«Қазмедиа орталығының» студиясында экзит-полл нәтижелері таныстырылғаннан кейін Мемлекет басшысы мәлімдеме жасады.<blockquote>– Бүгін – Қазақстан үшін тарихи күн! Еліміздің азаматтары конституциялық реформаны қолдап, референдумға белсенді түрде қатысты. Отанымыздың болашағын ойлап дауыс берді. Бұл – өте жақсы оқиға. Қазір ғана экзит-поллдың нәтижелері шықты. Соған сәйкес қазақ елі түбегейлі тарихи таңдауын жасады. Халқымызға шынайы ризашылығымды айтқым келеді. Бүгін жұртымыз дауыс беріп, Қазақстанның тарихын, тағдырын айқындады. Бұл шешім дүние жүзі тарихында мәңгі сақталады. Бұл мәселе бойынша ешқандай күмәнім жоқ. Өйткені бұл – азаматтарымыздың бойындағы нағыз отаншылдық нышаны. Енді жыл сайын 15 наурызды – Конституция күні, яғни, еліміздің ең басты мерекесінің бірі ретінде қарсы аламыз. Себебі Қазақстан халқы жаңару мен жаңғыру үшін дауыс берді. Бұл – біздің бәрімізге ортақ жетістік. Баршаңызды шын жүректен құттықтаймын! – деді Мемлекет басшысы.</blockquote>Қасым-Жомарт Тоқаев жалпыұлттық референдум аса жоғары деңгейде өткенін, ашық әрі әділ болғанын айтты. Президенттің пікірінше, барлық заң талаптары мен демократиялық нормалар қатаң сақталды. Мұны еліміздің және шетелдің байқаушылары да айтып отыр.<blockquote>– Азаматтар жасаған таңдаудың түпкілікті қорытындысын заңға сәйкес Орталық референдум комиссиясы ресми тәртіппен шығарады. Бірақ қазірдің өзінде Қазақстан халқы ынтымақ пен бірліктің, патриотизмнің, Отан тағдырына ортақ жауапкершіліктің керемет үлгісін көрсетті деп айта аламыз. Азаматтарымыздың басым бөлігі Өркендеу, Әділет, Заң мен Тәртіп, Табиғатты аялау және Тазалық жолын таңдады. Бұл – өте жақсы жол. Жаңа Халық Конституциясы елімізді тың жетістіктер мен табыстарға бастайды. Бұған ешқандай күмән жоқ. Дауыс берушілер саны бойынша ең жоғары рекордтық көрсеткіш тіркелді. Мұндай жағдай көптен бері болмап еді. Учаскеге келіп, азаматтық ұстанымын анық білдірген баршаға алғыс айтамын. Осы арқылы күллі әлемге қазақ қоғамының саяси мәдениеті жоғары екенін паш еттік. «Бірлік бар жерде тірлік бар». Бірлік бар жерде өркендеу бар. Елдің қуаты – бірлікте. Бізге татулық пен достық, сабырлық пен табандылық, жасампаздық пен ұқыптылық, еңбекқорлық пен сенімділік ауадай қажет. Сонда ғана озық, дамыған, бәсекеге қабілетті ел боламыз, – деді Президент.</blockquote>Мемлекет басшысының айтуынша, Қазақстан халқы қолдаған, жаппай дауыс берген Конституция – еліміздің темірқазығы.<blockquote>– Жаңа Конституция – Тәуелсіздік пен егемендік тірегі. Ата заңымыз – адам құқығы мен бостандығының мызғымас кепілі. Біз бір ел болып Заң мен тәртіп сақталатын, жауапты және жасампаз азаматтары бар Әділетті қоғам құру жолында маңызды қадам жасадық. Осылайша, бүгін ұлт тарихының жаңа парағын аштық. Алда ауқымды жұмыстар күтіп тұр. Ең бастысы, халқымыз түбегейлі өзгерістерді барынша қолдайды. Біз ортақ мүдде жолында күш біріктіріп, келер ұрпаққа Өркениетті, Озық Қазақстанды аманат етеміз. Мен бұған кәміл сенемін. Осы референдум кезінде жастар белсенді түрде сайлауға қатысты. Жастарымызға мың да бір рақмет! Жастарымыздың дауысы, үні өте жақсы естілді. Әрқашан аман болыңыздар! Қазақ елінің қасиетті Тәуелсіздігі мәңгі болсын! Отанымыз – Қазақстан Республикасы жасай берсін! Жаңа Конституциямыз құтты болсын! – деді Қасым-Жомарт Тоқаев.</blockquote><img src="https://knadmin.beoblood.kz/uploads/tokaev_9cdb5430b4.jpg" alt="токаев.jpg">Фото: Ақорда

