<a href="https://kyzylorda-news.kz/">Kyzylorda-news.kz</a> &nbsp;«Батыс Еуропа – Батыс Қытай» көлік дәлізінің Жаңақорған ауданы тұсында жол бойы қызмет көрсету кешені ашылды. Ашылу рәсіміне облыстық мәслихат төрағасы Мұрат Тлеумбетов, облыс әкімінің орынбасары Ардақ Зебешев, аудан тұрғындары мен зиялы қауым өкілдері қатысты.Облыс әкімінің орынбасары өңірдегі серпінді жұмыстар туралы сөз қозғап, жаңа кешен жұмысына сәттілік тіледі.<blockquote>«Бүгінде экономиканың қозғаушы күші саналатын инвестиция тарту саласында ауқымды жұмыс атқарылды. Биыл 720 млрд. теңгеден астам инвестиция тартылады. 2025-2028 жылдары 98 инвестициялық жоба жүзеге асырылып, 12 мыңнан аса жаңа жұмыс орны ашылады. Биылға 54 жобаны жүзеге асыру жоспарлануда. Қазіргі уақытта 36 жоба бойынша жұмыс басталып кетті.</blockquote><blockquote>«Батыс Еуропа – Батыс Қытай» халықаралық автомобиль дәлізінің бойында 55 сервистік кешен бар. Бүгін «Caspian Service Asia» серіктестігі салған В санатты, заманауи жол бойы қызмет көрсету кешенін Өздеріңізбен бірге салтанатты түрде ашамыз. Жоба құны 1 млрд теңге, 22 орындық қонақ үй, 110 келушіге арналған қоғамдық тамақтану орны, 50 орындық монша, автовокзал және жанар-жағар май бекеті сынды нысандар іске қосылды. Кешенде 64 адам тұрақты жұмыспен қамтылды.Аймақ басшысы өткен айда ауданға іссапармен келгенде жаңа нысанды көріп, жол бойындағы қызмет көрсетудің озық тәжірибелеріне сүйеніп жұмысты жетілдіре түсу маңызды екенін атап өткен болатын. Жаңа кешеннің жұмысы табысты, берекелі болсын!», – деді А.Зебешев.</blockquote>Рәсімде ауданның әлеуметтік-экономикалық дамуына үлес қосқан азаматтар мен жол бойындағы қызмет көрсету кешенінің құрылысын салған мердігер мекеме өкілдері облыс әкімінің Алғыс хатымен марапатталып, Сырдария, Жаңақорған аудандарының құрметті азаматы Сұлтанбек Тәуіпбаев бата берді.Айта кетейік, «Батыс Еуропа – Батыс Қытай» халықаралық авомобиль дәлізінің Қызылорда облысы аумағында 58 сервистік нысан жұмыс істейді, 1 050 адам жұмыспен қамтылған. Олардың 55-і, яғни 94,8 пайызы ұлттық стандарттарға сәйкестендірілген. Бұл көрсеткішпен Қызылорда облысы республикадағы алғашқы үштікке кіреді.<img src="https://knadmin.beoblood.kz/uploads/Zhol_bojy_yzmet_k_rsetu_kesheni_ashyldy_d4dc8b5a1e.jpg" alt="Жол бойы қызмет көрсету кешені ашылды.jpg"><img src="https://knadmin.beoblood.kz/uploads/3_Zhol_bojy_yzmet_k_rsetu_kesheni_ashyldy_157401fbd6.jpg" alt="3Жол бойы қызмет көрсету кешені ашылды.jpg">Фото: Қызылорда облысы әкімінің баспасөз қызметі

Жол бойы қызмет көрсету кешені ашылды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев облыстық мәслихат депутаты Жұмабек Ембергеноввпен бірге "Тереңөзек тазалығы" мекемесінің қысқы маусымға дайындық жұмыстарының барысымен танысты.Аудан басшысы мекеменің материалдық-техникалық базасын көріп, қыс мезгілінде пайдаланылатын арнайы техникалардың жағдайы мен дайын болуына назар салды.Бүгінде мекеме теңгерімінде 8 бірлік арнайы техника бар. Олар қар тазалау, қалдықтарды уақытылы тасымалдау және коммуналдық қызметтердің үздіксіз жұмысын қамтамасыз ету үшін толық жарақтандырылған. Әр техниканың қозғалыс бөліктері, гидравликалық жүйелері, отын-энергетикалық жабдықтары, доңғалақтары мен қосалқы бөлшектері тексеріліп, қажетті жөндеу жұмыстары жүргізілген. Қолайсыз ауа райы кезінде көшелер мен жаяу жүргіншілер жолына себуге 250 тонна құм және 25 тонна тұз әзірленген.Аудан әкімі қысқы маусымда тұрғындарға сапалы коммуналдық қызмет көрсету, көшелерді дер кезінде қардан тазарту және қауіпсіздікті сақтау – мекеменің басты міндеті екенін атап өтіп, тиісті сала мамандарына бірқатар тапсырмалар жүктеді.Фото: Сырдария ауданы әкімінің баспасөз қызметі

Сырдария: "Тереңөзек тазалығы" мекемесінің қысқа дайындығы пысықталды

<a href="https://kyzylorda-news.kz/">Kyzylorda-news.kz</a> 2025 жыл өңірдің жұмыспен қамту бағыты үшін нәтижелі болды. Жұмыс орындарын көбейту, халықтың жұмыспен қамтылуын арттыру және әлеуметтік қолдау шараларының жүйелі жүргізілуі аймақтың әлеуметтік-экономикалық дамуына оң ықпал етті. «Өңірлік жұмыспен қамту картасы» аясында жоспарланған 46 560 жұмыс орнының 42 829-ы құрылып, жоспар 92 пайызға орындалды.&nbsp;Жыл ішінде 13 547 адам бос жұмыс орындарына, 12 951 адам субсидияланатын жұмыс орындарына, 2 829 адам ұлттық жобалар аясындағы инвестжобаларға жұмысқа орналастырылды. “10 мың адамға 100 жұмыс орны” жобасы аясында 11 543 жаңа жұмыс орны ашылды. Бұл туралы облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева баяндады.<figure class="image"><img src="https://knadmin.beoblood.kz/uploads/Zh_myspen_amtu_salasynda_y_zhyldy_k_rsetkishter_zho_ary_cac100a2f5.jpg" alt="Жұмыспен қамту саласындағы жылдық көрсеткіштер жоғары.jpg"><figcaption>Жанар Дәулетбаева: Облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары&nbsp;</figcaption></figure><blockquote>- Халықты жұмыспен қамтудың қолжетімділігін арттыру мақсатында облыс бойынша 109 рет бос жұмыс орындары жәрмеңкесі өтіп, 5 835 бос орын ұсынылды. Нәтижесінде 1 648 адам тұрақты, 744 адам уақытша жұмысқа орналастырылды. Солтүстік өңірлерге ерікті қоныс аудару жобасы бойынша 80 отбасы көшіп барды. Мүгедектігі бар азаматтарды жұмысқа орналастыру квотасы толық орындалды - 76 адам жұмысқа тұрғызылды. Әлеуметтік әріптестік шеңберінде еңбек қатынастарына тұрақты мониторинг жүргізілді. 68 комиссия отырысында 57 кәсіпорындағы еңбек ахуалы қаралды. Жыл ішінде 43 кәсіпорында 515 адам жұмыстан босатылғанымен, олардың 396-сы қайта жұмыспен қамтылды. Соның нәтижесінде жұмыссыздық деңгейі 4,8%-дан 4,6%-ға дейін төмендеді. Мүгедектігі бар адамдарды әлеуметтік қолдау да күшейтілді. 2025 жылы оңалту бағдарламаларын орындауға 8,3 млрд теңге бөлінді. 35 мыңнан астам азаматтың 33 368-і қажетті техникалық оңалту құралдарымен қамтамасыз етілді. Жалпы жұмыс бағыты бойынша жоспарланған көрсеткіштердің барлығы жыл соңына дейін толық орындалады деп күтілуде,- деді Жанар Жұмабекқызы.</blockquote>&nbsp;Фото: freepik.com

Жұмыспен қамту саласындағы жылдық көрсеткіштер жоғары 

<a href="https://kyzylorda-news.kz/">Kyzylorda-news.kz</a> &nbsp;Жақында Қазақстан Республикасының Ұлттық&nbsp;музейі, «ҚР Қарулы Күштері ардагерлері» және «Atamnyn &nbsp;amanaty» қоғамдық бірлестіктері бірге&nbsp;Ұлы Жеңістің 80 жылдығына арналған «Тарихи жадыны сақтау ұрпақ сабақтастығы мен жастарға патриоттық тәрбие берудің маңызды фактор ретінде» тақырыбында ғылыми-практикалық конференция өткізді.Конференция Екінші дүниежүзілік соғыс жылдарындағы аға ұрпақ ерлігін ұлықтаудың, тарихи жадыны сақтаудың жаңа жолдарын, бағыттары мен формаларын іздеу, тарихи-өлкетану қызметін, архивтік - іздестіру жұмыстарын жандандыру, сонымен қатар өскелең ұрпақты патриотизмге тәрбиелеу және ұрпақтар сабақтастығын дамытуды талқылауды мақсат етіп қойды.<img src="https://knadmin.beoblood.kz/uploads/Zhasta_a_e1bdb9eb20.jpg" alt="Жастаға.jpg">&nbsp; Жиынды&nbsp;«Atamnyn Amanaty» қоғамдық бірлестігінің Басқарма төрағасы Мұрат Молдағалиев ашып, жүргізіп отырды. Конференцияның басты қонағы – «ҚР Қарулы Күштері ардагерлері» ұйымы басшысының орынбасары, генерал-майор Марат Нағұманов аталған ұйымның төрағасы, &nbsp;Халық Қаһарманы, армия генералы Мұхтар Алтынбаевтың алқалы жиынға қатысушыларға арналған құттықтау сөзін оқып берді. Онда былай делінген:&nbsp;«Тарихи жады – ұрпақ&nbsp;сабақтастығының негізі. Дәл осы жад арқылы жастар өткеннің маңызын терең ұғынып, елдің болашағы үшін өз жауапкершілігін сезінеді. Бүгінде әлем күрделі өзгерістер кезеңін бастан өткеріп жатқанда, тарихи ақиқатты сақтау, тарихты бұрмалауға қарсы тұру және патриоттық сананы күшейту айрықша өзектілікке ие.<img src="https://knadmin.beoblood.kz/uploads/zhastar_1_b180a63d8e.jpg" alt="жастар 1.jpg">&nbsp; Қазақстан Республикасы Қарулы Күштері ардагерлері ретінде біздің миссиямыз – жас буынға еліміздің қаһармандық тарихын жеткізіп қана қоймай, Отанға қызмет етудің жарқын үлгісі арқылы олардың адамгершілік бағдарын нығайту. Соғыс және еңбек ерлерінің, ел тәуелсіздігі мен аумақтық тұтастығын қорғаған әскери қызметшілердің рухын қастерлеу – тарих алдындағы да, келер ұрпақ алдындағы да ортақ борышымыз.&nbsp;Конференция жұмысы патриоттық тәрбиенің тиімді жүйесін дамытуға бағытталған идеялармен, озық тәжірибелермен және нақты бастамалармен алмасатын маңызды алаңға айналатынына сенімдімін».<img src="https://knadmin.beoblood.kz/uploads/zhastar_3_ff4457ee1b.jpg" alt="жастар 3.jpg">Содан кейін ҚР Ұлттық&nbsp;музейінің директоры Берік Әбдіғалиұлы сөз алды. Ол өз сөзінде «Atamnyn Amanaty» және «ҚР Қарулы Күштері ардагерлері» ұйымдары арасында орнаған нәтижелі ынтымақтастығымызды ерекше атап өткім келеді. Бірлескен жобалар, көрмелер, архивтік-іздестіру бағдарламалары, ардагерлермен кездесулер мен білім беру іс-шаралары бізге қоғамдық диалог алаңын кеңейтуге, ұлттық тарихты тұтас қабылдауды қалыптастыруға және тарихи білімнің сабақтастығын нығайтуға мүмкіндік беріп отыр дегенді айтты.&nbsp; &nbsp; &nbsp; &nbsp; &nbsp; Конференция жұмысы келесі бағыттар бойынша ұйымдастырылды:1. Екінші дүниежүзілік соғыс тарихы бойынша жаңа зерттеулер мен жобалар;2.Музейлерде соғыс туралы тарихи материалдарды ұсынудың заманауи формалары: жаңа тәсілдер мен тенденциялар;&nbsp;3. Жауынгер тағдыры: архивтік зерттеудің теориясы мен практикасы, далалық іздестіру жұмыстарының нәтижелері;&nbsp;4.Ұлы Жеңістің тарихи жадын сақтау жастарға патриоттық тәрбие берудің маңызды факторы ретінде.&nbsp;Конференция барысында ҚР Ұлттық ұланы Бас қолбасшысының орынбасары, Халық Қаһарманы, генерал-майор Қайрат Үмбетов, “Мемориалдық аймақ” іздестіру&nbsp;жасағының жетекшісі Майдан Құсайынов, ҚР ҚК Ұлттық қорғаныс унивесритетінің оқытушысы, полковник, PhD докторы Алмагүл Алдабергенова, тарих ғылымдарының кандидаты, отставкадағы полковник Манас Мағұлов, педагогика ғылымдарының кандидаты, отставкадағы полковник Асқар Қалиев, «Atamnyn Amanaty» қоғамдық ұйымының мұрағаттық іздестірушісі Мейірхан &nbsp;Нұрхайдарқызы және басқалар жоғарыдағы бағыттар бағыттар бойынша баяндамалар жасады. &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;Әбубәкір Смайылов,&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; «Atamnyn Amanaty» ҚБ төрағасының орынбасары.&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; Суреттерді түсірген Қанат Мусин

 Жастарға патриоттық тәрбие беру мәселесі талқыланды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Бекарыстан би және Майдакөл ауылдарына барып, «Ауыл – ел бесігі» бағдарламасы аясында салынып жатқан спорт кешені мен 100 орындық ауылдық клуб құрылысын көрді.Қазіргі таңда қос нысанда да құрылыс жұмыстары қарқынды жүргізілуде. Ауыл тұрғындарының өмір сүру сапасын жақсартуға бағытталған бұл жобалар — елді мекендердің әлеуметтік-мәдени әлеуетін арттырып, ауыл жастарының бос уақытын тиімді өткізуіне және шығармашылығын дамытуға үлкен мүмкіндік береді.Спорт кешенінің құрылысымен мердігер мекеме «Жылу ХХІ» жауапкершілігі шектеулі серістестігі, ал, Майдакөл ауылындағы ауылдық клуб құрылысымен «Намыс-Құрылыс» жауапкершілігі шектеулі серіктестігі айналысуда.Аудан басшысы тиісті сала басшылары мен мердігер мекеменің басшысына нысандардың құрылысын сапалы әрі мерзімінде аяқтауды тапсырды.Екі нысанныңда құрылыс жұмыстарын желтоқсан айында толықтай аяқтап, ел игілігіне пайдалануға беру жоспарланып отыр.<img src="https://knadmin.beoblood.kz/uploads/azaly_rylys_2_e75aff0b12.jpg" alt="Қазалы құрылыс 2.jpg">

«Ауыл – ел бесігі»: Бағдарлама аясында жаңа құрылыс жұмыстары жүргізілуде

<a href="https://kyzylorda-news.kz/">Kyzylorda-news.kz</a> Қала орталығының сыртқы бейнесін сақтау мақсатында жұмысшы топ кезекті рейд жүргізді. Тексеру барысында нысандар маңына қоқыс тастау сияқты тәртіп бұзушылықтар анықталып, ескертулер берілді және хаттамалар толтырылды.<img src="https://knadmin.beoblood.kz/uploads/ala_kelbeti_3_4fd0a54006.jpg" alt="Қала келбеті 3.jpg">Рейд барысында «Шишка» кафесі, «Бумер Сервис», «Бункер Kiver Club», бірнеше асхана аумақтары мен «Blade Barbershop» нысандары қаралды. Нысан иелеріне ғимараттардың сыртқы бейнесі қала көркіне әсер ететіні түсіндіріліп, аумақты таза ұстау талабын сақтауы ескертілді.Қала келбетін сақтау бағытындағы бақылау шаралары жалғаса береді.<img src="https://knadmin.beoblood.kz/uploads/ala_kelbeti_6908055ed3.jpg" alt="Қала келбеті.jpg">

Қала келбеті бақылауда

<a href="https://kyzylorda-news.kz/">Kyzylorda-news.kz</a> Қармақшы ауданында мемлекеттік мекеме қызметкерлері арасында аудан әкімінің кубогына арналған волейбол жарысы өтті. Турнирдің ашылу рәсіміне аудан әкімінің орынбасары Диас Молдабаев қатысып, командаларға сәттілік тілеп, жарыстың маңыздылығын атап өтті.<blockquote>– Аудан әкімінің кубогына ауданымыздың әр мекемесінен жиналған мықты командалар қатысып отыр. Бұл – Қармақшы ауданының ұйымшылдығы мен белсенділігінің айқын көрінісі. Сіздерге жоғары көңіл-күй, әділ ойын, ерекше жарыс тілеймін. Барлықтарыңызға сәттілік серік болсын,- деді өз сөзінде.</blockquote>Жалпы сайысқа 8 команда, 100-ге жуық мемлекеттік қызметкер қатысып, өзара бақ сынады. Тартысты өткен ойынның нәтижесінде ІІІ орынды - «Мәдениет саласы» командасы, ІІ орынды - «Білім саласы» командасы иеленсе, І орынды - «Денсаулық қызметі» командасы үздік шығып, жеңімпаз атанды.Жүлдегер командалар аудан әкімінің арнайы дипломдарымен, медальдарымен және кубогымен марапатталды. Сонымен қатар ойын барысында ерекше көзге түскен үздік спортшыларға да арнайы марапаттар табысталды.Салауатты өмір салтын насихаттап, бұқаралық спортты одан әрі дамыту мақсатында ұйымдастырылған бұл сайыс алдағы уақытта да тұрақты түрде өткізілетін болады.<img src="https://knadmin.beoblood.kz/uploads/Memlekettik_yzmetkerler_vollejbol_e8b7154780.jpg" alt="Мемлекеттік қызметкерлер воллейбол.jpg">

Мемлекеттік мекеме қызметкерлері арасында волейбол турнирі өтті

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Бахыт Жаханов, &nbsp;қала әкімі Нұржан Ахатов пен жауапты сала басшылары &nbsp;құрылыс нысандарындағы жұмыс барысын бақылауды «Достық үйінің» жаңа ғимаратында жалғастырды. Нысан жақын арада пайдалануға беріледі. Бейбарыс сұлтан көшесіндегі сәулетті ғимараттар қатарын толықтырған нысанның сырты күннен қорғайтын сәндік панельдермен қапталған. Екінші және үшінші қабаттарда кеңселер, сондай-ақ холл, фойе, ресепшн, гардероб, 200 орындық үлкен зал, 60 орындық кофейня орналасады. Конференц-зал заманауи техникалармен жабдықталады.<img src="https://knadmin.beoblood.kz/uploads/Zha_a_nysandar_1_3ede85abef.jpg" alt="Жаңа нысандар 1.jpg">Цокольді қабатта би студиясы, музыка және вокал кабинеттері, клуб, қоймалар, архив және қосалқы бөлмелер қарастырылған. Бүгінде ішкі әрлеу және дизайнерлік безендіру, сондай-ақ сыртқы абаттандыру жүргізілуде. Жұмыстың 95%-ы біткен. Құрылыс алаңында 7 техника және 135 жұмысшы еңбек етуде.<img src="https://knadmin.beoblood.kz/uploads/Zha_a_nysandar_3ea3b29902.jpg" alt="Жаңа нысандар.jpg">Ал Президент саябағында бас мердігер «Bi Global» ЖШС ауқымды абаттандыру жобасын жүзеге асыруда. Саябаққа 3 аллея, 6 субұрқақ, 5 амфитеатр, 7 балалар ойын алаңын, 4 спорт және 4 workout, 7 демалыс аймағын, 4 фудкорт, теннис үстелдерін, биіктігі 50 метр болатын айналмалы дөңгелек аттракцион, би алаңын, стритбол, вело және жүгіру жолақтарын, сахна, сарқырама каналдары мен көпірлер, шахмат, баскетбол және футбол алаңдарын, арқан саябағы мен модульдік санитарлық нысандар салуды жоспарлаған. Мұнда жыл он екі ай жұмыс істейтін 300 орындық заманауи балалар тынығу лагері мен Ботаникалық білім беру орталығы (қысқы бақ) бой көтеріп келеді. Бас мердігер Alem Qurylys AQ ЖШС жобаға сәйкес спорт блогын, іс-шараларға арналған event-аймақ, тұрғын корпустар, қонақ үй үлгісіндегі шағын ғимараттар, дәстүрлі киіз үйлер, ашық бассейн, стадион, футбол алаңы және сахна салады.<img src="https://knadmin.beoblood.kz/uploads/Zha_a_nysandar_2_aaf3145d60.jpg" alt="Жаңа нысандар 2.jpg"><img src="https://knadmin.beoblood.kz/uploads/Zha_a_nysandar_3_deba7e25df.jpg" alt="Жаңа нысандар 3.jpg">

Қызылордада жаңа нысандар бой көтеруде

<a href="https://kyzylorda-news.kz/">Kyzylorda-news.kz</a> «AMANAT» партиясының облыстық филиалы жанындағы мәдениет пен өнерді қолдауға бағытталған «Мiras» аймақтық кеңесінің отырысы өтті.Жиында партияның сайлауалды бағдарламасы бойынша &nbsp;мәдениет объектілерін салу мен жөндеу, электрондық кітапхана объектілерін қалыптастыру бойынша өңірде атқарылып жатқан жұмыстар барысы талқыланды.Отырысқа партияның облыстық филиалының атқарушы хатшысы Ләйлә Төрешова, мәдениет пен өнер саласы өкілдері қатысты.Күн тәртібіндегі мәселелер бойынша хабарлама жасаған облыстық мәдениет, архивтер және құжаттама басқармасы басшысының орынбасары Ғалия Байсынова өңірде партияның сайлауалды бағдарламасы аясында мәдениет саласы бойынша соңғы 3 жылда жаңадан 19 мәдениет нысаны бой көтерді. Оның ішінде 8 - ауылдық клуб, 7 -«Руханият орталығы» және Анаға тағзым, Отбасы, Өнер орталықтары мен облыстық тарихи-өлкетану музейі бер екенін атап өтті.Сондай-ақ, кітапхана процестерін автоматтандыру мақсатында Ә.Тәжібаев атындағы облыстық кітапхана республикалық деңгейде автоматтандырылған WEB-РАБИС, зағип және нашар көретін азаматтарға арналған арнаулы кітапхана АИС СБ РК ал, аудандық және ауылдық кітапханалар РАБИС бағдарламаларымен жұмыс жасап жатқанын жеткізіп, оқырмандар &nbsp;қажетті ақпаратты жылдам іздеу үшін электронды каталогты да пайдалана алатындығын айтты.Кеңес төрағасы Баймырза Қожамберлиев сайлауалды бағдарлама аясында &nbsp;өңірде мәдениет пен өнер саласында көп жұмыс істелгендігін &nbsp;атап өтіп, кітапхана мәселесіне қатысты бұған дейін жолданған ұсыныстардың орындалуына басқарма өкілдерінің назарын аудартты.<blockquote>«Өздеріңізге белгілі республикалық кеңестің өңірде өткен көшпелі отырысында қаладағы А.С.Пушкин атындағы орталық кітапхана &nbsp;көпқабатты тұрғын үйдің астыңғы қабатында орналасқандықтан тұрғын үйдегі су, жылу құбырларының жарылуынан төбесінен су кету секілді келеңсіздіктер орын алатындығы, №13 балалар кітапханасының орналасқан жері білім алушыларға қолайсыздық тудырып отырғанды туралы мәселе көтеріліп, басқармаға мәселені зерттеп, шешуге қолдау көрсету жөнінде ұсыныстар жолданды. Бізге есеп емес, нәтиже қажет», - деді Баймырза Қожамберлиев.</blockquote>Қызылорда қалалық мәдениет және тілдерді дамыту бөлімінің басшысы Айдын Қайруллаев көтерілген ұсыныстар бойынша бүгінгі таңда мәселе жоқ екенін атап өтіп, қала әкімдігінің тікелей бақылауында екенін жеткізді.<blockquote>«А.С.Пушкин атындағы орталық кітапхана бойынша көпқабатты тұрғын үйлердің жылу құбырлары ауыстырылды. Қазір кітапхана үстіне пәтерлерден су кету қауіпі жоқ. №13 балалар кітапханасы бойынша мәселе бақылауда. Алдағы уақытта жаңа ғимаратқа көшірудің жолдары пысықталуда», - деді ол. &nbsp; &nbsp;</blockquote>Жиын барысында күн тәртібіндегі мәселелер толық талқыланып, кеңес мүшелері тарапынан жұмысты ауылдық жерлердегі кітапханалар жағдайын жақсарту, мәдениет саласындағы мамандар тапшылығын жою, шет аймақтарда мәдени үйірмелер ашу секілді нақты ұсыныстар айтты.<img src="https://knadmin.beoblood.kz/uploads/FB_IMG_1765045877007_35230348cb.jpg" alt="FB_IMG_1765045877007.jpg">

«AMANAT»: "Miras" кеңесінде мәдениет саласының мәселелері қаралды

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Бахыт Жаханов, қала әкімі Нұржан Ахатов, жауапты сала басшылары құрылыс алаңдарындағы жұмыс барысын бақылады.Алдымен сол жағалаудағы 9 қабатты 120 пәтерлік екі тұрғын үйдің құрылысын көрді.Жалпы ауданы 7011 шаршы метр болатын үйлерде бір бөлмелі 18, екі бөлмелі 66, үш бөлмелі 36 пәтер бар. Келесі нысан - дене шынықтыру-сауықтыру кешені.Құрылысына 2,9 млрд теңге қаралған нысан «Қазақстан халқына» қорының қолдауымен салынуда. Онда бір мезетте 131 спортшы жаттыға алады. Бірінші қабатта волейбол, екінші қабатта күрес және басқа да залдар орналасады.Әрі қарай Титов мөлтек ауданындағы әлеуметтік осал топтағы азаматтар үшін бой көтерген 5 қабатты 135 пәтерлік тұрғын үйдің құрылыс алаңына барды. Жаңа тұрғын үйде 35 бір бөлмелі, &nbsp;80 екі бөлмелі, 20 үш бөлмелі пәтер бар.<img src="https://knadmin.beoblood.kz/uploads/FB_IMG_1765045683134_98ec4281ac.jpg" alt="FB_IMG_1765045683134.jpg">

Құрылыс жұмыстары бақылауда 

<a href="https://kyzylorda-news.kz/">Kyzylorda-news.kz</a> Астанада Мемлекет басшысы Қасым-Жомарт Тоқаевтың қатысуымен «Алтын сапа» және «Парыз» сыйлығының лауреаттарын, «Қазақстанның үздік тауары» республикалық көрме-конкурсының жеңімпаздарын марапаттау рәсімі өтті.Президент өз сөзінде әр кәсіпкердің жетістігі ел мерейінің айқын көрінісі екенін атап айтты.<blockquote>–Сіздер сапалы өнім өндіріп, экономиканы дамытуға және халықтың әл-ауқатын арттыруға зор үлес қосып келесіздер. Әлеуметтік жауапкершілікті терең сезініп, қайырымдылық істерге белсене атсалысып жүрсіздер. Бұл – өз кәсібіне адал, іскер және нағыз отаншыл азаматтарға тән асыл қасиет деп санаймын. Мемлекет Сіздерге әрдайым қолдау көрсетуге дайын, – деді Мемлекет басшысы.</blockquote>Рәсімде сапа саласында жоғары көрсеткішке ие болғаны үшін «Марал-Нұр» жауапкершілігі шектеулі серіктестігінің құрылтайшысы &nbsp;Мұрат Нурсаитовқа «Алтын сапа» сыйлығы табысталды. Сонымен бірге, «Қазақстанның үздік отандық тауар өндірушісі» номинациясы «Асыл дән LTD» ЖШС басшысы Нұрлан Алдамжаровқа берілсе, «СКЗ-U» ЖШС бас директоры Сағыныш Орынбасаров “Парыз-2025” сыйлығының «Экологияға қосқан үлесі үшін» номинациясымен марапатталды.Облыс әкімінің бірінші орынбасары Данияр Жаналинов, жауапты сала басшылары мен жергілікті кәсіпкерлер салтанатты шараға селекторлық режимде қатысты.Айта кетейік, 2005 жылы құрылған «Марал-Нұр» серіктестігі әлеуметтік маңызды бағыттарға жолаушылар тасымалы қызметін көрсетеді, 226 адамды тұрақты жұмыспен қамтыған. Паркінде 59 вагон бар, 5 облысты қамтитын екі бағытта жыл сайын 800 мыңнан астам жолаушы тасымалдайды.«Асыл дән LTD» ЖШС – 2013 жылы құрылған Қазақстандағы жетекші күріш өңдеу кәсіпорындарының бірі. Бүгінде компанияда 63 білікті маман еңбек етеді.«Лидер», «Янтарь», «Элита», «Баракат» сортты жылтыратылған күріш, сондай-ақ терең өңделген өнімдер, күріш ұнтағы, қауыз және тары өндіреді. Сапаны қатаң бақылау мен өндіріс процестерін үздіксіз жетілдірудің арқасында компания өнімдері Қазақстан аумағында және шет елдерде тұрақты сұранысқа ие.Жаңақорған ауданында орналасқан «СКЗ-U» ЖШС – «Қазатомөнеркәсіп» ҰАК» АҚ еншілес кәсіпорны, республикадағы инновациялық серпінді өндірістердің бірі.2007 жылы бері индустрияландыру бағдарламасы аясында іске қосылған кәсіпорын жылына 500 мың тонна қуаттылықпен күкірт қышқылын өндіреді. Бүгінге дейін кәсіпорын 6,5 млн тоннадан астам өнім шығарды. Зауытта 273 адам еңбек етеді, олардың 90%-дан астамы – жергілікті тұрғындар.

Қызылордалық кәсіпкерлер марапат төрінен көрінді

<a href="https://kyzylorda-news.kz/">Kyzylorda-news.kz</a> Шиелі кентіндегі «Шұғыла» мөлтек ауданында әлеуметтік осал топтағы отбасылар үшін салынған тұрғын үйдің кілтін табыстау рәсімі өтті. Оған облыстық мәслихат төрағасы Мұрат Тлеумбетов, облыс әкімінің орынбасары Ардақ Зебешев, зиялы қауым өкілдері мен тұрғындар қатысты.<img src="https://knadmin.beoblood.kz/uploads/FB_IMG_1765045160915_de2e26a370.jpg" alt="FB_IMG_1765045160915.jpg">Облыстық мәслихат төрағасы жаңа үй иелеріне ізгі тілегін білдіріп, облыс әкімі Нұрлыбек Нәлібаевтың құттықтауын жеткізді.<blockquote>«Мемлекет басшысы &nbsp;Қасым-Жомарт Кемелұлы баспана &nbsp;жұртшылықтың тұрмыс сапасын танытатын маңызды көрсеткіш екенін атап өтті. Аймақта Президентіміздің, Үкіметтің ерекше қолдауымен, жерлестеріміздің бекем бірлігінің арқасында байыпты бастамалар қолға алынып, жасампаз жобалар іске асырылуда. Өңірдің сәулеттік келбеті күн сайын жаңарып келеді. Әрбір баланың шығармашылықпен, спортпен айналысуына мемлекет тарапынан барлық мүмкіндік жасалған. «Қуатты өңірлер – қуатты ел» қағидаты ел дамуының темірқазығына айналды. Бұл халықтың ынтымағын нығайтып, мемлекеттің қуатын арттырады. Әділетті, Қуатты, Қауіпсіз әрі Таза Қазақстанды құру жолында Сыр жұртшылығы да бекем бірліктің, ерен еңбектің үлгісін көрсетуде. &nbsp;Өңіріміздің негізгі макроэкономикалық көрсеткіштерінің өсімі қамтамасыз етілді. Кейбір көрсеткіштердің мәнін терең түсінуіміз қажет. Өйткені, ол – жай ғана статистика емес, жерлестеріміздің еселі еңбегінің жемісі. Бүгін – мемлекеттің қолдауымен баспаналы болуға талап қылған әрбір отбасы үшін ерекше қуанышты күн! Жаңа үйлеріңіздің іргетасы берік, қабырғасы мығым, ішіндегі әр отбасының шаңырағы татулық пен берекеге толы болғай!», – деді М.Тлеумбетов.</blockquote>Рәсімде Шиелі ауданының әлеуметтік-экономикалық дамуына үлес қосқан азаматтар мен тұрғын үйді салған мердігер мекеме қызметкерлері Қызылорда облысы әкімінің Алғыс хатымен марапатталды. Еңбек ардагері Т.Жағыпбаров жиналған жұртшылыққа бата берді.<img src="https://knadmin.beoblood.kz/uploads/FB_IMG_1765045188137_e44f2ec8c1.jpg" alt="FB_IMG_1765045188137.jpg">

Қазақстан және Қызылорда облысының жаңалықтары: Қоғам