<a href="https://kyzylorda-news.kz/">Kyzylorda-news.kz</a> 2024 жылдың 9 айында ішкі туристер саны 562 мыңға артып, 6 млн адамға жетті.Шетелден келетін туристер легі 11,5 млн адамды құрады, бұл 2023 жылдың сәйкес кезеңіндегі көрсеткішпен салыстырғанда екі есеге жуық көп. Оның ішінде шетелдік 969 мың турист орналастыру орындарына жайғасты.Бұл көрсеткіштер қабылданып жатқан шаралардың тиімділігі мен туристік бағыт ретінде Қазақстанға қызығушылықтың артып келе жатқанын айғақтайды.Саланың экономикалық көрсеткіштері де айтарлықтай өсім көрсетіп отыр.Орналастыру нысандарының жалпы кірісі 27%-ға өсіп, 224 млрд теңгені құрады.Орналастыру нысандарының саны 306 бірлікке өсіп, 4 315-ке жетті, ал олардың сыйымдылығы 18 мың төсек-орынға дейін артып, 226 мыңды құрады.Бұл Қазақстанның ішкі және халықаралық туристерді қабылдауға дайындығын едәуір арттыруға мүмкіндік береді.Туризмге салынған инвестиция көлемі қарқынды өсіп келеді. 2024 жылдың 10 айында олардың көлемі 33,6%-ға артып, 668,1 млрд теңгені құрады.Фото: ашық дереккөз

Еліміздің туризм саласы тұрақты түрде дамып келеді

<a href="https://kyzylorda-news.kz/">Kyzylorda-news.kz</a> Қызылорда облысының АХАТ басқармасында егіздердің ата-анасына туу туралы куәлік салтанатты түрде табыс етілді, деп хабарлайды "Азаматтарға арналған үкімет" Қызылорда облысы бойынша филиалы.Азамат пен Айнұр Баймахановтар отбасында үлкен мереке Арай мен Нұрай егіздері дүниеге келді. Олардың үш ағасы мен екі әпкесі бар. Жаңа ата-аналардың айтуынша, олардың тұқымында егіздердің пайда болуы генетикалық бейімділік.<blockquote>"Менің анамның егіз әпкесі бар. Енді менің көп балалы отбасымда егіз қыздар дүниеге келді. Узиде бізге егіздер болатынын айтқан кезде, біз, әрине, сенбедік, бірақ қатты қуандық. Мемлекеттік корпорация филиалына мереке ұйымдастырып, салтанатты жағдайда қыздарымның алғашқы құжаттарын тапсырғаны үшін рахмет", - дейді Айнұр Баймаханова.</blockquote>Осы айтулы күні филиал директоры Аида Ибрагимқызы мемлекеттік корпорация атынан егіздердің ата-аналарына жаңа туған нәрестелерге арналған алғашқы керек-жарақтарды табыс етті."Салтанатты жағдайда тапсыру бұл жай ғана формальдылық емес, өмір бойы есте қалатын рәсімнің маңызды бөлігі. Біз бұл айтулы сәттің отбасы өміріндегі әрбір жаңа кезеңнің бақыты мен маңыздылығының символы ретінде есте қалғанын қалаймыз", - деп атап өтті "Азаматтарға арналған үкімет" мемлекеттік корпорациясының облыстық филиалының директоры Аида Абибулаева.<blockquote>Айта кетейік, Қызылорда облысында жыл басынан бері 171 отбасында егіздер дүниеге келген. Көшбасшылар үштігінде: Қызылорда (102 жұп), Арал ауданы (40), Қазалы және Шиелі аудандары – (20-дан).</blockquote>Айта кетейік, жыл басынан бері Қызылорда облысында үшемнің тууы тіркелген жоқ.