Президент республикалық референдум барысында жүргізілген экзит-полл қорытындысымен танысты

&nbsp;Облыс әкімі Нұрлыбек Нәлібаевтың төрағалығымен басқармалардың, коммуналдық мекемелердің басшылары, селекторлық режимде қала, аудан әкімдері, жауапты сала мамандары қатысқан жиналыс өтті.Аймақ басшысы алдағы міндеттерді айқындап, бірқатар тапсырма жүктеді.<blockquote>«Демалыс күндері коммуналдық қызметтердің үздіксіз әрі сапалы көрсетілуін қадағалау керек. Тұтынушыларда суға, жарыққа, жылу мен газға қатысты мәселе туындамауы тиіс.«Таза Қазақстан» республикалық экологиялық бағдарламасы аясында облыстың барлық елді мекенінде санитарлық тазарту, абаттандыру және көркейту-көгалдандыру жұмыстарын қарқынды жүргізу керек», – деді Н.Нәлібаев.</blockquote>Сондай-ақ, жиналыста облыс аумағында салынып жатқан құрылыс нысандарындағы жұмыс барысы сараланды. Аудандарда жүзеге асырылуы тиіс жобалар, құрылыс сапасын қатаң бақылауда ұстау, нысандарды уақытылы пайдалануға берудің маңыздылығы айтылды.Аймақта экологиялық бағдарлама аясында санитарлық тазалық, абаттандыру, тұрғындардың өмір сүруіне қолайлы жағдай жасау бағытында кешенді жұмыс жүргізілуде.Бюджет қаражатынан бөлек, кәсіпкерлер демеушілігімен орталық алаңдар, демалыс орындары, ойын, спорт алаңдары қайта жаңғыртылып, тұрғын үйлер мен әлеуметтік нысандар жөндеуден өткізілуде.Демеушілер және бюджет қаражаты есебінен Қызылорда қаласындағы орталық алаң, қалалық мәдени-демалыс паркі, Қорқыт ата мемориалды аллеясы мен Президент саябағы қайта жаңғыртылды. Оларға заманауи спорт, ойын алаңдары, модульдік-санитарлық пункттер, арнайы эко-бокстар орнатылды.Қазіргі таңда Президент саябағы аумағында жылдың төрт мезгілінде жұмыс істейтін 300 орындық балалар тынығу лагері мен ботаникалық білім беру орталығы, Сырдария өзені үстінен Президент саябағын қаламен байланыстыратын жаяу жүргіншілер көпірі салынуда.Бұл жұмыстар аудандарда да жүйелі жолға қойылған, жаңа демалыс орындарын, аллеяларды, көшелерді абаттандыру, жарықтандыру жұмыстары қарқын алған.Өңірде біркелкі дизайн код бекітіліп, облыс орталығынан бастап елді мекендердегі мекеме ғимараттары, аулалар, ойын алаңдары, аялдамалар, жарық бағаналары архитектуралық талаптарға сәйкестендірілді.Ауылдарда қолайлы орта қалыптастыру, тұрғындарды тазалық шараларына ынталандыру мақсатында жыл сайын «Үлгілі елді мекен» конкурсы өткізіледі. Бұл маңызды жобаға соңғы үш жылда 2 млрд. 64 млн. теңге бөлініп, үздік атанған елді мекендерге 67 арнайы техника табысталды.Айта кетейік, аймақта тұрғындарды баспанамен қамтамасыз ету бағытына басымдық берілгендіктен, 2022-2024 жылдары тұрғын үй кезегінде тұрған азаматтарға 5 мыңнан астам пәтер табысталды. 2023 жылдан бері барлық ауданда алғаш рет 1800-ге жуық пәтер тұрғындарға берілді. Өткен жылы 3600 пәтерлік тұрғын үй салуға бюджеттен 58 млрд. 785 млн. теңге бөлінді. Кезекте тұрған тұрғындарға 2 392 пәтер табыстау үшін 57 млрд. 440 млн. теңге жоспарланған.Ерекше атап өту қажет, былтырдан бері Қызылорда қаласында заманауи жаңа дизайнмен жеті, тоғыз, он екі қабатты тұрғын үйлер бой көтеруде.Фото: облыс әкімдігі

