<a href="https://kyzylorda-news.kz/">Kyzylorda-news.kz</a> Қазақстанда маусымда мемлекеттік мерекелер жоқ, сондықтан аптасына бес күн жұмыс істейтін азаматтар бұл айда сегіз күн демалады, деп хабарлайды <a href="https://kaz.nur.kz/society/2377476-qazaqstandyqtar-mausymda-qansha-kun-demalady/">KAZ.NUR.KZ.</a>"Электрондық үкіметтің" ресми сайтындағы мерекелік және демалыс күндерінің күнтізбесіне сәйкес, маусымда Қазақстанда мемлекеттік мерекелер жоқ, сондықтан қосымша демалыс күндері де жоқ.Осылайша, аптасына бес күн жұмыс істейтін азаматтар сегіз күн демалады — барлық демалыс күні сенбі мен жексенбіге түседі. Ал аптасына алты күн жұмыс істейтіндер маусымда төрт күн демалады.Айта кетсек, мамырдың аяғында қазақстандықтарды бір қосымша демалыс күні күтіп тұр — 27 маусымда Құрбан айт атап өтіледі.Фото: pexels

Қазақстандықтар маусымда қанша күн демалады?

<a href="https://kyzylorda-news.kz/">Kyzylorda-news.kz</a> Әкімдерді тікелей сайлау тетігі енгізілген сәттен бастап Сыр елінде тұрғындар кент және ауылдық округ әкімдерінің сайлауына белсенді қатысуда.&nbsp;Жыл басынан бері аймақта 3 кент, 6 ауылдық округ әкімі сайланды. Өткен жексенбіде яғни 17 мамырда Қызылорда қаласындағы Қызылөзек және Шиелі ауданындағы Иіркөл ауылдық округтерінде әкімдер сайлауы өткізілді.&nbsp;Маңызды науқанда Қызылөзекте 1815 сайлаушы, Иіркөлде 2662 сайлаушы тізімге енген. 5 учаскелік сайлау комиссиясы жұмыс жасады. Сайлаушылар үшін шақыру қағаздары таратылды.&nbsp;<img src="https://knadmin.beoblood.kz/uploads/Whats_App_Image_2026_05_18_at_17_51_27_a2a252ecae.jpeg" alt="Қызылөзек ауылының әкімі.jpeg">Дауыс беру қорытындысымен сайлаушылардың 964 дауысын алған Сәкен Әбдіжаппар Қызылөзек ауылдық округінің әкімі болып сайланды. Ол 1963 &nbsp;жылы дүниеге келген. Сайлауды өзін-өзі ұсынған.<img src="https://knadmin.beoblood.kz/uploads/Whats_App_Image_2026_05_18_at_17_51_27_1_f68613f151.jpeg" alt="Иіркөл ауылының әкімі.jpeg">Ал, дауыс берушілердің 1564 дауысын алған Қанағат Ниязов Иіркөл ауылдық округінің әкімі ретінде сайланды. Ол 1977 жылы дүниеге келген. Сайлауды өзін-өзі ұсынған.&nbsp;Айта кетейік, 21 маусымда Арал ауданы бойынша Арал қаласы, Жалағаш ауданында Ақсу және Жаңаталап ауылдық округтері, Шиелі ауданында Шиелі кенті және Жиделіарық ауылдық округтерінің әкімдері сайланады. Қазіргі таңда кандидаттардан ұсыну құжаттары қабылдануда.Фото: Нұрболат Нұржаубай

Қызылөзек және Иіркөл ауылында жаңа әкім сайланды

<a href="https://kyzylorda-news.kz/">Kyzylorda-news.kz</a> Мәжіліс төрағасы Ерлан Қошанов парламент палаталарының бірлескен отырысын шақыру туралы өкімге қол қойды. Ол 20 мамырда өтеді, деп хабарлайды KAZ.NUR.KZ мәжілістің баспасөз қызметіне сілтеме жасап.<blockquote>"Қазақстан Республикасы Конституциясының 58-бабы 4-тармағының 2) тармақшасына сәйкес Қазақстан Республикасы парламенті палаталарының бірлескен отырысы 2026 жылғы 20 мамырда сағат 10.00-де Астана қаласында шақырылсын", – деп жазылған өкім мәтінінде.</blockquote>Айта кету керек, бұл осы айдағы парламент палаталарының үшінші бірлескен отырысы. Отырыстардың бірі 8 мамырда өтті, онда президент, құрылтай мен сайлау туралы конституциялық заңдар талқыланды.Фото: parlam.kz

