<a href="https://kyzylorda-news.kz/">Kyzylorda-news.kz</a> &nbsp;2025 жылдың 16 қазан күні Қызылорда қаласы, Сол жағалау ықшам ауданы, №117 «А» мекен-жайында орналасқан «Қазанғап атындағы Қызылорда музыкалық жоғарғы колледжі» ғимараты мен аумағында терроризмге қарсы Қызылорда облыстық жедел штабымен жедел-тактикалық оқу-жаттығуын өткізу жоспарлануда, – деп хабарлайды Терроризмге қарсы күрес жөніндегі Қызылорда облыстық жедел штабы.Оқу-жаттығу шаралары барысында терроризм тұрғысынан осал объектілерде терроризм актілерінің түрлі сценарийлеріне жедел жауап қайтару мәселелері қарастырылады.Осыған байланысты азаматтарды жүргізіліп жатқан іс-шараларға автокөлік пен халықтың қозғалысының ықтимал уақытша шектеулеріне түсіністікпен қарауға шақырамыз.Қауіпсіздік шараларын сақтауды және мемлекеттік орган қызметкерлерінің заңды талаптарын орындауды сұраймыз. Тек ресми ақпаратты басшылыққа алып, жалған мәліметтердің таралуына жол бермеулеріңізді сұраймыз.

Қызылордада жедел-тактикалық оқу-жаттығу жиынын өткізу жоспарлануда

<a href="https://kyzylorda-news.kz/">Kyzylorda-news.kz</a> Назарбаев Зияткерлік мектептері желісінде «NIS, бірге оқиық!» жобасы аясында өткен Марат Қабанбаевтың «Бауыр» шығармасы бойынша желілік зияткерлік сайыста Сыр өңіріндегі NIS командаcы І орынға ие болды.Зияткерлік додаға Астана, Өскемен, Павлодар, Түркістан және Қызылорда қалаларының 7-сынып оқушылары мен ата-аналары қатысты. Олар әдеби шығарма туралы білімдерін көрсетіп, логикалық ойлау, есте сақтау және шығармашылық қабілеттерін түрлі кезеңдер арқылы сынады.Қызылордалық команда (ата-аналар – Жанат Раимқұлова, Марал Алмабаева, Мая Мұхиддинова, Меруерт Садықова, Нұрсұлтан Қайназаров және оқушылар – Айару Сайлауова, Тамирис Шағанбекова, Айзере Қуанышбай, Кәусар Нұрадин, Абылай Тойбазар) мектеп намысын абыроймен қорғап, үздік атанды.«NIS,бірге оқиық!» жобасы оқушылар мен олардың отбасылары арасында кітап оқуды насихаттауға, қазақстандық әдебиетке қызығушылықты арттыруға, ұрпақтар сабақтастығын нығайтуға және оқу мәдениетін қалыптастыруға бағытталған.<img src="https://knadmin.beoblood.kz/uploads/nish_61b4ef358e.jpg" alt="ниш.jpg">

Қызылордадағы NIS – оқырмандар сайысының жеңімпазы

<a href="https://kyzylorda-news.kz/">Kyzylorda-news.kz</a> Қазақстанда теледидар мен радио&nbsp;хабар тарату уақытша тоқтатылады. Бұл туралы Stan.kz ақпарат агенттігі хабарлайды.“Қазтелерадио”&nbsp;АҚ мәліметінше, өшіру жұмыстары 16 қазан күні сағат 03:00-ден 17:00-ге дейін жоспарланған.Компанияның түсіндіруінше, бұл уақытта биылғы жылдың төртінші тоқсанына арналған жоспарлы-профилактикалық жұмыстар жүргізіліп, спутниктік, цифрлық және аналогтық эфирлік желілердің техникалық құралдарында қызметтер уақытша тоқтатылады.<blockquote>“Жұмыстар жүргізілген кезде Қазақстан аумағы бойынша теле- және радиоканалдардың қайта таратуы уақытша тоқтатылады”, – делінген хабарламада.</blockquote>“Қазтелерадио”&nbsp;атап өткендей, бұл шаралар телерадиохабар таратудың сапасын қамтамасыз ету мақсатында жүзеге асырылады.Фото: freepik.com

