&nbsp;<a href="https://kyzylorda-news.kz/">Kyzylorda-news.kz</a>&nbsp; Ақмола облысында 64 жастағы зейнеткер алаяқ әйелге алданды, деп хабарлайды <a href="http://polisia.kz/">Polisia.kz</a> порталы.Жақсы ауылының тұрғыны жалғыз тұрады. Сол күні бір әйелді тамақ жасап беруді және пәтерін жинап шығуды сұраған. Екеуі әңгіме-дүкен құрған. Сонда алаяқ әйел зейнеткердің туған жылын біліп алған. Дәл сол дата банк қосымшасына кіруге пароль болған. Ер адамды алдап, фотоға да түсіріп алды. Ал бөлмеден шығып кеткенде ұялы телефонымен 2 миллион теңгеге кредит рәсімдеп, ақшасын өз ұлының есепшотына аударған.Зейнеткер заңсыз кредит туралы білген бойда полицияға арыз түсірді. Жедел іздестіру шаралары барысында 37 жастағы әйел ұсталды. Күдікті зейнеткердің ауылдасы болып шықты. Бұрын Қылмыстық кодекстің 188-бабы (ұрлық) бойынша жауапқа тартылған. Осы жолы 190-бабының 2-бөлігі (Алаяқтық, ақпараттық жүйені пайдаланушыны алдау немесе сенімін теріс пайдалану жолымен жасалған әрекет) бойынша сотқа дейінгі тергеу басталды.Айта кетері, осы қылмыс үшін 4 000 АЕК-ке (14 768 000 теңгеге) дейiнгi айыппұл салуға не сол мөлшерде түзеу жұмыстары немесе 1 000 сағатқа қоғамдық жұмыстар, я болмаса, төрт жылға дейiнгi мерзiмге бас бостандығын шектеу не сол мерзімге бас бостандығынан айыру жазасы қарастырылған.Фото: aikyn.kz

Үйіне әйелді кіргізген зейнеткер 2 миллион теңгеден айырылды

&nbsp;<a href="https://kyzylorda-news.kz/">Kyzylorda-news.kz</a>&nbsp; Қазгидромет шілде айындағы құрғақшылыққа болжам жасады, деп хабарлайды Sputnik қазақстан.Жалпы 2024 жылдың шілде айында Қазақстан аумағында ылғалдану жағдайы көбінесе көпжылдық мәндерге жақын болады деп болжанып отыр, алайда атмосфералық құрғақшылық басталу қаупі бар аумақтардың аумағы ұлғаюда.Атмосфералық құрғақшылық:Қостанай облысының Амангелді және Жангелді аудандарында;Ақтөбе облысының Әйтеке би ауданында, Байғанин, Ойыл, Хромтау жәнеШалқар аудандарында;Қарағанды облысының Шет ауданында;Ұлытау облысының Ұлытау және Жаңаарқа аудандарында;Алматы облысының Балқаш және Жамбыл аудандарында;Жамбыл облысының Мойынқұм, Жуалы және Т. Рысқұлов аудандарында;Түркістан облысының Арыс, Созақ, Қазығұрт, Түркістан, Отырар және Бәйдібек аудандарында;Қызылорда облысының Арал, Қазалы, Қармақшы, Шиелі аудандарында;Маңғыстау облысының Бейнеу, Маңғыстау және Қарақия аудандарында;Атырау облысының басым бөлігінде болады деп болжанды.Шілде айында бірқалыпты ылғалды жағдай Солтүстік Қазақстан облысының Тайынша ауданында, Ақмола облысының Сандықтау, Бурабай, Астрахан аудандарында және Степногроск қаласында күтіледі.Елдің қалған аумағында ылғалдану жағдайы осы ай үшін бірқалыпты жағдайға жуық болады деп болжанып отыр.Қажет болған жағдайда алдын ала болжам нақтыланады.Фото: sputnik.kz

Шілдеде Қызылорда облысының қай аудандарында құрғақшылық болуы мүмкін?

&nbsp;<a href="https://kyzylorda-news.kz/">Kyzylorda-news.kz</a>&nbsp; Алматыдағы саябақтардың бірінен Юлия Скринникованың денесі табылған. Қайғылы оқиға туралы көршілері айтып берді. Бұл туралы Sputnik Қазақстан хабарлайды.Саябақтағы карусельдің жанынан 41 жастағы Юлия Скринникованың денесі табылды. Әйел оқиғаға дейін қызын тұншықтырып өлтірді деген күдікке ілінді. Олар отбасымен Алматы облысы Іле ауданы Арман ауылында тұрған.<blockquote>“Біз осыған дейін олардың жанжалдасқанын көрген емеспіз. Күйеуі IT маманы болып жұмыс істейтін. Қыздары ұзақ күткен балалары екенін білеміз. Көп ешкіммен араласпайтын еді. Жақында көлік алған. Көлікті марқұм Юлия жүргізіп жүретін еді", – &nbsp;дейді көршісі Ольга Нұржаубаева.</blockquote>Юлия 2018 жылы туылған қызы Варвараны тұншықтырып өлтірді деген күдікке ілінген. Ол бұл туралы әпкесі Яна Афонинаға айтып, қашып кеткен. Яна Афонина полицияға арызданған. Яна Афонинаның үйі Юлияның денесі табылған саябаққа жақын маңда көрінеді.Көршілер бұл жағдайды полиция келгенде ғана білген.<blockquote>"Үйге полицейлер келгенде кірдік. Үлкен немерем үнемі Варварамен ойнайтын. Біз ешқандай ауытқуды байқамадық", – дейді Ольга Нұржаубаева.</blockquote>Тағы бір көршісі олардың қалың киініп жүретіні ғана біртүрлі көрінгенін айтты.<blockquote>“Юлия кейде қатты ыстық кезде де қалың киініп алып жүретін. Қыстық етікпен жүргенін де көргенбіз. Қызын да қалың киіндіретін. Күйеуі екеуі үнемі қыздарын жандарынан тастамайтын”, – дейді Сарбиноз есімді көршісі.</blockquote>Қазір тергеу амалдары жүргізіліп жатыр.<blockquote>"Қыздың өліміне қатысты тергеу амалдары жүргізіліп жатыр. Тергеу мүддесі үшін басқа мәліметтер жарияланбайды", – &nbsp;деп хабарлады облыстық полиция департаментінің баспасөз қызметі.</blockquote>Еске салсақ, бұған дейін Алматыда әйелдің айналмалы дөңгелектен құлап, көз жұмғаны туралы жазған едік. Кейін ол өзіне қол салмас бұрын қызын тұншықтырып тастағаны белгілі болды. Тергеушілердің айтуынша, қыздың психикалық ауытқуы болған.&nbsp;

