<h2>Әлеуметтік желіде көптің назарын аударған таиландық келін енесіне сәлем салып, зыр жүгіріп қонақ күтіп жұртты сүйсіндірді. Қазақ баласы мен мұхиттың арғы жағынан келген арудың махаббаты желі қолданушыларын қызықтырмай қоймады. Таиландық аруды әулетіне келін еткен Мирастың әпкесі Қалсұлу&nbsp;<a href="https://stan.kz/">Stan.kz</a>&nbsp;тілшісіне жастардың махаббат хикаясымен бөлісті.&nbsp;</h2> Фото: Жеке мұрағаттанАқтауға келін болған Ихваның қайын әпкесі Қалсұлу жастардың ағылшын тілін үйреніп жүріп, танысқанын айтты. Алматыдағы жоғарғы оқу орындарының бірін&nbsp;борт механик мамандығы бойынша аяқтаған Мирас тағдырдың айдауымен туған жері Маңғыстауға қайта оралады.“Мирас оқуын аяқтап, Ақтауға оралып, ағылшын тілін дамытпақ болды. Ол&nbsp;Ихвамен ағылшын онлайн курсында танысқан. Сөйтіп 6 ай сөйлесіп, қарым-қатынас құрған. Таныстығы&nbsp;махаббатқа ұласты.&nbsp;Осыдан бір жыл бұрын Мирас қызды көру үшін&nbsp;Таиландқа барып келді. Барғандағы мақсаты –&nbsp;қызбен, оның әке-шешесімен жақынырақ танысу еді.&nbsp;Қыз жақ та бұл некеге қарсылық танытпады. Мирас&nbsp;Ихваның ата-анасының алдынан өтіп, қолын сұрап барды. Ол жақ та інімді құшақ жайып, жылы жүзбен қарсы алған.&nbsp;Араға бір жыл салып жастар үйленіп, отбасы боламыз деп шешім қабылдады”, –&nbsp;дейді Мирастың әпкесі.Фото: Видеодан скрин&nbsp;Сөйтіп Мирастың жақындары биыл қазақтың, Маңғыстаудың салт-дәстүрімен Таиландқа барып, қызға сырға салып, елге алып келді.“Келген күні-ақ беташар жасадық.&nbsp;17 сәуір күні дүркіретіп тойын өткіздік.&nbsp;Біз інімнің таңдауына қарсы келген жоқпыз. Өзінің қалауы сол болды. Біз өз тарапымыздан тек қолдау көрсеттік, келісімімізді бердік”, –&nbsp;дейді Қалсұлу.“Інжу деп азан шақырып атын қойдық”Ихва келе сала Ислам дінін қабылдап, мұсылман болды. Тіпті азан шақырып ат қойып, есімін өзгерткен.&nbsp;“Келініміз Ислам дінін қабылдады. Інжу деп азан шақырып атын қойды. Өзінің есімі –&nbsp;Ихва. Қазіргі кезде қазақтың барлық салт-дәстүрін үйреніп жатыр. Айтуынша, оған әдет-ғұрыпты үйрену қиынға соқпаған көрінеді. Сәлем салады, қонақтарды күтіп алады, алғасын да айтады. Таңырқап, жатырқайтындай ештеңе жоқ деді. Ұқсастықтар да бар екен. Мысалы, біздегі қалыңмал секілді олар да қызға ақша сұрайды екен. Негізі бастапқыда қалыңмалға 5 миллион теңге сұрады. Екі жақ өзара келіскен соң 3 миллион теңгеге тоқтады. Ол жақта да жасау, дүние деген секілді жоралғылар бар екен. Бірақ біз шетел асып келген соң ондай дүниелерді жүк қылып әкеле алмадық”, –&nbsp;дейді Мирастың әпкесі.Таилықтарда қалыңдыққа әшекей-бұйым, алтын деген секілді сыйлықтар береді екен. Жігіттің жақындары да құр алақан бармады.“Біз жақтан да сый-сияпат болды. Әжесіне, анасына алқа сыйладық. Келінге гауһар тасты&nbsp;әшекей&nbsp;тақтық.&nbsp;Ихваға Таиланда өз үйінде сырға салдық. Сөйтіп әкесі, әжесі бізді мейрамханада қонақ қылды.&nbsp;Әзірге келін ата-енесінің қолында тұрады. Ихва –&nbsp;олардың бірінші келіні. Жас жұбайлар алдағы уақытта Ақтау қаласында тұрады. Шетелеге кету туралы ой әзірге жоспарда жоқ. Болып жатса уақытын көре жатармыз”, –&nbsp;дейді Қалсұлу.Барын салып, дәстүрді дәріптеп, сіңісіп кетуге тырысып жүрген Інжуге желі қолданушылары сүйсініп, ақ тілегін арнады.&nbsp;“Сондай сүйкімді. Бақытты болсын”, “Жүзі жылы екен, ренжітпеңіздерші”, “Сұлу келін, екі жас бақытты болсын”, “Алла тіл-көзден сақтасы”, –&nbsp;деп мақтауын жаудырды желідегі жұрт.

