<a href="https://kyzylorda-news.kz/">Kyzylorda-news.kz</a> «AMANAT» партиясының «Ұлттық мұра» партиялық жобасы аясында Ақжарма ауылында ойын алаңы пайдалануға беріліп, шағын футболдан ашық біріншілік өтті.&nbsp;Іс-шараға партияның аудандық филиалының төрағасы, аудандық мәслихат төрағасы Ержан Әжікенов, аудан әкімінің орынбасары Димаш Байдушев, «AMANAT» партиясы Сырдария аудандық филиалының атқарушы хатшысы Ақтөре Ибрагимұлы арнайы қатысты. Сондай-ақ даңқты боксшылар Мұхтархан Ділдәбеков пен Біржан Жақыпов құрметті қонақ ретінде келді.Ойын алаңының салынуына және шағын футболдан өткізілген жарыстың ұйымдастырылуына «Ақжарма» бастауыш партия ұйымының төрағасы, аудандық мәслихаттағы «AMANAT» партиясы депутаттық фракциясының мүшесі Бисенов Марат Алдабергенұлы қолдау білдірді.Аудандық партия филиалының төрағасы Ержан Әжікенов бұқаралық спортты дамыту басым бағыттардың бірі екенін айтып, Президенттің тапсырмасымен облыс әкімінің қолдауымен Сыр өңірінде, Сырдария ауданында спорт саласы қарқынды дамып келе жатқанын айтты.&nbsp;Өз кезегінде Сидней олимпиадасының күміс жүлдегері, Қазақстанның еңбек сіңірген спорт шебері Мұхтархан Ділдәбеков ауылдағы спорт саласының дамуын оң бағалап, тілектестігін білдірсе, ойын алаңының салынуына қолдау білдірген Марат Бисенов ауылдың дамуына үлес қосу азаматтық парызы екенін айтып өтті. Алдағы уақытта да іргелі елді мекенді өркендету бағытында тың жобалар жүзеге асырылатынына назар аударып, ауыл тұрғындарын туған жерді көркейтуге және ел мүддесі жолында бірлесе еңбек етуге шақырды.Айта кету керек, ойын алаңының ашылуына орай ел ағаларының ауылға келген сапарында Ақжармалық бес бүлдіршіннің тұсауы кесілді. Жас өрендерге «Ақжарма» бастауыш партия ұйымының атынан сый-сияпат көрсетіліп, қариялар ақ батасын берді.

«Ұлттық мұра» партиялық жобасы аясында ойын алаңы пайдалануға берілді

<a href="https://kyzylorda-news.kz/">Kyzylorda-news.kz</a> Өңірімізде білім сапасын арттыру және білім беру ұйымдарының қызметін заң талаптарына сәйкестендіру бағытында жүйелі жұмыстар жүргізілуде. Мемлекеттік бақылау шаралары аясында білім беру мекемелерінің жұмысына жан-жақты тексеру жасалып, нәтижесінде бірқатар нақты шешімдер қабылданды. Бұл туралы бүгін ҚР Оқу-ағарту министрлігі Білім саласында сапаны қамтамасыз ету комитетінің Қызылорда облысы бойынша департаментінің басшысы Ғалия Дәулетова мәлімдеді.<blockquote>- Білім сапасын арттыру - біздің ең басты мақсатымыз әрі күн тәртібіндегі негізгі міндеттердің бірі. Өңірімізде осы бағытта нақты жұмыстар атқарылып келеді. 2025 жылдың 8 айында департамент тарапынан барлығы 157 мемлекеттік бақылау шарасы жүргізілді. Оның ішінде 97 білім беру ұйымына мемлекеттік аттестаттау, 49 балабақшаға қайта аттестаттау, 11 мекемеге рұқсаттық бақылау өткізілді. Бұл бақылау шаралары білім беру ұйымдарының жұмысына жүйелі талдау жасауға, олардың қызметін жетілдіруге және сапалы білім алуға барлық жағдайды қамтамасыз етуге бағытталған. Мемлекеттік аттестаттау барысында білім беру ұйымдарының оқу-тәрбие үдерісі, материалдық-техникалық базасы, педагогтардың біліктілігі мен балалардың оқу жетістіктері жан-жақты қаралды. Сонымен бірге кешенді тестілеуге 48 мектептен 3696 оқушы қатысты. Бұл бізге білім сапасының деңгейін айқындауға, мектептердің әлеуетін бағалауға және алдағы уақыттағы даму бағыттарын нақтылауға мүмкіндік берді. Мұндай ауқымды шаралар білім сапасын жүйелі түрде арттыруға зор ықпал етеді. &nbsp;Бүгінгі күні өңірде жаңа ашылып жатқан «Жайлы мектептерге» лицензиялар беріліп, оқушылар үшін заманауи әрі қолайлы орта қалыптастырылуда. Алдағы жоспар бойынша жыл соңына дейін 52 мектепке мемлекеттік аттестаттау, 20 балабақшаға қайта аттестаттау, сондай-ақ 4 мектепке талаптарға сәйкестікті тексеру жұмыстары жүргізіледі. Бұл - білім беру жүйесінің сапасын арттырумен қатар, ата-аналардың сенімін күшейтуге де ықпал ететін маңызды қадам. &nbsp;Сонымен қатар жеке мектептерді де назардан тыс қалдырмаймыз. Республика бойынша жекеменшік мектептердің шамамен 40 пайызы жалдамалы ғимараттарда орналасқан. Бұл өз кезегінде белгілі бір тәуекелдерді туындататыны анық. Сондықтан министрлік лицензиялық талаптарға өзгерістер енгізіп, білім беру ұйымдарының қауіпсіздігі мен инфрақұрылымына ерекше көңіл бөлмек. Мемлекет тарапынан сапалы білім беретін, балалардың құқығы мен мүддесін қатаң сақтайтын, заманауи талаптарға толық сәйкес келетін жеке мектептерді ғана қолдау жалғаса береді. Біздің басты ұстанымымыз – әрбір балаға лайықты білім беру жағдайын жасау, - деді Ғалия Ноғайқызы.</blockquote>

