<a href="https://kyzylorda-news.kz/">Kyzylorda-news.kz</a> Сыр өңіріне &nbsp;жұмыс сапарымен келген ҚР Парламенті Мәжілісіндегі «AMANAT» партиясы фракциясың мүшесі Аманжол Әлтай мен «AMANAT» партиясы саяси жұмыстар департаментінің директоры Еркебұлан Жауылбаев «Bir Tolqynda» диалог алаңында өңірдің белсенді жастарымен кездесіп, олардың бастамалары мен ой-пікірлеріне құлақ салды.Кездесу спикерлері ең алдымен «Жастар Рухы» жастар қанатының Қызылорда облыстық филиалының жұмысымен танысып, өңірдегі жастар саясатының жүзеге асырылу барысы мен бастамалары жөнінде ақпарат алды.Мұнан соң «Кітап-AMANAT» орталығының жұмысына шолу жасалып, жастардың білімге, кітап оқуға деген қызығушылығын арттыру бағытында атқарылып жатқан істермен танысты.Іс-шараның маңызды бөлігі – белсенді және өнерлі жастармен еркін форматтағы ашық кездесу болды. Жастар өз пікірлерін ортаға салып, спикерге өз ұсыныстарын жеткізді.&nbsp;Мәжіліс депутаты Аманжол Әлтай жастардың ой-пікірлерін тыңдап, ел дамуы жолындағы белсенділіктерін жоғары бағалады.<img src="https://knadmin.beoblood.kz/uploads/Whats_App_Image_2025_05_23_at_19_01_03_85deb14acd.jpeg" alt="Жастармен кездесу .jpeg"><blockquote>«Санасы сергек, ойы озық, рухы биік ұрпақ – мемлекеттің мәңгі тірегі. Бүгінгі жастар тек технологиямен емес, ұлттық мәдениетпен де сусындауы тиіс. Домбыраның үні мен Абайдың сөзі жүрегіңізде жаңғырып тұрса – сіз елдің шын азаматысыз. Сіздер – тек ертеңнің емес, бүгінгі рухани тірегіміз. Өнер мен ой қатар жүрсе, өркениет соңыңыздан ілеседі. Армандаудан қорықпаңыздар, ал өнер мен мәдениетті қадірлеуден ешқашан жалықпаңыздар», - деді ҚР Парламенті Мәжілісінің депутаты Аманжол Әлтай.</blockquote>Кездесуде жастар пікір алмасу жүргізіп, спикерлерімізге арнайы жырдан шашу шашты. Жастарға тарту ретінде Аманжол Дүйсенбайұлы да өлеңнен тарту сыйлады.Жиын соңында барлық қатысушылар естелік суретке түсіп, көтеріңкі көңіл күйде тарқасты.

Өңірдің белсенді жастарымен кездесті

<a href="https://kyzylorda-news.kz/">Kyzylorda-news.kz</a> Түріктің танымал актерлері атақты&nbsp;"Сұлтан Сүлеймен" телехикаясындағы Сүлейменнің&nbsp;рөлін сомдаған Халит Эргенч пен "Чукур" телехикаясының жұлдызы&nbsp;Рыза Коджаоғлуға сот үкім шығарды. &nbsp;Бұл туралы <a href="https://stan.kz/syltan-suleymennin-rolin-somdagan-akter-turkiyada-turme-418357/">Stan.kz</a> ақпарат агенттігі хабарлайды.Сот оларды Ыстамбұлда өткен наразылық акцияларына байланысты қозғалған іс аясында жалған куәлік бергені үшін кінәлі деп таныды. Сот шешімі бойынша Халит Эргенч 1 жыл, 10 ай және 15 күнге бас бостандығынан айырылды. Ал оның әріптесі Рыза Коджаоғлу 1 жыл 8 айға сотталды.Алайда үкімнің орындалуы кейінге қалдырылды, бұл белгілі бір жағдайларда айыпталушыларға қатысты шешімнің өзгертілу мүмкіндігін білдіреді.Істің толық мәліметтері жария етілмеген. Белгілісі — екі актер де бұл істе куәгер ретінде тергеліп, тергеу барысында шындыққа сай келмейтін мәлімет берген. Дәл осы жайт олардың айыпты деп танылуына негіз болды.Бұл қылмыстық іс 2013 жылы Ыстамбұлдағы Гези саябағында экологиялық акция ретінде басталып, кейін билікке қарсы ауқымды наразылықтарға ұласқан жаппай митингілермен байланысты.Халит Эргенч істе куәгер ретінде тартылған. Прокуратура оны сол оқиғалардың негізгі қатысушыларының бірі — актер әрі белсенді Мехмет Али Алаборамен байланысы тұрғысынан тергеген. Эргенч екеуінің арасында жақын қарым-қатынас болмағанын айтқан. Алайда оның бұл сөздеріне телефон арқылы сөйлескен жазбалар мен наразылықтар кезінде бірге түскен фотосуреттер қайшы келдіБұл оқиға қоғамда, әсіресе актерлердің жанкүйерлері арасында үлкен резонанс тудырды. Әлеуметтік желілерде сот шешімі қызу талқыланып, көпшілік актерлерге қолдау білдіріп, үкімнің әділдігіне күмән келтіруде.Айта кетейік, Халит Эргенч "Мың бір түн", "Сұлтан Сүлеймен" ("Ғажайып ғасыр"), "Сен — менің Отаным", "Қызыл Ыстамбұл", "Вавилон" және басқа да жобаларда басты рөлдерді сомдаған. 2015 жылы ол Әзербайжанда түсірілген "Али мен Нино" романының экранизациясына қатысқан.Рыза Коджаоғлу "Чукур", "Кузей мен Гюней", "Жарқыраған жалын" телехикаяларындағы рөлдерімен танымал. Сондай-ақ ол "Жақсы адамның 10 күні", "Жаман адамның 10 күні" және "Тұзақ" фильмдерінде де ойнаған.

Сұлтан Сүлейменнің рөлін сомдаған актер Түркияда түрмеге қамалды

<a href="https://kyzylorda-news.kz/">Kyzylorda-news.kz</a> Қазақстанда ым-ишара тілі мен дактиль әліпбиі ресми түрде мойындалады, деп хабарлайды <a href="https://baq.kz/qazaqstanda-tagy-bir-til-resmi-martebege-ie-bolady-200014202/">BAQ.KZ.</a>Қазақ ым-ишара тілі мен дактиль әліпбиін қабылдау мәселесі егжей-тегжейлі пысықталады. Бұл туралы мәжіліс депутаттарының сауалына берген жауабында премьер-министрдің орынбасары Ермек Көшербаев айтты.Қазір ым-ишара тілі ресми мәртебеге ие болған елдердің тәжірибесі зерттеліп жатыр.Оның айтуынша, Қазақстанда есту қабілеті бұзылған оқушыларға арналған 25 оқулық әзірленген, 2030 жылға дейін тағы 30-ға жуық оқулық шығарылады.Көшербаев мұғалімдерді даярлайтын "Сурдопедагогика" бағдарламасы республиканың 3 жоғары оқу орнында барын айтты. Арнайы педагогика бойынша мұғалімдерді даярлайтын басқа да бағдарламалар 17 жоғары оқу орнында бар.Фото: Pinterest

Қазақстанда тағы бір тіл ресми мәртебеге ие болады

Қазақстанның бірінші, әлемнің 12-ракеткасы Елена Рыбакина Страсбург (Франция) WTA 500 турнирінде топ жарды, – деп хабарлайды <a href="https://kaz.inform.kz/news/ribakina-strasburgte-biilgi-algashki-titulina-kol-zhetkzd-ff567c/">Қазақпарат.</a>Жарыстың 4-ракеткасы болып тіркелген Рыбакина финалда әлемнің 19-ракеткасы, ресейлік Людмила Самсоновамен кездесті.&nbsp;Бірінші партияда есеп 2:1 болған мезетте қазақстандық теннисші брейк жасай білді. Содан кейін дес берген жоқ – 6:1.&nbsp;Екінші сетте Елена брейкпен алға шыққанымен, Самсонова сол бойда таразы басын теңестірді – 2:2. Тай-брейкте ресейлік спортшы сәтті ойнады – 7:6 (7:2).Үшінші, шешуші сетті Рыбакина брейкпен бастады – 3:0. Тағы бір брейк – 5:1. Ақыры матчты кезекті эйспен түйіндеді – 6:1.Екі сағат минутқа 33 минутқа созылған тартысты бәсеке барысында Елена 14 эйспен бірге 10 брейк-пойнттың алтауын пайдаланды. Самсонова 1 эйс, 2 брейктен (8 брейк-пойнт) аса алмады. Осылайша, биылғы маусымда алғашқы титулына қол жеткізген Елена142 610 еуро табысқа қоса 500 рейтингілік ұпайға ие болды.Рыбакина Страсбургте 2020 жылы финалда украиналық Элина Свитолинаға 4:6, 6:1, 2:6 есебімен есе жіберген еді. Содан соң Елена бұл қалада өнер көрсетпеген болатын.&nbsp;Дүйсенбіде жаңартылатын WTA рейтингісінде Е.Рыбакина 11-інші, Л.Самсонова 18-орынға көтеріледі.&nbsp;Фото: ҚТФ

Рыбакина Страсбургте биылғы алғашқы титулына қол жеткізді 

<a href="https://kyzylorda-news.kz/">Kyzylorda-news.kz</a> Қызылорда облысы әкімдігінің ұйымдастыруымен, "Аманат" партиясының қолдауымен өткен "Үш дәуірдің астанасы - Қызылорда" атты республикалық айтыс мәресіне жетті. 1000 орындық "Өнер орталығы" сөз додасын қызықтаған &nbsp;көрерменге толды. &nbsp;Айтыскерлер қазақтың бас ақыны Абай Құнанбайұлының туғанына 180, Қызылорда қаласының Қазақ елінің астанасы болғанына 100 жыл толуын, Ұлы Жеңістің 80, Байқоңыр ғарыш айлағының &nbsp;70 және Қазақстан халқы Ассамблеясының 30 жылдығын жырға қосты.Қазылар алқасына мемлекет және қоғам қайраткері Сауытбек Абрахманов төрағалық етті. Құрамында Қазақстанның еңбек сіңірген қайраткері Жүрсін Ерман, халықаралық «Алаш» әдеби сыйлығының лауреаты Ғалым Жайлыбай, Мәдениет саласының үздігі, Ақмола облыстық тарихи-өлкетану музейінің директоры Құдайберлі Мырзабек, Қазақстанның еңбек сіңірген қайраткері, Қазақ ұлттық өнер университетінің профессоры, жырау Алмас Алматов, сондай-ақ айтыскер ақын, филология ғылымдарының кандидаты, Қазақстанның еңбек сіңірген қайраткері Мэлс Қосымбаев болды.Айтысты Қазақстанның еңбек сіңірген қайраткері, филология ғылымдарының докторы Аманжол Әлтай жүргізді. Аламан айтыстың бас жүлдесі Сара Тоқтамысоваға бұйырды. I орын қызылордалық ақын Мейірбек Сұлтанханға, II орын Мұхтар Ниязовқа, ал III орын &nbsp;Абай облысынан келген Рүстем Қайыртай мен Қарағанды облысының ақыны Мақсат Ахановқа берілді.Сондай-ақ, Жансая Мусина (Батыс Қазақстан облысы) мен Бекарыс Шойбеков (Түркістан облысы) арнайы жүлдемен марапатталды.Сөз додасының көрігін қыздырған &nbsp;Қарағанды облысының ақыны Дидар Қамиевке, Павлодар облысынан келген Аспанбек Шұғатайға, ақтөбелік Злиқа Наурызалина мен Нұрбол Жауынбаевқа, сондай-ақ Түркістан облысынан келген Нұрмахан Жақыпбекке 500 мың теңгеден сыйақы табысталды.<img src="https://knadmin.beoblood.kz/uploads/Ajtys_3ac93051a4.jpg" alt="Айтыс.jpg">Фото: Қызылорда облысы әкімінің баспасөз қызметі

Республикалық ақындар айтысы мәресіне жетті

<a href="https://kyzylorda-news.kz/">Kyzylorda-news.kz</a>&nbsp; Қазгидромет &nbsp;2025 жылдың 24-26 мамырына арналған ауа-райы болжамын ұсынды, деп хабарлайды <a href="https://turkystan.kz/">turkystan.kz</a>.Синоптиктердің мәліметінше, еліміздің солтүстік өңірлеріне әлі де ыстық жаз жеткен жоқ.<blockquote>«Ел аумағының көп бөлігінде жаңбыр мен найзағай әкелген циклоннан кейін, енді антициклон жылжып келеді. Бұл Батыс Қазақстан өңірлерінде жауын-шашынның тоқтауына және солтүстік өңірлерде ауа температурасының едәуір төмендеуіне себеп болады. 25 мамыр күні Батыс Қазақстан облысында, 25 мамырда Ақтөбе, Қостанай, Ақмола, Солтүстік Қазақстан облыстарында, 26 мамырда Павлодар облысында түнгі уақытта 1-3 градус үсік күтіледі», – делінген хабарламада.</blockquote>Фото: &nbsp;freepik.com

Демалыста Қазақстанның бірқатар өңірінде күн суытады

<a href="https://kyzylorda-news.kz/">Kyzylorda-news.kz</a> «Қазгидромет» РМК хабарлағандай, 25 мамырда еліміздің 16 өңірінде найзағай, бұршақ, тұман, күшті жел және өрт қаупі күтіледі, – деп хабарлайды <a href="https://kaz.inform.kz/news/nayzagay-burshak-zhel-kazakstannin-16-onrnde-dauildi-eskertu-zhariyalandi-311ed6/">Қазақпарат.</a>Қызылорда облысы – солтүстігі мен орталығында шаңды дауыл тұрады. Жел солтүстік-батыстан - 15-20 м/с. Өңірде өте жоғары өрт қаупі сақталады.Фото: freepik.com

Найзағай, бұршақ, жел: Дауылды ескерту жарияланды

<a href="https://kyzylorda-news.kz/">Kyzylorda-news.kz</a>&nbsp; Жаңаөзен қаласында үш автокөлік қатысқан жол-көлік оқиғасы тіркелді. Оның екеуінде мектеп бітіруші түлектер болған, деп хабарлады <a href="http://turkystan.kz/">turkystan.kz</a> сайты <a href="http://lada.kz/">Lada.kz</a>-ке сілтеме жасап.Полицияның мәліметінше, апат 23 мамыр күні түстен кейін болған.Алдын ала анықталған деректерге сәйкес, Toyota Hilux пикапының жүргізушісі (мектеп бітіруші емес) алдында келе жатқан Land Cruiser 100 көлігін басып озуға әрекет жасаған. Алайда маневр сәтсіз болып, пикап жол жиегіне шығып кетіп, Land Cruiser 100 көлігімен соқтығысқан. Өз кезегінде Land Cruiser 100 инерциямен Lexus LX 450 көлігіне соғылған. Салдарынан Toyota Hilux трассадан шығып кетті.Апаттан ешкім зардап шеккен жоқ.Toyota Hilux жүргізушісіне ҚР Әкімшілік құқық бұзушылық туралы кодексінің 610-бабы бойынша хаттама толтырылды (Жол жүрісі ережелерін бұзып, көлік құралдарына немесе өзге де мүлікке зиян келтіру не адам денсаулығына зақым келтіру). Бұл бап бойынша 20 айлық есептік көрсеткіш (78 640 теңге) көлемінде айыппұл салу немесе 6 айға дейін көлік жүргізу құқығынан айыру жазасы қарастырылған.Көлік арнайы айыптұраққа қойылды.Lexus LX 450 автокөлігінде мектеп бітіруші түлектер отырғаны анықталды. Бұл ақпаратты Маңғыстау облысының білім басқармасы да растады.<figure class="media"><div data-oembed-url="https://youtu.be/MQ2M5ANlLDs"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/MQ2M5ANlLDs" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Фото: скриншот

Жаңаөзенде мектеп түлектері жол апатына түсті 

<a href="https://kyzylorda-news.kz/">Kyzylorda-news.kz</a>&nbsp;Қазақстандық депутаттар ай сайын тамаққа қанша қаражат жұмсайтындарын&nbsp;айтты. Олардың айтуынша, шығындар 30 мыңнан 300 мың теңгеге дейін өзгеріп отырады, деп хабарлайды<a href="https://sn.kz/sn-akparat-agyny/123745-neb-ri-30-50-myn-ketedi-ardak-nazarov-akyna-tamakk-a-kansha-zhumsaitynyn-aitty">&nbsp;Skifnews.kz&nbsp;</a>ақпарат порталы&nbsp;Qaz365.kz&nbsp;сайтына сілтеме жасап.Депутат Дәулет Мұқаев&nbsp;өз отбасының ай сайын тамаққа шамамен 100–120 мың теңге жұмсайтынын айтты.<blockquote>«Бізге&nbsp;қонақтар жиі келеді. Етті ауылдан аламыз, сол себепті үнемдейміз», –&nbsp;деді ол.</blockquote>Депутаттың пікірінше, қалада өмір сүру үшін отбасының табысы кемінде 300 мың теңге болуы керек, ал ауылда 150 мың теңгемен де өмір сүруге болады.Айтуар Қошмамбетов тамаққа шамамен 300 мың теңге жұмсайтынын айтты.&nbsp;Оның пікірінше, Қазақстандағы ең төменгі жалақы кем дегенде 200 мың теңге болуы керек.<blockquote>«Үш балам бар, жұбайым декреттік демалыста. Азық-түлік қымбаттап жатыр», –&nbsp;деді депутат.&nbsp;</blockquote>Мұрат Әбенов нақты соманы атамады, бірақ шамамен 800–900 мың теңгедей азық-түлікке жұмсалатынын айтты.<blockquote>«Қазақ отбасында туыстар болады, немерелер бар. Нақты есептеу қиын», –&nbsp;деді ол.</blockquote>Мақсат Толықбайдың айтуынша, оның отбасы ай сайын азық-түлікке шамамен 180–200 мың теңге жұмсайды.<blockquote>«Пәтерақы, ем-дом және қарияларға көмекті ескерсек, ең кемі 400–500 мың теңге қажет, ал жайлы өмір үшін 700 мың теңге жалақы алу керек», –&nbsp;деп атап өтті депутат.</blockquote>Айдарбек Қожаназаров үлкен отбасы ай сайын шамамен 300 мың теңге жұмсайтынын айтты. Ал депутат Ардақ Назаров 30–50 мың теңге жететінін жеткізді.&nbsp;<blockquote>«Бізде дастарқан басында молшылық жоқ. Азық-түлікті көтерме бағада аламыз, ет ауылдан. Мен жоқшылықта өстім, нанның құнын білемін», – деді ол</blockquote>Депутат Ринат Зайытовтың айтуынша, отбасылық бюджетті жүргізумен жұбайы айналысады. Оның бағалауынша, шығынның басым бөлігі азық-түлікке кетеді.<blockquote>«Тек күнелту үшін кемінде 300 мың теңге қажет. Жайлы өмір үшін кемі 800 мың теңге керек», –&nbsp;дейді ол.</blockquote>Фото: Мәжіліс

«Небәрі 30–50 мың кетеді»: Ардақ Назаров айына тамаққа қанша жұмсайтынын айтты

<a href="https://kyzylorda-news.kz/">Kyzylorda-news.kz</a> Бүгін “Ауыл” партиясының ұйымдастыруымен Қызылорда облыстық жастар ресурстық орталығында партия активтеріне арналған өңірлік семинар жұмыстары өтуде.Семинар жұмысына 7 аудан мен облыс орталығынан 90 ға жуық партия активтері қатысып, шешендік және көпшілік алдында сөйлеу дағдылары, әлеуметтік желілермен жұмыс істеу негіздері, цифрлық сауаттылық секілді тақырыптарда белгілі спикерлерден дәріс алуда.Алқалы жиында “Ауыл” партиясы орталық аппараты басшысының орынбасары Нұрхат Ораш семинардың мән-маңызын атап өтіп, &nbsp;партияның еліміздегі ең ірі, ықпалды саяси күш ретінде, халықтың сұранысына жауап беріп, тиімді шешімдер ұсынатын алаңға айналғанын жеткізді.Айта кетейік, семинар жұмысы 2 күнге жоспарланған.

Қызылордада партия активтеріне арналған семинар жұмысы басталды 

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласында жыл басынан бері балалар терезеден құлап кеткен 7 дерек&nbsp;<a href="https://kaz.inform.kz/news/kizilordada-7-bala-terezeden-kulap-ketken-6c46fb/">тіркелді.</a>&nbsp;Жазатайым оқиға салдарынан олар жарақат алған.Қызылорда қалалық полиция басқармасының хабарлауынша, бұған үлкендердің немқұрайлылығы басты себеп. Терезенің темірмен қоршалмауы, москитті тордың осал бекітілуі және балалардың терезе алдында ойнауы жағдайды күрделендіріп тұр.&nbsp;<blockquote>Сондықтан азаматтарды қауіпсіздік ережелерін сақтауға шақырамыз. Оның ішінде терезелерді ашық, баланы қараусыз қалдырмауды,&nbsp;тиісті қорғағышы жоқ москит торын пайдаланбауды сұраймыз. Терезеге бекіткіш (блокиратор немесе құлып) орнату керек. Терезенің маңына жиһаз қоймау қажет. Балалардың үйдегі қауіпсіздігіне бірінші кезекте ата-ана жауапты, – делінген хабарламада.&nbsp;</blockquote>Фото: Нұрболат Нұржаубай

Қызылордада 7 бала терезеден құлап кеткен

<a href="https://kyzylorda-news.kz/">Kyzylorda-news.kz</a>&nbsp; Әлеуметтік желілерде Сәтбаев қаласындағы көпқабатты үйлердің бірінің подъезінде қызға шабуыл жасалған сәт бейнетаспаға жазылып, таралып кетті.&nbsp;Ұлытау облыстық полиция департаменті күдіктінің анықталып, ұсталғанын айтты, - деп хабарлайды <a href="https://dauletten.kz/">Dauletten.kz.</a>Видеодан қыздың подъезге кірген сәтінде оның артынан ер адамның ілесе кіріп, шабуыл жасағаны көрінеді.Ол қызды ұстап алып, баспалдаққа қарай сүйрей бастайды. Қыз айқайлап, қарсылық көрсеткеннен кейін ер адам қашып кетеді. Осы сәтте көршілердің бірі пәтерінен шығып, оның артынан қуа жөнеледі.Полиция мәліметіне сәйкес, оқиға бойынша қылмыстық іс қозғалды, ал күдікті көп ұзамай ұсталған.<blockquote>- Ол уақытша ұстау изоляторына қамалды. Қазіргі уақытта тергеу амалдары жүргізілуде, – деп мәлімдеді ведомство.</blockquote><figure class="media"><div data-oembed-url="https://youtu.be/JPQCzN28jbw"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/JPQCzN28jbw" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>Сурет: видеодан алынған кадр

Қазақстан және Қызылорда облысының жаңалықтары: Қоғам