<a href="https://kyzylorda-news.kz/">Kyzylorda-news.kz</a> «Қоғамдық келісім» КММ-нің облыстық ҚХА жанындағы Ассамблея жастары қызметін ұйымдастыру әленуметтік жобасы аясында TEDx BASTAU байқауы өткізілді.TEDx BASTAU шарасына 12 мен 24 жас аралығындағы 50 жас қатысып, өздерінің білім деңгейін ортаға салды.Шараның негізгі мақсаты Қызылорда қаласындағы жастардың зияткерлік әлеуетін арттыру, шешендік қабілетін дамыту және пікірсайыс мәдениетін қалыптастыру мақсатында Bastau DC дебат клубы TEDx BASTAU форматындағы кең көлемді конференция ұйымдастырды. Бұл іс-шара өңір жастарының өзін-өзі дамытуына, ашық ой айтуына, жаңа идеяларды қабылдауына және заманауи қоғамдық трендтерге бейімделуіне бағытталды.Бұл бағыттағы шаралар алдағы уақыттада өз кезегінде жалғасын табатын болады.<img src="https://knadmin.beoblood.kz/uploads/597473521_4263455387306942_1750196628682483586_n_d7d9d286ec.jpg" alt="597473521_4263455387306942_1750196628682483586_n.jpg">

TEDx BASTAU байқауы өткізілді

<a href="https://kyzylorda-news.kz/">Kyzylorda-news.kz</a> Жылу беру маусымы басталғалы облыс көлеміндегі тұрғын секторларда 34 өрт оқиғасы орын алған. Ал, жыл басынан бері тілсіз жаудың 432 оқиғасы тіркелді. Қатердің алдын-алу мақсатында әр аптаның сәрсенбі, жұма және сенбі күндері облыс бойынша жергілікті атқарушы органдар мен полиция өкілдерімен, қоғамдық бірлестіктердің волонтерлермен бірлесіп профилактикалық жұмыстар атқарылуда. Бүгінгі күнге дейін 74 463 тұрғын үй араланған. Бұл туралы облыстық ТЖД Мемлекеттік өрт бақылау басқармасы бастығының орынбасары Арман Дастенов мәлімдеді.<blockquote>- Тұрғындармен 200 рет кездесу ұйымдастырылып, соның ішінде электр және газ баллон жабдықтарын, пешті және газ пештерін орнату, қолдану туралы өрт қауіпсіздігі талаптары бойынша түсіндіру жұмыстары жүргізіліп қамтылды. Қазіргі таңда жергілікті атқарушы органдардан алынған тізімге сәйкес әлеуметтік осал топтағы 6 825 отбасы нақтыланған. Аталған отбасылардың қауіпсіздігін қамтамасыз ету мақсатында жергілікті бюджет қаражаты есебінен сатып алынған 484 дана табиғи газды анықтайтын датчик орнатылып, тұрғындарға пайдалану ережелері түсіндірілді. Сонымен қатар 1-5 желтоқсан аралығында облыс төңірегінде Полиция департаментімен бірлескен «Газ баллон» акциясы ұйымдастырылып, газбен жабдықталған автокөлік иелеріне, газ құю бекеттерінің өкілдеріне және тұрғын секторларын аралау арқылы тұрғындарға газ баллон қолдану кезіндегі қауіпсіздік ережелері насихатталды. Акция кезінде барлығы 28 рейд ұйымдастырылып, 5000-нан астам тұрғынға өрттің алдын алу шаралары түсіндірілді,- деді Арман Мамайұлы.</blockquote><img src="https://knadmin.beoblood.kz/uploads/rtti_aldyn_alu_sharalary_k_shejtildi_99d7e03188.jpg" alt="Өрттің алдын-алу шаралары күшейтілді.jpg">Фото: Нұрболат Нұржаубай