Алматыдағы саябақта денесі табылған келіншек туралы көршілері айтып берді

Байқоңырда 50 тұрғынға  69 млн теңге қайтарымсыз грант берілген

Қазалыда құны 1,7 миллиард теңге болатын нысанның іргетасы қаланбақ

Қазалыдағы жол: Қанағаттанарлық жағдайдағы үлес 86 процентті құрады

&nbsp;<a href="https://kyzylorda-news.kz/">Kyzylorda-news.kz</a>&nbsp; Қазақстанда шілде айына арналған ауа райы болжамы жарияланды. Бұл туралы Stan.kz ақпарат агенттігі хабарлайды.Синоптиктердің мәліметінше, шілде айы маусым айына қарағанда салқынырақ болмақ.<blockquote>"Шілде айында еліміздің басым бөлігінде найзағай ойнап, қатты жел соғады, кей күндері батыс және оңтүстік аймақтарда бұршақ жаууы мүмкін. Ыстық ауа райы салқын ауа райынмен алмасады", – делінген хабарламада.</blockquote>Еліміздің батыс және оңтүстік аймақтарында ауа температурасы +30...+38 градусқа дейін, кей күндері +40...+45 градусқа дейін көтеріледі деп болжанған. Ал солтүстік, орталық және шығыс өңірлерде ауа температурасы +25...+38 градус аралығында болады.Синоптиктер құрғақшылық қаупі төнген аумақтардың ауданы ұлғайып келе жатқанын атап өтті.Саиров құрғақшылық болады деп болжанатын аймақтарды атады. Олардың ішінде:- Қостанай облысының Амангелді және Жангелді аудандары;- Ақтөбе облысының Әйтекеби, Байғанин, Ойыл, Хромтау және Шалқар аудандары;- Қарағанды ​​облысының Шет ауданы;- Ұлытау облысының Ұлытау және Жаңаарқа аудандары;- Алматы облысының Балқаш және Жамбыл аудандары;- Жамбыл облысының Мойынқұм, Жуалы және Т.Рысқұлов аудандары;- Түркістан облысының Арыс, Созақ, Қазығұрт, Түркістан, Отырар және Бәйдібек аудандары;- Қызылорда облысының Арал, Қазалы, Қармақшы, Шиелі аудандары;- Маңғыстау облысының Бейнеу, Маңғыстау және Қарақиян аудандары;- Атырау облысы аумағының басым бөлігі.Солтүстік Қазақстан облысының Тайынша ауданында, Ақмола облысының Сандықтау, Бурабай, Астрахань аудандарында және Степногорск қаласында шілдеде орташа ылғалдылық болады.Тамыз айында республиканың басым бөлігінде ауаның орташа айлық температурасы нормаға жуық болады деп болжанды.Тамыздағы жауын-шашын мөлшері де нормаға жақын.

Қазақстанда шілде айына арналған ауа райы болжамы жарияланды

<a href="https://kyzylorda-news.kz/">Kyzylorda-news.kz</a> &nbsp;Сонау ықылым заманнан «Бір тал кессең, он тал ек» деген қағиданы ұстанған халық үшін тал егу маңызды іс. Расымен де саялы ағаш егу ұрпақтан-ұрпаққа қалатын үлгі өнеге болмақ. Қоршаған ортаны көгалдандырып, ағаш отырғызып, табиғаттың әсем көрінісіне көрік бергенге не жетсін? Тіршіліктің қайнар көзіне айналған табиғатымызды аялап, әр егілген ағаштың қандай да бір тіршілік иесіне септігі тисе, мәселен, &nbsp;бір құс ұя салса, бір адам көлеңкесін саяласа, оның өзі үлкен сауап.Осындай сауапті іс жасап, табиғатты аялап, қоршаған ортаға жанашырлықпен қарайтын &nbsp;адам кемде-кем. Десе де айналасына жанашырлық танытып, өзі тұратын үй айна¬ласын көгалдандырып жүргендер де бар. Соның бірі – қаладағы Сырдария шағын ауданындағы көпқабатты үй тұрғыны Марат Түлепбаев. Ол ауласын гүлдендіріп өзге-лерге үлгі болуда. Ауылда туып-өскен кейіпкеріміз бала күнінен әкесінің жанында жүріп, табиғатқа жақын өседі.<blockquote>– 2018 жылы зейнетке шықтым. Көршім аулаға жабайы жүзім ағашын екті. Кейін басқа жаққа қоныс аударып, өздері жасаған еңбектерін маған өтініш айтып, аманат етті. Аманатқа қиянат жасамайын деп бос уақытымда ауланы суарып жүріп, қызығушылығым артты. Содан ағаш отырғызуды бастадым. Алғашында &nbsp;өзгелер «Мына жерге тал шыға ма?» деп күлген-ді. Соған қарамастан қолымнан келгенін жасадым, – дейді кейіпкер.</blockquote>Кейіпкеріміз үйдің айналасына әсем көрініс беруі үшін ауланы жасыл желекке орап, гүлмен көмкеріп, көркейтуде. Сондай-ақ ауланы сәндеп ғана қоймай, &nbsp;шудан, күннен, шаңнан қорғауда. Сонымен қатар ауланы қоршап, жеміс ағашын егуді қолға алған.<blockquote>– Негізі біздің аула құмды жер. Осы жерге ағаш отырғызып, гүлдендіру жұмысын өзіме мақсат еттім. Ол үшін күзде жапырақтар төгілгенде барлығын жинап, жерге көмдім. Сол көмілген жерге нитроаммофоска тыңайтқышын суға араластырып сеуіп, ағаш отырғыздым. Осылайша «Атадан мал қалғанша, тал қалсын» деп &nbsp;талшын, мамыргүл, катальпа ағаштарын және гүл ектім. Ағаштардың жайқалып өсуіне шіріген жапырақ пен тыңайтқыштың көмегі болды, – дейді зейнеткер Марат Түлепбаев.</blockquote>Кейіпкеріміз айналасын көгалдандырып ғана қоймай, басқа үйлердің ауласын көркейтуге қол ұшын беріп, көмектеседі. Сондай-ақ тұрғындардың алғысына бөленген кейіпкерімізге «ауланы көркейтіп беріңізші» деп өтініш айтып келушілер де аз емес. Қызығушылығы арқылы басталған көгалдандыру мен қоршаған ортаны жасыл желекке айналдыруды мақсат еткен Марат Түлепбаев сын¬ды табиғатқа жанашырлық танытатын азаматтар жетерлік.Облыс әкімі Нұрлыбек Нәлібаевтың бас¬тамасымен жыл сайын өткізілетін «Үлгілі елді мекен» облыстық байқауында былтыр Марат Түлепбаев «Қызылорда тазалығы» ЖШС-нің ұсынысымен бақ сынаған еді. Кейіпкеріміз тұратын Сырдария шағын ауданы «Қызылорда қаласының үлгілі шағын ауданы» номинациясы бойынша ІІ орын жеңімпазы атанған.Н.Талғат