Осы аптада Қазақстанда парламент палаталарының бірлескен отырысы өтеді

<a href="https://kyzylorda-news.kz/">Kyzylorda-news.kz</a> Қатпары қалың тарихтың тереңіне үңіліп, ұлы мұраны ұлықтау үрдісі үзілмегені ләзім. 18 мамыр – Халықаралық музей күніне орай, ҚАЖ департаментіне қарасты №68 мекемесінің қызметкерлері Қызылорда облыстық тарихи-өлкетану музейіне барып, мемлекет және қоғам қайраткері, этнограф-ғалым Өзбекәлі Жәнібековтің 95 жылдығына арналған «Ұлт рухын ұлықтаған тұлға» атты көшпелі көрменің ашылу салтанатына қатысты.Көрмеде ұсынылған сирек жәдігерлер, тарихи құжаттар мен фотоматериалдар арқылы қайраткердің ұлттық құндылықтарды қайта түлету жолындағы қажырлы еңбегі айқын көрініс тапты. Экскурсия кезінде мамандар Өзбекәлі Жәнібековтің мәдени мұраны сақтау, тарихи ескерткіштерді жаңғырту, салт-дәстүрді дәріптеу бағытындағы бастамаларына тоқталып, оның ел тарихындағы орны ерекше екенін атап өтті.<blockquote>– Қарбалас жұмыстан уақыт тығыз болып, кейде көп нәрсеге бірдей көңіл бөлу мүмкін еместей көрінеді. Бірақ, бүгін музейге келудің сәті түсіп, рухани серпіліс алдық. Әсіресе, халқын сүйген Өзбекәлі Жәнібековке қатысты мардымды ақпаратқа қанығып, әр жәдігерді қызығушылықпен тамашаладық, - дейді мекеменің режим және күзет бөлімінің бақылаушысы әділет кіші сержанты Әли Сәбит.</blockquote>Иә, музейдің уақыт пен ұрпақ арасын жалғайтын алтын көпір екені даусыз.

Тарих пен тағылым тоғысқан тағылымды іс-шара

<a href="https://kyzylorda-news.kz/">Kyzylorda-news.kz</a> Қазгидромет 19-21 мамырға арналған ауа райы болжамын жариялады.Кезеңнің басында антициклон жотасы республиканың солтүстігінде, шығысында және орталығында жылы әрі ашық ауа райын сақтайды. Ал батыс және оңтүстік облыстар бұрынғыдай оңтүстік циклонның ықпалында болады.Осыған байланысты жаңбыр жауып, найзағай ойнап, екпінді жел соғады, кей жерлерде бұршақ түсуі мүмкін.19 және 21 мамырда Қызылорда мен Түркістан облыстарында, ал 19-21 мамыр аралығында Жамбыл облысында қатты жаңбыр күтіледі. Температуралық фон айтарлықтай өзгермейді. Ауа температурасы батыс пен оңтүстікте +27…+35 градусқа дейін, шығыста +20…+28 градусқа дейін көтеріледі.20-21 мамыр күндері солтүстік циклонның әсерінен елдің солтүстігі мен шығысында жаңбыр жауып, найзағай күтіледі. Осы күндері қатты жаңбыр, бұршақ және дауылды жел болжанады.21 мамырда күндіз Қостанай, Ақмола және Солтүстік Қазақстан облыстарында ауа температурасы +10…+18 градусқа дейін, ал елдің орталығында +15…+23 градусқа дейін төмендейді.Фото: freepik.com

+35°C ыстық, жаңбыр, найзағай: Қазақстанның қай өңірінде күн райы күрт бұзылады?

