<a href="https://kyzylorda-news.kz/">Kyzylorda-news.kz</a> Студенттер Мемлекет басшысына қазақша тіл қатты. Олар Президент Қасым-Жомарт Тоқаевтың кітаптарында көрініс тапқан дипломатия мен ашықтық қағидалары Мәскеу мемлекеттік халықаралық қатынастар институтында үлгі ретінде оқытылатынын жеткізді. Сонымен қатар жастар Абай Құнанбайұлы шығармашылығына зор қызығушылықпен қарайтынын айтты.<blockquote>– Ақынның «Адамзаттың бәрін сүй, бауырым деп» деген достық туралы ой орамдары өте ерекше. Ресей мен Қазақстан – мәңгілік достықтың қос қанаты деп есептейміз. Екі елді, екі халықты риясыз, шынайы достық қарым-қатынас байланыстырады, – деді жастар.</blockquote>Мемлекет басшысы студенттердің қазақ тілін үйренуге деген ынтасына жоғары баға беріп, оларға сәттілік тіледі.<blockquote>– Мәскеу мемлекеттік халықаралық қатынастар институты – өте беделді жоғары оқу орны. Бүкіл әлемге танымал. Қазақстан бүгінде дербес мемлекет. Менің ойымша, Мәскеу мемлекеттік халықаралық қатынастар институтында алған білімдеріңіз болашақта мол пайдасын тигізеді. Өйткені түрлі елдер туралы, оның ішінде Ресейдің бұрыннан келе жатқан одақтасы Қазақстан жайында көп мағлұмат білу Сіздерге кейін жұмысқа орналасуға, сондай-ақ әлемде және өңірлік деңгейде бәсекеге қабілетті маман болуға көмектеседі, – деді Президент.</blockquote><a href="https://t.me/aqorda_resmi">t.me/aqorda_resmi</a>

Президент Мәскеу мемлекеттік халықаралық қатынастар институтының студенттерімен әңгімелесті

<a href="https://kyzylorda-news.kz/">Kyzylorda-news.kz</a>&nbsp; Внуково-2 әуежайында мәртебелі мейманның келуіне орай Мәскеу гарнизонының құрмет қарауылы мен әскери үрмелі оркестрі сап түзеді.&nbsp;Мемлекет басшысын Ресей Федерациясы Үкіметі Төрағасының бірінші орынбасары Денис Мантуров пен басқа да ресми тұлғалар қарсы алды. Екі елдің мемлекеттік әнұрандары шырқалды.

Қасым-Жомарт Тоқаев Ресей Президенті Владимир Путиннің шақыруымен Мәскеуге мемлекеттік сапармен барды

<a href="https://kyzylorda-news.kz/">Kyzylorda-news.kz</a> Арал ауданының руханият орталығында “Creative Caravan” облыстық креативті көрмесі аясында қатысушылар мен “AMANAT” партиясы аудандық филиалы жанындағы Әйелдер қанаты өкілдерінің қатысуымен арнайы оқыту дәрістері мен диалог алаңы ұйымдастырылды.Кездесу барысында парти филиалы жанындағы Әйелдер қанатының “Әйелдердің бизнесін дамытуға көмектесу” бағытының жетекшісі Ембергенова Нұрсәуле Сайлауқызы қатысушыларға мемлекеттік гранттар мен кәсіпкерлік саласындағы мүмкіндіктер жөнінде жан-жақты ақпарат берді. Ол өз баяндамасында әйелдердің шағын және орта бизнесте белсенді болуын ынталандырудың маңыздылығына тоқталып, нақты қолдау тетіктерін түсіндірді.Сондай-ақ, облыстық “Анаға тағзым” орталығының мамандары түрлі тақырыптарда дәрістер өткізіп, қатысушылармен тәжірибе алмасты. Дәріс барысында қоғамдағы әйел рөлін арттыру, отбасылық құндылықтарды сақтау және заманауи креатив саласында өзін-өзі дамыту бағыттары талқыланды.Іс-шара соңында ұйымдастырушылар көрме мен диалог алаңы қатысушыларына алғыс хаттар табыс етіп, шығармашылық көңіл-күйде креативті фотосессия ұйымдастырды.“Creative Caravan” жобасы – өңірдегі креативті орта мен кәсіпкер әйелдердің өзара тәжірибе алмасуына, жаңа идеялармен бөлісуіне және шығармашылық ынтымақтастықты нығайтуға бағытталған маңызды алаң болып отыр.<img src="https://knadmin.beoblood.kz/uploads/Dialog_ala_y_2_456b9e7b75.jpg" alt="Диалог алаңы 2.jpg">