Сауаптың сан түрі бар 

<a href="https://kyzylorda-news.kz/">Kyzylorda-news.kz</a>&nbsp; &nbsp;«Отан – отбасынан басталады» демекші, отбасын құрып, шаңырақ көтеру – әр адам үшін жауапты әрі маңызды қадамның бірі. Әр отбасы өз алдына жеке шағын мемлекет. Отбасын құру үшін ең алдымен әйелге де, ер азаматқа да үлкен жауапкершілік қажет. Себебі ер адам білдей бір отбасының асыраушысы, тірегі болса, әйел сол отбасының түтінін түтететін шаңырағының берекесі. Елімізде биылғы жылдың басынан бері 40 мың жаңа отбасы құрылған. Неке саны бойынша Алматы, Астана және Шымкент қаласы көш бастап тұр. Өкінішке орай, ажырасу көрсеткіші көңіл көншітпейді. Жыл басынан бері 8,8 мың отбасы ажырасып үлгерген. Ең алаңдататыны Қазақстан ажырасу көрсеткіші бойынша әлемде екінші орын алады.&nbsp; Қоғам арасында ажырасудың басты себебінің бірі – жастардың дайындықсыз отбасын құрып, үлкен өмірге қадам басуы. Бұдан бөлек ажырасудың негізгі бірнеше себептері бар: ер немесе әйелдің ішімдікке салынуы, күйеуі не әйелі жұмыссыз, жұбайлардың өмірге деген көзқарастары сәйкес келмеуі, материалдық қиындықтар, балалы бола алмау, тағысын тағы. Соңғы уақытта қазақ отбасында ажырасу үйреншікті жағдайға айналып келе жатқандай. Заман қарыштап дамып, өзгерген сайын адамдардың, жалпы қоғамның көзқарасы мен құндылықтарға деген қарым-қатынасы өзгереді. Бұл – бұлтартпас шындық, факт. Себебі заманға сай адам психологиясы өзгереді, бір қалыпта тұрмайтыны анық. &nbsp;Соған сәйкес адамның қарым-қатынасқа деген көзқарасы да өзгереді. Ал біздің қазақы менталитетімізге отбасы құндылықтарын бірінші орынға қою, отбасы ұйытқысын сақтау сынды нәрселер сіңіп, ата-баба дәстүрі мен салты бойынша «ажырасу» ұғымы – «табуға» айналған. Осыдан біраз жылдар бұрын ажырасуға бару – үлкен күнә, қылмыс я болмаса ерсі қылық ретінде қабылданатын еді. Гендерлік құқық заңнамасы қабылданған соң, әйелдер құқығы қоғамда айқын көрініс таба бастағаннан кейін ажырасу фактісі де көптеп тіркеле бастаған. Оның басты себебі – әйелдердің өз-өздерін қамтамасыз ете алатындай дәрежеге жетуі, ер адамның атқаратын жұмысын теңдей дәрежеде істей білуі.<blockquote>&nbsp; &nbsp;–&nbsp;Қазіргі таңда отбасын құруға ұлттық немесе қандай да бір басқа әлеуметтік тосқауыл жоқ. Болашақ отбасын құруда ерлі-зайыптылардың жас ерекшелік дайындығы ғана емес, олардың психологиялық даярлығы да маңызды рөл атқарады. Бүгінде Сырдария аудандық отбасын қолдау орталығының мамандары отбасылық қолайсыздық профилактикасы саласындағы өкілеттіктерді іске асыруды қамтамасыз ету, сонымен қоса отбасының маңыздылығы мен жауапкершілігі тақырыбында аудан көлемінде отбасыларға арнайы түсіндірме жұмыстары, үгіт-насихат жүргізіп, іс-шаралар ұйымдастырып, үнемі халықпен тығыз байланыста &nbsp;болуды басты назарда ұстаймыз. Одан бөлек орталықта медициналық, құқықтық, әлеуметтік, психологиялық кеңестер беріледі, – &nbsp;дейді Сырдария аудандық отбасын қолдау орталығының психолог маманы Аида Маханбетова.</blockquote>&nbsp; &nbsp; Жаңадан отбасын құрып, енді ғана отбасылық өмірге қадам басқан жас отбасылардың арасында біраз түсініспеушіліктер болатыны сөзсіз. Ал менің ойымша, ол қалыпты жағдай. Ондай жағдайда екі жақтан да бірден ашуға берілмей, барынша сабыр сақтап, ақылмен шешу керек деген ойдамын. Отбасын сақтау үшін ер мен әйелдің жанұядағы өзінің рөлін, жауапкершілігін білуі қажет. Бұл туралы Алла Елшісінің (с.а.с.) бір хадисінде: «Жұбайларыңның сендердің алдарыңда белгілі міндеттері болғаны секілді, сендердің де олардың алдында атқарар міндеттеріңнің бар екенін ұмытпаңдар. Олардың міндеті – жарына адал болу және сендер қаламаған адамды босағадан аттатпауы. Ал сендердің міндеттерің – оларды киім-кешек және ас-ауқатпен қамтамасыз ету». Асыл дінімізде де осылай ер мен әйел арасындағы өз міндеттерін, бір-біріне деген қандай жауапкершілік бар екенін түсіндіріп өткен.&nbsp; &nbsp;Шындығында отбасын сақтап қалам деген ер мен әйелдің арасында жақсы бір тартылыс күші болуы керек секілді. Оның себебі, екеуінің арасында күшті бір сезім де, тартылыс та болмаса ол отбасы ұзаққа бармайды. Сол себепті неке қиып, отбасылы болар алдын «Жеті рет өлшеп, бір рет кесетіндей» ақылға салып шешу керек. «Бұл расында менің адамым ба?», «Не себепті дәл осы адам?», «Мен бақытты етіп, бақытты бола аламын ба?» деген сияқты сауалдарды өз-өзімізге қоя білу керек деп санаймын. Сонда ғана ер адам болсын, әйел адам болсын ойланып барып шешім қабылдайды. Негізі отбасын сақтап қалу үшін дінімізді жіті зерттеп, салт-дәстүрді оқып қарасақ өте көп құнды мәліметке қанық боламыз. Дегенмен бақытты отбасылық өмірді сырттан келіп, бөтен &nbsp;біреу жасап бермейді. Бізге берілген қысқа ғана ғұмырда қателесіп, сан соғып қалмау үшін отбасын құру үлкен жауапкершілік екенін тереңнен түсіну керек секілді.