Өрттің алдын-алу шаралары күшейтілді

<a href="https://kyzylorda-news.kz/">Kyzylorda-news.kz</a> &nbsp;92,5 пайыз. Бұл жол сапасы жөніндегі жүзеге асырылған 100-ге жуық жобаның арқасындағы сапалы жолдардың үлесі һәм нәтижесі. Қызылорда қаласындағы Шіркейлі, Сыздық және Жаңадария каналдарындағы көпір өткелдерін кеңейту, Тәуелсіздік даңғылы бойындағы Қызылжарма каналы арқылы өтетін көпір өткелен салу, Сұлтан Бейбарыс көшесі мен Жаппасбай батыр көшесіндегі темір жол үсті көпірін күрделі жөндеу, Тәуелсіздік 25 жыл даңғылы, Әуежайға кіре беріс жолдарын кеңейту, Әбілхайырхан көшесінен Саламатов көшесіне дейін Сырдария бөгеті бойымен 4 - жолақты жол салу жұмыстары биылғы жылдың еншісіне бұйырған байыпты бастама болды.&nbsp;Әрине, жол сапасын жақсарту маңызды. Себебі сәтті сапар сапалы жолдан басталады. Жол сапасындағы жемісті жұмыстарды облыстық жолаушылар көлігі және автомобиль жолдары басқармасының басшысы Жәнібек Сыздықов баяндап берді.<blockquote>- Биылғы жылы жүзеге асырылып жатқан 124 жобаның аясында облыс бойынша Қызылорда облысының жолаушылар көлігі және автомобиль жолдары басқармасымен 37,1 км құрайтын 16 жоба, ал, Қызылорда қаласында ұзындығы 65 км құрайтын 26 жоба, Арал ауданында ұзындығы 42,5 км құрайтын 13 жоба, Қазалы ауданында ұзындығы 30,3 км құрайтын 12 жоба,Қармақшы ауданында ұзындығы 14,6 км құрайтын 8 жоба, Жалағаш ауданында ұзындығы 23,6 км құрайтын 7 жоба, Сырдария ауданында ұзындығы 21 км құрайтын 6 жоба, Шиелі ауданында ұзындығы 33,1 км құрайтын 7 жоба және Жаңақорған ауданында жалпы саны 29 жоба жүзеге асырылып, ұзындығы 61,9 км құрайтын автомобиль жолдары, көшелер мен көпір өткелдері жөндеуден өткізіліуде. аймақ басшысының бастамасымен мамыр айында Арал қаласында құны ұзындығы 940 метр болатын аспалы көпір ел игілігіне табысталды.Шілде айында тұрғындардың ұзақ жыл күткен Жаңақорған кентіндегі темір жол үстінен өтетін көпір пайдалануға берілді. Осы жобалардың жалғасы ретінде Қызылорда қаласында Жанқожа&nbsp;батыр көшесі арқылы өтетін теміржол асты автожолы құрылысы қарқынды жүруде. Сонымен қатар, келер жылы Қармақшы ауданы Жосалы кентінде темір жол үсті көпірінің құрылысы басталады. Халқымыздың көп жылдар бойғы арманына айналған республикалық маңызы бар «Қызылорда -Жезқазған» автомобиль жолын қайта жаңғырту жұмыстары 2022 жылы басталған болатын. Бүгінгі күні облыс аумағына тиесілі 191 шақырымы толық аяқталды. Таяуда ғана пайдалануға берілді,- деді Жәнібек Шәкімбайұлы.</blockquote><img src="https://knadmin.beoblood.kz/uploads/S_tti_sapar_sapaly_zholdan_bastalady_d167672eb7.jpg" alt="Сәтті сапар сапалы жолдан басталады.jpg">

Сәтті сапар сапалы жолдан басталады

<a href="https://kyzylorda-news.kz/">Kyzylorda-news.kz</a> Үкімет отырысында Премьер-министр Олжас Бектенов Президент тапсырмасына сәйкес, желтоқсан айында мемлекеттік шекара арқылы өткізу пункттерін жаңғырту жұмыстары аяқталатынын атап өтті.<blockquote>«Мемлекет басшысының тапсырмасына сәйкес, желтоқсан айында мемлекеттік шекара арқылы өткізу пункттерін жаңғырту жұмыстары аяқталады.Жақын арада 5 өткізу пункті іске қосылады. Осылайша, Еуразиялық экономикалық одақтың сыртқы контурындағы барлық өткізу пункттері халықаралық стандарттарға сай болып, жүктердің жылдам өтуін қамтамасыз етеді», – &nbsp;деп атап өтті Олжас Бектенов.</blockquote>Премьер-министр Көлік министрлігіне «ҚазАвтоЖол» компаниясымен бірге жұмыс қарқынын жеделдетіп, өткізу пункттерінің құрылысын белгіленген мерзімде аяқтауды тапсырды.Аталған мәселе Премьер-министрдің тікелей бақылауында.

Президент тапсырмаларын жүзеге асыру: Үкімет тағы 5 шекаралық өткізу пунктін жаңғыртуды аяқтауда

<a href="https://kyzylorda-news.kz/">Kyzylorda-news.kz</a>&nbsp;Қазалы ауданының әкімі Алмасбек Есмаханов аудан орталығынан шалғай орналасқан Тасарық және Қызылқұм ауылдық округтерінің халқымен кездесті.Тұрғындармен өткен кездесулерде аудан әкімі алдымен ауданда аймақ басшысы Нұрлыбек Машбекұлының қолдауымен жүзеге асырылған жұмыстар және келер жылға жоспарланған жобалар жайында айтып өтті. Сондай-ақ елде жасалып жатқан жұмыстардың барлығы аудан халқының ауызбіршілігінің арқасында жасалып жатқандығын айтып өтті.Халықпен кездесулерде кезек ұсыныс-пікірлерге келгенде, Тасарық ауылының тұрғындары тарапынан Бозкөл-Тасөткел-Тасарық бағытындағы аудандық маңызы бар автомобиль жолына күрделі жөндеу жұмыстарын жүргізу, ауылға жедел-жәрдем көлігінің қажеттілігі, ал кәукейліктер елді мекендегі ауылішілік көшелерді асфальттау, электр желілерін жаңғырту сынды мәселелер көтерді.Аудан басшысы айтылған әрбір сауалдар мен ұсыныстарға жеке-жеке жауап беріп, бірқатар мәселелер бойынша тиісті бөлімдер мен мекеме басшыларына нақты тапсырмалар берді.&nbsp;Атап айтқанда, Бозкөл-Тасарық бағытындағы автомобиль жолын жөндеуге, жоба сметалық құжаттары әзірленіп, мерзімі өтіп кеткендіктен жобаны қайта әзірлеуді, Кәукей ауылында келер жылға бір көшені асфальттау жұмыстары жүргізіп, электр желілерін жаңғырту бойынша жұмыстар кезе-кезеңімен жүзеге асырылатынын, әзірге ауыл ішіне трансформатор орнатып беруге жұмыс жасалатындығын жеткізді. Ал, Тасарық ауылына жуық арада жедел-жәрдем көлігі берілетіндігін жеткізді.

