Дүниедегі мамандық атаулының төресі – ұстаздық. Қай қоғамда да ұстаз құрметті орындардың төрінен табылады. Осындай құрметті мамандықтың иесі болып, ұлағатты ұстазға тән үлгі көрсеткен, талай шәкірттердің жүрегінен орын алып, тәлімді тәрбие берген Шиелідегі ардақты ұстаздарды құрметпен зейнеткерлік демалысына шығарып салу шарасы өтті.&nbsp;Шиелі ауданы бойынша білім бөліміне қарасты №47 М.В.Ломоносов атындағы мектеп-лицейінде 2024 жылдың 17 мамыр күні “Ұстаздықтың биігін бағындырып” тақырыбында білім беру ісіне 40 жылдан астам еңбегін сіңірген, құрметті ұстаз, қадірлі де асыл ана, бүгінде зейнеткерлік жасқа жетіп отырған Алша Қалмұратова, Фарида Абдраманова, Алтынай Ордабаева, Фатима Снабаева сынды ұстаздардың өмір жолына арналған салтанатты кеш болып өтті.&nbsp;Мерейлі мерей тойға ортақтаса, қуанышты сәтінің куәсі болып Шиелі ауданы бойынша білім бөлімі басшысының міндетін атқарушы Марат Асанханұлы, білім қызметкерлері кәсіподағы Шиелі аудандық комитетінің төрайымы Гүлбану Рантайқызы, туған-туыс ағайындары, сонымен қатар әріптес ұстаздары және түлектері жиналып, жүрек жарды ақ тілектерін ақтарды.&nbsp;Шара барысында ұлағатты ұстаздардың еңбек жолын бастағаннан зейнет жасына дейінгі барлық жетістіктері айтылды.&nbsp;Ұрпақтар сабақтастығын жалғаған әр жылғы ұстаздың шәкірттері сый-сияпат көрсетіп, ән мен жырдан шашу шашты.Барлық құрмет пен сыйға лайықты ұлағатты білікті ұстаздардың білім саласын өркендету жолындағы қосқан үлестері мен шәкірт тәрбиелеудегі ерен еңбектері үшін алғыс айтылып, құрмет көрсетілді. Ұстаз мерейі беделімен өлшенеді. Ал беделдің өлшемі қашан да биік екені рас.