Отбасын құруға дайындық қажет пе?

<a href="https://kyzylorda-news.kz/">Kyzylorda-news.kz</a> Қазақ атамыз ертеден-ақ дүниені байлыққа санамаған.&nbsp;Себебі ол, тозады, ескіредіге есептеген. Нағыз байлық деп – рухани байлықты атаған. Бұл жөнінде әлем әдебиетінің абызы, халық жазушысы Әбіш Кекілбаев "Жалпақ әлемді аузыңа қарату үшін – рухани ерлік керек, жалпақ әлемге қысылмай, қымтырылмай қарау үшін – рухани байлық керек" деп ой түйіндеген. Рухани байлық алдымен өзіңді-өзің тану әрі білім, оқу-тоқу арқылы өзіңді қамшылау, жетілдіру болмақ. Соның бір сағасы – бұқаралық ақпарат құралдары. Осындай орасан еңбекте сала ардагерлерінің де толассыз еңбегі жатыр.&nbsp;«Қармақшы таңы» аудандық газетінде саналы ғұмырын арнап, зейнет демалысына шыққан ардагер-журналист Бақыт Қаналиевамен болған сұқбатымызды оқырман назарына ұсынамыз.– Бақыт Тәжібайқызы, журналистика саласында ұзақ жыл еңбек еттіңіз. Түрлі тақырыпқа қалам салдыңыз әрі талай жастың осы мамандыққа келуіне себепкер болдыңыз. Жалпы мамандықтың маңызы неде және одан қандай ой түйдіңіз?– Журналист болу – өте жауапты жұмыс. Елдің білімі қай деңгейдегі адамы болса да, соған айтарыңды түсінікті етіп айтуың, жеткізуің керек. Этикалық өлшем, жылы қарым-қатынас орнату, кейіпкердің болмысын аша білу – соның бәрі тілшінің мойнындағы дүние. Негізі, қоғамдағы болып жатқан жаңалықтар легін қабылдаудың өзі оңай емес. Ал енді оны алғаш болып халыққа таратып, насихаттау журналиске үлкен жауапкершілік жүктейді. Саланың маңыздылығы жаңалық таратумен бітпесе керек. Елмен етене жүріп, қызықты тақырыпты да, күнделікті ақпаратты да қамтуға тиіссің. Әдетте, барлық мамандықтың өзіне тән қуанышы мен қиындығы болады. Дегенмен, қырық жылғы еңбек жолымда түйгенім – журналистің жұмысы күрделі әрі үнемі ізденісті қажет етеді. Қазіргі көзбен қарағанда, халыққа газеттің қағаз нұсқасымен қоса, электронды түрі де қатар жұмыс істеуде. Заманның озық үлгісіне сай, сайттар мен түрлі әлеуметтік желілерге тарату да осы тілші қауымның еншісінде. – Уақытпен санаспайтын бір мамандық болса, ол – өзіңіз білетіндей журналист...– Менің еңбек жолым Кеңес одағы тұсымен де, тәуелсіздіктің тұғырлы жылдарымен де тығыз байланыс­ты. Өткен формациядағы қатып қалған қағиданы жаңа әлеуметтік-демократиялық көзқарасқа өзгертіп, егемен елдің жаңалығын насихаттауда біздің тілшілеріміз аянып қалмады. Әлі де тер төгіп, аттан түспей келеді. Оған бір дәлел – әлем басына ауыр іс түсірген пандемия кезеңінде жанкештілік танытып, алдыңғы қатарда, қауіпті аймақтарда жүрді. Көптеген репортаж, мақала, сұқбаттар жазды. Кейіпкерінің образына еніп, солардың әрбір атқарған жұмысы мен еткен еңбегінің нәтижесін шынайы түрде оқырманына жеткізе алды. Медицина, полиция, әскерилермен қатар, еріктілердің де еңбегін тұрақты ақпараттандырып, газет беті мен сайттарға, әлеуметтік желілерге үзбей жариялап отырды. Соның бір дәлелі – жақында жерлесіміз, "Сыр медиа" ЖШС-на қарасты Kyzylorda-news.kz ақпарат агенттігінің бас редакторы Нұрсұлтан Мықтыбай Қазақстанның баспасөз, радио және интернет-журналистика саласындағы "Үркер" Ұлттық сыйлығы байқауында "Жылдың үздік репортажы" номинациясы бойынша жеңімпаз атанды. Бұл біріншіден, Сыр елінің журналистикасына сүйінші жаңалық болса, екіншіден, карьерасын енді бастап жатқан жас журналистерге үлкен серпін.– Жауапты қызметке жап-жас болып келіп, ардагер болып шыққан аудандық басылымда аға буын өкілдерінің қайталабас қолтаңбасы бар...– Аудандық басылым – менің өмірімнің өнегелі мектебі. Еңбек жолы Қанибек Молдахметов, Сапабек Махмутов, Рашид Жарылқасынов, газетке басшылық еткен Әзілхан Аманов, Алтай Үсенов, Шегебай Құндақбаев тағы басқа әріптес-аға-інілеріміздің орны бөлек. Бұл кісілердің қай-қайсысы болсын ауылдың азаматтары. Елдің ағасы болған кісілер. Сонымен бірге, Алтын Убайдуллаева, Баян Әлиасқарова апамызды айта аламын. Мәриямкүл, Ақсұлу, Галя, Жадыра, Жұмагүл, Баян атты замандастарым бүгінде әже атанған. Қазір ауылдың әкімі болып отырған Нұржамал Бектайқызы, «Қармақшы таңынан» еңбек жолын бастаған қыздарымыздың алды республикаға танымал тұлғалар. Олар – Жайна Сламбек, Гүлжазира Жалғасова, Бота Бөрібаева тағы басқалары.