<a href="https://kyzylorda-news.kz/">Kyzylorda-news.kz</a> Қазақстанның ірі ұялы байланыс операторлары — Kcell, Tele2/Altel және Beeline — 2023 жылдан бастап байланыс қызметтерінің тарифтерін келісім бойынша қолдан көтерді деген күдікке ілінді.Аталған компаниялар 2024 жылдың желтоқсан айынан бастап тағы да миллиондаған абоненттер үшін байланыс тарифтерін арттыруды жоспарлаған. Осыған байланысты олар ескерту алды. Бәсекелестікті қорғау және дамыту агенттігі (БҚДА) бұл жағдайдың бәсекелестік ережелерін бұзған-бұзбағанын анықтау үшін тергеу бастады.<blockquote>«Агенттік 2024 жылғы тарифтердің өзгеруін жан-жақты талдап, оның нәтижесі бойынша заңнамаға сәйкес құқықтық баға береді», — деп мәлімдеді БҚДА.</blockquote>Іс Қазақстан Республикасының Кәсіпкерлік кодексінің 170-бабына сәйкес қаралуда.Фото: Gov.kz

Күдікке ілінген Kcell, Tele2/Altel және Beelinе-ға тексеру жүргізілуде

<a href="https://kyzylorda-news.kz/">Kyzylorda-news.kz</a> 2024 жылдың 5 желтоқсанында ҚР Президенті жанындағы Қазақстанның стратегиялық зерттеулер институтында брифинг өтті. Брифинг жыл қорытындыларына, қазақстандықтардың Президентке деген сенім деңгейіне, сондай-ақ Қазақстанның стратегиялық даму бағытын қолдауға арналған әлеуметтанулық сауалнама нәтижелеріне арналды.Әлеуметтанулық зерттеулердің нәтижелері көрсеткендей, қазақстандықтардың 66,2%-ы 2024 жылды жақсы көңіл-күймен және оптимистік көзқараспен аяқтауда. Көрші елдер мен Таяу Шығыстағы әскери қақтығыстар сияқты жаһандық сын-қатерлерге қарамастан, Қазақстан тұрғындары жеке тұлғалық деңгейде өткен жылға оң баға беруде. Материалдық деңгейі жоғары топтар мен жастар әсіресе жақсы көңіл-күйде.<img src="https://knadmin.beoblood.kz/uploads/2_258acad15e.png" alt="2.png">Алайда, жылды ел мен әлем деңгейінде бағалауда едәуір ерекшеліктер бар. Ауыл тұрғындары, зейнеткерлер, табысы орташа және төмен респонденттер қиындықтар туралы жиі айтады. Сонымен қатар кәсіби-техникалық білімі бар және материалдық деңгейі жоғары респонденттер ұлттық деңгейде оң баға беруде.Мемлекет басшысына деген сенім деңгейі — 80,5%, яғни тұрақты түрде жоғары болып қала береді. Жастар арасында бұл көрсеткіш 86,4%-ға, ал қазақтар арасында 82,2%-ға жетеді. Әйелдер мен ауқатты топтар да сенімділіктің жоғары деңгейін көрсетеді. Азаматтардың тұрақты сенімі саяси реформалардың, әлеуметтік қолдаудың және экономикалық шаралардың нәтижесімен байланысты болуы мүмкін.<img src="https://knadmin.beoblood.kz/uploads/3_b7d016837a.png" alt="3.png">2024 жылы Қазақстанның саяси даму бағытын респонденттердің 77,7 пайызы қолдайды. Бұл көрсеткіш ел басшылығының ішкі және сыртқы саяси шешімдері ел тарапынан мақұлдауға ие болғанын көрсетеді.<img src="https://knadmin.beoblood.kz/uploads/4_7b2edf27f6.png" alt="4.png"><img src="https://kisi.kz/wp-content/uploads/2024/12/image-7.png" alt="" srcset="https://kisi.kz/wp-content/uploads/2024/12/image-7.png 974w, https://kisi.kz/wp-content/uploads/2024/12/image-7-300x170.png 300w, https://kisi.kz/wp-content/uploads/2024/12/image-7-768x434.png 768w" sizes="auto, (max-width: 974px) 100vw, 974px" width="974" loading="lazy">Зерттеу көрсеткендей, қазақстандықтардың көпшілігі өз елін азаматтық бірегейлік негізінде біртұтас ұлт ретінде қабылдайды. Респонденттердің 46%-ы Қазақстан Республикасының төлқұжатын басты біріктіруші фактор деп санайды, 39,9%-ы ата-бабаларының ортақ тарихын, ал 32%-ы ортақ тілді атап өтеді.Халықтың негізгі құндылықтарының ішінде бірінші орында отбасы, екінші орында жұмысы, үшінші орында достары тұр. Жастар бос уақытын да маңызды басымдық ретінде атап өтеді. Дін мен саясат құндылықтар жүйесінде үлкен маңызға ие емес.2025 жылға артқан үміт-тілектерге келетін болсақ, 2024 жылғы қорытындыларды бағалауда сияқты, олар талдау деңгейіне байланысты өзгереді. Жеке тұлғалық деңгейде келешекке оптимистік көзқарас басым, ал ел болашағына қатысты болжам жеке тұлғалық деңгейге қарағанда едәуір оптимистік. Ауыл тұрғындары мен үй шаруашылығымен айналысатындар ұлттық деңгейде оптимистік көзқараста. Жеке тұлғалық деңгейде позитивті сенім көбінесе жастар мен материалдық деңгейі жоғары азаматтар арасында байқалады.Осылайша, әлеуметтанулық зерттеулердің нәтижелері бойынша, барлық жағынан тек жағымды болмаса да, биылғы жыл табысты жыл болды деп бағаланады. Қазақстандықтар оптимизмді сақтай отырып, Қазақстан Президентінің жұмысын жоғары бағалап, елдің стратегиялық бағытын қолдайды. Отбасы мен сенім сияқты ұлттық бірегейлік пен құндылық бағдарлары қоғамның одан әрі дамуы мен нығаюына негіз болады.ҚСЗИ Қазақстанның тұрақты дамуы үшін тиімді шешімдерді ұсыну үшін әлеуметтік көңіл-күй мен құндылық бағдарларының мониторингісін жалғастырады.

