<a href="https://kyzylorda-news.kz/">Kyzylorda-news.kz</a>&nbsp; Паспорт және жеке куәлікті рәсімдеу барысында мемлекеттік баждың бір бөлігін иемденіп отырған."Қазпочта" АҚ-ның Алматы облысы Жамбыл аудандық халыққа қызмет көрсету бөлімінде кассирлері 2021-2023 жылдар аралығында азаматтарға төлқұжаттар мен жеке куәліктерді беру кезінде төленген мемлекеттік баж салығының бір бөлігін жымқырған, деп хабарлайды <a href="Kyzylorda-news.kz ">Skifnews.kz</a> ақпарат порталы.Содан кейін олар көші-қон полициясына бұрмаланған жалған түбіртектерді берген. Қаржы мониторингі агенттігінің мәлімдеуінше, мемлекетке 84 миллион теңгеден астам шығын келген.Қаржылық мониторинг агенттігі Алматы облысы прокуратураның үйлестіруімен мемлекеттік қызметтер көрсетілгендігі үшін жасалған төлемдерді аса ірі мөлшерде жымқыру мән-жайы бойынша сотқа дейінгі тергеп-тексеру бастады.Тергеп-тексерумен Алматы облысы Жамбыл ауданының халыққа қызмет көрсету бөлімінде қызмет көрсететін "Қазпошта" АҚ кассирлері 2021-2023 жылдар аралығында паспорт және жеке куәлікті рәсімдеу барысында мемлекеттік баждың бір бөлігін иемденіп отырғандығы анықталды.Көші-қон қызметіне баж соммасы жайлы көрінеу жалған ақпарат енгізілген түбіртекті ұсынып, мемлекетке 84 млн теңгеден аса шығын келтірген.Тергеп-тексеру жалғасуда, өзге ақпарат ҚР ҚПК 201 бабына сәйкес жариялауға жатпайды.Қаржылық мониторинг агенттігі экономикалық құқықбұзушылықтар үшін заңмен жауапкершілік көзделгендігін ескертеді, - деп хабарлады ведомстводан.Фото: azh.kz

«Қазпошта» кассирлері 84 миллион теңгеден астам қаржы жымқырған

<a href="https://kyzylorda-news.kz/">Kyzylorda-news.kz</a>&nbsp; &nbsp;Қызылорда облысындағы ауылдардың бірінде 26 жастағы жергілікті тұрғын әйелін аяусыз ұрып-соққан. 21 жастағы қыздың мәйіті өз үйінен табылған, деп хабарлайды <a href="https://egemen.kz/">Egemen.kz.</a>26 жастағы қызылордалық 21 жастағы әйелін ұрып өлтірген. Қылмыс жасағаннан кейін ол оқиға орнынан қашып кеткен.Жергілікті полиция күдіктіге іздеу салып, кейін оның ұсталғанын хабарлаған.<blockquote>«Қазіргі уақытта бұл іс бойынша тиісті сараптамалар тағайындалып, тергеу жүріп жатыр. Күдікті ұсталып, уақытша ұстау изоляторына қамалды, тергеу жалғасуда», деді Қызылорда облысының полиция департаментінен.</blockquote>Тергеу мүддесі үшін оқиғаның басқа мәліметтері жарияланбайды.

Қызылордада әйелін ұрып өлтірген 26 жастағы азамат ұсталды

19 шілде күні «Майқайың-алтын» АҚ тау-кен ауданында опырылған жердегі іздестіру жұмыстары барысында денесі табылған құтқарушы Айдос Шаймерден жерленді. Бұл туралы облыс әкімі Асайн Байханов әлеуметтік желідегі парақшасында жазды, деп хабарлайды El.kz ақпарат агенттігі.<blockquote>Марқұмның туған-туыстары мен жақындарына көңіл айтамын. Марқұмға иман байлығын берсін. Сондай-ақ, денесі әлі табылмаған автобус жүргізушісі Айып Тілеубергеновтің отбасымен кездестім. Жақын арада біз оны тауып, туыстарына бере аламыз деген үміттемін. Одан кейін іздестіру жұмыстары жүргізіліп жатқан жерде болдым. Онда топырақтың сырғып, құлау қаупі болғандықтан, жұмыстар тұрақты негізде аздаған үзілістермен жүргізілді. 17 маусымда сканерлеу арқылы автобустың нақты орналасқан жерін анықтау үшін «Алтыналмас» АҚ мамандары тартылды. Зерттеу нәтижелері бойынша пайда болған шұңқырдың ең түбінен 12 метр тереңдікте автобустың болжамды орналасқан жері анықталды, - деп жазды әкім.</blockquote>Қазір шұңқырдың түбінде топырақты қайта экскавациялауды жалғастыруда. Жұмыстар аса сақтықпен және барлық қауіпсіздік нормаларын сақтай отырып жүргізілуде.