– Журналисті өсіретін не нәрсе?– Негізі қай мамандықта да ізденіс болмаса, бір орында тұрып қалады. Даму тежеліп, тоқайрайды. Соның ішінде сөзімнің басында айтқанымдай, журналиске әркез білімін жетілдіріп, айналасына сергек қарау ләзім. Әр тұстың өз саясаты болады. Уақыттың тынысын, ағымын саралау, қоғамды игілікке ұйыту, бірлік пен берекені назарда ұстау да – осы сала сарбаздарының үлесіндегі сүбелі дүние.– Соңғы шамада газеттің келешегі жайында әртүрлі пікір айтылуда. Ардагер ретінде оған сіздің көзқарасыңыз?– Мейілінше, мерзімді баспасөзге әркім өз сүйіспеншілігімен жазылады. Менің тұстастарымның бәрі газетті іздеп оқиды. Ауданның бас басылымы – «Қармақшы таңын» Қармақшының жыр, өнерсүйер халқы жақсы көреді. Тіпті оны нөмірлеп, отбасылық мұрағат үшін тігіп жинайтынды да кездестіріп жүрміз. 40 жылдық еңбек тә­жі­рибемде ұққаным, ойлы оқырман газетті іздеп оқиды.– Қазір әлеуеттің назарын аударатын бір жүйе болса – ол әлеуметтік желі. Сіз осы желі дегенді қолдайсыз ба?– Жаңалықтан соншалықты қашқаным емес. Бірақ кейде желіден ақпараттың ақиқаты мен жалғанын айыра алмай жататынымызды жоққа шығара алмаймыз. Сол себептен де қолдамаймын. Мен үшін газеттің орны ерекше. Оны қолмен ұстап, парақтап қарайсың. Түсінбеген жеріңізді қайтадан көз жүгіртіп, керек тұсының астын сызып тұрып оқу үшін де газетті жақсы көремін.– Үш перзентті дүниеге әкеліп, мәпелеген анасыз. Ананың жүрегі қашаннан кең әрі мейірімге толы. Аналарымыз туралы да пікіріңізді білдіре отырсаңыз?– Қазір әйелдер сауатты. Кәсіпті біркісідей дөңгеліп әкетіп жатқан да әйел-аналар. Олар адамға, әр жанұяға, балаға не керек екенін, сонымен бірге жастардың талғамының қандай болатынын біледі. Сондықтан да әйел кәсіпкерлер пысығырақ па деймін. Табиғаты жағынан үйлестіргіш, сұрыптағыш әйел ғой. Үйдің жиһазы, сәндік нәрселерді де екшеп білетін – солар. Осыны көріп жүрген кейбір ер кісі «әйелдер бұрынғыша күйеуін күтіп үйде отыруы керек еді, қазір өзгеріп кетті» деп нәзікжандыларға өкпе артатыны содан ба деген ойға келесің. Өз басым кәсіпте жүрген қыз-келіншектерді қолдаймын. Әйел – саясаткер, әйел – ұстаз, әйел – отбасында ұйымдастырушы, еріне – жар, балаларына – ана болып жүрген ана қаншама. Дәл сондай нәзікжандылар көбейе берсе екен деп ойлаймын. Әйел-ана туралы нашар көзге қосылмаймын. Кейбір енелер келіндерінің заманауи өзгерістерін көтере алмайды, түсіне білмейді. Түсінсе де соңынан барып түсініп жатады. Қазіргі кезде әйелдерге жаңаша көзқарас керек секілді.– Жас журналистерге берер кеңесіңіз?– Журналистика – тынымсыз ізденісті, терең білімді, ұшқыр қиял мен табиғи дарындылықты қажет ететін сала. Біздің тұсқа қарағанда, қазіргі журналистерге міндет өте зор деп есептеймін. Өйткені, біздің кезіміздегі саясат басқашалау болды. Қазір оқырмандардың талабы бұрынғыдан да күшейіп кеткен бе деймін?!&nbsp;Ел мен жер тарихын, мәдени мұра тұрғысында да әлі де болса материалдар жариялануы керек. Біздің қатарымыз пышақтың қырындай келетін жұп-жұқа Қазақстан тарихын оқыды. Жұрт кейде көшелерге әкелерінің, аталарының атын берді деп өкпе артып жатады. Ол – дұрыс емес. Сол кісілердің барлығының еңбегі бар адамдар. Тегіннен-тегін айтылмайды. Сондай тұлғаларды айта түсу керек. Әдет-ғұрып, салт-дәстүрімізге де орын берсек, артық емес.– Ауданның бас басылымының оқырмандарына тілегіңіз болса?– «Қармақшы таңы» қармақшылықтардың әрбірінің отбасының төрінен орын алсын. Газетке жазылып, рухани азықтанғаннан адам азбайды, керісінше түлейді. Айналасындағы жаңалықтардан хабардар болып отырады. Одан оқырман ұтылмайды. Өңірдің басылымы – біздің сүйікті газетіміз. Тоқсан жылдан аса ғұмыры бойы үлкеннің сырласы, жастың ақылшысы болып келе жатқан «Қармақшы таңы» ұжымына шығармашылық табыс тілеймін!– Әңгімеңізге рақмет!Әңгімелескен Сәрсенкүл Жаудатбекқызы

