<a href="https://kyzylorda-news.kz/">Kyzylorda-news.kz</a> &nbsp; Мемлекет басшысы Қасым-Жомарт Тоқаев су тасқыны салдарынан қалыптасқан ауыр жағдайға байланысты үндеу жолдады.Үндеуді республикалық телеарна арқылы толық тыңдап шықтық. «Бүгін мен еліміздің азаматтарына арнайы үндеуімді жолдап отырмын. Баршаңызға белгілі, қазір елімізде күрделі жағдай қалыптасып отыр. Қардың күрт еруіне байланысты аймақтарда су тасқыны болып жатыр. Бұл – табиғи апат. Мұндай ахуал ұзақ жылдан бері болмаған. Бұл көлемі жағынан соңғы 80 жылдан бергі ең ірі табиғи апат деуге болады» деп бастады Президент өз үндеуін.Үндеуде Қ.Тоқаев су тасқынына байланысты еліміздің он аймағында төтенше жағдай жарияланғанын айтты. Яғни Абай, Ақмола, Ақтөбе, Атырау, Батыс Қазақстан, Қарағанды, Қостанай, Павлодар, Солтүстік Қазақстан және Ұлытау облыстарында ахуал күрделі болып тұр.<blockquote>«Жағдай өте күрделі болса да, біз қиындықты міндетті түрде еңсереміз, барлығын қалпына келтіреміз. Ең бастысы – азаматтардың амандығы. Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. Материалдық шығындар толық өтеледі. Біз алапат су тасқынынан тиісті қорытынды шығаруымыз керек. Яғни, жіберілген олқылықтарды түзетіп, тиісті сабақ алуымыз қажет. Ал ондай сабақтар аз емес. Апаттардың алдын алу жұмысындағы кемшіліктен бастап, су шаруашылығы мамандарының тапшы болуы, табиғатқа немқұрайлы қарауға дейін көп мәселені реттеу қажет. Үкімет және жергілікті атқарушы органдар су тасқынымен күресті тиімді үйлестіріп отыруға тиіс. Су басқан аумақтарда құқықтық тәртіпті қамтамасыз ету қажет» деді Мемлекет басшысы.</blockquote>Президент жағдайы неғұрлым күрделі аймақтардағы жұмысты үйлестіру үшін Үкімет басшысының орынбасарларына аймақтарға шығуды тапсырды. Олар ахуал түзелгенше сол жерде болады. Ақпараттық штаб азаматтарды мемлекет қабылдап жатқан барлық шаралар жөнінде үздіксіз және жан-жақты хабардар етіп отырады. Сондай- ақ мұндай кезеңде ресми ақпаратқа сүйенудің маңызы зор.«Бұқаралық ақпарат құралдарына, белсенді азаматтарға және блогерлерге айтарым, жұртты дүрбелеңге салатын жалған ақпараттарды таратпау қажет. Қазіргі уақытта билік пен қоғамды ұйыстыратын әрекеттер жасау аса маңызды. Азаматтарды тек қана ресми ақпарат көздеріне сүйенуге шақырамын» деген Президенттің сөзінің жаны бар.Үндеуді тыңдап, ахуалды байыппен бағамдай келе құтқарушыларға, тәртіп сақшыларына, волонтерлерге және апатпен күресуге атсалысып жатқан барша жұртқа алғыс айтқым келеді. Өйткені қиын-қыстау кезде бір жағадан бас, бір жеңнен қол шығару айрықша маңызды. Бір ел, бір халық болып жұмылып, бұл апатты еңсеретініміз анық.Ақтөре Ибрагимұлы,«Сыр медиа» ЖШС Сырдария аудандық &nbsp;«Тіршілік тынысы» газетінің бас редакторы,Сырдария аудандық мәслихатының депутаты

Ақтөре Ибрагимұлы: Бір ел, бір халық болып жұмылып, бұл апатты еңсеретініміз анық

