<a href="https://kyzylorda-news.kz/">Kyzylorda-news.kz</a> &nbsp;Аймақ басшысы Нұрлыбек Нәлібаев бастаған Сыр өңірі делегациясының Италиядағы жұмыс сапары жалғасуда.Делегация Флоренция қаласындағы тері өңдейтін өнеркәсіп қауымдастығының жұмысымен танысты. Санта-Кроче-суль-Арно ауданындағы зауыттар негізінен аяқ киім тігуге арналған былғары өңдеумен, киім, жиһаз және басқа да өндіріспен айналысады. Өз өнімдерін әлемнің 122-ден астам еліне экспорттайды.Ауданда тері өндірісінің шамамен 35%-ы және аяқ киім өндірісінің 98%-ы шоғырланған. Былғары өндірісі тізбегінде 600-ге жуық кәсіпорын бар, оларда 8000-нан астам адам жұмыс істейді.Облыс әкімі «Aldo Gliozzi» қауымдастығының басшысы Эцио Кастелланимен мал терісін экспорттау және аймақта былғары өңдеу өндірісін дамыту бағытында келіссөздер жүргізді.<blockquote>«Бірінші кезекте Қызылорда облысы мен Италия арасындағы ынтымақтастықты нығайту мақсатындағы бүгінгі кездесуге қызығушылық танытқаныңыз үшін алғыс білдіремін.Қызылорда облысы экономикасының ауқымды бөлігін тау-кен саласы құрайды. Негізінен мұнай өндіріледі, сонымен бірге, агроиндустриалды аймақ. Өңірде атқарылған жұмыстар нәтижесінде өңдеу өнеркәсібінің өсімі бойынша республикада бірінші орындамыз.Елімізде және өңірімізде мал басы жыл сайын артып келеді. Кейінгі жылдары біздің облыстың өзінде екі миллионнан астам мал тіркелген. Осы ретте тері және жүн өңдейтін кәсіпорындарды дамыту керек. Жалпы алғанда, аймақ нарығын қамтуға және алыс-жақын шетелдерге экспорттауға мүмкіндік бар.Қызылорда облысының инвестициялық әлеуетін ескеріп, тері, жүн өңдеу саласында бірлесіп жұмыс жасауға дайынбыз.Серіктес қажет болған жағдайда, өз салаларында жетістікке жеткен кәсіпкерлер сіздермен келіссөздер жүргізуге, тәжірибе алмасуға арнайы іссапармен келді», – деді Н. Нәлібаев.</blockquote>Өңірде негізінен ет бағытындағы, ірі қылшықты жүнді және қаракөл қой тұқымдары аудандастырылған. Жобаларды іске асыруға шикізат қоры жеткілікті. Облыс бойынша өткен жылы 848,6 тонна жүн және 215,1 мың дана тері өндірілген.<img src="https://knadmin.beoblood.kz/uploads/Kyzylordinskaya_delegacziya_oznakomilas_s_kozhevennoj_promyshlennostyu_vo_Florenczii_9cf7373c75.jpg" alt="Кызылординская делегация ознакомилась с кожевенной промышленностью во Флоренции.jpg">Жаңа жобаларды орналастыру үшін дайын инфрақұрылымы мен 300 гектардан астам жер учаскеcі бар 6 индустриялық аймақ жұмыс жасайды.Өз кезегінде Эцио Кастеллани екіжақты әріптестікке қолдау білдіріп, алдағы уақытта бірлесіп жұмыс жасауға мүмкіндік қарастырылатынын айтты.Аймақ басшысы әрбір инвесторға қолданыстағы заңнама аясында жер телімі берілетінін, Қазақстандағы түрлі даму институттарынан қаржылай көмек алу үшін құжаттар сүйемелденетінін жеткізді.Фото: Қызылорда облысы әкімінің баспасөз қызметі

