<a href="https://kyzylorda-news.kz/">Kyzylorda-news.kz</a> Облыс көлемінде ағымдағы жылдың 8 қыркүйегіндегі жағдай бойынша жұмыс берушілер тарапынан «Enbek.kz» электронды еңбек биржасына барлығы 2 202 бос жұмыс орны жарияланды (жұмыспен қамтудың белсенді шараларын қоса алғанда).Жарияланған бос жұмыс орындарының арасында жалақы мөлшері бойынша 250–300 мың теңге аралығында техникалық менеджер, сауда өкілі, экономист, тракторист, автокөлік жөндеу слесарі, қойма меңгерушісі, есепші, сапа жөніндегі инженер, бағалаушы, инженер-энергетик, ағаш ұстасы, электромеханик, сатып алу жөніндегі маман, дәрігер және басқа да мамандықтар бойынша жұмыс орындары бар.Сонымен қатар, жалақысы 300–600 мың теңге аралығында болатын сауда өкілі, инфекционист дәрігер, сот-медициналық сарапшы дәрігер, геодезист, бульдозер машинисі, невролог дәрігер, бас механик, кредит-менеджер, информатика пәнінің мұғалімі, бас инженер, электромонтажшы, автокөлік жүргізушісі, авиациялық диспетчер, сапа инженері және басқа да мамандықтар бойынша бос жұмыс орындары ұсынылған.Ал жалақысы 600–1 200 мың теңгені құрайтын бас инженер, қаржы құрылымы бөлімшесінің басшысы, клиникалық фармаколог дәрігер, авиациялық диспетчер, қойма жұмысшысы, қоймашы, тауар жинақтаушы, құс фабрикасының жұмысшысы және басқа да мамандықтар бойынша бос жұмыс орындары жарияланған.Жұмыс іздеуші азаматтар күнделікті «Enbek.kz» электронды еңбек биржасы арқылы облыс аумағындағы жұмыс берушілер жариялаған бос жұмыс орындарымен танысып, өз біліктілігі мен талаптарына сәйкес келетін жұмыс орындарына өз түйіндемелерін жолдай алады.

«Enbek.kz» электронды еңбек биржасына бос жұмыс орны жарияланды

<a href="https://kyzylorda-news.kz/">Kyzylorda-news.kz</a> Қызылорда облысы аумағында 31 тамыз – 6 қыркүйек аралығында «Қару» жедел-профилактикалық іс-шарасы өтті.Іс-шараның басты мақсаты – заңсыз сақталған және заңсыз айналымдағы қару-жарақтарды анықтау, азаматтық және қызметтік қарулардың сақталуы мен пайдаланылуына бақылауды күшейту, сондай-ақ қаруға қатысты құқық бұзушылықтардың алдын алу. Бұл жұмыстар қоғамдық тәртіпті нығайтып, қарудың заңсыз қолданылуынан туындайтын қауіптердің алдын алуға және «Заң мен тәртіп» қағидатын қамтамасыз етуге бағытталған.Жедел-профилактикалық іс-шара барысында полиция қызметкерлері қару иелерінің тұрғылықты мекенжайлары бойынша 600-ге жуық тексеру жүргізді. Қаруды сақтау ережелерін бұзғаны үшін 18 қару иесі әкімшілік жауапкершілікке тартылды. Қаруды тасымалдау және тіркеу мерзімдерін бұзғаны үшін 11 қару иесіне қатысты әкімшілік хаттамалар ресімделді.Полиция департаменті азаматтарды қаруды сақтау, тасымалдау және пайдалану кезінде заң талаптарын қатаң сақтауға шақырады. Қару иелерінің белгіленген талаптарды орындауы – заң мен тәртіпті нығайтуға, қоғамдық қауіпсіздікті қамтамасыз етуге және азаматтардың тыныштығын сақтауға маңызды үлес қосады.<img src="https://knadmin.beoblood.kz/uploads/Whats_App_Image_2026_09_09_at_10_18_04_822b5d97de.jpeg" alt="Заң мен тәртіп.jpeg">

