<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының қоғамдық қабылдау бөлмесіне өтініштері бойынша жүгінген тұрғындардың мәселелері негізінде тақырыптық қабылдау ұйымдастырылды. Қабылдауды партияның облыстық филиалының атқарушы хатшысы Төрешова Ләйлә Бегалықызы өткізді.Қабылдауға келген азаматтар &nbsp;«Рисмаш» мөлтек ауданындағы бір көшеде электр желісі мен ауыз су құбыры тартылмағанын және «Мерей» мөлтек ауданында жаяу жүргіншілер жолы (тротуар) жағдайы нашар екенін, &nbsp;одан бөлек көшелерге жол қауіпсіздік белгілері жасалмағанына да &nbsp;шағымдарын білдірді.&nbsp;Сондай-ақ қаладағы көшелер бойындағы &nbsp;аялдамаларға жеңіл көліктер заңсыз тұрақ етіп қойып, соның салдарынан автобустар аялдамаларға тоқтамай &nbsp;кетіп жататынын әсіресе Қорқыт ата көшесі мен &nbsp;А.Байтұрсынов көшесінің бойындағы кәсіпкерлік нысандар жанындағы аялдамаларды &nbsp;тәртіпке келтіру қажеттігін айтты.Тұрғындардың өтініш-тілектерін назарға алған партия филиалының атқарушы хатшысы және қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің өкілі өтініштерге қолданыстағы заңнамалар аясында жауап берді.&nbsp;«Рисмаш» мөлтек &nbsp;ауданындағы &nbsp;электр желісімен қамтамасыз етуге бүгінгі таңда жобалық құжаттама әзірленіп, оны қаржыландыру 2026 жылы жүзеге асырылатыны хабарланды.&nbsp;Ал &nbsp;“Мерей” мөлтек ауданындағы мәселелер бойынша жан-жақты зерттеулер жүргізіліп, нәтижесі тұрғындарға хабарланатын болды.&nbsp;Қабылдауға арнайы шақырылған қалалық автобус паркі басшысының &nbsp;мәліметіне сәйкес, қаладағы &nbsp;аялдамалар &nbsp;бойынша проблемелар орын алып жатқанын, ол бойынша тиісті анықтамалық ақпарат барын, айтылған кемшіліктер ескеріліп, тиісті құзырлы мекемелер арқылы жақын арада оларды шешу жолдары қаралатынын жеткізді.«AMANAT» партиясы облыстық филиалының атқарушы хатшысы Ләйлә Төрешова тақырыптық қабылдау негізімен аталған барлық кемшіліктер бойынша жауапты органға хат жолданатынын, тиісінше аталған мәселелер облыстық филиалдың жіті бақылауында болатынын айтты.

