<a href="https://kyzylorda-news.kz/">Kyzylorda-news.kz</a> Қазақстан қор биржасындағы (KASE) сауда-саттық қорытындысы бойынша доллар бағамы қымбаттады, – деп хабарлайды <a href="https://kaz.inform.kz/news/brneshe-kun-arzandagan-dollar-bagami-kurt-koterld-0e680d/">Қазақпарат.</a>Күндізгі сауда-саттық қорытындысы бойынша доллардың орташа бағамы 3,22 теңгеге қымбаттап, 494,28 теңге болды. Ұлттық банктің ресми бағамы - 490,58 теңге.Kurs.kz мәліметіне сәйкес, Алматының ақша айырбастау пункттерінде доллар орта есеппен 494,26 теңгеден сатып алынады, 496,43 теңгеден сатылады. Еуро 585,53 – 590,25 теңге, ал рубль 6,36 – 6,47 теңге аралығында саудаланады. Ал юань 71,33 теңгеден сатып алынады, 74,23 теңгеден сатылады.Елорданың ақша айырбастау орындарында:- доллар 491,99 теңгеден сатып алынады, 498,99 теңгеден сатылады;- еуро: сатып алу - 583,00 теңге, сату - 593,00 теңге;- рубль: сатып алу - 6,30 теңге, сату - 6,60 теңге.- юань: сатып алу - 72,04 теңге, сату - 76,43 теңге.Еске салайық, 11 ақпан күндізгі сауда-саттық қорытындысы бойынша доллардың орташа бағамы 1,31 теңгеге арзандап, 490,58 теңге болды.Фото: freepik.com

Бірнеше күн арзандаған доллар бағамы күрт көтерілді  

<a href="https://kyzylorda-news.kz/">Kyzylorda-news.kz</a> Облыстық кәсіпкерлік және өнеркәсіп басқармасының ұйымдастыруымен «Жаңа конституция - жаңа мүмкіндіктер» тақырыбы аясында дөңгелек үстел өтті.Спикер ретінде Қорқыт Ата атындағы Қызылорда мемлекеттік университетінің қауымдастырылған профессор міндетін атқарушы, PhD философия докторы Эльмира Тойлыбекова Конституцияға енгізілетін өзгерістер мен толықтырулар жөнінде баяндама жасады.&nbsp;Кездесу барысында сала мамандары жаңа Конституция жобасын талқылап, енгізілетін өзгерістерге қолдау білдірді.Мемлекет басшысы Қасым-Жомарт Тоқаев жариялаған саяси жаңғырулардың қорытынды кезеңі – жаңа Конституция жобасының маңызы кеңінен талқыланды.

 «Жаңа конституция - жаңа мүмкіндіктер» тақырыбында дөңгелек үстел өтті

<a href="https://kyzylorda-news.kz/">Kyzylorda-news.kz</a> Сырдария ауданы Төтенше жағдайлар бөлімінде "Өрт болса – дереу хабарла!" акциясы аясында №126 орта мектеп оқушыларына арналған ашық есік күні өтті.Іс-шара барысында оқушыларға өрт сөндіру құрал-жабдықтары таныстырылып, олардың қызметі мен қолданылу тәртібі түсіндірілді.Сонымен қатар өрт қауіпсіздігі ережелері бойынша түсіндірме жұмыстары жүргізіліп, төтенше жағдайлар кезінде өзін дұрыс ұстау, жедел қызметтерге дер кезінде хабарласудың маңыздылығы айтылды.Ашық есік күні акциясы аясында оқушылар өрт сөндірушілердің күнделікті қызметімен танысып, арнайы техникаларды жақыннан көріп, қызықтырған сұрақтарына жауап алды.Мұндай іс-шаралар жасөспірімдердің қауіпсіздік мәдениетін қалыптастыруға және төтенше жағдайлардың алдын алуға бағытталады.

