<ul><li style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> &nbsp;2024 жылы халықты жұмыспен қамту мақсатында облыс әкімімен «2024 жылға арналған өңірлік жұмыспен қамту жол картасы» бекітілді. Аталған жол картасы аясында 46 475 жұмыс орнын ашу жоспарланса, нәтижесінде 49 307 жұмыс орны ашылып, жоспар 106,1 пайызға орындалды. Ашылған жұмыс орындарының 64,1 пайызы жаңа жұмыс орындарының үлесін құрайды. Бұл туралы Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік бағдарламалар басқармасының басшысы Ғабит Жаңабаев айтты.</li></ul><blockquote>– Өңірлік картаның әрбір бағыты бойынша бекітілген жоспар артығымен орындалды. Ұлттық жобалар аясында 3 458 жұмыс орны ашылып, жоспардың орындалуы 106,1 пайызды құраса, бос жұмыс орындары бағыты бойынша жоспар 116,6 пайызға жетті. Сондай-ақ, Президенттің тапсырмасына сәйкес «10 мың халыққа 100 жаңа жұмыс орнын құру» тапсырмасы шеңберінде 10 655 жұмыс орны құрылуы керек болса, 11 870 жұмыс орны құрылып, көрсеткіш 111,4 пайызға артығымен орындалды. Биыл да бұл бағыттағы жұмыстар жалғасын тауып, 44 000-нан астам жұмыс орындарын ашып, жұмыссыздық деңгейін 4,8 пайызға төмендетуді жоспарлап отырмыз. Айта кетейін, 2024 жылы аймақтағы 33 759 адамға атаулы әлеуметтік көмек төленсе, әлеуметтік қызметтер порталы арқылы 32 901 мүгедектігі бар адам оңалтудың жеке бағдарламасына сәйкес техникалық оңалту құралдарымен қамтамасыз етіліп отыр,- деді Ғабит Жұмабекұлы.</blockquote>&nbsp;

Басты мақсат – тұрғындарды жұмыспен қамту

<a href="https://kyzylorda-news.kz/">Kyzylorda-news.kz</a> Синоптиктер Қазақстан бойынша&nbsp;7, 8, 9 қаңтарға арналған ауа райы болжамын жариялады. Бұл туралы <a href="https://stan.kz/kalin-kar-zhauadi-sinoptikter-elimiz-boyinsha-aldagi-us-412105/">Stan.kz</a> ақпарат агенттігі хабарлайды.Болжамға сәйкес, 7 қаңтарда Қазақстанның басым бөлігінде Оңтүстік-Каспий циклоны әсерінен ылғалды ауа райы болжанды. Салдарынан елдің солтүстік-батысында, солтүстігінде, шығысында және орталығында боран болып, қалың қар жауады.Республиканың оңтүстік-батысында, оңтүстік және оңтүстік-шығыс өңірлерінде жауын-шашын (жаңбыр) болжанып отыр. Түркістан облысының таулы аудандарында қатты жауын-шашын болады.Ал 8 қаңтарға қараған түні Батыс антициклоны ауа температурасын күрт төмендетеді. Салдарынан түнде республиканың солтүстік жартысында 15-25 градус аязға дейін, оңтүстігінде 5 -15-ға дейін, Алматы облысы мен Жетісу облысының таулы аудандарында 20-25 градус аязға дейін болжанды.<blockquote>"Алайда 9 қаңтарда түстен кейін ауа температурасы қайтадан көтеріледі: республиканың солтүстік жартысында 0-5 градусқа дейін аяз, оңтүстікте 0-5 градусқа дейін жылы болады", – деді синоптиктер.</blockquote>Қазақстан бойынша желдің күшеюі, тұман мен көктайғақ болжанып отыр.Фото: Нұрболат Нұржаубай

"Қалың қар жауады": Синоптиктер еліміз бойынша алдағы үш күнге арналған ауа райы болжамын жариялады