Білім саласындағы басты назар - сапа мен жетістік

<a href="https://kyzylorda-news.kz/">Kyzylorda-news.kz</a> Жаңа оқу жылының басталуымен бірге ең өзекті мәселелердің бірі - балалардың қауіпсіздігі. Басты міндет - оқушылардың мектепке бару және қайту жолындағы амандығын қамтамасыз ету. Биыл облыстағы 339 мектепте 189 288 бала білім алады деп жоспарлануда. Демек, әрбір оқушының жолдағы, мектеп ауласындағы, сондай-ақ мерекелік шаралар кезіндегі қауіпсіздігі күн тәртібінен түспейтін мәселе.Полиция департаменті өкілдерінің айтуынша, жаңа оқу жылы қарсаңында ең алдымен жол-көлік оқиғаларының алдын алу шаралары күшейтіледі. Бұл туралы ОПД Жергілікті полиция қызметі басқармасы бастығының орынбасары Мейрамбек Манатов пен ОПД Әкімшілік полиция басқармасы бастығының орынбасары Нұркен Бақтияров баяндады.&nbsp;<blockquote>- &nbsp;«Білім күніне» Полиция департаментімен арнайы іс-шаралар жоспары әзірленіп, барлық жалпы білім беретін оқу орындарында, сондай-ақ, оған іргелес аймақтарда оқушылар арасында келеңсіз жағдайларды, жол көлік оқиғаларды алдын алу және іс-шара барысында қоғамдық қауіпсіздікті сақтау үшін облыс бойынша қоғамдық тәртіп пен жол қауіпсіздігін қамтамасыз етуге барлығы – 594 қызметкер және &nbsp;139 қызметтік автокөліктер жұмылдырылу жоспарланған. Іс-шараға бөлінген қызметкерлерден бөлек, жалпы қала және аудан орталықтарындағы қоғамдық орындар мен көшелерде, паркте, скверлерде, орталық алаңдарда тәртіпті сақтауға тәулік бойына қосымша қызметкерлер қызмет атқаратын болады. &nbsp;Осы мақсатта, ата-аналар тарапынан балалардың беймезгіл уақытта, яғни сағат 23:00-ден 06:00-ге дейін ойын-сауық, қоғамдық орындар мен көшелерге шықпауын бақылау керектігін және бастауыш сыныбының, яғни 1-4 сынып оқушыларын сабақтан тек өздеріңіз алып қайтқандарыңыз абзал екендігін ескертіп өткім келеді,- деді Мұратбек Мейрамбекұлы.</blockquote>&nbsp;<blockquote>- Департаменттің Әкімшілік полиция басқармасы қызметкерлерімен оқу жылының басталуына байланысты, облысымыздың көше-жол тораптарының бойында орналасқан білім беру ұйымдарының айналасында жол қозғалысын реттейтін техникалық құрылғыларға зерделеу жұмыстары жүргізілді. Анықталған кемшіліктерді қайта қалпына келтіру үшін қала және аудан әкімдеріне 30 хабарлама-ұсыныстар мен 177 нұсқамалар жолданды. Қазіргі таңда 67 дана жол белгілері мен 29 жердің жасанды тегіс-еместік қондырғылары қайта қалпына келтірілсе, жаңадан 72 дана жол белгісі орнатылып, 110 жерде жаяу жүргінші жол үсті таңбалары жаңартылды,- деді Нұркен Пірәлиұлы.</blockquote>