Тұрғындармен кездесіп, ұсыныс-пікірлерін тыңдады

<a href="https://kyzylorda-news.kz/">Kyzylorda-news.kz</a>&nbsp;Қармақшы ауданының әкімі Жандос Еркінбек Қармақшы ауылдық округінің халқымен кездесу өткізіп, биыл жүзеге асырылған жұмыстар мен алдағы жоспарлар жөнінде ақпарат берді. Ауылда инфрақұрылым, тұрғындарға қолайлы орта қалыптастыру және ауыл шаруашылығын дамыту бағытында бірқатар маңызды жобалар аяқталып, жаңа бастамалар қолға алынуда.Қызылорда облысында дәстүрлі түрде ұйымдастырылатын «Үлгілі елді мекен» конкурсында Қармақшы ауылы өткен жылы 15 млн теңге жеңіп алған болатын. Осы қаражат есебінен ауылдың орталық алаңы толық абаттандырылып, жұмыстар толық аяқталды.Экологиялық мәдениетті қалыптастыру мақсатында Қармақшы ауылдық округінде 4 шақырымдық жасыл белдеу қоршалып, 800 түп ағаш көшеттері отырғызылды. Бұл жұмыстар ауылдың жасыл келбетін арттыруға үлес қосып отыр.Елді мекенде мал шаруашылығын дамыту бағытында маңызды жұмыс жасалып отыр. Қараөзек арнасындағы «Қожатай» су тоспасы бөгелуде. Бұл жұмыс нәтижесінде Досымкөл, Қызылкөл, Жайынкөл, Тасқын, Кетебай-Масақ, Қаракөл-1, Қаракөл-2 және өзге де көлдерге су жеткізу мүмкіндігі артып, аймақта қолайлы экологиялық ахуал қалыптастыруға мүмкіндік береді.Жиын барысында ауыл тұрғындары атқарылған жұмыстарға оң бағасын беріп, өз ұсыныстарын жеткізді. Кездесу соңында аудан әкімі тұрғындарды жеке қабылдап, тұрғын үй мәселесі, жұмыссыздықты азайту, кәсіпкерлікті қолдау бағыттарында көтерілген сұрақтарды тыңдап, тиісті бөлімдерге нақты тапсырмалар берді.