<a href="https://kyzylorda-news.kz/">Kyzylorda-news.kz</a> Қызылорда облысы Өңірлік коммуникациялар қызметінде баспасөз-мәслихаты өткізілді.Өңірде жаңа жылдық мереке кезінде бірқатар мекемелер күшейтілген режимде жұмыс істеді. Бұл күндері аймақта 68 сәби дүниеге келді. Облыс бойынша 79 жедел жәрдем тобы жұмыс атқарды.<blockquote>– 2024 жылдың 31 желтоқсан мен 2025 жылдың 4 қаңтары аралығында өңірде жағдай қалыпты өтті. Департаменттің жауынгерлік есебінде 186 қызметкер, 55 бірлік техника, 2 тікұшақ пен 2 қайық және 1 кинологиялық есеп қызмет атқарды. Жалпы департамент мамандары 16 рет түрлі оқиға орындарына шығып, жұмыс атқарды. 4 техногенді сипаттағы төтенше жағдай тіркелді. Сондай-ақ, құлыпталып қалған пәтерлердің есіктерін ашқан құтқарушылар 8 адамды құтқарды. Облыс және аудан орталықтарында орналасқан жаңа жылдық шыршаларға кезекшілік ұйымдастырылды, нәтижесінде оқыс оқиғалар тіркелген жоқ,- деді облыстық ТЖД жоспарлау және жедел басқару орталығы өрт байланысы бекетінің бастығы Нұрболат Қиятов.</blockquote><blockquote>– «Жедел әрекет ету орталығы» екі функция бойынша жұмыс істейді. Оның бірі – «109 – Бірыңғай байланыс орталығы» болса, екіншісі – «112 – Бірыңғай кезекшілік-диспетчерлік қызметі». Осы қызмет түрлері бойынша барлығы 64 оператор жұмыс істеді. Мереке күндері «112»-құтқару қызметіне 1 451 хабарлама түссе, «109»-Бірыңғай байланыс орталығына 1675 өтінім келіп түсті,- деді Қызылорда облысы әкімі аппаратының «Жедел әрекет ету орталығы» КММ-нің директоры Темірхан Мұқанғали.</blockquote>Фото: Қызылорда облысы ТЖД

Мереке күндері қауіпсіздік қағидалары сақталды

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев елордадағы бірқатар нысанды аралап көрді. Президент ең алдымен Kazakhstan International School Astana (KIS Astana) мектебіне барды, деп хабарлайды Ақорданың баспасөз қызметі.20 мың шаршы метрден астам аумақта орналасқан білім беру мекемесі 800 оқушыға және мектеп жасына дейінгі 120 балаға есептелген. Мектеп халықаралық бакалавриат (IB) аккредитациясынан өткен. Бұл беделді бағдарлама үш бағытты қамтиды. Атап айтқанда, 5-тен 10 жасқа дейінгі балаларға арналған бастауыш (Primary Years Programme, PYP), 11-ден 16 жасқа дейінгі балаларға есептелген орта (Middle Years Programme, MYP) және 16-19 жас аралығындағы ересек оқушыларға бейімдеген дипломдық оқу бағдарламасы (Diploma Programme, IB) бар.<img src="https://syrboyi.kz/wp-content/uploads/2025/01/1974ea52-331f-489e-a1a0-d9b3c51f23d9.webp" alt="Мемлекет басшысы KIS Astana халықаралық мектебін аралап көрді" srcset="https://syrboyi.kz/wp-content/uploads/2025/01/1974ea52-331f-489e-a1a0-d9b3c51f23d9.webp 1200w, https://syrboyi.kz/wp-content/uploads/2025/01/1974ea52-331f-489e-a1a0-d9b3c51f23d9-768x480.webp 768w" sizes="(max-width: 1200px) 100vw, 1200px" width="1200" loading="lazy">Оқу кабинеттері әрбір оқушының алаңсыз білім алуына және қарым-қабілетін ашуына қолайлы жағдай жасайтын заманауи технологиялармен жабдықталған. Сонымен қатар мектепте футбол стадионы, теннис корты, шағын футбол алаңы және бассейн секілді спорт инфрақұрылымы қарастырылған.Мемлекет басшысы Қазақстанда білім беру деңгейін арттырудың маңызды екенін атап өтті. Әсіресе, жас буынның бәсекеге қабілетін шыңдауда әрі жан-жақты дамытуда осындай оқу орындары ерекше рөл атқаратынына назар аударды.Мемлекет басшысы республикалық басылымға сұхбат береді.Фото: Ақорда