Полиция қару иелерін тексеру жұмыстарын күшейтті

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен актив отырысы өтті.&nbsp;Жиында 2024 жылдан бері аудандық полиция бөліміне басшылық жасап, қоғамдық қауіпсіздікті қамтамасыз ету мен құқық бұзушылықтың алдын алу бағытында нәтижелі жұмыс атқарған Баймағанбетов Мақсат Маратұлын басқа қызметке ауысуына байланысты шығарып салды.Аудан әкімі Мақсат Маратұлының қызмет барысында атқарған жұмыстарына оң баға беріп, аудан тұрғындарының қауіпсіздігін қамтамасыз ету жолындағы еңбегін атап өтті.<blockquote>«Мақсат Маратұлы, аудандық полиция бөлімінің бастығы ретінде қоғамдық тәртіпті сақтау, құқық бұзушылық пен қылмыстың алдын алу бағытында жоғары нәтижелерге қол жеткіздіңіз. Мемлекет басшысының «Заң мен тәртіп» қағидатын орнықтыруға, қоғамдағы тұрақтылық пен қауіпсіздікті нығайтуға қосқан үлесіңіз айрықша. Қызмет атқарған кезеңіңізде полиция қызметкерлерін жаңа үлгідегі автокөліктермен қамтамасыз етуге және ауданда кіші жедел басқару орталығын құруға атсалыстыңыз. Ауданда атқарған жемісті еңбегіңіз үшін шынайы алғысымды білдіре отырып, алдағы жауапты қызметіңізге сәттілік, жаңа белестер мен толағай табыс тілеймін», – деді аудан әкімі А.Ибраимов.</blockquote>Жиында Мақсат Баймағанбетовке Жалағаш ауданындағы нәтижелі еңбегі мен қоғамдық қауіпсіздікті қамтамасыз етуге қосқан үлесі үшін ауданның ең жоғары наградасы «Жалағаш ауданының Құрмет грамотасы» табысталды.Сондай-ақ, аудандық мәслихат төрағасы Өмірзақ Елеусінов пен аудандық полиция бөлімі бастығының орынбасары Мәулен Өсер сөз сөйлеп, Мақсат Маратұлының қызмет барысында атқарған жұмыстарына тоқталып, жаңа қызметіне сәттілік тіледі.<img src="https://knadmin.beoblood.kz/uploads/Zhala_ash_aktiv_otyrysy_2_4184e389ea.jpg" alt="Жалағаш актив отырысы 2.jpg">

Актив отырысында бірқатар мәселелер қаралды

<a href="https://kyzylorda-news.kz/">Kyzylorda-news.kz</a> Жалағаш ауданының әкімі Ардақ Ибраимовтың төрағалығымен мәжіліс өтті. Жиында жұмысшы мамандықтары бойынша кадр даярлаудың жаңа тәсілдері және аймақ басшысы тарапынан жүктелген бірқатар мәселелер қаралып, жауапты сала басшыларына нақты тапсырмалар берілді.<blockquote>«Мемлекет басшысы өз Жолдауында техникалық және кәсіптік білім беру мен жұмысшы кадрларды даярлау мәселесіне ерекше тоқталып, бұл бағыттағы мемлекеттік саясаттың негізгі бағдарын айқындап берді. Қоғамда жұмысшы мамандықтарына деген жастардың қызығушылығын арттыру, еңбек адамының беделін көтеру – бүгінгі күннің маңызды міндеттерінің бірі. Ауданның әлеуметтік-экономикалық дамуы еңбек нарығындағы білікті мамандарға тікелей байланысты. Сондықтан ауыл шаруашылығы, құрылыс, тұрғын үй-коммуналдық шаруашылығы және қызмет көрсету салаларына қажетті кадрларды сапалы даярлауға басымдық беруіміз қажет. Білім беру ұйымдарында еңбек нарығында сұранысқа ие мамандықтарға ерекше көңіл бөлінуі тиіс», – деді аудан әкімі А.Ибраимов.</blockquote>Қазіргі таңда аудандық индустриалды-аграрлық колледжде 243 білім алушы бар. Оның ішінде 2026-2027 оқу жылында мемлекеттік тапсырыс негізінде 6 мамандық бойынша 108 студент білім алуда. 9-сынып негізінде ауыл шаруашылығын механикаландыру, электр жабдықтары, дәнекерлеу ісі, тамақтандыруды ұйымдастыру, ал 11-сынып негізінде жеміс-көкөніс өсіруші және дәнекерлеу ісі мамандықтары бойынша кадр даярлануда.Аудан әкімі жұмысшы мамандықтары бойынша кадр даярлау сапасын арттырып, колледж студенттерінің кәсіби біліктілігін жетілдіруге бағытталған кешенді шаралар қабылдауды тапсырды. Сонымен қатар түлектердің жұмыспен қамтылуына басымдық беріп, олардың еңбек нарығына бейімделуіне жағдай жасау қажеттігін атап өтті.Аудандық Мансап орталығы филиалы мен жауапты сала басшыларына колледж түлектерін жұмыспен қамту үлесін арттырып, оларды мемлекеттік қолдау шараларына кеңінен тарту бойынша жұмысты жандандыру тапсырылды.

