<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Шіркейлі және Қоғалыкөл ауылдарында жүргізіліп жатқан газдандыру жұмыстарының барысымен танысты.Қоғалыкөл ауылын газдандыру жобасының жалпы құны 1,1 млрд теңгені құрайды. Жобаны жүзеге асыру үшін 2026 жылы республикалық бюджеттен бастауға 320 млн теңге бөлінген. Қазіргі таңда мердігер мекеме «Орда-Құрылыс» ЖШС жоғары қысымды газ құбырын тарту жұмыстарын жүргізуде. Жоба аясында жалпы ұзындығы 40,2 шақырым газ құбырын тарту және 4 газ реттегіш пунктін орнату көзделген.Ал Шіркейлі ауылын газдандыру жобасының құны 1,3 млрд теңгені құрайды. Аталған жобаға 2026 жылы республикалық бюджеттен бастауға 400 млн теңге қарастырылған. Бүгінде мердігер мекеме «Орда-Құрылыс» ЖШС тарапынан жоғары қысымды газ құбырын тарту жұмыстары атқарылуда. Жоба бойынша 47,54 шақырым газ құбырын тарту және 3 газ реттегіш пунктін орнату жоспарланған.Аудан әкімі құрылыс жұмыстарының сапалы әрі белгіленген мерзімде жүргізілуінің маңыздылығын атап өтіп, жауапты сала басшыларына тиісті тапсырмалар берді.Ауылдарды табиғи газбен қамтамасыз ету – тұрғындардың тұрмыс сапасын арттыруға, елді мекендердің инфрақұрылымын дамытуға бағытталған маңызды жобалардың бірі. Жұмыстардың толық аяқталуы Шіркейлі және Қоғалыкөл ауылдары тұрғындарының көгілдір отын игілігін пайдалануына мүмкіндік береді.<img src="https://knadmin.beoblood.kz/uploads/Shirkejli_o_alyk_l_auyldaryn_gazdandyru_1db734a5ac.jpg" alt="Шіркейлі, Қоғалыкөл ауылдарын газдандыру.jpg">