Қызылордалық делегация Флоренцияда тері өнеркәсібімен танысты

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Италияға жұмыс сапары кезінде Рим қаласындағы бірқатар инвесторлармен кездесті. Алдымен «Confindustria» ассоциациясының вице-президенті Витторио Майоранамен жүздесіп, өңдеу өнеркәсібі саласында бірлесіп жұмыс жасауға дайын екенін айтты.«Біз «Confindustria»-ның тарихы бір ғасырдан асатынын білеміз. Қауымдастық құрамында кеңею, Қазақстанға орналасу, жаңа нарыққа шығу бағытындағы компаниялар болса, бірлесіп жұмыс жасауға шақырамыз.Қызылорда облысында ауыл шаруашылығы өнімдерін терең өңдеу, құрылыс материалдарын, мұнай өндірісіне қажетті тауарлар шығару, жылыжай салу, машина жасау, тері және жүн өңдеу сияқты салаларда бірлесіп жұмыс істеуге дайынбыз.Серіктес қажет болған жағдайда, аймақта кәсіпкерлер бар. Таныстырып, іс бастауға қолдан келгенше көмек көрсетеміз. Біз әрбір инвесторға қолданыстағы заңнама аясында жер телімін беріп, Қазақстандағы даму институттарынан қаржылай көмек алу үшін құжат әзірлеуді сүйемелдеуге дайынбыз. Сондай-ақ, «Байқоңыр» әлеуметтік-кәсіпкерлік корпорациясы арқылы жобаларға қаржылай көмек көрсетуге мүмкіндігіміз бар», – деді Н.Нәлібаев.Мұнан бөлек, аймақ басшысы клиникалық диагностика мен медициналық құрылғыларға арналған өнімдерді әзірлейтін «SGM Іtalia» компаниясының басшысымен кездесті. Іскерлік кездесу барысында медицина саласындағы инвестициялар үшін негізгі бағыт айқындалды. Оның ішінде Қызылорда облысында биохимиялық ерітінділер мен реагенттердің жергілікті өндірісін ашу мәселесі талқыланды.Айта кетейік, облыста биохимиялық ерітінділер және реагенттермен жұмыс істейтін бірнеше ірі зертхана бар. Атап айтқанда, өңірде «Олимп» зертханасының 18 филиалы, «Invivo» зертханасының 20 филиалы орналасқан. Олар клиникалық диагностикаменбелсенді айналысады және жоғары сапалыреагенттерді қажет етеді.Әрі қарай аймақ басшысы «Sace» экспорттық-кредиттік агенттігінің президенті Филипо Джансатемен кездесті. Онда ауыл шаруашылығы, тері, жүн өңдеу, жеңіл өнеркәсіп, құрылыс материалдары, мұнайға қажетті тауарлар, денсаулық сақтау, инфрақұрылым, су ресурстары және көлік-логистика салаларындағы бірқатар тартымды жобалар ұсынылды.Айта кету керек, 29 қазан күні екі елдің ынтымақтастық жөніндегі 9-шы жұмыс тобының отырысында «Қазақстанның Даму Банкі» АҚ мен Италияның CDP ұлттық даму институты арасында 200 млн еуро көлемінде кредиттік келісімге қол қойылды. Қаржыландыру «Қазақстанның Даму Банкіне» «Sace» экспорттық-кредиттік агенттігі тарапынан кепілдік беру арқылы жүзеге асырылады. Бұл қаражат елдің тұрақты дамуына ықпал ететін экономиканың негізгі салаларын дамытуға бағытталмақ.Сонымен қатар, аймақ басшысы «Ansaldo Energe» компаниясының басшысы Фабрицио Фаббримен кездесіп, өңірдегі энергетикалық инфрақұрылымды дамытуға бағытталған жобаларды талқылады.Электр энергиясын тұтыну қарқыны мен энергетикалық инфрақұрылымды дамыту маңыздылығы ескеріліп, түркиялық «Aksa Energy» компаниясы қуаттылығы 240 МВт жаңа жылу-электр орталығын салуда.Бұл облыстың электр энергиясына қажеттілігін толығымен жауып, Қызылорданы импорттаушыдан экспорттаушы өңірге айналдырады. Жаңа нысан энергетикалық қауіпсіздікті сақтауға және тарифті тұрақтандыруға мүмкіндік береді. Жоба 2025 жылы іске қосылады.Мемлекет басшысының биылғы ақпан айында Катарға жасаған іссапары аясында бірқатар құжаттарға қол қойылды. Соның бірі –Қызылорда облысында қуаттылығы 1100 мегаваттық бу-газ электр станцияларын салу. Жобаны 2024-2029 жылдары іске асыру, «Қызылорда-Шымкент», «Қызылорда-Жезқазған» бағыттары бойынша жаңа электр желілерін тарту жоспарлануда.Кездесу соңында аймақ басшысы инвесторларды Сыр еліне арнайы іссапармен келуге шақырды.<img src="https://knadmin.beoblood.kz/uploads/N_Nalibaev_vstretilsya_s_italyanskimi_investorami_1_6b2f6b4edd.jpg" alt="Н.Налибаев встретился с итальянскими инвесторами 1.jpg">Фото: Қызылорда облысы әкімінің баспасөз қызметі

