<a href="https://kyzylorda-news.kz/">Kyzylorda-news.kz</a> Қорқыт ата атындағы Қызылорда университетінің ФКС-26-11 оқу тобының студенті Заңғар Асхан Малайзияда жамбы атудан ересектер арасында өткен Азия чемпионатында жоғары спорттық шеберлік танытты.Халықаралық додада ол «Массай стилі» бойынша қарсыластарынан басым түсіп, І орынды жеңіп алды. Сонымен қатар «Түрік стилі» бойынша ІІ орын иеленіп, ел қоржынына алтын және күміс жүлде салды.Сурет: Қорқыт ата атындағы Қызылорда университеті

Қызылордалық студент Азия чемпионатында жамбы атудан жоғары көрсеткішке қол жеткізді

Мемлекет басшысы Қасым-Жомарт Кемелұлы Тоқаев президенттігінің жеті жылы: Қазақстан экономикасының негізгі көрсеткіштері қалай өзгерді.The World Financial Review: Қазақстан шикізатқа негізделген экономикадан арылып келедіЖаһандық экономика, қаржы және инвестиция мәселелеріне маманданған британдық іскерлік басылым The World Financial Review Қазақстанның шикізаттық сектордан тыс инвестициялық мүмкіндіктерін кеңейтіп жатқаны туралы мақала жариялады. Онда Қазақстан тәуелсіздік алғалы бері посткеңестік экономикадан Орталық Азиядағы ең ірі экономикаға дейінгі жолдан өткені атап көрсетіледі. Бұл ретте елдің табиғи ресурстарға бай болуы оның дамуында маңызды рөл атқарды: мұнай-газ секторы шетелдік капитал тартуға, экспорттық кірістер көлемін арттыруға және ауқымды инфрақұрылымдық жобаларды қаржыландыруға мүмкіндік берді. Дегенмен, шикізатқа негізделген модельдің кемшін тұсы да болды, ондаған жыл бойы ел экономикасының көрсеткіштері әлемдік шикізат бағасына тығыз байланысты болып, ал мұнайдан түсетін табысқа тәуелділік экономиканы әртараптандыру мүмкіндігін шектеді.Авторлар Қасым-Жомарт Тоқаев экономиканы әртараптандыруды мемлекеттік саясаттың басым бағыттарының бірі ретінде айқындағанын атап өтеді. Өңдеу өнеркәсібін дамыту, инфрақұрылымды жаңғырту және жеке кәсіпкерлікті кеңейту экономиканың жаңа өсу көздерін қалыптастырып, елдің шикізат нарықтарына тәуелділігін біртіндеп төмендетуге бағытталған.Бұл өзгерістердің нәтижесі экономикалық көрсеткіштерден де көрінеді. 2025 жылдың қорытындысы бойынша жан басына шаққандағы жалпы ішкі өнім 15 мың доллардан асып, жеті жылда 52,9%-ға өсті. 2021–2025 жылдары Қазақстанға тартылған тікелей шетелдік инвестициялардың жалпы ағыны 114,2 млрд долларды құрады. Ал 2019–2025 жылдар аралығында бұл көрсеткіш 155,8 млрд долларға жетті.Қазақстан халықаралық бизнеске арналған инвестициялық ұсыныстарын біртіндеп кеңейтіп келеді. Елдің дәстүрлі артықшылықтары – қуатты ресурс базасы мен Еуразияның ең ірі нарықтарының арасындағы тиімді орналасуы – қазіргі таңда өсіп келе жатқан ішкі нарық, жаңа өндірістік қуаттардың іске қосылуы, сондай-ақ логистикалық және цифрлық инфрақұрылымның дамуымен толықтырылып отыр.Қазақстан Еуразияның транзиттік хабына айналуда The World Financial Review басылымы Қазақстан туралы жаңа материалында елдің Еуразиядағы ірі экономикалық орталықтардың арасындағы орналасуы көлік инфрақұрылымының дамуы мен сыртқы сауда байланыстарының кеңеюі жағдайында барған сайын маңызды мәнге ие болып келе жатқанын жазады.Соңғы жеті жылда елде 36 300 шақырым автомобиль жолы салынып, жөндеуден өтті. Сонымен қатар шамамен 5 000 шақырым теміржол желісі салынып, жаңғыртылды. Бұдан бөлек, 110 теміржол стансасында құрылыс-монтаж жұмыстары аяқталды. Көлік желісін дамыту Қазақстанның транзиттік-логистикалық хаб ретіндегі рөлін нығайтады. Халықаралық компаниялар үшін бұл тарату орталықтарын орналастыруға, өңірлік жеткізілімдерді ұйымдастыруға және қазақстандық өндірісті халықаралық құн тізбегіне интеграциялауға жағдай жасайды.Инфрақұрылымдағы өзгерістер сыртқы экономикалық қызметтің кеңеюімен қатар жүруде. 2025 жылы Қазақстанның тауарлар мен көрсетілетін қызметтер бойынша сыртқы сауда айналымы $170 млрд-тан асып, бес жыл ішінде 40,5%-ға өсті.Көлік байланысы халықаралық инвестициялық ынтымақтастық бағыттарының біріне айналуда. 2026 жылы Қазақстан мен ЕҚДБ 2030 жылға дейін есептелген жаңа бес жылдық келісімге қол қойды. Ол жеке секторды, тұрақты инфрақұрылымды, цифрландыруды, Қаржы нарығын дамыту және Қазақстанның өңірлік сауда-логистикалық хаб ретіндегі рөлін нығайту бойынша бірлескен жұмысты көздейді. Дамып келе жатқан көлік инфрақұрылымы мен өсіп келе жатқан сауда ағындарының үйлесімі логистика, қойма, көлік қызметтері және экспортқа бағытталған өндіріс саласында мүмкіндіктер ашады.Қазақстан халықаралық капитал үшін жаңа бағыттарды ашудаСоңғы жылдардағы экономикалық трансформация елдің дәстүрлі шикізат секторынан тыс инвестициялық мүмкіндіктерін біртіндеп кеңейтуде. Өңдеу өнеркәсібін, көлік инфрақұрылымын, ауыл шаруашылығын және цифрлық қызметтерді дамыту халықаралық капитал үшін жаңа бағыттарды ашуда. Бұл туралы The World Financial Review британдық іскерлік басылымының мақаласында айтылған.Қосымша фактор ретінде экономиканың сыртқы міндеттемелер құрылымындағы өзгерістерді атап өтуге болады. Бес жыл ішінде сыртқы борыштың ЖІӨ-ге қатынасы 83,1%-дан 59,4%-ға дейін төмендеді, бұл салыстырмалы борыштық жүктеменің азайғанын көрсетеді. Әрине, әртараптандырылған экономикалық модельге көшу ұзақмерзімді міндет болып қала береді. Ол Қазақстанның халықаралық ынтымақтастығында да көрініс табады. Дүниежүзілік банктің 2026–2031 жылдарға арналған жаңа елдік бағдарламасы инфрақұрылымды дамытуға, экономиканың орнықтылығын арттыруға және өнімділігі жоғары әрі инновациялық жеке секторды қалыптастыру үшін қолайлы жағдай жасауға бағытталған. Негізгі басымдықтардың бірі жеке капиталдың қатысуын кеңейту және экономикалық өсудің өндіруші салаларға тәуелділігін төмендету болып саналады.Қазақстанның экономикалық бағыты осы міндеттерді шешуге бағытталған. Бұл саясатты одан әрі жүзеге асыру елдің жаңа салаларды дамыту, бәсекеге қабілеттілікті арттыру және халықаралық экономикалық ынтымақтастықты кеңейту үшін жинақталған ресурстық әрі инвестициялық әлеуетті қаншалықты тиімді пайдалана алатынына байланысты болады.Сурет: shutterstock