Қармақшы ауданында жаңа жобалар жүзеге асырылып келеді

<a href="https://kyzylorda-news.kz/">Kyzylorda-news.kz</a> 25 қараша мен 10 желтоқсаны аралығында республика аумағында «Зорлық-зомбылықсыз 16 күн» акциясы өтуде.&nbsp;Мақсат – тұрмыстық зорлық-зомбылықтың алдын-алу және оған жол бермеу, осы бағытта атқарылып жатқан шаралар туралы халықты кеңінен хабардар ету, сондай-ақ қоғамдағы отбасының рөлін нығайтып, құқықтық мәдениетті арттыру.Тұрмыстық зорлық-зомбылық – отбасы-тұрмыстық қатынастар аясында бір адамның екіншісіне дене немесе психикалық зардап келтіретін, не осындай қауіп төндіретін құқыққа қарсы қасақана әрекет. Көп жағдайда оның құрбандары әйелдер мен балалар болып&nbsp;жатады.Отбасындағы зорлық-зомбылыққа ұшырағандардың басым бөлігі моральдық қысымнан, қоғамның айыптауынан қорқып, құқық қорғау органдарына жүгінуден бас тартады. Осыған байланысты әйелдер мен қыз-келіншектер арасында құқықтық сауаттылықты арттыру, зорлық-зомбылықтың түрлері мен себептерін түсіндіру, сондай-ақ мұндай қылмыстық әрекеттердің алдын алу бағытында кешенді профилактикалық жұмыстар жүргізілуде.Отбасы – кішігірім мемлекет. Оның тату-тәтті өмір сүруі ең алдымен ерлі-зайыптылардың өзара сыйластығы мен түсіністігіне байланысты. Балаға берілетін тәрбие де, отбасы ішіндегі жауапкершілік те екеуінің бірдей атқаратын міндеті. «Ыдыс-аяқ сылдырламай тұрмайды» дегендей, әр отбасында түсініспеушілік болуы мүмкін. Алайда бүгінде тек ұсақ-түйек жанжал емес, тұтас отбасының шайқалуына себеп болатын жайттар жиілеп кетті.Әлеуметтік желілерден күйеуінен таяқ жеген, өз-өзіне қол салуға талпынған, тіпті бала-шағасына да қол көтеретін оқиғаларды жиі көреміз. Осындай қиындықтарға қарамастан, көп әйел отбасыны сақтап қалу үшін өздерін құрбандыққа шалып жатады. «Бір күні бәрі жақсы болады» деген үмітпен өмір сүретін әйелдер қаншама…Осы және өзге де тақырыптар аясында кәсіби отбасы және балалар психологы,&nbsp;ҚР дәрежесіндегі консультант-тренері&nbsp;Эльзара Нұрланқызы пікір білдірді.<figure class="image"><img src="https://knadmin.beoblood.kz/uploads/4b291a2b_6f8c_48c1_aa21_3715975ef650_157e3c4784.jpg" alt="Стамкулова Эльзара Нұрланқызы"><figcaption>Стамкулова Эльзара Нұрланқызы,Кәсіби отбасы және балалар психологы. ҚР дәрежесіндегі консультант-тренер:</figcaption></figure><blockquote>– Отбасының берік болуы сол үйдің басшысына, ер азаматына байланысты. Еркегі мықты отбасының іркетасы әрдайым мықты болады. Себебі басшы жақсы болса, қосшы әрдайым қызметте. Әйелмен еркек арасында қазіргі таңда мәміле бірең-саран, тіпті жоқ десең де болады. Отбасылық құндылық – отбасылық механизм сияқты. Отбасының ішінде әке, ана, бала, ата-әже бәрінің өзіндік рөлі бар, әркім өз рөлінде өз орнында, өз қызметінде болса отбасы да ұрыс-керіс болмайды. Құрмет пен сыйластық бар жерде әрдайым береке бар. Ажырасу бірден келетін дүние емес, ажырасуға көп отбасы, көп уақыт бойы шешілмеген мәселелер, талқыланбаған әңгімелерден туындайды. Әйел гүл ғой, оны қанша мәпелем аяласаң, сонша құлпырып жан-жағына нұрын шашады. Сол үшін әр отбасы үнемі алға қарай қадам басар алдын құндылығын көтеруді де ұмытпау қажет. Құндылық – бұл отбасы. Махаббатта, жылулықта сеніммен байланысып қаланады.Жас отбасы тату-тәтті өмір сүру үшін оларға бастапқы 5-жыл кезеңінде тыныштық беру керек. Себебі еркекте, әйелде екі түрлі жаратылыс, екі түрлі жеке тұлға. Екі тұлға бірігіп бір кемеде жүзуді үйренгенге дейін оларға ешкімнің дауылда, таста болмағаны дұрысырақ. Баяғы заманда ата-ене, қайын-әпке, сіңлілер әрдайым қолдап барын берсе, қазіргі таңда ең жақын адамдардың отбасының ортасына кірігіп, шаңырақты шайқалтып жатқаны көңілді түсіреді. Екі жас отау тіккен соң қиыншылығында, бақытында, сынағында қол ұстасып өтсе ғана мықты отбасы бола алады. Баяғыда ақылды дана, көркем мінезді, мақалдатып сөз астарымен жеткізген аналарымыз азайып кетті. Бәлкім бұл салт-дәстүріміздің, құндылығымыздың төмендегенінен болар. Бірақ шындық әрдайым ащы. Қол көтеруге келетін болсақ, адам дүниеге келген соң ата-анасы, бауыры, ортасы арқылы мінезін қалыптастырады. Ер адам бір рет қол көтерді ме? Екінші рет оған қайтадан ұру қиын болмайды! Денесін, ашуын, мінезін, өзін басқара алмаған адам әрдайым қауіпті, әрдайым шындыққа жанаса бермейді әрекеттері. Сол үшін отбасы болуға дайындалған әрбіз азаматша, қара көз-қыздарымыз көзін жеткізіп, мінезін сынап, ашуын басқара ала ма? Тіпті соған дейін тексеріп алуы керек деп ойлаймын.