Қазақстанда теледидар мен радио хабар тарату уақытша тоқтатылады

<a href="https://kyzylorda-news.kz/">Kyzylorda-news.kz</a> Британдық &nbsp;«British Council» ұйымы жүргізген «Қазақстанның болашағы» (Next Generation Kazakhstan) атты кең ауқымды зерттеу нәтижелері жарияланды. Жоба жастардың ой-пікірін, үмітін және қоғамдағы рөлін тереңірек түсінуге бағытталған. Бұл бастама әлемнің түрлі елдерінде жүзеге асырылып, жас ұрпақтың даусын естуге мүмкіндік береді.Қазақстандағы зерттеу LSE Consulting, Орталық Азия Барометрі (ЦАБ) және жобаның кеңесші кеңесімен бірлесіп іске асырылған. Барлығы 1270 жас қазақстандық (18–35 жас аралығында) қатысып, олардың 1202-сі сауалнамаға, ал 68-і тереңдетілген сұхбат пен фокус-топтарға тартылған.Жастар – отбасы мен дәстүрге берік ұрпақЗерттеу көрсеткендей, қазақстандық жастардың көпшілігі өз тегін мақтан тұтады және отбасын басты құндылық деп санайды. Отбасы – олардың өміріндегі негізгі тірек, ал достары мен замандастары екінші орында. 80%-дан астам жас үшін отбасы – өмірлік бағыт пен моральдық қолдаудың басты көзі.Оптимизм мен сенім – жас буынның айқын белгісіЗерттеу нәтижесі жастардың қиындықтарға қарамастан, елдің болашағына зор сеніммен қарайтынын көрсетті. 80%-дан астам жас азамат Қазақстанның оң даму қарқынына және өз жеке болашағына сенімді.Мысалы, ерлердің 86%-ы, әйелдердің 83%-ы өз өмір сапасына оң көзқарас танытқан, ал 87% ер мен 82% әйел болашақ мансаптарына үмітпен қарайды.Мамандардың пікірінше, бұл көрсеткіш қазіргі ұрпақтың бейімделгіш, төзімді және қиындықты өсу мүмкіндігі ретінде қабылдай алатынын дәлелдейді.Білім – өзгерістің қозғаушы күшіЖастардың білімге көзқарасы да оң бағытта. Сауалнамаға қатысқандардың 57%-ы Қазақстандағы білім беру сапасы жақсарып келеді деп есептейді.Әсіресе 30–35 жас аралығындағы респонденттердің 78%-ы білім қоғамдағы өзгерістерге серпін береді деп санайды.Сондай-ақ 70%-дан астам жас білімді жаһандық мәселелерді шешудің ең тиімді құралы деп біледі.Жастар үшін басты табыс кілті – көшбасшылық, проблеманы шешу және коммуникация дағдылары. Сонымен қатар, қазақ және ағылшын тілдерін меңгеру еңбек нарығындағы маңызды артықшылық ретінде қаралады.Кәсіпкерлікке қызығушылық артып келедіЗерттеу нәтижесінде қазақстандық жастардың екіден бірі алдағы бес жылда жеке бизнес ашуға ниетті екенін білдірген. Бұл – елдің экономикалық белсенділігінің жаңа толқынын қалыптастыратын жағымды көрсеткіш.Жаһандық көзқарас және елге деген мақтанышЖас қазақстандықтар әлемдік үрдістерге бейжай қарамайды. Олар Қазақстанды географиялық, дипломатиялық және мәдени тұрғыда «көпір ел» ретінде көреді – Батыс пен Орталық Азияны байланыстыратын стратегиялық ойыншы ретінде қабылдайды.Елдің өңірдегі жетекші экономика ретіндегі беделі мен халықаралық абыройы – жастар үшін айрықша мақтаныш көзі.Экологиялық жауапкершілік пен азаматтық белсенділікКлимат мәселесі де жастар назарынан тыс қалған жоқ. Респонденттер ең алдымен ауа сапасы, қалдықтарды басқару және су тапшылығы мәселелеріне алаңдайтынын білдірген.Сонымен қатар, жастар экологиялық және әлеуметтік мәселелерге белсенді қатысып, цифрлық белсенділік арқылы өз көзқарасын білдіруде. Олар әлеуметтік желілерде қоғамдағы өзекті тақырыптарды қозғап, блог жүргізу, перформанс, комикс, музыка және эко-активизм арқылы азаматтық ұстанымын жеткізеді.Зерттеу қорытындысы бүгінгі қазақстандық жастардың жаңа буыны дәстүр мен заманауилықты үйлестіре отырып, елдің дамуына белсенді үлес қосуға дайын екенін дәлелдейді.Олар үшін басты мақсат – тұрақты даму, білім арқылы өрлеу және елдің болашағына сеніммен қарау.