Аймақ басшысы: Мереке күндері коммуналдық қызмет сапалы әрі үздіксіз көрсетілуі тиіс

<a href="https://kyzylorda-news.kz/">Kyzylorda-news.kz</a> &nbsp;Бүгін «Наурызнама» онкүндігі аясында қайырымдылық шаралары ұйымдастырылып, тұрғындарға ерекше көңіл бөлінуде. Сонымен қатар, Тасбөгет кентінде ауыл шаруашылығы тауарларының жәрмеңкесі өтіп жатыр.&nbsp;Жәрмеңкеге жергілікті өндірушілер өз өнімдерін ұсынып, тұрғындарға сапалы азық-түлікті қолжетімді бағамен сатып алуға мүмкіндік жасалуда. Мұнда ұсынылған өнімдер базар бағасынан төмен бағада сатылып, халыққа тиімді жағдай қарастырылған.

Тасбөгет кентінде арзан бағадағы жәрмеңке ұйымдастырылды

<a href="https://kyzylorda-news.kz/">Kyzylorda-news.kz</a> Республикалық референдумға Қызылорда облысы, Қазалы ауданы, Әйтеке би кентіндегі &nbsp;№58 дауыс беру учаскесінде&nbsp; Бағланова көшесінің тұрғындары Тайман Нұрлан, Базарбаева Мөлдір отбасымен бірге келіп дауыс берді.

Референдум: Отбасымен дауыс берді

<a href="https://kyzylorda-news.kz/">Kyzylorda-news.kz</a> Республикалық референдумға атсалысқан белсенділер қатарында Қазақстанның Еңбек Ері, сырбойылық белгілі &nbsp;меценат Имамзада Шағыртаев бар.Имамзада Қуанышбайұлы Қызылорда облысы, Жалағаш ауданы, Таң ауылдық округіндегі №136 референдум учаскесінде өз таңдауын жасады.<blockquote>«Бұл референдумның маңызы зор. Елдің, өзіміз тұратын ауылдың болашағына тамшыдай болса да үлес қосамын деген әрбір адамда осындай түсінік қалыптасуы керек. Еліміз мұнан ары көркейіп, экономикасы дамып, әлеуметтің әлеуеті артады деп сенемін», - деген Имамзада Қуанышбайұлы ел болашағы үшін дауыс беру әр азаматтың борышы екенін атап өтті.</blockquote><img src="https://knadmin.beoblood.kz/uploads/aza_stanny_e_bek_eri_Imamzada_Sha_yrtaev_z_ta_dauyn_zhasady1_854bbcdae7.jpg" alt="Қазақстанның еңбек ері Имамзада Шағыртаев өз таңдауын жасады1.jpg">Айта кетейік, Имамзада Шағыртаев Таң ауылының таңғажайып күйге енуіне, көркейіп-гүлденуіне маңдай терін төгіп жүрген азамат. Ел ісін елден бұрын ойлайтын ел ағасының игі бастамаларын, Таң ауылының дамуы жолындағы жұмыстарын, қайырымдылық шараларын аудан жұрты жақсы біледі.

Қазақстанның еңбек ері Имамзада Шағыртаев өз таңдауын жасады

<a href="https://kyzylorda-news.kz/">Kyzylorda-news.kz</a> Қызылорда өңірінің тұрғындары маңызды саяси науқан республикалық референдумға қатысып, өз таңдауларын жасауда. Таңсәріден учаскеге ерте келген азаматтар үшін комиссия мүшелері демеушілер есебінен арнайы сыйлықтарды үйлестірді.&nbsp;Айта кетейік, аймақта 378 референдум учаскесі бар. Дауыс беру 20.00-ге дейін жалғасады. Түскі 12.00-ге дейін азаматтар үйден дауыс беруге өтініш қалдыра алады.&nbsp;Өңір бойынша 492 524 тұрғын дауыс берушілер тізіміне енген.