Бұрынғы заманда әрдайым екі жаққа кетеміз деген отбасыға, екі жақты дана кісілер, аналар ортаға салып екі жақты татуластыруға әрекет етуші еді. Ал қазір мүлдем басқаша түсінік, маған келгендердің басым бөлігі дәл осы қиындықпен күресуде. Ортаға бәрінің араласуы, күйеуінің өз ойы болмауы, жауапкершілікті өз мойнына ала алмауы. Қазіргі уақытта шыдап емес, сынап өмір сүретін заман. Шыдаумен мәселе ешқашан шешілмейді. Ортаға салынып, талқыланылып шешілмесе бәрі бос. Бәрі бекер.Әр әйел – жеке тұлға. Әр әйел құнды, әр әйел бағалы. Әр әйел бірінші орында өзіне жауапты. Әйел өз жаратылысын толық түсінсе, білім алып ізденсе, балаларына өзіне дұрыс тәрбиені бере алса, өзі үшінде арман-мақсатты алдына қоя алса, сол кезде әйелдің бойында әйелдік даналық пайда болады.Саналы өзіне жауапты, өз бағасын білетін, әрдайым өсектен, ғайбаттан тиылып отырған жан, өзін дамытумен әрекет ететін әйел әрдайым зорлық-зомбылықтан алыста болады.Себебі зорлық-зомбылықты өзін қорғай алмайтын, қорқақ, өзін әбден жеп, өзін кінәлап, күйзелістің ішінде жүрген әйелдер көріп жатыр. Яғни жасы үлкен болуы мүмкін, бірақ қорқынышы өте кішкентай баланыкі сияқты. «Өзімді қорғаймын маған бұлай жасауға болмайды» деп нық айтып аяққа тұра алмайтын қыз-келіншектеріміз жапа шегуде. Және жоғарыда айтылғандай «балаларым үшін шыдаймын» деп тіпті мына өмірмен қоштасып кеткендер де аз емес, – дейді психолог.</blockquote>Petrelli Previtera сияқты кейбір рейтингтер бойынша Қазақстан ажырасу деңгейі бойынша әлемде екінші орында, ал ТМД елдері арасында бірінші орында. Алайда Ұлттық статистика басқармасы мұны жоққа шығарып, 2022 жылы ажырасу көрсеткіші 1000 адамға шаққанда 2,27 болғанын, бұл басқа жетекші елдермен салыстырғанда айтарлықтай төмен екенін мәлімдеді.Қылмыстың алдын алу, ерлі-зайыптылар арасындағы жан-жалды шешу, олардың қарым-қатынасын ашып, балаларды қорғау мақсатында да жасалып жатқан жұмыстар аз емес. Аталмыш акцияға байланысты Сыр өңіріңде жүргізіліп жатқан жұмыстарға Қызылорда облысы Полиция департаменті Қоғамдық қауіпсіздік басқармасы отбасы-тұрмыстық зорлық-зомбылыққа қарсы күрес бөлімінің ерекше тапсырмалар жөніндегі аға инспекторы, полиция майоры Замира Сайғондықызы тоқталып өтті.&nbsp;Замира Сайғондықызы, &nbsp;Қызылорда облысы Полиция департаменті Қоғамдық қауіпсіздік басқармасы отбасы-тұрмыстық зорлық-зомбылыққа қарсы күрес бөлімінің ерекше тапсырмалар жөніндегі аға инспекторы, полиция майоры:<blockquote>– «16 күн» акциясы – 25 қараша мен 10 желтоқсанда дейін өткен халықаралық бастама. Оның мақсаты – әйелдер мен қыздарға, жалпы жыныстық/гендерлік зорлық-зомбылыққа (соның ішінде тұрмыстық, кибер-, психологиялық, физикалық және т.б.) қоғамның назарын аудару, алдын алу, құрбандарға көмектесу және нөлдік төзімділік қағидаттарын насихаттау. Биылғы науқанда ерекше назар аударылған тақырып – цифрлық зорлық және балалар мен қыз-қыздарға қатысты цифрлық кеңістіктегі қауіптер. Аймақтарда – әкімдік, полиция және құқық қорғау органдары қатысқан іс-шаралар ұйымдастырылуда (ақпараттық тренингтер, құқықтық түсіндіру, профилактика, қолдау қызметтері туралы ақпарат). Акция – зорлық-зомбылық туралы айтылмайтын, жабық болып келген мәселелерді қоғам назарында ашық қарастыруға – әркімнің қатысуын, қолдауды әкеледі. Бұл – құрбандар үшін моральдық қолдау, ашық сөйлесудің, көмек сұраудың мүмкіндігі.Цифрлық зорлық, балаларды онлайн қауіптен қорғау секілді жаңа тақырыптар науқан аясында көтерілді – бұл замана талабы, әрі маңызды. Әлеуметтік белсенділік, ақпараттық-насихат жұмыстары, құқықтық түсіндіру – бұл азаматтық сана өзгерісіне ықпал етуі мүмкін. Мемлекеттік органдар мен халықаралық ұйымдардың қатысуы – заңнамалық және институционалдық деңгейде де жағдайды жақсарту мүмкіндігін арттырады. &nbsp;Бізбен бірге өткізілген ақпараттар мен шаралар көрсеткендей, «16 күн» акциясы – өте маңызды әрі қажетті бастама. Бірақ – бұл тек бастама, зорлық-зомбылықпен күресу – бір тек 16 күндік оқиға емес, күнделікті, үздіксіз жұмыс.Маңыздысы – акция барысында ғана емес, ол арқылы туындаған құндылықтар – теңдік, құрмет, қауіпсіздік, қолдау – жыл бойы қоғамда өмір сүруі. Заңдар, қолдау орталықтары, білім беру, қоғамдық сананың өзгеруі – бәрі бірігіп, нақты нәтижеге апаруы тиіс, – дейді полиция майоры.</blockquote>Түйін. Әйелдерге қарсы зорлық-зомбылық – қоғамның ең өткір және өзекті мәселелерінің бірі. Бұл тек жеке адамның құқығы мен қауіпсіздігіне ғана емес, тұтас қоғамның тұрақтылығы мен болашағына төнген қауіп. Осыған байланысты жыл сайын өткізілетін халықаралық «Зорлық-зомбылықсыз 16 күн» акциясы әлемнің әр түкпірінде әйелдер мен қыздарға жасалатын зорлық-зомбылықтың барлық түріне қарсы күресті күшейтуді мақсат етеді.Фото: oiyl.kz

