<a href="https://kyzylorda-news.kz/">Kyzylorda-news.kz</a> Биыл шілдеде қазақстандықтар демалыс және мереке күндерін қоса алғанда, <a href="https://kaz.inform.kz/news/kazakstandiktar-shlde-ayinda-kansha-kun-demaladi-4259d0/">9 күн демалады</a>.6 шілде Астана күні атап өтіледі. Бұған қоса, шілде айында кәсіби мерекелер де бар, алайда олар қосымша демалыс күндерімен бекітілмеген.Биыл Астана күні жексенбіге түсіп тұр, сондықтан демалыс күні дүйсенбіге, 7 шілдеге ауыстырылады. Бұл қазақстандықтарға ұзақ демалуға мүмкіндік беріп отыр. Бұл алты күндік жұмыс кестесімен істейтіндерге де қатысты.Демалыс кестесі:<ul><li>Бес күндік жұмыс аптасы: демалыс күндері — 5, 6 және 7 шілде;</li><li>Алты күндік жұмыс аптасы: 5 шілде — жұмыс күні, 6 және 7 шілде — демалыс.</li></ul>Шілде айында кәсіби және басқа да мерекелер бар. Бұл күндер жұмыс күндері болса да, олар аталып өтіп, тиісті сала қызметкерлері құттықталады.Кәсіби мерекелер тізімі Еңбек және халықты әлеуметтік қорғау министрінің міндетін атқарушының 2023 жылғы 17 қарашадағы № 480 бұйрығына сәйкес жарияланған және ол алғаш ресми жарияланған күнінен бастап күшіне енген.Қазақстандағы кәсіби мерекелер:2 шілде — Дипломатиялық қызмет күні;6 шілде — Ұлттық домбыра күні (шілденің бірінші жексенбісі), Теңіз және өзен көлігі қызметкерлері күні;9 шілде — Су шаруашылығы қызметкерлерінің күні;10 шілде — Ветеринария қызметкерлері күні;13 шілде — Ұлттық қауіпсіздік органдары күні, Балық шаруашылығы қызметкерлерінің күні (шілденің екінші жексенбісі);14 шілде — Нотариат күні;20 шілде — Металлург күні (шілденің үшінші жексенбісі);27 шілде — Сауда қызметкерлерінің күні (шілденің төртінші жексенбісі).БҰҰ күнтізбесі бойынша халықаралық күндер:6 шілде — Халықаралық кооперативтер күні;9 шілде — Атыс қаруын жоюдың халықаралық күні;11 шілде — Дүниежүзілік халық саны күні;15 шілде — Жастардың дағдыларының дүниежүзілік күні;18 шілде — Нельсон Мандела күні;25 шілде — Батып кетудің алдын алу күні;26 шілде — Мангр экожүйелерін сақтау халықаралық күні;28 шілде — Вирусты гепатитке қарсы күрестің дүниежүзілік күні;30 шілде — Адам саудасына қарсы күрестің дүниежүзілік күні; Халықаралық достық күні.Жақында ғана Еңбек және халықты әлеуметтік қорғау министрі Светлана Жақыпова мерекедегі демалыс күнін басқа жұмыс күніне ауыстыру тәртібіне қатысты депутаттық сауалға жауап берген еді.&nbsp;

