<a href="https://kyzylorda-news.kz/">Kyzylorda-news.kz</a> Шиелі ауданы әкімдігінде аудан әкімі Айтбай Жандарбековтың төрағалығымен егін шаруашылығының жай-күйі, суармалы суды тиімді пайдалану, егіс алқаптарын сумен қамтамасыз ету және су тапшылығының алдын алу мәселелеріне арналған кеңейтілген мәжіліс өтті.Жиынға Су ресурстары және ирригация министрлігінің Тарифтік саясатты реттеу департаментінің директоры Дархан Қайынбердиев, Су шаруашылығы имараттарын дамыту департаменті директорының орынбасары Жәнібек Қайшыбекұлы, Суды үнемдеу технологияларын дамыту департаментінің Ауыл шаруашылығы саласында су үнемдеу технологияларын енгізу басқармасының сарапшысы Гүлнұр Махамбет, «Қазсушар» РМК Бас директорының орынбасары Ербол Салихбаев, Экономика және қаржы департаментінің директоры Айгүл Сұлтанова, кәсіпорынның Қызылорда филиалы директорының міндетін атқарушы Нәжмадин Шамұратов, облыстық ауыл шаруашылығы және жер қатынастары басқармасы басшысының орынбасары Даулетбек Абдирасулов, Су ресурстарын пайдалануды реттеу және қорғау жөніндегі «Арал – Сырдария» бассейндік инспекциясының басшысы Зейнолла Қазтоғанов, сондай-ақ шаруа қожалықтарының жетекшілері мен жауапты сала басшылары қатысты.Жиында аудандағы егін шаруашылығының қазіргі ахуалы, суармалы суды тиімді пайдалану, егіс алқаптарын сумен қамтамасыз ету және су тапшылығының алдын алу бағытындағы атқарылып жатқан жұмыстар жан-жақты талқыланды.<img src="https://knadmin.beoblood.kz/uploads/Su_resurstaryn_tiimdi_pajdalanu_m_selesi_Shieli_2_a69fa0877a.jpg" alt="Су ресурстарын тиімді пайдалану мәселесі Шиелі 2.jpg">Мемлекет басшысы Қасым-Жомарт Кемелұлы Тоқаев Қазақстан халқына Жолдауларында аграрлық секторды дамытуға ерекше назар аударып келеді. Ауыл шаруашылығы өндірісінің тұрақты дамуы ең алдымен су ресурстарының жеткілікті болуына байланысты. Соңғы жылдары өңірде вегетациялық кезең күрделі жағдайда өтіп, биыл да су тапшылығы байқалуда. Осыған байланысты сала мамандары су жеткізу қызметінің тарифтері бойынша түсіндірме жұмыстарын жүргізіп, шаруалар тарапынан қойылған сұрақтарға жауап берді.Айта кетейік, су тапшылығының алдын алу және су үнемдеу технологияларын енгізу бағытында ауданда жүйелі жұмыстар жүргізілуде. Биыл 10 мың гектар жер лазерлік тегістеуден өткізілді. Сонымен қатар, жеке тұрғындар есебінен 3 100 гектар жерге тамшылатып суару әдісі арқылы көкөніс және бақша дақылдары орналастырылған.Сондай-ақ, «Таң ЛТД» ЖШС мен «Центр Семеноводства» ЖШС тарапынан 2 мың гектар алқапқа дәндік жүгері дақылы тамшылатып және жаңбырлатып суару технологиялары арқылы егілді. Бұл тәсілдер суды тиімді пайдаланып, оның ысырабын азайтуға және өнімділікті арттыруға мүмкіндік береді.2026 жылы ауданда 31 213 гектар жерге ауыл шаруашылығы дақылдарын орналастыру жоспарланған. &nbsp;Бүгінде «Қазсушар» РМК облыстық филиалымен 125 шаруа қожалығы 633,5 млн теңгеге су пайдалану жөнінде келісімшарт жасаған. Ауданда жалпы 61 насос қондырғысы жұмыс істейді, оның 23-і «Қазсушар» РМК теңгерімінде болса, 38-і шаруашылық құрылымдарына тиесілі. Сонымен қатар, Р-12 каналының 72-бекеттен 115-бекетке дейінгі 4,3 шақырым бөлігіне механикалық тазалау жұмыстары жүргізілді. Қазіргі таңда 36-бекеттен 72-бекетке дейінгі аралықта тиісті жұмыстар жалғасуда. Ал 2026 жылға Р-12, Жаңа Бестам, Р-10-0-1, Қамыстықақ, Р-7 және Жаңа Сұлутөбе каналдарын механикалық тазалау және қазу жұмыстарына ұсыныстар берілген.Жиын қорытындысында аудан әкімі Айтбай Жандарбеков егіс алқаптарындағы жұмыстарды сапалы әрі уақытылы жүргізудің маңыздылығына тоқталып, су ресурстарын ұтымды пайдалану, каналдар мен су шаруашылығы нысандарын күтіп ұстау, сондай-ақ шаруалардың ұсыныс-пікірлерін ескере отырып, туындаған мәселелерді жедел шешу жөнінде нақты ұсыныстар берді.Сондай-ақ, жауапты мекеме басшыларының есептері тыңдалып, өзекті мәселелерді шешу жолдары жан-жақты талқыланды.<img src="https://knadmin.beoblood.kz/uploads/Su_resurstaryn_tiimdi_pajdalanu_m_selesi_Shieli_3_41af5f962e.jpg" alt="Су ресурстарын тиімді пайдалану мәселесі Шиелі 3.jpg">