Тоқаев президенттігінің жеті жылы: Қазақстан экономикасының негізгі көрсеткіштері қалай өзгерді

<a href="https://kyzylorda-news.kz/">Kyzylorda-news.kz</a> Өңірлік коммуникациялар қызметінің алаңында Қызылорда қаласындағы Назарбаев Зияткерлік мектебінің білім мен ғылым саласының беделін асқақтатып жүрген озық ойлы ұстаздары мен талантты оқушылар қатысқан баспасөз конференциясы өтті. Басқосу барысында педагогтердің кәсіби жетістіктері мен оқушылардың халықаралық аренада қол жеткізген ортақ табыстары кеңінен сөз болды.Брифинг барысында сөз алған аталған мектептің мектептің &nbsp;география пәнінің мұғалімі, республика бойынша NIS педагогтері арасында өткен «Жылдың үздік мұғалімі» байқауының жеңімпазы &nbsp;Арай Нұрбаева алдағы кәсіби сынақ туралы бөлісті.<blockquote>«Осы қазан айының 8-і күні Астана қаласында өтетін «Үздік педагог» республикалық конкурсына қатысқалы отырмыз. Шарт бойынша білім беру ұйымына барып, кез-келген сыныпқа кіріп, өз пәнімізден ашық сабақ өтеміз. Жеңімпаздар сабақ беру шеберлігі мен портфолио нәтижесі бойынша анықталады. Байқау қорытындысы қазан айының орта шенінде белгілі болады деп күтілуде. Бұл біздің кәсіби жетістігіміз болса, оқушыларымыз да облыстық, республикалық, халықаралық сайыстарда әрдайым топ жарып келеді», – деді Арай Талғатқызы.</blockquote>Ал қазақ тілі мен әдебиеті пәнінің мұғалімі, оқулықтар мен әдістемелік құралдардың авторы Мира Доненхожаева ақпараттық технологиялар заманында мұғалімге қойылатын талаптардың ерекше екенін айрықша атап өтті.<blockquote>«Қазіргі ақпараттық технология ғасырында &nbsp; білім беру жүйесінде мұғалімге қойылатын талап өте жоғары. Әсіресе, Назарбаев Зияткерлік мектептерінде ең үздік отандық және халықаралық тәжірибені ұштастыра отырып, зияткерлік әлеуеті жоғары, сыни тұрғыдан ойлайтын, шығармашыл, әлеуметтік жауапкершілігі қалыптасқан тұлға тәрбиелеуге ерекше мән беріледі. Менің ұстаздық жолымдағы маңызды бағыттардың бірі оқушылардың зерттеушілік қабілетін дамыту. Оқушыларым қазақ тілі мен әдебиеті пәнінен «Дарын» республикалық ғылыми-практикалық орталығы ұйымдастыратын олимпиадаларға, Қ.Бітібаева атындағы республикалық олимпиадаға, «Ақберен» республикалық өнер байқауына қатысып, жүлделі орындарға ие болып жүр. Сонымен қатар жыл сайын оқушыларымды ғылыми жобаларға қатыстырып, олардың қазіргі қазақ әдебиетін өздігінен зерттеуіне мүмкіндік жасап келемін. Мысалы, оқушыларым «Оқиға –лабририт» симуляторлы ойын &nbsp;мобильді қосымшасын жасай отырып, &nbsp; шағын көлемді әңгімені оқуға қызықтырудың жолдарын &nbsp;және &nbsp;әңгіме құрылымын меңгерту арқылы &nbsp;шығармашылық жазылым жазуға дағдыландырудың оңтайлы жолдарын ұсынды», – деді Мира Өтегенқызы.</blockquote>Сондай-ақ брифингте мектептің 12-сынып оқушысы Ерасыл Айдарбек Стамбұл қаласында өткен «Empower Me» халықаралық байқауында ІІ орын еншілеген инновациялық жобасын таныстырды.<blockquote>«Remotion - инсульт алған пациенттерді үй жағдайында тиімді әрі қызықты оңалтуға арналған инновациялық тренажерлер кешені. Басты мақсатымыз &nbsp;ауыр әрі іш пыстыратын физикалық жаттығуларды қызықты компьютерлік ойын форматына ауыстыру. Пациент жаттығу жасап жатқанын сезбей, ойын ойнау арқылы қимыл-қозғалысын және мидың нейропластикалық қасиетін қалпына келтіреді. Кешен қол моторикасына арналған Remotion, білек бұлшықеттеріне арналған Re-Expander және есте сақтау, есту қабілетін қатар жаттықтыратын Resound құрылғыларынан тұрады», – деді жас өнертапқыш Ерасыл Тұрсынұлы.</blockquote>

