<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов «Таза Қазақстан» республикалық акциясы аясында аумақтарды абаттандыру мен санитариялық тазалық жұмыстарын ұйымдастыру мақсатында құрылған жұмысшы топпен бірге жүргізіліп жатқан шаралардың орындалу барысын аралап көрді.Аудан әкімі рұқсатсыз төгілген қалдықтарды жою, жасыл желектерді күтіп-баптау, аулаларды абаттандыру және көше бойындағы көркейту жұмыстарын аралап көріп, жауапты сала басшыларына нақты міндеттер жүктеді. Сонымен қатар, меншік түріне қарамастан барлық нысан иелеріне «Таза Қазақстан» акциясы аясында аумақтарды абаттандыру мен санитарлық тазалықты сақтау тәртібі түсіндірілді. Бұл жұмыстар алдағы уақытта да өз жалғасын табатын болады.Айта кетейік, Қызылорда облыстық мәслихатының №112 шешімімен облыс аумағын абаттандыру қағидалары қабылданды. Қағидалардың басты мақсаты – тұрғындар үшін қауіпсіз, таза және жайлы орта қалыптастыру.Ережелер барлық жеке және заңды тұлғаларға қатысты. Онда аумақты тазалау, ғимарат қасбетін күтіп ұстау, көгалдандыру, құрылыс барысындағы тәртіп, балалар алаңдарын, жануарларға арналған орындарды және қоқыс жинау тәртібін сақтау міндеттері нақты көрсетілген.

Санитарлық тазалық талабы басты назарда

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев «Сындарлы қоғамдық диалог – Қазақстанның тұрақтылығы мен өркендеуінің негізі» атты халыққа жолдауында елдегі еңбек ресурстарының балансын есепке алудың тиімді әдістемесін әзірлеуді, сондай-ақ еңбек ресурстарының тапшылығы бар өңірлерде Үкіметке көші-қон үдерісін басқару үшін пәрменді шаралар қабылдауды тапсырған болатын.«Жұмыс күшінің ұтқырлығын арттыру үшін адамдардың ерікті түрде қоныс аударуы» жобасы аясында аудан тұрғындарына оңтүстіктен солтүстікке қоныс аудару бағдарламасы туралы ақпараттық түсіндірме жұмыстарын жүргізу үшін Қазалы ауданына Солтүстік Қазақстан облысының қоғам белсендісі, Солтүстік Қазақстан облысына қоныс аударушыларға жәрдемдесумен айналысатын «TAUEKEL» қоғамдық бірлестігінің төрағасы Бурахан Даханов пен делегация мүшелері келіп, аудан тұрғындарымен кездесу өткізді.Кездесу барысында спикерлер Солтүстік өңірлердегі мемлекет тарапынан көрсетілетін көмектер мен жәрдамақылар туралы кеңінен ақпарат берді.Айта кетейік, аталған кездесуге Еңбек мобильділігі орталығы Қызылорда облысы директорының орынбасары Исаев Ауелбек Қорғанбекұлы, "AMANAT" партиясы Қызылорда облыстық филиалының заң-консультанты Алшынбеков Сәбитбек Тынысбекұлы, "Serpin Qoldau" кеңесінің жетекшісі Смайл Насихат Бекарысқызы қатысты.