“Creative caravan” диалог алаңы ұйымдастырылды

<a href="https://kyzylorda-news.kz/">Kyzylorda-news.kz</a> &nbsp;Қызылорда қаласы әуежайындағы Көліктегі полиция бөлімшесінің қызмет көрсету аумағында 2025 жылдың 10–14 қараша аралығында “Қызметтік қару” атты жедел-профилактикалық іс-шара өтуде, деп хабарлайды Қызылорда қаласы әуежайындағы Көліктегі полиция бөлімшесі.Іс-шараның негізгі мақсаты – қызметтік қару айналымы саласында жұмыс істейтін заңды тұлғалардың тарапынан:<ul><li style="text-align:justify;">қаруды сақтау, пайдалану және алып жүру қағидаларын сақтауын қамтамасыз ету;</li><li style="text-align:justify;">құқық бұзушылықтардың алдын алу;</li><li style="text-align:justify;">әкімшілік және қылмыстық заңнамаларға сәйкес жауапкершілікті күшейту болып табылады.</li></ul>Полиция қызметкерлері азаматтарды қауіпсіздік ережелерін сақтауға шақырады. Егер Сіз қару-жарақ, оқ-дәрі, жарылғыш заттар немесе жарылыс құрылғыларын байқасаңыз:<ul><li style="text-align:justify;">оларды қолға алмаңыз,</li><li style="text-align:justify;">тасымалдауға тырыспаңыз,</li><li style="text-align:justify;">және дереу полицияға хабарлаңыз.</li></ul>Бұл – жазатайым оқиғаларды болдырмау мен азаматтардың қауіпсіздігін қамтамасыз ету үшін маңызды шара.