«Қыздарға қолдау, әйелдерге қорғау: 16 күндік жаһандық үндеу»

<a href="https://kyzylorda-news.kz/">Kyzylorda-news.kz</a>&nbsp; Ұлттық экономика министрлігі, Ұлттық банк және Қаржы нарығын реттеу және дамыту агенттігі 2026-2028 жылдарға арналған бірлескен іс-қимыл бағдарламасын түсіндірудің қорытынды онлайн-кеңесін өткізді. Талқылауға "Атамекен" ҰКП, "Бәйтерек "ҰБХ" АҚ барлық облыстық филиалы, бизнес, әкімдік өкілдері қатысты. Ағымдағы жылғы 27 қараша мен 5 желтоқсан аралығында барлық өңірде кездесу өткізілді. Оларға 500-ден астам адам қатысты.19 қарашада Үкімет отырысында ұсынылған бағдарлама макроэкономикалық тұрақтылықты нығайтуға, инфляцияны төмендетуге, ішкі өндірісті молайтып, азаматтардың әл-ауқатының тұрақты өсуіне арналған. Ұлттық экономика бірінші вице-министрі Азамат Әмрин ұсынылған шаралар ортамерзімдік перспективада тұрақты экономикалық дамудың берік іргетасын қалайтынын атап өтті.Бағдарламаны іске асырудың негізгі операторы ретінде "Бәйтерек" ұлттық инвестициялық холдингі белгіленген. Ол кәсіпкерлікті, экспорттық жобаларды, АӨК және қолжетімді тұрғын үй бағдарламаларын және т.б. қолдайды. Холдинг екінші деңгейдегі банктермен бірлесіп, ірі инвестициялық жобалар үшін де, экономикалық өсудің жаңа нүктелері үшін де нақты секторға ұзақмерзімдік кредит берудің негізге көзіне айналмақ. 2026 жылғв холдинг жобаларының портфелі мыналар: 42% - химия және мұнай - газ химия өнеркәсібі, 19,6% - көлік және логистика, 12,1% - энергетика, 7,1% - ТМК, 6,4% - АӨК және тамақ өнеркәсібі.Қаржыландырға қол жеткізу үшін Үкімет 2026 жылы холдингке капиталдандыру үшін 1 трлн теңгеге дейін қаржы бөлуді жалғастырады. 2027-2028 жылдары қосымша қолдау мәселесі ағымдағы экономикалық жағдай мен нақты сектордың қажеттілігіне сүйене отырып, қаралмақ."Инвестицияға тапсырыс" бағдарламасы шеңберінде холдинг өңірдегі жобаларды талдау үшін әкімдіктермен жұмыс кездесуін өткізеді. Орталық мемлекеттік органдар да өз ұсынысын құрмақ. Барлық бастама жүйелі сүйемелдеу үшін ұлттық цифрлық платформаға енгізіледі.Экспортқа бағдарланған жобаларға ШОБ-тың көп қызығушылық білдіруде. Мұндай бастамаларды қаржыландыру тетігі бойынша 20% меншікті қаражат және 80% "Бәйтерек" холдингі арқылы қарыздық қаржы берілуі мүмкін.Сонымен қатар, холдинг өңірлердің артықшылықтарына - табиғи ресурстарға, көлікке қол жеткізуге, туристік әлеуетке және инфрақұрылымға негізделген жаңа өндіріс құруды белсенді түрде ұсынады.Кеңес барысында қатысушылардың барлық мәселесі тыңдалды. Олардың көпшілігі ШОБ-ты дамыту, пайыздық мөлшерлеме, шағын өнеркәсіп аймағын құру, МЖӘ тетіктері мен өнімді сатуға қатысты. Әр сұраққа егжей-тегжейлі түсінік берілді. Жобаның бүкіл мерзіміне пайыздық мөлшерлемені субсидиялауға кепілдік беру — негізгі мәселе.Бұған жауап ретінде "Бәйтерек" холдингінің өкілдері "Даму" қорының бағдарламаларын трансформациялау шеңберінде тікелей субсидиялау айтарлықтай қысқартылғанын және ЭҚЖЖ тізбесі бойынша тек жобаларға ғана 200 млн теңгеге дейін сақталатынын түсіндірді. Қолдаудың негізгі құралы екінші деңгейдегі банктерді жеңілдікті мөлшерлемемен қорландыру. Бұл бизнеске жобаның бүкіл мерзіміне жылдық 12,6% қаржы алуға мүмкіндік береді.Бұл шарттарға кепілдік берілмек. Өйткені қорландыру қаражаты "Бәйтерек" арқылы бөлініп, "Даму"қорына берілді. Жоба болашақ бюджеттік шешімдерге тәуелді емес. Қаржыландыруға кредит берудің барлық кезеңінде қол жеткізіледі.