“TAUEKEL” қоғамдық бірлестігі тұрғындармен кездесті

<a href="https://kyzylorda-news.kz/">Kyzylorda-news.kz</a> Қармақшы ауданындағы «Руханият» орталығында ұлттық құндылықтарды дәріптеу, отбасы тәрбиесінің маңызын насихаттау мақсатында «Отбасы – қоғам негізі» атты тағылымды кездесу ұйымдастырылды.Іс-шараны Қармақшы ауданы әкімінің орынбасары Самат Қыдырбекұлы ашып, Қармақшы топырағына арнайы келген қоғам қайраткері, ұлт жанашыры, өнегелі ұстаз – Оразкүл Асанғазықызын таныстырып, ұлттық дәстүрлерімізді жаңғырту мен мемлекеттік тілдің мәртебесін арттыру жолында сіңірген еңбектеріне тоқталды.Кездесу барысында Оразкүл Асанғазықызы отбасы тәрбиесі, ұлттық сана, әйел-ананың қоғамдағы орны жөнінде мазмұнды баяндама жасап, әсерлі ойларымен бөлісті. Ұлттың болашағы – берекелі отбасыдан басталатынын айта келе, ананың рөлін көтеру, бала тәрбиесіндегі жауапкершілік, салт-дәстүрді сақтау секілді маңызды мәселелерге тоқталды.Сондай-ақ, жиын барысында ұлттық тәрбие, ұрпаққа өнеге беру, отбасындағы татулық пен өзара түсіністіктің маңызы туралы мазмұнды пікір алмасу болды.Ардагерлер кеңесінің төрағасы Асқар Мереков сөз алып, ұстаздық жолда да, қоғам алдындағы қызметте де өзіндік із қалдырған Оразкүл Асанғазықызына ризашылығын білдіріп, жылы лебізін жеткізді.Кездесуден кейін қонақтар түркі әлемінің абызы Қорқыт Ата кесенесіне арнайы барып, зиярат етіп қайтты.<img src="https://knadmin.beoblood.kz/uploads/Otbasy_o_am_negizi_2_407451680a.jpg" alt="Отбасы – қоғам негізі 2.jpg">

Отбасы – қоғам негізі

<a href="https://kyzylorda-news.kz/">Kyzylorda-news.kz</a> «AMANAT» партиясы жанындағы аграрлық секторды дамыту жөніндегі республикалық кеңестің отырысы өтті. Онда агроөнеркәсіптік кешеннің кәсіпкерлік салаларындағы инвестициялық жобалары, оларды қаржыландыру, іске асыру және өндіріс үлесін арттыру тетіктерін қарастыру мәселелері талқыланды.Кеңес отырысына бейне байланыс режимінде партияның облыстық филиалының атқарушы хатшысы Ләйлә Төрешова, партия жанындағы экономика, кәсіпкерлік және аграрлық сектор мәселелері жөніндегі аймақтық кеңес төрағасы, облыстық мәслихаттағы депутаттық фракция мүшесі Бақдәулет Мақашов, сонымен қатар жауапты сала өкілдері &nbsp;қатысты.&nbsp;Жалпы облысқа инвестиция тартуды тұрақты қамтамасыз ету мақсатында аймақтың агроөнеркәсіптік кешен саласындағы 2025-2027 жылдары іске асырылатын инвестициялық жобалардың жол картасы бекітілді.Жалпы Жол картасында құны 57,1 млрд. теңгені құрайтын 30 инвестициялық жоба қамтылған. Бұл жобалардың жүзеге асырылуы 295 жаңа жұмыс орнын ашуға мүмкіндік береді. Ағымдағы жылы жалпы құны 13,4 млрд. теңгені құрайтын 14 инвестициялық жобаны іске асыру жоспарланса, бүгінде 3 жоба іске қосылған. Олар: Жалағаш ауданы «Ер Әлі» ШҚ-ның күріш ақтау зауытының құрылысы, Арал ауданындағы «Қарашалаң балық» ЖШС-нің балық өнімдерін өндіретін зауыт құрылысы жобасы және Жаңақорған ауданындағы «Қожамберді Батыр» мал сою пункті.&nbsp;Жол картаға сәйкес, 2026 жылы құны 20,9 млрд. теңгені құрайтын 13 жоба, 2027 жылы құны 22,7 млрд. теңгені құрайтын 3 жобаны іске қосу межеленуде.