Референдум: Алғаш келген дауыс берушілерге сыйлықтар берілді

<a href="https://kyzylorda-news.kz/">Kyzylorda-news.kz</a> Бүгін еліміз бойынша республикалық референдум өтуде. &nbsp;Маңызды саяси науқанда учаскеге алғаш болып келген 105 жастағы майдангер өз таңдауын жасады.Сырдария ауданында тұратын Ұлы Отан соғысының ардагері Яхия Тасыров референдум күні алғашқылардың бірі ретінде өз учаскесінде бюллетень алып, дауыс берді. Қария бұл күннің маңыздылығын атап өтіп, комиссия мүшелеріне ақ батасын берді.Майдангер ел тарихындағы әрбір сайлау және референдум науқандарынан тыс қалған емес. Әрбір адам мемлекет үшін маңызды істе үнсіз қалмауы керек деп санайтын дауыс беруші комиссия мүшелерінің жұмысына сәттілік тіледі.&nbsp;Айта кетейік, өңірде 492 524 азамат дауыс беруге құқылы. Түскі 12.00-ге дейін азаматтар үйден дауыс беруге өтініш қалдыра алады. Ал, кешкі 20.00-ге дейін өз аумағындағы учаскелерге келіп дауыс бере алады.

105 жастағы майдангер референдумда  бірінші болып өз таңдауын жасады

<a href="https://kyzylorda-news.kz/">Kyzylorda-news.kz</a> &nbsp;Бүгін – республикалық референдум!Вахталық әдіспен жұмыс істейтін мекемелер мен әскери бөлімшелердегі 6 учаскеде дауыс беру таңғы 6.00-де басталды. Оның 5-і кен орны, 1-і әскери бөлім.Бұл учаскелерде 6528 азамат дауыс беруге құқылы.Маңызды науқанда «Құмкөл» кенішіндегі ауысыммен еңбек етіп жатқан азаматтар таңмен таласа келіп, өз дауыстарын берді.Ауысыммен жұмыс істейтін мұнайшылар бір мезетте өз таңдауын жасап, азаматтық белсенділігін таныта білді.Маңызды науқанда Қызылорда облысы бойынша 378 учаске ашылған. Мұнда 2642 комиссия мүшесі қызмет атқарады.&nbsp;Тұрғындар кешкі 20.00-ге дейін өз аумағындағы учаскелерге келіп дауыс бере алады.