Жыл қорытындысы қазақстандықтар көзімен: социологиялық зерттеу нәтижелері

<a href="https://kyzylorda-news.kz/">Kyzylorda-news.kz</a> &nbsp;Әлеуметтік төлемдер мен жалақыны арттыру, тұрғын үй құрылысы, денсаулық сақтау және білім беру салаларын жаңғырту. 2024 жылы қазақстандықтарды әлеуметтік қолдау шаралары туралыПрезидент Қасым-Жомарт Тоқаевтың «Әділетті Қазақстанның экономикалық бағдары» атты Қазақстан халқына Жолдауында еліміздің экономикалық даму стратегиясының негізінде азаматтардың мүддесі болуы қажет екені атап өтілді. 2024 жылы Үкімет бұл бағытты маңызды әлеуметтік бастамалармен жүзеге асыруды жалғастырды.&nbsp;Primeminister.kz сайтының редакциясы қазақстандықтардың өмір сүру сапасын жақсартуға және еліміздің ұзақмерзімді әлеуметтік-эконмикалық мақсаттарын іске асыруға бағытталған биылғы жылдың маңызды бастамалары мен жетістіктері туралы шолулар сериясын жариялайды.&nbsp;2024 жылы Қазақстанда әлеуметтік сала қарқынды дамуын жалғастырды. Мемлекет басшысы халыққа Жолдауында білім, денсаулық сақтау салаларының сапасын арттырып, азаматтарды әлеуметтік қорғауды нығайту қажеттілігін атап өтті. Осы міндеттердің шеңберінде реформалар жасалып, бірқатар маңызды жобалар жүзеге асырылды.&nbsp;<img src="https://knadmin.beoblood.kz/uploads/9_a1f9912e9b.jpeg" alt="9.jpeg">2024 жылы мемлекеттік бюджеттің жартысынан астамы (52,8%) әлеуметтік салаға бағытталды. Жыл сайын зейнетақыны көтеру аясында 2024 жылдың 1 қаңтарынан бастап төлемдер: базалық зейнетақы 7%-ға, ынтымақты зейнетақы 9%-ға инфляцияны ескере отырып, индекстелді. Нәтижесінде 2,4 млн зейнеткердің оның ішінде, БЖЗҚ жинақтау қорынан зейнетақы алатын 459,3 мың зейнеткердің зейнетақысы көбейді. Орташа зейнетақы көлемі 165 мың теңгеден асты. Бұдан бөлек, базалық зейнетақыны кезең-кезеңімен көбейту жұмыстары жалғасып жатыр. Сондай-ақ жұмыс беруші төлейтін міндетті зейнетақы жарнасы 2028 жылға қарай 5%-ға ұлғаяды.2024 жылдың&nbsp; 1 қаңтарынан бастап ең төменгі жалақы&nbsp; 85 мың теңгеге дейін артты. 1,8 млн адам, оның ішінде бюджет қызметкерлері қамтылды. 600 мың азаматтық қызметшілердің жекелеген санаттарының жалақысын кезең-кезеңімен&nbsp; 20%-ға арттыру жалғасуда.&nbsp;&nbsp;Мемлекет басшысының тапсырмасына сәйкес жұмыспен қамтуға жәрдемдесу және әлеуметтік қорғау шаралары жүзеге асырылып жатыр, табысы күнкөріс деңгейінен төмен адамдар саны азайып келеді. Цифрлық отбасы картасы арқылы 8430 мыңнан астам адамға мемлекеттік қызметтер көрсетілді.845 мыңнан астам адам жұмыспен қамтылды, оның 401 мыңнан астамы жастар. 9 мыңға жуық азамат, оның ішінде мүгедектігі бар жандар және ерекше қажеттілігі бар балалы ата-аналар бизнес-идеясын жүзеге асыруға грант алды.Мемлекеттік инвестициялар тиімділігін арттыру және сапалы жоспарлау үшін Жобалардың инновациялық навигаторы әзірленді. Бұл жүйе кадрларға қажеттілікті болжап, талдау жасайды, сондай-ақ жобаларды үйлестіруге, сапасын бақылауға және тиімділігіне мониторинг жасауға мүмкіндік береді. Платформа арқылы жалпы құны 33 трлн теңге болатын 755 инвестициялық жоба қадағаланып отыр. Бұл жобалар аясында 150 мыңға дейін жұмыс орнын ашу жоспарланған. Сонымен қатар навигатор қажетті еңбек ресурстары жоқ адал емес жеткізушілерді анықтауға мүмкіндік береді.&nbsp;2024 жылдың 1 қыркүйегінен бастап Қазақстанда интернет-платформаларда жұмыс істейтін адамдар ең төменгі әлеуметтік кепілдікпен қамтылды. Жеке кәсіпкерлер үшін e-salyqBusiness қосымшасы арқылы әлеуметтік төлем мөлшерлемелерін 4%-ға дейін төмендету және интернет-платформа операторларын салық агенттері ретінде тану арқылы жағдайлар жеңілдетілді. Бұл операторларға жеке кәсіпкерлер атынан жеке табыс салығы мен әлеуметтік төлемдерді төлеу міндетін жүктейді. «Яндекс.Такси» компаниясымен жүзеге асырылған пилоттық жоба аясында аталған тәсіл сынақтан өткізілді. 36 мыңнан астам жүргізуші Яндекс платформасында жеке кәсіпкер ретінде тіркелген. Олардың фискалдық чектер саны 36,9 млн болды. Мемлекеттік кірістер комитетінде фискализацияланған жалпы кіріс көлемі 47,5 млрд теңгеге жетті.