"Қызметтік қару" жедел-профилактикалық іс-шарасы өтуде

<a href="https://kyzylorda-news.kz/">Kyzylorda-news.kz</a> Қазақстан Республикасы Бас прокуратурасы Құқықтық статистика және арнайы есепке алу Комитетінің Қылмыстық қауіп-қатерлердің және қоғамдық қауіпсіздіктің тәуекелдерін болжау орталығы жұмыспен қамту саласындағы қылмыскерлердің белсенділігі туралы ескертеді.Шетелдік дереккөздердің (Мир 24 -https://mir24.tv/news/16649356/obman-strudoustrojstvom.-kak-raspoznat-moshennikov-pri-poiske- raboty, Рамблер – https://www.rambler.ru/pro/rabota/55487558-novye-shemy-obmana-rabotnikov-i-soiskateley-5-stsenariev-nazhivy/, РИА новости – https://ria.ru/20251018/moshenniki-2049030356.html, 48RU48Thttps://48.ru/text/world/2025/10/12/76071048/, Известия – https://iz.ru/1962442/2025-09-27/rossiianku-obmanom-uvezli-iz-tailanda-v-mianmu-dlia-raboty-v-call-tcentre, Новые известия -https://newizv.ru/news/2025-10-16/poehala-za-mechtoy-okazalas-v-lovushke-kak-ne-popast-vrabstvopri-poiske-raboty-438072) мәліметтеріне сәйкес интернет-алаяқтар танымал платформаларда және әлеуметтік желілерде минималды талаптармен жоғары табыс ұсына отырып, жұмысқа орналасу туралы хабарландырулар жариялайды.Жауап бергеннен кейін, іздеушілерге жалған сайттарға сілтемелер, жеке деректерді жинауға арналған сауалнамалар жіберіледі немесе зиянды бағдарламалық қамтылымы бар «жұмыс істеуге арналған мобильді қосымшаны» орнатуды ұсынады, бұл зиянкестерге банктік деректерге, мессенджерлерге және құрылғыны басқаруға мүмкіндік береді.Сонымен қатар, шетелде, оның ішінде Оңтүстік-Шығыс Азия елдерінде (Тайланд, Мьянма және т.б.) жұмыс істеу туралы жалған ұсыныстар да өзекті болып қалуда.Азаматтарды IT, модельдік, қонақ үй бизнесі саласында немесе callорталықтарғажұмысқа орналасу түрімен шетелге әкету үшін жалдайды, онда олар еңбек және сексуалдық құлдықта болуы, қанауға және зорлықзомбылыққа ұшырауы мүмкін. Кейбір жағдайларда зардап шеккендерді басқа азаматтарды мәжбүрлеп алдау немесе дене мүшелерін трансплантациялау схемаларында пайдаланады.Қылмыскерлердің құрбаны болмау үшін келесілер ұсынылады:<ul><li>құжаттарды жібермес немесе қосымшаларды жүктемес бұрын жұмыс берушінің заңдылығын және сайттың мекен-жайын тексеру;</li><li>жұмысқа, оқуға немесе визаға ресімдеу үшін қаражат аудармау;</li><li>қосымшаларды тек Google Play, App Store ресми дүкендерінен орнату;</li><li>ресми шарт жасасқанға дейін жеке басын куәландыратын құжаттардың көшірмелері мен деректерін және банк карталарын ұсынбау;</li><li>қызметкерледі іріктеу бойынша қызмет көрсететін делдалдың немесе агенттіктің заңдылығына көз жеткізу және агенттіктің тіркеу деректерімен шетелдік жұмыс беруші арасында жасалған шартты сұрату;</li><li>кез келген күмән туындаған кезде полицияға хабарлау.</li></ul>Сіздің туысыңыз немесе досыңыз адам саудасының құрбаны болған жоқпа тексеріңіз:әдеттегідей қоңырау шалған кезде бейне қоңырауға ауысуды ұсыныңыз. Егер ол бас тартып, «мүмкін емес» – деп байланысын үзсе, бұл дабыл сигналы, полицияға хабарласуды ұсынамыз;бейне қоңырау кезінде келесі сұрақтарды қойыңыз:«Қайда тұрғаныңды көрсет – мен сенің қаншалықты жайлы екеніңді көргім келеді»; Сенің жаныңда кім бар, оларды көруге болады ма?;Сен қазір қайдасын, бұл пәтерме, жатақханама, үйме?; Бүгін таңғы асқа/түскі асқа/кешкі асқа не бар;Телефонды қай жерде қуаттайсыз;Сенің қасыңда розетка барма;Терезеден қандай көрініс, көшеге шыға аласың ба;Сен бүгін демалыдың ба;Сенде демалыс қашан? Жалақы алдың ба;Құжаттарыңды қайда сақтайсын?».Адам орналасқан фонға және қоршаған ортаға (бөлме, қойма, жатақхана), қасында әңгімені бақылап тұрған бөтен адамдардың болуына, кеңес берудің дыбысына, дауыс екпініне, бет әлпетіне (қорықып тұрғандай көрінеді, камераға қараудан бас тартады) назар аударыңыз.Егер адам қоршаған ортаны көрсетуден бас тартып, сөйлеуден қорқып, қысқа немесе бір қалыпты сөйлессе – мүмкін оны бөтен адамдар бақылап тұр, мұндай жағдайларда полицияға хабарлауды ұсынамыз.Фото: fingramota