Кәсіпкерлік саласындағы бірқатар мәселелер республикалық кеңесте талқыланды

<a href="https://kyzylorda-news.kz/">Kyzylorda-news.kz</a> &nbsp;Президент Қасым-Жомарт Тоқаев Қытай үкіметіне 1,5 мың киік берілетінін мәлімдеді. Бұл туралы Ақорданың баспасөз қызметі&nbsp;<a href="https://kaz.inform.kz/news/kazakstan-kitayga-1500-kik-tartu-ett-66c9ff/">хабарлады</a>.<blockquote>– Қазақстан Президенті Қасым-Жомарт Тоқаев Қытай үкіметіне 1,5 мың киік беру туралы шешім қабылдағанын мәлімдеді. Қытайдың батыс бөлігінде жерсіндірілетін ақбөкендер көрші елдегі осы жануардың популяциясын қалпына келтіруге септігін тигізбек, − деп жазылған хабарламада.</blockquote>ҚХР төрағасы Си Цзиньпин бұл шешім үшін Қасым-Жомарт Тоқаевқа алғысын білдірді, себебі Қытай киік популяциясын қайта қалпына келтіруді жоспарлап отыр.Қазақстанның Экология және табиғи ресурстар министрлігі бүгін осындай тапсырма түскенін және мәселені пысықтап жатқанын жеткізді.&nbsp;Айта кетелік киік санын реттеу іс-шаралары күзде басталуы мүмкін екені туралы жазған едік.&nbsp;Киік санын реттеуге, аулауға қатысты ғалымдардың биологиялық негіздемесі әлі дайын емес. Дәл осы құжатқа, сәйкес, киіктің белгілі бір санын аулау мәселесі көтеріледі.Сондай-ақ, аңшыларға тек аналық киікті атуға рұқсат бекітілуі мүмкін.&nbsp;Ал Батыс Қазақстанда суға батқан 560-тан астам киіктің өлексесі жойылды.Фото: Экология және табиғи ресурстар министрлігі

Қазақстан Қытайға 1500 киік тарту етеді

<a href="https://kyzylorda-news.kz/">Kyzylorda-news.kz</a> Жергілікті мәслихат депутаттары тоқсан сайын халықпен кездесіп, атқарылған жұмыстарын баяндауда. Соның негізінде, «Тасбөгет» бастауыш партия ұйымында облыстық мәслихаттың фракция мүшелері кент тұрғындарымен кездесіп, сұрақтарына жауап берді.Тұрғындармен кездесуге облыстық мәслихаттағы депутаттық фракция жетекшісінің орынбасары Мақсұт Нәлібаев, фракция мүшелері Алмас Рахметов, Балжан Шаменова қатысты.&nbsp;Жалпы, партияның сайлауалды бағдарламасында Тасбөгет кентінде ауқымды жобалар жүзеге асты. Соның ішінде бір мезетте 100 келушіге арналған денешынықтыру-сауықтыру кешенін, Тәуелсіздікке 25 жыл даңғылы бойындағы көлік көпірін, қайта жаңғырудан өткен су торабын айтуға болады.&nbsp;Фракция мүшелері азаматтардың мәселелеріне сараптама жасап, жергілікті атқарушы органдарға сауалдар жолдап, мәселені шешу жолдарын қарастыруда. Бұл жұмыстар легі ұдайы жүзеге асып отырады. Кездесуде белсенді партия мүшесі Жанат Қараманова партия филиалының жұмысына оң бағасын беріп, әрқашан азаматтармен тиімді диалог орнатуда атқарылып жатқан игілікті істер үшін алғысын жеткізді.<img src="https://knadmin.beoblood.kz/uploads/Frakcziya_t_r_yndarmen_kezdesu_2_e287bbf56c.jpg" alt="Фракция тұрғындармен кездесу 2.jpg">

