<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен кадрлық өзгерістерге байланысты жиналыс өтті. Онда аймақ басшысы жаңадан тағайындалған облыстық цифрлық технологиялар басқармасының басшысы Ибадулла Сабит Ибадуллаұлын таныстырды.Сабит Ибадуллаұлы 1986 жылы Қызылорда қаласында дүниеге келген. Қорқыт Ата атындағы Қызылорда мемлекеттік университетінде «Информатика», Қарағанды экономикалық университетінде «Экономика» мамандықтары бойынша білім алған. Педагогика ғылымдарының магистрі, техника ғылымдарының кандидаты.«Есептеу техникасы және бағдарламалық қамтамасыз ету» мамандығы бойынша PhD докторы. Әр жылдары Қорқыт Ата атындағы Қызылорда мемлекеттік университетінде бағдарламашы, аға оқытушы, кафедра меңгерушісі қызметтерін атқарған.&nbsp;2018- 2024 жылдары облыс әкімдігі жанындағы ақпараттық технологиялар орталығының директоры, облыс әкімі аппаратының цифрлық технологиялар бөлімінің басшысы лауазымдарында еңбек еткен. 2025 жылдан бүгінгі күнге дейін облыстық полиция департаменті бастығының цифрландыру саласына жетекшілік жасайтын орынбасары қызметін абыроймен атқарып келді.Облыс әкімі жаңа басшыға маңызды міндеттер жүктеді. Атап айтқанда, жасанды интеллект саласындағы мемлекеттік саясатты тиімді іске асыруды, инвестиция тарту жүйесін және ақпараттандыру саласындағы инвестициялық жобаларды әзірлеуді, іске асыру тетіктерін жетілдіруді міндеттеді. Сонымен қатар ақпараттық қауіпсіздікті қамтамасыз ету саласындағы мемлекеттік бақылауды күшейтуді, өңірде мемлекеттік қызмет көрсету сапасын арттыруды, оған қолжетімділікті қамтамасыз етуді тапсырды.

Облыстық цифрлық технологиялар басқармасының басшысы тағайындалды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мәжіліс өтті. Жиында аудан аумағындағы жер-су атаулары мен тарихи-мәдени ескерткіштерді қорғау, сондай-ақ, оларды заңдастыру мәселелері талқыланды.Мәжілісте аудан әкімі ескерткіштерді күтіп-ұстау, инфрақұрылымын дамыту және туризм әлеуетін арттыру бағытында жауапты сала басшыларына нақты тапсырмалар жүктеді.Айта кетейік, аудан бойынша мемлекеттік тізімге енгізілген 62 ескерткіш бар. Оның ішінде 1-і республикалық, 55-і жергілікті маңызы бар, ал 6 нысан алдын ала тарихи маңызы бар тізімге енгізілген.<img src="https://knadmin.beoblood.kz/uploads/Tarihi_eskertkishterdi_or_au_2_3c459cf055.jpg" alt="Тарихи ескерткіштерді қорғау 2.jpg">

Тарихи ескерткіштерді қорғау және заңдастыру мәселелері қаралды

<a href="https://kyzylorda-news.kz/">Kyzylorda-news.kz</a> Наурыз мерекесіне орай 13–23 наурыз аралығында сауда нысандарында азық-түлік және азық-түлік емес тауарларға 10–25% дейін жеңілдіктер ұсынылуда. Қажетті тауарларды тиімді бағамен сатып алыңыз!Акция өтетін сауда нысандары:<ul><li style="text-align:justify;">«Смолл» сауда желісі</li><li style="text-align:justify;">«Жайна» сауда үйі</li><li style="text-align:justify;">«Анвар» сауда желісі</li><li style="text-align:justify;">«Ажар» сауда үйі</li><li style="text-align:justify;">«Отырар» сауда үйі</li><li style="text-align:justify;">«Радуга» сауда орталығы</li><li style="text-align:justify;">«Қызылорда Оптомаркет» көтерме сауда орталығы</li><li style="text-align:justify;">«Ағжан» сауда үйі</li></ul>