Бос жұмыс орындары түріндегі тұзақтар

<a href="https://kyzylorda-news.kz/">Kyzylorda-news.kz</a> Облыстық мәслихаттағы "AMANAT" партиясы депутаттық фракциясының &nbsp;мүшесі, комиссия төрағасы Балжан Шәменованың төрағалығымен мәслихаттың Экономика, әлеуметтік және құқықтық мәселелері жөніндегі тұрақты комиссиясының отырысы өтті.&nbsp;Отырысқа облыстық мәслихат депутаттары, тиісті басқарма басшылары мен сала мамандары қатысып, &nbsp;«2025-2027 жылдарға арналған облыстық бюджет туралы» Қызылорда облыстық мәслихатының 2024 жылғы 9 желтоқсандағы № 130 шешіміне өзгерістер енгізу туралы мәселе қаралды.Халық қалаулылары күн тәртібіне орай алдымен облыстық экономика және қаржы басқармасының басшысы Сәкен Мырзабекті тыңдады.Басқарма басшысы негізгі үнемделген қаржылар елді мекендерді газдандыру, жарықтандыру, құрылыс жұмыстары, яғни инфрақұрылымды дамытуға бағытталып жатқандығын жеткізді.&nbsp;Хабарламадан соң, депутаттар бірқатар сұрақтар көтерді. Атап айтсақ, "AMANAT" фракциясының мүшесі &nbsp;Нұридин Әмитов Жаңақорған кентіндегі Қорасан ата көшесін күрделі жөндеуді аяқтауға қосымша қаржы қажеттілігі және Жаңақорған ауданындағы Аққұм елді мекенінің электр желісін жаңғырту,Аида Абибуллаева облыстағы арнайы мектеп интернаттардың мұғалімдерінің жалақылары мен коммуналдық төлемдеріне қаржы қажеттілігі, жыл соңына дейін жетім баланы және ата-аналарының қамқорлығынсыз қалған баланы күтіп-ұстауға қамқоршыларға ай сайынғы ақшалай шығындарын толық төлеу мәселесін, Балжан Шәменова жеке мектептерді қаржыландыру мәселесі, Жаңақорған ауданында бройлер өсіру бойынша құс фабрикасын газбен жабдықтаудың сыртқы желілерін салу жобасының құрылысы қанша пайызға аяқталып отырғандығы туралы, Әмірбек Шаймағамбетов Жаңадария елді мекеніндегі көшелерін күрделі жөндеу жобасын және Аққыр елді мекеніндегі 5 көшеге күрделі жөндеу жобасын толық аяқтауға, Бұқарбай батыр елді мекенін газдандыру үшін қаржы бөлінуін қарастыру, Жұмабек Ембергенов Шаған елді мекенін газдандыру мәселесіне және Қалжан Ахун елді мекенін электрмен жабдықтау жұмысын толық аяқтауға қаржы бөлу қажеттілігі және т.б мәселелер бойынша өз ұсыныстарын жеткізді.Сондай-ақ, депутаттар тарапынан бюджет қаржысы тиімді және нәтижелі жұмсалуы керектігі баса айтылды.Атап өтейік, аталған мәселелер &nbsp;жауабын фракция мүшелері ертең &nbsp;11 қараша күні өтетін тұрақты комиссиялардың бірлескен отырысында толыққанды жауабын беруге шақырды.<img src="https://knadmin.beoblood.kz/uploads/Amanat_t_ra_ty_komissiya_otyrysy_2_375ef1fc07.jpg" alt="Аманат тұрақты комиссия отырысы 2.jpg">

"AMANAT": Тұрақты комиссия отырысы өтті

<a href="https://kyzylorda-news.kz/">Kyzylorda-news.kz</a> Ресей астанасы Президент Қасым-Жомарт Тоқаевтың мемлекеттік сапарына дайындалып жатыр. Қаладағы көрікті жерлердің бірі – Останкино телемұнарасы біздің байрақпен безендірілді.&nbsp;