Қызылорда облысының әкімі италиялық компаниялардың басшыларымен кездесті

<a href="https://kyzylorda-news.kz/">Kyzylorda-news.kz</a> Ротация – мемлекеттік қызметшінің басқа мемлекеттік органға немесе мемлекеттік орган құрамындағы ведомствоға немесе мемлекеттік органның басқа құрылымдық бөлімшесіне лауазымдық ауысуын білдіреді.Ротацияның негізгі мақсаттары мемлекеттік органдар қызметінің тиімділігін арттыру, сыбайлас жемқорлық құқық бұзушылықтардың алдын алу, сондай-ақ қызметшілердің кәсіби әлеуеті мен басқарушылық тәжірибесін дамыту және тиімді пайдалану.Осыған байланысты Қазақстан Республикасы Президентінің 2015 жылғы 29 желтоқсандағы №152 Жарлығымен ротация институты енгізіліп, ол тек саяси мемлекеттік қызметшілерге, «А» корпусының қызметшілеріне, сондай-ақ, «Б» корпусы қызметшілерінің бірінші басшыларына міндетті болып келді.Мемлекеттік қызметшілерді қолдау мақсатында басқа елді мекенге ротацияланған қызметшілер қызметтік тұрғынжаймен (жекешелендіру құқығынсыз) қамтамасыз етілетін болды, тұрғынжай болмаған жағдайда тұрғын үй жалдау үшін ротациялық төлемдер төлеу қарастырылды.Сонымен қатар, осы жылдың қазан айынан бастап ротациялануға жататын тұлғалардың аясы кеңейтіліп, «Б» корпусының C-O-2 (департамент басшысының орынбасары), D-O-2 (басқарма басшысының орынбасары) және Е-1 (қала және аудан әкімдерінің орынбасары) санаттарындағы мемлекеттік қызметшілер де ротациялануға жататын болды.Ротация «Б» корпусының қызметшілері арасында бос мемлекеттік әкімшілік лауазымдарға және лауазымын атқарып жатқан мемлекеттік қызметшілер арасында, сондай-ақ басқа да мемлекеттік органдардың арасында жүргізіледі.Бірінші кезекте ротациялануға жататын тұлғаларды анықтауда мына мәселе ескерілуі қажет. Мүгедектігі бар адам, жүкті, он төрт жасқа дейінгі баланы тәрбиелеп отырған, мүгедектігі бар балалары, оның ішінде асырап алған балалары бар (қорғаншы болып табылатын) жалғызбасты ата-ана, көпбалалы ата-ана (қорғаншы) немесе асырауында мүгедектігі бар ата-анасы не Қазақстан Республикасының зейнетақымен қамсыздандыру туралы заңнамасында белгіленген жасына байланысты зейнеткер ата-анасы бар мемлекеттік қызметшілер басқа өңірге ротацияланудан босатылады. Бірақ бұл көрсетілген мән-жайлар құжат түрінде расталуы тиіс. Егер осы мемлекеттік қызметшілердің өз келісімдері болған жағдайда ғана ротациялануға жол беріледі.Бұдан басқа, зейнеткерлік жасқа жетуіне үш және одан да аз жыл қалған мемлекеттік қызметші ротациядан босатылады. Ол үшін мемлекеттік қызметші өтініш береді, ал уәкілетті адам ротациядан босату туралы акті қабылдайды. Бұл жерде уәкілетті адам - мемлекеттік қызметшіні лауазымға тағайындауға және лауазымнан босатуға құқығы бар адам.Ротациялау заңдылықтары сайланатын мемлекеттік қызметшілерге қолданылмайды.Ротация мынадай схемалардың біреуі бойынша жүргізіледі:&nbsp; &nbsp; &nbsp;1) деңгейаралық ("орталық – өңір", "өңір – орталық");&nbsp; &nbsp; &nbsp;2) өңіраралық ("өңір – өңір");&nbsp; &nbsp; &nbsp;3) сектораралық ("орталық – орталық");&nbsp; &nbsp; &nbsp;4) ішкі өңірлік (өңірдің шегінде).Мемлекеттік қызметші соңғы атқаратын лауазымына тағайындалған күнінен бастап 4 жылдан кейін ротациялануға жатады. Ол ротациядан жазбаша бас тартқан жағдайда лауазымда болу мерзімі екі жылға ұзартылуы мүмкін, не сол мемлекеттік органда бос лауазым болып, келісімі болған жағдайда лауазымынан төмендетіледі немесе атқаратын лауазымынан босатылады. Лауазымынан төмендету конкурс өткізілместен жүзеге асырылады. Мемлекеттік қызметші кез келген бос тұрған төменгі лауазымға бара алады, бірақ оған үстемақы немесе жұмыстан босатылу жәрдемақысы төленбейді. Бұдан әрі атқаратын лауазымында болу мерзімін мемлекеттік қызмет істері жөніндегі уәкілетті органның шешімімен тағы екі жылға ұзартуға жол беріледі. Осылайша мемлекеттік қызметші бір лауазымды сегіз жылдан артық атқара алмайды.Персоналды басқару қызметі немесе персоналды басқарудың бірыңғай кадр қызметі&nbsp;ротация мерзімі басталғанға дейін екі айдан кешіктірмей уәкілетті адамның қарауына ротациялануға жататын қызметшілердің тізімін енгізеді.Уәкілетті адам мемлекеттік қызметшіні алдағы ротация туралы күнтізбелік отыз күннен кешіктірмей жазбаша хабардар етеді.&nbsp; &nbsp;Ротациялау немесе лауазымда болу мерзімін ұзарту жайлы сұраныс жолдауда уәкілетті адам&nbsp;мемлекеттік қызмет істері жөніндегі уәкілетті органға (орталық аппарат) мына құжаттарды ұсынады:Ротациялау немесе лауазымда болу мерзімін ұзарту себептері көрсетілген ұсыныс; Бекітілген біліктілік талаптары (ротациялау кезінде қолданыстағы); Қызметшіге жолданылған хабарлама, оның жауабы, персоналды басқару қызметі немесе персоналды басқарудың бірыңғай кадр қызметінің қызметтік хаты мен уәкілетті адамның шешімі.Ротациялануға жататын мемлекеттік қызметшілер туралы шешім 2025 жылдың 31 қаңтарына дейін қабылданып болуы тиіс.&nbsp;Мирамкүл БИБІТОВА,Қазақстан Республикасы Мемлекеттік қызмет істеріагенттігінің Қызылорда облысы бойыншадепартаменті басшысының орынбасары –Тәртіптік кеңес хатшылығының меңгерушісіФото: bilimdinews.kz