Шиеліде қажырлы еңбек атқарған ұстаздар зейнетке шықты

<a href="https://kyzylorda-news.kz/">Kyzylorda-news.kz.</a> Дүниежүзілік денсаулық сақтау ұйымы лудоманияны ресми түрде құмар ойындарға патологиялық әуестігі бар адамдардың дерті деп есептейді.&nbsp;Бұл проблема әлемде ғана емес, Қазақстанда да өткір күйінде қалып отыр.Статистиканың өзі адам шошырлық. Ішкі істер министрлігінің мәліметіне сүйенсек, лудомандар саны 350 мың шамасында. Сонда 20 млн тұрғынның 1,75 пайызы ойынқұмарлықтың құрығына ілінген болып тұр. Ал әрқайсысының орташа қарызы – 10 млн теңге. Соңғы үш жылда қазақстандықтар құмар ойындарға 1 трлн теңгеден астам қаражат жұмсаған. Соның кесірінен талай отбасы ыдырап, қаншама адам өмірден түңіліп, өз-өзіне қол жұмсады.Ойын автоматтарының, онлайн-казинолардың, букмекерлік кеңселердің көбеюі жағдайды одан сайын ушықтырып жіберді. Ел үкіметі енді құмар ойынға қатысып, бәс тігетіндер санын 2026 жылға қарай екі есе азайтуға ықыласты. Осы орайда оларға мемлекет есебінен тегін ем-дом, медициналық-әлеуметтік оңалту шараларын ұсынады. Ол үшін бюджеттен 80 млн теңгеден астам қаражат бөледі.Бірақ миды арбаған, сананы шырмаған дерттен құтылу оңай шаруа &nbsp;емес. &nbsp;Психолог Нәзира Аймаханова бізбен сұхбатында терең құдықтан адамды өзіне сенімі, ерік-жігері ғана шығара алатынын айтты. Төменде тәжірибелі маманның лудомандарды емдеу кезіндегі ой-тұжырымын ұсынып отырмыз.Бұрынғының казиносы карта едіБұл бұрын, смартфон пайда болмай тұрған кезде де болған. Бір үйге жиналып карта ойнаушы еді ғой. Әсіресе, ер адамдар. Ондай көрініс өзім туып-өскен ауылда да кездесетін. Ойынға құмарлығының кесірінен өмірі қор болған, өз-өзіне қол жұмсаған адамдар болды.Қазір онлайн заман, виртуалды ғасыр. Ойынның жеті атасы қолжетімді. Лудомания күннен-күнге өршіп барады. Маман ретінде маған жүгінетіндер санында есеп жоқ. Алдымен ойынға салынып кеткен адамның жақын-жуығы хабарласады. Тәжірибе жинайын, жағдайды зерттеп көрейін, көмектесе аламын ба, қолымнан келе ме, жоқ па, көз жеткізейін деген оймен лудомандарға бес жыл бойы тегін көмек көрсетіп келдім. Сонда байқағаным, құмар ойынға адам екі түрлі себеппен барады. Біріншісі – көрсоқырлық, яғни үсті-үстіне ақша тапсам, оңай әрі тез байысам деген ой. Жалпақ тілмен айтқанда, күрек ұстамай «Лексус» міну. Екіншісі – ойынның рахатына бату. Бірақ оған баспен кіріп кеткенін, қарызға батып, отбасына зиян келтіріп жатқанын өзі байқамайды.Ең&nbsp;әрісі&nbsp;жетінші сыныпта басталғанЛудоманияның бастапқы белгілері – өзімен-өзі оқшау қалады, тұйықталады, көп адамнан қарыз сұрайды. Қарыз берген кісілер бұған хабарласа алмайды. Сондықтан әке-шешесін, бауыры немесе әйелін мазалауға мәжбүр болады. Ет жақындары оның құмар ойынның құрығына ілінгенін сол кезде бір-ақ біледі.Сенесіз бе, пациенттердің құмарлығы былтыр, екі не бес жыл бұрын пайда болмаған. Ең әрісі жетінші сыныпта оқып жүргенде басталған. Мектепте оқитын балада ненің ақшасы деп ойлайтын шығарсыз. Сөйтсем, төменгі сыныптың оқушыларына қысым көрсетіп, кішігірім әлімжеттік жасауға дағдыланған екен. Студент кезде достарының «жүр де жүр» деуімен жүз теңгеден бәс тігіп бастаған пациенттер болды. Құмар ойынның түрі өте көп. Казино, компьютерлік ойындар бар, инстаграм, тик-токта да ондай толып жатыр. Қоғамның басты капиталы – адам екенін ескерсек, мұны адамға жасалған жауыздық деп есептеймін.Байдың балалары да барКөмек сұрап келетіндерді жоқшылық көрген деп біржақты айтуға болмайды. Арасында тұрмысы тәуір кісілер де, байдың балалары да бар. Сосын көбі тығырықтан өзім шығам деп ойлайды. Бірақ ол мүмкін емес! Ойынқұмар адамның туған-туыстары хабарласқан кезде «ол өз еркімен келмейінше күштеп көмектесе алмайсыз» деп бірден бас тартамын. Келген күннің өзінде бір ғана психологтың көмегімен оңалып кетуі қиын. Біз тек оның өзіне-өзі қол жұмсамауына, қалпына келуіне көмектесе аламыз. Одан әрі бірыңғай лудомандарды емдеумен айналысатын тәжірибелі психологқа, психиатрға қаралып, үзбей ем алғанда ғана нәтижеге қол жеткізуге болады.Мені қынжылтатыны, маған хабарласатындар, келетіндер арасында қыз-келіншектер көбейді. Олар бұл жолға бала күнінде көрген жоқшылықтың орнын жабу үшін барды дей алмаймын. Мысалы, бала күтімімен үйде отырған бір әйел күйеуіне көмектескісі келіп тик-ток арқылы 5 мың теңге салған. Оны 50 мыңға айналдырып аламын деп ойлаған. Оңай олжа қақпанда ғана болады емес пе?! Үсті-үстіне қарыз алып, енді сол 5 млн-ның үстіне шығып отыр. Қазір күйеуі екеуі ажырасып жатыр. Екі ортада бес балаға обал. Жақында екі қаралушыны Алматыдағы емдеу орнына жібердім.«Балам&nbsp;өліп&nbsp;қалса&nbsp;екен» деген ана болдыЛудоманның жақындары тарапынан жіберілетін ең үлкен қателік – оның қарызын жауып беруі. Содан «мені қарыздан тағы құтқарады» деген түсінік қалыптасады. Бірақ адамның жүйкесі темір емес қой. Бір төлейді, екі төлейді, шамасы құриды. Ойынға салынған ұл-қыздың жолында үйін, мал-мүлкін садақа қып қиып, «енді тек өзімді беру қалды, қараңды батыр!» деп безінген ата-аналар болды. Қызылордалық жігіт анасының атындағы үйдің құжатын ұрлап, сыртынан рәсімдеп, сатып жіберген. Сол кісі «балам өліп қалса екен» деп те қарғаған.Жас жігіт алғашқыда мені психолог ретінде мойындай қоймады. Келеке қылды. Сосын екі терапия бойы ойынқұмарлығы туралы сөз қозғаған жоқпыз. Балалық шағы, өміріндегі басқа да жағдайлар туралы әңгімелестік. Ақыр аяғында қалай лудоман болғанын өзі-ақ жылап айтып берді. Жалғыз ұл екен. Әкесі жоқ. Анасы бетінен қақпай өсірген. Группаласына еріп осы жолға түскен. Бір жарым жыл бойы шешесін «даяшы болып жүрмін» деп алдап, үйіне кеш келуді әдетке айналдырған. Қарызын жаппақ болып көлігін сатқан. Шешесі күдіктенген. Маған әкелді. Сөйлесу барысында жігіттің интеллектуалды жобалар жазуға қабілеті барын байқадым. Тапсырма беру арқылы жобалар дайындатып, таныстарға ұсындым. Бір жобасы Оңтүстік Кореяға өтіп тұр. Құны – пәленбай миллион. Өзі кәріс тілін жетік меңгерген. Қазір ойынның орнын осы қызығушылығы басты. Қарызын да жапты, көлік те алды.Үшінші кейс. Ата-әжесінің қолында өскен. Әке-шешесін атымен атайды. Ата-әжесі қайтыс болғанда өзін далада қалғандай сезінген. Құмар ойынға салынуының себебі кеудесіндегі бос кеңістіктің орнын толтырғысы келген екен. Қарызға батқан, оны жабам деп несие алған. Ашылып сөйлескенде әке-шешесіне реніші барын айтты.Алты баласы бар әйел келді. Күйеуі тіпті ойынға баланың жөргекпұлын, досының көлігін (кезінде мұның атына жазып қойған екен) салып жіберген. Қарызы 8 млн-нан асып кеткен. Мен оны психиатрға жібердім.Аралдан жап-жас жігітті туыстары алып келді. Бизнесі бар, кескін-келбеті келіскен, жалғыз ұл. Ол да әуелгіде аз-маз ақша салып бастаған. Бірақ ақыры жақсылыққа әкелген жоқ. Екі терапиядан соң қателескенін саналы түрде түсінді. Ауылына қайтты. Бірақ осымен болды демей, оны жыл бойы, әр күні бақылап отыруға келістік. Айтпақшы, теріс қадамға негізінен жалғыз өскен, ерке, кенже балалар көп барады.Әркім&nbsp;өз&nbsp;әлеміндеБіз қазір баланы қалай тәрбиелеп отырмыз? Бәріміз қу тірлікпен ұл мен қызға көңіл бөле бермейміз. Жұмыстан шаршап келгесін қолына телефон ұстата саламыз. Тыныш отырса, мазамызды алмаса болды. Өзімізге қажеті жоқ нәрсеге араласамыз, соны талқылаймыз. Бала шетке ығыса береді. Оның өз әлемі бар, виртуалды әлемі. Телефоннан не көріп, не оқып жатқанын бақыламаймыз. Білген күннің өзінде зиян екенін айтып түсіндіре алмаймыз. Оған өреміз жетпейді. Әр баланың арманы бар. Ал арманыңа махаббаттың арқасында ғана қол жеткізе аласың. Ойынға салынудың артында жоқшылықтан бөлек рахат өмір сүруге құмарлық тұр. Адам өмірінде тәртіптің болмауы, міне, осындай келеңсіздікке әкеп соғады.Назерке САНИЯЗОВАФото: fingramota.kz

