<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев, Денсаулық сақтау министрі Ақмарал Әлназарова, Парламент Мәжілісінің депутаттары Мұрат Әбенов, Мархабат Жайымбетов, Мұрат Ергешбаев, құқық қорғау органдарының бірінші басшылары, мәслихат депутаттары, зиялы қауым өкілдері, ел ағаларының арнайы қатысуымен Титов қыстағындағы 400 орындық &nbsp;жаңа емхананың іргетасын қалау рәсімі өтті.<img class="image_resized" style="width:98.39%;" src="https://knadmin.beoblood.kz/uploads/FB_IMG_1771508282984_85b657f070.jpg" alt="FB_IMG_1771508282984.jpg">Аймақ басшысы жиналған жұртшылықты жаңа нысан құрылысының басталуымен құттықтап, денсаулық саласындағы атқарылған жұмыстарды атап өтті.<blockquote>«Мемлекеттің ең басты байлығы – адам, адамдағы байлықтың негізісі – денсаулық. Деннің саулығы – мемлекеттің дамуы мен өркендеуінің арқауы. Президентіміздің әлеуметтік саясаттағы басым бағыттарының бірі де – халыққа қолжетімді әрі сапалы медициналық қызмет ұсыну. Бүгін біз Қызылорда қаласы үшін, соның ішінде Титов мөлтек ауданының 40 мыңнан астам тұрғындары үшін аса маңызды, тарихи сәттің басында тұрмыз.&nbsp; Ауысымына 400 келушіге арналған №5 қалалық емхананың жаңа ғимаратының іргетасын қалау рәсіміне куә болуға жиналдық. Жалпы 9 млрд. 823 млн. теңгеге салынатын жаңа емхана ғимаратының аумағы 9 мың шаршы метр, заманауи талаптарға сай жоғары сапалы технологиялармен жабдықталады.&nbsp; Бұл – ана мен бала өмірін сақтауға, қазыналы қарттарымыздың денсаулығын жақсартуға бағытталған мемлекет қолдауы. Алдағы уақытта да өңір халқының өмір сапасын арттыруға арналған кешенді жұмыстар жалғасады», – деді Н.Нәлібаев.</blockquote>Іс-шарада Ақмарал Шәріпбайқызы, Мархабат Жайымбетұлы құттықтау сөз алып, Қызылорда облысының құрметті азаматы Тұрғанбай Маханұлы бата берді.Айта кетейік, 2022-2025 жылдары өңірде 26 млрд 400 млн. теңгеге 40 медициналық нысан салынып, пайдалануға берілген. «Ауылда денсаулық сақтауды жаңғырту» ұлттық жобасымен 10 млрд 700 млн. теңгеге бой көтерген 28 нысан бүгінде халық игілігіне айналды. Сонымен қатар, ауыл тұрғындарына шұғыл медициналық көмек көрсету үшін 9 млрд 900 млн. теңгеге 6 жоба іске асырылды.<img src="https://knadmin.beoblood.kz/uploads/FB_IMG_1771508294951_ebbcd2d1aa.jpg" alt="FB_IMG_1771508294951.jpg">Арал, Қазалы, Шиелі, Жаңақорған аудандық көпбейінді ауруханалары жанынан қосымша құрылыстар, Шиелі мен Арал ауданындағы жұқпалы аурулар бөлімшелеріне арнап жаңа ғимараттар салынды.Жергілікті бюджет есебінен Жаңақорған ауданындағы Төменарық ауылында 15 төсектік ауылдық аурухана мен амбулатория, Арал ауданының Сексеуіл кентінде 40 төсектік ауылдық аурухана, облыстық қан орталығы пайдалануға берілді.