Облыстық мәслихаттың фракция мүшелері тұрғындардың талап-тілегін тыңдады

<a href="https://kyzylorda-news.kz/">Kyzylorda-news.kz</a> Жаңақорған ауданының қоғамдық даму бөлімінің мемлекеттік әлеуметтік тапсырысы аясында “Асыл мұра – Орда” қоғамдық қорының ұйымдастыруымен «Аудан тұрғындары арасында діни экстремизм мен терроризмге қарсы күреске бағытталған шараларды өткізу және діни ахуал туралы түсіндірме жұмыстарын жүргізуді ұйымдастыру» әлеуметтік жобасы аясында бірқатар маңызды кездесулер өткізілді.Аталған шараларға Сарыағаш медресе колледжінің директоры «Әбішұлы Сатыбалды» мешітінің бас имамы, РАТТ және РАНТ мүшесі Сманов Дінмухаммед Абдужаппарұлы арнайы шақырылып, Жаңақорған ауданында әртүрлі сала өкілдерімен жүздесті.Сапар барысында Дінмухаммед Абдужаппарұлы аудандық полиция бөлімінің ұжымымен, мәдениет саласының қызметкерлері, спорт саласының мамандарымен және дін қызметкерлері мен мешіт жамағатымен жүздесіп, қоғамдағы діни тұрақтылықты сақтау, дәстүрлі діни бағытты ұстанудың маңыздылығы, теріс діни ағымдардан сақтану жолдары туралы кеңінен түсіндірме жұмыстарын жүргізді.Кездесулер мазмұнды пікір алмасуға ұласып, қатысушылар көкейлеріндегі сұрақтарға тұшымды жауаптар ала алды.

 Түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен тазалық жұмыстары, ғимараттарды күтіп ұстау мен абаттандыру мәселелері талқыланған жиын өтті. Басқосуға жауапты сала басшылары қатысып, алдағы бағыт-бағдар белгіленді.Қоршаған ортаның, қала мен ауылдың тазалығын сақтау, келбетін көркейту жұмыстарының барлығы онда тұратын тұрғындар игілігі үшін жасалатыны белгілі. Айналамыздың әсем де көрікті, заманауи талапқа сай болғаны барлығымыз үшін маңызды. Ортақ үйіміздің абаттандырылуына, тазалығына баршамыз жауапты болғанда ғана қаламыз бен ауылдарымыз бүгінгіден де көркейе бермек. Осындай игі шаралардың арқасында қоғамда айналаны ластамау, жанашырлық таныту, туған жерге деген сүйіспеншілікті іспен көрсету туралы жаңа түсінік орнығып келеді.&nbsp;Қызылорда облыстық мәслихатының 2024 жылғы 25 шілдедегі №112 шешімімен облыс аумағын абаттандыру қағидалары қабылданған болатын. Негізгі мақсаты – тұрғындар үшін қауіпсіз, таза, жайлы және тартымды орта қалыптастыру. Бұл талаптар Қызылорда облысындағы барлық заңды және жеке тұлғаларға қатысты.Қағидада аумақты күтіп ұстау мен абаттандырудың негізгі талаптары бекітілген. Атап айтсақ, тазалық сақтауды, іргелес аумақты, ғимараттың қасбетін күтіп ұстауды, көгалдандыруды, инфрақұрылым элементтерін күтіп-баптауды, құрылыс барысында және одан кейінгі тәртіпті қамтамасыз етуді, балалар алаңдары мен уақытша құрылыстардың жайын, жануарларға арналған орындар мен қоқыс жинау тәртібін қамтиды.Бұл өңіріміздің келбеті мен тұрғындардың өмір сапасы үшін өте маңызды. Сондықтан барша жұртшылық белсенділік танытып, қоршаған ортаға жауапкершілікпен қарауы керек.Фото: Қызылорда облысы әкімінің баспасөз қызметі

Тазалық жұмыстары, ғимараттарды күтіп ұстау мен абаттандыру мәселелері талқыланды

