<a href="https://kyzylorda-news.kz/ru">Kyzylorda-news.kz</a> Қазақстан Республикасы Қарулы күштерінде жауынгерлік даярлықтың кезекті кезеңі – мамандық бойынша даярлық басталды. Оқу барлық әскери бөлімдерде ұйымдастырылып, әскери қызметшілердің лауазымдық міндеттеріне сәйкес кәсіби білімдері мен практикалық дағдыларын жетілдіруге бағытталған.Мамандық бойынша даярлық оқу кезеңінің маңызды бағыттарының бірі болып табылады және әскери міндеттерді сапалы орындаудың негізін қалайды. Осы кезеңде әскери қызметшілер өздерінің функционалдық міндеттерін меңгеріп, штаттық қару-жарақ пен әскери техниканың материалдық бөлігін, сондай-ақ оларды пайдалану тәртібін үйренеді.Мерзімді әскери қызметшілер үшін бұл – әскери мамандықты жүйелі түрде игерудің алғашқы кезеңі. Ал келісімшарт бойынша қызмет өткеретін әскери қызметшілер үшін кәсіби шеберлігін жетілдіріп, даярлық деңгейін тұрақты арттыруға мүмкіндік береді.Ағымдағы оқу кезеңінде түрлі әскери мамандықтар бойынша 25 мыңнан астам әскери қызметші даярлықтан өтуде. Оқу процесінің тиімділігін арттыру мақсатында 2,5 мыңнан астам оқу тобы құрылып, әрбір әскери қызметшіге жеке тәсілмен дайындық жүргізу мүмкіндігі жасалды.Сабақтарды қажетті тәжірибесі мен әдістемелік дайындығы бар офицерлер мен сержанттар қатарынан жасақталған нұсқаушылар өткізеді. Даярлықтың практикалық бағыты әскери қызметшілерге теориялық білімдерін бекітіп қана қоймай, қару-жарақ пен әскери техниканы пайдалану кезінде нақты іс-қимыл дағдыларын қалыптастыруға мүмкіндік береді.Қазақстан Республикасы Қарулы күштері Бас штабы Жауынгерлік даярлық департаментінің аға офицері майор Нұрзат Оразбектің айтуынша, мамандық бойынша даярлық әскерлердің одан әрі жауынгерлік даярлығының негізі болып табылады.<blockquote>– Дәл осы кезеңде әскери қызметші өз әскери мамандығы бойынша міндеттерін сенімді орындауға қажетті білім мен практикалық дағдыларды меңгереді. Әрбір маманды сапалы даярлау бөлімшелердің үйлесімді іс-қимылына, жауынгерлік машық деңгейіне және Қарулы күштердің алға қойылған міндеттерді орындауға дайындығына тікелей әсер етеді, – деді майор Нұрзат Оразбек.</blockquote>Даярлық курсы аяқталғаннан кейін, 10 тамыздан бастап барлық әскери бөлімдерде бақылау сабақтары өткізіледі. Оның барысында әскери қызметшілер оқу бағдарламасын меңгеру деңгейін және жауынгерлік даярлықтың келесі кезеңдеріне дайындығын көрсетеді.<img src="https://knadmin.beoblood.kz/uploads/voennye_2_b467071cfb.jpeg" alt="военные 2.jpeg">Сурет: Қазақстан Республикасының Қорғаныс министрлігі

Қарулы күштердің әскери қызметшілері мамандық бойынша даярлыққа кірісті

<a href="https://kyzylorda-news.kz/ru">Kyzylorda-news.kz</a> 2026 жылғы I тоқсандағы бағалау бойынша халықтың жан басына шаққандағы орташа атаулы ақшалай табыстары айына 252 619 теңгені құрады, бұл 2025 жылғы I тоқсанмен салыстырғанда 11,8% жоғары, көрсетілген кезеңде нақты ақшалай табыстар 0,1% -өсті.2026 жылғы I тоқсанда Қазақстан Республикасындағы халықтың орта есеппен жан басына шаққандағы атаулы ақшалай табыстары айына 252 619 теңгені құрады және 2025 жылғы I тоқсанмен салыстырғанда 11,8% өсті. Осы кезеңнің тұтыну бағаларының индексін (11,7%) ескере отырып, халықтың ақшалай табыстары нақты мәнде 0,1% өсті.2026 жылғы I тоқсанда халықтың орта есеппен айына жан басына шаққандағы атаулы ақшалай табыстары мөлшерінің ең жоғары мәні Алматы қаласы (408 182 теңге) және Ұлытау облысында (353 036 теңге) белгіленді.Өткен жылдың тиісті тоқсанымен салыстырғанда өңірлер бөлінісінде атаулы ақшалай табыстардың ең үлкен өсімі Алматы облысында – 19,1% және Қарағанды облысында – 16,4% тіркелді.<img src="https://knadmin.beoblood.kz/uploads/Whats_App_Image_2026_07_10_at_09_58_29_acf9530b46.jpeg" alt="Статистика.jpeg">Сурет: freepik.com