«Nauryz sale» республикалық акциясы жалғасуда

<a href="https://kyzylorda-news.kz/">Kyzylorda-news.kz</a> Жастар арасындағы құқық бұзушылықтардың алдын алу үшін аймақ басшысы Нұрлыбек Нәлібаев түнгі рейд жұмыстарына қатты көңіл бөліп, шараларды күшейтуді тапсырған болатын.&nbsp;Соған сәйкес бекітілген кезектілікпен Әйтеке би кентінің әкімі Әліби Әбиев бастаған топ жасөспірімдерді тәртіпке шақырды.&nbsp; Рейдтік құрам 22:00-ден бастап аудан орталығы - Әйтеке би кентіндегі ойын алаңдарын, саябақ, ойын-сауық орталықтары мен компьютер клубтарын, тойханалар мен мейрамханаларды аралап, қоғамдық тәртіпті бақылады. Сондай-ақ, кәмелет жасқа толмаған өскіндердің беймезгіл уақыттан кейін жүруіне болмайтындығын ескертті.&nbsp;Алдағы күндері дәл осындай күшейтілген түрде рейд жұмыстары жалғаса беретін болады. Мұндай рейд жұмыстары аудан орталығы мен ауылдық округтерде де жалғасуда.<img src="https://knadmin.beoblood.kz/uploads/T_ngi_rejd_b6028f915a.jpg" alt="Түнгі рейд.jpg">

Түнгі рейд жұмыстары қоғамдық қауіпсіздікті көздейді 

<a href="https://kyzylorda-news.kz/">Kyzylorda-news.kz</a> Мемлекет басшысы «Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2026 жылдың наурыз-маусымында және қыркүйек-желтоқсанында мерзімді әскери қызметке кезекті шақыру туралы» Жарлыққа қол қойды.Президент Жарлығына сәйкес, 17 наурыздан бастап қалалық және аудандық шақыру комиссиялары әкімдердің орынбасарларының төрағалығымен азаматтарды мерзімді әскери қызметке шақыруды бастады.<blockquote>– 30 маусымға дейін 18-27 жас аралығындағы 21 мыңнан астам азаматты Қарулы күштердің, басқа да әскерлер мен әскери құралымдардың қатарына шақыру жоспарланып отыр. Оның ішінде 11 мыңнан астам адам Қарулы күштерге, 7 мыңнан астам адам ІІМ Ұлттық ұланына, 2 мыңға жуық адам ҰҚК Шекара қызметіне, 400-ге жуық адам Төтенше жағдайлар министрлігіне, 300 адам Мемлекеттік күзет қызметіне шақырылады, &nbsp;– деп атап өтті ҚР Қарулы күштері Бас штабы Ұйымдастыру-жұмылдыру жұмыстары департаментінің бастығы генерал-майор Алмас Исабеков.</blockquote>Ол сондай-ақ азаматтарға шақыру SMS-хабарлама және eGov порталындағы хабарландырулар арқылы кемінде үш күн бұрын жіберілетінін еске салды. Мұндай хабарламалар ресми шақыру болып есептеледі. Шақырту алған азамат жергілікті әскери басқару органына немесе шақыру пунктіне келуге міндетті.Қорғаныс министрлігі әскери есепке алу процесін автоматтандырып, «Smart военкомат» жобасын жүзеге асыруда. Бұл жүйе шақырылушылар мен әскери міндеттілердің жеке есебін жүргізеді, азаматтар тұрғылықты жерін өзгерткен кезде автоматты түрде әскери есепке қояды, 17 жастағы жасөспірімдерді әскери есепке тіркеуді, сондай-ақ шақыруды кейінге қалдыру немесе одан босатуды автоматты түрде рәсімдеуді қамтамасыз етеді.Осылайша, 2025 жылы 457 мыңнан астам адамға кейінге қалдыру берілді. Әскерге шақыру туралы бұйрықтар электрондық форматта ресімделетінін атап өту керек. Бұл әскери қызметшілерге несиелік демалыс беру үшін мәліметтерді кредиттік бюроларға автоматты түрде жіберуге мүмкіндік береді.Сонымен қатар, шақырылушыларды медициналық куәландыру кезінде қолданылатын «E-Medosмотр» медициналық жүйесіне интеграция енгізілді. Қазіргі уақытта цифрлық медициналық тексеру Астана, Шымкент қалаларында, Алматы, Батыс Қазақстан және Жетісу облыстарында кеңінен қолданылады. Бұл ретте 2025 жылы 17 мыңнан астам шақырылушы медициналық куәландырудан цифрлық форматта өткенін атап өту керек.Мерзімді әскери қызмет өткеріп жүрген азаматтарға мемлекет тарапынан бірқатар қолдау шаралары қарастырылған. Атап айтқанда, оларға несиелік демалыстар беріледі, сондай-ақ ҰБТ нәтижелерін есепке алмай, жоғары оқу орындарына мемлекеттік білім беру гранттарымен түсу мүмкіндігі беріледі.<blockquote>– 2023 жылдан бері 9 мыңнан астам сарбаз ҰБТ тапсырмай, жоғары оқу орындарына түсті. Тек 2025 жылдың өзінде бұл мүмкіндікті 3 300 әскери қызметші пайдаланды, – деп атап өтті генерал-майор Алмас Исабеков.</blockquote>20 мыңнан астам әскери қызметшіге негізгі қарыз бен сыйақы бойынша шамамен 8,8 млрд теңге көлемінде несиелік демалыс берілді. Сонымен қатар, қызмет барысында сарбаздар Қарулы күштердің түрлері бойынша кіші мамандар даярлайтын оқу орталықтарында жұмысшы мамандықтарын меңгере алады.Бұдан бөлек генерал-майор Алмас Исабеков дәлелсіз себептермен жергілікті әскери басқару органдарына келмеу Қазақстан Республикасының заңнамасында қарастырылған жауапкершілікке әкелетінін атап өтті. Ондай жағдайда азаматқа әкімшілік шаралар қолданылуы мүмкін. Ал шақырудан жалтарған жағдайда қылмыстық заңнама нормаларына сәйкес жауапкершілік қарастырылған.Фото: ҚР Қорғаныс істер министрлігі