Қызылорда қаласының шет аймағында жаңа емхананың іргетасы қаланды 

<a href="https://kyzylorda-news.kz/">Kyzylorda-news.kz</a> Шиелі ауданындағы «Руханият» орталығының мәжіліс залында аумақтық коалиция өкілдерінің қатысуымен аудан ардагерлерімен кездесу өтті. Іс-шара барысында жаңа Конституция жобасының мазмұны мен негізгі бағыттары таныстырылды.Жиынға коалиция мүшелері Мұрат Тұрабаев, Жібек Баймұратова, Өркен Исмаил, Абдумомын Алдияров, Қалмырза Қасымов, Сәбитхан Досанов, Нұрболат Пірімбет, Гүлдана Жақыпова, Ержан Әбдешов, сондай-ақ аудан имамдары, ардагерлер және аудандық әйелдер кеңесінің төрайымы қатысты.<img src="https://knadmin.beoblood.kz/uploads/Whats_App_Image_2026_02_19_at_17_44_16_1_bbf02caf85.jpeg" alt="Шиелі ардагерлер.jpeg">Кездесу барысында Конституция жобасында көзделген негізгі қағидаттар кеңінен түсіндірілді. Атап айтқанда, адам құқықтары мен бостандықтарын қорғау тетіктерін жетілдіру, әлеуметтік әділеттілік қағидатын нығайту, билік тармақтары арасындағы тепе-теңдікті сақтау, жергілікті өзін-өзі басқаруды дамыту және азаматтардың мемлекеттік басқару ісіне қатысу мүмкіндіктерін кеңейту мәселелері талқыланды. Сонымен қатар ұлттық құндылықтарды сақтау, отбасы институтын қолдау, еңбек қатынастары және заң үстемдігіне қатысты нормаларға назар аударылды.Жиын соңында қатысушылар өз пікірлерін білдіріп, ұсыныстарын ортаға салды. Кездесу ашық пікір алмасу форматында өтті.<img src="https://knadmin.beoblood.kz/uploads/Whats_App_Image_2026_02_19_at_17_44_16_81f74e2875.jpeg" alt="Шиелі ардагерлер.jpeg">

Шиелі ауданында ардагерлермен Конституция жобасы талқыланды

<a href="https://kyzylorda-news.kz/">Kyzylorda-news.kz</a> Өңірлік және қалалық коалиция мүшелері &nbsp;Гүлшат Мұсаева, Дәурен Сейтжанов, Мұрат Жұмаділдаев және Динара Ибадуллаева «Қазақстан темір жолы» ҰК» АҚ – «Қызылорда магистральдық желі бөлімшесі» филиалының ұжымымен кездесу өткізіп, жаңа Конституция жобасының негізгі бағыттары мен мазмұнын кеңінен түсіндірді.Кездесу барысында конституциялық реформалардың ел дамуының жаңа кезеңіндегі стратегиялық маңызы атап өтіліп, 15 наурызда өтетін республикалық референдумның тарихи жауапкершілігі ерекше екені айтылды. Жиынға қатысушылар жаңа Конституция жобасының қоғам сұранысы, сарапшылар қауымдастығының пайымы мен саяси партиялардың ұсыныстары негізінде жан-жақты талқыланып, пысықталған құжат екенін жеткізді.Қалалық коалиция жетекшісінің орынбасары Гүлшат Мұсаева өз сөзінде Ата Заң жобасы азаматтардың құқықтары мен бостандықтарын одан әрі нығайтуға, мемлекеттік басқару жүйесінің ашықтығы мен тиімділігін арттыруға бағытталғанын атап өтті. Ол темір жол саласының ел экономикасындағы айрықша рөліне тоқталып, стратегиялық маңызы бар бұл саланың тұрақты дамуы мемлекеттің экономикалық қауіпсіздігі мен әлеуметтік әл-ауқатының кепілі екенін айтты. Сонымен қатар, еңбек адамдарының мәртебесі қоғам үшін қашан да биік екенін, жаңа Конституция жобасында әлеуметтік әділдік қағидаттары мен еңбек құқығын қорғау тетіктері күшейтілгенін тілге тиек етті.Кездесуде өңірлік коалиция мүшесі, «Respublica» партиясы облыстық филиалының төрағасы Дәурен Сейтжанов жаңа Конституция жобасының басты ерекшеліктеріне кеңінен тоқталды. Оның айтуынша, құжатта кәсіпкерлікті дамытуға қолайлы орта қалыптастыру, жеке меншік құқығын қорғау, адал бәсекелестікті қамтамасыз ету және кәсіпкерлік субъектілерін заң жүзінде қорғау мәселелері нақты айқындалған. Бұл өз кезегінде экономиканың орнықты дамуына, жаңа жұмыс орындарының ашылуына және халықтың табысын арттыруға серпін береді.Жиын барысында қатысушылар тарапынан қойылған сауалдарға нақты жауаптар беріліп, референдумға белсенді қатысудың маңыздылығы түсіндірілді. Кездесу ашық диалог форматында өтіп, теміржолшылар жаңа Конституция жобасының мазмұнына қатысты өз пікірлерін білдірді.Қорытындылай келе, спикерлер 15 наурызда өтетін референдум – ел болашағына қатысты маңызды таңдау екенін атап өтіп, әрбір азаматты жауапты шешім қабылдауға шақырды. Жаңа Конституция – әділетті, құқықтық және қуатты мемлекет құру жолындағы маңызды қадам екені баса айтылды.<img src="https://knadmin.beoblood.kz/uploads/Temirzhol_salasy_2_91bc501e7d.jpg" alt="Теміржол саласы 2.jpg">