Тақырыптық қабылдау өтті

<a href="https://kyzylorda-news.kz/">Kyzylorda-news.kz</a> Қызылорда облысында көлеңкелі экономикаға қарсы күрес бағытындағы іс-қимылдар жүйелі түрде жүргізілуде. Экономикалық тергеп-тексеру департаменті 7 ай ішінде бірқатар құқықбұзушылықтың жолын кесіп, мемлекет қаржысына жасалған қол сұғушылықтарға дер кезінде тосқауыл қойған. Бұл туралы бүгін Өңірлік коммуникациялар қызметінің ақпарат алаңында облыстық экономикалық тергеп-тексеру департаментінің басшысы Аслан &nbsp;Кеңес мәлімдеді.&nbsp;<blockquote>- Қоғам мен мемлекет мүддесіне қарсы бағытталған көлеңкелі экономиканың жолын кесу және экономикалық қауіпсіздікті нығайту - біздің басты міндетіміз. Осы бағытта Қызылорда облысы бойынша экономикалық тергеп-тексеру департаменті тарапынан жүйелі жұмыстар атқарылып келеді. Біз тек заң бұзушылықтарды анықтап қана қоймай, олардың алдын алу және себептерін жою арқылы қатердің тамырын кесуге баса мән береміз. Себебі бұл салдармен емес, түпкі себеппен күресудің ең тиімді жолы. Өкінішке қарай, соңғы уақытта кейбір азаматтар оңай табысқа қызығып, заңсыз әрекеттерге барып, ел экономикасына елеулі залал келтіруде. Өз кезегінде бұл қарапайым құқықбұзушылық емес, мемлекеттің дамуына, болашағына төнген үлкен қауіп болып отыр. Жыл басынан бері көлеңкелі экономика, жалған кәсіпкерлік, бюджет қаржысын жымқыру фактілері бойынша ондаған қылмыстық іс тіркелді. Мемлекеттің мүлкі мен қаржысына қол сұғушылыққа дер кезінде тосқауыл қойылды. Сонымен қатар, біз тек тергеу шараларымен шектелмей, құқықбұзушылықтардың алдын алу бағытында да нақты жұмыстар атқарудамыз,-деді Аслан Кеңесұлы.&nbsp;</blockquote>Сондай-ақ экономикалық құқықбұзушылықтардың алдын алу және тергеп-тексеру бағытында атқарылып жатқан жұмыстар жайында облыстық экономикалық тергеп-тексеру департаментінің тергеу басқармасының басшысы Медет Таубай мен ұйымдастыру-бақылау басқармасының аса маңызды істер жөніндегі тергеушісі Майра Оралбаева кеңінен тоқталды.<blockquote>- Жыл басынан бері департаменттің өндірісінде барлығы 37 қылмыстық іс тіркелді. Осы кезеңде 29 іс аяқталып, жалпы іс санының 79 пайызын құрады. Бұл өткен жылдың сәйкес кезеңімен салыстырғанда айтарлықтай жоғары көрсеткіш болып табылады. Аяқталған істер аясында мемлекетке келтірілген залал көлемі елеулі деңгейде өндірілді. Басым бағыттардың бірі - қаржы пирамидалары мен салықтық алаяқтықтың жолын кесу. «Warner Bros», «Qnet», «HRT», «Fashion Star», «Rain BNB», «Асар баспана» секілді жобалар бойынша істер қозғалып, олардың қызметі тоқтатылды. «Qnet» ісі бойынша мүлік тәркіленіп, жәбірленушілердің құқықтары қорғалды. Сонымен қатар, «Даму бала» бағдарламасына байланысты бірқатар істер сотқа жолданды. Біз тек қана тергеумен шектелмей, алдын алу мен түсіндіру жұмыстарын да жүйелі түрде жүргізіп келеміз. Экономикалық тұрақтылықты қамтамасыз ету - баршамыздың ортақ міндетіміз,-деді Медеу Дулатұлы.&nbsp;</blockquote>&nbsp;<blockquote>- Қызылорда облысы бойынша экономикалық тергеп-тексеру департаменті алаяқтық схемаларға, оның ішінде қаржылық пирамидалар мен интернет алаяқтыққа қарсы алдын алу шараларын жүйелі түрде жүргізіп келеді. Жыл басында қаржылық мониторинг агенттігімен бірлесіп, Қызылорда қаласының мектеп оқушылары арасында қаржылық сауаттылықты арттыру мақсатында «PHYGITAL» сайысы ұйымдастырылды. Бұл шараға 9-сынып оқушылары қатысты, жеңімпаздар арнайы сертификаттармен марапатталды. Департамент қызметкерлері қаржылық пирамидалар мен интернет алаяқтыққа қатысты түсіндіру жұмыстарын белсенді жүргізіп, зейнеткерлер, мұғалімдер мен медицина қызметкерлерімен арнайы кездесулер ұйымдастырды. Қаладағы ірі мекемелерде қызметкерлерге ақпараттық кездесулер мен бейнероликтер көрсетілді. Сонымен бірге, Қорқыт Ата университетімен бірлесіп жастар волонтерлік қозғалысы құрылып, интернет алаяқтыққа қатысты 2 913 сайт бұғатталды. Департаментпен «Заң мен тәртіп» тақырыбында үш университет пен сегіз колледжде 3 600 студентке 31 лекция оқылды. Алдағы уақытта бұл іс-шаралар облыстың аудандарында да жалғасын табады. Бұл жұмыстар &nbsp;азаматтардың қаржылық сауаттылығын арттырып, экономикалық қауіпсіздікті нығайтуға бағытталған маңызды қадамдарымыздың бірі,- деді Майра Тұрлыбекқызы.</blockquote>