Су ресурстарын тиімді пайдалану мәселесі қаралды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов аудан орталығынан 120 шақырым шалғайда орналасқан Сарбұлақ ауылына барып, елді мекеннің халқымен кездесті.Ауыл тұрғындарымен өткен кездесуде аудан басшысы Президентіміз Қасым-Жомарт Тоқаевтың бастамасымен елімізде жүзеге асып жатқан ауқымды жобалар, 1 шілде де ресми күшіне енетін Жалпыұлттық референдумда қабылданған жаңа Ата заң жайында, конституциялық реформаларды жүзеге асырудағы өңір халқының ауызбіршілігі, «Әділетті Қазақстан», «Адал адам» бағдарламасы «Заң мен тәртіп» тұжырымдамасы және елімізде өтіп жатқан маңызды жиындар жайында сөз қозғады. Мұнан кейін облыс әкімі Мұрат Ергешбаевтың басшылығымен өңірде және ауданда атқарылып жатқан жұмыстар мен алда атқарылатын жобалар жайында атап өтті. Сонымен қатар аудандағы білім, мәдениет, денсаулық сақтау, инфрақұрылым, газдандыру, ауыз сумен қамту, электр желілерін жаңғырту және жолдарды жақсарту бағытында атқарылып жатқан жұмыстардың жайын жеткізді.Кезек ұсыныс-пікірлерге келгенде сарбұлақтықтар елді мекендегі электр желілерінде жиі ақау болатынын айтып, жөндеу жұмыстарын қолға алуды сұрады. Аудан басшысы осы ретте, өткен жылдан бері ауданда елді мекендердің электр желілерін қайта жаңғырту жобалар жүзеге асыру бойынша бірнеше жобаның жүзеге асып жатқандығын жеткізді. Мәселен, «Ауыл - ел бесігі» жобасы аясында, Қазалы қаласы, Қожабақы ауылы және Ү.Түктібаев ауылдарының электр желілерін қайта жаңғырту жұмыстары, Әйтеке би кенті мен Қазалы қаласының аралығында орналасқан нысандар мен тұрғын үйлердің электр энергиясының тұтыну қуаттылығын арттыру мақсатында қосалқы стансасының құрылысы жүргізілгендігін айтты. Осы сынды Сарбұлақ ауылының электр желілерін қайта жаңғырту жұмыстарына жоба-сметалық құжаттары әзірленіп, тиісті министрлікке жолданғанын, алдағы уақытта басқа да елді мекендер сынды бөлінген қаржыға сәйкес кезең-кезеңімен тозығы жеткен электр желілерін қайта жаңғырту бойынша жұмыстар жүргізілетіндігін айтты.Халықпен өткен кездесу соңында аудан әкімі Мемлекет басшысы Қасым-Жомарт Тоқаевтың «Таза Қазақстан» республикалық экологиялық акциясының маңыздылығына тоқталып, тазалық мәдениетін қалыптастыру, қоғамдық тәртіпті сақтау және туған жерге жанашырлықпен қарауға ауыл халқын ауызбіршілікпен атсалысуға шақырды.Жиын соңында ауыл ақсақалдары елді мекенге арнайы келіп, халықтың ұсыныс-пікірін тыңдап, елдегі атқарылып жатқан игі істерді жеткізіп жатқан аудан басшысы мен азаматтарға ризашылықтарын жеткізді.&nbsp;<img src="https://knadmin.beoblood.kz/uploads/azaly_audany_t_r_yndarmen_kezdesu_2_ec70b531dd.jpg" alt="Қазалы ауданы тұрғындармен кездесу 2.jpg">

Сарбұлақ ауылының электр желілерін қайта жаңғырту жұмыстары жүргізіледі

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов жұмыс сапарымен Аққыр ауылдық округіне барып, ауыл тұрғындарымен кездесті.Жалағаш ауданының әкімі алдымен ауылдың әлеуметтік-экономикалық дамуы, әлеуметтік нысандардың жай-күйі және елді мекенде атқарылып жатқан жұмыстармен танысты.Аққыр ауылында өткен жылы Н.Таспенов және Аққыр көшелеріне күрделі жөндеу жұмыстары жүргізілді. Биыл ауылдың 3 көшесіне күрделі жөндеу жұмыстары жүргізіліп, толық аяқталды.Сонымен қатар, ауылдағы 100 орындық клуб құрылысына және «Аққыр» каналына су шаруашылығы жұмыстарын жүргізуге арналған жобалық-сметалық құжаттамалар әзірленіп, аталған жобаларды қаржыландыру мақсатында бюджеттік өтінім ұсынылды.Кездесуде аудан әкімі тұрғындардың ұсыныс-пікірлерін тыңдап, ауыл тұрғындарын толғандырған мәселелер бойынша пікір алмасты. Сондай-ақ, өңірде атқарылып жатқан жұмыстар мен алдағы кезеңге жоспарланған міндеттерге тоқталды.Алдағы уақытта күн тәртібіндегі мәселелерді кезең-кезеңі бойынша шешіп, бірқатар жұмыстарды жүйелі түрде орындалатынын жеткізді. Тұрғындардың талап-тілегі мен ұсыныс-пікірлері де назарға алынып, тиісті шаралар қабылдайтынын айтты.

Жалағаш ауданының әкімі Аққыр ауылындағы атқарылып жатқан жұмыстармен танысты

<a href="https://kyzylorda-news.kz/">Kyzylorda-news.kz</a> Бүгін аймақ басшысы Мұрат Ергешбаев бастаған облыс делегациясы Астана қаласына жұмыс сапарымен барып, жаңадан ашылған «Alem AI» халықаралық жасанды интеллект орталығының жұмысын көрді.«Astana Hub» халықаралық технопаркінің бас директоры Мағжан Мәдиев орталықтың негізгі бағыттары мен инфрақұрылымын таныстырды. Делегация мүшелері жасанды интеллект саласындағы инновациялық жобаларды біріктіретін сегіз қабатты бірегей экожүйені аралады.Айта кетейік, Мұрат Ергешбаев – бұл бірегей орталыққа арнайы барған облыс әкімдерінің алғашқысы. Орталықта жасанды интеллект әлеміне арналған иммерсивті көрмелер мен интерактивті кеңістіктер, жасөспірімдердің технологиялық дағдыларын дамытуға бағытталған «TUMO Astana» бағдарламасы,&nbsp;Қазақстандағы алғашқы «Tomorrow School» жасанды интеллект мектебі, ғылыми зерттеулер <img src="https://knadmin.beoblood.kz/uploads/yzylordaly_delegacziya_ALEM_AI_haly_araly_zhasandy_intellekt_ortaly_ynda_boldy_2_9688701c3a.jpg" alt="Қызылордалық делегация «ALEM AI» халықаралық жасанды интеллект орталығында болды 2.jpg">және стартаптарды қолдауға арналған ЖИ-кампус, халықаралық технологиялық компаниялардың зертханалары орналасқан.Кездесуде өңірдегі жобаларды жүзеге асыруда цифрлық технологиялар мен жасанды интеллектіні пайдалану мәселелері қаралды. Қазіргі уақытта «Kyzylorda Hub» өңірлік технопаркі базасында инновациялық жобаларды қолдау, жергілікті ІТ-қоғамдастықты дамыту және жастардың цифрлық дағдыларын арттыруда жүйелі жұмыс жүргізілуде.Жұмыс сапары кезінде цифрландыру және жасанды интеллект саласындағы бірлескен бастамаларды іске асыруға, тәжірибе алмасуға &nbsp;қатысты мәселелер де талқыланды.Бұдан бөлек, облыс әкімі Astana Smart City жобасының Ситуациялық орталығындағы қалалық инфрақұрылымды бақылау, деректерді талдау және қала қызметтерінің жұмысын нақты уақыт режимінде үйлестіру мүмкіндіктерімен танысты.Сонымен қатар, қаладағы процестерді басқаруға және түрлі ведомстволар арасындағы өзара іс-қимылды қамтамасыз етуге арналған жасанды интеллект негізіндегі платформа көрсетілді.Astana Smart City жобасы қаланы тиімді әрі қауіпсіз басқаруға мүмкіндік беретін жаңа буын интеллектуалды инфрақұрылымын қалыптастыруға бағытталған.&nbsp;