6 учаскеде дауыс беру таңғы 6-да басталды

Мемлекет басшысының қолдауымен Қазақстанда соңғы жеті жылда жол инфрақұрылымын жаңғыртудың ауқымды бағдарламасы жүзеге асырылуда. Осы кезеңде елімізде республикалық және жергілікті маңызы бар автомобиль жолдарының 25 мың шақырымнан астамы салынып, реконструкцияланды және жөнделді.Қазақстандағы жалпы пайдаланымдағы автомобиль жолдары желісінің жалпы ұзындығы шамамен 96 мың шақырымды құрайды. Оның 25 мың шақырымы республикалық маңызы бар жолдарға, ал 71 мың шақырымы жергілікті маңызы бар жолдарға тиесілі. Ірі инфрақұрылымдық жобаларды іске асыру жаңа көлік дәліздерін қалыптастыруға, өңірлердің байланысын арттыруға және жол желісінің сапасын едәуір жақсартуға мүмкіндік берді.2019 жылы жергілікті маңызы бар автомобиль жолдарының нормативтік жағдайдағы үлесі 68 пайызды құраса, бүгінде бұл көрсеткіш 91 пайызға жетті. Республикалық маңызы бар жолдар бойынша нормативтік жағдайдағы жолдардың үлесі 85 пайыздан 94 пайызға дейін өсті.Негізгі жобалардың бірі – еліміздің ірі қалалары Астана мен Алматы арасындағы көлік қатынасын қамтамасыз ететін «Қарағанды – Алматы» автожолын реконструкциялау болды. Жоба аясында трассаның жекелеген учаскелері кеңейтіліп, көпірлер мен жол өтпелері жаңғыртылып, жаңа көлік айрықтары салынды.«Талдықорған – Өскемен» автожолында реконструкция жүргізіліп, заманауи асфальтбетонжамылғысы төселіп, жол инфрақұрылымы жаңартылды. Өткен жылы Қытаймен мемлекеттік шекараға шығуды қамтамасыз ететін және шығыс бағытының транзиттік әлеуетін күшейтетін «Қалбатау – Майқапшағай» трассасын реконструкциялау аяқталды.Осы жылдар ішінде іске асырылған ірі жобалар қатарында «Қостанай – Денисовка», «Ақтөбе – Қандыағаш – Атырау» автожолдарын, сондай-ақ «Астана – Павлодар», «Ақтау – Жетібай», «Меркі – Бурылбайтал», «Атырау – Астрахань» трассаларының реконструкциясы да бар. Бұл жолдар өңіраралық қатынасты дамытуда және ел ішіндегі экономикалық байланыстарды нығайтуда маңызды рөл атқарады.<a href="https://kyzylorda-news.kz/">Kyzylorda-news.kz</a> &nbsp;Жекелеген маңызды жоба ретінде «Үшарал – Достық» автомобиль жолын жаңғыртуды атауға болады. Жобаны іске асыру жол қозғалысының қауіпсіздігін арттыруға және Қазақстан-Қытай шекарасындағы логистикалық тораппен көлік байланысын жақсартуға мүмкіндік берді.Қызылорда облысының аумағында «Қызылорда – Жезқазған» автожолы реконструкцияланды. Көптеген жылдар бойы осы трассаның жай-күйі жүргізушілер мен жолаушылар тарапынан сынға ұшырап келді. Қазіргі уақытта жолдың Ұлытау облысы аумағындағы учаскелерін реконструкциялау жалғасуда.«Ұзынағаш – Отар» жобасы аяқталды, соның арқасында Алматы мен Шымкент арасындағы көлік дәлізінің негізгі учаскелерінің бірінде төрт жолақты қозғалыс қалыптасты.Сонымен қатар, Қазақстандағы ең ірі Бұқтырма су қоймасы арқылы өтетін көпір және Шақпақ-Баба асуындағы автомобиль тоннелі пайдалануға берілді.Соңғы жылдардағы ең ірі инфрақұрылымдық жобалардың бірі – 2023 жылы пайдалануға берілген Үлкен Алматы айналма автомобиль жолы (ҮАААЖ) болды. Жолдың көпшілік учаскелерінде алты жолақ, ал жекелеген бөліктерінде төрт жолақты қозғалыс бар. Жоба аясында жеті көлік айрығы, ондаған көпірлер мен жол өтпелері салынды. Бұл құрылыс мемлекет пен жеке сектор әріптестігі аясында жүзеге асырылып, Орталық Азиядағы ауқымы жағынан ең ірі инфрақұрылымдық жобалардың қатарына қосылды. ҮАААЖ транзиттік қатынасты Алматы қаласының сыртына шығаруға мүмкіндік беріп, қаланың көше-жол желісіне түсетін жүктемені айтарлықтай төмендетті.Бұдан басқа, Мемлекет басшысының бастамасы бойынша республикалық маңызы бар автомобиль жолдарын орташа жөндеудің ауқымды бағдарламасы іске асырылып жатыр.Жоба аясында жалпы ұзындығы шамамен 10 мың шақырым жол қамтылмақ. Жұмыстар елдің негізгі бағыттарында, оның ішінде «Жезқазған – Петропавл», «Қарағанды – Қарқаралы», «Қостанай – Мамлютка», сондай-ақ «Өскемен – Семей» автожолдарында жүргізілуде.Ағымдағы жылы орташа жөндеумен шамамен 5 мың шақырым жолды қамту жоспарланып отыр, ал жыл соңына дейін жаңартылған трассалардың шамамен 2 мың шақырымын пайдалануға беру көзделген.Инфрақұрылымдық жобаларды жүзеге асырудың арқасында стратегиялық көлік дәліздері қалыптасып, жаңартылды. Бұлдәліздер еліміздің өңірлері арасындағы жылдам әрі қауіпсіз байланысты орнатады, сондай-ақ Қазақстанның халықаралық көлік маршруттарының интеграциясын қамтамасыз етеді. Қазіргі уақытта Қазақстан аумағы арқылы жалпы ұзындығы шамамен 13 мың шақырым болатын сегіз халықаралық автомобиль көлік дәлізі өтеді.Көптеген жылдар бойы қаржыландыру тапшылығы болған жергілікті жол желісін дамытуға ерекше назар аударылуда. Іске асырылып жатқан жобалар қатарында «Қарағанды – Үштөбе – Құрылыс» жолы, Қызылорда қаласы әуежайына кіреберіс жол, Амангелді ауылына кіреберіс және басқа да бірқатар нысандар бар.Республикалық және жергілікті маңызы бар жолдарды салу және жөндеу қазірдің өзінде айтарлықтай экономикалық тиімділік беріп отыр. Бизнестің көліктік шығындары азайып, жүк тасымалы жылдамдап, өңіраралық сауда дамып, шағын және орта бизнес өсіп, аймақтардың инвестициялық әлеуеті өсуде. Заманауи автожол желісі халықтың мобильділігін, ішкі нарықтың дамуын және елдің транзиттік әлеуетін нығайтуды қамтамасыз ете отырып, Қазақстанның экономикалық кеңістігінің каркасына айналуда.Жол инфрақұрылымын жаңғырту жұмыстары әрі қарай жалғасуда.&nbsp;