«Ұлттық қор – балаларға»: тұрғын үй және білім алуға арналған төлемдер2024 жылдан бастап Қазақстанда «Ұлттық қор – балаларға» бағдарламасы жүзеге асырылуда. Бағдарламаға сәйкес Ұлттық қордың жыл сайынғы инвестициялық кірісінің 50%-ы 18 жасқа дейінгі балалардың арнайы жинақ шоттарына аударылады және оны мерзімінен бұрын шешуге болмайды. 2024 жылдың 1 ақпанынан бастап төлемдер басталды, олар Қазақстан азаматтығы бар 18 жасқа дейінгі барлық балаға арналған. 2024 жылы бағдарлама қатысушыларының шоттарына $695,5 млн төленді.&nbsp;$30,6 млн 2024 жылы 18 жасқа толған немесе толатын балаларға төленеді. Қазірдің өзінде уәкілетті операторлар арқылы $3,4 млн сомасына 33,5 мыңнан астам өтінімнің қаражаты банктік шоттарға аударылды. Оның ішінде $1,8 млн сомасына 18 мыңға жуық өтінім тұрғын үй жағдайын жақсартуға бағытталса, $1,6 млн сомасына 15,5 мың өтінім білім алу үшін төленді.Тұрғын үй құрылысыТұрғын үй құрылысы әлеуметтік саясаттың маңызды элементі болып табылады. 7 жыл ішінде Қазақстанда 111 млн шаршы метр тұрғын үй салынуы керек. Сондай-ақ 2024 году&nbsp; жылы тұрғын үй құрылысы 18 млн шаршы метрге жетеді.&nbsp; Осылайша&nbsp; 1 млн-нан астам отбасы баспанамен қамтылады.&nbsp;&nbsp;Тұрғын үйді уақытылы пайдалануға беру үшін Астана, Шымкент және облыстар әкімдіктері биыл қолданысқа берілетін нысандар нақты көрсетілген Жол картасын әзірлеп, бекітті.&nbsp; Қаңтар-қазан аралығында 14 млн шаршы метр тұрғын үй немесе 123,8 пәтер мен үй пайдалануға берілді.&nbsp;Бұдан бөлек, 2024 жылы ел бойынша тұрғын үйлердегі 200-ден астам лифтіні ауыстыру жоспарланған. Бұл өз кезегінде мыңдаған қазақстандықтың өмір сүру деңгейін жақсартпақ.&nbsp;<img src="https://knadmin.beoblood.kz/uploads/10_9ff62e31d4.jpeg" alt="10.jpeg"><img src="https://knadmin.beoblood.kz/uploads/11_05ff49c171.jpeg" alt="11.jpeg"><img src="https://knadmin.beoblood.kz/uploads/12_1eef9a75fa.jpeg" alt="12.jpeg"><img src="https://knadmin.beoblood.kz/uploads/13_d2deb643e0.jpeg" alt="13.jpeg"><img src="https://knadmin.beoblood.kz/uploads/14_8e5a9edea3.jpeg" alt="14.jpeg">Денсаулық сақтау және инфрақұрылымды дамыту&nbsp;2024 жылы әсіресе ауылдық жерлердегі денсаулық сақтау инфрқұрылымын дамыту жұмыстары жалғасын тапты. «Ауылда денсаулық сақтауды жаңғырту» Ұлттық жоба аясында 655 бастапқы медициналық-санитарлық көмек көрсету жоспарланған – 257 медициналық пункт, 238 фельдшерлік пункт және 160 дәрігерлік амбулатория.&nbsp; 251 нысан құрылысы аяқталды. Бұл медициналық қызметтерді шалғай елді мекен және ауылдық жерлердегі халыққа қолжетімді етеді. 1 мыңнан астам жұмыс орны ашылды.&nbsp;Бұдан бөлек, фельдшерлік-акушерлік пунктілер мен дәрігерлік&nbsp; амбулаторияларды қоса алғанда, жаңа денсаулық сақтау нысандар құрылысына қаражат бөлінді.&nbsp;Еліміздегі әлеуметтік саясаттың басты міндеттерінің бірі – ана өлімін азайту. 2024 жылғы көрсеткіштер былтырғы жылмен салыстырғанда 15%-ға жақсарған.&nbsp;Жаңа бағдарламаларды енгізу, оныі ішінде клиникалық хаттамаларды қайта қарау, босануға тарифтерді арттыру денсаулық сақтау саласындағы жағдайды айтарлықтай жақсартуға септігін тигізді.&nbsp;&nbsp;Биыл амбулаториялық деңгейде жалпы сомасы 212,8 млрд теңгеге&nbsp; 3,5 млн пациент дәрі-дәрмекпен қамтамасыз етілді. Амбулаториялық көмекті жақсартуға басымдық бере отырып, дәрі-дәрмекпен қамтамасыз ету жүйесін жетілдіру бойынша жұмыс жүргізіліп жатыр.&nbsp;Денсаулық сақтау министрлігінде дәрілік заттар мен медициналық заттарды тіркеу, бағасын белгілеу процестерін цифрландырумен, сондай-ақ олардың есебін жүргізу және айналымының цифрлық жүйесін жасаумен айналысатын жобалық кеңсе құрылды. Бұл жүйе дәрі-дәрмек саясаты процестерін кешенді талдау функциясын қамтиды. Нәтижесінде дәрілердің объективті бағасын анықтап, үстеме баға қосуға жол бермейді.&nbsp;<img src="https://knadmin.beoblood.kz/uploads/C_Dc_SB_2_U_Ivze_DPI_9djv_RV_6d_Gc_RKZX_19dveb_Ctru_GQ_2229b0e380.jpeg" alt="CDcSB2UIvzeDPI9djvRV6dGcRKZX19dvebCtruGQ.jpeg"><img src="https://knadmin.beoblood.kz/uploads/nhd4p_U_Cg_YXCX_8_Nr_TY_Ol_Xc_T_Jxbbh_Y_Caujd_Zsh6_Ciy_d5c8373fe3.jpeg" alt="nhd4pUCgYXCX8NrTYOlXcTJxbbhYCaujdZsh6Ciy.jpeg"><img src="https://knadmin.beoblood.kz/uploads/whatsapp_image_2024_12_05_at_14_16_12_2_1517e79ae9.webp" alt="whatsapp-image-2024-12-05-at-14.16.12-2.webp">