Мемлекет басшысы KIS Astana халықаралық мектебін аралап көрді

<a href="https://kyzylorda-news.kz/">Kyzylorda-news.kz</a> Жаппай көлік апатына ұшыраған көлік иелері қандай өтемақы ала алады. Бұл сұраққа «Евразия» сақтандыру компаниясының баспасөз қызметі жауап берді. Бұл туралы kaz.inform.kz хабарлады.<blockquote>–&nbsp;Жаппай жол-көлік оқиғасынан зардап шеккен жүргізушілер сақтандыру төлемін каско ерікті кешенді сақтандыру шарты бойынша немесе автокөлікті міндетті сақтандыру шеңберінде ала алады. Бүгінге дейін ірі көлік апатынан зардап шеккен үш көлік иесі «Евразия» сақтандыру компаниясына кешенді сақтандыру бағдарламасы бойынша төлем алу үшін жүгінді. Каско сақтандыру бағдарламасы аясында зақымданған көлік құралының жүргізушісі жол-көлік оқиғасына кінәлі немесе кінәсіз екеніне қарамастан, тіпті кейіннен кінәлі тұлға анықталмаған жағдайда да&nbsp;сақтандыру төлемін ала алады,&nbsp;– дейді компанияның баспасөз қызметі.</blockquote>Алайда міндетті сақтандыру арқылы өтемақы алатын адамдар мына жайды ескеруі керек болады.<blockquote>– Көлік құралын міндетті сақтандыру шеңберінде кінәлінің сақтандыру компаниясы жәбірленушіге заңда белгіленген шекті мөлшер — 2 мың АЕК немесе 7,864 млн теңгеге дейін өтемақы төлеп береді. Бұл сома кінәлі жүргізушінің әрекеті нәтижесінде зардап шеккендердің барлығына бөлінеді және барлық шығынды жаппауы мүмкін. Жәбірленушілер қалған соманы кінәлі азаматтан сот арқылы өндіре алады. Атап өтерлік жайт, жәбірленушілер саны және сұралатын қаржы көп болған жағдайда жеке тұлғадан толық соманы өндіріп алуы екіталай. Полиция барлық мән-жайды және жаппай көлік апатына себепкер болған жүргізушіні анықтауы керек. Егер кінәлі анықталмаса, кешенді сақтандыру полисі жоқ жүргізушілер көлікті өз қаражатына жөндетуге мәжбүр болады,&nbsp;– делінген хабарламада.</blockquote>Одан бөлек жаппай көлік апатына жауаапкершілік жолды күтіп ұстауға жауапты мекемеге де&nbsp;жүктелетін кез болады.<blockquote>–&nbsp;Жол қозғалысы заңнамасына сәйкес, жолдарды күтіп ұстауға жауапты ұйым қауіпсіздікті қамтамасыз етуге, оның ішінде көктайғаққа қарсы шараларды жасауға міндетті. Егер ұйым өз міндеттерін орындамағаны себепті жол-көлік оқиғасы болғаны анықталса, зардап шеккен көлік иелері топтық шағым түсіруге құқылы. Алайда бұл жағдайда кешенді сақтандыру бойынша сақтандыру төлемін алу кезіндегідей бәрі жеңіл болмайды. Жәбірленуші сот барысында көп уақытын және заңгер қызметіне қомақты қаражат жұмсауы керек болады,&nbsp;– делінген сақтандыру компаниясының түсіндірмесінде.</blockquote>«Евразия» СК&nbsp;статистикасына сәйкес, жол-көлік оқиғаларының 90%-ында екі көлік соқтығысқан болады. Қалған 10% жағдайда үш немесе одан да&nbsp;көп көлік апатқа ұшырағаны тіркеледі. Ал&nbsp;жаппай көлік апаты&nbsp;– сирек кездесетін жағдай.Естеріңізге сала кетейік, 3 қаңтарда Ақмола облысында Астана-Щучинск тас жолында 95 көлік жаппай жол апатына ұшырап, 20 адам медициналық көмекке жүгінген болатын.Фото: kaz.inform.kz

Жаппай жол апатына ұшыраған көлік иелеріне қандай өтемақы беріледі?