Көктемгі әскерге шақыру: 21 мыңнан астам жас азамат армия қатарын толықтырады

<a href="https://kyzylorda-news.kz/">Kyzylorda-news.kz</a> Наурызнама онкүндігі аясында 18 наурыз – Ұлттық киім күні. Ұлттық киім – жай ғана киім емес. Ол – дәстүр, дүниетаным мен дала мәдениетінің әсемдігі тоғысқан халықтың тарихы. Ою-өрнектер, әшекейлер мен әрбір бөлшек ғасырлар бойы табиғаттың, тұрмыс-тіршіліктің және рухани құндылықтардың ықпалымен қалыптасты.Бүгінде ұлттық киім элементтері заманауи үлгіде көрініс тауып, күнделікті стильдің бір бөлігіне айналып, жаңа буын дизайнерлеріне шабыт береді. Бұл дәстүрдің өткенде қалып қоймай, ұрпақтарды біріктіріп, халықтың мәдениетін сақтай отырып, жалғасын тауып келе жатқанын дәлелдейді.

Наурызнама: 18 наурыз – Ұлттық киім күні

<a href="https://kyzylorda-news.kz/">Kyzylorda-news.kz</a> «AMANAT» партиясының «Бақытты отбасы» жобасы аясында «Руханият» орталығында «Тартоғай» бастауыш партия ұйымының ұйымдастыруымен «Жастар – қоғамның қозғаушы күші» тақырыбында ауыл жастары арасында кездесу өтті.Іс-шараның негізгі мақсаты – жастармен ашық диалог орнату, олардың қоғамдағы рөлін арттыру, сондай-ақ ел дамуына қатысты өзекті мәселелерді талқылау болды.&nbsp;Кездесуге Шиелі аудандық орталықтандырылған кітапханалар жүйесінің директоры, «Көкшоқы» БПҰ төрағасы Гүлдана Жақыпова, «Шиелі ауданының қоғамдық даму бөлімінің «Жастар ресурстық орталығы» КММ-нің директоры Ержан Әбешов және партияның аудандық филиалының консультанты Нұрсұлтан Сапарбаев қатысты.Жиын барысында қатысушылар жастар саясатының маңыздылығына тоқталып, өскелең ұрпақтың ел болашағындағы орны ерекше екенін атап өтті. Сонымен қатар, жастардың білім алуы, жұмыспен қамтылуы, қоғамдық белсенділігі мен азаматтық жауапкершілігін арттыру мәселелері кеңінен қозғалды.Кездесу аясында референдумның сәтті өтуі мен &nbsp;жаңа Конституцияның қабылдануы дауыс беру нәтижелері жан-жақты талқыланып, жаңа Конституцияны қолдаудағы жастардың қомақты үлесі атап өтілді.&nbsp;Шара соңында қатысушылар мұндай кездесулердің маңыздылығын атап өтіп, жастардың қоғам өміріне белсенді араласуы – ел дамуының басты кепілі екенін жеткізді.