Тұрғын үй құрылысынан зейнетақыны көбейтуге дейін: 2024 жылы Үкіметтің әлеуметтік қолдауының негізгі шаралары

<a href="https://kyzylorda-news.kz/">Kyzylorda-news.kz</a> Азаматтардың заңды мүдделерін қорғау – Қазақстан Республикасының Мемлекеттік қызмет істері агенттігі Қызылорда облысы бойынша департаментінің басты міндеттерінің бірі. Бұл ретте департаментке келіп, шағымын жеткізген әрбір азаматтың мәселесі қараусыз қалмайды.&nbsp;Азаматтардың заңды мүдделерін қорғау – Қазақстан Республикасының Мемлекеттік қызмет істері агенттігі Қызылорда облысы бойынша департаментінің басты міндеттерінің бірі. Бұл ретте департаментке келіп, шағымын жеткізген әрбір азаматтың мәселесі қараусыз қалмайды.Мерзімі бұзылып көрсетілген мемлекеттік қызметтерге талдау жүргізу үшін Қазақстан Республикасы Цифрлық даму, инновациялар және аэроғарыш өнеркәсібі министрлігінің «ХҚКО» ықпалдастырылған ақпараттық жүйесі арқылы ай сайын жолданатын мәліметтерді зерделеу жұмыстары нәтижесінде Департаментпен 3 қызмет алушының бұзылған құқықтары қалпына келтірілді.Атап айтқанда, биылғы жылдың қыркүйек айында Арал және Қызылорда қалаларынан екі бірдей қызмет алушының «Негізгі орта, жалпы орта білім беру туралы құжаттардың телнұсқаларын беру» мемлекеттік қызметі бойыншаөтінімдері білім беру ұйымдары тарапынан белгіленген мерзімдерде орындалмай тұрғаны анықталды.Сондай-ақ, тағы бір қызмет алушы «Мемлекеттік білім беру мекемелеріндегі білім алушылар мен тәрбиеленушілердің жекелеген санаттарына қала сыртындағы және мектеп жанындағы лагерьлерде демалуы үшін құжаттар қабылдау және жолдама беру» мемлекеттік қызметі бойынша Қазалы ауданының білім бөліміне қыркүйек айында жүгініп, нәтижесі бүгінгі күнге дейін Бөлім тарапынан ұсынылмай тұрғаны анықталды.Департаментпен аталған бұзушылықтарға қатысты ден қою шараларын қабылдау нәтижесінде қызмет берушілермен аталған өтінімдерге жауаптар ұсынылып, қызмет алушылардың бұзылған құқықтары қалпына келтірілді.Қызмет көрсету мерзімдерінің бұзылуына жол бергені үшін тиісті жауапты тұлғалар түрлі тәртіптік жауапкершілікке тартылды.Айта кетейік, жыл басынан бері Департаментпен 15 қызмет алушының құқығы қорғалып, қалпына келтірілді.Қызмет алушылардың бұзылған құқықтарын қалпына келтіру жұмыстары Департаменттің негізгі басым бағыттарының бірі болып қала бермек.Осы бағыттағы жұмыстар өз жалғасын табатын болады.Егер Сіздің мемлекеттік қызмет алуда құқықтарыңыз бұзылған болса, Қазақстан Республикасы Мемлекеттік қызмет істері агенттігінің Қызылорда облысы бойынша департаментіне шағымдануыңызға болады.Мекен-жайымыз: Қызылорда қаласы, Сұлтан Бейбарыс1.Байланыс нөмірлері: 8 (7242) 70-56-36, 70-00-40.&nbsp;Е.Ж. Мендалиев,Департамент басшысы,Әдеп жөніндегі кеңес төрағасы