"5 миллион қалыңмал сұрады": Маңғыстау облысына келін болып түскен таиландтық қыз Ислам дінін қабылдады

<h2>Желіде Астанада ер адамның өртеніп жатқаны түсірілген видео тарады. Бұл туралы <a href="https://stan.kz/">Stan.kz </a>ақпарат агенттігі хабарлайды.&nbsp;</h2>Фото видеодан алынғанОқиға Сығанақ көшесінде болған. Желідегі ақпаратта&nbsp;ер адамның 33 жаста&nbsp;екені айтылған.Денсаулық сақтау басқармасының хабарлауынша, ер адам “өзін-өзі өртеп жіберген”.&nbsp;Ер адам денесінің 80 пайызын күйік шалған. Дәрігерлер беттің, бас терісінің, дененің және екі жоғарғы жақтың I-II-IIIA дәрежелі күйіктері диагнозын қойды. Тыныс алу жолдары да зақымданған.Қазір ер адам жансақтау бөліміне жатқызылған.Оқиғаның мән-жайы анықталып жатыр.

Астанада ер адам өзін-өзі өртеп жіберген

<a href="https://kyzylorda-news.kz/">Kyzylorda-news.kz</a> Қазақ даналығында «Ауылы бүтінді аман де, елі бүтінді есен де» деген ғибратты сөз бар. Анты бір ауылдастың мерейлі шағы дүйім елдің ортақ қуанышына айналуда. Еңселі 50 жылды еңсерген Айдарлы ауылының тарихы негізінен әрі де жатыр. Қастерлі де, қасиеті өзеннің атауымен аттас аудан құрамына кіретін Айдарлы ауылы көпке орталықтан шалғай орналасқандығымен белгілі. Сан мәрте бөлініп, алғашқы да шаруашылық ретінде құрылған ауыл халқының тұрмыс-тіршілігі ата кәсіппен байланысты. Талай мәрте калхоздың әлеуетін, әлеуметін жақсартуда ел ағалары табанды іске араласты. Қаншама сүрлеу жолдан өткен ауыл тарихында қаншама кадрдың есімі айрықша мәртебмен айтылады. «Елу жылда ел жаңа» демекші, тұғырлы тұлғалар өмірден өткенімен, жаңа буын&nbsp; ізін лайықты түрде басып келеді.&nbsp;Расында, қазақылықтан айнымайтын ауылдың төңірегінде өнер мен мәдениеттің нышаны ертеректен қалыптасқан. Ауыл адамы тұрғанда қазақ өнері мәңгілік өлмейді. Қайта талантымен даралана білген өнер майталмандары ауыл мәдениетін жандыра береді. Осыдан 9 жыл бұрын «Сұлу-ай» әжелер ансамблі ретінде қайта құрылған өнер ұжымының алғашқы негізі 1988 жылы қаланды. Ауыл өмірінен қашанда салт-дәстүр, әдет-ғұрып, ұлттық өнер жоғалмайды. Мәдениет саласының майталманы, білікті ұйымдастырушы Сұлуай Зейнебекованың есімімен аталатын ансамбль ауылдағы өнердің шамшырағына айналған.