Мектеп оқушыларына арналған ашық есік күні өтті

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев аудандық мәслихат төрағасы Ержан Әжікенов және «AMANAT» партиясы аудандық филиалының атқарушы хатшысы Ақтөре Ибрагимұлымен бірге аудан аумағындағы сумен қамту бағытында қызмет көрсететін су шаруашылығы мекемесінің жұмысымен танысты.Жұмыс барысында аудан әкімі су шаруашылығы саласының қазіргі жағдайына, суару жүйелерінің дайындығына және көрсетіліп жатқан қызмет сапасына ерекше назар аударды.<blockquote>– Мемлекет басшысы су ресурстарын тиімді басқару, көктемгі қар суын жинақтап, оны ауыл шаруашылығы мақсатында ұтымды пайдалану су қауіпсіздігін қамтамасыз етудің негізгі бағыты екенін атап өткен болатын. Осыған орай, суармалы сумен қамтамасыз ету жағдайын жан-жақты пысықтап, алдағы суару маусымында су тапшылығының алдын алу үшін суару жүйелерінің жұмысын толық тексеру, анықталған ақауларды дер кезінде жою және ауылдық округтерде судың үздіксіз жеткізілуін қамтамасыз ету қажет, – деді Берік Әбдіғаппарұлы.</blockquote>Аудан басшысы мекеме қызметімен танысып, материалдық-техникалық базаның жай-күйіне, мамандардың жұмыс сапасына назар аударды. Қазіргі таңда су шаруашылығы мекемесінде 71 қызметкер еңбек етуде.Аудан әкімі бұл бағыттағы жұмыстарды жүйелі әрі сапалы түрде жалғастыру қажеттігін айтып, нақты тапсырмалар жүктеді.

Сырдария: Су шаруашылығы мекемесінің жағдайын пысықтады

<a href="https://kyzylorda-news.kz/">Kyzylorda-news.kz</a> Бүгінде Қазалы ауданында 51 мектепке дейінгі білім беру ұйымы болса, оның 19-ы мемлекеттік, 16-сы жекеменшік балабақша, ал, қалған 16-сы мектеп жанынан ашылған шағын орталықтар. Аталған балабақшаларда аудан бойынша барлығы 3734 бүлдіршін тәрбиеленуде.Жыл басынан бері ауданда 2 жеке балабақша ашылған. Бүгін аудан әкімі Алмасбек Есмаханов аудан орталығында жаңадан ашылған «Ханшайым-1» және «Рахым» жеке балабақшаларына барып, мектепке дейінгі білім беру ұйымдарының жұмысымен танысты.Аудан басшысы алдымен жеке кәсіпкер Қуанышкүл Дәулетиярқызының «Рахым» жеке балабақшасына барды. 100 балаға арналған балабақшада бүгінде 42 бала тәрбиеленуде. Сондай-ақ 17 адам жұмыспен қамтылған. Ал, Жетес Ахметұлының 74 балаға арналған «Ханшайым-1» жеке балабақшасында 38 бала тәрбиеленуде. Мұнда 12 адам тұрақты жұмыспен қамтылған.Балабақшаларды аралау барысында аудан әкімі тәрбиеленушілерге жасалған жағдаймен, материалдық-техникалық базамен және санитарлық талаптардың сақталуы мен балаларға берілетін ас мәзірімен танысты.&nbsp;Аудандық білім бөлімінің басшысы мен балабақша меңгерушілеріне мектепке дейінгі білім беру сапасын арттыру, балалардың қауіпсіз әрі жайлы ортада тәрбиеленуіне басымдық беру қажеттігін атап өтті. Сондай-ақ аудан басшысы еңбек адамын қолдау – әлеуметтік тұрақтылықтың басты кепілі екенін айтып, ұжым қызметкерлерінің еңбек құқықтары сақталып, қызметкерлердің айлық жалақысының уақытылы әрі толық көлемде төленуін қатаң бақылауда ұстау қажеттігін ескертті.<img src="https://knadmin.beoblood.kz/uploads/azaly_balaba_shalardy_tekseru_2_774ba1b7a3.jpg" alt="Қазалы балабақшаларды тексеру 2.jpg">