Жол инфрақұрылымының жаңғыруы: жаңа көлік дәліздері және өңірлердің дамуы

<a href="https://kyzylorda-news.kz/">Kyzylorda-news.kz</a> 2026 жылғы 1 наурыздағы жағдай бойынша атаулы әлеуметтік көмек (бұдан әрі – АӘК) 30,3 мың отбасындағы&nbsp; 163,3 мың адамға 5,2 млрд теңге сомасында тағайындалды. Биыл бұл мақсаттарға бюджеттен 62,7 млрд теңге қарастырылған. Бұл туралы Еңбек және халықты әлеуметтік қорғау министрлігі <a href="https://kaz.inform.kz/news/2026-zhil-basinan-163-minnan-astam-adamga-atauli-aleumettk-komek-korsetld-141160/">хабарлады</a>.&nbsp;Бұрын хабарланғандай, АӘК-нің негізгі мақсаты – ақшалай төлем түрінде қолдауды жүзеге асыру және отбасының еңбекке қабілетті мүшелерін жұмыспен қамтуға жәрдемдесудің белсенді шараларына тарту арқылы отбасын қиын өмірлік жағдайдан шығару.АӘК мыналарды көздейді:– табысы кедейлік шегінен аспайтын азаматтарға тоқсан сайын әлеуметтік көмек тағайындау;– табысы аз отбасылардағы 1 жас пен 6 жас аралығындағы әр балаға 1,5 АЕК мөлшерінде ай сайынғы қосымша төлем беру. Ағымдағы жылдың наурызына АӘК алушылар қатарынан мектеп жасына дейінгі 50,1 мың балаға 618,1 млн. теңге сомасына қосымша төлем тағайындалды;– жұмысқа орналастыру, өз ісін ашуға ниетті отбасыларға гранттар беру, біліктілікті арттыру курстарына жіберу (қажет болған жағдайда) және басқалар арқылы жұмыспен қамтуға жәрдемдесу.Қазіргі уақытта қазақстандықтар АӘК тағайындауға өтінішті тұрғылықты жері бойынша мансап орталығында, ауыл округінің әкіміне сондай-ақ Электрондық үкімет порталы (egov.kz) арқылы бере алады.Фото: Еңбек және халықты әлеуметтік қорғау министрлігі