Көлеңкелі экономика мен алаяқтыққа қарсы жүйелі күрес жүргізілуде

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев «Қазақстан халқына» ҚҚ Басқарма төрайымы Ләззат Шыңғысбаевамен кездесті. Кездесуде қор демеушілігімен жүзеге асқан қайырымдылық бағдарламалары мен жобалардың нәтижелері туралы айтылды. Ұсыныстар мен алдағы жоспарлар талқыланды.«Қазақстан халқына» қоры аймақта 10,1 млрд теңгенің әлеуметтік жобаларын жүзеге асыруда. Оның 4,8 млрд теңгесі денсаулық сақтау, 2,7 млрд теңгесі білім беру және 2,6 млрд теңгесі спорт саласына бағытталған.2022 жылы облыстық көпбейінді балалар ауруханасы базасында, былтыр Жаңақорған ауданында «Қамқорлық» балаларды оңалту орталықтары ашылып, 3500-ден астам бала оңалтудан өтті. Орфандық дертке шалдыққан 20 науқас 2,4 млрд теңгеге, онкологиялық және онкогематологиялық аурулармен ауыратын 26 науқас 466,2 млн теңгеге дәрі-дәрмекпен қамтылды. Қан тамыры патологиясы бар 4 бала 640 мың теңгеге ем алды. Онкологиялық скрининг жүргізуге арналған екі жылжымалы медициналық кешен 1,1 млрд теңгеге сатып алынып, 6 мыңнан астам тұрғын тексеруден өтті. Балалар нейрохирургиясын дамыту үшін 92,2 млн теңгеге құрал-жабдықтар әкелінді. Сонымен қатар, генетик пен УДЗ маманы шетелде оқытылып, 4,19 млн теңгеге трансплант-үйлестіруші даярланды. Көз қабығын трансплантациялаудың 171 отасы жасалып, облыс бойынша 5 науқасқа 6 млн теңгеден көмек көрсетілді. Жаңақорғандағы оңалту орталығы 562 млн теңгеге медициналық жабдықтармен жарақталды. Биыл облыстық балалар ауруханасы жанынан Ерте араласу орталығы ашылып, оны жабдықтауға 69,7 млн теңге бөлінді. Байқоңыр қаласында да балаларға арналған оңалту орталығын іске қосу көзделуде.2022–2024 жылдары аудан орталықтарындағы 6 тірек мектептің әрқайсысына 250 млн теңгеден, жалпы 1,5 млрд теңге бөлініп, пән кабинеттері, спорт зал, асхана, акт залы жаңғыртылды. Биыл Сырдария ауданындағы №36 және Байқоңыр қаласындағы №277 мектептердің материалдық-техникалық базасын нығайтуға 500 млн теңге бөлінді. Ерекше білім беруді қажет ететін балаларға арналған №5, 6, 7 интернаттардың инфрақұрылымын жақсартуға 99,5 млн теңге жұмсалды. 2023 жылы «Болашақ инженерлер» жобасы аясында 9 мектеп робототехника құралдарымен қамтамасыз етіліп, оған 32,4 млн теңге бағытталды. Сонымен қатар, 2023–2024 оқу жылында 68 студенттің оқуына 365,2 млн теңге, ал 2030 баланың жазғы лагерьлерде тынығуына 217,1 млн теңге бөлінді.Қармақшы және Сырдария аудандарындағы балалар мен жасөспірімдерге арналған спорт залдарына 17,5 млн теңгеге жабдықтар жеткізілді. Шиелі ауданының Досбол датқа ауылында салынған спорт кешені осы жылдың ақпанында пайдалануға берілді.Кездесуде Ләззат Шыңғысбаева «Қазақстан халқына» қоғамдық қоры мен Қызылорда облысы арасындағы жолға қойылған тұрақты әріптестік байланыс одан әрі жалғасатынын жеткізді.