&nbsp;36 жыл бедерінде үздіксіз жергілікті халыққа өнерімен танылған ақ жаулықты әжелер өмірде өзіндік орындары бар екенін дәлелдей түсті. Әрбірі ауылдағы ағайынның ортасынан табылып, отырған жерлерін әнмен көмкерді. Негізінен, 3 мәрте құрамы жаңарған әжелер ансамблінің алғашқы құрамында болған Оңалай Қалыбекова, Күлаш Сарымбетова Алтынкүл Әбсаттарова, Үйтолы Шоңбаева, Әлима Бекқожаева,&nbsp; Жаңылдық Бәймішова,&nbsp; Орынкүл Жүсіпова, Рахила Нұралиева,&nbsp; Базаркүл Толысбаева,&nbsp; Орынша Сүлейменова,&nbsp; Дина Батырбекова, Жұмаш Рахманқұлова, Нағима Әбдіраманова, Күлди Торғаева, Маржан Әнәпияева, Мысқал Сайдалиева өнер айдынында еркін қалықтай білді. Олардың жүріп өткен жолы – жас ұрпаққа үлгі-өнеге болып табылады.&nbsp; &nbsp;&nbsp;Өмір телегей теңіз секілді өз ағысынан жаңылмайды. Бейнесі сағынышқа айналған асыл аналарымыз әлі күнге біздің ортамызда жүрген секілді. Әрине, өмір бар жерде, өлмек бар. Қаншама әзиз аналар өнер әлемінде өз қолтаңбаларын қалдыра білді. Мәселен, Тынымкүл Мүсілімова Байқоңыр ғарыш айлағының мерекесіне барған әжелер санатында болып, зиялы қауым өкілдерін күтіп алуға атсалысқан. Сол сәтте мәдениет ошағының жетекшісі Сұлуай ұлының есімін Нұрсұлтан қойған екен. Алтын құрсақты аналарымыз әннен әуелете күмбез тұрғызса, Қарлығаш Шамахова бекзат өнер би өнерімен машықтанды.&nbsp;Өнер – ұлттың жұтамас байлығы. Осы өнер жолында бар ғұмырын арнаған әзиз аналар халық әндерін шырқауда алдарына жан салмайтын. 2015 жылы қайта жасақталған әжелер ансамблінде Гүлжаһан Есенбаева, Алия Смайлова, Қалипа Смайлова, Елеукүл Дүйсебаева, Күлзипа Рысымбетова, Ұлтай Бектаева, Райхан Мырзатова, Үрмаш Мусаева, Гүлжан Байбосынова, Күнім Байбосынова, Салтанат Әбдіраманова, Әсем Досжанова, Күніс Сыздықова, Гүлжан Бекманова, Роза Әлбатырова, Қуаныш&nbsp; Балқадирова, Қымбат Ниятова, Гүлмира Алиева, Пернекүл Шәуіткенова, Жанар Ибрагимова, Толқын Бисенбаева, Гүлжан Искакова лайықты өнерлерімен ел-халықтың қошеметіне бөленді. Қазірдің өзін де өнерімен ерекшелене білген ардақты аналарға құрметіміз ерекше.Әрине, өнерге жан тәндерімен берілген «Сұлу-ай» әжелер ансамбілінің мүшелері сан түрлі санаттағы байқаулардан жеңімпаз атанып үлгерді.&nbsp;«Сұлу-ай» әжелер ансамблі Айдарлы ауылындағы көптеген атаулы іс-шараларда халық әндерін шырқап, көрермен көзайымына айнала білгені барша жұртқа аян. Атап айтсақ,&nbsp; Айдарлы ауылында Сырдария аудандық мәслихат депутаты Анар Сраждинқызының демеушілігімен «Сұлу-ай» әжелер ансамбліне арналып, «Аналар бөлмесі» ашылды. Бүгінде аналар бөлмесінде әжелеріміздің сахналық киімдері, дайындық жұмыстары күнделікті &nbsp;жүргізілуде.&nbsp;Салт-дәстүр мен әдет-ғұрыпты берік ұстанатын ауылдың ақ жаулықты аналарының самайынан ақ шашты көргенде бар ғұмырдың өтеуін көретініміз анық.&nbsp;&nbsp;