<a href="https://kyzylorda-news.kz/">Kyzylorda-news.kz</a> Алматы әкімі Дархан Сатыбалды Мемлекет басшысының атынан ақын әрі қоғам қайраткері Олжас Сүлейменовті 90 жас мерейтойымен құттықтады.Дархан Сатыбалды Қазақстанның халық жазушысының шаңырағына барып, ел Президенті Қасым-Жомарт Тоқаевтың құттықтау хатын оқып берді.<blockquote>– Сіз Қазақстанда ғана емес, халықаралық деңгейде де көрнекті ақын, терең ойлы қаламгер әрі беделді қоғам қайраткері ретінде сый-құрметке ие болдыңыз. Сіздің гуманистік идеяларыңыз ұлттық мәдениет пен қоғамдық-саяси ойдың асыл мұрасына айналып, әлемге кеңінен танылды. Бірегей шығармашылығыңыз арқылы қазақ халқының тарихи санасының жаңғыруына өлшеусіз үлес қостыңыз, — делінген Мемлекет басшысының құттықтауында.</blockquote>Алматы әкімі Олжас Сүлейменовке әдебиетті, қоғамдық ой мен ядролық қаруға қарсы қозғалысты дамытуға қосқан өлшеусіз үлесі үшін алғыс білдірді. Ол қаламгердің бастамасымен құрылған «Невада-Семей» қозғалысы ядролық сынақтарға қарсы күрестің символына айналып, Семей ядролық полигонының жабылуына маңызды рөл атқарғанын жеткізді.Олжас Сүлейменовтің есімі тәуелсіз Қазақстан тарихына алтын әріппен жазылған. XX-XXI ғасырлардағы көрнекті ақын, заңғар жазушы өзінің әдеби мұрасымен ғана емес, белсенді қоғамдық-саяси қызметімен де әлемге кең танылды. Оның шығармалары көптеген тілге аударылып, көп таралыммен жарық көріп, оқырман қауымның зор сұранысына ие болып келеді.Фото: gov.kz

Президент Олжас Сүлейменовті 90 жас мерейтойымен құттықтады

<a href="https://kyzylorda-news.kz/">Kyzylorda-news.kz</a> Қазақстанда балаларды 1-сыныпқа қабылдау үшін құжат тапсырудың жаңа ережелері мен мерзімдері бекітілді. Бұл туралы <a href="https://stan.kz/qazaqstanda-1-synypqa-qabyldau-kezen-kezenimen-bastalady-onirler-boiyn-434572/">Stan.kz</a> ақпарат агенттігі хабарлайды.Қазақстанда Оқу-ағарту министрі Жұлдыз Сүлейменова мен Жасанды интеллект және цифрлық даму министрі Жаслан Мәдиевтің бірлескен бұйрығына сәйкес, балаларды 1-сыныпқа қабылдау және құжат тапсыру бойынша пилоттық жоба іске қосылды. Қабылдау мерзімі 2026 жылғы 27 мамырдан 31 тамызға дейін жалғасады.Осыған сәйкес өңірлер бойынша құжат қабылдау кестесі келесідей:<ul><li style="text-align:justify;">27 мамыр – 31 тамыз: Астана, Қызылорда, Батыс Қазақстан, Жетісу және Абай облыстары;</li><li style="text-align:justify;">10 маусым – 31 тамыз: Алматы, Ақмола, Ақтөбе, Жамбыл, Шығыс Қазақстан облыстары;</li><li style="text-align:justify;">18 маусым – 31 тамыз: Шымкент, Алматы облысы, Қостанай, Павлодар, Атырау облыстары;</li><li style="text-align:justify;">29 маусым – 31 тамыз: Түркістан, Маңғыстау, Қарағанды, Солтүстік Қазақстан және Ұлытау облысы.</li></ul>Бұл ережелер бастауыш, негізгі орта және жалпы орта білім беретін ұйымдарға оқуға қабылдау тәртібіне қатысты.<blockquote>“Мектепте бастауыш білім беру бағдарламасын жүзеге асыратын ұйымдағы мектепке дейінгі дайындық бағдарламасын аяқтаған және сол мектепте оқуды жалғастырғысы келетін балалар ата-анасының өтініші негізінде бірінші сыныпқа автоматты түрде қабылданады. Сонымен қатар егер электронды түрде қызметке бір мезетте түсетін өтініштер саны рұқсат етілген шектен асып кетсе, жаңа өтініш берушілер автоматты түрде "Күту бөлмесіне" жіберіледі. Онда олар өз кезегін бақылап отыра алады”, – делінген құжатта.</blockquote>Фото: Нұрболат Нұржаубай