 Ротация туралы не білеміз?

<a href="https://kyzylorda-news.kz/">Kyzylorda-news.kz</a> Халықаралық мүгедектер күні - ең алдымен ерекше жандардың түйткілді мәселелеріне қоғам назарын аударуға, оларды әлеуметтік, саяси, экономикалық және мәдени өмірге қатыстыруға, мүгедектігі бар адамдардың құқықтары мен мүдделерін қорғауға бағытталған. Соңғы жылдары мүгедектігі бар адамдардың өмір сүру сапасын жақсартуға, оларды медициналық-әлеуметтік қорғауға айтарлықтай көңіл бөлінуде. Аймақта 33764 мүгедектігі бар адамдар тіркелген, оның 6663-і 18 жасқа дейінгі балалар. Бұл туралы Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Айгүл Ибраева мәлімдеді.<blockquote>– Әлеуметтік қызметтер порталы арқылы 31142 адам оңалтудың жеке бағдарламасына сәйкес техникалық оңалту құралдарымен қамтамасыз етілді. Биыл алғаш рет облыс бойынша барлық санаттағы мүгедектігі бар адамдар мен мүгедектігі бар балалардың әрқайсысына 3 айлық есептік көрсеткіш мөлшерінде бір реттік әлеуметтік көмек көрсетілді. Сонымен қатар, былтыр арнаулы әлеуметтік қызметтер көрсету балалар орталығы базасында іске қосылған «Үй жағдайында мүгедектігі бар балаларды оңалту» жобасы жүзеге асырылуда, - деді Айгүл Болатқызы.</blockquote>“Қызылорда облыстық мүгедектер қоғамы” қоғамдық бірлестігі 2024 жылы мемлекеттік әлеуметтік тапсырыс негізінде мүгедектігі бар адамдар мен балаларды әлеуметтік қолдауға арналған әлеуметтік маңызы бар іс-шаралар жүзеге асыруда.<blockquote>– Облыстық бюджеттен бөлінген қаржыға сәйкес мүгедектігі бар адамдар мен балалардың қатысуымен спорт жарыстары, байқаулар, кино, музей, театр әлеміне, тарихи орындарға саяхат жасау шаралары ұйымдастырылуда.</blockquote>Оның бірі, кеше А.Тоқмағамбетов атындағы мәдениет үйінде 3 желтоқсан - халықаралық мүгедектер күніне орай өткен шараға облыстың барлық аудандары, Қызылорда, Байқоңыр қалаларынан өкілдер келіп, 2024 жыл көлемінде жетістікке жеткен ерекше адамдар түрлі номинациялармен марапатталып, оларға естелік сыйлықтар табысталды, - деді қоғамдық бірлестіктің төрағасы Сағатбек Сиюов.<img src="https://knadmin.beoblood.kz/uploads/1_d0a6ce954f.jpg" alt="1.jpg">Фото: egemen.kz

3 желтоқсан – Халықаралық мүгедектер күні

Алашқа ана болған, қазаққа пана болған – Қызылорда!