Қызылордада егіздердің ата-анасына туу туралы куәлік салтанатты түрде табысталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев өңірге шетелдік инвестиция мен озық технологиялар тарту мақсатында Италия, Испания және Түркия елдеріне іссапармен барды. Іссапар барысында өнеркәсіп қауымдастығымен, биохимиялық ерітінділер, медициналық реагенттер, санитарлық-техникалық бұйымдар, гидрооқшауланған бетон, ауыл және орман шаруашылығына арналған озық датчиктер өндіретін, тері, жүн өңдейтін өндіріс орындарымен танысып, келіссөздер жүргізді.Аймақта қазақстандық күріштің 90%-дан астамы өндірілетіні белгілі. Суды көп қажет ететін дақылды баптаудың жаңа технологияларын енгізуде нақты қадам жасады. Мәселен, «Абзал және К» компаниясы италиялық екі ірі кәсіпорынмен, атап айтқанда, «Poluzzi Track System Engineering » және « Omodei Zorini» компанияларымен келісімге қол жеткізді. Сонымен қатар, «Ravaro» компаниясымен астық кептіргіш жеткізу туралы келісім жасалды.Мұнан бөлек, аймақ басшысы Түркияда «Arbel Group» компаниясының басқарма төрағасы Хусейн Арслан мырзамен кездесті. Кездесуде аймақтың күріш өндіру саласындағы мүмкіндіктері мен жаңа жобалар жайы талқыланды.<blockquote>«Облыста күріш өндірумен айналысатын әрі халықаралық нарықта табысты нәтижеге ие бірқатар ірі компанияларымыз бар. Олардың жетекшілері бірлесе жұмыс істеуге қызығушылық танытуда» - деді Н.Нәлібаев.</blockquote>Кездесулерде облыс әкімдігі өңдеу өнеркәсібін дамыту үшін заң аясында барлық қолдау шараларын көрсететіні айтылды.Фото: Қызылорда облысы әкімінің баспасөз қызметі

 Облыс әкімі шетелдік инвесторлармен жаңа технологияларды енгізуге бағытталған келісімдер жасады

<a href="https://kyzylorda-news.kz/">Kyzylorda-news.kz</a> &nbsp;Талғардың шетінен Нұрғанат Ғайыпбаевтың&nbsp;денесі табылды.&nbsp;Бұл туралы&nbsp;<a href="https://stan.kz/ozine-kol-salgan-sherzat-bolattin-agasinin-denesi-tabil-410838/">Stan.kz</a>&nbsp;ақпарат агенттігі хабарлайды.Полицейлердің мәліметінше, 30 жастағы ер адамның денесі Талғар қаласының маңынан табылған. Алдын ала болжам бойынша, ол асылып, өз-өзіне қол жұмсаған.<blockquote>"Марқұм&nbsp;Шерзат Болаттың ағасы екені анықталды. Тергеу сатысында қылмыстық сипаттағы белгілер анықталған жоқ", – делінген хабарламада.</blockquote>Облыстық полиция департаменті марқұм Шерзаттың отбасы үнемі полицияның қорғауында екенін атап өтті. Осы уақытта&nbsp;марқұмның отбасына қауіп төндіру фактілері тіркелмеген.<blockquote>"Қауіпсіздік қызметкерлерінің түсініктемесі бойынша, ер адамның күзетілетін нысаннан кешкі сағат 23:30-да өз көлігімен шығып кеткен. Тергеу мүддесі үшін басқа мәліметтер жарияланбайды", –&nbsp;деп қосты полиция.</blockquote>Полиция тек ресми ақпарат көздеріне сенуді сұрайды және жалған ақпарат тарату жауапкершілікке, соның ішінде қылмыстық жауапкершілікке әкеп соқтыратынын еске салады.<blockquote>“Нұрғанаттың және Шерзаттың отбасына көңіл айтамыз”, –&nbsp;деп жазылған Шерзат үшін ашылған парақшада.</blockquote>Айта кетейік, бұған дейін&nbsp;Талғарда&nbsp;жаппай төбелес болып, салдарынан 16 жастағы Шерзат Болат көз жұмған&nbsp;еді. Жанжал жасөспірімнің отбасы жұмыс істейтін дүкенде басталған. Жасөсіпірімнің өлімінен кейін&nbsp;Шерзат Болаттың үйін белгісіз біреулер өртеп&nbsp;кетті. Ішкі істер министрлігі Шерзаттың өліміне қатысты 10 адам күдікті деп танылып, бес қылмыстық іс қозғалғанын мәлімдеді. Сондай-ақ министрлік жасөспірімді&nbsp;өлтірді деп айыпталған&nbsp;күдіктілер&nbsp;арасында бұрын сотталғандар&nbsp;бар&nbsp;екенін де растады.&nbsp;Фото: stan.kz

Өзіне қол салған: Шерзат Болаттың ағасының денесі табылды

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау министрлігі 2025 жылы қандас қабылдау квотасының жобасын көпшілік талқылауына <a href="https://kaz.inform.kz/news/kazakstan-2025-zhili-kandastarga-kansha-kvota-bolmeksh-a933dd/">шығарды</a>.<blockquote>«Қандастарды қабылдаудың 2025 жылға арналған өңірлік квотасының саны 2 309 адам», – деп жазылған бұйрық жобасында.</blockquote>Ал қоныс аударушыларды қабылдау квотасының саны 7 344 адам болып белгіленбек. Министрлік өкілдері бұл жердегі қоныс аударушылар квотасы Қазақстанның өз ішінде жұмыспен қамту бағдарламалары аясында көшетін адамдарға берілетінін айтады.<blockquote>– Құжат еңбек тапшылығы бар өңірлердің қажеттілігі негізінде 9 653 адамнан тұратын қандастарды қабылдаудың өңірлік квотасын бекітуді көздейді, – деп жазылған құжатта. Яғни, аталмыш квотаға енген тұлғалар елдегі еңбек күшінің тапшылығы бар өңірлеріне жіберіледі деген сөз.</blockquote>2024 жылы қандас қабылдаудың өңірлік квотасы 2433 болған еді.Фото: qandastar.kz

Қазақстан 2025 жылы қандастарға қанша квота бөлмек

<a href="https://kyzylorda-news.kz/">Kyzylorda-news.kz</a> 2024 жылы канадалық HelloSafe аналитикалық және қаржылық платформасы Дүниежүзілік өркендеу индексін енгізді, деп хабарлайды&nbsp;<a href="https://www.ar.egemen.kz/">Egemen.kz</a>.Талдау Дүниежүзілік банк пен БҰҰ деректеріне сүйене отырып, 6 негізгі көрсеткіш бойынша: жан басына шаққандағы ЖІӨ, жан басына шаққандағы ЖҰӨ, ұлттық жинақтау деңгейі, адам дамуының индексі, Джини коэффициенті (индикаторы) бойынша кешенді түрде жүргізілген.Қазақстан әл-ауқатының орташа деңгейі бар елдердің рейтингіне еніп, Ресей, Беларусь, Қытай, Түркия, сондай-ақ Орталық Азия елдерін басып озды.Рейтингке сәйкес, ең бай елдер Люксембург, Норвегия және Ирландия деп танылған. Люксембургтің өркендеу индексі 86,2-ні құрайды.Рейтинг нәтижелері көрсеткендей, соңғы жылдары елімізде жүргізілген реформалар Қазақстанды әлемдік қауымдастық алдында көтеріп қана қоймай, өз жемісін берген. Мұны негізгі экономикалық көрсеткіштердің артуы да растайды.Айта кетейік, рейтинг елдер арасындағы айырмашылықтарды түсінгісі келетін саяхатшылар, инвесторлар және зерттеушілер үшін пайдалы.Фото:shutterstock.com

Қазақстан экономикалық өркендеу рейтингінде 50 елдің қатарына енді

<a href="https://kyzylorda-news.kz/">Kyzylorda-news.kz</a> Бүгін Қызылорда облысының 7 сайлау округінде шығып қалған мәслихат депутаттарының сайлауы өтіп жатыр. Науқан Қызылорда қаласындағы №19, Қармақшы ауданындағы №1 және №4, Жалағаш ауданындағы №12, Сырдария ауданындағы №11 және №12, Шиелі ауданындағы №3 бірмандаттық сайлау округтерінде ұйымдастырылуда.Сайлау бюллетеніне әр округтен 3 кандидат, барлығы 21 азамат енгізілді.Маңызды күнде таңмен таласа келген 87 жастағы сайлаушылардың бірі Әбдіқаппар Искаков өз таңдауын жасап, ақ батасын берді.&nbsp;Қазыналы қария мәслихат депутаттарын сайлау - аманат және жауапкершілік екенін атап өтті. Бұл ретте науқанға үлес қосу әрбір азаматтың құқығы деді.&nbsp;7 округ бойынша сайлаушыларға 14 учаскелік комиссия қызмет жасайды.&nbsp;Дауыс беру кешкі сағат 20.00-ге дейін жалғасады.

Қызылордада мәслихат депутаттарының  сайлауы өтуде

<a href="https://kyzylorda-news.kz/">Kyzylorda-news.kz</a> Қазақстанда 8 жаңа кәсіби мереке пайда болады.&nbsp;Еңбек және халықты әлеуметтік қорғау министрлігі мерекелердің&nbsp;бұйрығының жобасын дайындады. Бұл туралы<a href="https://stan.kz/kazakstanda-8-zhana-kasibi-mereke-payda-boladi-410775/"> Stan.kz</a> ақпарат агенттігі хабарлайды.Құжат 2024 жылғы 23 желтоқсанға дейін жария талқылау үшін "Ашық НҚА" порталында орналастырылған.Құжаттағы жаңадан қосылатын мерекелер тізбесі мынадай:28 қаңтар – қаржылық мониторингі органдарының күні; шілденің бірінші жексенбісі – теңіз және өзен көлігі қызметкерлерінің күні; тамыздың бірінші жексенбісі – теміржол көлігі қызметкерлерінің күні; қыркүйектің екінші жексенбісі – бақылау өлшеу аспаптары және автоматика саласы қызметкерлерінің күні; 2 қазан – еліміздегі&nbsp;техникалық және кәсіптік, орта білімнен кейінгі білім беру қызметкерлері күні; қазанның соңғы жексенбісі – автомобиль көлігі қызметкерлерінің күні; 10 қараша – бухгалтерлік есеп және аудит саласы қызметкерлерінің күні; 13 желтоқсан – қылмыстық-атқару жүйесі күні.Министрліктің мәліметінше, Ұлттық баспасөз күні мен Радио күні бүған дейін қаулымен бекітілгендіктен&nbsp;қайталанбас үшін тізімнен алынып тасталған.Бұл жаңа кәсіптік мерекелерді енгізу туралы ұсыныстарға тиісті қызмет салаларының уәкілетті мемлекеттік органдары бастамашылық жасады.Фото:&nbsp;freepik.com

Қазақстанда 8 жаңа кәсіби мереке пайда болады

<a href="https://kyzylorda-news.kz/">Kyzylorda-news.kz</a> Қызылорда қаласында пайдаланылмай жатқан жер учаскелерінің игерілуі бойынша талдау жұмыстары жүргізілуде.Бұған дейін Бәйтерек тұрғын ауданынан жалпы көлемі 9800 га қамтитын 5112 жер учаскесі жеке тұрғын үй құрылысы үшін табысталған. Талдау нәтижесі көрсеткендей осы учаскелердің 1883-і мақсатына сай игерілмегені анықталып отыр.Иелігіне жер алғанымен, жер иесінің оның игерілуіне салғырт қарауы салдарынан тұрғын аудандағы инженерлік инфрақұрылымдардың ұрлану деректері орын алған. Осы ретте, сала мамандары мақсатына сай уақытылы игерілмеген жер учаскелерін анықтап, заң тала­бына және тиісті алгоритм­дерге сәйкес мемлекетке қайтару жұмыстарын жүргізуде.Жалпы, қала бойынша 71 304 тұлға жер кезегіне тіркелген. Мемлекет меншігіне қайтарылған жер учаскелері аталған кезекте тұрған азаматтарға табысталатын болады.<img src="https://knadmin.beoblood.kz/uploads/Igerilmegen_zher_uchaskeleri_memleket_menshigine_ajtaryluda_1_5257d4f1d4.jpg" alt="Игерілмеген жер учаскелері мемлекет меншігіне қайтарылуда 1.jpg"><img src="https://knadmin.beoblood.kz/uploads/Igerilmegen_zher_uchaskeleri_memleket_menshigine_ajtaryluda_2_dde45fcd46.jpg" alt="Игерілмеген жер учаскелері мемлекет меншігіне қайтарылуда 2.jpg"><img src="https://knadmin.beoblood.kz/uploads/Igerilmegen_zher_uchaskeleri_memleket_menshigine_ajtaryluda_9be986b10e.jpg" alt="Игерілмеген жер учаскелері мемлекет меншігіне қайтарылуда.jpg">

Игерілмеген жер учаскелері мемлекет меншігіне қайтарылуда 

<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының Төрағасы Алмасбек Есмаханов қоғамдық қабылдау өткізіп, тұрғындардың өтініш-тілектерін тыңдады.Қабылдауға келген қала тұрғыны өзінің «Мерей» мөлтек ауданында тұратындығын жеткізіп, балалар ойын алаңын, жаяу жүргіншілер жолын салу, мөлтек ауданның тазалық жұмыстары мен қараусыз жүрген үй жануарларына қатысты мәселелер көтерілді.Филиал төрағасы ұсыныстарды нащарға алып, алдағы уақытта қала аумағындағы мәселелер жөнінде қала әкімдігімен бірлесіп, шешу жолдары қаралатынын жеткізді.Сонымен қатар, қабылдау барысында тұрғындардан гемодиализ орталықтарының жұмысына қатысты шағымдар түсіп, «Ауыл аманаты» жобасы бойынша ұсыныс талқыланды.Гемодиализ орталығының жайы бойынша құзырлы мекемелер және фракция мүшелерінің қатысуымен қосымша кездесу ұйымдастырылатын болды. Ал, «Ауыл аманаты» жобасына өтінім беру жолдары бойынша өтініш иесіне нақты кеңес беріліп, жоба артықшылықтары түсіндірілді.Филиал Төрағасы қабылдау барысында аталған барлық мәселе жеке бақылауында болып, жүзеге асыру бойынша тиісті шаралар қабылданатынын айтты.&nbsp;<img src="https://knadmin.beoblood.kz/uploads/469404600_996136572551979_8846123319161968550_n_ced26abfb8.jpg" alt="469404600_996136572551979_8846123319161968550_n.jpg"><img src="https://knadmin.beoblood.kz/uploads/469419634_996136532551983_2008950586417356600_n_830ecabad0.jpg" alt="469419634_996136532551983_2008950586417356600_n.jpg">

 Партия филиалының төрағасы тұрғындарды қабылдады

<a href="https://kyzylorda-news.kz/">Kyzylorda-news.kz</a> Қазір Қызылорда қаласының келбеті күн санап көркейіп келеді. Сол жағалаудағы жаңа қалада сәт сайын сәні мен салтанаты келіскен сәулетті ғимараттар сапы бой түзеп, оған қабаттас тағы да серпінді құрылыстар жүргізілуде. Осыған қарап-ақ, шырайлы шаһарымыздың алып құрылыс алаңына айналғанын аңғару қиын емес.Ел Президентінің, Үкімет басшысының қолдауымен және облыс әкімінің үйлестіруімен қаламызда ауқымды жобалар атқарылып, сол жағалаудан Жайлы мектеп, Оқушылар сарайы, Теннис орталығы ел игілігіне берілгені белгілі. Онан бөлек, №2 шағын ауданда 470 пәтерлік 10 көпқабатты үйдің кілті тұрғындарға табысталды. Жылына он мың адамға қызмет көрсете алатын Қан орталығы ашылды. Жалпы сыйымдылығы 200 жолаушыға шақталған заманауи үлгіде салынған автовокзал халыққа қалтқысыз қызмет көрсетіп келеді.Қуатты құрылыспен қабат көшелердің көгалдандырылуы, аулалардың абаттандырылуы, тұтас тазалықтың үйлестірілуі толықтай қамтамасыз етілуде.Бүгінге дейін бұқараның жиі бас қосатын Жастар ресурстық орталығы, Қазақ орталық атқару комитетінің музейі де, «Болашақ» университеті, 700 орындық жеке мектеп және 320 орындық балабақшасы да осы ауданның айшықты нысаны саналады. Алдағы уақытта физика-математика мектебі мен заманауи стадионның құрылысы бітсе, жаңа қала мұнан сайын жарқырай түсетін болады.Бұл – нәтижелі істердің нышаны!<img src="https://knadmin.beoblood.kz/uploads/Syrdariyany_al_asy_sol_zha_alau_1_47dbc46ade.jpg" alt="Сырдарияның алқасы – сол жағалау 1.jpg"><img src="https://knadmin.beoblood.kz/uploads/Syrdariyany_al_asy_sol_zha_alau_3_fdf3588948.jpg" alt="Сырдарияның алқасы – сол жағалау 3.jpg"><img src="https://knadmin.beoblood.kz/uploads/Syrdariyany_al_asy_sol_zha_alau_019a5bf8ce.jpg" alt="Сырдарияның алқасы – сол жағалау.jpg">

Сырдарияның алқасы – сол жағалау

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының төрағасы Алмасбек Есмахановтың қатысуымен партия филиалы жанындағы «Отбасы және Халықты әлеуметтік қорғау» мәселелері бойынша аймақтық кеңестің отырысы өтті. Онда мүгедектігі бар азаматтарды жұмысқа орналастыру мәселесі кеңінен талқыланды.Қазіргі таңда өңірімізде 33 мыңнан астам мүгедектігі бар адамдар тіркелген, оның ішінде 6 мыңнан астамы 18 жасқа дейінгі балалар. Жалпы облыс бойынша жұмысқа жарамды мүгедектігі бар адамдардың жұмысқа орналастырылуы өткен жылдың тиісті кезеңімен салыстырғанда 26,9 пайыздан 36 пайызға дейін, яғни 9,1 пайызға артып отыр.Ағымдағы жылы облыс әкімдігінің қаулысымен 78 мекемеге 101 адамды жұмысқа орналастыру квотасы бекітілсе, бүгінгі күнге 100 адам жұмысқа орналастырылып, 99 пайызға орындалған. Қалған 1 адам 20 желтоқсанға дейін қабылданбақ. Бұл бағыттағы атқарылып жатқан жұмыстарды жиын барысында облыстық жұмыспен қамтуды үйлестіру және әлеуметтік бағдарламалар басқарма басшысының орынбасары Айгүл Ибраева кеңінен атап өтті.<blockquote>«2021 жылдан бүгінгі күнге дейін квота шеңберінде 356 мекемеге 554 жұмысқа жарамды мүгедектігі бар адамдар жұмысқа орналастырылды. Бұған қоса, жыл басынан бері 11 айдың ішінде Мансап орталықтарымен 90 рет бос жұмыс орындарының жәрмеңкесі ұйымдастырылып, нәтижесімен 1753 мүгедектігі бар адамдар жұмыспен қамтудың әр түрлі белсенді шараларымен қамтылды. Сонымен қатар, «Бастау бизнес» жобасы шеңберінде кәсіпкерлік негіздері бойынша 382 адам 14 күндік оқу курсын аяқтап, оның 327-і қаржы институттарының алдында жобасын қорғауға мүмкіндік алды. Өздерінің кәсіпкерлік бастамаларын қолдауға 193 адам 400 айлық есептік көрсеткіш, яғни 1,5 млн.теңге көлемінде қаржылай қолдау алып жобасын ашып, өзін-өзі жұмыспен қамтуға мүмкіндік алды. 408-і бос жұмыс орындарына орналастырылса, 768 азамат субсидияланған жұмыс орындарымен қамтылды»,- дейді басқарма басшысының орынбасары.</blockquote>Жиын барысында кеңес мүшелері тарапынан мүгедектер үшін жұмыс орындарының квотасын белігілеу, олардың медициналық-әлеуметтік қорғалуы, жұмыс берушілер тарапынан жасалуға тиісті еңбек жағдайлары, әлеуметтік нысандардың талапқа сай болуы секілді түрлі мәселелер ортаға салынып, оларды шешу жолдары бойынша ұсыныстар айтылды.Барлық ұсыныстар хаттамаланып, партиялық бақылауға алынды.&nbsp;<img src="https://knadmin.beoblood.kz/uploads/469076186_996094852556151_634858084933541525_n_ad665bc00a.jpg" alt="469076186_996094852556151_634858084933541525_n.jpg"><img src="https://knadmin.beoblood.kz/uploads/469076785_996094925889477_6811877914342696850_n_deb90bec3e.jpg" alt="469076785_996094925889477_6811877914342696850_n.jpg"><img src="https://knadmin.beoblood.kz/uploads/469170474_996095119222791_90382117543425936_n_8bf5aa8ab0.jpg" alt="469170474_996095119222791_90382117543425936_n.jpg">

Қазақстан және Қызылорда облысының жаңалықтары: Қоғам