Жеке балабақшалардың жұмысымен танысты

<a href="https://kyzylorda-news.kz/">Kyzylorda-news.kz</a> Сырдария ауданы бойынша аудандық КРЭК базасында электр энергетикасы саласы қызметкерлерінің қатысуымен Конституциялық реформаларды талқылауға арналған жиын өтті. Іс-шараға мекеме басшылығы, инженерлік-техникалық қызметкерлер мен сала мамандары қатысты.Кездесу барысында Конституцияға енгізіліп жатқан өзгерістердің ел экономикасын дамытудағы маңызы, стратегиялық инфрақұрылым нысандарының тұрақты жұмысын қамтамасыз ету, азаматтардың құқықтары мен заңды мүдделерін қорғауды күшейту мәселелері кеңінен сөз болды. Сондай-ақ энергетика саласындағы жауапкершілікті арттыру, қызмет көрсету сапасын жақсарту және халықты электр энергиясымен үздіксіз қамтамасыз ету бағыттары талқыланды.Жиынға қатысушылар реформалар аясында заң үстемдігін нығайту, мемлекеттік басқарудың тиімділігін арттыру және коммуналдық қызмет көрсету саласындағы ашықтықты қамтамасыз етуге бағытталған нормаларға ерекше назар аударды.Талқылау барысында КРЭК қызметкерлері Конституциялық реформалардың инфрақұрылым саласын дамытуға, мекеме жұмысының сапасын арттыруға және тұтынушылармен сенімді қарым-қатынасты нығайтуға оң ықпал ететінін атап өтті.Кездесу қорытындысында аудандық КРЭК ұжымы ұсынылып отырған Конституциялық реформаларды қолдайтынын білдіріп, тұрғындарды сапалы әрі тұрақты электр энергиясымен қамтамасыз ету бағытындағы жұмысты жауапкершілікпен жалғастыра беретіндерін жеткізді.

Энергетика саласына қатысты бірқатар мәселелер қаралды

<a href="https://kyzylorda-news.kz/">Kyzylorda-news.kz</a> Шиелі ауданында «AMANAT» партиясының Әйелдер қанаты мүшелерінің қатысуымен дөңгелек үстел отырысы өтті.Басқосуда қоғамдағы өзекті тақырыптар мен алдағы бағыт-бағдар айқындалып, ортақ пікір алмасу алаңы қалыптасты. Жиын барысында елімізде кеңінен талқыланып жатқан конституциялық өзгерістерге ерекше назар аударылды. Қатысушылар жаңа реформалардың отбасы мен неке институтын нығайтуға, тіл мен дін саласындағы үйлесімділікті сақтауға, білім беру жүйесін дамытуға және цифрлық шешімдерді енгізуге оң ықпал ететінін атап өтті. Сонымен қатар тұрмыстық зорлық-зомбылықтың алдын алу, инклюзивті қоғам қалыптастыру, жұмыссыздық деңгейін төмендету секілді әлеуметтік маңызы жоғары мәселелер қозғалды.Дөңгелек үстелде заң мен тәртіп қағидатын орнықтыру, адал азамат қалыптастыру, экологиялық мәдениетті арттыру және отансүйгіштік құндылықтарды дәріптеу бағытындағы бастамалардың маңыздылығы да сөз болды. Бұл ретте әйелдердің қоғамдағы рөлі мен жауапкершілігі айрықша екені айтылды.Сондай-ақ жиында әйелдердің көшбасшылық әлеуетін арттыру, гендерлік теңдікті ілгерілету, өндірістегі әйелдердің құқықтарын қорғау, ауыл әйелдерінің кәсіпкерлігін қолдау, ғылым мен білім саласындағы әйелдердің үлесін көбейту және ана мен бала денсаулығын нығайту бағытындағы жоспарлар талқыланды.Бүгінде «AMANAT» партиясы Шиелі аудандық филиалының Әйелдер қанаты 10 бағыт бойынша жүйелі жұмыс жүргізіп келеді. Қоғамдық ұйымдармен, үкіметтік емес сектор және жергілікті атқарушы органдармен тығыз ынтымақтастық орнатылған. Әйелдер қанатының жұмысына аудандық білім бөлімінің әдіскері Сәуле Нұрманова жетекшілік етеді.Басқосу өзара тәжірибе алмасып, жаңа бастамаларды пысықтауға мүмкіндік берді. Белсенді нәзікжандылар қоғамдағы өзгерістерге бейжай қарамай, ел дамуына үлес қосуға дайын екендерін көрсетті.