Қала мектептерінде қауіпсіздік күшейтілді

<a href="https://kyzylorda-news.kz/">Kyzylorda-news.kz</a> Қызылорда облысында Қазақстан Республикасының Конституция күніне орай республикалық «Жолда қабылдау» акциясы өтті.&nbsp;Іс-шараның мақсаты – азаматтардың құқықтық сауаттылығын арттыру, жол қозғалысы қауіпсіздігін қамтамасыз ету, көші-қон заңнамасы мен полиция қызметіне қатысты сұрақтарға ашық түрде жауап беру.Акция таңертеңнен басталып, мобильді қабылдау пункттеріне 200-ден аса тұрғын жүгініп, құқықтық және практикалық мәселелер бойынша кеңес алды. Тұрғындар негізінен көлік тіркеу, айыппұлдар, жүргізуші куәлігін қалпына келтіру, көші-қон және тұрғын үй аумағындағы тәртіп мәселелері бойынша сұрақтар қойды.Облыс бойынша 10 мобильді қабылдау пункті жұмыс істеді.Акция барысында Полиция департаментінің басшылығы, әкімшілік полиция, Жергілікті полиция, көші-қон қызметі басқармаларының мамандары, сондай-ақ қалалық және аудандық полиция бөлімдерінің басшылары азаматтарды қабылдап, нақты жауаптар беріп, мәселелердің шешілу жолдарын түсіндірді.Мұндай акциялар халықпен тығыз қарым-қатынасты арттыруға және ашық диалог орнатуға бағытталған.

Қызылордада «Жолда қабылдау» акциясы өтті

<a href="https://kyzylorda-news.kz/">Kyzylorda-news.kz</a> Бүгін Қазалы ауданы әкімінің міндетін атқарушы Жалғас Сүйеубаев вегетациялық кезеңде аудандағы егіс алқаптарын сумен қамтамасыз етуге басқа өңірлерден арнайы келіп көмек көрсеткен Ақтөбе, Қостанай, Маңғыстау өңірлерінің төтенше жағдайлар саласының қызметкерлерімен кездесіп, алғысын жеткізді.<blockquote>-Биыл аудан көлеміндегі егіс алқаптарын сумен қамтамасыз ету жұмыстарына шаруашылық құрылымдарының, «Қазалысушар» өндірістік учаскесінде 3-дана, ауылшаруашылық құрылымдарында 9-дана, елді-мекендердің меншігіндегі 26 дана жергілікті су насостары толық егіске су тартуға жұмылдырылды. Сырдария өзеніндегі су көлемінің аз болуына байланысты тағы да қосымша насостарға қажеттілік туындап, Қазақстан Республикасы Төтенше жағдайлар және Қазақстан Республикасы Су ресурстары, ирригация министрліктері тарапынан облысқа барлығы 25 дана дизельді су насос қондырғылары жеке құраммен бірге көмекке жіберілсе, оның 4 данасы ауданымызға келіп, қосымша су насос қондырғысы арқылы «Жалаңтөс батыр» ЖШС-не 100 гектарға, «РЗА Агро» ЖШС-не 70 гектар жеріне су айдап, көмек көрсетті. Жеке құрам мен көмек құралдары шілде айының бастап, 2 ай бойы үздіксіз, екі ауысыммен жұмыс жасап шаруаларға үлкен жәрдем берді. Мемлекет басшысының, Үкіметтің қолдауларының арқасында дер кезінде қабылданған шешімдер, жүргізілген келіссөздер нәтижесінде биылғы жылы егіс алқаптары сумен қамтамасыз етіліп, егісті барынша шығынсыз алып шығу мақсатында шаралар атқарылды. Бұл ретте Қазақстан Республикасы Төтенше жағдайлар министрлігі қызметкерлерінің елеулі еңбектері орасан зор,- деді Жалғас Оңғарұлы.</blockquote>Жиын соңында аудандық мәслихат төрағасы Ғазиз Әліш сөз сөйлеп, шаруашылықтардың егіс алқаптарын сумен қамтамасыз етуге үлес қосқан төтеншеліктердің бұл еңбегі - диқандар үшін үлкен көмек болғандығын жеткізді.Айта кетейік, биыл аудан бойынша 17 мың 445 гектарға ауыл шаруашылығы дақылдары егіліп, оның ішінде күріш дақылы 5 мың 636 гектар жерге орналастырылды. Алдағы қыркүйек айының алғашқы онкүндігінде аудан бойынша егінге орақ салу науқанын бастау жоспарланып отыр.

Төтенше жағдайлар саласының қызметкерлеріне құрмет көрсетті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, Парламент Сенатының депутаттары Руслан Рүстемов, Наурызбай Байқадамов, Мәжіліс депутаттары Мұрат Ергешбаев, Мұрат Әбенов Арал ауданына жұмыс сапарымен барды.Сапар кезінде Арал қаласындағы Бақтыбай батыр көшесінің автомобиль жолын қайта жаңғырту жұмыстарымен танысты.Аталған жобаның сметалық құжаттамасы 2023 жылы әзірленген. Құны 1 млрд 604,9 млн теңге, мердігері «Арал құрылысы» серіктестігі. Қазіргі таңда Байқоңыр көшесінен І.Жүсіпов көшесіне дейінгі аралықта ескі асфальт жабындысы қырылды. Жол тегістеліп, қиыршық тас, асфальттың бірінші қабатына қара қиыршық тас жайылуда.Жоба аясында 2,3 шақырымдық көшеге ені 12 метр асфальт төселеді. Сонымен қатар жолдың екі жағынан ені 1,5 метр жаяу жүргіншілер жолы салынып, түнгі жарықшамдар мен аялдамалар орнатылады. Әбілқайыр хан көшесінен №260 орта мектепке дейінгі аралықта ені 5,5 метр асфальт төселіп, 4 бағдаршам жаңартылып, 1 жаңа бағдаршам қойылады.Аймақ басшысы мердігер мекемеге негізгі талап сапа мен жұмыстың уақытылы аяқталуы екенін ескертті. Құрылыстың әр кезеңін бақылауда ұстап, белгіленген мерзімнен кешіктірмеуді қатаң тапсырды.Фото: Қызылорда облысы әкімінің баспасөз қызметі