Қазақстанның көк туы Мәскеу көшелерінде желбіреп тұр

<a href="https://kyzylorda-news.kz/">Kyzylorda-news.kz</a> Үкімет отырысында Денсаулық сақтау вице-министрі Тимур Мұратов халықты дәрілік заттармен қамтамасыз ету туралы баяндады.Оның айтуынша, ағымдағы жылдың 10 айында 219,7 млрд теңгеге 3 миллионнан астам пациент тегін дәрі-дәрмекпен қамтамасыз етілген.Медициналық ұйымдарды үздіксіз жабдықтау үшін Бірыңғай дистрибьютор 21 млрд теңге сомасына төмендетілмейтін дәрі-дәрмек қорын құрды.Бұл қор медициналық ұйымдардың 2-3 айлық қажеттілігін жабуға мүмкіндік береді және онкология, қант диабеті, қан ұюының бұзылуы, ағзалар мен тіндерді трансплантаттау және басқа да маңызды бағыттарды қоса алғанда, аурулардың негізгі топтарын қамтиды.«Созылмалы аурулардың бір бөлігін ТМККК пакетінен МӘМС-ке ауыстыруға қарамастан, барлық мемлекеттік кепілдіктер толығымен сақталады, қаржыландыру көлемі өзгеріссіз қалады. Тек қаржыландыру көзі өзгертілді. Қант диабеті, ревматоидты артрит, церебральды сал ауруы және басқа да созылмалы аурулары бар пациенттер қажетті препараттарды толық көлемде алуды жалғастырады», — деп атап өтті Т.Мұратов.Бес жылдың ішінде амбулаториялық дәрі-дәрмекпен қамтамасыз етуді қаржыландыру бір жарым есеге жуық — 115-тен 262 млрд теңгеге дейін өсті. Қазақстан Халықты жоғары деңгейде тегін дәрі-дәрмекпен қамтамасыз ететін елдердің қатарына кіреді: жан басына шаққандағы шығыстар 50 АҚШ долларынан асады.Президенттің баға белгілеу тетіктерін реформалау жөніндегі тапсырмаларын орындау шеңберінде ҚР Денсаулық сақтау министрлігі жүйелі жұмыс жүргізді, оның негізгі нәтижесі генерикалық препараттарға шекті бағалардың түпнұсқа дәрі-дәрмектер құнынан 30%-ға төмендеуі болды. Референттік елдердің жаңартылған тізбесі және халықаралық деректер базасына қосылу 7,8 мыңнан астам сауда атауларының бағаларын қайта қарауға мүмкіндік берді.<blockquote>«Нәтижелер қазірдің өзінде байқалды: мониторингтің қорытындысы бойынша 2025 жылдың қазан айында сұранысқа ие препараттардың арасында бағаның орта есеппен 11%-ға төмендеуі байқалды»,- деді Денсаулық сақтау вице-министрі.</blockquote>Бірыңғай дистрибьютердің сатып алу нәтижелері бойынша үнемдеу 70,5 млрд теңгені құрады. Үнемделген қаражат дәрі-дәрмектерді қосымша сатып алуға бағытталған.Нарықты қорғау үшін таңбалау және қадағалау жүйесі енгізілді. Ол дәрі-дәрмек айналымының ашықтығын арттырып, салық түсімдерінің 24%-ға өсуіне ықпал етті.Цифрландыруды дамыту жұмыстың жеке бағытына айналды. Медициналық ұйымдарда рецепттердің электрондық көшірмесі енгізілді, бұл оларды ресімдеу уақытын екі есеге қысқартты.