<a href="https://kyzylorda-news.kz/">Kyzylorda-news.kz</a> 5 сәуір күні Жалағаш ауданы Аққұм ауылында Аққұм ауылдық округінің аналар кеңесінің ұйымдастыруымен «Ұл ұятымен, қыз қылығымен» атты тағылымы мол кездесу өтті. Шараға аудан әкімінің орынбасары Ғани Сүлейменов, аудандық қоғамдық даму бөлімінің басшысы Жасұлан Еспенбет, аудандық аналар кеңесінің төрайымы Айқын Жақсылықова мен кеңес мүшелері және ауыл жастары қатысты.&nbsp;Келелі кездесуде жастар мен алдыңғы буынның арасындағы байланысты нығайтып, жастарды әдеп пен сыйластыққа, тазалық пен адамгершілікке тәрбиелеп, мәдениет пен ұлттық құндылықтарды бойға сіңіре отырып жаңа заман ұрпақтарын қалыптастыру жайы кеңінен насихатталды. Сонымен бірге, аға буын мен жас буынның арасында мағыналы әңгіме өрбіп, қазақ қоғамындағы ұл баланың, қыз баланың орны, тәрбиесі жайында ой бөлісті.&nbsp;«Әр отбасындағы әкенің рөлі ерекше. Әке – отбасының асыраушысы, тірегі, қамқоршысы. Әкенің мінез-құлқы, өзгелермен қарым-қатынасы, өнері мен білімі баланың көз алдындағы үлгі-өнеге алатын, оған қарап өсетін нысанасы. Ер бала әкесімен сырлас, жолдас, дос. Ол әрқашан бір әрекет жасау үшін әуелі әкесімен ақылдасады. Ер баланың өсіп, жетіліп, өз алдына жеке тұлға болып қалыптасуында, қоғамдағы өз орнын дұрыс таба білуінде әкенің атқаратын еңбегі ерекше» деген аудан әкімінің орынбасары Ғани Кенжеғараұлы қазақ қоғамында бала тәрбиесінде жауапкершілікті тек аналар қауымына артып қоюға болмайтынын жеткізді.&nbsp;Мұнан соң Жалағаш ауданы әкімінің орынбасары ауылдағы көпбалалы, қоғамдық шараларда белсенділік танытып жүрген бірқатар анаға және Аққұм ауылдық клубының басшысы Гүлжайна Айтжанқызына және Аққұм ауылдық округі аналар кеңесінің төрайымы Гаухар Нұрсейтоваға ризашылығын білдіріп, алғыс хатын табыстады.Ал, аудандық аналар кеңесінің төрайымы Айқын Бектасқызы қазақ қауымында қыз баланың орны айрықша екенін жеткізіп, қыз балаларға ақыл-кеңесін айтса, ер балаларды өжеттік пен адалдыққа бағыттады. Сондай-ақ, Аққұм ауылдық округінің ардагерлер кеңесінің төрағасы Қосым Жүсіпбеков ұрпақ тәрбиесі баршамызға ортақ екенін жеткізіп, ұйымдастырылған кездесудің маңызы зор екенін атап өтіп, аудандық аналар кеңесіне, Аққұм ауылдық округінің аналар кеңесіне және Аққұм ауылдық клубының ұжымына алғысын білдірді.Еркін форматта ұйымдастырылған кездесуге қатысушылар отбасы құндылықтарына қатысты бейнекөрсетілім мен ауылдық клуб өнерпаздарының концерттік бағдарламасын тамашалады.

Аққұм ауылдық округінің аналар кеңесінің ұйымдастыруымен тағылымы мол кездесу өтті

Арал – кәсіпкерлері көп аудан

<a href="https://kyzylorda-news.kz/">Kyzylorda-news.kz</a> &nbsp; Мемлекет басшысы Қасым-Жомарт Тоқаевтың су тасқыны салдарынан қалыптасқан ауыр жағдайға байланысты барша отандастарымызға үндеу жариялады. &nbsp;Президент жан-жақты зерделенген, нақты дәлелмен келтірілген өте орынды, пайымды пікір айтты.Елде болып жатқан дүрбелең су апаты халқымызды әбігерге салды. Қиындық құрсауындағы халыққа көмектесу үшін Үкіметке мемлекеттік материалдық резервті пайдалану тапсырылды. Еліміздің он аймағында болып жатқан қарғын судың кесірінен су басқан қалалармен елді мекен тұрғындарын сабырлылыққа шақырып, мемлекет тарапынан барлық көмектің болатынын жеткізді.Халқымыздың қазіргі жағдайын бір ел болып қолдауымыз керек. Бұл – табиғи апат. Осындай қиын-қыстау кезеңде халқымызға ауызбіршілік, сабыр, табиғи апатты жеңуге күш-қайрат берсін деп тілейміз.&nbsp;Су басқан аймақтардың халқын қолдау мақсатында әрбір облыстан, сол сияқты біздің ауданнан да гуманитарлық көмектер жөнелтілуде. Бұл – халқымыздың бірлігі. Үйден, жиған-тергеннен бір сәтте айырылу оңай емес. Дегенмен түн артынан күн шығатынын ұмытпайық, ағайын. Біз қармақшылықтар қиын жағдайда қалған отандастарымызбен әрқашанда біргеміз!Асқар Мереков, Қармақшы аудандық ардагерлер кеңесінің төрағасы