Басты міндет – қызмет алушылардың заңды  құқығын қорғау

<a href="https://kyzylorda-news.kz/">Kyzylorda-news.kz</a> Бүгін қала әкімі Нұржан Ахатов өңір экономикасы мен әлеуметтік өмірінің дамуына қомақты үлес қосқан, елді іргелі істерге жұмылдырған, өзінің азаматтық тұлғасымен, кісілік келбетімен танылған Мұхамедәли Мырзақожаұлын 80 жас және Барлыбай Тоқсанбайұлын 75 жас мерейтойларымен құттықтады.<blockquote>«Сіздерді өзімнің және қала тұрғындары атынан мерейтойларыңызбен шын жүректен құттықтаймын!Біріңіз өнер мен мәдениет, біріңіз мұнай-газ саласында еңбек етіп, Сыр өңірінің өсіп-өркендеуіне зор үлес қосқан, ел үшін туған елжанды жандар ретінде Өздеріңізді ерекше бағалаймыз. Өйткені бүгінгідей биік тұғырға ерен еңбекпен, ел құрметімен жеттіңіздер», деді Нұржан Сәбитұлы.</blockquote>Құрметті кездесуде аймақтың дамуына қосқан ерекше үлесі үшін мерейтой иелеріне қаланың ең жоғары марапаты – Қызылорда қаласының Құрмет грамотасы табысталып, иықтарына зерлі шапан жапты.Мерейтой иелерін облыстық және қалалық ардагерлер кеңестерінің төрағалары Серік Дүйсенбаев, Шахизат Төребаев, еңбек ардагерлері Бақыт Нұртазаев, Қабдеш Шағыров, Мұрат Нұғыманов құттықтап, бүгінгі құрмет қаланың аға буын өкілдеріне ортақ абырой екенін жеткізді.<img src="https://knadmin.beoblood.kz/uploads/2_0d8d82f72f.jpg" alt="2.jpg"><img src="https://knadmin.beoblood.kz/uploads/3_aecfaa4764.jpg" alt="3.jpg"><img src="https://knadmin.beoblood.kz/uploads/4_0756cc323f.jpg" alt="4.jpg"><img src="https://knadmin.beoblood.kz/uploads/5_040f312119.jpg" alt="5.jpg"><img src="https://knadmin.beoblood.kz/uploads/6_efa5050180.jpg" alt="6.jpg">

 Қала әкімі еңбек ардагерлерін құттықтады

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Нәлібаев бастаған Сыр өңірі делегациясының жұмыс сапары Испанияның Барселона қаласында жалғасуда.Облыс әкімі жауапты сала басшылары, кәсіпкерлермен бірге инвесторлармен кездесіп, келіссөздер жүргізді. Алдымен сәулет, құрылыс, интерьерге, жуынатын бөлмеге арналған өнімдерді өндіруге және сатуға маманданған компаниялардың өкілдерімен кездесті.Келесі кездесу СЕО «Krystaline Technology S.A.» компаниясының директоры Хорхе Компанимен өтті. Компания жұмысының негізгі бағыты – бетонды гидрооқшаулауға арналған қоспалар мен ерітінділер өндіру және сату. Олар елімізде инновациялық қоспалар өндіруге қызығушылық танытуда.Сонымен қатар, делегация «DLQ International Consulting, S.L.» компаниясының президенті Рафаэль де ла Куадро, «Groinn» компаниясының Испания бойынша директоры Хавьер Бланкомен де келіссөздер жүргізді.«DLQ International Consulting, S.L.» компаниясы Қазақстан Республикасында былғары индустриясын зерттеудің техника-экономикалық негіздемесін дайындап, 1 қазанда Испанияның Сауда хатшылығына 1 млн. еуро көлемінде грант алуға құжат тапсырды. Сол айда ҚР Өнеркәсіп және құрылыс министрі Қанат Шарлапаевпен бейнебайланыс өткізілген. Қазақстандық тарап осы жобаға қызығушылық танытуда.Ал, «Groinn» компаниясы ауыл және орман шаруашылығын басқаруды оңтайландыру үшін жасанды интеллект пен озық датчиктерді біріктіретін технологиялық құрылғыларды әзірлеуде. Компания өз жобасын елімізге инвестициялауға және серіктес іздеуге ниет білдірді.Облыс әкімі кездесулер барысында Қызылорда облысы әріптестік пен инвестициялар үшін әлеуетті, қарқынды дамыған өңір екенін айтты. Ынтымақтастықты нығайтуға қызығушылық танытқан кәсіпорын басшыларына алғысын жеткізді.<blockquote>«Облыстың басты артықшылықтары – көлік-логистикалық әлеуеті, минералдық-шикізат ресурстарының бай қоры, жоғары деңгейдегі инфрақұрылымы, агроөнеркәсіптік кешенді және жаңартылатын энергия көздерін дамыту мүмкіндіктері.Өңірде қара және түсті металдардың, пайдалы қазбалардың және сирек кездесетін элементтердің бай қоры бар. Еліміздің ванадий қорының 66%-ы, мырыштың 16%-ы, қорғасынның 11%-ы және уранның 15%-ы Қызылорда облысында орналасқан.Аймақта қазақстандық күріш пен тұздың 90%-дан астамы өндіріледі. Біз ішкі нарықты толығымен қамтамасыз етеміз, сондай-ақ өнімді алыс және жақын шетелдерге белсенді түрде экспорттаймыз. Сондай-ақ, балық шаруашылығы – басым сала. Өңірде Арал теңізі және 200-ден астам көл бар.Мал шаруашылығы жақсы дамыған. Негізінен ет бағытындағы, ірі қылшықты жүнді және қаракөл қойының тұқымы аудандастырылған. Шикізат өңдейтін жобаларды іске асыруға қор жеткілікті.Қызылорда облысының инвестициялық әлеуетін ескеріп, өндірісті дамытуда бірлесіп жұмыс жасауға дайынбыз. Өңірдің тәжірибелі кәсіпкерлері серіктес болу үшін келіссөздер жүргізуге, тәжірибе алмасуға арнайы іссапармен келді. Сіздерді де Қызылорда облысына арнайы іссапармен келуге шақырамыз!», – деді Н.Нәлібаев.</blockquote>Айта кетейік, алда Валенсия аймағының өнеркәсіптік инженерлер палатасы басшысының орынбасары Карлос леон Фалконмен кездесу де жоспарда бар. Сырбойылық делегацияның Барселона қаласындағы жұмыс сапары ертең де жалғасады.Фото: Қызылорда облысы әкімінің баспасөз қызметі