Әлеуметтік серіктестік нәтижесі: Қор көмегімен маңызды жобалар іске асты

<a href="https://kyzylorda-news.kz/">Kyzylorda-news.kz</a> Өрт, су басу, жер сілкінісі, дауыл — мұның бәрі мүлік пен денсаулыққа үлкен зиян келтіруі мүмкін. Егер сіз салыстырмалы түрде тыныш аймақта тұратын болсаңыз да, күтпеген оқиғалардан ешкім сақтана алмайды: мысалы, жоғарыда тұратын көршілерден су кету, газдың жарылуы немесе электр көздерінен болатын қатерлер. Fingramota.kz нелерді сақтандыруға болатынын және оны қалай дұрыс жасау керектігін айтып береді.&nbsp;Сақтандыру не береді?&nbsp;Сақтандыру полисі — бұл сіздің қаржылық қауіпсіздік жастығыңыз. Ол проблеманың өзін жоққа шығармайды, бірақ оның орнын аз шығынмен толтыруға көмектеседі. Сіз мүлкіңізді, денсаулығыңызды немесе өміріңізді сақтандырған кезде, шын мәнісінде, сақтандыру компаниясымен келісесіз: егер келеңсіз оқиға орын алса, сіз қиын кезеңде қол ұшын беретін өтемақы аласыз.Көпшілік әлі де сақтандыруды артық ақша жұмсау деп санайды, әсіресе, «ешқашан ештеңе болмаған» кезде. Бірақ өмір көрсеткендей, төтенше жағдайлар күтпеген жерден болады және одан кейін қалпына келтіру сақтандыру жарнасымен салыстырғанда бірнеше есе қымбатқа түседі.Ең бірінші кезекте, жылжымайтын мүлікті сақтандыруға болады — бұл пәтер, жеке үй, саяжай, тіпті жер учаскесінде әлі меншікке ресімделмеген құрылыс болуы мүмкін. Полисте құрылыстың нақты мекенжайы мен түрі, сондай-ақ оның техникалық сипаттамалары көрсетіледі. &nbsp;Сақтандыру құрылымның өзін, сондай-ақ оның әрлеуін, ішкі коммуникацияларды, мысалы, жылыту жүйесі немесе электрмен жабдықтауды қамтуы мүмкін.&nbsp;Сондай-ақ, тұрғын үйдің ішіндегі жылжымалы мүлік те сақтандырылады. Бұл жиһаз, тұрмыстық техника, электроника, киім, интерьер заттары, яғни өрт, су басу немесе ұрлық салдарынан зақымдалуы немесе жойылуы мүмкін кез келген зат. Кейбір сақтандыру компаниялары ерекше құнды заттарды бөлек көрсетуге мүмкіндік береді: мысалы, антиквариат, қымбат техника немесе зергерлік бұйымдар.Тұрғын үй мен заттардан басқа, сіз өзіңіздің және жақындарыңыздың өмірі мен денсаулығын сақтандыра аласыз. Мұндай полис апат кезінде жарақаттанудан, мүгедектіктен немесе өлімнен қорғайды. Егер сіз отбасындағы жалғыз асыраушы болсаңыз немесе басқа адамдар алдында қаржылық міндеттемелеріңіз болса, бұл өте маңызды.Азаматтық жауапкершілікті сақтандыру да бар. Мәселен, сіздің пәтеріңізде өрт болды делік және өрт көршілерге тарады. Егер сізде осындай полис ресімделген болса, сақтандыру компаниясы сіздің залалыңызды ғана емес, зардап шеккен үшінші адамдарға өтемақы төлеу шығындарын жабады.Сақтандыру полисін қалай таңдауға болады: неге назар аудару қажет&nbsp;Сақтандыруды таңдауға саналы түрде қарау керек. Полиспен қандай тәуекелдер қамтылатынын түсіну маңызды. Табиғи апаттардың барлығы қосылмайды: мысалы, жер сілкінісі немесе көшкін құлау көбінесе қосымша төлеммен қосылады. Шартқа қол қоймас бұрын, онда сізге қажетті тәуекел түрлерінің анық көрсететілгеніне көз жеткізіңіз — өрт, жарылыс, су басу, ұрлық, ағаштардың немесе құрылымдардың құлауы.Негізгі өлшемдердің бірі - сақтандыру сомасы. Бұл сақтандыру оқиғасы туындаған жағдайда мүмкін болатын ең жоғары төлем. Ол сіз сақтандыратын мүліктің немесе өмірдің нақты нарықтық құнына сәйкес келуі тиіс. Соманы жете бағаламау апат болған жағдайда, сіз қажетті өтемақының бір бөлігін ғана алуыңыз ықтимал.Сондай-ақ шарттар мен ықтимал ерекшеліктерді ескеру маңызды. Мысалы, егер өрт үтікті өшірмеуіңіз немесе қауіпсіздік техникасын бұзуыңыз салдарынан &nbsp;болса, сақтандыру компаниясы төлем жасаудан бас тартуы мүмкін. Әдейі келтірілген зиянға қатысты немесе егер апат жарнаны кешіктіру кезінде орын алса, сол уақытта да төлем жасалмайды.Кейбір полистерге франшиза ұғымы кіреді — бұл сақтандыру оқиғасы басталған кезде өзіңіз төлейтін сома. Ол тұрақты немесе шығынға қатысты пайызбен болуы мүмкін. Франшизаның болуы полис құнын төмендетуге мүмкіндік береді, бірақ оны мардымсыз зиян келтірген жағдайда тиімсіз етеді.Төтенше жағдай орын алса не істеу қажет?Төтенше жағдай орын алғанда, бірінші және ең бастысы — сабырлық пен қауіпсіздік сақтау. Өрт немесе жарылыс қаупі туындаған жағдайда — үй-жайдан шығып, тиісті қызмет органдарын шақырыңыз. Егер мүлікке зиян келтірілсе, оның салдарын тіркеп, жазып алыңыз: суретке түсіріңіз, куәгерлердің айғақтарын жинаңыз, ТЖМ немесе полицияның актілері мен хаттамаларын сақтаңыз.Содан кейін қысқа мерзімде — әдетте 1-3 күн ішінде — сақтандыру компаниясына сақтандыру оқиғаның басталғаны туралы хабарлау қажет. Мұны телефон, сайт немесе мобильді қосымша арқылы жасауға болады. Сізге қандай құжаттарды ұсыну керектігі туралы хабарланады: әдетте бұл өтініш, төлқұжаттың көшірмесі, мүлікке құқық белгілейтін құжаттар, мемлекеттік қызметтердің актісі және залалды растау.Сақтандыру компаниясы зақымдануды тексеретін және сараптамалық қорытынды жасайтын бағалаушыны жібереді. Осыдан кейін, сақтандыру оқиғасы расталған кезде сізге сома төленеді немесе жөндеу (шарт талаптарына байланысты) ұсынылады.Fingramota.kz-тен кеңестер<ul><li style="text-align:justify;">Полисті сатып алмас бұрын талаптарды мұқият зерделеңіз. Агентке сұрақтар қоюдан тартынбаңыз.</li><li style="text-align:justify;">Барлық сақтандыру құжаттарының көшірмелерін қауіпсіз жерде немесе «бұлтта» сақтаңыз.</li><li style="text-align:justify;">Сақтандыру сомасы нақты құнға сәйкес келуі үшін мүлікті бағалауды үнемі жаңартып отырыңыз.</li><li style="text-align:justify;">Сақтандыруды ресімдеуді кейінге қалдырмаңыз — төтенше жағдай &nbsp;үнемі аяқ астынан болады.</li><li style="text-align:justify;">Өзіңізді және мүлкіңізді қорғаңыз және Fingramota.kz-пен бірге қаржылық сауаттылығыңызды арттырыңыз</li></ul><img src="https://knadmin.beoblood.kz/uploads/Fingramota_t_tenshe_apattar_2_28440009ea.jpeg" alt="Финграмота төтенше апаттар 2.jpeg">Өзіңізді және мүлкіңізді қорғаңыз және Fingramota.kz-пен бірге қаржылық сауаттылығыңызды арттырыңызФото: Fingramota.kz

Төтенше жағдайлар мен апаттардан сақтандыру не үшін қажет? 