Жұмысшы мамандықтарына кадр даярлау – басты назарда

Нағи Ілиясов ауылының 60 жылдық мерейтойы аясында «Адал еңбек, алтын дәннің ордасы» атты республикалық ақындар айтысы өтті.Ұлттық өнердің ұлы додасына еліміздің түкпір-түкпірінен танымал айтыскер ақындар мен жас таланттар қатысып, суырыпсалма өнердің биік үлгісін көрсетті. Ақындар өзара сөз сайысына түсіп, ел тарихы, туған жер тағылымы, еңбек адамының өнегесі мен ауылдың әлеуметтік-экономикалық жетістіктерін арқау етті.Айтыстың мәні мен мазмұнын бағалауға қазылар алқасының құрамында Қазақстанның Халық жазушысы, «Құрмет», «Парасат», «Отан» ордендерінің иегері Жүрсін Молдашұлы Ерман арнайы келіп қатысты.Республикалық айтысқа Қарағанды облысынан Мақсат Ақанов пен Дидар Қамиев, Павлодар облысынан Аспанбек Шұғатаев, Ақтөбе қаласынан Аруана Кәрімбек, Астана қаласынан Рауан Қайдар, Түркістан облысынан Ахметрасул Байанбай, Қызылорда облысынан Мейірбек Сұлтанхан, Нұрмат Мансұр, Бексұлтан Орынбасар, Алматы қаласынан Нұрзат Қару қатысты.Айтыс барысында ақындар ел бірлігі мен жер тұтастығын, туған өлкенің тарихы мен бүгінгі жетістіктерін жырлап, еңбекпен елге қызмет етудің маңызын көрерменге жеткізді. Өнерпаздардың ұтқыр ойы мен өткір сөзі, тапқырлығы мен шешендігі көпшілікке көтеріңкі көңіл күй сыйлады.Қазылар алқасының шешімімен республикалық айтыстың Бас жүлдесі Қызылорда облысының ақыны Нұрмат Мансырға бұйырды. І орын Қарағанды облысының ақыны Мақсат Ақановқа, ІІ орын Павлодар облысының ақыны Аспанбек Шұғатаевқа берілді. Ал ІІІ орынды Қызылорда облысының ақыны Бексұлтан Орынбасар мен Алматы қаласының ақыны Нұрзат Қару иеленді. Сондай, ақ айтысқа қатысқан өзге де ақындардың барлығына арнайы жүлде табысталып, 500 мың теңгеден ақшалай сыйақылар табысталды.Ұлттық өнердің ұлағатын ұлықтаған айтулы шара Нағи Ілиясов ауылының 60 жылдық мерейтойының мазмұнын байытып, ел тарихы мен еңбек адамдарының өнегесін дәріптеуге айрықша үлес қосты.