Сырбойылық делегация Барселона қаласында инвесторлармен кездесті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев бастаған Сыр өңірі делегациясының жұмыс сапары Испанияның Барселона қаласында жалғасты.&nbsp;Делегация құрамында ауыл шаруашылығы құрылымдарының, құрылыс компанияларының басшылары, кәсіпкерлер бар.Бұл елге сапардың да негізгі мақсаты – аймақтың агроөнеркәсіп, құрылыс, қызмет көрсету салаларына инвестиция тарту.Жұмыс сапары аясында аймақ басшысы Нұрлыбек Нәлібаев Қазақстан Республикасының Испания Корольдігіндегі Төтенше және Өкілетті Елшісі Данат Мусаевпен кездесті. Онда Қызылорда облысы мен Испания арасында ынтымақтастық орнатудың мәселелері талқыланды.<blockquote>«Мемлекет басшысы Қасым-Жомарт Кемелұлы «Экономикаға салынған тікелей инвестиция көлемін азайтып алмау үшін осы бағыттағы жұмысты күшейту керек» деп отандық және шетелдік инвестиция тарту ісіне баса мән беруді тапсырған болатын. Қызылорда облысы мен Испания арасында ынтымақтастық орнату жолдарын талқылау мүмкіндігіне ие болғанымыз үшін шын жүректен алғысымды білдіргім келеді. Осы елдің ауыл шаруашылығы өнімдерін, тұрмыстық қатты қалдықтарды қайта өңдеу, баламалы энергия көздері салаларындағы мол тәжірибесі біз үшін аса құнды.Бұл тәжірибені үйрену, игеру өте маңызды деп есептейміз. Өңірімізде инвесторларға қолайлы жағдай жасау, инвестициялық тартымдылықты арттыру мақсатында бірқатар ірі инфрақұрылымдық жобалар жүзеге асырылуда. Қазақстан мен Испания арасындағы ынтымақтастықты нығайтуға бағытталған бірлескен іс-әрекеттеріміздің нәтижесінде жаңа биіктерге жетеміз деп сенемін»,– деді Н.Нәлібаев.</blockquote>Кездесуде Данат Мусаев екі ел арасындағы байланысты күшейтуде жемісті жұмыстар жалғасатынын айтты.Кейінгі 3 жылда облыста құны 30 млрд. теңгені құрайтын 35 инвестициялық жоба іске қосылды. Жуырда 16 млрд 600 млн теңгенің инвестициялық жобасы жүзеге асырылды. Инвестор 215 млрд. теңгеге жаңа жобаның құрылысын жүргізуде. Жалпы құны 28 млрд. теңге болатын «жасыл» энергия саласын дамыту бағытындағы екі жоба бар. Атап айтқанда, 50 мегаваттық жел-электр («Уранус Уинд» ЖШС) және 40 мегаваттық күн-электр станцияларының («Тесис» ЖШС) құрылысы қазан айында басталды.Сондай-ақ, былтырғы Оңтүстік Корея сапарының нәтижесінде биыл Қорқыт Ата атындағы Қызылорда университетінің базасында Қазақстандағы алғашқы жасанды интеллект институты ашылды.Айта кетейік, аймақ басшысы сапар барысында өндіріс, ауыл шаруашылығы, денсаулық, құрылыс салаларына инвестиция тарту мақсатында “DLQ International Consulting, S.L.”, тағы басқа компаниялардың басшыларымен кездеседі.Фото: Қызылорда облысы әкімінің баспасөз қызметі

Аймақ басшысы Қазақстан Республикасының Испаниядағы төтенше және өкілетті елшісімен кездесті