Қазақстан халқының ақшалай табысы тұрақты өсім көрсетуде

<a href="https://kyzylorda-news.kz/ru">Kyzylorda-news.kz</a> Өңірлік коммуникациялар қызметінің ақпарат алаңында Техникалық реттеу және метрология комитетінің Қызылорда облысы бойынша департаментінің басшысы Бауыржан Қарсақбаев 2026 жылдың алғашқы жартыжылдығында атқарылған жұмыстардың қорытындысын жариялады.Спикердің айтуынша, департамент техникалық реттеу, метрология, сәйкестікті бағалау және зергерлік бұйымдар айналымы салаларында мемлекеттік бақылауды жүзеге асырып, тұтынушылардың қауіпсіздігін қамтамасыз ету мен отандық өнімдердің сапасын арттыру бағытында жүйелі жұмыс жүргізуде.Жыл басынан бері өңірде 80 мемлекеттік бақылау іс-шарасы өткізілген. Оның 65-інде заң талаптарының бұзылуы анықталып, тиісті нұсқамалар берілді. Сондай-ақ бір әкімшілік іс қаралып, кінәлі тұлғаға айыппұл салынып, бюджетке өндірілді.<blockquote>"Мониторинг барысында «Энергетик KZO» ЖШС-нің 35 өлшем құралына берілген салыстырып тексеру сертификаттарының күші жойылды. Бұдан бөлек, талаптарға сәйкес келмеген «Келін шай», «Аль Хаят» шайы, «Петропавловское» ультрапастерленген сүті өнімдерінің сәйкестік декларацияларының күші жойылды. Ал «Мозырсоль» ас тұзы, «Choco Pie» печеньесі мен «Fariman» ашытқысының мемлекеттік тілдегі таңбалануы талапқа сай болмағаны анықталды. Бақылау сатып алу бағдарламасы аясында жанар-жағармай мен техникалық сұйықтықтардың үлгілері зертханалық сынақтан өткізілді. Нәтижесінде АИ-95 бензині мен екі түрлі антифриздің техникалық регламент талаптарына сәйкес келмейтіні белгілі болып, өнімдерді айналымнан алу жөнінде шешім қабылданды" , - деді департамент басшысы Бауыржан Бақытбекұлы.</blockquote>Сонымен қатар электр энергиясын өндіретін «Кристалл Менеджмент» АҚ-ға қатысты жүргізілген жоспардан тыс тексеру барысында метрологиялық заңнама талаптарының бұзылғаны анықталып, әкімшілік жауапкершілікке тартылған.<blockquote>" Мемлекеттік бақылаудың негізгі мақсаты кәсіпкерлерді жазалау емес, өнім қауіпсіздігін қамтамасыз етіп, тұтынушылардың құқығын қорғау және халықаралық стандарттарға сай сапалы өнім өндіруге жағдай жасау. Осы бағыттағы түсіндіру жұмыстарын тұрақты түрде жүргізіп келеміз, – деді Бауыржан Қарсақбаев.</blockquote>Есепті кезеңде департамент мамандары кәсіпкерлер мен мемлекеттік органдар өкілдерінің қатысуымен 7 оқу семинары, 4 дөңгелек үстел өткізіп, техникалық регламенттер мен мемлекеттік стандарттардың талаптарын түсіндіруге басымдық берді. Сонымен қатар департамент қызметі туралы бұқаралық ақпарат құралдары мен әлеуметтік желілерде 31 ақпараттық материал жарияланған.