Зардап шеккендер назардан тыс қалмайды

Арал ауданында атқарылған іс көп, алдағы міндеттер айқын

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы Қасым-Жомарт Тоқаев еліміздегі төтенше жағдай су тасқынына байланысты үндеу жариялады.Мемлекет басшысы тосыннан келген су тасқынына байланысты жағдайдың мемлекет назарында екендігін, бір жағадан бас, бір жеңнен қол шығарып еліміздің әрбір аймағынан келген волонтерлердің көмектесіп жатқандығын, мемлекет бірде-бір адамды ескерусіз қалдырмайтындығын және су тасқынынан зардап шеккен тұрғындарға қаржылық және басқа да көмек көрсетілетінін айтып өтті. Төтенше жағдайды шұғыл шешу үшін Үкіметке және жергілікті атқарушы органдарға тиісті тапсырмаларды берді.&nbsp;Бақытты болашақтың кілті бірлікте. «Отаны бірдің жүрегі бір, жүрегі бірдің тілегі бір» демекші біз де бұл қиын жағдайға бейжай қарамай ұйымның атынан су тасқынынан зардап шеккен аймақтарға белгілі бір көмек қолын созуды жоспарлап отырмыз. Президент сөз соңында тасқынмен күресте аянбай қызмет етіп жүрген құтқарушылар мен&nbsp; аянбай көмек қолын созып жатқан волонтерлердің еңбегін атап өтіп, алғыс білдірді.Қазір уақытта тасқыннан зардап шеккен&nbsp; өңірлерге гуманитарлық көмек көрсету үшін облыстағы «Жастар орталықтары» жанынан, сауда үйлері мен базарлардан пункттер ашылған. Бұл бастаманы Сыр өңірінің жанашыр азаматтары мен еріктілер, студенттер қолдап, өз үлестерін қосуда.&nbsp;Расул БАЗАРХАНҰЛЫ,«Қазақстан студенттерінің Альянсы» республикалық студенттер қозғалысы»Қызылорда облыстық филиалының төрағасы