<a href="https://kyzylorda-news.kz/">Kyzylorda-news.kz</a> Мемлекет басшысының Жарлығымен Нұралхан Оралбайұлы Көшеров Түркістан облысының әкімі лауазымына тағайындалды, деп хабарлайды Ақорданың баспасөз қызметі.Н.Көшеров 1984 жылы дүниеге келген. 2005 жылы «Экономист» мамандығы бойынша М.Әуезов атындағы Оңтүстік Қазақстан мемлекеттік университетін бітірген. 2007 жылы Қазақ гуманитарлық заң университетін «Заңтану бакалавры» мамандығы бойынша, 2019 жылы Қазақстан Республикасы Президентінің жанындағы Мемлекеттік басқару академиясының магистратурасын бітірген.Еңбек жолын 2005 жылы бастаған. 2008 жылдан бастап 2015 жылға дейін мемлекеттік кірістер органдарында түрлі лауазымдарда жұмыс істеді. 2015-2018 жылдары Шымкент қаласы әкімінің орынбасары болды.2018 жылдан 2021 жылдың 29 қыркүйегіне дейін Шымкент қаласы бойынша Мемлекеттік кірістер департаментінің басшысы болып жұмыс істеді.2021 жылдың 30 қыркүйегінен бастап Атырау облысы бойынша Мемлекеттік кірістер департаментінің басшысы қызметін атқарды.Осыған дейін хабарлағанымыздай, Мемлекет басшысының Жарлығымен Дархан Амангелдіұлы Сатыбалды Қазақстан Республикасы Президентінің Әкімшілігі Басшысының бірінші орынбасары болып тағайындалды, ол бұрынғы атқарған лауазымынан&nbsp;босатылды.Фото: gov.kz

Түркістан облысының әкімі тағайындалды

<a href="https://kyzylorda-news.kz/">Kyzylorda-news.kz</a> Қызылордада құтқарушылар құрылыс алаңындағы шұңқырға абайсызда түсіп кеткен жасөспірімді құтқарды.Қызылорда облысы ТЖД хабарлауынша, оқиға Тәуелсіздік даңғылы бойында жүргізіліп жатқан құрылыс алаңында болған. Құтқарушылар шақырту орнына жедел жетіп тереңдігі 2,5 метрді құрайтын шұңқыр ішінен 14 жасар баланы алып шығып, жедел жәрдем қызметіне тапсырды.Қызылорда облысы ТЖД Жедел құтқару жасағы балаларды қараусыз қалдырмауды сұрайды.Фото: baq.kz

Құтқарушылар шұңқырға түсіп кеткен жасөспірімді құтқарды

<a href="https://kyzylorda-news.kz/">Kyzylorda-news.kz</a> Түркістан облысының әкімі Дархан Сатыбалды қызметтен босатылып, Президент әкімшілігі басшысының бірінші орынбасары болып тағайындалды. Дархан Сатыбалдының жаңа <a href="https://stan.kz/darhan-satibaldi-prezident-akimshiligi-basshisinin-biri-412076/">қызметке</a> ресми&nbsp;тағайындалғанын Ақорда хабарлады.<blockquote>"Мемлекет басшысының жарлығымен Дархан Амангелдіұлы Қазақстан Республикасы Президенті әкімшілігі басшысының бірінші орынбасары болып тағайындалды. Бұрын атқарған қызметінен босатылды", –&nbsp;делінген хабарламада.</blockquote>Дархан Сатыбалды 1974 жылы 26 наурызда дүниеге келген. Ол Сейфуллин атындағы Ақмола ауыл шаруашылығы институтын, Қазақ гуманитарлық-заң университетін бітірген. Экономист-менеджер, заңгер мамандығын меңгерген.&nbsp;Қызметінде Шымкент қаласының әкімі,&nbsp;Оңтүстік Қазақстан облысы әкімінің бірінші орынбасары,&nbsp;Шымкенттен Парламент Сенатының депутаты, Әлеуметтік-мәдени даму және ғылым жөніндегі тұрақты комитеттің мүшесі сынды бірнеше лауазымды атқарды.&nbsp;Фото:&nbsp;Gov.kz

Дархан Сатыбалды Президент әкімшілігі басшысының бірінші орынбасары болып тағайындалды