Шіркейлі және Қоғалыкөл ауылдарын газдандыру жұмыстары жүргізілуде

<a href="https://kyzylorda-news.kz/">Kyzylorda-news.kz</a> Қызылордада «Маусымашар – 2027» жайдарман фестивалі өтіп, жаңа маусымның шымылдығы түрілді. «Әділет» партиясы жанындағы «Жастар Рухы» жастар қанаты облыстық филиалының ұйымдастыруымен өткен сайысқа өңірдегі жоғары оқу орындары, колледждер мен аудандардан 11 команда қатысты. Ал жалпы маусымға қатысуға облыс бойынша 30-ға жуық ұжым өтініш білдірген.Қорқыт Ата атындағы Қызылорда университетінің Студенттер сарайында өткен ойын «Заң мен тәртіп – Әділетті Қазақстан үшін!» тақырыбына арналды. Қатысушылар әзіл мен тапқырлық арқылы қоғамдағы өзекті мәселелерді қозғап, көрерменге көтеріңкі көңіл күй сыйлады.Фестивальдің ашылуында сөз сөйлеген «Әділет» партиясы Қызылорда облыстық филиалының төрағасы Жандос Базартай жастардың шығармашылық бастамаларына қолдау көрсетудің маңызын атап өтті.<img src="https://knadmin.beoblood.kz/uploads/Whats_App_Image_2026_10_09_at_10_50_33_2_d16242c50a.jpeg" alt="Маусымашарjpeg"><blockquote>«Бүгінгі фестиваль – жай ғана әзіл сайысы емес, жастардың қабілетін танытып, шығармашылығын шыңдайтын мүмкіндік. Мемлекет басшысы көтерген «Заң мен тәртіп» қағидаты қоғам өмірінің барлық саласында маңызға ие. Жастар да осы құндылықтарды өз өнері арқылы насихаттай алады. Осы маусымға 300-ге жуық команда қатысуға ниет білдіруі – өңір жастарының Жайдарманға деген қызығушылығы жоғары екенін көрсетеді. Біздің міндетіміз – осы әлеуетті қолдап, талантты жастардың өсуіне жағдай жасау. Сондықтан биыл ойындарды маусым бойы тегін өткізіп, командаларға тұрақты қолдау көрсетуді қолға алдық», – деді Жандос Базартай.</blockquote>Биылғы маусымда командаларға ерекше көңіл бөлінбек. Қазылар алқасының мүшелері ұжымдарды жеке-жеке қамқорлыққа алып, жыл бойы шығармашылық бағыт-бағдар береді. Бұл қатысушылардың сахнадағы шеберлігін жетілдіріп, әзіл жазу мәдениетін дамытуына жол ашады.Жастардың әлеуетін ашу, бастамаларын қолдау және олардың қоғамдық өмірге белсенді араласуына жағдай жасау – «Әділет» партиясының басым бағыттарының бірі. Жайдарман қозғалысы осы мақсаттарды жүзеге асырудың тиімді алаңына айналып, жастардың өзін көрсетуіне әрі ортақ құндылықтарды шығармашылықпен насихаттауына мүмкіндік береді.Маусым бойы үздік нәтиже көрсеткен командалар арнайы сыйлықтармен марапатталады. Ал алғашқы ойынның қорытындысы бойынша «PROFI» спорт тауарлары дүкені арнайы тіккен кубок «AMG» командасына табысталды. Ал 50 мың теңгелік қаржылай сыйлықты И. Әбдікәрімов атындағы Қызылорда политехникалық жоғары колледжінің «Арбаттың бойы» командасы иеленді.Жергілікті кәсіпкерлердің қолдауы да жобаның ауқымын кеңейтуге ықпал етіп отыр. Ұйымдастырушылардың мақсаты – өңірдегі Жайдарман қозғалысын дамыту, жас таланттарға жол ашу және Сыр елінің үздік командаларын республикалық деңгейде таныту. «Маусымашар – 2027» осылайша жаңа маусымға серпін беріп, Сыр жастарының шығармашылық бәсекесіне жол ашты.<img src="https://knadmin.beoblood.kz/uploads/Whats_App_Image_2026_10_09_at_10_50_33_1_364b8b426f.jpeg" alt="Маусымашар.jpeg">

«Әділет» партиясы Сыр жастарының шығармашылығына қолдау көрсетеді

<a href="https://kyzylorda-news.kz/">Kyzylorda-news.kz</a> Жаңақорған ауданы әкімінің тапсырмасына сәйкес әкімшілік құқық бұзушылық туралы материалдарды электрондық форматта рәсімдеу жұмыстарын жетілдіру мақсатында Шалқия кенті, Қандөз, Сүттіқұдық, Төменарық, Сунақата, Аққорған, Келінтөбе, Қожакент және Жаманбай батыр ауылдық округтеріне планшет құрылғылары алынып, пайдалануға берілді.Осыған байланысты аудан әкімдігінің мәжіліс залында әкімшілік құқық бұзушылық туралы материалдарды электрондық форматта рәсімдеу және Е-РАП ақпараттық жүйесін пайдалану бойынша құқықтық оқыту семинар-кеңесі өткізілді. Іс-шараға аталған елді мекендердің әкімдері мен мамандары қатысты.Семинар барысында Қазақстан Республикасы Бас прокуратурасының Құқықтық статистика және арнайы есепке алу комитетінің Қызылорда облысы бойынша департаменті, Жаңақорған аудандық полиция бөлімі және Жаңақорған кенті әкімдігі өкілдері тарапынан әкімшілік құқық бұзушылық туралы материалдарды электрондық форматта рәсімдеу, Е-РАП ақпараттық жүйесімен жұмыс жүргізу және планшет құрылғыларын пайдалану тәртібі бойынша түсіндірмелер берілді.Қатысушыларға электрондық форматта материалдарды рәсімдеу кезінде туындайтын практикалық мәселелер бойынша түсіндірмелер беріліп, тиісті тапсырмалар жүктелді.

«Заң мен тәртіп» қағидатын нығайту және «Таза Қазақстан» идеясын ілгерілету бағытында семинар-кеңес өтті

<a href="https://kyzylorda-news.kz/">Kyzylorda-news.kz</a> Қазалы ауданының орталығы – Әйтеке би кентінің шеткі аумақтарында жаппай тазалық жұмыстары ұйымдастырылды.Тазалық шарасы Мемлекет басшысы Қасым-Жомарт Кемелұлы Тоқаевтың бастамасымен жүзеге асырылып келе жатқан «Таза Қазақстан» экологиялық тазалық акциясы аясында өткізілді. Негізгі мақсат – елді мекеннің санитарлық тазалығын сақтау, қоршаған ортаны абаттандыру және тұрғындар арасында тазалық мәдениетін қалыптастыру.Кенттегі тазалық жұмыстары Қазақ қорымы аумағындағы Әбдіраман Елубаев көшесінің бойында жүргізілді. Шараға мекеме-кәсіпорындардың ұжымдары, тұрғындар белсенді қатысты.Тазалық шарасы барысында аумақта шашылған күл-қоқыстар жиналып, ретсіз өскен шөптер шабылды. Жиналған қоқыстар арнайы орындарға шығарылып, аумақ санитарлық талаптарға сай тазартылды.Тазалық жұмыстарына аудан әкімі Алмасбек Есмаханов та қатысып, көпшілікпен бірге аумақты тазалауға атсалысты. Жалпы шараға мекеме ұжымдарынан 300-ден астам адам қатысып, 3 техника жұмылдырылды. Нәтижесінде 20 тоннаға жуық қоқыс арнайы орындарға шығарылды.

Қазалы: Әйтеке би кентінің шеткі аумақтарында жаппай тазалық жұмыстары ұйымдастырылды

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев пен ТМД мемлекеттері басшылары ұлттық тағамдар фестивалін аралады.Түрікменстан павильонында мемлекеттер басшыларының назарына жергілікті бақша және нан-тоқаш өнімдері, түрікмен кілемдері қойылған көрме ұсынылды. Сонымен қатар әдеби-сазды «Оғыздар» («Огузлар») қойылымы көрсетілді.Қазақстанның ұлттық павильоны еліміздің тарихи-мәдени бай мұрасы мен заманауи жетістіктерін танытатын бірқатар тақырыптық алаңнан тұрады.Мемлекеттер басшыларына ТМД-ға мүше елдердің ұлттық тағамдарын әзірлеу барысы таныстырылды. Фестиваль аясында президенттердің қатысуымен Ұйымға мүше мемлекеттер арасында өткен «Жүйріктің шабысы: күш пен сымбат» атты телевизиялық фильмдер байқауының жеңімпаздары марапатталды.<img src="https://knadmin.beoblood.kz/uploads/Prezident_TMD_ltty_ta_amdar_festivali_2_e0a7966c7c.jpg" alt="Президент ТМД ұлттық тағамдар фестивалі 2.jpg">