Аймақ басшысы Аралдағы жол құрылысымен танысты

<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Данияр Жаналинов «AMANAT» партиясы облыстық филиалының қабылдау кестесіне сәйкес азаматтарды жеке мәселелері бойынша қабылдады.Қабылдауда өңір тұрғындары әлеуметтік қамсыздандыру, жұмыспен қамту және еңбек даулары, ерекше қажеттілігі бар азаматтарға әлеуметтік нысандардың қол жетімділігі және өзге тақырыптар бойынша өтініштері мен ұсыныс-тілектерін ортаға салды.Данияр Жаналинов әрбір азаматтың өтініші бойынша құзырлы мекемелердің басшыларын қабылдауға қатыстырып, бірлесіп шешу мүмкіндіктерін қарастырды. Көтерілген мәселелелер бойынша тиісті мекмелердің басшыларына тапсырма беріп, нәтижелерінің тікелей өз бақылауында болатындығын атап өтті. Еңбек даулары бойынша тиісті зерттеулер жүргізіліп, заң үстемдігін орнату бойынша қажетті барлық шара қолданылатынын жеткізді.Сонымен қатар облыс әкімінің бірінші орынбасары қабылдауға келген азаматтарға өңірде жүзеге асырылуы жоспарланған маңызды жобаларды атап, жаңа жұмыс орындары ашылатынын, өңір халқының әл-ауқатын арттырып, өмір сүру сапасын жақсарту бойынша атқарылып жатқан жұмыстар бойынша кеңінен ақпарат берді.&nbsp;

Облыс әкімінің бірінші орынбасары тұрғындардың талап-тілегін тыңдады

<a href="https://kyzylorda-news.kz/">Kyzylorda-news.kz</a> Қызылорда облысында Конституция күні мен Қазақстан халқы Ассамблеясының 30 жылдығына орай «Қуатты қаламгер» табиғаттағы тимбилдингі өтті. Оны Қызылорда облыстық ҚХА жанындағы Журналистер мен сарапшылар клубы ұйымдастырды. Шара Rancho_83_kzo демалыс орнында өткізіліп, аймақ қаламгерлерін, журналистерін және сарапшыларын біріктірді.Мерекелік басқосу салтанатты түрде ашылып, алғашқы құттықтау сөзді Қызылорда облыстық қоғамдық даму басқармасының «Қоғамдық келісім» КММ директорының орынбасары Руслан Құрманов пен клуб төрағасы Елена Рыбина айтты. Олар клуб журналистерінің ел бірлігін нығайтудағы, этножурналистиканы дамытудағы еңбегін ерекше атап өтті.Жыл басынан бері өңірлік Ассамблея қызметін жариялап, этносаралық татулықты насихаттаған қаламгерлер мен сарапшылар арнайы алғыс хаттармен марапатталып, бағалы сыйлықтар табысталды. Бұл – қоғам дамуына үлес қосқан БАҚ өкілдеріне көрсетілген құрметтің белгісі болды.Шараның ең қызықты бөлігі – шығармашылыққа толы командалық ойындар болды.• «Жедел жаңалық» кезеңінде қатысушылар ойдан шығарылған тосын оқиғалар жайлы қысқа сюжет әзірледі.• «Шаңырақ көтеру» ойынында көздері байланған ойыншылар бірігіп шаңырақтың бейнесін құрастырды. Бұл тапсырма ұйымшылдық пен сенімнің сынға түсер сәті болды.• «Қырық өтірік репортажы» барысында журналистер «шоколадтан жасалған қала», «Қызылордада ескерткіштер тіріліп, халықпен тілдесті» секілді қиялға толы сюжеттер дайындап, арнайы репортаж жасап, қатысушыларды күлкіге қарық қылды.• Соңғы ойын – әріптерден жылдам сөз құрау сайысы да қатысушылардың тапқырлығы мен шапшаңдығын сынады.Тимбилдинг соңында басты жеңіс – достық болды. Шара әрі қарай татулық пен бірлікті дәріптеген мерекелік дастархан басында жалғасын тапты.Тимбилдинг шарасында Республикалық «Казахстанская правда» газетінің Қызылорда облысындағы меншікті тілшісі Әлібек Байшүленов, «Qazaqstan» ұлттық телеарнасының Қызылорда облысындағы меншікті тілшісі Әділбек Жақанов пен облыстық «Qyzylorda» телеарнасының бас редакторы Айнұр Тұңғышбаева өңірлік Ассамблеяның журналистерге көрсеткен құрметіне ризашылық білдірді.«Қуатты қаламгер» тимбилдингі шығармашылық пен татулықты дәріптеген, журналистердің ынтымағын арттырған мәнді кездесу болды.