<a href="https://kyzylorda-news.kz/">Kyzylorda-news.kz</a> Ғылым және жоғары білім министрлігі 2025-2026 оқу жылына арналған мемлекеттік білім беру гранттарының иегерлері анықталғанын мәлімдеді.ҚР Президенті Қасым-Жомарт Тоқаевтың тапсырмасына сәйкес, экономиканың басым салалары үшін жоғары білікті кадрларды даярлау мақсатында гранттардың 60 пайызы инженерлік және техникалық бағыттарға бөлінді.Биылғы конкурсқа 113 мыңға жуық өтініш келіп түскен. Бұл көрсеткіш өткен жылмен салыстырғанда 9 мыңға артық. Мемлекеттік білім беру тапсырысы 99 пайызға игерілді.«Серпін» бағдарламасы аясында халық тығыз қоныстанған өңірлерден шыққан 2 мыңнан астам жас солтүстік, шығыс және орталық өңірлердегі жетекші жоғары оқу орындарына оқуға түсті.Сонымен қатар, әлеуметтік осал топтарға жататын балалар үшін заңнамада көзделген квоталар сақталды. Ал халықаралық олимпиадалар мен спорттық жарыстардың жеңімпаздарына конкурссыз гранттар тағайындалды.Министрлік жоғары білімнің қолжетімділігін арттыру мақсатында қосымша тетіктерді де іске қосты. Атап айтқанда, Мемлекет басшысының тапсырмасымен 5 жасқа толған балаға есепшот ашу кезінде бастапқы білім беру капиталы төленетін «Келешек» жинақтау жүйесі енгізілді. Бұл жүйе мемлекеттік сыйақыны, банктер мен сақтандыру ұйымдарының да сыйақысын алуға мүмкіндік береді. Сондай-ақ жинақталған қаражатты «Ұлттық қор – балаларға» жобасымен біріктіру мүмкіндігі бар.2024 жылы алғаш рет шығынның бір бөлігін жабатын сараланған гранттар бөлініп, қалғанын үміткер өз қаражаты немесе оқу несиесі арқылы өтейді. 2025 жылы мұндай гранттар саны 300 болады. Байқау қыркүйек айында өтеді.Бұған қоса, биыл алғаш рет мерзімді әскери қызметін өткеріп жатқан азаматтарға 2 010 грант бөлінді. Бұл шара олардың әлеуметтік бейімделуін қамтамасыз етіп, жоғары білім алуға жол ашады.Грант иегерлерінің толық тізімі ҚР Ғылым және жоғары білім министрлігінің сайтында, Telegram-арналарында, сондай-ақ Ұлттық тестілеу орталығының сайтында&nbsp;қолжетімді.Грант туралы куәлік үш жұмыс күні ішінде https://grant.testcenter.kz сайтында беріледі.Құжаттарды жоғары оқу орындарына тапсыру 25 тамызға дейін жүргізіледі.Фото: freepik.com

Мемлекеттік грант иегерлерінің тізімі жарияланды

<a href="https://kyzylorda-news.kz/">Kyzylorda-news.kz</a> Қаланың эстетикасы мен тазалығын сақтау үшін әрбір тұрғын өз үлесін қосуы керек. Әсіресе, қоқыс тастау, заңсыз жарнамалар ілу немесе қоғамдық орындарды ластау сияқты әрекеттер қала бейнесін бұзып, тұрғындардың денсаулығына да зиян тигізуі мүмкін.Тазалық пен тәртіптің сақталуы - тек қала әкімдігінің емес, әрбір тұрғынның міндеті! Қаланы таза ұстау мен оны абаттандыруға кез келген қала тұрғыны үлес қоса алады.&nbsp;Сондықтан қала әкімдігі жанындағы мобильді топ барлық тұрғындар мен кәсіпкерлердің жер учаскелері мен нысандардың айналасын таза ұстауын қадағалау бойынша рейд жүргізуде.&nbsp;Анықталғандай, қала көшелерінде, тұрғын үй, нысан жанына құрылыс материалдары мен қоқыстарды тастаған тұлғаларға әкімшілік хаттамалар толтырып, айыппұлдар салуда.Бұған қатысты, Қызылорда облысы мәслихатының 2024 жылғы 25 шілдедегі №112 қаулысына сәйкес, барлық жеке және заңды тұлғалар үшін облыс аумағында абаттандыру қағидалары бекітілген. ҚР Әкімшілік құқық бұзушылық туралы кодексінің 505-бабына сәйкес, тазалық талаптарын сақтамаған азаматтарға ескерту немесе айыппұл қарастырылған.Қағида талаптарына сәйкес әрбір тұрғын немесе кәсіпкер өз үйі мен нысанына іргелес аумақтың (үй алдындағы тротуар, жол жиегі, гүлзар, қоршау маңы) тазалығын қамтамасыз етуге, аумақтарда қоқыс тастауға, құрылыс қалдықтарын жинауға немесе санитарлық нормаларды бұзуға қатаң тыйым салынады.Анығын айтқанда, төмендегідей әрекеттер қала көркін бұзу ретінде қарастырылады:* Қоқыс тастау, қоқыс жинаудың дұрыс орындарын пайдаланбау.* Қоғамдық орындарда темекі шегу немесе басқа да ластау әрекеттері.* Заңсыз жарнамалар ілу, көше саудасын жасау.* Қала аумағында көлік қою ережелерін бұзу.Қала - біздің ортақ үйіміз. Оны сақтап, таза ұстап, көркем етіп көрсету - барлығымыздың парызымыз! Қаладағы тазалықты сақтау үшін қатаң шаралар қажет.