Балаларды 1-сыныпқа қабылдау үшін құжат тапсырудың жаңа ережелері мен мерзімдері бекітілді

<a href="https://kyzylorda-news.kz/">Kyzylorda-news.kz</a> Қызылорда қаласындағы Назарбаев Зияткерлік мектебінде Workout Fest-2026 фестивалі өтті. Іс-шараға 9-сынып оқушылары қатысып, Workout жобасы аясында бір жыл бойы жүргізілген жүйелі дайындықтың нәтижесін көрсетті.Фестиваль барысында оқушылар әртүрлі жаттығулар бойынша мектеп рекордтарын жаңартты. Планка жаттығуында ұлдар арасында Алдияр Нұрсейіт 7 минут 20 секунд нәтиже көрсетсе, қыздар арасында Қаусар Егізбай 4 минут 30 секунд уақытпен үздік атанды.Кеудені жерден көтеру (пресс) бойынша 1 минут ішінде Әділет Әбілқасым 50 рет, Бинұр Мұхамеджан 49 рет орындап, жоғары нәтижеге қол жеткізді. Отырып-тұру жаттығуында Ерасыл Жанай 156 рет, Жанел Үсенбай 118 рет қайталап, өткен жылғы көрсеткіштерден асып түсті.Секіртпемен секіруде Жантөре Серікбай 1 минутта 122 рет, ал Бибінұр Қуаныш 193 рет жаттығу орындап, өз санатында жеңімпаз атанды. Турникке тартылу бойынша Дәулет Оразбай, ал жерден қолмен көтерілу (отжимание) жаттығуында Мадиар Ердулла мектеп рекордын орнатты.Барлық нормативтерді жоғары деңгейде орындап, үздік нәтиже көрсеткен оқушылар мектептің Рекордтар кітабына енгізіледі.<img src="https://knadmin.beoblood.kz/uploads/Whats_App_Image_2026_05_18_at_15_28_42_f509c0c877.jpeg" alt="WhatsApp Image 2026-05-18 at 15.28.42.jpeg">

Назарбаев Зияткерлік мектебінде Workout Fest-2026 фестивалі өтті

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Мұрат Ергешбаев Қызылорда қаласындағы аяқсу ұңғымаларының қазіргі жағдайымен танысты. Н.Назарбаев даңғылы мен А.Шәменов көшесі қиылысындағы, «Қорқыт ата әуежайы» аумағындағы, «Эдельвейс» саяжайы маңындағы және сол жағалаудағы көпбейінді аурухана жанындағы аяқсу ұңғымаларының жай-күйін көріп, жауапты сала жетекшілеріне нақты тапсырмалар жүктеді.&nbsp;Сондай-ақ, аймақ басшысына сол жағалаудағы көгалдандыру, жасыл белдеу жобалары таныстырылды. Кейінгі жылдары қоныстанушылар саны өскен шағын ауданды көгалдандандыру жұмыстары құрылыспен қатар жүргені маңызды.Қала аумағындағы 68 көшеде 98,6 шақырым арық жүйелері бар, 46 көшедегі 74,6 шақырымына аяқсу жеткізілуде, 3 көше 4,4 шақырым ірі лотокпен, ал 39 көше 68,6 шақырым кіші лотокпен жабдықталған. Он нүктедегі 16 насос қондырғысы толық қуатымен жұмыс істеп тұр. Сондай-ақ, 12 арық жүйесіне 19 насос арқылы су берілуде.«KazstroyCapital LTD Kyzylorda» ЖШС-мен бірлесіп, аяқсу жеткізілмеген көшелерді жерасты ұңғымалары арқылы сумен қамту қолға алынған. Атап айтсақ, Бөкейхан көшесіндегі арыққа аяқсу берілді.Сонымен қатар, «Қызылорда тазалығы» мекемесі қаладағы арық және канал жүйелерін қалпына келтіріп, тазалау жұмыстарын ұдайы жүргізеді.Фото: Қызылорда облысы әкімінің баспасөз қызметі&nbsp;