Жастар – қоғамның қозғаушы күші

<a href="https://kyzylorda-news.kz/">Kyzylorda-news.kz</a> Ақордада өткен Қазақстан Республикасының Конституциясын қабылдауға арналған салтанатты жиында Президент Қасым-Жомарт Тоқаев айтыскер ақын, үш дүркін «Алтын домбыра» иегері Мұхтар Мәуленұлы Ниязовты «Құрмет» орденімен марапаттады.Айтыскер ақынның басшылығымен Н.Бекежанов атындағы қазақ академиялық музыкалық драма театры жоғары жетістіктерге жетіп, көрерменнің талғамына сай өнер ордасына айналды. &nbsp;Сондай-ақ, халықаралық, республикалық театр фестивальдерінің бас жүлдесін иеленді.Қазақ руханиятының биікке өрлеуіне, халқымыздың асыл мұрасы айтыстың өркендеуіне өлшеусіз үлес қосқан Мұхтар Мәуленұлын халқымыз қайраткер тұлға, парасатты азамат ретінде ерекше құрметтейді.&nbsp;Айтыстағы &nbsp;қайырымдары, ұтқыр жауаптары тыңдарман көңіліне орныққан. Республикалық өнер жарыстарының жеңімпазы, айтыс аламанының ақтаңгері атанып, Сыр өңірінің мәртебесін асқақтатып келеді.

Айтыстың ақтаңгері «Құрмет» орденімен марапатталды

<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Данияр Жаналиновтың төрағалығымен көктемгі мерзімді әскери қызметке шақыру науқанына дайындық барысы талқыланған кеңейтілген отырыс өтті.Жиынға көктемгі шақыру науқанын ұйымдастыруды пысықтау, комиссия мүшелерімен кездесу, облыстық және қалалық шақыру пункттерінің материалдық-техникалық жарақтандырылуы мен қамтамасыз етілуін бақылау мақсатында Қазақстан Республикасы Қарулы Күштері Бас штабы бастығының орынбасары, генерал-майор Сәкен Жүсіпов арнайы қатысты. Комиссия мүшелерімен кездесіп, шақыру науқанын сапалы әрі талапқа сай ұйымдастыру туралы бірқатар нақты міндет жүктеді.Отырыста Қызылорда облысы бойынша қорғаныс істері жөніндегі департаментінің бастығы Жасұлан Шаңқұлов өткен жылғы мерзімді әскери қызметке шақыру қорытындылары туралы баяндама жасап, кемшіліктерді болдырмау үшін қабылданған шараларға тоқталды. Туындаған мәселелер жөнінде облыстық жұмылдыру дайындығы, аумақтық және азаматтық қорғаныс басқармасының басшысы Марат Құрманбаев айтып, бірқатар ұсынысын жеткізді.Облыстық денсаулық сақтау басқармасы басшысының орынбасары, медициналық комиссия төрағасы Жаңыл Абубакирова медициналық комиссиялардың дәрігер-мамандармен қамтамасыз етілуі, көктемгі науқанға дайындық тыңғылықты екенін айтты.Жиын қорытындысында жауапты мемлекеттік органдарға көктемгі әскерге шақыру науқанын сапалы әрі белгіленген мерзімде өткізу бойынша нақты тапсырмалар берілді.

Көктемгі әскерге шақыру науқанына дайындық мәселелері талқыланды

<a href="https://kyzylorda-news.kz/">Kyzylorda-news.kz</a> Қазақстан мұсылмандары діни басқармасы Ораза айттың бірінші күніне, яғни 20 наурызға арналған айт намазының нақты уақытын жариялады. Бұл туралы <a href="https://stan.kz/kazakstanda-oraza-ayt-boyinsha-ayt-namazinin-kestesi-zh-431782/">Stan.kz</a> ақпарат агенттігі хабарлайды.Ал қасиетті Құрбан айт биыл 27-29 мамыр аралығында аталып өтеді.Жарияланған мәліметке сәйкес, айт намазы әр аймақта күннің шығу уақытына байланысты әртүрлі уақытта оқылады. Мәселен, Алматы мен Абай облысы тұрғындары үшін айт намазы таңғы 07:00-де басталса, Астана, Шымкент және бірқатар өңірлерде 07:15-ке белгіленген.Ал батыс өңірлерде намаз уақыты сәл кешірек: Атырау облысы, Батыс Қазақстан облысы, Маңғыстау облысы және Ақтөбе облысы тұрғындары айт намазын 08:30-да оқиды.Сондай-ақ кей өңірлерде аралық уақыттар белгіленген. Мысалы, Қостанай облысы, Қызылорда облысы және Ұлытау облысы үшін уақыт 07:30 деп көрсетілген.Діни басқарма өкілдері айт намазына алдын ала дайындалып, мешіттерге ертерек келуді ұсынады. Сонымен қатар қоғамдық тәртіп пен тазалықты сақтау, бір-біріне құрмет көрсету мерекенің маңызды бөлігі екені ескертілді.Фото: Freepik.comҚМДБ