Санитарлық талаптарды бұзғандарға айыппұл салынуда!	

Қызылөзек ауылдық округінің әкімі Сәкен Әбдіжаппар бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.<blockquote>– Қызылөзек ауылдық округіндегі «Қожақ» автомобиль көпірі өткен ғасырдың алпысыншы жылдары салынып, бүгінде тозығы жеткен, қатынасқа қауіпті нысанның біріне айналған еді. Тұрғындар осы көпірге күрделі жөндеу жүргізуді талай рет айтып, мәселе көтерген болатын. Ел сөзі елеусіз қалмай, оның жөндеу жұмыстарына 292 млн. теңге қаражат бөлінді. Қазір мердігер "N Строй Сервис" ЖШС-гі өткелдің құрылысын жоспарға сай жүргізуде, – деді ауылдық округ әкімі Сәкен Нысанұлы.</blockquote>Ауылда 2024 жылдан бастап 2025 жылға өтпелі кезеңмен жүзеге асырылып жатқан жобалардың бірі, ауыл тұрғындарының ең өзекті болып келген мәселесі – электр желілерін қайта жаңғырту. Бұл жоба аясында ауылдық округке қарасты 3 елдімекенге ВЛ-10 кВ электр бағаналары орнатылып, заманауи СИП электр желісі жүргізілуде. Бұдан бөлек, биыл 4 көшеге (Ж.Жабаев, Д.Сариев, Ж.Жабағиев тұйығы мен Айнакөл-1 көшесі) асфальт жол төселіп, Қорқыт Ата көшесіне түнгі жарық бағаналары орнатылды. Алдағы уақытта Ж.Жабағыұлы көшесіне орташа жөндеу жұмыстарымен қатар, Қараөзек бекетінде балалар ойын алаңы салынады деп жоспарлануда.Өткен жылы ауылды газдандыру бағытындағы жұмыстар да бастау алды. «Дос Строй Проект» ЖШС мекемесі газдандыру жұмысының жоба-сметалық құжаттарын әзірлеп, қазіргі таңда жоба мемлекеттік сараптамадан өткізілуде. Мемлекеттік сараптама қорытындысы алынған соң, жобаны қаржыландыру жөнінде республикалық бюджетке ұсыным беріледі.<blockquote>– Ауылдық округте 197 кәсіпкерлік нысан жұмыс істейді. Мемлекеттік бағдарламаларға жүгінген 5 ауыл тұрғыны 25 млн. 145 мың теңге қаражатқа қол жеткізіп, өз жобаларын жүзеге асыруда. Оның ішінде, 2 азаматтың жылқы малын өсіру жобасы қолдау тауып, «Ауыл шаруашылығын қаржылай қолдау қоры» арқылы 20 млн. теңге несиеге қол жеткізді. 2 ауыл тұрғыны – 3 млн. 145 мың теңге қайтарымсыз грантқа ие болып, өз кәсіптерін бастады. Ал, «Ауыл аманаты» жобасы аясында 2 млн. теңгені құрайтын 1 жоба қаржыландырылды, – деп қорытындылады ауыл әкімі.</blockquote>

Қызылөзек ауылдық округі: І жартыжылдықта атқарылған жұмыстар пысықталды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев «BI-Holding» ЖШС директорлар кеңесінің мүшесі Бауыржан Исабаевпен кездесті. Онда атқарылған жұмыстар мен алдағы жоспарлар талқыланды.Аймақ басшысы «BI-Holding» ЖШС атқарған жұмыстарға алғысын білдірді.Еске салайық, мердігер компания Қызылорда қалалық мәдени және демалыс паркін қайта жаңғыртудан өткізіп, "Сыр жұлдыздары" шығармашылық-инновациялық орталығын салды. Президент саябағын қайта жаңғырту жобасына түзетулер енгізіліп, оған 300 орындық балалар лагері және қысқы бақ қосылды. Қазіргі таңда осы жобалар шеңберінде бірлесіп жұмыс атқарылуда.Аймақ басшысының қолдауымен қайта жаңғыртылған парк кіреберісіне жаңадан арка орнатылды. Қоршауы толықтай жаңартылды. Келушілердің жас ерекшеліктеріне сәйкес 20-ға жуық аттракцион, кафе орналастырылатын және балалар ойын алаңдары қарастырылған. Ашық аспан астында концерттік бағдарлама қоюға 100 адамдық амфитеатр сахнасымен бірге салынған.Шығармашылық-инновациялық орталық 500 орынға арналған. Оның ішінде 68 орындық 2 бассейн, топтық жаттығу бөлмесі, фитнес, үстел ойындары кабинеті, 2 жекпе-жек, 4 үстел теннисі залы, әр залда ұлдар және қыздардың киім ауыстыру бөлмесі бар. Көркемдік- эстетикалық бағытты таңдаушыларға балалар шығармашылық шеберханасы, сәндік-қолданбалы өнер, дыбыс жазу, робот жасау және жасанды интеллект, 3Д модельдеу, КИП және автоматтандыру, киберспорт және математика кабинеттері, биотехникалық лаборатория қызмет көрсетеді.Президент саябағында бой көтеретін «BOTANICUM» ботаникалық білім беру орталығы аумағын заманауи стандарттарға сай абаттандыру және көгалдандыру жоспарланған.300 орындық балалар лагеріне 6 гектар жер учаскесі белгіленген.Бұл жерде спорт блогы, іс-шараларға арналған event-аймақ, 4 тұрғын аумақ, қонақ үй үлгісіндегі шағын ғимарат, 5 дәстүрлі үлгідегі киіз үй, ашық бассейн, стадион, футбол алаңы, сахна және басқа да демалыс орындары мен техникалық құрылыс нысандары салынады.Фото: Қызылорда облысы әкімінің баспасөз қызметі