Қызылордалық NIS ұстаздары кәсіби бәсекеде, оқушылары халықаралық аренада топ жарды

Шиелі ауданы Бұдабай Қабылұлы атындағы аудандық мәдениет үйінде Ұстаздар күніне арналған «Ұстаз еңбегі – ұлы еңбек» атты салтанатты мерекелік шара өтті.Мерекелік жиынға аудан әкімі Айтбай Жандарбеков қатысып, ұлағатты ұстаздар қауымын кәсіби мерекелерімен құттықтады.– «Сіздерді төл мерекелеріңіз – Ұстаздар күнімен шын жүректен құттықтаймын! Әрбір адамның болашағының жарқын, келешегінің кемел болуы үшін сапалы білім мен тәлім-тәрбие беріп, тәуелсіз еліміздің болашағы - өскелең ұрпақты бәсекеге қабілетті етіп тәрбиелеуде мұғалімнің орны ерекше. Өйткені жас ұрпақтың бойына адамзатқа ортақ асыл қасиеттерді сіңіріп, білім мен ғылымға жетелейтін де – ұстаз. Сондықтан Ұстаздар күні – қоғамдағы орны айрықша, мәртебесі биік мерекелердің бірі.&nbsp;&nbsp;“Білекті бірді жығады, білімді мыңды жығады” деген халқымыздың тағылымды сөзі бүгінгі күннің өзекті қағидасына айналып отыр. Білімі мен ғылымы дамыған мемлекет қана цифрландыру дәуірінде бәсекеге қабілетті болатыны сөзсіз. Мемлекет басшысы Қасым-Жомарт Кемелұлы Тоқаевтың бастамасымен ұстаздардың әлеуметтік жағдайын жақсартуға, кәсіби мәртебесі мен беделін арттыруға ерекше көңіл бөлінуде.Білім саласы – елдің ертеңін айқындайтын, мемлекеттің бәсекеге қабілеттілігіне тікелей ықпал ететін аса маңызды сала. Үкіметтің және облыс әкімі Мұрат Нәлқожаұлы Ергешбаевтың қолдауының нәтижесінде өңірімізде білім беру саласын дамыту бағытында ауқымды жұмыстар атқарылуда.Ауданда білім беру ұйымдарының материалдық-техникалық базасын нығайту, білім сапасын арттыру, заманауи талаптарға сай білім беру нысандарын салу және өскелең ұрпаққа қолайлы жағдай жасау бағытында жүйелі жұмыстар жүзеге асырылуда. Биылғы ҰБТ қорытындысы бойынша ауданымыз облыс көлемінде орташа 84 балл көрсеткішімен үздік нәтижелер қатарынан үшінші орын иеленді. Бұл – ұстаздарымыздың еселі еңбегінің, кәсіби біліктілігінің және шәкірттерге деген шынайы жанашырлығының нәтижесі.Құрметті ұстаздар!Сіздердің еңбектеріңізге толағай табыс, отбасыларыңызға амандық, өздеріңізге зор денсаулық, бақ-береке және қажымас қайрат тілеймін! Білімді де тәрбиелі, елжанды жас ұрпақты тәрбиелеуде, халқымыздың рухани байлығын арттырып, ынтымағын нығайтуда атқарып жүрген еңбектеріңіз жемісті болсын! Мәртебелеріңіз биік, абыройларыңыз асқақ болсын! Егемен еліміздің еңсесі биік, тұғыры нық болсын!” - деді аудан әкімі Айтбай Жандарбеков.Мерекелік шара барысында бірқатар ардақты ұстаздарға Қызылорда облысы әкімінің және Шиелі ауданы әкімінің «Алғыс хаттары», сондай-ақ облыстық және аудандық кәсіподақ комитеттерінің марапаттары табысталды.Салтанатты жиын аудан өнерпаздарының мерекелік концертімен жалғасып, ұстаздарға көтеріңкі көңіл-күй мен ерекше мерекелік әсер сыйлады.<img src="https://knadmin.beoblood.kz/uploads/FB_IMG_1791349157373_7d21c74279.jpg" alt="FB_IMG_1791349157373.jpg">