Қызылордалық делегация «ALEM AI» халықаралық жасанды интеллект орталығында болды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов М.Шәменов ауылдық округіне барып, ауыл тұрғындарымен кездесті.Алдымен Жалағаш ауданының әкімі ауылдың әлеуметтік-экономикалық дамуы, әлеуметтік нысандардың жай-күйі және елді мекенде атқарылып жатқан жұмыстармен танысты.Өңірлерді дамыту бағдарламасы аясында М.Шәменов ауылының кіреберіс бөлігі мен Бұқарбай батыр көшесіне бейнебақылау камералары орнатылды.&nbsp;«Ауыл – Ел бесігі» жобасы шеңберінде 3 көшеге күрделі жөндеу жұмыстары жүргізіліп, толық аяқталды. Бұдан бөлек, елді мекендегі тұрғын үй секторын инженерлік-коммуникациялық инфрақұрылыммен қамтамасыз ету бағытында электр беру желілерін жаңғырту жұмыстары жүзеге асырылды.Еркін форматта өткен кездесуде аудан әкімі тұрғындардың ұсыныс-пікірлерін тыңдады. Сондай-ақ, Мемлекет басшысының тапсырмасына сәйкес өңірде атқарылып жатқан жұмыстар мен алдағы кезеңге жоспарланған міндеттерге тоқталды.Жалағаш ауданының әкімі алдағы уақытта күн тәртібіндегі мәселелер қолға алынып, барлық жұмыстар кезең-кезеңімен жүйелі түрде жүзеге асатынын жеткізді. Тұрғындар үшін қолайлы жағдай жасап, барлық ұсыныс-пікірлер назарға алынатынын мәлімдеді.

Жалағаш: Ауылдық округ тұрғындарымен кездесіп, ұсыныс-пікірлерін тыңдады

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау вице-министрі Виктория Шегай қоғамнан сұраныс болса Қазақстанда Конституция күніне байланысты қосымша демалыс күнін енгізу мәселесі қарастырылатынын мәлімдеді. Бұл туралы <a href="https://stan.kz/qazaqstandyqtarga-tagy-bir-qosymsa-demalys-kuni-berile-me-ministrlik-z-435702/">Stan.kz</a> ақпарат агенттігі хабарлайды.&nbsp;Үкіметтегі брифингте Виктория Шегай журналистердің Конституция күніне байланысты мерекелік демалыс күндерін көбейті туралы сұрағына жауап берді. Бұған дейін Тәуелсіздік күніне орай 16 желтоқсанда екі күндік демалыс қарастырылған болатын.Сұраққа жауап берген Виктория Шегай Конституцияға енгізілген өзгерістерден кейін 25 қазанның ұлттық мереке әрі ресми демалыс күні болып бекітілгенін еске салды.<blockquote>“Конституция күніне келсек, жаңа Конституция күшіне енгеннен кейін 25 қазан да мереке күніне айналды. Сондықтан бұл ресми демалыс күні болып саналады”, – деді вице-министр.</blockquote>Журналистер кейіннен кейбір мерекелердегідей тағы бір қосымша демалыс күнін енгізу мүмкіндігі қарастырыла ма деп нақтылады. Шегайдың айтуынша, мұндай мәселе қоғамның сұранысына қарай қаралуы мүмкін.<blockquote>“Екі күндік демалысқа қатысты мәселе азаматтардың пікірін ескере отырып қаралады деп ойлаймын. Қазір бұл сұраққа нақты жауап бере алмаймын”, – деп қосты ол.</blockquote>Вице-министр болашақта мұндай бастама қарастырылуы мүмкін екенін алға тартты.Фото: depositphotos