Майқайыңда денесі табылған құтқарушы жерленді

«Астана-Петропавл» автожолында бояу тиелген фура аударылып қалды, деп хабарлайды El.kzақпарат агенттігі.Ақмола облысы ПД баспасөз қызметінің мәліметінше, жол-көлік оқиғасы бүгін, 21 шілдеде болды.<blockquote>Биылғы жылдың 21 шілдесінде «Астана-Петропавл» автожолында бояу тиелген «Volvo» жүк көлігі аударылып қалды. Жол-көлік оқиғасы салдарынан зардап шеккендер жоқ. Жүргізушіге қатысты ҚР Әкімшілік құқықбұзушылық туралы кодекстің 610-бабы бойынша әкімшілік іс қозғалды, - деді ведомстводан.</blockquote>Сонымен бірге, тәртіп сақшылары көлік жүргізушілерін жол қозғалысы ережелерін мүлтіксіз сақтауға шақырады.

«Астана-Петропавл» тас жолында бояу тиелген фура аударылып қалды

Әлеуметтік желілерде бір реттік әлеуметтік төлем туралы жалған хабарлама тағы таралуда. Алаяқтар ақпарат шынайы болып көрінуі үшін Қазақстан президенті Қасым-Жомарт Тоқаевтың бейнесін пайдаланған. Хабарландыруда әрбір қазақстандыққа 150 мың теңгеден беріледі делінген. Жаңа мемлекеттік бағдарлама іске қосылған екен. Бұл жалған, деп хабарлайды El.kzақпарат агенттігі stopfake.kz-ке сілтеме жасап.Алаяқтардың айтуынша, төлем туралы бірқатар министрліктер хабарлаған. Біз бұл ақпаратты тексердік. Бірде-бір ведомство мұндай жаңалықты жарияламаған ҚР Еңбек және халықты әлеуметтік қорғау министрлігінің&nbsp;сайтында&nbsp;да, ҚР Қаржы министрлігінің&nbsp;сайтында&nbsp;да ештеңе жоқ.Алаяқтар атап өткен ҚР қайырымдылық қоры деген&nbsp;қор&nbsp;жоқ.Алаяқтардың сөзінше, бұл мемлекеттік бағдарлама Halyk Bank-пен бірлесіп іске асырылуда. Бірақ қаржы мекемесінің ресми порталында төлемдер туралы&nbsp;айтылмаған.Мемлекет басшысының ресми&nbsp;сайтында&nbsp;мұндай ақпарат жоқ.Қылмыскерлер берген сілтемеде азаматтар төлемнің бар-жоғын тексеру үшін ЖСН теруге тиіс. Бұл айла. Күмәнді сайтта деректерді қалдыра отырып, сіз өзіңіз туралы маңызды ақпаратты белгісіз адамдарға бересіз. Олар оны өз мақсатында пайдалана алады.<blockquote>Баршаңызды тек ресми хабарламаларға ғана сенуге шақырамыз! Жаңалықтардың шынайылығын біздің порталдың көмегімен тексеруге болады. Өзіңізді қызықтыратын ақпаратты t.me/stopfakechatkz Telegram арнасына жіберіңіз, - делінген stopfake.kz ақпаратында.</blockquote>

Әлеуметтік желіде қазақстандықтарға 150 мың теңгеден берілетіні туралы ақпарат таралуда