<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Данияр Жаналиновтің төрағалығымен өткен мәжілісте жылыту маусымы кезіндегі өрт қауіпсіздігі мәселесі қаралды.Жиын барысында облыстық төтенше жағдайлар департаменті бастығының міндетін атқарушы Нұрсұлтан Ибрагимов өңірде өрт қауіпсіздігінің алдын алу бойынша атқарылып жатқан жұмыстар жайында баяндады. Оның айтуынша, тұрғын үйлердегі өрт қауіпсіздігін арттыру, тұрғындарға түсіндіру жұмыстарын күшейту және арнайы рейдтер жүргізу арқылы төтенше жағдайлардың алдын алу шаралары жоспарлы түрде жүзеге асырылуда.Мәжіліс қорытындысы бойынша Данияр Еренғалиұлы қала және аудан әкімдеріне облыстық энергетика және тұрғын-үй коммуналдық шаруашылығы басқармасымен бірлесіп, тұрмыстық газ баллондары мен газбен жабдықтау жүйесінің қауіпсіздігін қамтамасыз ету бойынша шұғыл шаралар қабылдауды тапсырды. Сонымен қатар, мектеп жасындағы балалар арасында өрт қауіпсіздігіне байланысты білім беру жұмыстарын күшейтуді, өрт кезінде дұрыс әрекет ету дағдыларын қалыптастыру және отпен абайсыздықтың салдарын түсіндіру бойынша арнайы оқу-жаттығу ұйымдастыруды міндеттеді.

Жылыту маусымындағы өрт қауіпсіздігі талқыланды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев бастаған Сыр өңірінің делегациясы Италияға жұмыс сапарымен барды. Делегация құрамында ауыл шаруашылығы құрылымдарының, құрылыс компанияларының басшылары, кәсіпкерлер бар.​Сапардың негізгі мақсаты – аймақтың агроөнеркәсіп, құрылыс, қызмет көрсету салаларына инвестиция тарту.​Жұмыс сапары аясында аймақ басшысы Нұрлыбек Нәлібаев Қазақстан Республикасының Италиядағы, Мальта және Сан-Марино Республикаларындағы Төтенше және Өкілетті Елшісі Ерболат Сембаевпен кездесті. Басқосуда Қызылорда облысы мен Италия арасындағы ынтымақтастыққа бағытталған жұмыстар талқыланды.<blockquote>​«Мемлекет басшысы Қасым-Жомарт Кемелұлы отандық және шетелдік инвестиция тартып, халықтың әл-ауқатын арттыруды тапсырғаны белгілі. Қызылорда облысы мен Италия арасындағы ынтымақтастық орнату мүмкіндіктерін талқылауға ие болғанымыз үшін шын жүректен алғысымды білдіргім келеді. Италия – Қазақстанның Еуропадағы ірі серіктестерінің бірі және біздің облысымыз итальяндық компаниялармен өзара тиімді байланыстарды одан әрі дамытуға мүдделі.​Осы елдің ауыл шаруашылығы өнімдерін, машина жасау, баламалы энергия көздері салаларындағы мол тәжірибесі аса құнды. Біз осы тәжірибені игеруге қызығушылық танытудамыз. Іссапарымыз өзіңіздің қолдауыңызбен нәтижелі болады деп сенемін», – деді Н.Нәлібаев.</blockquote>​Кездесуде Ерболат Сембаев өндірісті дамыту ел экономикасының маңызды бағыты екенін атап өтіп, екі ел арасындағы байланысты күшейтуде тиісті жұмыстар жалғасатынын жеткізді.​Айта кетейік, өңірдегі мұнай қорының сарқылуы салдарынан 10 жыл бойы төмендеу тенденциясын көрсетіп келген өнеркәсіп өндірісі көлемі соңғы бір жылда оң динамикаға шықты. Өсім өңдеу өнеркәсібі есебінен қалыптасты. Сыр өңірі өңдеу өнеркәсібіндегі өсу қарқыны бойынша 2022 жылы республикада 11-орында болса, өткен жылдан бері алдыңғы қатарда.​Инвесторларға қолайлы жағдай жасау, инвестициялық тартымдылықты арттыруда ірі инфрақұрылымдық жобалар қолға алынды. Кейінгі 3 жылда облыста құны 30 млрд. теңгені құрайтын 35 инвестициялық жоба іске қосылды.​Жуырда 16 млрд 600 млн теңгенің инвестициялық жобасы жүзеге асырылды. Инвестор 215 млрд. теңгеге жаңа жобаның құрылысын жүргізуде. Жалпы құны 28 млрд. теңгені құрайтын «жасыл» энергия саласын дамыту бағытындағы екі жоба бар. Атап айтқанда, 50 мегаваттық жел-электр («Уранус Уинд» ЖШС) және 40 мегаваттық күн-электр станцияларының («Тесис» ЖШС) құрылысы қазан айында басталды.​Сондай-ақ, былтырғы Оңтүстік Корея сапарының нәтижесінде биыл Қорқыт Ата атындағы Қызылорда университетінің базасында Қазақстандағы алғашқы жасанды интеллект институты ашылды.​Айта кетейік, аймақ басшысы сапар барысында өндіріс, ауыл шаруашылығы, денсаулық, құрылыс салаларына инвестиция тарту мақсатында «Confindustria», «SGMGroup», тағы басқа ірі компаниялардың басшыларымен кездеседі.​Делегация әрі қарай Испанияның Барселона қаласында да осы бағыттағы кездесулер өткізеді деп жоспарланған.<img src="https://knadmin.beoblood.kz/uploads/Ajma_basshysy_aza_stan_Respublikasyny_Italiyada_y_t_tenshe_zh_ne_kiletti_elshisimen_kezdesti_1_edc2832be3.jpg" alt="Аймақ басшысы Қазақстан Республикасының Италиядағы төтенше және өкілетті елшісімен кездесті 1.jpg"><img src="https://knadmin.beoblood.kz/uploads/Ajma_basshysy_aza_stan_Respublikasyny_Italiyada_y_t_tenshe_zh_ne_kiletti_elshisimen_kezdesti_2_43aa2bb979.jpg" alt="Аймақ басшысы Қазақстан Республикасының Италиядағы төтенше және өкілетті елшісімен кездесті 2.jpg">Фото: Қызылорда облысы әкімінің баспасөз қызметі &nbsp;&nbsp;&nbsp;