«Қуатты қаламгер» табиғаттағы тимбилдингі өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев ҚР Сауда және интеграция вице-министрі Айдар Әбілдабековпен кездесті. Кездесуде өңірдің әлеуметтік-экономикалық дамуы, инвестициялық әлеуетін арттыру мәселелері талқыланды.Бүгінде аймақ әлеуметтік-экономикалық дамуда тұрақты өсімге қол жеткізді, жалпы өңірлік өнім 104,8%. Экономика құрылымының 31%-ын құрайтын сауда саласында тауарлар мен қызметтер көлемі 6,1%-ға артты.Өңірде 30-ға жуық кәсіпорын күріш, балық өнімдері, ас тұзы, цемент, шыны, уран шала тотығы және аммоний метаванадатын экспорттап, экономиканы әртараптандыруға үлес қосуда. Алдағы бесжылдықта 2 трлн теңгенің 89 инвестициялық жобасы іске асырылып, 11 мыңнан астам тұрақты жұмыс орны құрылмақ.Биыл өңірдің кірпішке деген сұранысының 90%-ын қамтамасыз ететін жаңа зауыт пен 3,5 мың адамға қызмет көрсететін «Orhun Medical» медицина орталығы іске қосылды. Сонымен қатар ЖЭО, қиыршық тас және айна шығару өндірістері, жолаушылар вагондарын жөндеу кешені, кондитерлік және макарон өнімдері цехтары, түйе сүтінен құрғақ ұнтақ өндіретін зауыт, коммуналдық базар және екі шағын өнеркәсіптік аймақ ашылады.Құрылысы басталатын 14 ірі жобаның қатарында тұрмыстық қатты қалдықтарды өңдеу зауыты, «Rixos» бес жұлдызды қонақ үйі, кальциленген сода зауыты, «Шалқия» кен байыту фабрикасы және бөтелке шығаратын зауыт бар. Бұған қоса, Қатармен бірлескен қуаттылығы 1100 мегаваттық бу-газ қондырғысы және испандық «Roca Group» компаниясымен бірлескен санитарлық-техникалық өнім өндіретін зауыт құрылысы қолға алынды.Мемлекет басшысының тапсырмасына сәйкес, "Қорқыт Ата әуежайы" жанынан арнайы экономикалық аймақ құрылды. Оның аясында құрылыс индустриясы, машина жасау, логистика және инновациялық бағыттағы жобалар жүзеге асырылмақ.Сапар кезінде вице-министр қала орталығындағы «Сыбаға», «Сұлтан-2» сауда базарлары мен экспортқа бағдарланған өндірістік кәсіпорындарды аралап, жұмыс барысымен танысты.Фото: Қызылорда облысы әкімінің баспасөз қызметі