Қызылордада техникалық талаптарға сай келмейтін өнімдер айналымнан шығарылды 

<a href="https://kyzylorda-news.kz/ru">Kyzylorda-news.kz</a> Шиелі ауданы әкімдігінде аудан әкімі Айтбай Жандарбековтың төрағалығымен Қазақстан Республикасының «Мемлекеттік қызмет туралы» Заңына енгізілген өзгерістерді түсіндіруге арналған кездесу-семинар өтті.Жиынға ҚР Мемлекеттік қызмет істері агенттігінің Қызылорда облысы бойынша департаментінің басшысы, Әдеп жөніндегі кеңес төрағасы Ерлеген Мендалиев, ҚР Президентінің жанындағы Мемлекеттік басқару академиясының Қызылорда облысы бойынша филиалының директоры Ақзада Мадалиева, аудан әкімінің орынбасарлары, дербес бөлім басшылары, кент және ауылдық округ әкімдері, сондай-ақ мемлекеттік қызметшілер қатысты.Жиында Шиелі ауданының әкімі Айтбай Жандарбеков мемлекеттік қызметтің қоғамдағы орны мен маңызына тоқталып, бұл саланың ел мен халық алдындағы үлкен жауапкершілік екенін атап өтті.Аудан басшысы өз сөзінде Мемлекет басшысы Қасым-Жомарт Тоқаевтың: «Мемлекеттік қызмет дегеніміз – жеке бастың бақ-дәулетін арттыратын жер емес. Бұл – туған халқыңның алдында айрықша жауапкершілік арқалау деген сөз», – деген қағидасын негізге ала отырып, әрбір мемлекеттік қызметші халық сенімін ақтап, заңдылық, ашықтық, әділдік және кәсібилік қағидаттарын берік ұстануы қажеттігін жеткізді.Сонымен қатар, Қазақстан Республикасының 2026 жылғы 19 мамырдағы «Мемлекеттік қызмет туралы» Заңына енгізілген өзгерістердің 2026 жылғы 1 шілдеден бастап заңды күшіне енгенін атап өтіп, аталған өзгерістер мемлекеттік қызмет жүйесін жетілдіруге, кадрлық үдерістердің ашықтығы мен тиімділігін арттыруға, мемлекеттік қызметшілердің құқықтық мәртебесін нығайтуға бағытталғанын айтты.Жиын барысында ҚР Мемлекеттік қызмет істері агенттігінің Қызылорда облысы бойынша департаментінің басшысы, Әдеп жөніндегі кеңес төрағасы Ерлеген Мендалиев заңнамаға енгізілген өзгерістерге жан-жақты тоқталып, олардың мемлекеттік қызметті одан әрі кәсібилендіру, меритократия қағидаттарын нығайту, мемлекеттік аппараттың тиімділігі мен ашықтығын арттырудағы маңызын кеңінен түсіндірді. Сондай-ақ мемлекеттік қызметшілердің құқықтары мен міндеттері, қызметтік әдеп талаптарын сақтау және заң талаптарын мүлтіксіз орындаудың маңыздылығын атап өтті.Өз кезегінде ҚР Президентінің жанындағы Мемлекеттік басқару академиясының Қызылорда облысы бойынша филиалының директоры Ақзада Мадалиева мемлекеттік қызмет жүйесін дамытудағы кадр даярлау мәселелеріне тоқталып, жас мамандарды мемлекеттік қызметке тарту, олардың кәсіби біліктілігін арттыру, қайта даярлау және үздіксіз білім алу мүмкіндіктері туралы кеңінен ақпарат берді.Кездесу барысында мемлекеттік қызметшілер заңнамадағы өзгерістерге қатысты өздерін толғандырған сұрақтарын қойып, нақты жауаптар алды. Ашық пікір алмасу форматында өткен семинарда заң талаптарын тәжірибеде тиімді қолдану, мемлекеттік қызметтің сапасын арттыру және қызметтік әдепті сақтау мәселелері жан-жақты талқыланды.Жиын соңында аудан басшысы Айтбай Жандарбеков мемлекеттік қызметтің басты мақсаты - &nbsp;халыққа адал әрі сапалы қызмет көрсету екенін атап өтіп, барлық мемлекеттік қызметшілерді заң талаптарын қатаң сақтауға, Әдеп кодексінің нормаларын басшылыққа алуға, кәсібилік пен жауапкершілікті, ашықтық пен адалдық қағидаттарын әрдайым ұстануға шақырды.<img src="https://knadmin.beoblood.kz/uploads/Shieli_kezdesu_seminar_2_844fc67175.jpg" alt="Шиелі кездесу семинар 2.jpg">

Мемлекеттік қызмет туралы заңға енгізілген өзгерістерді түсіндірді

<a href="https://kyzylorda-news.kz/ru">Kyzylorda-news.kz</a> Құқық қорғау және жергілікті атқарушы органдардың бірлескен жұмысының нәтижесінде өңірде қоғамдық-саяси тұрақтылық сақталып, қылмыс деңгейі өткен жылдың сәйкес кезеңімен салыстырғанда 10 пайызға төмендеген. Профилактикалық жұмыстар күшейтіліп, есепте тұрған 1500-ден астам азаматпен мобильді топтар жұмыс жүргізген. Соның нәтижесінде аса ауыр қылмыстар, ұрлық, мал ұрлығы, бұзақылық және қорқытып алу деректері айтарлықтай азайған. Бұл туралы Өңірлік коммуникациялар қызметінің ақпарат алаңында Қызылорда облысының прокуроры Ризабек Ожаров баяндады.<blockquote>"Қылмыстың алдын алу прокуратура қызметінің негізгі басымдығы. Біз тек құқық бұзушылықты ашуға емес, оның орын алуына жол бермеуге басымдық беріп отырмыз. Осы бағыттағы кешенді шаралардың нәтижесінде өңірдегі қылмыстық ахуал тұрақталып келеді. Прокурорлар заңсыз шешімдерге жол бермей, 38 процессуалдық шешімді келісуден бас тартқан, 14 азамат уақытша ұстау изоляторынан босатылған. Тергеу сапасын арттыру үшін мыңнан астам нұсқау беріліп, заң бұзушылықтарға жол берген 310 қызметкер тәртіптік жауапкершілікке тартылды, – деді облыс прокуроры Ризабек Кәрімұлы.</blockquote>Сонымен қатар өңірде цифрлық технологияларды енгізу жұмыстары жалғасуда. «IT TERGEU», «Смарт браслет», «Киберволонтер», «Қылмыссыз өңір» жобалары іске асырылып, қылмыстық процесті цифрландыруға арналған «TERGEU PRO» жүйесін енгізу қолға алынған.Прокурор интернет-алаяқтыққа қатысты заңнамалық өзгерістерге де тоқталды. Дроперлік қызмет үшін қылмыстық жауапкершілік енгізілгеннен кейін облыста 16 адамға қатысты айыптау үкімі шыққанын айтып, тұрғындарды өздерінің банктік деректерін бөгде адамдарға бермеуге шақырды.Есепті кезеңде прокуратура органдары 28 тексеріс жүргізіп, 266 мыңнан астам азаматтың, 5700-ден астам кәсіпкердің және 56 мыңнан астам кәмелетке толмағанның құқықтарын қорғаған. «Таза Қазақстан» акциясы аясында заңсыз қоқыс орындары жойылып, қоғамдық орындарды ластаған азаматтар жауапкершілікке тартылған.<blockquote>"Прокуратураның басты міндеті заң үстемдігін қамтамасыз етіп, әр азаматтың құқығын қорғау. Алдағы уақытта да қоғамдық қауіпсіздікті нығайту, кәсіпкерлер мен тұрғындардың құқықтарын қорғау және құқық бұзушылықтың алдын алу бағытындағы жұмыстар жүйелі түрде жалғасады, – деді Ризабек Ожаров.</blockquote>Сондай-ақ облыс прокуроры тұрғындарды прокуратура құзыретіне қатысты мәселелер бойынша әр аптаның сейсенбі күні жеке қабылдауға дайын екенін жеткізді.<img src="https://knadmin.beoblood.kz/uploads/Prokuratura_brifing_bc70f51c33.jpg" alt="Прокуратура брифинг.jpg">

Заң мен тәртіп - қоғам тұрақтылығының негізі

<a href="https://kyzylorda-news.kz/ru">Kyzylorda-news.kz</a> Сырдария ауданы әкімінің орынбасары Талғат Нұртазаевтың төрағалығымен Су шаруашылығы қызметкерлері күніне орай мерекелік қабылдау өтті. Салтанатты жиынға су шаруашылығы саласының қызметкерлері мен ардагерлері қатысты.Аудан әкімінің орынбасары аталған бағыттың ел өміріндегі стратегиялық маңызына тоқталды:<blockquote>– «Су – тіршілік нәрі» деген сөз кездейсоқ емес. Әсіресе, ауыз судың адам баласының өмірі үшін маңызы өте зор. Соңғы жылдары ауданда ауыз су инфрақұрылымын дамыту бағытында бірқатар жұмыстар атқарылып, қазіргі таңда аудан тұрғындары 100 пайыз орталықтандырылған ауыз сумен қамтылған. Қазақстанның соның ішінде өңіріміз су әлеуеті көбінесе көрші елдерден келетін Сырдария өзеніне байланысты. Жалпы, Сыр елінің негізгі тіршілік көзі – Сырдария өзенінің суы. Өздеріңізге белгілі климаттың жаһандық өзгеруіне байланысты Сырдария өзеніне жылдан-жылға түсетін су көлемі азаюда. Бірақ күндіз-түні вегетациялық кезеңдерде жұмыс істейтін су мамандарының үйлесімді жұмысының арқасында фермерлер дақылдарды көп шығынсыз суару кезеңінен өтеді. Сіздер су ресурстарын ұтымды пайдалану мен қорғаудың қазіргі заманғы технологияларын қолдана отырып, оларды болашақ ұрпақ үшін сақтау мақсатындағы мемлекеттік саясатты іске асыруда жоғары кәсіби деңгейде қамтамасыз етіп келесіздер. Ауданның дамуына еңбек етіп жүрген Сіздерге шынайы алғысымды білдіремін! – деді Талғат Мейрамханұлы.</blockquote>Сонымен қатар, су шаруашылығының дамуына үлес қосып жүрген бірқатар қызметкерлер мен сала ардагерлері аудан әкімінің «Алғыс хатымен» марапатталды. Жиын соңында сала ардагерлері сөз сөйлеп, әріптестерін кәсіби мерекемен құттықтап, жылы лебіздерін жеткізді.<img src="https://knadmin.beoblood.kz/uploads/Syrdariya_su_sharuashyly_y_429c23255b.jpg" alt="Сырдария су шаруашылығы .jpg">

Су шаруашылығы қызметкерлеріне құрмет көрсетілді

<a href="https://kyzylorda-news.kz/ru">Kyzylorda-news.kz</a> Қазақстанның бірнеше облысында жасөспірімдердің қауіпсіздігіне бағытталған ауқымды рейд жұмыстары жүргізілді.Іс-шара барысында 4 мың әкімшілік құқықбұзушылық анықталды. “Заң мен тәртіп” қағидатын іске асыру аясында кәмелетке толмағандар арасындағы құқық бұзушылықтың алдын алу және балалардың қауіпсіздігін қамтамасыз ету мақсатында 1–3 шілде аралығында Алматы, Шымкент қалаларында, Алматы, Жамбыл, Маңғыстау, Павлодар, Солтүстік Қазақстан, Қызылорда, Абай және Ұлытау облыстарында ауқымды профилактикалық іс-шаралар өтті.Мұндай рейд жұмыстары балалардың құқығын қорғауға, құқық бұзушылықтардың алдын алуға, қоғамдық тәртіпті бұзуға жол бермеуге бағытталды. Шараға 3 мыңға жуық қызметкер жұмылдырылды. Полицияға 2400 жасөспірім жеткізілді, оның ішінде әкімшілік құқық бұзушылық үшін 1500, қараусыздық пен панасыздық жүргені үшін 1000 жасөспірім жеткізілді.Іс-шара барысында 4 мың әкімшілік құқықбұзушылық анықталды, оның ішінде балаларды тәрбиелеу жөніндегі міндеттерді орындамағаны үшін 257 ата-ана және кәмелетке толмағандардың түнгі уақытта ойын-сауық орындарынмен көшелерде болғаны үшін 1500 жуық ата-ана жауапкешілікке тартылды.Өңірлерде іс-шара аясында жасөспірімдермен қылмыстық құқық бұзушылықтар тіркелген жоқ. Аталған іс-шара алдағы уақытта да тұрақты түрде өткізілетін болады.ІІМ балалардың қауіпсіздігі – ең алдымен отбасының жауапкершілігінде екенін еске салады.Жазғы демалыс кезінде балаларыңыздың қайда жүргеніне, кіммен араласатынына және бос уақытын қалай өткізетініне ерекше назар аударған жөн.

Жасөспірімдердің қауіпсіздігіне бағытталған кең ауқымды рейд ұйымдастырылды

<a href="https://kyzylorda-news.kz/ru">Kyzylorda-news.kz</a> Қорқыт Ата атындағы Қызылорда университетінде адам саудасының алдын алу және еңбек қанауы құрбандарын анықтау мәселелеріне арналған «Адам саудасына жол жоқ» тақырыбында профилактикалық кездесу өтті.Іс-шараға Қызылорда облысының жұмыспен қамтуды үйлестіру және әлеуметтік бағдарламалар басқармасының, облыстық Полиция департаментінің Ұйымдасқан қылмысқа қарсы күрес басқармасының, Мемлекеттік еңбек инспекциясы комитетінің Қызылорда облысы бойынша департаментінің, Қалалық жұмыспен қамту және әлеуметтік бағдарламалар бөлімінің, сондай-ақ адам саудасы құрбандарына арнаулы әлеуметтік қызмет көрсететін үкіметтік емес ұйымның өкілдері қатысты.Кездесу барысында студенттер мен оқытушыларға адам саудасының алдын алу, адамдарды заңсыз әкету, әкелу және сатуға қарсы күрес шаралары, бала еңбегін заңсыз пайдаланудың жолын кесу бағытындағы жұмыстар туралы ақпарат берілді. Сонымен қатар адам саудасының негізгі белгілері, күмәнді жұмыс ұсыныстарынан сақтану тәсілдері және құқық қорғау органдарына жүгіну тәртібі түсіндірілді.Сондай-ақ облыстық Полиция департаментінің Есірткі қылмысына қарсы іс-қимыл басқармасының қызметкері жастар арасында нашақорлықтың алдын алу мақсатында есірткі заттарының адам ағзасына тигізетін зияны, оның әлеуметтік салдары, есірткінің таралу жолдары, заңнамада көзделген жауапкершілік пен қатаңдатылған жаза түрлері туралы баяндады.Бұдан бөлек, интернет-алаяқтықтың кең таралған тәсілдері мен олардан сақтану жолдары жөнінде түсіндіру жұмыстары жүргізілді.Мұндай кездесулер жастардың құқықтық сауаттылығын арттырып, қоғамдағы өзекті қауіптердің алдын алуға бағытталған маңызды шаралардың бірі болып табылады.<img src="https://knadmin.beoblood.kz/uploads/Whats_App_Image_2026_07_09_at_15_31_33_9ba5ffcf9b.jpeg" alt="Қорқыт ата университеті.jpeg">

Университет жастарымен кездесу өтті

<a href="https://kyzylorda-news.kz/ru">Kyzylorda-news.kz</a>&nbsp; Шиелі ауданы әкімдігінің мәжіліс залында аудан әкімі Айтбай Жандарбековтың төрағалығымен Жаңа Конституцияның негізгі қағидаттарын түсіндіру және Мемлекет басшысының бастамасымен жүзеге асырылып жатқан «Таза Қазақстан» республикалық экологиялық акциясының маңызын кеңінен насихаттауға арналған кездесу өтті.Жиынға ауданның зиялы қауым өкілдері, ардагерлер, аудан прокуроры, мәслихат депутаттары, дербес бөлім басшылары, сондай-ақ ауылдық округ әкімдері “ZOOM” платформасы арқылы онлайн форматта қатысты.Кездесуде аудан әкімі Жаңа Конституцияның ел дамуы үшін тарихи маңызына тоқталып, оның заң үстемдігін қамтамасыз етуге, азаматтардың құқықтары мен бостандықтарын қорғауға, мемлекеттік басқарудың ашықтығы мен жауапкершілігін арттыруға бағытталғанын атап өтті.Сондай-ақ Мемлекет басшысы Қасым-Жомарт Тоқаевтың Әділетті Қазақстан құру жолындағы реформаларына кеңінен тоқталып, заңға құрмет пен қоғамдық жауапкершілікті қалыптастырудың маңызын ерекше атап өтті.<img src="https://knadmin.beoblood.kz/uploads/Shieli_kimdigi_2_5bc85e8a5e.jpg" alt="Шиелі әкімдігі 2.jpg">Аудан басшысы сөз барысында Мемлекет басшысының «Таза Қазақстан» жалпыұлттық бастамасы аясында аудан көлемінде атқарылып жатқан жұмыстар туралы айтып, тазалық мәдениетін қалыптастыру әрбір азаматтың ортақ міндеті екенін атап өтті. Осы бағытта Шиелі кенті төрт секторға бөлініп, аудан әкімінің сала орынбасарлары жетекшілік ететін арнайы жұмысшы топтардың құрылғанын, қазіргі таңда тұрғындарға жаңа абаттандыру қағидаларын түсіндіру және ақпараттық-насихат жұмыстарын жүргізіп жатқанын жеткізді.Жиын барысында Шиелі кентінің әкімі Аманкелді Өмірәлі «Таза Қазақстан» республикалық экологиялық акциясы аясында кент аумағында атқарылып жатқан санитарлық тазалық, абаттандыру және көгалдандыру жұмыстары туралы баяндама жасап, жүзеге асырылып жатқан жұмыстар мен алдағы жоспарларға тоқталды.Кездесу барысында аудан прокуроры Мейрамбек Маханбетжанов тазалық мәдениетін қалыптастырудың құқықтық негіздері жөнінде пікір білдіріп, қолданыстағы заң талаптарын сақтау мен қоғамдық жауапкершіліктің маңызын атап өтті.Сондай-ақ ауданның ардагерлері мен зиялы қауым өкілдері сөз сөйлеп, Жаңа Конституцияның қоғамдағы орны, заң үстемдігін нығайту, туған жердің тазалығын сақтау және жастарға ұлттық құндылықтарды дәріптеу мәселелері жөнінде өз ой-пікірлерін ортаға салды.Жиын соңында аудан басшысы Айтбай Жандарбеков барша тұрғындарды Жаңа Конституцияның қағидаттарын құрметтеуге, заң талаптарын сақтауға және «Таза Қазақстан» акциясына белсенді қатысып, туған өлкенің тазалығы мен көркеюіне бірлесіп үлес қосуға шақырды<img src="https://knadmin.beoblood.kz/uploads/Shieli_kimdigi_580fa910a8.jpg" alt="Шиелі әкімдігі.jpg">

Қоғамдық жауапкершілік пен тазалық мәдениеті – басты бағыт

<a href="https://kyzylorda-news.kz/ru">Kyzylorda-news.kz</a> Қызылорда қаласы әкімінің орынбасары Еркін Тұрабаев Корея Республикасының Алматы қаласындағы Бас консулы Ха Тэ Ук мырзамен кездесіп, екіжақты әріптестік мәселелерді талқылады.Сондай-ақ, корей ұлт-азаттық қозғалысы қайраткерлеріне қатысты тарихи-мәдени мұра объектілерін сақтау бойынша пікір алмасты.Кездесу барысында Еркін Ермағанбетұлы екі ел арасындағы дипломатиялық қарым-қатынастардың жылдан-жылға нығайып келе жатқанын атап өтті.<blockquote>– Қазақстан мен Корея мемлекеттері көптеген жылдар бойы ашық және сенімді қарым-қатынас орнатқан стратегиялық серіктестер. Өңірде тұратын корей этносының өкілдері де екі ел арасындағы достық пен өзара ынтымақтастықты нығайтуға елеулі үлес қосып келеді. Бұл бағыттағы әріптестікті одан әрі дамытуға берік негіз бен кең мүмкіндіктер қалыптасқан. Осы орайда, сапарларыңызды біз үшін үлкен құрмет деп қабылдаймыз. Бұл кездесу екі ел арасындағы, сондай-ақ Қызылорда өңірі мен Корея Республикасы арасындағы достық байланыстар мен өзара тиімді ынтымақтастықтың нығая түскенінің жарқын көрінісі деп білеміз, - деді қала әкімінің орынбасары.</blockquote>Өз кезегінде Кореяның Бас консулы Ха Тэ Ук кездесудің маңыздылығына тоқталып, өзара тиімді ынтымақтастықтың алдағы уақытта да жалғасатынына сенім білдірді.

Корея Республикасының Алматы қаласындағы Бас консулымен кездесіп, әріптестік мәселелерді талқылады