Теміржол саласы – көлік логистикасының өзегі

<a href="https://kyzylorda-news.kz/">Kyzylorda-news.kz</a> Бұл қызмет «Азаматтарға арналған үкімет» мемлекеттік корпорациясы арқылы жүзеге асырылады. Ол үшін Мемлекеттік корпорацияға қағаз түрінде өтініш беру қажет.Егер сіз дербес төлеуші болсаңыз, өтініш үлгі бойынша толтырылады.Ал жұмыс беруші арқылы өтініш берілген жағдайда, қызметкердің қаражатын қайтаруға берген келісімі қоса тіркелуі тиіс.Мемлекеттік корпорацияның мекенжайлары мен өтініш үлгілері Әлеуметтік медициналық сақтандыру қорының ресми сайтында бар.Қаражат өтініш берілген күннен бастап 15 жұмыс күні ішінде қайтарылады.Қаражатты қайтарудан бас тартатын кездер болады. Оның себептері мыналар:<ul><li style="text-align:justify;">МӘМС жарналары бойынша бұрынғы төленбеген кезеңдер үшін берешек болса;</li><li style="text-align:justify;">құжаттарда мәліметтер дұрыс көрсетілмесе;</li><li style="text-align:justify;">өтініш заңнама талаптарына сәйкес келмесе;</li><li style="text-align:justify;">дербес деректерді өңдеуге келісім болмаса.</li></ul>

Қате немесе артық төленген МӘМС жарналарын қайтарып алуға болады

<a href="https://kyzylorda-news.kz/">Kyzylorda-news.kz</a> Спорт саласын дамыту – мемлекеттің басты стратегиялық бағыттарының бірі болып саналады. Себебі кәсіби және басым спорт түрлерін дамыту арқылы еліміздің халықаралық аренадағы беделі артып, ұлт саулығы қалыптасады.&nbsp;Осыған орай, күні кеше жаңадан ашылған «Достық үйінде» Қызылорда облысының дене шынықтыру, спорт және туризм басқармасының басшысы Бахтияр Артаевтың төрағалығымен 2025 жылы спорт саласында атқарылған жұмыс қорытындысы туралы кеңейтілген Алқа отырысы өтті.Жиынға басқармаға қарасты спорт мекемелерінің басшылары мен қызметкерлері, &nbsp;облыстық федерация басшылары, қала және аудандық дене тәрбиесі, спорт және туризм бөлімдерінің басшылары, спортшылар мен жаттықтырушылар және БАҚ өкілдері қатысты.&nbsp;Алқа отырысының күн тәртібінде бірнеше мәселелер қозғалды. Атап айтқанда, 2025 жылы спорт басқармасының жалпы жұмыс нәтижесі, басқарма жанынан құрылған «Қамқоршылық кеңесінің» шешімдері, басқармаға қарасты спорт нысандарының қазіргі жай-күйі және өңірдегі спорт мекемелерінің 2025 жылғы нәтижелері, басым спорт түрлерінің даму деңгейі қаралды.&nbsp;Бірінші мәселе бойынша облыстық дене шынықтыру, спорт және туризм басқармасының бөлім басшысы Сағидат Талғатұлы 2025 жылы атқарылған жұмыстар туралы баяндап, жалпы нәтижелерге тоқталып өтті.&nbsp;Осы ретте басқарма басшысы Бахтияр Артаев спорт саласын дамыту бойынша бірқатар тапсырмаларды міндеттеп, саланы одан әрі жетілдіруде тиімді ұсыныстарды ескеру керектігін атап өтті.&nbsp;Жақында басқарма жанынан «Қамқоршылық кеңесі» құрылған болатын. Аталған кеңестің шешімімен облыстың аға жаттықтырушылары тағайындалып, спортшылардың ай сайынғы шәкіртақысы қаралады және облыстық федерациялардың жұмысы талқыланады. Қазіргі таңда облыста 67 спорт федерациясы жұмыс істейді. Осы ретте, алқа отырысында республикалық федерация ұсынысымен және аталған кеңестің шешімімен бірнеше спорт федерацияларының президенттері тағайындалды. Атап айтқанда, облыстық бокс федерациясының президенті болып Жүсіпов Досхан Болатұлы, облыстық грек-рим, еркін және әйелдер күресі федерациясының президенті болып Қожасов Нұрәлі Әділбекұлы және облыстық дәстүрлі садақ ату федерациясының президенті болып Қозбақов Исламғали Айтуарұлы тағайындалды.Осы ретте, республикалық грек-рим, еркін және әйелдер күресі федерациясының бас хатшысы &nbsp;Дамир Бекбосынов алдағы міндеттер мен жоспарларды баяндап, алдағы уақытта облыстық басқармалармен тығыз байланыста жұмыс жасалатынын айтты.&nbsp;Одан кейін жиында Бахтияр Ғарифоллаұлы басқармаға қарасты спорт мекемелерінің жалпы нәтижесін көтеріп, бюджеттік қаржыны тиімді пайдалануды, спорт нысандарын талапқа сай күтіп-ұстауды және олимпиадалық спорт түрлеріне басымдық беруді туралы қатаң түрде тапсырды.&nbsp;Жиын соңында 2025 &nbsp;жылы үздік нәтиже көрсеткен спорт мектептері, аудандық спорт бөлімдері, облыстық федерациялар, журналистер, жаттықтырушылар және спортшылар марапатталып, концерттік бағдарламамен қорытындыланды.<img src="https://knadmin.beoblood.kz/uploads/Sport_salasy_ke_ejtilgen_al_a_otyrysy_2bef2e39aa.jpg" alt="Спорт саласы кеңейтілген алқа отырысы.jpg">

Спорт саласының кеңейтілген алқа отырысы өтті 

<a href="https://kyzylorda-news.kz/">Kyzylorda-news.kz</a> Қызылорда қаласында жаңа Конституция жобасын халыққа түсіндіру жұмыстары белсенді түрде жүргізілуде. Бүгін «Әділетті және прогрессивті Қазақстанның Халықтық Конституциясы үшін!» өңірлік және қалалық коалициясының мүшелері «Dalatex» тігін фабрикасының ұжымымен кездесу өткізді.«Dalatex» фабрикасы еліміздегі ерлер жейдесін өндіретін бірегей кәсіпорындардың бірі болып табылады. Фабрика тек өндірістік қызметпен шектеліп қалмай, ірі компаниялармен әріптестік орнатып, арнайы жұмыс киімдерін дайындау арқылы отандық өндіріс әлеуетін арттыруға және өңір экономикасының тұрақты дамуына үлес қосуға тырысуда. Бұл көрсеткіш кәсіпорынның тек өндірістік қана емес, әлеуметтік және экономикалық тұрғыдан да маңызды рөл атқаратынын айқындайды.<img src="https://knadmin.beoblood.kz/uploads/Whats_App_Image_2026_02_19_at_13_34_38_eef24743fd.jpeg" alt="WhatsApp Image 2026-02-19 at 13.34.38.jpeg">Кездесу барысында қалалық коалиция жетекшісі Ибадулла Құттықожаев жаңа Конституция жобасының стратегиялық мәніне тоқталды. Оның айтуынша, құжат елдің ұзақ мерзімді дамуына берік құқықтық негіз қалыптастырып, мемлекеттік басқарудың тиімділігін арттыруға және азаматтардың құқықтары мен бостандықтарын қорғауды жаңа деңгейге көтеруге бағытталған. Жоба тек нормативтік акт ретінде ғана емес, елдің әлеуметтік-экономикалық даму стратегиясына бағытталған маңызды құжат ретінде бағаланады.<blockquote>«Жобада адам капиталын дамыту басым бағыт ретінде айқындалған. Білім мен ғылымды, инновация мен мәдениетті жүйелі қолдау азаматтардың интеллектуалдық және әлеуметтік әлеуетін арттыруға мүмкіндік береді. Сонымен қатар цифрлық құқықтарды, жеке деректерді және зияткерлік меншік институттарын конституциялық деңгейде қорғау құқықтық жүйені заманауи талаптарға бейімдеудің айқын көрінісі болып табылады. Бұл қадамдар елдің цифрлық экономикаға көшуіне берік негіз қалайды», – деді Ибадулла Құттықожаев.</blockquote>Өңірлік коалиция мүшесі Пірмұхамед Сыздықов Конституция жобасында шағын және орта бизнесті қолдаудың арнайы тетіктеріне ерекше мән берілгенін атап өтті. Оның пікірінше, тігін өндірісі сияқты салаларды дамыту экономиканы әртараптандырудың тиімді жолы болып табылады. Жоба кәсіпкерлікті ынталандыру, жаңа жұмыс орындарын ашу және халық табысын арттыру сияқты әлеуметтік-экономикалық міндеттерді де қамтиды.<img src="https://knadmin.beoblood.kz/uploads/Whats_App_Image_2026_02_19_at_13_34_43_b01ef12690.jpeg" alt="WhatsApp Image 2026-02-19 at 13.34.43.jpeg">Іс-шараға коалицияның басқа мүшелері – Абайбек Жүнісов, Майра Боранбаева, Арайлым Байжігітова және Руслан Ізтілеуов қатысып, Конституция жобасының негізгі басымдықтары мен оның практикалық маңызын жан-жақты түсіндірді. Кездесу барысында фабрика ұжымы жобамен таныс екенін айтып, өз пікірлерін білдірді. Мысалы, ұзақ жыл бойы тігінші болып еңбек етіп келе жатқан Жадыра Бұтабекова жаңа Конституцияны әрбір еңбек адамының құқықтарын қорғап, адал еңбектің бағалануына берік негіз болады деп бағалады.Осылайша, ашық форматта өткен диалог еңбек ұжымдарының ел болашағына жауапкершілікпен қарап, өз құқықтары мен мүдделерін түсіну деңгейінің жоғары екенін көрсетті.

Өндіріс өкілдеріне жаңа Конституция жобасы таныстырылды

<a href="https://kyzylorda-news.kz/">Kyzylorda-news.kz</a> 2025 жыл аймақтың инфрақұрылымдық дамуы тұрғысынан табысты кезең ретінде тарихқа енді. Жүйелі жүргізілген жұмыстардың нәтижесінде облысты газдандыру деңгейі 83 пайызға жетіп, өңір тұрғындарының өмір сапасын арттыруға бағытталған іргелі бастамалар өз жемісін берді.Аймақта 10 608 шақырым электр желісі мен кернеуліктері және 2 058 қосалқы станция болса, 2025 жылы соның 280 шақырым электр желісін және 87 дана қосалқы станциялар қайта жаңғыртудан өткен. Энергетика басқармасы тарапынан Шиелі кентіндегі 220 кВ қосалқы станция мен Қызылорда қаласындағы әуе желілері қайта жаңғыртудан өткізіліп, тұтынушылар үздіксіз электр энергиясымен қамтамыз етілуде. Мұндай жемісті жұмыс Жаңақорған кентінде де жалғасқан. Ауданның электр желілері толығымен қайта жаңғыртылып, кент тұрғындарының пайдалануына берілді. Бұл туралы Өңірлік коммуникациялар қызметінің ақпарат алаңында облыстық энергетика және тұрғын үй - коммуналдық шаруашылық басқармасының басшысы Медет Усаин айтты.Өңірде 11 елді мекен көгілдір отынға қосылып, 17 мыңға жуық тұрғын табиғи газ тұтыну мүмкіндігіне ие болды.<blockquote>«Жүргізілген жүйелі жұмыстардың нәтижесінде 2025 жылдың қорытындысы бойынша облысты газдандыру деңгейі 83 пайызға жетті. 2026 жылы электр энергиясымен қамту бағытында 7 жоба, газдандыру саласында 14 жоба, ауыз сумен жабдықтау бойынша 7 жоба жүзеге асырылады. Бұл бастамалар өңірдің инфрақұрылымдық әлеуетін одан әрі арттыруға мүмкіндік береді», – деді басқарма басшысы.</blockquote>Ауыз сумен қамту мәселесінде де ілгерілеу бар. 2025 жылы Арал ауданындағы Ақбасты, Абай, Тоқабай, Ерімбетжаға, Тастүбек елді мекендері топтық су құбырына қосылды. Қазалы ауданындағы Шәкен, Шитүбек, Сарбұлақ, Шилі ауылдарында ішкі су жүйелері салынып, екі елді мекенге су тұшытқыш қондырғылары орнатылды. Бұл тұрғындарды сапалы ауыз сумен қамтамасыз ету бағытындағы маңызды шешім.<blockquote>«Жылу желілерін жаңғырту да назардан тыс қалған жоқ. 2025 жылы бюджет есебінен 6 жоба жүзеге асырылып, атқарылған жұмыстардың нәтижесінде жылу желілерінің тозу деңгейі 2 пайызға төмендеді. &nbsp;Сонымен қатар, инвестор – «Акса Энерджи» түрік компаниясы тарапынан жылу орталығы тесттік режимде іске қосылып, 176 мегаватт электр энергиясын өндіру мүмкіндігіне ие болды. Алдағы уақытта бу турбинасы іске қосылып, қосымша 95 мегаватт электр энергиясын өндіру көзделіп отыр. Инвестициялық шартқа сәйкес станцияны толық іске қосу 2026 жылдың бірінші жартыжылдыға жоспарланған», - деді Медет Усаин.</blockquote><img src="https://knadmin.beoblood.kz/uploads/Gaz_brifing_bcfb6b76d5.jpg" alt="Газ брифинг.jpg">Фото: Нұрболат Нұржаубай