ТМД мемлекеттері басшылары ұлттық тағамдар фестивалін тамашалады

<a href="https://kyzylorda-news.kz/">Kyzylorda-news.kz</a> Облыс әкімінің тапсырмасына сәйкес Сырдария ауданы Тереңөзек кентіндегі «Руханият» орталығында кәсіпкерлер мен тұрғындарға мемлекеттік және өңірлік бағдарламалар аясында көрсетілетін қолдау шаралары бойынша түсіндіру жұмыстары жүргізілді.Кездесуге Қызылорда облысының ауылшаруашылығы және жер қатынастары басқармасы басшысының орынбасары Абдрасилов Дәулетбек Жәнібекұлы, Қызылорда облысының кәсіпкерлік және өнеркәсіп басқармасының бас маманы Әденова Мая Бақытжанқызы, Қызылорда облысының табиғи ресурстар және табиғат пайдалануды реттеу басқармасының бас маманы Қыстаубаев Күндібай Мырзабайұлы, «Байқоңыр» әлеуметтік кәсіпкерлік корпорациясы» АҚ-ның, «Қызылорда» өңірлік инвестициялық орталығы» микроқаржы ұйымының, «Даму» кәсіпкерлікті дамыту қорының Қызылорда облысы бойынша филиалының, «Аграрлық несие корпорациясы» АҚ-ның Қызылорда облысы бойынша филиалының, «Атамекен» Ұлттық кәсіпкер палатасының Қызылорда облысы бойынша филиалының, «Мансап» орталығының және екінші деңгейлі банктер өкілдері қатысты.&nbsp;Жиынды Сырдария ауданы әкімінің орынбасары Ерлан Ахетов ашып, кәсіпкерлікті дамыту, жаңа жұмыс орындарын ашу және тұрғындардың табысын арттыру бағытындағы мемлекеттік қолдау тетіктерінің маңыздылығына тоқталды.Іс-шараға кент және ауылдық округ әкімдерімен қатар, 100-ге жуық кәсіпкер мен тұрғын қатысып, несие алу, қайтарымсыз гранттарға қатысу, субсидиялау және өзге де мемлекеттік қолдау шаралары жөнінде ақпарат алды.Кездесу барысында сала мамандары қатысушылардың сауалдарына жауап беріп, кәсіпкерлік жобаларды іске асыруға қатысты нақты кеңестер берді. Кәсіпкерлікті қолдау – экономикалық белсенділікті арттырып, жаңа жұмыс орындарын құруға және халықтың әл-ауқатын жақсартуға бағытталған маңызды тетік екені түсіндірілді.

Өңірлік бағдарламалар аясында көрсетілетін қолдау шаралары бойынша түсіндіру жұмыстары жүргізілді

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев стенд атудан ХХ Азия ойындарының қола жүлдегері Әлішер Айсалбаевпен және оның бапкері Максим Коломоецпен кездесті. Спортшыны айтулы жетістігімен құттықтап, халықаралық аренада ел намысын абыроймен қорғағаны үшін алғысын білдірді.<blockquote>«Сіздер бағындырған белес – тынымсыз жаттығу мен ерен еңбектің нәтижесі. Мұқалмас жігер, табандылық пен жоғары дайындықтың арқасында еліміздің көк туы биікте желбіреп, халықаралық аренадағы мерейі асқақтады. Өскелең ұрпақты салауатты өмір салтына баулуға, спортты дамытуға қосқан үлесіңіз үшін ризашылығымды білдіремін. Алдағы халықаралық бәсекелерде де бақтарыңыз жана берсін. Шаңырақтарыңызға шаттық, бақ-береке, отбасыларыңызға зор денсаулық пен қуаныш тілеймін. Еліміздің абыройын асқақтатар жеңісті күндеріңіз көп болсын», – деді Мұрат Нәлқожаұлы.</blockquote>Кездесуде спортшыға облыс әкімінің Алғыс хаты және 1 млн теңге көлеміндегі қаржылай сертификат табысталды. Ал бапкері облыс әкімінің Алғыс хатымен марапатталды.Айта кетейік, 19 қыркүйек пен 4 қазан аралығында Жапонияның Нагоя қаласында ХХ Азия ойындары өтті. Байрақты бәсекеге Азияның 45 елінен 15 мыңға жуық спортшы қатысты.