Сырдариялық әжелер ансамблінің айшықты белесі

<a href="https://kyzylorda-news.kz/">Kyzylorda-news.kz</a> Бұрнағы Айдарлы ауылының әкімі Нұрбол Жұмабеков «Күміс алқа» иегері Жанай Абдуганиеваны құттықтап, наградасын табыс етті.«Еліміздің демографиялық ахуалын жақсартуға қосқан сүбелі үлесіңіз үшін алғыс білдіреміз! Әр адамның арманы - баласын биіктен көру. Өсіріп отырған ұл-қыздарыңыз еліміздің нағыз патриоты боларына сеніміміз мол.<blockquote>– Айдарлы ауылында балағынан бала саулаған ардақты аналарымыз жеткілікті. Қашанда ынтымақ-бірліктің үлгісін көрсете білетін ауылымызда көп балалы аналар жеткілікті. Бүгін балаларына тағылымды тәрбиесін беріп келе жатқан Жанай Абдуғаниеваның қуанышымен құттықтаймын. Алдағы уақытта көп балалы отбасында тек мықты, білімді жандар өсіп шығатынына сенеміз. Біздің тарапымыздан қашанда қолдау көрсетіліп тұрады. Аяулы ананың отбасына денсаулық, мызғымас береке-бірлік тілеймін. Отбасыңыздың ұйытқысы болып, ақ жаулықты әже атаныңыз», – деді ауыл әкімі.</blockquote>Шын мәнінде, Айдарлы елді мекені егіздер ауылы аталып кеткен. Бір көшенің бойында егіз тапқан бірнеше ана тұрады. Өз кезегінде ерекше құрмет көрсеткен ауылдастарына Жанай Абдуганиева шынайы алғысын жеткізді. Мемлекет тарапынан жасалып жатқан ауқымды іс-шараларды тілге тиек етті.&nbsp;

Айдарлылық көп балалы ана награда табысталды 

<a href="https://kyzylorda-news.kz/">Kyzylorda-news.kz</a>&nbsp; &nbsp;Байқоңыр қаласындағы «Академик С.Жиенқұлов атындағы Байқоңыр жоғары колледжі» білім беру мекемесінің акт залына облыс әкімі Нұрлыбек Нәлібаевтың басшылығымен, облыстық мәдениет басқармасының ұйымдастырумен тағылымды іс-шара өткізілді.&nbsp;«Туған жерге тағзым» атты онкүндік аясында &nbsp;Жаңақорған ауданының тумасы, елімізге белгілі сазгер, әнші, ғалым Жаңақорған ауданының және Түркия мемлекеті Афион қаласының «Құрметті азаматы», Бүкілодақтық халық шығармашылығы фестивальдарының екі дүркін лауреаты, Республикалық «Жігер» фестивалінің дипломанты, Саратов қаласында өткен Жас сазгерлер байқауының жүлдегері, Қазақстан Республикасының мәдениет министрлігімен Қазақстан Республикасы мәдениет пен өнерді қолдаудың мемлекеттік қорының «Мәдениет қайраткері» құрмет белгісінің иегері, Түркістан қаласындағы Қазақ-Түрік Халықаралық университетінің доценті, жүзге жуық әндердің авторы әрі орындаушысы Сауранбек Елеуов пен Шиелі ауданының тумасы, Бүкіл одақтық, республикалық ән-термеші байқауы «Жігер» фестивалінің лауреаты, Қызылорда облысының Қарақалпақ Республикасында өткен онкүндігіне қатысушысы, термеші, мамандығы ауыл шаруашылығының маманы болғанымен өнерді жанына серік еткен азамат Сәрсенбек Баймағамбетов ат басын тіреп, шығармашылық кеш тарту етті.Кешті Жаңақорған ауданының тумасы, бірнеше жыл Жаңақорған аграрлық-техникалық колледжін басқарып, қазіргі таңда зейнеткерлік демалыстағы қоғам белсендісі, «Денешынықтыру саласының үздік қызметкері» төсбелгісінің иегері, Қызылорда облыстық белбеу күрес федерациясының Президенті Мадияр Ахметов жүргізіп отырды.Өз кезегінде Сауранбек Еркінбекұлы баян аспабының сүйемелдеуімен және эстрадалық бағытта «Апатайы анашым», «Айналайын», &nbsp;«Армысыңдар адамдар», «Әке даусы», «Ғанидың жұлдызы», &nbsp;«Сырдария», «Жаным-ау түсінбедің» әндерін нақышына келтіріп орындаса, ал Сәрсенбек Сәбекұлы қазақтың қара домбырасымен «Жел және мен», «Таң қалма», «Тайбурылдың шабысы-ай», «Білмейді», «Қара мең» әндерін шырқады. Колледж оқытушылары мен студенттері өнер қайраткерлері орындаған туындыларға тәнті болып, тамсана қол соқты.&nbsp;Колледж ұжымы өнер иелерінің жанды дауыста шырқаған әндеріне сүйсініп, өз ризашылықтарын білдірді. Өз кезегінде колледж директоры Әнуар Дауленбаев өнер қайраткерлеріне рухани демалыс сыйлағаны үшін алғыс айтып, шапан жауып, колледждің 20 жылдық мерейтойына орай шығарылған «Білім әлеміндегі – 20жыл» атты кітапты тарту етті. Кеш соңы естелік суретке түсумен жалғасын тапты. &nbsp;