<a href="https://kyzylorda-news.kz/">Kyzylorda-news.kz</a> Бүгін Қазалы ауданына Қазақстан Республикасының Адам құқықтары жөніндегі уәкілдің Қызылорда облысы бойынша өкілі Байхожаев Берікбол Ұзақұлы жұмыс сапарымен келді. Сапардың негізгі мақсаты – өңірдегі адам құқықтарының сақталу деңгейін зерделеу, тұрғындармен кері байланыс орнату және құқықтық мәселелер бойынша түсіндіру жұмыстарын жүргізу.Іссапар барысында өкіл алдымен Әйтеке би кентіндегі «Руханият орталығы» ғимаратында аудан тұрғындарымен кездесіп, азаматтарды жеке мәселелері бойынша қабылдады. Қабылдау кезінде азаматтық құқықтардың бұзылуы, әлеуметтік қолдау, еңбек қатынастары, тұрғын үймен қамту, сондай-ақ әкімшілік-құқықтық сипаттағы басқа да сұрақтар қарастырылды. Тұрғындар көтерген мәселелерге тиісті құқықтық кеңестер беріліп, кейбірі бойынша нақты шаралар қабылданатыны айтылды.Сапар аясында Берікбол Байхожаев аудан ардагерлерімен, құқық қорғау органдарының өкілдерімен, отбасын қолдау орталығы және әлеуметтік сала қызметкерлерімен, үкіметтік емес ұйым өкілдерімен кездесіп, «Тұрмыстық зорлық-зомбылықтың алдын алу» тақырыбында да жиын өткізді. Жиында тұрмыстық зорлық-зомбылықтың алдын алу, отбасындағы құқықтық мәдениетті қалыптастыру, әйелдер мен балалардың қауіпсіздігін қамтамасыз ету мәселелері жан-жақты талқыланып, ұсыныс-пікірлер айтылды.Адам құқықтары жөніндегі уәкілдің ауданға жасалған бұл жұмыс сапары азаматтардың құқықтарын қорғау мен олардың мәселелеріне назар аудару бағытындағы маңызды қадамдардың бірі болды. Мұндай кездесулер өңір тұрғындарына құқықтық қолжетімділікті арттырып, ашық әрі тиімді кері байланыс орнатуға мүмкіндік береді.

Адам құқықтары жайлы мәселелер талқыланды

<a href="https://kyzylorda-news.kz/">Kyzylorda-news.kz</a> Бүгін&nbsp;Қармақшы&nbsp;ауданы әкімінің міндетін атқарушы Шыңғыс Әбділәмитұлының төрағалығымен кезекті жұмыс мәжілісі өтті. Жиын барысында ауданның әлеуметтік-экономикалық даму барысы мен бірқатар сала бойынша атқарылып жатқан жұмыстар жан-жақты талқыланды.Мәжілісте алдымен&nbsp;Қармақшы&nbsp;ауданының әлеуметтік-экономикалық көрсеткіштері мен қаржы игерілуі жайында жыл басынан бері&nbsp;атқарылып жатқан жұмыстары туралы&nbsp;мәліметтер ұсынылып, бюджет қаражатының тиімді әрі мақсатты игерілуі туралы есеп берілді.Аудандық тұрғын үй коммуналдық&nbsp;шаруашылығы, жолаушылар көлігі және автомобиль жолдары бөлімінің басшысы Бақытбек Жылтыров аудандағы қызметтік, коммуналдық және арендалық тұрғын үйлердің жай-күйі туралы баяндады.Сонымен қатар, егін егу жұмыстары, жер учаскелерін сауда-саттық арқылы айналымға енгізу және пайдаланылмай жатқан жерлерді мемлекет меншігіне қайтару бағытында жүргізіліп жатқан шаралар баяндалды. Осыған сәйкес, ауыл шаруашылығы мақсатындағы жерлерді тиімді пайдалану мен мониторинг жұмыстарын күшейту&nbsp;жұмыстарына қатысты тапсырмалар берілді.Жиын қорытындысында аудан аумағындағы санитарлық тазалық жұмыстары бойынша қалдықтарды шығару, абаттандыру, көгалдандыру және тұрғындардың санитарлық мәдениетін арттыру міндеттері де сөз болды.Қармақшы ауданы әкімінің міндетін атқарушы Ш.Әбділәмитұлы жиында қозғалған мәселелер бойынша жауапты бөлімдерге нақты тапсырмалар жүктеп, аталған бағыттар аясында жұмысты жүйелі жалғастыруды тапсырды.