Аймақ басшысы Қазақстан Республикасының Италиядағы төтенше және өкілетті елшісімен кездесті

<a href="https://kyzylorda-news.kz/">Kyzylorda-news.kz</a> Бұл туралы үкімет баспасөз орталығында өткен брифингте Үкімет басшысының орынбасары - Ұлттық экономика министрі Нұрлан Байбазаров айтты, деп хабарлайды <a href="https://el.kz/zhana-zhyl-qarsanynda-azyq-tulik-bagasy-baqylauda-bolady-ministr_400004619/">El.kz </a>ақпарат агенттігі.<blockquote>Үкімет жағдайға мониторинг жүргізеді әрі әлеуметтік маңызы бар өнім түрлері бойынша экономикадағы бағаларды тежеуге бағытталған шаралар қабылдайды. Әлеуметтік маңызы бар азық-түлік тауарларының бағасын тежеу үшін қысқы және көктемгі маусымаралық кезеңге қарай жеткілікті көлемде қалыптасқан жаңа өнім қоры шығарылатын болады. Тұрақтандыру қорларының, сауда объектілерінің қоймаларында және ауыл шаруашылығы өндірушілерінде 29 негізгі түрі бойынша 826 мың тоннадан астам азық-түлік сақталады. Бұл қорлар сақтау мерзімдерін ескере отырып үнемі толықтырылып отырады және еліміздің қажеттіліктерін бірнеше айға қамтамасыз ете алады, - деді министр.</blockquote>Сондай-ақ жаңа жылдық мерекелер қарсаңында бағаның ықтимал өсуін тежеу үшін қосымша шаралар қабылдануда.<blockquote>Өңірлерде тұрақты ауылшаруашылық жәрмеңкелері ұйымдастырылады. Қысқы кезеңде және маусымаралық кезеңде бағаны одан әрі тұрақтандыру үшін ақпан айының басында тұрақтандыру қорларынан көкөністерді босатуды бастау жоспарлануда, бұл нарықты қажетті өнім көлемімен қамтамасыз етуге және баға ауытқуларының алдын алуға мүмкіндік береді, - деп атап өтті Нұрлан Байбазаров.</blockquote>Фото: Үкімет&nbsp;