Лудомания – ас қауіпті дерт

<a href="https://kyzylorda-news.kz/">Kyzylorda-news.kz.</a> Өткен дәуір мәдениетінен сыр шертіп, мұрасын сенімді сақтайтын мұражайлардың қоғамда өзіндік орны бар. Бұл – табиғатпен, адам қолымен жасалған өнер туындыларын, көне заман ескерткіштерін, олардың үлгі-нұсқаларын жинақтап, ұрпақтан ұрпаққа жеткізіп отыратын рухани мекеме. Бүгінде біздің ауданда да танымды арттырып, әсемдікпен байланыстыратын 3 музей халыққа қызмет етіп келеді. Олар уақыт өткен сайын құндылығын молайтпаса, жоғалтқан емес.&nbsp;Халықаралық деңгейде атап өтілетін мерейлі мерекенің бірі – 18 мамыр – Музей күні осы бір мәдени ортаның маңызын айшықтай түседі. Мереке қарсаңында шежірелі өлке Шиелідегі "Ы.Жақаев атындағы күріш өсіру тарихы" музейі жылдағы дәстүрден жаңылмай, мұражайлар күнін өз деңгейінде атап өтті. "Көне тарих куәсі" тақырыбында жалғасқан іс-шараға Шиелі аудандық&nbsp;ардагерлер кеңесінің төрағасы Өркен Әзімханұлы, Шиелі аудандық қоғамдық даму бөлімінің басшысы Кенжехан Шахизатұлы, Шиелі аудандық мәдениет бөлімінің басшысы Аруна Әзімхан, Иіркөл ауылдық округінің әкімі О.Ержан, Жансейіт ауылының "Алтын аналар", Ы.Жақаев ауылының "Асыл әжелер" ұжымы және №148 "Бидайкөл" орта мектебі қоғамдық музей үйірмесінің жетекшісі М.Байділдаева, үйірме оқушылары мен музей қызметкерлері қатысты.Бұл күні музей алдына қараша үй құрылып, күріштің атасы атанған Ы.Жақаевтың ұстап, тұтынған заттарынан қойылған "Өткеннің қазынасы болашаққа" атты көрме тамашаланды. Ақ жаулық әжелер қазақы дәстүрдің үлгісін жаңғыртып, күбі пісіп, ұршық иіріп, музей жәдігерлерін қозғалысқа ендіріп, оларға қайта дем берді. Социалистік Еңбек Ерлері Ыбырай Жақаев, Закира Ержанова, Ұлбала Алтайбаева, Шырынкүл Қазанбаева, Жадыра Таспамбетова, Айша Меңлібаева сынды еңбек адамдарының образына қаныққан жұрт ерекше әсерге бөленді.Мереке күні алғаш сөз алған Өркен Исмаил қонақтарды музей күнімен құттықтап, көненің көзін жаңғыртуда қызметкерлердің еңбегі зор екенін атап өтті.&nbsp;<blockquote>– Музей – бұл ауданның мәдениеті мен тарихы. "Ы.Жақаев атындағы күріш өсіру тарихы" музейі де бүгінде мақтаныш тұтар ғимаратқа айналды. Мекеменің Ы.Жақаев ауылының қақ ортасында орналасуының өзі – үлкен ерекшелік. Мұнда қонақ болып келген әр жан мұражай ішін аралап, ондағы жәдігерлерді тамашалау арқылы өңірдің тарихына қаныға алады, – деді Шиелі аудандық&nbsp;ардагерлер кеңесінің төрағасы.</blockquote>Сондай-ақ шара қонақтары&nbsp;музей директоры Құттықыз Ыхановаға, ауданның барлық мәдени шараларының басы-қасында жүретін музей ұжымына алғыс білдірді. Ауыл әкімі&nbsp;О.Ержан мекеме қызметкерлерін марапаттап, мұражай қорының молайып, келушілермен толыға беруін тіледі.&nbsp;Шара барысында&nbsp;№148 "Бидайкөл" орта мектебі "Рухани мұра" өлкетану үйірмесінің оқушылары "Музей&nbsp;– тарих айнасы" тақырыбында квест ойынын көрсетті. Квестке&nbsp;ардагерлер де қатысып, жас ізденушілер музейдің, даңғайыр диқан Ы.Жақаевтың өмір тарихы жөнінде мол ақпаратқа кенелді. Оқушылар аталған тақырып аясында өлең де оқып, көктемнің тағы бір күнін мейірімге толтырды. Жағымды жиын соңы концерттік бағдарламаға ұласты. Музей директоры Құттықыз Ыханова баршаға алғысын білдіріп, ата-бабаларымыз қолданған әр жәдігерді сақтап, оны келешек ұрпаққа насихаттау, дәріптеудің маңызы зор екенін атап өтті.&nbsp;<blockquote>– Тұғырда тас мүсін емес, тарих жатқанын дәлелдеу үшін көненің құнды мұрасын аманат ретінде жеткізу ­– біздің басты мақсатымыз, – деді ол.</blockquote>