Қазақстанда тағы бір демалыс күнін енгізу ұсынысы қаралуы мүмкін

<a href="https://kyzylorda-news.kz/">Kyzylorda-news.kz</a> Мемлекет басшысының тапсырмасына сәйкес жүзеге асырылып жатқан «Ауыл аманаты» жобасы ауыл тұрғындарының кәсіпкерлік бастамаларын қолдап, елді мекендерде халыққа қажетті қызмет түрлерінің дамуына серпін беріп келеді. Соның бір дәлелі - Арал ауданының Сексеуіл кентінде автокөлік жөндеу және техникалық қызмет көрсету орталығының табысты жұмыс істеуі.«Ауыл аманаты» жобасының мүмкіндігін пайдаланған жергілікті тұрғын бүгінде өз кәсібін дөңгелетіп, кент халқына сапалы қызмет көрсетуде. Орталықта автокөліктердің техникалық жай-күйін анықтау, жөндеу және қызмет көрсету жұмыстары жүргізіледі. Заманауи құрал-жабдықтармен жабдықталған нысанда қызмет көрсету сапасы мен жеделдігіне ерекше мән берілген.Бұрын көлігін жөндету үшін аудан орталығына немесе басқа елді мекендерге баруға мәжбүр болған тұрғындар енді қажетті қызметті өз кентінде ала алады. Бұл ауыл тұрғындарының уақытын үнемдеп, тұрмыстық қолайлылығын арттыруға мүмкіндік берді.«Ауыл аманаты» жобасының басты мақсаты - ауыл тұрғындарының табысын арттырып, кәсіпкерлікті дамытуға қолдау көрсету. Сексеуіл кентіндегі бұл кәсіп соның нақты нәтижесін көрсетіп отыр. Халыққа қажетті қызметтің қолжетімді болуы ғана емес, ауылдағы іскерлік белсенділіктің артуы да өңірдің әлеуметтік-экономикалық дамуына оң әсерін тигізуде.<img src="https://knadmin.beoblood.kz/uploads/Aral_audany_press_tur_a32f7db114.jpg" alt="Арал ауданы пресс-тур.jpg">Ауылдық жерлерде еңбекпен ел игілігіне қызмет ету - бүгінгі күннің басты үрдістерінің бірі. Сексеуіл кентінде тұратын кәсіпкер де өз ісін ауыл шаруашылығы саласында жүйелі түрде дамытып, өңір экономикасына үлес қосып келеді.2021 жылдан бастап Сексеуіл кентінде егін шаруашылығы және шағын көлемді маусымдық жылыжай кешенінде көкөніс өсірумен айналысып келеді. Кәсіпкер қияр мен қызанақ сияқты дақылдарды өсіріп, жергілікті нарықты табиғи өніммен қамтамасыз етіп отыр.Сонымен қатар, ол Сексеуіл кентіндегі «Құмсай» бөгетінің маңынан 6 гектар жерге қарбыз, 4 гектар жерге қауын егіп, 150 түп жеміс ағашын отырғызған. Шаруашылықта өндірілген өнімдер кенттегі және аудан орталығындағы сауда орындарына жеткізіліп, нарық бағасынан төмен бағада сатылуда. Бұл өз кезегінде тұрғындардың сапалы өнімге қолжетімділігін арттыруға мүмкіндік беріп отыр.Кәсіпкердің айтуынша, мемлекеттік қолдау тетіктері, соның ішінде «Ауыл аманаты» жобасы ауылдағы еңбек адамдарының өз ісін кеңейтуіне және тұрақты табыс көзін қалыптастыруына жол ашқан. Осы қолдаудың нәтижесінде шаруашылық ауқымы кеңейіп, өндіріс көлемі арта түскен.2022 жылы ол үздік бақша дақылдарын орналастырушы ретінде танылып, облыс және аудан әкімдерінің Алғыс хаттарымен марапатталған. Бүгінде бұл шаруа ауылдағы еңбек мәдениетін қалыптастырып, жергілікті өнім өндіру ісінің дамуына үлес қосып келеді.<img src="https://knadmin.beoblood.kz/uploads/Aral_audany_press_tur_2_10fd13e592.jpg" alt="Арал ауданы пресс-тур 2.jpg">Арал ауданында жол бойы инфрақұрылымын дамыту, қызмет көрсету сапасын арттыру және инвестициялық тартымдылықты күшейту бағытында ауқымды жобалар жүзеге асырылуда. Солардың бірі - Эко Энерджи Плюс ЖШС-нің автомобиль газ толтыру компрессорлық станциясы бар көпфункционалды жол бойындағы кешен салу жобасы.Кешен 2 гектар аумақта орналасқан және оның негізгі бағыты - көлік жүргізушілеріне кешенді қызмет көрсету инфрақұрылымын қалыптастыру. Қазіргі таңда мұнда метан газ толтыру компрессорлық станциясы жұмыс істеп тұр. Бұл автокөліктерді экологиялық таза отын түрімен қамтамасыз етуге мүмкіндік беріп, өңірдегі көлік саласының жаңғыруына жол ашуда.Жоба толық аяқталған жағдайда кешен жол бойындағы сервистік қызметтердің кең спектрін ұсынатын көпфункционалды орталыққа айналмақ. Атап айтқанда, мұнда 2 колонкалы газ құю бекетімен қатар, азық-түлік дүкені, намазхана, 100 адамға арналған асхана, көлік жөндеу орталығы және капсульдік қонақ үй қызметі қарастырылған. Бұл өз кезегінде жол жүріп өтетін азаматтар үшін барлық қажетті жағдайды бір жерде қамтитын заманауи инфрақұрылым қалыптастырады.Сонымен қатар, жобаның екінші кезеңін іске асыру жоспарланған. Толық іске қосылған жағдайда кешен жылына шамамен 12 мың автокөлікті метан газымен қамтамасыз ету мүмкіндігіне ие болады. Бұл өңірдегі отын нарығын әртараптандыруға, экологиялық жүктемені азайтуға және жол бойы сервистік қызмет сапасын жаңа деңгейге көтеруге ықпал етеді.Аталған инвестициялық жоба Арал ауданының көлік-логистикалық әлеуетін арттырып қана қоймай, жаңа жұмыс орындарын ашу, жергілікті кәсіпкерлікті дамыту және инфрақұрылымдық серпіліс беру жағынан да маңызды рөл атқарады. Ауқымды бастама өңірдің даму бағытын айқындайтын стратегиялық жобалардың біріне айналып отыр.<img src="https://knadmin.beoblood.kz/uploads/Aral_audany_press_tur_3_95e2614dab.jpg" alt="Арал ауданы пресс-тур 3.jpg">Арал ауданында халыққа қолжетімді медициналық қызмет түрлерін дамыту бағытында жеке кәсіпкерлік бастамалар жүзеге асырылуда. Соның бірі-көз ауруларын анықтау және емдеу қызметін көрсететін дәрігерлік кабинет.Кәсіпкер «Қызылорда» өңірлік инвестициялық орталығы» микроқаржылық ұйымы» ЖШС арқылы қаржылай қолдау алып, көз дәрігерлік кабинетін ашу мақсатында өз кәсібін іске қосқан. Бүгінде медициналық нысан аудан тұрғындарына тұрақты түрде қызмет көрсетуде.Кабинет заманауи медициналық құрал-жабдықтармен жабдықталған. Мұнда тұрғындарға көз ауруларын ерте анықтау, диагностикалық тексерулер жүргізу, кеңес беру және бастапқы емдік шаралар көрсету қызметтері ұсынылады.Жобаның іске асуы аудан тұрғындары үшін сапалы медициналық қызметтің қолжетімділігін арттырып, бұрынғыдай өзге өңірлерге бару қажеттілігін айтарлықтай азайтты. Бұл өз кезегінде уақыт пен қаржыны үнемдеуге мүмкіндік беріп отыр.Кәсіпкер алдағы уақытта медициналық қызмет аясын кеңейтіп, орталықты жаңа буындағы заманауи диагностикалық және емдік құрылғылармен толықтыруды жоспарлап отыр. Бұл бастама аудан деңгейінде офтальмологиялық қызмет сапасын арттыруға бағытталған маңызды қадамдардың бірі ретінде бағалануда.&nbsp;<img src="https://knadmin.beoblood.kz/uploads/Aral_audany_press_tur_4_1e2a5c5451.jpg" alt="Арал ауданы пресс-тур 4.jpg">Арал ауданына қарасты Сексеуіл кентінде жергілікті тұрғындардың кәсіпкерлік бастамалары арқылы шағын өндіріс орындары дамып келеді. Соның бірі – брусчатка өнімдерін өндірумен айналысатын жеке кәсіпкердің жобасы.2024 жылы кәсіпкер «Ауыл аманаты» бағдарламасы аясында қаржылай қолдауға ие болып, брусчатка шығару ісін бастауға мүмкіндік алған. Бүгінде өндіріс орны толық іске қосылып, тұрақты жұмыс жүргізуде.Кәсіпорында шығарылатын брусчатка өнімдері кент аумағын абаттандыру, жол және құрылыс жұмыстарында кеңінен қолданылуда. Өнімнің жергілікті сұранысты қамтамасыз етуге бағытталуы құрылыс материалдарының қолжетімділігін арттыруға ықпал етіп отыр.Жоба аясында қажетті өндірістік құрал-жабдықтар алынып, жұмыс процесі жүйелендірілген. Бұл өз кезегінде өндірістің үздіксіз жұмыс істеуіне және сапалы өнім шығаруға мүмкіндік берді.Кәсіпкердің бастамасы жергілікті инфрақұрылымды дамытуға, тұрғындарды құрылыс материалдарымен қамтамасыз етуге және өңірдің әлеуметтік-экономикалық дамуына үлес қосып отыр. Алдағы уақытта өндіріс көлемін ұлғайтып, өнім түрлерін кеңейту жоспарлануда.«Ауыл аманаты» бағдарламасы аясында жүзеге асқан бұл жоба ауылдық жерлерде өндірістік әлеуетті арттырудың нақты көрінісі ретінде бағалануда.<img src="https://knadmin.beoblood.kz/uploads/Aral_audany_press_tur_5_afebaacb96.jpg" alt="Арал ауданы пресс-тур 5.jpg">Фото: istockphoto.com