Байқоңырлық студенттер өнер қайраткерлерімен кездесті

Шымкентте жекеменшік балабақшалардың бірінде тәрбиешінің балаларды ұрып, кейін шыбын-шіркей өлтіретін шыбықпен қорқытып, қатарға тұрғызғаны бейнебақылауға түсіп қалған. Мұны білген ата-аналар шу шығарды. Бұл туралы <a href="https://stan.kz/balalardi-teuip-shibikpen-korkitkan-shimkentte-balabaks-398892/">Stan.kz </a>ақпарат агенттігі хабарлайды.&nbsp;Фото&nbsp;<a href="https://otyrar.kz/2024/04/posle-skandala-v-chastnom-detskom-sadu-pomoshhnitsa-vospitatelya-uvolilas/">Оtyrar</a> порталынанАта-аналар бұл кадрларды TikTok желісіне жариялап жіберген. Кейін олар балабақшаға полицейлерді шақырып, құжаттарын алып кеткен. Айтуларынша енді төленген төлемді қайтара алмайжүр екен.Деректерге сай қазір балабақша да бос тұр. Басшылықтың да, тәрбиешінің де қарасы көрінбейді екен.Шымкент қаласының білім басқармасы жарияланған кадрларда тәрбиешінің көмекшісі бейнелен. Оқиға Наурыз мерекесі кезінде болған. Тәрбиеші әрекетін тек балалардың шулағанын басу үшін жасағанын айтып ақталған. Бұл жанжалдан соң тәрбиешінің көмекшісі өз еркімен жұмыстан шығып, жеке балабақша меңгерушісі қатаң сөгіс алған."Жекеменшік балабақша мемлекеттік-жекешелік әріптестік аясында жұмыс істейді.&nbsp;45 бала қарауында. Әлеуметтік желілерде тараған видеода-тәрбиешінің көмекшісі түскен. Оның білімі жоқ, ол балабақшада 2023 жылдан бері жұмыс істейді. Басшылық оның балаларды теппегенін, тек тым шулап кеткесін осылай қорқытқысы келгенін айтты. Балалар физикалық жарақат алмаған, бірақ психологиялық жарақат алғаны белгілі болды. Қазіргі уақытта ата-аналар бізге шағымданбады”,- деді&nbsp;Шымкент қаласы білім басқармасының мектепке дейінгі мекемелер бөлімінің басшысы&nbsp;Әйгерім Ерсаева.Видеоға құқық қорғау органдары да жауап берді. Шымкент қаласы полиция департаментінің баспасөз қызметі факт бойынша тексеріс жүріп жатқанын хабарлады. Сараптамалар тағайындалып, соның нәтижесі бойынша процестік шешім қабылданатын болады екен.