Облыс әкімі Сауда және интеграция вице-министрімен кездесті

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында сауда саласын дамыту және еліміздің экспорттық әлеуетін күшейту мемлекет саясатының басым бағыттарының бірі ретінде аталды. Президент отандық тауар өндірушілердің позициясын нығайту, шикізаттық емес экспорт көлемін арттыру, шағын және орта бизнеске қолайлы жағдай жасау сияқты нақты міндеттер қойды. Үкімет Мемлекет басшысының тапсырмаларын жүзеге асыру үшін бизнесті жүргізудің ашық қағидаларын әзірлеп, ішкі сауданы дамытуда және отандық тауарлардың сыртқы нарыққа шығуына қажетті инфрақұрылым қалыптастырады.Қабылданған шаралар кешенінің нәтижесінде сала тұрақты өсуді көрсетіп отыр: 2025 жылғы қаңтар–шілде айларында сауда көлемі 8,6%-ға, ал инвестиция көлемі І жартыжылдықта 37%-ға өсіп, 438 млрд теңгеге жетті.«Сауда саласында 800 мыңнан астам бизнес субъектісі айналысып, 1,5 млн-нан астам адамды жұмыспен қамтамасыз етіп отыр. “Айтылды-жасалды" қағидаты бойынша Мемлекет басшысының Қазақстан халқына Жолдауында айтқан тапсырмалары белсенді түрде жүзеге асырылуда», — деп атап өтті сауда және интеграция министрі Арман Шаққалиев.<img src="https://knadmin.beoblood.kz/uploads/be67e840_33cd_4a59_8283_7f847cd1fcc9_38d5b68a00.jpg" alt="be67e840-33cd-4a59-8283-7f847cd1fcc9.jpg">Нарықты қорғау және қазақстандық тауарларды ілгерілетуҮкімет ішкі нарықты қорғауға және отандық өндірушілерді қолдауға бағытталған реттеуші шараларды әзірледі. 2025 жылдың мамыр айында тауарлардың шығарылған елін айқындау мәселелері бойынша Қазақстан Республикасының заңнамасына өзгерістер енгізілді. Отандық тауар өндірушілердің бірыңғай тізілімі жасалады онда өндірушілер туралы нақты деректер жинақталып, оларға мемлекеттік қолдау шараларына, сондай-ақ мемлекеттік және квазимемлекеттік сатып алуларға қол жеткізу мүмкіндігі қамтамасыз етіледі.Сауданы ынталандыру және дүкен сөрелеріндегі отандық тауарлар үлесін арттыру мақсатында қазақстандық өндірушілер өнімдері үшін кемінде 50% сөрелік кеңістікті көздейтін бағдарлама іске қосылды.Сонымен қатар сапасыз әрі қауіпті өнімдердің ішкі нарыққа енуіне шектеу қою бағытында белсенді жұмыс жүргізіліп жатыр.«Барлық бақылаушы органдардың қатысуымен Ахуалдық штаб тиімді жұмыс атқаруда. 47 мыңнан астам көлік тексерілді, тауарлық салмақта бұл 600 мың тоннадан астам мал шаруашылығы өнімдері. Оның ішінде 900-ден астам автокөлік кері қайтарылды, 1 мыңнан астам сәйкестікті растау құжаттарының күші жойылды», — деп атап өтті Арман Шаққалиев.Экспорттаушыларды қолдау және өнімді шетелде ілгерілетуПрезиденттің тапсырмасы бойынша шикізаттық емес экспортты әртараптандыру және арттыру мақсатында «бір терезе» қағидаты бойынша қаражат құралдарының толық спектрін ұсынатын Экспорттық-кредиттік агенттік құрылды.Биылғы 7 айда көрсетілген қаржылай қолдау көлемі өткен жылдың сәйкес кезеңімен салыстырғанда 200 млрд теңгеге артып, 394 млрд теңгені құрады. Қолдау көрсетілетін барлық жобалардың 71%-ын құрайтын шағын және орта бизнеске ерекше назар аударылуда. Бұл ретте орташа және жоғары қайта бөлу өнімдерінің үлесі 83%-ға жетіп отыр.Қазақстандық тауарларды сыртқы нарықта ілгерілетуді күшейту үшін халықаралық инфрақұрылым қалыптастырылуда. Қытай провинцияларында серіктестік кеңселер, өкілдіктер және ұлттық павильондар іске қосылуда, соның ішінде ондай нысандар Чэнду, Үрімші, Нанкин және Шандун провинцияларында бар. Өзбекстанда "Термез" халықаралық сауда орталығының аумағында қазақстандық өнімдердің сауда павильоны жұмыс істеп тұр. Экспортты ілгерілету бойынша жұмыс БАӘ, Түркия, Үндістан, Иран және Қытайда қарқынды жүргізілудеОған қосымша алдағы уақытта экспортқа шығуымыз керек елдерде сауда-экономикалық миссиялар өткізілуде, қазақстандық тауарларды халықаралық электрондық алаңдарда ілгерілету бойынша жұмыстар жүргізілуде, мысалы олардың арасында jd.com, Doiyin, Alibaba сияқты сауда-саттық алаңдары бар.<img src="https://knadmin.beoblood.kz/uploads/906339f1_21ff_4bb6_9e1b_bec8ccca46e6_a798fef8c9.jpg" alt="906339f1-21ff-4bb6-9e1b-bec8ccca46e6.jpg">Ашық және бәсекелес биржа нарығына арналған жаңа ережелерПрезидент тапсырмаларын орындау үшін 2024 жылғы желтоқсанда нарықтың ашық жұмыс істеу ережелерін орнату үшін бәсекелестік ортаны дамытуға бағытталған Биржалық сауда туралы заң қабылданды.«Әлеуметтік маңызы бар биржалық тауар» ұғымы заңнамалық түрде енгізілді, ол энергетикалық және азық-түлік қауіпсіздігін қамтамасыз ету үшін шешуші маңызға ие. Бұл алыпсатарлықты жойып, бағаны ашық белгілеуге және отандық нарықты осы тауарлармен тұрақты қамтамасыз етуге кепілдік береді», — деді сауда және интеграция министрі Арман Шаққалиев.Одан бөлек, әлеуметтік маңызы бар тауарлармен сауданы жүзеге асыруға уәкілетті биржаларды конкурстық іріктеу тетігі енгізілді. Бұл аффилиирленген құрылымдардың құрылуын болдырмайды және қатысушылардың сауда алаңдарына тең қол жеткізе алуына кепілдік береді.<img src="https://knadmin.beoblood.kz/uploads/353ab797_660e_4a60_92e8_f5230fda5159_3f8dea1f8e.jpg" alt="353ab797-660e-4a60-92e8-f5230fda5159.jpg">Әлеуметтік аз қамтылған санаттағы азаматтарға көмек көрсетудің жаңа тетіктеріПрезиденттің азаматтардың әлеуметтік аз қамтылған санаттарына тиімді атаулы қолдауды қамтамасыз ете отырып, тікелей бағаны реттеуден кезең-кезеңімен бас тарту туралы тапсырмасын орындау үшін 2024 жылғы сәуірде бизнесті жүргізуді реттейтін Қазақстан Республикасының заңнамалық актілеріне өзгерістер мен толықтырулар енгізілді.«Осы өзгерістерге сәйкес біз әлеуметтік маңызы бар тауарлардың бағасын тікелей реттеуден бас тартамыз және атаулы әлеуметтік көмекке көшеміз. Сауда үстемесінің 15%-ы бақылауды күшейту пайдасына әлеуметтік маңызы бар тауарларға шекті бағаларды енгізу тетігі алынып тасталады», — деп атап өтті Арман Шаққалиев.Дайындық кезеңінде атаулы көмек тетігін тестілеуге бағытталған «Цифрлық азық-түлік ваучері» пилоттық жобасы жүзеге асырылуда. Оның шеңберінде алушыларға әлеуметтік маңызы бар тауарларды сауда үстемесінсіз сатып алу бағасымен сатып алуға мүмкіндік беретін азық-түлік ваучерлері ұсынылады, бұл көмекті мақсатты және әділ бөлуді қамтамасыз етеді.«Мемлекет басшысының барлық тапсырмалары ерекше бақылауда. Әрбір іс-шараны жүзеге асыру жоспарлы режимде жүріп жатыр, міндеттер сапалы және белгіленген мерзімде орындалатын болады», — деп атап өтті сауда және интеграция министрі.Сауда мен шикізаттық емес экспортты дамыту жөніндегі іс-шаралар кешені Президенттің тапсырмаларын орындауға жүйелі және дәйекті көзқарасты көрсетеді.Үкіметтік шаралар экономикалық өсу үшін тұрақты негіз құруға, бәсекеге қабілеттілікті арттыруға және Қазақстанның халықаралық сауда тізбектеріне интеграциялануына бағытталған.Фото: primeminister.kz