<a href="https://kyzylorda-news.kz/">Kyzylorda-news.kz</a> Қызылордада заңсыз ойын бизнесін ұйымдастырған бес адам сотталды. Олар оқырман саны көп әлеуметтік парақшаны сатып алу арқылы заңсыз құмар ойынын өткізген.Қызылорда және Ұлытау облысында тұратын бес адам қылмыстық пиғылын биылғы жылдың қаңтар айында бастаған. Олар «Instagram» әлеуметтік желісіндегі 402 мың оқырманы бар парақшаны сатып алған.<blockquote>– Сол арқылы «Карта-Лото» заңсыз құмар ойын ұйымдастырған. Сондай-ақ, «WhatsApp» әлеуметтік желісінде сотталушылар заңсыз құмар ойынын жүйелі түрде жүргізген. Желіде оларды республиканың өзге өңірлеріндегі оқырмандар да бақылап отырған. Азаматтардың қызығушылығын арттыру мақсатында халықты түрлі жарнама арқылы ойынға шақырған. Салдарынан биылғы жылдың қаңтар-шілде айлары аралығында олар 69 822 994 теңгеден астам табыс тапқан. Соттың үкімімен сотталушыларға 2 жыл 6 ай мен 3 жыл 6 айға бас бостандығын шектеу жазасы тағайындалды, — деп мәлім етті Қызылорда облысы бойынша Экономикалық тергеп-тексеру департаментінен.</blockquote>Фото: qazdauiri.kz

Қызылордада заңсыз ойын бизнесін ұйымдастырған бес адам сотталды

<a href="https://kyzylorda-news.kz/">Kyzylorda-news.kz</a> Қазақстанда декларациялау мерзімінің бұзылуына байланысты 68 мыңнан аса салық төлеушінің есепшоты бұғатталды, – деп хабарлайды <a href="https://kaz.tengrinews.kz/">Tengrinews.kz</a>&nbsp;ҚР Қаржы министрлігінің Мемлекеттік кірістер комитетіне сілтеме жасап.Декларация тапсыру мерзімі 2024 жылғы 1 қаңтардан 16 қыркүйекке дейін белгіленді, бұл 8,5 ай болады.<blockquote>«Жалпыға бірдей декларациялау бойынша декларация тапсыруға міндетті 4,8 миллион адамның ішінен декларацияны ұсынбағаны үшін мемлекеттік кіріс органдары 68,3 мың немесе 1,4 пайыз дара кәсіпкер мен жеке практикамен айналысатын тұлғалардың банктік шоттары бойынша шығыс операцияларын тоқтатты», – делінген хабарламада.</blockquote>Бүгінде аутқушылықтарды жойған 17,5 мыңнан аса салық төлеушінің немесе өкімдердің жалпы санының 26 пайыз бойынша – банктік шоттары бойынша бұғаттау шешілгені айтылды.Декларацияны уақытылы тапсыра алмаған азаматтар үшін бірінші рет ескерту түрінде әкімшілік жауапкершілік қарастырылған. Заңбұзушылықтар жойылғаннан кейін банктік шоттар бойынша шығыс операциялары бір жұмыс күнінен кешіктірілмей бұғаттан шешіледі.<blockquote>«Ақпараттық қолдауға қарамастан, кейбір салық төлеушілер белгіленген мерзімде декларация тапсырған жоқ. Мұндай жағдайларда салық органдары заңбұзушылықтарды жою үшін қосымша 30 жұмыс күнін бере отырып, салық заңнамасында белгіленген мерзімде жеке тұлғаларға салық есептілігін ұсынбау туралы хабарлама жібереді. Осылайша, азаматтарға декларация тапсыру үшін 10 ай уақыт берілді».</blockquote>Фото: закон кз.webp

Қазақстандықтардың есепшоты бұғатталуда

<a href="https://kyzylorda-news.kz/">Kyzylorda-news.kz</a> Ресейде құлдықтан қашып шықтық деген бірнеше қазақстандық ел билігінен көмек сұрайды. Бұл туралы <a href="https://stan.kz/">Stan.kz</a> ақпарат агенттігі 31-арнаның <a href="https://www.youtube.com/watch?v=kH81GcdV40Y">«Информбюро</a>» бағдарламасына сілтеме жасап хабарлайды.Өзге елде соққыға жығылдық деген отандастарымыз ақшасыз, құжатсыз Қазақстанға қайта алмай жүргендерін айтып, желіде жазба қалдырған.<blockquote>«Қалтамызда көк тиынымыз жоқ. Құжатымызды тартып алды. Таза құлдық болды. Енді қайта алмай отырмыз , – деді олар.</blockquote>Сөздерінше, үш жігіт Ресейдің Железногорск қаласына жұмыс істеуге барған. Бірақ бір миллион теңгеге дейін жалақы деген жарнама жалған болып шыққанын айтады. Оларды тегін жұмысқа жегіп, ешқайда шығармады деп күйінеді.Құлдықтан қашып шықтық деген жерлестеріміз Мәскеуде жасырынып жүргенін айтты. Сыртқы істер министрлігінің өкілдері Қазақстан азаматтары елге аман-есен оралғанын мәлімдеді. Қазір жағдай реттелген, алаңдауға негіз жоқ деп отыр.Фото: Видеодан скриншот

«Құжатымызды тартып алып, тегін жұмысқа жекті»: Бірнеше қазақстандық Ресейде құлдықтан қашып шыққандарын мәлімдеді

