттік ішімдікті ішу немесе қоғамдық орындарда мас күйінде келудің 195 дерегі, көлік құралын алкогольдік масаң күйінде басқарудың 7 дерегі, түнгі мезгілде заңды өкілінің қарауынсыз жүрген 368 кәмелетке толмаған &nbsp;анықталды. &nbsp;355 тұрғын үй және жалға берілетін 152 &nbsp;пәтер тексерілді. Сонымен қатар, шара барысында 15 &nbsp;суық қару алынды. Криминогендік ахуалды сейілту, құқық тәртібі мен жол қозғалысы қауіпсіздігін қамтамасыз ету, қылмыстың алдын алу, сондай-ақ көшелер мен басқа да қоғамдық орындарда қылмыстарды ескерту және жолын кесуге бағытталған бұл жедел-профилактикалық іс-шараның өту барысы &nbsp;Департамент бастығының қатаң бақылауында.&nbsp;&nbsp;

Қазақстан және Қызылорда облысының жаңалықтары: Құқық