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаев Арал ауданына жұмыс сапары кезінде «Қамқорлық» оңалту орталығындағы құрылыс жұмыстарының барысымен танысты. Бұл орталық А.Байтұрсынов ауылдық емханасының жанында, «Қазақстан халқына» қорының қолдауымен қайта жаңғыртылуда. Құрылысты «Жылу-ХХІ» серіктестігі жүргізуде. Жалпы ауданы 1060,7 шаршы метрлік, екі қабатты ғимарат толық жөндеуден өтуде. Орталықта Арал және Қазалы аудандарындағы 2 мыңнан астам бала медициналық оңалтудан өтеді. Нысан биыл наурыз айында іске қосылады.Облыс әкімі жұмысқа қойылатын басты талап сапа мен мерзім екенін айтты. Жауапты басшылар жөндеу жұмыстарын үнемі тексеріп, кемшілікке жол бермеуі керек.Айта кетейік, Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында өңірімізде 27 нысан салынды. Бұдан бөлек, 4 көпбейінді аудандық орталық аурухана жанынан қосымша құрылыс салу жоспарланған.Оның ішінде Шиелі ауданында 30 төсектік инфекциялық бөлімше, Шиелі көпбейінді ауруханасының қосымша құрылысы басталды. Қалған қосымша құрылыстарды биыл бастау жоспарға қойылған. 2022 жылы облыстық балалар ауруханасы базасында «Қазақстан халқына» және «Қамқорлық» қорларының қолдауымен "Қамқорлық" оңалту орталығы жұмысын бастады. Мұндай орталық тамыз айында республикада алғашқы болып аудандық аурухана деңгейінде Жаңақорған ауданында ашылды.Орталықта заманауи, сапалы медициналық көмек көрсету үшін қажетті жағдай жасалған. Онда Шиелі және Жаңақорған аудандарындағы 1,5 мыңнан астам бала ем алады.<img src="https://knadmin.beoblood.kz/uploads/Oblys_kimi_am_orly_o_altu_ortaly_ynda_y_zh_mys_barysymen_tanysty_2_6b7a242b50.jpg" alt="Облыс әкімі «Қамқорлық» оңалту орталығындағы жұмыс барысымен танысты 2.jpg"><img src="https://knadmin.beoblood.kz/uploads/Oblys_kimi_am_orly_o_altu_ortaly_ynda_y_zh_mys_barysymen_tanysty_3_46b09835ef.jpg" alt="Облыс әкімі «Қамқорлық» оңалту орталығындағы жұмыс барысымен танысты 3.jpg"><img src="https://knadmin.beoblood.kz/uploads/Oblys_kimi_am_orly_o_altu_ortaly_ynda_y_zh_mys_barysymen_tanysty_4_54f9e619ab.jpg" alt="Облыс әкімі «Қамқорлық» оңалту орталығындағы жұмыс барысымен танысты 4.jpg">Фото: Қызылорда облысы әкімінің баспасөз қызметі

Облыс әкімі «Қамқорлық» оңалту орталығындағы жұмыс барысымен танысты

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаев Арал ауданындағы Жедел басқару орталығының жұмысымен танысты.ҚР Премьер-министрдің тапсырмасына сәйкес Ішкі істер министрлігінің сәуір айындағы алқа кеңесінде бағдарламалық қамтамасыз ету үшін қалалық және аудандық полиция бөліністерінде кіші жедел басқару орталықтарын қаржыландыру тапсырылған болатын.Осыған байланысты өңірдің 7 аудандық полиция бөлімінде Жедел басқару орталығын құруға облыс әкімдігінен қажетті қаражат бөлінді. Ақпараттарды қабылдау мен тіркеуді автоматтандыратын, қоғамдық орындарда тәртіпті бақылайтын 77 бейнекамера, жол қозғалысы ережелерін бұзғандарды автоматты түрде анықтайтын 7 стационарлық жылдамдық өлшегіш құрылғы сатып алынған, «ЖБО 2.0» бағдарламасы да қамтамасыз етілген.Жедел басқару орталықтарындағы бейнекамералар пилоттық режимде жұмысын бастады, стационарлық жылдамдық өлшегіш құрылғылар мен «ЖБО 2.0» бағдарламасын іске қосу үшін мердігер мекеме тексеру жүргізуде.Аймақ басшысы орталықтың басты мақсаты тұрғындардың қауіпсіздігін қамтамасыз ету екенін атап өтіп, тексеруді толыққанды жүргізуді тапсырды.<img src="https://knadmin.beoblood.kz/uploads/Oblys_kimi_Aral_audanynda_y_zhedel_bas_aru_ortaly_yny_zh_mysymen_tanysty_2_a0db04c2a3.jpg" alt="Облыс әкімі Арал ауданындағы жедел басқару орталығының жұмысымен танысты 2.jpg"><img src="https://knadmin.beoblood.kz/uploads/Oblys_kimi_Aral_audanynda_y_zhedel_bas_aru_ortaly_yny_zh_mysymen_tanysty_f7b4b0a0ed.jpg" alt="Облыс әкімі Арал ауданындағы жедел басқару орталығының жұмысымен танысты.jpg"><img src="https://knadmin.beoblood.kz/uploads/Oblys_kimi_Aral_audanynda_y_zhedel_bas_aru_ortaly_yny_zh_mysymen_tanysty_3_85581fe3ba.jpg" alt="Облыс әкімі Арал ауданындағы жедел басқару орталығының жұмысымен танысты 3.jpg">Фото: Қызылорда облысы әкімінің баспасөз қызметі