Қазақстан жастары елдің дамуына және өз болашағына сенеді – халықаралық зерттеу нәтижесі

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбек жауынгерлік самбо және қазақ күресі спорт түрлері бойынша халықаралық және республикалық жарыстарда топ жарған ауданымыздың мақтаныштарын салтанатты қабылдады.Атап айтқанда, ағымдағы жылдың 18-22 қыркүйек аралығында Тәжікстан Республикасының Душанбе қаласында өткен ересектер арасындағы жауынгерлік самбодан Әлем кубогында және Алматы облысы, Үшқоңыр ауылында ұйымдастырылған «Ақ бидай» республикалық турнирінде қазақ күресінен ел намысын абыроймен қорғап, жеңіс тұғырынан көрінген жерлестеріміз аудан мерейін асқақтатты.Жастардың спортқа деген қызығушылығын арттыру мақсатында ұйымдастырылған шарада Жандос Еркінбек:<blockquote>Сіздер өз еңбектеріңізбен жастарға үлгі болып, спорттың ел ішіндегі мәртебесін көтеріп, ұлттық рухты нығайтуға сүбелі үлес қосып келесіздер. Спорттағы әрбір жетістіктеріңіз – ауданымыздағы жүйелі жұмыстың айқын дәлелі. Біз бұдан әрі де спорт инфрақұрылымын дамыту, бұқаралық спортты қолдау бағытындағы жұмыстарды күшейтеміз, – деп атап өтті.</blockquote>Салтанатты қабылдау барысында жеңімпаз спортшыларға аудан әкімінің атынан Алғыс хаттар мен естелік сыйлықтар табысталды. Сондай-ақ, «Алтын күз – 2025» аудандық спартакиадасы қорытындыланып, жеңімпаз командалар да марапатталды.Жиында аудандық мәслихат төрағасы Әділ Қошалақов, ардагерлер кеңесінің төрағасы Асқар Мереков, және спорт саласының ардагері Еркін Атабаев сөз сөйлеп, спортшыларға жүрекжарды лебіздерін арнады.Айта кетейік, соңғы екі жыл ішінде аудан көлемінде 3 жаңа дене шынықтыру-сауықтыру кешені іске қосылып, 4 балалар ойын және заманауи спорт алаңдары халық игілігіне берілді. Бұл – салауатты өмір салтын насихаттаудағы маңызды қадам.

Халықаралық және республикалық жарыс жеңімпаздарын қабылдады

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмахановтың төрағалығымен өткен мәжілісте 2025 жылғы қаңтар-қыркүйек айындағы ауданның әлеуметтік-экономикалық даму және бюджеттің атқарылу қорытындылары туралы мәселе қаралды.2025 жылдың қаңтар-қыркүйек айларында аудан бойынша барлық макроэкономикалық көрсеткіштерде өсім қалыптасқан. Өнеркәсіп өнімінің көлемі – 119,4 пайызға, Өңдеуші өнеркәсіп көлемі – 120,0, Ауыл шаруашылығының жалпы өнімі – 104,7, Бөлшек сауда айналымы – 100,5, Инвестициялар тарту – 119,1, Құрылыс жұмыстары көлемі – 123,8, Пайдалануға берілген тұрғын үйлер көлемі – 104,4 пайызды құрап отыр.&nbsp;Аудан әкімі экономиканың өсім қарқынын және өз кірістеріміздің ұлғаюын, бюджеттің 100 пайызға игерілуін жыл соңына дейін сақтап қалу керектігін айты. Бұған байланысты жылдың соңында берілген тапсырмалар өз деңгейінде орындалмаған жағдайда жауаптыларға қатысты қатаң шешімдер қабылданатындығын ескертті.Мәжілісте Алмасбек Әбілқасымұлы ауданның әлеуметтік-экономикалық дамуын жеделдетудің маңызды факторы - бюджеттің игерілуі екенін жеткізіп, бұл мәселегеде барлық кент, қала және ауылдық округ әкімдері, тиісті сала басшыларымен бірлесе жұмыс атқаруды тапсырды.Жиында азаматтарды мерзімді әскери қызметке шақыру жұмыстары, коммуналдық салалардың үздіксіз жұмыс жасауы, қоғамдық-саяси ахуал және басқа да өзекті мәселелерге қатысты жауаптыларға нақты тапсырмалар жүктелді.