AMANAT: Шиеліде Әйелдер қанатының белсенділері маңызды мәселелерді талқылады

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен Үкімет отырысы өтті. Кеше Мемлекет басшысы Үкіметтің кеңейтілген отырысында қазіргі күрделі кезеңде Қазақстанның әлеуметтік-экономикалық әлеуетін арттыру туралы тапсырмалар бергені белгілі. Жүктелген міндеттерді іске асыру мәселелері талқыланған жиынға облыс әкімінің бірінші орынбасары Данияр Жаналинов селекторлық режим арқылы қатысты.Аймақта Мемлекет басшысының тапсырмасына сәйкес 2025 жылы елді мекендердің барлығы 100 пайыз орталықтандырылған сапалы ауыз сумен қамтамасыз етілді. Облыс орталығындағы көпқабатты тұрғын үйлерге ыстық су жеткізу мәселесі оң шешімін тапты. Бұл мақсатқа 26 млрд. 200 млн. теңге қаржы бөлініп, 423 көпқабатты үйге ыстық су қосылды. Жылу беру маусымы штаттық режимде өтуде.Aksa energy түрік инвесторы облыс орталығында 215 млрд. теңгеге 240 мегаваттық жаңа жылу электр орталығын салды. Стратегиялық маңызы бар бұл нысан толықтай инвестор қаржысы есебінен бой көтерді. Жылу орталығы өңірдің энергетикалық қауіпсіздігін нығайтуға үлесін қосуда.Газдандыру деңгейі 83 пайызға жетсе, тозған электр желілерінің үлесі 60,8 пайызға дейін төмендеді. Жақсы жағдайдағы жолдардың үлесі 95 пайыз болып, «Қызылорда-Жезқазған» автомобиль жолының облыс аумағынан өтетін 216 шақырымы пайдалануға берілді.Кейінгі жылдары тұрғын үй кезегінде тұрған азаматтарға 8 мыңға жуық, барлық ауданда 1800-ге жуық пәтер табыс етілді.2022 жылдан бері облыста 42 білім беру, 40 медицина, 45 мәдениет, спорт нысаны салынды. «Келешек мектептері» ұлттық жобасымен 10 жаңа мектеп, «Білімді қолдау қоры» есебінен 150 орындық мектеп, физика-математика бағытындағы Білім-инновация лицей-интернаты іске қосылды. «Ауылда денсаулық сақтауды жаңғырту» ұлттық жобасымен 28 медициналық нысан ел игілігіне айналды. Қызылорда қаласында 300 орындық көпбейінді аурухананың құрылысы қарқынды жүргізілуде. Барлық елді мекендегі денсаулық сақтау ұйымдары арнайы қызметтік автокөлікпен 100 пайыз қамтамасыз етілді.