Шиелідегі тағылымға толы шара

<a href="https://kyzylorda-news.kz/">Kyzylorda-news.kz.</a> Әлемде түрлі маман иелері бар. Иә, бұл дегеніміз мамандықтың көптігінің дәлелі. Сонымен бірге қиындықсыз, жауапкершіліксіз мамандық болмасы анық. Соның ішінде байланыс саласы – ең ауқымды әрі жауапкершілікті талап ететін саланың бірі болғандықтан да айырықша маңызға ие. Үздіксіз коммуникацияны қамтамасыз ету – бұл күнделікті қажырлы еңбекті талап ететіні сөзсіз. Сол себепті де байланыс және ІТ саласы мамандарының ақпараттандыру саласына қосқан үлесі ерекше бағаланады. Айта кету керек, еліміздегі цифрландыру, қызметтерді онлайн алу «бір терезе» қағидаты арқылы жүзеге асады. Біз өзімізге қажет маңызды қызметтерді үйден шықпай-ақ, қолымыздағы смартфон арқылы қол жеткізе аламыз. Мұның бәрі де байланыс саласы қызметкерлерінің қажырлы еңбегінің нәтижелі жемісі. Осы тұста, «Қазақтелеком» АҚ-ның Арал аудандық желілік техникалық цехының жұмысымен танысқан болатынбыз.Дамыған елдер көшіне ілескен шақта байланыс саласы еліміз үшін стратегиялық мағызға ие саланың бірі. Себебі қазір ақпарат ағымы толассыз күшке айналып, бір тетікпен басқарылатын қоғам қалыптасып жатқанда интернет желісі маңызды. Осы орайда, тамыры тереңге бойлаған «Қазақтелеком» АҚ-ның Арал аудандық желілік техникалық цехы халық қажетін өтеу бағытында аянбай еңбек етіп келеді. Бүгінде жұмыс жүйесін жаңартқан мекемеде екі бөлім бар. Бірі сату бөлімі болса, екіншісі техникалық бөлім. Сату бөлімінде 8-ге жуық қызметкер бар. Ал техникалық бөлімде 17 адам еңбек етеді. Қазіргі күні қызметкерлер бағаналарды жаңарту, жөндеу, нөмірлеу сынды техникалық жұмыстармен айналысуда. Арал ауданы бойынша 7400 абоненттің &nbsp;5860-ы интернет желісімен қамтылған. Мекеменің қауырт жұмысымен аға электормиханик, іс басқарушы Фарида Түйешова кеңінен таныстырып өтті.Аталған мекемеде 40 жылға тарта еңбек еткен Фарида Түйешова 1984 жылы Ақтөбе қаласындағы байланыс электротехникумын электробайланыс технигі мамандығы бойынша бітірген. Еңбек жолын сол жылы қыркүйек айынан бастап аталған мекемеде телеграфшы болып бастайды.&nbsp;<blockquote>– Мен өзім бұл салаға шын жүрегіммен жақсы көріп келдім. Сондықтан жұмыс барысында кездескен қандай да бір қиындықтарға мойыған емеспін. Бір кездері шаруашылық меңгеруші қызметін де атқардым. Ол шақта жұмыстың бәрі қол күшімен жасалатын. Қызметкерлерге керекті құралдардың бәрін облыс орталығынан жүк машинасына өзім тиеп алып келетін едім. Сонда жауапкершілікті сезінгенім сондай, Аралға жеткенде көліктен қыбыр етіп қозғалмаушы едім. Барлық құрал жабдықтар түгелдей діттеген жеріне жеткізілген соң ғана бір жеңілдеп қалатынмын, - дейді бүгінде аға электромеханик Фарида Нажмадинқызы.&nbsp;</blockquote>Ол күнделікті қауырт жұмысқа қарамай мекемеішілік қоғамдық жұмыстарға да белсенді араласады. Жеңіл атлитикадан біршене мәрте облыстық жарыстарға қатысқан. &nbsp;Түрлі айтулы мерекелерде байланыс саласы қызметкерлері өз алдына думандатып тойлауды әдетке айналдырғаны қашан. Бұл да мекеме қызметкерлерінің бір сәт қауырт тірліктен бой сергітуіне септігін тигізетін игі бастама.<blockquote>– Қазір мекеме тарапынан жұмысшыларға бар жағдай жасалған. Соған сай талап та күшейтілген. Біз қазір орталық желіге қосылған база арқылы жұмыс істейміз. Күнделікті таңертең жұмысшылар фотоесеп арқылы түгелденеді. Шақыртуға барған жердегі дейінгі және кейінгі суреттерін жіберіп отырады. Дегенмен олардың бәрі жұмыс киімімен, қажетті құрал –жабдықтарымен толық қамтылған. &nbsp;Басшылық &nbsp;жұмысшылардың &nbsp;әлеуметтік мәселесіне де мән береді. Сондай-ақ бір сәт ой сергіту үшін мерекелік шараларды жоғары деңгейде ұйымдастыруға тырысамыз. Қызметкерлер арасында облыстық, республикалық деңгейде спорттық шаралар ұйымдастырылып тұрады. Ондай кезде біздің қызметкерлер де атсалысады, - дейді Фарида Түйешова.&nbsp;</blockquote>Фарида Түйешова байланыс саласында табанды еңбек ете жүріп, отбасылық бақытқа кенеліп өмірге 5 перзент әкелді. Оларды адам етіп өсіріп бәрін өз алдарына жайлы еткен үлгілі қызметкердің бірі. 40 жыл табан аудармай еңбек еткен мекемесінің құметті қызметкеріне айналған кейіпкеріміз жуырда зейнет демалысына шығып, бейнетінің зейнетін көрмекші.

Арал ауданы бойынша 7400 абоненттің  5860-ы интернет желісімен қамтылған

<a href="https://kyzylorda-news.kz/">Kyzylorda-news.kz.</a> Аудан әкімі Берік Сәрменбаев Қалжан ахун және С.Сейфуллин ауылдарындағы көшелерге жүргізіліп жатқан күрделі жөндеу жұмыстарымен танысты.Аудан басшысы алдымен Қалжан ахун елді мекеніндегі Қайқы батыр көшесінің жөндеу жұмыстарымен танысты. Күрделі жөндеуге облыстық бюджеттен 153 млн. теңге қаржы бөлініп, жұмыстар 2024 жылдың сәуір айында басталды. Қазіргі уақытта 1,8 шақырымды құрайтын көше асфальттанып, жаяу жүргіншілер жолы салынған. Жөндеу жұмыстары аяқталуға жақын.Мұнан соң аудан әкімі С.Сейфуллин ауылындағы 6 көшенің күрделі жөндеу жұмыстарымен танысты. Елді мекендегі Қ.Әбдірей, Бәйтен батыр, Сәрке батыр, Е.Қосбармақұлы, Шортанбай би және А.Іскендіров көшелерінің жөндеу жұмыстарын «Орда Автодор» ЖШС атқаруда. Бүгінгі таңда Сәрке батыр көшесіне асфальт жабындысы төселуде.<blockquote>– Мемлекет басшысы Қасым-Жомарт Кемелұлы Тоқаев елді мекендерде ең алдымен тұрғындарға қажетті инфрақұрылымдық жұмыстарға басымдық беруді тапсырған болатын. Осыған орай, облыс әкімі Нұрлыбек Машбекұлы Нәлібаевтың қолдауымен ауданда жол жөндеу, газдандыру, ауыз су құбырларын жаңғырту жұмыстары жүргізілуде. Оның ішінде, Қалжан ахун, С.Сейфуллин, Қоғалыкөл ауылдарында көшелерге күрделі жөндеу жұмыстары жүргізіліп жатыр. Бұл жұмыстардың сапалы және мерзімінде атқарылуы тұрақты бақылауда, – деді Берік Әбдіғаппарұлы.</blockquote>Аудан басшысы мердігер мекеме өкіліне жол жабындысын талаптарға сай төсеуді, жұмыстарды сапалы атқаруды ескертті. Тиісті салалық орынбасарына тұрақты бақылауда ұстауды тапсырды.Айта кетейік, ауданда Қоғалыкөл елді мекеніндегі А.Құнанбаев, И.Мақсұм, Ә.Айзунов, А.Есмахов, Шымбай, С.Майқанова көшелерінің жөндеу жұмыстары жүргізілуде. Бұл жұмыстарды «Қызылорда жолдары» ЖШС атқарып, жалпы 2,8 шақырым жол жөнделу үстінде. Сондай-ақ, Тереңөзек кентіндегі Б.Момышұлы 7 және 8 көшелері, А.Байтұрсынов, А.Оразбаева, Ә.Таңсықбаев, Ақтам және Қ.Бөдеев көшесінің аяғы жөндеуден өткізілетін болады.