Бюджет мәселесіне қатысты бірқатар тапсырма берді

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімдігі жанындағы сыбайлас жемқорлыққа қарсы іс-қимыл мәселелері жөніндегі аудандық комиссияның кезекті отырысы өтті.Оған аудан әкімі Аманжол Оңғарбаев төрағалық етіп, күн тәртібіндегі мәселе ретінде Сексеуіл және Жақсықылыш кенті әкімдері аппараттарының сыбайлас жемқорлыққа қарсы іс-қимыл бағытында атқарған шаралары қаралды.Көтерілген мәселеге сәйкес Сексеуіл кентінің әкімі С.Төрешов және Жақсықылыш кентінің әкімі П.Берсүгіров хабарлама жасады. Кент әкімдері 9 айдың қорытындысы бойынша жергілікті әкімдік тарапынан атқарылған жұмыстарды баяндады.Аудан әкімі халықтың талап-тілегін тыңдау және арыз-шағымдармен жұмыс істеу барысында жол берілген кемшіліктерге тоқталып, алдағы уақытта бұл бағыттағы жұмысты жандандыру қажеттігін атап өтті.Жиында сыбайлас жемқорлыққа қарсы мәдениетті қалыптастыру және жемқорлық көріністеріне төзбеушілік деңгейін анықтау мақсатында ауданда жүргізілген әлеуметтік сауалнама бойынша аудандық қоғамдық даму бөлімінің басшысы М. Марат хабарлама жасады.Сауалнама қорытындысымен танысқан аудан әкімі Аманжол Сақыпұлы кенттердегі көрсеткіштердің көңіл көншітпейтінін жеткізді.Жиын қорытындысында аудан басшысы жауапты тұлғаларға бірқатар міндеттер жүктеп, тапсырмалардың орындалуын үйлестіру мен бақылауды аудан әкімінің орынбасарлары мен аппарат басшысына тапсырды.

Сыбайлас жемқорлыққа қарсы іс-қимыл мәселелері жөнінде комиссия отырысы өтті

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясы жанындағы Экологиялық кеңес отырысы өтті.&nbsp;Онда «Жасыл Даму» АҚ қызметі кеңінен талқыланды. &nbsp;Жиынға &nbsp;ZOOM конференциясы арқылы партияның облыстық филиалының атқарушы хатшысы Ләйлә Төрешова, партияның облыстық филиалы жанындағы экологиялық кеңес төрағасы Жорабек Нұрымбетов, облыс әкімінің орынбасары Бахыт Жаханов, облыстық табиғи ресурстар және табиғат пайдалануды реттеу басқармасының басшысы Ғалымжан Еркебай қатысты.&nbsp;«Жасыл даму» АҚ-ы 2012 жылы Қазақстан Республикасы Қоршаған ортаны қорғау министрлігінің «Қазақ экология және климат ғылыми-зерттеу институты» шаруашылық жүргізу құқығындағы республикалық мемлекеттік кәсіпорнын қайта ұйымдастыру туралы Үкімет қаулысына сәйкес құрылған. «Жасыл Даму» өз қызметінде «АMANAT» партиясының Сайлауалды бағдарламасында көрсетілген қоршаған ортаны жақсартуға бағытталған &nbsp; міндеттерді дәйекті түрде жүзеге асыруда.Өңірде қалдықтарды сұрыптау және өңдеу саласында жалпы құны 96,0 млрд.теңгені құрайтын 10 жоба, оның ішінде, «Жасыл Даму» АҚ-ның &nbsp;қаржысы есебінен 9 жоба жүзеге асуда.&nbsp;Атап &nbsp;өту керек, ағымдағы жылдың 8 шілдесінде облыста Парламент Мәжілісінің депутаттары және Экология және табиғи ресурстар министрінің қатысуымен жалпы құны 34,5 млрд.теңгені құрайтын «Қызылорда қаласында қатты тұрмыстық қалдықтарды сұрыптау, өңдеу және кәдеге жарату зауытының» капсуласы салынған болатын. Қуаттылығы жылына 300 мың тонна қалдық сұрыптау қарастырылған Оңтүстік Корея технологиясы бойынша жұмыс жасайтын зауыттың бүгінгі күні құрылыс жұмыстары жүруде. Сонымен қатар, Жаңақорған ауданындағы 1 жоба «Өнеркәсіпті дамыту қорының» сараптама кезеңдерінен толық өткізіліп, қаржыландыру үшін тиісті келісім-шарт жасалды. Жоба қаржыландырылды, сұрыптау кешені қараша айында жеткізілетін болады. Арал ауданындағы «Сұрыптау кешенін орнату» жобасы мақұлданды, келісім-шарт жасалуда. Қалған 7 жоба бойынша тиісті өтінімдер ұсынылып, Қордың сараптамасынан өтуде.Жиын соңында кеңеске қатысушылар өңірдегі әрбір жобаның орындалуын талқыға салып, алдағы міндеттерді пысықтады.&nbsp;