Мемлекет басшысының тапсырмаларын орындау мәселесі талқыланды

<a href="https://kyzylorda-news.kz/">Kyzylorda-news.kz</a> &nbsp;Қазалы&nbsp;ауданының әкімі Алмасбек Есмаханов Әйтеке би кентіндегі Қазалы темірбетон бұйымдарын шығару зауытының жұмысымен танысты. Республиканың әр түкпірінен тапсырыс қабылдап отырған мекеменің директоры Сәбит Өтегенов зауыт жұмысы жайында аудан басшысына толықтай айтып берді.Темірбетон зауытының тарихы 1980 жылдан басталады. Бүгінде зауытта темір жолға, көпір құрылысына қажетті темірбетон балкалары, құбырлар, жоғары кернеулі желіге арналған бағаналар, сондай-ақ көпқабатты үйлер құрылысына қажетті темірбетон бұйымдарының 60-тан астам түрі өндіріледі.Мекеме 2024 жылы 78 091 тонна бетон шығарса, өткен жылы құны 3,4 млрд. теңге болатын 83 257 тонна бетон бұйымдарын шығарды. Зауытта жалпы 80 – ге жуық адам жұмыс жасайды.Зауыт аумағын аралап, өндірістік цехтардың жұмыс барысымен, технологиялық үдерістермен және дайын өнімдерді көрген аудан әкімі аудан экономикасын дамытуда өндіріс орындарының рөлі ерекше екенін айтты. Соған сәйкес жұмыс орындарын сақтау және жаңа жұмыс орындарын ашу бағытында жүйелі жұмыс жүргізудің маңыздылығы жайында атап өтті. Зауыт басшысына өндірісті одан әрі дамыту бағытындағы бастамаларға жергілікті атқарушы билік тарапынан тиісті қолдау көрсетілетінінде жеткізді.

Аудан әкімі Қазалы темірбетон бұйымдарын шығару зауытының жұмысымен танысты

<a href="https://kyzylorda-news.kz/">Kyzylorda-news.kz</a> &nbsp;Бүгін Сенаттың жалпы отырысында Наурызбай Сейітқалиұлы Байқадамовтың депутаттық өкілеттігі <a href="https://kaz.inform.kz/news/senat-naurizbay-baykadamovtin-deputattik-oklettgn-toktatti-c6cb23/">тоқтатылды.</a>Атап айтқанда Н. Байқадамовтың басқа жұмысқа ауысуына байланысты өкілеттігін мерзімінен бұрын тоқтату жөнінде ұсыным енгізді. Өз кезегінде палата отырысында депутаттың өкілеттігін тоқтату жөніндегі қаулы қабылдады.<blockquote>- Әріптесіміз Наурызбай Байқадамов Қорқыт Ата атындағы Қызылорда мемлекеттік университетінің ректоры болып тағайындалды. Наурызбай Сейтқалиұлы алдағы жауапты жұмыстарыңызға табыс пен сәттілік тілейміз. Осыған байланысты Орталық сайлау комиссиясы Сенатқа тиісті ұсыным енгізді. Конституциялық нормаларға сәйкес, бұл мәселе бойынша Сенат тиісті қаулы қабылдауы керек, - деді Сенат төрағасы Мәулен Әшімбаев.</blockquote>Н. Сейтқалиұлы 1967 жылы 10 шілдеде Қызылорда облысы, Ж. Махамбетов ауылында дүниеге келген. 1991 жылы Н. Гоголь атындағы Қызылорда педагогикалық институтын «Тарих және француз тілі» мамандығы бойынша білім алдым. Тарих ғылымдарының кандидаты, доцент.Еңбек жолын 1991 жылы Қызылорда облысы, Сырдария ауданындағы Амангелді атындағы №139 мектеп мұғалімі болып бастаған. 1994-2003 жылдары Қорқыт Ата атындағы Қызылорда мемлекеттік университетінің «Мемлекет және құқық теориясы мен тарихы» кафедрасының оқытушы, аға оқытушысы, меңгерушісі. 2003-2006 жылдары Қорқыт Ата атындағы Қызылорда мемлекеттік университеті жанындағы колледж директоры.2007 жылы маусым-қараша аралығында «Nur Otan» ХДП Қызылорда облыстық филиалы төрағасының орынбасары.2008-2013 жылдары Қорқыт Ата атындағы Қызылорда мемлекеттік университетінің тәрбие жұмыстары жөніндегі проректоры.2013-2015 жылдары Қызылорда облысының білім басқармасының басшысы.2015-2016 жылдары «Nur Otan» партиясы Қызылорда облыстық филиалы төрағасының бірінші орынбасары.2016-2019 жылдары Қызылорда облыстық мәслихатының хатшысы.2019-2021 жылдар аралығында Қызылорда облысы әкімінің орынбасары.2021-2023 жылдары Қызылорда облыстық мәслихатының хатшысы.2022-2023 жылдары «AMANAT» партиясының Қызылорда облыстық филиалының төрағасы. 2023-2024 жылдары Қызылорда облыстық мәслихатының төрағасы. 2024 жылғы сәуірден бастап Қызылорда облысынан сайланған Парламент Сенатының депутаты.