Расул Базарханұлы: Біздің күшіміз – бірлікте

<a href="https://kyzylorda-news.kz/">Kyzylorda-news.kz</a>&nbsp; Салық қызметі – мемлекеттік құрылымдардың бірі. Кез келген өркениетті елдің өмір сүруі салыққа байланысты десек, қоғамның қажеттілігін өтеу үшін қаражат керек екені айдан анық. Қаржылық қиыншылықтар кезеңінде ауданда салық саласының қызметкерлері өз міндеттерін абыроймен атқарып, өздерін білікті маман ретінде көрсетіп жүр. Осы ретте Шиелі ауданы бойынша мемлекеттік кірістер басқармасының басшысы Еркеғали ­Абдрахмановпен жыл басынан бері атқарылып жатқан жұмыстары жөнінде сұхбат жүргізген едік.– Еркеғали Амангелдіұлы, салық түспей бюджет бүтінделмейтіні белгілі. Осы орайда ­аудан бойынша мемлекеттік кірістер басқармасы өткен жылды қалай аяқтады, биыл салықтың орындалу қарқыны жайлы не айтасыз?– Салық – еліміздің әлеуметтік-экономикалық өсіп-өркендеуінің тұрақты кепілі саналатынын ескерсек, бұл бағытта атқарылатын жұмыстың ауқымды, жауапкершілігі зор екені рас. Шиелі ауданы бойынша мемлекеттік кірістер басқармасы өткен жылды табысты аяқтады деуге негіз бар. Алдын ала жасалған жоба-жоспарда белгіленген салық пен өзге де түсімдерді шашауын шығармай жинап, бюджет кірісін толтыруға тырыстық. Ал жыл басынан бері 841 заңды тұлға, 6846 дара кәсіпкер тіркелді. Биыл өткен жылдың 9 айымен салыстырғанда мемлекеттік бюджетке 3386,2 млн теңге артық түсім түсіп 125,5 % ды құрады. Атап айтқанда, республикалық бюджетке 2869,5 млн теңге артық түсіп 137,3 % межені көрсетсе, жергілікті бюджетке 512,6 млн теңге артық түсім түсті. Яғни болжам 109,3 пайызға орындалды.– «Жаңа Қазақстан» жаңашылдыққа үйретіп келеді. Осы ретте халық цифрлық жүйе арқылы қызмет түрлерін ала алады ма? Мемлекеттік кірістер органдарында көрсетілетін жалпы қандай қызмет түрлері бар?– «Қазақстан Республикасының мемлекеттік кірістер органдары көрсететін мемлекеттік қызметтер регламенттерін бекіту туралы» Қазақстан Республикасы Қаржы министрінің 2015 жылғы 4 маусымдағы №348 бұйрығына сәйкес 44 мемлекеттік қызмет түрі көрсетіледі. Оның ішінде 28-і салық, 16-сы кедендік қызмет. Осы 44-тің 33-і автоматтандырылған, 11-і қағаз жүзінде көрсетіледі.Бүгінде Шиелі ауданы бойынша мемлекеттік кірістер басқармасы тарапынан мемлекеттік қызмет көрсетудің сапасын арттыруға барынша ден қойылған. Салық төлеушілердің ақпараттарын қабылдау мен өңдеу және салықтық тіркеу орталығы салық төлеушілерге 9:00-18:00 уақыт аралығында қызмет көрсетеді. Сонымен қатар қызмет көрсету орталығында салық төлеушілерге салық есептіліктерін электронды түрде тапсыру үшін өзіне-өзі қызмет көрсету терминалы бар. Салық мәдениетін көтеру және кәсіпкерлердің сауаттылығын жетілдіру мақсатында Шиелі ауданы бойынша мемлекеттік кірістер басқармасы үнемі түсіндіру жұмыстарын жүргізіп келеді.– Жеке тұлғаларға мүлік, жер, көлік салығын төлеуде жеңілдіктер қарастырылған ба? Қалай, қайда төлейді?– Жалпы Шиелі ауданы бойынша жер салығын төлейтін – 14 968 жеке тұлға болса, оның – 1221-і жеңілдік алған. Ал мүлік салығы бойынша – 14 584 жеке тұлғаның 1097-сіне жеңілдік қарастырылған. Сол секілді көлік салығы бойынша – 13 243 жеке тұлға болса, оның 612-сі әртүрлі санаттағы адам. Яғни жеңілдік Ұлы Отан соғысының ардагері, Социалистiк Еңбек ерлерi, «Халық қаhарманы», «Қазақстанның Еңбек ері» атақтарына ие болған, үш дәрежелі Даңқ орденiмен және «Отан» орденiмен наградталған адамдар, «Батыр ана» атағына ие болған немесе «Алтын алқа» не «Күмiс алқа» алқаларымен наградталған көпбалалы аналар мен мүмкіндігі шектеулі жандарға көрсетіледі.Енді атқарылған жұмыстарды нақтылап айтар болсақ, 2023 жылы 10 айдағы көрсеткіш ­бойынша мүлік салығынан 10 545,4 мың теңге түсім түсіп, межені 105,9 пайызға артығымен орындадық. Ал көлік салығы бойынша 169 086,6 мың теңге қаржы түсті. Меже 2022 жылдың есепті кезеңімен салыстырғанда 20 782,1 мың теңгеге артық орындалып, 114,0 пайызды көрсетіп тұр.Сонымен қатар берешегі бар жеке тұлғаларға қатысты аудандық прокуратураның жеке сот орындаушылармен, жергілікті полиция қызметкерлерімен бірлесе отырып арнайы рейдтер ұдайы ұйымдастырылып тұрады. Көлік салығынан 86 салық төлеушіден 7 192,0 мың теңге, мүлік салығынан 442 салық төлеушіден 279,0 мың теңге бюджет есебіне өндірілді.– Ақша жүрген жерде жемқорлық қылаң беріп жатады. Осы ретте басқармада жемқорлықпен күрес жұмыстары қалай жүргізілуде?– Дұрыс айтасыз. Сыбайлас жемқорлық жең ұшынан жалғасатын қылмыс десек те болады. Мемлекет басшысы Қ.Тоқаев «Әділетті Қазақстанды құру үшін жемқорлықпен күрес жұмыстарын күшейтуіміз қажет. Бұл жұмыс тек уәкілетті органдардың ғана міндеті емес. Қоғамның барлық мүшесі сыбайлас жемқорлыққа қарсы тұруы тиіс» деген болатын. Біздің ұжымда жемқорлыққа қарсы иммунитет жақсы қалыптасқан. Барлық іс ашық, жария түрде жүргізіледі. Сонымен қатар, өздеріңіз білесіздер қызметкерлеріміз үнемі аудандық «Өскен өңір» газетіне жемқорлыққа қарсы күреске шақырып, өз мақалаларын жариялап отырады.– Аудан бойынша тіркелмеген заңсыз кәсіпкерлікпен айналысу немесе салықты уақтылы төлемеу-төлеуі жөнінде қандай фактілер анықталды?– Шиелі ауданы бойынша Мемлекеттік кірістер басқармасы тарапынан, жеке кәсіпкер ретінде тіркелмей, кәсіпкерлік қызметпен айналысып жүрген салық төлеушілерге қоғамдық көліктерге хабарландырулар ілініп, адамдар көп жиналатын жерлерде радио байланыс арқылы хабарлау жұмыстары жүгізіліп тұрады. Шиелі ауданының 23 кент және ауылдық округтеріне хаттар жолданып, түрлі әлеуметтік желілерде салықтық міндеттемелерді орындау жөнінде кеңінен түсіндіру, насихаттау жұмыстары жүгізіліп, брошюралар таратылды. Нәтижесінде 2023 жылдың 10 айында 500-ден аса жеке кәсіпкер тіркелді. 2023 жылы 3 жеке тұлғаға жеке кәсіпкер болып тіркелмей заңсыз жеке кәсіпкерлікпен айналысқаны үшін ӘҚБтК-нің 463-баптың 1-бабына сәйкес хаттамалар толтырылып, Шиелі аудандық сотына материалдары жолданды. Шиелі аудандық сотының қаулысына сәйкес әр қайсысына 36 225 теңгеден әкімшілік айыппұл салынып, жеке кәсіпкерлікке тіркелді. Сондай-ақ 10 айлық қорытынды бойынша уақытылы төлемеген 76 салық төлеуші анықталып, 1483,5 мың теңге әкімшілік айыппұл салынды. Бұл бағыт бойынша жұмыстар үнемі бақылауда.– Алкоголь өнімін сақтау, көтерме және бөлшектеп сату бойынша лицензияларды пайдаланғаны үшін төлемақыға қанша салық төлеуші тіркелген? – Бүгінгі таңда алкоголь өнімдерін сату үшін аудандық кірістер басқармасына 88 салық төлеуші тіркелген. 2023 жылдың 1-ші қаңтарынан қазан айының 1-не дейін 5197,0 мың теңге бюджетке түсім түсті. Бұл бағыттағы жұмыстар да жіті назарда.– Алдағы уақытта атқарылатын жұмыстар мен міндеттерді айта кетсеңіз? – Дұрыс, жоспарсыз істің нәтижесі болмайды. Сол себепті әрбір жұмысты жүйелі, жоспармен жасауға тырысамыз. Болашақта тиісті жұмыстарға тиімді жүргізілген салықтық әкімшілендіру жұмыстарының нәтижесімен бюджетке қосымша кіріс көздерін қамтамасыз етсек дейміз. Сондай-ақ бюджет алдындағы бересі және артық төлем сомаларын азайтуға қол жеткізіп, көрсетілетін мемлекеттік қызметтер сапасы бойынша жоғары нәтиже көрсетеміз деген ойдамыз. Ең бастысы, халықпен кері байланыс орната отырып, салық мәдениетін қалыптыстыруға тырысамыз.– Сүбелі сұхбатыңызға рақмет!Фото: Нұрболат Нұржаубай