Жылдың ең маңызды әрі ауқымды әлемдік спорттық шарасы – 5-ші Дүниежүзілік көшпенділер ойындарының басталуына 50 күн қалды.Көшпелілер мәдениетінің бірегей мерекесі саналған әлемдік оқиға дәстүр мен заманауи жетістіктерді насихаттау мақсатында әлемнің түкпір-түкпірінен қатысушылар мен көрермендердің басын біріктіреді.Әлемдік спорт шарасына 89 елден 2000-нан астам спортшы қатысады деп күтілуде. Астанада өтетін Дүниежүзілік көшпенділер ойындарында 21 спорт түрінен 97 медаль жиынтығы сарапқа салынады.5-ші Дүниежүзілік көшпенділер ойындарының бас демеушісі – ALAGEUM ELECTRIC, бас серіктесі – Халық банкі.Қазіргі таңда Ойындарға дайындық қызу жүріп жатыр.Билеттерді ресми билет операторы zakazbiletov.kz сайтынан алуға болады.Бүгінде қазақ күресі, Алыш (қырғыз күресі), Көрәш (татар күресі), Дәстүрлі Садақ Ату, Асық Ату, Ордо, Таяқ тарту, Күрәш (өзбек күресі), Арқан тартыс, Ашыртмалы Аба Гүреші (түрік күресі) жарыстарына билеттер сатылымға шығарылды.Ашылу рәсімі мен Көкпар, Көк Бөрі, Бәйге, Жамбы Ату, Теңге Ілу, Аударыспақ, Құсбегілік, Алыптар сайысы сынды жарыстарға билеттер тамыз айының басында сатылымға шығады.Әсіресе дәстүрлі садақ ату мен асық ату жарыстарына сұраныс көп.Ойынның маңызды бөлігінің бірі «Бірлік керуені» мәдени бағдарламасы. Бұл бірегей жоба көшпелі халықтардың мәдени байлығы мен алуан түрлілігін көрсетуге бағытталған.Дүниежүзілік көшпенділер ойындарына қатысатын Қазақстанның ұлттық құрамасы соңғы дайындық-жаттығу жиындарын өткізуде. Баршаңызды осы айтулы мерекеге қатысуға шақырамыз.

5-ші Дүниежүзілік көшпенділер ойындарына 50 күн қалды

«Таза Қазақстан» республикалық экологиялық акциясы аясында 22 шілде күні «Автокөліксіз күн» челленджі ұйымдастырылады. Жоба жеке көліксіз жүріп, ауаның ластануын, улы газдардың бөлінуін азайтуға сеп болады. 22 шілдеде кез келген адам челленджге қосыла алады. Ол үшін қатысушылар күні бойы көліктен бастартып, қоғамдық көлікпен, велосипедпен, скутермен немесе жаяу жүруі керек.Қатысушылар #Автокөліксізкүн челлендж хэштегтерін қолдана отырып, әлеуметтік желілерде көліксіз қозғалыстарының фотосуреттерін немесе бейнелерін бөлісуі және @birgemiz_taza_alem2022 ұйымдастырушылар парақшасын белгілеу қажет.

«Автокөліксіз күн» акциясы өтеді

Республикалық маңызы бар «Қызылорда-Жезқазған»&nbsp; жолы ұзақ жылдан бері күрмеуі шешілмей келген, халық арасында біраз талқыға салынған мәселелердің бірі еді. Мемлекет басшысы Қасым-Жомарт Тоқаев аталған автомобиль жолы құрылысын бастауды және&nbsp; жолаушылар қатынасына қолайлы, сапалы етіп салуды тапсырған болатын.Көлік министрі Марат&nbsp; Қарабаев Қызылорда облысына жұмыс сапарымен келіп, «Қызылорда-Жезқазған» автожолын қайта жаңғырту барысымен танысты. Сыр өңірін еліміздің орталығымен байланыстыратын күрежолдың ұзындығы – 424 шақырым. Қызылорда облысының аумағындағы 216 шақырымның 140 шақырымы осы жылы аяқталады. Жоба құны – 108,5 млрд теңге.Бүгінде Ұлытау облысының аумағындағы сегіз учаскенің құрылысымен айналысатын төрт мердігер анықталған. Оларға биыл күзде жұмысқа кірісу міндеті қойылды.Ал Қызылорда облысындағы учаскелерде құрылыс жұмыстары 2022 жылы басталған. Оған шетелдік және жергілікті компаниялар жұмылдырылған. Бес асфальтбетон зауыты мен алты арнайы ұсақтау қондырғысы жұмыс жасайды. Аймақтағы бес учаскеде құрылыс қарқынды. Мердігерлерге&nbsp; 140 шақырымды биыл аяқтау міндеттелді.Бүгінде Қызылорда облысындағы жол учаскелеріне 120 шақырым жаңа асфальт төселді (төменгі қабат). Құрылысқа 900 маман және 450 арнайы техника жұмылдырылған.«Қызылорда-Жезқазған» автожолын қайта жаңғырту жұмыстарымен танысу барысында Көлік министрі М.Қарабаевтың қатысуымен арнайы мәжіліс өтті.&nbsp; Жиынға Қызылорда облысы әкімінің орынбасары А.Зебешев, Көлік министрлігі Автомобиль жолдары комитетінің төрағасы А.Абдуллин, «ҚазАвтоЖол» ҰК» АҚ төрағасы Д.Иманашев, Қызылорда облысының жолаушылар көлігі және автомобиль жолдары басқармасының басшысы Ж.Сыздықов,&nbsp; «ҚазАвтоЖол» ҰК» АҚ Қызылорда облысы филиалының директоры Е.Жүнісов қатысты.Сонымен қатар, кездесуде республикалық маңызы бар&nbsp; «Самара-Шымкент» автомобиль жолының Қызылорда қаласынан Ақтөбе облысы бағытындағы&nbsp; 566 шақырым&nbsp; бөлігін 4 жолақтыға&nbsp; (I-б техникалық санатқа) ауыстыру мәселесі қаралды. Жобалау-іздестіру жұмыстарын, техникалық-экономикалық негіздемесін, мердігерді осы жылы анықтау және жөндеу жұмыстарын 2025 жылдың 4-тоқсанында бастау жоспарлануда.