Алдағы жұмыс бағыты талқыланды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимов Жалағаш теміржол вокзалының құрылыс жұмыстарымен танысты. Мемлекет басшысының, Үкімет пен облыс әкімінің қолдауымен ауданда заманауи үлгідегі теміржол вокзалы қайта жаңғыртылуда.Аудан аумағынан 47,0 шақырым темір жол өтеді. Темір жол бойында 3 станция және 3 разъезд орналасқан. Жалағаш станциясы арқылы 6 жолаушылар пойызы өтеді (Алматы-1 – Ақтөбе, Ақтөбе – Алматы-1, Алматы-2 – Маңғыстау, Маңғыстау – Алматы-2, Қызылорда – Павлодар, Павлодар – Қызылорда).Бүгінде теміржол вокзалы ғимаратының құрылыс жұмыстары басталды. Қазіргі уақытта ескі нысанды бұзу (демонтаж), жаңа ғимараттың іргетасын қалау жұмыстары жүргізілуде.&nbsp;Жоба аясында жаңа үлгідегі вокзал ғимараты, перронды абаттандыру және жарықтандыру жұмыстары қарастырылған. Құрылыс жұмыстарын желтоқсан айына дейін аяқтау жоспарланып отыр.Аудан әкімі құрылыс жұмыстарының сапалы әрі белгіленген мерзімде аяқталуын, сондай-ақ жолаушыларға жайлы әрі заманауи талаптарға сай келетін вокзал ғимаратын ел игілігіне уақытылы пайдалануға беруді тапсырды.

Жалағашта теміржол вокзалы жаңғыртылуда

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев &nbsp;Сыр еліне жұмыс сапарымен келген «Orient Ceramic» компаниясы директорының өндіріс жөніндегі орынбасары Азизбек Жилоновпен кездесті.<blockquote>«Биыл сәуір айында Ташкент қаласында Қызылорда облысының әкімдігі мен «Orient Ceramic» компаниясы арасында өзара ынтымақтастық туралы меморандумға қол қойылған болатын. Бұл компания – Орталық Азиядағы керамикалық плитка өндіретін жетекші кәсіпорындардың бірі. Белгілі болғандай, осыған ұқсас жобаны біздің өңірде іске асыру мүмкіндігін қарастырудасыздар. Қызылорда облысының әкімдігі зауыт құрылысының барлық кезеңінде қолдау көрсетуге дайын. Кеше Индустриялық аймаққа барып, бірқатар инвестициялық жобамен таныстыңыз, олардың қатарында қытайлық инвесторлармен бірлесіп іске асырылған шыны зауыты және кірпіш өндіретін зауыт бар. Биыл бұл жерде айна өндіру зауыты іске қосылады, жылына 220 миллион бөтелке шығаратын зауыттың құрылысы басталады. &nbsp;Испаниялық «Roca Group» компаниясымен бірлесіп санитарлық-техникалық бұйымдар өндіру жобасы жүзеге асады. Биыл облыс аумағында жалпы құны 1 млрд АҚШ доллары болатын 14 жобаның құрылысы қолға алынады. Олар - &nbsp;кальцийленген сода өндіретін зауыт, «Шалқия» кен &nbsp;байыту фабрикасы, көкөніс-жеміс сақтау және алма шырынын өндіру кешені, бес жұлдызды «Rixos» қонақ үйі, оңтүстіккореялық «With You» компаниясының қатты тұрмыстық қалдықтарды қайта өңдеу зауыты. Осы жылы түркиялық инвестор «Aksa Energy» компаниясы салған ЖЭО іске қосылады. Катарлық инвестормен бірлескен қуаттылығы 1100 мегаватт болатын бу-газ қондырғысының құрылысы басталады. Көріп отырғаныңыздай, өңірде ірі инвестициялық жобаларды іске асыруға қажетті қуатты энергетикалық база қалыптасуда. Біз Индустриялық аймақтан жер телімін беру, түрлі жеңілдіктер көзделген инвестициялық келісімшарт жасау, сондай-ақ жобаны іске қосу үшін қаржы институттарымен (ҚР Даму Банкі АҚ) &nbsp;жұмыс істеуге қолдау көрсетуге дайынбыз», - деді Н.Нәлібаев.</blockquote>Азизбек Жилонов та ауқымды жобаларды бірлесіп жүзеге асыруға дайын екенін айтып, көрсетілген құрметке алғысын жеткізді.Өңірде шикізат қоры жеткілікті, кварц құмы, әк және саз балшық бар, ал шыны зауытында далалық шпат өңделеді. Қызылорда облысы бүгінде қарқынды құрылыс алаңына айналды.Тек өткен жылы ғана жалпы құны 242 млн АҚШ долларын құрайтын 197 нысанның құрылысы салынды. Олардың қатарында мектептер, медициналық мекемелер, балабақшалар, мәдениет орталықтары және жеке тұрғын үйлер бар. Биыл 870 мың шаршы метр тұрғын үй пайдалануға беріледі деп жоспарлануда.Керамикалық бұйымдарға деген сұраныс өте жоғары, өткізу нарығы кең. Облыстың «Батыс Еуропа – Батыс Қытай» халықаралық көлік дәлізі бойында орналасуы дайын өнімді Ресей нарығына экспорттауға зор мүмкіндік береді.