Шиелі: Салық саласында серпіліс бар ма?

<a href="https://kyzylorda-news.kz/">Kyzylorda-news.kz</a> &nbsp;Ел Президенті Қасым-Жомарт Тоқаев су тасқыны салдарынан қалыптасқан ауыр жағдайға байланысты үндеу жасады.Мемлекет басшысы өз Үндеуінде жағдай жіті бақылауда екендігін айтты. Бүгінде құтқару қызметі үздіксіз жүріп, елге гуманитарлы және басқа да көмек көрсетілуде. Мемлекет келтірілген залалдардың барлық шығыны өтелетінін, осы апатқа байланысты тиісті шара қабылдайтынын баяндап өтті.Президенттің Үндеуіне сәйкес ақпарат айдынында беделі бар азаматтар осы бір сәттерде халыққа барынша қолдау беріп, билік пен қоғамды бір арнаға тоғыстыруға атсалысу керек деп білемін.&nbsp;Елімізде су тасқынымен күресу мақсатында көптеген жұмыстар атқарылуда. Атап айтсақ, Қазір Қостанай, Ақтөбе облыстарында Қызылорда облысынан барған 66 құтқарушы және 9 арнайы техника, 4 қайық, 20 мотопомпа жұмыс жасауда. Еріктілер барлық аудандар мен Қызылорда қаласынан 112 тонна гуманитарлық көмек (азық-түлік, көрпе-төсек, гигиеналық құралдар, дәрі-дәрмек, құрылыс заттары) жинап, Ақтөбе қаласы мен Қобда ауданына 25 жүк көлігімен жөнелтті. Тасқыннан зардап шеккен басқа өңірлерге де гуманитарлық көмек көрсету үшін «Жастар орталықтары» жанынан, сауда үйлері мен базарлардан пункттер ашылған.&nbsp;Еліміздің көгіне төнген қара бұлт тез сейіліп, жұртымыз аманшылықта болсын деп тілеймін!&nbsp;Медет ЖОРАБЕК, Жастар ресурстық орталығының басшысы&nbsp;Фото:gov.kz

Медет Жорабек: Билік пен қоғамның бірлігі керек

Арал экономикасының беріктігі байқалып тұр

<a href="https://kyzylorda-news.kz/">Kyzylorda-news.kz</a> &nbsp;Бүгін Мемлекет басшысы Қасым-Жомарт Тоқаев су тасқыны салдарынан қалыптасқан ауыр жағдайға байланысты үндеу жасады.Еліміздің он аймағында жарияланған төтенше жағдай, тосыннан туындаған табиғи апат, көптеген ауылды су шайып, мыңдаған адамның баспанасыз қалуы елді алаңдатқаны рас. Су тасқынымен күресу мақсатында қазіргі уақытта ауқымды жұмыстар атқарылуда. Оған еліміздің әр өңірінен ерікті жастар да қолынан келгенше көмек көрсетуде.Ел Президенті жағдай өте күрделі болса да, қиындықты міндетті түрде еңсеріп, барлығы қалпына келетінін атап өтті.&nbsp;<blockquote>-Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. Материалдық шығындар толық өтеледі, – деді Мемлекет басшысы.</blockquote>Біз ел болашағының жарқын боларына сенеміз. Ел бірлігі – ең үлкен құндылық. Қазақ елі жұдырықтай жұмылып, бірлік пен ынтымақтың арқасында бұл қиындықты да жеңіп шығады.&nbsp;Бүгінде волонтерлар қолдан келгенше гуманитарлық көмек көрсетіп, ел жанашырларымен бірлесіп &nbsp;жұмыс істеуде. Бірлік түбі – береке. Мұндайда әрбір жас "менің қолымнан не келеді, мен қалай көмектсе аламын?" деп маңызды іске жанашырлықпен қарауы керек деп ойлаймын.&nbsp;Нұрайым САҒНАДИНҚЫЗЫ,Қорқыт ата атындағы Қызылорда университетінің Жастар ісі жөніндегі комитет төрағасы&nbsp;Фото: Рахим Қойлыбаев