Ұстаз еңбегі – ұлы еңбек 

Сырдария ауданы &nbsp;"Руханият" орталығында аудан әкімі Берік Сәрменбаев Ұстаздар күні мерекесіне орай білім саласының ардагерлері мен қызметкерлерін қабылдап, кәсіби мерекемен құттықтады. &nbsp; &nbsp; &nbsp; &nbsp;Аудан басшысы мерекелік қабылдауда ұстаздық ұлы жауапкершілік пен биік адамгершілікті талап ететін қасиетті мамандық екенін атап өтті.–Ұстаз – &nbsp;қай заманда да киелі ұғым, ең ұлы құрмет иесі. Кемел келешек пен бақытты болашақтың кілті қашан да мұғалімнің қолында болған. Өйткені, адам бойындағы ең асыл қасиеттерді жас ұрпақтың санасына дарытатын ұстаздар қауымы. Сондықтан Ұстаздар күні – қоғамдағы орны бөлек мерекелердің бірі. Бүгінгі жүздесу – білім мен тәрбие саласында аянбай еңбек еткен, өз өмірін жас ұрпақтың болашағына арнаған ардагер ұстаздарға деген құрметіміздің көрінісі. Бұл – өскелең ұрпақтың, қоғамның ұстазға деген шексіз алғысы мен шынайы ризашылығының белгісі. Елордада Мемлекет басшымыз Қасым-Жомарт Кемелұлының қатысуымен ұстаздардың республикалық Тамыз конференциясында: «Адам капиталы, білім, прогресс – халықтық конституцияның негізгі құндылықтары» тақырыбында өткен жиында, Президентіміз: «Әділетті, Қуатты, Қауіпсіз әрі Таза Қазақстанның тірегі болатын жауапты әрі адал азаматтарды тәрбиелеу – бәріміздің ортақ міндетіміз», - деген болатын.Президентіміздің тапсырмасымен, аймақ басшысы Ергешбаев Мұрат Нәлхожаұлының қолдауымен білім беру инфрақұрылымдары жаңғыруда. 2022 жылдан бері 121 млрд. теңгеден астам қаржыға 46 заманауи білім беру нысаны салынып, ел игілігіне табысталды. Қазақтың аса көрнекті ағартушысы Ыбырай Алтынсарин «Мен үшін мұғалім бәрінен де қымбат, өйткені ол мектептің жүрегі» деп айтқанындай, мектептегі білімнің сапасы ең алдымен дәріс беруші ұстаздардың кәсіби біліктілік деңгейлері мен педагогикалық шеберліктеріне тікелей байланысты болады.Сіздер осындай сара жолдан үлкен абыроймен өткен ардақты жансыздар. Ауданның білім саласының дамуында Өздеріңіздей ардагер ұстаздардың еңбегі өлшеусіз, – деді Берік Әбдіғаппарұлы.<img src="https://knadmin.beoblood.kz/uploads/FB_IMG_1791347618928_882b72fa7d.jpg" alt="FB_IMG_1791347618928.jpg">Мерекелік іс-шарада аудандық ардагерлер кеңесінің төрағасы Мұса Келдібаев, аудандық мәслихат төрағасы Ержан Әжікенов және ардагер ұстаздар сөз сөйлеп, &nbsp;мерекелік лебіздерін жеткізді.Сондай-ақ ұзақ жылдар бойы білім беру саласында жемісті еңбек етіп, ауданның білім жүйесінің қалыптасуы мен дамуына үлес қосқан бірқатар сала қызметкерлеріне аудан әкімінің «Алғыс хаты» табысталып, сый-құрмет көрсетілді.<img src="https://knadmin.beoblood.kz/uploads/FB_IMG_1791347614999_b6eb19feb5.jpg" alt="FB_IMG_1791347614999.jpg">