«Қызылорда-Жезқазған» жолы:  Бес учаскеде құрылыс қарқынды

Қазақстанда такси қызметін пайдаланған жолаушылар саны едәуір артты, деп хабарлайды El.kzақпарат агенттігі.Ұлттық статистикалық бюро мәліметінше, 2024 жылдың бірінші жартыжылдығында такси қызметін пайдаланған жолаушылар саны 37,63% артып, 35,6 млн-ға жеткен.&nbsp;&nbsp; Такси жолаушыларын тасымалдаудан түскен табыс 4 млрд теңгені құраған. Бұл өткен жылдың сәйкес кезеңімен салыстырғанда 29,8% артық. Сонымен қатар такси қызметтерінің бағасы жыл басынан бері 4,7% өскен.

Елімізде такси қызметін пайдаланған жолаушылар саны артқан

<a href="https://kyzylorda-news.kz/">Kyzylorda-news.kz</a> Азаматтық қорғау, төтенше жағдайлардың алдын алу және жою, аумақтық қорғанысты қамтамасыз ету. Бұл аталған міндеттер облыстық жұмылдыру дайындағы басқармасының тікелей қызметі. Аталған басқарма маңызды мәселелердің бел ортасында жүреді.Биыл 3 нысанда қорғаныс бөгеттерін жөндеу-қалпына келтіру жұмыстарын жоспарға енгізіп, Арал ауданындағы 2 нысан бойынша жұмыстарды бастап кетті. Сондай-ақ 2024 жылдың мамыр айында Сырдария өзенінің су шаруашылығы нысандарына зерттеу жұмыстары жүргізіліп, жөндеу жұмыстарын қажет ететін 14нысан анықталған. Бұл туралы облыстық жұмылдыру дайындығы басқармасының басшысы Марат Құрманбаев хабарлады.<blockquote>– Тиісті құзырлы органдардың ұсыныстарымен 1-ші кезекте жөндеу жұмыстарын қажет ететін учаскелер нақтыланып, қажетті қаржы көлемі есептелуде. Нәтижесімен бюджеттік өтінім әзірленіп, облыстық экономика және қаржы басқармасына тапсырылатын болады. Биыл Батыс Қазақстан облысында орын алған су тасқыны жағдайына байланысты көмек көрсету мақсатында облыс бойынша барлығы 152 техника, 30 су тарту құрылғысы, 8 жүзу құралы, 617 адам күші жұмыс жасады, – деді Марат Ердәулетұлы.</blockquote>Брифинг барысында басқарма басшысы Конго-Қырым геморрагиялық қызбасын алдын алу мақсатында атқарылып жатқан жұмыстарға тоқталып өтті.<blockquote>– Аймақта Конго-Қырым геморрагиялық қызбасының алдын алу мақсатында 2024 жылы көктемгі және күзгі залалсыздандыру жұмыстарын жүргізу жоспарланды. Көктемгі заласыздандыру жұмыстары 9-шы сәуір мен 24-ші маусым аралығында жүргізілді.</blockquote>Жалпы облыс бойынша залалсыздандыру жұмыстарының тиімділігі 98,1% құрап отыр, – деді Марат Ердәулетұлы.Фото: өңірлік коммуникациялар қызметі