<a href="https://kyzylorda-news.kz/ru">Kyzylorda-news.kz</a> Қазалы ауданының әкімі Алмасбек Есмаханов Әйтеке би кентін аралап, аудан орталығының санитарлық тазалығын бақылады.Кент аумағын аралау барысында аудан әкімі Әйтеке би кентінің әкімі мен аудандық полиция бөлімі басшысының орынбасарына санитарлық тазалығын қамтамасыз ету бағытындағы жұмыстарды бірлесіп күшейтуді тапсырды. Тұрғындарға өз аулалары мен оған іргелес аумақтарды таза ұстау, ретсіз өскен шөптерді шабу, белгіленбеген орындарға қоқыс тастамау, тозығы жеткен жол белгілерін басқа да нысандарды қайта қалпына келтіруді, абаттандыру қағидаларын сақтау жөнінде тұрақты түсіндіру жұмыстарын жүргізуді, ескерту жасауды және заң талаптарын бұзған азаматтарға қолданыстағы заңнамаға сәйкес тиісті шаралар қабылдауды міндеттеді.Қазалы ауданының әкімі аралау барысында бірқатар тұрғындармен және кәсіпкерлермен кездесіп, әрбір нысан мен үй иесінің өз ауласы мен көшесінің тазалығына жауапкершілікпен қарауы қажеттігін атап өтті. Азаматтарды есік алдындағы аумақтарды таза ұстап, ретсіз өскен шөптерді уақтылы шауып, туған жердің көркін сақтауға шақырды.Айта кетейік, 2026 жылдың 1 шілдесінен бастап күшіне енген Қазақстан Республикасының Конституциясына сәйкес «Таза Қазақстан» экологиялық мәдениетті дамыту тұжырымдамасы бекітіліп, елді мекендердің аумақтарын абаттандыру қағидаларын сақтау әрбір азаматтың заңмен белгіленген міндеті ретінде айқындалды.Осыған сәйкес Әйтеке би кенті әкімі аппаратының қызметкерлері учаскелік полиция инспекторлары мен бірлесіп кент аумағында жүйелі түрде рейдтік іс-шаралар өткізуде.Рейдтік жұмыстар барысында тұрғын үйлердің ауласы мен оған іргелес аумақтарын таза ұстамаған тұрғындарға заң талаптары түсіндіріліп, ескертулер берілуде. Бүгінге дейін кент бойынша 300-ге жуық тұрғынға ескертулер жасалса, тұрғындардың басым бөлігі ескертулерді орындап, өз аулалары мен оған іргелес аумақтарын толық тазартуда.Аралау барысында аудан басшысы кенттің санитарлық тазалығы бойынша берілген тапсырмалар тікелей бақылауында болатынын айтып, туған жердің тазалығы үшін бірлесе жұмыс жасауды тапсырды.<img src="https://knadmin.beoblood.kz/uploads/azaly_sanitarly_tazaly_zh_mystary_2_11a45e70f3.jpg" alt="Қазалы санитарлық тазалық жұмыстары 2.jpg">

Қазалы: Санитарлық тазалық жұмыстары бақылауда

<a href="https://kyzylorda-news.kz/ru">Kyzylorda-news.kz</a> Жазғы демалыс кезеңінде кәмелетке толмағандар арасындағы құқық бұзушылықтардың, қараусыз және бақылаусыз жүрудің алдын алу мақсатында Қызылорда облысының полиция қызметкерлері тұрақты түрде рейдтік-профилактикалық іс-шаралар өткізуде.Рейд барысында ойын-сауық орындары, саябақтар, скверлер және басқа да қоғамдық орындар тексеріліп, түнгі уақытта заңды өкілдерінің еріп жүруінсіз жүрген жасөспірімдер анықталды.Соңғы үш тәулік ішінде Қызылорда облысы полиция департаментінің ювеналды полиция қызметкерлерімен Қазақстан Республикасының әкімшілік құқық бұзушылық туралы кодексінің 442-бабы бойынша кәмелетке толмағандардың заңды өкілдеріне қатысты 109 әкімшілік хаттама рәсімделді. Сонымен қатар, ата-аналардың немесе өзге де заңды өкілдердің балаларды тәрбиелеу жөніндегі міндеттерін тиісінше орындамауына байланысты кодекстің 127-бабы бойынша 12 әкімшілік хаттама толтырылды.Сондай-ақ рейдтік іс-шаралар барысында кәмелетке толмағандардың заңды өкілдерінсіз түнгі сағат 22:00-ден кейін ойын-сауық мекемелерінде болуына жол берген 3 ойын-сауық орны анықталды. Аталған мекемелердің иелеріне қатысты қолданыстағы заңнама талаптарына сәйкес тиісті шаралар қабылданды.Полиция департаменті ата-аналар мен заңды өкілдерді балалардың қауіпсіздігіне ерекше назар аударуға, олардың бос уақытын тиімді ұйымдастыруға және заң талаптарын қатаң сақтауға шақырады.

Қазақстан және Қызылорда облысының жаңалықтары: Қоғам