Бақыт Қаналиева:  Уақыттың тынысын саралау журналистке жүктелген жұмыс

&nbsp;<a href="https://kyzylorda-news.kz/">Kyzylorda-news.kz</a>&nbsp; Қазіргі таңда Сырдария ауданы бойынша қоғамдық-саяси ахуал тұрақты. 2024 жылғы ІІ тоқсанына Шіркейлі, С.Сейфуллин ауылдық округтердегі жер мәселесі және Тереңөзек кентіндегі апатты үйлер шиеленіс картасына енгізілген болатын.&nbsp; Аудандық қоғамдық-саяси ахуалға және тұрғындардың көңіл-күйіне әсер ететін бұқаралық ақпарат құралдары мен әлеуметтік желілерге күнделікті мониторинг жүргізіліп отыр. Сырдария ауданы әкімдігі және оған қарасты мекемелермен фейсбук және инстаграм желілері арқылы 1000-ға жуық материал жарияланды.&nbsp; &nbsp;Сырдария ауданы бойынша діни ахуал тұрақты. Есепті мерзімге дейін қоғамдық-саяси, діни шиеленіс тудыратын проблемалық мәселелер орын алған жоқ.Қазіргі таңда, аудан бойынша 15 мешіт, 1 өзге діни бірлестік тіркеліп, жұмыс жасауда. Оның ішінде 4 мешіт бейне кармералармен қамтамасыз етілген.2024 жылы аудан тұрғындары арасында діни экстремизмнің және тероризмнің алдын алу бағытында облыстық қоғамдық даму басқармасы арқылы құрылған облыстық ақпараттық-түсіндіру тобы жұмыс жасауда.&nbsp; Топ құрамында ауданнан 7 адам енгізілді. Ақпараттық топ мүшелерімен бірлесіп, қарсынасихаттық жұмыстар тұрақты түрде жүргізіліп келеді. Жыл басынан бері 31 кездесу мен 4 акция ұйымдастырылып, 1392 адам қамтылды. Нақты контингент ретінде пробацияда тіркеудегі азаматтар, NEET санатындағы жастар, жұмыссыз азаматтар және әр түрлі санаттағы аудан тұрғындары қамтылды. Өткізілген шараларға республикалық, облыстық түсіндіру тобының 4 теологы, 2 психолог маман тартылған.&nbsp; &nbsp;Облыстық дін істері басқармасы арқылы ұсынылған бейне және фото материалдар, аудан көлемінде өткізілген барлық профилактикалық іс-шаралар туралы ақпараттар facebook желісіндегі арнайы ашылған «Дін және дәстүр» парқшасында, instagram желісінде «Сырдария LIVE», жастар контенті жиналған «Сырдария аудандық жастар ресурстық орталығының» tik-tok, instagram, facebook парақшалары, аудандық «Тіршілік тынысы» газеті &nbsp;мен газеттің сайты пайдаланылуда. Жыл басынан бері қарсы насихаттық 451 материал орналастырылды.&nbsp; Сырдария ауданы бойынша жалпы халық саны - 37890, оның ішінде 14-35 жас аралығында 11727 жас (олардың &nbsp;6484 ерлер, 5243 әйелдер), халықтың 30 % құрайды. 2024 жылға арналған іс-шаралар жоспарына сәйкес 65 шара ұйымдастырылып, 863 жас қамтылды. Өткен жылы республикада жастардың өңірлік базасы яғни отбасылық цифрлық картасы іске қосылып, аудан бойынша NEET санатындағы 245 жастың тізімі енгізілген. Өткен жылы 56,33 % құраса, ағымдағы жылдың ақпан айында 72,65 % құрады. Қазіргі таңда 130 жасты өзектендіру жұмыстары жүргізілуде. Жастар арасындағы жұмыссыздық деңгейі 4% немесе 309 адамды құрайды. «Жасыл ел» жобасына 110 жас (маусым-тамыз) маусымдық жұмыспен қамтылады. Оның ішінде 27 жас (маусым айы) кент орталығында тазалық жұмыстарына белсене қатысуда.Аудандық пробация қызметі және аудандық жастар ресурстық орталығымен меморандум жасалып, пробация есебінде тұрған 26 азаматпен әр айдың 5-і күні кездесу жоспарланған.Кәмелеттік жасқа толмаған жасөспірімдер мен жастар арасында заңды өкілдерінсіз түнгі уақытта жүруі бойынша 7 рейдтік іс-шаралар ұйымдастырылып, жастарға түсіндірме жұмыстары жүргізілді.Аудан көлемінде мемлекеттік рәміздерді насихаттау, халықтың рәміздерге деген құрмет сезімін қалыптастыру мақсатында мемлекеттік рәміздер жөніндегі аудандық комиссия тұрақты жұмыс жасауда. Мемлекеттік рәміздер жөніндегі аудандық комиссияның отырысы бекітілген жұмыс жоспарына сәйкес жылына 2 рет өткізу жоспарланған. Аудан әкімдігі тарапынан аудан көлеміндегі мемлекеттік мекемелердегі рәміздердің жай-күйі күнделікті қатаң бақылауға алынып, тиісті зерделеу жыл басынан бері 1 рет жүргізілді.Ауданда жалпы саны 463 әртүрлі этнос өкілдерінің 16 түрі мекен етеді. Аудандық ассамблеяның құрамы – этномәдени бағыттағы бірлестік өкілдерінен, қоғамда өзіндік орны, абырой-беделі бар тұлғалардан тұрады. Ассамблея қазіргі таңда, «Аналар кеңесі», «Қоғамдық келісім кеңесі» және «Медиация» бойынша жұмыстар атқаруда. Сонымен қатар, этносаралық қатынастар саласындағы мемлекеттік саясатты жүргізу үшін аудан көлемінде тұратын этнос өкілдерінің ұлттық салт-дәстүрлері мен әдет-ғұрыптарын қолдау мақсатында аудандық қоғамдық даму бөлімі арқылы «Қоғамдық бірлік пен тұрақтылықты қалыптастыру, этносаралық қатынастарды дамыту» әлеуметтік &nbsp;жобасы бойынша «Сырдария ауданының әйелдері» қоғамдық бірлестігі жеңімпаз атанып, тиісті жұмыстар жүргізуде. Жоба аясында 5 іс-шара &nbsp;ұйымдастырылып өткізді. Гендерлік саясаттың басты мақсаттарының бірі – ана мен баланың денсаулығын қорғау болып табылады. Сырдария ауданы бойынша халық саны 37821 адамды құрады. Оның ішінде ерлер саны 19503 ( 51,6%), әйелдер саны 18318 (48,4%) адам. Аудандағы 38 мыңға жуық халықтың 48 пайызын әйел-аналар, қыз-келіншектер құрайды. Олардың басым көпшілігі білім, денсаулық, мәдениет салаларында қызмет жасайды. «Сырдария ауданының әйелдері» қоғамдық бірлестігінің жанынан &nbsp;құрылған «Жас отау» клубы және «Әжелер мектебі» жұмыс жасайды. Отбасы құндылықтарына, ана мен бала мәселелеріне байланысты қоғамдық бірлестіктің жұмыстарының айтарлықтай маңызы бар. «Жас отау» клубында&nbsp;жаңадан бас қосқан жас жұбайлардың аяқтарынан нық тұрып кетуіне байланысты кездесетін қиыншылықтарды шешуге ақыл кеңес айтылса, «Әжелер мектебінде» келін мен ене арасындағы туындайтын мәселелер туралы, әулеттің үлкендерінің жақсы дәстүрлері үлгі ретінде айтылып, насихатталып отырады.Аудандық қоғамдық даму бөлімінің қолдауымен «Отбасы және жеке құндылықтарын сақтау,гендерлік теңдікті насихаттау, отбасылық қатынастарды нығайту бағытында шаралар ұйымдастыру» әлеуметтік жобасына 2024 жылы аудандық бюджеттен - 1500,0 мың теңге бөлініп, &nbsp;1205,3 мың теңгеге келісім-шарт арқылы, «Сырдария ауданының әйелдері» қоғамдық бірлестігі жеңімпаз атанып, тиісті жұмыстар жүргізуде. Аудан көлемінде &nbsp;7 &nbsp;іс-шара ұйымдастырылды.