Ұлағатты ұстаздарға құрмет көрсетті

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбектің төрағалығымен кезекті мәжіліс өтіп, күн тәртібіне сәйкес «Digital Qazaqstan» жалпыұлттық стратегиясын іске асыру мәселесі мен аудан көлемінде цифрландыру бағытында атқарылатын жұмыстар пысықталды.Қазір цифрлық технологияларды экономиканың барлық саласына, мемлекеттік басқару жүйесіне, білім беру және денсаулық сақтау салаларына кеңінен енгізу маңызды екенін айтқан аудан басшысы бұл жұмыстың әсіресе ауыл шаруашылығы құрылымдары мен өнеркәсіп кәсіпорындарында өнімді арттыру үшін заманауи технологияларды қолдану қажеттігін ескертті. Осы бағытта жауапты басшыларға бекітілген жұмысты күшейту тапсырылды.Бұдан бөлек аудан аумағында коммуналдық қызметтерді цифрландыру бағытындағы жұмыстарға да назар аударылды. Облыс көлемінде «ҚазақГаз Аймақ» акционерлік қоғамының «Ақыл Энерджи» цифрландыру жобасы аясында тұрғын үйлердегі механикалық газ есептегіштерді жаңа ақылды есептегіштерге ауыстыру жұмыстары жүргізіліп жатыр. Жаңа есептегіштер газ шығынын автоматты түрде есептеп, көрсеткіштерді қашықтан беруге, сондай-ақ тұтынушыларға газ тұтынуын бақылап отыруға мүмкіндік береді. Осыған байланысты ауданымызға да бұл жұмыстарды қазірден бастау қажеттігі айтылды.Сондай-ақ тұрғындар үшін интернет сапасын жақсарту негізгі міндет. Қазір аудан бойынша 4 мыңға жуық абонент интернет қызметін тұрақты пайдаланып отыр. Бұл бағытты тұрақты бақылауда ұстап жүрген Жандос Еркінбек елді мекендерге талшықты-оптикалық байланыс желісін тарту жұмыстарын жандандыру керектігін тапсырды.Бүгінде Қазақстан Республикасының еңбек нарығын дамытудың 2024-2029 жылдарға арналған тұжырымдамасы шеңберінде еліміздң барлық аймағында «Жастар практикасы», «Бастау бизнес» жобасы аясында жақсы мүмкіндіктер қарастырылған.Осы орайда ауыл жастарынан бастап, жұмыспен қамту саласындағы барлық көрсеткіштердің орындалуын толық қамтамасыз ету тапсырылды.Мәжіліс барысында ауданның санитарлық тазалығы, әлеуметтік нысандардың сыртқы келбеті және жылу беру маусымына дайындығы да назардан тыс қалмады.<blockquote>«Тазалық – баршамыздың ортақ жауапкершілігіміз. Туған жеріміздің таза әрі көрікті болуы әрқайсымыздың күнделікті жұмысымыздан басталады. Сондықтан елді мекендердің тазалығын сақтап, абаттандыру жұмыстарын жүйелі жүргізуіміз қажет», – деп атап өткен Жандос Еркінбек көтерілген барлық мәселелер бойынша жауапты басшыларға бірқатар міндеттерді жүктеп, оның орындалуын бақылауға алуды тапсырды.</blockquote>

«Digital Qazaqstan» жалпыұлттық стратегиясын іске асыру мәселесі қаралды

<a href="https://kyzylorda-news.kz/">Kyzylorda-news.kz</a> Қызылордада «Ұстаз айтса» республикалық диалог алаңы аясында ардагер және үздік педагогтер бас қосып, білім беру жүйесінің бүгінгі ахуалы мен оны одан әрі жетілдіру жолдарын талқылады. «Әділет» партиясы Қызылорда облыстық филиалы ұйымдастырған кездесудің басты ерекшелігі – педагогтердің пікірін тыңдап қана қоймай, білім саласына қатысты нақты ұсыныстарын жинақтау.«Ұлағатты ұстаз – ел тірегі» тақырыбындағы кездесуде білім сапасы, педагог мәртебесі, мұғалімнің кәсіби дамуы, цифрлық технологиялар мен жасанды интеллектіні оқу үдерісінде тиімді пайдалану мәселелері қозғалды.Кездесуде сөз алған Сырдария ауданы білім саласының ардагері, ҚР Білім беру ісінің үздігі, Ы. Алтынсарин атындағы төсбелгінің иегері, мектеп директоры және білім бөлімінің басшысы қызметтерін абыроймен атқарған Баян Сүюбаева білім саласында қалыптасқан тәжірибенің маңызына тоқталып, ұстаз еңбегін бағалау мен білім сапасын арттыруға қатысты өз ұсыныстарын жеткізді.Ал жас буынның атынан Қызылорда қаласындағы №285 мамандандырылған мектеп-лицей-интернатының мұғалімі Ермек Жақсыбаев қазіргі педагогке қойылатын жаңа талаптар жөнінде пікір білдірді. Жас маман цифрлық технологиялар мен жасанды интеллект мүмкіндіктерін оқу үдерісінде тиімді пайдаланудың маңызын атап өтті.Өңірде кейінгі жылдары білім беру инфрақұрылымын жаңартуға айрықша көңіл бөлініп келеді. Атап айтсақ, соңғы төрт жылда салаға 1 триллион теңгеден астам қаржы бөлініп, 123 миллиард теңгеге 46 білім беру нысаны жаңадан салынды.Сонымен қатар Президенттің бастамасымен қолға алынған «Келешек мектептері» ұлттық жобасы аясында 10 мектеп пайдалануға берілді.Бұл – саланың материалдық мүмкіндігін кеңейткен ауқымды жұмыстар. Алайда жаңа ғимарат пен заманауи құралдың тиімділігі оны кәсіби тұрғыда пайдалана алатын білікті маманға тікелей байланысты.Жиында сөз алған «Әділет» партиясы облыстық филиалының төрағасы Жандос Базартай да осы мәселеге ерекше назар аударды. Оның айтуынша, уақыт өзгерген сайын ұстазға қойылатын талап та жаңарып келеді. Бүгінде педагог өз пәнін жетік білумен қатар, цифрлық құралдарды меңгеріп, жасанды интеллект мүмкіндіктерін тиімді пайдалана білуі керек. Бұл бағытта Сыр ұстаздарының да ізденісі жоғары. Партия қолдауымен «Daryn.ai» платформасында ұйымдастырылған жасанды интеллект бойынша біліктілікті арттыру курсын Қызылорда облысынан 20 020 педагог аяқтаған. Оның ішінде 23 педагог Астана қаласында өткен педагогикалық хакатонға қатысып, тәжірибесін жаңа форматта сынауға мүмкіндік алды.Сонымен бірге «Цифрлық қоғам» партиялық жобасы аясындағы «USTAZGA AI» курсы және «Оқу үдерісі және ЖИ: генеративті модельдер мен промпт-инжиниринг өнері» бағдарламасы педагогтердің жасанды интеллектіні оқу үдерісіне енгізу бойынша білімін жетілдіруге бағытталды. Осы бағыттар бойынша өңірдің мыңдаған педагогі біліктілігін арттырды.Жасанды интеллектінің білім саласына енуі мұғалімнің рөлін төмендетпейді. Керісінше, технологияны дұрыс қолдану педагогтің уақытын үнемдеп, сабақ мазмұнын жетілдіруге және оқушының жеке қабілетіне қарай жұмыс істеуге мүмкіндік береді. Сондықтан бүгінгі мұғалім үшін басты міндеттердің бірі – технологияны меңгеру ғана емес, оны білім сапасын арттыруға бағыттай білу.Диалог алаңының мәні де осында. Ардагер ұстаздардың жылдар бойы жинаған тәжірибесі мен жас педагогтердің жаңа көзқарасы бір алаңда тоғысып, білім беру жүйесіндегі сабақтастықты көрсетті.Ардагер ұстаз үшін басты құндылық – шәкірт тәрбиесі мен кәсіби дәстүр болса, қазіргі педагог үшін осы құндылықтарды жаңа технологиялармен ұштастыру маңызды. Екі буынның тәжірибесі мен көзқарасын сабақтастыру білім саласындағы өзгерістердің адами мазмұнын сақтауға мүмкіндік береді.<blockquote>«Білім мен ғылым – адами капиталдың ұзақ мерзімді дамуының негізгі тірегі. Осы орайда «Әділет» партиясы педагогтердің пікірін тыңдап қана қоймай, олардың кәсіби құқықтары мен еңбек жағдайын қорғауға, білім сапасын арттыруға бағытталған Президент бастамаларын іске асыруға атсалысатын болады», – деді Жандос Базартай.</blockquote>Іс-шараның қорытындысында білім беру саласына қосқан үлесі мен кәсіби қызметіндегі еңбегі үшін педагогтер «Әділет» партиясы облыстық филиалының Алғыс хатымен марапатталды. Сондай-ақ мерекеге орай партия белсендісі, облыстық мәслихат депутаты Нұрболат Ибраевтың демеушілігімен ұстаздар қауымына бағалы сыйлықтар мен тәттілер толтырылған корзиналар табысталды