Облыс әкімі Арал ауданындағы жедел басқару орталығының жұмысымен танысты

<a href="https://kyzylorda-news.kz/">Kyzylorda-news.kz</a> Кеше облыс әкімі Нұрлыбек Нәлібаев Арал ауданына жұмыс сапары кезінде аспалы көпірдің құрылыс барысын көрді. Ұзындығы 940 метр көпірдің бас жобалаушысы «АлматыДорПроект», мердігер мекеме «РИТМ» серіктестіктері.Аймақ басшысы аспалы көпір елге ұзақ жыл қызмет ету үшін құрылысты сапалы салу аса маңызды екенін айтты.Бүгінде мұндағы көлік қатынасы бір ғана теміржол өткелі арқылы жүргізілуде. Өткел жабылғанда 2-2,5 шақырымға дейін автокөлік кептелісі пайда болады. Жедел жәрдем, өрт сөндіру, құқық қорғау органдарының кезек күттірмейтін қызметтік көліктеріне, тұрғындарға кедергі келтіруде. Көпір салынса осы мәселе шешімін табады.Өткен жылы аймақтың жол құрылысын дамытуға 44 млрд. 703 млн. теңге бөлініп, 300 шақырымнан астам жол жөндеуден өтті. Нәтижесінде жақсы жағдайдағы жолдардың үлесі 92 пайыздан асты.Республикалық маңызы бар «Қызылорда-Жезқазған» автомобиль жолын қайта жаңғырту жұмыстары жалғасуда.Облыс аумағындағы 216 шақырымның 151 шақырымы аяқталып, пайдалануға берілді. Қосымша 30 шақырымына екі қабатты асфальт жабындысы төселді. Жұмыс қарқынды жүруде. Жоба биыл толық аяқталады.Көлік-логистика саласында да жетістіктер көп.&nbsp;Мемлекет басшысының тапсырмасымен Үкімет басшысы Олжас Бектенов өңірімізге арнайы жұмыс сапармен келіп, «Қорқыт Ата әуежайының» жаңа терминалын салтанатты түрде ашты. Жобаны іске асыруға «Болат Өтемұратов қоры» 16 млрд. 600 млн. теңге инвестиция салды.Жергілікті бюджеттен инженерлік-коммуникациялық инфрақұрылымға 4 млрд. 300 млн теңгеден астам қаржы бөлінді.«Қазақстан Темір Жолы» компаниясының, жергілікті кәсіпкерлердің демеушілігімен 600 млн. теңгеден астам қаржыға теміржол вокзалы күрделі жөндеуден өтті. Қызылорда қаласында заманауи үлгідегі автовокзал ғимараты пайдалануға берілді.<img src="https://knadmin.beoblood.kz/uploads/Ajma_basshysy_Aral_audanynda_y_aspaly_k_pirdi_rylysyn_k_rdi_1_004587dadd.jpg" alt="Аймақ басшысы Арал ауданындағы аспалы көпірдің құрылысын көрді 1.jpg"><img src="https://knadmin.beoblood.kz/uploads/Ajma_basshysy_Aral_audanynda_y_aspaly_k_pirdi_rylysyn_k_rdi_3_f70e9a736f.jpg" alt="Аймақ басшысы Арал ауданындағы аспалы көпірдің құрылысын көрді 3.jpg"><img src="https://knadmin.beoblood.kz/uploads/Ajma_basshysy_Aral_audanynda_y_aspaly_k_pirdi_rylysyn_k_rdi_2_1ace60b70a.jpg" alt="Аймақ басшысы Арал ауданындағы аспалы көпірдің құрылысын көрді 2.jpg">Фото:Қызылорда облысы әкімінің баспасөз қызметі