Қызылорда облысын газдандыру деңгейі 83 пайызды құрады

<a href="https://kyzylorda-news.kz/">Kyzylorda-news.kz</a> ҚР Денсаулық сақтау министрі Ақмарал Әлназарова, Парламент Мәжілісінің депутаттары Мархабат Жайымбетов, Мұрат Ергешбаев, облыс әкімінің бірінші орынбасары Данияр Жаналинов «Қамқорлық» ерте араласу орталығының және жұқпалы аурулар ауруханасының жұмысымен танысты.Аймақта жыл сайын шамамен 20 мың нәресте дүниеге келеді, ал 18 жасқа дейінгі балалар саны 322 мыңға жетеді. Балаларды оңалту қызметінің қолжетімділігін арттыру мақсатында 2022 жылы &nbsp;«Қамқорлық» орталығы ашылған болатын. Оған жергілікті бюджеттен 205,6 млн теңге бөлінді, ал «Самұрық-Қазына» АҚ және «Қамқорлық» қорынан қаралған 103,4 млн теңгеге құрал-жабдықтар алынып, мамандар біліктілігін арттырды.Орталық ашылған төрт жыл ішінде 6 000-ға жуық бала оңалту қызметін алды. Қозғалу, сөйлеу дағдыларын дамытып, әлеуметтік бейімделудің маңызды кезеңдерін сәтті аяқтады. Мұнда балаларға медициналық және педагогикалық көмек көрсетіледі. Атап айтқанда, медициналық оңалту, емдік дене шынықтыру, физиотерапия, логопедиялық және дефектологиялық қолдау, сондай-ақ еңбек терапиясы.Облыстық жұқпалы аурулар ауруханасы 2024 жылы кешенді күрделі жөндеуден өтіп, өткен жылдың соңында толықтай пайдалануға берілді. Күрделі жөндеуге жергілікті бюджеттен 1,6 млрд теңге қаралды. Бүгінде жаңартылған бөлімшелер пациенттер мен медицина қызметкерлерінің жоғары бағасын алуда. Соңғы үш жылда аурухананың материалдық-техникалық базасын нығайтуға 590 840 153 &nbsp;теңге қаржы бөлінген, 49 млн теңгеге 2 автокөлік сатып алынды.Өткен жылы клиникалық фармакология және госпитальдық фармация бөлімшесі ашылып, заманауи құрал-жабдықтармен қамтамасыз етілді. Алдағы уақытта физиотерапиялық емдеу бөлімшесін іске қосу және медицина қызметкерлерінің шетелде біліктілігін арттыру жоспарланған.<img src="https://knadmin.beoblood.kz/uploads/Densauly_sa_tau_ministri_Syr_irinde_2_c6e115fdd5.jpg" alt="Денсаулық сақтау министрі Сыр өңірінде 2.jpg">

Денсаулық сақтау министрі «Қамқорлық» ерте араласу орталығының жұмысымен танысты

<a href="https://kyzylorda-news.kz/">Kyzylorda-news.kz</a> Шиелі ауданындағы «Руханият» орталығында «Әділетті және прогрессивті Қазақстанның Халықтық Конституциясы үшін!» Жалпыұлттық коалициясының мүшесі Мархабат Жайымбетов және аумақтық коалиция өкілдері Мұрат Тұрабаев, Жібек Баймұратова, Болат Сүлейменов, Нұргүл Шалекеева, Патима Маханбет, Құттықыз Ыханова, Мадина Бәкірова, Нұрболат Пірімбет, Гүлдана Жақыпова, Айнұр Архабаева, Біржан Өтебай, Азамат Қали, Ержан Әбдешов, Бағдәулет Мәліков мәдениет саласының қызметкерлерімен кездесу өткізді.Кездесу барысында Қазақстан Республикасының жаңа Конституция жобасында көзделген негізгі бағыттар кеңінен түсіндірілді. Атап айтқанда, адам құқықтары мен бостандықтарын қорғау тетіктерін күшейту, әділетті қоғам қалыптастыру, заң үстемдігін қамтамасыз ету, сондай-ақ ұлттық мәдениет пен тарихи мұраны сақтау мәселелері талқыланды.Спикерлер мәдениет саласының елдің рухани дамуы мен бірегейлігін нығайтудағы рөліне ерекше тоқталып, жаңа Ата Заң жобасында ұлттық құндылықтарды дәріптеу мен мәдени мұраны қорғауға бағытталған нормалардың маңызын атап өтті.Сонымен қатар, азаматтық қоғам институттарының рөлін арттыру, қоғамдық бақылау тетіктерін жетілдіру және ашықтық қағидаттарын нығайту мәселелері қозғалды.Жиында Жалпыұлттық коалициясының мүшесі Мархабат Жайымбетов:&nbsp;<blockquote>«Жаңа Конституция жобасы – әділетті, ашық және жауапты мемлекет құруға бағытталған маңызды қадам. Ата Заң жобасында адам құқықтары мен бостандықтарын қорғау тетіктері күшейтіліп, заң үстемдігі қағидаты нақты айқындалған. Сонымен қатар, ұлттық мәдениет пен тарихи мұраны сақтау, рухани құндылықтарды дәріптеу мәселелері конституциялық деңгейде бекітіліп отыр»- деп атап өтті.</blockquote>Аумақтық коалиция мүшелері мәдениет саласы өкілдерінің қоғамдағы рөліне ерекше тоқталып, рухани дамуы мықты ел ғана бәсекеге қабілетті болатынын айтты. Кездесу соңында мәдениет қызметкерлерін конституциялық реформаларды қолдауға, халыққа оның мән-маңызын түсіндіруге белсенді атсалысуға шақырды.Жиын барысында мәдениет қызметкерлері өз ұсыныс - пікірлерін білдіріп, саланы дамытуға қатысты өзекті сұрақтарын қойды<img src="https://knadmin.beoblood.kz/uploads/Amanat_t_r_yndarmen_kezdesu_azaly_2_b04562ba06.jpg" alt="Аманат тұрғындармен кездесу Қазалы 2.jpg">