«AMANAT» партиясы жанындағы экологиялық кеңес отырысы өтті

<a href="https://kyzylorda-news.kz/">Kyzylorda-news.kz</a> &nbsp;Облыс әкімінің төрағалығымен мәжіліс өтіп, онда бюджет қаражатының игерілуі және негізгі макрокөрсеткіштердің уақытылы орындалу барысы қаралды. Жиында көтерілген мәселе бойынша қала әкімдігінде шаһар басшысы Нұржан Ахатов алдағы міндеттерді пысықтады.&nbsp;Мәжілісте шаһар басшысы бұл бағыттағы жұмыстарды әлде де ширатып, әлеуметтік-экономикалық дамудың макрокөрсеткіштерін нақты орындау маңызды екенін айтты.Қазір жылдық меженің үш тоқсаны бойынша атқарылған жұмыстарды бағалап, жылдың соңына дейінгі міндеттерді нақтылайтын маңызды кезең. Экономикалық өсімнің, бюджеттік түсімдердің, инвестициялық және әлеуметтік көрсеткіштердің орындалу деңгейі қала дамуының айнасы.Сондықтан бүгінгі отырыста негізгі салалар бойынша қол жеткізілген нәтижелер мен кемшіліктерді саралап, жыл соңына дейін орындалуы тиіс шараларды айқындауымыз қажет,-деді Нұржан Сәбитұлы.&nbsp;Бюджет қаражатын игеру де күн тәртібінде тұрған маңызды мәселе. Жиында қаржы игеруде төмен көрсеткіштерге жол бермеу керектігі айтылып, жауаптыларға талдау жасау тапсырылды.

Тапсырма тиянақты орындалуы тиіс

<a href="https://kyzylorda-news.kz/">Kyzylorda-news.kz</a> Облыстық мәслихаттағы «AMANAT» партиясы депутаттық фракциясының мүшесі Ералиев Мағжан Абзалұлы партия алаңында қоғамдық қабылдау өткізіп, &nbsp;тұрғындарды толғандырған мәселелерін тыңдады.&nbsp;Тұрғындар қабылдау барысында әлеуметтік осал топтарға қолдау көрсету, мүгедектік арбасын ауыстыру мерзімін қысқарту, коммуналдық төлемдер мен медициналық қызмет көрсету тақырыптарында өтініштері мен ұсыныстарын ортаға салды.Фракция мүшесі &nbsp;аталған мәселелерді жан-жақты зерттеп, құзырлы мекемелерге депутаттық сауал жолдайтынын және жүзеге асыру мүмкіндіктерін қарастыратын болды.&nbsp;Сонымен қатар өтініш иелеріне әлеуметтік қолдау көрсетіп, барлық мәселе жеке бақылауында болатынын айтты. Тұрғындарға партиялық жобалар жайлы кеңестер беріп, алдағы уақытқа жоспарланған шаралармен бөлісті.