Азия ойындарының қола жүлдегеріне құрмет көрсетілді

<a href="https://kyzylorda-news.kz/">Kyzylorda-news.kz</a> Арал ауданында тұрғындар қауіпсіздігін қамтамасыз ету және төтенше жағдайларға жедел ден қою мүмкіндігін арттыру бағытындағы жұмыстар жалғасуда.«Ауыл құтқарушылары» республикалық бағдарламасы аясында Қызылжар және Қамыстыбас ауылдарында жаңа өрт сөндіру бекеттері ашылды. Бекеттер шалғай елді мекендердегі өрт қауіпсіздігін күшейтіп, төтенше жағдай кезінде алғашқы жедел көмекті ұйымдастыруға мүмкіндік береді.Қызылжар ауылындағы бекет Қызылжар, Ақшатау, Шөмішкөл, Ескіұра және Райым ауылдарындағы 1013 тұрғынның қауіпсіздігін қамтамасыз етуге бағытталған.Ал Қамыстыбас ауылындағы жаңа бекет ауданның Сыр беткейіндегі елді мекендер үшін маңызды тірекке айналмақ. Жалпы, өңірде аталған бағдарлама аясында 35 өрт сөндіру бекеті салынған.Жаңа бекеттердің ашылуы – ауданның азаматтық қорғау саласындағы материалдық-техникалық мүмкіндіктерін арттырып, өрттің алдын алу, төтенше жағдайларға жедел әрекет ету және тұрғындардың қауіпсіздігін қамтамасыз ету әлеуетін күшейтеді.Бұл бағыттағы жұмыстар алдағы уақытта да жалғасып, ауылдық елді мекендердегі қауіпсіздік жүйесін одан әрі жетілдіруге мүмкіндік береді.<img src="https://knadmin.beoblood.kz/uploads/Aral_rt_s_ndiru_beketi_2_28f21240fb.jpg" alt="Арал өрт сөндіру бекеті 2.jpg">

Аралда жаңадан ашылған өрт сөндіру бекеттері  жұмыс жасауда

<a href="https://kyzylorda-news.kz/">Kyzylorda-news.kz</a> Облыс әкімінің тапсырмасымен Жалағаш ауданы «Руханият орталығында» кәсіпкерлікті қолдау бағыттары бойынша ақпараттық-түсіндіру жұмыстары жүргізілді.Жиынға Жалағаш ауданы әкімінің орынбасары Ғалымжан Рахатов, облыстық ауыл шаруашылығы және жер қатынастары басқармасы басшысының орынбасары Дәулетбек Абдирасилов, облыстық кәсіпкерлік және өнеркәсіп басқармасының бас маманы Мая Әденова, сондай-ақ, Мансап орталығы, «Атамекен» Ұлттық кәсіпкерлер палатасы, «Даму» кәсіпкерлікті дамыту қоры, екінші деңгейлі банктер мен қаржы ұйымдарының өкілдері қатысты.Жиынды Ғалымжан Рахатов ашып, кәсіпкерлерді қолдаудың маңыздылығына тоқталды. Кездесуге ауданның барлық ауылдық округінен 100-ден астам кәсіпкер қатысып, бизнесті дамыту, қаржыландыру және мемлекеттік қолдау тетіктері бойынша ақпарат алды.Іс-шара барысында мемлекеттік бағдарламалар, жеңілдетілген несие, қаржыландыру мүмкіндіктері, ауыл шаруашылығы саласындағы қолдау шаралары және кәсіпкерлік жобаларды сүйемелдеу бағыттары түсіндірілді.Кездесу соңында кәсіпкерлер сала мамандарына сұрақтарын қойып, жеке кеңес алды.<img src="https://knadmin.beoblood.kz/uploads/Memlekettik_oldau_sharalaryn_t_sindiru_2_ed2817283e.jpg" alt="Мемлекеттік қолдау шараларын түсіндіру 2.jpg">

Кәсіпкерлерге және кәсіп бастауға ниетті азаматтарға мемлекеттік қолдау шаралары түсіндірілді