Аймақ басшысы қаладағы аяқсу ұңғымаларының жағдайын тексерді

<a href="https://kyzylorda-news.kz/">Kyzylorda-news.kz</a> &nbsp;Облыс әкімінің орынбасары Ардақ Зебешев облыс орталығындағы «Радуга» сауда желісі мен бірқатар әлеуметтік дүкендерді аралап, делдалдық схемаларды тексеру жөніндегі комиссияның көшпелі отырысын өткізді.Комиссияның көшпелі отырысында сауда сөрелеріндегі әлеуметтік маңызы бар азық-түлік тауарларының сапасы, бағасы және толық қамтамасыз етілуі талданып, сауда субъектілеріне сауда қызметін жүргізу заңнамаларының талаптары түсіндірілді.&nbsp;Жалпы бүгінгі күні «Радуга» сауда үйі әріптестік негізде өңірлік тұрақтандыру қорымен тығыз жұмыс жасауда, әлеуметтік маңызы бар азық-түлік тауарларын қол жетімді бағада сатылуы үйлестірілген.Алдағы уақытта әлеуметтік тауарлардың қатарын одан әрі ұлғайту жөнінде келіссөздер жүргізілді.&nbsp;Делдалдық комиссияның кезекті көшпелі отырыстары басқа да сауда нысандарында жалғастырылатын болады.Айта кетейік, өңірде әлеуметтік маңызы бар азық-түлік тауарларына тұ-рақты түрде мониторинг жүргізіліп, бөлшек саудадағы бағаның өсуіне жол бермеу жөнін¬де түсіндіру жұмыстары жүргізілуде. Бұл жұмыстар алдағы уақытта да жалғасын табатын болады.&nbsp;Бүгінде Қызылордада азық-түлік бағасы тұрақты бақылауда.