Сенат Наурызбай Байқадамовтың депутаттық өкілеттігін тоқтатты  

<a href="https://kyzylorda-news.kz/">Kyzylorda-news.kz</a> Мемлекет басшысының Жолдауында айқындалған негізгі міндеттердің бірі инвестициялық ахуалды жақсартып, отандық және шетелдік капитал тарту. Бұл экономиканы әртараптандырудың, жаңа өндірістер ашудың және жұмыс орындарын құрудың басты тетігі.Өткен жылы Қызылорда облысында 27 жоба жүзеге асырылды. Олардың қатарында жаңа жылу электр орталығы, нан өнімдері кешені, кірпіш, айна, күріш және аз тұз өндіру зауыттары, шағын өнеркәсіптік аймақ пен 40 МВт күн электр станциясы бар. Бұл жобалар өңірдің энергетикалық қауіпсіздігін нығайтып, өндірістік әлеуетін арттырды.Алдағы 2026-2029 жылдары 48 инвестициялық жоба іске асырылып, 10 мыңнан астам жаңа жұмыс орны ашылады. Биылдың өзінде 21 жобаны іске қосу жоспарланған. Атап айтқанда, құс фабрикасы, тауарлы-сүт фермасы, қонақ үй кешені, қағаз өндіру кәсіпорны және екі күн электр станциясы пайдалануға беріледі. Сонымен қатар, ірі өндірістік нысандар тұрмыстық қалдықтарды сұрыптау кешені, қонақ үй құрылысы, әк және сода зауыттары, кен-байыту фабрикасы мен шыны бөтелке шығаратын кәсіпорын жобалары кезең-кезеңімен жүзеге асады.Аграрлық бағытта да ауқымды жұмыстар жүргізілуде. Өңірде аграрлық-индустриялық кластер қалыптастыру мақсатында техникалық қара сора, жүгері және соя өсіріп, терең өңдейтін өндірістер іске қосылуда. Крахмал-сірне зауытының құрылысы басталып, мыңдаған гектар жер игерілуде. Сонымен бірге, заманауи жылыжай кешені салынбақ.Энергетика саласында да ірі жоба қолға алынды. Қуаттылығы 1100 мегаватт болатын бу-газ қондырғысының құрылысы басталып, оған арнайы жер телімі бөлінді.Жалпы алғанда, жүйелі инвестициялық саясаттың нәтижесінде өңір экономикасы жаңа серпін алып, өндіріс көлемі ұлғайып, халықты жұмыспен қамту мүмкіндігі арта түсуде.<img src="https://knadmin.beoblood.kz/uploads/Investicziya_2_0772f4575a.jpg" alt="Инвестиция 2.jpg">