Балаларды теуіп, шыбықпен қорқытқан: Шымкентте балабақшада тәрбиеші көмекшісінің әрекеті шу шығарды

<a href="https://kyzylorda-news.kz/">Kyzylorda-news.kz</a> &nbsp; Аудан медицинасы сан тарапқа бөлінген сала ретінде көпшілікке мәлім. Денсаулық сақтау қызметін жан-жақты үйлестіру, емделушілерге қолайлы орта қалыптастыру – аурухана ұжымының негізгі мақсатының бірі саналады. Аптаның бейсенбісінде үнемі көзге көрінбейтін қажырлы еңбектерімен даралана білетін «Асхана» бөлімшесінің мамандарымен жолыққан едік. Бізді жайдарлы мінезімен бөлімшенің ем-дәм мейіргері Ләззат Әубәкірова қарсы алды.Бөлімшеде 2 ауысым бойынша аспазшылар 8 бөлімшеге тәуліктің 3 мезгілінде тағам әзірлейді. Әрбір бөлімшеден күн сайын науқас санына байланысты тағам алу үшін сала мамандарына сұраныс жолданады. Әрине, емделушіге арналып тағам дайындалатын болғандықтан, «Асхана» бөлімшесінің мамандары санитарлық тазалыққа жіті көңіл бөледі. Бірнеше жылдық тәжірибесі бар ас әзірлейтін аспазшылар тағамның мөлшерін анықтап, науқастар үшін белгіленген диеталық норманы сақтайды.<blockquote>– Біздің тағамдарымыз таңғы 8.00-де пісіріліп, бөлімшелерге таратуға дайын болады. Таңертең және кешкі уақытта сүтті тағамдар жасаймыз. Сонымен қатар түскі тағамдардың етін асып, диеталық үлгіде әзірлейміз. Бүгінгі кешкі тамаққа арнайы ас мәзіріне сүйене отырып, сүтті қарақұмық тамағын науқастарға беруге ұйғарым жасадық. Біздің бөлімшеде 3 аспазшы, 2 жұмысшы, 1 қоймашы бар. Осы сәтте науқастарға тағам дайындап жатқан Гүлмира Дүйсенбай мен Шолпан Аманжол екенін айта кетейін. «Ас – адамның арқауы» деген тәмсіл бар. Әрине, ем қабылдаушы жандарға сапалы қызмет етуге барымызды саламыз, – деді ем-дәм мейіргері Ләззат Әубәкірова.</blockquote>&nbsp;

Емделушілерге тағам әзірлеу – асқан жауапкершілікті жүктейді

Батыс Қазақстан облысында 11-ден астам елді мекенді су басу қаупі төніп тұр. Бұл туралы <a href="https://stan.kz/batis-kazakstan-oblisinda-11-den-astam-eldi-mekendi-su-398897/">Stan.kz</a> ақпарат агенттігі хабарлайды.Төтенше жағдайлар министрлігінің мәліметінше, бұған Жайық өзеніндегі су деңгейінің көтерілуі себеп болған.&nbsp;Осыған байланысты ТЖ министрі Шыңғыс Әрінов өңірде екі тәулік бойы әр ауылды аралап, үйінді бөгеттердің жай-күйін&nbsp; тексерген.“Күні бойы ведомство басшысы Бөрлі, Январцево, Рубежинское, Озерное, Володарское, Байқоныс, Жайық және т.б. ауылдарда болды”, –&nbsp;делінген 20 сәуірде шыққан ақпаратта.Су тасқыны кезеңі басталғаннан бері өңірде 100 шақырымнан астам қорғаныс жер бөгеттері салынғаны атап өтіледі.Айта кетейік, кейінгі&nbsp;мәліметтер бойынша&nbsp;Ақмола, Ақтөбе, Қостанай, Атырау, Солтүстік Қазақстан облыстарында 5,8 мыңнан астам жеке тұрғын үй және 1350 аула әлі су астында қалып отыр. 9,8 млн текше метр су сорылған. Су тасқыны аймақтарынан 116 мың эвакуацияланған.ТЖМ видеосынан жасалған скрин

Батыс Қазақстан облысында 11-ден астам елді мекенді су басу қаупі төніп тұр

<a href="https://kyzylorda-news.kz/">Kyzylorda-news.kz</a> «AMANAT» партиясының «Кедергісіз келешек» жобасы аясында аудан мектептерінің оқушылары арасында эстафеталық жарыс ұйымдастырылды. Жарыстың ашылу рәсіміне аудандық мәслихаттың және «AMANAT» партиясының аудандық филиалының төрағасы Ержан Әжікенов қатысты.Жарысқа қатысушылар ең алдымен Мемлекеттік Гимн орындады. Мұнан кейін жүргізуші жарысқа қатысушы командалар мен жарыстың ережесін таныстырды.– Партияның «Кедергісіз келешек» жобасы аясында «Тең мүмкіндіктер» атты облыстық инклюзивті спорт фестивалі ұйымдастырылуда. Біз осы іс-шараның аудандық іріктеу кезеңіне жиналып тұрмыз. Жарыстың басты мақсаты – ерекше білімге мүдделі балалардың спортпен шұғылдануына жағдай жасау. Оқушылардың қоғамнан шет қалмауы үшін білім беру ұйымдарында, мәдениет мекемелерінде нақты жұмыстар атқарылуда. Бүгінгі фестивальге ауданымыздағы 9 білім беру ұйымдарынан 27 оқушы қатысуда. 9 команда спорттың эстафета сайысынан бақ сынамақ. Бүгінгі аудандық іріктеу кезеңінде жақсы нәтиже көрсеткен 4 команда облыстық фестивальге жолдама алатын болады, – деді Ержан Ертарғынұлы.Өз кезегінде төреші Дәрмен Жұмабек жетекші партияның қолдауымен өткізіліп жатқан жарыстың жоғары деңгейде ұйымдастырылып, қорытындыланатынына сенім білдірді. Сондай-ақ командаларды топқа бөліп, жарысқа қатысушыларға сәттілік тіледі.Бірнеше сағатқа созылған жарыстың қорытынды марапаттау іс-шарасында облыстық мәслихат депутаты Жұмабек Ембергенов пен аудандық мәслихаттың депутаты, білім және ғылым қызметкерлері кәсіподақ коммитетінің төрағасы Алмас Есназар сөз сөйлеп, жеңімпаздарды марапаттады.&nbsp;Оқушыларға арнайы алғыс хат пен бағалы сыйлықтар берілді.Ақтөре ИБРАГИМҰЛЫ