Фракция мүшесі тұрғындар өтінішін тыңдады

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен бюджет қаражатының игерілуі және негізгі макрокөрсеткіштердің уақтылы орындалуы мәселесіне қатысты жиын өтті.Бұл бағыттағы жұмыстарда әлі де кемшіліктер бар екенін атап өткен аудан әкімі әлеуметтік-экономикалық дамудың макрокөрсеткіштерін орындау бағытындағы жұмыстарды одан әрі күшейтудің маңызды екенін баса айтты.<blockquote>– Жылдың аяқталуына екі ай уақыт қалды. Негізгі макрокөрсеткіштер бойынша оң динамиканы жыл соңына дейін сақтап қалу бойынша тиісті жұмыстарды ұйымдастырыңыздар. Әрбір көрсеткіштің айма-ай орындалуына аса мән беріп, облыстық басқармалармен, аудандық статистика бөлімімен тығыз жұмыс жасау маңызды. Сондай-ақ экономикалық көрсеткіштерге жеке-дара талдау жасап, жоспарлы индикаторларға жетудің нақты шараларын қарастыру керек, – деді аудан әкімі Аманжол Сақыпұлы.</blockquote>Сонымен қатар бюджет қаражатын игеру де күн тәртібінде тұрған маңызды мәселе екенін атап өтті. Қаржы игеруде төмен көрсеткіштерге жол бермеу керектігін алға тартып, жауаптыларға қатаң ескерту жасады.<blockquote>– Әріптестер, қазіргі таңда бюджеттің жағдайы күрделі. Бюджет қаражаттарын шұғыл игеру бойынша тиісті шараларды қабылдауымыз қажет. Жоспарға сәйкес қаржы ай сайын толық игерілуі тиіс. Он айдың қорытындысымен бюджет қаражатын игеруде төмен көрсеткіштер орын алған жағдайда жауапты лауазымды тұлғаларға қатаң шара қолданылатын болады, – деді аудан әкімі.</blockquote>Бұдан бөлек, алдағы бірқатар міндеттерді пысықтаған аудан әкімі әрбір сала бойынша ахуалды ұдайы назарда ұстап, оң көрсеткіштерге қол жеткізу үшін бірлесе жұмыс істеуге шақырды.<img src="https://knadmin.beoblood.kz/uploads/Byudzhet_2_e854e43afd.jpg" alt="Бюджет 2.jpg">

Әлеуметтік-экономикалық даму және бюджеттің атқарылу қорытындылары талқыланды

<a href="https://kyzylorda-news.kz/">Kyzylorda-news.kz</a> Қазақстан Ұлттық Олимпиадалық комитетінің президенті Геннадий Головкин грек-рим күресінен әлем чемпионы Айдос Сұлтанғалимен кездесті, – деп хабарлайды <a href="https://kaz.inform.kz/news/gennadiy-golovkin-alem-chempioni-aydos-sultangalimen-kezdest-0b89e5/">Қазақпарат.</a>Комитет мәліметінше, кездесу барысында ҰОК басшысы спортшыны 2025 жылы Хорватияның Загреб қаласында өткен әлем чемпионатында жеңіп алған алтын медалімен құттықтады.Еске сала кетейік, Айдос Сұлтанғали 60 келіге дейінгі салмақ дәрежесінде топ жарып, соңғы 26 жылда және XXI ғасырда Қазақстанның грек-рим күресіндегі алғашқы алтын жүлдесін ел қоржынына салды.<blockquote>– Айдос жоғары шеберлік пен табандылық танытты. Оның жеңісі – көп жылғы еңбектің және мақсатқа жүйелі түрде ұмтылудың нәтижесі. Бұл жетістік тек грек-рим күресі үшін ғана емес, жалпы қазақ спорты үшін де үлкен маңызға ие. Енді осы қарқынды сақтап, Лос-Анджелестегі Олимпиада ойындарына тыңғылықты дайындықты жалғастыру қажет. Ұлттық Олимпиадалық комитет өз тарапынан барлық қажетті қолдауды көрсетуге дайын. Айдосқа жаңа олимпиадалық маусымда сәттілік пен табыс тілеймін, - деді Геннадий Головкин.</blockquote>Фото: ҚР ҰОК

Қазақстан және Қызылорда облысының жаңалықтары: Қоғам