Инвестиция  –  өңір дамуының басты қозғаушы күші

<a href="https://kyzylorda-news.kz/">Kyzylorda-news.kz</a> “AMANAT” партияның облыстық филиалы жанындағы Партиялық бақылау комиссиясының кезекті отырысы өтті. Жиынның күн тәртібінде аймақтың көктемгі су тасқыны кезеңіне дайындық жұмыстары көтеріліп, жауапты органдардың бұл жұмыстарға әзірлігі, қауіпті учаскелердегі ахуал, күш пен техниканың дайындығы, өзара іс-қимыл алгоритмдері жан-жақты қаралды.&nbsp;Отырысқа облыстық мәслихаттағы депутаттық фракция жетекшісі, су маманы Жорабек Нұрымбетов және жауапты сала, мемлекеттік органдар басшылары қатысты.&nbsp;Жалпы Қызылорда облысы аумағынан ағып өтетін Сырдария өзенінің жалпы ұзындығы 1 274 шақырымды құрайды. Өзеннің оң жағалауында 380,37 шақырым, сол жағалауында 244,75 шақырым, барлығы 625,12 шақырым қорғаныс бөгеті бар. Өзен облыстың барлық 7 ауданы, 4 қаласын және 230 ауылдық елді мекенін қамтығандықтан 31 ықтимал су басу аймағы белгіленген. Бұл аймақтарда 83 668 тұрғын, 16 527 тұрғын үйі бар 36 елді мекен орналасқан. Бүгінгі күні ықтимал су тасқынының алдын алу бойынша кешенді шаралар жүргізілуде.Жиында хабарлама жасаған облыстық жұмылдыру дайындығы, аумақтық және азаматтық қорғаныс басқармасының басшысы Марат Құрманбаев бұл жұмыстарға 268 арнайы техника және 1 195 адам күшін құрайтын 101 жауапты мекеме бекітілгенін, су тасқынына қарсы жұмыстарға пайдаланылатын материалдық-техникалық қордың жеткілікті және қажет болған жағдайда тұрғындарды қауіпсіз жерге көшіру мақсатында 59 жинақтау және 70 қабылдау эвакуациялық пунктері дайын. Сонымен қатар, су тасқыны кезеңінде өзен бойына мониторинг жұмыстарын жүргізу мақсатында тікұшақ қызметін пайдалануға, мұз жару жұмыстарын жүргізуге және өзге де қажетті материалдарға &nbsp;бюджеттен қаржы бөлінгендігін атап өтті.&nbsp;Отырыста күн тәртібіндегі мәселеге қатысты кеңес мүшелері тарапынан бірқатар ұсыныстар көтеріліп, жауапты сала өкілдерімен оны жүзеге асырудың жолдары пысықталды.&nbsp;Комиссия &nbsp;төрағасы Нұркен Бақытбекұлы бұл мәселе тек өңірлік деңгейде ғана емес, республикалық деңгейде де қаралатынын атап өтіп, су тасқынына дайындық барысы «AMANAT» партиясының үнемі бақылауында болатындығын жеткізді. &nbsp;«Күн тәртібінде қаралған мәселе – тек маусымдық сипаттағы жұмыс емес, бұл – аймақ қауіпсіздігіне тікелей қатысты стратегиялық бағыт. 2024 жылғы көктемгі су тасқыны еліміз үшін үлкен сабақ болды. Сондықтан біз төтенше жағдайдың алдын алу бағытындағы жұмыстарды формалды түрде емес, нақты тәуекелдерді ескере отырып ұйымдастыруымыз қажет. Сырдария өзені – өңірдің тіршілік көзі. Оның арнасындағы гидротехникалық құрылыстардың жағдайы, қорғаныс бөгеттерінің беріктігі, халықты уақытылы хабардар ету жүйесінің дайындығы – барлығы да қатаң бақылауда болуы тиіс.Партиялық бақылау комиссиясы бұл мәселені тұрақты назарда ұстайды. Егер заңнамалық өзгерістер қажет болса, ұсыныстарды Парламент Мәжілісіндегі партия фракциясы арқылы көтеруге дайынбыз. Ал бюджеттен қаражат бөлу мәселесінде мәслихаттағы фракцияларымыз тиісті қолдау көрсетеді. Ең бастысы – жауапты органдардың үйлесімді жұмысы мен нақты мерзімге бағытталған іс-қимыл жоспары болуы керек. Былтыр көтерілген мәселелер биыл қайталанбауы тиіс.Біз үшін басты мақсат – аймақ халқының қауіпсіздігін қамтамасыз ету және ықтимал қауіптің алдын алу», – деді комиссия төрағасы.Жиын қорытындысында жауапты мекемелерге бірқатар міндеттер жүктеліп, нақты тапсырмалар берілді. Партиялық бақылау комиссиясы су тасқынының алдын алу шараларын тұрақты бақылауда ұстайтын болады.

Қазақстан және Қызылорда облысының жаңалықтары: Қоғам