Қазақстанда айт намазының кестесі жарияланды

<a href="https://kyzylorda-news.kz/">Kyzylorda-news.kz</a> Бұл жөнінде Президент Қасым-Жомарт Тоқаев Конституцияны қабылдауға арналған салтанатты жиында айтты. Бұл туралы Ақорданың баспасөз қызметі хабарлады.<blockquote>&nbsp;— Бүгін баршаңыз тарихымыздағы аса маңызды, мән-мағынасы айрықша, ел&nbsp;өмірінде өшпес із қалдыратын оқиғаның куәсі болдыңыздар. Мен Мемлекет басшысы ретінде бүкіл халық атынан Ата заңымызға қол қойдым. Сонымен қатар Конституцияны іске асыру жөніндегі шаралар туралы Жарлыққа қол қойдым. Енді Халық Конституциясы 1 шілдеден бастап ресми түрде өз күшіне енеді. Ал&nbsp;Конституция күнін мемлекеттік мереке ретінде ұлттық деңгейде жыл сайын 15 наурызда атап өтетін болдық. Еліміздің барша халқына Ата заңымыз құтты болсын дегім келеді,&nbsp;— деді Президент.</blockquote>Мемлекет басшысы Конституция&nbsp;— мемлекетіміздің ұзақмерзімді мақсат-мұратын айқындайтын, ұлтымыздың келешек тағдырына тікелей әсер ететін тарихи құжат екенін айтты.<blockquote>—&nbsp;Бұл&nbsp;— шын мәнінде Халық Конституциясы. Оның жобасы шамамен екі жыл бұрын пысықтала бастады. Кейін мұқият талқыланып, зерделеніп жазылды. Конституциямыз&nbsp;— табанды ұжымдық еңбектің нәтижесі. Біз бүгін бір ел&nbsp;болып ұлт жылнамасының жаңа межесіне өттік, түбегейлі өзгерістердің сапасы және мазмұны ерекше бірегей кезеңіне аяқ бастық. Кеше ғана елімізде жалпыхалықтық референдум ойдағыдай өтті. Оған жұртшылық жаппай белсене қатысты. Азаматтарымыз өз таңдауын жасады, халқымыз бір кісідей жаңару мен жаңғыру жолын жақтап дауыс берді.&nbsp;Халқымыз Отанымыздың болашағы үшін өте жауапты сәтте жұмыла еңбек етті, ортақ іске орасан зор үлес қосты.&nbsp;Ұлы Абайдың «Бірлік&nbsp;— ақылға бірлік» деген өсиет сөзі осындай кезде айтылған болса керек,&nbsp;— деді ол.</blockquote>Фото: Ақорда

Жаңа Конституция 1 шілдеден бастап ресми түрде күшіне енеді

<a href="https://kyzylorda-news.kz/">Kyzylorda-news.kz</a> Ақордада өткен іс-шараға Премьер-министр Олжас Бектенов, Парламент Сенатының Төрағасы Мәулен Әшімбаев, Парламент Мәжілісінің Төрағасы Ерлан Қошанов, Мемлекеттік кеңесші Ерлан Қарин, Президент Әкімшілігінің басшысы Айбек Дәдебай, Үкімет мүшелері, орталық мемлекеттік органдардың жетекшілері, облыс, Астана, Алматы және Шымкент қалаларының әкімдері, сондай-ақ Конституциялық комиссия мен Жалпыұлттық коалиция мүшелері қатысты.Құрмет қарауылы Қазақстан Республикасының жаңа Конституциясын салтанатты түрде ортаға алып шыққан соң еліміздің Әнұраны орындалды.Орталық референдум комиссиясының төрағасы Нұрлан Әбдіров жаңа Конституция жобасы бойынша республикалық референдумның қорытындысын жариялады.Содан кейін Мемлекет басшысы Қасым-Жомарт Тоқаев Қазақстан Республикасының Конституциясына және «2026 жылғы 15 наурызда қабылданған Қазақстан Республикасының Конституциясын іске асыру жөніндегі шаралар туралы» Жарлыққа қол қойды.<img src="https://knadmin.beoblood.kz/uploads/Tokaev_13ffa2f2d3.jpg" alt="Токаев Фото: Акорда.jpg">Салтанатты рәсімнен кейін Президент сөз сөйледі.Мемлекет басшысы Қасым-Жомарт Тоқаевтың жиында сөйлеген сөзімен <a href="https://akorda.kz/kz/memleket-basshysy-kasym-zhomart-tokaevtyn-konstituciyany-kabyldauga-arnalgan-saltanatty-zhiynda-soylegen-sozi-1723849">мына сілтеме</a> арқылы таныса аласыздар.Фото: Ақорда

Қазақстан және Қызылорда облысының жаңалықтары: Қоғам