Облыс әкімі «ORIENT CERAMIC» компаниясының өкілдерімен кездесті

<a href="https://kyzylorda-news.kz/">Kyzylorda-news.kz</a> Қазақстан Республикасының білім беру мекемелерінде аймақтың әлеуметтік-экономикалық дамуын айқындайтын өңірге қажетті мамандықтар бойынша (еңбек ресурстар балансына сәйкес) әлеуметтік тұрғыдан халықтың осал топтарынан шыққан мектеп бітірушілеріне облыс әкімінің 42 гранты бөлінді.&nbsp;Оның ішінде, Қызылорда қаласы және қалаға қарасты кенттер мен ауылдық округтердегі орта мектеп бітірушілеріне техникалық, ауыл шаруашылығы, агрономия, қызмет көрсету, энергетика, құрылыс салалары бойынша бакалавр академиялық дәрежесінде мамандарды дайындауға 34 грант, &nbsp;жалпы медицинаға 8 грант бөлінді.Қазіргі таңда қала бойынша үміткерлерден құжаттар қабылдау жұмыстары &nbsp;қаладағы М.Әуезов көшесі № 2а ғимаратта орналасқан Қызылорда қалалық жұмыспен қамту және әлеуметтік бағдарламалар бөлімі арқылы 2025 жылдың &nbsp;5-15 тамызы аралығында жүргізілетіндігін хабарлаймыз.Бөлімге келіп толық ақпарат алуға болады. &nbsp;Байланыс телефондары: 40-04-81, 8 777 452 2611.

Қызылорда қаласы бойынша облыс әкімінің гранты бөлінді

<a href="https://kyzylorda-news.kz/">Kyzylorda-news.kz</a> «AMANAT» партиясы «Халықпен бірге!»,- деп аталатын 2023-2027 жылдарға арналған Сайлауалды бағдарламасында білім беру ұйымдарында оқушылар үшін қауіпсіз және қолайлы жағдайлар жасауды мақсат еткен болатын.&nbsp;Осы орайда бүгін партияның облыстық филиалының төрағасы Алмасбек Есмаханов және облыстық, қалалық партиялық бақылау комиссиясының мүшелері Қызылорда қаласындағы М.Дүйсенов атындағы №15 жалпы білім беретін мектеп-лицейінің күрделі жөндеу құрылысы жұмыстарына бақылау жасады.Білім ордасының іргетасы 1974 жылы қаланған. Мектептің жобалық қуаты 480 оқушыға арналған. Қазіргі таңда екі ауысымда 709 оқушы оқиды.Құрылысқа жауапты «N Строй Сервис» ЖШС өкілінің айтуынша жоба құны 126 406,2 млн теңге. Күрделі жөндеу жұмыстары мамыр айында басталған. Қаржының бөлінуі мен құрылыс материалдарынан еш кедергі жоқ. Жаңа оқу жылына яғни, тамыз айының 20 на дейін аяқтамақ.Қазіргі таңда білім ошағында жөндеу жұмыстарының 65 %-ы орындалған. Ғимараттың құрылысы жұмыстары бойынша демонтаждау жұмыстары аяқталған. Жаңартылған электр жүйелері толықтай жасалып, жылу, су құбырлары сонымен қатар ғимараттың ішкі жұмыстары яғни, қабырғаларды тегістеу, сырлау жұмыстары жүргізілуде.&nbsp;Күрделі жөндеу жұмыстарымен танысқан партияның облыстық филиалының төрағасы Алмасбек Есмаханов мердігерлерге құрылысты оқу жылына дейін сапалы бітіру қажеттігі жөнінде талап қойды.

Қазақстан және Қызылорда облысының жаңалықтары: Қоғам