Айтыскер ақындар аламан додада бақ сынады 

Қазалы ауданының әкімі Алмасбек Есмаханов Ақсуат ауылы Байқожа елді мекенінің тұсындағы Ақкесек жерінде орналасқан су көтеру ұңғымалары мен су тарату бекетінің жұмысын көрді.Ақкесек аумағында «Байқожа топтық су құбыры» өндірістік бөлімшесінің қарамағында 5 су көтеру ұңғымасы орналасқан. Оның ішінде №1, №2, №3, №4, №5 және қосымша нөмірсіз ұңғымалар бар. Су ұңғымалары 2014 жылы салынып, пайдалануға берілген.Қазіргі таңда №3 және №4 ұңғымалар қалыпты жұмыс істеп, сағатына 40 текше метрге дейін су өндіреді. Сонымен қатар қосымша нөмірсіз ұңғыма да жұмыс істеп тұр, оның өнімділігі сағатына 20 текше метрді құрайды. Аталған үш ұңғыма қазіргі таңда сағатына 100 текше метр су өндіруде. Ал №1, №2 &nbsp;және №5 ұңғымалардың қазіргі таңда ақаулық жағдайларға байланысты жұмысы тоқтаған.Ақкесек жеріндегі су көздері Қазалы ауданындағы бірқатар елді мекендерді ауызсумен қамтуға мүмкіндік беретін маңызды су инфрақұрылымы саналады. Бүгінде ауданның негізгі ауызсу көздері – «Арал-Сарыбұлақ» топтық су құбыры арқылы Арал бағытынан келетін су.Осыған байланысты жергілікті су көздерінің әлеуетін тиімді пайдалану, қолданыстағы ұңғымалардың техникалық жағдайын жақсарту және су жүйесінің резервтік мүмкіндігін арттырудың маңызы зор. Аудан басшысы су ысандарын аралау барысында тиісті сала басшыларына ұңғымалардың техникалық жай-күйі мен су өндіру мүмкіндігін зерделеп, «Ақкесек» су кешенінен қайта жаңғырту бойынша жобалық-сметалық құжаттаманы әзірлеу, жобаның техникалық және экономикалық тиімділігін жан-жақты зерделеу жұмыстарын қолға алуды тапсырды.Бұл жоба жүзеге асқан жағдайда Ақкесек жеріндегі жерасты су қорларын тиімді пайдаланып, ауданның ауызсумен қамту жүйесінің тұрақтылығын арттыруға мүмкіндік береді.<img src="https://knadmin.beoblood.kz/uploads/FB_IMG_1788926164088_52e8dc8fde.jpg" alt="FB_IMG_1788926164088.jpg">

Су ұңғымаларының жұмысымен танысты 

<a href="https://kyzylorda-news.kz/">Kyzylorda-news.kz</a> Бүгін Нағи Ілиясов ауылының құрылғанына 60 жыл толуына орай ауылдың тарихын, елді мекеннің тыныс-тіршілігін, еңбек адамдарының өнегелі жолын және рухани-мәдени құндылықтарын насихаттауға бағытталған «Құтты мекеннің көрікті келбеті» атты көрме өтуде. Салтанатты шараға облыс әкімінің кеңесшісі Руслан Рүстемов, аудан әкімі Берік Сәрменбаев, алыс-жақыннан келген зиялы қауым өкілдері мен құрметті меймандар, еңбек және тыл ардагерлері, ауыл ақсақалдары мен аудан тұрғындары қатысты.Көрме барысында ауылдың өткені мен бүгінін сабақтастыратын фото-көрме ұсынылып, елді мекеннің қалыптасу кезеңдері, әлеуметтік-экономикалық дамуы және ауыл өміріндегі айтулы сәттер фотосуреттер арқылы көпшілік назарына ұсынылды.Сонымен қатар, ауыл тұрғындарының еңбегін дәріптейтін ауыл шаруашылығы көрмесі ұйымдастырылып, туған жердің берекелі тіршілігі мен еңбек нәтижелері таныстырылды. Қолөнер шеберлерінің ұлттық нақыштағы бұйымдары да көрменің мазмұнын толықтырып, халқымыздың дәстүрлі өнері мен шеберлік мектебін көрсетті.Ауылдан шыққан елге белгілі азаматтар мен еңбек адамдарының өмір жолы мен өнегесін насихаттау мақсатында кітап көрмесі қойылды. Көрме арқылы туған өлкенің тарихында өзіндік із қалдырған тұлғалардың есімі ұлықталып, олардың ел дамуына қосқан үлесі кеңінен таныстырылды.Мерекелік шара аясында «Құрақтың Досжаны» атындағы халық-ұлт аспаптар оркестрі өнер көрсетіп, ұлттық музыканың құдіретін дәріптеген тағылымды концерттік бағдарлама ұсынды.<img src="https://knadmin.beoblood.kz/uploads/N_Iliyasov_auyly_60_zhyl_22b40b4e95.jpg" alt="Н.Ілиясов ауылы 60 жыл.jpg">