Мәдениет саласының қызметкерлерімен кездесті

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясының Қызылорда облысы бойынша филиалы электрондық кезек талондарын алдын ала брондау бойынша пилоттық режим іске қосылғаны туралы хабарлайды. Жоба 2026 жылдың 20 ақпанынан бастап Сырдария және Қармақшы аудандарының халыққа қызмет көрсету бөлімдерінде жұмысын бастайды.Жаңа қызмет азаматтарға бөлімшеге келудін ынғайлы күні мен уақытын алдын ала белгілеуге мүмкіндік береді. Ол үшін «ЦОН» мобильді қосымшасы, электрондық үкімет порталын немесе 1414 бірыңғай байланыс орталығын пайдалануға болады. Онлайн кезегінің уақытын бекіткені туралы SMS-хабарлама жолданады.Ал, дайын құжаттарды беру және өзіне-өзі қызмет көрсету секторының қызметтері, бұрынғыдай, алдын ала жазылусыз көрсетілетін болады.Атап өту қажет, жекелеген жағдайларда және алдын ала брондау мүмкіндігі болмаған жағдайда егде жастағы азаматтарға, ҰОС ардагерлеріне, мүгедектігі бар адамдарға, сондай-ақ шетел азаматтарына арнайы қызмет көрсету аймағы жұмыс жасайды.Сондай-ақ «ЦОН» мобильді қосымшасын пайдалану үшін ЖСН және телефон нөмірі арқылы авторизациядан өту қажет екенін еске саламыз (қосымша App Store және Google Play платформаларында қолжетімді).Пилоттық режим шеңберінде алдын ала брондау жүйесінің қажеттілігі мен тиімділігіне бағалау жүргізілетін болады. Талдау нәтижелері бойынша сервистің функционалын одан әрі енгізудің және ықтимал кеңейтудің орындылығы туралы шешім қабылданады.Фото: ХҚКО

Қызылордалықтар енді ХҚКО-ға онлайн кезекке тапсырыс бере алады

<a href="https://kyzylorda-news.kz/">Kyzylorda-news.kz</a> «Әділетті және Прогрессивті Қазақстан Халықтық Конституциясы үшін!» өңірлік коалициясының ұйымдастыруымен Ә.Тәжібаев атындағы облыстық кітапхана мәжіліс залында Жаңа Конституция жобасын түсіндіруге арналған жиын өтті.Іс-шараға Қызылорда қалалық коалиция жетекшісі Ибадулла Құттықожаев, Сенат депутатары Әли Бектаев, Ольга Булавкина, Ернұр Айткенов, Сұлтан Дүйсембинов, Закиржан Кузиев, Жанболат Жөргенбаев, Арман Өтеғұлов қатысты.Кездесу барысында Әли Бектаев жаңа Конституция жобасының мазмұны мен негізгі басымдықтары жөнінде баяндама жасап, конституциялық өзгерістердің ел дамуының жаңа кезеңіне сай әзірленгенін атап өтті.Ол мемлекеттік басқару жүйесін жетілдіру, билік тармақтары арасындағы тепе-теңдікті нығайту, Парламенттің рөлін арттыру және азаматтардың құқықтары мен бостандықтарын қорғау тетіктерін нақтылау мәселелеріне кеңінен тоқталды.Сонымен қатар, жоба аясында әділетті қоғам қалыптастыру, заң үстемдігін қамтамасыз ету, мемлекеттік институттардың ашықтығы мен есептілігін күшейту бағытындағы нормалар қамтылғаны айтылды. Комитет төрағасы бұл өзгерістер елдің саяси жаңғыру үдерісіне серпін беріп, халық пен билік арасындағы өзара сенімді нығайтуға бағытталғанын жеткізді.Сенатор өз сөзінде конституциялық реформаның Тәуелсіздікті нығайту жолындағы маңызды қадам екенін атап өтті. Осыған орай, алдағы референдум қарсаңында өңірлерде түрлі сала өкілдерімен кездесулер өткізіліп, түсіндіру жұмыстары жүргізіліп жатқанын айтты.Ол қоғамда жаңа Конституцияны қабылдаудың қажеттілігі жөнінде сауалдар туындап отырғанын, қолданыстағы Ата Заңның 30 жылдан астам уақыт бойы ел дамуына қызмет етіп келгенін атап өтті. Дегенмен, уақыт талабына сай құқықтық нормаларды жаңғырту қажеттілігі туындағанын, жаңа жоба осы міндеттерді ескеріп әзірленгенін жеткізді.Сондай-ақ, құжаттың асығыс қабылданбағанын, қос палаталы Парламент отырыстарында бұл мәселе Мемлекет басшысы тарапынан көтеріліп, жан-жақты талқыланғанын айтты. «Жаңа Қазақстанды құру жолындағы басты құқықтық құжат – осы жаңа заң жобасы болмақ», – деді сенатор.Басқосуда жазушы, Қазақстан жазушылар одағы өңірлік филиалының төрағасы Қаршыға Есімсейтова сөз сөйлеп, Конституция жобасымен танысқанын және ондағы бірқатар маңызды баптардың жаңғыртылғанын атап өтті. Әсіресе адам құқықтары мен бостандықтарына қатысты нормалардың күшейтілуін қолдайтынын білдірді.Қаршыға Құрмашқызы әр дәуірдің өз жаңалығы мен қағидаттары болатынын, сондықтан қоғамның үнемі даму үстінде болуы заңдылық екенін айтты. Оның пікірінше, мемлекет те заман талабына сай жаңарып отыруы тиіс. Әрбір азаматтың өзіндік ұстанымы мен жауапкершілігі болуы маңызды екенін атап өтті.Кездесу барысында қатысушылар тарапынан сұрақтар қойылып, ұсыныстар айтылды. Сенаторлар көтерілген пікірлердің маңыздылығын атап өтіп, Жаңа Конституция жобасын талқылау барысында қоғам үнін ескеру негізгі қағидаттардың бірі болғандығын жеткізді.