Сыр ұстаздары білім сапасын арттыру бойынша ұсыныстарын ортаға салды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев бекіткен Digital Qazaqstan стратегиясын жүзеге асыру шеңберінде QazTech платформасы мемлекеттік қызметтердің цифрлық экожүйесінің негізіне айналды. Цифрлық жүйелерді көшіру бойынша биылғы жоспар 92%-ға орындалды. Бұл туралы Премьер-министр Олжас Бектеновтің төрағалығымен өткен Үкімет отырысында Премьер-министрдің орынбасары — жасанды интеллект және цифрлық даму министрі Жаслан Мәдиев мәлімдеді.<blockquote>«“Әлеуметтік әмиян” проактивті әлеуметтік қолдау көрсетуді қамтамасыз етіп, 3 млн пайдаланушыны қамтиды. e-Otinish-тегі жасанды интеллект көмегімен 3,2 млн-нан астам өтініш өңделді. eGov GPT арқылы 51 қызмет қолжетімді. Жыл соңына дейін жалпы трафиктің 80%-ын құрайтын ең сұранысқа ие 150 қызмет қамтылады. 2028 жылға қарай жасанды интеллект негізіндегі қызметтердің үлесін 40%-ға жеткізу, ал 2029 жылға қарай қызмет алу уақытын екі есе қысқарту көзделген», — деді Жаслан Мәдиев.</blockquote>Вице-премьердің айтуынша, Халыққа қызмет көрсету орталықтарын цифрлық кеңселерге трансформациялау жүргізілуде. Жаңа халықтың цифрлық кеңселерінде азаматтар қызметтерді eGov GPT цифрлық көмекшісі орнатылған терминалдар арқылы өз бетінше ала алады. Қазір 4 өңірде 5 цифрлық кеңсе ашылды. Тағы 10 өңірде қаржыландыру мәселесі шешілді.Сурет: ҚР Үкіметі

Жыл соңына дейін Қазақстанда eGov GPT арқылы 150-ге дейін қызметті іске қосу жоспарлануда