Жаңа жыл қарсаңында азық-түлік бағасы бақылауда болады - министр

<a href="https://kyzylorda-news.kz/">Kyzylorda-news.kz</a> Үкімет инвестицияларды ынталандыру және экономиканы әртараптандыру жөніндегі белгіленген жоспарларды іске асыруды жалғастырады.<blockquote>«Қазақстанда мұнай-газ химиясы, машина жасау, металлургия және АӨК жоғары деңгейде қайта өңдеудің 17 ірі жобасын іске асыру басталды. Экономикаға үлкен инвестициялар құйылуда. Биыл Мемлекет басшысының тұрғын үй құрылысы, өңірлерді газдандыру, ТКШ жаңғырту, көлік инфрақұрылымы бойынша ауқымды бастамаларын іске асыру аясында ғана экономиканы қаржыландыру 2 трлн теңгеден асты. Осы жылы жалпы сомасы 40 трлн теңгеге жуық Ұлттық инфрақұрылымдық жоспарды 2029 жылға дейін іске асыру басталды. Жыл соңына дейін Энергетика және коммуналдық секторларды жаңғырту жөніндегі ұлттық жоба қабылданады. Фермерлерді қолдау жалғасуда. Келесі жылы көктемгі егіс жұмыстарын қаржыландыру 700 млрд теңгеге дейін ұлғайтылды. Бүгінгі таңда фермерлерден өтінімдер қабылдануда, олар 5%-дық жеңілдігі бар қаржыландырумен қамтамасыз етіледі», — деді баспасөз мәслихатында журналистер сұрағына жауап берген Премьер-министрдің орынбасары – ұлттық экономика министрі Нұрлан Байбазаров.</blockquote>Сонымен қатар Үкімет экономикаға шетел капиталын тарту бойынша шараларды күшейтті. Сондай-ақ бизнес үшін жағдайды жақсарту және экономиканы ырықтандыру бойынша жүйелі жұмыс жалғастырылады. Үкіметтік бағдарламаларды іске асырудан экономикаға шетел валютасының түсуі валюта нарығына тұрақтандырушы әсер етеді әрі экономиканың одан әрі өсуіне ықпал етеді деп күтілуде.https://t.me/KZgovernment/14419Фото: aikyn.kz

Нұрлан Байбазаров: Экономикаға үлкен инвестициялар құйылып жатыр 

&nbsp;<a href="https://kyzylorda-news.kz/">Kyzylorda-news.kz</a> Үкімет ішкі нарықты тауарлармен қамтамасыз ету, бәсекелестікті реттеу және қорғау есебінен инфляцияны тежеу жөніндегі шаралар кешенін жалғастырады.Премьер-министрдің орынбасары – ұлттық экономика министрі Нұрлан Байбазаров Үкімет Ұлттық банкпен және жергілікті атқарушы органдармен бірлесіп, ішкі нарықты тауарлармен қамтамасыз ету, бәсекелестікті қорғау, сыртқы сауданы және тарифтерді реттеу есебінен инфляцияны тежеу жөніндегі шаралар кешенін іске асыруды жалғастыратынын айтты. Осындай әрекеттердің арқасында Қазақстанда 2023 жылғы жылдық инфляция жылына 20,3%-дан 9,8%-ға дейін төмендегені және 2024 жылғы 11 айдың қорытындысы бойынша 8,4%-ды құрағаны атап өтілді.<blockquote>«Үкімет жағдайға мониторинг жүргізеді әрі әлеуметтік маңызы бар өнім түрлері бойынша экономикадағы бағаларды тежеуге бағытталған шаралар қабылдайды. Әлеуметтік маңызы бар азық-түлік тауарларының бағасын тежеу үшін қысқы және көктемгі маусымаралық кезеңге қарай жеткілікті көлемде қалыптасқан жаңа өнім қоры шығарылатын болады. Тұрақтандыру қорларының, сауда объектілерінің қоймаларында және ауыл шаруашылығы өндірушілерінде 29 негізгі түрі бойынша 826 мың тоннадан астам азық-түлік сақталады. Бұл қорлар сақтау мерзімдерін ескере отырып үнемі толықтырылып отырады және еліміздің қажеттіліктерін бірнеше айға қамтамасыз ете алады. Сондай-ақ жаңа жылдық мерекелер қарсаңында бағаның ықтимал өсуін тежеу үшін қосымша шаралар қабылдануда. Өңірлерде тұрақты ауылшаруашылық жәрмеңкелері ұйымдастырылады. Қысқы кезеңде және маусымаралық кезеңде бағаны одан әрі тұрақтандыру үшін ақпан айының басында тұрақтандыру қорларынан көкөністерді босатуды бастау жоспарлануда, бұл нарықты қажетті өнім көлемімен қамтамасыз етуге және баға ауытқуларының алдын алуға мүмкіндік береді», — деп атап өтті Нұрлан Байбазаров.</blockquote>Өңірлік комиссиялар бағаның өсуіне талдау жүргізеді, өнімсіз делдалдар анықталады және сауда үстемесінің асып кету фактілері қаралады. Аталған комиссиялардың қызметі осы жылы бақылау-фискалдық және күштік органдарды тарту есебінен күшейтілді. Маусымаралық кезеңде ішкі нарықты көкөністермен қамтамасыз ету мақсатында жақын шетелден ерте көкөністерді жеткізу үшін «жасыл дәліз» ұйымдастырылады. Бұдан басқа, сауда саласында бизнеспен тығыз өзара іс-қимыл жүзеге асырылады.https://t.me/KZgovernment/14419фото: centeraktiv.kz