Арал ауданының әлеуметтік-экономикалық дамуы қарқынды

<a href="https://kyzylorda-news.kz/">Kyzylorda-news.kz</a> Қызылорда облысының көлік-логистикалық әлеуетін арттыру мақсатында Сыр өңірінен Маңғыстауға жаңа әуе бағыты <a href="https://kaz.inform.kz/news/aktau-kizilorda-aktau-bagitinda-aue-bagiti-ashildi-21d89cfa">ашылды.</a>Қорқыт ата атындағы халықаралық Қызылорда әуежайынан хабарлағандай, SCAT әуе компаниясы 20 маусымнан бастап Ақтау – Қызылорда – Ақтау бағыты бойынша тұрақты әуе рейсін іске қосады.<blockquote>- Рейсті Boeing әуе кемесі орындайды. Ұшақ аптасына екі рет – сәрсенбі және сенбі күндері қатынайды. Кестеге сәйкес ұшақ Қызылорда әуежайына сағат 16:00-де қонып, 17:00-де Ақтауға қайтадан аттанады, - делінген хабарламада.</blockquote>Әуе байланысы екі облыстың арасындағы жолды қысқартуға, туристік және іскерлік қарым-қатынасты жандандыруға бағытталған.Ал ертең, яғни 12 маусымнан бастап Астана — Қызылорда — Астана және Астана — Шымкент — Астана бағыттары бойынша әуе рейстері белгіленген <a href="https://kaz.inform.kz/news/air-astana-astana-kizilorda-bagitindagi-aue-reysn-kaytadan-ske-kosadi-6352c657">кестеге сәйкес </a>жұмысын қайта бастайды.Фото: Қорқыт ата әуежай

Ақтау – Қызылорда – Ақтау бағыты ашылды

<a href="https://kyzylorda-news.kz/">Kyzylorda-news.kz</a>&nbsp; Сырдария ауданының әкімі Берік Сәрменбаевтың төрағалығымен кадрлық өзгерістерге байланысты актив отырысы өтіп, оған облыстық және аудандық мәслихат депутаттары, құқық қорғау органдарының өкілдері, бөлім және мекеме басшылары қатысты.Аудандық сотының судьясы қызметін атқарып келген Ералиев Дәурен Еркінұлы Қазақстан Республикасы Президентінің 2026 жылғы 09 маусымдағы № 1312 Жарлығына сәйкес Астана қаласы азаматтық істер жөніндегі ауданаралық сотының судьясы қызметіне тағайындалды.Актив отырысында аудан басшысы Дәурен Еркінұлының ауданның құқықтық жүйесін нығайтуға қосқан үлесін ерекше атап өтті.<blockquote>– Дәурен Еркінұлы 2022-2026 жылдар аралығында аудандық соттың судьясы қызметін абыроймен атқарып, заң үстемдігін қамтамасыз ету жолында кәсібилігі мен әділдігін көрсете білді. Азаматтардың құқықтары мен заңды мүдделерін қорғаудағы табанды еңбегі арқылы тұрғындардың құрметіне ие болды. Оның қабылдаған әділ шешімдері қоғамдағы тұрақтылықтың сақталуына, құқықтық мәдениеттің қалыптасуына және ауданның әлеуметтік-экономикалық дамуына оң ықпалын тигізді. Сот жүйесіндегі жемісті қызметі үшін 2025 жылы «Үздік сот шешімі» марапатына ие болды. Жас мамандарға үлгі болып, кәсіби тәжірибесімен бөлісіп келеді. Сот саласында абыройлы қызмет атқарғаны үшін Дәурен Еркінұлына шынайы алғысымды білдіремін, – деді Берік Әбдіғаппарұлы.</blockquote>Жиын барысында құқықтық тәртіптің нығаюына үлес қосқан Д. Ералиев аудан әкімінің «Құрмет грамотасымен» марапатталды.<img src="https://knadmin.beoblood.kz/uploads/aktiv_otyrysy_1_63f2ce7dbe.jpg" alt="актив отырысы 1.jpg">Шара соңында әріптестері Дәурен Еркінұлын жаңа қызметімен құттықтап, алдағы жұмысына толағай табыс, жауапты қызметінде биік жетістіктер тіледі.Фото: Сырдария ауданы әкімінің баспасөз қызметі&nbsp;