<a href="https://kyzylorda-news.kz/">Kyzylorda-news.kz</a> Бүгін Қазалы ауданының әкімдігінің мәжіліс залында аудан әкімі Айтбай Жандарбековтың төрағалығымен мәжіліс отырысы өтті.Мәжіліске аудандық мәслихат төрағасы, аудан әкімінің орынбасарлары, дербес бөлім басшылары, сондай-ақ кент және ауылдық округ әкімдері қатысты.Мәжіліс барысында «Digital Qazaqstan» жалпыұлттық стратегиясын іске асыру мәселесі талқыланды. 2026 жылғы 9 маусымда Қазақстан Республикасының Президенті 2029 жылға дейінгі «Digital Qazaqstan» ауқымды цифрландыру және жасанды интеллект технологияларын енгізудің жалпыұлттық стратегиясын бекіту туралы Жарлыққа қол қойған болатын.«Digital Qazaqstan» – Қазақстанның дамудың жаңа моделіне көшуін көздейтін маңызды бастама. Стратегия аясында деректерді тиімді пайдалану, жасанды интеллект пен заманауи цифрлық технологияларды мемлекеттік басқару жүйесіне кеңінен енгізу, сондай-ақ мемлекеттік қызметтердің сапасы мен қолжетімділігін арттыру көзделген.Осыған байланысты аудан әкімі Айтбай Жандарбеков цифрландыру бағытындағы жұмыстарды жүйелі түрде жүргізіп, мемлекеттік қызмет көрсету сапасын арттырудың және жаңа технологияларды тиімді пайдаланудың маңыздылығына тоқталды. Сонымен қатар, аудан аумағында цифрлық технологияларды енгізу бойынша нақты жұмыстарды жандандырып, белгіленген міндеттердің сапалы әрі уақтылы орындалуын қамтамасыз етуді тапсырды.Сонымен қатар күн тәртібінен бөлек қосымша 2 мәселе қаралды.«Мемлекеттік бағдарламалар аясында кәсіпкерлік мақсатында берілетін жеңілдетілген несиелер туралы» мәселе бойынша аудандық кәсіпкерлік және өнеркәсіп бөлімінің басшысы Жомарт Ақбергенов баяндама жасап, кәсіпкерлерге ұсынылатын жеңілдетілген несие түрлері, оған қойылатын талаптар және мемлекеттік қолдау тетіктері туралы ақпарат берді. Сондай-ақ «Егін жинау науқанының барысы туралы» аудандық ауыл шаруашылығы және жер қатынастары бөлімінің басшысы Мұрат Әшірбеков баяндама жасады. Мұрат Әшірбеков егін жинау жұмыстарының қазіргі барысы, ауыл шаруашылығы техникаларының дайындығы және науқанды уақытылы әрі сапалы аяқтау бойынша атқарылып жатқан жұмыстарға тоқталды.Мәжіліс соңында аудан басшысы Айтбай Жандарбеков тиісті сала басшыларына цифрландыру бағытындағы жұмыстарды жандандырып, кәсіпкерлікті қолдау шараларын тиімді пайдалануды және егін жинау науқанын белгіленген мерзімде сапалы аяқтауды қамтамасыз етуді міндеттеді.

Мәжіліс отырысында өзекті мәселелер қаралды

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен өткен мәжілісте жылу беру маусымы мен «Digital Qazaqstan» жалпыұлттық стратегиясын іске асыру мәселесі қаралды. Мәжіліске аудан әкімі Алмасбек Есмаханов селекторлық режим арқылы қатысты. Облыс әкімінің төрағалығымен өткен мәжілістен кейін аудан әкімі аймақ басшысының тапсырмаларына сәйкес аудан бойынша атқарылатын жұмыстарды саралап, жауапты сала басшыларына нақты тапсырмалар жүктеді.Мәжілісті бастамас бұрын аудан басшысы орын алған кадрлық өзгерістерге тоқталып, 4 қазанда өткен Аранды және Құмжиек ауылдық округтері әкімдерінің сайлау қорытындысымен таныстырды. Сайлау нәтижесінде Аранды ауылдық округінің әкімі болып Томаев Әбілғазы Аймағанбетұлы, ал Құмжиек ауылдық округінің әкімі болып Нағашыбаев Мұратбек Тұңғышбайұлы сайланғанын атап өтті.Күн тәртібіндегі бірінші мәселе «Digital Qazaqstan» жалпыұлттық стратегиясын іске асыру бойынша жауапты сала басшыларына цифрлық мемлекеттік қызметтердің үлесін арттыру, қағаз түріндегі қызметтерді азайту және тұрғындардың цифрлық сауаттылығын арттыру бағытындағы жұмыстарды күшейту тапсырылды.Жиында каналдарды бетондау жұмыстары мен әлеуметтік осал топтарға арналып салынып жатқан тұрғын үйлер туралы мәселелер де қаралды. Су шаруашылығы бойынша «Климаттық орнықты су ресурстарын дамыту 2-кезеңі» жобасы аясында аудан бойынша жалпы ұзындығы 113,7 шақырымды құрайтын 14 каналды бетондау жобасы қаржыландырылуға ұсынылған.Аудан әкімі аталған жобалардың қаржыландырылуын бақылауға алуды сондай-ақ аудандағы әлеуметтік осал топтарға арналған тұрғын үйлердің құрылысын белгіленген мерзімде әрі сапалы аяқтау жөнінде жауаптыларға нақты тапсырмалар берді.Жиында алдағы 2026-2027 жылдардағы жылу беру маусымына дайындық барысы да қаралды. Ауданға тамыз-қазан айларында 3 300 тонна көмір жеткізу жоспарланса, қазіргі таңда 1 932 тоннасы жеткізілген. Осыған байланысты жауаптыларға қатты отын қорын толықтыру және көмір жеткізуді жеделдету тапсырылды. Бұдан бөлек, Басықара ауылындағы №182 мектептің қазан­дығын газ отынына бейімдеу жұмыстарын аяқтау, биыл табиғи газға қосылатын елді мекендердегі әлеуметтік нысандарды жылыту маусымына дайындау міндеттелді.Мәжілісте ветеринария саласындағы мәселелер де талқыланды. Ауданда биыл үй жануарларынан 103 адамның жарақат алу жағдайы тіркелген. Осыған байланысты қаңғыбас жануарларды аулау және тұрғындардың қауіпсіздігін қамтамасыз ету бойынша жұмысты күшейту тапсырылды. Сондай-ақ аудан бойынша 14 типтік мал қорымын салу, қолданыстағы мал қорымдары мен мал тоғыту ванналарын ретке келтіру, санитариялық талаптардың сақталуын қамтамасыз ету мәселелері кеңінен талқыланды.Жиын соңында аудан басшысы елді мекендердің санитарлық тазалығы мен абаттандырылуы, Әйтеке би кенті мен Қазалы қаласындағы түнгі жарықтандыру жүйесінің жағдайын сынға алып, анықталған кемшіліктерді 3 күн мерзімде жоюды тапсырды.