Сырдария ауданында қоғамдық-саяси ахуал тұрақты

&nbsp;<a href="https://kyzylorda-news.kz/">Kyzylorda-news.kz</a>&nbsp; Елімізде 2023 жылдың 23 сәуірде Қазақстан Республикасының «Әлеметтік Кодексі» қабылдануына байланысты 1 шілдеден бастап&nbsp;«Еңбек мобильдігі орталығы» құрылған болатын. «Сырдария аудандық Мансап орталығы» филиалы 2023 жылдың 11 шілдеде Әділет басқармасына тіркеліп өз жұмысын бастады. Жұмыспен қамту орталығының жабылуына &nbsp;байланысты барлық белсенді шараларға қатысушылармен жасалған келісім шарттар тоқтатылып, Кодекске сәйкес Еңбек мобильділігі орталығы 1 шілдеден бастап бағдарламаға қатысушылармен 343 келісім шартқа қайта отырды.Орталықтың жұмысы жайында&nbsp;«Сырдария аудандық Мансап орталығы» филиалының директоры Еркебұлан Дәуітбекұлы айтып берді.<blockquote>– 2023 жылы 1056 адамды жұмыспен қамтудың белсенді шараларына тарту жоспарланып, 1083 адам қамтылды. Оның ішінде:&nbsp;«Жастар тәжірибесіне» &nbsp;140 жасты жастар тәжірибесінен &nbsp;өткізу &nbsp;жоспарланып, 141 жас жолданды, жоспар 100,7 пайызға орындалды. &nbsp;2024 жылдың 1 қаңтарға &nbsp;121 жас &nbsp;жастар тәжірибесін жалғастырды. «Әлеуметтік жұмыс орындарына» жоспарланған &nbsp;32 адамды қамту көзделіп, жоспар 100 пайыз орындалды. Қоғамдық жұмысқа – 806 адамды қамту жоспарланса, 833 адам қоғамдық жұмысқа тартылды. Жоспар 103,2 пайызға орындалды. &nbsp;«Алғашқы жұмыс орындарына» &nbsp;25 адам жолданып, жоспар толықтай орындалды. «Ұрпақтар сабақтастығы» бойынша 3 адам жоспарланып, жоспар &nbsp;толықтай орындалды. &nbsp;«Күміс жас» жобасы бойынша &nbsp;жоспарланған 50 адам &nbsp;жұмыспен қамтылып, жоспар 100 пайызға орындалды. 2024 жылға 27 адам жұмыстарын жалғастыруда.&nbsp;Жұмыспен қамтудың белсенді шараларына қатысушылардың қаржылары «Еңбек мобильділігі орталығы» арқылы &nbsp;толық төленді, – дейді филиал директоры.</blockquote>Сырдария ауданында 2023 жылы жұмыссыз ретінде 2572 адам тіркелді. Жұмыссыз азаматтардың ішінен жұмыс берушілердің сұраныстарының талаптары мен мамандықтарына сәйкес келетіндерін жұмысқа орналасуларына ықпал жасалған. Жыл аяғында &nbsp;306 адам жұмыссыз ретінде тіркеуде қалған. 2023 жылдың 1 шілдесіне дейін жұмыссыз ретінде тіркелгендерге статус беру, мүгедектігі бар адамдарды, бас бостандығынан &nbsp;айыру орындарынан босатылған пробация есебінде тұрған адамдарды аудан әкімінің қаулысымен бекітілген квотаға сәйкес жұмысқа орналастыру &nbsp;аудандық жұмыспен қамту және әлеуметтік бағдарламалар бөлімінің құзіретінде болды. 2023 жылдың 1 шілдесінен бастап осы аталған жұмыстардың барлығын "Мансап" орталығы атқарып, квотаға сәйке тізімдегі мекемелерге 10 мүгедектігі бар адам және пробация есебінде тұрған 4 адам жұмыспен қамтылды. Сонымен қатар жұмыс іздеушілерді, жұмыссыздарды тіркеу және жұмыс берушілердің бос жұмыс орындарын enbek.kz порталына уақытылы жариялауына ықпал жасап, еңбек делдалдығын жүзеге асырады.«Жаңа бизнес идеяларды іске асыруға мемлекеттік гранттар беру» тетігі бойынша 72 адамға грант қаражаты берілсе,&nbsp;өткен жылдың соңында ұйымдастырылған конкурс нәтижесімен 72 адам грант алды. Шарт талаптарына сәйкес грант иегерлеріне мониторинг жұмыстары 3 ай сайын жасалуда. Бұдан бөлек, жалпы жұмыспен қамтудың белсенді шараларына қатысушыларға ұдайы түрде жүргізілген мониторинг жұмыстарының нәтижесінде бағдарламаға қатысушы 69 адамның (жұмысқа қатысу тәртібін сақтамаған) келісім шарттары бұзылып, жұмыстары тоқтатылған.