Н. Ілиясов ауылының 60 жылдық мерейтойы аталып өтті

<a href="https://kyzylorda-news.kz/">Kyzylorda-news.kz</a> Сырдария ауданы Нағи Ілиясов ауылының 60 жылдық мерейтойы аясында ауылдың қалыптасу тарихын кеңінен насихаттау, елді мекеннің өсіп-өркендеуіне өлшеусіз үлес қосқан еңбек адамдарының өнегелі жолын дәріптеу және кейінгі ұрпаққа тағылымды тарихты жеткізу мақсатында «Еңбектің құдіреті – ер атандырар» атты ғылыми – танымдық конференция өтті.Тағылымды басқосуда облыс әкімінің кеңесшісі Руслан Рүстемов мерекемен құттықтап, аймақ басшысының құттықтау жеделхатын жеткізді.Басқосуда ауылдың тарихы, оның қалыптасуы мен әлеуметтік – экономикалық дамуы, ауыл шаруашылығы саласындағы жетістіктері және ел игілігі жолында аянбай еңбек еткен азаматтардың өмір жолы кеңінен сөз болды.&nbsp;Конференция барысында Сырдария ауданының Құрметті азаматы, ардагерлер кеңесінің төрағасы Төребек Жұмабекұлы, педагогика ғылымдарының докторы, профессор Алма Нағиқызы, ауыл шаруашылығы ғылымдарының докторы, профессор, Сырдария ауданының Құрметті азаматы Ибудулла Айғалиұлы, Қазақстанның Еңбек Ері, Қызылорда облысының және Сырдария ауданының Құрметті азаматы Абзал Ералиев сөз сөйлеп, елді мекеннің өткені мен бүгінін сабақтастырған құнды пікірлерін ортаға салды.Сондай-ақ тарих ғылымдарының кандидаты Нұрлыбек Мыңжасов қорытынды сөз сөйлеп, басқосудың маңызына тоқталды. Жиын барысында бірқатар азаматтарға Қорқыт ата атындағы Қызылорда университеті Басқарма төрағасы – Ректорының «Алғыс хаттары» табысталды.Мерейтой аясында елді мекеннің қалыптасуы мен өркендеуіне, әлеуметтік-экономикалық дамуына және қоғамдық өміріне елеулі еңбек сіңірген азаматтар Нағи Ілиясов ауылының 60 жылдығына арналған мерекелік медальдармен марапатталды.<img src="https://knadmin.beoblood.kz/uploads/Syrdariya_audany_konferencziya_2_e4347664b8.jpg" alt="Сырдария ауданы конференция 2.jpg">

«Еңбектің құдіреті – ер атандырар» атты ғылыми-танымдық конференция өтті

<a href="https://kyzylorda-news.kz/">Kyzylorda-news.kz</a> Бүгін Қазалы ауданының әкімі Алмасбек Есмаханов Әйтеке би кентіндегі көпқабатты тұрғын үйлердің инженерлік жүйелерін жөндеу жұмыстарымен танысып, жылу беру маусымына дайындық барысын тексерді.Алдымен аудан басшысы Әйтеке би кентіндегі В. Счастнов, Жанқожа батыр және Желтоқсан көшелеріндегі көпқабатты тұрғын үйлердің аулаішілік кәріз желілерін жөндеу жұмыстарын көрді. Жоба аясында 24 кәріздік бақылау құдығы мен 358 метр кәріз желісін тазартылуда. Жөндеу жұмыстарын мердігер мекеме «Қамбар» ЖК жүзеге асыруда. Аталған жұмыстардың нәтижесінде көпқабатты тұрғын үйлердің санитариялық жағдайын жақсарту, тұрғындарға қолайлы жағдай жасау және аулаішілік кәріз жүйесінің тұрақты әрі үздіксіз жұмыс істеуін қамтамасыз ету көзделуде.Бұдан кейін Е.Көлдейбекұлы көшесінде орналасқан 6 көпқабатты тұрғын үйдегі атқарылған жұмыстарды көрді. Аталған үйлердің инженерлік жүйелерін ағымдағы жөндеуге қаржы бөлініп, мердігер «Стандарт Строй KZ 2006» ЖШС тарапынан тиісті жұмыстар жүргізілген. Жөндеу барысында тұрғын үйлердің ортақ пайдаланылатын ауыз су насос станциясы мен қосалқы бөлшектері жаңартылып, ақауы бар инженерлік желілер қалпына келтірілді. Сонымен қатар, ыстық су жеткізетін жаңа желілер де тартылды.Аудан әкімі «Қызылорда жылу электр орталығы» МКК Қазалы-Теміржол жылу филиалына барып, 2026-2027 жылдардағы жылу беру маусымына дайындық жұмыстарымен танысты.Қазіргі таңда филиал арқылы 98 нысан, 80 көпқабатты және 183 жеке тұрғын үй орталықтандырылған жылу жүйесіне қосылған. Жылу беру маусымына дайындық барысында 12 орталық жылу тарату пункті мен 1 көтерме насос станциясында, сондай-ақ қазандықтар мен қосалқы қондырғыларда ағымдағы жөндеу жұмыстары жүргізілген.Аудан әкімі жауапты сала басшыларына жылу беру маусымын сапалы әрі тұрақты өткізуге аса мән беруді тапсырды.<blockquote>«Әсіресе көпқабатты тұрғын үйлердің жылу жүйесіне қатысты мәселе болмауы керек. Тұрғындардың өтініштері дер кезінде қаралып, туындаған кез келген мәселе жедел шешілуі тиіс. Жылу желілері мен қазандықтардың жұмысы тұрақты бақылауда болып, қысқы кезеңге қажетті резервтер толық қамтамасыз етілуі қажет», – деді аудан әкімі.</blockquote>Жауапты орынбасары мен тиісті мекеме басшыларына жылу беру маусымы басталғанға дейін барлық жүйелердің жұмысқа толық әзірлігін қамтамасыз ету, ақаулардың алдын алу және тұрғындарға көрсетілетін қызмет сапасын тұрақты бақылауда ұстау жөнінде нақты тапсырмалар берді.<img src="https://knadmin.beoblood.kz/uploads/azaly_zhylu_beru_mausymyna_dajyndy_2_5f90ece565.jpg" alt="Қазалы жылу беру маусымына дайындық 2.jpg">