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков тиісті сала басшыларымен бірге Мемлекет басшысының бастамасымен жүзеге асырылып жатқан «Таза Қазақстан» экологиялық акциясы аясында Шиелі ауданындағы абаттандыру және көгалдандыру жұмыстарының барысын аралап, атқарылған жұмыстарды саралады.Аралау барысында кент аумағындағы орталық көшелердің тазалығы мен санитарлық жағдайы, кәсіпкерлік нысандардың сыртқы келбеті, сондай-ақ демалыс орындарының күтіп-ұсталуы назарға алынды.Сонымен қатар, жол бойындағы ретсіз қоқыс орындарын жою, көше бойларын біріздендіру және қоғамдық орындардың эстетикалық келбетін жақсарту бағытындағы жұмыстар пысықталды.Аудан әкімі абаттандыру жұмыстарының сапалы әрі белгіленген мерзімде орындалуы маңызды екенін атап өтіп, жауапты сала басшыларына нақты тапсырмалар берді. Әсіресе, тазалық жұмыстарын жүйелі түрде жүргізіп, тұрғындардың экологиялық мәдениетін қалыптастыру бағытындағы жұмыстарды күшейтуді тапсырды.Сондай-ақ аудан басшысы тазалық пен тәртіптің баршаға ортақ міндет екенін атап өтіп, тұрғындарды туған жердің тазалығына жауапкершілікпен қарап, қоршаған ортаны қорғау мен елді мекеннің көркеюіне белсенді атсалысуға шақырды.<img src="https://knadmin.beoblood.kz/uploads/Shieli_audany_abattandyru_zh_mystary_2_4f1690c127.jpg" alt="Шиелі ауданы абаттандыру жұмыстары 2.jpg">

«Таза Қазақстан»: Шиелі ауданында абаттандыру жұмыстары сараланды 

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев Тереңөзек кентіндегі Ғ.Мұратбаев және Қ.Бөдеев көшелерінде жаңадан салынып жатқан балалар ойын алаңдарының құрылыс жұмыстарымен танысты.Аталған жобаны жүзеге асыруға аудандық бюджеттен қаржы бөлініп, құрылыс жұмыстарын «Арнұр» жеке кәсіпкері жүргізуде. Қазіргі таңда ойын алаңдарының аумағын абаттандырып, газон төсеу жұмыстары жүргізілуде. Нысандардың айналасын көріктендірумен қатар, балалардың бос уақытын тиімді өткізуіне мүмкіндік береді.Аудан әкімі құрылыс барысын бақылап, жұмыстардың сапалы әрі белгіленген талаптарға сәйкес орындалуын тапсырды.<img src="https://knadmin.beoblood.kz/uploads/Syrdariya_ojyn_ala_dary_2_93fbc36e00.jpg" alt="Сырдария ойын алаңдары 2.jpg">