Сырдарияда бірнеше ауылда жолдар жөнделуде

<a href="https://kyzylorda-news.kz/">Kyzylorda-news.kz.</a> <img src="https://degdar-news.kz/wp-content/uploads/2024/05/IMG_2432-920x425.jpeg" alt="" loading="lazy">Бүгін аудан әкімі Берік Сәрменбаев Қалжан ахун және С.Сейфуллин ауылдарындағы көшелерге жүргізіліп жатқан күрделі жөндеу жұмыстарымен танысты.Аудан басшысы алдымен Қалжан ахун елді мекеніндегі Қайқы батыр көшесінің жөндеу жұмыстарын көрді. Күрделі жөндеуге облыстық бюджеттен 153 млн. теңге қаржы бөлініп, жұмыстар 2024 жылдың сәуір айында басталды. Қазіргі уақытта 1,8 шақырымды құрайтын көше асфальттанып, жаяу жүргіншілер жолы салынған. Жөндеу жұмыстары аяқталуға жақын.Мұнан соң аудан әкімі С.Сейфуллин ауылындағы 6 көшенің күрделі жөндеу жұмыстарымен танысты. Елді мекендегі Қ.Әбдірей, Бәйтен батыр, Сәрке батыр, Е.Қосбармақұлы, Шортанбай би және А.Іскендіров көшелерінің жөндеу жұмыстарын «Орда Автодор» ЖШС атқаруда. Бүгінгі таңда Сәрке батыр көшесіне асфальт жабындысы төселуде.<blockquote>– Мемлекет басшысы Қасым-Жомарт Кемелұлы Тоқаев елді мекендерде ең алдымен тұрғындарға қажетті инфрақұрылымдық жұмыстарға басымдық беруді тапсырған болатын. Осыған орай, облыс әкімі Нұрлыбек Машбекұлы Нәлібаевтың қолдауымен ауданда жол жөндеу, газдандыру, ауыз су құбырларын жаңғырту жұмыстары жүргізілуде. Оның ішінде, Қалжан ахун, С.Сейфуллин, Қоғалыкөл ауылдарында көшелерге күрделі жөндеу жұмыстары жүргізіліп жатыр. Бұл жұмыстардың сапалы және мерзімінде атқарылуы тұрақты бақылауда, – деді Берік Әбдіғаппарұлы.</blockquote>Аудан басшысы мердігер мекеме өкіліне жол жабындысын талаптарға сай төсеуді, жұмыстарды сапалы атқаруды ескертті. Тиісті салалық орынбасарына тұрақты бақылауда ұстауды тапсырды.Айта кетейік, ауданда Қоғалыкөл елді мекеніндегі А.Құнанбаев, И.Мақсұм, Ә.Айзунов, А.Есмахов, Шымбай, С.Майқанова көшелерінің жөндеу жұмыстары жүргізілуде. Бұл жұмыстарды «Қызылорда жолдары» ЖШС атқарып, жалпы 2,8 шақырым жол жөнделу үстінде. Сондай-ақ, Тереңөзек кентіндегі Б.Момышұлы 7 және 8 көшелері, А.Байтұрсынов, А.Оразбаева, Ә.Таңсықбаев, Ақтам және Қ.Бөдеев көшесінің аяғы жөндеуден өткізілетін болады.