Ауданда өткен жылы атаулы әлеуметтік көмек барлығы 201 отбасына – 1160 адамға тағайындалған. Оның ішінде шартты ақшалай көмек 182 отбасы, шартсыз ақшалай көмек 19 отбасы, 48 адам қоғамдық жұмысқа, 43 адам тұрақты жұмысқа тартылған. Облыс әкімінің орынбасарымен өткен мәжіліс хаттамасында АӘК алушылар санын 30 пайызға дейін төмендетуге берілген тапсырмасына сәйкес &nbsp;жұмыстар жүргізіліп аудан бойынша көрсеткіш 31,0 пайызға төмендеген.2024 жылы&nbsp;аудан бойынша – 1090 жұмыссыз адамды жұмыспен қамтудың белсенді шараларына тарту жоспарланған. Оның ішінде: 195 жасты &nbsp;«Жастар тәжірибесіне» &nbsp;өткізу &nbsp;жоспарланып, 1 наурызға 17 жас жастар тәжірибесіне жолданған. «Әлеуметтік жұмыс орындарына» 34 адамды қамту көзделіп, 1 наурызға 6 адам жолданған. Қоғамдық жұмыстарға 600 адамды қамту жоспарланып, 1 наурызға 542 адам &nbsp;жолданып, жоспар 90 пайызға орындалып отыр. «Алғашқы жұмыс орындарына» &nbsp;26 адамды орналастыру жоспарланып отыр. «Ұрпақтар сабақтастығы» бойынша 3 адам жоспарланып, 3 адам жолданып, жоспар 100,0 пайызға орындалған. «Күміс жас» жобасы бойынша 52 адам &nbsp;жоспарланған, 7 адам жұмыс жасап жатыр.2024 жылдың наурыз айына "Мансап" орталығына &nbsp;1836 адам хабарласып, 1428 адам жұмыссыз ретінде тіркелген және жұмыссыз статусына сәйкес келмейтін 200 адам (МЗЖ салған, жеке кәсіпкерлік ашқан т.б) тіркеуден шығарылған.«Жаңа бизнес идеяларды іске асыруға мемлекеттік гранттар беру» тетігі бойынша 146 адамды қамту жоспарланып 2 лек бойынша конкурс ұйымдастыру межеленіп отыр. Грант конкурсына қатысуға үміткерлердің өтініштері 1 лек бойынша ағымдағы жылдың 15-26 сәуір аралығында өтсе, 2 лек бойынша 12-23 тамыз аралығында &nbsp; enbek.kz порталы арқылы қабылданады.2023 жылдың қазан айында ұйымдастырылған конкурс нәтижесімен грант алған 72 кәсіпкерге мониторинг жұмыстары жүргізіліп, нәтижесінде шарт талаптарын бұзған 4 адам сотқа беріліп, сот ұйғарымы шыққан. Бағдарламаның белсенді шараларымен қамтылғандарға, яғни субсидияланған жұмыс орындарына қатысушыларға &nbsp;мониторинг жұмыстары тұрақты түрде жүргізіліп, 1 наурызға 2 адамның келісім шарты бұзылып, жұмыстары тоқтатылған.Қысқа мерзімді кәсіптік оқытудың жоспары – 25 адам. Қазіргі таңда жұмыс берушілердің сұраныстарына &nbsp;байланысты &nbsp;«Тракторист-машинист» мамандығы бойынша аудандық аграрлық-техникалық колледжде оқыту жоспарланып, бүгінгі күнге 14 адам тіркеліп, құжаттары қабылданды. Қалған 11 адаммен жұмыстар жасалуда.<blockquote>– 2024 жылғы 1 наурызға атаулы әлеуметтік көмек барлығы 96 отбасына – 551 адамға тағайындалған. Оның ішінде шартты ақшалай көмек 85 отбасы, шартсыз ақшалай көмек 11 отбасы, 41 адам қоғамдық жұмысқа,11 адам тұрақты жұмысқа орналасқан. Аудандық Мансап орталығының филиалы өз жұмысын толыққанды атқаруда және жоспарланған көрсеткіштерге нәтижелі қол жеткізу үшін жұмыстар өз кезегімен жалғасын табады, – дейді орталық директоры Еркебұлан Дәуітбекұлы.&nbsp;</blockquote>Фото: egemen.kz

Қазақстан және Қызылорда облысының жаңалықтары: Қоғам