Жаңа ойын алаңдарының құрылысымен танысты

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласындағы «Болашақ» университетінің Б. Сапарбаев атындағы Атриум мәжіліс залында Облыстық ардагерлер кеңесінің ұйымдастыруымен «Ұрпақтар сабақтастығы және ұлттық құндылықтарды насихаттаудағы ардагерлер рөлі» тақырыбында тағылымды жиын өтті.Басқосудың басты мақсаты – аға буынның өмірлік тәжірибесі мен өнегесін жас ұрпаққа жеткізу, ұлттық құндылықтарды дәріптеу, жастар тәрбиесіндегі ардагерлердің қоғамдық рөлін арттыру және ұрпақтар арасындағы сабақтастықты нығайту.Жиынға ел дамуына елеулі үлес қосқан ардагерлер, зиялы қауым өкілдері, Қорқыт Ата атындағы Қызылорда университеті мен «Болашақ» университетінің оқытушылары, студенттер және бұқаралық ақпарат құралдарының өкілдері қатысты.Жиынды Қызылорда облыстық ардагерлер кеңесінің төрағасы Серік Әбішұлы Дүйсенбаев жүргізіп, кездесудің мақсаты мен маңызына тоқталды. Сонымен қатар Қызылорда облыстық мәслихатының төрағасы Мұрат Жолкелдіұлы Тілеуімбетов қатысушыларға сәттілік тілеп, тақырып аясында өз ой-пікірін білдірді.Кездесу барысында Мемлекет басшысы Қасым-Жомарт Тоқаевтың қоғамда отаншылдық, білімпаздық, еңбекқорлық, адалдық, әділдік, тәртіп пен жауапкершілік құндылықтарын орнықтыру жөніндегі бастамаларына ерекше назар аударылды. Осы қасиеттерді жас ұрпақтың бойына сіңіруде отбасы, білім беру ұйымдары мен қоғаммен қатар, аға буын өкілдерінің де орны айрықша екені атап өтілді.Ұлттық құндылық – ұрпаққа аманатҰрпақтар сабақтастығы – ұлттық тәрбиенің негізіЖиында Республикалық ардагерлер ұйымы ұсынған «Ұрпақтар сабақтастығы және ұлттық құндылықтар» жобасының негізгі бағыттары кеңінен таныстырылды.Олардың қатарында «Үлкенді құрметтеу – ұлттық дәстүр», «Кітаппен келешекке», «Алтын Орда – тарихи сана мен бабалар аманаты», «Отбасы құндылықтарын қастерлеу», «Дәстүр мен дін – егіз ұғым», «Таза ауыл – тағылымды ұрпақ», «Адал еңбек – адал табыс» бағыттары бар.Бұл бастамалардың барлығы жас ұрпақтың бойына ұлттық тәрбие, отансүйгіштік, еңбекқорлық, білімге құштарлық, үлкенге құрмет, кішіге ізет және қоғам алдындағы жауапкершілік сияқты қасиеттерді қалыптастыруға бағытталған.Жиында отбасы құндылықтарын сақтау және неке тұрақтылығы мәселесіне ерекше мән берілді. Еңбек ардагері, «Құрмет», «Парасат» ордендерінің иегері, Т. Жүргенов атындағы қоғамдық қорының Құрметті төрағасы Аңсат Сәби Әбдіқадырұлы «Отбасы құндылықтарын қастерлеу және неке тұрақтылығы» тақырыбында баяндама жасап, берік отбасының қоғам тұрақтылығындағы маңызына тоқталды.Ал қоғам қайраткері, Қызылорда облысының Құрметті азаматы, «Ұрпақтан-ұрпаққа» қоғамдық бірлестігінің төрағасы Сайлаубай Әбішев «Үлкенді құрметтеу – ұлттық дәстүр» тақырыбында сөз сөйлеп, қазақ халқының ғасырлар бойы қалыптасқан үлкенді сыйлау, кішіге қамқор болу дәстүрінің тәрбиелік мәнін атап өтті.Дәстүр мен дін – ұлттық бірегейліктің тірегіКездесуде дәстүрлі дін, ұлттық бірегейлік және жастарды жат ағымдардың ықпалынан қорғау мәселелері де кеңінен талқыланды.«Болашақ» университетінің «Филология, журналистика және тарих» кафедрасының аға оқытушысы, Қазақстан Республикасының мәдениет қайраткері Берік Рахманұлы Саймағанбетов «Дәстүрлі дін және ұлттық бірегейлік: жат ағымдарға жол жоқ» тақырыбында баяндама жасады.Ал Қызылорда облысының бас имамы, дінтанушы Дастан Құрманбаев осы бағыттағы мәселелерге діни тұрғыдан сараптамалық пікір білдірді.