2026 жыл басынан 163 мыңнан астам адамға атаулы әлеуметтік көмек көрсетілді

<a href="https://kyzylorda-news.kz/">Kyzylorda-news.kz</a> &nbsp;«Қайсар арена» стадионында жаңа Конституцияны қолдауға арналған Open Air форматындағы шара өтті. Оған облыс әкімі Нұрлыбек Нәлібаев, «AMANAT» партиясының хатшысы Ержан Жылқыбаев, Парламент Мәжілісінің депутаттары Мұрат Ергешбаев, Мархабат Жайымбетов, Мұрат Әбенов, Мақсат Толықбай, Нартай Сәрсенғалиев, «AMANAT» партиясы жанындағы «Жастар рухы» жастар қанатының төрағасы, жалпыұлттық коалиция мүшесі Ақерке Искандерова қатысты.Аймақ басшысы мемлекет дамуының жаңа бағытын айқындаудағы Конституциялық реформаның маңызына тоқталды.<blockquote>«Президентіміз «Халық Конституциясының жобасы ортақ Отанымыз – Қазақстан Республикасының жарқын келешегіне берік әрі мызғымас іргетас болады» деп атап өтті. Жаңа Ата Заңымыз тәуелсіздігімізді, аумақтық тұтастығымызды сақтайды. Азаматтарымыздың құқықтары мен бостандықтарын қорғайды. Еліміздің тыныштығы мен тұрақтылығын қамтамасыз етеді. Бұл – әлемдегі ахуал ушығып тұрған уақытта мемлекеттігімізді нығайтатын маңызды қадам. Тәуелсіздігіміздің басты нышаны болатын жаңа құжатта Ұлы Даланың мыңжылдық тарихи сабақтастығы сақталған. Негізгі идеясы ретінде білім мен ғылым, мәдениет пен инновация анықталған. Әділеттілік, Заң мен Тәртіп қағидаттары алғаш рет Конституция деңгейінде бекітілген, біртұтас Қазақстан халқының барлық мақсат-мүддесі қамтылған. Сындарлы сәтте ел болып бірігуден асқан бақыт жоқ. Баршаңызды Қазақстанның жарқын болашағы үшін дауыс беруге шақырамын! Еліміз аман, халқымыз тыныш, тәуелсіздігіміз мәңгі болғай!» – деді Нұрлыбек Нәлібаев.</blockquote>Жиында Мәжіліс депутаттары Мұрат Әбенов, Нартай Сәрсенғалиев, Мақсат Толықбай, «Жастар Рухы» Жастар қанатының төрағасы Ақерке Искандерова, Қорқыт ата университетінің ректоры Наурызбай Байқадамов, «Анаға тағзым» орталығының директоры Алтынай Молжанова, айтыскер ақын, үш дүркін «Алтын домбыра» иегері &nbsp;Мұхтар Ниязов сөз сөйледі.Сахна төрінде эстрада жұлдыздары Мәдина Сәдуақасова, Қайрат Нұртас, &nbsp;Мирас Жүгінісов өнер көрсетті.«Қайсар аренаға» жиналған жұртшылық тек қана концерт тамашалаған жоқ, елдің ертеңі туралы ой бөлісті. Өз таңдауын жасаудың, ел болашағына үлес қосудың маңызын ұғынды. &nbsp;Референдум – демократиялық қоғамның ең басты тетіктерінің бірі. Сондықтан шешім халық таңдауына сүйеніп қабылданады. Бүгінгі кеш жауапкершілікті сезінетін белсенді жастардың, ел болашағына бейжай қарамайтын азаматтардың басын қосқан ерекше кездесу болды.<img src="https://knadmin.beoblood.kz/uploads/1773422128_bdac6c7e_df6b_40d0_a9e1_86a33bbad9dc_15461dfc79.jpg" alt="опен эйр ">

«ҚАЙСАР АРЕНА»  стадионында OPEN AIR форматында іс-шара өтті 

<a href="https://kyzylorda-news.kz/">Kyzylorda-news.kz</a> Республикалық референдумға 2 күн қалды. Маңызды науқан кезінде «Жедел әрекет ету орталығы» КММ-нің 109 бірыңғай байланыс қызметі 24/7 жұмыс жасауда.&nbsp;2 ауысыммен жұмыс істейтін &nbsp;диспетчерлер 400-ге жуық &nbsp;қоңырауға жауап берді.&nbsp;<blockquote>- Бізге келіп жеткен сауалдардың басым бөлігі - азаматтардың өз учаскесін анықтауы және тізімде жоқ азаматтардың дауыс берушілерді уақытша тіркеу мәселелеріне қатысты. Дауыс берушілер тізімінде мүлдем жоқ және тіркелмеген азаматтар үшін 5 онлайн учаске жұмыс істейтінін қаперге саламыз. Себебі кешкі 20.00-ге дейін азаматтар дауыс беруге құқылы. &nbsp;Біз әрбір қоңырау үшін жауаптымыз. Себебі саяси науқанда әрбір азаматтың дауысы маңызды,-дейді мекеме директоры Бағлан Терлікбаев.&nbsp;</blockquote>Сондай-ақ, азаматтардың дауыс беруіне қолайлы жағдай үшін Қызылорда облысының әкімдігі арнайы сервистерді жүзеге асырды.https://referendum.orda.gov.kz сайты тұрғындар үшін үздіксіз жұмыс жүргізуде.Мұнда азаматтар сайтқа кіру арқылы өз учаскесін анықтап, референдум комиссиясының мекен-жайы, байланыс деректері және комиссия мүшелерінің құрамы туралы ақпаратты біледі. Сондай-ақ, әрбір азамат яндекс карта арқылы өз учаскесіне баратын жолдың сызбасын және такси құнын да көре алады.Бүгінгі күнге дейін сайтты 30 мыңнан аса тұрғын қолданған. &nbsp;Бұл қызметтер «Smart Qyzylorda» мобильді қосымшасында және телеграм https://t.me/referendumKzo_bot желісінде бар.

Қазақстан және Қызылорда облысының жаңалықтары: Қоғам