Аймақ басшысы Арал ауданындағы аспалы көпірдің құрылысын көрді

<a href="https://kyzylorda-news.kz/">Kyzylorda-news.kz</a> Бүгін Арал қаласында облыс әкімі Нұрлыбек Нәлібаевтың қатысуымен әлеуметтік осал топтағы отбасылар үшін сатып алынған 150 пәтерлік 75 тұрғын үйдің кілтін иелеріне табыстау рәсімі өтті. Оған Парламент Сенатының депутаттары Наурызбай Байқадамов, Руслан Рүстемов, Мәжіліс депутаттары Мархабат Жайымбетов, Мұрат Ергешбаев, Мұрат Әбенов және зиялы қауым өкілдері, тұрғындар қатысты.Өңір басшысы жиналған қауымды Жаңа жылмен, жаңа пәтер иелерін қоныстоймен құттықтап, әлеуметтік-экономикалық дамудағы, &nbsp;құрылыс, инфрақұрылым салаларындағы жетістіктерді атап өтті.<blockquote>«Баршаңызға Жаңа жыл құтты болсын! Президентіміздің, Үкіметтің ерекше қолдауының арқасында бүгінгі күні облысымыздың бюджеті 750 млрд теңгеге жетті. Барлық салада көрсеткіштердің оң динамикасы қалыптасты. Өңіріміз негізгі макроэкономикалық көрсеткіштер бойынша республикада алғашқы орында. Үкімет басшысы облысымызға жұмыс сапары кезінде жүзеге асырылған жобаларға оң бағасын беріп, құрылыс, «Ауыл аманаты» бағдарламаларын іске асыру тәжірибесін республикаға кеңінен таратуды тапсырды.&nbsp; Мемлекет басшысының, Үкіметтің қолдауымен аймағымыз қарқынды құрылыс алаңына айналды. Облыста 133 млрд. 400 млн теңгеге 187 жобаның құрылысы жүргізілуде. Бұл – қолға алынған жұмыстарымыздың бір бөлігі ғана. Алдағы уақытта елдің игілігі мен балаларымыздың болашағы үшін жасалатын ауқымды жобалар жалғасын табады. Қасиетті Сыр өңірі өркендеп, көркейе берсін! Еліміз еңселі, Тәуелсіздігіміз мәңгілік болғай!», – деді Нұрлыбек Нәлібаев.</blockquote>Іс-шарада ел бірлігін бекемдеуге үлес қосқан аға буын ардагерлер мен жаңа тұрғын үйлерді сапалы етіп салып, ел игілігіне табыстаған құрылысшылар марапатталды. Мәжіліс депутаты Мархабат Жайымбетов қоныстой иелерін құттықтап, Қызылорда облысының Құрметті азаматы Биғали Каюпов батасын берді.Айта кетейік, соңғы үш жылда Арал ауданына 71 млрд. теңгеден астам инвестиция тартылды. Екі жыл бұрын аудан бюджеті 10 млрд.теңге болатын, бүгінде 21 млрд. теңгеден асты. Үш жыл ішінде 1 млрд. 900 млн. теңгеге 80 шақырым ауыз су желілері, 783 млн. теңгеге 54,2 шақырым электр желілері жаңартылды. «Шижаға» елді мекенінің ескірген электр желілері қайта жаңғыртылуда, Арал қаласында 795 млн. теңгеге 2 жоба қолға алынған.Аудан халқына «көгілдір отын» &nbsp;жеткізуде құны 5 млрд. 200 млн. теңге болатын «Қамыстыбас» автоматтандырылған газ тарату стансасының құрылысы басталды.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам