<a href="https://kyzylorda-news.kz/">Kyzylorda-news.kz</a> «Әділет» партиясы Қазалы аудандық филиалында тұрғындардың табысын арттыруға арналған «Ауыл аманаты» жобасы бойынша тақырыптық қабылдау өтті.Қабылдауға жеке кәсіпкерлер, шаруа қожалықтарының өкілдері және жас мамандар қатысты. Кездесу барысында кәсіп иелері өздерінің қазіргі кәсібін кеңейту, айналымын ұлғайту және осы мақсатта жеңілдетілген несие алу жолдары жөнінде сауалдарын қойды. Ал жас мамандар өздеріне ұсынылатын мемлекеттік қолдау шаралары мен кәсіп бастауға арналған мүмкіндіктер туралы ақпарат алды.Тұрғындардың сауалдарына аудандық ауыл шаруашылығы және жер қатынастары бөлімі басшысының орынбасары Сапарбек Қуатов пен Қызылорда облысының кәсіпкерлер палатасының аудандық филиалының менеджер-кеңесшісі Дана Нұрқаш жауап беріп, жобаға қатысу талаптары мен қолдау тетіктерін түсіндірді.«Әділет» партиясының «Әділетті болашақ үшін» сайлауалды бағдарламасында ауыл тұрғындарының табысын арттыруға, ауыл кәсіпкерлігін дамытуға және азаматтардың өз ісін бастауына қолайлы жағдай жасауға ерекше мән берілген. Мақсат – ауыл тұрғындарының кәсіп бастауына мүмкіндік беріп, табысын арттыру және тұрмыс сапасын жақсарту.&nbsp;

«Әділет» партиясы алаңында 2,5 пайыздық несие алу талаптары түсіндірілді

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен Жалағаш ауданында өткен актив отырысында ауданның жаңа басшысы таныстырылды.Қазақстан Республикасы Президенті Әкімшілігі және Жалағаш аудандық мәслихатының келісімдері негізінде облыс әкімінің өкімімен Жалағаш ауданының әкімі лауазымына Төралиев Ерлан Кәрімбекұлы тағайындалды.Аймақ басшысы ауданның бұрынғы әкімі Ардақ Ибраимовқа алғыс білдіріп, жаңа әкімнің қызметіне сәттілік тіледі, әлеуметтік-экономикалық даму бағдарына қатысты бірқатар міндет жүктеді.<blockquote>«Ең алдымен инвестиция тарту, салық базасын ұлғайту, жаңа жұмыс орындарын ашу, кәсіпкерлікті дамыту бағытындағы маңызды жобаларды жүзеге асырып, қоғамдық-саяси тұрақтылықты сақтауда нақты жұмыстар жүргізу қажет. Ауыл шаруашылығы өнімдерін өндіруде үздік аудандардың бірі ретінде танылған &nbsp;Жалағаштың ерекше аграрлық потенциалы тиімді пайдаланылуы тиіс. Соңғы жылдардағы су тапшылығын ескере отырып, егісті әртараптандыру, суды аз қажет ететін дақылдар егу және шаруашылықтарға озық технологияларды енгізу маңызды. Сонымен қатар, Үкімет басшысының тапсырмасына сәйкес ірі шаруашылықтар тек егін ғана емес, мал шаруашылығын да дамытып, жыл бойы жұмыс жасайтын жобаларды жүзеге асыруы керек», – деді Мұрат Нәлқожаұлы.</blockquote>Жиында ел ағалары Имамзада Шағыртаев, Садық Әлиев, Әмірбек Шаймағанбетов, Қабылбек Нұрмағанбетов ізгі тілек білдірді.Ерлан Кәрімбекұлы 1977 жылы Қызылорда қаласында дүниеге келген. Қорқыт Ата атындағы Қызылорда мемлекеттік университетін «Өнеркәсіп және азаматтық құрылыс», «Экономика және менеджмент» мамандықтары бойынша тәмамдаған. Еңбек жолын «Фармация» акционерлік қоғамында менеджер болып бастап, кейін мемлекеттік органдар мен жеке секторда түрлі жауапты қызметтер атқарған.2004-2013 жылдары облыс әкімі аппаратының бас инспекторы, Қызылорда қаласы әкімінің орынбасары, облыстық құрылыс басқармасы басшысының орынбасары, басқарма басшысы және облыс әкімінің кеңесшісі болды.2013-2020 жылдары жеке құрылыс компаниясының директоры, «Мемсараптама» РМК бас директорының бірінші орынбасары, сондай-ақ «Қазақстандық тұрғын үй-коммуналдық шаруашылығын жаңғырту және дамыту орталығы» АҚ басқарма төрағасының орынбасары болып еңбек етті.2022 жылдың сәуір айынан бастап Қызылорда облысының құрылыс, сәулет және қала құрылысы басқармасының басшысы қызметін атқарып келді.Сурет: Нұрболат Нұржаубай

Жалағаш ауданына жаңа әкім тағайындалды

<a href="https://kyzylorda-news.kz/">Kyzylorda-news.kz</a> Жалағаш ауданындағы Қ.Қазантаев атындағы аудандық мәдениет үйінде аудан әкімі Ардақ Ибраимовтың қатысуымен «Жайнай бер, жаңарған Жалағаш!» атты салтанатты шара өтті.Іс-шараға қоғам қайраткері, «Қызылорда облысының Құрметті азаматы» Қожахмет Баймаханов, еңбек ардагерлері Сұлтанбек Тәуіпбаев, Батырбек Мәншәріпов, Әбдіғаппар Қарқымбаев, Райкүл Байназарова, облыстық мәслихат депутаттары Балжан Шаменова, Әмірбек Шаймағанбетов, Садық Мұстафаев, сондай-ақ зиялы қауым өкілдері, аудандық мәслихат депутаттары, ардагерлер мен аудан тұрғындары қатысты.Салтанатты жиында аудан әкімі Мемлекет басшысының тапсырмасымен, Үкімет пен облыс әкімінің қолдауымен соңғы жылдары ауданда атқарылған нәтижелі жұмыстарға тоқталып, Жалағаштың әлеуметтік-экономикалық дамуына үлес қосып жүрген бірқатар азаматтар мен сала ардагерлерін «Жалағаш ауданының дамуына қосқан үлесі үшін» төсбелгісімен марапаттады.Мерекелік шара барысында аудан өнерпаздары әннен шашу шашып, мың бұралған бишілер көрерменге мерекелік көңіл-күй сыйлады. Өнерпаздардың әсем әні мен әсерлі биі салтанатты кештің ажарын одан әрі айшықтай түсті.<img src="https://knadmin.beoblood.kz/uploads/Zhala_ash_konczert_2_91c5ab20a5.jpg" alt="Жалағаш концерт 2.jpg">

Бірқатар азаматтар марапат төрінен көрінді

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков жауапты сала басшыларымен бірге аудан аумағында әлеуметтік осал санаттағы отбасылар үшін жаңадан салынып жатқан тұрғын үйлердің құрылыс барысын аралап, атқарылып жатқан жұмыстармен танысты.Қазіргі таңда аудан тұрғындарын баспанамен қамту, әсіресе әлеуметтік қолдауды қажет ететін азаматтарға қолжетімді тұрғын үй ұсыну бағытында бірқатар жұмыстар жүзеге асырылуда. Осы мақсатта Шиелі кентіндегі «Шұғыла» және «Бәйтерек» шағын аудандарында тұрғын үйлердің құрылысы жүргізілуде.Жаңа тұрғын үйлердің бой көтеруі – аудан халқын баспанамен қамту мәселесін шешуге бағытталған маңызды жобалардың бірі.Аралау барысында аудан әкімі құрылыс жұмыстарының қазіргі қарқынына, нысандардың сапасына және белгіленген талаптардың сақталуына ерекше назар аударды. Мердігер мекеме өкілдерімен пікір алмасып, тұрғын үйлердің беріктігі мен сапасын қамтамасыз ету, құрылыс материалдарын тиісті талаптарға сай пайдалану және болашақ тұрғындар үшін қолайлы жағдай қалыптастыру қажеттігін атап өтті.<blockquote>«Тұрғын үй – халықтың әл-ауқаты мен өмір сапасына тікелей әсер ететін маңызды мәселе. Сондықтан салынып жатқан әрбір баспана сапалы әрі тұрғындарға жайлы болуы тиіс. Құрылыс барысында сапаға басымдық беріп, жұмысты белгіленген мерзімде аяқтау қажет», – деді аудан әкімі.&nbsp;</blockquote><img src="https://knadmin.beoblood.kz/uploads/Shieli_audany_rylys_2_03c5f1b1f2.jpg" alt="Шиелі ауданы құрылыс 2.jpg">

Шиелі: Құрылыс барысы бақылауда

<a href="https://kyzylorda-news.kz/">Kyzylorda-news.kz</a> Отбасы күні қарсаңында «Отбасы орталығында» тағылымды іс-шара ұйымдастырылып, облыс әкімі Мұрат Ергешбаев «Гауһар той», «Алтын той», «Лағыл той», «Інжу той», «Күміс тойға» жеткен отбасылармен және жас шаңырақ иелерімен кездесті.Онда &nbsp;құндылықтарды дәріптеуге, ұрпақ тәрбиесіне, ерлі-зайыптылар арасындағы сыйластықты нығайтуға қатысты әңгіме өрбіп, өнегелі отбасыларға құрмет көрсетілді.<blockquote>«Мемлекет басшысы Қасым-Жомарт Кемелұлының «Еліміздегі әрбір шаңырақ қазақ отбасының үлгісіне айналуы керек» деген сөзі үйдегі тәрбиенің қоғам дамуындағы айрықша рөлін айқын көрсетеді. Жаңа Конституциямызда &nbsp;мемлекет берік отбасы институтын қалыптастыруға және ұрпақ тәрбиесіне қолайлы орта құруға басымдық беретіні нақтыланған. Өңірімізде халықтың әл-ауқаты мен әлеуметтік тұрақтылығын қамтамасыз етуге ерекше мән берілуде. &nbsp;17 500-ге жуық көпбалалы отбасы мемлекеттің тұрақты қолдауына ие. Сіздер өнегелі ұрпақ тәрбиелеу арқылы еліміздің дамуы мен өркендеуіне өлшеусіз үлес қосып келесіздер. Барлығыңыз да шынайы құрмет пен мақтауға лайықтысыздар. Шаңырақтың беріктігін сақтап, сыйластық пен мейірімділікті өмір өзегіне айналдырған барша отбасыларға шынайы ризашылығымды білдіремін», – деді Мұрат Нәлқожаұлы.</blockquote>Кездесуге қатысушылар береке-бірліктің, өзара сыйластық, үлкенге құрмет, кішіге ізет көрсетудің маңызына тоқталып, өздерінің өмірлік тәжірибелерін бөлісті.Атап айтқанда, ауыл шаруашылығы саласының ардагері, 6 бала, 24 немере және 4 шөбере тәрбиелеп, «Алтын тойға» жеткен Шындалы Әбдіраманов татулық пен бала тәрбиесі туралы ойын ортаға салды.Ал 5 баланың анасы, 8 немеренің әжесі Мархабат Шынарбаева ұрпақ сабақтастығы жөніндегі пікірін айтты. Сондай-ақ жас отбасылар атынан Алтынбек Ләзи сөз алып, өзара түсіністік пен жауапкершіліктің маңызына тоқталды.Іс-шара барысында ән шырқалып, қатысушыларға облыс әкімінің құттықтау хаттары, сыйлықтар мен гүл шоқтары табысталды.Еске салсақ, бүгінде облысымызда 141 мыңнан астам отбасы бар, оның &nbsp;48 мыңнан астамы көпбалалы. Кейінгі төрт жылда үй кезегіндегі азаматтарға 8 мыңға жуық пәтер берілді. 2026-2027 жылдары 6200-ден астам пәтер табысталып, 25 мыңға жуық тұрғынның баспана мәселесін шешу жоспарлануда.Ұрпақ тәрбиесіне ерекше мән беру, құндылықтарды дәріптеу бағытында «Анаға тағзым», &nbsp;«Отбасы орталығы» жүйелі жұмыс жүргізіп келеді. Аудандардағы «Руханият орталықтары» жас отбасыларға қолдау көрсетуге және маңызды бастамаларды жүзеге асыруға бағытталған рухани- әлеуметтік алаңға айналды.

Отбасы күні қарсаңында тағылымды кездесу өтті

<a href="https://kyzylorda-news.kz/">Kyzylorda-news.kz</a> Қазалы ауданында егінге орақ салу науқаны басталды. Дархан дала төсіндегі қызу еңбекті алғаш болып Қожабақы ауылындағы «Агро-Өркен» шаруа қожалығының шаруалары бастады.«Агро-Өркен» шаруа қожалығының егіс алқабында өткен орақ салу рәсіміне аудан әкімі Алмасбек Есмаханов, аудандағы зиялы қауым өкілдері, ауылдық округ әкімдері мен шаруа қожалықтарының жетекшілері қатысты.&nbsp;Егінге орақ салу рәсімі басталмас бұрын Алмасбек Әбілқасымұлы дала еңбеккерлерін егінге орақ түсуімен құттықтап, Президентіміздің, Үкіметтің және облыс әкімінің қолдауымен ауданның әлеуметтік-экономикалық дамуы бағытында атқарылған жұмыстарды атап өтті.<blockquote>– Бүгін Өздеріңізбен бірге егінге алғашқы орақ салу рәсіміне арналған аудандық «Дала күні-2026» шарасына жиналудамыз. Бұл – тынымсыз еңбектің жемісін көріп, ел ырысын еселеуге бағытталған жауапты кезеңнің бастауы. Ауыл шаруашылығы – аудан экономикасының негізгі саласы. Халықтың әл-ауқатын, табысын арттыруда, бәсекеге қабілетті шағын және орта бизнесті құруда саланың маңызы өте зор. Ауданымыздың табиғи ерекшелігіне, ауа-райы мен топырақ құрамына бейімделген күріш – жалпы біздің өңіріміздің негізгі дақылдарының бірі болып табылады. Биыл аудан бойынша 12 мың 475 гектар ауыл шаруашылығы дақылдары егіліп, оның ішінде күріштің көлемі 2447 гектарды құрады. Өткен жылдан бері Мемлекет басшысы Қасым-Жомарт Кемелұлы мен Үкімет басшысының, үкімет мүшелерінің бастамасымен Сырдария өзенінің жоғарғы ағысындағы мемлекеттермен дер кезінде келіссөздер жүргізіп, үлкен қолдаулар жасалды. Бүгінде ирригация жүйелерін жетілдіру, су үнемдеу технологияларын кеңінен қолдану және егісті әртараптандыру – мемлекеттік саясаттың басым бағыттарының біріне айналды. Мемлекет басшысының суды көп қажет ететін дақылдар көлемін оңтайландыру тапсырмасына сәйкес биыл ауданымызда күріш көлемін өткен жылмен салыстырғанда 3189 гектарға қысқартылды. Биыл аймағымызды төрт жылдан астам уақыт басқарған Нұрлыбек Машбекұлының, облыс әкімі Мұрат Нәлқожаұлының қолдауымен су тапшылығының алдын алу мақсатында аудан көлемінде бірқатар ауқымды жобалар жүзеге асуда. 2026 жылы аудандағы сол жағалау алыбының 1-ГД, 2-ГД, К-3-2 коллекторлар жүйесін қайта жаңғырту мақсатында республикалық бюджеттен жұмысын бастауға 801,8 млн. теңге (жоба құны 2 млрд. 589,5 млн.тг) және «Нартай» каналына механикалық тазалау жұмыстарына 179,2 млн. теңге қаржы бөлініп, жұмыстар жүргізілуде. ҚР Су ресурстары және ирригация министрлігі тарапынан 2026 жылға «Климаттық орнықты су ресурстарын дамыту 2-кезеңі» жобасы аясында каналдарды бетондау жұмыстарына 7 каналдың құжаттары әзірленіп, бюджеттік өтініп тапсырылды. Қазіргі уақытта жобаларды қаржыландырылу күтілуде. Бұл жобаларды жүзеге асыру бағытында әрі қарай да жұмыстар жалғасатын болады. Егіншісі мәрт, жері жомарт – аудан дихандары ортақ абырой, ел мерейі ісінде қашан да ауызбіршіліктің үлгісін көрсетіп келеді. Ала жаздай еткен еңбектеріңіз ақталып, қамба астыққа толсын, қырмандарыңыз таси бергей! Баршаңыздың еңбектеріңізге сәттілік тілеймін! Алдағы «Алтын Дән» мерекесінде зор табыстармен кездесейік, - деді аудан әкімі Алмасбек Әбілқасымұлы.</blockquote>Дала төсінде өткен жиында ала жаздай маңдайы күнге, табаны құмға күйген мәртебелі еңбек адамдары марапат төрінен көрінді. Мұнан соң Қызылорда облысының Құрметті азаматы, Қазақстанның Құрметті құрылысшысы, «Құрмет», «Парасат» І және ІІІ дәрежелі «Барыс» ордендерінің иегері Самұрат Имандосов, Қазалы аудандық ардагерлер кеңесінің төрағасы, «Құрмет» орденінің иегері, Қазалы ауданының Құрметті азаматы, Құрметті теміржолшы Оразғали Бекбанов сөз сөйлеп, ақ батасын беріп, егін орағының лентасы салтанатты түрде қиылды. Мұнан соң «дала кемесі» атанған комбайндар өз жұмыстарын бастап кетті.Күрішке орақ салу рәсімі жылдағы дәстүрге сай аудан әкімінің төрағалығымен «Дала күні» семинар-кеңесіне жалғасты. Жиында аудандық ауыл шаруашылығы мен жер қатынастары бөлімінің басшысы Еркін Сейтов күріш жинауға дайындық туралы баяндап берсе, егінді суармалы сумен қамтамасыз ету, су ақысы төлемдерінің барысы және су жолдарына жасалатын жөндеу жұмыстарына байланысты «Қазалысушар» өндірістік учаскесі басшысының орынбасары Жанбай Садық айтып берді.&nbsp;Мәжілісті қорытындылаған аудан әкімі Алмасбек Әбілқасымұлы жаздың шіліңгір ыстығына қарамастан нәтижелі жұмыс жасаған дихандардың еңбегіне тоқталды. Сонымен қатар алдағы міндет ел ризығын шашпай-төкпей, жауын-шашынға ұрындырмай егінді жинап алу керектігін жеткізді. Осыған сәйкес егілген егінді ысырапсыз мерзімінде жинап алу үшін аудандық ауыл шаруашылығы мен жер қатынастары бөлімінің басшысы Еркін Сейтов және ауыл әкімдері мен шаруашылық басшыларына бірқатар тапсырмалар жүктеді. Сондай-ақ, аудандық полиция бөліміне ауыл әкімдері мен ветеринария қызметкерлері тығыз жұмыс жасап, егістікке түсіп, қараусыз, бағусыз жүрген малдардың иелеріне тиісті шара қабылдауды тапсырды.<img src="https://knadmin.beoblood.kz/uploads/azaly_egin_zhinau_nau_any_2_11fbcb4c87.jpg" alt="Қазалы егін жинау науқаны 2.jpg">

«Дала күні-2026»: Қазалылықтар егінге алғашқы орақ салды

<a href="https://kyzylorda-news.kz/">Kyzylorda-news.kz</a> «Жол-көлік оқиғаларының алдын алу – заң мен тәртіп, қауіпсіз балалық шақтың кепілі» тақырыбында Ә.Мүсілімұлы атындағы №101 мектеп-лицейінде түсіндірме жұмыстары жүргізді.Бүгінгі таңда жол қозғалысы қауіпсіздігін қамтамасыз ету, әсіресе балалардың жол-көлік оқиғаларынан зардап шегуінің алдын алу – маңызды міндеттердің бірі.Балалардың жол-көлік оқиғаларына ұшырауының негізгі себептерінің қатарында жол қозғалысы ережелерін толық білмеу немесе сақтамау, жолды белгіленбеген жерден кесіп өту, көлік құралдарының жүріс бөлігіне жақын жерде ойнау, сондай-ақ ұялы телефонға және басқа да алаңдатушы факторларға көңіл бөлу жағдайлары кездеседі.Осыған байланысты балалардың жолдағы қауіпсіз мінез-құлқын қалыптастыру жұмыстарын жүйелі түрде жүргізу қажет. Бұл бағыттағы профилактикалық жұмыстар тек мектеп қабырғасымен шектелмей, ата-аналармен және қоғаммен бірлесіп жүзеге асырылуы тиіс.Балаларға жол қозғалысы ережелерін түсіндіру кезінде құрғақ ақпарат берумен шектелмей, тәжірибелік және көрнекі әдістерді кеңінен қолданудың маңызы зор. Мектептерде жол қауіпсіздігі сабақтарын, түсіндіру кездесулерін, викториналар мен практикалық іс-шараларды тұрақты ұйымдастыру тиімді нәтиже береді.Сонымен қатар, ата-аналардың жауапкершілігі де ерекше маңызды. Бала ең алдымен қауіпсіз жүріс-тұрыс үлгісін отбасынан үйренеді. Сондықтан ата-аналар баласына жолдан қалай дұрыс өту керектігін түсіндіріп қана қоймай, өз әрекетімен үлгі көрсетуі қажет.Қазіргі уақытта балалар арасында велосипедтерді, электр самокаттарды және басқа да жеке мобильділік құралдарын пайдалану кең таралған. Осыған байланысты олардың қауіпсіз пайдалану тәртібін түсіндіру, қорғаныс құралдарын қолданудың маңызын жеткізу және жол қозғалысы талаптарын сақтау қажеттігін ескерту – профилактикалық жұмыстың маңызды бағыты.Жол-көлік оқиғаларының алдын алуда полиция, білім беру ұйымдары, ата-аналар және жергілікті атқарушы органдардың өзара іс-қимылы маңызды рөл атқарады. Қауіпті жол учаскелерін анықтау, жол белгілері мен жаяу жүргіншілер өткелдерінің жағдайын бақылау, мектеп маңындағы жол қауіпсіздігін қамтамасыз ету бойынша жұмыстар тұрақты жүргізілуі қажет.Басты мақсат – құқық бұзушылықты анықтау ғана емес, оның алдын алу және балалардың қауіпсіздігін қамтамасыз ету.Әрбір сақталған жол ережесі – бір адамның өмірін қорғауы мүмкін. Сондықтан жол қауіпсіздігіне немқұрайлы қарамай, балаларға дұрыс бағыт-бағдар беру – баршамыздың ортақ міндетіміз.Қорытындылай келе, «Заң мен тәртіп – қауіпсіз балалық шақтың кепілі» қағидасын негізге ала отырып, жол-көлік оқиғаларының алдын алу бойынша профилактикалық жұмыстарды одан әрі күшейту қажет.

«Заң мен тәртіп» қағидаты аясында түсіндірме жұмыстарын жүргізді

<a href="https://kyzylorda-news.kz/">Kyzylorda-news.kz</a> Ауыл шаруашылығының өзге дақылдарынан 6,3 млн тоннадан астам өнім жиналды.Сонымен қатар негізгі ауыл шаруашылығы дақылдарын жинау жұмыстары жалғасуда. Бүгінгі таңда 906,5 мың тонна майлы дақылдар тұқымы, 2,4 млн тонна көкөніс, 1,8 млн тонна бақша дақылдары және 1,2 млн тонна картоп жиналды.Өңірлік штабтар егін жинау науқанын уақтылы аяқтау үшін қажетті жағдайды қамтамасыз ете отырып, дала жұмыстарын үйлестіруде.Егін жинау және күзгі егіс жұмыстарын жүргізу үшін өңірлерге 401,1 мың тонна дизель отыны бөлінді. Ауыл шаруашылығы тауарын өндірушілерді минералды тыңайтқыштармен қамтамасыз ету жұмыстары жалғасуда. Жылдық қажеттілік 2,3 млн тоннаны құрайтын болса, қазірдің өзінде тиісті келісімшарттар жасалып, 2 млн тонна немесе жылдық көлемнің 85%-ы жөнелтілді.Бұл негізгі екі міндетті қатар шешуге: қазіргі егін жинау науқанын іркіліссіз аяқтауға және диқандарды келесі өндірістік циклге уақтылы дайындауға &nbsp;мүмкіндік береді.Қазіргі кезеңде егін жинау жұмыстарын уақтылы аяқтау, жиналған өнімнің сақталуын қамтамасыз ету, астықты сапалы қабылдау және азық-түлік астығының жеткілікті қорын қалыптастыру басым міндеттер болып қала береді.Жаңа өнімнен күтілетін көлем еліміздің азық-түлік әлеуетінің жоғары екенін көрсетеді және ішкі нарықты сапалы астықпен қамтамасыз етуге, сондай-ақ отандық агроөнеркәсіп кешенінің экспорттық әлеуетін одан әрі дамытуға жағдай жасайды.Еліміздің азық-түлік қауіпсіздігін қамтамасыз ету және АӨК-ті орнықты дамыту жұмыстары жалғасуда.<img src="https://knadmin.beoblood.kz/uploads/Auylsharuashyly_y_foto_gov_kz_2_7e53a16e55.jpg" alt="Ауылшаруашылығы фото gov.kz 2.jpg">Сурет: gov.kz

Ауыл шаруашылығының өзге дақылдарынан 6,3 млн тоннадан астам өнім жиналды

<a href="https://kyzylorda-news.kz/">Kyzylorda-news.kz</a> Жыл басынан бері Қызылорда облысының жолдарында 811 жол-көлік оқиғасы тіркелді.Облыстық полиция департаментінің мәліметінше, бұл көрсеткіш өткен жылдың 8 айымен салыстырғанда 15,6%-ға төмен. Жолдағы қайғылы жағдайлардың кесірінен 1002 адам жарақат алса, 62 адам көз жұмған.<blockquote>– Жол-көлік оқиғаларының алдын алу және жүргізушілердің тәртібін арттыру мақсатында 17 жедел профилактикалық іс-шара ұйымдастырылды. Профилактикалық жұмыстың нәтижесінде жол қозғалысы қағидаларын бұзудың 248 мыңнан астам дерегі анықталды. Оның ішінде көлік құралын масаң күйде басқарудың 589, қарсы бағытқа шығудың 264 дерегі тіркелді. 6973 жағдайда жаяу жүргіншілер жол қозғалысы қағидаларын бұзса, 90 мыңнан астам жағдайда жүргізушілер жылдамдықты шектен асырған. 12 мыңнан астам адам көлік тізгінінде келе жатып ұялы телефон пайдаланса, 35 мыңнан астам жүргізуші қауіпсіздік белдігін тақпаған. 4575 дерек бойынша көлік жүргізушілері жаяу жүргіншіге жол бермеген, - деді департаменттің әкімшілік полиция басқармасының бастығы, полиция полковнигі Мұратбек Манатов.</blockquote>Бүгінде облыс жолдарында жол ережесін елемегендерді автоматты түрде анықтайтын 218 заманауи құрылғы жұмыс істеп тұр. Былтыр олардың саны 124 болатын.Сурет: Нұрболат Нұржаубай

Қызылорда облысында жыл басынан бері 811 жол-көлік оқиғасы тіркелді

<a href="https://kyzylorda-news.kz/">Kyzylorda-news.kz</a> Экономикалық ынтымақтастық және даму ұйымы (ЭЫДҰ) Қазақстанның ұлттық статистикалық жүйесіне жүргізілген тереңдетілген шолу нәтижелері бойынша қорытынды есепті жариялады. ЭЫДҰ сарапшыларының бағалауына сәйкес, «қарастырылған бағыттардың басым көпшілігінде Қазақстанның ресми статистикасы Ұйымның озық саясаты мен практикасына толықтай дерлік сәйкес келеді».Бағалау ресми статистиканың сапасының негізгі параметрлері – дәлдік пен шынайылық, үйлесімділік, халықаралық стандарттарға сәйкестік, деректердің қамтылуы мен өзектілігі, уақтылылығы, қолжетімділігі және түсіндірілуі бойынша жүргізілді.<blockquote>«Қарастырылып отырған пәндік салалардың басым көпшілігінде Қазақстанның ресми статистикасы ЭЫДҰ-ның озық саясаты мен практикасына толықтай дерлік сәйкес келеді», – деп атап өтіледі қорытынды есепте.</blockquote>ЭЫДҰ ұлттық статистикалық жүйені ауқымды жаңғыртуға және ресми статистиканы қалыптастырудың заманауи тәсілдерін енгізуге ерекше назар аударды.ЭЫДҰ сарапшылары Қазақстанның негізгі жетістіктерінің қатарында мыналарды атап өтті:<ul><li style="text-align:justify;">цифрлық статистикалық тіркелімдерді дамыту және оларды мемлекеттік органдардың деректерімен интеграциялау</li><li style="text-align:justify;">әкімшілік деректерді белсенді енгізу және олардың сапасын арттыру;</li><li style="text-align:justify;">статистикалық ақпаратты жинау және өңдеу процестерін цифрландыру;</li><li style="text-align:justify;">фискалдық чектер мен мобильді позициялау деректері түріндегі баламалы дереккөздерді қолдану;</li><li style="text-align:justify;">дәстүрлі зерттеулерден цифрлық дереккөздерден алынған деректерді пайдалануға көшу есебінен респонденттерге түсетін жүктемені азайту;</li><li style="text-align:justify;">халық санағын жүргізудің тіркелімдік моделіне дәйекті түрде көшу;</li><li style="text-align:justify;">халықаралық статистикалық жіктеуіштерге, тұжырымдамалар мен әдіснамаларға сәйкестіктің жоғары деңгейі.</li></ul>ЭЫДҰ-ның бағалауынша, Қазақстан жүргізіп отырған трансформация ресми статистиканы дамытудың қазіргі халықаралық үрдістеріне сәйкес келеді.Реформалардың маңызды нәтижелерінің бірі – негізінен дәстүрлі зерттеулерге сүйенетін модельден әкімшілік, транзакциялық және өзге де баламалы деректерді интеграциялау негізінде қалыптастырылатын жаңа буын статистикасына көшу болып табылады.Цифрлық статистикалық тіркелімдерді құру, жаңа дереккөздерді пайдалануды кеңейту және статистикалық процестерді цифрландыру ақпараттың жеделдігі мен сапасын бір мезгілде арттыруға, сондай-ақ бизнес пен азаматтарға түсетін жүктемені азайтуға мүмкіндік береді.Жасанды интеллект пен автоматтандыру технологияларын дамыту ерекше маңызға ие болып отыр. Олар үлкен көлемдегі деректерді өңдеу, аномалияларды анықтау, жіктеу, болжау және статистикалық өндірістің тиімділігін арттыру үшін жаңа мүмкіндіктер қалыптастырады.Тереңдетілген шолу 2023-2025 жылдары ҚР СЖРА Ұлттық статистика бюросының бастамасымен жүргізілді. Оның аясында ЭЫДҰ сарапшылары Қазақстанға үш рет жұмыс сапарымен келіп, ресми статистиканы қалыптастырудың құқықтық, институционалдық, әдіснамалық және технологиялық негіздерін егжей-тегжейлі зерделеді.Шолу ұлттық статистиканың іс жүзінде барлық спектрін қамтыды – ұлттық шоттар, бағалар статистикасы және еңбек нарығы статистикасынан бастап кәсіпорындар статистикасы, сыртқы сауда, табыстарды бөлу, әл-ауқат және экологиялық-экономикалық есепке алуға дейін.ЭЫДҰ-ның жоғары бағасы Қазақстанда статистиканы цифрлық трансформациялау, дереккөздерді кеңейту және ресми статистикалық ақпараттың сапасын арттыру бойынша жүргізіліп жатқан жұмыстардың нәтижелілігін растайды.Ұлттық статистика бюросының халықаралық стандарттарға сәйкестігін қамтамасыз етудегі маңызды кезең Қазақстанның 2025 жылы ЭЫДҰ Кеңесінің тиісті статистикалық практика жөніндегі ұсынымына қосылуы болды.Қазақстан осы құжатқа қосылған ТМД-дағы алғашқы ел болды. Бұл құжат ресми статистиканың сапасы, сенімділігі, объективтілігі және ашықтығы саласындағы халықаралық бағдарларды белгілейді.Қол жеткізілген прогреске жоғары баға берумен қатар, ЭЫДҰ сарапшылары ұлттық статистикалық жүйені одан әрі жетілдіру бағыттарын да белгіледі.Атап айтқанда, мыналарды одан әрі дамыту ұсынылды:<ul><li style="text-align:justify;">мемлекеттік сектордың берешегі статистикасын;</li><li style="text-align:justify;">құрылымдық статистиканы және кәсіпорындардың демографиялық статистикасын;</li><li style="text-align:justify;">экологиялық-экономикалық есепке алуды;</li><li style="text-align:justify;">кәсіпорындардың сипаттамалары бойынша бөліністегі сауда статистикасын.</li></ul>Бұл ретте ЭЫДҰ аталған бағыттардың бірқатары бойынша Қазақстанның тиісті жұмыстарды жүргізіп жатқанын атап өтеді, оның ішінде деректердің қамтылуы мен түсіндірілуін күшейту, метадеректерді сипаттау және неғұрлым терең детализациялау бойынша жұмыстар бар.ЭЫДҰ ұсынымдары ұлттық статистикалық жүйені одан әрі дамыту барысында пайдаланылатын болады.

Қазақстан статистика саласында ЭЫДҰ халықаралық стандарттарына сәйкестіктің жоғары деңгейіне қол жеткізді

Шиелі ауданындағы жол инфрақұрылымын жаңғырту бағытындағы жұмыстар жүйелі түрде жалғасуда. Қазіргі таңда аудан тұрғындары үшін маңызды көлік қатынасы желілерінің бірі саналатын «Самара–Шымкент–Еңбекші» автомобиль жолының 4,3 шақырым бөлігінде күрделі жөндеу жұмыстары жүргізілуде.Аталған жолдың жаңартылуы – тұрғындардың күнделікті қатынауын жеңілдетіп қана қоймай, елді мекендер арасындағы көлік байланысын жақсартуға, жол қозғалысының қауіпсіздігін қамтамасыз етуге және ауданның инфрақұрылымдық әлеуетін арттыруға бағытталған маңызды жоба.Жол жөндеу жұмыстары «Гежуба Шиелі Цемент компаниясы» ЖШС-нің демеушілігі есебінен жүзеге асырылуда. Жоба аясында жол төсемін толық жаңарту, сапалы асфальт жабындысын төсеу, жол жиектерін ретке келтіру және қозғалыс қауіпсіздігін қамтамасыз ететін тиісті жол белгілерін орнату жұмыстары қарастырылған.Қазіргі таңда құрылыс жұмыстары белгіленген жоспарға сәйкес жүргізіліп, жолдың сапасы мен орындалу барысына тиісті бақылау жасалуда. Жөндеу жұмыстарын 15 қыркүйекке дейін толық аяқтап, жаңартылған жолды халық игілігіне беру жоспарлануда.Айта кетейік, аудан аумағындағы автомобиль жолдарының сапасын жақсарту және көлік инфрақұрылымын дамыту бағытындағы жұмыстар бұған дейін де бірқатар нысандарда жүзеге асырылды.Бұл – мемлекеттік және жеке сектор арасындағы әлеуметтік әріптестіктің нақты нәтижесін көрсететін маңызды бастамалар. Кәсіпкерлік құрылымдардың туған жердің дамуына қолдау көрсетуі ауданның әлеуметтік және инфрақұрылымдық мәселелерін шешуге айтарлықтай үлес қосып келеді.Сапалы жол – қауіпсіздік, қолайлылық және тұрақты дамудың негізі. Жол инфрақұрылымының жаңаруы тұрғындардың өмір сүру сапасын арттырып қана қоймай, елді мекендердің экономикалық белсенділігіне, кәсіпкерлік пен өндірістің дамуына да оң ықпал етеді.Алдағы уақытта да аудан аумағындағы жолдардың жағдайын жақсарту, көлік қатынасын дамыту және тұрғындарға қолайлы орта қалыптастыру бағытындағы жұмыстар кезең-кезеңімен жалғасын табады.<img src="https://knadmin.beoblood.kz/uploads/FB_IMG_1788947780412_4b053c750c.jpg" alt="FB_IMG_1788947780412.jpg">

"Самара-Шымкент-Еңбекші" тас жолы жаңартылуда

<a href="https://kyzylorda-news.kz/">Kyzylorda-news.kz</a> Қармақшы ауданы «Руханият» орталығында 2026 жылдың 1 қаңтарынан бастап қолданысқа енгізілген жаңа Салық кодексінің негізгі талаптарын түсіндіруге арналған кездесу өтті.Аудан әкімінің тапсырмасына сәйкес ұйымдастырылған жиынды аудан әкімінің орынбасары Диас Молдабаев жүргізді.<blockquote>– Бүгінгі кездесудің негізгі мақсаты – жаңа Салық кодексіндегі өзгерістерді түсіндіру, салық салу жүйесіндегі жаңашылдықтарға тоқталу және салық түсімдерінің орындалу барысын талқылау. Жаңа Кодексте салықтық әкімшілендіруді жетілдіруге, кәсіпкерлерге түсетін жүктемені азайтуға және салық салу жүйесін оңтайландыруға бағытталған бірқатар өзгерістер қарастырылған. Сондықтан бұл өзгерістерді аудан аумағында дұрыс түсіндіру және кәсіпкерлердің жаңа талаптарды дұрыс орындауы маңызды, – деді.</blockquote>Жалпы ауданымызда кейінгі жылдары бюджет және өз кірістерінің орындалуы бойынша оң динамика қалыптасып келеді. 2026 жылға бекітілген ауданның өз кірістері 2025 жылдың жоспарымен салыстырғанда 34,3 пайызға жоғары.Жиынға Қызылорда облыстық мемлекеттік кірістер департаментінің басшысы Ғани Аманов арнайы келіп, кәсіпкерлер үшін қарастырылған жеңілдіктер және салықтық әкімшілендіру саласындағы жаңашылдықтар жөнінде түсіндірді.Сонымен қатар облыстық мемлекеттік кірістер департаментінің түсіндіру жұмыстары және байланыс орталығы басқармасының басшысы Гүлсара Қарымсақова жаңа Салық кодексінің нормалары бойынша толық ақпарат берді.&nbsp;Кездесу барысында кәсіпкерлер тарапынан сұрақтар қойылып, туындайтын мәселелер бойынша пікірлер мен ұсыныстар тыңдалды.<blockquote>– Жаңа Салық кодексінің талаптары мен енгізілген өзгерістерді дұрыс түсініп, оларды тәжірибеде тиімді қолдану баршамыз үшін маңызды екенін атап өткім келеді. Сондықтан бұл мәселелерді назарға алып, салықтық міндеттемелерді уақытылы әрі сапалы орындауға жауапкершілікпен қарау қажет,- деп Диас Асылбекұлы жиынды қорытындылады.&nbsp;</blockquote><img src="https://knadmin.beoblood.kz/uploads/arma_shy_zha_a_saly_kodeks_talaptary_2_a70bb2d861.jpg" alt="Қармақшы жаңа салық кодекс талаптары 2.jpg">

Қазақстан және Қызылорда облысының жаңалықтары: Қоғам