Ұлттық банк 2026-2028 жылдарға арналған бірлескен іс-қимыл бағдарламасын түсіндіретін бірқатар кеңестерін аяқтады

<a href="https://kyzylorda-news.kz/">Kyzylorda-news.kz</a>&nbsp;Қармақшы ауданының әкімі Жандос Еркінбек жұмыс сапарымен бірқатар нысандарды аралап, онда жүргізіліп жатқан құрылыс және жөндеу жұмыстарының барысын бақылады.Алдымен аудан басшысы Н.Нақыпов көшесіндегі күрделі жөндеу жұмыстарының жай-күйін көрді. Аталған көшенің жалпы ұзындығы 1,9 шақырымды құрайды. Жобалық-сметалық құжаттамаға сәйкес, жолға қажетті қиыршық тас толық төселіп, тегістеу жұмыстары аяқталып отыр. Бүгінде жол жабынына асфальттау жұмысы өз кезеңімен жүзеге асырылатын болады.Сапар барысында аудандық дене шынықтыру-сауықтыру кешенінің құрылыс-жөндеу алаңы да тексерілді. Қазіргі таңда нысанда ішкі әрлеу жұмыстары жүргізілуде, спорт залдары мен қосымша бөлмелерді жабдықтау бойынша жұмыстар жоспарға сай атқарылуда. Жандос Еркінбек мердігер мекемеге құрылыс жұмыстарының сапасына назар аударуды тапсырды.Аудан әкімі жауапты бөлім басшыларына нысандардағы атқарылып жатқан жұмыстарды тұрақты бақылауда ұстап, тұрғындар үшін маңызды жобалардың уақытылы әрі сапалы аяқталуын тапсырды.<img src="https://knadmin.beoblood.kz/uploads/arma_shy_rylys_zh_mystary_5eb8cfc540.jpg" alt="Қармақшы құрылыс жұмыстары.jpg">

Қармақшы: Құрылыс жұмыстары тұрақты бақылауда

<a href="https://kyzylorda-news.kz/">Kyzylorda-news.kz</a>&nbsp; Облыстық мәслихаттағы "AMANAT" партиясы депутаттық фракциясының мүшесі, &nbsp;мәслихаттағы Экономика, әлеуметтік және құқықтық мәселелері жөніндегі тұрақты комиссия төрағасы Балжан Шәменованың төрағалығымен комиссиясының кезекті отырысы өтті. Оған облыстық мәслихаттағы депутаттық фракция мүшелері, &nbsp;тиісті басқарма басшылары мен сала мамандары қатысты.Кеңеңс отырысында «2025-2027 жылдарға арналған облыстық бюджет туралы» Қызылорда облыстық мәслихатының 2024 жылғы 9 желтоқсандағы № 130 шешіміне өзгерістер енгізу туралы мәселе қаралды.Аталған мәселе бойынша облыстық экономика және қаржы басқармасының басшысы Сәкес Мырзабек хабарлама жасады. Басқарма басшысының хабарламасынан кейін фракция мүшелері бірқатар сауалдар көтеріп, аталған мәселе бойынша өз ұсыныстарын жеткізді.Басқарма басшысы көтерілген сұрақтарға &nbsp;тұрақты комиссиялардың бірлескен отырысында толыққанды жауаптар берілетіндігін жеткізді. &nbsp;Сондай-ақ, депутаттар тарапынан бюджет қаржысы тиімді және нәтижелі жұмсалуы керектігі баса айтылды.Отырыс соңында депутаттардың ұсыныс-пікірлері ескеріле отырып, күн тәртібіндегі мәселені тұрақты комиссиялардың бірлескен отырысында қарау жөнінде қаулы қабылданды.<img src="https://knadmin.beoblood.kz/uploads/Amanat_t_ra_ty_komissiya_otyrysy_4_1a8606c3a6.jpg" alt="Аманат тұрақты комиссия отырысы 4.jpg">