Көпқабатты үйлердің инженерлік жүйелерін жөндеу мен  жылу беру маусымына дайындық мәселелері пысықталды

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен өткен мәжілісте жұмысшы кәсіптері бойынша кадр даярлаудың жаңа тәсілдері және жұмыспен қамту мәселелері талқыланды. Мәжіліске Қазалы ауданының әкімі Алмасбек Есмаханов селекторлық режим арқылы қатысты.&nbsp;Аймақ басшысының төрағалығымен өткен жиыннан кейін аудан әкімі күн тәртібіндегі және өзге де мәселелер бойынша тиісті сала басшыларына бірқатар тапсырмалар жүктеді.Қазіргі таңда аудандағы 3 колледжде 29 мамандық бойынша 1000-ға жуық студент білім алуда. Атап айтқанда, Қазалы көлік-техникалық жоғары колледжінде – 599, Қазалы аграрлы-техникалық колледжінде – 296, Қазалы гуманитарлық-техникалық колледжінде – 195 студент оқиды.Аудан басшысы еңбек нарығының нақты сұранысына сәйкес білікті жұмысшы кадрлар даярлаудың маңыздылығын атап өтіп, «колледж – кәсіпорын – білім алушы» арасындағы байланысты жаңа деңгейге көтеру қажеттігін айтты. Осыған байланысты аудандық жұмыспен қамту және әлеуметтік бағдарламалар бөлімі мен аудандық «Мансап» орталығына кәсіпорындар мен мекемелердің алдағы 3-5 жылға кадр қажеттілігіне талдау жүргізіп, сұранысқа ие мамандықтар мен қажетті жұмысшы саны көрсетілген бірыңғай аудандық кадр қажеттілігі картасын әзірлеуді тапсырды.Сонымен қатар колледждерге мамандықтар мен оқу бағдарламаларын жұмыс берушілердің сұранысына сәйкес қайта қарау, дуальды оқыту жүйесін кеңейту, жаңа технологиялар мен цифрландыру бағытындағы жұмыстарды күшейту және сұранысқа ие жұмысшы кәсіптеріне қысқа мерзімді оқыту көлемін арттыру жөнінде міндеттер жүктеді.Мәжілістің келесі мәселесі – халықты жұмыспен қамту бағытындағы атқарылған жұмыстардың нәтижелері болды. Жыл басынан бергі 8 айдың қорытындысымен өңірлік жұмыспен қамту жол картасы аясында 2 526 адам жұмыспен қамтылып, жоспар 72,2 пайызға орындалған. Сонымен бірге бос жұмыс орындарын құру, «10 мың тұрғынға 100 жаңа жұмыс орны» жобасы, жастар тәжірибесі және мүгедектігі бар азаматтарды жұмыспен қамту бағыттарындағы көрсеткіштер талқыланды.Аудан әкімі бірқатар ауылдық округтердегі көрсеткіштердің төмендігін атап өтіп, жауапты сала басшылары мен ауылдық округ әкімдеріне қатаң тапсырмалар берді. Әсіресе, жастарды тұрақты жұмыспен қамтуға, жаңа жұмыс орындарын ашуға және жұмыссыз азаматтарды сұранысқа ие мамандықтарға оқытуға басымдық беру қажеттігін ескертті.Мәжіліс соңында ауданның санитарлық тазалығы мен абаттандыру мәселесі де қаралды. Аудан басшысы Әйтеке би кенті мен Қазалы қаласының тазалық жағдайына қатысты бірқатар кемшіліктерді атап өтіп, жауапты тұлғаларға оларды 3 күн мерзімде қалпына келтіруді тапсырды.Аудан әкімі жауапты басшыларға белгіленген тапсырмаларды сапалы әрі мерзімінде орындап, халықты жұмыспен қамту, білікті кадр даярлау және елді мекендердің тазалығын қамтамасыз ету бағытындағы жұмыстарды жүйелі түрде жүргізуді тапсырды.