Жұмылдыру дайындығы басқармасының жұмысы жүйелі

<a href="https://kyzylorda-news.kz/">Kyzylorda-news.kz</a> Биылғы жылдың 6 айында облыстағы 1 235 тапсырыс берушімен 69 651 сатып алу өткізілсе, оның 4 пайызы немесе 4110 конкурсы облыстық мемлекеттік сатып алу басқармасымен ұйымдастырылды.Басқарманың түсіндіру-таныстыру мақсатында өткізілген 50-ге жуық іс-шарасы өз нәтижесін беріп, саладағы әкімшілік құқық бұзушылық 10%-ға төмендесе, тәртіптік жауапқа тартылу көрсеткіші 54%-ға азайды.Статистикалық мәліметтер аясында Облыстық мемлекеттік сатып алу басқармасының басшысы Бауыржан Шәменов тарапынан 2024 жылдың 1 қаңтарынан бастап білім беру ұйымдарындағы ыстық тамақпен қамту қызметтерінің де орталықтандырылған түрде басқармамен жүргізіліп отырғандығы атап өтілді.Бұл шараның білім беру ұйымдарындағы сыбайлас жемқорлық тәуекелдерін азайтып, жауапты мамандарына артылатын жүктеменің азаюына ықпал ететіндігі анық.Саладағы елеулі жаңалық – 2024 жылдың 1 шілдесінде Мемлекет басшысы қол қойған жаңа «Мемлекеттік сатып алу туралы» Заңы.Осыған байланысты, Бауыржан Серікұлы жаңа Заң сатып алу процесінің рәсімдерін оңтайландыруды, мемлекеттік сатып алуға қатысушылардың жауапкершілігін күшейтуді көздеп отырғандығын атап өтіп, 2025 жылдың 1 қаңтарынан күшіне енетін Заңның жаңашылдықтарына да тоқталды.Енді, мемлекеттік сатып алулар шеңберінде:– «строительство под ключ» ұғымы енгізіліп, нысанды жобалаудан бастап объектіні пайдалануға беруге дейінгі жұмыстарды бір ғана өнім берушіге жүктеу мүмкіндігі болады;– тапсырыс берушілер қолдана алмай келген бір көзден алу мүмкіндігі қайта беріліп, құны 100 АЕК-ге дейінгі тауарларды, 500 АЕК-ге дейінгі жұмыстар мен қызметтерді ал, кент, ауыл әкімдері кез келген сомасы 4000 АЕК-ге дейінгі сатып алуларды сатып алуды өткізіп, уақыт кетірместен бір көзден алады.Сонымен қатар, «сақалды» құрылыстар бойынша мердігерлердің жауапкершіліктерін арттыру жөнінде ұсыныс қолдау тауып, алдағы уақытта кешіктірілген және орындалмаған шарттық міндеттемелері бойынша күшіне енген сот шешімі болса, мердігерлер мемлекеттік сатып алуларға қатыса алмайды.Фото: Өңірлік коммуникациялар қызметі

Мемлекеттік сатып алуға қатысушылардың жауапкершілігі күшейтіледі

&nbsp;<a href="https://kyzylorda-news.kz/">Kyzylorda-news.kz</a> Блогер Аида Серікова құны 80 млн теңге тұратын үйге конкурс ұйымдастырған болатын. Блогер конкурсты ауылдың мұғалімі жеңгенін жариялады, - деп хабарлайды <a href="https://massaget.kz/basty-zhaalytar-438/112080/?fbclid=IwZXh0bgNhZW0CMTEAAR2t1d3z1hInI5PYNzMsNrvN8sMY2Wc8LbcXzstkXoE7HuWH5huqnB7EGRg_aem_NNJPh-gl3WUymSIarmtiRQ">Massaget.kz</a>."Ер адамның жылағанын көріп, көз жасымды ұстай алмадым.Алматыдағы 80 000 000 теңге тұратын үй ауылда мұғалім болып жасайтын Айдос мырза мен жұбайына бұйырды. Ойлаңыздаршы, даже курсты, 2000 теңгені каспи редпен алған. Сонымен, Алматыға кредит алуға барған. Алайда банк несие бермеген.Енді, міне, Аллам кредит бермесе де, 100 000 000 теңгелік үйді бұйыртты. Эмоциясын айта алмаймын. Үйіңіз тағы да құтты болсын!", - деп жазды блогер.Блогер үйді ауылда география пәнінің мұғалімі болып жұмыс істейтін азамат ұтып алғанын айтты.<blockquote>"Аман-есен үйді табыстадық. Халықтың жылы сөзін, қолдауын естіп, көзімізден жас тоқтамай жатыр. Баспанаңыз құтты болсын. Айдос аға жастайынан әкесінен де, шешесінен де айырылған. Інісі екеуі тете өсіп, мектепті өте жақсыға бітіріп, КазНУ-ды қызыл дипломмен бітіріпті. Өте сауатты кісі. Қазіргі таңда, география пәнінің мұғалімі екен. Өте қарапайым жандар. Алла бұл кісілерге еселеп берсін. Осы күнге дейін қиындықты тек күліп қарсы алған екен. Кешегінің өзінде қалай екі езуі күліп кірді, соңына дейін солай күліп жүрді ғой", - деп жазды Аида Серікова.</blockquote>Фото: newsroom.kz

Қазақстан және Қызылорда облысының жаңалықтары: Қоғам