Баяндамашылар жастардың діни сауаттылығын арттыру, ұлттық дәстүр мен рухани құндылықтарды қатар дәріптеу және түрлі теріс идеологиялардың алдын алудың маңыздылығын атап өтті.Кітап оқу – рухани кемелденудің жолыЖиында жастардың кітап оқу мәдениетін қалыптастыруға да ерекше көңіл бөлінді.Қазақстанның Құрметті кітапханашысы, «Болашақ» университетінің аға оқытушысы Шамшахар Қанқожаева «Кітаппен келешекке» тақырыбында баяндама жасап, Мемлекет басшысының кітап оқу мәдениетін арттыруға бағытталған бастамаларының маңызына тоқталды.«Бір отбасы – бір кітап» бастамасын дамыту, жастарды сапалы әдебиет оқуға баулу және кітап арқылы олардың дүниетанымын кеңейту – ұрпақ тәрбиесінің маңызды бағыттарының бірі екені айтылды.Тарихын білген ұрпақ – елін қадірлейдіТарихи сананы қалыптастыру мәселесі де жиынның маңызды тақырыптарының біріне айналды.Тарих ғылымдарының докторы, Қорқыт Ата атындағы Қызылорда университетінің құрметті профессоры Тастанбек Сәтбай «Алтын Орда – тарихи сана мен бабалар аманаты» тақырыбында баяндама жасап, жас ұрпақтың ел тарихын терең білуінің маңызын атап өтті.Туған жер тарихын зерделеу, тарихи-мәдени орындарға бірлескен сапарлар ұйымдастыру, өлкетану жұмыстарын жандандыру арқылы жастардың тарихи жады мен ұлттық мақтанышын қалыптастыру қажеттігі сөз болды.Философия ғылымдарының докторы, Қорқыт Ата атындағы Қызылорда университетінің профессоры Баймырза Қожамберлиев «Жастар тәрбиесі: адал адам, табиғатты сүю және жасампаз патриотизм» тақырыбында баяндама жасап, жастарды адалдыққа, еңбекке, елжандылыққа және қоршаған ортаны қорғауға тәрбиелеудің маңызына тоқталды.Ұлттық құндылық – ұрпаққа аманат Зиянды әдеттердің алдын алу – ортақ міндетЖиында жастар арасында кездесетін зиянды әдеттердің алдын алу мәселесі де назардан тыс қалмады.Облыстық ішкі істер саласы ардагерлер ұйымының төрағасы, облыстық мәслихат депутаты Әмірбек Шаймағанбетов «Зиянды әдеттермен күрес (құмар ойындар)» тақырыбында сөз сөйлеп, құмар ойындардың қоғамға, отбасыға және жастардың болашағына тигізетін кері әсеріне тоқталды.Сонымен қатар «Құрмет» орденінің иегері, Сырдария ауданының Құрметті азаматы Әріп Битілеуұлы Хожбанов сөз алып, басқосудың тәрбиелік және қоғамдық маңызына тоқталды.Жиын барысында жастарды адалдыққа, отансүйгіштікке, ұлттық дәстүрді құрметтеуге, білім мен еңбекке ұмтылуға тәрбиелеудің маңыздылығы айтылды. Ардагерлердің өмірлік тәжірибесі мен тағылымды жолын жас буынға жеткізу – ұрпақтар сабақтастығын нығайтудың тиімді жолы екені атап өтілді.Сондай-ақ ардагерлер мен жастардың бірлескен тарихи-танымдық кездесулерін, кітап оқу, экологиялық, қайырымдылық және тәрбиелік бағыттағы іс-шараларды жүйелі түрде ұйымдастыру жөнінде ұсыныстар айтылды.Осындай тағылымды кездесулер аға буынның өмірлік тәжірибесін жас ұрпаққа жеткізіп қана қоймай, жастардың ұлттық сана-сезімін қалыптастыруға, азаматтық жауапкершілігін арттыруға және ел болашағына деген сенімін нығайтуға мүмкіндік береді.Қызылорда облыстық ардагерлер кеңесі алдағы уақытта да ұрпақтар сабақтастығын нығайту, ұлттық құндылықтарды дәріптеу және жастармен жұмысты жаңа мазмұнмен толықтыру бағытындағы жұмыстарды жалғастыра бермек.Ұлттық құндылық – ұрпаққа аманат. Ұрпақ тәрбиесі – ел болашағы.<img src="https://knadmin.beoblood.kz/uploads/Bolasha_universiteti_2_2a60a3eb44.webp" alt="Болашақ университеті 2.webp">

Қазақстан және Қызылорда облысының жаңалықтары: Қоғам