Өзекті мәселелер бойынша бірқатар тапсырма берілді

<a href="https://kyzylorda-news.kz/">Kyzylorda-news.kz</a> Бүгін Қызылорда облысының Қоғамдық даму басқармасының ұйымдастыруымен «Достық үйінің» конференц залында «Мемлекеттік рәміздер – егемендіктің нышаны» тақырыбында облыстық семинар өтті.Іс-шараға Қызылорда қаласындағы мемлекеттік атқарушы органдар мен департаменттердің қызметкерлері қатысты.Шара «Рәміздер» алаңындағы танымдық экскурсиядан басталып, Достық үйінің конференц залнда облыстағы 55-тен астам мемлекеттік мекеме мамандарына оқыту семинарымен жалғасын тапты.Семинар аясында елордадан арнайы келген сарапшы, геральдика саласының маманы, зерттеуші Айдын Рысбекұлы мемлекеттік рәміздердің қабылдану тарихы, оларды қолдану және орналастыру тәртібі туралы түсіндірмелік жұмыстар жүргізді.Шара соңында қатысушылар тарапынан ұсыныс-пікірлер айтылып, қатысушылар тарапынан қойылған көкейтесті сұрақтарға тұщымды жауаптар берілді.Мемлекеттік рәміздер – елдің тәуелсіздігі мен тұтастығын айқындайтын маңызды нышандар. Оларды қадірлеу – әр азаматтың перзенттік парызы.Айта кету керек, жыл басынан бері мемлекеттік рәміздерді насихаттауға бағытталған түрлі форматтағы ірі көлемді 56 іс-шара ұйымдастырылып, оларға 10 мыңға жуық адам қатысқан.Сонымен қатар, осы шаралар барысында 2 мың дана мемлекеттік Ту пайдаланылып, республикалық және жергілікті телеарналарда 32 бейнесюжет пен 96 ақпараттық материал жарияланған.Бұдан бөлек, облыс көлемінде 16 көрнекі үгіт-насихат құралы орнатылған.

«Мемлекеттік рәміздер – егемендіктің нышаны» атты облыстық семинар өтті

<a href="https://kyzylorda-news.kz/">Kyzylorda-news.kz</a> Отырыс барысында Қызылорда облысының қоғамдық даму басқармасы басшысының орынбасары –ҚХА хатшылығының меңгерушісі Артур Қамбаров, облыстық қоғамдық даму басқармасының этносаралық қатынастар мәселелері жөніндегі бөлім басшысы Ерлан Сисенбиев және Қоғамдық даму басқармасының «Қоғамдық келісім» КММ директоры Бақытжан Камалов атқарылған жұмыстар туралы баяндама жасады.Қатысушылар өңірде қоғамдық келісімді нығайту және этносаралық қатынастарды одан әрі дамыту бойынша басым бағыттарды талқылады.Сондай-ақ, Қызылорда қаласында жаңа Достық үйінің ашылу салтанатына дайындық барысы жеке қаралды.Қазақстан халқы Ассамблеясының әлеуметтік бастамаларын іске асыруға, сондай-ақ, өңірлік деңгейде этнос өкілдері арасындағы тұрақты диалогты кеңейтуге ерекше назар аударылды.Қазақстан халқы Ассамблеясының XXXIV сессиясында Мемлекет басшысы берген тапсырмалардың орындалуына ерекше назар аударылды.

Қазақстан және Қызылорда облысының жаңалықтары: Қоғам