Жолдау-2024: Президенттің экспортты дамыту және отандық тауар өндірушілерді қолдау жөніндегі тапсырмалары қалай орындалып жатыр

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Сырдария, Жалағаш, Қармақшы, Қазалы және Арал аудандарына жұмыс сапарымен барып, теміржол вокзалдарын күрделі жөндеу және қайта жаңғырту жұмыстарының барысын көрді.Ауқымды жобаның тапсырыс берушісі – «Қазақстан Темір Жолы» АҚ. Алдымен аймақ басшысы «Тереңөзек теміржол вокзалын күрделі жөндеу және аумағын абаттандыру» жобасы аясында атқарылған жұмыстарға назар аударды. Жоба бойынша перронды жарықтандыру, брусчатка төсеу, орындықтар мен қоқыс жәшіктерін орнату, көгалдандыру, темір қоршаулар орнату және гранит тастармен әрлеу қарастырылған. Жалпы аумағы 274 шаршы метр болатын ғимарат құрылысы осы жылдың тамызында басталып, желтоқсанда аяқталмақ.Жалағаш ауданында бұрынғы теміржол пункті қайта жаңғыртылуда. Ескісі бұзылып, заманауи вокзал салынады. Сондай-ақ перронды абаттандыру және жарықтандыру жоспарланған.Мердігер мекеме ескі пункттің орнын тегістеуде. Аумағын абаттандыру үшін Жалағаш кенті әкімдігінің теңгеріміндегі жер учаскесі "Қазақстан Темір жолы" АҚ Қызылорда облыстық филиалына берілуде. Жобада жаңа үлгідегі ғимарат, перронды абаттандыру және жарықтандыру қарастырылған. Жосалы кентіндегі 1904 жылы салынған теміржол вокзалында да күрделі жөндеу жұмыстары жүргізілуде. Қазіргі уақытта шатыр ашылған, ішкі бөлмелер демонтаждалып, қасбеті қапталуда.Төретам теміржол вокзалында да жөндеу және аумағын абаттандыру қарқын алған. Құрылыс алаңы қоршалып, эскиздік жобаға сәйкес қасбетті жылу сақтағыш материалдармен және травертинмен қаптау, шатырды жаңарту жұмыстары басталған. Ішкі бөлмелердегі гипсокартон мен кафель бұзылып бітті. Қазір құрылыс алаңында 13 адам еңбек етуде.Әйтеке би кентіндегі теміржол вокзалы 1903 жылы салынған. Тарихи ғимарат соңғы рет 2013 жылы жөнделген. Қайта жаңғырту жұмыстары шатырды ауыстыру, есік-терезелерді жаңарту, электр және жылу жүйелерін ішінара жөндеу, аумақты абаттандыруды қамтиды. Жаңғырту кезінде ғимараттың тарихи келбеті сақталады.Келесі нысан - "Арал теңізі" теміржол вокзалы 1904 жылы пайдалануға берілген. Бұл нысанға 2013 жылы соңғы рет күрделі жөндеу жүргізілген болатын. Қазіргі таңда ғимарат толықтай қайта жаңғыртылуда.Айта кетейік, елімізде 100 теміржол вокзалын жаңғырту қолға алынған. Оның 10-ы - Қызылорда облысының аумағындағы ғимараттар. Өңірдегі теміржол вокзалдарын күрделі жөндеу үшін шамамен 5,0 млрд. теңге қаржы қажет. Жөндеу жұмыстарын жүргізетін мердігер мекемелер «Қазақстан Темір Жолы» ҰК» АҚ-мен келісімшартқа отырды.2023 жылы Қызылорда қаласындағы ғасырдан астам тарихы бар вокзал мен аумағы толықтай жаңғыртудан өтті. Жобаның жалпы сомасы 577 млн. теңге, оған«Қазақстан Темір Жолы» компаниясы 322 млн. теңге және жергіліктікәсіпкерлердің демеушілігімен 255 млн. теңге қаржы бөлінді. 1905 жылы салынған бір қабатты вокзалға күрделі жөндеу жүргізіліп, бүгінде заманауи талаптарға сай бейімделді.Қасбеті травертин плиталарымен қапталды, шатыры жаңартылды, мүмкіндігі шектеулі азаматтарға арналған пандустар орнатылды. Сонымен қатар суағар, су, кәріз және жылу жүйелері жөнделіп, қала жақ беті көгалдандырылды. Ішкі бөлмелері де толықтай жөнделді. Бұдан бөлек, екі жолаушылар платформасына асфальт төселіп, төрт тірекке 10 жарық шамы орнатылды.1969 жылы салынған екінші нысан да жаңартылды. Әкімшілік ғимараттың қасбеті әрленіп, есіктері, 200 шаршы метр шатыр ауыстырылды. Жергілікті кәсіпкерлердің қолдауымен перрон мен автотұрақ асфальтталып, жарық шамдар қойылды. Сол аумақтағы нысандардың қасбеті де заманауи келбетке ие болды.Бұл жұмыстар аймақтағы көлік инфрақұрылымын жаңғыртып, жолаушыларға сапалы қызмет көрсетуге бағытталған.Фото: Қызылорда облысы әкімінің баспасөз қызметі