"AMANAT": Тұрақты комиссия отырысы өтті

<a href="https://kyzylorda-news.kz/">Kyzylorda-news.kz</a>&nbsp;ҚР Президенті Әкімшілігінің Басшысы Айбек Дәдебайдың төрағалығымен спорт саласын дамыту мәселелері талқыланған мәжіліс өтті. Оған облыс әкімінің бірінші орынбасары Данияр Жаналинов селекторлық режим арқылы қатысты.Бүгінде аймақта спорт саласын дамытуда ауқымды жобалар қолға алынып, жүйелі жұмыстар жүргізілуде. Биыл денешынықтыру мен спортты дамытуға жергілікті бюджеттен 38 млрд. 213 млн. теңге қаржы бөлінді. Президент тапсырмасын орындау мақсатында өңірде спорт инфрақұрылымын дамытуға, бұқаралық спортпен шұғылданушылар санын арттыруға басымдық берілген.Қазір 377 мыңнан астам жерлесіміз спортпен жүйелі түрде шұғылданады. Бұл – өңір халқының 44,6 пайызы. Спорт резерві мен жоғары дәрежелі спортшыларды даярлайтын 33 мекеме бар.Кейінгі 3 жылда 21 спорт кешені пайдалануға беріліп, бүгінде ел игілігіне қызмет етуде. «Ауыл – ел бесігі» бағдарламасымен елді мекендерде тағы 5 нысан ашылады. Облыс орталығындағы балалар мен жасөспірімдерге арналған «Сыр жұлдыздары» шығармашылық-инновациялық академиясында жас ұрпақтың спортпен шұғылдануына барлық жағдай жасалған.Биыл алғаш рет ерлер мен әйелдерге арналған «Қызылорда бокс клубы» ашылып, жұмысын бастады. Бұл бастама боксты дамыту ісіне оң серпін береді.Мемлекет басшысының спорт инфрақұрылымын дамыту тапсырмасына сәйкес, Қызылорда қаласында 11 мың орындық жаңа стадион ашылып, онда спорттың бірнеше түрімен, атап айтқанда, бокс, дзюдо, грек-рим күресі, еркін күрес, ауыр атлетика, таэквондо, спорттық гимнастикамен айналысуға мүмкіндік туды.Бұдан бөлек, облыс орталығында «Қызылорда Арена» көпбейінді спорт кешенінің құрылысы жүргізілуде. Бұл нысанда олимпиадалық стандарттарға сәйкес келетін 50 метрлік бассейн, Азия, Әлем чемпионаттарын өткізуге арналған 2500 орындық зал, олимпиадалық спорт түрлеріне арналған жаттығу залдары болады. Ғимарат құрылысы 2026 жылдың екінші жартыжылдығында аяқталады.

Спорт саласын дамыту мәселелері қаралды

<a href="https://kyzylorda-news.kz/">Kyzylorda-news.kz</a> &nbsp;«Батыс Еуропа – Батыс Қытай» көлік дәлізінің Жаңақорған ауданы тұсында жол бойы қызмет көрсету кешені ашылды. Ашылу рәсіміне облыстық мәслихат төрағасы Мұрат Тлеумбетов, облыс әкімінің орынбасары Ардақ Зебешев, аудан тұрғындары мен зиялы қауым өкілдері қатысты.Облыс әкімінің орынбасары өңірдегі серпінді жұмыстар туралы сөз қозғап, жаңа кешен жұмысына сәттілік тіледі.<blockquote>«Бүгінде экономиканың қозғаушы күші саналатын инвестиция тарту саласында ауқымды жұмыс атқарылды. Биыл 720 млрд. теңгеден астам инвестиция тартылады. 2025-2028 жылдары 98 инвестициялық жоба жүзеге асырылып, 12 мыңнан аса жаңа жұмыс орны ашылады. Биылға 54 жобаны жүзеге асыру жоспарлануда. Қазіргі уақытта 36 жоба бойынша жұмыс басталып кетті.</blockquote><blockquote>«Батыс Еуропа – Батыс Қытай» халықаралық автомобиль дәлізінің бойында 55 сервистік кешен бар. Бүгін «Caspian Service Asia» серіктестігі салған В санатты, заманауи жол бойы қызмет көрсету кешенін Өздеріңізбен бірге салтанатты түрде ашамыз. Жоба құны 1 млрд теңге, 22 орындық қонақ үй, 110 келушіге арналған қоғамдық тамақтану орны, 50 орындық монша, автовокзал және жанар-жағар май бекеті сынды нысандар іске қосылды. Кешенде 64 адам тұрақты жұмыспен қамтылды.Аймақ басшысы өткен айда ауданға іссапармен келгенде жаңа нысанды көріп, жол бойындағы қызмет көрсетудің озық тәжірибелеріне сүйеніп жұмысты жетілдіре түсу маңызды екенін атап өткен болатын. Жаңа кешеннің жұмысы табысты, берекелі болсын!», – деді А.Зебешев.</blockquote>Рәсімде ауданның әлеуметтік-экономикалық дамуына үлес қосқан азаматтар мен жол бойындағы қызмет көрсету кешенінің құрылысын салған мердігер мекеме өкілдері облыс әкімінің Алғыс хатымен марапатталып, Сырдария, Жаңақорған аудандарының құрметті азаматы Сұлтанбек Тәуіпбаев бата берді.Айта кетейік, «Батыс Еуропа – Батыс Қытай» халықаралық авомобиль дәлізінің Қызылорда облысы аумағында 58 сервистік нысан жұмыс істейді, 1 050 адам жұмыспен қамтылған. Олардың 55-і, яғни 94,8 пайызы ұлттық стандарттарға сәйкестендірілген. Бұл көрсеткішпен Қызылорда облысы республикадағы алғашқы үштікке кіреді.<img src="https://knadmin.beoblood.kz/uploads/Zhol_bojy_yzmet_k_rsetu_kesheni_ashyldy_d4dc8b5a1e.jpg" alt="Жол бойы қызмет көрсету кешені ашылды.jpg"><img src="https://knadmin.beoblood.kz/uploads/3_Zhol_bojy_yzmet_k_rsetu_kesheni_ashyldy_157401fbd6.jpg" alt="3Жол бойы қызмет көрсету кешені ашылды.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам