<a href="https://kyzylorda-news.kz/">Kyzylorda-news.kz</a> &nbsp;«Qnet» қаржы пирамидасының құрылымдық бөлімшесін ұйымдастыру ісі бойынша үкім шығарылды.Тергеуді &nbsp;Қызылорда облысы бойынша экономикалық тергеп-тексеру &nbsp;департаменті жүргізді.Күдіктілер азаматтарды көп деңгейлі маркетингтік желі мен электронды коммерцияға инвестиция салуға, оның ішінде «QVI tripsaver» жалған саяхат карталарын және зергерлік бұйымдарды сатып алуға үгіттеген.Қатысушылардың салымдары 840 мыңнан 4 млн теңгеге дейін ауытқып, міндетті шарт ретінде басқа қатысушыларды тарту талап етілген.Нәтижесінде қаржы пирамидаға 51 адам қатысып, олар 63 миллион теңгеден астам қаражат салған.Сот шешімімен пирамида ұйымдастырушылары кінәлі деп танылып, 6 жылдан 7 жылға дейін бас бостандығынан айыру жазасы тағайындалды.Сот шешімімен 301 миллион теңге құны бар Астана қаласынан 7 пәтер және «Toyota Camry» автокөлігі тәркіленді.

Қызылордада «Qnet» қаржы пирамидасының ұйымдастырушылары сотталды

<a href="https://kyzylorda-news.kz/">Kyzylorda-news.kz</a> «Заң мен тәртіп» қағидасы аясында және ҚР ҚМА төрағасы Ж.Элимановтың бастамасымен Қызылорда облысы бойынша экономикалық тергеп-тексеру департаменті өңірдегі жоғары оқу орындарының студенттерімен жиын өткізді. Шараға 700 жас қатысты.Кездесудің &nbsp;мақсаты – жастар арасында заңсыз қаржылық әрекеттерге, соның ішінде «дроппер» ретінде қолданылуға жол бермеу, құқықтық сауаттылықты арттыру және студенттерді белсенді азаматтық ұстанымға шақыру.«Дроппер» дегеніміз – өз дербес деректерін немесе банк шоттарын үшінші тұлғаларға беріп, алаяқтық схемаларға бейсаналы түрде қатысатын тұлға.&nbsp;Кездесу барысында департамент басшысы Аслан Кеңесұлы арнайы дәріс оқып, жастарға қауіпсіздіктің алдын алу, &nbsp;мұндай әрекеттердің заң алдындағы жауапкершілігі жайында түсіндірме жұмыстарын жүргізді. Сонымен қатар, студенттер арасында қаржылық мониторинг агенттігінің бастамасымен өткізілетін республикалық олимпиадаға қатысуға шақырды.Олимпиаданың мақсаты – жастардың қаржылық және құқықтық сауаттылығын арттыру, сыбайлас жемқорлық пен көлеңкелі экономикаға қарсы күресте белсенділік таныту.Кездесу барысында студенттер өз сұрақтарын қойып, пікірлерімен бөлісті. Іс-шара жоғары деңгейде өтті және жастар тарапынан қызығушылық тудырды.<img src="https://knadmin.beoblood.kz/uploads/korkyt_e743101084.jpg" alt="коркыт.jpg"><img src="https://knadmin.beoblood.kz/uploads/korkyt_e64e4fef96.jpg" alt="коркыт.jpg"><img src="https://knadmin.beoblood.kz/uploads/korkyt_0236dee55b.jpg" alt="коркыт.jpg"><img src="https://knadmin.beoblood.kz/uploads/korkyt_8076841247.jpg" alt="коркыт.jpg">

Құқықтық сауаттылықты арттыру – басты мақсат

<a href="https://kyzylorda-news.kz/">Kyzylorda-news.kz</a> Бас прокурордың орынбасары Ғалымжан Қойгелдиев «Қызыл кітапқа» енген қызғалдақтарды жұлған Шымкент қаласының тұрғынына қатысты пікір айтты.Бұл ретте ол қызғалдақты жұлған әйелдің айыппұлды нақты қашан төлейтіні туралы хабарсыз екенін жеткізді.<blockquote>- Бұл кейінірек белгілі болады. Бір айтарым, қатал болғанымен, заң талаптары бар. Егер адам заңды бұзса, айыппұл салынады. Егер адам заңды бұзбаса, айыппұл салынбайды, - деді Ғалымжан Қойгелдиев Сенатта тілшілер сұрағына жауап бере отырып.</blockquote>Осы орайда басқа елдерде де осындай қатал талаптар бар екенін еске салды.<blockquote>- Біз көбінесе дамыған елдерді мысалға аламыз. Сингапурда адам темекі шегіп, тұқылын лақтырып жіберсе, ірі көлемде айыппұл салынады. Швецияда, Швейцарияда, Францияда, Германияда қылмыстық істердің 90 пайызында айыппұл салады және оған қоса қылмыстық жауапкершілік бар. Егер адам ұрлық жасаса, 6-7 жылға бас бостандығынан айырылады, үстіне айыппұл салынады, - деді Бас прокурордың орынбасары.</blockquote>Фото: Түркістан облысы полиция департаменті

Бас прокуратура: Заңды бұзса, айыппұл салынады

<a href="https://kyzylorda-news.kz/">Kyzylorda-news.kz</a> Ғылымы жоқ елдің болашағы бұлыңғыр. Сол себептен кез келген елде ғылым келешектің кілті іспеттес. Атаулы дата 2012 жылдан бері аталып келеді. Бұл күннің бекер таңдалмағаны белгілі. Себебі 12 сәуір - Ғылым академиясының тұңғыш Президенті, көрнекті ғалым-геолог Қаныш Сәтбаевтың дүниеге келген күні. Мереке қарсаңында Қорқыт ата атындағы ҚУ Ғылым департаментінің директоры Наргүл Сақтағанова, Қорқыт ата атындағы Қызылорда университетінде профессор, филология ғылымдарының кандидаты Ғабит Тұяқбаев, ауылшаруашылық ғылымдарының кандидаты, доцент, Қызылорда ашық университетінің Академиялық мәселелер жөніндегі проректор, экономика ғылымдарының кандидаты Айгүл Әлібекова, Қызылорда ашық университетінің Ғылым басқармасының басшысы, техника ғылымдарының кандидаты Нұржамал Сайлаубекова мерекенің маңызын айтып, ғылым туралы ой-пікірімен бөлісті.<blockquote>- Университетте ғылыми жетістіктер жетерлік. Жалпы, ғылым ізіне түскен ғалымдарымызға жағдай жасалған, қолдау бар. Ғалымдарымыздың бірнеше мақалалары әлемдегі ең ірі ғылыми деректер қоры және библиографиялық мәліметтер базасы “Scopus” - қа шықты. Одан бөлек те, базаларда мақалаларымыз жарық көрді. Ғалымдардың осындай жетістіктеріне бізде қаржылай сыйақы қарастырылған. Себебі еңбек, ғылым бағалануы керек. Алдағы уақытта да ғылыми жетістіктерімізбен қуантамыз деген ниеттеміз,- деді Наргүл Аманқызы.</blockquote>Онан соң Ғабит Әнешұлы қазіргі таңда жүргізіліп жатқан жоба туралы йтып берді.<blockquote>- Қазіргі жүргізіп жатқан жобамыз “Шетелдегі қазақ топонимикалық аңызы. Қазақтың жер-су атауларына байланысты аңыздар. Сондықтан мұны халықаралық жоба деп те айтуға болады. Біз Ресейдегі, Моңғолиядағы топонимикалық аңыздарды жинадық. Ендігі жоспар Қытайдағы топонимикалық аңыздарды жинау. Көршілес жатқан елдерде қазаққа қатысты қандай тарих бар, қандай әдебиет бар біз соны іздеуіміз керек. Абай “үш нәрсеге тереңіне бару қиын” дейді. Біріншісі дін, екіншісі ғылым, үшіншісі су. Үшеуінің де тереңіне бару оңай емес. Сондықтан бізге де ғылымда жаңалық ашып тастадық деу қиын. Қолымыздан келгенше жұмыс жасап жатырмыз,- деді Ғабит Әнешұлы.</blockquote>Қызылорда ашық университетінде экологиялық зерттеулер мен су ресурстарын қорғау және жер асты суларының қорларын толықтыру мәселелеріне ерекше назар аударылады. Бұл зерттеулер біздің өңіріміз үшін ғана емес, бүкіл Қазақстан үшін де маңызды. Себебі адам өмірінің түрлі салаларын сумен қамтамасыз ету үшін жер асты суларына ерекше рөл бөлінеді. Жер асты сулары әлемдегі тұщы су қорының шамамен 30 пайызын құрайды.<blockquote>- Бүгінде біздің ғалымдарымыздың еңбектері халықаралық деңгейде мойындалып отыр. Олардың ғылыми мақалалары Scopus, Web of Science сияқты беделді шетелдік деректер базаларында жарияланып, жоғары бағаланып жатыр. Бұл – отандық ғылымның дамуы мен әлемдік ғылыми қауымдастыққа қосқан үлесінің бір айғағы. Ғылым – бұл елдің стратегиялық дамуының негізі. Ғылыми зерттеулер мен жаңалықтар арқылы ғана біз болашаққа сенімді қадам жасай аламыз,- Айгүл Бекқожақызы.</blockquote>Спикердің айтуынша университет ғалымдары күрішті өсіру және жинау сапасын жақсарту бойынша зерттеулер жүргізуде. Себебі күріш өсірудің технологиялық тізбегінің ең күрделі және маңызды буындарының бірі-егін жинау.<blockquote>- Қазақстан Республикасында азық-түлік қауіпсіздігін қамтамасыз ету және жоғары сапалы күріш өсіру жөніндегі талаптарды арттыру астық жинау техникасының жаңа буынын құруды талап етеді. Бұл маңызды міндетті күріш өсіруге арналған машиналардың заманауи технологиялары мен кешендерін енгізу жолымен шешу жоспарланып отыр, бұл өнім сапасын одан әрі жақсартуды, сондай-ақ барлық астық жинау техникасының техникалық-экономикалық көрсеткіштерін барынша орындауды қамтамасыз етеді. Біздің университет ғалымдарының ғылыми зерттеулері өңірдегі ауыл халқының әлеуметтік және экономикалық жағдайын жақсартуға бағытталған,- деді Нұржамал Сайлаубекқызы.</blockquote>Фото: Өңірлік коммуникациялар қызметі

12 сәуір – Ғылым қызметкерлерінің күні

<a href="https://kyzylorda-news.kz/">Kyzylorda-news.kz</a> Қызылордада ҚР Президентінің кеңесшісі Мәлік Отарбаевтың, облыс әкімі Нұрлыбек Нәлібаевтың қатысуымен «Ұлттық құрылтай: алдағы мақсаттар мен міндеттер» атты дөңгелек үстел өтті.Аймақ басшысы өңірдің әлеуметтік-экономикалық даму барысына тоқталып, Ұлттық құрылтайдың кезекті отырысын 2026 жылы Сыр өңірінде өткізудің маңыздылығын атап өтті.<blockquote>«Жақында ғана Бурабайда өткен Ұлттық құрылтайда Мемлекет басшымыз Қасым-Жомарт Кемелұлы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиында қабылданған тарихи шешім аймақ жұртшылығының мерейін асқақтатты. Президентіміз халқымыздың «қазақ» деген байырғы атауы қайтарылған, тарихи әділдік орнаған Қызылордадағы маңызды оқиғалар ел жадында сақталуға тиіс екенін атап өтті. Бұл – біз үшін зор мәртебе, Президентіміздің өңірімізде атқарылып жатқан жұмыстарға берген оң бағасы деп білеміз», - деді Н.Нәлібаев.&nbsp;</blockquote>Мемлекет басшысының, Үкіметтің ерекше қолдауымен Сыр өңірі байыпты бастамалардың, жасампаз жобалардың ордасына айналды. Өңір барлық негізгі макроэкономикалық көрсеткіштер бойынша республикада алдыңғы қатарда. Облыс бюджеті 750 млрд теңгеден асты. Осыдан үш жыл бұрын 364 млрд теңге болатын. Бірлескен жұмыстың нәтижесінде өсім 206 пайызды құрады. Бұл ауқымды қаражат ең өзекті деген мәселелерді шешуге, тұрғындардың өмір сүру сапасын жақсартуға және ауқымды инфрақұрылымдық жобаларды іске асыруға бағытталды. Мемлекет басшысының тікелей қолдауымен Қызылорда қаласында 215 млрд. теңгеге қуаттылығы 240 мегаваттық жаңа жылу-электр орталығы салынуда. Бүгінде инвестор «Акса Энерджи» түрік компаниясы құрылысқа 137 млрд. теңгеден астам инвестиция құйып, жұмыстың 70 пайыздан астамын аяқтады. Қыркүйек айында аймақ үшін ерекше маңызы бар нысан ел игілігіне беріледі. Президент тапсырмасына сәйкес, оңтүстік өңірлерде электр энергиясының тапшылығын болдырмау мақсатында Катарда өткен үкіметаралық келісім шеңберінде қуаттылығы 1100 МВт, құны 892 млрд теңге болатын бу-газ қондырғысын салу келісілді. Мегажоба 2028 жылы толығымен іске қосылады деп жоспарлануда.Жиында ҚР Президентінің кеңесшісі Мәлік Нұржанұлы сөз сөйледі. Қазақстанның Еңбек Ері Абзал Ералиев, Қазақстанның еңбек сіңірген қайраткері, Ұлттық ғылым академиясының академигі, Ұлттық құрылтай мүшесі Қылышбай Бисенов, Қорқыт ата атындағы Қызылорда университетінің ректоры Бейбіткүл Кәрімова, көпбейінді қалалық аурухананың бас дәрігері Нуридин Амитов, «Анаға тағзым» орталығының директоры Алтынай Молжанова пікір білдірді.<img src="https://knadmin.beoblood.kz/uploads/Whats_App_Image_2025_04_11_at_10_45_52_2ef1a17c9f.jpeg" alt="WhatsApp Image 2025-04-11 at 10.45.52.jpeg"><img src="https://knadmin.beoblood.kz/uploads/Whats_App_Image_2025_04_11_at_10_45_53_5b8d0dc324.jpeg" alt="WhatsApp Image 2025-04-11 at 10.45.53.jpeg">Фото: Қызылорда облысы әкімінің баспасөз қызметі

«Ұлттық құрылтай: алдағы мақсаттар мен міндеттер» атты дөңгелек үстел өтті

<a href="https://kyzylorda-news.kz/">Kyzylorda-news.kz</a> Облыс орталығындағы №290 орта мектепте Ұлттық құрылтайдың IV отырысында айтылған Президент тапсырмаларын жүзеге асыру мәселесі бойынша Қазақстан Республикасы Президентінің кеңесшісі Мәлік Отарбаев білім саласы өкілдерімен кездесті.Жиынға &nbsp;сала ардагерлері, білім басқармасы мен бөлімінің мамандары, мектеп директорлары, ұстаздар шақырылды.&nbsp;Жиын барысында облыс әкімінің орынбасары Шахмардан Байманов Мемлекет басшысының, Үкіметтің ерекше қолдауы мен аймақ басшысы Нұрлыбек Машбекұлының тікелей бастамасымен білім саласы бойынша өңірде атқарылған жұмыстарға тоқталып өтті.Президент кеңесшісі өз сөзінде 2026 жылы Ұлттық құрылтайдың V отырысының Сыр елінде ұйымдастырылатынын ерекше атап өтті.&nbsp;<blockquote>«Алашқа ана атанған Сыр өңірінде мұндай ауқымды жиынның өтуі – айрықша жауапкершілік. Бұл – еліміздің болашағын айқындайтын, елдік мүддені биікке көтеретін алаң», – деді Мәлік Нұржанұлы.</blockquote>Кездесу барысында білім беру мазмұнын жаңғырту, жас ұрпақты жаһандық өзгерістерге бейімдеу, ұлттық құндылықтар негізінде тәрбие беру мәселелері де қозғалды.&nbsp;Жиын соңында педагогтер өз ұсыныстарын білдіріп, саладағы түйткілді мәселелер төңірегінде пікір алмасты.Фото: Өңірлік коммуникациялар қызметі

Ұлт болашағы – ұстаздардың қолында

<a href="https://kyzylorda-news.kz/">Kyzylorda-news.kz</a> Қазақстан Республикасы Президентінің кеңесшісі Мәлік Отарбаев Қорқыт ата атындағы Қызылорда университетінің ғалымдары және білім алушыларымен кездесті.Жиынға Қызылорда облысы әкімінің орынбасары Шахмардан Байманов, университеттің Басқарма төрағасы – ректоры Бейбіткүл Кәрімова, және аймағымыздағы жоғары оқу орындарының ректорлары, оқытушылары мен студенттері қатысты.Кездесудің негізгі мақсаты – жастармен ашық диалог орнатып, олардың пікірін тыңдау, сондай-ақ еліміздегі жастар саясаты, білім беру саласындағы мүмкіндіктер және тұлғалық дамуға қатысты мәселелерді талқылау болды. Сондай-ақ, Президент кеңесшісі жастарды ынталандырып, олардың бойында адалдық, еңбекқорлық, ізденімпаздық сияқты қасиеттерді дамытуға үндеу жасады.Кездесуде Мәлік Нұржанұлы Бурабайда өткен Ұлттық құрылтайда талқыланған маңызды мәселелерге тоқталып, қоғамдық бірлік пен әділетті Қазақстан құру жолындағы бастамаларды айта кетті. Жиында Президент кеңесшісі келер жылы Ұлттық құрылтайдың Қызылорда қаласында өтетінін және бұл шешім аймақтың тарихи-мәдени маңызын ескере отырып қабылданған шешім екендігін айтты.Сонымен қатар, елімізде жастардың тұлғалық дамуына, білім алуына барынша жағдай жасалғанын атап өтті. Қазіргі бәсекелестік заманда жастардың нақты мақсаты болуы керегін, кітап оқитын, үздіксіз ізденетін, интеллектуал ұрпақ қана жарқын болашақты қалыптастыратынына тоқталды.<blockquote>«Президент ел жастарының бойынан адалдық, еңбекқорлық және әділдік қасиеттер табылу қажет екенін үнемі айтып келеді. Әрбір адам «Адал азамат» деген атқа лайық болса, елімізде әділ қоғам орнайды. Осы тұрғыда сапалы білім алу үшін мемлекет тарапынан барлық қажетті жағдайлар жасалып жатыр. Мемлекет басшысы жастардың болашағына үнемі мән беріп отырады», – деді Мәлік Нұржанұлы.</blockquote>Жастармен ашық диалог құрған кездесуде университеттің ғалымдары мен белсенді студенттері Мәлік Отарбаевқа сұрақтарын қойып, ой-пікірлерін ортаға салды.<img src="https://knadmin.beoblood.kz/uploads/Prezident_ke_esshisi_zhastarmen_kezdesu_2_6e28fbd384.jpg" alt="Президент кеңесшісі жастармен кездесу 2.jpg">Фото: Өңірлік коммуникациялар қызметі

Президент кеңесшісі жастармен кездесті

<a href="https://kyzylorda-news.kz/">Kyzylorda-news.kz</a> Аймағымыздың мемлекеттік кірістер департаментімен биылғы жылдың I тоқсанында барлығы 169739 мемлекеттік қызмет көрсетілді. Бұл туралы бүгін Өңірлік коммуникациялар қызметінің ақпарат алаңында облыстық кірістер департаменті басшысының орынбасары Асқар Елеманов мәлімдеді. Сондай-ақ, брифинг барысында салық және кеден саласындағы негізгі көрсеткіштер, көлеңкелі экономиканың алдын алу бағытындағы шаралар және цифрландыру жұмыстары жөнінде кеңінен ақпарат берілді.<blockquote>- Ағымдағы тоқсанда мемлекеттік бюджет жоспары 143%-ға орындалып, өткен жылмен салыстырғанда түсім көлемі 175%-ға артты. Әсіресе, салықтық түсімдер бойынша Қызылорда облысы республика көлемінде алғашқы орынға шықты. Сонымен қатар, өңірде 169 мыңнан астам мемлекеттік қызмет көрсетіліп, шағын және орта бизнес өкілдерінің берешегін төмендету бағытында да жүйелі жұмыстар атқарылды. Кірістер департаменті үшін басты басымдықтардың бірі – салық төлеушілермен кері байланыс орната отырып, әкімшілік шараларды барынша азайту. Бұл бағытта айыппұлдар саны 28%-ға, ескертулер 13%-ға төмендеген. Алдағы уақытта да салық тәртібін сақтау, есептілікті дер кезінде тапсыру және бақылау-касса машиналарын қолдану мәселелеріне талдау жүргізу жалғасады. Бұл істе әрбір азаматтың жауапкершілігі маңызды. Сондықтан да ел болашағы үшін әрбір салық төлеушіні өз міндетіне жауапкершілікпен қарауға шақырамыз, – деді, Асқар Сейдекәрімұлы.</blockquote><img src="https://knadmin.beoblood.kz/uploads/As_ar_Elemanov_59a6bbe682.jpg" alt="Асқар Елеманов.jpg">Фото: Нұрболат НұржаубайӨңірлік коммуникациялар қызметі

Қызылорда облысы салықтық түсім бойынша республикада бірінші орында

<a href="https://kyzylorda-news.kz/">Kyzylorda-news.kz</a>&nbsp;Magnum компаниясының жеткізу қызметіне қатысты оқиға әлеуметтік желілерде қызу талқыланып, қоғам назарын аударды. Осыған байланысты компания басшылығы ресми мәлімдеме жасап, тұтынушыларынан және барша халықтан кешірім сұрады, деп хабарлайды «<a href="https://adyrna.kz/post/233968">Адырна</a>» ұлттық порталы.Бұған дейін әлеуметтік желі қолданушысы Асылхан есімді азамат Magnum-нан азық-түлікке тапсырыс бергенін, жеткізу кезінде жеткізушінің одан қазақ тілінде сөйлеуді талап еткенін жазған болатын. Бұл жазба қоғамда түрлі пікірлер тудырып, кейбір азаматтар компанияға бойкот жариялауға шақырды.Magnum компаниясының топ-менеджері Нияз Шапақов жағдайды түсіндіріп, жеткізушінің жұмыстан шығарылуы тек тіл мәселесіне байланысты емес екенін, тұтынушымен бірнеше рет дөрекі сөйлескені үшін осындай шешім қабылданғанын мәлімдеді.Magnum өкілдері бұл жағдайдан сабақ алғандарын және болашақта мұндай түсініспеушіліктерді болдырмау үшін тиісті шаралар қабылдайтындарын жеткізді.Олар жұмыстан шығарған тапсырыс жеткізушіні өз орнына қайтадан қабылдады.

Magnum-дағы шу. Компания басшысы халықтан кешірім сұрады

<a href="https://kyzylorda-news.kz/">Kyzylorda-news.kz</a> Бүгін ҚР Президенті Әкімшілігінің басшысы Айбек Дәдебайдың төрағалығымен мәжіліс өтті. Күн тәртібінде орман қорына 2 млрд. және елді мекендерге 15 млн. ағаш отырғызу, «Таза Қазақстан» республикалық экологиялық бағдарламасын іске асыру, заңсыз қоқыс орындарын анықтау, қатты тұрмыстық қалдықты жинау, кәдеге жарату және қайта өңдеу бойынша жұмыс барысы талқыланды.Облыс әкімі Нұрлыбек Нәлібаев аймақта «Таза Қазақстан» республикалық экологиялық бағдарламасын іске асыру барысын баяндады.<blockquote>«Экологиялық мәдениетті дамытудың 2024–2029 жылдарға арналған «Таза Қазақстан» тұжырымдамасын іске асырудың өңірлік кешенді жоспары бекітіліп, соған сәйкес тиісті жұмыс жүргізілуде. Бюджет қаражатынан бөлек, кәсіпкерлер демеушілігімен орталық алаңдар, демалыс орындары, ойын, спорт алаңдары қайта жаңғыртылып, тұрғын үйлер мен әлеуметтік нысандар заманауи үлгіде жөндеуден өткізілуде. Демеушілік есебінен 1 млрд. теңгеге Қызылорда қаласындағы орталық алаң қайта жаңғыртылды», – деді аймақ басшысы.</blockquote>Биыл аумағы 80 гектарға жуық қалалық мәдени-демалыс паркі мен Президент саябағы қайта жаңғыртылуда, мамыр-маусым айларында пайдалануға беріледі. Демалыс орындарына түрлі модульдік-санитарлық пункттер салынып, арнайы эко-бокстар, фандоматтар орналастырылады.Мемлекеттік-жекеменшік әріптестік аясында Қызылорда қаласы аумағында 992 гектар жерге жасыл желек егу жобасы басталды. Ол бойынша 2030 жылға дейін 2,5 млн. ағаш отырғызу және арнайы тұқымбақтар мен мамандандырылған зертхана салу көзделуде. Аудан орталықтарында кәсіпкерлердің демеушілігімен жаңа демалыс орындары, аллеялар салынып, көшелер абаттандырылып, жарықтандырылды.Жыл сайын «Үлгілі елді мекен» конкурсы өткізілуде. Соңғы екі жылда үздік атанған елді мекендерге 48 арнайы техника табысталды. Бұдан бөлек, коммуналдық, абаттандыру мекемелеріне 142 арнайы техника сатып алынып, ел игілігіне қызмет етуде. Тұрғындарды экологиялық таза көлік қызметімен қамтамасыз ету үшін 100 жаңа электромобиль алынып, 16 электр қуаттау бекеті салынды.Фото: Қызылорда облысы әкімінің баспасөз қызметі

«Таза Қазақстан» бағдарламасы табысты жүзеге асырылуда 

<a href="https://kyzylorda-news.kz/">Kyzylorda-news.kz</a> Түркістан облысында қызыл кітапқа енген қызғалдақты жұлған тұрғын анықталды, деп хабарлайды <a href="https://baq.kz/12-million-tengenin-gulin-zhulgan-turgyn-anyqtaldy-200011164/">BAQ.KZ тілшісі.</a>Түркістан облысында полицейлер Ордабасы ауданы Ұялыжар ауылдық округіндегі алқапта Қызыл кітапқа енген қызғалдақтарды жұлған Шымкент қаласының тұрғынын анықтады.Аталған жайт бойынша ҚР ҚК-нің 339-бабы "Өсiмдiктердің сирек кездесетiн және құрып кету қаупi төнген, сондай-ақ пайдалануға тыйым салынған түрлерін жою” бойынша қылмыстық іс қозғалған.<blockquote>– Барлық мән-жайларды анықтауға бағытталған тергеу жүргізіледі, оның нәтижелері бойынша заңды шешім қабылданады. Полиция табиғатты қорғау заңнамасының бұзылуын анықтау үшін рейдтер мен әлеуметтік желілерге мониторинг жүргізуде. Сондай-ақ, алқаптарға ескерту тақтайшалары орнатылып, түсіндіру жұмыстары жүргізілуде. Өз кезегінде тәртіп сақшылары Қызыл кітапқа енген өсімдіктерді жұлғаны үшін заңға сәйкес жауапкершілік қарастырылған, - деді облыстық полиция департаменті.</blockquote>Фото: Видеодан алынған

12 миллион теңгенің гүлін жұлған тұрғын анықталды

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысының тапсырмаларын жүзеге асыру аясында Қызылорда облысының бюджетіне ыстық сумен жабдықтау желілерін салу үшін Үкімет резервінен нысаналы трансферттер түрінде шамамен 5 млрд теңге бөлінді. Тиісті қаулыға Премьер-министр Олжас Бектенов қол қойды.Бүгінде Қызылорда қаласы – орталықтандырылған ыстық сумен жабдықтау жүйесі жоқ республикадағы жалғыз облыс орталығы.Қаладағы көп қабатты үйлер электр жылыту немесе газ жылыту құрылғылары арқылы ыстық сумен қамтамасыз етіледі. Бұл өз кезегінде төтенше жағдайларға әкелуі мүмкін.Мемлекет басшысы Қасым-Жомарт Тоқаев 2023 жылғы 10 қазанда өңірге жұмыс сапары барысында қаланы 2025 жылдың соңына дейін орталықтандырылған ыстық сумен жабдықтау жүйесімен қамтамасыз ету мәселесін шешуді тапсырған болатын.Жалпы құны 26,2 млрд теңгені құрайтын тиісті жобаны жүзеге асыру екі кезең бойынша жоспарланған. Бірінші кезең – 2024 жылы 187 тұрғын үйді су жүйесімен қамту жұмыстары басталды. Екінші кезеңде биыл 236 тұрғын үй су жүйесіне қосылады.2024 жылы бірінші кезеңге Үкімет резервінен 11 млрд теңгеден астам қаражат бағытталды.Аталған қаулы негізінде Үкімет резервінен бөлінген 5 млрд теңге биыл екінші кезеңнің бірінші кезектегі жұмыстары үшін пайдаланылады.Осылайша, жобаны жүзеге асыру нәтижесінде Қызылорда қаласының 423 көп қабатты тұрғын үйі орталықтандырылған ыстық сумен жабдықтау жүйесіне қосылады.<img src="https://knadmin.beoblood.kz/uploads/yzylordada_ysty_sumen_zhabdy_tau_zh_mystaryna_kimet_rezervinen_5_mlrd_te_ge_b_lindi_af0345fcd8.webp" alt="Қызылордада ыстық сумен жабдықтау жұмыстарына Үкімет резервінен 5 млрд теңге бөлінді.webp">Фото: Нұрболат Нұржаубай

Қазақстан және Қызылорда облысының жаңалықтары: Қоғам