Кадр даярлаудың жаңа тәсілдері және жұмыспен қамту мәселелері талқыланды

<a href="https://kyzylorda-news.kz/">Kyzylorda-news.kz</a> Қызылорда облысында заңсыз үйінділерді анықтау және жою бойынша жүйелі жұмыстар жалғасуда.Экология департаментінің мамандары елді мекендерден тыс жерлерді қоса алғанда, аумақтарды үнемі тексеріп отырады. Анықталған оқиғалар негізінде жергілікті билік органдарымен бірлесіп аумақтарды тазарту және қоқыс төгетін орындардың қайта пайда болуына жол бермеу шаралары қабылдануда.2018 жылдан бері «Қазақстан Ғарыш Сапары» ҰК» АҚ-мен бірлесіп жүргізіліп келе жатқан ғарыштық мониторинг бұл жұмыста маңызды құрал болып қала береді. Биыл оның көмегімен аймақта 53 заңсыз үйінділері анықталды. Бүгінгі күнге дейін олардың барлығы толығымен жойылды.Ғарыштық мониторинг деректері мен жер үсті тексерулерін біріктіретін кешенді тәсіл проблемалы аймақтарды уақтылы анықтауға және оларды шешу шараларын жүзеге асыруға мүмкіндік береді.Аумақтардың санитарлық жағдайын бақылау және жаңа заңсыз үйінділерінің пайда болуына жол бермеу жұмыстары жалғасады.

Қызылорда облысында биыл анықталған барлық заңсыз қоқыс үйінділері жойылды

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен кадрлық өзгерістерге орай мәжіліс өтті. Онда «Отбасы банк» акционерлік қоғамы басқармасы басшысының бұйрығымен банктің Қызылорда облысы бойынша филиалының директоры лауазымына тағайындалған Жайшаев Руслан Асылбекұлы таныстырылды.Бұған дейін филиалды басқарған Әділжан Рахымжанұлы Сәулебаевқа өңірде атқарған қызметі үшін Қызылорда облысының Құрмет грамотасы табысталды.Руслан Жайшаев 1980 жылы Оңтүстік Қазақстан облысында дүниеге келген. Қырғыз ұлттық мемлекеттік университетінде «Банк ісі», «Мирас» университетінде «Құқықтану» мамандықтары бойынша білім алған. Ресей Федерациясы Президенті жанындағы Халық шаруашылығы және мемлекеттік қызмет академиясында «Іскерлік әкімшілендіру магистрі» дәрежесін иеленген.Еңбек жолын 2003 жылы банк саласында қашықтан қызмет көрсету бөлімінің менеджері ретінде бастаған. 2006-2010 жылдары «Банк ЦентрКредит», «Қазкоммерцбанк», «Цеснабанк» акционерлік қоғамының Алматы қаласындағы филиалдарында, 2010-2016 жылдары «Даму» кәсіпкерлікті дамыту қорының Алматы және &nbsp;Жамбыл облыстық филиалдарында түрлі жауапты қызметтер атқарған. 2016-2017 жылдары «Қазкоммерцбанк» АҚ Жамбыл облыстық филиалының директоры, 2017-2020 жылдары «Отбасы банк» АҚ Шығыс Қазақстан облыстық және Шымкент қалалық филиалдары директорының орынбасары болған. 2020 жылдан осы уақытқа дейін «Отбасы банк» АҚ Түркістан облыстық филиалының директоры қызметін атқарып келді.

Қазақстан және Қызылорда облысының жаңалықтары: Қоғам