<a href="https://kyzylorda-news.kz/">Kyzylorda-news.kz</a>&nbsp; Жетісу облысы Алакөл ауданының тұрғыны бұрынғы әйелінің бетінен шапалақпен ұрғаны үшін қамауға алынды.Бұл туралы <a href="http://stan.kz/">Stan.kz </a>ақпарат агенттігі хабарлайды.Достарымен бірге ішімдік ішкен ер адам бұрынғы әйелімен татуласпақ болған. Ол әйелді үйінің кіре берісінде күтіп, оны әңгімеге тартқан. Әңгіме барысында екеуінің арасында жанжал туып, салдарынан ер адам әйелдің бетінен шапалақпен ұрған. Жәбірленуші өзіне қол көтерген бұрынғы күйеуінің үстінен сотқа шағым түсірген.Алакөл аудандық сотының үкімімен ер адам денсаулыққа жеңіл зиян келтіріп, әйелдің денесін ауыртып, соққыға жыққаны үшін ол 40 сағаттық қоғамдық жұмысқа жегілді. Кінәсін мойындап, істеген ісіне өкінген ауыл тұрғыны Алакөл ауданы бойынша пробация қызметінің есебіне алынды.Алайда жазасын өтеуге шыққан алғашқы күні-ақ бұрынғы әйелін көре сала оны балағаттаған. Бұл әрекеті үшін ол әкімшілік жауапкершілікке тартылды.Алакөл аудандық пробация қызметінің қызметкерлері сотқа қоғамдық жұмысқа тарту жазасын қамауға алумен ауыстыру туралы ұсыныс жолдады. Нәтижесінде аудандық сот өтінішті қанағаттандырып, орындалмаған 32 сағаттық қоғамдық жұмысқа тарту жазасын сегіз тәулікке қамауға алумен ауыстырды.Фото: astanatv.kz

Қазақстандық бұрынғы әйелін шапалақпен салып қалғаны үшін қамауға алынды

<a href="https://kyzylorda-news.kz/">Kyzylorda-news.kz</a> Қызылорда облысы бойынша экономикалық тергеп-тексеру департаменті ел экономикасының дамуына кедергі келтіретін қылмыстарды анықтап, олардың алдын алады. Департаменттің мәліметінше, биыл өңірдегі құқық бұзушылықтар саны азайған. Бұл туралы Өңірлік коммуникациялар қызметінің ақпарат алаңында аталған департамент басшысы Аслан Кеңес мәлімдеді.<blockquote>– Қазір біз саннан гөрі сапаға көңіл бөлу ұстанымымен жұмыс жасаймыз. Яғни, залал мөлшері көлемді және бұған дейін жедел-іздестіру шаралары толық жүргізілген қылмыстық істерді анықтауға басымдық беріледі. Аса ірі емес құқықбұзушылықтар бойынша материалдар қаржы органдарына тексеруге ұсынылады, яғни салықтық әкімшілендіру шеңберінде қарастырылады. Қызылорда мұнайлы өңір болғандықтан, біз жүргізетін істерде мұнай өнімдерінің заңсыз айналымына қатысты қылмыстар да бар. Екі жыл көлемінде департаментпен осы бағыт бойынша 3 іс тіркелді. Бүгінде істер өндірісі аяқталып, сотқа жолданды. Экономикалық қылмыстарды халықтың әлеуметтік жағдайынан бөліп қарауға болмайды. Экономикалық өсу мен дамуға тосқауыл болатын әрбір қылмыстық әрекеттің қоғамға және адамдарға залалы орасан. Сондай қылмыстардың бірі – заңсыз ойын бизнесімен байланысты. Заңсыз ойын ұйымдастыру бойынша жыл басынан бері 6 қылмыстық іс тергеліп, сотқа жолданды. «Онлайн казино» ұйымдастырушылары сот шешімімен тиісті жазаларын алды, – деді Аслан Кеңес.</blockquote>Қоғамның алаңдаушылығын тудырып отырған тағы бір мәселе – қаржы пирамидасы мен интернет алаяқтықтың қарқын алуы. Өңірдегі бұл мәселелер де департаменттің қатаң бақылауында.<blockquote>– Әлеуметтік желі арқылы оңай олжа ұсынатын жарнамалық сайттар мен сілтемелерді анықтау мақсатында тұрақты түрде арнайы ақпараттық жүйемен мониторинг жасалады. Бүгінгі күні департамент мамандарымен заңсыз ойын белгілерімен 250, қаржы пирамидасына қатысты 350 сайт пен сілтемелердің белсенді жұмысы тоқтатылды. Сонымен қатар, Қызылорданың географиялық, экологиялық ерекшеліктерін, экономикалық дамуындағы өсу немесе төмендеу қарқынын ескере отырып, «Аумақтың криминогендік картасы» жасалды. Соның негізінде жүйелі проблемалардың 6 бағытын нысанаға алдық. Олар аймағымыздағы экологиялық жағдайды жақсартуға бағытталған мақсатты қаражаттың жымқырылуы, облыстық ауылдық елді мекендерді ауыз сумен қатмасыз етуге бөлінген қаражатты заңсыз иемденіп және мақсатсыз пайдалануын тексеру және қала және қалааралық автомобиль жолдарын, оның ішінде «Қызылорда-Жезқазған» тас жолынын жөндеу мен салуға бөлінген қаражаттын иемденіп алмауын қадағалау. Оған қоса мұнай және мұнай өнімдерінің заңсыз айналымы мен басым бағыттар бойынша қылмыстарды алдын алу профилактикалық іс-шараларын қабылдап, облыста суармалы сулардың тапшылығына қатысты қылмыстарды анықтап, тергеуге және түпкілікті процессуалдық шешім қабылдауға баса назар аударатын боламыз, – деді тергеу басқармасының басшысы Жандос Кенжебаев.</blockquote>Фото: Өңірлік коммуникациялар қызметі

Қазақстан және Қызылорда облысының жаңалықтары: Қоғам