Қызылорда: Азық-түлік бағасы бақылауда

<a href="https://kyzylorda-news.kz/">Kyzylorda-news.kz</a> Сырдария ауданы әкімі Берік Сәрменбаевтың қатысуымен Шіркейлі ауылында 15 мамыр отбасы күні мерекесіне арналған “Жұбайлар жыры” атты өнерлі жұптардың отбасылық ән байқауы өтті.Мерекелік шара аясында ұлттық құндылықтар мен отбасы тәрбиесін насихаттайтын арнайы көрме ұйымдастырылып, көпшілік назарына ұлттық дәстүрді дәріптейтін жәдігерлер және отбасылық шығармашылық жұмыстар ұсынылды.Мерекелік шара барысында аудан әкімі жиналған қауымды Отбасы күнімен құттықтап, отбасы институтының қоғамдағы орны ерекше екенін атап өтті.<blockquote>— Мемлекет басшысы Қасым-Жомарт Кемелұлы Тоқаев «Берекелі шаңырақ – елімізді үйлесімді әрі орнықты дамытудың мызғымас кепілі. Сондықтан мемлекет ана мен баланы қорғау жүйесін жетілдіруге, отбасы құндылықтарын ұлықтауға баса мән береді» деп атап өтті. Бүгінде біздің алдымызда отбасы институтын дамыту міндеті тұр. Ол үшін еңбекқорлық, білімпаздық, тілектестік сынды «Адал азаматқа» тән қасиеттерді қоғамда жан-жақты дәріптеудің жаңа сапасын қалыптастыру керекпіз. Жанұяда отбасылық құндылықтар сақталуы тиіс. Осы бағытта Сыр өңірінде ауқымды жұмыстар атқарылып жатыр. Мемлекет басшысының тапсырмасымен, аймақ басшысының қолдауымен облыс орталығында «Отбасы орталығы», «Анаға тағзым», «Өнер орталығы» ашылып, ел игілігін көруде. Клубтар мен мәдениет үйлері жанынан түрлі бағыттағы шығармашылық үйірмелерді қамтитын «Адал адам» рухани-мәдени орталықтары жұмыс жасауда. Аудан орталығында ұлттық құндылықтар дәріптелетін «Руханият» орталығы пайдалануға берілді. Мұндай игі бастамалар қоғамдағы өзара сыйластықты арттырып, отбасы құндылықтарын нығайтуға және ұлт тәрбиесінің сабақтастығын сақтауға үлкен үлес қосуда,— деді Берік Әбдіғаппарұлы.</blockquote>Байқауға барлығы 7 өнерлі жұп қатысып, өзара бақ сынады. Қатысушылар сахна төрінде отбасылық құндылықтарды дәріптейтін әндер орындап, көрермендердің ыстық ықыласына бөленді. Байқау қорытындысы бойынша үздік өнер көрсеткен жұптарға Бас жүлде, І орын, ІІ орын және ІІІ орын табысталып, арнайы дипломдар мен сыйлықтармен марапатталды.Фото: Сырдария ауданы әкімінің баспасөз қызметі&nbsp;

Шіркейлі ауылында «Жұбайлар жыры» атты отбасылық ән байқауы өтті

<a href="https://kyzylorda-news.kz/">Kyzylorda-news.kz</a> &nbsp;Арал аудандық мәдениет орталығының ұйымдастыруымен З.Шүкіров атындағы қалалық мәдениет үйінде қазақтың жыраулық өнерін биікке көтерген белгілі жыршы Набат Тілеужанқызын еске алуға арналған «Қоңыраулы жыр киесі, ақ домбыраның иесі» атты жыр кеші өтті.Еске алу кешін аудан әкімінің орынбасары Ш.Есжанов ашып берді. Өз сөзінде ол Набат Тілеужанқызының жыраулық өнерді дамытудағы өлшеусіз еңбегін, ел руханиятына қосқан үлесін ерекше атап өтті.Кеш қонақтары қатарында Қазақстан Жазушылар және Журналистер одағының мүшесі, ақын Оңталап Базарәлиев, Қазақстан Жазушылар одағының мүшесі Талғат Тілеулесов, жыраулар мен жыршылар, мәдениет саласының өкілдері мен Набат жыраудың туған-туыстары қатысты.Сондай-ақ, сахна төрінде «Мәдениет саласының үздігі» төсбелгісінің иегері Айбек Тәңірбергенов, жыршы Ғанибек Өмірзақов, Лиза Күптілеуова, Зәуре Зекешова, Демеубай Жолымбетов, халықаралық айтыс ақындары мен жыршы-термешілер одағының мүшесі Шолпан Бимбетова, «Нар қыз» жыр мектебінің жетекшісі Нарқыз Қуанышбайқызы және өзге де өнер майталмандары өнер көрсетті.Сондай-ақ Қызылорда қаласынан арнайы келген ақын Ә. Ерженіс Набат Тілеужанқызына арналған арнау жыры орындалды. Сонымен қатар Набат жыраудың төл шәкірттері мен ізбасарлары жырдан шашу шашып, ұстаз рухына тағзым етті.Жыр кешінде Набат Тілеужанқызының өнердегі болмысы ғана емес, оның адамгершілік қасиеті, шәкірт тәрбиелеудегі еңбегі, туған жерге деген сүйіспеншілігі кеңінен айтылды. Оның қоңыр үні мен тағылымды жырлары халық жадында мәңгі сақталатыны сөзсіз.

Қазақстан және Қызылорда облысының жаңалықтары: Қоғам