Жол жөндеу жұмыстары сапалы жүргізілуде

<a href="https://kyzylorda-news.kz/">Kyzylorda-news.kz.</a> Шіркін, өмір деген қызық қой. Қас пен көздің арасында жастық шағыңды зу етіп көз алдыңнан әкетіп, оның орнына әп-әсем ажарыңда қатпар-қатпар әжімдерді саялатады. Мәңгі жасағым келеді деп қиялдағаныңмен, сұм ажалдан қаша аламайсың. Бұл – адамзат үшін дәлелдеуді қажет етпейтін ақиқат. Ол тек бір құдірет күші – Аллаға ғана мә­лім тылсым сыр. Алайда халқыңа сүйікті, қадірлі әрі адал қызмет істеп, ұлт болашағы үшін өмір сүрген ерекше азаматтың аяқ астынан ажал құшуы кімді де болса өкіндірмей қоймайды. Қазақ руханиятының көрнекті тұлғасы, ақын, қарымды журналист халқымыздың абзал азаматы Сәрсенбек Жұмабековтың есімі мәңгі ел жадында қалары сөзсіз. Биыл ақынның туғанына 85 жыл толып отыр. Осыған орай, жақында Шиелідегі «Арман» мәдениет үйінде Сәрсенбек Жұмабековтың және Ортақшыл ауылының жергілікті ақындары Шаймахан Өтеев, Қалжан Қалтаев, Әлібек Қалдыбаевтардың өлеңдері жинақталған «Туған жер, туған ауыл-аяулы өлең» атты жыр жинағы мен «Ортақшыл-құт мекенім» кітабының тұсаукесері болып өтті.Іс-шараның барысын Шиеліге қарасты Ортақшыл ауылының ардақты ардагер-ұстазы Базарбек Бақымұлы мен Шиелі аудандық мәслихат төрағасы Айтбай Жандарбеков ашып берді. Рухани кеште №270 Ғафур Мұхамеджанов атындағы мектеп оқушылары ақынның шығармашылығынан өнер көрсетіп, көрерменнің ыстық ықыласына бөленді. Сондай-ақ кітаптардың жарыққа шығуына демеушілік жасаған Ортақшыл ауылының азаматтары Серікбай Мусалдаев пен Бекмағанбет Пірімбетовке сөз кезегі алынып, көпшілікке жылы лебіздерімен бөлісті. Аталған кітаптардың құрастырушылардың қатарында Болат Сейілханов пен Оралбек Пернебайұлы да бар.&nbsp;<blockquote>– Адамның ұлы қасиеті ұйымшылдығы мен қоғамшылдығында. Ортақшыл ауылының ақындарынан осы асыл қасиеттер байқалады. Бөліп жарып айтуға болмайды, әрқайсысының жазу стильдері өздерінше ерекше. Жастарға айтар ақыл-кеңесі мен тәжірибесі, өсиет-насихатын, ғибрат алатын үлгі өнегелі сөздерді айыра білуге талаптандырды. Өздерінің туып-өскен ата мекені, кіндік кескен жерінің қысбат ыстық екендігін жырларына арқау етті. Өйткені әр халықтың өмір сүруі, өсіп-өркендеуі, бақыты мен байлығы – сайып келгенде туған жеріне, табиғатына байланысты, – деді олар.</blockquote>Шара соңында Шиелі аудандық ардагерлер кеңесінің төрағасы Өркен Исмаил мен Сейтхан Тұрысбеков қос кітаптың лентасын қиып, ақ батасын берді. Жыр гүлзарының бағбаны атанып кеткен С.Жұмабаев өмірі мен шығармашылығы туралы бейнеролик көрсетіліп залда отырған көрермендерді бір толғандырды. Сонымен қатар «Арман» мәдениет үйінің үйірме жетекшілері де шараға атсалысып, патриоттық әндер орындады.&nbsp;Сәрсенбек Жұмабеков жайлы онымен етене араласқан, ниеттес, қамқорлығын көрген, ағайын-туыс, әріптес үлкенді-кішілі замандастары біледі. Ендеше діттеген тақырыпқа ойысып замандастар естеліктерінен үзік-үзік тарқатып көрейік.&nbsp;Оразбек Сәрсенбаев, жазушы, ҚР Мемлекеттік сыйлығының иегері:&nbsp;<blockquote>– Сәрсенбек Жұмабеков 1939 жылы Қызылорда облысы, Шиелі ауданына қарасты «Ортақшыл» колхозында шаруа отбасында дүниеге келеді. 1957 жылы осы аудан орталығындағы Октярбьдің XIV жылдығы атындағы қазақ орта мектебін тәмамдап, бір жыл өз әкесінің қарауында көмекші шопан болып жұмыс істейді. Ал 1958 жылы ол Алматыға келіп, қазақ мемлекеттік университетінің журналистика факультетіне оқуға түседі. Университетті бітіріп, 1963 жылы туған жеріне қайта оралып, Шиелі аудандық «Өскен өңір» газетіне қызметке орналасады. Осы газетте әуелі ауыл шаруашылық бөлімінің меңгерушісі, кейін жауапты хатшы қызметтерін атқарады. Отбасын құрады. Ал 1966 жылдың тамыз айында оқыстан болған автомобиль қақтығысында жиырма жеті жастағы жас журналист, талантты ақын Сәрсенбек Жұмабеков мезгілсіз дүние салды. Бес-он жолдық анкета қағазына сыйып кететін қысқа өмір.&nbsp;</blockquote>Бірақ, осы аз ғана тірлігінде Сәрсенбек едәуір еңбек етті, ыстық-суығы мол шығармашылық күндер кешті. Оның артында 3 мың жолдай алуан түрлі жыр қалды. Марқұмның көзі тірісінде «Лениншіл жаста», «Жұлдызда» жергілікті газеттерде ондаған өлеңдері жарияланып, жыр құмар жас қауымды елең еткізген тұстары бар. «Жас дәурен» жинағына төрт-бес өлеңі кіріп, бәйгеге де қосылған. Алпысыншы жылдардың басында жаңбырдан соңғы көгерістей дүркіреп шыққан бір топ үміткер жас буын ақындардың ішінде Сәрсенбек Жұмбеков те болды. Біздер, онымен бірге оқып, тай-құлындай тебісіп қатар өскен құрбылары, Сәрсенбектің келешегінен үлкен үміт етуші едік.Жиен інісі Башар:&nbsp;Сәрсенбек ағамыз қара қасы қосылғандай, қалың бұйра шашты, қыр мұрынды, көзі ойлы мейірімді кісі еді. Ол студент кезінде Ә.Кекілбаев, Ж. Нәжімединов және жерлесі О.Сәрсенбаевтармен қатар оқып жасы араласты. Екінші курс оқып жүрген кезінде Ә.Кекілбаев екеуі ауылға жаяу келе жатқанда Алпысбай ағам атпен «Жансейіт» тұсында күтіп алып ауылға алып келді. Олар кешке «Садыбайда» құм төбесінде таңға дейін от жағып отырып қазақ әдебиеттерінің сол кездегі майталмандарының шығармалары мен өмірлері туралы көптеген әңгімелер айтты. Біз інісі Айдарбек екеуміз отқа шырпы сындырып, дайындап беріп жүрдік. Сол қызық әңгімелерін біресе естіп, біресе ести алмай қаламыз. Ағамыз құранды керемет оқитын еді. Ортақшыл ауылының ақыны, партия қызметкері Дүйсенбі Смайылов пен жақсы араласып, сыйласып кетті. Жас болса да, өмірден түйгені көп еді.&nbsp;Болат Пернебайұлы, ҚР Білім беру ісінің үздігі, ақынның інісі:&nbsp;С.Жұмабеков мектеп партасында жүрген кезден көркем әдебиетке, журналистка саласына зор ықыласпен ден қояды. Қабырға газеттерінде өлеңдері жиі жарық көріп, мектепішілік іс-шараларды ұйымдастыруда өзіндік қабілетімен танылған. 1957 жылдан бастап аудандық, облыстық, республикалық басылымдарда оның өлеңдері, очерктері мен публицистикалық мақалалары жарық көре бастаған.&nbsp;Университетті бітіру үшін жазылған диплом жұмысына ғылыми жетекшілік еткен М.Мәдиев бұл жұмысты жоғары бағалап, «Жұлдыз» журналына жариялауға ұсынса, пікір айтушы Ж.Сәтібеков «Жұмабековтің тілі шұрайлы, ол болашақ журналист үшін үлкен өріс қой!» деп, жас журналистің келешегіне зор үмітпен қараған.&nbsp;Серікбай Мусалдаев:&nbsp;Сәрсенбек Жұмабековтың өлеңін 9-сынып оқып жүргенде әдебиет кабинетінде қабырға газетінен алғаш рет оқыдық. Ол өлеңі «Саятта» еді: &nbsp;&nbsp;&nbsp;&nbsp;&nbsp;&nbsp; Нарқамысы, Қараойдың жиегі,&nbsp;&nbsp;&nbsp;&nbsp;&nbsp;&nbsp;&nbsp;&nbsp; Айдынға үкісін иеді.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Батқан күн қызартып тұрған бұлт,&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Көлдің көк бетіне жүр қалғып.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Тайызда шалауда бүркеніп,&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Көкқұтан суға үнсіз тұр төніп.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қаптаған қаз, үйрек-қасқалдақ,&nbsp;&nbsp;&nbsp;&nbsp;&nbsp;&nbsp;&nbsp;&nbsp; Кейі ұшып кетеді аспандап.&nbsp;Ауыл сыртындағы «Қарой» көлін керемет сипаттап, көз алдымызға алып келген қандай ақын екен деп таң қалып, әдебиет пәні мұғалімі Сарай Ташымбетова апайымыздан сұрағанымызда С.Жұмабековтың «Ортақшыл» ауылының тумасы екенін жастай дүниеден озғанын жеткізді. Кез келген ақын өзінің туған жерге деген махаббатын өлеңмен жеткізуге тырысқан. Сондай сезім Сәрсенбек ағамыздың өлеңінде де байқалады. «Ортақшылды» елжірей құлай сүйіп, ыстық ықыласпен, таза пейілмен, нәзік сезіммен жырға қосты.&nbsp;ҚР Білім беру ісінің құрметті қызметкері Б.Пернебайұлының: «Артында жасампаз жырлары қалған ақын С.Жұмабековтің өмірдерегін толықтыру, өлеңдері мен қолжазба дүниелерін зерттеп, жарыққа шығару – кейінгілерге керек іс, одан аларымыз да ұтарымыз да мол», – дегендей Сәрсенбек Жұмабеков нағыз елдің патриоты, ұлт мақтанышы әрі халқымыздың ірі тұлғасы болып тарихтың бетінде, ұрпақ жүрегінде мәңгі сала бермек.&nbsp;Сонымен жұлдыздай ағып өткен жасын ғұмырлы ақынның рухын ардақтап, атын аспандатқан бұл сәт те көпшіліктің көкейінде мәңгілікке сақталып қалды.

Шиеліде қос кітаптың тұсаукесері өтті

<a href="https://kyzylorda-news.kz/">Kyzylorda-news.kz.</a> Жаз мезгілі жақындағанда суға шомылу маусымы басталып, су жағалауына баратын адамдар саны жиілейді. Осы ретте су айдындарындағы қауіпсіздік шаралары күшейтіліп, күнделікті рейд жұмыстары жүргізілуде. Бұл ретте құтқарушылар тұрғындарға түсіндірме жұмыстарын ұдайы жүргізіп отырғанымен қайғылы оқиғалардың орын алуы өзекті мәселеге айналып отыр. Сала мамандарының айтуынша, жыл басталғалы бері су айдындарында қайғылы оқиғалар тіркелмеген. Дегенмен, қауіпсіздік шараларын қамтамасыз ету басты назарда болмақ. Бұл жөнінде Өңірлік коммуникациялар қызметінің ақпарат алаңында облыстық ТЖД Азаматтық қорғаныс басқармасының басшысы Жандос Жүгінісов хабарлады.<blockquote>-Суға шомылу маусымында азаматтар қауіпсіздік шараларын ескергені абзал. Әсіресе, белгіленбеген аумақта суға түсу аса қауіпті. Жыл басталғалы бері облыс аумағындағы су айдындарында қайғылы оқиғалар тіркелген жоқ. Суға шомылу маусымында адамдардың қаза болуының басты себебі – қауіпсіздік ережелерін өрескел бұзуы. Атап айтқанда, спирттік ішімдік ішіп суға түсу, су жағалауында балаларды бақылаусыз қалдыру, зерттелмеген жерде балық аулау және тағы басқа жағдайлар. Осыған байланысты облыс тұрғындарынан барынша сақтық шараларын сақтауды ескертеміз, - деді Жандос Шайымұлы.</blockquote>Суға шомылу маусымында құтқарушылардың дайындығы аса маңызды. Бұл ретте Қызылорда облысы ТЖД «Жедел құтқару жасағында» 53 сүңгуір және 25 жүзу құралы толықтай әзір. Қазіргі таңда құтқарушылар тұрғындарға түсіндірме жұмыстарын жүргізуде.<blockquote>-Өздеріңіз білетіндей, жаз мезгілі жақындап келеді. Ауа райының күрт жылынуына байланысты азаматтарымыз су айдындарына асығып, су жағалауларында демалады. Бірақ, суға түсуге болмайтын жерлерге барып, спирттік ішімдіктер ішіп, қауіпсіздік ережелерін сақтамаған жандардың кесірінен қайғылы оқиғалар орын алады. Қазір көбісі Сырдария өзенінде су аз деп суға шомылады. Дегенмен, Сырдария өзенінің ағысы тым қатты, терең жерлер өте көп. Осыған байланысты барынша абай болуға шақырамыз. Сонымен қатар, санаулы күндерден кейін барлық білім беру ұйымдарында соңғы қоңырау салтанатты іс-шарасы өтеді. Оқушылардың қауіпсіздігін қамтамасыз ету мақсатында бізде арнайы жасақ құрылып, белгіленген аумақта рейд жұмыстарын жүргізетін болады, - деді Облыстық ТЖД «Жедел құтқару жасағының» басшысы Бақыт Сағымбекұлы.</blockquote>Фото: Нұрболат Нұржаубай

Суға шомылу маусымында сақтық керек

Сырдарияда құрылыс жұмыстары қарқынды жүргізілуде

<a href="https://kyzylorda-news.kz/">Kyzylorda-news.kz.</a> Жетісу облысындағы алғашқы әскери дайындық пәнінің мұғалімі мектеп басшылығын ақша бопсалады және қысым жасады деп айыптады. Бұл туралы Stan.kz ақпарат агенттігі хабарлайды.Мұғалім әлеуметтік желіде оқу-ағарту министріне видео үндеу жолдап, мектеп басшылығының өзінен ақша бопсаланғанын мәлімдеді. Оның айтуынша, Алакөл ауданы Қабанбай ауылында орналасқан мектепте директордың басқа оқу орнына ауысуына байланысты ақша жиналған.<blockquote>"Біздің 70-тен астам қызметкерден тұратын ұжымымыздан директордың басқа жұмысқа ауысуына байланысты сый ретінде 3000 теңгеден жинауымызды талап етіп жатыр. Ақша бермегенім үшін мені және қосылмаған басқа да мұғалімдерді жұмыстан шығарамыз деп қорқытты", – деді бастапқы әскери дайындық пәнінің мұғалімі.</blockquote>Облыстық білім басқармасы ауыл мектебіндегі жағдайға қатысты түсініктеме берді. Басқарма мұғалімді ешкім жұмыстан шығармағанын және ол мектепте жұмысын жалғастырып жатқанын айтты.<blockquote>​​​​​​"Жұмабаев атындағы орта мектеп ұжымымен алғашқы кездесуден кейін 3000 теңге көлеміндегі қаражаттың өндірілу фактісі расталмады. Қазір Жетісу облыстық білім басқармасының бұйрығымен аталған мектептегі жағдайды зерделеу бойынша мобильді топ құрылып, мұғалімдердің арыз-шағымдары мұқият қаралып, тиісті шаралар қабылданады", – деп хабарлады Жетісу облыстық білім басқармасынан.</blockquote>Басқармадағылар мектептегі жағдай басшылықтың ерекше бақылауына алынды деп сендірді.Фото: Нұрболат Нұржаубай