Сырдарияда актив отырысы өтті

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті 2029 жылға дейінгі «Digital Qazaqstan» ауқымды цифрландыру және жасанды интеллект технологияларын енгізудің жалпыұлттық стратегиясын бекіту туралы Жарлыққа қол қойды.Стратегия алдағы жылдарға арналған елдің технологиялық дамуының басты құжатына айналады және жаһандық цифрлық трансформация жағдайында мемлекетті, экономика мен қоғамды терең жаңғыртудың жаңа кезеңін айқындайды.Стратегиялық құжат елдің технологиялық ұлт құру жолын белгілеп, нақты жоспар ұсынады және бұдан былай мемлекеттің осы саладағы стратегиялық бағыты мен негізгі жұмыс бағыттарын айқындайтын институционалдық құжаттардың бүкіл циклін қалыптастыруды аяқтайды.«Digital Qazaqstan» – бұл Қазақстанның дамудың жаңа моделіне іргелі көшуі, мұнда деректер, жасанды интеллект және заманауи технологиялар мемлекеттік басқарудың негізіне айналады және елдің цифрлық экожүйесін жекелеген қызметтерді автоматтандырудан деректерге негізделген кешенді басқаруға көшіреді.Бүгінгі таңда Қазақстан өңірде үкіметтердің жасанды интеллектке дайындық индексі бойынша бірінші орында тұр және электрондық үкіметтің даму деңгейі бойынша әлемдік лидерлер тобына кіреді. Соңғы жылдары ел цифрлық мемлекеттің берік іргетасын қалыптастырды, ал бүгінде өз дамуының жаңа парағын ашып, өршіл міндет қойып отыр – қазіргі әлемдік практикада ЖИ-ді өмірдің барлық салаларына басқалардан тезірек енгізетін мемлекеттер лидерге айналуда, сондықтан елімізде жаһандық өзгерістерге бейімделу ғана емес, оларды өз бетінше қалыптастыру да жүргізілуде.Жаңа Стратегия бұл тәжірибені жүйелеуге және оны барлық негізгі салаларға ауқымдауға бағытталған. ЖИ-ді жаппай енгізу, өнеркәсіпті, жер қойнауын пайдалануды, логистика мен энергетиканы цифрландыру 2029 жылдың соңына қарай жылына орта есеппен 1,5 пайыздық тармақ деңгейінде ЖІӨ-ге қосымша үлес қосады, ал үш жылдық кезеңдегі салыстырмалы нарықтық инвестициялардың болжамды көлемі 10,5-тен 16,5 миллиард АҚШ долларына дейін жетеді деп күтілуде.2029 жылға қарай Қазақстан цифрлық бәсекеге қабілеттіліктің халықаралық рейтингтеріндегі өз позициясын айтарлықтай нығайта отырып, әлемнің технологиялық тұрғыдан ең дамыған мемлекеттерінің қатарына кіруді жоспарлап отыр.ҚР Премьер-Министрінің орынбасары – Жасанды интеллект және цифрлық даму министрі Жаслан Мәдиев Мемлекет басшысының үш жыл ішінде Қазақстанды толыққанды цифрлық елге айналдыру туралы стратегиялық міндет қойғанын атап өтті. Digital Qazaqstan Жалпыұлттық стратегиясының бекітілуі ел өмірінің барлық негізгі салаларын қамтитын ауқымды трансформацияның бастау нүктесіне айналады.Әңгіме дамудың жаңа моделіне көшу туралы болып отыр, мұнда деректер, жасанды интеллект және заманауи технологиялар мемлекеттік басқарудың, экономика мен әлеуметтік саясаттың негізіне айналады. Біз жекелеген қызметтер мен процестерді цифрландырудан елдің тұтас цифрлық архитектурасын құруға көшіп жатырмыз.Азаматтар үшін бұл неғұрлым ыңғайлы, проактивті және дербестендірілген мемлекетті білдіреді. Бизнес үшін – өнімділіктің артуы, шығындардың төмендеуі және дамудың жаңа мүмкіндіктері. Экономика үшін – жаңа салаларды қалыптастыру, инвестициялар тарту және Қазақстанның бәсекеге қабілеттілігін нығайту.Бүгінде энергетика мен есептеу қуаттарынан бастап ұлттық тілдік модельдер мен азаматтар мен бизнеске арналған қолданбалы сервистерге дейін жасанды интеллекттің толық экожүйесін құрып жатқан елдер лидерге айналуда. Мұндай архитектура AI Economy Stack деп аталды және ол бес деңгейді қамтиды: энергетика мен инфрақұрылым, есептеу қуаттары, деректер мен үлкен тілдік модельдер, цифрлық платформалар және қолданбалы ЖИ-сервистері. Digital Qazaqstan Стратегиясында дәл осындай жүйені құру көзделген”.Стратегия шеңберінде цифрлық трансформация үш негізгі бағытты қамтиды.Бірінші бағыт – азаматтардың мүддесі үшін цифрландыру – шеңберіндегі барлық қайта құрулардың орталығында адам тұрады. Азаматтардың мүддесі үшін мемлекеттік сервистер әрбір қазақстандықтың, оның тұратын өңіріне қарамастан, жеке қажеттіліктеріне бейімделетін адамның үздіксіз өмірлік траекториясына көшу жоспарлануда. Әлеуметтік салада қосымша құжаттар жинау қажеттілігін жоққа шығаратын қолдаудың проактивті механизмдері енгізілуде, ал негізгі құралдар – әлеуметтік төлемдерден бастап денсаулық сақтаудағы предиктивті аналитикаға және дәрі-дәрмекпен қамтамасыз етуді басқаруға дейін – «Әлеуметтік әмиян» экожүйесінің айналасында шоғырландырылатын болады. Білім беруде балалардың ерте жастан бастап дамуының дербес ЖИ-маршруттары іске қосылады, бұл білім алушылардың әлеуетін ашуға көмектеседі және жаңа ұрпақта озық цифрлық дағдыларды қалыптастырады. ЖИ-кадрларын ауқымды даярлау академиялық ортаны да, өңірлік IT-мектептерді де қамтиды, ал халық арасында генеративті ЖИ-ді меңгеру деңгейі кемінде 20%-ды құрауы тиіс.Екінші бағыт шеңберінде – бизнес пен жаңа экономиканың мүддесі үшін нақты секторда міндетті аспаптық есепке алу жүргізілетін басқарылатын цифрлық архитектура құрылады. Стратегия экономиканың барлық базалық салаларын: агроөнеркәсіптік кешенді, құрылысты, қаржы секторын, мұнай-газ саласын және шағын бизнесті терең цифрлық трансформациялауды көздейді. Жасанды интеллектті, цифрлық егіздерді және интеллектуалды платформаларды енгізу еңбек өнімділігін еселеп арттыруға, шығындарды азайтуға және отандық бизнестің жаһандық бәсекеге қабілеттілігін қамтамасыз етуге мүмкіндік береді. Сонымен қатар, болашақтың индустрияларын – робототехниканы, ұшқышсыз жүйелерді, цифрлық активтерді және ғарыш технологияларын жеделдетіп дамыту үшін жағдайлар жасалуда. Бұл контурдың флагмандық жобасы толыққанды «Деректерді өңдеу орталықтарының аңғары» ретінде жобаланатын егеменді «AI Hub» құру болмақ. Бұл хаб озық есептеу қуаттарын, ғылыми-зерттеу институттары мен жетекші технологиялық компанияларды біріктіретін макроөңірдің негізгі инфрақұрылымдық алаңына айналады. «AI Hub» базасында машиналық оқыту және үлкен деректерді талдау саласындағы серпінді шешімдерді әзірлеу мен тестілеуге арналған экожүйе өрістейді. Оның құрамына кіретін есептеу орталықтарының жобалық қуаты 1 ГВт-қа дейін жеткізіледі. Бұл міндеттерді іске асыру мемлекет пен бизнестің стратегиялық серіктестігі арқылы жүреді. Стратегия жеке инвестицияларды, халықаралық технологиялық компанияларды, даму институттарын және жетекші әлемдік сарапшыларды белсенді тартуды көздейді. Инфрақұрылым мен таланттардың мұндай синергиясы елге ірі халықаралық инвесторлар мен вендорларды тартуға бағытталған, сондай-ақ қазақстандық IT-қызметтердің экспортын кем дегенде екі есеге арттыруға және жаһандық нарыққа кем дегенде үш отандық «unicorn» компаниясын шығаруға мүмкіндік береді.Мемлекеттік аппараттың мүддесі үшін басқаруды терең реформалау және бөлшектелген ведомстволық шешімдерден толық бас тарту көзделген. Мемлекеттік аппарат жұмыстың сервистік моделіне көшеді, мұнда негізгі мемлекеттік қызметтер тек проактивті түрде және өтініш берушіге білінбей көрсетіледі. ЖИ-ді енгізу күнделікті әкімшілік процестерді автоматтандыруға және ведомстволардың бір-бірін қайталайтын функцияларын толық жоюға мүмкіндік береді. Мемлекеттік шешімдерді қабылдау және нормативтік-құқықтық актілерді модельдеу процестері үлкен деректерді қатаң талдауға (Data-driven) көшіріледі, бұл адами факторды барынша азайтады және басқарушылық қателіктерді болдырмайды. Бұдан бөлек, алгоритмдеу бюджет қаражатын жоспарлау мен бөлуге де қатысты болады: үздіксіз цифрлық бақылау жүйесі әрбір теңгенің ашықтығы мен мақсатты тиімділігін қамтамасыз етеді.Сондай-ақ, Стратегияда жасанды интеллект белсенді дамып жатқан дәуірде киберқауіпсіздік және ұлттық ақпараттық кеңістікті қорғау мәселелеріне үлкен көңіл бөлінген. Құжат іркіліссіз цифрлық инфрақұрылым құруды, шифрлаудың озық стандарттарын енгізуді және критикалық маңызды объектілерді сыртқы қатерлерден қорғауды көздейді.Бұған параллельді түрде қауіпсіз қалалық ортаны дамытуға елеулі көңіл бөлінген: ақылды қалалар стандарттары қала халқының кем дегенде 70%-ын қамтып, қоғамдық қауіпсіздікті проактивті модельге көшіреді. ЖИ және мінез-құлықтық бейнеаналитика есебінен оқиғаларға әрекет ету уақыты үштен бірге қысқарады, ал үздіксіз қорғаныс жүйелерімен бірлесіп азаматтарды онлайн-алаяқтықтан қорғаудың ұлттық экожүйесі өрістейді.Осылайша, «Digital Qazaqstan» Стратегиясы – бұл Қазақстанның технологиялар, білім мен инновациялар пайдасына жасаған стратегиялық таңдауы. Ол республиканың басқарудың цифрлық кемелдігіне сенімді өтуін қамтамасыз етіп қана қоймай, ұзақ мерзімді экономикалық өсу, азаматтардың өмір сүру сапасын арттыру және жасанды интеллект дәуірінде Қазақстан Республикасының жаһандық бәсекеге қабілеттілігін нығайту үшін берік іргетас қалайтын болады.

Қазақстанда 2029 жылға дейінгі «Digital Qazaqstan» Жалпыұлттық стратегиясы қабылданды

<a href="https://kyzylorda-news.kz/">Kyzylorda-news.kz</a> Арал аудандық мәдениет үйінде «Ән қанатындағы Арал» республикалық жабық ән байқауының қорытынды кеші өтті.Ұлттық өнерді дәріптеу, Арал өңірінің тарихы мен табиғатын, туған жерге деген сүйіспеншілікті жаңа музыкалық туындылар арқылы насихаттау мақсатында ұйымдастырылған байқауға еліміздің әр өңірінен кәсіби және әуесқой композиторлар мен ақындар қатысып, 40-тан астам жаңа туынды ұсынылды.<img src="https://knadmin.beoblood.kz/uploads/n_anatynda_y_Aral_atty_baj_au_z_m_resine_zhetti3_0d1e0b09f1.jpg" alt="«Ән қанатындағы Арал» атты байқау өз мәресіне жетті3.jpg">Арал тақырыбы бұған дейін де талай ақын-жазушының шығармаларына арқау болғаны белгілі. Бұл жолы өмірге келген әндердің заман талабына сай жаңа мәнге ие болғаны байқалды. Мұны кеш барысында аймағымыздың талай жылғы тарихында қарымды қолтаңбасы бар қалам иесі, Қазақстан Жазушылар және Журналистер одақтарының мүшесі, ҚР Ақпарат саласының үздігі, ақын Дүйсенбек Аяшұлы да тілге тиек етті.<img src="https://knadmin.beoblood.kz/uploads/n_anatynda_y_Aral_atty_baj_au_z_m_resine_zhetti1_dc79a609ef.jpg" alt="«Ән қанатындағы Арал» атты байқау өз мәресіне жетті1.jpg">Өз сөзінде ақын Д. Аяшұлы мазмұны мен әуездік көркемдігі жоғары бағаланған, Арал өңірінің келбеті мен қадір-қасиетін ән тілімен өрнектеген туындылар қазылар алқасының жоғары бағасына ие болғанын жеткізді.Көпшілік көңілін серпілткен қорытынды кеш барысында Арал өңірінің бай мәдени мұрасы, ән мен жыр өнері кеңінен насихатталып, жергілікті және республикалық деңгейдегі өнерпаздардың қатысуымен концерттік бағдарлама ұсынылды.<img src="https://knadmin.beoblood.kz/uploads/n_anatynda_y_Aral_atty_baj_au_z_m_resine_zhetti5_539e039f17.jpg" alt="«Ән қанатындағы Арал» атты байқау өз мәресіне жетті5.jpg">Бір жылға созылған республикалық жабық ән байқауының бас жүлдесі композитор, ақын, көптеген тамаша әндердің авторы, әнші Елена Әбдіхалықованың «Ақ бесігім – Аралым» атты әніне бұйырды.<img src="https://knadmin.beoblood.kz/uploads/n_anatynda_y_Aral_atty_baj_au_z_m_resine_zhetti4_cd4985d3a5.jpg" alt="«Ән қанатындағы Арал» атты байқау өз мәресіне жетті4.jpg">Байқаудың бас жүлдесіне тігілген сыйақы мен арнайы дипломды аудан әкімі Аманжол Оңғарбаев табыстап, жүлдегерді жеңісімен құттықтады.Байқауға ұсынылған шығармалардың арасынан мазмұндық тереңдігімен, әуездік ерекшелігімен және көркемдік шешімімен дараланған «Аралым махаббатым» әні қазылар алқасының ортақ шешімімен жүлделі І орынға ие болды. Өлең сөзін Еркебұлан Кенехан жазса, әнін Бекнұр Әбдіжәли жазған.Арал өңірінің келбеті мен қадір-қасиетін ән тілімен өрнектеген «Аралым» шығармасы байқаудың ІІ орнына лайық деп танылды. Әннің авторы – астаналық композитор Нұрлыбек Аманов, сөзін Ерқожа Тілепбергенов жазған.Аталмыш байқаудың жүлделі ІІІ орнына Аралдың жаңаруы мен жарқын болашағына деген сенімді әсем әуенмен өрнектеген «Үмітті Аралым» әні лайық деп танылды. Ақын Айдар Сайлауовтың сөзіне жазылған Дінмұхаммед Шораевтың әні шығармашылық кеште көпшіліктің құрметіне ие болды.<img src="https://knadmin.beoblood.kz/uploads/n_anatynda_y_Aral_atty_baj_au_z_m_resine_zhetti2_ee3649c6a2.jpg" alt="«Ән қанатындағы Арал» атты байқау өз мәресіне жетті2.jpg">Сондай-ақ, Арал өңірінің келбеті мен рухын көркем әуенмен бедерлеген Үкітай Ерниязовтың «Аралым» шығармасы Аудан әкімдігінің арнайы жүлдесіне ие болды. Туындының сөзі мен әнінің авторы Үкітай Ерниязовқа қаржылай сыйақы мен арнайы диплом табысталды.Кеш барысында жүлдеге лайық деп танылған әндер әсем сазбен әуелеп, тыңдарманның жүрегіне жол тапты. Бүгінгі кештің қонағы, композитор әрі ақын Елена Әбдіхалықова топ жарған туындыны өз орындауында айтып, жұртшылықтың ыстық ықыласына бөленді.Кеш соңында көрермен көзайымына айналған жерлесіміз, әнші-сазгер Үкітай Ерниязов жерлестеріне ән-жырдан шашу шашты.Осылайша, «Ән қанатындағы Арал» байқауы ұлттық музыка қорын жаңа шығармалармен толықтырып қана қоймай, туған жердің тарихы мен тағдырын өнер арқылы ұлықтауға бағытталған маңызды мәдени жоба ретінде көпшіліктің жоғары бағасына ие болды.Фото: Аудан әкімдігінің баспасөз қызметі

«Ән қанатындағы Арал» атты байқау өз мәресіне жетті

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаменті Есірткі қылмысына қарсы іс-қимыл басқармасының ұйымдастыруымен жазғы демалыс кезеңінде балалар мен жасөспірімдер арасында салауатты өмір салтын насихаттауға бағытталған «Есірткісіз өмір ғажайып!» атты шығармашылық байқауы өткізілді.Байқаудың негізгі мақсаты – жас ұрпақтың бойында есірткіге қарсы тұрақты көзқарас қалыптастыру, олардың шығармашылық қабілеттерін дамыту, бос уақытын тиімді ұйымдастыру және қоғамда салауатты өмір салты мәдениетін дәріптеу болды.Аталған шараға облыс аумағындағы жазғы тынығу лагерьлері мен білім беру ұйымдарының жанындағы лагерьлердің тәрбиеленушілері белсенді қатысып, байқауға барлығы 600-ден астам жасөспірім тартылды. Қатысушылар сурет, плакат, қолөнер және өзге де шығармашылық жұмыстар арқылы есірткінің зияны, денсаулықтың маңыздылығы және өмірдегі дұрыс таңдау жөніндегі ой-пікірлерін шығармашылық тұрғыда жеткізді.<img src="https://knadmin.beoblood.kz/uploads/Esirtkisiz_mir_zhar_yn_bolasha_kepili_1_5edad47321.jpg" alt="«Есірткісіз өмір – жарқын болашақ кепілі»1.jpg">Байқау барысында ұсынылған жұмыстардың мазмұндылығы, тақырыпты ашу деңгейі, шығармашылық ерекшелігі мен көркемдік безендірілуі сараланып, үздік жұмыстар анықталды. Қазылар алқасы қатысушылардың жоғары белсенділігін, тың идеяларын және өмірге деген оң көзқарасын ерекше атап өтті.Іс-шара жасөспірімдердің құқықтық мәдениетін арттыруға, зиянды әдеттердің алдын алуға және олардың бойында жауапкершілік пен белсенді азаматтық ұстанымды қалыптастыруға өз үлесін қосты. Сонымен қатар, байқау қатысушылардың бос уақытын тиімді ұйымдастыруға, шығармашылық әлеуетін дамытуға және салауатты өмір салты құндылықтарын нығайтуға бағытталған маңызды алаңға айналды.Мұндай бастамалар өскелең ұрпақтың бойында өмірге деген оң көзқарасты қалыптастырып, зиянды әдеттерден аулақ болуға үндейді. Жастардың шығармашылық белсенділігін қолдау арқылы қоғамда есірткіге қарсы иммунитет қалыптастыруға және салауатты өмір салтын насихаттауға мүмкіндік береді.

Қазақстан және Қызылорда облысының жаңалықтары: Қоғам