Министрлік жасанды интеллектті қажеттіліктер мен жеткізілімдерді болжау кезінде, сондай-ақ жалған рецепттерді анықтау үшін қолдануды жоспарлап отыр. Бұл дәрі-дәрмекпен қамтамасыз ету жүйесін неғұрлым ашық және тиімді етуге мүмкіндік береді.Қазақстанда 20 476 дәрілік зат пен медициналық бұйым, оның ішінде отандық өндірістің 15%-дан астамы тіркелген. ДДҰ ұсынған өмірлік маңызды дәрілер тізімінде қазақстандық препараттардың үлесі 37%-ды құрайды.Ассортиментті кеңейту үшін ЕурАзЭҚ рәсімдері бойынша дәрілік заттарды тіркеу жүргізіледі, бұл олардың санын 60%-ға арттырады. 300-ден астам препарат - қазақстандық өндіріс. Өтініш берушілер үшін сараптама жұмыстарының құны 90%-ға төмендетілді, Сall-орталық және сараптама порталы құрылды.<blockquote>«Дәрілік заттар мен медициналық бұйымдардың сапасын бақылаудың нарықтан іріктеп сатып алуды және денсаулық сақтау ұйымдарынан іріктеуді көздейтін қосымша форматы енгізілді. Мұндай тәсіл контрафактілік өнімнің ішкі нарықта пайда болуына жол бермейді»,-деп атап өтті Үкімет отырысында Премьер-министр Олжас Бектенов.</blockquote>Дәрі-дәрмектердің қолжетімділігін қамтамасыз ету үшін дәріхана ұйымдарының желісі кеңейтілуде. Елде 10 мыңнан астам дәріхана, оның 2700-і ауылдық жерлерде жұмыс істейді. Шалғай өңірлер үшін 11 жылжымалы дәріхана пункті жұмыс істейді.<blockquote>«Ауылдық жерлерде дәріханалардың қолжетімділігін жақсарту үшін келесі жылы ауылдың медициналық ұйымдарында дәріхана пункттерінің ашылуын ұйымдастыруды жоспарлап отырмыз. Қазірдің өзінде 2 174 дәріхана тиісті дәріхана практикасының стандарттарына сәйкестігін растады», - деді Тимур Мұратов.</blockquote>Үкімет отырысында халықты дәрі-дәрмекпен қамтамасыз ету мәселесін қарау кезінде Премьер-министр елдің фармацевтикалық нарығын дамытудың жаңа тәсілдерін атап өтті.<blockquote>«Мемлекет басшысы өз дәрі-дәрмектерінің саны мен ассортиментін арттыру бойынша маңызды міндет қойды. Ол үшін дәрі-дәрмектер мен медициналық бұйымдарды тіркеудің жеңілдетілген тетігі енгізілді. Нәтижесінде Қазақстанда жаңа препаратты тіркеу 2-5 жастан 100 жұмыс күніне дейін қысқарды. Бұл, әрине, біздің халықтың ең жаңа дәрі-дәрмектерге, емдеу әдістеріне және диагностикасына қол жетімділігін арттырады», - деп атап өтті Олжас Бектенов.</blockquote>Үкімет отырысының қорытындысы бойынша Премьер-Министр бөлшек сауда сегментінде дәрі-дәрмек бағасының негізсіз өсуіне жол бермеу жөнінде шаралар қабылдауды тапсырды.

Денсаулық сақтау министрлігі: 3 миллионнан астам қазақстандық тегін дәрі-дәрмектермен қамтамасыз етілген

<a href="https://kyzylorda-news.kz/">Kyzylorda-news.kz</a> Қызылорда облысының Қазалы ауданындағы Ержігіт Бозғұлов атындағы №249 мектеп-лицейінде Полиция департаменті мен Ардагерлер кеңесі басшылығының қатысуымен Отан алдындағы парызын өтеген батыр да қайсар Қайрат Қалеков атындағы «Жас сақшы» полиция сыныбының ашылу салтанаты өтті.Салтанатты шараны Қызылорда облысы Полиция департаменті Жеке құраммен жұмыс жөніндегі &nbsp;басқармасының бастығы полиция подполковнигі Балқожаев Асқар Мажитұлы құттықтау сөзімен ашып, жас өрендердің болашақта құқықтық тәртіпті сақтауда елдің лайықты азаматтары болатынына сенім білдірді. «Жас сақшы» полиция сыныбының мақсат, міндеттеріне тоқталып, ант қабылдау рәсімінде «Жас сақшыларға» куәліктерін табыстады.1998 жылдың 12 ақпаны – Қызылорда облысы, Қазалы ауданы үшін қаралы күн болды. Жаңақазалы кентіндегі Қазыбек би мен Жамбыл көшелерінің қиылысында спирттік ішімдік ішіп, мас күйде жүрген, бұрын сотталған азамат қолындағы аңшы мылтығымен бейбіт тұрғындарға оқ жаудырды.Оқиға орнына алғаш болып жеткендердің бірі – патрульдік-бекет қызметін атқарып жүрген Қазалы аудандық ішкі істер бөлімінің милиционері, милиция сержанты Қайрат Қалеков болатын. Ол тәртіп бұзушыны тоқтатуға тырысқан сәтте, қаскөй тура оқ атып, сақшыны ауыр жарақаттады.<img src="https://knadmin.beoblood.kz/uploads/policziya_kz_fea37e3a5f.jpeg" alt="полиция кз.jpeg">Кейін қосымша күш келіп, тәртіп бұзушы ұсталғанымен, ауыр жараланған Қайрат Қалеков емханаға жетпей көз жұмды. Ол өз өмірін қатерге тігіп, бейбіт тұрғындарды қорғай білді. Нағыз батырлықтың үлгісі осы.Сол бір қаһарлы кеште көрсеткен ерлігі үшін Қайрат Қалеков Қазақстан Республикасы Президентінің Жарлығымен «Ерлігі үшін» медалімен марапатталды (қаза болғаннан кейін).Қайрат Қалеков – 1971 жылы 17 қаңтарда Ресей Федерациясы, Астрахан облысы, Владимир ауданы, Верхний Баскунчак елді мекенінде дүниеге келген. 1991 жылы әскер қатарынан келген соң Қазалы аудандық бөлімінің күзет бөлімшесіне бақылаушы болып жұмысқа орналасқан. Ал 1993 жылдан бастап ішкі істер саласында патрульдік-бекет қызметінде милиционер лауазымын атқарып жүрді.Қызметіне адал, ер жүрек сақшының ерлігі – мәңгілік жадымызда. Ол – Қазақстан полициясы тарихындағы есімі алтын әріппен жазылатын батырлардың бірі.«Ер есімі – ел есінде. Ақырғы демі қалғанша антына адал болған әріптесіміздің ғибратты ғұмыры мен жанқиярлық ерлігі туралы сыр шертетін «Жас сақшы» полиция сыныбы ашылып отыр. Батыр әріптесіміздің ерлігі – барлығымызға үлгі, әрі мақтаныш, оның есімі әрдайым жүрегімізде. Кейінгі өсіп келе жатқан жас ұрпақ батыл да қайсар ағаларының ерлігінен үлгі алып, бой түзейді» деді полиция подполковнигі Балқожаев Асқар Мажитұлы.Шара соңында арыстандай айбатты, қырандайын қайратты Қызылорда облысы Полиция департаментінің арнайы жасақ қызметкерлері жауынгерлік күрес тәсілдерін көрсетіп, жас өрендер өнер көрсетті.<img src="https://knadmin.beoblood.kz/uploads/662_F4_D13_5942_41_BE_BE_54_14324799_FB_28_34a997c381.jpeg" alt="662F4D13-5942-41BE-BE54-14324799FB28.jpeg">

Қызылордада «Жас сақшы» полиция сыныбы ашылды

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен аппарат мәжілісі өтіп, күн тәртібіндегі бірқатар мәселелер қаралды.Мәжіліс барысында Үкімет отырысында қаралған геология және жер қойнауын пайдалану саласын дамыту мен цифрландыру шаралары, сондай-ақ халықты дәрі-дәрмекпен және медициналық бұйымдармен қамтамасыз ету мәселелері талқыланды. Аудан әкімі бірқатар көрсеткіштерге тоқталып, кемшіліктерді жою және жұмысты жандандыру қажеттігін атап өтті.Денсаулық сақтау саласында жүргізіліп жатқан құрылыс жұмыстарына ерекше назар аудару керектігін айтқан аудан басшысы жауапты тұлғаларға нақты тапсырмалар берді.Жиын барысында Аманжол Сақыпұлы аудан көлемінде атқарылатын өзге де маңызды шараларды жоғары деңгейде ұйымдастыру қажеттігін айтып, жоспарлы жұмыстардың уақытылы әрі сапалы орындалуын бақылауда ұстау керектігін атап өтті. Сонымен қатар, тазалық мәселесін назардан тыс қалдырмай, анықталған кемшіліктерді дер кезінде жоюдың маңыздылығына тоқталды.Жауапты бөлімдер мен мекеме басшыларына нақты міндеттер жүктелген жиын соңында аудан әкімі Аманжол Сақыпұлы берілген тапсырмалардың орындалуы ұдайы бақылауда болатынын жеткізді.

Көрсеткіштер сараланып, кемшіліктер назарға алынды

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде геология және жер қойнауын пайдалану саласын дамыту, цифрландыру, халықты дәрі-дәрмекпен, медициналық бұйымдармен қамтамасыз ету мәселелері талқыланды. Оған облыс әкімі Нұрлыбек Нәлібаев селекторлық режим арқылы қатысты.Өңірде тұрғындарды дәрілік заттармен және медициналық бұйымдармен қамтамасыз ету бағытында Денсаулық сақтау министрлігінің бұйрығына сәйкес жүйелі жұмыс жүргізілуде. Бөлінетін қаражат көлемі жыл сайын артып келеді. Мәселен, республикалық бюджет есебінен бөлінген қаржы 2022 жылмен салыстырғанда 1 млрд 800 млн теңгеге өсіп, биыл 9 млрд 300 млн теңгеге жетті.Медициналық ұйымдарға «СК-Фармация» серіктестігі арқылы 9 млрд 200 млн теңгеге дәрілік заттар мен медициналық бұйымдар жеткізілді. Өткен 10 айдың ішінде 140 мыңнан астам пациентке 545 мың рецепт жазылып, тегін дәрі берілген. Жыл соңына дейін тағы 255 млн теңгеге дәрілік заттар жеткізу жоспары бар.Мұнай-газ саласы өңірдің әлеуметтік-экономикалық дамуында маңызды рөл атқарады. Жаңа кен орындарын анықтау үшін шөгінді бассейндер зерделенуде. Республикалық бюджет есебінен қаржыландырылған Арал шөгінді бассейніндегі өңірлік геологиялық зерттеу былтыр аяқталды. Ал Сырдария шөгінді бассейнін зерттеу 2024 жылы басталып, үш жылға жоспарланған. Бұл мақсатқа 4 млрд 300 млн теңге бөлінген.«Саутс Ойл» компаниясы дәстүрлі емес тәсілмен қара тақтатастан мұнай өндіруді қолға алды. Облыста кең таралған пайдалы қазбаларды өндіруге арналған келісімшарттар мен лицензиялар жер қойнауын пайдаланудың бірыңғай цифрлық платформасына толық тіркелген.

Жер қойнауын пайдалану саласын дамыту және дәрі-дәрмекпен қамтамасыз ету мәселелері қаралды

<a href="https://kyzylorda-news.kz/">Kyzylorda-news.kz</a> Алматы облысының Талғар аудандық соты Хасан Қасымбаевқа үкім шығарды. Бұл туралы&nbsp;<a href="https://stan.kz/hutor-basshisi-delingen-hasan-kasimbaev-12-zhilga-sotta-426065/">Stan.kz&nbsp;</a>ақпарат агенттігі хабарлады.Ол адам ұрлады, пара талап етті&nbsp;және&nbsp;денсаулыққа ауыр зиян келтірді деп айыпталып,&nbsp;12 жылға бас бостандығынан айырылды.&nbsp;Ол жазасын орта қауіпсіздік режиміндегі түзету мекемесінде өтейді.Тілшінің айтуынша, сот залында Хасан Қасымбаевтың өзі отырған кабинаны сындырып тастағанын айтты.&nbsp;Ол журналистердің сот залынан шығуын талап еткен.Айыпталушы мен туыстарының қарсылығынан соң журналистер сот залынан шығарылды. Сот мұны журналистердің қауіпсіздігі үшін жасалды деп түсіндірген.Фото: Видеодан скрин

Қазақстан және Қызылорда облысының жаңалықтары: Қоғам