Қазақстандықтар шілде айында қанша күн демалады   

<a href="https://kyzylorda-news.kz/">Kyzylorda-news.kz</a> Қазақстан&nbsp;Ұлттық Урбан Форум – 2025«ҚАЛА БОЛАШАҒЫ&nbsp;– ӨҢІРЛЕРДЕН БАСТАЛАДЫ»Өтетін күні:&nbsp;&nbsp;2025 жылғы 8 шілдеӨтетін орны:&nbsp;Қызылорда қаласы, Өнер орталығы, Сұлтан Бейбарыс көшесі, 10А ғимаратҰйымдастырушы:&nbsp;Қызылорда облысының әкімдігіСеріктестер:&nbsp;UN-Habitat, ҚР Индустрия және құрылыс министрлігі, ҚР Экология және табиғи ресурстар министрлігі, ҚР Сыртқы істер министрлігі.2025 жылы Ұлттық Урбан Форум алғаш рет Қызылорда қаласында өтеді. Бұл – орнықты, теңгерімді және инклюзивті қалалық дамуды талқылауға арналған ұлттық деңгейдегі басты алаң.ФОРУМНЫҢ&nbsp;&nbsp;НЕГІЗГІ&nbsp;&nbsp;МАҚСАТТАРЫ:<ul><li>Жаңа Қалалық Күн тәртібі (New Urban Agenda) мен Тұрақты даму мақсаттарына (ТДМ) сай инклюзивті және теңгерімді урбанизацияны ілгерілету;</li><li>Қызылорда секілді өңірлік қалалардың ұлттық дамудағы стратегиялық рөлін арттыру, қалалық болмысты және аумақтық бағдарланған&nbsp; көзқарасты қалыптастыру;</li><li>Тұрақты урбанизацияның негізі ретінде тұрғын үй, инфрақұрылым және климатқа бейімділікті айқындау;</li><li>Әділетті әрі концептуальды қалалық қайта құрылымдауды қамтамасыз етудегі өңірлік қалалардың рөлі жөніндегі ұлттық диалогты бастау;</li><li>Жаһандық урбанистік күн тәртібін жергілікті деңгейде жүзеге асыру бойынша үздік тәжірибе алмасу, серіктестік орнату;</li><li>Ақпараттық, инклюзивті және бейімді жоспарлау үшін қалалық деректерді жинау, цифрландыру және оларды стратегиялық тұрғыда тиімді пайдалану.</li></ul>Форумға қатысушылар &nbsp;«Өңірлерден бастау алатын кешенді қалалық&nbsp;жаңғыру: Қазақстанда теңгерімді, инклюзивті және климатқа төзімді қалалар қалыптастыру»&nbsp;атты басты тақырып аясында өңірлік&nbsp; орталықтардың ұлттық урбанистикалық күн тәртібін жүзеге асырудағы рөлін, климаттық тәуекелдерге тұрақтылығы мен&nbsp; цифрлық жоспарлау құралдарын талқыға салады.Форум аясында&nbsp; сондай-ақ&nbsp; төмендегі тақырыптық бағыттар&nbsp; да қозғалады:<ul><li>Жаңа қалалық күн тәртібі мен Қазақстанның Ұлттық урбанистік бағдары;</li><li>Шағын қалалар – теңгерімді дамудың катализаторы;</li><li>ТДМ-ды жергіліктендіру және Қазақстанның урбанистік бағытын жүзеге асыру;</li><li>Климатқа бейімделу және қуаңшылық жағдайындағы&nbsp;&nbsp; қалаларда &nbsp;экологиялық тұрақтылықты қалыптастыру;</li><li>Мәдени мұра мен қалалық болмыс – &nbsp;дамудың қозғаушы күші;</li><li>Жастар, қауымдастықтар және басқаруға қатысу;</li><li>Қала экономикасы және жұмыспен қамту: тұрғын үй, еңбек және мобильділік байланысы;</li><li>Қала мен ауыл арасындағы байланысты нығайту, аумақтық жоспарлау;</li><li>Қаладағы жаңғыру бағдарларын &nbsp;серіктестіктер арқылы қаржыландыру;</li><li>Қалаларды деректерге негіздей цифрландыру және &nbsp;жоспарлау.</li></ul>Форум аясында&nbsp; мемлекеттік органдар, халықаралық ұйымдар, сарапшылар, бизнес пен азаматтық сектор өкілдері бас қосады. Ашылу салтанатына Қызылорда облысының әкімі Нұрлыбек Нәлібаев, ҚР Индустрия және құрылыс министрі Ерсайын Нағаспаев, ҚР Экология және табиғи ресурстар министрі Ерлан Нысанбаев, ҚР Сыртқы істер министрінің бірінші орынбасары Ақан Рахметуллин, сондай-ақ UN-Habitat атқарушы директорының орынбасары (а.д.) және Ғаламдық шешімдер бөлімінің директоры Рафаэль Тутс, Қазақстандағы БҰҰ-ның Даму бағдарламасы тұрақты өкілінің міндетін атқарушы Сухроб Ходжиматов&nbsp;&nbsp;&nbsp; қатысады деп күтілуде.Пленарлық және тақырыптық сессияларда министрліктер мен әкімдіктер басшылары, UN-Habitat, БҰҰ ДБ өкілдері, халықаралық сарапшылар, архитекторлар, урбанистер, зерттеушілер және технологиялық компаниялар қызметкерлері өз тәжірибелерімен &nbsp;бөліседі.Халықаралық &nbsp;форум қонақтары: Гарри Доббс – архитектор, урбанист (Harry Dobbs Design / The WellGroup негізін қалаушы);Риккардо Марини – Marini Urbanismo негізін қалаушы;Джон Марк Клэнси – The Big Picture негізін қалаушы, иесі &nbsp;және директоры;Юрий Мелявский – NOVAYA Labs, Urban Data Driven Solutions for Governments теңқұрылтайшысы, зерттеу жетекшісі және басқа да сарапшылар.Форум жоспарланған бастамалардың таныстырылымымен қорытындыланады, сол арқылы өңірлердегі қалалардың &nbsp;тұрақты дамуы мәселелері &nbsp;жөніндегі &nbsp;конструктивті диалогтың негізі қаланады.Ұлттық Урбан Форум – 2025&nbsp;&nbsp;шарасы&nbsp;–&nbsp;Қазақстандағы жаңа урбанистік мәдениетті қалыптастырудағы&nbsp;өңірлердің&nbsp;рөлін айқындау алаңы.&nbsp;&nbsp;Форумның &nbsp;серіктестері:&nbsp;«Vision Zero Community» Қоғамдық&nbsp;Қоры,&nbsp;ARCHICA халықаралық архитектуралық медиаплатформасы,&nbsp;Қазақстанның Креативті индустриялар альянсы.&nbsp;Бас демеуші: Kazpetrol Group.БАҚ аккредитациясы мен қосымша ақпарат&nbsp;алу&nbsp;&nbsp;үшін:&nbsp;<a href="mailto:archica@archicas.com">archica@archicas.com</a>&nbsp;+7&nbsp;777&nbsp;518 8559 Аида Татаева&nbsp;Форумға аккредитацияны 2025 жылғы 5 шілдеге дейін растауыңызды сұраймыз.

Ұлттық Урбан Форум алғаш рет Қызылорда қаласында өтеді

<a href="https://kyzylorda-news.kz/">Kyzylorda-news.kz</a> Аймақ басшысының тапсырмасына сәйкес, өңірде бұқаралық спортты дамыту және облыс тұрғындарының дене шынықтырумен тұрақты айналысуын қамтамасыз ету мақсатында спорттық инфрақұрылымдарды жаңғырту мәселелері басты назарға қойылды.Осыған сәйкес, Қызылорда қаласындағы жеке кәсіпкерлердің теңгеріміндегі спорт алаңдары облыстық дене шынықтыру, спорт және туризм басқармасына қарасты спорт мектептерінің бөлінісіне беріліп, жөндеу жұмыстары белсенді жүргізілуде.&nbsp;Бөлініске сәйкес, басқармаға қарасты «Облыстық жоғары спорт шеберлігі» мектебі «Мансап» жалпы білім беру мекемесінің теңгеріміндегі спорт алаңына жөндеу жұмыстарын жүргізіп, қайта жаңартты.&nbsp;Атап айтқанда, аталмыш мектеп қызметкерлері спорт алаңын әрлеу, тазалау, бүлінген аумағын ретке келтіру, аумағын қоқыстардан тазарту, тұрғындарға қолайлы жағдай жасау, көгалдандыру сынды жұмыстар атқарды. &nbsp;Спорт алаңдарын жаңғырту жұмыстары бөлініске сәйкес жалғасатын болады.

Жеке кәсіпкер теңгеріміндегі спорт алаңдары жаңғыртылуда

<a href="https://kyzylorda-news.kz/">Kyzylorda-news.kz</a> Биылғы жыл Н.Бекежанов атындағы қазақ академиялық музыкалық драма театры үшін мерейлі жыл болды. Театр ұжымы 70 жылдық мерейтойын атап өтті. Атаулы дата аясында 24-30 сәуір аралығында Сыр елінде алғаш рет «Сырдың Сәбирасы – І» атты халықаралық театрлар фестивалі ұйымдастырылды.Фестиваль аясында театр қызметкерлері мемлекеттік және салалық марапаттарға ие болды. Ал биыл театр репертуары 7 жаңа спектакльмен толықты. Жыл жабар қойылым ретінде көрермен қауымға Лаша Табукашвилидің «Арманымның ақ құсы» мелодрамасы ұсынылды.<blockquote>- Театрдың 70 жылдық мерейтойы жоғары деңгейде атап өтілді. Алыс-жақын шетелдерден театр ұжымдарының басын қосқан «Сырдың Сәбирасы – І» атты халықаралық театрлар фестивалі ұйымдастырылды. Қазылар алқасы тағайындалып, сайыс ретінде өткізілгенімен, мұны ең алдымен тәжірибе алмасу деп қабылдаған дұрыс. Жалпы бір жыл ішінде театр қоржыны 7 спектакльмен толықты. Х. К. Андерсеннің “Ұсқынсыз үйрек” қуыршақ қойылымы, Ә.Асановтың “Өз-аға” деректі драмасы, А.Н. Островскийдің “ Найзағай” драмасы, Э.Р. Распенің “Мюнхгаузеннің әлемі” балаларға және ересектерге арналған буффонада ертегісі, Ә.Тауасаровтың “Аюдың апаны” драмасы, Лаша Табукашвилидің «Арманымның ақ құсы» мелодрамасы және “Бір толқын” концерт-спектаклін сахналадық. Биылғы маусымда театр репертуарының қорытындысы ретінде көрермен қауымға ұсынылғалы жатқан Лаша Табукашвилидің «Арманымның ақ құсы» атты мелодрамасы біздің театрдағы жас режиссер Жәнібек Маханбетиярдың тырнақалды жұмыстарының бірі. Бұл туынды тек қойылым ғана емес, буын сабақтастығының нақты бір белгісіне айналды десек артық айтпағанымыз. Жас маманның алғашқы қадамына сәт тілейміз. Оның шығармашылық жолы жарқын боларына сенеміз,- деді Қазақстанның еңбек сіңірген қайраткері Хұсейн Әмір-Темір.</blockquote>&nbsp;<blockquote>- Тағы бір маусым өз мәресіне жетті. Бұл біздің театрдың 70 жылдық белесін еңсеріп, жаңа кезеңге аяқ басқан тарихи сәті. Биыл біз көп нәрсеге куә болдық. Тұңғыш халықаралық фестивальді өткіздік, жаңа қойылымдармен репертуарымызды байыттық, жас актерлер мен режиссерлерге жол аштық. Театр - тірі ағза секілді. Ол тыныстап тұруы үшін, ол өсіп-өркендеуі үшін — жүрек, жан, рух керек. Ол – көрерменнің ықыласымен, әртістің шынайылығымен, режиссердің ізденісімен өмір сүреді. Бүгінгі болатын қойылым осы сөзімізге тұздық боларына сенеміз,- деді Қазақстанның еңбек сіңірген артисі Бақытбек Алпысбайұлы.</blockquote>&nbsp;<blockquote>- «Арманымның ақ құсы» бір кездесу арқылы бүкіл өмірі өзгерген жастың тағдырын суреттейтін мелодрама. Күтпеген сәтте жолыққан жан – жүректің ең терең түкпірінде жасырынған асыл арманға айналғанда, адам қандай таңдау жасайды? Бұл – махаббат пен еркіндік, сенім мен қорқыныш, үміт пен өкініш арасындағы нәзік шекарада тұрған жанның оқиғасы. Бұл спектаклді студент кезімізде қойған болатынбыз. Ал үлкен сахнада алғаш рет ұсынылып жатыр. Бағасын халық береді. Шығаомашылығымызды әлі де дамыта береміз. Ізденісте жүргеннің жақсы тұсы кез-келген сәтте дайын жүресің. Мына қойылым соның нәтижесі. Биылғы жыл менің режиссерлік жұмысыммен қорытындыланып жатқанына қуаныштымын,- деді режиссер Жәнібек Азаматұлы.</blockquote>

Облыстық театр жетпісінші маусымын тәмамдады

<a href="https://kyzylorda-news.kz/">Kyzylorda-news.kz</a> Қазақстан Республикасының Мәдениет және ақпарат министрлігі Мемлекет басшысы тағайындаған «Тәуелсіздік ұрпақтары» грантын беру бойынша конкурстың басталғанын жариялайды.Грант берудің мақсаты – белсенді шығармашыл жастар қауымдастығын қалыптастыруға бағытталған жаңа идеялар мен бастамаларды мемлекеттік қолдау.2025 жылы республикалық деңгейде 3 млн. теңгеден 30 грант берілетін болады.<ul><li style="text-align:justify;">Грантқа 14 жастан бастап 35 жасқа дейінгі (34 жасты қоса алғанда)</li><li style="text-align:justify;">Қазақстан Республикасының азаматы үміткер бола алады.Грант мынадай 6 бағыт бойынша жобаларды іске асыру үшін конкурстық негізде беріледі:</li><li style="text-align:justify;">«Ғылым» – жаңа ғылыми жобаларды және зерттеулерді іске асыруға арналған;</li><li style="text-align:justify;">«Мәдениет» – Қазақстанның мәдени мұрасын танымал етуге, халықтық мәдени дәстүрлер мен өнерді ілгерілетуге бағытталған жобаларды іске асыруға арналған;</li><li style="text-align:justify;">«Ақпараттық технологиялар» – жаңа IT шешімдер мен жобаларды, оның ішінде жаңадан басталған стартап жобаларды іске асыруға және әзірлеуге арналған;</li><li style="text-align:justify;">«Бизнес» – жаңа бизнес-идеяларды іске асыруға арналған;</li><li style="text-align:justify;">«Медиа» – жаңа медиа жобаларды, оның ішінде жастар үшін танымдық, пайдалы, қызықты контент құру жөніндегі жобаларды іске асыруға арналған;</li><li style="text-align:justify;">«Волонтерлік» – өзекті, әлеуметтік проблемаларды шешуге бағытталған волонтерлік жобаларды (бастамаларды)іске асыруға арналған.</li></ul>Конкурстық өтінімдерді қабылдау 2025 жылғы 16 маусымнан бастап 18 тамыз аралығында (бұл ретте, а.ж. 18 тамыз, сағ.: 24:00-ге дейін) t.urpaktary25@gmail.com электронды поштасы арқылы жүзеге асырылады.Анықтама телефондары: 8 (7172) 74-12-78, 8 706-618-07-23 (жұмыс күндері,&nbsp; сағ. 9:00-ден 18:30-ға дейін).Конкурсқа қатысу үшін қажетті құжаттар тізімі (мемлекеттік және (немесе) орыс тілдерінде):<ul><li style="text-align:justify;">1-қосымшаға сәйкес нысан бойынша конкурстық өтінім (PDF форматы);&nbsp;</li><li style="text-align:justify;">2-қосымшаға сәйкес нысан бойынша жобаның сипаттамасы (word форматы);</li><li style="text-align:justify;">Жоба бойынша бейнематериал (60 секундтан аспайтын) немесе презентация (10 слайдтан аспайтын);</li><li style="text-align:justify;">3-қосымшаға сәйкес нысан бойынша шығындар сметасының жобасы (word форматы);&nbsp;</li><li style="text-align:justify;">Зияткерлік меншік туралы мәліметтер (бар болса, PDF форматы);</li><li style="text-align:justify;">Жеке куәлік немесе туу туралы куәліктің көшірмесі (PDF форматы).</li></ul>Фото: ҚР Мәдениет және ақпарат министрлігінің баспасөз қызметі

«Тәуелсіздік ұрпақтары» грантына конкурстық өтінімдерді қабылдау басталды

<a href="https://kyzylorda-news.kz/">Kyzylorda-news.kz</a> Биыл Қызылорда қаласының астана болғанына 100 жыл толып отыр. Атаулы мерейтойға байланысты «Тарихтың таңбасы, рухтың ордасы – Қызылордам» атты облыстық өнер байқауы аясында алыптарға алтын бесік болған Сырдария өнерпаздары мерекелік концерт қойып, қала халқы мен меймандарының қошеметіне бөленді.Орталық алаңыда өткен ауқымды іс-шарада тұрғындарға Мемлекет басшысының тапсырмасымен бастау алған "Адал адам" тұжырымдамасының 7 бағыты бойынша және рухани-мәдени құндылықтардан көрсе ұйымдастырылды. Іс-шараға Қызылорда қаласы әкімінің орынбасары Б.Омаров, "АМАНАТ" партиясы Қызылорда облыстық филиалының төрағасы А.Есмаханов, халық қалаулылары, мәдениет саласының майталмандары арнайы қатысып, көрмелер мен концерттік бағдарламаны тамашалады.Іс-шараның басталуында Қызылорда қаласы әкімінің орынбасары Б.Омаров, Қазақстанның еңбек сіңірген әртісі, сырдариялық Б.Алпысбаев, Сырдария ауданы әкімінің орынбасары Д.Байдушев сөз сөйлеп, Қызылорда қаласының астана болғанына 100 жыл толу мерейтойымен құттықтады.Өнер байқауында ауданның мәдениет майталмандары, Сәдуақасовтар халықтық отбасылық ансамблі, «Ұлағат» әкелер анасамблі, "Алтын қазына" ансамблі, "Ритм" вокалды-аспапты ансамблі, "Балауса" халықтық би ансамблдері, сондай-ақ ауданның талантты әншілері мен бишілері әсем ән мен күмбірлі күйден шашу шашып, көрермен ықыласына бөленді. Әрбір өнер нөмірі – туған жерге деген шынайы сүйіспеншіліктің, өнерге деген адалдықтың көрінісі болды.Қасиетті Сырдария ауданы өнерпаздарының ән-күйіне жиналған қауым ерекше ықылас білдірді.

Алыптарға алтын бесік болған Сырдария

<a href="https://kyzylorda-news.kz/">Kyzylorda-news.kz</a> Арал ауданы әкімінің орынбасары Ш.Есжанов пен аудандық ардагерлер ұйымының өкілдері және Арал қаласының әкімі Б.Ұзақов аудан орталығында 2024 жылы салынған тұрғын үйлердің құрылыс сапасын бақылау мақсатында кәсіпкерлермен кездесу өткізді.Бұған дейін екі пәтерлі тұрғын үйлердің сапасына қатысты кейбір кемшіліктердің анықталғаны белгілі. Кәсіпкерлермен кездесуде тұрғын үйлер басында жүргізілген зерделеу жұмыстарының нәтижесіне сәйкес кемшіліктерді қысқа мерзім ішінде қалпына келтіру жөнінде түсіндерме жұмыстары жүргізілді.Аудан әкімінің орынбасары мен ардагерлер ұйымдарының өкілдері кейбір тұрғын үйлерді аралап, сапасына бақылау жүргізіп, үйлердің құрылысын жүргізген кәсіпкерлермен олқылықтарды қалпына келтіру жөнінде уағдаласты.Сонымен қатар тұрғын үйлер орналасқан мөлтек ауданның тазалық мәселесіне қатысты да кемшіліктер сөз болды. Алдағы уақытта қала әкімдігі тарапынан тазалық мәселесіне қатысты жергілікті тұрғындар арасында түсіндірме жұмыстары жүргізілетін болады.

Жаңадан салынған тұрғын үйлердің құрылыс сапасын бақылау жұмыстары жүргізілді

<a href="https://kyzylorda-news.kz/">Kyzylorda-news.kz</a> Бұқаралық ақпарат құралдары қызметкерлері күні мерекесіне орай “Ауыл” партиясы өңірлерде БАҚ өкілдерімен тікелей жұмыс істейтін қызметкерлерді Астана қаласына арнайы шақырып, түрлі бағытта шаралар ұйымдастыруда.Бүгін әр өңірден жиналған партия өкілдері медиа нарықтағы жұмысы биік “Қазмедиаға” арнайы барып, экскурсия жасады. “Qazaqstan”, “Еуразия”арналарының студияларында болып, бір мезет журналистың рөлін атқарып көрді.

Партия қызметкерлері “Қазмедиа” жұмысымен танысты

<a href="https://kyzylorda-news.kz/">Kyzylorda-news.kz</a> Бұқаралық ақпарат құралдары қызметкерлері күніне орай Қызылорда қаласында боулинг пен бильярдтан турнир ұйымдастырылды.Турнирдің ашылуында Қызылорда қаласы әкімінің орынбасары Бақытжан Омаров сөз сөйлеп, қатысушыларға сәттілік тіледі.&nbsp;Турнирде «Кызылординские вести» газеті – ерекше дәлдігімен өзгелерден оқ бойы озық шығып, І орын иеленді. «Қоғам ТВ» телеарнасы сенімді ойын өрнегімен ІІ орынды қанжығасына байлады.«Қызылорда» облыстық телеарнасы сәтті тактикасы мен ұйымшылдығының арқасында ІІІ орынға ие болды. Ал, ынталандыру қаржылай сыйлығы Opennews.kz сайты мен «Халық» газетіне табыс етілді.Бұдан бөлек, ақпарат саласындағы ер азаматтар бильярдтан өзара бақ сынасып, тартысты ойын өрнегін көрсетті. Жарыс қорытындысы бойынша І орынды "Қоғам тв" телеарнасының телебағдарлама дизайнері Ержан Батыршаев, ІІ орынды "Қазақстан" ұлттық телеарнасының облыстағы меншікті тілшісі Әділбек Жақанов, ІІІ орынды ардагер журналист Аяшұлы Дүйсенбек &nbsp;және "Қызылорда" облыстық телеарнасының қоюшы режиссері Жангелді Әлібаев &nbsp;иеленді.Сонымен қатар, ерекше ойын көрсетіп, жақсы нәтижеге қол жеткізген "Халық" газетінің тілшісі Рыскелді Жахман мен "Хабар" телеарнасының меншікті тілшісі Нұрлан Жақыпбековке және «Qyzylorda» телеарнасының тілшісі Қозы-Көрпеш Жасаралұлына ынталандыру қаржылай сыйлығы табыс етілді.Жеңімпаздарға лайықты құрмет көрсетіліп, келесідей қаржылай сыйақылар табысталды:І орын – 100 000 теңге ІІ орын – 80 000 теңге ІІІ орын – 50 000 теңге.Бұл турнирлер тек спорттық дода ғана емес, әріптестер арасындағы достық қарым-қатынасты нығайтуға, өзара қолдау мен түсіністікті арттыруға бағытталған игі шара болды.

Қаламгерлер арасында тартысты турнир өтті

Облыс әкімі Нұрлыбек Нәлібаевтың қатысуымен «Өнер орталығында» Полиция қызметкерлері күніне арналған салтанатты жиын өтті. Оған барлық құқық қорғау органдарының басшылары, зиялы қауым өкілдері, қоғам қайраткерлері, құқық қорғау органдарының қызметкерлері қатысты. Салтанатты шараның ашылуында Әнұран орындалып, Ту көтерілді. Сондай-ақ, құқық қорғау қызметінде қаза тапқандарды еске алу үшін бір минут үнсіздік жарияланды. Аймақ басшысы полиция қызметкерлерін кәсіби мерекемен құттықтап, құқық қорғау саласында атқарылған жұмыстарға тоқталды.«Президентіміз Қасым-Жомарт Кемелұлы халыққа арнаған Жолдауында: «Біздің қоғамымызда заң мен тәртіп үстемдік құруға тиіс. Бұл – бүкіл қоғамның, әр адамның қауіпсіздігін қамтамасыз етуге қатысты ең басты талап. Біз сонда ғана Әділетті, Таза, Қауіпсіз Қазақстанды құра аламыз», – деп нақты міндеттерді белгілеген болатын.&nbsp;Сіздерге жүктелген міндет асқан жауапкершілікті қажет етеді. Аймағымызда құқықтық тәртіпті орнату, азаматтарымыздың қауіпсіздігін қамтамасыз етудегі қызметтеріңізді тиімді ұйымдастыруға бағытталған кешенді қолдау шаралары қабылдануда. Соңғы үш жылда полиция органдарының материалдық-техникалық базасын жақсартуға облыстық бюджеттен 8 млрд.теңгеге жуық қаржы бөлінді. Биыл бұл мақсатқа 2 млрд. 800 млн. теңге қаралып, материалдық-техникалық база заманға сай жаңғыртылуда.&nbsp; Әр тәртіп сақшысы заң мен әділдіктің айнасы болып, әділетсіздік пен немқұрайлылыққа жол бермеуі керек. Бір қызметкердің салғырттығы бүкіл жүйенің беделіне нұқсан келтіреді. Алдағы уақытта да полиция қызметкерлері қоғамдық тәртіп пен қауіпсіздікті, тұрғындардың тыныш өмір сүруін қамтамасыз етіп, қылмысқа қарсы күресті қарқынды жалғастырып, жұмыс сапасын арттыра түседі деп сенемін.Егемен еліміздің тыныштығы мен қоғамдық тәртіпті сақтаудағы, өздеріңізге жүктелген міндетті орындаудағы қызметтеріңіз жемісті болсын!», – деді Нұрлыбек Машбекұлы.Жиында облыс прокуроры, полиция департаментінің басшысы құттықтау сөз сөйледі. Сала ардагерлері мен қызметкерлері облыс әкімінің Алғыс хатымен, медаль және төсбелгімен марапатталды.Айта кету керек, 2023 жылдан бері полиция департаментінің аттестациядан өткен қызметкерлеріне облыс бюджетінен 2 млрд теңгеге жуық үстемақы төленді.Республикада алғашқы болып өңірдің барлық ауданындағы полиция бөлімдерінде жедел басқару орталықтары ашылды.Қауіпсіздікті күшейту және жедел әрекет ету үшін бейнебақылау камераларының саны артты. Аудандарға 539 бейнебақылау және 49 жылдамдық өлшейтін камера орнатылды. Соңғы жылдары полицияға заманауи құрал-жабдықтармен жабдықталған 128 жаңа автокөлік берілді. Биыл тағы 31 қызметтік көлік пен арнайы құрал-жабдықтар алынады.@Қызылорда облысы әкімінің баспасөз қызметі

Заң мен тәртіп басты құндылыққа айналуы тиіс

Облыс әкімі Нұрлыбек Нәлібаевтың қатысуымен Бұқаралық ақпарат құралдары қызметкерлері күніне арналған «Қанатты қалам – 2025» &nbsp;салтанатты шарасы өтті. Басқосуға Мәдениет және ақпарат вице-министрі Айбек Сыдықов, өңірдің БАҚ саласы мен зиялы қауым өкілдері, құқық қорғау және жауапты сала басшылары қатысты.Аймақ басшысы журналистерді кәсіби мерекемен құттықтап, өңірдегі бастамалар мен жаңашылдықтарды халыққа жеткізудегі қаламгерлер рөліне тоқталды. «Бүгінгі мереке - мерзімді басылымдар мен телеарналарда, ақпараттық агенттіктер мен сайттарда қызмет жасайтын шығармашылық өкілдерінің, журналист жасаған сюжет пен жазған мақаланың техникалық, көркемдік тұрғыдан толыққанды жарыққа шығуына еңбек сіңіретін оператор, дизайнер, режиссер, инженерлердің мерейлі күні.Сіздер жаңа бетбұрыстар кезеңінде қоғам мен биліктің арасында алтын көпір болып, жұртшылыққа реформалардың маңыздылығын жеткізуде жауапты міндет атқарып келесіздер.Мереке қарсаңында Президентіміз Қасым-Жомарт Кемелұлы Бұқаралық ақпарат құралдарының бір топ қызметкерлерін Ақорда төрінде қабылдап, мемлекеттік наградалар табыстады. Салтанатты қабылдауда жерлесіміз, ақпарат саласында аянбай еңбек етіп жүрген «Qyzylorda» телеарнасының директоры Әмиша Нұрбек Шынтемірұлы «Ерен еңбегі үшін» медалімен наградталды. Бұл - Сыр журналистикасының бүгінгі беталысына берілген жоғары баға.&nbsp; Мемлекет басшымыз бірлік пен берекенің, өнер мен мәдениеттің құтты ұясы болған Сыр өңірін алтын бесікке теңеп, айрықша бағасын берген еді.&nbsp;Осыдан 100 жыл бұрын Қызылорда еліміздің тұңғыш астанасы болған тұста әлеуметтің рухани өмірінде ерекше серпіліс жасалды. Тарихи кезеңде республикалық мерзімді басылымдардың барлығы көшірілді. Ұлттық сөз өнерінің майталмандары, Алаш зиялылары Сәкен Сейфуллин, Бейімбет Майлин, Жүсіпбек Аймауытов, Сәбит Мұқанов журналистік шеберліктерін шыңдап, халыққа ақпарат тарату ісіне белсене қатысты.&nbsp;«Алаштың анасы» атанған қасиетті Сыр өңірінің ұлттық журналистика тарихында айрықша орны бар. Қазақ тарихындағы маңызды оқиғалар Қызылорда – ұлт баспасөзі мен журналистикасының рухани астанасы екенін айқын дәлелдейді. Тарихи сәттердің куәсі болған ардагерлеріміз бүгінде ортамызда. «Сыр бойымен» бірге сырласындай өмір сүріп келе жатқан Қазақстанның құрметті журналистері – Шәкірат Дәрмағанбетов, Қайырбек Мырзахметов ағаларымыз бен Рысты Бекбергенова апамыз мерейлі 90 жастың үстіне шықты. Осы газеттерден шыққан шығармашылық өкілдері елімізге танылып, қазақ әдебиетінде өзіндік ізін қалдырды. Олар: Асқар Тоқмағанбетов, Жақсылық Түменбай, Тынымбай Нұрмағанбетов, Әскербек Рахымбеков, Асқар Кіребаев, Қази Данабаев, Жолтай Жұмат секілді белгілі ақын-жазушылар.Аймағымызда Президентіміздің тапсырмасымен, Үкіметтің қолдауымен жүзеге асырылған жұмыстарды, игі бастамаларды халық арасында кеңінен насихаттауда қалалық, аудандық басылымдармен қатар «Халық», «Әлімсақ», «Ұстаз мәртебесі», «Тіл сақшысы», «Сыр мектебі» секілді &nbsp;газет-журналдар мен интернет ресурстардағы бірнеше ақпараттық агенттік белсенді қызмет атқаруда.Сыр өңірінің жылнамасын, Тәуелсіздік шежіресін &nbsp;жасаудағы қажырлы еңбектеріңіз үшін сіздерге зор ризашылығымды, алғысымды білдіремін.&nbsp; Ақпарат айдынында заман көшінен қалмай, жаңа медианы меңгеріп, елдікті сақтау, азаттықты баянды ету жолында абыройлы қызмет атқара беріңіздер! Мерейлі мерекеде дендеріңізге саулық, шығармашылықтарыңызға шабыт, отбасыларыңызға бақ-береке тілеймін!», - деді Н.Нәлібаев.Мерекелік жиында &nbsp;салаға ізденісі мен кәсіби шеберлігін арнап, оқырман мен көрермен құрметіне бөленген журналистер марапат төрінен көрінді. Мемлекет басшысының Жарлығымен облыстық «Сыр бойы» газеті "Руханият" бөлімінің меңгерушісі, Қазақстан Жазушылар және Журналистер &nbsp;одағының мүшесі Дүйсенбек Беркінбаев «Құрмет» орденімен, республикалық «Казахстанская правда» газетінің меншікті тілшісі Әлібек Байшүленов пен "Қоғам ТВ" арнасының шеф-редакторы Баян Құлтанова «Ерен еңбегі үшін» медалімен марапатталды. Сондай-ақ, бірқатар тілшілерге облыстың ең жоғарғы наградасы - Қызылорда облысының «Құрмет» грамотасы, облыс әкімінің Алғыс хаты мен номинациялар табысталды.Бүгінде Сыр журналистикасының тарихы өзінің ғасырлық белесіне жақындады. Өткен жылы еліміздегі ең байырғы басылымдардың бірі &nbsp;- облыстық «Сыр бойы» газетінің жарыққа шыққанына 95 жыл толса, биыл «Кызылординские вести» газеті 95 жылдығын атап өтуде. &nbsp;Жалағаш аудандық «Жалағаш жаршысы» басылымына 90 жыл, Шиелі аудандық «Өскен өңір», Сырдария аудандық «Тіршілік тынысы» газеттеріне 85 жыл, Қызылорда қалалық «Ақмешіт апталығы» газетінің жарық көргеніне 30 жыл толды.Қызылорда облысы әкімінің баспасөз қызметі

Журналистер құрметке бөленген күн

<a href="https://kyzylorda-news.kz/">Kyzylorda-news.kz</a> Қазақстандық пойыздардың барлығында дерлік&nbsp;бейнекамералар пайда болады. Ол құқықбұзушылықтардың санын азайтып, жолаушылар&nbsp;ұмытып кеткен&nbsp;заттарды&nbsp;табуға көмектеседі. Қазірдің өзінде төрт мың камера орнатылған. Жыл соңына дейін барлық 112 бағыттағы пойыздарды толық бейнекамералармен жабдықтау жоспарланған. Бұл туралы <a href="http://stan.kz/">Stan.kz</a> ақпарат агенттігі <a href="https://www.ktk.kz/ru/news/video/2025/06/26/295293/">KTK</a> телеарнасына сілтеме жасап хабарлайды.Мамандардың айтуынша, бейнебақылау камераларындағы жазбалар ситуациялық орталықта мұқият бақыланады. Вагондардағы&nbsp;видеолар&nbsp;нақты уақыт режимінде таратылады. Бұл стандартты емес жағдайларға дер кезінде әрекет етуге көмектеседі.&nbsp;"Қазақстан темір жолы"&nbsp;өкілдері бейнебақылау жақында&nbsp;пайда болғанына қарамастан, пойыздардағы тәртіп бұзушылық деңгейі қазірдің өзінде 21% төмендегенін атап өтті. Шағымдар саны да үштен бірге азайған. Ал ұмытылған әрбір тоғызыншы зат иелеріне қайтарылған. Ал жаңа вагондар бейнебақылау жүйесімен жабдықталған күйде келіп жатыр екен."Бейнеаналитикалық жүйенің көмегімен пойыздардағы түтін, бұзақылық, бет-әлпетті тану сияқты ерекше жағдайларды анықтай аламыз. Бұл бірінші кезекте жолаушылардың жайлылығына, олардың қауіпсіздігіне бағытталған", – "Жолаушылар тасымалы" АҚ басқарма төрағасының орынбасарыМұрат Төрегелдин.

Қазақстан және Қызылорда облысының жаңалықтары: Қоғам