Аймақ басшысы теміржол вокзалдарын күрделі жөндеу және жаңғырту жұмыстарымен танысты

<a href="https://kyzylorda-news.kz/">Kyzylorda-news.kz</a> «AMANAT» партиясының Әйелдер қанаты әзірлеген Әйелдерді қолдау стандарты әйелдердің құқықтары мен мүмкіндіктерін кеңейтуге бағытталған маңызды бастама. Бұл стандарт жұмыс орындарында гендерлік теңдікті нығайтып, әйелдер үшін қолайлы жағдай қалыптастыруды көздейді. Сондай-ақ, әйелдердің басқаруға, ресурстарға және жаңа мүмкіндіктерге тең қол жеткізуін қамтамасыз етуді мақсат етеді.Партияның Қазалы аудандық филиалымен ауданда жүргізілген зерделеу нәтижесінде Қазалы локомотив жөндеу зауыты, «Рза – Нан» ЖШС және «Рза – Асыл Түлік» ЖШС талаптарға толық сәйкес келетіні анықталды. Аталған кәсіпорындарда әйелдердің кәсіби дамуына жағдай жасалып, олардың еңбек пен отбасылық міндеттерді қатар алып жүруіне қолдау көрсетіліп отырғаны байқалды. Бұл мекемелер жұмыс беруші ретінде әлеуметтік жауапкершілікті жоғары деңгейде көрсетіп отыр.Мониторинг барысында әйел қызметкерлермен пікір алмасып, олардың еңбек жағдайына қанағаттанатыны расталды. Қызметкерлер өздерінің еңбегі бағаланып, қолдау көрсетіліп отырғанын ерекше атап өтіп, мұндай зерделеу жұмыстары үшін партияға алғыстарын білдірді.Зерделеу жұмыстарына аудандық мәслихат депутаты Күншығар Әбілов, партия филиалының сарапшысы Алтынай Кенжалиева, аудандық жұмыспен қамту және әлеуметтік бағдарламалар бөлімінің сектор меңгерушісі Бағдат Жүсіпов, аудандық ауыл шаруашылығы мен жер қатынастары бөлімінің сектор меңгерушісі Мұратбай Бекмағамбет және аудандық кәсіпкерлік және өнеркәсіп бөлімінің әдіскері Гүлфариза Күзембаева қатысты.<img src="https://knadmin.beoblood.kz/uploads/Amanat_jelderdi_oldau_standarty_41a5f32478.jpg" alt="Аманат әйелдерді қолдау стандарты.jpg">

Қазақстан және Қызылорда облысының жаңалықтары: Қоғам