Үкімет инфляцияны тежеу шараларын жалғастырады

<a href="https://kyzylorda-news.kz/">Kyzylorda-news.kz</a> «Мемлекеттің барлық әлеуметтік міндеттемелері толық көлемде орындалып жатыр және одан әрі қарай да орындала береді. Бұл – Үкімет жұмысының басым бағыттарының бірі», &nbsp;– деп атап өтті Премьер-министрдің орынбасары – ұлттық экономика министрі Нұрлан Байбазаров брифингте.&nbsp;Атап айтқанда, биыл қаңтардан бастап барлық зейнетақы мен жәрдемақылар жыл сайын инфляция деңгейін ескере отырып индекстелуде. 2025 жылдың 1 қаңтарынан бастап ынтымақты зейнетақы 8,5%-ға, әлеуметтік жәрдемақылар мен базалық зейнетақы 6,5%-ға индекстеледі.Мемлекет басшысының тапсырмасы бойынша базалық зейнетақының мөлшерін кезең-кезеңімен арттыру жалғасып жатыр.2025 жылға арналған республикалық бюджетте 42 түрлі әлеуметтік төлемдер бойынша 6 трлн теңгеден астам қаражат қарастырылған, бұл 2024 жылмен салыстырғанда 12,5%-ға көп.Республикалық бюджеттен және Мемлекеттік әлеуметтік сақтандыру қорынан 2 млн-ға жуық қазақстандық отбасы жәрдемақылар мен әлеуметтік төлемдер алады.«2025 жылдың басынан бастап балалы отбасыларға төленетін барлық мемлекеттік жәрдемақы мөлшері 6,5%-ға индекстеледі. Балалы отбасыларға арналған жәрдемақыларды төлеуге 2025 жылға арналған республикалық бюджетте 875,1 млрд теңге қарастырылған. Аз қамтылған азаматтарды әлеуметтік қолдау атаулы әлеуметтік көмек көрсету арқылы жалғасады. 2023 жылдың 1 қарашасындағы жағдай бойынша 76 мың отбасы немесе 403 мың адам АӘК алды. АӘК көрсетудің жаңа тәсілдерін азаматтардың шығыстарын ескере отырып қайта қарау шеңберінде бұл көмек Цифрлық отбасы картасы және мемлекеттік әрі мемлекеттік емес ұйымдардың жүйелерімен интеграциялау арқылы трансформацияланады», — деп атап өтті Нұрлан Байбазаров.Бұдан бөлек, 2024 жылдың 1 қыркүйегінен бастап Қазақстанда стипендия көлемі: бакалавриат бойынша 20%-ға, магистранттар мен докторанттарға 15%-ға өсті. Ғылыми ұйымдар қызметкерлерінің жалақысы 18%-ға артты, 2025 жылдан бастап 17%-ға көбейеді.https://t.me/KZgovernment/14419фото: aikyn.kz

2025 жылдан бастап балалы отбасыларға төленетін барлық жәрдемақы мөлшері 6,5%-ға индекстеледі

<a href="https://kyzylorda-news.kz/">Kyzylorda-news.kz</a> Ақмола облысы Бұланды ауданы, Шұбарағаш ауылындағы жеке тұрғын үйден өрт шығып, екі бала мерт болды. Бұл туралы <a href="https://stan.kz/">Stan.kz</a> ақпарат агенттігі хабарлайды.Өрттің аумағы –үш шаршы метр.Жеті және үш жасар бала түтіннен уланып, көз жұмды.Жедел қызмет нөмірлеріне қоңыраулар түскен жоқ. Өртті оқиға куәгерлері сөндірді.Қайғылы оқиғаның себептерін Ақмола облысы төтенше жағдайлар департаментінің ғылыми-зерттеу өрт сынау зертханасының мамандары анықтайды.Бұланды ауданының төтенше жағдайлар бөлімі сотқа дейінгі тергеуді бастады.Фото: Pixabay.com

Қазақстан және Қызылорда облысының жаңалықтары: Қоғам