Нұрайым Сағнадинқызы: Ел бірлігі – ең үлкен құндылық

<a href="https://kyzylorda-news.kz/">Kyzylorda-news.kz</a> &nbsp; Мемлекет басшысы Қасым-Жомарт Тоқаев су тасқыны салдарынан орын алған күрделі жағдайға орай үндеу жолдады. Үндеуді республикалық телеарна арқылы толық тыңдап шықтық.&nbsp;«Баршаңызға белгілі, қазір елімізде күрделі жағдай қалыптасып отыр. Қардың күрт еруіне байланысты аймақтарда су тасқыны болып жатыр. Бұл – табиғи апат. Мұндай ахуал ұзақ жылдан бері болмаған. Бұл көлемі жағынан соңғы 80 жылдан бергі ең ірі табиғи апат деуге болады. Жағдай өте күрделі болса да, біз қиындықты міндетті түрде еңсереміз, барлығын қалпына келтіреміз. Ең бастысы – азаматтардың амандығы. Тасқын судан зардап шеккен азаматтарға айтарым, мемлекет бірде-бір адамды ескерусіз қалдырмайды. Баршаңызға қаржылық және басқа да көмек беріледі. &nbsp;Су басқан аумақтарда құқықтық тәртіпті қамтамасыз ету қажет» деді Мемлекет басшысы.Осындай қиын жағдайда уақытпен санаспай көмек басында жүрген барлық құтқарушыларға, тәртіп сақшыларына, волонтерлерге және апатпен күресуге атсалысып жатқан барша жұртқа алғыс айтқым келеді. Біздер де, әрқайсымыз осы елдің азаматы ретінде қолымыздан келгенше көмек көрсетейік. «Бірлесе көтерген жүк жеңіл» демекші, бірлесіп бұл қиындықты да жеңеміз!Дильфура Байрақтарова, Қармақшы аудандық мәслихат депутаты

Бұл қиындыққа да төтеп береміз

<a href="https://kyzylorda-news.kz/">Kyzylorda-news.kz</a> &nbsp; Қызылорда қалалық «Qosyl»&nbsp;жастар ресурстық орталығының ұйымдастыруымен 9 мамыр - Жеңіс күніне орай «Тағзым алаңы» мен «Бауырластар бейіті» алаңдарында «Ерлікке тағзым» жастар экологиялық акциясы өтті.&nbsp;Акцияға Қызылорда студенттері Альянсының белсенділері, жалпы алғанда 100-ден астам жас, 13 ЖОО және ТжКБ мекемелері, 3 жастар ұйымдары мен облыстық, қалалық жастар ресурстық орталықтарының мамандары арнайы қатысты.&nbsp;Акция барысында белсенділер жоғарыда аталған алаңдарда арықтарды қоқыстардан тазарту, талдарды әктеп-сырлау жұмыстарын жүргізді. «Туған өлкемізді таза ұстауға бір жағадан бас, бір жеңнен қол шығарып атсалысуымыз керек» ұрынымен Сырбойының тазалығына мән беретін жастардың саны көбеюде . Тазалық өмір айнасы!Айта кетейік, Қызылордадағы «Qosyl» қалалық жастар ресурстық орталығы жастармен тығыз байланыста. Орталықтың ғимаратында WI-FI, коворкинг орталығы, спорттық секциялар, креатив фото-бейне студиясы, би залы және жастар ұйымдары кабинеті тегін қызмет көрсетеді.Өткен жылдары 143 іс-шара ұйымдастырып, оған 10 мыңнан астам жас қатысыпты. Жастардың сұранысына орай жабдықталған орталық қызметін 11 мыңнан астам адам пайдаланған.Жазда қаладағы Арбат бойында әр аптаның бейсен­бісінде «Ping-Pong», жұма күні «Караоке Battle», сенбі­де «Кино TIME» жоба­лары өткізіледі. Жастар орталы­ғы­ның «Qosyl kenes» жобасы арқылы жастарға үздіксіз ке­ңес беріліп, «Qosyl acoustic» жобасы шеңберінде ай сайын ән кеші өткізіліп келеді.

Қазақстан және Қызылорда облысының жаңалықтары: Қоғам