Мәжілісте цифрландыру, жылу беру, ветеринария және абаттандыру мәселелері талқыланды

<a href="https://kyzylorda-news.kz/">Kyzylorda-news.kz</a> Жалағаш ауданы әкімінің міндетін атқарушы Ғани Сүлейменовтің төрағалығымен мәжіліс өтті. Жиында облыс және аудан әкімдері тарапынан берілген тапсырмалардың орындалуы, сондай-ақ «Таза Қазақстан» бағдарламасы аясында атқарылып жатқан жұмыстардың барысы қаралды.<blockquote>«Ауданның санитарлық тазалығы тұрақты бақылауда болуы керек. Әрбір елді мекенде тазалық пен тәртіпті қамтамасыз ету, анықталған кемшіліктерді уақытылы жою және жұмыстардың сапасына жауапкершілікпен қарау қажет», – деді Ғани Сүлейменов.</blockquote>Мәжілісте санитарлық тазалықты сақтау, жол белгілерін талапқа сай орналастырып, сырлау, ескірген тақырыптық билбордтар мен баннерлерді жаңарту, жарықшамдар мен орындықтарды ретке келтіру, қоғамдық орындар мен көшелердің тазалығын қамтамасыз ету мәселелері айтылды. Сонымен қатар, ғимараттардың қасбеттерін ретке келтіру жұмыстарын уақытылы жүргізу қажеттігі ескертілді.Сондай-ақ, сенбіліктерден кейін шабылған шөптерді белгіленген орындарға дер кезінде шығару тапсырылды. Жиын қорытындысы бойынша жауапты сала басшыларына, кент және ауыл әкімдеріне хаттамалық тапсырмалар берілді.

Тазалық және көркейту жұмыстары талқыланды

Бүгін Премьер-министр Олжас Бектеновтің төрағалығымен Үкімет отырысы өтті. Күн тәртібінде жылу беру маусымы, «Digital Qazaqstan» жалпыұлттық стратегиясын іске асыру мәселелері қаралды. Премьер-министрдің бірінші орынбасары Нұрлыбек Нәлібаев жылу беру маусымының басталуына орай өңірлердегі жағдайды баяндады.Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейінгі мәжілісте аймақ басшысы жылу беру маусымының өту барысы Президент Әкімшілігінің, Үкіметтің қатаң бақылауында тұрғанын айтты. Тіршілікті қамтамасыз етуші кәсіпорындардың штаттық режимде жұмыс істеуі сала басшыларының күнделікті қадағалауында болуы тиіс.<blockquote>«Білім, денсаулық сақтау, мәдениет, спорт басқармалары мен коммуналдық кәсіпорындардың басшылары тұрғын үйлерді, әлеуметтік нысандарды жылумен, электр жарығымен, ауыз сумен және газбен үздіксіз қамтамасыз етсін. Төтенше жағдайлар департаменті газдан улану,өрт оқиғаларының алдын алудың тиісті шараларынқабылдап, әлеуметтік нысандар мен тұрғын үйлердің өрт және газ қауіпсіздігі талаптарына сәйкестігін толық тексерсін. Барлық нысан талаптарға сай болуы тиіс», – деді Мұрат Нәлқожаұлы.</blockquote>Мәжілісте цифрландыру бағыты бойынша ІТ, жасанды интеллект, ақпараттық қауіпсіздік және коммуникация салаларында тәжірибесі бар білікті мамандарды, сарапшыларды тартып, кеңестің жұмыс жоспарын әзірлеу, экономиканың барлық саласындағы перспективалы цифрлық жобаларды іске асыруды жеделдету тапсырылды.Озық халықаралық және өңірлік тәжірибелерді зерделеп, үздік жобаларды енгізуге және «Digital Qazaqstan» стратегиясын іске асыруға барлық басқарма, қала және аудан әкімдіктері қатысуы қажет.Бұдан бөлек, Арал теңізінің құрғаған ұлтанын ормандандыру, каналдарды бетондау, әлеуметтік осал топтарға арналған тұрғын үйлердің сапасы және негізгі макроэкономикалық көрсеткіштерге қатысты атқарылатын жұмыстар пысықталды.Айта кетейік, өңірде жылу беру маусымы 5 қазанда басталды. Қазір тіршілікті қамтамасыз етуші кәсіпорындар штаттық режимде жұмыс істеп тұр. 1074 әлеуметтік нысан мен 943 көпқабатты тұрғын үй кезең-кезеңімен жылуға қосылуда. Сыртқы ауа температурасына сәйкес бекітілген кесте бойынша қазандықтар жылу энергиясын тұрақты беріп жатыр.Барлық әлеуметтік нысан қажетті отын қорымен қамтамасыз етілген. Жалпы 80 мың тонна көмір қажет, оның 68 мың тоннасы тұрғындарға, 12 мың тоннасы әлеуметтік нысандарға арналған.

Қазақстан және Қызылорда облысының жаңалықтары: Қоғам