Жаңа Конституция жобасы - заман талабына сай жаңғырған құқықтық құжат

<a href="https://kyzylorda-news.kz/">Kyzylorda-news.kz</a>&nbsp; Шиелі ауданы әкімдігінің мәжіліс залында аудан әкімі Айтбай Жандарбековтың төрағалығымен экономиканы әртараптандыру және ауданның әлеуметтік-экономикалық дамуының өзекті мәселелеріне арналған мәжіліс отырысы өтті.Мәжіліске дербес бөлім басшылары, кент және ауылдық округ әкімдері қатысты.Күн тәртібінде аудан экономикасының тұрақты өсімін қамтамасыз ету, жаңа өндіріс орындарын ашу, инвестиция тарту, ауыл шаруашылығы саласын жаңғырту және шағын және орта бизнесті қолдау бағытындағы жұмыстар талқыланды.Аудан әкімі өз сөзінде экономиканы одан әрі әртараптандыру — қазіргі кезеңдегі басты стратегиялық міндеттердің бірі екенін атап өтті. Жаһандану жағдайында әлемдік нарықтағы бәсекелестіктің күшеюі, технологиялық өзгерістердің жеделдеуі және экономикалық тәуекелдердің артуы аудан экономикасының тұрақтылығын қамтамасыз ету үшін жаңа тәсілдерді талап ететінін жеткізді.<blockquote>– “Экономиканың бір ғана салаға тәуелді болуы — ұзақ мерзімді дамуға қауіп төндіреді. Сондықтан өндіріс құрылымын жетілдіру, жаңа бағыттарды дамыту уақыт талабы. Бұл өз кезегінде жаңа жұмыс орындарын ашуға және халықтың әл-ауқатын арттыруға мүмкіндік береді,” — деді аудан басшысы.</blockquote>Сонымен қатар, ауыл шаруашылығы саласын тиімді ұйымдастыру, су ресурстарын ұтымды пайдалану, агроөнеркәсіп кешенін дамыту және азық-түлік қауіпсіздігін қамтамасыз ету мәселелері де кеңінен сөз болды.Шағын және орта кәсіпкерлікті дамытуға ерекше назар аудару қажеттігі айтылып, кәсіпкерлік бастамаларды қолдау, инвестициялық ахуалды жақсарту, инфрақұрылымды жетілдіру және мемлекеттік қолдау құралдарын тиімді пайдалану бағытында нақты міндеттер белгіленді.Мәжіліс қорытындысында аудан әкімі жауапты тұлғаларға экономикалық көрсеткіштерді арттыру, инвестициялық жобаларды уақытылы іске асыру, жаңа өндіріс орындарын ашу, жұмыс орындарын көбейту және белгіленген индикаторлардың орындалуын қамтамасыз ету бойынша нақты тапсырмалар жүктеді.

Қазақстан және Қызылорда облысының жаңалықтары: Қоғам