«Кедергісіз келешек» жобасы аясында жарыс ұйымдастырылды 

&nbsp; Ақжарма ауылдық №9 кітапханасы мен мәдениет үйінің ұйымдастыруымен «Адал адам» мәдени-тәрбие орталығы «Әлем BOOK» жобасы аясында «Ескерткіштер ел тарихы» атты танымдық сағат ұйымдастырылды. Шара барысында Көтібар мұнарасы жайлы мағлұмат берілді.Ескерткіш – өткен тарихымыздың белгісі, келешегіміздің де көрінісі.Әрбір ескерткіштің – тарихи мағынасы зор Тарихи орындар мен ескерткіштерді қорғаудың халықаралық күні Көтібар мұнарасы маңында «Ескерткіштер ел тарихы» атты танымдық сағаттың өткізілуінің болашақ ұрпақ үшін маңызы зор. Орта Азияның жазық даласындағы сирек кездесетін мұнаралы деп аталатын ескерткіштер Қазақстан бойынша Сыр өңірі аумағында көп шоғырланған. Қазіргі таңда Қызылорда облысының тарихи мәдени ескерткіштер тізімінде жалпы 20 мұнаралы ескерткіш есепке алынған. Олардың ішінде Арал ауданы бойынша Бегім ана мұнарасы және Қазалы ауданында Сараман Қоса мұнарасы сонымен қатар, Қызылорда қаласы территориясында Көтібар батыр мұнаралары республикалық маңызы бар ескерткіштер қатарына жатады. Мұнара шикі кірпіштен қаланған, ішінде айналып шығатын баспалдағы бар. Ірге тасының диаметрі 4 м, биіктігі 10 м. Көтібар мұнарасы жоғары қарай өтетін есіктері бар 4 қабаттан тұрады. 1982 жылы республикалық маңызы бар тарих және мәдениет ескерткіштерінің тізіміне енгізілді. Ескерткішке қатысты материалдар Қызылорда облыстық тарихи-өлкетану музейінде сақтаулы.Шара соңында мұнара жанына тазалық жұмыстары жасалып,құран бағышталды. Оған мәдениет, кітапхана, ауыл әкімшілігі және қоғамдық кеңес мүшелері қатысты.

Ақжармалық оқушыларға «Әлем BOOK» жобасы аясында танымдық шара өтті

<a href="https://kyzylorda-news.kz/">Kyzylorda-news.kz</a> Бұл туралы Өзбекстан министрлер кабинетінің баспасөз қызметі мәлімдеді,&nbsp;деп жазады <a href="http://inbusiness.kz/">inbusiness.kz </a>сайты.Гуманитарлық көмек президент Шавкат Мирзиеевтің тапсырмасы бойынша жіберілген. Министрлер Кабинетінің бұйрығы негізінде 15 жүк көлігінен тұратын гуманитарлық жүк жасақталып, жүкті жеткізу бойынша ұйымдастыру мәселелері айқындалған.15 жүк көлігінде азық-түлік, киім-кешек, төсек жабдықтары, гигиеналық құралдар, шатырлар мен резеңке қайықтар бар.&nbsp;Гуманитарлық көмек жүктерін Қазақстанға Өзбекстан Республикасы Президентінің кеңесшісі Тұрсынхан Құдайбергенов бастаған жұмыс тобы жеткізеді.

Өзбекстан елімізге гуманитарлық көмек жіберді

<a href="https://kyzylorda-news.kz/">Kyzylorda-news.kz</a> &nbsp; Табиғат тазалығы – халық саулығы екенін ескерсек, айнала қоршаған ортамызды, табиғатты таза ұстау - баршамыздың азаматтық парызымыз.Елімізде өткізіліп жатқан «Таза Қазақстан» республикалық экологиялық акциясы аясында Қазалы ауданында көркейту-көгалдандыру, тазалық жұмыстары барлық кент, қала және ауылдық округ аумағында қарқынды жалғасты.Сенбілік жұмыстары барысында аудан орталығы – Әйтеке би кентінде 7 аймақ бойынша тазалық жұмыстары жүргізіліп, 23,4 шақырым аяқ су арықтары тазартылды.Сонымен қатар газ трубалары, жол белгілері, қоршаулар, электр мен жарықшамдардың бетонды бағаналары сырланып, ағаш түптері әктелді.Сондай-ақ «Киелі мекен» акциясы аясында аудан аумағындағы ескерткіштер мен киелі орындар абаттандырылып, аудан орталығы мен барлық ауылдық округтерде 1200 түп ағаш көшеттері отырғызылды.Айта кетейік, сенбілікке аудан бойынша 2238 адам мен 37 техника жұмылдырылып, 30,9 тонна бей-берекетсіз қоқыстар тазартылды және 33,9 тонна тұрмыстық қатты қалдықтар арнайы орынға шығарылды.Қоғамда экологиялық мәдениетті қалыптастыруға бағытталған акция ауданның барлық елді мекендерінде жалғасын тауып, мекеме, кәсіпорын қызметкерлері мен еріктілер тазалық жұмыстарына өз үлестерін қосты.&nbsp;

Қазақстан және Қызылорда облысының жаңалықтары: Қоғам