“Жұмыстан шығарамыз”: Мұғалім директорға 3000 теңге жинамағаны үшін қысым көргенін айтты

<a href="https://kyzylorda-news.kz/">Kyzylorda-news.kz.</a> Енді елімізде банкте бірнеше несиесі барларға да автонесие берілуі мүмкін. Қарыз ұсынғалы отырған қаржы ұйымдары жаңа көлік мінуге ниетті адамның борыш жүктемесіне қарамайды. Тек кейінгі алты айдағы төлем тарихы ескеріледі. Бұл туралы 31-арнаның Информбюро жаңалықтар бағдарламасы хабарлайды.Берешегін уақытылы өтеп жүрген борышкер банкке өтініш беріп, автонесие рәсімдей алады. &nbsp;Бірақ көлік кепілге қойылады. Бұл бастаманы қаржы нарығын реттеу және дамыту агенттігі көтеріп отыр. Қаулыға сәйкес қарыз алушының борыш жүктемесі коэффициентін есептеуге қатысты бірқатар өзгерістер енгізілмек.Қаржы нарығын реттеу және дамыту агенттігінің бастамасы отандық автомобиль өнеркәсібін дамытуға бағытталған. Жеңілдетілген автонесие жобасы шеңберінде сатылуға тиіс көліктерді сатады. Бастысы жаңа көлік мінуге ниетті адам алты ай банк алдындағы берешегін кешіктірмей, уақытылы төлеп тұруы шарт.<blockquote>“Жобада қарыздар бойынша борыштық жүктеме коэффициентін есептеуге қойылатын талаптарды алып тастау көзделеді. Бірақ несиеге алынған көлік кепілге қойылады. Яғни борышкер қарызын өтемесе, банк көлікті сатылымға шығарып, ақшаны қайтарады”, – деп мәлімдеді Қаржы нарығын реттеу және дамыту агенттігі.</blockquote>Сарапшылар банктер борыш жүктемесіне қарамайды екен деп қарызға батуға, автонесие рәсімдеуге болмайтынын айтады. Демек, берешекке асқан жауапкершілікпен қарап, бизнесті дамыту, не жолаушы тасымалдау деген секілді белгілі мақсаттар үшін алу қажет. Пікірлерінше, саланы дамыту үшін де алдымен өндіріс көлемін ұлғайту маңызды.“Дөңгелегін, я болмаса басқа дискісін бе, я басқа бөлшегін шығару үшін оған үлкен көлем керек. Ол көлем 200 мыңнан асқаннан кейін ғана болады. Сондықтан бүгінгі күнде мақсатымыз – 150-ден 200 мыңға жеткізіп, одан әрі қарай кейін жаңағы автомобиль шығару деген мемлекеттік қатарына қосылу мәселесі”, – деді экономист Сапарбай Жұбаев.Сарапшының сөзінше, жаңа көліктің қолжетімділігі отандық автопаркті де жаңалауға мүмкіндік береді.Фото: freepik.com

Қазақстанда енді бірнеше несиесі барларға да автонесие берілмек

<a href="https://kyzylorda-news.kz/">Kyzylorda-news.kz.</a> Бүгінде қоғамда мектеп оқушылары және жасөспірімдер мен жастар арасындағы құқық бұзушылық, кәмелетке толмағандарға қатысты зорлық-зомбылық, оларға қатысты кибербуллинг әрекеттері өте өзекті мәселеге айналып отыр.Бүгін осыған орай аудан әкімі Мейрамбек Шермағанбеттің тапсырмасына сәйкес аудан әкімінің орынбасары Дәурен Тлеумбетов бастаған арнайы топ мүшелері Әйтеке би кентіндегі білім ошақтарында оқушылармен және олардың ата-аналарымен кездесу өткізді. Кездесуде аудандық білім бөлімінің басшысы Әділхан Жөлекешов пен аудандық полиция бөлімі бастығының орынбасары Ғани Құрманалиев бірге жүрді.М.Матаев атындағы №170, Б.Мергенбаев атындағы №226, Е.Бозғұлов атындағы №249 және Ж.Жабаев атындағы №234 мектептерде өткен кездесулерде Дәурен Оңғарбайұлы ауданда топтық төбелес, жасөспірімдер арасындағы тәртіпсіздіктің алдын алу мақсатында атқарылып жатқан жұмыстарды атап өтті.— Бүгінгі бала – ертеңгі елдің жарқын болашағы. Содан кейін де олардың амандығы, денінің саулығы мен лайықты білім алуына үкімет қолдан келген жағдайды жасап жатыр. Қазіргі таңда ауданымызда арнайы құрылған топтар күн сайын кешкі сағат 22:00-ден бастап осы жасөспірімдер арасындағы түрлі тәртіпсіздіктердің алдын алу мақсатында рейд жұмыстарын тұрақты жүргізіп келеді. Рейд барысында түнгі уақытта мезгілсіз жүрген жасөспірімдерді полиция бөліміне тапсырып, ата-аналарына тиісінше түсіндірме жұмыстарын жүргізіп келеміз. Салынған айыппұл да аз емес. Соған қарамастан балалардың түнгі мезгілде ретсіз жүруі тоқтамай отыр. Бұл дегеніміз, яғни кәмелет жасына толмаған жасөспірімнің түнгі мезгілде мезгілсіз жүруі құқықбұзушылыққа алып келері анық. Осы тұста ата-аналар балаларының болашағына көбірек көңіл бөлсе, қауіпсіздігін ойлап, заң талаптарын ұдайы назарда ұстаса екен, — деді аудан әкімінің орынбасары.Жиын барасында ата-аналар тарапынан да күн тәртібіндегі өзекті мәселеге қатысты ұсыныс-пікірлер айтылып, тиісті жауап берілді. Кездесуді қорытындылаған Дәурен Оңғарбайұлы бала – біздің болашағымыз екеніндігін айтып, ұрпаққа тәлімді тәрбие беру жолында «Мектеп, ата-ана жане оқушы» үштік одақ болып бірлесе жұмыс жасауға шақырды.Айта кетейік, алдағы уақытта басқа да білім ошақтарында мұндай кездесулер жалғасатын болады.

Қазақстан және Қызылорда облысының жаңалықтары: Қоғам